N - ԵԱՔԴ/0117/01/16

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

՚07ՙ փետրվարի 2017թ. ք.Երևան

ԵՐԵՎԱՆ ՔԱՂԱՔԻ ԱՐԱԲԿԻՐ ԵՎ ՔԱՆԱՔԵՌ-ԶԵՅԹՈՒՆ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ

ՆԱԽԱԳԱՀՈՂ ԴԱՏԱՎՈՐ Մ.ՄԵԼՔՈՆՅԱՆ
ՔԱՐՏՈՒՂԱՐՈՒԹՅԱՄԲª Ժ.ԿՈԾԻՆՅԱՆԻ

ՄԱՍՆԱԿՑՈՒԹՅԱՄԲª
ՄԵՂԱԴՐՈՂ Հ.ՍԱՐԳՍՅԱՆԻ
ԱՄԲԱՍՏԱՆՅԱԼ Տ.ՍԱՐԳՍՅԱՆԻ

Դռնբաց դատական նիստում քննության առնելով քրեական գործն ըստ մեղադրանքի Տիգրան Ֆեոդորի Սարգսյանի` ծնված 20.11.1977թվականին, քաղաք Երևան,ազգությամբ հայ, ՀՀ քաղաքացի, միջ-
նակարգ կրթությամբ, չամուսնացած, ֆիզիկապես վատառողջ, չի աշխատում, նախկինում
չդատված, բնակվում է քաղաք Երևան, Շիրակի փողոց 2ա շենք 210բնակարան հասցեում,
14.06.2016թվականին որպես խափանման միջոց է ընտրվել ստորագրություն չհեռանալու
մասին:
Մեղադրվում է ՀՀ Քրեական օրենսգրքի 244հոդվածով:
Դատաքննությամբ և գործի տվյալներով դատարանը

Պ Ա Ր Զ Ե Ց
Գործով ամբաստանյալ Տիգրան Ֆեոդորի Սարգսյանը մեղադրվում է այն բանում, որ նա չունենալով վարորդական իրավունքի վկայական, 2016թվականի փետրվարի 29-ին, ժամը 00.30-ի սահմաններում, ՚Սամանդՙ մակնիշի 159 ԼՏ 61 հ/հ ավտոմեքենան վարել է Երևան քաղաքի Կոմիտաս պողոտայովª Փափազյան փողոցի կողմից դեպի Կասյան փողոց տանող ուղեմասի ձախ եզրային գոտով, շուրջ 50կմ/ժամ արագությամբ: Հասնելով Կոմիտաս պողոտայի թիվ 1հասցեի դիմացª թույլ է տվել ՃԵԿ-ի 67կետի և ՚Ճանապարհային երթևեկության անվտանգության ապահովման մասինՙ ՀՀ Օրենքի 23հոդվածի 3-րդ կետի պահանջներին հակասող գործողություններ, այն էª իրականացնելով ոչ պատշաճ ու վտանգավոր երթևեկությունª ուշադրությունը շեղել է ճանապարհատրանսպորտային իրադրությունից, ավտոմեքենան մասնակիորեն դուրս է բերել հանդիպակաց ուղեմաս և ճանապարհի հանդիպակաց ուղեմասերը բաժանող հոծ գծանշումների վրա, ավտոմեքենայի առջևի հատվածով վրաերթի է ենթարկել հետիոտն Սվետլանա Աշոտի Հարությունյանին և անզգուշությամբ պատճառել նրան առողջության տևական քայքայումով միջին ծանրության մարմնական վնասվածքներª ինքն իրեն զրկելով վրաերթը կանխելու տեխնիկական հնարավորությունից: Այնուհետև Տ.Սարգսյանը, ՃԵԿ-ի պահանջների խախտմամբ վրաերթ կատարելուց հետո, խախտել է նաև ՚Ճանապարհային երթևեկության անվտանգության ապահովման մասինՙ ՀՀ Օրենքի 24հոդվածի 2-րդ կետի պահանջըª թողել է ճանապարհատրանսպորտային պատահարի վայրը և հեռացել:
Վերը նշված հանցավոր արարքը կատարելու համար նախաքննական մարմինը Տիգրան Ֆեոդորի Սարգսյանին մեղադրանք է առաջադրել ՀՀ Քրեական օրենսգրքի 244հոդվածով:
21.06.2016թվականին քրեական գործն ըստ մեղադրանքի Տիգրան Ֆեոդորի Սարգսյանիª ՀՀ Քրեական օրենսգրքի 244հոդվածով, մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
Ինչպես նախաքննության, այնպես էլ դատաքննության ընթացքում ամբաստանյալ Տիգրան Ֆեոդորի Սարգսյանն առաջադրված մեղադրանքում իրեն մեղավոր է ճանաչել և ցուցմունքներ է տվել այն մասին, որ չունենալով վարորդական իրավունքի վկայական, 2016թվականի փետրվարի 29-ին, ժամը 00:30-ի սահմաններում ՚Սամանդՙ մակնիշի 159 ԱՏ 61 հ/հ ավտոմեքենան մեկ անծանոթ ուղևորով, առանց բեռի վարել է Երևան քաղաքի Կոմիտասի պողոտայովª Փափազյան փողոցի կողմից դեպի Կասյան փողոց տանող ուղեմասի ձախ եզրային գոտով, ձախակողմյան զույգ հոծ գծերից մոտ 0.5մետր հեռավորությամբ և շուրջ 50 կմ/ժամ արագությամբ: Հասնելով Կոմիտաս պողոտայի և Գյուլբենկայն փողոցի խաչմերուկինª տեսել է, որ իր երթևեկության համար նախատեսված լուսացույցի վրա վառվում է կարմիր ազդանշանը, դիմել է արգելակման և կանգնել ՚Կանգ գիծՙ գծանշման դիմաց: Մի քանի վայրկյան անց, երբ լուսացույցի լույսը փոխվել է կանաչ, վերսկսել է ընթացքը, հատել ՚Կանգ գիծՙ գծանշումը և զարգացնելով մոտ 50կմ/ժամ արագությունª ուղիղ հատել է խաչմերուկը, հասել Կոմիտասի պողոտայի թիվ 1հասցեի դիմաց, ապա ուղևորի հետ զրուցելու պատճառով ուշադրությունը շուրջ 2-3վայրկյան շեղել է նրա կողմը ու երբ վերականգնել է ուշադրությունը տեսել է, որ արդեն գտնվում է հանդիպակաց ուղեմասում, իսկ հոծ գծանշումների վրա նկատել է կանգնած մի կնոջ: Վրաերթից խուսափելու համար դիմել է կտրուկ արգելակման և ղեկը թեքել է դեպի աջ, սակայն մեքենայի առջևի հատվածով վրաերթի է ենթարկել հոծ գծերի վրա կանգնած հետիոտն կնոջը և մի քանի մետր առաջ գնալովª կանգ է առել, որից հետո իջել է մեքենայից, մոտեցել վրաերթի ենթարկված հետիոտին ու մի քանի րոպե այնտեղ մնալուց հետո, վերադարձել է, նստել մեքենան և հեռացել դեպքի վայրից, այնուհետև դեպքից մի քանի օր անց, ինքնակամ ներկայացել է ՀՀ ոստիկանության Արաբկիրի բաժին և հայտնել կատարվածի մասին /գ.թ. 24-25, 104, 121, դատական նիստի արձանագրություն/:
Ամբաստանյալ Տիգրան Ֆեոդորի Սարգսյանի կատարած արարքը բացի նրա խոստովանական ցուցմունքներից, հիմնավորվել է նաև քրեական գործով ձեռք բերված հետևյալ ապացույցներով:
Գործով վկա Սվետլանա Հարությունյանի նախաքննության և դատաքննության ընթացքում տված նույնաբովանդակ ցուցմունքներով այն մասին, որ 2016թվականի փետրվարի 29-ին ժամը 00:30-ի սահմաններում, գտնվել է Երևան քաղաքի Կոմիտասի պողոտայումª Կասյան փողոցի կողմից դեպի Կոմիտասի պողոտայի և Գյուլբենկյան փողոցի խաչմերուկ տանող ուղեմասի մայթին և ցանկացել է հատել փողոցը դեպի հանդիպակաց մայթի ուղղությամբ: Այդ նպատակով իջել է մայթից, ուղիղ, հանգիստ քայլերով հատել է նշված ուղեմասը և կանգնել Կոմիտասի պողոտան երկու ուղեմասերի բաժանող զույգ հոծ գծանշումների վրաª ճանապարհը հանդիպակաց ուղեմասով ընթացող ավտոմեքենաներին զիջելու և պողոտայի հատումը շարունակելու համար, սակայն դեռևս կանգնած վիճակում, անսպասելի վրաերթի է ենթարկվել աջ կողմից իրեն մոտեցող մի ավտոմեքենայի կողմից, ընկել է ասֆալտին, ստացել մարմնական վնասվածքներ, իսկ իրեն վրաերթի ենթարկած ավտոմեքենայի վարորդը հեռացել է դեպքի վայրից /գ.թ. 35-36, դատական նիստի արձանագրություն/:
Դատաբժշկական փորձաքննության թիվ 0443/հ եզրակացությամբ այն մասին, որ Սվետլանա Հարությունյանի մարմնական վնասվածքներըª ձախ կոնք-ազդրային, ծնկային հոդերի շրջանների սանարդի, միջային կապանի պոկման ձևով, հասցվել ենª բութ, կոշտ առարկաներով, հնարավոր էª որոշման մեջ նշված ժամկետին և առաջադրված պայմաններում, որոնք առաջացրել են առողջությանը միջին ծանրության վնասª առողջության տևական քայքայումով /գ.թ. 39-40/:
Դատաավտոտեխնիկական փորձաքննության թիվ 14651608եզրակացությամբ այն մասին, որ ՚Սամանդՙ մակնիշի 159 ԼՏ 61 հ/հ ավտոմեքենայի բանվորական արգելակային համակարգը գտնվում է աշխատունակ վիճակում և դրա այնպիսի անսարքություններ, որպիսիք գոյություն ունեցած լինեին մինչև տվյալ պատահարը և առաջ բերեին ավտոմեքենայի անկառավարելիությունª ավտոմեքենայի ընթացքի արագությունը կարգավորելու առումով, չեն հայտնաբերվել: ՚Սամանդՙ մակնիշի 159 ԼՏ 61 հ/հ ավտոմեքենայի ղեկային կառավարման համակարգը գտնվում է աշխատունակ վիճակում և այդ համակարգի այնպիսի վնասվածքներ կամ անսարքություններ, որպիսիք գոյություն ունեցած լինեին մինչև տվյալ պատահարը և առաջ բերեին ավտոմեքենայի անկառավարելիությունª շարժման ուղղությունը փոխելու առումով, չեն հայտնաբերվել: ՚Սամանդՙ մակնիշի 159 ԼՏ 61 հ/հ ավտոմեքենայի ընթացային մասըª կախոցներն ու անիվները, գտնվում են աշխատունակ վիճակում և դրանց այնպիսի անսարքություններ, որպիսիք գոյություն ունեցած լինեին մինչև տվյալ պատահարը և առաջ բերեին ավտոմեքենայի ընթացքի անկայունություն կամ անկառավարելիություն, չեն հայտնաբերվել /գ.թ. 73-77/:
Դատաավտոտեխնիկական փորձաքննության թիվ 19671608եզրակացությամբ այն մասին, որ ՚Սամանդՙ մակնիշի 159 ԼՏ 61 հ/հ ավտոմեքենայի վարորդը, իրականացնելով ոչ պատշաճ ու վտանգավոր երթևեկություն, այն էª երթևեկության ընթացքում ուշադրությունը շեղելով ճանապարհատրանսպորտային իրադրությունից, որի արդյունքում իր վարած ավտոմեքենան մասնակիորեն դուրս է բերել հանդիպակաց ուղեմաս և ճանապարհի հանդիպակաց ուղեմասերը բաժանող հոծ գծանշումների վրա վրաերթի է ենթարկել հետիոտնին, տեխնիկական տեսակետից ստեղծել է վթարային իրադրություն և թույլ տվել ՃԵԿ-ի 67 կետի ու ՚Ճանապարհային երթևեկության անվտանգության ապահովման մասինՙ ՀՀ Օրենքի 23 հոդվածի 3-րդ կետի պահանջներին հակասող գործողություններ, դրանով իսկ պայմանավորել տվյալ վրաերթի առաջացումըª ինքն իրեն զրկելով այն կանխելու տեխնիկական հնարավորությունից: Ինչ վերաբերվում է ՚Սամանդՙ մակնիշի 159 ԼՏ 61 հ/հ ավտոմեքենայի վարորդի գործողությանըª պատահարի վայրից հեռանալու առումով, ապա դրա գնահատման համար ավտոտեխնիկական փորձագետի հատուկ մասնագիտական գիտելիքներ չեն պահանջվում: Այն ենթակա է իրավական գնահատմանª ելնելով ՚Ճանապարհային երթևեկության անվտանգության ապահովման մասինՙ ՀՀ Օրենքի 24հոդվածի 2-րդ կետի պահանջների տեսանկյունից:Պատահարի պարագաներում ՚Սամանդՙ մակնիշի 159 ԼՏ 61 հ/հ ավտոմեքենայի վարորդը, երթևեկության անվտանգությունն ապահովելու և տվյալ վրաերթի առաջացումը բացառելու նպատակով պետք է երթևեկության ընթացքում ուշադրությունը չշեղեր ճանապարհատրանսպորտային իրադրությունիցª ձեռնպահ մնալով ավտոմեքենան հանդիպակաց ուղեմաս դուրս բերելուց և ճանապարհի հանդիպակաց ուղեմասերը բաժանող հոծ գծանշումների վրա հետիոտնին վրաերթի ենթարկելուց /գ.թ. 95-99/:
Տրանսպորտային միջոցի զննության արձանագրությամբ այն մասին, որ վրաերթի հետևանքով դեֆորմացվել է, իրեղեն ապացույց ճանաչված և ՀՀ Ոստիկանության ՃՈ ծառայությանն ի պահ հանձնված, ՚Սամանդՙ մակնիշի 159 ԼՏ 61 հ/հ ավտոմեքենայի շարժիչի ծածկոցը /գ.թ. 28-29, 102/:
Դատարանը վերլուծելով և գնահատելով դատաքննության ընթացում հետազոտված ապացույցները իրենց վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, ներքին համոզմամբ ապացուցված է համարում, որ ամբաստանյալ Տիգրան Ֆեոդորի Սարգսյանը կատարել է արարք, որը համապատասխանում է ՀՀ Քրեական օրենսգրքի 244հոդվածի հատկանիշներին, հետևաբար նա պետք է քրեական պատասխանատվության ենթարկվի:
Ամբաստանյալի նկատմամբ պատիժ նշանակելիս դատարանը հաշվի է առնում նրա կատարած արարքի բնույթն ու հասարակական վտանգավորության աստիճանը, շարժառիթը, հետևանքը, հանցագործության տարածվածությունը, ամբաստանյալի անձը բնութագրող տվյալները, պատասխանատվությունը և պատիժը մեղմացնող կամ ծանրացնող հանգամանքները, նկատի ունենալով այն, որ քրեական պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները:
Դատարանը ղեկավարվելով ՀՀ Քրեական օրենսգրքի 62հոդվածի 2-րդ մասով, ամբաստանյալ Տիգրան Ֆեոդորի Սարգսյանի պատասխանատվությունը և պատիժը մեղմացնող հանգամանքներ հաշվի է առնում այն, որ նա իրեն մեղավոր է ճանաչել, տվել է խոստովանական ցուցմունքներ, զղջացել է կատարած արարքի համար, ֆիզիկապես վատառողջ է, տառապում է ՚ՄԻԱՎ վարակ, 1-ին կլինիկական փուլ, խիստ արտահայտված իմունային անբավարարությունՙ ախտորոշմամբ հիվանդությամբ, դրական է բնութագրվում հարևանների և ՚Բաջոՙ ՍՊԸ-ի տնօրեն Վ.Այվազյանի կողմից:
Ամբաստանյալի պատասխանատվությունը և պատժը ծանրացնող հանգամանքներ չկան:
Հաշվի առնելով ամբաստանյալի պատասխանատվությունը և պատիժը մեղմացնող վերոգրյալ հանգամանքները, ինչպես նաև պատասխանատվությունը և պատիժը ծանրացնող հանգամանքների բացակայությունը, ղեկավարվելով ՀՀ Քրեական օրենսգրքի 10, 11, 48, 61հոդվածներով ամրագրված արդարության, պատասխանատվության անհատականացման և մարդասիրության սկզբունքներով, որ հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար, հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները, դատարանը հանգում է հետևության, որ ամբաստանյալի նկատմամբ պետք է պատիժ նշանակել տուգանքի ձևով:
Ամբաստանյալ Տիգրան Սարգսյանի նկատմամբ ընտրված խափանման միջոցը` ստորագրություն չհեռանալու մասին, պետք է թողնել անփոփոխ մինչև դատավճռի օրինական ուժի մեջ մտնելը:
Գործով քաղաքացիական հայցի պահանջ չկա:
Քննության առնելով իրեղեն ապացույցների տնօրինման հարցը, դատարանը հանգում է այն հետևության, որ իրեղեն ապացույց ճանաչված ՚Սամանդՙ մակնիշի 159 ԼՏ 61հ/հ ավտոմեքենան, որն ի պահ է հանձնվել ՚Ճանապարհային ոստիկանությունՙ ծառայությանը, պետք է վերադարձնել սեփականատիրոջ տնօրինությանը:
Ելնելով վերոգրյալից և ղեկավարվելով ՀՀ Քրեական դատավարության օրենսգրքի 357-360, 365, 369-375հոդվածներով դատարանը
Վ Ճ Ռ Ե Ց
Տիգրան Ֆեոդորի Սարգսյանին մեղավոր ճանաչել ՀՀ Քրեական օրենսգրքի 244հոդվածով և դատապարտել տուգանքի Հայաստանի Հանրապետությունում սահմանված նվազագույն աշխատավարձի երկուհարյուրհիսնապատիկիª 250000/երկու հարյուր հիսուն հազար/ ՀՀ դրամի չափովª տրանսպորտային միջոցներ վարելու իրավունքի զրկմամբ 2/երկու/ տարի ժամկետով:
Խափանման միջոցը` ստորագրություն չհեռանալու մասին, թողնել անփոփոխ մինչև դատավճռի օրինական ուժի մեջ մտնելը:
Քաղաքացիական հայցի պահանջ չկա:
Գործով իրեղեն ապացույց ճանաչված ՚Սամանդՙ մակնիշի 159 ԼՏ 61համարանիշի ավտոմեքենան վերադարձնել սեփականատիրոջը:
Դատավճիռը կարող է բողոքարկվել ՀՀ Վերաքննիչ քրեական դատարանª հրապարակման պահից մեկամսյա ժամկետում:

ԴԱՏԱՎՈՐª Մ.ՄԵԼՔՈՆՅԱՆ