Գործ No ԵԱՔԴ/0086/01/16

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


ՙ05՚ դեկտեմբերի 2017 թվական քաղաք Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը,

նախագահությամբ` դատավոր Արթուր Մկրտչյանի
քարտուղարությամբ` Միլենա Սարգսյանի
Շուշան Վանոյանի
Ռուզաննա Պետրոսյանի

մասնակցությամբ`
մեղադրողներ Վահագն Պողոսյանի
Արսեն Մարտիրոսյանի
պաշտպաններ Սիրանուշ Հարությունյանի
Կարեն Քամալյանի
Համբարձում Հարությունյանի
Կարինե Խաչատրյանի
տուժողներ Նարեկ Մեհրաբյանի
Կարեն Թաշչյանի
Արման Մանուչարյանի
Արտակ Կարապետյանի

դատարանում, դռնբաց դատական նիստում քննեց քրեական գործն ըստ մեղադրանքի
Հովհաննես Մարտիրոսի Խաչատրյանի /ծնված 1987 թվականի օգոստոսի 20-ին` Երևան քաղաքում, հայ, ՀՀ քաղաքացի, միջնակարգ կրթությամբ, չամուսնացած, չի աշխատում, դատվածություն չունեցող, հաշվառված` քաղաք Երևան, Բաշինջաղյան 1-ին փողոց 1-ին շենք 25-րդ բնակարան, փաստացի բնակվող` քաղաք Երևան, Դավթաշեն 3-րդ փողոց, 27-րդ տուն, ներկայումս` ՀՀ ԱՆ ՙՆուբարաշեն՚ ՔԿՀ կալանավոր, կալանքի տակ է` 2015 թվականի հոկտեմբերի 22-ից/, մեղադրվում է ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով և 34-177-րդ հոդվածի 3-րդ մասի 2-րդ կետով,

Գուրգեն Նիկոլայի Գրիգորյանի /ծնված 1979 թվականի նոյեմբերի 25-ին` Երևան քաղաքում, հայ, ՀՀ քաղաքացի, ամուսնացած, տարրական կրթությամբ, չի աշխատում, հաշվառված` քաղաք Երևան, Գրողների փողոց 24-րդ տուն, նախկինում դատված` 1) 23.03.2011թ. Երևան քաղաքի Ավան և Նոր-Նորք վարչական շրջանների ընդհանուր իրավասության դատարանի դատավճռով ՀՀ քրեական օրենսգրքի 177-րդ հոդվածի 2-րդ մասի 1-ին և 4-րդ կետերով և 34-177-րդ հոդվածի 2-րդ մասի 4-րդ կետով, 66-րդ հոդվածի կանոններով դատապարտվել է 2 տարի 6 ամիս ժամկետով ազատազրկման, 2) 03.10.2012թ. Լոռու մարզի ընդհանուր իրավասության դատարանի դատավճռով ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետեով դատապարտվել է 3 տարի ժամկետով ազատազրկման, 12.03.2014թ. պատժից ազատվել է պայմանական վաղաժամկետ, ներկայումս` ՀՀ ԱՆ ՙՆուբարաշեն՚ ՔԿՀ կալանավոր, կալանքի տակ է 2015 թվականի նոյեմբերի 5-ից/, մեղադրվում է 1 դրվագով` ՀՀ քրեական օրենսգրքի 34-177-րդ հոդվածի 3-րդ մասի 2-րդ կետով և 2 դրվագով` 177-րդ հոդվածի 3-րդ մասի 2-րդ կետով,

Հարություն Ժորայի Հարությունյանի /ծնված 1982 թվականի նոյեմբերի 16-ին` Երևան քաղաքում, հայ, ՀՀ քաղաքացի, ամուսնացած, միջնակարգ կրթությամբ, չի աշխատում, հաշվառված` քաղաք Երևան, Բաշինջաղյան փողոց, 192-րդ շենք 68-րդ բնակարան, նախկինում դատված` 1) 27.06.2011թ. Երևան քաղաքի Շենգավիթ վարչական շրջանի ընդհանուր իրավասության դատարանի դատավճռով ՀՀ քրեական օրենսգրքի 112-րդ հոդվածի 1-ին մասով դատապարտվել է 3 տարի ժամկետով ազատազրկման, 2) 03.10.2012թ. Լոռու մարզի ընդհանուր իրավասության դատարանի դատավճռով ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետեով դատապարտվել է 3 տարի ժամկետով ազատազրկման, որին գումարվել է 27.06.2011թ. դատավճռով նշանակված պատժի չկրած մասից 1 տարի ժամկետով ազատզրկումը և վերջնական պատիժ է նշանակվել ազատազրկում 4 տարի ժամկետով, ներկայումս` ՀՀ ԱՆ ՙՆուբարաշեն՚ ՔԿՀ կալանավոր, կալանքի տակ է 2015 թվականի նոյեմբերի 5-ից/, մեղադրվում է 1 դրվագով` ՀՀ քրեական օրենսգրքի 34-177-րդ հոդվածի 3-րդ մասի 2 կետով և 2 դրվագով` 177-րդ հոդվածի 3-րդ մասի 2-րդ կետով:

Արգիշտի Մուշեղի Սուքիասյանի /ծնված 1988 թվականի մարտի 29-ին` Երևան քաղաքում, հայ, ՀՀ քաղաքացի, չամուսնացած, ութամյա կրթությամբ, չի աշխատում, նախկինում չդատված, հաշվառված` քաղաք Երևան, Հաղթանակ 4-րդ փողոց, 4-րդ տուն, ներկայումս` ՀՀ ԱՆ ՙՆուբարաշեն՚ ՔԿՀ կալանավոր, կալանքի տակ է` 2015 թվականի նոյեմբերի 5-ից/, մեղադրվում է 1 դրվագով ՀՀ քրեական օրենսգրքի 34-177-րդ հոդվածի 3-րդ մասի 2-րդ կետով և 2 դրվագով` 177-րդ հոդվածի 3-րդ մասի 2-րդ կետով:

Գործի դատավարական նախապատմությունը

2015 թվականի օգոստոսի 07-ին ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնում ՀՀ քրեական օրենսգրքի 34-176-րդ հոդվածի 1-ին մասով հարուցվել է թիվ 12201215 քրեական գործը:
2015 թվականի հոկտեմբերի 07-ին Հովհաննես Խաչատրյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 34-176-րդ հոդվածի 1-ին մասով:
2015 թվականի հոկտեմբերի 22-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնում ՀՀ քրեական օրենսգրքի 34-177-րդ հոդվածի 2-րդ մասի 1-ին կետով հարուցվել է թիվ 13830315 քրեական գործը:
2015 թվականի հոկտեմբերի 22-ին Հովհաննես Խաչատրյանը ձերբակալվել է:
2015 թվականի հոկտեմբերի 23-ին Հովհաննես Խաչատրյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 34-177-րդ հոդվածի 2-րդ մասի 1-ին կետով:
2015 թվականի հոկտեմբերի 24-ին Հովհաննես Խաչատրյանի նկատմամբ որպես խափանման միջոց է ընտրվել կալանավորումը:
2015 թվականի նոյեմբերի 05-ին թիվ 12201215 քրեական գործը միացվել է թիվ 13830315 քրեական գործին:
2015 թվականի նոյեմբերի 06-ին ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում ՀՀ քրեական օրենսգրքի 177-րդ հոդվածի 2-րդ մասի 1-ին կետով հարուցվել է թիվ 14819015 քրեական գործը:
2015 թվականի նոյեմբերի 06-ին Գուրգեն Գրիգորյանը, Արգիշտի Սուքիասյանը և Հարություն Հարությունյանը ձերբակալվել են:
2015 թվականի նոյեմբերի 07-ին թիվ 13830315 քրեական գործը միացվել է թիվ 14819015 քրեական գործին:
2015 թվականի նոյեմբերի 08-ին Հարություն Հարությունյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 177-րդ հոդվածի 3-րդ մասի 2-րդ կետով:
2015 թվականի նոյեմբերի 08-ին Արգիշտի Սուքիասյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 34-177-րդ հոդվածի 3-րդ մասի 2-րդ կետով:
2015 թվականի նոյեմբերի 08-ին Գուրգեն Գրիգորյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 34-177-րդ հոդվածի 3-րդ մասի 2-րդ կետով և 177-րդ հոդվածի 3-րդ մասի 2-րդ կետով:
2015 թվականի նոյեմբերի 08-ին Հարություն Հարությունյանի, Գուրգեն Գրիգորյանի և Արգիշտի Սուքիասյանի նկատմամբ որպես խափանման միջոց է կիրառվել կալանավորումը:
2015 թվականի նոյեմբերի 16-ին ՀՀ քննչական կոմիտեի Երևան քաղաքի քննչական վարչության Մալաթիա-Սեբաստիա վարչական շրջանի քննչական բաժնում ՀՀ քրեական օրենսգրքի 177-րդ հոդվածի 1-ին մասով հարուցվել է թիվ 16802915 քրեական գործը:
2015 թվականի նոյեմբերի 27-ին թիվ 16802915 քրեական գործը միացվել է թիվ 14819015 քրեական գործին:
2016 թվականի փետրվարի 11-ին Հովհաննես Խաչատրյանին առաջադրված մեղադրանքը փոփոխվել, լրացվել է և նրան կրկին մեղադրանք է առաջադրվել ՀՀ քրեական օրենսգրքի 34-176-րդ հոդվածի 1-ին մասով և 34-177-րդ հոդվածի 3-րդ մասի 2-րդ կետով և նա ներգրավվել է որպես մեղադրյալ:
2016 թվականի ապրիլի 21-ին Հովհաննես Խաչատրյանին առաջադրված մեղադրանքը փոփոխվել, լրացվել է և նրան կրկին մեղադրանք է առաջադրվել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով և 34-177-րդ հոդվածի 3-րդ մասի 2-րդ կետով և նա ներգրավվել է որպես մեղադրյալ:
2016 թվականի ապրիլի 21-ին Հարություն Հարությունյանին առաջադրված մեղադրանքը փոփոխվել, լրացվել է և նրան կրկին մեղադրանք է առաջադրվել ՀՀ քրեական օրենսգրքի 34-177-րդ հոդվածի 3-րդ մասի 2-րդ կետով` 1 դրվագ, 177-րդ հոդվածի 3-րդ մասի 2-րդ կետով` 2 դրվագ, և նա ներգրավվել է որպես մեղադրյալ:
2016 թվականի ապրիլի 21-ին Գուրգեն Գրիգորյանին առաջադրված մեղադրանքը փոփոխվել, լրացվել է և նրան կրկին մեղադրանք է առաջադրվել ՀՀ քրեական օրենսգրքի 34-177-րդ հոդվածի 3-րդ մասի 2-րդ կետով` 1 դրվագ, 177-րդ հոդվածի 3-րդ մասի 2-րդ կետով` 2 դրվագ, և նա ներգրավվել է որպես մեղադրյալ:
2016 թվականի ապրիլի 21-ին Արգիշտի Սուքիասյանին առաջադրված մեղադրանքը փոփոխվել, լրացվել է և նրան կրկին մեղադրանք է առաջադրվել ՀՀ քրեական օրենսգրքի 34-177-րդ հոդվածի 3-րդ մասի 2-րդ կետով` 1 դրվագ, 177-րդ հոդվածի 3-րդ մասի 2-րդ կետով` 2 դրվագ, և նա ներգրավվել է որպես մեղադրյալ:
2016 թվականի մայիսի 13-ին թիվ 14819015 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

Գործի փաստական հանգամանքները

Նախաքննության մարմինն ամբաստանյալ Հովհաննես Խաչատրյանին ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով և 34-177-րդ հոդվածի 3-րդ մասի 2 կետով մեղադրանք է առաջադրել, որ ՙնա, կատարել է կյանքի և առողջության համար ոչ վտանգավոր բռնություն գործադրելու սպառնալիքով զուգորդված ուրիշի գույքի բացահայտ հափշտակության փորձ, ինչպես նաև` կազմակերպված խմբի կազմում ուրիշի գույքի գաղտնի հափշտակության փորձ:
Այսպես.
Հովհաննես Մարտիրոսի Խաչատրյանը, ուրիշի գույքի զգալի չափերով գաղտնի հափշտակություն կատարելու դիտավորությամբ, 2015 թվականի հուլիսի 18-ին` ժամը 03-ի սահմաններում, գնացել է Երևան քաղաքի Նոր Արեշ 50 փողոց և մետաղյա լինգի գործադրմամբ հանել, ապա` գաղտնի հափշտակել է նույն փողոցի 60 հասցեի մոտ կայանված, Բագրատ Գրիգորյանին պատկանող, Արտակ Կարապետյանին վստահված ՙՄերսեդես Ջի 500՚ մակնիշի, 50 ZZ 101 հաշվառման համարանիշի ավտոմեքենայի պահեստային անվադողի` զգալի չափերի` 130.000 ՀՀ դրամ արժողությամբ մետաղյա պատյանը, սակայն հեռանալու ընթացքում` դեպքի վայրից շուրջ 15 մետր հեռավորության վրա, նկատվել է ՀՀ ոստիկանության ՊՊԾ աշխատակիցներ Արսեն Մելքոնյանի և Արտակ Խուդավերդյանի կողմից, ովքեր, պահանջել են կանգնել: Հ.Խաչատրյանը հասկանալով, որ բացահայտվել է իր կողմից կատարված գաղտնի հափշտակությունը, չի ենթարկվել ՀՀ ոստիկանության նշված ստորաբաժանման աշխատակիցների օրինական պահանջին, գողոնը ձեռքին շարունակել է դիմել փախուստի` գիտակցելով իր կողմից բացահայտ հափշտակություն կատարելու հանգամանքը: Հասկանալով, որ չի կարողանում դիմել փախուստի` Հ.Խաչատրյանը կանգնել է, հանցագործությունն ավարտին հասցնելու նպատակով արարքը զուգորդել է Արսեն Մելքոնյանի կյանքի և առողջության համար ոչ վտանգավոր բռնություն գործադրելու իրական սպառնալիքով, մասնավորապես` մոտ 1.5 մետր հեռավորության վրա գտնվելու ընթացքում Ա.Մելքոնյանի ուղղությամբ թափահարել է ձեռքին եղած, հանցագործության գործիք հանդիսացող երկաթյա լինգը` սպառնալով, որ մոտենալու դեպքում կհարվածի, սակայն հանցագործությունն իր կամքից անկախ հանգամանքներով ավարտին չի հասցրել, քանի որ նրան վնասազերծել է հակառակ կողմում կանգնած Արտակ Խուդավերդյանը, ինչից հետո նրան բերման են ենթարկել ՀՀ ոստիկանության Էրեբունու բաժին` գողոնի և հանցագործության գործիքի հետ միասին:
Այսինքն, Հովհաննես Խաչատրյանին մեղսագրվում է հանցավոր արարք` նախատեսված ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով:
Բացի այդ, Հովհաննես Մարտիրոսի Խաչատրյանը, մտերիմներ Գուրգեն Գրիգորյանի, Արգիշտի Սուքիասյանի և Հարություն Հարությունյանի հետ ուրիշի գույքի գաղտնի հափշտակություններ կատարելու նպատակով միավորվելով ստեղծել են կազմակերպված կայուն խումբ, կատարել են դերերի բաշխում, այն է` Գուրգեն Գրիգորյանը համակարգել է խմբի մյուս անդամների գործողությունները` անձամբ մասնակցելով գաղտնի հափշտակություններին և Արգիշտի Սուքիասյանի հետ կազմակերպել է գողոնի իրացումը, Հարություն Հարությունյանը տրամադրել է տրանսպորտային միջոց և մասնակցել է խմբի կողմից կատարվող գաղտնի հափշտակություններին, Արգիշտի Սուքիասյանը մասնակցել է խմբի կողմից կատարվող գաղտնի հափշտակություններին և գողոնի իրացմանը, իսկ Հովհաննես Խաչատրյանը մասնակցել է միայն խմբի կողմից կատարվող գաղտնի հափշտակություններին: Մշակել են խմբի գործելակերպի կանոններ` գաղտնի հափշտակել միայն թանկարժեք ավտոմեքենաների արտաքին պահեստամասեր և գազի գլանանոթներ, հափշտակության վայր մեկնել առանց բջջային հեռախոսներ վերցնելու, գործել միայն Գուրգեն Գրիգորյանի իմացությամբ և թույլտվությամբ` ապահովելով խմբի գործունեության գաղտնիությունը: Նշված դերաբախշմամբ և մշակված կանոններով կազմակերպված խումբը Երևան քաղաքի տարբեր վարչական շրջաններում ուրիշի գույքի գաղտնի հափշտակություններ կատարելու հանցավոր գործունեությունը իրականացրել է 2015 թվականի հոկտեմբերից մինչև նույն թվականի նոյեմբերի 4-ն ընկած ժամանակահատվածում:
Այդ ընթացքում Հովհաննես Մարտիրոսի Խաչատրյանը կազմակերպված խմբի անդամներ Գուրգեն Գրիգորյանի և Հարություն Հարությունյանի հետ 2015 թվականի հոկտեմբերի 22-ին` ժամը 06-ի սահմաններում, գտնվելով Երևան քաղաքի Ալեք Մանուկյան փողոցի 10-րդ շենքի մոտակայքում, ուրիշի գույքի գաղտնի հափշտակություն կատարելու դիտավորությամբ մոտեցել են նույն շենքի բակում կայանված ՙՄերսեդես Ջի 500՚ մակնիշի, 01 DU 002 հաշվառման համարանիշի ավտոմեքենային, նախապես իրենց հետ վերցրած տեխնիկական միջոցների գործադրմամբ փորձել են հափշտակել հետևի լուսարձակների պլաստմասայե կաղապարները և դիմային հատվածի լուսաթարթիչների կաղապարները, սակայն հանցագործությունն իրենց կամքից անկախ հանգամանքներով ավարտին չեն հասցրել, քանի որ հայտնաբերվել են ՀՀ ոստիկանության Կենտրոնականի բաժնի Մարաշի բաժանմունքի աշխատակիցների կողմից, Գուրգեն Գրիգորյանը և Հարություն Հարությունյանը դեպքի վայրից դիմել են փախուստի, իսկ Հ.Խաչատրյանը բերման է ենթարկվել նշված բաժանմունք:՚:

Ամբաստանյալ Գուրգեն Գրիգորյանին ՀՀ քրեական օրենսգրքի 34-177-րդ հոդվածի 3-րդ մասի 2 կետով` 1 դրվագ, 177-րդ հոդվածի 3-րդ մասի 2-րդ կետով` 2 դրվագ մեղադրանք է առաջադրվել, որ ՙնա, կատարել է ուրիշի գույքի գաղտնի հափշտակություն և ուրիշի գույքի գաղտնի հափշտակության փորձ` կազմակերպված խմբի կազմում:
Այսպես.
Գուրգեն Նիկոլայի Գրիգորյանը, մտերիմներ Հովհաննես Խաչատրյանի, Արգիշտի Սուքիասյանի և Հարություն Հարությունյանի հետ ուրիշի գույքի գաղտնի հափշտակություններ կատարելու նպատակով միավորվելով ստեղծել են կազմակերպված կայուն խումբ, կատարել են դերերի բաշխում, այն է` Գուրգեն Գրիգորյանը համակարգել է խմբի մյուս անդամների գործողությունները` անձամբ մասնակցելով գաղտնի հափշտակություններին և Արգիշտի Սուքիասյանի հետ կազմակերպել է գողոնի իրացումը, Հարություն Հարությունյանը տրամադրել է տրանսպորտային միջոց և մասնակցել է խմբի կողմից կատարվող գաղտնի հափշտակություններին, Արգիշտի Սուքիասյանը մասնակցել է խմբի կողմից կատարվող գաղտնի հափշտակություններին և գողոնի իրացմանը, իսկ Հովհաննես Խաչատրյանը մասնակցել է միայն խմբի կողմից կատարվող գաղտնի հափշտակություններին: Մշակել են խմբի գործելակերպի կանոններ` գաղտնի հափշտակել միայն թանկարժեք ավտոմեքենաների արտաքին պահեստամասեր և գազի գլանանոթներ, հափշտակության վայր մեկնել առանց բջջային հեռախոսներ վերցնելու, գործել միայն Գուրգեն Գրիգորյանի իմացությամբ և թույլտվությամբ` ապահովելով խմբի գործունեության գաղտնիությունը: Նշված դերաբախշմամբ և մշակված կանոններով կազմակերպված խումբը Երևան քաղաքի տարբեր վարչական շրջաններում ուրիշի գույքի գաղտնի հափշտակություններ կատարելու հանցավոր գործունեությունը իրականացրել է 2015 թվականի հոկտեմբերից մինչև նույն թվականի նոյեմբերի 5-ն ընկած ժամանակահատվածում:
Այդ ընթացքում Գուրգեն Նիկոլայի Գրիգորյանը կազմակերպված խմբի անդամներ Հովհաննես Խաչատրյանի և Հարություն Հարությունյանի հետ 2015 թվականի հոկտեմբերի 22-ին` ժամը 06-ի սահմաններում, գտնվելով Երևան քաղաքի Ալեք Մանուկյան փողոցի 10-րդ շենքի մոտակայքում, ուրիշի գույքի գաղտնի հափշտակություն կատարելու դիտավորությամբ մոտեցել են նույն շենքի բակում կայանված ՙՄերսեդես Ջի 500՚ մակնիշի, 01 DU 002 հաշվառման համարանիշի ավտոմեքենային, նախապես իրենց հետ վերցրած տեխնիկական միջոցների գործադրմամբ փորձել են հափշտակել հետևի լուսարձակների պլաստմասայե կաղապարները և դիմային հատվածի լուսաթարթիչների կաղապարները, սակայն հանցագործությունն իրենց կամքից անկախ հանգամանքներով ավարտին չեն հասցրել, քանի որ հայտնաբերվել են ՀՀ ոստիկանության Կենտրոնականի բաժնի Մարաշի բաժանմունքի աշխատակիցների կողմից, ինքը և Հարություն Հարությունյանը դեպքի վայրից դիմել են փախուստի, իսկ Հ.Խաչատրյանը բերման է ենթարկվել նշված բաժանմունք:
Դրանից հետո կազմակերպված խումբը իր հանցավոր գործունեությունը շարունակել է Հովհաննես Խաչատրյանի բացակայությամբ և նախնական պայմանավորվածության համաձայն` 2015 թվականի նոյեմբերի 4-ին` ժամը 18.00-ից մինչև նոյեմբերի 5-ը` ժամը 09.00-ն ընկած ժամանակահատվածում, Գուրգեն Նիկոլայի Գրիգորյանը կազմակերպված խմբի անդամներ Արգիշտի Սուքիասյանի և Հարություն Հարությունյանի հետ կոտրել են Արման Վարուժանի Մանուչարյանին պատկանող, Երևան քաղաքի Սվաճյան 56 շենքի բակում կայանված ՙՕփել Վեկտրա՚ մակնիշի, 32 SU 088 հաշվառման համարանիշի ավտոմեքենայի հետևի աջ կողային ապակին և գաղտնի հափշտակել են ավտոմեքենայում տեղադրված, 65 լիտր տարողությամբ, 70.000 ՀՀ դրամ արժողության գազի գլանանոթը: Հետագայում Գուրգեն Գրիգորյանն իրացրել է հափշտակված գազի գլանանոթը` այն հանձնելով Երևան քաղաքի Գ.Շերամի փողոցի 98/8 հասցեում տեղակայված ավտոտեխսպասարկման կետի աշխատակից Հարություն Գափոյանին` ընկերոջ` Արսեն Զոհրաբյանի ավտոմեքենայում տեղադրելու նպատակով: Գողոնը հայտնաբերվել է մինչև ավտոմեքենայում տեղադրելը:
Այնուհետև, շարունակելով հանցավոր գործունեությունը, 2015 թվականի նոյեմբերի 4-ին` ժամը 02-ի սահմաններում, Գուրգեն Նիկոլայի Գրիգորյանը կազմակերպված խմբի անդամներ Արգիշտի Սուքիասյանի և Հարություն Հարությունյանի հետ վերջինիս ՙՕփել Աստրա՚ մակնիշի, 34 ZV 421 հաշվառման համարանիշի ավտոմեքենայով մեկնել են Երևան քաղաքի Վ.Փափազյան փողոցի 25-րդ շենքի բակ, որտեղ նշված ավտոմեքենայում առկա գործիքների օգտագործմամբ կոտրել են նույն բակում կայանված, Նարեկ Ցոլակի Մեհրաբյանի ՙՕփել Աստրա Ջի՚ մակնիշի, 04 NN 808 հաշվառման համարանիշի ավտոմեքենայի հետևի աջ կողային ապակին, բացել դուռը և ավտոմեքենայի սրահից գաղտնի հափշտակել են 800 ՀՀ դրամ արժողության գազի ծավալի ցուցիչը, թափքի սրահի երկու լուսարձակները` յուրաքանչյուրը 1.000 ՀՀ դրամ արժողության, 8.000 ՀՀ դրամ արժողության ՙՍոնի CDX-G1050U՚ մոդելի ձայնարկիչը, 9.000 ՀՀ դրամ արժողության ղեկանիվի անվտանգության ՙAirbag՚ անվտանգության բարձիկը և 70 լիտր տարողության, 78.000 ՀՀ դրամ արժողության գազի գլանանոթը: Նշված իրերը հայտնաբերվել են Հարություն Հարությունյանի ՙՕփել Աստրա՚ մակնիշի, 34 ZV 421 հաշվառման համարանիշի ավտոմեքենայում` խուզարկությամբ, և առգրավվել են:՚:

Ամբաստանյալ Հարություն Հարությունյանին ՀՀ քրեական օրենսգրքի 34-177-րդ հոդվածի 3-րդ մասի 2 կետով` 1 դրվագ, 177-րդ հոդվածի 3-րդ մասի 2-րդ կետով` 2 դրվագ մեղադրանք է առաջադրվել, որ ՙնա, կատարել է ուրիշի գույքի գաղտնի հափշտակություն և ուրիշի գույքի գաղտնի հափշտակության փորձ` կազմակերպված խմբի կազմում:
Այսպես.
Հարություն Ժորայի Հարությունյանը, մտերիմներ Հովհաննես Խաչատրյանի, Արգիշտի Սուքիասյանի և Գուրգեն Գրիգորյանի հետ ուրիշի գույքի գաղտնի հափշտակություններ կատարելու նպատակով միավորվելով ստեղծել են կազմակերպված կայուն խումբ, կատարել են դերերի բաշխում, այն է` Գուրգեն Գրիգորյանը համակարգել է խմբի մյուս անդամների գործողությունները` անձամբ մասնակցելով գաղտնի հափշտակություններին և Արգիշտի Սուքիասյանի հետ կազմակերպել է գողոնի իրացումը, Հարություն Հարությունյանը տրամադրել է տրանսպորտային միջոց և մասնակցել է խմբի կողմից կատարվող գաղտնի հափշտակություններին, Արգիշտի Սուքիասյանը մասնակցել է խմբի կողմից կատարվող գաղտնի հափշտակություններին և գողոնի իրացմանը, իսկ Հովհաննես Խաչատրյանը մասնակցել է միայն խմբի կողմից կատարվող գաղտնի հափշտակություններին: Մշակել են խմբի գործելակերպի կանոններ` գաղտնի հափշտակել միայն թանկարժեք ավտոմեքենաների արտաքին պահեստամասեր և գազի գլանանոթներ, հափշտակության վայր մեկնել առանց բջջային հեռախոսներ վերցնելու, գործել միայն Գուրգեն Գրիգորյանի իմացությամբ և թույլտվությամբ` ապահովելով խմբի գործունեության գաղտնիությունը: Նշված դերաբախշմամբ և մշակված կանոններով կազմակերպված խումբը Երևան քաղաքի տարբեր վարչական շրջաններում ուրիշի գույքի գաղտնի հափշտակություններ կատարելու հանցավոր գործունեությունը իրականացրել է 2015 թվականի հոկտեմբերից մինչև նույն թվականի նոյեմբերի 5-ն ընկած ժամանակահատվածում:
Այդ ընթացքում Հարություն Ժորայի Հարությունյանը կազմակերպված խմբի անդամներ Հովհաննես Խաչատրյանի և Գուրգեն Գրիգորյանի հետ 2015 թվականի հոկտեմբերի 22-ին` ժամը 06-ի սահմաններում, գտնվելով Երևան քաղաքի Ալեք Մանուկյան փողոցի 10-րդ շենքի մոտակայքում, ուրիշի գույքի գաղտնի հափշտակություն կատարելու դիտավորությամբ մոտեցել են նույն շենքի բակում կայանված ՙՄերսեդես Ջի 500՚ մակնիշի, 01 DU 002 հաշվառման համարանիշի ավտոմեքենային, նախապես իրենց հետ վերցրած տեխնիկական միջոցների գործադրմամբ փորձել են հափշտակել հետևի լուսարձակների պլաստմասայե կաղապարները և դիմային հատվածի լուսաթարթիչների կաղապարները, սակայն հանցագործությունն իրենց կամքից անկախ հանգամանքներով ավարտին չեն հասցրել, քանի որ հայտնաբերվել են ՀՀ ոստիկանության Կենտրոնականի բաժնի Մարաշի բաժանմունքի աշխատակիցների կողմից, ինքը և Գուրգեն Գրիգորյանը դեպքի վայրից դիմել են փախուստի, իսկ Հ.Խաչատրյանը բերման է ենթարկվել նշված բաժանմունք:
Այսինքն, Հարություն Ժորայի Հարությունյանին մեղսագրվում է հանցավոր արարք` նախատեսված ՀՀ քրեական օրենսգրքի 34-177-րդ հոդվածի 3-րդ մասի 2-րդ կետով:
Դրանից հետո կազմակերպված խումբը իր հանցավոր գործունեությունը շարունակել է Հովհաննես Խաչատրյանի բացակայությամբ և նախնական պայմանավորվածության համաձայն` 2015 թվականի նոյեմբերի 4-ին` ժամը 18.00-ից մինչև նոյեմբերի 5-ը` ժամը 09.00-ն ընկած ժամանակահատվածում, Հարություն Հարությունյանը կազմակերպված խմբի անդամներ Արգիշտի Սուքիասյանի և Գուրգեն Գրիգորյանի հետ կոտրել են Արման Վարուժանի Մանուչարյանին պատկանող, Երևան քաղաքի Սվաճյան 56 շենքի բակում կայանված ՙՕփել Վեկտրա՚ մակնիշի, 32 SU 088 հաշվառման համարանիշի ավտոմեքենայի հետևի աջ կողային ապակին և գաղտնի հափշտակել են ավտոմեքենայում տեղադրված, 65 լիտր տարողությամբ, 70.000 ՀՀ դրամ արժողության գազի գլանանոթը: Հետագայում Գուրգեն Գրիգորյանն իրացրել է հափշտակված գազի գլանանոթը` այն հանձնելով Երևան քաղաքի Գ.Շերամի փողոցի 98/8 հասցեում տեղակայված ավտոտեխսպասարկման կետի աշխատակից Հարություն Գափոյանին` ընկերոջ` Արսեն Զոհրաբյանի ավտոմեքենայում տեղադրելու նպատակով: Գողոնը հայտնաբերվել է մինչև ավտոմեքենայում տեղադրելը:
Այսինքն, Հարություն Ժորայի Հարությունյանին մեղսագրվում է հանցավոր արարք` նախատեսված ՀՀ քրեական օրենսգրքի 177-րդ հոդվածի 3-րդ մասի 2-րդ կետով:
Այնուհետև, շարունակելով հանցավոր գործունեությունը, 2015 թվականի նոյեմբերի 4-ին` ժամը 02-ի սահմաններում, Հարություն Ժորայի Հարությունյանը կազմակերպված խմբի անդամներ Արգիշտի Սուքիասյանի և Գուրգեն Գրիգորյանի հետ իր ՙՕփել Աստրա՚ մակնիշի, 34 ZV 421 հաշվառման համարանիշի ավտոմեքենայով մեկնել են Երևան քաղաքի Վ.Փափազյան փողոցի 25-րդ շենքի բակ, որտեղ նշված ավտոմեքենայում առկա գործիքների օգտագործմամբ կոտրել են նույն բակում կայանված, Նարեկ Ցոլակի Մեհրաբյանի ՙՕփել Աստրա Ջի՚ մակնիշի, 04 NN 808 հաշվառման համարանիշի ավտոմեքենայի հետևի աջ կողային ապակին, բացել դուռը և ավտոմեքենայի սրահից գաղտնի հափշտակել են 800 ՀՀ դրամ արժողության գազի ծավալի ցուցիչը, թափքի սրահի երկու լուսարձակները` յուրաքանչյուրը 1.000 ՀՀ դրամ արժողության, 8.000 ՀՀ դրամ արժողության ՙՍոնի CDX-G1050U՚ մոդելի ձայնարկիչը, 9.000 ՀՀ դրամ արժողության ղեկանիվի անվտանգության ՙAirbag՚ անվտանգության բարձիկը և 70 լիտր տարողության, 78.000 ՀՀ դրամ արժողության գազի գլանանոթը: Նշված իրերը հայտնաբերվել են Հարություն Հարությունյանի ՙՕփել Աստրա՚ մակնիշի, 34 ZV 421 հաշվառման համարանիշի ավտոմեքենայում` խուզարկությամբ, և առգրավվել են:՚:

Ամբաստանյալ Արգիշտի Սուքիասյանին ՀՀ քրեական օրենսգրքի 34-177-րդ հոդվածի 3-րդ մասի 2 կետով` 1 դրվագ, 177-րդ հոդվածի 3-րդ մասի 2-րդ կետով` 2 դրվագ մեղադրանք է առաջադրվել, որ ՙնա, կատարել է ուրիշի գույքի գաղտնի հափշտակություն և ուրիշի գույքի գաղտնի հափշտակության փորձ` կազմակերպված խմբի կազմում:
Այսպես.
Արգիշտի Մուշեղի Սուքիասյանը, մտերիմներ Հովհաննես Խաչատրյանի, Գուրգեն Գրիգորյանի և Հարություն Հարությունյանի հետ ուրիշի գույքի գաղտնի հափշտակություններ կատարելու նպատակով միավորվելով ստեղծել են կազմակերպված կայուն խումբ, կատարել են դերերի բաշխում, այն է` Գուրգեն Գրիգորյանը համակարգել է խմբի մյուս անդամների գործողությունները` անձամբ մասնակցելով գաղտնի հափշտակություններին և իր հետ կազմակերպել է գողոնի իրացումը, Հարություն Հարությունյանը տրամադրել է տրանսպորտային միջոց և մասնակցել է խմբի կողմից կատարվող գաղտնի հափշտակություններին, ինքն անձամբ մասնակցել է խմբի կողմից կատարվող գաղտնի հափշտակություններին և գողոնի իրացմանը, իսկ Հովհաննես Խաչատրյանը մասնակցել է միայն խմբի կողմից կատարվող գաղտնի հափշտակություններին: Մշակել են խմբի գործելակերպի կանոններ` գաղտնի հափշտակել միայն թանկարժեք ավտոմեքենաների արտաքին պահեստամասեր և գազի գլանանոթներ, հափշտակության վայր մեկնել առանց բջջային հեռախոսներ վերցնելու, գործել միայն Գուրգեն Գրիգորյանի իմացությամբ և թույլտվությամբ` ապահովելով խմբի գործունեության գաղտնիությունը: Նշված դերաբախշմամբ և մշակված կանոններով կազմակերպված խումբը Երևան քաղաքի տարբեր վարչական շրջաններում ուրիշի գույքի գաղտնի հափշտակություններ կատարելու հանցավոր գործունեությունը իրականացրել է 2015 թվականի հոկտեմբերից մինչև նույն թվականի նոյեմբերի 5-ն ընկած ժամանակահատվածում:
Այդ ընթացքում կազմակերպված խմբի անդամներ Գուրգեն Նիկոլայի Գրիգորյանը Հովհաննես Խաչատրյանը և Հարություն Հարությունյանը, խմբի մյուս անդամ Արգիշտի Սուքիասյանի գիտությամբ, խմբի բոլոր անդամների նախնական պայմանավորվածության և նախապես մշակված պլանի համաձայն` 2015 թվականի հոկտեմբերի 22-ին` ժամը 06-ի սահմաններում, գտնվելով Երևան քաղաքի Ալեք Մանուկյան փողոցի 10-րդ շենքի մոտակայքում, ուրիշի գույքի գաղտնի հափշտակություն կատարելու դիտավորությամբ մոտեցել են նույն շենքի բակում կայանված ՙՄերսեդես Ջի 500՚ մակնիշի, 01 DU 002 հաշվառման համարանիշի ավտոմեքենային, նախապես իրենց հետ վերցրած տեխնիկական միջոցների գործադրմամբ փորձել են հափշտակել հետևի լուսարձակների պլաստմասսե կաղապարները և դիմային հատվածի լուսաթարթիչների կաղապարները, սակայն հանցագործությունն իրենց կամքից անկախ հանգամանքներով ավարտին չեն հասցրել, քանի որ հայտնաբերվել են ՀՀ ոստիկանության Կենտրոնականի բաժնի Մարաշի բաժանմունքի աշխատակիցների կողմից, ինքը և Հարություն Հարությունյանը դեպքի վայրից դիմել են փախուստի, իսկ Հ.Խաչատրյանը բերման է ենթարկվել նշված բաժանմունք:
Այսինքն, Արգիշտի Մուշեղի Սուքիասյանին մեղսագրվում է հանցավոր արարք` նախատեսված ՀՀ քրեական օրենսգրքի 34-177-րդ հոդվածի 3-րդ մասի 2-րդ կետով:
Դրանից հետո կազմակերպված խումբը իր հանցավոր գործունեությունը շարունակել է Հովհաննես Խաչատրյանի բացակայությամբ և նախնական պայմանավորվածության համաձայն` 2015 թվականի նոյեմբերի 4-ին` ժամը 18.00-ից մինչև նոյեմբերի 5-ը` ժամը 09.00-ն ընկած ժամանակահատվածում, Արգիշտի Մուշեղի Սուքիասյանը կազմակերպված խմբի անդամներ Գուրգեն Գրիգորյանի և Հարություն Հարությունյանի հետ կոտրել են Արման Վարուժանի Մանուչարյանին պատկանող, Երևան քաղաքի Սվաճյան 56 շենքի բակում կայանված ՙՕփել Վեկտրա՚ մակնիշի, 32 SU 088 հաշվառման համարանիշի ավտոմեքենայի հետևի աջ կողային ապակին և գաղտնի հափշտակել են ավտոմեքենայում տեղադրված, 65 լիտր տարողությամբ, 70.000 ՀՀ դրամ արժողության գազի գլանանոթը: Հետագայում Գուրգեն Գրիգորյանն իրացրել է հափշտակված գազի գլանանոթը` այն հանձնելով Երևան քաղաքի Գ.Շերամի փողոցի 98/8 հասցեում տեղակայված ավտոտեխսպասարկման կետի աշխատակից Հարություն Գափոյանին` ընկերոջ` Արսեն Զոհրաբյանի ավտոմեքենայում տեղադրելու նպատակով: Գողոնը հայտնաբերվել է մինչև ավտոմեքենայում տեղադրելը:
Այսինքն, Արգիշտի Մուշեղի Սուքիասյանին մեղսագրվում է հանցավոր արարք` նախատեսված ՀՀ քրեական օրենսգրքի 177-րդ հոդվածի 3-րդ մասի 2-րդ կետով:
Այնուհետև, շարունակելով հանցավոր գործունեությունը, 2015 թվականի նոյեմբերի 4-ին` ժամը 02-ի սահմաններում, Արգիշտի Մուշեղի Սուքիասյանը կազմակերպված խմբի անդամներ Գուրգեն Գրիգորյանի և Հարություն Հարությունյանի հետ վերջինիս ՙՕփել Աստրա՚ մակնիշի, 34 ZV 421 հաշվառման համարանիշի ավտոմեքենայով մեկնել են Երևան քաղաքի Վ.Փափազյան փողոցի 25-րդ շենքի բակ, որտեղ նշված ավտոմեքենայում առկա գործիքների օգտագործմամբ կոտրել են նույն բակում կայանված, Նարեկ Ցոլակի Մեհրաբյանի ՙՕփել Աստրա Ջի՚ մակնիշի, 04 NN 808 հաշվառման համարանիշի ավտոմեքենայի հետևի աջ կողային ապակին, բացել դուռը և ավտոմեքենայի սրահից գաղտնի հափշտակել են 800 ՀՀ դրամ արժողության գազի ծավալի ցուցիչը, թափքի սրահի երկու լուսարձակները` յուրաքանչյուրը 1.000 ՀՀ դրամ արժողության, 8.000 ՀՀ դրամ արժողության ՙՍոնի CDX-G1050U՚ մոդելի ձայնարկիչը, 9.000 ՀՀ դրամ արժողության ղեկանիվի անվտանգության ՙAirbag՚ անվտանգության բարձիկը և 70 լիտր տարողության, 78.000 ՀՀ դրամ արժողության գազի գլանանոթը: Նշված իրերը հայտնաբերվել են Հարություն Հարությունյանի ՙՕփել Աստրա՚ մակնիշի, 34 ZV 421 հաշվառման համարանիշի ավտոմեքենայում` խուզարկությամբ, և առգրավվել են:՚:

Ապացույցների հետազոտում և գնահատում

Ամբաստանյալ Գուրգեն Գրիգորյանն առաջադրված մեղադրանքում իրեն մեղավոր չի ճանաչել և դատաքննության փուլում պնդելէ նախաքննության փուլում տված ցուցմունքը, որ 2015 թվականի նոյեմբերի 4-ին` ժամը 19-ից մինչև 21-ն ընկած ժամանակահատվածում, իր ընկեր Հարություն Հարությունյանից վերցրել է նրա ՙՕփել Աստրա Ջի՚ մակնիշի, 34 ** 421 համարանիշի ավտոմեքենան, որպեսզի գիշերվա ժամերին տաքսի վարի` առավոտյան վերադարձնելու պայմանով: Նա համաձայնվել է, մինչև 2015 թվականի նոյեմբերի 5-ը` ժամը 5-ից մինչև 6-ն ընկած ժամանակահատվածում հաճախորդներ է տեղափոխել տարբեր վայրեր, այնուհետև, գնացել է տուն, քնել, արթնացել է միայն ժամը 12-ից 13-ն ընած ժամանակահատվածում: Այնուհետև, պայմանավորվածության համաձայն, գնացել է Մալաթիայի տոնավաճառի մոտ, որտեղ հանդիպել է այն անձին, ով իրեն առաջարկել է գնել երկու հատ գազի բալոններ` ընդհանուրը 80.000 ՀՀ դրամ արժեքով: Փորձել է գինն իջեցնել մինչև 60.000 ՀՀ դրամ, սակայն վաճառողը առաջարկել է 80.000 ՀՀ դրամով երկու գազի բալոնները, որոնց հետ արժեքի մեջ առաջարկել է նաև մեքենայի ձայնարկիչ, ղեկի անվտանգության բարձիկ ու այլ իրեր: Համաձայնվել է, որից հետո ապրանքներն այդ անձի ավտոմեքենայի միջից տեղափոխել են իր կողմից վարվող ավտոմեքենայի մեջ, ինչից հետո զանգել է Արսենին, ասել, որ գազի բալոն ունի և ուզում է տեղադրել նրա ավտոմեքենայի վրա, քանի որ նախկինում խոսք էր տվել, որ նրա մեքենայի գազը ինքն է տեղադրելու: Արսենը պատասխանել է, որ ընդհամենը 50.000 ՀՀ դրամ գումար ունի, պայմանավորվել են հանդիպել Բանգլադեշ թաղամասում: Հանդիպել են Բանգլադեշ թաղամասում գտնվող լողավազանի մոտ, որտեղից երկու մեքենայով գնացել են դեպքի ՙՌոբոտների՚ գործարան` ճանապարհի վրա գտնվող գազի տեղադրման կետ: Հանդիպել են մասնագետին, ով աշխատանքի համար պահանջել է 80 ԱՄՆ դոլար, ասել է, որ գազի բալոնն իրենք ունեն, իսկ այդտեղ գործող խանութից գնել են մյուս անհրաժեշտ սարքավորումները, որոնց արժեքը կազմել է մոտ 40.000 ՀՀ դրամ գումար: Մասնագետին փոխանցել է իր հեռախոսահամարը, որպեսզի աշխատանքներն ավարտելուց հետո զանգի, գնան և վերցնեն Արսենի ավտոմեքենան: Այնուհետև, Արսենի հետ իր ավտոմեքենայով հեռացել են, ճանապարհին խոսել են առօրյայից և մոտ երկու րոպե անց կանգնեցրել են ՀՀ ոստիկանության ՃՈ աշխատակիցները, պահանջել են փաստաթղթերը, ինքը վարորդական իրավունքի վկայական չի ունեցել, ցույց է տվել մեքենայի տեխնիկական անձնագիրը և Հարություն Հարությունյանի վարորդական իրավունքի վկայականը, ոստիկանության աշխատակիցները կասկածել են, որ մեքենան կարող է գողացված լինել, որոշել են այն տեղափոխել տուգանային հրապարակ: Այդ ժամանակ զանգել է Հարութին, հայտնել, որ կանգնացրել են ՃՈ տեսուչները, նրան կանչել է, որպեսզի ոստիկաններին հավատացնի, որ մեքենան գողացված չէ: Դրանից հետո մի քանի զանգ էլ է կատարել: Մոտ 15 րոպե հետո հասել է Հարությունը, որից մոտ 10 րոպե հետո էլ մոտեցել են ոստիկանության այլ աշխատակիցներ, տարբեր ավտոմեքենաներով, և իրեն, Հարութին ու Արսենին բերման են ենթարկել ոստիկանության Մաշտոցի բաժին:
Ինքը գողություն չի կատարել, իրեն առաջադրված մեղադրանքի հետ առնչություն չունի:

Առաջադրված մեղադրանքում ամբաստանյալ Հարություն Հարությունյանն իրեն մեղավոր չի ճանաչել, և դատաքննության փուլում նշել է, որ որևէ առնչություն չունի նշված դեպքերի հետ, միաժամանակ պնդել է նախաքննության փուլի ցուցմունքը, որ 2015 թվականի նոյեմբերի 4-ին` ժամը 20-ից մինչև 21-ն ընկած ժամանակահատվածում զանգահարել է իր ընկեր Գուրգենը, ում հետ ծանոթացել է մոտ 6-7 տարի առաջ` խնջույքի ժամանակ, խնդրել է իր` ՙՕփել Աստրա Ջի՚ մակնիշի, 34 ZV 421 հաշվառման համարանիշի ավտոմեքենան, որպեսզի կնոջ` Գայանեի հետ ինչ-որ տեղ գնա` հաջորդ օրը վերադարձնելու խոստումով: Նշել է նաև, որ այդ ավտոմեքենան վարում է որպես տաքսի: Համաձայնվել է, ժամը 22-ի սահմաններում Բանգլադեշ թաղամասում հանդիպել է Գուրգենին, գնացել են իր բնակության վայր` Երևան քաղաքի Բաշինջաղյան փողոցի 192 շենքի մոտ, որտեղ ինքն իջել է, իսկ Գուրգենն իր ավտոմեքենայով հեռացել է: Հաջորդ օրը` ժամը 12-ի սահմաններում զանգահարել է Գուրգենին, որ տեղեկանա, թե երբ է վերադարձնելու մեքենան, վերջինս էլ հայտնել է, թե ինչ-որ կարևոր գործ ունի անելու, մոտ մեկ ժամից կվերադարձնի այն: Ժամը 13.30-ից մինչև 14.00-ն ընկած ժամանակահատվածում զանգահարել է Գուրգենը, տեղեկացրել, որ ավտոմեքենան կանգնացրել են պետավտոտեսուչները, ուզում են այն տեղափոխել տուգանային հրապարակ և խնդրել է շուտ մոտենալ Բաբաջանյան փողոցի մոտակայքի գազալցակայան: Գուրգենի զանգից մոտ 15-20 րոպե անց հասել է նշված վայր, պարզել է, որ խնդիրը կայանում է Գուրգենի վարորդական իրավունքի վկայական չունենալու մեջ, ինքն էլ իր հերթին սկսել է ոստիկաններին համոզել, որ մեքենան չտեղափոխեն տուգանային հրապարակ: Այդ պահին մոտեցել են քաղաքացիական հագուստներով անձինք, իրենց նստեցրել են տարբեր ավտոմեքենաներ և տեղափոխել ոստիկանության Մաշտոցի բաժին: Նշել է, որ մինչև բերման ենթարկվելը ավտոմեքենայի մոտ նկատել է նաև Գուրգենի ընկեր Արսենին: Ոստիկանությունում տեղեկացել է, որ բերման են ենթարկվել գողություն կատարելու կասկածանքով: Նշել է նաև, որ որևէ գողության հետ կապ չունի, իսկ թե ինչպես են գողացված ապրանքները հայտնվել իր ավտոմեքենայում, հայտնել է, որ մեքենան գտնվել է Գուրգենի մոտ, վերջինս միայն կարող է պարզաբանել այդ հարցը:

Առաջադրված մեղադրանքում ամբաստանյալ Արգիշտի Սուքիասյանն իրեն մեղավոր չի ճանաչել և դատաքննության փուլում ցուցմունք է տվել, որ վարել է ՙՕփել Աստրա Ջի՚ մակնիշի, 34 DA 630 համարանիշի ավտոմեքենա, որը շահագործել է որպես տաքսի: Գուրգեն Գրիգորյանի հետ ծանոթացել է մոտ մեկուկես տարի առաջ` աշխատանքի բերումով, քանի որ վերջինս ևս վարել է տաքսի, մտերմություն են արել ընտանիքներով, ճանաչել է վերջինիս կնոջը` Գայանեին: Հարություն Հարությունյանին ճանաչել է մոտ երկու ամիս` Գուրգենի միջոցով, նրա հետ առանձնապես շփում չի ունեցել: Տաքսին վարել է ժամը 19-ից մինչև 03-ն ընկած ժամանակահատվածում, ինքն օգտագործել է 094-17-10-15 հեռախոսահամարը, Գուրգենը` 077-88-83-88 հեռախոսահամարը, իսկ Հարութի հեռախոսահամարը չի հիշել: 2015 թվականի նոյեմբերի 4-ին` ժամը 16-ից 17-ն ընկած ժամանակահատվածում, Բանգլադեշի գազի լցակայանի մոտ պատահական հանդիպել է Գուրգենին, որտեղ վերջինս լիցքավորելիս է եղել ավտոմեքենան: Նույն օրը` ժամը 21-ի սահմաններում, Գուրգենը զանգահարել է իրեն, հայտնել, որ մեքենան իր մոտ չէ, խնդրել է իրեն ու կնոջը տանել եղբոր` Արմենի տուն, ով բնակվել է ՙՀայրենիք՚ թաղամասում: Նրանց տարել է Գուրգենի եղբոր տուն, ինքն էլ է բարձրացել այնտեղ, որտեղ մնացել են մինչև ժամը 01-ի սահմանները, որից հետո Գուրգենին և Գայանեին տեղափոխել է տուն, իսկ ինքն էլ գնացել է իր տուն: Հաջորդ օրը` 2015 թվականի նոյեմբերի 5-ին, ժամը 15-ի սահմաններում, երբ քնած է եղել, զանգահարել է Գուրգենը և ասել, որ պետավտոտեսուչները կանգնեցրել են, խնդրել է գնալ իր մոտ: Ինքը մերժել է, քանի որ ցանկություն չի ունեցել, իսկ դրանից մոտ մեկ ու կես ժամ անց զանգահարել է Գայանեն, խնդրել իրեն տանել Գուրգենի ընկերոջ տուն, քանի որ չի կարողացել կապ հաստատել Գուրգենի հետ: Երբ հանդիպել է Գայանեին, որ տանի ՙԿվարտալ՚, թիվ 19 պոլիկլինիկայից քիչ վերև, իր մեքենայի ընթացքը ընդհատել է մեկ այլ ավտոմեքենա, որից իջած անձինք ներկայացել են ոստիկաններ և իրեն բերման են ենթարկել ոստիկանության Մաշոտցի բաժին, որտեղից էլ` ոստիկանության Արաբկիրի բաժին: Ոստիկանությունում տեղեկացել է, որ կասկածվում է գողություն կատարելու մեջ: Ինքը տեղեկություններ չունի Գուրգեն Գրիգորյանի կողմից գողություններ կատարելու, ավտոպահեստամասերի վաճառքով զբաղվելու վերաբերյալ:

Առաջադրված մեղադրանքում ամբաստանյալ Հովհաննես Խաչատրյանն իրեն մեղավոր է ճանաչել մասնակի և դատաքննության փուլում ցուցմունք է տվել, որ 2015 թվականի հուլիսի 18-ին` ժամը 03-ի սահմաններում, երկաթյա լինգով պոկել է ՙՄերսեդես՚ մակնիշի ավտոմեքենայի պահեստային անվադողի ծածկոցը, որից հետո քայլելով հեռացել է դեպքի վայրից: Քիչ հեռու լսել է, որ ավտոմեքենայի միջից բղավել են ՙԿանգնի, ոստիկանությունն է՚, սկսել է ավելի արագ քայլել, բայց հետո կանգնել է, ձեռքից գցել է լոմիկը, ծածկոցը, հանել է ձեռնոցները, որից հետո մոտեցել են ոստիկանները, նստեցրել են իրենց մեքենան ու բերման ենթարկել ՀՀ ոստիկանության Էրեբունու բաժին:
Մյուս դրվագով առաջադրված մեղադրանքում ամբաստանյալն իրեն մեղավոր չի ճանաչել:

Տուժող Նարեկ Մեհրաբյանը դատաքննության փուլում ցուցմունք է տվել, որ վարել է ՙՕփել Աստրա Ջի՚ մակնիշի, 04 NN 808 հաշվառման համարանիշի ավտոմեքենան: 2015 թվականի նոյեմբերի 5-ին` ժամը 05-ի սահմաններում, վերադարձել է տուն, մեքենան կայանել է շենքի բակում, բանալիով փակել է դռները ու հեռացել: Նույն օրը` ժամը 12-ի սահմաններում, երբ մոտեցել է ավտոմեքենային, նկատել է, որ հետևի աջ կողմի եռանկյունաձև փոքր պատուհանը կոտրված է, սրահից բացակայել են ղեկի վրայի անվտանգության բարձիկը, մագնիտոֆոնը` ՙՍոնի՚ ֆիրմայի, սրահի լույսերը, գազի ցուցիչը, իսկ բեռնախցիկից` գազի բալոնը: Նշված իրերի արտաքին հատկանիշները մանրամասն նկարագրելով` հայտնել է, որ տեսնելու դեպքում դրանք կարող է ճանաչել, իսկ հանցագործությամբ իրեն պատճառվել է 280.000 ՀՀ դրամի գույքային վնաս: Տուժողը նշել է նաև, որ իրեն ճանաչման են ներկայացրել մի շարք իրեր, որոնց շարքում ճանաչել է այն ապրանքները, որոնք գողացվել են իր ավտոմեքենայից: Տուժողը միաժամանակ նշել է, որ իրեն պատճառված վնասը վերականգնվել է, և ներկայումս գույքային վնասի հատուցման պահանջ չունի:

Տուժող Կարեն Թաշչյանը դատաքննության փուլում ցուցմունք է տվել, որ վարել է սեփականության իրավունքով իրեն պատկանող ՙՄերսեդես-Բենց Ջի 500՚ մակնիշի, 01 DU 002 հաշվառման համարանիշի ավտոմեքենան: 2015 թվականի հոկտեմբերի 21-ին նշված ավտոմեքենան տվել է իր ընկերոջը` հարսանյաց արարողության մասնակցելու համար: Հաջորդ օրը` ժամը 12.30-ի սահմաններում, ընկերը վերադարձրել է ավտոմեքենան և հայտնել, որ նախորդ գիշեր անհայտ անձինք փորձել են գողանալ դիմացի և հետևի լուսարձակների կափարիչները: Տուժողը միաժամանակ նշել է, որ ամբաստանյալներից որևէ բողոք կամն վնասի հատուցման պահանջ չունի:

Տուժող Արտակ Կարապետյանը դատաքննության փուլում ցուցմունք է տվել, որ ՌԴ-ից ժամանող ընկերների հետ շրջելու, տեսարժան վայրեր այցելելու նպատակով վերցրել է 50 ZZ 101 համարանիշի, ՙՄերսեդես-Բենց Ջի 500՚ մակնիշի ավտոմեքենա: 2015 թվականի հուլիսի 18-ին` կեսգիշերին, ավտոմեքենան կայանել է Երևան քաղաքի Նոր-Արեշ 50 փողոցի 60 հասցեի մոտ: Որոշ ժամանակ անց դուրս է եկել մեքենայի մոտ, հանդիպել է ոստիկանության աշխատակիցներին, ովքեր հայտնել են, որ գողություն կատարելու կասկածանքով բերման են ենթարկել մեկ անձի, ով գողացել է պահեստային անվադողի ծածկոց: Մոտեցել է իր կողմից վարվող մեքենայի պահեստային անվադողին ու տեսել, որ ծածկոցը, որի արժեքը 150.000 ՀՀ դրամ է, բացակայել է: Տուժողը նշել է, որ կատարվածի վերաբերյալ որևէ բողոք, պահանջ չունի, քանի որ գույքային վնասը վերականգնվել է:

Տուժող Արսեն Մելքոնյանը նախաքննության փուլում ցուցմունք է տվել, որ աշխատել է ՀՀ ոստիկանության Երևան քաղաքի վարչության ՊՊԾ գնդի 5-րդ հատուկ գումարտակում, զբաղեցրել է հրամանատարի անձնակազմի գծով տեղակալի պաշտոնը: 2015 թվականի հուլիսի 18-ին նույն գնդի աշխատակից Արտակ Խուդավերդյանի հետ վերջինիս անձնական օգտագործման ավտոմեքենայով Նոր-Արեշ թաղամասի թանգարանի մոտակայքով անցնելիս նկատել են, որ մի երիտասարդ` ձեռքին մեծ առարկա բռնած, ճանապարհի երթևեկելի մասով վազելով շարժվել է դեպի Էրեբունի փողոցի ուղղությամբ: Այդ ամենն իր մոտ կասկած է առաջացրել նշված անձի կողմից գողություն կատարած լինելու վերաբերյալ, որից հետո ավտոմեքենայով մոտեցել են վազող երիտասարդին, ինքը բղավել է, որ կանգնի, սակայն երիտասարդը սկսել է ավելի արագ վազել: Իջել են ավտոմեքենայից և վազելով հետապնդել նրան, որոշել են շրջափակել և քիչ անց դուրս է եկել վազող երիտասարդին դեմ հանդիման, իսկ Արտակ Խուդավերդյանը կանգնել է նրա հետնամասում: Նշված անձը, ով հետագայում պարզվել է, որ հանդիսացել է Հովհաննես Մարտիրոսի Խաչատրյանը, հասկանացել է, որ այլևս չի կարող դիմել փախուստի, և բացահայտվել է նրա կողմից կատարված հանցագործությունը, կանգնել է, երբ ինքը քայլ է կատարել նրան մոտենալու նպատակով, Հ.Խաչատրյանը մոտ 1.5 մետր հեռավորության վրա թափահարել է ձեռքի երկաթյա լինգը և մի քանի անգամ կրկնել` ՙմոտիկ չգաս, կխփեմ՚: Այդ ժամանակ հետ է գնացել, իսկ հակառակ կողմում կանգնած Արտակ Խուդավերդյանը վնասազերծել է հանցագործին, որից հետո վերջինիս` ձեռքին եղած իրերի հետ միասին, բերման են ենթարկել ՀՀ ոստիկանության Էրեբունու բաժին:
Վարույթն իրականացնող մարմնին հասեագրած դիմումով տուժող Արսեն Մելքոնյանը հայտնել է, որ Հովհաննես Խաչատրյանի նկատմամբ բողոք, պահանջ չունի:
Հատոր 3` գ.թ. 87-90
հատոր 9` գ.թ. 39դ

Տուժող Արման Մանուչարյանը դատաքննության փուլում ցուցմունք է տվել, որ վարել է ՙՕփել Վեկտրա՚ մակնիշի, 32 ՏՍ 088 հաշվառման համարանիշի ավտոմեքենան: 2015 թվականի նոյեմբերի 5-ին` ժամը 09-ի սահմաններում, աշխատանքի գնալու նպատակով դուրս է եկել բնակարանից, մոտեցել է շենքի բակում կայանված իր ավտոմեքենային ու նկատել, որ մեքենայի աջ կողմի հետևի ապակին կոտրված է, նստարանը` պառկեցրած, բեռնախցիկից բացակայել է 1.5 լիտր տարողության գազի գլանանոթը: Հասկացել է, որ կատարվել է գողություն, կատարվածի մասին հայտնել է ոստիկանություն: Այնուհետև, 2015 թվականի նոյեմբերի 10-ին իրեն կանչել են ՀՀ ոստիկանության Արաբկիրի բաժնից, որտեղ աշխատակիցներին ներկայացրել է իր մեքենայից հափշտակված գազի գլանանոթի տեխնիկական անձնագիրը, այնտեղ ներկայացրել են գազի գլանանոթ, որն իրենն է եղել:

Վկա Արսեն Վազգենի Զոհրաբյանը նախաքննության փուլում ցուցմունք է տվել, որ Գուրգեն Գրիգորյանը հանդիսացել է իր ընկերը, միասին ծառայել են ՀՀ զինված ուժերում: Գուրգենը մոտ 4 տարի առաջ դատապարտվել է ազատազրկման գողություն կատարելու համար, պատիժը կրել է մոտ երկու տարի: Վարել է ՙՕփել Աստրա Ջի՚ մակնիշի, 34 DC 232 հաշվառման համարանիշի ավտոմեքենա, որի վրա գազի համակարգ տեղադրված չի եղել: 2015 թվականի նոյեմբերի 5-ին հեռախոսազրույց է ունեցել Գուրգենի հետ, վերջինս հարցրել է, թե ինչու չի հանդիպում, պատասխանել է, որ բենզինի փող չունի, չի կարողանում օգտագործել մեքենան, գումար է հավաքում, որ գազ տեղադրի, հայտնել է, որ արդեն կուտակել է 50.000 ՀՀ դրամ գումար: Գուրգենն ասել է, որ մնացած գումարն էլ ինքը կտա, իսկ իր ունեցած 50.000 ՀՀ դրամ գումարով կգնեն անհրաժեշտ սարքավորումները: Գուրգենը նկարագրել է այն տեխսպասարկման կետի գտնվելու վայրը, որտեղ պետք է կատարվեին աշխատանքները, գնացել է այնտեղ, որտեղ գործող խանութից գնել են անհրաժեշտ սարքավորումները, որոնց արժեքը, չհաշված գազաբալոնը և տեղադրման աշխատանքի գումարը, կազմել է 42.000-43.000 ՀՀ դրամ գումար: Այնուհետև զանգահարել է Գուրգենին, վերջինս գնացել է այնտեղ ՙՕփել Աստրա Ջի՚ մակնիշի, 34 ZV 421 հաշվառման համարանիշի ավտոմեքենայով, զրուցել է արհեստավորի հետ, իրեն հայտնել է, որ պայմանավորվել է, կտեղադրեն, հետո ինքը գումարը կտա ու կվերցնեն մեքենան: Այնուհետև, Գուրգենի ավտոմեքենայով հեռացել են տեխսպասարկման կետից, ճանապարհին կանգնեցրել են պետավտոտեսուչները, Գուրգենն իջել է մեքենայից, իսկ ինքը մնացել է ավտոմեքենայի մեջ: Քանի որ զրույցը տևել է երկար, իջել է ավտոմեքենայից ու քիչ հեռու կանգնած սկսել է ծխել, նկատել է, որ մոտենում են քաղաքացիական հագուստներով անձինք, բռնել են իրենց ձեռքերից ու տարբեր ավտոմեքենաներով տեղափոխել են իրենց ՀՀ ոստիկանության Մաշտոցի, այնուհետև` Կենտրոնի, ապա` Արաբկիրի բաժին: Նշել է նաև, որ ինքը նստած է եղել ավտոմեքենայում առջևի նստատեղին, այնտեղ ոչ մի առարկա դրված չի եղել:
Հատոր 1, գ.թ. 43-47

Վկա Արթուր Ֆիշյանը դատաքննության փուլում ըստ էության պնդել է նախաքննության փուլի ցուցմունքըը, որ հանդիսացել է ՀՀ ոստիկանության Կենտրոնական բաժնի Մարաշի բաժանմունքումª որպես ավագ օպերլիազոր: 2015 թվականի հոկտեմբերի 21-ին նույն բաժանմունքի օպերլիազոր Մերուժան Վարդանյանի հետ միասին գտնվել են օպերատիվ հերթապահ խմբի կազմում, գիշերային ժամերին իրականացրել են հսկողություն իրենց բաժանմունքի սպասարկման սահմաններում գտնվող տարածքներում` տարածքի իրավիճակը հսկելու և հնարավոր հանցագործությունները կանխելու նպատակով: Հոկտեմբերի 22-ին` ժամը 02-ին Մերուժան Վարդանյանի և ավագ օպերլիազոր Հակոբ Անանյանի հետ միասին դուրս են եկել գիշերային շրջագայության: Ժամը 06-ի սահմաններում գտնվել են Երևան քաղաքի Ալեք Մանուկյան փողոցում և շրջելիս են եղել շենքերի բակերում, եղել են քաղաքացիական հագուստներով: Հասնելով նույն փողոցի 10-րդ շենքի բակ` նկատել են, որ բակում կայանված ՙՄերսեդես-Բենց Ջի 500՚ մակնիշի, 01 DU 002 հաշվառման համարանիշի ավտոմեքենայի մոտ ինչ-որ կասկածելի անձինք են կանգնած և մոտենալով նկատել են, որ նրանցից երկուսը փորձում են ինչ-որ առարկայի միջոցով հանել, գողանալ մեքենայի դիմացի լուսաթարթիչների պլաստմասսե կափարիչները, իսկ երրորդը փորձել է հանել հետևի լուսարձակներից մեկի կափարիչը: Այդ ժամանակ բղավել են, որ ոստիկանությունից են, ինչից հետո վերջիններս դիմել են փախուստի: Նրանցից երկուսը վազել են դեպի ճանապարհի երթևեկելի մասը, իսկ մեկը վազելով մտել է շենքերի բակային տարածքը: Հետապնդել են փողոցի երթևեկելի հատվածի կողմը փախուստի դիմած երկու անձանց, որոնցից մեկին Վարդանանց և Տպագրիչների փողոցների խաչմերուկում բռնել են, ապա` բերման ենթարկել ՀՀ ոստիկանության Մարաշի բաժանմունք: Բաժանմունքում պարզել են, որ բերման ենթարկված անձը հանդիսանում է Հովհաննես Մարտիրոսի Խաչատրյանը:

Վկա Մերուժան Վարդանյանը դատաքննության փուլում պնդել է նախաքննության փուլի ցուցմունքը, որ 2013 թվականի հուլիս ամսից ծառայել է ՀՀ ոստիկանության Կենտրոնականի բաժնի Մարաշի բաժանմունքում որպես օպերլիազոր: 2015 թվականի հոկտեմբերի 21-ին նույն բաժանմունքի օպերլիազորներ Արթուր Ֆիշյանի և Հակոբ Անանյանի հետ միասին գտնվել են օպերատիվ հերթապահ խմբի կազմում, գիշերային ժամերին իրականացրել են հսկողություն իրենց բաժանմունքի սպասարկման սահմաններում գտնվող տարածքներում` տարածքի իրավիճակը հսկելու և հնարավոր հանցագործությունները կանխելու նպատակով: Հոկտեմբերի 22-ին` ժամը 02-ին Արթուր Ֆիշյանի և ավագ օպերլիազոր Հակոբ Անանյանի հետ միասին դուրս են եկել գիշերային շրջագայության: Ժամը 06-ի սահմաններում գտնվել են Երևան քաղաքի Ալեք Մանուկյան փողոցում և շրջելիս են եղել շենքերի բակերում, եղել են քաղաքացիական հագուստներով: Հասնելով նույն փողոցի 10-րդ շենքի բակ` նկատել են, որ բակում կայանված ՙՄերսեդես-Բենց Ջի 500՚ մակնիշի, 01 DU 002 հաշվառման համարանիշի ավտոմեքենայի մոտ ինչ-որ կասկածելի անձինք են կանգնած և մոտենալով` նկատել են, որ նրանցից երկուսը փորձում են ինչ-որ առարկայի միջոցով հանել, գողանալ մեքենայի դիմացի լուսաթարթիչների պլաստմասայե կափարիչները, իսկ երրորդը փորձում է հանել հետևի լուսարձակներից մեկի կափարիչը: Այդ ժամանակ բղավել են, որ ոստիկանությունից են, ինչից հետո վերջիններս դիմել են փախուստի: Նրանցից երկուսը վազել են դեպի ճանապարհի երթևեկելի մաս, իսկ մեկը վազելով մտել է շենքերի բակային տարածք: Հետապնդել են փողոցի երթևեկելի հատվածի կողմը փախուստի դիմած երկու անձանց, որոնցից մեկին Վարդանանց և Տպագրիչների փողոցների խաչմերուկում բռնել են, ապա` բերման ենթարկել ՀՀ ոստիկանության Մարաշի բաժանմունք: Բաժանմունքում պարզել են, որ բերման ենթարկված անձը Հովհաննես Մարտիրոսի Խաչատրյանն է:

Վկա Հակոբ Անանյանը դատաքննության փուլում ըստ էության պնդել է նախաքննության փուլի ցուցմունքը, որ 2015 թվականի սեպտեմբեր ամսից ծառայել է ՀՀ ոստիկանության Կենտրոնականի բաժնի Մարաշի բաժանմունքում որպես ավագ օպերլիազոր: 2015 թվականի հոկտեմբերի 21-ին նույն բաժանմունքի օպերլիազոր Մերուժան Վարդանյանի և ավագ օպերլիազոր Արթուր Ֆիշյանի հետ միասին ընդգրկված է եղել օպերատիվ հերթապահ խմբի կազմում, գիշերային ժամերին իրականացրել են հսկողություն իրենց բաժանմունքի սպասարկման սահմաններում գտնվող տարածքներում` տարածքի իրավիճակը հսկելու և հնարավոր հանցագործությունները կանխելու նպատակով: Հոկտեմբերի 22-ին` ժամը 02-ին Մերուժան Վարդանյանի և Արթուր Ֆիշյանի հետ միասին դուրս են եկել գիշերային շրջագայության: Ժամը 06-ի սահմաններում գտնվել են Երևան քաղաքի Ալեք Մանուկյան փողոցում և շրջելիս են եղել շենքերի բակերում, եղել են քաղաքացիական հագուստներով: Հասնելով նույն փողոցի 10-րդ շենքի բակ` նկատել են, որ բակում կայանված ՙՄերսեդես-Բենց Ջի 500՚ մակնիշի, 01 DU 002 հաշվառման համարանիշի ավտոմեքենայի մոտ ինչ-որ կասկածելի անձինք են կանգնած և մոտենալով նկատել են, որ նրանցից երկուսը փորձում են ինչ-որ առարկայի միջոցով հանել, գողանալ մեքենայի դիմացի լուսաթարթիչների պլաստմասայե կափարիչները, իսկ երրորդը փորձում է հանել հետևի լուսարձակներից մեկի կափարիչը: Այդ ժամանակ բղավել են, որ ոստիկանությունից են, ինչից հետո վերջիններս դիմել են փախուստի: Նրանցից երկուսը վազել են դեպի ճանապարհի երթևեկելի մաս, իսկ մեկը վազելով մտել է շենքերի բակային տարածք: Հետապնդել են փողոցի երթևեկելի հատվածի կողմը փախուստի դիմած երկու անձանց, որոնցից մեկին Վարդանանց և Տպագրիչների փողոցների խաչմերուկում բռնել են, ապա` բերման ենթարկել ՀՀ ոստիկանության Մարաշի բաժանմունք: Բաժանմունքում պարզվել է, որ բերման ենթարկված անձը Հովհաննես Մարտիրոսի Խաչատրյանն է:

Վկա Արտակ Խուդավերդյանը դատաքննության փուլում ըստ էության պնդել է նախաքննության փուլի ցուցմունքը, որ որ աշխատել է ՀՀ ոստիկանության Երևան քաղաքի վարչության ՊՊԾ գնդի 5-րդ հատուկ գումարտակի 2-րդ վաշտի 2-րդ դասակում, զբաղեցրել է ծառայության տեսուչի պաշտոնը: 2015 թվականի հուլիսի 18-ին նույն գնդի անձնակազմի գծով տեղակալ Արսեն Մելքոնյանի հետ իր անձնական օգտագործման ավտոմեքենայով Նոր-Արեշ թաղամասի թանգարանի մոտակայքով անցնելիս նկատել են, որ ինչ-որ երիտասարդ ձեռքին մեծ առարկա բռնած ճանապարհի երթևեկելի մասով վազելով շարժվել է դեպի Էրեբունի փողոցի ուղղությամբ: Այդ ամենն իրենց մոտ կասկած է առաջացրել այդ անձի կողմից գողություն կատարելու վերաբերյալ, որից հետո ավտոմեքենայով մոտեցել են վազող երիտասարդին, Արսենը բղավել է, որ կանգնի, սակայն երիտասարդը սկսել է ավելի արագ վազել: Իջել են ավտոմեքենայից և վազելով հետապնդել նրան, որոշել են շրջափակել երիտասարդին, իսկ քիչ անց, հետապնդելու արդյունքում, Արսենը դուրս է եկել վազող երիտասարդին դեմ հանդիման, իսկ ինքը կանգնել է նրա հետնամասում: Նշված անձը, ով հետագայում պարզվել է, որ հանդիսանում է Հովհաննես Մարտիրոսի Խաչատրյանը, հասկանացել է, որ այլևս չի կարող դիմել փախուստի և բացահայտվել է իր կողմից կատարված հանցագործությունը, կանգնել է: Արսենը քայլ է կատարել նրան մոտենալու նպատակով, Հ.Խաչատրյանը մոտ 1.5 մետր հեռավորության վրա թափահարել է ձեռքի երկաթյա լինգը և մի քանի անգամ կրկնել` ՙմոտիկ չգաս, կխփեմ՚: Այդ ժամանակ Արսենը հետ է գնացել, իսկ ինքը հետևի կողմից վնասազերծել է հանցագործին, որից հետո նրան` ձեռքին եղած իրերի հետ միասին, բերման են ենթարկել ՀՀ ոստիկանության Էրեբունու բաժին:

Վկա Հարություն Գափոյանը դատաքննության փուլում ցուցմունք է տվել, որ որպես գազաբալոն տեղադրող շուրջ 2 տարի է, ինչ աշխատել է ՙԴԻ ՋԻ սերվիս՚ ՍՊ ընկերությանը պատկանող ավտոտեխսպասարկման կետում, որը տեղակայված է եղել Երևան քաղաքի Գ.Շերամի փողոցի 98/8 հասցեում: Տեխսպասարկման կետում գործել է նաև խանութ, որտեղ հիմնականում վաճառվել են գազի համակարգի մասեր, դետալներ, ինչպես նաև ավտոմեքենայի այլ մասեր: 2015 թվականի նոյեմբերի 5-ին իրենց տեխսպասարկման կետ են այցելել ՀՀ ոստիկանության աշխատակիցները, հետաքրքրվել նույն օրը իրենց մոտ եկած ՙՕփել Աստրա՚ մակնիշի, 34 DC 232 համարանիշի ավտոմեքենայից և նույն օրը իրեն տեղադրման նպատակով հանձնած գազի բալոնից, հայտնել են այդ բալոնի գողացված լինելու մասին կասկածներ: Այնուհետև, ոստիկանության աշխատակիցները իր մասնակցությամբ կազմել են արձանագրություն և ինքը ոստիկաններին ներկայացրել է նշված գազի բալոնը: Նշել է, որ նույն օրը, երբ իր աշխատանքի վայր են այցելել ոստիկանության աշխատակիցները, ժամը 13-ից 14-ի սահմաններում իրենց տեխսպասարկման կետ են այցելել վերը նշված մակնիշի ավտոմեքենայի տերը, ով իրենց խանութից կատարել էր մի շարք սարքավորումների գնումներ` գազային համակարգ տեղադրելու համար: Հաճախորդը, ում անունը Գուգո է եղել, իրեն ասել է. ՙբալոնը կա, մասերը առել ենք, մենակ տեղադրեք՚: Համաձայնվել է տեղադրելու հարցում: Տեղադրման համար իրեն պետք է վճարվեր 30.000 ՀՀ դրամ գումար, որը պետք է տրվեր աշխատանքը վերջացնելուց և հանձնելուց հետո: Այդ ժամանակ Գուգոն իրեն տվել է բալոնը, որը դրված է եղել ՙՕփել Աստրա՚ մակնիշի ավտոմեքենայի մեջ, որից հետո այդ անձը գնացել է: Հայտնել է, որ հաճախորդ Գուգոյի հեռախոսահամարն է եղել 099-88-92-88, նրա հետ եղել է ևս մեկ անձ, ում ավտոմեքենայի վրա պետք է տեղադրեր գազի համակարգը:

Վկա Գոռ Խանդիլյանը դատաքննության փուլում ցուցմունք է տվել, որ աշխատանքի բերումով շփվել է շատ մարդկանց հետ, քանի որ հիմնականում կատարել է ՙՄերսեդես-Բենց Ջի՚ մակնիշի և ՙՊորշե Կայեն՚ մակնիշի ավտոմեքենաների ՙռեսթայլ՚, օգտագործում է 091-01-33-30 բջջային հեռախոսահամարը, աշխատանքի ընթացքում համագործակցել է ՀՀ ապրանք ներկրողների հետ, որոնցից վերցրել է դրանք ու վաճառել:
Ճանաչել է Գուրգեն Գրիգորյանին, ում հեռախոսահամարն է 099-88-92-88, ծանոթ է նաև Արգիշտի Սուքիասյանի հետ, նրա հեռախոսահամարն է 094-17-10-15: Ծանոթ է նաև Հովհաննեսը, ում մասին միայն լսել է Գուրգենից: Այս անձանց հետ ծանոթության վերաբերյալ հայտնել է, որ 2015 թվականի սեպտեմբեր ամսին, կոնկրետ օրը չի հիշել, ՙՄերսեդես Ե 320՚ մակնիշի ավտոմեքենայով իր աշխատանքի վայր` Դավթաշեն է, գնացել է Գուրգենը, այցելել է իր մեքենայի առջևի լուսարձակների մաքրման և փայլեցման աշխատանքներ կատարելու համար: Քանի որ զբաղված է եղել, պայմանավորվել են աշխատանքը երեք օր հետո կատարելու շուրջ: Նշված օրը Գուրգենը կրկին այցելել է իրեն, միասին գնացել են իր արհեստանոց, որտեղ տաղավարների վրա դասավորած ցուցադրված են եղել լուսարձակներ` մաքրված, վաճառքի ենթակա, որոնք տեսել է նաև Գուրգենը: Գուրգենն առաջարկել է, որ եթե լինեն դեպքեր, որ չկարողանա ավտոմեքենայի արտաքին հարդարման համար մասեր գտնի, դիմի իրեն, ինքը կարող է օգնել: Առաջին անգամ երբ իր մոտ է գնացել Գուրգենը, նրա հետ է եղել նաև իր ընկեր Արգիշտը, Գուրգենը փոխանցել է իր` 099-88-92-88 հեռախոսահամարը: Դրանից մի քանի ժամանակ անց Գուրգենն իրեն զանգել է նաև 094-17-10-15 հեռախոսահամարից: Սկսել են մտերմություն անել, այդ ընթացքում մի քանի անգամ տարբեր հաճախորդների համար Գուրգենից վերցրել է լուսարձակներ ու վաճառել դրանք: Հերթական անգամ, երբ կրկին լուսարձակներ են պետք եղել, զանգահարել է Գուրգենին, վերջինս պատասխանել է, որ երկու օր անց կբերի: Նշված օրը նա բերել է ապրանքը, ինքը նկատել է, որ բացակայել են լարերի գլուխները, այսինքն` կտրված են եղել, չեն եղել հետևի արգելակման լուսարձակների հետնամասի պլաստմասաները, այսինքն` կիսատ է եղել, ՙաբադոկներն՚ էլ սև գույնի են եղել, ինչից հասկացել է, որ դրանք գողացած ապրանք են, քանի որ կտրածներից ակնհայտ է եղել: Բացի այդ, Գուրգենը իրեն տվել է լուսարձակներ` ՙՄերսեդես Ջի՚ մակնիշի և ՙՊորշե՚ մակնիշի, մեկ անգամ էլ ՙՕփել՚ մակնիշի ավտոմեքենաների, խնդրել է, որ դրանք բացի, մաքրի, փայլեցնի, ինչն էլ կատարել է: Այդ ապրանքների շարժը կատարել է Գուրգենի հետ, հասկացել է նաև, որ Արգիշտն էլ է տեղյակ այդ հարցերից: Դրանից հետո շարունակել են շփվել, նույնիսկ երբ ծանոթները դիմել են իրեն, հայտնել, որ իրենց մեքենաներից կատարվել են գողությունները, ինքն էլ այդ ապրանքները վերցրել է Գուրգենից ու փոխանցել տերերին, կամ Գուրգենի հետ պայմանավորվելուց հետո, մեքենաների տերերն անձամբ են հանդիպել նրան: Նշել է նաև, որ Հովհաննեսի մասին լսել է Գուրգենից, վերջինս մի անգամ գումար է խնդրել Հովհաննեսին օգնելու համար, նա եղել է Հովհաննեսի քավորը, մի անգամ պատմել է, որ Հովոյին Էրեբունու ոստիկաններն են բռնել, իսկ մեկ անգամ էլ զանգով է տեղեկացրել, որ Հովոյին ոստիկանության ախատակիցները բռնել են գիշերով: Վերջին դեպքի հետ կապված հայտնել է, որ Գուրգենի հետ ունեցած հեռախոսազրույցի ընթացքում Գուրգենը խնդրել է իմանալ, թե ով է 01 ** 002 համարանիշի, ՙՄերսեդես-Բենց Ջի 500՚ մակնիշի ավտոմեքենայի տերը, պատմել է, որ գնացել են գիշերը, մարդիկ են մեքենաներից դուրս եկել ու Հովոյին բռնել են: Մտապահել է նաև ՙպասիտ՚ բառը ու ինքը հասկացել է, որ Գուրգենը ինչ-որ վատ պատմությունների մեջ է եղել, հիշել է, որ նախկինում Գուրգենը կտրած, վնասված ապրանք է տարել իր մոտ, ասել է իբր ուրիշների գործն է, ինքը կապ չունի, բայց այս պարագայում հասկացել է, որ Գուրգենն էլ կարող է լինել գողության մեջ:

Վկա Հրաչ Բաղդասարյանը դատաքննության փուլում ցուցմունք է տվել, որ որ շուրջ 2-3 տարի է, ինչ օգտագործել է 099-55-77-66 և 094-44-45-47 հեռախոսահամարները: Ճանաչել է Գուրգեն Գրիգորյանին, ով օգտագործել է 099-88-92-88 հեռախոսահամարը, և Արգիշտի Սուքիասյանի, վերջինս էլ օգտագործել է 094-17-10-15 հեռախոսահամարները: Նախ ճանաչել է Արգիշտին, իրենց թաղամասից, ծանոթացել են մոտ մեկ ու կես տարի առաջ, նա իրենց բակից ընկերուհի է ունեցել, իսկ հետագայում սկսել են մտերմություն անել: Գուրգեն Գրիգորյանի հետ ծանոթացել է ավելի ուշ` 2015 թվականի հուլիս ամսին, Արգիշտի միջոցով, երբ նրանք միասին գնացել են Շենգավիթ, հանդիպել են միմյանց, Արգիշտը ծանոթացրել է, որպես իր ընկեր, փոխանակվել են հեռախոսահամարներով: Խոսակցությունների ընթացքում Արգիշտն իրեն ասել է, որ ունեն ՙՄերսեդես Ջի՚ դասի ավոտմեքենայի օգտագործած հետևի ու դիմացի լուսարձակներ, պահեստային անվադողի թաս, այդպիսի իրեր ձեռք բերելու ցանկություն ունեցողներ լինելու դեպքում խնդրել է հայտնել իրեն, առաջարկել են, որ եթե կարող է ինքն էլ թանկով վաճառի, գումար աշխատի, ինչին էլ համաձայնվել է: Սկզբում իրեն թվացել է, որ նրանք ավոտմասերի գործ են արել, այդ պատճառով էլ սկսել է հետաքրքրվել ու վերջին հաշվով նրանց հետ գործ է արել 2015 թվականի սեպտեմբեր-նոյեմբեր ամիսներին: Արգիշտից ու Գուրգենից ապրանք` ավտոմեքենայի լուսարձակներ, պահեստային անվադողի պատյաններ, վերցրել է երկու կամ երեք անգամ: 2015 թվականի հոկտեմբեր-նոյեմբեր ամիսներին կասկածել է, որ ապրանքները կարող են գողացված լինել, մինչև վաճառելն այդ մասին հարցրել է Գուրգենին, վերջինս էլ պատասխանել է, որ անձամբ է գողացել:

2015 թվականի նոյեմբերի 5-ին կատարված դեպքի վայրի զննության մասին արձանագրության համաձայն` Նարեկ Մեհրաբյանի` ՙՕպել Աստրա Ջի՚ մակնիշի ավտոմեքենայի վրա բացակայել են ղեկի անվտանգության բարձիկը, ձայնարկիչը, գազի բալոնը, գազի ցուցիչը, սրահի լուսավորությունն ապահովող լուսամփոփները:
Հատոր 1` գ.թ. 4-6

2015 թվականի նոյեմբերի 5-ի արձանագրության համաձայն` Հարություն Գափոյանի կողմից ներկայացվել է գազի գլանանոթը:
Հատոր 1` գ.թ. 28-29

2015 թվականի նոյեմբերի 6-ին կատարված խուզարկության արձանագրության համաձայն` Գուրգեն Գրիգորյանի փաստացի վարած, Հարություն Հարությունյանին պատկանող ՙՕփել Աստրա Ջի՚ մակնիշի, 34ZV421 հաշվառման համարանիշի ավտոմեքենայում հայտնաբերվել և առգրավվել են Նարեկ Ցոլակի Մեհրաբյանի ավտոմեքենայից հափշտակված ողջ իրերը:
Հատոր 1` գ.թ. 132-133

2015 թվականի նոյեմբերի 6-ին գաղտնազերծված գաղտնալսումները զննելու մասին արձանագրության համաձայն` հաստատվել է Հարություն Հարությունյանի, Արգիշտի Սուքիասյանի, Գուրգեն Գրիգորյանի և Հովհաննես Խաչատրյանի հանցավոր կապը, նրանց` կազմակերպված խմբի կազմում գաղտնի հափշտակություններ կատարելու դիտավորությունը:
Հատոր 2` գ.թ. 41-46

2015 թվականի նոյեմբերի 7-ին առարկաները ճանաչման ներկայացնելու մասին արձանագրությունների համաձայն` տուժող Նարեկ Մեհրաբյանը ներկայացված առարկաների շարքում ճանաչել է իր ավտոմեքենայից գաղտնի հափշտակված գազի գլանանոթը, ղեկանիվի անվտանգության ՙAirbag՚ բարձիկը, սրահի թվով երկու լույսերը, ՙՍոնի՚ մակնիշի ձայնարկիչը, սև գույնի գազի ցուցիչը:
Հատոր 2` գ.թ. 63-67

2015 թվականի նոյեմբերի 6-ին կազմված զննության արձանագրության համաձայն` զննվել է մետաղյա գազի բալոնը:
Հատոր 1` գ.թ. 42

2015 թվականի հոկտեմբերի 22-ին դեպքի վայրի զննության մասին արձանագրության համաձայն` տուժող Կարեն Թաշչյանի` ՙՄերսեդես 650՚ մակնիշի ավտոմեքենայից հափշտակություն կատարելու փորձ է կատարվել:
Հատոր 2` գ.թ. 117-121

2015 թվականի հոկտեմբերի 23-ի որոշմամբ ՙՄերսեդես-Բենց Ջի 500՚ մակնիշի, 01 DU 002 հաշվառման համարանիշի ավտոմեքենան ճանաչվել է իրեղեն ապացույց և հանձնվել տուժող Կարեն Թաշչյանի պատասխանատու պահպանությանը:
Հատոր 2` գ.թ. 187
2015 թվականի սեպտեմբերի 30-ի որոշմամբ դեպքի պահին Հ.Խաչատրյանի հագին եղած մեկ զույգ ձեռնոցը և մետաղյա լինգը ճանաչվել են իրեղեն ապացույց:
Հատոր 3` գ.թ. 160

2015 թվականի նոյեմբերի 25-ին կազմված զննության արձանագրության համաձայն` զննության է ենթարկվել ՀՀ ոստիկանության ՔՀԳ վարչության աշխատակիցների կողմից տրամադրված գաղտազերծված գաղտնալսումների սղագրությունները, որոնք համադրվել են տրամադրված ձայնագրառումների հետ, որոն էլ հիմնավորվել է մեղադրյալների հանցավոր կապը, նրանց տեղակայումները, գողոնների իրացման և քննության համար էական նշանակություն ունեցող մի շարք այլ հանգամանքներ:
Հատոր 5` գ.թ. 79-91

2015 թվականի նոյեմբերի 30-ին կազմված զննության արձանագրության համաձայն` զննության է ենթարկվել ՀՀ ոստիկանության ՔՀԳ վարչության աշխատակիցների կողմից տրամադրված գաղտնազերծված գաղտնալսումների սղագրությունները, որոնք համադրվել են տրամադրված ձայնագրառումների հետ, որոնք էլ հիմնավորվել է մեղադրյալների հանցավոր կապը, նրանց տեղակայումները, գողոնների իրացման և քննության համար էական նշանակություն ունեցող մի շարք այլ հանգամանքներ:
Հատոր 5` գ.թ. 170-176

2015 թվականի դեկտեմբերի 24-ի որոշմամբ իրեղեն ապացույցներ են ճանաչվել և տուժողներ Նարեկ Մեհրաբյանին, Արման Մանուչարյանին պատասխանատու պահպանության հանձնվել` CNG2-G-356-65-20B գործարանային անհատականացման համարի գազի գլանանոթը, ՙՕպել Աստրա Ջի՚ մակնիշի, 34 ZM 421 համարանիշի ավտոմեքենայում կատարված խուզարկությամբ հայտնաբերված մեկ հատ ղեկի անվտանգության բարձիկը, ՙՍոնի՚ ֆիրմայի ձայնարկիչը, մեքենայի սրահի 2 հատ լուսարձակները, մեկ հատ գազի գլանանոթը:
Հատոր 6` գ.թ. 136-141

Դատաապրանքագիտական փորձագետի թիվ 588-ԱՊ-15 եզրակացության համաձայն` փորձաքննությանը տրամադրված պահեստային անվադողի ծածկող կափարիչի միջին շուկայական արժեքը` որոշմամբ առաջադրված ժամանակահատվածի դրությամբ, առկա ապրանքային վիճակի հաշվառմամբ, գնահատվում է 130.000 ՀՀ դրամ:
Հատոր 3` գ.թ. 51-53

Դատաապրանքագիտական փորձագետի թիվ 900-15 եզրակացության համաձայն` ՙՄերսեդես-Բենց G500՚ մակնիշի 01DU002 հ/հ ավտոմեքենայի հետևի երկու կանգմիասնական լապտերների ընդհանուր շուկայական արժեքը 2015թ. հոկտեմբերի 22-ի դրությամբ, առկա ապրանքային վիճակի հաշվառմամբ, գնահատվում է 88.000 դրամ, ավտոմեքենայի առջևի անվաթևերի վրա տեղադրված թարթիչ լապտերների ընդհանուր շուկայական արժեքը` 36.000 դրամ, առջևի անվաթևերի վրա տեղադրված թարթիչ լապտերների պլաստմասսե արտաքին երեսպատոցների առանձին վաճառքի փաստ առկա է, դրանց ընդհանուր շուկայական արժեքը, հաշվի առնելով օգտագործված լինելու հանգամանքը, գնահատվում է 12.000 դրամ:
Հատոր 8` գ.թ. 178-180

Դատաապրանքագիտական փորձագետի թիվ 56171510 եզրակացության համաձայն` ՙCNG2-G-356-65-20B՚ տեսակի ՙHC20211779՚ անհատականացման համարով գազաբալոնի առկա վիճակի միջին շուկայական արժեքը, 2015թ. նոյեմբերի 05-ի դրությամբ ՀՀ գործող շուկայական գներով, կարող էր կազմել 70.000 ՀՀ դրամ: ՙ13814004՚ անհատականացման համարով` ղեկանվի ՙAirbag՚ անվտանգության բարձիկի, ձայնարկիչի, ա/մ-ի թափքի սրահի թվով 2 լուսարձակների և գազի ցուցիչի առկա վիճակի միջին շուկայական արժեքները 2015թ. նոյեմբերի 05-ի դրությամբ ՀՀ գործող շուկայական գներով, կարող են կազմել համապատասխանաբար 78.000, 9.000, 8.000, 1.000 և 800 ՀՀ դրամ:
Հատոր 8, գ.թ. 188-194

2015 թվականի հուլիսի 18-ին ավտոմեքենայի պահեստային անվադողի ծածկոցը զննելու մասին արձանագրությամբ:
Հատոր 3` գ.թ. 14-15

2015 թվականի հուլիսի 19-ին ավտոմեքենան զննելու մասին արձանագրությամբ:
Հատոր 3` գ.թ. 19-20

2015 թվականի սեպտեմբերի 26-ին կատարված դեպքի վայրի զննության մասին արձանագրությամբ:
Հատոր 3, գ.թ. 66-69

2015 թվականի հոկտեմբերի 30-ին զննում կատարելու մասին արձանագրությամբ:
Հատոր 3` գ.թ. 156-159

2016 թվականի հունվարի 18-ին ՙԱրմենՏել՚, ՙՂ-Տելեկոմ՚ ՓԲ ընկերություններից ստացված ելքային և մուտքային հեռախոսազանգերը, դրանք սպասարկած ալեհավաք կայանների տեղակայումները զննելու վերաբերյալ կազմված արձանագրությամբ:
Հատոր 6` գ.թ. 195-250,
հատոր 7` գ.թ. 1-44

Դատարանը փաստում է, որ հեռախոսային խոսակցությունների գաղտնալսումների, ինչպես նաև` ՙԱրմենՏել՚, ՙՂ-Տելեկոմ՚ ՓԲ ընկերություններից ստացված ելքային և մուտքային հեռախոսազանգերի վերծանումների բովանդակությունից երևում է, որ ամբաստանյալներ Հ.Հարությունյանը, Գ.Գրիգորյանը, Հ.Խաչատրյանը և Ա.Սուքիասյանը գործել են կազմակերպված խմբի կազմում, նրանց միջև տեղի է ունեցել դերերի բաշխում, և վերջիններիս դիտավորությունն ուղղված է եղել կազմակերպված խմբի կողմից նախնական համաձայնությամբ ուրիշի գույքի հափշտակություններ կատարելուն:

Դատարանի իրավական վերլուծությունները

Դատարանը գործով ձեռք բերված յուրաքանչյուր ապացույց գնահատելով թույլատրելիության վերաբերելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, ղեկավարվելով օրենքով, ներքին համոզմամբ, գտնում է, որ Հովհաննես Մարտիրոսի Խաչատրյանի մեղավորությունը ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով և 34-177-րդ հոդվածի 3-րդ մասի 2-րդ կետով, Գուրգեն Նիկոլայի Գրիգորյանի մեղավորությունը` 1 դրվագով` ՀՀ քրեական օրենսգրքի 34-177-րդ հոդվածի 3-րդ մասի 2-րդ կետով և 2 դրվագով` 177-րդ հոդվածի 3-րդ մասի 2-րդ կետով, Հարություն Ժորայի Հարությունյանի մեղավորությունը 1 դրվագով` ՀՀ քրեական օրենսգրքի 34-177-րդ հոդվածի 3-րդ մասի 2 կետով և 2 դրվագով` 177-րդ հոդվածի 3-րդ մասի 2-րդ կետով, Արգիշտի Մուշեղի Սուքիասյանի մեղավորությունը` 1 դրվագով ՀՀ քրեական օրենսգրքի 34-177-րդ հոդվածի 3-րդ մասի 2-րդ կետով և 2 դրվագով` 177-րդ հոդվածի 3-րդ մասի 2-րդ կետով նախատեսված հանցագործությունների կատարման մեջ, ապացուցված է:
Վերոհիշյալ հանցանքների կատարման համար ամբաստանյալները ենթակա են քրեական պատասխանատվության և պատժի, որը նրանք պետք է կրեն:
ՀՀ քրեական օրենսգրքի 10-րդ հոդվածի համաձայն` ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի համաձայն`
ՙ1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից ու ազատություններից օրենքով նախատեսված զրկմամբ կամ դրանց սահմանափակմամբ:
2. Պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածի համաձայն`
ՙ1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում է հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով՚:
ՀՀ Վճռաբեկ դատարանը 2012թ. նոյեմբերի 1-ին Սերոբ Սարգսյանի վերաբերյալ թիվ ՍԴ/0109/01/12 գործով արտահայտել է հետևյալ իրավական դիրքորոշումը. ՙ(…) պատիժ նշանակելու ընդհանուր սկզբունքները քրեական օրենքով նախատեսված այն հիմնադրույթներն են, որոնցով պետք է ղեկավարվի դատարանը պատիժ նշանակելիս: Այդ սկզբունքներն են`
ա) օրինականությունը,
բ) արդարությունը,
գ) պատժի անհատականացումը,
դ) մարդասիրությունը:
Պատիժ նշանակելու վերոնշյալ սկզբունքները սահմանում են այն հիմնական դրույթները, որոնցով ղեկավարվում է դատարանը յուրաքանչյուր քրեական գործով պատժի տեսակն ու չափն ընտրելիս:
(…) պատժի նշանակման իրավական շրջանակները սահմանված են ՀՀ քրեական օրենսգրքով: Դրա հետ մեկտեղ, սակայն, վերոնշյալ օրենքը դատարանին հնարավորություն է տվել որոշակի սկզբունքների (…) պահպանմամբ, իր ներքին համոզմանը և իրավագիտակցությանը համապատասխան, ՀՀ քրեական օրենսգրքի Ընդհանուր և Հատուկ մասերով նախատեսված սահմաններում որոշել պատժի տեսակն ու չափը: Այլ կերպ` ուրվագծելով կոնկրետ հանցանքի համար նշանակման ենթակա պատժի առավելագույն և նվազագույն սահմանները` ՀՀ քրեական օրենքը դատարանին տվել է այդ շրջանակում հայեցողություն դրսևորելու հնարավորություն:
Վճռաբեկ դատարանը գտել է, որ ՀՀ քրեական օրենսգրքի Հատուկ մասի գրեթե բոլոր հոդվածների սանկցիաներում ամրագրված վերոնշյալ մոտեցումը պայմանավորված է այն տրամաբանությամբ, որ քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են: Ուստի կոնկրետ արարքի և անձի նկատմամբ համընդհանուր քրեական օրենքով նախատեսված սանկցիան կիրառելիս դատարանը պետք է որոշակի հայեցողություն դրսևորի:
Այսինքն` առանց դատարանի հայեցողության պատժի անհատականացումն անհնար է:
(…) Պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության աստիճանի ու բնույթի, հանցավորի անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների հայեցողական և ոչ երբեք կամային գնահատման ժամանակ դատարանը պետք է ելնի ՀՀ քրեական օրենսգրքի 48-րդ հոդվածով նախատեսված` պատժի նպատակների իրացումն ապահովելու անհրաժեշտությունից (տե'ս Նարեկ Գևորգի Սարգսյանի գործով Վճռաբեկ դատարանի 2011 թվականի դեկտեմբերի 22-ի թիվ ԵԿԴ/0042/01/11 որոշման 14-րդ, 22-23-րդ կետերը)՚:

Ամբաստանյալ Հովհաննես Խաչատրյանի պատասխանատվությունն ու պատիժը մեղմացնող հանգամանք դատարանը հաշվի է առնում այն, որ նա մասնակիորեն ընդունել է մեղքը: Ամբաստանյալի պատասխանատվությունն ու պատիժը ծանրացնող հանգամանքներ առկա չեն:
Ամբաստանյալ Գուրգեն Գրիգորյանի անձը բնութագրող տվյալներ դատարանը հաշվի է առնում, որ նա ամուսնացած է: Ամբաստանյալի պատասխանատվությունն ու պատիժը մեղմացնող և ծանրացնող հանգամանքներ առկա չեն:
Ամբաստանյալ Հարություն Հարությունյանի անձը բնութագրող տվյալներ դատարանը հաշվի է առնում, որ նա ամուսնացած է: Ամբաստանյալի պատասխանատվությունն ու պատիժը մեղմացնող հանգամանքներ դատարանը հաշվի է առնում, որ նրա խնամքի տակ են գտնվում 2004, 2008 և 2014 թվականներին ծնված մանկահասակ երեխաները, չաշխատող և վատառողջ մայրը: Ամբաստանյալի պատասխանատվությունն ու պատիժը ծանրացնող հանգամանքներ առկա չեն:
Ամբաստանյալ Արգիշտի Սուքիասյանի անձը բնութագրող տվյալներ դատարանը հաշվի է առնում, որ նա նախկինում դատված չէ: Ամբաստանյալի պատասխանատվությունն ու պատիժը մեղմացնող և ծանրացնող հանգամանքներ առկա չեն:
ՀՀ վճռաբեկ դատարանը Կարեն Հարությունյանի վերաբերյալ գործով վերլուծելով ՀՀ քրեական օրենսգրքի Ընդհանուր մասի մի շարք դրույթներ, մասնավորապես` ՀՀ քրեական օրենսգրքի 10-րդ, 48-րդ և 61-րդ հոդվածները հանգել է այն հետևության, որ պատիժը համարվում է արդարացի, եթե դատարանը ճիշտ է գնահատում գործի բոլոր հանգամանքները, անձին բնութագրող բոլոր տվյալները և քրեական օրենքով նախատեսված պահանջներից ելնելով` հանցագործության մեջ մեղավոր անձի նկատմամբ նշանակում է այնպիսի պատիժ, որն անհրաժեշտ և բավարար է այդ անձին ուղղելու և նրա կողմից նոր հանցանքի կատարումը կանխելու համար (տե'ս ՀՀ վճռաբեկ դատարանի` Կարեն Հարությունյանի վերաբերյալ գործով 2007 թվականի նոյեմբերի 30-ի ՎԲ-201/07 որոշումը):
(…) Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը:
(…) Արարքի հանրային վտանգավորության բնույթի որոշման հարցում Վճռաբեկ դատարանը կարևորել է խախտված քրեաիրավական նորմով պաշտպանվող հասարակական հարաբերության սոցիալական նշանակությունը, և գտնում է, որ պատիժ նշանակելիս դատարանները պարտավոր են հաշվի առնել տվյալ ժամանակահատվածում քրեական օրենսդրությամբ պահպանվող կոնկրետ հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունըե (տե՛ս Գարուշ Նորիկի Մադաթյանի վերաբերյալ 2009 թվականի փետրվարի 17-ի թիվ ԵՇԴ/0029/01/08 որոշումը):
Հաշվի առնելով ամբաստանյալներ Հ.Հարությունյանի, Հ.Խաչատրյանի, Գ.Գրիգորյանի և Ա.Սուքիասյանի կատարած հանցագործությունների բնույթը և հանրության համար վտանգավորության աստիճանը, դրանց կատարման եղանակը, հանցավոր մտադրության իրականացման աստիճանը, հանցագործությունները կատարելուց հետո նրանց դրսևորած վարքագիծը, խախտված հասարակական հարաբերության սոցիալական նշանակությունը և այդ ոլորտում պետության քրեական քաղաքականության ուղղվածությունը, դատարանը գտնում է, որ Հովհաննես Խաչատրյանը ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով և 34-177-րդ հոդվածի 3-րդ մասի 2-րդ կետով, Գուրգեն Գրիգորյանը` 1 դրվագով` ՀՀ քրեական օրենսգրքի 34-177-րդ հոդվածի 3-րդ մասի 2-րդ կետով և 2 դրվագով` 177-րդ հոդվածի 3-րդ մասի 2-րդ կետով, Հարություն Հարությունյանը` 1 դրվագով` ՀՀ քրեական օրենսգրքի 34-177-րդ հոդվածի 3-րդ մասի 2 կետով և 2 դրվագով` 177-րդ հոդվածի 3-րդ մասի 2-րդ կետով, Արգիշտի Սուքիասյանը` 1 դրվագով ՀՀ քրեական օրենսգրքի 34-177-րդ հոդվածի 3-րդ մասի 2-րդ կետով և 2 դրվագով` 177-րդ հոդվածի 3-րդ մասի 2-րդ կետով նախատեսված հանցագործությունների կատարման համար ենթակա են պատժի ազատազրկման ձևով:
ՀՀ քրեական օրենսգրքի 22-րդ հոդվածի համաձայն`
ՙ(...)
2. Հանցագործությունների ռեցիդիվը վտանգավոր է համարվում՝
1) դիտավորությամբ հանցանք կատարելու դեպքում, եթե անձը նախկինում երկու անգամից ոչ պակաս ազատազրկման է դատապարտվել դիտավորյալ հանցագործության համար:
(...)՚:
Դատարանն արձանագրում է, որ ամբաստանյալներ Հարություն Հարությունյանը և Գուրգեն Գրիգորանը, նախկինում երկու անգամից ոչ պակաս ազատազրկման դատապարտված լինելով դիտավորյալ հանցագործությունների համար` դարձյալ կատարել են դիտավորյալ հանցագործություն, այսինքն` առկա է հանցագործությունների վտանգավոր ռեցիդիվ:
ՀՀ քրեական օրենսգրքի 67.1-րդ հոդվածի 2-րդ մասի համաձայն`
ՙ(...)Հանցագործությունների վտանգավոր ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի երկու երրորդից: (...)՚:
Հետևաբար, ամբաստանյալ Հարություն Հարությունյանի և Գուրգեն Գրիգորանի նկատմամբ պատիժ նշանակելիս դատարանը պետք է ղեկավարվի ՀՀ քրեական օրենսգրքի 67.1-րդ հոդվածի կանոններով:
Անդրադառնալով խափանման միջոցի հարցին, դատարանը գտնում է, որ ամբաստանյալներ Հովհաննես Խաչատրյանի, Գուրգեն Գրիգորյանի, Հարություն Հարությունյանի և Արգիշտի Սուքիասյանի նկատմամբ կիրառված խափանման միջոց կալանավորումը պետք է թողնել անփոփոխ` մինչև դատավճռի օրինական ուժի մեջ մտնելը:
Անդրադառնալով իրեղեն ապացույցների տնօրինման հարցին, դատարանը գտնում է, որ իրեղեն ապացույց ճանաչված, Կարեն Թաշչյանին ի պահ հանձնված ՙՄերսեդես-Բենց Ջի 500՚ մակնիշի, 01 DU 002 հաշվառման համարանիշի ավտոմեքենան, Նարեկ Մեհրաբյանին ի պահ հանձնված` ՙՕպել Աստրա Ջի՚ մակնիշի, 34 ZM 421 համարանիշի ավտոմեքենայի ղեկի անվտանգության բարձիկը, ՙՍոնի՚ ֆիրմայի ձայնարկիչը, մեքենայի սրահի 2 լուսարձակները, մեկ հատ գազի գլանանոթը, և Արման Մանուչարյանին ի պահ հանձնված CNG2-G-356-65-20B գործարանային անհատականացման համարի գազի գլանանոթը պետք է թողնել վերջիններիս տնօրինմանը, իսկ Հ.Խաչատրյանի մեկ զույգ ձեռնոցը և մետաղյա լինգը` ոչնչացնել:
Քննության առնելով դատական ծախսերի հարցը, դատարանն արձանագրում է, որ որպես ապացույց մեղադրանքի հիմքում դրված` դատաապրանքագիտական թիվ 56171510 փորձաքննության արժեքը կազմել է 33.600 ՀՀ դրամ:
ՀՀ քրեական դատավարության օրենսգրքի 168-րդ հոդվածի 1-ին մասի համաձայն`
ՙԴատական ծախսերը բաղկացած են`
/.../
3) մասնագետի, փորձագետի, թարգմանչի վարձատրության գումարներից.
/.../՚:
ՀՀ քրեական դատավարության օրենսգրքի 169-րդ հոդվածի 1-ին մասի համաձայն`
ՙՍույն օրենսգրքի 168 հոդվածի առաջին մասի 1-6-րդ կետերում թվարկված դատական ծախսերը կարող են դատարանի կողմից դրվել դատապարտյալի վրա:՚:
Այսպիսով, դատարանը գտնում է, որ ՀՀ քրեական դատավարության օրենսգրքի 1-ին մասի կարգով, Հովհաննես Խաչատրյանից, Գուրգեն Գրիգորյանից, Հարություն Հարությունյանից և Արգիշտի Սուքիասյանից համապարտության կարգով, որպես դատական ծախսեր` հօգուտ պետական բյուջեի պետք է բռնագանձել 33.600 /երեսուներեք հազար վեց հարյուր/ ՀՀ դրամ:
Ինչ վերաբերվում է տուժողներին հանցագործության հետևանքով անմիջականորեն պատճառված վնասին և քաղաքացիական հայցին, ապա դատարանը գտնում է, որ քաղաքացիական հայցի հարցը պետք է համարել լուծված` տուժողների կողմից գույքային վնասի հատուցման պահանջի բացակայության հիմքով:
Ղեկավարվելով ՀՀ քրեական դատավարության օրենսգրքի 119-րդ, 134-րդ, 163-րդ, 168-րդ, 357-360-րդ, 365-րդ, 369-373-րդ և 379-րդ հոդվածներով, դատարանը`

ՎՃՌԵՑ

Հովհաննես Մարտիրոսի Խաչատրյանին մեղավոր ճանաչել ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով և 34-177-րդ հոդվածի 3-րդ մասի 2-րդ կետով նախատեսված հանցագործությունների կատարման մեջ:
ՀՀ քրեական օրենսգրքի 34-176-րդ հոդվածի 2-րդ մասի 4-րդ կետով նրա նկատմամբ պատիժ նշանակել ազատազրկում 3 տարի ժամկետով:
ՀՀ քրեական օրենսգրքի 34-177-րդ հոդվածի 3-րդ մասի 2 կետով` պատիժ նշանակել ազատազրկում 4 տարի ժամկետով:
ՀՀ քրեական օրենսգրքի 66-րդ հոդվածի կանոններով հանցանքների համակցությամբ պատիժները մասնակիորեն գումարելու միջոցով Հովհաննես Մարտիրոսի Խաչատրյանի նկատմամբ պատիժ նշանակել ազատազրկում 4 տարի 6 ամիս ժամկետով:
Պատժի սկիզբը հաշվել 2015 թվականի հոկտեմբերի 22-ից:
Հովհաննես Մարտիրոսի Խաչատրյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:

Գուրգեն Նիկոլայի Գրիգորյանին մեղավոր ճանաչել 1 դրվագով` ՀՀ քրեական օրենսգրքի 34-177-րդ հոդվածի 3-րդ մասի 2 կետով և 2 դրվագով` 177-րդ հոդվածի 3-րդ մասի 2-րդ կետով նախատեսված հանցագործությունների կատարման մեջ:
ՀՀ քրեական օրենսգրքի 34-177-րդ հոդվածի 3-րդ մասի 2-րդ կետով նրա նկատմամբ պատիժ նշանակել ազատազրկում 5 տարի 4 ամիս ժամկետով:
1-ին դրվագով` ՀՀ քրեական օրենսգրքի 177-րդ հոդվածի 3-րդ մասի 2 կետով` պատիժ նշանակել ազատազրկում 5 տարի 6 ամիս ժամկետով:
2-րդ դրվագով` ՀՀ քրեական օրենսգրքի 177-րդ հոդվածի 3-րդ մասի 2 կետով` պատիժ նշանակել ազատազրկում 5 տարի 6 ամիս ժամկետով:
ՀՀ քրեական օրենսգրքի 66-րդ հոդվածի կանոններով հանցանքների համակցությամբ պատիժները մասնակիորեն գումարելու միջոցով Գուրգեն Նիկոլայի Գրիգորյանի նկատմամբ պատիժ նշանակել ազատազրկում 6 տարի ժամկետով:
Պատժի սկիզբը հաշվել 2015 թվականի նոյեմբերի 05-ից:
Գուրգեն Նիկոլայի Գրիգորյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:

Հարություն Ժորայի Հարությունյանին մեղավոր ճանաչել ՀՀ քրեական օրենսգրքի 34-177-րդ հոդվածի 3-րդ մասի 2-րդ կետով և 2 դրվագով` 177-րդ հոդվածի 3-րդ մասի 2-րդ կետով նախատեսված հանցագործությունների կատարման մեջ:
ՀՀ քրեական օրենսգրքի 34-177-րդ հոդվածի 3-րդ մասի 2-րդ կետով նրա նկատմամբ պատիժ նշանակել ազատազրկում 5 տարի 4 ամիս ժամկետով:
1-ին դրվագով` ՀՀ քրեական օրենսգրքի 177-րդ հոդվածի 3-րդ մասի 2 կետով` պատիժ նշանակել ազատազրկում 5 տարի 4 ամիս ժամկետով:
2-րդ դրվագով` ՀՀ քրեական օրենսգրքի 177-րդ հոդվածի 3-րդ մասի 2 կետով` պատիժ նշանակել ազատազրկում 5 տարի 4 ամիս ժամկետով:
ՀՀ քրեական օրենսգրքի 66-րդ հոդվածի կանոններով հանցանքների համակցությամբ պատիժները մասնակիորեն գումարելու միջոցով Հարություն Ժորայի Հարությունյանի նկատմամբ պատիժ նշանակել ազատազրկում 5 տարի 10 ամիս ժամկետով:
Պատժի սկիզբը հաշվել 2015 թվականի նոյեմբերի 05-ից:
Հարություն Ժորայի Հարությունյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:

Արգիշտի Մուշեղի Սուքիասյանին մեղավոր ճանաչել 1 դրվագով ՀՀ քրեական օրենսգրքի 34-177-րդ հոդվածի 3-րդ մասի 2-րդ կետով և 2 դրվագով` 177-րդ հոդվածի 3-րդ մասի 2-րդ կետով նախատեսված հանցագործությունների կատարման մեջ:
ՀՀ քրեական օրենսգրքի 34-177-րդ հոդվածի 3-րդ մասի 2-րդ կետով նրա նկատմամբ պատիժ նշանակել ազատազրկում 4 տարի ժամկետով:
1-ին դրվագով` ՀՀ քրեական օրենսգրքի 177-րդ հոդվածի 3-րդ մասի 2 կետով` պատիժ նշանակել ազատազրկում 4 տարի ժամկետով:
2-րդ դրվագով` ՀՀ քրեական օրենսգրքի 177-րդ հոդվածի 3-րդ մասի 2 կետով` պատիժ նշանակել ազատազրկում 4 տարի ժամկետով:
ՀՀ քրեական օրենսգրքի 66-րդ հոդվածի կանոններով հանցանքների համակցությամբ պատիժները մասնակիորեն գումարելու միջոցով Արգիշտի Մուշեղի Սուքիասյանի նկատմամբ պատիժ նշանակել ազատազրկում 4 տարի 6 ամիս ժամկետով:
Պատժի սկիզբը հաշվել 2015 թվականի նոյեմբերի 05-ից:
Արգիշտի Մուշեղի Սուքիասյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:

Իրեղեն ապացույց ճանաչված, Կարեն Թաշչյանին ի պահ հանձնված ՙՄերսեդես-Բենց Ջի 500՚ մակնիշի, 01 DU 002 հաշվառման համարանիշի ավտոմեքենան, Նարեկ Մեհրաբյանին ի պահ հանձնված` ՙՕպել Աստրա Ջի՚ մակնիշի, 34 ZM 421 համարանիշի ավտոմեքենայի ղեկի անվտանգության բարձիկը, ՙՍոնի՚ ֆիրմայի ձայնարկիչը, մեքենայի սրահի 2 լուսարձակները, մեկ հատ գազի գլանանոթը, և Արման Մանուչարյանին ի պահ հանձնված CNG2-G-356-65-20B գործարանային անհատականացման համարի գազի գլանանոթը թողնել վերջիններիս տնօրինմանը, իսկ Հ.Խաչատրյանի մեկ զույգ ձեռնոցը և մետաղյա լինգը` ոչնչացնել:
Ամբաստանյալներ Հովհաննես Խաչատրյանից, Գուրգեն Գրիգորյանից, Հարություն Հարությունյանից և Արգիշտի Սուքիասյանից համապարտության կարգով որպես դատական ծախսեր հօգուտ պետական բյուջեի բռնագանձել 33.600 ՀՀ դրամ:
Քաղաքացիական հայցի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո` մեկամսյա ժամկետում:



ԴԱՏԱՎՈՐ Ա.ՄԿՐՏՉՅԱՆ