N - ԵԱՔԴ/0057/01/16
Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

՚25ՙ մայիսի 2016թ. ք.Երևան

ԵՐԵՎԱՆ ՔԱՂԱՔԻ ԱՐԱԲԿԻՐ ԵՎ ՔԱՆԱՔԵՌ-ԶԵՅԹՈՒՆ ՎԱՐՉԱԿԱՆ
ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ

ՆԱԽԱԳԱՀՈՂ ԴԱՏԱՎՈՐª Մ.ՄԵԼՔՈՆՅԱՆ
ՔԱՐՏՈՒՂԱՐՈՒԹՅԱՄԲª Ա.ԹԱԴԵՎՈՍՅԱՆԻ

ՄԱՍՆԱԿՑՈՒԹՅԱՄԲª
ՄԵՂԱԴՐՈՂ Է.ՊԵՏՐՈՍՅԱՆԻ
Վ.ՄԿՐՏՉՅԱՆԻ
ԱՄԲԱՍՏԱՆՅԱԼ Ս.ՎԱՐԴԱՆՅԱՆԻ
ՊԱՇՏՊԱՆՆԵՐ Ա.ԽԱՉԱՏՐՅԱՆԻ
Ա.ՄԵԼՔՈՆՅԱՆԻ

Դռնբաց դատական նիստում քննության առնելով քրեական գործն ըստ մեղադրանքի Սերժ Արայի Վարդանյանի` ծնված 11.12.1993թվականին, քաղ. Երևան, ազգությամբ հայ, ՀՀ քաղաքացի, բարձրագույն
կրթությամբ, չամուսնացած, ֆիզիկապես առողջ, չի աշխատում, նախկինում չդատված,
բնակվում է ք. Երևան, Սայաթ-Նովա 12շենք 9բնակարան հասցեում, 27.03.2016թվականին
որպես խափանման միջոց է ընտրվել կալանավորումը:
Մեղադրվում է ՀՀ Քրեական օրենսգրքի 185հոդվածի 2-րդ մասի 1-ին, 3-րդ կետերով:
Դատաքննությամբ և գործի տվյալներով դատարանը

Պ Ա Ր Զ Ե Ց

Գործով ամբաստանյալ Սերժ Արայի Վարդանյանը մեղադրվում է այն բանում, որ նա 2016թվականի մարտի 23-ին ժամը 15.00-ին վարելով ՚BMWՙ մակնիշի 34 UA 988հաշվառման համարանիշի ավտոմոբիլը և խախտելով ճանապարհային երթևեկության կանոններըª չի ենթարկվել ՀՀ ՃՈ 1-ին գումարտակի 4-րդ դասակի տեսուչ Գևորգ Սարգսյանի օրինական պահանջինª ՚կանգՙ հրահանգին և դիմել փախուստիª ստեղծելով վթարային իրավիճակ: ՃՈ ուղեկցող սպայական վաշտի 2-րդ դասակիª Երևան քաղաքի Թբիլիսյան խճուղում ծառայություն իրականացնող աշխատակիցներ Նարեկ Գրիգորյանը և Արտակ Առաքելյանը ՃՈ ծառայության օպերատիվ կառավարման կենտրոնի ռադիոկապով ստացված հրահանգի համաձայն Երևան քաղաքի Ազատության պողոտա և Հր.Ներսիսյան փողոցների խաչմերուկում արգելափակել են ՚BMWՙ մակնիշի 34 UA 988 հաշվառման համարանիշի ավտոմոբիլի երթևեկելի հատվածըª Նարեկ Գրիրգորյանը ՚TOYOTAՙ մակնիշի 754 II 01 հ/հ ՃՈ տարբերանշանով ծառայողական ավտոմոբիլը կայանել է Ազատության պողոտայի ՚Լամբադաՙ կամրջի տակից դուրս եկող ճանապարհիª Ս.Վարդանյանի վարած ՚BMWՙ մակնիշի ավտոմոբիլի երթևեկելի գոտուց խաչմերուկ դուրս եկող հատվածում: Ս.Վարդանյանը, տեսնելով ոստիկանության աշխատակիցների կողմից ստեղծված արգելքը, այնուամենայնիվ կանգ չի առելª շարունակելով հակաիրավական գործողություններըª գիտակցելով իր երթևեկելի գոտիով խաչմերուկ դուրս գալու անհնարինությունըª ձախակողմյան հատվածում բետոնյա արգելապատնեշի, աջակողմյան հատվածի երթևեկելի գոտում այլ ավտոմոբիլների, իսկ առջևում ոստիկանության ավտոմոբիլի առկայությունը, հասել է բետոնյա արգելապատնեշի եզրին, ապա տեսնելով, որ ոստիկանության ավտոմոբիլի և բետոնյա արգելապատնեշի միջև եղած հատվածը իր ավտոմոբիլի առանց խոչընդոտ անցնելու համար չափազանց նեղ է, ոստիկանության աշխատակիցների ծառայողական պարտքը կատարելու հետ կապված, հանրավտանգ եղանակովª դիտավորությամբ վնասել է ոստիկանության ՚ТОYОТAՙ մակնիշի 754 II 01 հ/հ ՃՈ տարբերանշանով ծառայողական ավտոմոբիլըª իր ավտոմոբիլով հարվածել է, ապա հրել է ոստիկանության ավտոմոբիլըª իրական վտանգ ստեղծելով ՃՈ տարբերանշանով ավտոմոբիլի մեջ գտնվող Նարեկ Գրիգորյանի, Արտակ Առաքելյանի և երթևեկության մյուս մասնակիցների կյանքի և առողջության համար, այդ կերպ բացված ճանապարհով դիմել փախուստիª ՀՀ Ոստիկանությանը պատկանող գույքին պատճառելով զգալի չափերիª 90.000ՀՀ դրամի գույքային վնաս:

Վերը նշված հանցավոր արարքը կատարելու համար նախաքննական մարմինը Սերժ Արայի Վարդանյանին մեղադրանք է առաջադրել ՀՀ Քրեական օրենսգրքի 185հոդվածի 2-րդ մասի 1-ին, 3-րդ կետերով:
Քրեական գործը 15.04.2016թվականին մեղադրական եզրակացությամբ ուղարկվել է ՀՀ Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
Մինչ դատաքննությունն սկսելը ամբաստանյալ Սերժ Արայի Վարդանյանը միջնորդեց դատական քննությունն անցկացնել արագացված կարգով և հայտարարեց, որ միջնորդությունը ներկայացրել է կամավոր, խորհրդակցել է պաշտպանի հետ, գիտակցում է արագացված կարգով դատաքննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Մեղադրողը միջնորդության դեմ չառարկեց:
Դատարանը համոզվելով, որ առկա են ՀՀ Քրեական դատավարության օրենսգրքի 3751 և 3752 հոդվածներով նախատեսված պայմանները` որոշեց արագացված կարգով դատական քննություն անցկացնել:
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Սերժ Արայի Վարդանյանը կատարել է ՀՀ Քրեական օրենսգրքի 185հոդվածի 2-րդ մասի 1-ին, 3-րդ կետերով նախատեսված արարք և հանգում է այն հետևության, որ ամբաստանյալին մեղսագրված արարքը որակված է ճիշտ, ուստի նա պետք է քրեական պատասխանատվության ենթարկվի և պատիժ կրի:
Ամբաստանյալի նկատմամբ պատիժ նշանակելիս դատարանը հաշվի է առնում նրա կատարած արարքի բնույթն ու հասարակական վտանգավորության աստիճանը, շարժառիթը, հետևանքը, հանցագործության տարածվածությունը, ամբաստանյալի անձը բնութագրող տվյալները, պատասխանատվությունը և պատիժը մեղմացնող կամ ծանրացնող հանգամանքները, նկատի ունենալով այն, որ քրեական պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները:
Դատարանը ղեկավարվելով ՀՀ Քրեական օրենսգրքի 62հոդվածի 1-ին մասի 10-րդ կետով, նույն հոդվածի 2-րդ մասով, ամբաստանյալ Սերժ Վարդանյանի պատասխանատվությունը և պատիժը մեղմացնող հանգամանքներ հաշվի է առնում այն, որ նա իրեն մեղավոր է ճանաչել, զղջացել է կատարածի համար, նախկինում դատապարտված չի եղել, հատուցել է տուժողին պատճառված վնասը, բնութագրվում է դրական ՚Ավտոգազՙ ՍՊԸ-ի տնօրեն Գ.Սարգսյանի, Երևան քաղաքի Ս.Նովա 12շենքի բնակիչների կողմից, որը հաստատել է ՚Կենտրոնՙ համատիրության կառավարիչ Ա.Միքայելյանը:
Ամբաստանյալի պատասխանատվությունը և պատիժը ծանրացնող հանգամանքներ չկան:
ՀՀ Քրեական դատավարության օրենսգրքի 3753հոդվածի 6-րդ մասի համաձայն` դատարանն արագացված կարգով դատական քննության արդյունքում մեղադրական դատավճիռ կայացնելիս նշանակում է պատիժ, որը չի կարող գերազանցել կատարված հանցագործության համար նախատեսված առավել խիստ պատժի երկու երրորդը, իսկ եթե առավել խիստ պատժի երկու երրորդը փոքր է տվյալ հանցագործության համար նախատեսված առավել մեղմ պատժից` ապա առավել մեղմ պատիժը:
Դատարանը հանգում է հետևության, որ ամբաստանյալ Սերժ Արայի Վարդանյանին նպատակահարմար է պատժիչ դաստիարակչական ներգործության ենթարկել հասարակությունից մեկուսացնելու պայմաններում: Ամբաստանյալի նկատմամբ պատիժ նշանակելիս դատարանը ելնում է այն իրողությունից, որ օրենքի առաջնային պահանջը պատժի արդարացիությունն է, որըª որպես քրեական իրավունքի սկզբունք, ձևակերպված է ՀՀ Քրեական օրենսգրքի 10հոդվածում, համաձայն որի հանցանք կատարած անձի նկատմամբ պատիժը պետք է լինի արդարացի, անհրաժեշտ և բավարար նրան ուղղելու և նոր հանցագործությունը կանխելու համար: ՀՀ Քրեական օրենսգրքի 48հոդվածի դրույթների համաձայն պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները: Դատարանը միաժամանակ հավաստում է, որ նշանակվող պատժի արդարացիության հարցը լուծելիս դատարանը ճիշտ է գնահատել գործի բոլոր հանգամանքները, ամբաստանյալի անձը բնութագրող բոլոր տվյալները և, քրեական օրենքով նախատեսված պահանջներից ելնելով, ամբաստանյալի նկատմամբ նշանակում է այնպիսի պատիժ, որն անհրաժեշտ և բավարար է տվյալ անձին ուղղելու և նրա կողմից նոր հանցանքի կատարումը կանխելու համար: Ընդ որում, պատիժ նշանակելիս դատարանն ուղեցույց է ընդունում նաև քրեական օրենքի դրույթն այն մասին, որ հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները /ՀՀ Քրեական օրենսգրքի 61հոդվածի 3-րդ մաս/: Միաժամանակ նշված հանգամանքների ամբողջությունը դատարանին հիմք է տալիս կիրառելու ՀՀ Քրեական օրենսգրքի 185հոդվածի 2-րդ մասի սանկցիայի ոչ խիստ տարբերակըª չափի իմաստով: Այդպիսի եզրակացության դատարանը գալիս է հաշվի առնելով արարքի բոլոր փաստական ու քրեաիրավական բնութագրերը, պատասխանատվությունը և պատիժը մեղմացնող հանգամանքները, ծանրացնող հանգամանքների բացակայությունը, հանցավորի անձը բնութագրող տվյալները:
Ամբաստանյալ Սերժ Վարդանյանի նկատմամբ ընտրված խափանման միջոցը` կալանավորումը, պետք է թողնել անփոփոխ մինչև դատավճռի օրինական ուժի մեջ մտնելը:
Քննության առնելով իրեղեն ապացույցների տնօրինման հարցը, դատարանը հանգում է այն հետևության, որ իրեղեն ապացույց ճանաչված ՀՀ Ոստիկանության ՃՈ ծառայությանը պատկանող ՚TOYOTAՙ մակնիշի 754 II 01հաշվառման համարանիշի մեքենան, որն ի պահ է հանձնվել ՀՀ Ոստիկանության ներկայացուցիչ Մարիաննա Սիրաքի Մարգարյանին, պետք է թողնել ՀՀ Ոստիկանության ՃՈ ծառայության տնօրինությանը, իսկ իրեղեն ապացույց ճանաչված ՚BMWՙ մակնիշի 34 UA 988հաշվառման համարանիշի մեքենան, որը գտնվում է ՀՀ Ոստիկանության Քանաքեռ-Զեյթուն բաժնի բակային տարածքում, պետք է վերադարձնել ՚BMWՙ մակնիշի 34 UA 988հաշվառման համարանիշի մեքենայի սեփականատիրոջը:
Ելնելով վերոգրյալից և ղեկավարվելով ՀՀ Քրեական դատավարության օրենսգրքի 357-360, 365, 369-375, 3751 - 3753հոդվածներով դատարանը
Վ Ճ Ռ Ե Ց

Սերժ Արայի Վարդանյանին մեղավոր ճանաչել ՀՀ Քրեական օրենսգրքի 185հոդվածի 2-րդ մասի 1-ին, 3-րդ կետերով և դատապարտել ազատազրկման 3/երեք/ ամիս ժամկետով:
Խափանման միջոց կալանավորումը թողնել անփոփոխ:
Պատժի սկիզբը հաշվել 27.03.2016թվականից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Գործով իրեղեն ապացույց ճանաչված ՀՀ Ոստիկանության ՃՈ ծառայությանը պատկանող ՚TOYOTAՙ մակնիշի 754 II 01հաշվառման համարանիշի ավտոմեքենան թողնել ՀՀ Ոստիկանության ՃՈ ծառայության տնօրինությանը, իսկ իրեղեն ապացույց ճանաչված ՚BMWՙ մակնիշի 34 UA 988հաշվառման համարանիշի ավտոմեքենան վերադարձնել սեփականատիրոջը:
Դատավճիռը կարող է բողոքարկվել ՀՀ Վերաքննիչ քրեական դատարանª հրապարակման պահից մեկամսյա ժամկետում, բացառությամբ ՀՀ Քրեական դատավարության օրենսգրքի 395հոդվածի 1-ին կետով նախատեսված հիմքի:

ԴԱՏԱՎՈՐª Մ.ՄԵԼՔՈՆՅԱՆ