Գործ հ.
ԵԱՔԴ/0041/01/16






Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ ՈՒ Ն
Վ Ե Ր Ա Ք Ն Ն Ի Չ Ք Ր Ե Ա Կ Ա Ն Դ Ա Տ Ա Ր Ա Ն

Ո Ր Ո Շ Ո Ւ Մ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևան քաղաքի Արաբկիր և Քանաքեռ-Զեյթուն
վարչական շրջանների ընդհանուր
իրավասության դատարանի դատավճիռ,
գործ թիվ ԵԱՔԴ/0041/01/16
դատավոր` Դ.Գրիգորյան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ
/այսուհետ նաև`Վերաքննիչ դատարան/ ՀԵՏԵՎՅԱԼ ԿԱԶՄՈՎ`

նախագահությամբ` դատավոր Ա.ԽԱՉԱՏՐՅԱՆԻ
մասնակցությամբ` դատավորներ Ա.ԱԶԱՐՅԱՆԻ
Տ.ՍԱՀԱԿՅԱՆԻ

քարտուղարությամբ` Ռ.ԴԱՎՈՅԱՆԻ

մասնակցությամբ`
ամբաստանյալ Ն.ԿԱՐԱՊԵՏՅԱՆԻ

պաշտպան Ա.ՂԱԶԱՐՅԱՆԻ

մեղադրող Կ.ԲԱՐՍԵՂՅԱՆԻ

տուժող Մ.ՀՈՎՆԻԿՅԱՆԻ

տուժողի ներկայացուցիչ Ա.ԿԱՐԱՊԵՏՅԱՆԻ

2017 թվականի մարտի 22-ին, Երևան քաղաքում,

դռնբաց դատական նիստում, քննության առնելով ամբաստանյալ Նարեկ Կարապետյանի շահերի պաշտպան Արամ Ղազարյանի վերաքննիչ բողոքը` բերված Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի /այսուհետ նաև` Դատարան/ 2016 թվականի դեկտեմբերի 06-ի դատավճռի դեմ, քրեական գործով ըստ մեղադրանքի` Նարեկ Կարապետի Կարապետյանի` ՀՀ քրեական օրենսգրքի 118-րդ հոդվածով և 118-րդ հոդվածով.

Պ Ա Ր Զ Ե Ց

1.Գործի դատավարական նախապատմությունը.
ՀՀ ՔԿ Երևան քաղաքի քննչական վարչության Արաբկիր վարչական շրջանի քննչական բաժնում 2015 թվականի օգոստոսի 25-ին` ՀՀ քրեական օրենսգրքի 118-րդ հոդվածի հատկանիշներով հարուցվել և վարույթ է ընդունվել թիվ 14801815 քրեական գործը:
2016 թվականի փետրվարի 11-ին Նարեկ Կարապետյանին մեղադրանք է առաջադրվել ՀՀ քրեական օրենսգրքի 118-րդ հոդվածով` 2/երկու/ դրվագով:
2016 թվականի փետրվարի 4-ին ամբաստանյալ Նարեկ Կարապետյանի նկատմամբ որպես խափանման միջոց է կիրառվել չհեռանալու մասին ստորագրությունը:
2016 թվականի մարտի 16-ին Նարեկ Կարապետյանի վերաբերյալ թիվ 14801815 քրեական գործը հաստատված մեղադրական եզրակացությամբ ուղարկվել է Դատարան` ըստ էության քննելու համար:
Դատարանի 2016 թվականի դեկտեմբերի 06-ի դատավճռով ամբաստանյալ Նարեկ Կարապետի Կարապետյանը մեղավոր է ճանաչվել ՀՀ քրեական օրենսգրքի 118-րդ հոդվածով և 118-րդ հոդվածով և դատապարտվել.
-ՀՀ քրեական օրենսգրքի 118-րդ հոդվածով տուգանքի՝ ՀՀ նվազագույն աշխատավարձի 40 /քառասուն/-ապատիկի` 40.000 /քառասուն հազար/ ՀՀ դրամի չափով,
-ՀՀ քրեական օրենսգրքի 118-րդ հոդվածով տուգանքի՝ ՀՀ նվազագույն աշխատավարձի 40 /քառասուն/-ապատիկի` 40.000 /քառասուն հազար/ ՀՀ դրամի չափով:
ՀՀ քրեական օրենսգրքի 66-րդ հոդվածի կանոններով, հանցանքների համակցությամբ, նշանակված պատիժները մասնակի գումարելու միջոցով, ամբաստանյալ Նարեկ Կարապետյանի նկատմամբ վերջնական պատիժ է նշանակվել տուգանք` ՀՀ նվազագույն աշխատավարձի 50 /հիսուն/-ապատիկի` 50.000 /հիսուն հազար/ ՀՀ դրամի չափով:
Ամբաստանյալ Նարեկ Կարապետյանի նկատմամբ կիրառված խափանման միջոցը` ստորագրություն չհեռանալու մասին, թողնվել է անփոփոխ` մինչև դատավճռի օրինական ուժի մեջ մտնելը:
Դատավճռի դեմ ամբաստանյալ Նարեկ Կարապետյանի շահերի պաշտպան Արամ Ղազարյանը բերել է վերաքննիչ բողոք, որով խնդրել է այն` պատժատեսակի մասով մասնակիորեն բեկանել, ամբաստանյալ Նարեկ Կարապետյանին առաջադրված մեղադրանքում ճանաչել անմեղ և նրա նկատմամբ կայացնել արդարացման դատական ակտ:
Վերաքննիչ բողոքի առթիվ գրավոր պատասխան չի ստացվել:
Վերաքննիչ դատարանի 2017 թվականի հունվարի 24-ի որոշմամբ պաշտպանի վերաքննիչ բողոքն ընդունվել է վարույթ և գործը նշանակվել է քննության` ՀՀ վճռաբեկ դատարանում գործերի քննության համար սահմանված կանոններով:

2.Գործի փաստական հանգամանքները.
Նախաքննության մարմնի կողմից ամբաստանյալ Նարեկ Կարապետյանին մեղադրանք է առաջադրվել ՀՀ քրեական օրենսգրքի 118-րդ հոդվածով` 2/երկու/ դրվագով, այն բանի համար, որ նա 2015 թվականի օգոստոսի 11-ին ժամը 15.00-ի սահմաններում Երևան քաղաքի Աղբյուր Սերոբ 52/3 տան բակից Աղբյուր Սերոբ 52/7 տան բակ տանող աստիճանահարթակը Հովնիկյանների կողմից հրավիրված բանվորների կողմից ապամոնտաժելու ժամանակ վազելով մտել է Ա.Սերոբ 52/3 տան բակ, ձեռքով հարվածել Մարիամ Հովնիկյանի դեմքին, ապա նրան հրել և գցել է բակում գտնվող քարերի և մեխերով տախտակների վրա, որից հետո ոտքերով մի քանի անգամ հարվածներ է հասցրել Մ.Հովնիկյանի մարմնի տարբեր մասերին, ծեծի ենթարկել նրան` պատճառելով աջ այտոսկրի, աջից գոտկային, աջ նախաբազկի, աջ սրունքի շրջանների արյունազեղումների, աջ այտոսկրի, աջ նախաբազուկ-դաստակային հոդի շրջանի քերծվածքի ձևով առողջության թեթև վնասի հատկանիշներ չպարունակող մարմնական վնասվածքներ:
Բացի այդ, Նարեկ Կարապետյանը շարունակելով իր հանցավոր դիտավորությունը, հարձակվել է Մարգարիտա Հովնիկյանի վրա, երկու անգամ քաշել վերջինիս մազերից, ապա աստիճանների վրա կանգնած դիրքից ոտքով մի քանի անգամ հարվածել նրա ձեռքերին, ծեծի ենթարկել` պատճառելով աջ նախաբազկի, ձախ ոտնաթաթի շրջանների քերծվածքների ձևով առողջության թեթև վնասի հատկանիշներ չպարունակող մարմնական վնասվածքներ և ֆիզիկական ցավ:

3.Վերաքննիչ բողոքի հիմքերը, փաստարկները և պահանջը.
Վերաքննիչ բողոքը քննվում է հետևյալ հիմքերի սահմաններում` ներքոնշյալ հիմնավորումներով:
Բողոքաբերը ներկայացնելով գործի դատավարական նախապատմությունը և փաստական հանգամանքները, գտել է, որ Դատարանը վիճարկվող դատավճռով թույլ է տվել բազմաթիվ նյութաիրավական և դատավարական խախտումներ, որոնք հանգեցրել են գործի սխալ լուծմանը։
Ըստ բողոքաբերի, Դատարանը խախտել է Մարդու իրավունքների և հիմնարար ազատությունների եվրոպական կոնվեցիայի 6-րդ հոդվածի, ՀՀ քրեական օրենսգրքի 118-րդ հոդվածի, ՀՀ քրեական դատավարության օրենսգրքի 65-րդ, 216-րդ 35-րդ հոդվածի 1-ին մասի 1-3-րդ կետերի, 366-րդ հոդվածների պահանջները։
Վկայակոչելով ՀՀ քրեական դատավարության օրենսգրքի 18-րդ հոդվածի համապատասխան դրույթները, բողոքաբերը փաստել է, որ համաձայն մեղադրական եզրակացության, որը Դատարանը հաստատված է համարել, Նարեկ Կարապետյանի մեղադրանքի հիմքում դրվել է ՝
1. տուժող Մարիամ Հովնիկյանի նախաքննության ընթացքում տված ցուցմունքները,
2. տուժող Մարգարիտա Հովնիկյանի նախաքննության ընթացքում տված ցուցմունքները,
3. վկա Նաթելլա Հովնիկյանի նախաքննության ընթացքում տված ցուցմունքը,
4. վկա Սուսաննա Սողոմոնյանի նախաքննության ընթացքում տված ցուցմունքը,
5. վկա Մարտուն Պետրոսյանի նախաքննության ընթացքում տված ցուցմունքը,
6. վկա Վազգեն Պետրոսյանի նախաքննության ընթացքում տված ցուցմունքը,
7. վկա Նաիրա Նավասարդյանի նախաքննության ընթացքում տված ցուցմունքը,
8. դատաբժշկական փորձաքննության թիվ 2360 եզրակացությունը,
9. դատաբժշկական փորձաքննության թիվ 1494/հ եզրակացությունը:
ՀՀ քրեական օրենսգրքի 118-րդ հոդվածը` ծեծելը կամ այլ բռնի գործողություններ կատարելը, որը չի առաջացրել սույն օրենսգրքի 117-րդ հոդվածով նախատեսված հետևանքներ։
Բողոքաբերը գտել է, որ սույն գործի ինչպես նախաքննությամբ, այդպես էլ դատաքննությամբ չի հիմնավորվել Նարեկ Կարապետյանի կողմից ՀՀ քրեական օրենսգրքի 118-րդ հոդվածով նախատեսված հանցագործություն կատարելու փաստը, ավելին, ապացուցվել է վերջինիս անմեղությունը։
Նարեկ Կարապետյանի դեմ մեղադրական ցուցմունքներ են տվել տուժող Մարիամ Հովնիկյանը, Մարգարիտա Հովնիկյանը, վկաներ Նաթելա Հովնիկյանը, Սուսաննա Սողոմոնյանը /Նաթելայի քույրը/ և Նաիրա Նավասարդյանը, ովքեր հանդիսանում են նույն ընտանիքի անդամներ, մերձավոր ազգականներ, գործով շահագրգիռ անձիք։
Ըստ բողոքաբերի, վերջիններս միանման և մեղադրական ցուցմունքներ տալով փորձել են Նարեկ Կարապետյանին վատ վիճակի մեջ դնել, որպեսզի հետագայում կարողանան իրենց ուզած գործողությունները կատարել, այն է` քանդել դեպի Ն.Կարապետյանենց բնակարան տանող աստիճանավանդակները, որի վերաբերյալ ունեն վեճ քաղաքացիական դատարանում։
Գտել է, որ գործով տուժողի ցուցմունքները, ինչպես նաև տուժողից ածանցյալ այլ անձանց ցուցմունքները, որոնք գործով ձեռք բերված այլ ապացույցներով չեն հաստատվում, արժանահավատ համարվել չեն կարող և չեն կարող դրվել մեղադրական դատավճռի հիմքում։
Վկայակոչելով ՀՀ վճռաբեկ դատարանի` Սոնա Բալաբեկյանի վերաբերյալ գործով 2005 թվականի հուլիսի 22-ի որոշումը, փաստել է, որ ամբաստանյալ Նարեկ Կարապետյանի մեղադրանքի հիմքում դրվել է տուժող Մարգարիտա Հովնիկյանի նախաքննության ընթացքում տված ցուցմունքը, որը հրապարակվել է դատարանի կողմից։
Մեջբերելով ՀՀ քրեական դատավարության օրենսգրքի 65-րդ հոդվածի 2-րդ մասի 6-րդ կետի, նույն օրենսգրքի 216-րդ հոդվածի 1-ին մասի դրույթները, բողոքաբերը փաստել է, որ վարույթն իրականացնող մարմինը նշված հակասությունների առկայության պայմաններում պարտավոր էր ամբաստանյալի և տուժողի միջև կատարել առերես հարցաքննություն, մինչդեռ, վարույթն իրականացնող մարմինն ամբաստանյալի և վկայի միջև առերես հարցաքննություն չի կատարել, ինչով իրական և պատշաճ հնարավորություն չի տվել պաշտպանության կողմին տալ հարցեր վկային և վիճարկել նրա հայտնած փաստական տվյալների ճշմարտացիությունը։
Քրեական գործի դատական քննության ժամանակ Դատարանն ամբաստանյալի հակընդդեմ հարցման (կոնֆրոնտացիայի) իրավունքը որպես արդար դատաքննության անհրաժեշտ բաղկացուցիչ և հիմնարար իրավական արժեք, ապահովելու նպատակով ձեռնարկել է մի շարք միջոցներ տուժողի ներկայությունը դատական նիստին ապահովելու ուղղությամբ, սակայն վերջինս դատարան չի ներկայացել ՀՀ-ում չլինելու պատճառով, և պաշտպանական կողմը չի օգտվել իր հակընդդեմ հարցման իրավունքից։
Քրեադատավարական օրենքի այս խախտումը էական է, քանի որ առերեսման ընթացքում Նարեկ Կարապետյանի կողմից հարցաքննվելու արդյունքում, նրա հարցերին պատասխանելով կարող էին ի հայտ գալ գործի համար էական նշանակություն ունեցող նոր տվյալներ կամ տուժողն կարող էր փոխել իր ցուցմունքները, հրաժարվել դրանցից կամ հայտնել այնպիսի տվյալներ, որոնք բացահայտորեն ցույց կտային նրա ցուցմունքի անարժանահավատությունը։
ՀՀ վճռաբեկ դատարանի` թիվ ԵԱՔԴ/0189/01/12 գործով 2014 թվականի մայիսի 31-ի որոշման վկայակոչմամբ, բողոք բերած անձը նշել է, որ ինչպես նախաքննության ընթացքում, այնպես էլ դատարանում, Նարեկ Կարապետյանը չի ընդունել իրեն առաջադրված մեղադրանքը, սակայն տուժող Մարգարիտա Հովնիկյանը ցուցմունք է տվել վերջինիս դեմ։
Հակընդդեմ հարցման (կոնֆրոնտացիայի) իրավունքով չապահովված ապացույցը մեղադրական դատավճռի հիմքում դնելու իրավաչափության հարցին վճռաբեկ դատարանն անդրադարձել է Հ.Սահակյանի գործով թիվ ԼԴ/0212/01/10 որոշման մեջ։
ՀՀ քրեական դատավարության օրենսգրքի 105-րդ հոդվածի համաձայն` քրեական գործով վարույթում մեղադրանքի հիմքում չեն կարող դրվել և որպես ապացույց օգտագործվել այն նյութերը, որոնք ձեռք են բերվել՝ կասկածյալի և մեղադրյալի պաշտպանության իրավունքի, դատավարության լեզվին չտիրապետող անձանց իրավունքների ՝ սույն օրենսգրքով նախատեսված լրացուցիչ երաշխիքների էական խախտմամբ։
Նշել է, որ թե նախաքննության, թե դատական քննության ժամանակ պաշտպանության կողմին չի տրվել ամբաստանյալ Նարեկ Կարապետյանի դեմ հանդես եկած տուժողի ցուցմունքները վիճարկելու, նրան հարցաքննելու համարժեք և պատշաճ հնարավորություն, իսկ ամբաստանյալի նկատմամբ կայացված մեղադրական դատավճռի հիմքում չէր կարող դրվել հակընդդեմ հարցման (կոնֆրոնտացիայի) իրավունքով չապահովված ապացույցը։
Տուժող Մարգարիտա Հովնիկյանի նախաքննության ընթացքում տված ցուցմունքը մեղադրական դատավճռի հիմքում դնելով` ըստ բողոքաբերի, Դատարանը թույլ է տվել «Մարդու իրավունքների և հիմնարար ազատությունների պաշտպանության մասին» եվրոպական կոնվենցիայի 6-րդ հոդվածի խախտում, ինչն էլ հանգեցրել է ամբաստանյալի՝ արդար դատաքննության իրավունքի չեզոքացմանը։
Մյուսը, վկաներ Մարտուն Պետրոսյանի և Վազգեն Պետրոսյանի նախաքննության և դատաքննության ընթացքում տված ցուցմունքներն են:
Դատարանն իր դատավճռի մեջ նշել է. «անդրադառնալով վկաներ Վազգեն Մարտունի Պետրոսյանի և Մարտուն Վազգենի Պետրոսյանի կողմից վիճաբանությանն ականատես լինելու, ամբաստանյալի կողմից Մարիամ և Մարգարիտա Հովնիկյաններին կոնկրետ հարվածներ հասցնելու միջոցով ծեծի ենթարկելու հանգամանքների վերաբերյալ վկաներ Հ.Պետրոսյանի և Մ.Պետրոսյանի կողմից տրված նախաքննական և դատաքննական իրարամերժ և հակասական ցուցմունքներին, գտնում է, որ վկաների դատաքննական ցուցմունքներում այդ կապակցությամբ նշված հանգամանքը պայմանավորված է վկաներ Վազգեն Մարտունի Պետրոսյանի և Մարտուն Վագզենի Պետրոսյանի կողմից ամբաստանյալ Նարեկ Կարապետյանի նկատմամբ ունեցած կարեկցանքի, խղճահարության, ինչպես նաև նրա և նրա մերձավորների հետ հնարավոր թշնամական փոխհարաբերություններ առաջանալու վախի զգացումով և դրանցից զերծ մնալու շարժառիթով, որպիսի պայմաններում դատարանը արժանահավատ է համարում վկա Վազգեն Մարտունի Պետրոսյանի և Մարտուն Վազգենի Պետրոսյանի նախաքննության ընթացքում տված ցուցմունքները»։
Ըստ բողոքաբերի, Դատարանը վկաներ Մարտուն և Վազգեն Պետրոսյանների նախաքննության ընթացքում տված ցուցմունքը մեղադրական դատավճռի հիմքում դնելով թույլ է տվել ՀՀ քրեական դատավարության օրենսգրքի 216-րդ հոդվածի, Մարդու իրավունքների և հիմնարար ազատությունների պաշտպանության մասին եվրոպական կոնվենցիայի 6-րդ հոդվածի խախտում:
Նախաքննության ընթացքում վերը նշված վկաները Նարեկ Կարապետյանի դեմ ցուցմունք են տվել, ինչի պայմաններում վարույթ իրականացնող մարմինը պարտավոր էր կատարել առերես հարցաքննության, ինչը որ չի արվել։ Նարեկ Կարապետյանին չի տրվել իր դեմ հանդես եկած վկաների ցուցմունքները վիճարկելու և նրանց հարցաքննելու համարժեք և պատշաճ հնարավորություն։
Դատարանում վկաներ Մարտուն և Վազգեն Պետրոսյանները տվել են այլ ցուցմունք և հայտնել, որ Նարեկ Կարապետյանը իրենց ներկայությամբ ոչ ոքի ծեծի չի ենթարկել։
Դատարանի այն հետևությունը, թե իբր վկաները դատարանում նման ցուցմունք են տվել Նարեկ Կարապետյանի նկատմամբ ունեցած կարեկցանքի, խղճահարության, ինչպես նաև նրա և նրա մերձավորների հետ հնարավոր թշնամական փոխհարաբերություններ առաջանալու վախի զգացումով և դրանցից զերծ մնալու շարժառիթով, չի համապատասխանում իրականությանը։ Ինչպես վկաները, այնպես էլ դատավարության մյուս մասնակիցներից որևէ մեկը, նման տեղեկություն դատարանին չեն հայտնել, այդ ամենը իրականությանը չի համապատասխանում և չի բխում գործում առկա փաստական հանգամանքներից։
Մյուսը, դա դատաբժշկական փորձաքննության թիվ 2360 և 1494/հ եզրակացություններն են:
Երկու եզրակացություններում էլ փորձագետները նշել են, որ Մարգարիտա և Մարիամ Հովնիկյանների մարմնական վնասվածքները պատճառվել են բութ առարկայի ազդեցությամբ, հնարավոր է որոշման մեջ նշված ժամկետում և հանգամանքներում։
Գտել է, որ փորձագետի եզրակացությունները լիարժեք չեն, դրանք չպետք է դրվեր մեղադրական դատավճռի հիմքում, քանի որ հստակ նշում առկա չէ, որ կոնկրետ ամբաստանյալ Նարեկ Կարապետյանի գործողությունների արդյունքում են առաջացել մարմնական վնասվածքները։ Գտել է, որ գործ ունենք չփարատվող կասկածի հետ և այն պետք է մեկնաբանվեր հօգուտ ամբաստանյալի, ինչը որ չի արվել և ինչի արդյունքում Դատարանը հանգել է սխալ եզրահանգման։
Նարեկ Կարապետյանը հստակ ցուցմունք է տվել, որ ոչ մեկի չի հարվածել, ծեծի չի ենթարկել, միայն գնացել և կանգնել է աստիճանավանդակների վրա, որպեսզի այն բանվորները չքանդեն։
Ներկայացնելով պաշտպանական կողմի հրավիրած վկա Ասքանազ Մելքոնյանի կողմից դատարանում տված ցուցմունքը, տուժող կողմի հրավիրած վկա Արսեն Ապերյանի կողմից դատարանում տված ցուցմունքը, բողոքաբերը նշել է, որ Արսեն Ապերյանի կողմից կազմված որևէ արձանագրություն սույն քրեական գործում առկա չէ, ինչով ևս մեկ անգամ ապացուցվում է, որ որևէ հակաօրինական գործողություններ Նարեկ Կարապետյանի կողմից տեղի չի ունեցել, եթե տեղի ունեցած լիներ, ապա այդ մասին համապատասխան արձանագրություն կազմված կլիներ։
Վկայակոչելով ՀՀ քրեական դատավարության օրենսգրքի 18-րդ հոդվածի, 25-րդ հոդվածի 1-ին մասի, 107-րդ հոդվածի, 127-րդ հոդվածի համապատասխան դրույթները, ինչպես նաև ՀՀ վճռաբեկ դատարանի` Արարատ Ավագյանի վերաբերյալ գործով թիվ ԵԿԴ/0252/01/13 որոշումը, գտել է, որ ապացուցվել և հիմնավորվել է Նարեկ Կարապետյանի անմեղությունը և ընդհանուր իրավասության դատարանը պետք է ղեկավարվեր ՀՀ քրեական դատավարության օրենսգրքի 35-րդ հոդվածի 1-ին մասի 1-3-րդ կետերով և դրանց հիման վրա կայացնի արդարացման դատական ակտ։
Ըստ բողոքաբերի, վերը նշված անհերքելի ապացույցների պայմաններում Նարեկ Կարապետյանի նկատմամբ ՀՀ քրեական օրենսգրքի 118-րդ հոդվածի հիման վրա մեղադրական դատավճիռ արձակելով ընդհանուր իրավասության դատարանը թույլ է տվել քրեական օրենքի ոչ ճիշտ կիրառում, ինչն իր հերթին հանգեցրել է ՀՀ քրեական դատավարության օրենսգրքի 397-րդ հոդվածի 1-ին մասի խախտման։
Վերը նշված դատավարական նորմերի պայմաններում ընդհանուր իրավասության դատարանը պարտավոր էր ղեկավարվել ՀՀ քրեական դատավարության օրենսգրքի 35-րդ հոդվածի 1-ին մասի 1-3-րդ կետերով և դրանց հիման վրա կայացնել արդարացման դատավճիռ, որպիսի դատավարական նորմի պահանջն անտեսելով ընդհանուր իրավասության դատարանը խախտել է ՀՀ քրեական դատավարության օրենսգրքի 366-րդ հոդվածի 2-րդ մասի դրույթն այն մասին, որ դատարանը պարտավոր էր սույն օրենսգրքի 35-րդ հոդվածի 1-ին մասի 1-3-րդ կետերով և 2-րդ մասով նախատեսված հիմքերից որևէ մեկի առկայության դեպքում կայացնել արդարացման դատավճիռ։
Վերոգրյալի հիման վրա, բողոքաբերը Վերաքննիչ դատարանին խնդրել է Դատարանի դատավճիռը բեկանել, ՀՀ քրեական օրենսգրքի 118-րդ հոդվածով և 118-րդ հոդվածով ամբաստանյալ Նարեկ Կարապետյանին առաջադրված մեղադրանքում ճանաչել անմեղ և նրա նկատմամբ կայացնել արդարացման դատական ակտ։
4.Վերաքննիչ դատարանի պատճառաբանությունները և եզրահանգումը.
Համաձայն ՀՀ քրեական դատավարության օրենսգրքի 385-րդ հոդվածի 1-ին մասի պահանջների` վերաքննիչ դատարանը դատական ակտը վերանայում է վերաքննիչ բողոքի հիմքերի և հիմնավորումների սահմաններում:
Ըստ ՀՀ քրեական դատավարության օրենսգրքի 381-րդ հոդվածի 3-րդ մասի պահանջների` վերաքննիչ բողոքի հիմքերը, հիմնավորումները և պահանջը ներկայացվում են բացառապես վերաքննիչ բողոքում, և դրանք չեն կարող փոփոխվել և լրացվել գործի դատական քննության ընթացքում:
Համաձայն ՀՀ քրեական դատավարության օրենսգրքի 386-րդ հոդվածի պահանջների` վերաքննիչ բողոքի հիման վրա վերաքննիչ դատարանն ստուգում է գործի փաստական հանգամանքների բացահայտման և քրեական օրենքի կիրառման ճշտությունը, ինչպես նաև գործը քննելիս և լուծելիս քրեական դատավարական օրենքի նորմերի պահպանումը:
Վերաքննիչ դատարանը, քննության առնելով պաշտպանի վերաքննիչ բողոքը` բողոքի հիմքերի և հիմնավորումների սահմաններում ուսումնասիրելով և վերլուծելով քրեական գործի նյութերը, գնահատելով ամբողջ ապացույցներն իրենց համակցությամբ` գործի լուծման համար բավարարության տեսանկյունից, ստուգելով քրեական օրենքի կիրառման ճշտությունը, ինչպես նաև գործը քննելիս և լուծելիս քրեադատավարական օրենքի պահանջների պահպանումը, լսելով վերաքննիչ բողոքի կապակցությամբ պաշտպանության կողմի հիմնավորումներն ու դրա վերաբերյալ կողմերի պատասխանները, ներքին համոզմամբ, հանգում է այն հետևության, որ վերաքննիչ բողոքը պետք է մերժել` հետևյալ պատճառաբանությամբ.
Սույն գործով կայացված դատական ակտի ուսումնասիրությունը ցույց է տալիս, որ Դատարանը, դատաքննությամբ հետազոտված ապացույցների գնահատման արդյունքներով հաստատված է համարել այն, որ ամբաստանյալ Նարեկ Կարապետյանը ծեծել է Մարիամ Հովնիկյանին և Մարգարիտա Հովնիկյանին, որը չի առաջացրել ՀՀ քրեական օրենսգրքի 117-րդ հոդվածով նախատեսված հետևանքները, որպիսի գործողություններն արտահայտվել են հետևյալում.
Նարեկ Կարապետյանը 2015թ. օգոստոսի 11-ին ժամը 15.00-ի սահմաններում Երևան քաղաքի Աղբյուր Սերոբ 52/3 տան բակից Աղբյուր Սերոբ 52/7 տան բակ տանող աստիճանահարթակը Հովնիկյանների կողմից հրավիրված բանվորների կողմից ապամոնտաժելու ժամանակ վազելով մտել է Ա.Սերոբ 52/3 տան բակ, ձեռքով հարվածել Մարիամ Հովնիկյանի դեմքին, ապա նրան հրել և գցել է բակում գտնվող քարերի և մեխերով տախտակների վրա, որից հետո ոտքերով մի քանի անգամ հարվածներ է հասցրել Մ.Հովնիկյանի մարմնի տարբեր մասերին, ծեծի ենթարկել նրան` պատճառելով աջ այտոսկրի, աջից գոտկային, աջ նախաբազկի, աջ սրունքի շրջանների արյունազեղումների, աջ այտոսկրի, աջ նախաբազուկ-դաստակային հոդի շրջանի քերծվածքի ձևով առողջության թեթև վնասի հատկանիշներ չպարունակող մարմնական վնասվածքներ:
Բացի այդ, Նարեկ Կարապետյանը շարունակելով իր հանցավոր դիտավորությունը, հարձակվել է Մարգարիտա Հովնիկյանի վրա, երկու անգամ քաշել վերջինիս մազերից, ապա աստիճանների վրա կանգնած դիրքից ոտքով մի քանի անգամ հարվածել նրա ձեռքերին, ծեծի ենթարկել` պատճառելով աջ նախաբազկի, ձախ ոտնաթաթի շրջանների քերծվածքների ձևով առողջության թեթև վնասի հատկանիշներ չպարունակող մարմնական վնասվածքներ և ֆիզիկական ցավ:
Առաջադրված մեղադրանքի շուրջ հարցաքննվելիս Նարեկ Կարապետի Կարապետյանը, պահպանելով մինչդատական վարույթի ընթացքում որդեգրած դիրքորոշումը ՀՀ քրեական օրենսգրքի 118-րդ հոդվածով, 118-րդ հոդվածով առաջադրված մեղադրանքում իրեն դարձյալ մեղավոր չի ճանաչել: Վերջինս վիճարկել է առաջադրված մեղադրանքի հիմքում դրված ապացույցները, ընդհանրացված կարգով` այդ ապացույցների հիման վրա մեղադրական եզրակացությունում մեղադրող կողմի ներկայացրած հետևությունները և ցուցմունք տալով հայտնել է, որ իր և Հովնիկյանների միջև աստիճանների ապամոնտաժման կապակցությամբ վիճաբանություն է առաջացել: Նշված աստիճանավանդակի ապամոնտաժման հարցի շուրջ նախկինում իրենց միջև մի քանի անգամ վիճաբանություն է առաջացել, որի լուծումն տրվում է քաղաքացիական դատավարության կարգով: Նշված աստիճանավանդակի վերաբերյալ Հովնիկյանների մոտ որևէ օրինական փաստաթուղթ չկա: Դեպքի օրը տեսել է, որ Հովնիկյանները փորձում են քանդել աստիճանավանդակը, ցանկացել է մոտենալ, սակայն դուռը փակ է եղել: Նշված հանգամանքից ելնելով շրջանցել է, ապա մյուս կողմից փորձել է մոտենալ և թույլ չտալ բանվորներին քանդել աստիճանավանդակը, սակայն Հովնիկյանները թույլ չեն տվել, որից նույնիսկ բանվորներն են զարմացել: Ինքը որևէ մեկին չի հրել և չի հարվածել, տուժողների նկատմամբ որևէ թշնամանք չունի: Վիճաբանության ժամանակ դեպքի վայրում են գտնվել նաև, մայրը, հորեղբոր կինը` Գոհարը, Մարիամ, Մարգարիտա և Նաթելլա Հովնիկյանները, ինչպես նաև տեղամասային տեսուչ Ա.Ապերյանը:
Մինչ նշված դեպքը աստիճանավանդակը քանդելու կապակցությամբ բազմիցս բանավիճել են Հովնիկյանների հետ, սակայն այդ ընթացքում Մարիամ Հովնիկյանին և Մարգարիտա Հովնիկյանին չի հարվածել, չի հրել: Նշված աստիճանավանդակի տարածքի հետ կապված առկա է դատական վեճ և չկա որևէ փաստաթուղթ, որը կապացուցի, որ այդ տարածքը պատկանում է Հովնիկյաններին:
Պնդել է, որ Մարիամ և Մարգարիտա Հովնիկյանների նկատմամբ որևէ բռնի գործողություն չի գործադրել:
/դատական նիստի արձանագրություն/
Դատարանը փաստել է, որ ամբաստանյալ Նարեկ Կարապետյանի կողմից բերված պատճառաբանություններն առ այն, որ Մարիամ և Մարգարիտա Հովնիկյաններին չի հրել, չի հարվածել և վերջիններիս ծեծի չի ենթարկել, անհիմն են, իսկ վերջինիս այլուրեքության վերաբերյալ առաջ քաշած վարկածները մտացածին, վերջինս հետապնդում է քրեական պատասխանատվությունից խուսափելու և դեպքի հանգամանքները խեղաթյուրելու նպատակ: Այդ հետևության Դատարանը հանգել է պատշաճ իրավական ընթացակարգերի շրջանակներում հետազոտած հետևյալ ապացույցների համադրման և գնահատման արդյունքներով, մասնավորապես` նախաքննական ցուցմունքների հրապարակման, հետազոտման և դատաքննական ցուցմունքների գնահատման արդյունքներով, մասնավորապես.
-Տուժող Մարիամ Հովնիկյանի ցուցմունքներով: Վերջինս դատաքննության ընթացքում ըստ էության պնդել է նախաքննական ցուցմունքը և հայտնել, որ բազմիցս փորձել են քանդել իրենց բակի հարակից հատվածում գտնվող աստիճանները, սակայն հարևանների հետ նշված հարցի կապակցությամբ վեճ է առաջացել: Իրենք դիմել են թաղապետարան, որին ի պատասխան թույլտվություն են ստացել քանդել աստիճանները: Այդ կապակցությամբ բանվորներ են կանչել և ցույց տալով թույլտվությունը, հանձնարարել են քանդել աստիճանները: Երբ բանվորները սկսել են ապամոնտաժման աշխատանքները, այդ պահին բակի կողմից եկել է Նարեկ Կարապետյանը և հարվածելով մորաքրոջը մոտեցել է, ապա հարվածել իրեն, գցել մեխերով փայտատախտակների վրա, որի հետևանքով ընկել է: Դրանից հետո Նարեկ Կարապետյանը հարվածներ է հասցրել Մարգարիտա Հովնիկյանին, որից հետո փորձել է պերֆերատորով հարվածել նրան, սակայն բանվորներից մեկը թույլ չի տվել: Ն.Կարապետյանն վիճաբանության ընթացքում իրեն մեկից ավելի հարվածնել է հասցրել, որի հետևանքով ստացել է տարբեր մարմնական վնասվաքծներ՝ կապտուկներ և քերծվածքներ մարմնի տարբեր հատվածներին, իսկ դրանից հետո շուրջ մեկ ամիս անշարժացած է եղել: Անձամբ տեսել է, որ Ն.Կարապետյանը քաշել է Մարգարիտա Հովնիկյանի մազերը: Ինքն անձամբ տեսել է, և որ վերջինս բռնություն է գործադրում իր քրոջ նկատմամբ՝ նրան պատին դեմ տալով խեղդում էր, մազերից քաշում և հարվածում էր:
Խնդրել է Նարեկ Կարապետյանին ենթարկել քրեական պատասխանատվության:
Հրապարակվել և հետազոտվել է տուժող Մարգարիտա Հովնիկյանի նախաքննական` 2015 օգոստոսի 27-ի (Գ.Թ. 56-57) ցուցմունքը, համաձայն որի 2015թ. հուլիսի 13-ից սկսաց Աղբյուր Սերոբ 52/7 տան բնակիչների կողմից իրենց տարածքում ապօրինի կառուցած աստիճաները քանդելու շուրջ բազմիցս վիճաբանություներ են լինում Ա.Սերոբի 52/7 տան բնակիչների հետ, քանի որ անընդհատ խոչընդոտում են իրենց կողմից աստիճանները քանդելուն: 11.08.2015թ. ժամը 14:00-ի սահմաներում իրենց տուն են բերել 2 բանվորներ, որպեսի քանդեն աստիճաները: Երբ բանվորները սկսել են քանդել աստիճանները Ա.Սերոբի 52/7 տան բնակիչ Նարեկ Կարապետյանը ներխուժել է իրենց բակ, հարձակվել մորաքրոջ՝ Սուսաննայի վրա, հրել նրան, որի արդյունքում նա կպել է աստիճաններին: Այնուհետև Նարեկը հարձակվել է քրոջ՝ Մարիամ Հովնիկյանի վրա, ապա ձեռքով հարվածել է նրա դեմքին ու հրել նրան, որի արդյունքում քույրը վայր է ընկել քարերի վրա, ապա Նարեկ Կարապետյանը հարձակվել է մայրիկի վրա և ոտքով հարվածել է նրա ոտքին, իսկ վերջում հարձակվել է իր վրա և ձեռքերով հարվածել մարմնի տարբեր շրջաններին, սակայն չի հիշում, ոտքով հարվածել է, թե ոչ: Այնուհետև Նարեկի մայրը՝ Ռուզաննան ձեռքով բռնել էր պարանոցը, չի հիշում սպանալու սպառնալիքներ տվել է, կամ այլ արտահայտություններ արել է, թե ոչ, իսկ նրանց հարազատները՝ Ռուզաննայի քույրը, հորեղբոր կինը և մի տղա, որին չի ճանաչել, (հորեղբոր կնոջ անունը Գոհար էր), պարզապես քաշքշում էին իրենց: Նշել է նաև, որ Նարեկը իրենց և բանվորներին տվել է սեռական բնույթի հայհոյանքներ, սակայն իրենք թույլ չեն տվել բանվորներին, որ միջամտեն այդ վեճին: Վիճաբանությունը տևել է շուրջ 3 րոպե, իսկ Նարեկի հայհոյանքները չգիտի, թե որքան են տևել: Իրենցից որևէ մեկը այդ վիճաբանության ընթացքում նրանցից ոչ մեկին չեն հարվածել և հայհոյել:
Ինքը Ռուզաննայի աջ ձեռքին չի հարվածել: Իր ձեռքին չի եղել նույնիսկ մետաղական առարկա: Միայն վեճի վերջում է փորձել նրանց աստիճաների տակից քաշել և պոկել այն ամրացնող մետաղյա ձողը՝ որպիսի քանդեն աստիճանը և ինչպես երևում է տեսաձայնագրության մեջ պոկելուց հետո ինքը այն դրել է մի կողմ և պոկելուց հետո չի հարվածել:
Ինքը, մայրը և քույրը Նարեկին և նրա մորը չեն հարվածել: Նշել է նաև, որ վեճի ժամանակ Նարեկը պերֆերատորով փորձել էր հարվածել գլխին, սակայն բանվորները չեն թողել: Ինքը չի տեսել, որ մորաքրոջը՝ Սուսաննային քաշելու հետևանքով պատռվել է Նարեկի շապիկը:
/դատական նիստի արձանագրություն/
-Վկա Նաթելլա Հովնիկյանի ցուցմունքներով: Վերջինս դատաքննության ընթացքում ըստ էության պնդել է նախաքննության ընթացքում տված ցուցմունքը և հայտնել, որ դեպքի օրը իրենց տան հարակից աստիճանները քանդելու համար բանվորներ են կանչել, որի կապակցությամբ Ն.Կարապետյանի հետ վիճաբանություն է առաջացել: Քանի որ աստիճանները գտնվում են իրենց տարածքում, մինչ միջադեպը դիմել են պետական մարմիններին և տեղեկացվել, որ իրավունք ունեն քանդելու Աղբյուր Սերոբ 52/3 տանը գտնվող աստիճանները, ապա կանչել են տեղամասային տեսուչին և ցույց տվել այն փաստաթուղթը, որի հիման վրա իրենց իրավունք է տրվել քանդել տան հարակից աստիճանները: Տեսուչը ծանոթանալով փաստաթղթին հայտնել է, որ այդ մասին կտեղեկացնի հարևաններին: Դրանից հետո կանչել են բանվորներին, որպեսզի վերջիններս քանդեն աստիճանավանդակը: Երբ բանվորներն եկել և սկսել են քանդել աստճանավանդակը, հայտնվել է Նարեկ Կարապետյանը և հարձակվել է բոլորի վրա: Նարեկ Կարապետյանը մտնելով բակ հրել է քրոջը դեպի պատը, այնուհետև հարձակվել է իր աղջիկների վրա և սկսել է ծեծել վերջիններիս և քաշել նրանց մազերը: Վիճաբանությունը սկսվել է աստիճանավանդակը քանդելու ընթացքում: Ն.Կարապետյանն եկել է իրենց բակից, սկզբում հրել է քրոջը, այնուհետև սկսել է հարվածել իր աղջիկներին և հայհոյել է բանվորներին: Ավելի կոնկրետ Ն.Կարապետյանը Մարիամ Հովնիկյանին հարվածներ հասցնելուց հետո հարվածել է նաև Մարգարիտա Հովնիկյանին, քաշել է նրա մազերը, հարվածել է դեմքին, ոտքով հարվածել է գլխի շրջանին: Մինչ դեպքը բազմիցս հորդորել են Ն.Կարապետյանի ընտանիքին քանդել աստիճանավանդակը, քանի որ թաղապետարանից տեղեկացրել են, որ դա իրենց տարածքն է և իրավունք են վերապահել քանդել այն: Ն.Կարապետյանի կողմից աղջիկներին հարվածելու ընթացքում գրկել է վերջինիս, որպեսզի չհարվածի, իսկ բանվորներից մեկը փորձում էր օգնել Մարիամին բարձրանալ գետնից, որի ընթացքում Ն.Կարապետյանը սկսել է հայհոյել նրանց: Մինչ դեպքը իր աղջիկները վնասվածքներ չեն ունեցել և մարմնական վնասվածքները ստացել են Ն.Կարապետյանի հարվածների հետևանքով: Միջադեպին ականատես են եղել հարևանուհի Մարիետան, տղան և տեղամասային տեսուչը:
/դատական նիստի արձանագրություն/
-Վկա Նաիրա Նավասարդյանի ցուցմունքով: Վերջինս դատաքննության ընթացքում ըստ էության պնդել է նախաքննության ընթացքում տված ցուցմունքը և հայտնեց, որ դեպքի օրը կոնկրետ չի հիշում, սակայն հիշում է, որ հուլիս ամիսն էր: Ժամը 14:00-ի սահմաններում հյուր է գնացել Հովնիկյանների տուն և տեսել, որ վերջիններս շինարարական աշխատանքներ են կատարում՝ ցանկանում էին քանդել իրենց իսկ տարածքում գտնվող աստիճանները: Այդ ժամանակ Նարեկ Կարապետյանը մտնելով բակ հրել է Սուսաննային, ապա մոտեցել է Մարիամ Հովնիկյանին և հարվածել վերջինիս, որի հետևանքով նա ընկել է շինարարական աշխատանքների կապակցությամբ տվյալ հատվածում տեղադրված առարկաների վրա: Դրանից հետո Ն.Կարապետյանը շարունակել է հարվածներ հասցնել նրան, իսկ ինքը տեսնելով այդ ամենը մտել է տուն և զանգահարել ոստիկանություն:
Նշել է նաև, որ Ն.Կարապետյանի կողմից բակ մտնելու պահին ներկա եղել նաև Նաթելլա Հովնիկյանը, իսկ Մարիամ և Մարգարիտա Հովնիկյանների վրա մինչ միջադեպն որևէ վնասվածքներ չի եղել և անձամբ տեսել է, որ վերջիններիս այդ վնասվածքները պատճառել է Ն.Կարապետյանը:
/դատական նիստի արձանագրություն/
-Վկա Սուսաննա Սողոմոնյանի ցուցմունքով: Վերջինս դատաքննության ընթացքում ըստ էության ցուցմունք է տվել և հայտնել, որ դեպքի օրը Հովնիկյանների բնակարանում էր գտնվում նաև ոստիկանության աշխատակիցը: Հովնիկյանները վերջինիս ցույց էին տալիս այն փաստաթուղթը, որով նրանց թույլատրվում էր քանդել իրենց օրինական տարածքում գտնվող աստիճանները:
Մինչ այդ Հովնիկյանները բանվորներ էին կանչել՝ աստիճանները քանդելու համար, որն էլ տեսնելով Ն.Կարապետյանն անմիջապես հարձակվել է նրանց վրա: Տեսնելով, որ Ն.Կարապետյանն ագրեսիվ է տրամադրված կանգնել է վերջինիս դիմաց, սակայն նա հրելով իրեն հարձակվել է Մարիամ Հովնիկյանի վրա և ոտքերով հարվածել նրան: Քույրը` Նաթելլա Հովնիկյանը փորձել է միջամտել, սակայն Ն.Կարապետյանը հարվածներ է հասցրել նաև նրան: Նշված աստիճանների հետ կապված Հովնիկյանների և Կարապետյանների ընտանիքների միջև նախկինում ևս վիճաբանություն է եղել: Դեպքի պահին Մարիամ Հովնիկյանը չէր խառնվում և կանգնած էր հեռվում` ծառի մոտ, սակայն Ն.Կարապետյանը մոտեցել է նրան, հրել և գցել շինարարական իրերի վրա, ապա հարձակվել է Մարգարիտա Հովնիկյանի վրա, քաշել է նրա մազերը և ոտքերով հարվածել նրա գլխի շրջանին: Հարվածների թիվը չի հիշում, բայց ընդհանուր առմամբ հարվածները տևել են շուրջ 7-8 րոպե: Տեսել է, որ Ն.Կարապետյանը հարվածել է Մարիամ Հովնիկյանի դեմքի շրջանին, որի հետևանքով վերջինս վայր է ընկել, իսկ դեպքից հետո նրա դեմքը ամբողջ քերծված էր և արյունոտ: Դեպքին ներկա էին նաև բանվորները, որոնք շինարարական աշխատանքներ էին կատարում, ինչպես նաև Նաթելլան, Մարիամը և Մարգարիտան: Նշել է նաև, որ Ն.Կարապետյանին տեսնելով փորձել է փակել ճանապարհը, քանի որ գիտի, որ վերջինս շատ ագրեսիվ է և կարող է հարվածել աղջիկներին: Ն.Կարապետյանն իրեն հարվածելով հրել է դեպի պատը, այնուհետև հարձակվել է Մարիամ Հովնիկյանի վրա, հարվածել, գցել է գետնին և հարձակվել է բանվորների վրա: Նաթելլան փորձում էր զսպել և խոչընդոտել Ն.Կարապետյանի գործողությունները: Անձամբ տեսել է, որ Նարեկ Կարապետյանը մեկից ավելի հարվածներ է հասցրել Մարիամ և Մարգարիտա Հովնիկյաններին: Նարեկի կողմից այդ գործողությունների կատարմանը ներկա էր նաև ոստիկանության աշխատակիցը, քանի որ երբ Ն.Կարապետյանը վերցնելով պերֆերատորը փորձում է հարվածել, ոստիկանության աշխատակիցը միջամտելով վերցրել է պերֆերատորը նրա ձեռքից:
Անձամբ տեսել է, որ ոստիկանության աշխատակիցը բարձրանում է Ն.Կարապետյանի տուն և ականատես է եղել, թե ինչպես ոստիկանը թույլ չի տվել Ն.Կարապետյանին գալ դեպի Հովնիկյանների բակ: Հայտնել է նաև, որ սկզբում Նարեկ Կարապետյանը Մարիամ Հովնիկյանին հարվածել է ձեռքերով, այնուհետև` Մարիամ Հովնիկյանի ընկնելուց հետո հարվածել է նրան ոտքերով, իսկ Մարգարիտային հարվածելիս գտնվում էր աստիճանների վրա կանգնած և ձեռքով բռնել էր Մարգարիտայի մազերից և ոտքով հարվածում էր նրա դեմքին:
Հրապարակվել է վկա Սուսաննա Սողոմոնյանի նախաքննական` 2015 թվականի սեպտեմբերի 24-ի /Գ.Թ 73-74/ ցուցմունքը, համաձայն որի` երբ Նարեկը ցանկանում էր հարվածել Մարգարիտային, ինքը քաշել է նրա շապիկից, իսկ պերֆերատորը նրա ձեռքից վերցրել են ոստիկանները: Նաթելլային և Մարգարիտային Նարեկը հարվածել է ձեռքերով և ոտքերով, սակայն թե ում քանի անգամ չի տեսել, իսկ Մարիամին հարվածել է մեկ անգամ, որի հետևանքով նա ընկել է:
Հրապարակման կապակցությամբ պատասխանելով կողմերի հարցերին վկա Սուսաննա Սողոմոնյանը ցուցմունք է տվել և հայտնել, որ քննիչի մոտ նշել է, որ ամբաստանյալ Ն.Կարապետյանը Մարիամ Հովնիկյանին հարվածել է միայն մեկ անգամ նկատի ունենալով, որ Մարիամ Հովնիկյանը վայր է ընկել Նարեկի մեկ հարվածի հետևանքով: Մարիամ և Մարգարիտա Հովնիկյաններին Նարեկը հարվածել է մեկից ավելի անգամ: Պնդել է դատաքննության ընթացքում տված ցուցմունքը և խնդրում է այն հիմք ընդունել:
/դատական նիստի արձանագրություն/
-Վկա Վազգեն Պետրոսյանի ցուցմունքով: Վերջինս դատաքննության ընթացքում ըստ էության ցուցմունք է տվել և հայտնել, որ որդու հետ միասին կատարում են շինարարական աշխատանքներ: Հեռախոսով զանգահարել և աշխատանք են առաջարկել, որի կապակցությամբ այցելել են համապատասխան հասցե, որտեղ աշխատանքներ կատարելու ընթացքում հարևանների միջև միջադեպ է տեղի ունեցել և իրենց տարել են ոստիկանության բաժին: Դեպքի վայրի կոնկրետ հասցեն այս պահին չի հիշում, սակայն հիշում է, որ իրենք հանձնարարություն են ստացել քանդել աստիճանները, որի հետևանքով էլ հարևանների միջև վիճաբանություն է սկսել և սկսել են քաշքշել միմյանց: Տուժողին միայն տեսել է դեպքի օրը, երբ աստիճանավանդակը քանդելու վայրն էին ցույց տալիս: Այդ պահին ներկա էր գտնվում նաև տեղամասային տեսուչը: Վիճաբանությունը տեսել է, սակայն կոնկրետ հարվածներ չի տեսել: Մի պահ տեսնելով, որ Մ.Հովնիկյանը ընկած է, փորձել է օգնել վերջինիս, սակայն տվյալ պահին դեպքին առնչվող հանգամանքները չի հիշում, քանի որ դեպքից շուրջ 8 ամիս է անցել: Անձամբ չի տեսել, որ որևէ տղամարդ հարվածի որևէ կնոջ կամ աղջկա, տեսել է, որ վիճաբանության ընթացքում ամբաստանյալը չէր թողում, որ քանդեն աստիճանները: Վերջինս վազելով եկել է և ագրեսիվ կերպով պահանջել է չքանդել աստիճանները:
Հրապարակվել և հետազոտվել է վկա Վազգեն Պետրոսյանի նախաքննական` 2016 թվականի փետրվարի 9-ի ցուցմունքը /Գ.Թ 172 -175/, համաձայն որի ինտերնետով հայտարարություն էին տվել բանվորական աշխատանքներ կատարելու վերաբերյալ, 2015թ. օգոստոսի 11-ին իրենց է զանգահարել մի աղջիկ և ասել, որ Ա.Սերոբ 52/3 հասցեում ինչ-որ աստիճաններ պետք է քանդեն: Նույն օրը` ժամը 14:00-ից 15:00-ն ընկած ժամակահատվածում ինքը, որդուն և վերջինիս ընկեր Դավիթին իր ավտոմեքենայով տարել է Ա.Սերոբ 52/3 հասցե, որտեղ պետք է քանդեին այդ աստիճանները: Այդ ժամանակ, երբ պետք է արդեն սկսեին քանդման աշխատանքները, իսկ ինքը սպասում էր, որ վերջացնեն, որպեսզի որդուն և ընկերոջը հետ տանի տուն, նկատել է, որ հարևանությամբ բնակվող բնակիչները սկսել են վիճել և փորձում էին չթողնել, որ աստիճանները քանդեն: Վեճի ժամանակ Ա. Սերոբ 52/7 տան բնակիչներից մի երիտասարդ տղա, վազելով մտնելով Ա.Սերոբ 52/3 տան բակ, որը պատկանում է Հովնիկյաններին, ուժեղ հրել է մի կնոջ, ով կպել է պատին, հարձակվել է մի երիտասարդ աղջկա վրա, ով հետագայում իմացել է, որ հանդիսանում է Մարիամ Հովնիկյանը, հարվածել է նրա դեմքին, հրել, գցել է գտնին առկա քարերին և մեխերով տախտակների վրա: Այնուհետև, առաջացել է խառնաշփոթ, այդ տղան հարձակվել է մյուսների վրա, իսկ ինքը, քանի որ քիչ հեռու` մոտ 2-3 մետր հեռավորության վրա էր գտնվում, մոտեցել է այդ աղջկան, օգնել է և բարձրացրել է վերև և նկատել, որ նրա դեմքը սկզբում արյունոտ էր, թևերը ճանկռված էին: Դրանից հետո հարձակվել է մյուս աղջկա` Մարգարիտայի վրա, մի քանի անգամ քաշել է նրա մազերը, ապա կանգնելով աստիճանների վրա սկսել է հայհոյանքներ տալ բոլորի հասցեին, հետո ոտքերով սկսել է հարվածել Մարգարիտայի մարմնի տարբեր մասերին, մի խոսքով շատ ագրեսիվ էր պահում իրեն, հայհոյանքներ հնչեցնում բոլորի հասցեին: Ինքը ահավոր բարկացել է, երբ այդ տղան հարվածել է աղջկան և գցել գետնին, հայհոյանքներ հնչեցրել բոլորի հասցեին, այդ թվում նաև իրենց, որից հետո ինքը բարկացել և փորձում էր առաջանալ ու հանդարտեցնել այդ տղային, սակայն հավաքվածներն իրեն չէին թողնում, իսկ այդ տղային տարել են նշված 52/7 տան բակ: Դրանից հետո միջադեպն ավարտվել է, քանի որ միջամտել են ոստիկանները և իրենց բոլորին հրավիրել են ոստիկանության բաժին:
Նախկինում չի ասել, որ երիտասարդ տղան հարվածել է Մ.Հովնիկյանի դեմքին, հրել և գցել է գետնին առկա քարերի ու մեխերով տախտակների վրա, որից հետո հարձակվել է մյուս բնակիչների վրա, քաշել Մարգարիտայի մազերից, ապա կանգնելով աստիճանների վրա ոտքերով հարվածներ է հասցրել Մարգարիտա Հովնիկյանի մարմնի տարբեր մասերին, քանի որ այդ ժամանակ նախ ոչ ոքի չէր ճանաչում և անունները չգիտեր, բացի այդ, մտածել է թշնամիներ ձեռք չբերել, բայց իրականում եղել է այնպես, ինչպես հայտնում է: Ինքն այդ ամենը տեսել է և ինչ տեսել է, այն էլ հայտնում է: Այդ ժամանակ այնպիսի խառը վիճակ էր, որ ինքը տեսնելով, որ հարվածել և գցել այդ աղջկան` Մարիամին նախ գնացել և օգնել է ու Մարիամին բարձրացրել վերև, որից հետո նկատել է, որ այդ տղան հարվածում է մյուս աղջկան և քաշում նրա մազերից, ինչպես նաև հայհոյանքներ հնչեցնում բոլորի հասցեին, իսկ թե ընկած վիճակում հարվածներ հասցրել է Մարիամ Հովնիկյանին, թե ոչ, ինքը չի նկատել: Միայն նկատել է, որ ոտքերով էլ է խփում, բայց կոնկրետ չի հիշում Մարիամին էր խփում, թե այլ մարդու:
Հրապարակման կապակցությամբ պատասխանելով կողմերի հարցերին վկա Վ.Պետրոսյանը ցուցմունք է տվել և հայտնել, որ նախաքննական և դատաքննական ցուցմունքներում առկա հակասությունները պայմանավորված է այն հանգամանքով, որ երբ իրեն երկրորդ անգամ հրավիրել են ցուցմունք տալու, այնտեղ է գտնվել է նաև տուժողի հայրը: Բորբոքված է եղել, որ կրկին անգամ կանչել են ցուցմունք տալու և քննիչին ասել է, թե ինչ ուզում է, թող գրի:
/դատական նիստի արձանագրություն/
-Վկա Մարտուն Պետրոսյանի ցուցմունքով: Վերջինս դատաքննության ընթացքում ըստ էության ցուցմունք է տվել և հայտնել, որ ամիսը և ամսաթիվը չի հիշում, երբ իրեն հեռախոսով զանգահարել է Մարգարիտան և աշխատանք առաջարկել, որի կապակցությամբ ինքը, հայրը և ընկերը` Դավիթը գնացել են նշված հասցեով և փորձել են քանդել աստիճանները, որի վերևի հատվածում փակ վիճակում դուռ կար: Նշված աստիճանները քանդելու համար հարևանների միջև վիճաբանություն է առաջացել: Ինքը և իր հայրը վիճաբանությանը ներկա չեն գտնվել, քանի որ վիճաբանությանը չխառնվելու նպատակով տուն էին մտել: Վիճաբանությանը ներկա էին մոտ 10 հոգի, որին մասնակցում էին իրար դիմաց բնակվող հարևանները: Անձամբ չի հիշում, ով ինչ գործողություն է կատարել, քանի որ խառնված է եղել և որևէ մեկի կողմից այլ անձի հարվածելուց կամ հրելուց չի տեսել: Ինքն ու ընկերը` Դավիթը, վիճաբանության ընթացքում եղել են ներսում: Իր նախաքննության ընթացքում ցուցմունքը տվել է շփոթված վիճակում և հակասությունները պայմանավորված են եղել նշված հանգամանքով: Ոստիկանին տեսել է շինարարական գործողություններ կատարելու ընթացքում, սակայն տեղյակ չէ, թե ոստիկանության աշխատողը ինչու է եկել: Ամբաստանյալին տեսել է դեպքի օրը, ինչպես նաև դատարանում: Չի տեսել, որ վիճաբանության ընթացքում ամբաստանյալն որևէ մեկին հրի կամ հարվածի: Վիճաբանությունից հետո որևէ մեկի մարմնին մարմնական վնասվածքներ չի տեսել: Քննիչի մոտ հարցաքննվելու ժամանակ ներկա էր եղել նաև Վարդանը` Մարգարիտայի հայրը: Նախաքննական ցուցմունքը կարդացել է, սակայն խառնված է եղել և չի կարողացել ճիշտ պատմել իրականությունը, միայն յոթ ամիս անց է հասկացել, որ սխալ ցուցմունք է տվել:
Հրապարակվել և հետազոտվել է վկա Մարտուն Պետրոսյանի նախաքննական` 2016 թվականի փետրվարի 9-ի ցուցմունքը /Գ.Թ 169-171/, համաձայն որի ինտերնետով հայտարարություն է տվել բանվորական աշխատանքներ կատարելու վերաբերյալ: Այդ հայտարարությամբ 2015թ. օգոստոսի 11-ին իրեն է զանգահարել մի աղջիկ և ասել է, որ Ա.Սերոբ 52/3 հասցեում ինչ-որ աստիճաններ պետք է քանդեն: Նույն օրը` ժամը 10-ից 15:00-ն ընկած ժամանակահատվածում հայրիկին խնդրել է, որ իրեն և իր ընկեր Դավիթին տանի այդ տուն: Երբ հասել են այնտեղ և սկսել են քանդել աստիճանները, Ա.Սերոբ 52/7 տան բնակիչները սկսել են վիճել և փորձում էին չթողնել, որ աստիճանները քանդեն: Վեճի ժամանակ Ա.Սերոբ 52/7 տան բնակիչներից մի երիտասարդ տղա, վազելով մտնելով Ա.Սերոբ 52/3 տան բակ, հրել է մի երիտասարդ աղջկա, գցել է գետնին առկա քարերի և մեխերով տախտակների վրա: Այնուհետև առաջացել է խառնաշփոթ, այդ տղան հարձակվել է նաև իր և Դավիթի վրա, իրենց մոտից վերցրած պերֆերատորն ու շպրտել է մի կողմ, որից հետո բարձրացել և կանգնել է աստիճանների վրա և չէր թողնում, որ աստիճանները քանդեն: Դրանից հետո ինքը և Դավիթը գնացել են մի կողմ, որից հետո այդ տղան սկսել է քաշքշել 52/3 տան բնակիչներին, սակայն թե ում էր քաշքշում ինքը չի ճանաչում և չի կարող ասել: Հնարավոր է նաև հարվածած լինի, բայց ինքը հստակ չի տեսել, քանի որ մի կողմ էին քաշվել, որ չմտնեն այդ վեճի մեջ: Ինչպես նաև իրեն և Դավիթին այնտեղ հավաքված կանայք չէին թողնում, որ մոտենային և կոիվ չլիներ, քանի որ այդ ժամանակ այդ երիտասարդը հայհոյանքներ էր հնչեցնում բոլորի հասցեին, այդ թվում նաև իրենց հասցեին: Մի պահ հայրը ահավոր բարկացել է և փորձում էր առաջանալ ու սթափեցնել այդ տղային, սակայն այնտեղ հավաքված կանայք կրկին չեն թողել: Դրանից հետո եկել են ոստիկանության աշխատակիցները և վեճն այդքանով ավարտվել է և իրենց բոլորին հրավիրել են ոստիկանության բաժին:
Աղջկան հրելուց և տախտակների վրա գցելուց հետո, հարվածների պահը չի հիշում, բայց որ սկզբում հարվածել է դեմքին ապա գցել է գետնին դա տեսել է, տեսել է նաև, որ այդ տղան քաշում է մեկ այլ աղջկա մազերից և հայհոյանքներ է հնչեցնում նրա հասցեին, որից հետո իրենց տարել են և մտցրել այդ տուն, որպեսզի իրենք էլ չխանվեն կռվին: Դավիթը արդեն 4 ամիս է գտնվում է ՌԴ Մոսկվա քաղաքում, նրա բնակության հասցեն չգիտի, իսկ հեռախոսահամարը իր մոտ չի պահպանվել, քանի որ նրա հետ ևս որևէ կապ չունի: Միաժամանակ նշել է, որ Դավիթը իր ընկերը չէ, այլ ուղղակի մեկ-մեկ միասին կատարել են բանվորական աշխատանքներ և նրա մասին այլ տեղեկություներ չունի, իսկ հեռախոսահամարը չի պահպանվել նրա համար, քանի որ երբ նա գնացել է ՌԴ ինքն այն իր հեռախոսից ջնջել է, քանի որ այլևս պետք չէր:
Հրապարակման կապակցությամբ պատասխանելով կողմերի հարցերին վկա Մարտուն Վազգենի Պետրոսյանը ցուցմունք տվեց և հայտնեց, որ նախաքննության ընթացքում տված ցուցմունքները մասամբ է ընդունում: Ընդունում է, որ վիճաբանություն է տեղի ունեցել, սակայն որևէ մեկն ինչ որ մեկի չի հարվածել: Հակասությունները մեկնաբանում է շփոթված լինելու պատճառով:
Պերֆերատորն որևէ մեկն իր ընկերոջից չի վերցրել և չի ցանկացել որևէ մեկին հարվածել, հարվածները չի տեսել, իր վրա որևէ մեկը չի հարձակվել:
Բոլոր հակասություները մեկանաբանում է իր շփոթված լինելու վիճակով: Նախաքննության ընթացքում տված ցուցմունքը չի համապատասխանում իրականությանը, քանի որ շփոթված է եղել: Միայն հիշում է, որ ոստիկանության աշխատակիցը գտնվել է դեպքի վայրում: Պնդում է դատարանում տված ցուցմունքը:
/դատական նիստի արձանագրություն/
Դատարանն անդրադառնալով վկաներ Վազգեն Պետրոսյանի և Մարտուն Պետրոսյանի կողմից վիճաբանությանն ականատես լինելու, ամբաստանյալի կողմից Մարիամ և Մարգարիտա Հովնիկյաններին կոնկրետ հարվածներ հասցնելու միջոցով ծեծի ենթարկելու հանգամանքների վերաբերյալ վկաներ Վ.Պետրոսյանի և Մ.Պետրոսյանի կողմից տրված նախաքննական և դատաքննական իրարամերժ և հակասական ցուցմունքներին, գտել է, որ վկաների դատաքննական ցուցմունքներում այդ կապակցությամբ նշված հանգամանքը պայմանավորված է վկաներ Վազգեն Մարտունի Պետրոսյանի և Մարտուն Վազգենի Պետրոսյանի կողմից ամբաստանյալ Նարեկ Կարապետյանի նկատմամբ ունեցած կարեկցանքի, խղճահարության, ինչպես նաև նրա և նրա մերձավորների հետ հնարավոր թշնամական փոխհարաբերություններ առաջանալու վախի զգացումով և դրանցից զերծ մնալու շարժառիով, որպիսի պայմաններում դատարանը արժանահավատ է համարում վկա Վարզգեն Մարտունի Պետրոսյանի և Մարտուն Վազգենի Պետրոսյանի նախաքննության ընթացքում տված ցուցմունքները:
/դատական նիստի արձանագրություն/
Վկա Արսեն Ապերյանը դատաքննության ընթացքում ըստ էության ցուցմունք է տվել և հայտնել, որ 2015թ. օգոստոս ամսին աշխատել ՀՀ ոստիկանության Քանաքեռ-Զեյթունի բաժնում, որպես համայնքային ոստիկանության տեսուչ: Աշխատանքային գործունեության ընթացքում Աղբյուր Սերոբ 52/3 տան և դրան հարակից տան հարևանների միջև բազմիցս վիճաբանություններ են եղել, որի կապակցությամբ նշված վայր են ժամանել համայնքային ոստիկանության տարբեր տեսուչներ և ձեռնարկել որոշակի գործողություններ: 2015 թականի օգոստոսի 15-ի տեղի ունեցած վիճաբանության դեպքի վերաբերյալ մանրամասներ չի հիշում: Չի հիշում նաև իր գործողությունները, քանի որ դեպքից հետո բավականին տևական ժամանակ է անցել: Հստակ օրը չի հիշում, սակայն նմանատիպ դեպքեր նախկինում ևս եղել են հարևանների միջև և դրանց համապատասխան ընթացք է տրվել: Չի հիշում, թե արդյոք Ն.Կարապետյանն որևէ մեկին հարվածներ հասցրել է, թե ոչ, սակայն եթե նման երևույթի ականատես լիներ, ապա որոշակի գործողություններ կձեռնարկեր Չի հիշում դեպքի օրն ամբաստանյալի ձեռքը բռնել և նրան տուն տարել է, թե ոչ:
/դատական նիստի արձանագրություն/
Վկա Ասքանազ Մելքոնյանը դատաքննության ընթացքում ըստ էության ցուցմունք է տվել և հայտնել, որ ՀՀ ԶՈՒ-ի զորացրվելուց հետո 2015թ. օգոստոսի 11-ին, ժամը 15:00-ի սահմաններում Ն.Կարապետյանին հանդիպելու համար այցելել է վերջինիս տուն: Տանը նստած սուրճ էին խմում, որի ընթացքում ձայներ լսելով Ն.Կարապետյանը հանկարծակի դուրս է եկել: Քանի որ դիմացի դուռը փակ էր, Ն.Կարապետյանը կողքից շրջանցելով գնացել և տեսնելով բանվորներին թույլ չի տվել, որ աստիճանները քանդեն: Այդ ժամանակ իր ուշադրությունը կենտրոնացած էր Նարեկի վրա և չի տեսել, որ նա որևէ մեկին հարվածի կամ հրի, սակայն եթե նման բան լիներ, անպայման կտեսներ: Միջադեպի մասնակիցներից միայն Նարեկ Կարապետյանին է ճանաչում: Այդ միջադեպի ընթացքում ինքն որևէ մեկին վնասվածքներով չի տեսել: Նարեկ Կարապետյանի կողմից դուռը բացելը տևել է շուրջ 1 րոպե: Ինքը միայն տեսել է, որ Նարեկ Կարապետյանի վերնաշապիկը քաշքշված վիճակում էր, սակայն որևէ մեկի հագուստը պատռված չի տեսել: Ստույգ չի հիշում, թե Նարեկ Կարապետյանի հագին ինչ հագուստ է եղել: Նարեկ Կարապետյանի վազելու ընթացքում, երբ մոտ մեկ րոպե իր տեսադաշտից բացակայել է, որևէ ծեծկռտուք և վիճաբանություն չի տեսել և լսել:
/դատական նիստի արձանագրություն/
Հրապարակված և հետազոտված հաղորոդում ընդունելու մասին 11.08.2015թ. թիվ 018857 արձանագրությամբ, համաձայն որի Մարիամ Հովնիկյանը հաղորդում է տվել այն մասին, որ 11.08.2015թ. ժամը 15:00-ին սահաններում Երևան քաղաքի Ա.Սերոբի 52/3 հասցեում տեղի ունեցած վեճի ժամանակ Նարեկ Կարապետյանը բազմաթիվ հարվածներ է հասցրել մարմնի տարբեր մասերին՝ իրեն պատճառելով մարմնական վնասվածքներ: Խնդրել է Նարեկ Կարապետյանին ենթարկել քրեական պատասխանատվության:
/դատական նիստի արձանագրություն/
Հրապարակված և հետազոտված ՀՀ ոստիկանության Արաբկիրի բաժնի պետ Հ.Խոստեղյանին հասցեագրված՝ նույն բաժնի օպեր հերթապահ Ա.Աղաջանյանի զեկուցագիրով, համաձայն որի 11.08.2015թ. ժամը 16:45-ին Սուրբ Գրիգոր Լուսավորիչ բժշկական կետրոնից ահազանգ է ստացվել այն մասին, որ մարմնական վնասվածքներով՝ <<Պոլիտրավմա>> ախտորոշմամբ իրենց մոտ է տեղափոխվել քաղաքացի Մարիամ Վարդանի Հովնիկյանը /25տ, բն. է Ա.Սերոբի 52/3 տանը, հեռ. 22-35-04/, որին նշված հասցեում հարևան Նարեկը ծեծի է ենթարկել:
/դատական նիստի արձանագրություն/
Հրապարակված և հետազոտված բժշկական կենտրոնի ահազանգերի մատյանը զննելու մասին 11.08.2015 թվականի արձանագրությամբ, համաձայն որի մատյանը համարակալված, կարված, կնիքված և բաղկացած է 99 թերթից, որի 44-րդ թերթի 2296-րդ համարի տակ գրանցված է. ս/թ-ի օգոստոսի 11-ին, ժամը 16:05 <<Պոլիտրավմա>> ախտորուշմամբ Բ/Կ է տեղափոխվել Մարիամ Վարդանի Հովնիկյանը /ծնված 04.04.1990թ. բնակվում է քաղաք Երևան Ա.Սերոբ 52/3 տուն/: Ըստ հիվանդի հայտարարության Ա.Սերոբ 52/3 հասցեում ծեծի է ենթարկվել հարևան Նարեկի կողմից:
/դատական նիստի արձանագրություն/
Հրապարակված և հետազոտված հաղորդում ընդունելու մասին թիվ 018865 արձանագրությոամբ, համաձայն որի Մարգարիտա Վարդանի Հովնիկյանը հաղորդում է տվել այն մասին, որ 11.08.2015թ. ժամը 15:00-ի սահմաններում Ա.Սերոբ 52/3 հասցեում աստիճանները քանդելու շուրջ ծագաց վեճի ժամանակ Նարեկ Կարապետյանը մի քանի անգամ ձեռքով և ոտքով հարվածել է մարմնին, իսկ Ռուզաննա Յորղջյանը ձեռքերով սեխմել է պարանոցից, իրեն պատճառելով մարմնական վնասվածքներ: Խնդրում է ենթարկել նրանց քրեական պատասխանատվության:
/դատական նիստի արձանագրություն/
Հրապարակված և հետազոտված դատաբժշկական փորձաքննության թիվ 2360 եզրակացությամբ, համաձայն որի Մարիամ Հովնիկյանի ստացած մարմնական վնասվածքները՝ աջ նախաբազկի, ձախ ոտնաթաթի շրջանների քերծվածքների ձևով, պատճառված են բութ առարկաների ազդեցությամբ, հնարավոր է գործի հանգամանքներում նշված ժամանակին, հանգամանքներում, որոնք ինչպես միասին, այնպես էլ առանձին առանձին վերցրված, առողջության թեթև վնասի հատկանիշներ չեն պարունակում:
/դատական նիստի արձանագրություն/
Հրապարակված և հետազոտված դատաբժշկյական փորձաքննության թիվ 1494/հ եզրակացությամբ, համաձայն որի, Մ.Հովնիկյանի ստացած մարմնական վնասվածքները՝ աջ այտոսկրի, աջից գոտկային, աջ նախաբազկի, աջ սրունքի շրջանների արյունազեղումների, աջ այտոսկրի, աջ նախաբազուկ-դաստակային հոդի շրջանի քերծվածքի/ այժմյան էպիթելավորված տեղամաս/ ձևով, պատճառվել են բութ առարկաներով, հնարավոր է որոշման մեջ նշված ժամկետում և հանգամանքներում, որոնք առողջության թեթև վնասի հատկանիշներ չեն պարունակում:
/դատական նիստի արձանագրություն/
Հրապարակվել և հետազոտվել են նաև.
Նարեկ Կարապետի Կարապետյանի անվամբ տրված AM0464810 սերիայի և համարի անձնագրի պատճենը, համաձայն որի Նարեկ Կարապետյանը ծնվել է 10.06.1995թ., հաշվառված է ք.Երևան, Ն.Նորքի 74, 3շ, բնակարան 1, անձնագիրը տրվել է 11.10.2011թ. 005 կողմից:
ՀՀ ոստիկանության ինֆորմացիոն կենտրոնի ձև 8 տեղեկանքը, համաձայն որի Նարեկ Կարապետյանի վերաբերյալ հետաքրքրող տեղեկություններ չկան:
Դատարանը գտել է, որ հրապարակված և հետազոտված հիշատակված փաստաթղթերը, բացառությամբ տուժող Մարգարիտա Հովնիկյանի ցուցմունքի, թույլատրելի և վերաբերելի ապացույցներ են, ձեռք են բերվել ամբաստանյալ Նարեկ Կարապետի Կարապետյանի արդար դատաքննության իրավունքի ապահովմամբ և որպես ապացույց կարող են դրվել սույն դատական ակտի հիմքում:
Ինչ վերաբերում է տուժող Մարգարիտա Հովնիկյանի ցուցմունքին, ապա Դատարանը գտել է, որ այն չի կարող որպես ապացույց դրվել դատավճռի հիմքում, քանի որ ամբաստանյալ Նարեկ Կարապետյանին հնարավորություն չի ընձեռնվել մինչդատական վարույթի և դատաքննության ընթացքում հարցադրումներ կատարել տուժող Մարգարիտա Հովնիկյանին, այսինքն` Նարեկ Կարապետյանն իրապես հնարավորություն չի ունեցել հարցաքննելու իր դեմ ցուցմունք տված տուժողին և վիճարկել վերջինիս ցուցմունքները, որպիսի պայմաններում այն դատավճռի հիմքում որպես ապացույց դրվելու դեպքում կխախտվի Նարեկ Կարապետյանի իրավունքները՝ նախատեսված <<Մարդու իրավունքների և հիմնարար ազատությունների պաշտպանության մասին>> կոնվենցիայի (այսուհետ նաև` Եվրոպական կոնվենցիա) 6-րդ հոդվածի 3-րդ մասի d կետով, այն է` քրեական հանցագործություն կատարելու մեջ մեղադրվող յուրաքանչյուր ոք ունի հետևյալ նվազագույն իրավունքները (...)
-հարցաքննելու իր դեմ ցուցմունք տվող վկաներին կամ իրավունք ունենալու, որ այդ վկաներն ենթարկվեն հարցաքննության և իրավունք ունենալու` իր վկաներին կանչելու ու հարցաքննելու միևնույն պայմաններով, ինչ իր դեմ ցուցմունք տված վկաները:
Ինչ վերաբերում է Դատարանում տուժող Մարգարիտա Հովնիկյանին հարցաքննելու անհնարինությանը, ապա դա տեղի է ունեցել օբյեկտիվ պատճառներով, այն է՝ վերջինս գտնվում է ՀՀ տարածքից դուրս և սպառվել են Դատարանի կողմից տուժող Մարգարիտա Հովնիկյանի մասնակցությունը դատական նիստին ապահովելու միջոցները:
Ամբաստանյալ Նարեկ Կարապետյանի և տուժող Մարիամ Հովնիկյանի նախաքննական, դատաքննական ցուցմունքները միմյանց, ինչպես նաև դատաքննությամբ հետազոտված այլ ապացույցների հետ համադրելիս և վերլուծելիս, դրանց մի մասն ի հաշիվ մյուսի արժևորելիս` Դատարանը ղեկավարվել է հետևյալ իրավական դրույթներով և դատողություններով.
ՀՀ քրեական դատավարության օրենսգրքի 25-րդ հոդվածի համաձայն` դատավորը, ինչպես նաև հետաքննության մարմինը, քննիչը, դատախազն ապացույցները գնահատում են իրենց ներքին համոզմամբ: Քրեական դատավարությունում ոչ մի ապացույց նախապես հաստատված ապացույցի ուժ չունի: Դատավորը, ինչպես նաև հետաքննության մարմինը, քննիչը, դատախազը չպետք է կանխակալ մոտեցում ցուցաբերեն ապացույցներին, չպետք է դրանց որոշ մասին մյուսների նկատմամբ առավել կամ նվազ նշանակություն տան՝ մինչև դրանց հետազոտումը պատշաճ իրավական ընթացակարգի շրջանակներում:
ՀՀ քրեական դատավարության օրենսգրքի 127-րդ հոդվածի համաձայն՝ յուրաքանչյուր ապացույց ենթակա է գնահատման՝ վերաբերելիության, թույլատրելիության, իսկ ամբողջ ապացույցներն իրենց համակցությամբ՝ գործի լուծման համար բավարարության տեսանկյունից:
Մ.Հովհաննիսյանի և Ա.Մարտիրոսյանի վերաբերյալ 2010թ. փետրվարի 12-ի թիվ ԵՔՐԴ/0632/01/08 քրեական գործով ՀՀ վճռաբեկ դատարանն այն իրավական դիրքորոշումն է արտահայտել, որ <<թեպետ ապացույցների գնահատումը կատարվում է ներքին համոզման հիման վրա, այն չի կարող կամայական լինել: Դրա հիմքում պետք է դրված լինի գործի բոլոր հանգամանքների լրիվ, օբյեկտիվ և բազմակողմանի քննությունը: Ապացույցների գնահատումն համապատասխան որոշումներում պետք է արտահայտվի պատճառաբանական եզրահանգումների ձևով՝ հիմնավորելով, թե ինչու որոշ ապացույցներ դրվել են որոշման հիմքում, իսկ մյուսները՝ մերժվել են՝ ճանաչվելով ոչ հավաստի>>:
Համաձայն նույն նախադեպային որոշման` հակասական ապացույցների առկայության պարագայում, երբ հնարավոր չէ հիմնավորված հետևության հանգել անձի մեղավորության կամ անմեղության և այլ հարցերի վերաբերյալ, վարույթն իրականացնող մարմինը միայն ապացույցների հետազոտությունից և գնահատումից հետո կարող է ապացույցների մի մասին մյուսների նկատմամբ առավելություն կամ նվազ կարևորություն տալ:
Միմյանց, ինչպես նաև դատաքննությամբ հետազոտված այլ ապացույցների հետ համադրելու, ստուգելու և գնահատելու արդյունքներով Դատարանը, ի հաշիվ ամբաստանյալ Նարեկ Կարապետի Կարապետյանի ցուցմունքների առավել արժևորում է Մարիամ Հովնիկյանի դատաքննական ցուցմունքը, քանի որ դրանում նշված փաստական տվյալները հաստատվում են դատաքննությամբ հետազոտված, գործին վերաբերող փոխկապակցված, հավաստի ապացույցների բավարար ամբողջությամբ, մասնավորապես.
-Վկա Նաթելլա Հովնիկյանի դատաքննական ցուցմունքով, համաձայն որի վերջինս հայտնել է, որ դեպքի օրը իրենց տան հարակից աստիճանները քանդելու համար բանվորներ են կանչել, որի կապակցությամբ Ն.Կարապետյանի հետ վիճաբանություն է առաջացել: Քանի որ աստիճանները գտնվում են իրենց տարածքում, մինչ միջադեպը դիմել են պետական մարմիներին և տեղեկացվել, որ իրավունք ունի քանդելու Աղբյուր Սերոբ 52/3 տանը գտնվող աստիճանները, ապա կանչել են տեղամասային տեսուչին և ցույց տվել այն փաստաթուղթը, որի հիման վրա իրենց իրավունք է տրվել քանդելու տան հարակից աստիճանները: Երբ բանվորներն եկել և սկսել են քանդել աստճանավանդակը, հայտնվել է Նարեկ Կարապետյանը և մտնելով բակ հարձակվել և հրել է քրոջը, այնուհետև վերջինս Մարիամ Հովնիկյանին հարվածներ հասցնելուց հետո հարվածել է նաև Մարգարիտա Հովնիկյանին, քաշել է նրա մազերը, հարվածել է դեմքին, ոտքով հարվածել է գլխի շրջանին: Մինչ դեպքը իր աղջիկները վնասվածքներ չեն ունեցել և մարմնական վնասվածքները ստացել են Ն.Կարապետյանի հարվածների հետևանքով:
-Վկա Նաիրա Նավասարդյանի դատաքննական ցուցմունքով, համաձայն որի վերջինս հայտնել է, որ դեպքի օրը ժամը 14:00-ի սահմաններում հյուր է գնացել Հովնիկյանների տուն և տեսել, որ վերջիններս շինարարական աշխատանքներ են կատարում և ցանկանում էին քանդել իրենց տարածքում գտնվող աստիճանները: Այդ ժամանակ Նարեկ Կարապետյանը մտնելով բակ հրել է Սուսաննային, ապա մոտեցել է Մարիամ Հովնիկյանին և հարվածել վերջինիս, որի հետևանքով նա ընկել է շինարարական աշխատանքների կապակցությամբ տվյալ հատվածում տեղադրված առարկաների վրա: Դրանից հետո Ն.Կարապետյանը շարունակել է հարվածներ հասցնել նրան, իսկ ինքը տեսնելով այդ ամենը մտել է տուն և զանգահարել ոստիկանություն:
Նշել է նաև, որ մինչ միջադեպը Մարիամ և Մարգարիտա Հովնիկյանների վրա որևէ վնասվածքներ չի եղել և անձամբ տեսել է, որ վերջիններիս այդ վնասվածքները պատճառել է Ն.Կարապետյանը:
-Վկա Սուսաննա Սողոմոնյանի նախաքննական և դատաքննական ցուցմունքներով, համաձայն որի վերջինս հայտնել է, որ դեպքի օրը Հովնիկյանները բանվորներ էին կանչել՝ աստիճանները քանդելու համար, որն էլ տեսնելով Ն.Կարապետյանն անմիջապես հարձակվել է նրանց վրա: Տեսնելով, որ Ն.Կարապետյանն ագրեսիվ է տրամադրված կանգնել է վերջինիս դիմաց, սակայն նա հրելով իրեն հարձակվել է ծառի մոտ կանգնած Մարիամ Հովնիկյանին և հրելով նրան գցել է շինարարական իրերի վրա, ապա հարձակվել է Մարգարիտա Հովնիկյանի վրա, քաշել է նրա մազերը և ոտքերով հարվածել նրա գլխի շրջանին: Տեսել է, որ Ն.Կարապետյանը հարվածել է Մարիամ Հովնիկյանի դեմքի շրջանին, որի հետևանքով վերջինս վայր է ընկել, իսկ դեպքից հետո նրա դեմքը ամբողջ քերծված էր և արյունոտ:
Անձամբ տեսել է, որ Նարեկ Կարապետյանը մեկից ավելի հարվածներ է հասցրել Մարիամ և Մարգարիտա Հովնիկյաններին, որպիսի գործողություններն արտահայտվել է հետևյալում՝ սկզբում Նարեկ Կարապետյանը Մարիամ Հովնիկյանին հարվածել է ձեռքերով, այնուհետև` Մարիամ Հովնիկյանի ընկնելուց հետո հարվածել է նրան ոտքերով, իսկ Մարգարիտային հարվածելիս գտնվում էր աստիճանների վրա կանգնած և ձեռքով բռնել էր Մարգարիտայի մազերից և ոտքով հարվածում էր նրա դեմքին:
-Վկա Վազգեն Պետրոսյանի նախաքննական ցուցմունքով, համաձայն որի վերջինս հայտնել է, որ 2015թ. օգոստոսի 11-ին ժամը 14:00-ից 15:00-ն ընկած ժամակահատվածում ինքը, որդուն և վերջինիս ընկեր Դավիթին իր ավտոմեքենայով տարել է Ա.Սերոբ 52/3 հասցե, որտեղ պետք է շինարարական աշխատանքներ կատարեին՝ աստիճաններ քանդեին: Քանդման աշխատանքներըսկսելու պահին նկատել է, որ հարևանությամբ բնակվող բնակիչները վիճում են և փորձում են չթողնել, որ աստիճանները քանդեն: Վեճի ժամանակ Ա. Սերոբ 52/7 տան բնակիչներից մի երիտասարդ տղա, վազելով մտնելով Ա.Սերոբ 52/3 տան բակ, որը պատկանում է Հովնիկյաններին ուժեղ հրել է մի կնոջ, ով կպել է պատին, հարձակվել է մի երիտասարդ աղջկա վրա, ով հետագայում իմացել է, որ հանդիսանում է Մարիամ Հովնիկյանը, հարվածել է նրա դեմքին, հրել, գցել է գտնին առկա քարերին և մեխերով տախտակների վրա: Այնուհետև, առաջացել է խառնաշփոթ, այդ տղան հարձակվել է մյուսների վրա, իսկ ինքը, քանի որ քիչ հեռու` մոտ 2-3 մետր հեռավորության վրա էր գտնվում, մոտեցել է այդ աղջկան, օգնել է և բարձրացրել է վերև և նկատել, որ նրա դեմքը սկզբում արյունոտ էր, թևերը ճանկռված էին: Դրանից հետո հարձակվել է մյուս աղջկա` Մարգարիտայի վրա, մի քանի անգամ քաշել է նրա մազերը, ապա կանգնելով աստիճանների վրա սկսել է հայհոյանքներ տալ բոլորի հասցեին, հետո ոտքերով սկսել է հարվածել Մարգաիտայի մարմնի տարբեր մասերին, մի խոսքով շատ ագրեսիվ էր պահում իրեն, հայհոյանքներ հնչեցնում բոլորի հասցեին:
-Վկա Մարտուն Պետրոսյանի նախաքննական ցուցմունքով, համաձայն որ վերջինս հայտնել է, որ շինարարական աշխատանքներ կատարելու կապակցությամբ ինքը, հայրը և ընկերը` Դավիթը 2015թ. օգոստոսի 11-ին 15:00-ի սահմաններում գնացել են Ա.Սերոբ 52/3 հասցե և փորձել են քանդել աստիճանները, որի կապակցությամբ հարևանների միջև վիճաբանություն է առաջացել: Վեճի ժամանակ Ա.Սերոբ 52/7 տան բնակիչներից մի երիտասարդ տղա, վազելով մտնելով Ա.Սերոբ 52/3 տան բակ, հրել է մի երիտասարդ աղջկա, գցել է գետնին առկա քարերի և մեխերով տախտակների վրա: Այնուհետև առաջացել է խառնաշփոթ, այդ տղան հարձակվել է նաև իր և Դավիթի վրա, իրենց մոտից պերֆերատորն վերցրել ու շպրտել է մի կողմ, որից հետո բարձրացել է և կանգնել է աստիճանների վրա և չէր թողնում, որ աստիճանները քանդեն: Աղջկան հրելուց և տախտակների վրա գցելուց հետո հարվածների պահը չի հիշում, բայց որ սկզբում հարվածել է դեմքին և գցել է գետնին, դա տեսել է: Տեսել է նաև, որ այդ տղան քաշում է մեկ այլ աղջկա մազերից և հայհոյանքներ է հնչեցնում նրա հասցեին, որից հետո իրենց տարել են և մտցրել են այդ տուն, որպեսզի իրենք էլ չխանվեն կռվին:
-Հրապարակված և հետազոտված հաղորոդում ընդունելու մասին 11.08.2015թ. թիվ 018857 արձանագրությամբ, համաձայն որի Մարիամ Հովնիկյանը հաղորդում է տվել այն մասին, որ 11.08.2015թ. ժամը 15:00-ին սահաններում Երևան քաղաքի Ա.Սերոբի 52/3 հասցեում տեղի ունեցած վեճի ժամանակ Նարեկ Կարապետյանը բազմաթիվ հարվածներ է հասցրել մարմնի տարբեր մասերին՝ իրեն պատճառելով նարմնական վնասվածքներ: Խնդրել է Նարեկ Կարապետյանին ենթարկել քրեական պատասխանատվության:
-Հրապարակված և հետազոտված ՀՀ ոստիկանության Արաբկիրի բաժնի պետ Հ.Խոստեղյանին հասցեագրված՝ նույն բաժնի օպեր հերթապահ Ա.Աղաջանյանի զեկուցագիրով, համաձայն որի 11.08.2015թ. ժամը 16:45-ին Սուրբ Գրիգոր Լուսավորիչ բժշկական կետրոնից ահազանգ է ստացվել այն մասին, որ մարմնական վնասվածքներով՝ <<Պոլիտրավմա>> ախտորոշմամբ իրենց մոտ է տեղափոխվել քաղաքացի Մարիամ Վարդանի Հովնիկյանը /25տ, բն. է Ա.Սերոբի 52/3 տանը, հեռ. 22-35-04/, որին նշված հասցեում հարևան Նարեկը ծեծի է ենթարկել:
-Հրապարակված և հետազոտված բժշկական կենտրոնի ահազանգերի մատյանը զննելու մասին 11.08.2015 թվականի արձանագրությամբ, համաձայն որի մատյանը համարակալված, կարված, կնիքված և բաղկացած է 99 թերթից, որի 44-րդ թերթի 2296-րդ համարի տակ գրանցված է. ս/թ-ի օգոստոսի 11-ին, ժամը 16:05 <<Պոլիտրավմա>> ախտորուշմամբ Բ/Կ է տեղափոխվել Մարիամ Վարդանի Հովնիկյանը /ծնված 04.04.1990թ. բնակվում է քաղաք Երևան Ա.Սերոբ 52/3 տուն/:
Ըստ հիվանդի հայտարարության Ա.Սերոբ 52/3 հասցեում ծեծի է ենթարկվել հարևան Նարեկի կողմից:
-Հրապարակված և հետազոտված հաղորդում ընդունելու մասին թիվ 018865 արձանագրությամբ, համաձայն որի Մարգարիտա Վարդանի Հովնիկյանը հաղորդում է տվել այն մասին, որ 11.08.2015թ. ժամը 15:00-ի սահմաններում Ա.Սերոբ 52/3 հասցեում աստիճանները քանդելու շուրջ ծագած վեճի ժամանակ Նարեկ Կարապետյանը մի քանի անգամ ձեռքով և ոտքով հարվածել է մարմնին, իսկ Ռուզաննա Յորղջյանը ձեռքերով սեխմել է պարանոցից, իրեն պատճառելով մարմնական վնասվածքներ: Խնդրում է ենթարկել նրանց քրեական պատասխանատվության:
-Հրապարակված և հետազոտված դատաբժշկական փորձաքննության թիվ 2360 եզրակացությամբ, համաձայն որի, Մարիամ Հովնիկյանի ստացած մարմնական վնասվածքները՝ աջ նախաբազկի, ձախ ոտնաթաթի շրջանների քերծվածքների ձևով, պատճառված են բութ առարկաների ազդեցությամբ, հնարավոր է գործի հանգամանքներում նշված ժամանակին, հանգամանքներում, որոնք ինչպես միասին, այնպես էլ առանձին առանձին վերցրված, առողջության թեթև վնասի հատկանիշներ չեն պարունակում:
-Հրապարակված և հետազոտված դատաբժշկական փորձաքննության թիվ 1494/հ եզրակացությամբ, համաձայն որի, Մ.Հովնիկյանի ստացած մարմնական վնասվածքները՝ աջ այտոսկրի, աջից գոտկային, աջ նախաբազկի, աջ սրունքի շրջանների արյունազեղումների, աջ այտոսկրի, աջ նախաբազուկ-դաստակային հոդի շրջանի քերծվածքի/ այժմյան էպիթելավորված տեղամաս/ ձևով, պատճառվել են բութ առարկաներով, հնարավոր է որոշման մեջ նշված ժամկետում և հանգամանքներում, որոնք առողջության թեթև վնասի հատկանիշներ չեն պարունակում:
Դատարանը, դատական ակտի «Դատարանի իրավական վերլուծություններ» բաժնում արձանագրել է հետևյալը.
Պատշաճ իրավական ընթացակարգերի շրջանակներում գնահատելով դատաքննությամբ հետազոտված վերոնշյալ ապացույցները` Դատարանը գտել է, որ ամբաստանյալ Նարեկ Կարապետյանի կողմից Մարիամ Հովնիկյանին և Մարգարիտա Հովնիկյանին ծեծելը, որը չի առաջացրել ՀՀ քրեական օրենսգրքի 117-րդ հոդվածով նախատեսված հետևանքները, հաստատված և ապացուցված է, այսինքն` Նարեկ Կարապետի Կարապետյանը մեղավորությամբ կատարել է հանցավոր արարքներ, որոնք համապատասխանում են ՀՀ քրեական օրենսգրքի 118-րդ հոդվածով և 118-րդ հոդվածով նախատեսված հանցագործության հատկանիշներին, հետևաբար` վերջինս ենթակա է քրեական պատասխանատվության և պատժի վերը հիշատակված հոդվածներով:
Նման հետևության Դատարանը հանգել է հաշվի առնելով տուժող Մ.Հովնիկյանի դատաքննական, վկաների ինչպես դատաքննական, այնպես էլ նախաքննական ցուցմունքները, դատարանում հրապարակված և հետազոտված մյուս ապացույցները:
Անդրադառնալով պաշտպան Ա.Ղազարյանի պաշտպանական ճառում բերված՝ իր պաշտպանյալ Ն.Կարապետյանի կողմից կատարած արարքներում երկու դրվագով ՀՀ քրեական օրենսգրքի 118-րդ հոդվածով նախատեսված հանցակազմի առկայությունը հիմնավորող փաստական տվյալների բացակայության պատճառաբանությամբ վերջինիս նկատմամբ արդարացման դատավճիռ կայացնելու վերաբերյալ միջնորդությանը, Դատարանը գտել է, որ այն անհիմն է, ենթակա է մերժման, քանի որ պաշտպանական կողմի բերած՝ ամբաստանյալի արարքում երկու դրվագով ՀՀ քրեական օրենսգրքի 118-րդ հոդվածով նախատեսված հանցակազմի հատկանիշների բացակայության պատճառաբանություններն ու հիմնավորումները հերքվել են դատաքննությամբ հետազոտված ներքոհիշյալ ապացույցներով.
-Վկա Նաթելլա Հովնիկյանի դատաքննական ցուցմունքով, համաձայն որի վերջինս հայտնել է, որ դեպքի օրը իրենց տան հարակից աստիճանները քանդելու համար բանվորներ են կանչել, որի կապակցությամբ Ն.Կարապետյանի հետ վիճաբանություն է առաջացել: Քանի որ աստիճանները գտնվում են իրենց տարածքում, մինչ միջադեպը դիմել են պետական մարմիներին և տեղեկացվել, որ իրավունք ունի քանդելու Աղբյուր Սերոբ 52/3 տանը գտնվող աստիճանները, ապա կանչել են տեղամասային տեսուչին և ցույց տվել այն փաստաթուղթը, որի հիման վրա իրենց իրավունք է տրվել քանդելու տան հարակից աստիճանները: Երբ բանվորներն եկել և սկսել են քանդել աստճանավանդակը, հայտնվել է Նարեկ Կարապետյանը և մտնելով բակ հարձակվել և հրել է քրոջը, այնուհետև վերջինս Մարիամ Հովնիկյանին հարվածներ հասցնելուց հետո հարվածել է նաև Մարգարիտա Հովնիկյանին, քաշել է նրա մազերը, հարվածել է դեմքին, ոտքով հարվածել է գլխի շրջանին: Մինչ դեպքը իր աղջիկները վնասվածքներ չեն ունեցել և մարմնական վնասվածքները ստացել են Ն.Կարապետյանի հարվածների հետևանքով:
-Վկա Նաիրա Նավասարդյանի դատաքննական ցուցմունքով, համաձայն որի վերջինս հայտնել է, որ դեպքի օրը ժամը 14:00-ի սահմաններում հյուր է գնացել Հովնիկյանների տուն և տեսել, որ վերջիններս շինարարական աշխատանքներ են կատարում՝ ցանկանում էին քանդել իրենց տարածքում գտնվող աստիճանները: Այդ ժամանակ Նարեկ Կարապետյանը մտնելով բակ հրել է Սուսաննային, ապա մոտեցել է Մարիամ Հովնիկյանին և հարվածել վերջինիս, որի հետևանքով նա ընկել է շինարարական աշխատանքների կապակցությամբ տվյալ հատվածում տեղադրված առարկաների վրա: Դրանից հետո Ն.Կարապետյանը շարունակել է հարվածներ հասցնել նրան, իսկ ինքը տեսնելով այդ ամենը մտել է տուն և զանգահարել ոստիկանություն:
Նշել է նաև, որ մինչ միջադեպը Մարիամ և Մարգարիտա Հովնիկյանների վրա որևէ վնասվածքներ չի եղել և անձամբ տեսել է, որ վերջիններիս այդ վնասվածքները պատճառել է Ն.Կարապետյանը:
-Վկա Սուսաննա Սողոմոնյանի նախաքննական և դատաքննական ցուցմունքներով, համաձայն որի վերջինս հայտնել է, որ դեպքի օրը Հովնիկյանները բանվորներ էին կանչել՝ աստիճանները քանդելու համար, որն էլ տեսնելով Ն.Կարապետյանն անմիջապես հարձակվել է նրանց վրա: Տեսնելով, որ Ն.Կարապետյանն ագրեսիվ է տրամադրված կանգնել է վերջինիս դիմաց, սակայն նա հրելով իրեն հարձակվել է ծառի մոտ կանգնած Մարիամ Հովնիկյանին և հրելով նրան գցել է շինարարական իրերի վրա, ապա հարձակվել է Մարգարիտա Հովնիկյանի վրա, քաշել է նրա մազերը և ոտքերով հարվածել նրա գլխի շրջանին: Տեսել է, որ Ն.Կարապետյանը հարվածել է Մարիամ Հովնիկյանի դեմքի շրջանին, որի հետևանքով վերջինս վայր է ընկել, իսկ դեպքից հետո նրա դեմքը ամբողջ քերծված էր և արյունոտ:
Անձամբ տեսել է, որ Նարեկ Կարապետյանը մեկից ավելի հարվածներ է հասցրել Մարիամ և Մարգարիտա Հովնիկյաններին, որպիսի գործողություններն արտահայտվել է հետևյալում՝ սկզբում Նարեկ Կարապետյանը Մարիամ Հովնիկյանին հարվածել է ձեռքերով, այնուհետև` Մարիամ Հովնիկյանի ընկնելուց հետո հարվածել է նրան ոտքերով, իսկ Մարգարիտային հարվածելիս գտնվում էր աստիճանների վրա կանգնած և ձեռքով բռնել էր Մարգարիտայի մազերից և ոտքով հարվածում էր նրա դեմքին:
-Վկա Վազգեն Պետրոսյանի նախաքննական ցուցմունքով, համաձայն որի վերջինս հայտնել է, որ 2015թ. օգոստոսի 11-ին ժամը 14:00-ից 15:00-ն ընկած ժամակահատվածում ինքը, որդուն և վերջինիս ընկեր Դավիթին իր ավտոմեքենայով տարել է Ա.Սերոբ 52/3 հասցե, որտեղ պետք է շինարարական աշխատանքներ կատարեին՝ աստիճաններ քանդեին: Քանդման աշխատանքները սկսելու պահին նկատել է, որ հարևանությամբ բնակվող բնակիչները վիճում են և փորձում են չթողնել, որ աստիճանները քանդեն: Վեճի ժամանակ Ա. Սերոբ 52/7 տան բնակիչներից մի երիտասարդ տղա, վազելով մտնելով Ա.Սերոբ 52/3 տան բակ, որը պատկանում է Հովնիկյաններին ուժեղ հրել է մի կնոջ, ով կպել է պատին, հարձակվել է մի երիտասարդ աղջկա վրա, ով հետագայում իմացել է, որ հանդիսանում է Մարիամ Հովնիկյանը, հարվածել է նրա դեմքին, հրել, գցել է գտնին առկա քարերին և մեխերով տախտակների վրա: Այնուհետև, առաջացել է խառնաշփոթ, այդ տղան հարձակվել է մյուսների վրա, իսկ ինքը, քանի որ քիչ հեռու` մոտ 2-3 մետր հեռավորության վրա էր գտնվում, մոտեցել է այդ աղջկան, օգնել է և բարձրացրել է վերև և նկատել, որ նրա դեմքը սկզբում արյունոտ էր, թևերը ճանկռված էին: Դրանից հետո հարձակվել է մյուս աղջկա` Մարգարիտայի վրա, մի քանի անգամ քաշել է նրա մազերը, ապա կանգնելով աստիճանների վրա սկսել է հայհոյանքներ տալ բոլորի հասցեին, հետո ոտքերով սկսել է հարվածել Մարգաիտայի մարմնի տարբեր մասերին, մի խոսքով շատ ագրեսիվ էր պահում իրեն, հայհոյանքներ հնչեցնում բոլորի հասցեին:
-Վկա Մարտուն Պետրոսյանի նախաքննական ցուցմունքով, համաձայն որի վերջինս հայտնել է, որ շինարարական աշխատանքներ կատարելու կապակցությամբ ինքը, հայրը և ընկերը` Դավիթը 2015թ. օգոստոսի 11-ին 15:00-ի սահմաններում գնացել են Ա.Սերոբ 52/3 հասցե և փորձել են քանդել աստիճանները, որի կապակցությամբ հարևանների միջև վիճաբանություն է առաջացել: Վեճի ժամանակ Ա.Սերոբ 52/7 տան բնակիչներից մի երիտասարդ տղա, վազելով մտնելով Ա.Սերոբ 52/3 տան բակ, հրել է մի երիտասարդ աղջկա, գցել է գետնին առկա քարերի և մեխերով տախտակների վրա: Այնուհետև առաջացել է խառնաշփոթ, այդ տղան հարձակվել է նաև իր և Դավիթի վրա, իրենց մոտից պերֆերատորն վերցրել ու շպրտել է մի կողմ, որից հետո բարձրացել է և կանգնել է աստիճանների վրա և չէր թողնում, որ աստիճանները քանդեն: Աղջկան հրելուց և տախտակների վրա գցելուց հետո հարվածների պահը չի հիշում, բայց որ սկզբում հարվածել է դեմքին, գցել գետնին, դա տեսել է: Տեսել է նաև, որ այդ տղան քաշում է մեկ այլ աղջկա մազերից և հայհոյանքներ է հնչեցնում նրա հասցեին, որից հետո իրենց տարել և մտցրել են այդ տուն, որպեսզի իրենք էլ չխանվեն կռվին:
-Հրապարակված և հետազոտված հաղորոդում ընդունելու մասին 11.08.2015թ. թիվ 018857 արձանագրությամբ, համաձայն որի Մարիամ Հովնիկյանը հաղորդում է տվել այն մասին, որ 11.08.2015թ. ժամը 15:00-ին սահաններում Երևան քաղաքի Ա.Սերոբի 52/3 հասցեում տեղի ունեցած վեճի ժամանակ Նարեկ Կարապետյանը բազմաթիվ հարվածներ է հասցրել մարմնի տարբեր մասերին՝ իրեն պատճառելով նարմնական վնասվածքներ: Խնդրել է Նարեկ Կարապետյանին ենթարկել քրեական պատասխանատվության:
-Հրապարակված և հետազոտված ՀՀ ոստիկանության Արաբկիրի բաժնի պետ Հ.Խոստեղյանին հասցեագրված՝ նույն բաժնի օպեր հերթապահ Ա.Աղաջանյանի զեկուցագիրով, համաձայն որի 11.08.2015թ. ժամը 16:45-ին Սուրբ Գրիգոր Լուսավորիչ բժշկական կետրոնից ահազանգ է ստացվել այն մասին, որ մարմնական վնասվածքներով՝ <<Պոլիտրավմա>> ախտորոշմամբ իրենց մոտ է տեղափոխվել քաղաքացի Մարիամ Վարդանի Հովնիկյանը /25տ, բն. է Ա.Սերոբի 52/3 տանը, հեռ. 22-35-04/, որին նշված հասցեում հարևան Նարեկը ծեծի է ենթարկել:
-Հրապարակված և հետազոտված բժշկական կենտրոնի ահազանգերի մատյանը զննելու մասին 11.08.2015 թվականի արձանագրությամբ, համաձայն որի մատյանը համարակալված, կարված, կնիքված և բաղկացած է 99 թերթից, որի 44-րդ թերթի 2296-րդ համարի տակ գրանցված է. ս/թ-ի օգոստոսի 11-ին, ժամը 16:05 <<Պոլիտրավմա>> ախտորոշմամբ Բ/Կ է տեղափոխվել Մարիամ Վարդանի Հովնիկյանի /ծնված 04.04.1990թ. բնակվում է քաղաք Երևան Ա.Սերոբ 52/3 տուն/:
Ըստ հիվանդի հայտարարության Ա.Սերոբ 52/3 հասցեում ծեծի է ենթարկվել հարևան Նարեկի կողմից:
-Հրապարակված և հետազոտված հաղորդում ընդունելու մասին թիվ 018865 արձանագրությոամբ, համաձայն որի Մարգարիտա Վարդանի Հովնիկյանը հաղորդում է տվել այն մասին, որ 11.08.2015թ. ժամը 15:00-ի սահմաններում Ա.Սերոբ 52/3 հասցեում աստիճանները քանդելու շուրջ ծագած վեճի ժամանակ Նարեկ Կարապետյանը մի քանի անգամ ձեռքով և ոտքով հարվածել է մարմնին, իսկ Ռուզաննա Յորղջյանը ձեռքերով սեխմել է պարանոցից, իրեն պատճառելով մարմնական վնասվածքներ: Խնդրում է ենթարկել նրանց քրեական պատասխանատվության:
-Հրապարակված և հետազոտված դատաբժշկական փորձաքննության թիվ 2360 եզրակացությամբ, համաձայն որի Մարիամ Հովնիկյանի ստացած մարմնական վնասվածքները՝ աջ նախաբազկի, ձախ ոտնաթաթի շրջանների քերծվածքների ձևով, պատճառված են բութ առարկաների ազդեցությամբ, հնարավոր է գործի հանգամանքներում նշված ժամանակին, հանգամանքներում, որոնք ինչպես միասին, այնպես էլ առանձին- առանձին վերցրված, առողջության թեթև վնասի հատկանիշներ չեն պարունակում:
-Հրապարակված և հետազոտված դատաբժշկական փորձաքննության թիվ 1494/հ եզրակացությամբ, համաձայն որի Մ.Հովնիկյանի ստացած մարմնական վնասվածքները՝ աջ այտոսկրի, աջից գոտկային, աջ նախաբազկի, աջ սրունքի շրջանների արյունազեղումների, աջ այտոսկրի, աջ նախաբազուկ-դաստակային հոդի շրջանի քերծվածքի/ այժմյան էպիթելավորված տեղամաս/ ձևով, պատճառվել են բութ առարկաներով, հնարավոր է որոշման մեջ նշված ժամկետում և հանգամանքներում, որոնք առողջության թեթև վնասի հատկանիշներ չեն պարունակում:
Այսինքն, վերոնշյալ հետազոտված ապացույցներով Դատարանը հաստատված է համարում, որ ամբաստանյալ Նարեկ Կարապետի Կարապետյանը ծեծել է Մարիամ Հովնիկյանին և Մարգարիտա Հովնիկյանին, որը չի առաջացրել ՀՀ քրեական օրենսգրքի 117-րդ հոդվածով նախատեսված հետևանքները:
Վերաքննիչ դատարանը գտնում է, որ Դատարանի եզրահանգումներն այն մասին, որ ամբաստանյալ Նարեկ Կարապետյանը կատարել է հանցավոր արարքներ` նախատեսված ՀՀ քրեական օրենսգրքի 118-րդ հոդվածով` 2/երկու/ դրվագով, հիմնավոր են, բխում են ինչպես գործող օրենսդրության պահանջներից, այնպես էլ գործի փաստական հանգամանքներից ու տվյալներից:
Վերաքննիչ դատարանը վերլուծության և գնահատության ենթարկելով քրեական գործով ձեռք բերված, գործի դատաքննության ընթացքում հետազոտված և սույն որոշման մեջ շարադրված ապացույցներն իրենց համակցությամբ, հանգում է այն հետևության, որ Դատարանն ամբաստանյալ Նարեկ Կարապետյանին` ՀՀ քրեական օրենսգրքի 118-րդ հոդվածով` 2/երկու/ դրվագով վերագրվող հանցավոր արարքների որակման առումով հիմնավոր հետևության հանգելու համար, անհրաժեշտ և բավարար վերլուծության և գնահատման է ենթարկել գործի լուծման համար անհրաժեշտ բացահայտման ենթակա հանգամանքները, որի արդյունքում ամբաստանյալ Նարեկ Կարապետյանի հանցավոր արարքներին տրվել է ճիշտ քրեաիրավական գնահատական և կիրառվել է քրեական օրենքի այն նորմը, որը ենթակա է եղել կիրառման, ուստի սույն քրեական գործի շրջանակներում ամբաստանյալ Նարեկ Կարապետյանի նկատմամբ արդարացման դատական ակտ կայացնելու հիմքեր չկան, հետևաբար պաշտպանի վերաքննիչ բողոքը պետք է մերժել:
Ինչ վերաբերվում է վերաքննիչ բողոքում բերված պատճառաբանություններին այն մասին, որ գործի դատաքննության ընթացքում Դատարանի կողմից խախտվել է արդար դատաքննության սկզբունքը և չի ապահովվել ամբաստանյալ Նարեկ Կարապետյանի` իր դեմ ցուցմունք տված տուժող Մարգարիտա Հովնիկյանին հակընդդեմ հարցման ենթարկելու իրավունքը, ապա Վերաքննիչ դատարանը գտնում է, որ դրանք անհիմն են և չեն բխում գործի փաստական տվյալներից:
Դատական ակտի ուսումնասիրությունը ցույց է տալիս, որ Դատարանն անդրադառնալով հիշյալ հանգամանքին, իրավաչափ հետևության է հանգել առ այն, որ տուժող Մարգարիտա Հովնիկյանի ցուցմունքները չեն կարող որպես ապացույց դրվել դատավճռի հիմքում, քանի որ ամբաստանյալ Նարեկ Կարապետյանին հնարավորություն չի ընձեռնվել մինչդատական վարույթի և դատաքննության ընթացքում հարցադրումներ կատարել տուժող Մարգարիտա Հովնիկյանին, այսինքն` Նարեկ Կարապետյանն իրապես հնարավորություն չի ունեցել հարցաքննելու իր դեմ ցուցմունք տված տուժողին և վիճարկել վերջինիս ցուցմունքները, ուստի Վերաքննիչ դատարանը գտնում է, որ վերաքննիչ բողոքում բերված նման պատճառաբանությունները ևս չեն կարող բավարար հիմք հանդիսանալ սույն քրեական գործի շրջանակներում արդարացման դատական ակտ կայացնելու համար:
Վերաքննիչ դատարանը միևնույն ժամանակ արձանագրում է, որ գործը քննելիս և լուծելիս Դատարանի կողմից քրեադատավարական իրավունքի այնպիսի էական խախտումներ, որոնք ազդել կամ կարող էին ազդել սույն գործով ճիշտ որոշում կայացնելու վրա` թույլ չեն տրվել:
Այսպիսով, Վերաքննիչ դատարանը գտնում է, որ սույն գործի շրջանակներում Դատարանի կողմից կայացվել է գործն ըստ էության ճիշտ լուծող դատական ակտ, այն օրինական է, հիմնավորված և պատճառաբանված, ուստի պետք է թողնել օրինական ուժի մեջ:
Անդրադառնալով ամբաստանյալ Նարեկ Կարապետյանի նկատմամբ կիրառված խափանման միջոցի հարցին, Վերաքննիչ դատարանը գտնում է, որ այն հիմնավոր է և պետք է թողնել անփոփոխ։
Ելնելով վերոգրյալներից և ղեկավարվելով ՀՀ քրեական դատավարության օրենսգրքի 393-394-րդ հոդվածներով, Վերաքննիչ դատարանը

Ո Ր Ո Շ Ե Ց

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2016 թվականի դեկտեմբերի 06-ի դատավճիռը, քրեական գործով ըստ մեղադրանքի` Նարեկ Կարապետի Կարապետյանի` ՀՀ քրեական օրենսգրքի 118-րդ հոդվածով և 118-րդ հոդվածով, թողնել օրինական ուժի մեջ, իսկ պաշտպանի վերաքննիչ բողոքը` մերժել:
Ամբաստանյալ Նարեկ Կարապետյանի նկատմամբ կիրառված խափանման միջոցը` ստորագրություն չհեռանալու մասին, թողնել անփոփոխ` մինչև սույն որոշման օրինական ուժի մեջ մտնելը:
Որոշումը կարող է բողոքարկվել ՀՀ վճռաբեկ դատարան՝ այն հրապարակելու պահից մեկամսյա ժամկետում։


ՆԱԽԱԳԱՀՈՂ ԴԱՏԱՎՈՐ Ա.ԽԱՉԱՏՐՅԱՆ


ԴԱՏԱՎՈՐՆԵՐ Ա.ԱԶԱՐՅԱՆ


Տ.ՍԱՀԱԿՅԱՆ