ԵԱՔԴ/0255/01/15


Դ Ա Տ Ա Վ Ճ Ի Ռ
Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն


«22» մայիսի 2018թ. ք.Երևան

Երևան քաղաքի ընդհանուր իրավասության դատարանը (այսուհետ նաև՝ Դատարան) հետևյալ կազմով՝

նախագահությամբ՝ դատավոր Ա.Մաթևոսյանի,
քարտուղարությամբ՝ Ա.Պարտիզպանյանի, Ա.Գեղամյանի, Ն.Ղազարյանի, Հ.Արտաշեսյանի,
մասնակցությամբ`
մեղադրողներՎ.Մկրտչյանի, Էդ.Պետրոսյանի,
տուժողի իրավահաջորդ Մ.Կարապետյանի,
տուժողի իրավահաջորդի ներկայացուցիչ Կ.Քաջազնունու,
ամբաստանյալ Ա.Կարապետյանի,
պաշտպաններ Լ.Ավետիսյանի, Վ.Աթոյանի,


դատարանում, դռնբաց դատական նիստում, քննության առնելով քրեական գործն ըստ մեղադրանքիԱրման Կարապետի Կարապետյանի՝ ծնված 1987թվականի հուլիսի25-ին Երևան քաղաքում,ազգությամբ հայ, ՀՀ քաղաքացի, միջնակարգ կրթությամբ, ամուսնացած, չի աշխատում,դատվածություն չունեցող, հաշվառված` Գեղարքունիքի մարզ, գյուղ Նորատուս, Գր.Լուսավորիչ փողոց, 24 տուն, փաստացի բնակվող` ք.Երևան, Ա.Խաչատրյան 31/1 շենք, բն. 48, որպես խափանման միջոց է ընտրված կալանավորումը,մեղադրվում է ՀՀ քրեական օրենսգրքի 34-104-րդ հոդվածի2-րդմասի 8-րդ կետով.

Պ Ա Ր Զ Ե Ց

Գործի դատավարական նախապատմությունը.
ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժնի ավագ քննիչ Հ.Հայրապետյանի 2015 թվականի նոյեմբերի 06-ի որոշմամբ ՀՀ քրեական օրենսգրքի 104-րդ հոդվածի 2-րդ մասի 8-րդ կետով հարուցվել և վարույթ է ընդունվել թիվ 09124015 քրեական գործը:
Քննիչի նույն օրվա մեկ այլ որոշմամբ Սիրանուշ Արամայիսի Կարապետյանը թիվ 09124015 քրեական գործով ճանաչվել է տուժող:
ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժնի պետ Ա.Նահապետյանի 2015 թվականի նոյեմբերի 06-ի որոշմամբ թիվ 09124015 քրեական գործի նախաքննության կատարումը հանձնարարվել է քննչական խմբին, որի ղեկավար է նշանակվել ավագ քննիչ Հ.Հայրապետյանը:
Քննիչի 2015 թվականի նոյեմբերի 06-ի որոշմամբ Մանյա Աթաբեկի Կարապետյանը թիվ 09124015 քրեական գործով ճանաչվել է տուժող Ս.Կարապետյանի ներկայացուցիչ:
2015 թվականի նոյեմբերի 06-ին Արման Կարապետի Կարապետյանը ձերբակալվել է:
2015 թվականի նոյեմբերի 07-ին Արման Կարապետի Կարապետյանը թիվ 09124015 քրեական գործով ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի104-րդ հոդվածի2-րդմասի 8-րդ կետով:
Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2015 թվականի նոյեմբերի 08-ի որոշմամբ մեղադրյալ Արման Կարապետյանի նկատմամբ որպես խափանման միջոց է կիրառվել կալանավորումը` երկու ամիս ժամկետով:
2015 թվականի դեկտեմբերի25-ին թիվ 09124015 քրեական գործով մեղադրյալ Արման Կարապետյանին ՀՀ քրեական օրենսգրքի104-րդ հոդվածի2-րդմասի 8-րդ կետովառաջադրված մեղադրանքը փոփոխվել է, Արման Կարապետյանը ներգրավվել է որպես մեղադրյալ և նրան նոր մեղադրանք է առաջադրվել ՀՀ քրեական օրենսգրքի 34-104-րդ հոդվածի 2-րդմասի 8-րդ կետով, մեղադրանքի փաստական կողմի հետևյալ նկարագրությամբ.
«[Արման Կարապետի Կարապետյանը] 2015թ. նոյեմբերի 04-ին, ժամը 18:00-ի սահմաններում գնացել է իր տատի` Սիրանուշ Կարապետյանի Երևան քաղաքի Կամարակի 1-ին նրբանցքի 29 հասցեում գտնվող տուն և ժամը 21:30-ի սահմաններում ավազակությամբ զուգորդված սպանություն կատարելու` ապօրինաբար Ս.Կարապետյանին կյանքից զրկելու ուղղակի դիտավորությամբ, առաջին հարկի ննջասենյակում հարձակվել` կյանքի և առողջության համար վտանգավոր բռնություն գործադրելով` ջրով լի ապակյա տարայով ` շշով հարվածել է մահճակալին պառկած Ս.Կարապետյանի գլխին, ինչի հետևանքով վերջինս սկսել է խռխռալ: Տեսնելով, որ տատը չի մահացել, ջրով լի մեկ այլ ապակյա տարայով ևս մեկ անգամ հարվածել է Ս.Կարապետյանի կենսական կարևոր նշանակություն ունեցող մարմնի հատվածին` գլխի ձախ գագաթային շրջանին` պատճառելով մարմնական վնասվածքներ գլխի սալջարդ վերքի և գլխի մաշկի տակ արյունահավաքի ձևով, ինչի հետևանքով վերջինս կորցրել է գիտակցությունը և անշարժացել: Կարծելով, որ հարվածների հետևանքով Ս.Կարապետյանը մահացել է` շարունակել է մտադրված հանցավոր գործողությունները` հափշտակելով տուժողի 14.000 ՀՀ դրամ արժողությամբ ոսկյա ականջօղերը, 50.000 ՀՀ դրամ գումարը, 10.500 ՀՀ դրամին համարժեք 20 եվրո գումարը ու հեռացել, սակայն Արման Կարապետյանի կամքից անկախ հանգամանքներով հանցագործությունն ավարտին չի հասցվել, քանի որ Ս.Կարապետյանի մահվան պատճառը հանդիսացել է սուր սրտային անբավարարությունը:(…)»:
ԵրևանքաղաքիԱրաբկիրևՔանաքեռ-ԶեյթունվարչականշրջաններիդատախազությանդատախազՎ.Մկրտչյանը 2015թվականիդեկտեմբերի 29-ինթիվ09124015քրեականգործիմեղադրականեզրակացությունըհաստատելէևքրեականգործըմեղադրականեզրակացությամբուղարկվելէԵրևանքաղաքիԱրաբկիրևՔանաքեռ-Զեյթունվարչականշրջաններիընդհանուրիրավասությանառաջինատյանիդատարան, որըԴատարանումստացվելէնույն օրը:
Դատավոր Ա.Խաչատրյանի 2015թվականի դեկտեմբերի30-ի որոշմամբ թիվ ԵԱՔԴ/0255/01/15 քրեական գործն ընդունվել է վարույթ:
2016 թվականի հունվարի 08-ի ՆՀ-3-Ա հրամանագրով դադարեցվել է Ա.Խաչատրյանի Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի դատավորի լիազորությունները:
2016 թվականի հունվարի 22-ին թիվ ԵԱՔԴ/0255/01/15 քրեական գործը վերամակագրվել է դատավոր Ռ.Մխիթարյանին:
Դատավոր Ռ.Մխիթարյանի 2016 թվականի հունվարի 25-ի որոշմամբ թիվ ԵԱՔԴ/0255/01/15 քրեական գործն ընդունվել է վարույթ և նույն թվականի փետրվարի 02-ին նշանակվել դատաքննության:
2016 թվականի մայիսի 23-ի ՆՀ-440-Ա հրամանագրով դադարեցվել է Ռ.Մխիթարյանի Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի դատավորի լիազորությունները:
2016 թվականի հունիսի 24-ին թիվ ԵԱՔԴ/0255/01/15 քրեական գործը վերամակագրվել է դատավոր Ա.Մաթևոսյանին:
Դատավոր Ա.Մաթևոսյանի 2016 թվականի հունիսի 27-ի որոշմամբ թիվ ԵԱՔԴ/0255/01/15 քրեական գործն ընդունվել է վարույթ և նույն թվականի հուլիսի12-ի որոշմամբ նշանակվել դատաքննության:


Դատարանի կողմից հաստատված փաստական հանգամանքները
Տուժող Սիրանուշ Կարապետյանը միայնակ բնակվել է Երևան քաղաքի Կամարակի 1-ին նրբանցքի 29 տանը։ Ամբաստանյալ Արման Կարապետի Կարապետյանը, ով աշխատել է «Սիթի» տաքսի ծառայությունում որպես վարորդ և վարել է իրեն ամրակցված «Սուզուկի» մակնիշի 784 PO 61 հաշվառման համարանիշի ավտոմեքենան հանդիսացել է տուժող Սիրանուշ Կարապետյանի թոռը՝ հանգուցյալ Կարապետ Կարապետյանի որդին։ Արման Կարապետյանը 2015 թվականի նոյեմբերի 04-ին, ժամը 18:00-ի սահմաններում իրեն ամրակցված տաքսի ավտոմեքենայով գնացել է Սիրանուշ Կարապետյանի՝ Երևան քաղաքի Կամարակի 1-ին նրբանցք 29 տուն:Արման Կարապետյանը տուժող Սիրանուշ Կարապետյանից գումար է խնդրել՝ ավտոմեքենան գազով լիցքավորելու համար, սակայն մերժում է ստացել և դուրս եկել տանից:
Նույն օրը, ժամը 20:20-ի սահմաններում ամբաստանյալ Արման Կարապետյանը զանգահարել է գործով վկա, մարմնավաճառ Մարիամ Վովիկի Զախարյանին և պայմանավորվել է վերջինիս հետ հանդիպել նրա բնակության վայրում՝ Երևան քաղաքի Արզումանյան փողոցում։ Մարիամ Զախարյանին ամբաստանյալ Արման Կարապետյանըհանդիպել է Երևան քաղաքի Արզումանյան փողոցի 13-րդ շենքի մոտակայքում, ում հետ վերադարձել է տուժող Սիրանուշ Կարապետյանի տուն։
Տուժող Սիրանուշ Կարապետյանի տուն վերադառնալու ճանապարհին ամբաստանյալ Արման Կարապետյանը հեռախոսազանգեր է ստացել, ունեցած խոսակցությունների ընթացքում Արման Կարապետյանից պահանջել են պարտք եղած գումարները։ Վերջինս խոստացել է նույն օրը՝ կարճ ժամանակահատվածում վերադարձնել պարտքերը։ Հասնելով Սիրանուշ Կարապետյանի տան մոտ՝ ամբաստանյալ Արման Կարապետյանը, նկատելի չլինելու նպատակով, ավտոմեքենան կայանել է հարակից փողոցում։ Մարիամ Զախարյանին ուղեկցել է տուժող Սիրանուշ Կարապետյանի տուն երկրորդ հարկ, իսկ ինքը՝իջել առաջին հարկ, որտեղ գիշերում էր տուժող Սիրանուշ Կարապետյանը։
Ժամը 21:30-ի սահմաններում ամբաստանյալ Արման Կարապետյանն ավազակությամբ զուգորդված սպանություն կատարելու՝ ապօրինաբար տուժող Սիրանուշ Կարապետյանին կյանքից զրկելու դիտավորությամբ, առաջին հարկի ննջասենյակում կյանքի համար վտանգավոր բռնություն գործադրելովհարձակվել է տուժողի վրա, այն է՝ ջրով լի ապակյա տարայով՝ շշով հարվածել է մահճակալի մոտ կանգնած տուժող Սիրանուշ Կարապետյանի գլխին, ինչի հետևանքով վերջինս ընկել է մահճակալին և սկսել է խռխռալ։ Ամբաստանյալ Արման Կարապետյանը՝ տեսնելով, որ տուժող Սիրանուշ Կարապետյանը չի մահացել՝ ջրով լի մեկ այլ ապակյա տարայով ևս մեկ անգամ հարվածել է վերջինիս գլխի ձախ գագաթային շրջանին՝ պատճառելով մարմնական վնասվածքներ՝ գլխի սալջարդ վերքի և գլխի մաշկի տակ արյունահավաքի ձևով: Ստացած հարվածների հետևանքով տուժող Սիրանուշ Կարապետյանը կորցրել է գիտակցությունը և անշարժացել։
Ամբաստանյալ Արման Կարապետյանը, մտածելով, իր հանցավոր գործողությունների հետևանքով Սիրանուշ Կարապետյանը մահացել է նրա ականջներից հանել է 14.000 ՀՀ դրամ արժողությամբ ոսկյա ականջօղերը, պահարանի միջից հափշտակել 50.000 ՀՀ դրամ գումարը, 10.500 ՀՀ դրամին համարժեք 20 ԵՎՐՈ գումարը:
Ամբաստանյալ Արման Կարապետյանը, իր վրայից կասկածները շեղելու նպատակով պահարանից թափված 8 լուսանկարների վրա ձախ ձեռքով կատարել է գրառումներ հետևյալ բովանդակությամբ՝ «Արման», «տղա», «քունեմ», «լավտ», «սրանով պրծի», «բոզի տղա», «բախտտ բերեց», «կբռնեմ քեզ», այնուհետև նկարները շարել է հյուրասենյակի սեղանին:
Այդ ընթացքում տան երկրորդ հարկում գտնվող վկա Մարիա Զախարյանը լսել է ապակու կոտրվելու ձայները, ինչնամբաստանյալ Արման Կարապետյանը պատճառաբանել է այն հանգամանքով, որ, ինչ-որ բան էր փնտրում, ուստի կոտրել է պահարանի ապակին:
Ամբաստանյալ Արման Կարապետյանը գրիչը, որով կատարել էր գրառումները, կոտրել և գցել է մեքենայի կայանման վայրում:
Տուժող Սիրանուշ Կարապետյանից հափշտակված ոսկյա ականջողերն ամբաստանյալ Արման Կարապետյանը 2015 թվականի նոյեմբերի 05-ին, ժամը 00:30-ին գրավադրել է Երևան քաղաքի Տիգրան Մեծի 29/33-րդ հասցեում գործող «Ֆաստ Կրեդիտ» ՈՒՎԿ ՓԲԸ-ում և ստացել 14.000 ՀՀ դրամ գումար և հափշտակված գումարներից մարել պարտքերի մի մասը:
Տուժող Սիրանուշ Կարապետյանի մահվան պատճառ է հանդիսացել սուր սրտային անբավարարությունը, որը պայմանավորված է եղել չափավոր արտահայտված աթերոսկլերոզով՝ առավելապես պսակաձև անոթների ախտահարմամբ, պսակաձև զարկերակների նեղացնող աթերոսկլերոզով, մանր օջախային կարդիոսկլերոզով, սրտամկանի ծանր դիստրոֆիայով, արտահայտվածկորոնարոսկլերոզով, կարդիոմիոցիտների ֆրագմենտացիայով, հիպերտրոֆիայով, հյուսվածքի այտուցով և սակավարյունունությամբ, որոնցով հանգուցյալը տառապել է կենդանության օրոք :

Դատաքննությամբ հետազոտված ապացույցների գնահատումը,
Առաջադրված մեղադրանքի շուրջ Դատարանում հարցաքննվելիս ամբաստանյալ Արման Կարապետի Կարապետյանն իրենմեղավոր չճանաչեց` հերքելով իր առնչությունը վերագրվող արարքին։
Դատական քննության ընթացքում ամբաստանյալ Արման Կարապետի Կարապետյանը ցուցմունք տվեց այն մասին, որիրեն մեղսագրված արարքը չի կատարել, իսկ նախաքննության ընթացքում տվել է խոստովանական ցուցմունքներ, քանի որ դրա համարպատճառներ է ունեցել: Տուժող Սիրանուշ Կարապետյանին շշով չի հարվածել: Ցանկացել է հետևել նակին կնոջը` Սրբուհի Ավագյանին, քանի որ վերջինս քրոջ` Թագուհի Ավագյանի հետ, ով հայտնի է նաև Լիզա անունով, զբաղվել է մարմնավաճառությամբ: Ճանաչել է Մարիամ Զախարյանին և տեղյակ է եղել, որ վերջինս և Սրբուհի Ավագյանըճանաչում են միմյանց: Մարիամ Զախարյանի հետ 200.000 ՀՀ դրամի շուրջ պայմանավորվածություն է ունեցել, որպեսզի նա կարողանար ապացուցել Սրբուհի Ավագյանի ով լինելը, դա իրեն անհրաժեշտ է եղել երեխայի խնամակալության հետ կապված հարցերը լուծելու համար: Վկա Մարիամ Զախարյանի հետ ինչ-ինչ պատճառներով հայտնվել է իրենց տանը:Գնացել է տանից վերցրել էՄարիամ Զախարյանին, միասին գնացել են մեքենան կանգնեցրել իրենց տան դարբասի դիմացը: Այդ ժամանակ իրենց հարևան Մկոն ընկերոջ հետ կանգնած է եղել, ինքն էլ մեքենան տեղափոխել է մի քիչ հեռու, որպեսզի Մարիամին չտեսնեն իր հետ և այլ բան չմտածեն: Տուն մտնելու պատճառը եղել է այն, որ Մարիամ Զախարյանը բնական կարիք հոգալու անհրաժեշտություն է ունեցել, ինքն էլ առաջարկել է տուն մտնել՝ Մարիամ Զախարյանը զուգարան մտնելու հնարավորություն կունենա, իսկ ինքն էլ գումարը կվերցնի՝ կտա նրան: Հասնելով տեղ` նկատել են, որ դրսում հարևաներից մարդ կա, Մարիամին ներս էհրել, որպեսզի չտեսնեն: Ինքը տատիկից՝ Սիրանուշ Կարապետյանից 100.000 ՀՀ դրամ գումար է խնդրել` պարտավորվելով վերադարձնել: Սիրանուշ Կարապետյանն իրեն ասել է, որ այդքան գումար տալչի կարող և տվել է 50.000 ՀՀ դրամ, 20 եվրո և երկու ականջօղերը, որոնք բոլորը միասին չեն կազմել 100.000 ՀՀ դրամ: Երբ տատիկն իր սենյակից գումարն էրհանում, կանչել է Մարիամ Զախարյանին, ով տան վերևի հարկում էր գտնվում, մեքենայի բանալին և հերախոսը տվել է Մարիամին, ասել, որպեսզի գնա նստի մեքենան, մինչև ինքը կգա: Այնուհետև, Մարիամի հետ միասին գնացել են իրենց տաքսի ծառայության գրասենյակ, 17.000 ՀՀ դրամ գումար է տվել տնօրենին, քանի որ վերջինս պարտք է եղել: Գրավատան մոտ Մարիամ Զախարյանին տվել է 20.000 ՀՀ դրամ, այնուհետև, ևս 20.000 ՀՀ դրամ՝ երկու հատ 10.000 ՀՀ դրամ թղթադրամի տեսքով և առաձին 1000 ՀՀ դրամ` տաքսիի համար: Այնուհետև գնացել է տուն: Առավոտյանգնացել է քրոջ տուն, պատմել է, որ տատիկի տանն է եղել,և որ վերջինս իրեն գումար ևականջօղերէ տվել: Օրվա ընթացքում հանդիպել է նախկին կնոջը` Սրբուհի Ավագյանին: Նա պատմել է, որ իրենից և Մարիամ Զախարյանից հետո, եղել է տատիկի տանը, զրուցել է նրա հետ, իսկ մինչև տուն մտնելը Մարիամին խնդրել է, որ նա տանը ինչ որ բան աներ, բայց թե ինչ`չգիտի,իր համար անհասկանալի է, ինչու է Մարիամ Զախարյանը պատուհան բաց թողել:
Սիրանուշ Կարապետյանի մահվան պատճառը դարձել է Սրբուհի Ավագյանը: Սրբուհու և տատիկի միջևվիճաբանություն է եղել, որի ընթացքում Սրբուհին Ս.Կարապետյանին հրել է: Այդ մասին իրեն Սրբուհի Ավագյանն է պատմել,ինքն էլ ասել է, որ երեկոյան անպայման կգնա և տատիկին կտեսնի, կիմանա թե ինչ է պատահել: Իր մեքենան կայանել է տաքսի ծառայության գրասենյակի մոտ, քանի որ վառելիք չի ունեցել, Կամոյի հետ վերջինիս մեքենայով գնացել է տատիկի տուն: Դաեղել է 2015 թվականի նոյեմբերի 05-ի ժամը 20:00-ի սահմաններում: Դարբասի դուռը բաց է եղել, երկրորդ հարկի պատուհանը նույնպես բաց է եղել, պատուհանից ներս է մտել, ձայն տվել տատիկին, սակայն իրեն չի պատասխանել, առաջանալով նկատել է Ս.Կարապետյանին մահացած, մահճակալից դուրս ընկած, հասկացել է, որ դա արել է Սրբուհի Ավագյանը և, քանի որ իրենք հաշտվել էին, խոստովանել է, որ ինքն է կատարել: Երբ Սիրանուշ Կարապետյանին սպանված էտեսել, որոշել է նկարների հետնամասում գրառումներ կատարել, որպեսզի իրեն կասկածեն սպանության մեջ: Այնուհետև, գնացել է աշխատանքի վայր, զանգահարել է Սրբուհուն, հարցրել է, թե ինչ է արել, ասել է, որ Սիրանուշ Կարապետյանը մահացած է: Եթե իրականումինքն այդ արարքը կատարած լիներ, ապա դատարանից կխնդրեր, որ իր նկատմամբ մեղմ վարվեր:
Պատասխանելով դատավարական կողմերի և Դատարանի հարցերին ամբաստանյալ Արման Կարապետյանը մանրամասնեց, որտատիկի հետ գտնվել են մտերիմ հարաբերությունների մեջ, սակայն տատիկի ունեցած գումարների մասին իրեն ոչինչ հայտնի չի եղել: 2015 թվականի նոյեմբերի 04-ին երկու անգամ է գնացել տատիկի տուն, առաջին անգամը գնացել և տատիկից գումար է խնդրել, իսկ երկրորդ անգամ գնացել է Մարիամ Զախարյանի հետ, ով գտնվել է երկրորդ հարկում, զբաղված է եղել իր հեռախոսով, տատիկը նրան չի նկատել: Այդ ժամանակ տատիկին պատմել է, որ ցանկանում է գնալ ԼՂՀ: Երբ տատիկը գնացել է գումարը վերցնելու, ինքն հարմարեցրել է այդ պահը և Մարիամին ներքև է կանչել, տվել իր հեռախոսը և մեքենայի բանալիները ու ասել, որ գնա նստի մեքենայի մեջ: Մարիամն այդ օրն իր հետ մեկ անգամ է տատիկի տանը եղել: Տատիկի տանից իրենց գնալուց հետո Սրբուհին է գնացել այնտեղ:Ըստ Սրբուհու պատմածի՝ գնացելէ տաքսիով, սակայն ինքըչգիտի`Սրբուհին մենակ է եղել, թե`ոչ: Ինքը տատիկի տուն է գնացել՝տատիկից գումար խնդրելու: Տատիկին սպանված վիճակում տեսել է հաջորդ օրը` երեկոյան: Նկարների վրա արված գրառումներով նպատակ է ունեցել, որ իմանան, թե իբր ինքն է այդտեղ եղելև գնան իր հետևից: Տատիկի հետ գտնվել է հյուրասենյակում, վերջինիս հետ շփումը տևել է մոտ մեկ ժամ, իսկ Մարիամն այդ ընթացքումեղել է երկրորդ հարկում: Շփման ընթացքում իր և տատիկի միջև վեճ տեղի չի ունեցել: Տատիկի կողմից իրեն գումարները և ականջօղերը տալու ժամանակ Մարիամ Զաքարյանն արդեն տանը չի եղել, համընկել է վերջինիս տանից դուրս գալու հետ: Կատարված քննչական փորձարարությունների ընթացքում իր կողմից արված հայտարարությունները, իր մատնանշած հանգամանքները չեն համապատասխանում իրականությանը, ընդունում է, որ կանխամտածված սուտ ցուցմունք է տվել նախաքննության մարմնին: Դա արելէ Սրբուհի Ավագյանի համար, այն հանգամանքը, որ ներկայումս է միայն հայտնում իրականությունը, պայմանավորված է նրանով որ, երբ Սրբուհին առաջին անգամ գնացել է իրեն տեսակցության, հայտնել է, որ ամուսնալուծվում է իրենից, բացի այդ այլ դատարանում հայտնել է, թե իբրև ինքը մարդասպան է, այդ պատճառով է իրենից ամուսնալուծվում: Եթե Սրբուհին իրենիցչամուսնալուծվեր, այդպիսի հայտարարություններ չաներ և իրենդրսևորեր դրական, ինքն իրականությունը չէր պատմի և հանուն Սրբուհու կդատապարտվեր: Երբ տատիկին տեսել է սպանված, ցանկացել է անել ամեն ինչ, որպեսզի իր հետքերը թողնի: Նկարների հետնամասում արված գրառումներն ինքն է արել, հստակ չի կարող ասել, թե ինչու է նման բովանդակությամբ գրառումներ կատարել նկարների վրա: Առաջադրված մեղադրանքում իրեն մեղավոր չի ճանաչում: Երբ ներս է մտել, նկատել է, որ տունը որոշակի չափով եղել է խառնված, մի քանի շոր թափթփված է եղել, հյուրասենյակի սեղանին բաժակ է դրված եղել դանակի հետ միասին, իսկ նկարները դրված են եղել ննջասենյակում: Տատիկին տեսել է մահճակալի վրա՝ ոտքերը կիսով չափ գետնին: Չի կարող ասել է, թե ինչու է տունը եղել թափթփված վիճակում, ինքն է իր դեմ միտումնավոր ապացույցներ ստեղծել: Այդ ամենից հետո դուրս է եկել տնից, զանգահարել է Սրբուհուն, վերջինս իրեն հարցրել է, թե արդյոք ոստիկանությունից է իրեն զանգահարում և արդյոք գնացել է տատիկի տուն, ինքը պատասխանել է, որ տեսել է,այնուհետև, հարցրել է Սրբուհու գտնվելու վայրը: Գնացել է Սրբուհու բնակության վայր, հանդիպել է նրան, զրուցել են, այնուհետև, պայմանավորվել են հաղորդագրությունների վերաբերյալ:
Հաշվի առնելով այն հանգամանքը, որ ամբաստանյալ Արման Կարապետյանի դատաքննական և նախաքննական ցուցմունքների միջև առկա են էական հակասություններ`Դատարանը, ղեկավարվելով ՀՀ քրեական դատավարության օրենսգրքի 337-րդ հոդվածի 1-ին մասի պահանջներով, որոշում կայացրեց հրապարակել վերջինիս նախաքննական ցուցմունքները:
Նախաքննության ընթացքում ամբաստանյալ Արման Կարապետյանն իրեն մեղավոր է ճանաչել և ցուցմունք է տվել այն մասին, որՍիրանուշ Կարապետյանը հանդիսանում է իր հորական տատիկը: 2015 թվականի նոյեմբերի 04-ին, երեկոյան ժամը 19:00-ի սահմաններում գնացել է տատիկի տուն: Միասին սուրճ են խմել, զրուցել: Միմյանց հետ զրույց են ունեցել գերեզմանաքարերի հետ կապված, որի ընթացքում տատիկն իրեն ամոթանք է տվել: Երբ գտնվել է տատիկի ննջասենյակում, վերջինս սկսել է իրեն վիրավորել` ասելով, որ իր ուզածը նրա տունն է: Իրենց լեզվակռիվը շարունակվել է, որի ընթացքում տատիկը կարծես թե թքել է իր վրա, ինչից ինքն էլ զայրացել է, ձեռքը մեկնել և մահճակալի վրայից վերցրել է ջրով լի ապակյա շշերից մեկը և հարվածել տատիկի գլխին` գագաթի շրջանում, որից շիշը կոտրվել է: Շշի վերին հատվածը գցել է մահճակալի վրա` տատիկի գլխավերևի մասում: Տատիկն ընկել է մահճակալի վրա, սկսել է թպրտալ և դողացնել: Քանի որ դեռ չէր հանգստացել զայրույթից, մահճակալի վրայից վերցրել է ջրով լի ապակե շիշը, կրկին հարվածել է վերջինիս գլխի հատվածին: Տատիկն անշնչացել է: Վերջինիս սպանելուց հետո հանել է նրա երկու ոսկյա ականջօղերը` կարմիր քարերով: Այնուհետև, տեղյակ լինելով, որ տանը պահվում է իր հոր ատրճանակը, որոշել է այն փնտրել, թափթփելով ամեն ինչ: Դարակների իրերը խառնելիս հագուստների միջից մի ծրար է ընկել, որի մեջ եղել է 50.000 ՀՀ դրամ` մեկ հատ 20.000և երեք հատ 10.000 թղթադրամներով և20 եվրո գումար: Նույն դարակից թափվել են նաև լուսանկարներ, որոնք հավաքելով ինքնաբերաբար լցրել է հյուրասենյակի սեղանին: Դրանից հետո, որպեսզի տատիկի սպանության համար իրեն չկասկածեն, նկարների վրա գրառումներ է կատարել: Սպանելուց հետո 15-20 րոպե մնացել է տանը, որից հետո անջատել է տան լույսերը և փակելով բոլոր սենյակների և մուտքի դուռը` հեռացել է: Գնացել է հրապարակ, գրավադրել է ականջօղերը: Ժամը 22:30-23:00-ի սահմաններում հասել է տուն, պառկել քնելու, սակայն մտածմունքներից չի կարողացել քնել և զղջացելէ կատարածի համար: Հաջորդ օրն իրեն բերման են ենթարկել ոստիկանություն, որտեղ խոստովանել է իր կատարած արարքը: Նշել է, որ դեպքից մոտավորապես երկու շաբաթ առաջ, իր տաքսի ծառայությունիցօգտվելու ընթացքում ծանոթացել է Մերի անունով աղջկա հետ, ով իր իմանալով մարմնավաճառ է եղել: Մտերմացել է վերջինիս հետ: Դեպքի օրը, Մերիի հետ գնացել է տատիկի տուն, որպեսզի նրանից գումար վերցներ: Մեքենան հեռու է կայանել, որպեսզի հարևանները չտեսնեն, թե իր հետ մարդ կա: Քանի որ մեքենայում ցուրտ է եղել Մերին պնդել է, որ իր հետ գնա: Ինքը չի ցանկացել, որ վերջինս իմանա, թե դա իր տատիկի տունն է և նրան ասել է, թե իր ծանոթի տունն է և նրա հետ խոսելու բան ունի: Երբ ներս են մտել, նկատել է, որ տատիկը գալիս է իրենց կողմ, ևքանի որ չի ցանկացել, որ տատիկը տեսնի Մերիին, նրան հրել է աստիճաններով դեպի վերև և հասկացրել, որ բարձրանա վերևում նստի: Տատիկի հետ զրուցել է, որի ընթացքում վիճաբանել են, ինքն էլ շշով հարվածել է վերջինիս գլխին, ինչից նա սկսել է խռխռալ, որից հետո կրկին շշով հարվածել է գլխին: Պնդել է, որ Մերին դեպքի հետ առնչություն չունի, նրա մասին նախկինում չի ասել, քանի որ չի ցանկացել, որ անմեղ մարդն ընկնի քաշքշուքի մեջ: Մերին ոչինչ չի լսել, քանի որ ինքը ննջասենյակի և հյուրասենյակի դռները փակել էր: Պնդել է, որ ինքն է սպանել տատիկին և, որ զղջում է կատարվածի համար:
Որպես մեղադրյալ 2015 թվականի դեկտեմբերի 25-ի հարցաքննության ժամանակ Արման Կարապետյանը ցուցմունք է տվել այն մասին, որ առաջադրված մեղադրանում իրեն մեղավոր չի ճանաչում, քանի որ նման արարք չի կատարել:
Դատաքննական և նախաքննական ցուցմունքներում առկա էական հակասության առումով ամբաստանյալ Ա.Կարապետյանը հայտարարեց, որ իրականությանը համապատասխանում է դատաքննության ընթացքում տված ցուցմունքը: Նախաքննության ընթացքում տված ցուցմունքները գրել է անձամբ: Նման բովանդակությամբցուցմունքներ տալու նպատակը եղել է նախկին կնոջը՝ Սրբուհի Ավագյանին պաշտպանելը: Նախաքննության ընթացքում ցուցմունք տալիս իրեն ոչ ոք չի ուղղորդել, նման բովանդակությամբ ցուցմունքներ տվել է իր կամքով: Արման Կարապետյանը իր ցուցմունքով պնդեց, որ տատիկին սպանել են 2015 թվականի նոյեմբերի 04-ի երեկոյան, իսկ ինքը նրան սպանված վիճակում տեսել է միայն նոյեմբերի 05-ին՝ երեկոյան:
Դատարանը, համադրելով և վերլուծելով ամբաստանյալ Արման Կարապետի Կարապետյանի նախաքննական և դատաքննական ցուցմունքները, արժանահավատ է համարում վերջինիս նախաքննական ցուցմունքները: Դատարանը գտնում է, որ ամբաստանյալի կողմից դատաքննության ընթացքում տրված ցուցմունքները մտացածին են, խիստ անարժանահավատ, իրականությանը չհամապատասխանող:
Ամբաստանյալ Արման Կարապետյանը կատարված հանցավոր արարքում վկաներ Մարիամ Զախարյանին և Սրբուհի Ավագյանին մեղադրելով՝ նպատակ է հետապնդում ամեն գնով խուսափել քրեական պատասխանատվությունից և պատժից:
Ամբաստանյալ Արման Կարապետի Կարապետյանի մեղավորությունն իրեն մեղսագրվող արարքում հիմնավորվում է դատաքննության ընթացքում պատշաճ իրավական ընթացակարգի շրջանակներում հետազոտված հետևյալ ապացույցներով՝
Դատական նիստի ընթացքում տուժողի իրավահաջորդ Մանյա Կարապետյանը ցուցմունքով այն մասին, որ 2015 թվականի նոյեմբերի 04-ին, ժամը 08:00-ին զանգահարել է մորը` նրա որպիսությունն իմանալու նպատակով: Մայրն ասել է, որ լավ է: Օրվա ընթացքում կրկին զանգահարել է մորը, սակայն նրա հեռախոսահամարը եղել է անջատված: Նույն օրը, ժամը 18:00-ի սահմաններում կրտսեր քույրը` Անահիտը,զանգահարել է մորը և հարցրել հեռախոսի անջատված լինելու պատճառը, մայրը պատասխանել է, որ հեռախոսաքարտի հետ կապված խնդիրներ են եղել: Քույրը հարցրել է, թե ինչպես եղավ, որ կարգավորվեց, մայրը պատասխանել է, որ Արմանն է եկել, սարքել է հեռախոսը:Քրոջ հետ խոսելու ընթացքում մայրն Արմանին ասել է, որ հորաքույրը ցանկանում է իր հետ խոսել, սակայն վերջինս պատասխանել է, որ թեյ է խմում, երբ վերջացնի, կխոսի նրա հետ, սակայն քույրը չի սպասել նրան: Նոյեմբերի 05-ի առավոտյան կրկին զանգահարել է մորը, սակայն նրա հեռախոսը կրկին եղել է անջատված: Երեք քույրերով տարբեր ժամերի բազմիցս զանգահարել ենմորը, սակայն նրա հեռախոսը եղել է անջատված: Անհանգստացել է, աշխատանքից հետո նստել է տաքսի ավտոմեքենա, որպեսզի գնա մոր մոտ, սակայն մինչ գնալը, զանգահարել է Իրինային, ով հանդիսանում իր մոր հարևանը: Նրան խնդրել է, որ նայի արդյոք մայրը բակում է, թե` ոչ: Այնուհետև, կրկին զանգահարել է Իրինային, ով պատասխանել է, որ տան դուռը փակ է, պատուհանները թակում է, սակայն պատասխան չկա: Անմիջապես գնացել է մոր տուն: Մինչ իր գնալը հարևաններն արդեն այնտեղ են եղել: Երբ գնացել է, շատ է զարմացել, երբ տեսել է, որդարբասի դուռը բաց է, քանի որ մայրը միշտ փակ է պահում դուռը: Այդ ժամանակ հարևանությամբ բնակվող Սեյրան Սաղաթելյանը, իր խնդրանքով,կոտրել է տան մուտքի դռան ապակին և բացել դուռը: Ներս մտնելով` տան ննջասենյակում տեսել էմորը` անկողնում պառկած` գլուխը վնասված, արյունաշաղախ` մահացած վիճակում: Զանգահարել է քրոջը և հայտնել, որ իրենց մորը սպանել են: Հարևանները զանգահարել են ոստիկանություն: Ննջասենյակում` մոր գլխի մոտ, ապակյա կոտրած շշի կտորներ են առկա եղել: Մայրը կրել է ոսկյա փոքր ականջօղեր` կարմիր գույնի քարերով: Ներս մտնելով նկատել է, որ մոր ականջօղերը բացակայում են: Սեղանի վրա եղել են շուռ տված նկարներ, որոնց վրա եղել են հայհոյանքների տեսքով գրառումներ: Ննջասենյակն ամբողջովին եղել է տակնուվրա: Հետագայում իմացել է, որ Արման Կարապետյանն է կատարել այդ արարքը, նա է խոստովանել: Մայրն ապրել է միայնակ: Իրենց, այդ թվում նաև` Արման Կարապետյանի և մոր` Ս.Կարապետյանի հարաբերությունները եղել են շատ լավ: Մինչ դեպքը մայրը ունեցել է պահած գումար, 1400-1500 դոլարի չափով, այդ մասին ավելի մանրամասն տեղյակ է քույրը: Դեպքից հետո գումարը չի հայտնաբերվել: Համոզված է, որ իր եղբոր որդին է սպանել իր մորը: Դրա համար հիմքեր ունի: Արման Կարապետյանի նկատմամբ նյութական պահանջ չունի:
Դատական նիստի ընթացքում վկա Մարիամ Զախարյանը ցուցմունք տվեց այն մասին, որ ճանաչում է Արման Կարապետյանին, նրատաքսի ծառայություններից հաճախ է օգտվել: Ինքն Արմանին հայտնել է, որ վարձով բնակարան է փնտրում, նա էլ իրեն հայտնել է, որ Քանաքեռ-Զեյթուն թաղամասում առանձնատուն ունի, ցանկանում է այն վաճառել, ինչպես նաև տալ վարձակալությամբ: Դեպքի օրը գնացել են տունը նայելու, այնուհետև ինքը գնացել է իր գործերով,թե այնտեղ ինչ է տեղի ունեցել՝ տեղյակ չէ: Արմանն իր ավտոմեքենայով է եկել իր բնակության հասցե, հանդիպել են և միասին գնացել են տունը նայելու: Ավտոմեքենանկայանել են մի քանի տուն այն կողմ, որովհետև շատ են այդ հատվածում մեքենաներ անցել, մտել են ներս, ամբողջովին մութ է եղել: Մինչ այդ մի գեր տղամարդու են հանդիպել, ով զրուցել է Արմանի հետ: Առաջինն Արմանն է տան բակ մտել:Մութ է եղել, ինքն սպասել է, որ Արմանըլույսերը վառի: Արմանն ասել է, որ այդ տանը երկար ժամանակ մարդ չի բնակվել: Արմանը մտել է տուն, դուռը բաց է թողել, աթոռը դրել է, կանգնել վրան, լույսերը միացրել, նոր միայն ինքն առաջ է գնացել: Զգացվել է, որ այնտեղ մարդ չի բնակվում, քանի որ լույսերը եղել են անջատված, տունը եղել է փոշոտ: Այնուհետև, բարձրացել են երկրորդ հարկ: Արմանն ասել է, որ երկար ժամանակ այդտեղ չի բնակվել, բանալիներ ունի վերցնելու, իջնի ներքևից վերցնի և գնան: Ինքը միայն երկրորդ հարկի ննջասենյակն է տեսել, մնացած սենյակներում չի եղել, քանի որ իրեն տունը դուր չի եկել: Նախաքննության ընթացքում տված ցուցմունքը ճիշտ է: Երբ գնացել են տուն նայելու, ճանապարհին Արմանը բազմաթիվ հեռախոսազանգեր է ունեցել՝ կապված գումարային հարցերի շուրջ: Արմանը պարտքեր է ունեցել և հեռախոսով խոսելուց հայտնել է՝«հեսա կբերեմ»: Տաներկրորդ հարկում մնացել է 7 րոպեից ավել: Ներքևից լսել է դուռը բացելու և պահարանի կոտրվելու ձայներ: Այնուհետև, դուրս են եկել, իսկ Արմանն էլ նույն եղանակով անջատել է տան լույսերը: Արմանն իրեն տվել է մեքենայի բանալիները, ասել է, որ նստի մեքենան, մինչև դռները փակի և գա: Արմանն իրեն տարել է «Ռոսիա» կինոթատրոնի մոտ, որտեղ նստել է այլ տաքսի ավտոմեքենա և գնացել իր բնակարան: Այդ ժամանակ Արմանն իրեն տվել է 20.000 ՀՀ դրամ գումար, տվել է առանց պատճառի, ասել է՝ քեզ համար մի բան կգնես:Արմանն իրեն պարբերաբար գումարներ էր տալիս: Այդ ժամանակահատվածում աշխատել է ակումբում: Ամբաստանյալի հարազատներից ճանաչում է նրակնոջը և կնոջ քրոջը, ովքերաշխատել են այն նույն ակումբում, որտեղ ինքն է աշխատել: Այդ մասին իմացել է ոստիկանության բաժանմունքում: Այնուհետև, իրեն հրավիրել են ոստիկանություն, որտեղ տեղեկացել է, որ Արմանն սպանել է իր տատիկին: Արմանն իրեն ոչինչ չի ասել:
Պատասխանելով դատավարական կողմերի և Դատարանի հարցերին վկա Մարիամ Զախարյանը մանրամասնեց, որ դեպքի ժամանակ ամուսնացած չի եղել: Արմանի հետ դեպքից մոտավորապես 3 շաբաթ առաջ է ծանոթացել: Արմանը՝ իր ամուսնացած լինելու մասին իրեն ոչինչ չի հայտնել, երբեք իր երեխայի նկարը ցույց չի տվել: Մինչև դեպքը չի իմացել, որ Արմանը Սրբուհու ամուսինն է: Արմանի հետ սեռական հարաբերություն չի ունեցել: «Լյուքս» հյուրանոցում եղել է նրա հետ, սակայն չի գիշերել և սեռական հարաբերություն չի ունեցել: Արմանն իրեն վերցրել է Երևան քաղաքի Հալաբյան-Արզումանյանի փողոցների խաչմերուկից, որտեղ բնակվում է: Նրանքգնացել են տունը նայելու: Ճանապարհին գազալցակայան չեն մտել, ճանապարհին միայն սուպերմարկետ է մտել, գնել մաստակ: Սնունդ չի գնել, շաուրմա չի ուտում և չի սիրում: Արմանը 2-3 անգամ բարձրացել է վերև և կրկին իջել ներքև, ցանկացել է, ինչ որ բան վերցնել՝ դուռ բացելու համար: Արմանի ձեռքին որևէ գործիք չի եղել: Տան առաջին հարկից ջարդվող ապակու ձայն է լսել: Տանից դուրս գալուց հետո, Քանաքեռ-Զեյթուն թաղամասից ոչ հեռու, Արմանը հանդիպել է մի մարդու, ով եղել է գլխարկով: Արմանն իրեն ասել է, որ իբր իրեն հավանում է: Չի կարող ասել, թե ինչու է Արմանն իրեն գումար տվել, եթե պարտքեր ուներ: Նույն օրը` գիշերը, գնացել է «Ալմաստ» գործարան, հանդիպել տնօրենին, որտեղ մնացել է երկու ժամից ավել: Ոստիկանության բաժանմունքում է իմացել, որ սպանություն է տեղի ունեցել: Ինքն Արմանի տանը որևէ նկար չի տեսել: Սրբուհի Ավագյանին ճանաչել է վարսավիրանոցից, հանդիպել են «Շարմ» վարսավիրանոցում, վերջինիս հետ ունեցել է ընկերական հարաբերություններ: Իրեն թվացել է, որ այդ տանը որևէ մեկը չի ապրում: Հայտնեց, որ դեպքից հետո իրեն զանգահարել է Արմանի մայրը, ում երբևիցե չի ճանաչել: Արմանի մայրը իրեն հայտնել է, որ Արմանն է ասել, որպեսզի զանգահարի իրեն՝պարզելու համար իր որպիսությունը, ինչպես նաև ճշտի, թե արդյոք իրեն շատ չեն տարել ոստիկանություն: Հարցրել է իրեն, արդյոք ինքը որևէ բան տեսել է, արդյոք Արմանն է սպանել, ինքն էլ պատասխանել է, որ ոչինչ չի տեսել և ոչինչ իրեն հայտնի չէ:
Վկա Մարիամ Զախարյանի նախաքննական և դատաքննական ցուցմունքներում առկա հակասությունների կապակցությամբ, հիմք ընդունելով ՀՀ քրեական դատավարության օրենսգրքի 342-րդ հոդվածի պահանջները, դատական նիստի ընթացքում հրապարակվեցին վկայի նախաքննական ցուցմունքները:
Վկա Մարիամ Զախարյանի նախաքննական ցուցմունքի համաձայն` բնակվում է միայնակ, վարձակալական հիմունքներով: Հիմնական աշխատանք չունի, զբաղվում է մարմնավաճառությամբ: Կատարված սպանության դեպքի մանրամասներից տեղյակ չէ,ինչպես նաև տեղյակ չէ, թե ով է սպանել Սիրանուշ Կարապետյանին: Օգտվել է Արման Կարապետյանի տաքսի ծառայությունից: 2015 թվականի նոյեմբերի 04-ին Արմանը մի քանի անգամ զանգահարել է իրեն, ինքն էլ նրան պատասխանել է, որ հաճախորդի հետ պետք է հանդիպի, սակայն, քանի որ հաճախորդն իրեն ստել է, ժամը 20:30-ի սահմաններում հանդիպել է Արման Կարապետյանին: Այդ ընթացքում Ա.Կարապետյանն անընդհատ զանգեր է ստացել, ինչ-որ մեկի հետ գումարային պարտքուպահանջ է ունեցել և իր ասելով այդ մարդուն 15.000 ՀՀ դրամ գումար է պարտք եղել, ով իրեն հունից հանում էր: Ա.Կարապետյանի առաջարկով գնացել են ՀՀ ոստիկանության Քանաքեռ-Զեյթունի բաժնից մեկ, երկու փողոց այն կողմ, որտեղ նա մեքենան կայանել է փակուղու մոտ, իջել մեքենայից և գնացել նեղ արանքով: Մի քանի րոպե անց վերադարձել է, նրա պահվածքից հասկացել է, որ նա շփոթված է, իրեն ասել է, որ իջնի, ինչ որ բան կա վերցնի և գնան: Միասին իջել են ավտոմեքենայից, որոշակի տարածություն անցնելուց հետո կանգ են առել դարբասների մոտ, որտեղ Ա.Կարապետյանն իրեն հրել է դարբասներից ներս, իսկ ինքը մնացել դրսում` զրուցելով նոր եկած ավտոմեքենայի վարորդի հետ: Մի քանի րոպե անց Ա.Կարապետյանը դարբասներից ներս է մտել, առաջացել են տուն, որի լույսերը մարված են եղել: Ա.Կարապետյանն ասել է, որ իր տունն է, բացել է տան դուռը, բարձրացել ինչ որ աթոռի կամ սեղանի վրա, իրար միացնելով լարերը` վառել է լույսը: Ա.Կարապետյանն իրեն ներս է կանչել, ասել է, որ բարձրանա երկրորդ հարկ, սպասի ինչ-որ բան է վերցնում և գնան: Ինքը բարձրացել է երկրորդ հարկ, որտեղ սպասել է 25-30 րոպե, այդ ընթացքում հեռախոսով էզբաղվել: Այդ ընթացքում երկրորդ հարկ է բարձրացել Ա.Կարապետյանը և ասել, որ մի քիչ էլ սպասի, մի բան է ցանկանում վերցնել ներքևի պահարանից, բայց բանալին չի գտնում և ցանկանում է այն կոտրել: Դրանից հետո Ա.Կարապետյանն իջել է ներքև, մի քանի րոպե անց լսել է ապակու կոտրվելու ձայն, մտածել է, որ նա կոտրել է պահարանի ապակին, որից հետո Ա.Կարապետյանը բարձրացել է երկրորդ հարկ, իրեն ասել, որ շտապ իջնի: Իջել է, Ա.Կարապետյանն իրեն տվել է մեքենայի բանալիները և ասել, որ գնա նստի մեքենան, մինչև ինքը տան դռները փակի և գա: Մի քանի րոպե անցած Ա.Կարապետյանը եկել է, նստել մեքենան, ինքն էլ Արմանին խնդրել է, որ իրեն հասցնի «Ռոսիա» կինոթատրոն: Հասնելով այնտեղ` Ա.Կարապետյանն իրեն 20.000 ՀՀ դրամ գումար է տվել և տաքսիով ճանապարհել:
Դատաքննական և նախաքննական ցուցմունքներում առկա էական հակասության առումով վկա Մարիամ Զախարյանը նշեց, որ նախաքննության ընթացքում տված ցուցմունքը ճշմարտությունն է: Նախաքննության և դատաքննության ընթացքում տված ցուցմունքների միջև հակասությունը պայմանավորված է դեպքից երկար ժամանակ անցնելու հանգամանքով, մանրամասներ չի հիշում: Նախաքննության ընթացքում տված ցուցմունքերը, որոնք գրել է իր ձեռքով, ճիշտ են: Չի հիշում, թե երբ է իմացել, որ Սրբուհի Ավագյանը հանդիսանում է Արման Կարապետյանի կինը: Այնուհետև, վկան նշեց, որ իրականում Արման Կարապետյանի ավտոմեքենայում, նրա հետ ծանոթությանառաջին օրն է իմացել այդ մասին:Չի հիշում թե ինչ նպատակով են գնացել Արման Կարապետյանի տուն: Նախաքննության ընթացքում տված ցուցմունքն է համապատասխանում իրականությանը:
Վկա Մարիամ Զախարյանը նշեց նաև, որ կարող է հստակ տարբերել ապակու կոտրվելու ձայնը և հիշում է, որ Արման Կարապետյանի տանը գտնվելու ընթացքում, երբ գտնվել է երկրորդ հարկում, լսել է ապակու կոտրվելու ձայն: Դեպքի մասին ոչ մի տեղեկություն չունի, ոչ էլ հետաքրքրվել է այդ մասին: Ոստիկանությունում է տեղեկացել, որ Արման Կարապետյանն սպանել է իր հարազատ տատիկին: Դեպքից հետո ամբաստանյալին տեսել է միայն առերեսման ժամանակ: Իրեն տանից ոստիկանության երկու աշխատակից ուղեկցել են ոստիկանության բաժին: Չի կարող ասել, թե որտեղից են ոստիկանությունում իմացել իր հասցեն: Նախաքննության ընթացքում տված ցուցմունքները եղել են իր մտքերը, իրեն չեն թելադրել: Չի կարող ասել, թե ինչի համար է Արմանն իրեն հրել և ասել, որ ներս մտի: Նրա վրա արյան հետքեր, ապակու կտորներ չի նկատել: Չի հիշում, թե ընդհանուր որքան ժամանակ է տևել իր` մեքենայից դուրս գալը և կրկին մեքենա նստելը: Չի հիշում, թե Սրբուհի Ավագյանին դեպքի օրը երբ է զանգահարել: Արման Կարապետյանի և նրա ընտանիքի միջև առկա հարաբերությունների մասին տեղեկություն չունի և իրեն չի հետաքրքրում: Երբևէ Սրբուհու երեխային չի խնամել: Դեպքի օրը Արմանի տուն գնալիս կանգ են առել, ինքը դեզադոր է գնել և շարունակել են ճանապարհը: Արման Կարապետյանիհետ սեռական հարաբերություն ունեցել է:
Անդրադառնալով վկա Մարիամ Զախարյանի նախաքննական և դատաքննական ցուցմունքներում առկա էական հակասություններին՝ Դատարանը փաստում է, որ վկան պնդեց իր նախաքննական ցուցմունքները՝ նշելով, որ դրանք համապատասխանում են իրականությանը: Ինչ վերաբերվում է դատաքննության ընթացքում վկա Մարիամ Զախարյանի կողմից տրված խուսափողական և իրարամերժ ցուցմունքներին, ապա Դատարանը գտնում է, որ նման բովանդակությամբ ցուցմունք տալը պայմանավորված է ինչպես ամբաստանյալ Արման Կարապետյանի պատիժն ու պատասխանատվությունը հնարավորինս մեղմացնելու, այնպես իր սեփական անձն արատավորող հանգամանքներից եւ տեղեկություններից զերծ պահելու վկա Մարիամ Զախարյանի մտադրությամբ:
Դատական նիստի ընթացքում վկա Սրբուհի Ավագյանի ցուցմունքով այն մասին, որ հանդիսանում է ամբաստանյալ Արման Կարապետյանի նախկին կինը: 2015 թվականի նոյեմբերի 05-իլույս 06-ի գիշերը, ժամը 01-ից 02-ն ընկած ժամանակահատվածում իր հեռախոսահամարին հաղորդագրություն է ստացվել իր նախկին ամուսին Արման Կարապետյանից` «Սրբ մարդ եմ սպանել» բովանդակությամբ: Առավոտյան ժամը 07-ից 08-ն ընկածժամանակահատվածում զանգահարել է Արման Կարապետյանին, սակայն նրա հեռախոսահամարնանջատված էեղել: Մոտավորապես ժամը 11:00-ին Արման Կարապետյանին տեսել է հեռուստացույցով, որից հետո նա ոստիկանության բաժնից զանգահարել է իրեն և հայտնել, որ տատիկինէսպանել: Արման Կարապետյանն ուրախ ուրախ ասել է՝ տեսար ինչ եղավ և խնդրել է իրեն ծխախոտ տանել: Արարքի պատճառների մասին Արման Կարապետյանին չի հարցրել: Նույն օրը՝ երեկոյան գնացել է ոստիկանություն և քննիչի ներկայությամբ տեսակցել է Արմանին, ով հուզված է եղել և լացել է: Արմանին հարցրել է, թե ինչի է նման բան արել, Արմանը պատասխանել է, որ լավ է արել, դա դեռ քիչ էր: Այդ խոսակցությանը ներկա է եղել նաև քննիչը: Արման Կարապետյանը խոստովանել է, որ սպանել է տատիկին: Արմանից հարցրել է ինչն է եղել պատճառը, վերջինս պատասխանել է, որ պատճառն իրենց երեխան է: Տատիկի հետ վիճաբանություն է ունեցել երեխայի անվան հետ կապված, տատիկը չի ընդունել այն հանգամանքը, որ իրենց երեխային իր անունն են դրել: Ըստ Արմանի վիճաբանության թեման եղել է նաև տունը՝ այն, որ տատիկը տունն իրեն չի տվել և ասել է, որ արդեն գյուղում տուն տվել է: Մարիամ Զախարյանի հետ ծանոթացել է դեպքից մոտ երկու ամիսառաջ: Մինչ դեպքը տեղյակ չի եղել, որ Մարիամ Զախարյանն ու Արման Կարապետյանը ճանաչել են միմյանց: Դրա մասին տեղեկացել է դեպքից հետո: Նոյեմբերի 05-ին Արմանի հետ հանդիպել է, սակայն վերջինս հետ մեքենայով ոչ մի տեղ չի գնացել, ուղղակի ճանապարհին իրար հետ խոսակցություն են ունեցել: Արման Կարապետյանի ուղարկած հաղորդագրությունը չի պահպանվել, քանի որ փոխել է իր հեռախոսը: Ինքը Սիրանուշ Կարապետյանի տանը բնակվել է մոտավորապես 6 ամիս: Սիրանուշ Կարապետյանի հետ ունեցել են լավ հարաբերություններ, նրա դրամական միջոցների մասին ոչինչ չգիտի, տեղյակ է, որ թոշակ է ստացել: Մարիամ Զախարյանի հետ ունեցել են հեռակա հարաբերություններ, նրա հետ ոչ մի անգամ չի հանդիպել, որևէ տեղ միասին չեն գնացել: Դեպքի օրը կամ նախորդ օրը Մարիամ Զախարյանն իրեն չի զանգահարել: Մարիամը միայն դեպքից հետո է ասել, որ ծանոթ է Արմանի հետ: Մարիամը երբևէ իրենց վարձակալած բնակարանում չի եղել, երբևէ իր երեխային չի խնամել: Արման Կարապետյանի հետ օրինական կարգով ամուսնալուծվել է 2016 թվականի հուլիս կամ օգոստոս ամսին: Երեախան գտնվում է իր մոտ և երեխային ինքն է խնամում: Արման Կարապետյանի հետ գրավատուն չի գնացել: Արման Կարապետյանին տեսակցելու համար գնացել է «Նուբարաշեն» քրեակատարողական հիմարկ, քանի որ Արմանը զանգահարել և խնդրել է իրեն ուտելիք տանել, ինքն էլ Արմանին խղճալով՝ տարել է:
Դատական նիստի ընթացքում վկա Սեյրան Սաղաթելյանի կողմից տված ցուցմունքով այն մասին, որ իր հարևանը խնդրել է իրեն, որպեսզի տան դռան ապակին կոտրելու եղանակով բացի իրենց տան դուռը: Ապակին կոտրել է, դուռը բացել, մտել են սենյակ Իռայի հետ միասին, տեսել են շիշը կոտրած, Սիրանուշ Կարապետյանը անկողնու մեջ: Ինքն է զանգահարել ոստիկանություն: Վերջին անգամ Սիրանուշ Կրապետյանին տեսել է դեպքից մոտավորապես երկու օր առաջ: Տան դուռը կողպված է եղել,լույս չի եղել: Այդ ժամանակ ներկա են եղել ինքը, հարևանուհին և Սիրանուշ Կարապետյանի դուստրը` Մանյան: Մտնելով ներս` Մանյան վառել է միջանցքի լույսը, առաջացել է դեպի հյուրասենյակ, որտեղի լույսնինքն էվառել: Այնուհետև, Մանյան առաջացել է ննջասենյակ, վառել է ննջասենյակի լույսը, լույսը վառելուց հետո ականատես են եղել կատարվածին: Սիրանուշ Կարապետյանը անկողնու վրաէեղել, կողքը կոտրած շիշ է եղել, իսկ սենյակը՝ տակնուվրա արված: Տեսարանն իր համար տհաճ է եղել, ուստի մոտ չի գնացել և արյան հետքեր չի նկատել: Սենյակը եղել է թափթփված վիճակում: Բացի այդ, սեղանի վրա առկա են եղել լուսանկարներ, որոնց վրա եղել են հայհոյանքների տեսքով գրառումներ: Արման Կարապետյանին ճանաչում է, նախկինում տեսել է այդ տանը, որտեղ հաճախակի է եղել: Դեպքի կապակցությամբ լսել է, որ Արմանն է այն կատարել: Դեպքի օրն Արմանին չի տեսել: Տան ապակին կոտրել է Մանյայի և հարևան Իրինայի խնդրանքով: Դեպքը եղել է 2015 թվականին, սակայն դեպքի հստակ օրը չի հիշում:
Դատական նիստի ընթացքում վկա Անդրանիկ Գալստյանի կողմից տված ցուցմունքով այն մասին, որ հանդիսանում է «Սիթի» տաքսի ծառայության տնօրենը: Արման Կարապետյանը հանդիսացել է այդ տաքսի ծառայության վարորդ և վարել է «Սուզուկի» մակնիշի, 784PO 61 հաշվառման համարանիշի ավտոմեքենան: Արման Կարապետյանն ավտոմեքենան վարել է օրավարձով և օրական գումարի չափը կազմել է 15.000 ՀՀ դրամ: Իրենց մոտ սկսել է աշխատել դեպքիցշուրջ մեկ ամիս առաջ: Եղել է դեպք, որ Արմանն իրենց պարտք է եղել 2000 դրամ: Դեպքի օրը վճարել է ընդհանուր 17.000 ՀՀ դրամ` 2000 դրամ պարտքը և 15.000 դրամ օրավարձը: Տաքսի ծառայությունը մեքենաների հսկման համար ունի «լոկատոր», որի միջոցով պարզել են, թե Արման Կարապետյանը, որ ժամին որտեղ է եղել: Առավոտվանից սկսել են հետևել մեքենային: Առավոտյան մեքենան եղել է Էջմիածին քաղաքում, այնուհետև, հետ է վերադարձել Երևան, եղել է Կոմիտասի պողոտայում, Զեյթուն թաղամասում, իսկ այնուհետև, տաքսի ծառայությունում, որից հետո ինքը տուն է գնացել և չի հետևել, թե Արման Կարապետյանն ուր է գնացել: Հաջորդ օրն արդեն մեքենան գտնվել է ոստիկանության բաժնում: Երբ Արմանը եկել է գումարը վճարելու, վերջինս միայնակ չի եղել, հեռվից նկատել է, որ մեքենայում ինչ-որ աղջիկ է եղել: Դեպքի հետ կապված իրեն դիսպետչերն է զանգահարել և հայտնել, որ համացանցում հայտարարություն են գցել, թե Արման Կարապետյանը սպանել է իր տատիկին: Արման Կարապետյանին հանդիպել է գիշերը 23:00-24:00-ն ընկած ժամանակահատվածում: Քանի որ մեքենայի ապակիները մգեցված չի եղել, նկատել է, որ մեքենայի առջևի նստատեղին երկար մազերով աղջիկ է նստած: Արմանն իրեն ասել է, որ այդ աղջիկը հաճախորդ է: Արմանը հանգիստ է եղել, նրան հանդիպել է Երևան քաղաքի Աբովյան փողոցի 16/3 հասցեում: Արմանին զանգահարել է ժամը 19-20-ից սկսած, նա ոչ բոլոր հեռախոսազանգերին է պատասխանել: Ընդամենը տեղյակ է, որ սպանություն է տեղի ունեցել, որի համար մեղադրվում է Արման Կարապետյանը: Դեպքի վայրի մասին իրեն ոչինչ հայտնի չէ, միայն հայտնի է, որ Արման Կարապետյանը եղել է իրեն տաքսի ծառայության մեքենայով:
Դատական նիստի ընթացքում վկա Իրինա Սմոյանի կողմից տված ցուցմունքով այն մասին, որ հանդիսանում է Սիրանուշ Կարապետյանի հարևանուհին և բնակվում է անմիջապես նրա տան հարևանությամբ: Սիրանուշ Կարապետյանի հետ ունեցել են մտերիմ հարաբերություններ: Երեկոյան հեռախոսազանգ է ստացել Սիրանուշ Կարապետյանի աղջկանից, ով իրեն ասել է, որ զանգահարում է մորը, սակայն նա չի պատասխանում հեռախոսազանգերին, խնդրել է պարզել պատճառը: Գնացել է նրա տուն և տեսել, որ դուռը փակ է, դուռը թակել է, ձայն է տվել, սակայն արձագանք չի ստացել: Այնուհետև, եկել է նրա դուստրը: Կոտրել են տան դռան ապակին, ներս մտել: Մտել են Սիրանուշ Կարապետյանի ննջասենյակ, որտեղ բոլոր իրերը խառնած և թափթփված են եղել: Անկողնու վրա տեսել են մահացած Սիրանուշ Կարապետյանին: Դրանից մոտավորապես 15 օր առաջ ամբաստանյալ Արման Կարապետյանը իր մոտ է եկել և գումար խնդրել:Այդ մասին պատմել է Սիրանուշ Կարապետյանին: Նման դեպքեր նախկինում նույնպես եղել են, այդ անգամ Արման Կարապետյանին տվել է 10.000 ՀՀ դրամ գումար: Չի կարող ասել Արման Կարապետյանն է սպանել Սիրանուշ Կարապետյանին, թե՝ ոչ: Դեպքը տեղի է ունեցել 2015 թվականի նոյեմբերի 04-ի լույս 05-ի գիշերը: Տանը սեղանի վրա ինչ-որ թղթեր են եղել, որոնց վրա Ա.Կարապետյանին հասցեագրված անվայել բառեր են եղել գրված: Չի կարող ասել, թե տուժող Սիրանուշ Կարապետյանը ոսկեղեն ունեցել է, թե` ոչ, չի նկատել, որ նա ոսկյա զարդեր կրեր: Ս.Կարապետյանի վրա մարմնական վնասվածքներ, արյան հետքեր չի նկատել, քանի որ չի կարողացել նայել նրա ուղղությամբ: Տան հատակին թափթփված հագուստներեն եղել: Արման Կարապետյանը տատիկի՝ Սիրանուշ Կարապետյանի հետ մտերիմ է եղել: Դեպքի օրը՝ երեկոյան գտնվել է տանը, Ա.Կարապետյանին չի տեսել: Երբ կոտրել են ապակին և տան դուռը բացել, առաջինը ներս է մտել Մանյա Կարապետյանը, այնուհետև՝ Սեյրանը, հետո միայն՝ ինքը: Հատակին կոտրված ապակու կտորներ չի տեսել: Ս.Կարապետյանը եղել է վերմակով ծածկված: Տեղյակ չէ, Սիրանուշ Կարապետյանը տանը գումար ունեցել է, թե՝ ոչ, սակայն նա ապրուստի միջոց ունեցել է: Ա.Կարապետյանը՝ կնոջ և երեխայի հետ միասին որոշակի ժամանակ բնակվել է տատիկի տանը:
Վկա Իրինա Սմոյանի նախաքննական և դատաքննական ցուցմունքներում առկա հակասությունների կապակցությամբ, հիմք ընդունելով ՀՀ քրեական դատավարության օրենսգրքի 342-րդ հոդվածի պահանջները, դատական նիստի ընթացքում հրապարակվեցվկայի՝ նախաքննական ցուցմունքի էական հակասության հատվածը:
Վկա Իրինա Սմոյանի նախաքննական ցուցմունքի համաձայն`Ս.Կարապետյանի տան դուռը բացելուց հետո չորսով մուտք են գործել ներս, վառել լույսերը, առաջանալով, հասել են Ս.Կարապետյանի ննջասենյակին, որտեղ բոլոր իրերը խառնված և թափված էին հատակին ու անկողնուն: Սվետան և Մանյան նկատել են Ս.Կարապետյանի ոտքերը` կախված հատակին, որից հետո սկսել են անկողնու վրա լցված իրերը մի կողմ գցել, ինչից հետո նկատել են Սիրանուշ Կարապետյանին` մեջքի վրա պառկած և կիսակապտած: Վերջինիս գլխավերևում կոտրված ապակի է առկա եղել, որից հասկացել է, որ դա այն շիշն է եղել, որով Ս.Կարապետյանը տաք ջուր էր դնում անկողնու մեջ:
Դատաքննական և նախաքննական ցուցմունքներում առկա էական հակասության կապակցությամբ վկա Իրինա Սմոյանը նշեց, որ չի հիշում, թե նման բովանդակությամբ ցուցմունք տված լինի, հնարավոր է, որ կոտրված շշի ապակիներ տեսել է, սակայն չի հիշում: Հատակին կոտրված ապակիներ չի նկատել:
Դատական նիստի ընթացքում վկա Մելանյա Մարգարյանի կողմից տված ցուցմունքով այն մասին, որ ամբաստանյալ Արման Կարապետյանը հանդիսանում է իր եղբոր որդին: 2014 թվականի նոյեմբերի 04-ին հեռախոսազրույց է ունեցել մայրիկի` Սիրանուշ Կարապետյանի հետ՝ իրենց տուն տեղափոխվելու վերաբերյալ: Հաջորդը օրն առավոտյան ժամը 09:00-ին կրկին զանգահարել է մայրիկիթե բջջային և թե քաղաքային հեռախոսահամարներին,սակայն նա չի պատասխանել: Անհանգստացել է, զանգահարել է քույրերին և հարցրել՝ արդյոք մոր հետ հեռախոսազրույց ունեցել են, թե՝ ոչ: Այնուհետև, կրկին զանգահարել է մորը, սակայն հեռախոսահամարն անջատված է եղել: Դրանից հետո իր քրոջը` Մանյա Կարապետյանին խնդրել է գնալ Սիրանուշ Կարապետյանի տուն և տեսնել, թե ինչ է պատահել: Երեկոյան ժամը 21:00-ի սահմաններում քույրը զանգահարել է իրեն, հայտնել կատարվածի մասին: Անմիջապես գնացել են Ս.Կարապետյանի տուն: Երբ հասել են, արդեն բազմաթիվ ոստիկաններ են այնտեղ եղել, իրենց սկզբից թույլ չեն տվել մուտք գործել: Այնուհետև, իրենց ուղեկցել են ննջասենյակ, որը եղել է խառնված և թափթփված վիճակում: Անկողնու վրա նկատել է արյան հետքեր, իսկ հատակին լճացած արյուն և շշի ապակյա կտորներ: Մայրն ունեցել է 1200 դոլար և ոսկյա ժամացույց: Դեպքի օրը ոստիկանության աշխատակիցներին ասել է գումարի գտնվելու վայրը, սակայն նրանք չեն հայտնաբերել գումարը, ոսկյա ժամացույցի վայրն ասելուց հետո, ոստիկաններն այն հայտնաբերել են: Արման Կարապետյանը տատիկի հետ շփվել է այն ժամանակ, երբ իրեն անհրաժեշտ է եղել: Ոստիկաններից է տեղեկացել, որ Արման Կարապետյանն է կատարել սպանությունը: Մայրը կրել է փոքր ոսկյա ականջօղեր` կարմիր քարերով:
Դատական նիստի ընթացքում վկա Անահիտ Կարապետյանի կողմից տված ցուցմունքով այն մասին, որ զանգահարել է մայրիկին` Ս.Կարապետյանին, սակայն վերջինիս հեռախոսը եղել է անջատված: Երեկոյան ժամը 18:00-ի սահմաններում կրկին փորձել է զանգահարել և կարողացել է կապնվել մայրիկի հետ: Հարցրել է, թե ինչն է եղել հեռախոսի՝ անջատված լինելու պատճառը, մայրը պատասխանել է, որ հեռախոսքարտը շարժվում է և լավ է, որ Արմանը գնացել է իր մոտ և լուծել է այդ խնդիրը: Այդ պահին Արման Կարապետյանը եղել է մոր մոտ: Հաջորդ օրը քույրը զանգահարել է իրեն և հարցրել մայրիկի մասին` ասելով, որ հեռախոսահամարն անջատված է: Քույրն ասել է, որ աշխատանքից հետո կգնա և կպարզի՝ ինչ է պատահել: Ժամը 22:00-ի սահմաններում կրկին զրուցել է քրոջ հետ, ով հայտնել է, որ հարևանների հետ կանգնած է Սիրանուշ Կարապետյանի տան դինաց և փորձում են բացել տան դուռը, որը եղել է փակ, իսկ լույսերն էլ՝ անջատված: Որոշ ժամանակ անց, արդեն քույրը տեղեկացրել է դեպքի մասին և հայտնել, որ Ս.Կարապետյանին սպանել են: Երբ հասել են, արդեն եղել է ժամը 24:00-ի սահմանները: Իրենց ոստիկանները թույլ չեն տվել մուտք գործել: Այնուհետև, նկատել է, որ Ս.Կարապետյանին շտապօգնության մեքենայով տեղափոխել են: Դեպքի օրն իրենց չեն թույլատրել մուտք գործել ննջասենյակ, դեպքից երկու օր անց են կարողացել մուտք գործել: Նկատել է, որ ամեն ինչ եղել է խառնված և թափթփված, առկա են եղել արյուն և կոտրված ապակե կտորներ: Ապակե կտորներ եղել են ինչպես անկողնու վրա, այնպես էլ հատակին: Մայրը թոշակ է ստացել, ինչպես նաև նրան հարազատ եղբայրն է գումար ուղարկել: Տեղյակ է, որ Ս.Կարապետյանի մոտ եղել է 1500 դոլար, 100 եվրո, 20 եվրո: Գումարները պահել է իր ներքնակի տակ, սավանի մեջ փաթաթած: Սակայն երբ ոստիկանների հետ ստուգել են, նկատել են, որ գումարը բացակայում է: Մայրը կրել է ոսկյա փոքր ականջօղեր: Հեռուստատեսությամբ և քննչական գործողությունների ժամանակ տեղեկացելեն, որ Ա.Կարապետյանն է կատարել սպանությունը, երբ վերջինս խոստովանել է: Գումարի առկայության մասին անձամբ է իմացել և անձամբ էլգումարները տեսել է: Տեղյակ չէ, թե երբ է այդ գումարն անհետացել: Սիրանուշ Կարապետյանի տունը դեռևս գրանցված է այն մարդու անվամբ, ումից այն գնել էին: Մայրը ցանկացել է վաճառել տունը, որպեսզի կարողանար լուծել իր հարազատների գերեզմանաքարերի հարցը:
Պաշտպանական կողմի միջնորդությամբ Դատարանը միջոցներ ձեռնարկեցԱրմեն Խաչատրյանին դատական նիստին հրավիրելու և հարցաքննելու ուղղությամբ, սակայն ՀՀ ոստիկանության քրեական հետախուզության գլխավոր վարչության 2017 թվականի մայիսի03-ի թիվ 3/4094 գրության համաձայն՝ Արմեն Խաչատրյանը բացակայում է Հայաստանի Հանրապետությունից, ուստի Դատարանը ղեկավարվելով ՀՀ քրեական դատավարության օրենսգրքի 342 հոդվածի պահանջներով առ այն. «(...) նախաքննության ընթացքում վկայի տված ցուցմունքների հրապարակումը, (...) դատական քննության ժամանակ թույլատրվում է, երբ վկան դատական նիստից բացակայում է այնպիսի պատճառներով, որոնք բացառում են նրա դատարան ներկայանալու հնարավորությունը(...)», որոշեց հրապարակել վկա Արմեն Խաչատրյանի նախաքննական ցուցմունքը:
Նախաքննության ընթացքում վկա Արմեն Խաչատրյանը ցուցմունք է տվել այն մասին, որճանաչել է իրենց հարևանությամբ բնակվող Սիրանուշ Կարապետյանին, իսկ Արման Կարապետյանին ճանաչել է որպես «Սիթի» տաքսի ծառայության վարորդ: 2015 թվականի նոյեմբերի 04-ին` կնոջ ծննդյան օրը, գնումներ է կատարել և ժամը 22:30-ի սահմաններում տուն վերադառնալիս իր կողմից վարվող «Սուզուկի» ավտոմեքենան կայանել է Ս.Կարապետյանի տան դիմաց: Հենց այդ պահին մեքենայի դիմաց է թռել Արման Կարապետյանը և անձամբ բացել իր ավտոմեքենայի վարորդի հատվածի դուռը: Նա եղել է շփոթված վիճակում: Ա.Կարապետյանին հարցրել է, թե ինչ է անում այդտեղ, վերջինս էլ իր հերթին իրեն է հարցրել: Ինքը պատասխանել է, որ դիմացի տանն է ապրում, ինչից Ա.Կարապետյանը զարմացել է և հարցրել, թե «Սիթի» տաքսի ծառայության տնօրեն Անդոն է իրեն ուղարկել գումարի համար, նրան պատասխանել է, որ Ղարաբաղից է գալիս: Ա.Կարապետյանն էլ ասել է, որ ինքն էլ է շտապում, գնում է Ղարաբաղ: Դրանից հետո ինքը մտել է տուն, իսկ Ա.Կարապետյանը` Սիրանուշ Կարապետյանի տան բակ: 2015 թվականի նոյեմբերի 05-ին, ժամը 20-ից 21-ի սահմաննրում տանը պառկած է եղել և այդ ժամանակ հարևաններից մեկը կնոջը հարցրել է, թե արդյոք Սիրանուշ Կարապետյանին տեսել է, թե` ոչ, կինն էլ պատասխանել է՝ ոչ: Այդ ընթացքում Ս.Կարապետյանի տուն են եկել հարազատները և աղջիկը, քանի որ մորը զանգահարել են և նա հեռախոսազանգին չի պատասխանել: Մոտ մեկ ժամ անց նկատել է, որ ոստիկանության աշխատակիցներ են ժամանել, անմիջապես հագնվել, դուրս է եկել տանից, գնացել է Ս.Կարապետյանի տուն, որտեղ իմացել է, որ Ս.Կարապետյանին սպանել են: 2015 թվականի նոյեմբերի 06-ի առավոտյան տեղեկացել է, որ Արման Կարապետյանն սպանել է տատուն` Սիրանուշ Կարապետյանին, և հիշել է, որ նախորդ օրը նրան տեսել էր այդ տանը: Այդ ժամանակ էլ հասկացել է, թե ինչ էր անում Ա.Կարապետյանը 2015 թվականի նոյեմբերի 04-ին` իրեն հանդիպելու ժամանակ: Բացի այդ, հեռուստացույցով տեսել է, թե ինչպես է Արման Կարապետյանը պատմել և ցույց տվել, թե ինչպես է շշերով հարվածել և սպանել Սիրանուշ Կարապետյանին:
Դատաքննության ընթացքում պաշտպանական կողմի միջնորդությամբ հրավիրվեց փորձագետ Սանասար Սևոյանը, ով ցուցմունք տվեց այն մասին, ինչպես նշված է եզրակացության «Հետևություն» մասում, տուժող Սիրանուշ Կարապետյանի ստացած վնասվածքն ուղղակի անմիջական պատճառական կապի մեջ նրա մահվան հետ չի գտնվում: Ս.Կարապետյանի մոտ առկա հիվանդությունների պայմաններում նման հարվածները կարող էին հանգեցնել շնչառական և սիրտանոթային կենտրոնի գործունեության ընկճմանը, որը կհանգեցներ մահվան: Գործի հանգամանքներից պարզ է դարձել, որ տուժողին հարվածել են շշով, ականջօղեր են հափշտակել, հարվածելուց հետո տուժողի գիտակցության կորստյան վերաբերյալ իրեն տվյալներ չեն տրամադրել: Եթե այդ նույն ժամանակ նման տվյալներ ունենար, ապա հետագայում իր ցուցմունքի կարիքը չէր լինի: Եզրակացությունը տվել է առկա տվյալներով, այլ կողմնակի տվյալ չի ունեցել իր տրամադրության տակ: Հետագայում հարցաքննության ժամանակ քննիչն իրեն փաստական տվյալ է առաջարկել` ասելով, որ տուժողն ուշագնաց է եղել: Ինքն էլ հայտնել է, որ նման տարիքի և տվյալ հիվանդությունների առկայության պայմաններում հարվածները ոչ թե կհանգեցնեին մահվան, այլ սիրտանոթային և շնչառական կենտրոնի ընկճման, որը նման հիվանդությունների պայմաններում կարող էին հանգեցնել մահվան: Պատասխանելով պաշտպանի հարցին՝ փորձագետը հավելեց, որ յուրաքանչյուր վերք արյունահոսում է՝ անկախ իր բնույթից:
Դատական նիստի ընթացքում հարցաքննվել է նաև վկա Տաթևիկ Ազատյանը, ով ցուցմունք է տվել այն մասին, որ ճանաչել է Սիրանուշ Կարապետյանին, նրա հետ բնակվել են նույն փողոցում: Սիրանուշ Կարապետյանի հետ սերտ շփում չի ունեցել, հանդիպելուց բարևել են միմյանց: Դեպքի հետ կապված մանրամասներ չի հիշում: Ոստիկաններից է տեղեկացել, որ Ս.Կարապետյանին սպանել են: Ս.Կարապետյանին վերջին անգամ տեսել է դեպքից մի քանի օր առաջ: Քանի որ իրենց և Ս.Կարապետյանի տները միմյանցից բավականնին հեռու են, վիճաբանության ձայն չի լսել: Որևէ մեկին չի նկատել Ս.Կարապետյանի տուն գնալիս: Ամբաստանյալին մի քանի տարի առաջ է հանդիպել, երբ վերջինս բնակվում էր տատիկի հետ միասին, դրանից հետո չի տեսել նրան:
Մեղադրողի միջնորդությամբ դատաքննության ընթացքում հրապարակվեց նաև վկա Տաթևիկ Ազատյանի նախաքննական ցուցմունքի հետևյալ հատվածը. « (...) որքանով որ տեղյակ եմ, Ս.Կարապետյանն ունեցել է թոռներ, ովքեր ժամանակ առ ժամանակ այցելել են տատիկին և խնամել: Սակայն նրանցից ոչ մեկին չեմ ճանաչում և մտերիմ չեմ նրանց հետ: Ավելի հաճախ Ս.Կարապետյանին այցելել է մի երիտասարդ տղա, ով եղել է տաքսիով և գիշերել է Ս.Կարապետյանի տանը: Այդ երիտասարդը եղել է սև մազերով և միջին հասակի:(...):»
Դատաքննական և նախաքննական ցուցմունքներում առկա նշված հակասության առումով վկա Տաթևիկ Ազատյանը նշեց, որ դա բովանդակային առումով նույն ցուցմունքն է, ինչ դատարանում տվածը և, քանի որ երկար ժամանակ է անցել հարցաքննությունից, հնարավոր է, որ մանրամասները չհիշի: Նախաքննության ընթացքում ցուցմունքը գրված է իր բառերով: Ամբաստանյալին նմանեցնում է այն անձին, ով տարիներ առաջ բնակվել է Ս.Կարապետյանի տանը:
Դատարանը, վերլուծելով և գնահատելով վկա Տաթևիկ Ազատյանի նախաքննական և դատաքննական ցուցմունքները, գտնում է, որ բովանդակային առումով դրանք ամբաստանյալ Արման Կարապետյանի մեղադրանքը հերքողկամ հաստատող փաստական տվյալներ չեն պարունակում, ուստի անորոշության պատճառով սույն դատավճռի հիմքում վկա Տաթևիկ Ազատյանի նախաքննական և դատաքննական ցուցմունքները, որպես ապացույց, Դատարանը չի դնում:
Ամբաստանյալ Արման Կարապետյանին մեղսագրված մեղադրանքը Դատարանը հիմնավորված է համարում նաև սույն քրեական գործի դատաքննության ընթացքում պատշաճ իրավական ընթացակարգով հետազոտված հետևյալ ապացույցներով.
- դատաբժշկականփորձաքննությանթիվ 1201 եզրակացությամբ, որի համաձայն՝
ՍիրանուշԿարապետյանիմահվանպատճառէհանդիսացել՝սուրսրտային անբավարարությունը, որըպայմանավորվածէչափավորարտահայտված աթերոսկլերոզով՝առավելապեսպսակաձևանոթներիախտահարմամբ, պսակաձև զարկերակներինեղացնողաթերոսկլերոզով, մանրօջախայինկարդիոսկլերոզով, սրտամկանիծանրդիստրոֆիայով, արտահայտվածկորոնարոսկլերոզով, կարդիոմիոցիտների ֆրագմենտացիայով, հիպերտրոֆիայով, հյուսվածքիայտուցովևսակավարյունությամբ, որոնցովհանգուցյալըտառապելէկենդանությանօրոքև վերջիններովէլպայմանավորվածէմահը։Ելնելովվաղդիակայիներևույթների
զարգացմանաստիճանից՝Ս.Կարապետյանիմահըվրաէհասելդիակիդատաբժշկական
փորձաքննությունից 24 ժամիցառաջժամանակահատվածում։Ս.Կարապետյանիդիակի
դատաբժշկականփորձաքննությամբհայտնաբերվելենհետևյալմարմնական
վնասվածքները՝սալջարդվերքևարյունահավաքգլխիձախգագաթայինշրջանում,
արյունահավաքգլխիմաշկիտակձախգագաթայինշրջանում, որոնքհասցվելեն
կենդանությանօրոք, բութ, կոշտառարկայիներգործությամբ, որըկարողէլինելնաևջրով լցվածապակյատարան՝շիշը, հասցվելէմահվանիցկարճժամանակառաջ, չիգտնվում պատճառականկապիմեջմահվանպատճառիհետևնմանվնասվածքներըկենդանի անձանցմոտունենառողջությանթեթևվնասիհատկանիշներ։Ելնելովվնասվածքների տեղակայումից, վնասվածքըպատճառելուպահինՍ.Կարապետյանըևվնասվածք պատճառողըկարողէինգտնվելհնարավորցանկացածդիրքերում, որոնքչէին խոչընդոտինմանվնասվածքներիառաջանալուն։
- դատաձեռագրաբանականևփաստաթղթաբանականփորձագետիթիվ
53841501 եզրակացությամբ, որի համաձայն՝փորձաքննությանըտրամադրվածթվով 8
լուսանկարներիդարձերեսներինտեղավորված «Արման», «տղա», «քունեմ», «լավտ»,
«սրանովպրծի», «բոզիտղա», «բախտտբերեց», «կբռնեմքեզ», գրառումներըկատարվել
ենԱրմանԿարապետյանիկողմից։Փորձաքննությանըտրամադրվածթվով 8
լուսանկարներիդարձերեսներինտեղավորված «Արման», «տղա», «քունեմ», «լավտ»,
«սրանովպրծի», «բոզիտղա», «բախտտբերեց», «կբռնեմքեզ» գրառումներըկատարվել
ենփորձաքննությանըտրամադրվածկոտրվածգրիչով։
- ԱրմանԿարապետյանիմասնակցությամբկատարվածքննչական
փորձարարությանարձանագրությամբ, դրանկիցլուսանկարչականհավելվածով, փորձարարությանժամանակկատարված,ապացույցճանաչված և դատաքննության ընթացքում հետազոտվածտեսաձայնագրառմամբ, որիժամանակԱրմանԿարապետյանըմատնացույցէարելԵրևանքաղաքիԿամարակի 1-իննրբանցքի 29-րդտանննջասենյակիմահճակալը, որիվրադրվածջրովլիապակե 2 շշերըվերցնելով 2 անգամհարվածելէՍիրանուշԿարապետյանիգլխիգագաթայինշրջանինևսպանելնրան։Բացիայդ, ԱրմանԿարապետյանըմատնացույցէարելիրկողմիցվարվող «Սուզուկի» մակնիշի 784 PO 61 հ/հ-իավտոմեքենայիկայանմանվայրը, որտեղմինչՍիրանուշԿարապետյանինայցելելըկայանելէր, ևորտեղէլԱրմանԿարապետյանիմատնանշմամբհայտնաբերվելէայնկոտրվածգրիչիմասերը, որովինքըդեպքիվայրումլուսանկարներիվրագրառումներէրկատարել։ԱիաժամանակԱ.ԿարապետյանըմատնացույցէարելԵրևանքաղաքիՏիգրանՄեծի 29/33-րդհասցեումգործող «ՖաստԿրեդիտ» գրավատունը, որտեղգրավադրելէՍիրանուշԿարապետյանիցհափշտակածոսկյաականջօղերը։
- առգրավում կատարելու մասին 2015 թվականի նոյեմբերի 06-ի արձանագրությամբ, որի համաձայն`ԵրևանքաղաքիՏիգրան Մեծի 29/33-րդհասցեումգործող«ՖաստԿրեդիտ»գրավատնիցառգրավվելենՍիրանուշ Կարապետյանիմեկզույգականջօեղերը, որոնք 14.000 ՀՀդրամգումարով2015թվականի նոյեմբերի 05-ին՝ժամը 00:31-ին, գրավադրվել են ամբաստանյալԱրմանԿարապետյանի կողմից:
- ԵրևանքաղաքիՏիգրանՄեծի 29/33-րդհասցեումգործող «ՖաստԿրեդիտ» գրավատնիցՍիրանուշԿարապետյանինպատկանող, ԱրմանԿարապետյանիկողմիցգրավադրվածև 06.11.2015թ. առգրավվածոսկյաականջօղերըՍիրանուշԿարապետյանիդստերԱնահիտԱթաբեկիԿարապետյանինճանաչմաններկայացնելումասին 2015 թվականի նոյեմբերի 06-իարձանագրությունը, որիժամանակԱնահիտԿարապետյանը, զննելովիրենճանաչմաններկայացվածկանացիթվովչորսզույգականջօղերը, մատնացույցէարելառգրավվածականջօղերըևհայտարարել, որդրանքպատկանելենմորը՝ՍիրանուշԿարապետյանին, որոնքվերջինսմշտապեսկրելէ։
- 2015 թվականի դեկտեմբերի 24-իորոշմամբիրեղենապացույցճանաչվածևԴատարանում հետազոտված ՍիրանուշԿարապետյանինպատկանող, ԱրմանԿարապետյանիկողմիցհափշտակվածևգրավադրվածոսկյաականջօղերով, դեպքիվայրիզննությամբհայտնաբերվածևվերցված՝ԱրմանԿարապետյանիկողմիցկատարվածգրառումներովթվով 8 լուսանկարներով,դեպքիզննությամբհայտնաբերվածևվերցվածկոտրվածապակյատարայիկտորներով, Սիրանուշ Կարապետյանիհագինեղածհագուստներով, այն է՝ մեկհատկանացիերկարավունծաղկավորներքնաշապիկով՝արնանմանհետքերով, մեկհատկանացիդեղինևսպիտակգույների, ծաղկավորներքնավարտիքով, մեկհատկանացիսևգույնիկրծքկալով, մեկհատկանացիսևգույնի առանցթևքերիգիշերազգեստով, մեկ հատ կանացիմուգկապույտգույնի, արտաքինիցփայլուն, սինթետիկառանց թևքերիբլուզանմանշապիկով, մեկհատսպիտակգույնի, կանաչևկապույտ ծաղկավորթաշկինականմանսավանիկտորով՝արնանմանհետքերով, մեկհատսինթետիկ, սպիտակև սևգույնիծաղկավոր, պատառոտվածգլխաշորով՝արնանմանհետքերով, կոտրվածապակուկտորներով, քննչականփորձարարությանժամանակհայտնաբերվածևվերցվածկապույտգույնիկոտրվածգրիչով, որովԱ.Կարապետյանըգրառումներէրկատարելթվով 8 լուսանկարներիվրա։
- փորձագետի թիվ 461 եզրակացությամբ, որի համաձայն՝ հանգուցյալ Սիրանուշ Կարապետյանի դիակից ներկայացրած արյան նմուշն ըստ արյան ABO իզոշճաբանական համակարգի պատկանում է ուղեկցող H հակածինով արյան A խմբին: Փորձաքննության ներկայացրած՝ հանգուցյալ Սիրանուշ Կարապետյանի հագին եղած գիշերանոցի, դեղին գույնի վարտիքի, սև գույնի նեյլոնե շապիկի, գլխաշորի վնասվածքի տեղում կպած ապակու կտորի, կապույտ գույնի անթև վերնազգեստի, կրծքկալի, սպիտակ՝ կապույտ ծաղիկների նախշերով վարտիքի, սպիտակ՝ կապույտ գույնի ծաղիկներով ծալծլված կտորի վրա տեղակայված կասկածելի հետքտերում հաստատվեց արյան առկայություն, որը պատկանում է մարդու, պիտանի է համեմատական հետազոտության համար և ըստ արյան ABO իզոշճաբանական համակարգի առաջացել է H ուղեկցող հակածինով արյան A խումբ ունեցող անձից կամ անձանցից, այդ թվում նաև կարող էր առաջանալ հանգուցյալ Սիրանուշ Կարապետյանից: Փորձաքննության՝ առանձին փաթեթներով ներկայացրած ապակու 6 կտորներից 4 կտորների վրա տեղակայված կասկածելի հետքերում հաստատվեց արյան առկայություն, որը պատկանում է մարդու, պիտանի է համեմատական հետազոտության համար և ըստ արյան ABO իզոշճաբանական համակարգի առաջացել է H ուղեկցող հակածինով արյան A խումբ ունեցող անձից կամ անձանցից, այդ թվում նաև կարող էր առաջանալ հանգուցյալ Սիրանուշ Կարապետյանից:
- 2015թվականի նոյեմբերի 06-ինԵրևանքաղաքիՏիգրանՄեծի 29/33-րդ հասցեումգործող «ՖասթԿրեդիտ» գրավատնիցառգրավվածՍիրանուշԿարապետյանին պատկանողևԱրմանԿարապետյանիկողմիցգրավադրված 1 զույգոսկյաականջօղերի փաթեթի՝ պոլիէթիլենայինսպիտակգույնիտոպրակիվրասոսնձված՝Արման Կարապետյանիևոսկինգնահատողիստորագրություններով, «15592977 05.11.15 ԿարապետյանԱրման 14.000» գրառումներով, թղթիկտորով, ԱրմանԿարապետյանիև «ՖասթԿրեդիտԿապիտալ» ՈԻՎԿՓԲԸմիջև 05.11.2015թ.՝ժամը 00:31-ինկնքված «թիվ 15592977»՝ «Ուսկուգրավադրմամբվարկայինևգրավիպայմանագիր»–ով՝բաղկացած 1 թերթից, «թիվ 15592977» վարկայինպայմանագրիհիմքովևվարկիտրամադրման նպատակով «Կանխիկելքիհայտարարագիր»-ով:
- առգրավմանևզննությանարձանագրությամբ, որի համաձայն՝ ՀՀ ԱՆԴԲԳԳԿ-իցառգրավվածՍ.Կարապետյանիհագինեղածմեկհատկանացիերկարավունծաղկավորներքնաշապիկի /գիշերանոցի/ վրա, մեկհատսպիտակգույնի, կանաչևկապույտ ծաղկավորթաշկինականմանսավանիկտորի, մեկհատսինթետիկ, սպիտակևսևգույնիծաղկավոր, պատառոտվածգլխաշորիվրահայտնաբերվելենարնանմանհետքեր, պատառոտվածգլխաշորիմեջհայտնաբերվելենապակուկտորներ։
- բերման ենթարկելու մասին 2015 թվականի նոյեմբերի 06-ի արձանագրությունը, որի համաձայն` 2015 թվականի նոյեմբերի 06-ին, ժամը 02:00-ին, ԱրմանԿարապետիԿարապետյաննսպանությունկատարելուկասկածանքով բերման է ենթարկվելոստիկանությանՔանաքեռ-Զեյթունիբաժին:
- ԱրմանԿարապետյանինանձնականխուզարկությանենթարկելու
մասին 2015 թվականի նոյեմբերի 06-իարձանագրությամբ, որի համաձայն՝Ա.Կարապետյանիմոտիցհայտնաբերվելէ «Ալկատել»մոդելիբջջայինհեռախոսը, որիմեջտեղադրվածէեղել 043-70-80-19 բջջային հեռախոսահամարը, որոնք Ա.Կարապետյանիհայտարարությամբպատկանելենիրեն։
- դեպքիվայրիզննության 2015 թվականի նոյեմբերի 05-իարձանագրություններով և կիցլուսանկարչականհավելվածով, որի համաձայն՝զննությանընթացքումԵրևան քաղաքիԿամարակիփողոցի 1-իննրբանցքի 29 հասցեիտանհյուրասենյակիսեղանիվրայիցհայտնաբերվելևառգրավվելենետնամասերումձեռագիրգրառումներովթվով 8 լուսանկարներըևկոտրվածապակյա 2 շշերիվերնամասերը՝արնանմանհետքերով։
- վկաԱնահիտ /Սևիլ/ Կարապետյանիմասնակցությամբդեպքիվայրիզննության 2015 թվականի նոյեմբերի 06-ի արձանագրություններովևկիցլուսանկարչականհավելվածներով, որի համաձայն՝ԵրևանքաղաքիԿամարակիփողոցի 1-իննրբանցքի 29 հասցեիտանննջասենյակիմահճակալիվրայիցհայտնաբերվելևառգրավվելենկոտրվածապակուկտորներ՝արնանմանհետքերով։
- ԵրևանքաղաքիԱբովյանփողոցի 16/3 հասցեումտեղակայված «Սիթի»տաքսիծառայությանգրասենյակիհամակարգիչըզննելումասին 2015 թվականի նոյեմբերի 21-իարձանագրությամբ, որի համաձայն՝համակարգչումպահպանվածտաքսիծառայության
ավտոմեքենաների, այդթվում՝ԱրմանԿարապետիԿարապետյանիկողմիցորպեստաքսիվարած«Սուզուկի»մակնիշի 784 PO61 հ/հ-իավտոմեքենայիշարժիվերաբերյալ
տեղեկություններիզննությամբպարզվելէ, որԱրմանԿարապետյանիվարած«Սուզուկի» մակնիշի 784 PO61 հ/հ-իավտոմեքենանդեպքիժամանակահատվածում՝ 04.11.2015թ.ժամը 18:30-իցմինչև 20:30-ն, ևժամը 22:07-իցմինչև 23:37-իդրությամբգտնվելէդեպքիվայրում՝ԵրևանքաղաքիԿամարակիփողոցի 1-իննրբանցքի 29 տունհասցեում։
- ստացված վերծանումներըզննելումասին19.11.2015թ. և 03.12.2015թ. կազմվածարձանագրություններով, համաձայնորոնց՝ տուժողՍիրանուշԿարապետյանի կողմիցօգտագործվող 093-55-81-25 բջջայինհեռախոսահամարը 2015 թվականի նոյեմբերի 01-իժամը 10:09-իցմինչևնոյեմբերի 06-իժամը 18:05-ըներառյալընկած ժամանակահատվածումսպասարկվելէմիայն«YEREVAN, AHARONIAN STR. 18» ալեհավաք կայանիկողմից, դեպքիժամանակահատվածում՝մեղադրյալԱրմանԿարապետյանի կողմիցօգտագործված 043-70-80-19 բջջայինհեռախոսահամարը 04.11.2015թ. ժամը 18:20-ից 20:19-նսպասարկվելԷդեպքիվայրհանդիսացող՝ԵրևանքաղաքիԿամարակի փողոցի 1-իննրբանցքի 29 տանհասցենսպասարկած «ք.Երևան, Դրոփ. 13» ալեհավաք կայանիկողմից, այնուհետև, ժամը 20:27-ին «Արաբկիր, ՆաիրիԶարյանփ. 2/3», 20:45-ին՝ «ք.Երևան, Աջափնյակ, Հալաբյանփ. 9/1», ժամը 21:20-ին՝ 2 անգամ, ապաժամը 22:09-ից 23:08-նընկածժամանակահատվածում «ք.Երևան, Դրոփ. 13» ալեհավաքկայանիկողմից, իսկվկաՄարիամԶախարյանիկողմիցօգտագործվող 094-09-42-64 բջջային հեռախոսահամարը 04.11.2015թ. ժամը 21:31-ին, սպասարկվելԷդեպքիվայր հանդիսացող՝ ԵրևանքաղաքիԿամարակիփողոցի 1-իննրբանցքի 29 տանհասցենսպասարկած«YEREVAN, AHARONIAN STR. 18» ալեհավաքկայանիկողմից, ժամը 21:32-ին, 21:41-ին՝ 3անգամ « Yerevan, Rubinyants & Sevak Intersection 15/5» ալեհավաքկայանիկողմից, իսկմինչևժամը 23:35-նընկածժամանակահատվածումկրկին «Yerevan, Aharonian str. 18»ալեհավաքկայաններիկողմից։ 04.11.2015թ. ժամը 18:30-իցմինչև 23:37-իդրությամբԱրմանԿարապետյանիհեռախոսահամարըսպասարկվելԷդեպքիվայրումառկաալեհավաքկայաններիկողմից։
- մեղադրյալԱրմանԿարապետիԿարապետյանինպատկանող
«Ալկատել» մոդելի «860121024462593» և «960121024462601» գործարանային
համարներիբջջայինհեռախոսըզննելումասին2015 թվականի դեկտեմբերի 19-իարձանագրությամբ,որի համաձայն՝բջջայինհեռախոսի «Входяшие» մուտքայինհաղորդագրություններենթաբաժնումհայտնաբերվելենգործովվկա, մեղադրյալԱրման ԿարապետյանիկնոջՍրբուհիՍարգսիԱվագյանիկողմիցօգտագործվող 041-66-67-11 բջջայինհեռախոսւսհամարիցուղարկված«Gri in`4a exe hesa kzangem, Sirts paytuma zagiii hlll Arman gishes du in4a exee zangiii, Uresss xi darar anhasaneliiii gri ur es gammm ceres arnum, Xi es anhasaneli ures????, «Ures» բովանդակությամբթվով 5 կարճհաղորդագրություններ։
- Դատաբժշկականփորձաքննությանթիվ 3820 եզրակացությամբ, որի համաձայն՝մեղադրյալԱրմանԿարապետյանըհայտարարելէ, որ 04.11.2015թ. գտնվելովիրտատիկիտանը, առաջացելէվիճաբանությունվերջինիսհետ, որիժամանակստացելԷմարմնականվնասվածքձախդաստակիշրջանում։Ա.Կարապետյանիստացածմարմնականվնասվածքներնըստօբյեկտիվուսումնասիրությանտվյալների`ձախդաստակի 2-րդմատիքերծվածքիձևովհասցվելէսահմանափակմակերեսունեցողբութառարկայով, հնարավորէորոշմանմեջնշվածժամկետումևհանգամանքներում, որըառողջությանըթեթևվնասիհատկանիշներչիպարունակում։

Դատարանի իրավական վերլուծությունները և եզրահանգումը.
Դատարանը, հետազոտելով վերոգրյալ ապացույցները, գնահատելով դրանք իրենց վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից` հիմնված ներքին համոզմամբ, ապացուցված է համարում այն, որ ամբաստանյալ Արման Կարապետի Կարապետյանը կատարել է սպանության փորձ՝ զուգորդված ավազակությամբ, նրա արարքը համապատասխանում է ՀՀ քրեական օրենսգրքի 34-104-րդ հոդվածի 2-րդ մասի 8-րդ կետով նախատեսված հանցագործության հատկանիշներին, հետևաբար` ամբաստանյալը քրեական պատասխանատվության և պատժի ենթակա է այդ հոդվածով։
Առաջադրված մեղադրանքում ամբաստանյալ Արման Կարապետի Կարապետյանը մեղավորության վերաբերյալ հետևության հանգելիս Դատարանը հաշվի է առնում հետևյալը.
ՀՀ քրեական օրենսգրքի 104-րդ հոդվածի 1-ին մասով պատասխանատվություն է նախատեսված սպանության` ապօրինաբար մեկ ուրիշին դիտավորությամբ կյանքից զրկելու համար։
Նույն օրենսգրքի 2-րդ մասի 8-րդ կետը պատասխանատվություն է նախատեսում ավազակությամբ զուգորդված սպանության համար:
Վճռաբեկ դատարանի մի շարք որոշումներում ձևավորված նախադեպային իրավունքի համաձայն՝ մարդու կյանքի դեմ ուղղված հանցագործություններից հանրային առավել բարձր վտանգավորությամբ առանձնանում է սպանությունը։ Սպանության օբյեկտ են հասարակական այն հարաբերությունները, որոնք ուղղված են մարդու կյանքի անվտանգության ապահովմանը։ Այլ կերպ ասած` նշված հանցագործության անմիջական օբյեկտը յուրաքանչյուր մարդու կյանքն է, որը ենթակա է քրեաիրավական պաշտպանության նրա ծնվելու պահից մինչև մահ (Ա.Բաղդասարյանի գործով Վճռաբեկ դատարանի՝ 2011 թվականի դեկտեմբերի 22-ի թիվ ԵԷԴ/0168/01/10 որոշման 14-րդ կետը)։
ՀՀ քրեական օրենսգրքի 34-րդ հոդվածի համաձայն` «Հանցափորձ է համարվում ուղղակի դիտավորությամբ կատարված այն գործողությունը (անգործությունը), որն անմիջականորեն ուղղված է հանցանք կատարելուն, եթե հանցագործությունն ավարտին չի հասցվել անձի կամքից անկախ հանգամանքներով»։
Վճռաբեկ դատարանն իր մի շարք որոշումներում անդրադարձել է հանցափորձի և դրա հատկանիշների իրավական վերլուծությանը (Ս.Հունիկյանի գործով 2008 թվականի փետրվարի 29-ի թիվ ՎԲ-11/08, Ա.Բաղդասարյանի գործով 2011 թվականի դեկտեմբերի 22-ի թիվ ԵԷԴ/0168/01/10, Կ.Հովհաննիսյանի և մյուսների գործով 2013 թվականի սեպտեմբերի 13-ի թիվ ԵԿԴ/0087/01/12, Գ.Մանուկյանի գործով 2015 թվականի օգոստոսի 28-ի թիվ ԵԱՆԴ/0110/01/12 որոշումները)։
Այսպես՝ քննարկելով սպանության փորձի հատկանիշները` Գ.Մանուկյանի վերաբերյալ որոշմամբ Վճռաբեկ դատարանն իրավական դիրքորոշում է արտահայտել այն մասին, որ. «(...) Սուբյեկտիվ կողմից սպանության փորձը դրսևորվում է միայն ուղղակի դիտավորությամբ, այսինքն` հանցավորը նախատեսում է մահվան առաջացման անխուսափելիությունը կամ իրական հնարավորությունը և ցանկանում է դրա վրա հասնելը, գիտակցում է, որ եթե համապատասխան հետևանքն առաջանա, ապա այն անմիջականորեն բխելու է իր արարքից, և դրանց միջև առկա կլինի միանշանակ պատճառական կապ։ Մասնավորապես, կոնկրետ դեպքում հանցագործության գործիքը կամ միջոցը, եղանակը, հասցված մարմնական վնասվածքների քանակը, բնույթը և տեղակայումը, ինչպես նաև առկա այլ օբյեկտիվ հանգամանքները կարող են վկայել հանցավորի կողմից մահվան առաջացման անխուսափելիությունը կամ իրական հնարավորությունը նախատեսելու, հետևաբար վերջինիս մոտ ուղղակի դիտավորության առկայության մասին։
(...) Այսպիսով, կատարվածը սպանության փորձ որակելու համար անհրաժեշտ է, որ հանցավորն ունենա անձին կյանքից զրկելու պարզ կոնկրետացված (նախապես կամ հանկարծակի առաջացած) դիտավորություն, ինչը հնարավոր է պարզել գործի հանգամանքների համակողմանի վերլուծության արդյունքում` հատկապես ուշադրություն դարձնելով հանցավորի` նախքան հանցագործությունը, հանցանքի ընթացքում և դրանից հետո դրսևորած վարքագծին։
[Ե]թե գործի փաստական հանգամանքների համակցության վերլուծությունը ցույց է տալիս, որ հանցանքը կատարելու պահին հանցավորի դիտավորությունն ուղղված է եղել տուժողին կյանքից զրկելուն (օրինակ` դրա մասին կարող են վկայել հանցագործության գործիքները կամ միջոցները` հրազեն, սառը զենք, սուր ծակող-կտրող գործիքներ և այլն, հարվածների քանակն ու ուժգնությունը, պատճառված մարմնական վնասվածքների քանակը, բնույթը և տեղակայումը (օրինակ` մարդու կենսականորեն կարևոր օրգանների վնասումը), հանցագործության եղանակը, մեխանիզմը, նպատակը, շարժառիթը, իրադրությունը և այլ հանգամանքներ), ապա համապատասխան արարքն իրականացնելուց հետո անձի դրսևորած դրական վարքագիծը (օրինակ` հետագա գործողություններ կատարելուց ձեռնպահ մնալը, տուժողին օգնություն ցույց տալը, շտապօգնություն կանչելը և այլն) դուրս է սպանության ավարտված հանցափորձի շրջանակներից, վկայում է ոչ թե սպանելու ուղղակի դիտավորության բացակայության, այլ պարզապես կատարածի համար զղջալու մասին, ինչը դատարանի կողմից կարող է հաշվի առնվել պատիժ նշանակելիս։ Նման գործողությունները չեն կարող ազդեցություն ունենալ և փոխել արարքի քրեաիրավական որակումը։
Միևնույն ժամանակ (...) բոլոր այն դեպքերում, երբ հանցավորի` նախքան հանցագործությունը, հանցանքի ընթացքում և դրանից հետո դրսևորած վարքագիծը բնութագրող հանգամանքների համակցությունը վկայում է սպանության ուղղակի դիտավորության բացակայության և, համապատասխանաբար, անուղղակի կամ չկոնկրետացված դիտավորության առկայության մասին (օրինակ` տուժողին ձեռքերով հարվածներ հասցնելը, դրանց ուժգնությունը և տեղակայումը կամ նույնիսկ զենքով կրակելը, սակայն կենսական ոչ կարևոր օրգանների շրջանում և այլն), ապա համապատասխան հանրորեն վտանգավոր հետևանքը` մահը, չառաջանալու դեպքում արարքը չի կարող որակվել որպես սպանության փորձ և պետք է որակվի ըստ փաստացի առաջացած հետևանքի» (Գ.Մանուկյանի գործով Վճռաբեկ դատարանի 2015 թվականի օգոստոսի 28-ի թիվ ԵԱՆԴ/0110/01/12 որոշման 17 և 17.1-րդ կետերը)։
Այսպիսով, Վճռաբեկ դատարանի վերոգրյալ իրավական դիրքորոշումների լույսի ներքո գնահատելով սույն գործի փաստական հանգամանքները՝ Դատարանը գտնում է, որ ամբաստանյալ Արման Կարապետյանի՝ տուժող Սիրանուշ Կարապետյանին կյանքից ապօրինի զրկելու ուղղակի դիտավորության առկայության մասին են վկայում դատաքննությամբ հաստատված հետևյալ հանգամանքների համակցությունը՝
- ամբաստանյալ Արման Կարապետյանի կողմից տուժողին մարմնական վնասվածք պատճառելու հանցագործության գործիքի՝ ապակյա տարայի գործադրումը,
- ամբաստանյալ Արման Կարապետյանի կողմից տուժողին հասցված հարվածների ուղղությունը, այն է տուժողի կենսականորեն կարևոր օրգանին՝ գլխին հարվածելը,
- ամբաստանյալ Արման Կարապետյանի կողմից տուժողին հասցված հարվածների քանակը և հանցավոր վարքագծի շարունակակն բնույթը, մասնավորապես ամբաստանյալի առաջին հարվածի հետևանքով տուժող Սիրանուշ Կարապետյանն ընկել է մահճակալին և սկսել է խռխռալ, որից հետո ամբաստանյալը՝ տեսնելով, որ տուժող Սիրանուշ Կարապետյանը չի մահացել՝ ջրով լի մեկ այլ ապակյա տարայով ևս մեկ անգամ հարվածել է վերջինիս գլխի ձախ գագաթային շրջանին,
- ամբաստանյալ Արման Կարապետյանի հետհանցավոր վարքագիծը, մասնավորապես վերջինս մտածելով, որ տուժող Սիրանուշ Կարապետյանը մահացել է, կատարվածում իր մասնակցության վերաբերյալ հնարավոր կասկածները փարատելու նպատակով,պահարանից թափված 8 լուսանկարների վրա ձախ ձեռքով կատարել է գրառումներ հետևյալ բովանդակությամբ՝ «Արման», «տղա», «քունեմ», «լավտ», «սրանով պրծի», «բոզի տղա», «բախտտ բերեց», «կբռնեմ քեզ», այնուհետև նկարները շարել է հյուրասենյակի սեղանին:
Դատարանը հատկանշական է համարում նաև այն համգամանքը, որ 2015 թվականի նոյեմբերի 06-ին կասկածյալի դատավարական կարգավիճակով հարցաքննվելիս, երբ դեռևս չէր ստացվել Սիրանուշ Կարապետյանի վերաբերյալ փորձագետի դատաբժշկական թիվ 1201 եզրակացությունը, Արման Կարապետյանն իրեն մեղավոր է ճանաչել սպանության մեջ:
Արարքն ավազակային հարձակման հետ զուգորդված որակելու համար կարևոր է հանցակազմի սուբյեկտիվ և օբյեկտիվ կողմերին վերաբերող այնպիսի պարտադիր հատկանիշների համակցությունը, ինչպիսիք են ուրիշի գույքին տիրանալու նպատակը, հարձակումը, արարքը կատարելու ժամանակ ուրիշի գույքին տիրանալաը կամ դրա նպատակը:Նշված հատկանիշների բացակայության դեպքում արարքը չի կարող որակվել որպես ավազակությամբ զուգորդված:
Վերոգրյալ դատողությունների լույսի ներքո գնահատելով սույն գործի փաստական հանգամանքները՝ Դատարանը հաստատված է համարում նաև ամբաստանյալ Արման Կարապետյանի արարքում ավազակությամբ զուգորդված սպանության փորձ կատարելու հանցակազմի հատկանիշների առկայությունը: Դատարանի նման հետևությունները պայմանավորված են պատշաճ դատավարական ընթացակարգի շրջանակներում հետազոտված և հաստատված հետևյալ փաստական հանգամանքների համակցությամբ՝
- դեպքի օրն ամբաստանյալ Արման Կարապետյանը հեռախոսազանգեր է ստացել և ունեցած խոսակցությունների ընթացքում նրանից պահանջել են պարտք եղած գումարները, վերջինս խոստացել է նույն օրը՝ կարճ ժամանակահատվածի ընթացքում վերադարձնել պարտքերը,
- ամբաստանյալ Արման Կարապետյանը, մտածելով, որ իր հանցավոր գործողությունների հետևանքով Սիրանուշ Կարապետյանը մահացել է նրա ականջներից հանել է 14.000 ՀՀ դրամ արժողությամբ ոսկյա ականջօղերը, տան պահարանի միջից հափշտակել 50.000 ՀՀ դրամ գումարը, 10.500 ՀՀ դրամին համարժեք 20 ԵՎՐՈ գումարը,
- ամբաստանյալ Արման Կարապետյանը 2015 թվականի նոյեմբերի 05-ին՝ ժամը 00:31-ին տուժող Սիրանուշ Կարապետյանից հափշտակված ոսկյա ականջօղերը գրավադրել է Երևան քաղաքի Տիգրան Մեծի 29/33-րդ հասցեում գործող «Ֆաստ Կրեդիտ» գրավատանը և ստացել է 14.000 ՀՀ դրամ գումար:
- դեպքից հետո ամբաստանյալ Արման Կարապետյանը «Սիթի» տաքսի ծառայության տնօրեն Անդրանիկ Գալստյանին է վճարել ընդհանուր 17.000 ՀՀ դրամ` 2000 ՀՀ դրամ պարտքը և 15.000 ՀՀ դրամ օրավարձը, ինչպես նաև վկա Մարիամ Զախարյանին է տվել 20.000 ՀՀ դրամ գումար:
Դատարանը, անդրադառնալով ամբաստանյալ Արման Կարապետի Կարապետյանի նկատմամբ նշանակվող պատժի տեսակը և չափը որոշելու հարցին, արձանագրում է հետևյալը.
ՀՀ քրեական օրենսգրքի 10-րդ հոդվածի համաձայն` «Հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար»:
ՀՀ քրեական օրենսգրքի 48-րդ հոդվածի 2-րդ մասի համաձայն`
«Պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները»:
ՀՀ քրեական օրենսգրքի 61-րդ հոդվածի համաձայն`
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները»:
2. Պատժի տեսակը և չափը որոշվում են հանցագործության հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով:
3. Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի տեսակները»:
Պատիժ նշանակելու ընդհանուր սկզբունքներին Վճռաբեկ դատարանն անդրադարձել է Նարեկ Սարգսյանի վերաբերյալ 2011 թվականի դեկտեմբերի 22-ի թիվ ԵԿԴ/0042/01/11 գործով կայացված որոշման մեջ, որտեղ իրավական դիրքորոշում է ձևավորել այն մասին, որ «(...) [Պ]ատիժ նշանակելու ընդհանուր սկզբունքները քրեական օրենքով նախատեսված այն հիմնադրույթներն են, որոնցով պետք է ղեկավարվի դատարանը պատիժ նշանակելիս: Այդ սկզբունքներն են`
ա) օրինականությունը,
բ) արդարությունը,
գ) պատժի անհատականացումը,
դ) մարդասիրությունը:
Պատիժ նշանակելու վերոնշյալ սկզբունքները սահմանում են այն հիմնական դրույթները, որոնցով ղեկավարվում է դատարանը յուրաքանչյուր քրեական գործով պատժի տեսակն ու չափն ընտրելիս:
(…) [Պ]ատժի նշանակման իրավական շրջանակները սահմանված են ՀՀ քրեական օրենսգրքով: Դրա հետ մեկտեղ, սակայն, վերոնշյալ օրենքը դատարանին հնարավորություն է տվել որոշակի սկզբունքների (…) պահպանմամբ, իր ներքին համոզմանը և իրավագիտակցությանը համապատասխան, ՀՀ քրեական օրենսգրքի Ընդհանուր և Հատուկ մասերով նախատեսված սահմաններում որոշել պատժի տեսակն ու չափը: Այլ կերպ` ուրվագծելով կոնկրետ հանցանքի համար նշանակման ենթակա պատժի առավելագույն և նվազագույն սահմանները` ՀՀ քրեական օրենքը դատարանին տվել է այդ շրջանակում հայեցողություն դրսևորելու հնարավորություն»։
Վճռաբեկ դատարանի ձևավորած կայուն նախադեպային իրավունքի համաձայն՝ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ, ինչի վերաբերյալ Վճռաբեկ դատարանն իրավական դիրքորոշում է ձևավորել Արարատ Ավագյանի և Վահան Սահակյանի գործով 2014 թվականի հոկտեմբերի 31-ի թիվ ԵԿԴ/0252/01/13 որոշման 39–րդ կետում հայտնել է հետևյալը.
«(…)Պատիժն արդարացի է, եթե համաչափ է կատարված հանցագործությանը, ինչպես նաև բավարար պատժի նպատակներին հասնելու տեսանկյունից։ Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակման։ Քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են։ Հետևաբար կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, հանցավորի անձի, պատիժը մեղմացնող և ծանրացնող հանգամանքների վերլուծության հիման վրա։ Նշված հանգամանքների գնահատման ժամանակ դատարանը պետք է ելնի ՀՀ քրեական օրենսգրքի 48-րդ հոդվածով նախատեսված՝ պատժի նպատակների իրացումն ապահովելու անհրաժեշտությունից:
(…)
Այսպիսով, նշանակվող պատժի արդարացիության հիմնական պահանջն այն է, որ պատիժը պետք է համապատասխանի հանցագործության հանրային վտանգավորության աստիճանին և բնույթին:
Հանցագործության հանրային վտանգավորության տիպային բնութագիրն արտացոլվում է օրենսդրի կողմից սահմանված սանկցիայում, իսկ յուրաքանչյուր կոնկրետ գործով արարքի հանրային վտանգավորության գնահատականը դատարանի կողմից կարող է որոշվել կոնկրետ հանցագործության տարրերի առանձնահատկությունների, դրա կատարման հանգամանքների, հանցավորի անձնավորության, պատասխանատվությունն ու պատիժը մեղմացնող և ծանրացնող հանգամանքների հիման վրա։
(…) Պատժի անհատականացման սկզբունքի բովանդակության հիմնական մասն է կազմում նաև հանցավորի անձը բնութագրող տվյալների գնահատումը, որոնք իրենց ամբողջության մեջ հնարավորություն են տալիս անձին դիտել ոչ միայն որպես հանցանք կատարող, որը պետք է պատասխանատվություն կրի, այլ նաև որպես կոնկրետ անձ՝ իր անհատական հատկանիշներով։ Ընդ որում՝ անձի այն հատկանիշները, որոնք գտնվում են հանցակազմից դուրս, նշանակություն են ունենում դատարանի կողմից պատժի տեսակը և չափը որոշելիս։ Որպես հանցավորի անձը բնութագրող հատկանիշներ՝ գնահատվում են նրա սոցիալ-հոգեբանական, սոցիալ-ժողովրդագրական հատկությունները՝ վարքագիծն ընտանիքում և կենցաղում, աշխատանքի նկատմամբ ունեցած վերաբերմունքը, կրթությունը, առողջական վիճակը, տարիքը, ծառայությունը պետության և հասարակության առջև և այլն»։
Դատարանը որպես ամբաստանյալ Արման Կարապետյանի անձը բնութագրող տվյալ է գնահատում դատվածություն չունենալը (հիմք՝ ՀՀ ոստիկանության ինֆորմացիոն կենտրոնի 06.11.2015 թվականի տեղեկանքը ):
Դատարանն ամբաստանյալ Արման Կարապետյանի պատիժն ու պատասխանատվությունը մեղմացնող կամ ծանրացնող հանգամանք չարձանագրեց:
Դատարանն արձանագրում է, որ ՀՀ քրեական օրենսգրքի 104-րդ հոդվածի 2-րդ մասը պատիժ է նախատեսում բացառապես ազատազրկման ձևով՝ տասներկուսից քսան տարի ժամկետով, կամ ցմահ ազատազրկմամբ:
ՀՀ քրեական օրենսգրքի 65-րդ հոդվածը կարգավորում է չավարտված հացագործությունների համար պատիժ նշանակելու հիմնախնդիրները, այն է՝ նույն հոդվածի 3-րդ մասի համաձայն՝ հանցափորձի համար ազատազրկման ձևով պատժի ժամկետը չի կարող գերազանցել սույն օրենսգրքի Հատուկ մասի համապատասխան հոդվածով կամ հոդվածի մասով որոշակի ժամկետով ազատազրկման ձևով նախատեսված պատժի առավելագույն ժամկետի երեք քառորդը:
Այսինքն, ամբաստանյալ Արման Կարապետյանի նկատմամբ նշանակվող պատիժը չի կարող գերազանցել 15 (տասնհինգ) տարի ժամկետով ազատազրկումը:
Դատարանը, քննության առնելով ՀՀ քրեական օրենսգրքի 70-րդ հոդվածի կիրառման հնարավորության և ՀՀ քրեական օրենսգրքի 48-րդ հոդվածով ամրագրված պատժի նպատակների իրացվելիության հարցը և հաշվի առնելով Արման Կարապետյանին մեղսագրված արարքի հանրային վտանգավորության բնույթն ու աստիճանը, հանցավորի անձը, հանգում է հետևության, որ տվյալ դեպքում Ա,Կարապետյանի նկատմամբ ազատազրկման ձևով նշանակված պատիժը պայմանականորեն չկիրառելը չի համապատասխանի արդարության և պատասխանատվության անհատականացման քրեաիրավական սկզբունքներին:
Անդրադառնալով ամբաստանյալի նկատմամբ կիրառված խափանման միջոցի հարցին` Դատարանը գտնում է, որ խափանման միջոց կալանավորումը վերացնելու կամ փոփոխելու հիմքերը բացակայում են՝ պայմանավորված ամբաստանյալ Արման Կարապետյանին իրական պատժի՝ ազատազրկաման դատապարտելու և կայացված դատավճռի ի կատար ածումն ապահովելու անհրաժեշտությամբ: Միևնույն ժամանակ, Դատարանը գտնում է, որ ամբաստանյալ Ա. Կարապետյանի նկատմամբ նշանակված պատժի կրման սկիզբը պետք է հաշվել նրան փաստացի արգելանքի վերցնելու օրվանից՝ 2015 թվականի նոյեմբերի 06-ից:
Անդրադառնալով իրեղեն ապացույցների տնօրինման հարցին` Դատարանը գտնում է, որ դատավճիռն օրինական ուժի մեջ մտնելուց հետո նախաքննության մարմնի 2015 թվականի դեկտեմբերի 24-ի որոշմամբ իրեղեն ապացույց ճանաչված`
- Սիրանուշ Կարապետյանին պատկանող ոսկյա ականջօղերը, Ս.Կարապետյանի հագուստներն անհրաժեշտ էհանձնել տուժողի իրավահաջորդ Մանյա Կարապետյանին:
- դեպքի վայրի զննությամբ հայտնաբերված և վերցված` Արման Կարապետյանի կողմից կատարված գրառումներով թվով 8 (ութ) լուսանկարներն անհրաժեշտ է պահել քրեական գործի հետ միասին` վերջինիս պահելու ամբողջ ժամանակամիջոցում:
- դեպքի վայրի զննությամբ հայտնաբերված և վերցված կոտրված ապակյա տարայի կտորներն անհրաժեշտ է ոչնչացնել:
Միևնույն ժամանակ, Դատարանը գտնում է, որ դատավճիռն օրինական ուժի մեջ մտնելուց հետո քրեական գործին կցված և ապացույց ճանաչված` 2015 թվականի նոյեմբերի 06-ին Արման Կարապետյանի մասնակցությամբ կատարված քննչական փորձարարության տեսաձայնագրառումը պարունակող լազերային սկավառակը, 2015 թվականի նոյեմբերի 06-ին Երևան քաղաքի Տիգրան Մեծի 29/33 հասցեում գործող «Ֆասթ Կրեդիտ» գրավատնից առգրավված փաստաթղթերը, «ԱրմենՏել» և «Ղ-Տելեկոմ» ՓԲԸ-ներից ստացված վերծանումները՝ զետեղված մեկ լազերային սկավառակում, ինչպես նաև դատարանում պահվող դատաձեռագրաբանական և փաստաթղթաբանական համալիր փորձաքննության համար տրամադրված նմուշները, խուզարկությամբ հայտնաբերված «Հայտարարություն» վերնագրով փաստաթուղթը, լուսանկարներն անհրաժեշտ է պահել քրեական գործի հետ միասին՝ վերջինիս պահելու ամբողջ ժամանակամիջոցում:
Հիմք ընդունելով ՀՀ քրեական դատավարության օրենսգրքի 116-րդ հոդվածի կարգավորումները՝ Դատարանաը գտնում է՝
- դեպքի վայրից առգրաված և դատարանում պահվող փականը, «Մոտոռոլլա» մոդելի բջջային հեռախոսը և էլեկտրական սնուցման մարտկոցը, շինմոնտաժային փամփուշտները, պտուտակահանը, սև գույնի բռնակով արծաթափայլ դանակը և դեղին գլխիկով գրիչն անհրաժեշտ է հանձնել տուժողի իրավահաջորդ Մանյա Կարապետյանին,
- քննչական փորձարարության ժամանակ հայտնաբերված և վերցված կապույտ գույնի կոտրված գրիչը, ինչպես նաև դեպքի վայրի զննությամբ հայտնաբերված և դատարանում պահվող ջահի ձողը, դրա մետաղյա դետալը, ապակյա կտորները, միկրոմասնիկները, պաստառների նմուշներն անհրաժեշտ է ոչնչացնել,
- Արման Կարապետյանի անձնական խուզարկությամբ հայտնաբերված և դատարանում պահվող «Ալկատել» բջջային հեռախոսը՝ «ԱրմենՏել» ՓԲԸ-ի հեռախոսաքարքով, Արման Կարապետյանի բնակության վայրում կատարված խուզարկությամբ հայտնաբերված և առգրավված հագուստները, ինչպես նաև Սուզուկի մակնիշի 784 OP61 հ/հ ավտոմեքենայի խուզարկությամբ հայտնաբերված 1000 ՀՀ դրամ անվանական արժեքով թղթադրամը, 1 հատ 500, 2 հատ 100 և 1 հատ 50 ՀՀ դրամ անվանական արժեքով մետաղադրամները, Ա.Կարապետյանի ծննդյան վկայականը, հայրության ճանաչման և Ս.Կարապետյանի ծննդյան վկայականները, երեխայի առողջության թիվ 374522 պետական գրանցման հավաստագիրըն անհրաժեշտ է վերադարձնել Արման Կարապետյանին:
Անդրադառնալով դատական ծախսերի հարցին՝ Դատարանը փաստում է, որ դատական ծախս է հանդիսանում ձեռագրաբանական և փաստաթղթաբանական փորձաքննության արժեքը՝ 268.800 (երկու հարյուր վաթսունութ հազար ութ հարյուր) ՀՀ դրամ գումարը, որը ամբաստանյալ Արման Կարապետի Կարապետյանից պետք է բռնագանձվի հօգուտ ՀՀ ֆինանսների նախարարության (ՀՀ պետական բյուջեի)։
ՀՀ քրեական օրենսգրքի 360-րդ հոդվածի 1-ին մասի համաձայն` դատավճիռ կայացնելիս Դատարանը պարտավոր է անդրադառնալ նաև գույքի նկատմամբ կիրառված (կիրառվելիք) արգելանքի, քաղաքացիական հայցի հարցերին, սակայն Դատարանը, պարզելով, որ սույն քրեական գործով ամբաստանյալ Արման Կարապետյանի գույքի վրա արգելանք չի կիրառվել, քաղաքացիական հայց չի ներկայացվել, սահմանափակվում է այդ փաստերի արձանագրմամբ:
Գնահատելով և ամփոփելով դատաքննությամբ հետազոտված ապացույցները, ղեկավարվելով ՀՀ քրեական դատավարական օրենսգրքի 357-360-րդ, 364-365-րդ, 369-373-րդ, 375-րդ հոդվածներով, Դատարանը

ՎՃՌԵՑ

Արման Կարապետի Կարապետյանինմեղավոր ճանաչելՀՀքրեականօրենսգրքի34-104-րդ հոդվածի2-րդմասի 8-րդ կետովնախատեսվածհանցագործությանկատարմանմեջ ևնրանկատմամբ պատիժ նշանակել ազատազրկում` 13 (տասներեք) տարիժամկետով։
Պատժի կրման սկիզբը հաշվել 2015 թվականի նոյեմբերի 06-ից:
Դատավճիռն օրինական ուժի մեջ մտնելուց հետո նախաքննության մարմնի 2015 թվականի դեկտեմբերի 24-ի որոշմամբ իրեղենապացույցճանաչված` Սիրանուշ Կարապետյանին պատկանող ոսկյա ականջօղերը, Ս.Կարապետյանի հագուստները, ինչպես նաև դեպքի վայրից առգրաված ևդատարանում պահվող փականը, «Մոտոռոլլա» մոդելի բջջային հեռախոսը և էլեկտրական սնուցման մարտկոցը, շինմոնտաժային փամփուշտները, պտուտակահանը, սև գույնի բռնակով արծաթափայլ դանակը և դեղին գլխիկով գրիչը հանձնել տուժողի իրավահաջորդ Մանյա Կարապետյանին:
Դատավճիռն օրինական ուժի մեջ մտնելուց հետո նախաքննության մարմնի 2015 թվականի դեկտեմբերի 24-ի որոշմամբ իրեղեն ապացույց ճանաչված դեպքի վայրի զննությամբ հայտնաբերված և վերցված կոտրված ապակյա տարայի կտորները, քննչական փորձարարության ժամանակ հայտնաբերված և վերցված կապույտ գույնի կոտրված գրիչը, ինչպես նաև դեպքի վայրի զննությամբ հայտնաբերված և դատարանում պահվողջահի ձողը, դրա մետաղյա դետալը, ապակյա կտորները, միկրոմասնիկները, պաստառների նմուշները, ոչնչացնել:
Դատավճիռն օրինական ուժի մեջ մտնելուց հետո նախաքննության մարմնի 2015 թվականի դեկտեմբերի 24-ի որոշմամբ իրեղեն ապացույց ճանաչված դեպքի վայրի զննությամբ հայտնաբերված և վերցված թվով 8 (ութ) լուսանկարները պահել քրեական գործի հետ միասին` վերջինիս պահելու ամբողջ ժամանակամիջոցում:
Դատավճիռն օրինական ուժի մեջ մտնելուց հետո քրեական գործին կցված և ապացույց ճանաչված` 2015 թվականի նոյեմբերի 06-ին Արման Կարապետյանի մասնակցությամբ կատարված քննչական փորձարարության տեսաձայնագրառումը պարունակող լազերային սկավառակը, 2015 թվականի նոյեմբերի 06-ին Երևան քաղաքի Տիգրան Մեծի 29/33 հասցեում գործող «Ֆասթ Կրեդիտ» գրավատնից առգրավված փաստաթղթերը,«ԱրմենՏել»և «Ղ-Տելեկոմ» ՓԲԸ-ներից ստացված վերծանումները՝ զետեղված մեկ լազերային սկավառակում, ինչպես նաև դատարանում պահվող դատաձեռագրաբանական և փաստաթղթաբանական համալիր փորձաքննության համար տրամադրված նմուշները, խուզարկությամբ հայտնաբերված «Հայտարարություն» վերնագրով փաստաթուղթը, լուսանկարներըպահել քրեական գործի հետ միասին՝ վերջինիս պահելու ամբողջ ժամանակամիջոցում:
Դատավճիռն օրինական ուժի մեջ մտնելուց հետո՝ դատարանում պահվողԱրման Կարապետյանի անձնական խուզարկությամբ հայտնաբերված «Ալկատել»բջջային հեռախոսը՝ «ԱրմենՏել» ՓԲԸ-ի հեռախոսաքարքով, Արման Կարապետյանի բնակության վայրում կատարված խուզարկությամբ հայտնաբերված և առգրավված հագուստները, ինչպես նաև Սուզուկի մակնիշի 784 OP61 հ/հ ավտոմեքենայի խուզարկությամբ հայտնաբերված 1000 ՀՀ դրամ անվանական արժեքով թղթադրամը, 1 հատ 500, 2 հատ 100 և 1 հատ 50 ՀՀ դրամ անվանական արժեքով մետաղադրամները, Ա.Կարապետյանի ծննդյան վկայականը, հայրության ճանաչման և Ս.Կարապետյանի ծննդյան վկայականները, երեխայի առողջության թիվ 374522 պետական գրանցման հավաստագիրըվերադարձնել Ա.Կարապետյանին:
Ամբաստանյալ Արման Կարապետի Կարապետյանի նկատմամբ որպես խափանմանմիջոցընտրված կալանավորումըթողնելանփոփոխ՝ մինչևսույնդատավճիռնօրինականուժիմեջմտնելը։
Որպես դատական ծախս` Արման Կարապետի Կարապետյանից հօգուտ ՀՀ ֆինանսների նախարարության (ՀՀ պետական բյուջեի) բռնագանձել 268.800 (երկու հարյուր վաթսունութ հազար ութ հարյուր) ՀՀ դրամ գումար։
ԴատավճիռըհրապարակմանօրվանիցմեկամսյաժամկետումկարողէբողոքարկվելՀՀվերաքննիչքրեականդատարան։


ԴԱՏԱՎՈՐ Ա.ՄԱԹԵՎՈՍՅԱՆ