Գործ No ԵԱՔԴ/0249/01/15

ՈՐՈՇՈՒՄ

ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ

ՙ24՚ փետրվարի 2016թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը`

նախագահությամբ` դատավոր Ա.Մկրտչյանի
քարտուղարությամբ` Մ.Սարգսյանի
մասնակցությամբ`
մեղադրող Կ.Բարսեղյանի
տուժող Ռ.Ռուբենյանի

Դռնբաց դատական նիստում քննության առնելով քրեական գործն ըստ մեղադրանքի Սիրանուշ Գագիկի Գալստյանի /ծնված 1996 թվականի օգոստոսի 29-ին` Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չի աշխատում, չամուսնացած, նախկինում չդատված, բնակվողª ք.Երևան, Շիրազի փողոց, 12 շենք, 29 բնակարան/, ՀՀ քրեական օրենսգրքի 177-րդ հոդվածի 1-ին մասով.

ՊԱՐԶԵՑ

2015 թվականի դեկտեմբերի 18-ին ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում ՀՀ քրեական օրենսգրքի 177-րդ հոդվածի 1-ին մասով հարուցվել է թիվ 14829715 քրեական գործը:
2015 թվականի դեկտեմբերի 20-ին Սիրանուշ Գալստյանի նկատմամբ որպես խափանման միջոց է կիրառվել ստորագրությունª չհեռանալու մասին:
2015 թվականի դեկտեմբերի 24-ին Սիրանուշ Գալստյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով:
2015 թվականի դեկտեմբերի 28-ին թիվ 14829715 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Նախաքննության մարմինն ամբաստանյալ Սիրանուշ Գալստյանին ՀՀ քրեական օրենսգրքի 177-րդ հոդվածի 1-ին մասով մեղադրանք է առաջադրել, որ ՙնա զգալի չափերի գույքի գաղտնի հափշտակություն կատարելու դիտավորությամբ, 2015 թվականի սեպտեմբերի 1-ին` ժամը 21:30-ի սահմաններում, Կիևյան մեկ հասցեում գործող ՙՍԱՍ՚ սուպերմարկետի աշխատակիցների հանդերձարանում, օգտվելով այն հանգամանքից, որ այդ պահին այդտեղ աշխատակիցներ չեն եղել, հանդերձարանում դրված աթոռի վրա գտնվող պայուսակից գաղտնի հափշտակել է Ռիտա Ռուբենյանին պատկանող 140.000 ՀՀ դրամ արժողությամբ ՙԱյֆոն 5 S՚ տեսակի բջջային հեռախոսը՚:

Դատական քննության նախապատրաստական փուլում ամբաստանյալ Սիրանուշ Գալստյանը միջնորդեց իր նկատմամբ քրեական հետապնդումը դադարեցնել և քրեական գործի վարույթը կարճել` տուժող Ռիտա Ռուբենյանի հետ հաշտության հիմքով:
Ամբաստանյալ Սիրանուշ Գալստյանը հայտարարեց, որ ընդունել է մեղքը և անկեղծորեն զղջացել կատարած արարքի համար, հատուցել է տուժող Ռիտա Ռուբենյանին հանցագործության հետևանքով անմիջականորեն պատճառված գույքային վնասը, հաշտվել է նրա հետ, և այդ կապակցությամբ ներկայացրեց գրավոր դիմում:
Տուժող Ռիտա Ռուբենյանը նույնպես հայտարարեց, որ հաշտվել է ամբաստանյալ Սիրանուշ Գալստյանի հետ, Ս.Գալստյանը հատուցել է իրեն հանցագործության հետևանքով անմիջականորեն պատճառված գույքային վնասը, նրանից որևէ բողոք կամ գույքային վնասի հատուցման պահանջ չունի: Այդ կապակցությամբ տուժողը ևս ներկայացրեց գրավոր դիմում:

ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի համաձայն` ՙքրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե սույն օրենսգրքով նախատեսված դեպքերում տուժողը հաշտվել է կասկածյալի կամ մեղադրյալի հետ՚:
ՀՀ քրեական դատավարության օրենսգրքի 183-րդ հոդվածի համաձայն` ՀՀ քրեական օրենսգրքի 177-րդ հոդվածի 1-ին մասով նախատեսված հանցագործության վերաբերյալ գործերը հարուցվում են ոչ այլ կերպ, քան տուժողի բողոքի հիման վրա և ամբաստանյալի հետ նրա հաշտվելու դեպքում ենթակա են կարճման:
ՀՀ քրեական օրենսգրքի 73-րդ հոդվածի համաձայն` ոչ մեծ ծանրության հանցանք կատարած անձը կարող է ազատվել քրեական պատասխանատվությունից, եթե նա հաշտվել է տուժողի հետ և հատուցել կամ այլ կերպ հարթել է նրան պատճառած վնասը:
Այսպիսով, դատարանը գտնում է, որ ՀՀ քրեական օրենսգրքի 177-րդ հոդվածի 1-ին մասով հարուցված թիվ 14829715 քրեական գործի վարույթը պետք է կարճել և Սիրանուշ Գալստյանի նկատմամբ քրեական հետապնդումը դադարեցնել` տուժողի հետ փոխադարձ հաշտության հիմքով:
Անդրադառնալով իրեղեն ապացույցների տնօրինման հարցին, դատարանը գտնում է, որ իրեղեն ապացույց ճանաչված և տուժող Ռիտա Ռուբենյանին ի պահ հանձնված 013991001048151 գործարանային համարանիշով ՙԱյֆոն 5 S՚ բջջային հեռախոսը պետք է թողնել տուժողի տնօրինմանը:
Ղեկավարվելով ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետով, 119-րդ հոդվածով, 183-րդ հոդվածի 1-ին մասով և 379-րդ հոդվածով դատարանը`

Ո Ր Ո Շ Ե Ց

Թիվ 14829715 քրեական գործի վարույթը կարճել և ՀՀ քրեական օրենսգրքի 177-րդ հոդվածի 1-ին մասով ամբաստանյալ Սիրանուշ Գագիկի Գալստյանի նկատմամբ քրեական հետապնդումը դադարեցնել` տուժող Ռիտա Ռուբենյանի և ամբաստանյալ Սիրանուշ Գալստյանի փոխադարձ հաշտության հիմքով:
Սիրանուշ Գալստյանի նկատմամբ կիրառված խափանման միջոցըª ստորագրությունª չհեռանալու մասին, վերացնել:
Իրեղեն ապացույց ճանաչված և տուժող Ռիտա Ռուբենյանին ի պահ հանձնված 013991001048151 գործարանային համարանիշով ՙԱյֆոն 5 S՚ բջջային հեռախոսը թողնել տուժողի տնօրինմանը:
Որոշումը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո` մեկամսյա ժամկետում:



ԴԱՏԱՎՈՐ Ա.ՄԿՐՏՉՅԱՆ