Հիմնական
Գործի համար:
ԵԱՔԴ/0226/01/15
Վիճակագրական տողի համար :
10.1
Պատասխանող
Ժորա Գասպարյան
Ժորա Գասպարյան Դավիթ
Ժորա Գասպարյան
Ժորա Գասպարյան
Դատավոր
Քրեական վերաքննիչ
Ռուբիկ Մխիթարյան
Արարատ Պետրոսյան
Արաբկիր Քանաքեռ-Զեյթուն
Արթուր Մկրտչյան
Վճռաբեկ
Լիլիթ Թադևոսյան
Դատավոր
Քրեական վերաքննիչ
Ռուբիկ Մխիթարյան
Արարատ Պետրոսյան
Արաբկիր Քանաքեռ-Զեյթուն
Արթուր Մկրտչյան
Վճռաբեկ
Լիլիթ Թադևոսյան
| Դատարան | Օր | Ժամ | Դատարանի դահլիճի համար | Ստատուս | Որոշում | Այլ նշումներ |
|---|---|---|---|---|---|---|
| Քրեական վերաքննիչ | 2017-02-22 | 11:00 | 2 | Կայացվել է | ||
| Քրեական վերաքննիչ | 2017-02-02 | 11:00 | 3 | Կայացվել է | ||
| Քրեական վերաքննիչ | 2017-01-11 | 11:00 | 3 | Կայացվել է | ||
| Քրեական վերաքննիչ | 2016-12-09 | 12:00 | 3 | Կայացվել է | ||
| Քրեական վերաքննիչ | 2016-11-15 | 15:00 | 3 | Կայացվել է | ||
| Քրեական վերաքննիչ | 2016-10-21 | 16:00 | 3 | Կայացվել է | ||
| Արաբկիր Քանաքեռ-Զեյթուն | 2016-08-23 | 12:00 | 5 | Կայացել է | ||
| Վճռաբեկ | 2016-07-22 | 10:30 | 5 | Նշանակվել է դատական նիստ | ||
| Վճռաբեկ | 2016-07-06 | 10:30 | 5 | Նշանակվել է դատական նիստ | ||
| Վճռաբեկ | 2016-06-13 | 10:30 | 5 | Նշանակվել է դատական նիստ | ||
| Վճռաբեկ | 2016-05-23 | 10:30 | 5 | Նշանակվել է դատական նիստ | ||
| Վճռաբեկ | 2016-04-27 | 10:30 | 5 | Նշանակվել է դատական նիստ | ||
| Վճռաբեկ | 2016-04-07 | 15:30 | 5 | Նշանակվել է դատական նիստ | ||
| Վճռաբեկ | 2016-03-21 | 11:30 | 5 | Նշանակվել է դատական նիստ | ||
| Վճռաբեկ | 2016-03-02 | 10:30 | 5 | Նշանակվել է դատական նիստ | ||
| Վճռաբեկ | 2016-02-09 | 10:30 | 5 | Նշանակվել է դատական նիստ | ||
| Արաբկիր Քանաքեռ-Զեյթուն | 2016-01-15 | 16:30 | 5 | Չի կայացել |
ԵԱՔԴ/0226/01/15
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆ
Ո Ր Ո Շ ՈՒ Մ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՀՀ վերաքննիչ քրեական դատարանը (այսուհետ նաև` Վերաքննիչ դատարան) հետևյալ կազմով.
նախագահող դատավոր` Ռ.Մխիթարյան
դատավորներ` Ս.Չիչոյան
Մ.Արղամանյան
քարտուղարությամբ` Մ.Մահտեսյանի
Ա.Գրիգորյանի
մասնակցությամբ`
ամբաստանյալ Ժ.Գասպարյանի
պաշտպան Լ.Զեյնալյանի
2017 թվականի փետրվարի 22-ին, Երևան քաղաքում,
դռնբաց դատական նիստում, Երևան քաղաքի Արաբկիր և Քանաքեռ-Զեյթուն վարչական շրջանների դատախազության ավագ դատախազ Էդ.Պետրոսյանի վերաքննիչ բողոքի հիման վրա քննության առնելով քրեական գործն ըստ մեղադրանքի Ժորա Դավթի Գասպարյանի` ՀՀ քրեական օրենսգրքի 258-րդ հոդվածի 4-րդ մասով,
Պ Ա Ր Զ Ե Ց
Գործի դատավարական նախապատմությունը.
1. 2015 թվականի հունիսի 18-ին ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում հարուցվել է թիվ 14136215 քրեական գործը` ՀՀ քրեական օրենսգրքի 112-րդ հոդվածի 1-ին մասով:
2015 թվականի օգոստոսի 3-ին թիվ 14136215 քրեական գործի նյութերով հարուցվել և առանձնացվել է թիվ 14146515 քրեական գործը՝ ՀՀ քրեական օրենսգրքի 258-րդ հոդվածի 4-րդ մասով և ՀՀ քրեական օրենսգրքի 131-րդ հոդվածի 2-րդ մասի 2-րդ և 3-րդ կետերով:
2015 թվականի օգոստոսի 13-ին Ժորա Դավթի Գասպարյանը թիվ 14146515 քրեական գործով ներգրավվել է որպես մեղադրյալ, և նրան մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով:
Նույն օրը մեղադրյալ Ժ.Գասպարյանի նկատմամբ որպես խափանման միջոց է ընտրվել ստորագրությունը՝ չհեռանալու մասին:
2015 թվականի նոյեմբերի 26-ին Ժորա Գասպարյանին առաջադրված մեղադրանքը լրացվել է և նրան նոր մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով:
2015 թվականի դեկտեմբերի 8-ին թիվ 14146515 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան (այսուհետ նաև` Առաջին ատյանի դատարան):
Առաջին ատյանի դատարանի 2016 թվականի օգոստոսի 23-ի դատավճռով Ժորա Դավթի Գասպարյանը մեղավոր է ճանաչվել ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցանք կատարելու մեջ և նրա նկատմամբ պատիժ է նշանակվել տուգանք` նվազագույն աշխատավարձի հինգհարյուրհիսունապատիկի` 500.000 (հինգ հարյուր հազար) ՀՀ դրամի չափով:
Առաջին ատյանի դատարանի՝ վերը նշված դատավճռի դեմ վերաքննիչ բողոք է բերել գործով մեղադրող, Երևան քաղաքի Արաբկիր և Քանաքեռ-Զեյթուն վարչական շրջանների դատախազության ավագ դատախազ Էդ. Պետրոսյանը:
Գործի փաստական հանգամանքները և վերաքննիչ բողոքի քննության համար նշանակություն ունեցող փաստերը.
2. Ժորա Դավթի Գասպարյանին ՀՀ քրեական օրենսգրքի 258-րդ հոդվածի 4-րդ մասով մեղադրանք է առաջադրվել այն բանի համար, որ. «նա, ընկերոջ` Ռուսլան Ներսեսյանի, և ինքնությունը չպարզված մի խումբ անձանց հետ 2015թ. հունիսի 17-ին ժամը 22:30-ի սահմաններում կատարել է բռնության գործադրմամբ զուգորդված խուլիգանություն:
Այսպես` Ժորա Դավթի Գասպարյանն իր ծանոթ Սոֆիկ Օնիկի Թոխյանի միջոցով ծանոթացել է Հռիփսիմե Լևոնի Հարությունյանի հետ, որից հետո սկսել է անընդհատ զանգել և անհանգստացնել նրան: 2015թ. հունիսի 17-ին, երբ Հռիփսիմե Հարությունյանը, Սոֆիկ Թոխյանը և վերջինիս ընկեր Ռաֆայել Մելքումյանը նստած են եղել Երևան քաղաքի «Կասկադ» համալիրի մոտ գտնվող սրճարանում, Ժորա Գասպարյանն անընդհատ զանգել է Հռիփսիմե Հարությունյանին և Սոֆիկ Թոխյանին, սակայն նրանք հեռախոսազանգերին չեն պատասխանել, որից հետո Հռիփսիմե Հարությունյանը Ռաֆայել Մելքումյանին խնդրել է խոսել Ժորա Գասպարյանի հետ և ասել, որ այլևս նրանց չանհանգստացնի: Ռաֆայել Մելքումյանը զանգահարել է Ժորա Գասպարյանին, ներկայացել Հռիփսիմե Հարությունյանի մտերիմ անձնավորություն և պահանջել, որ Ժորա Գասպարյանը այլևս նրան չանհանգստացնի: Այդ ժամանակ Ժորա Գասպարյանն առաջարկել է հանդիպել Երևան քաղաքի Կոմիտասի պողոտայում, որին Ռաֆայել Մելքումյանը համաձայնել է: Դրանից հետո Ժորա Գասպարյանը զանգել է իր ընկեր Ռուսլան Արարատի Ներսեսյանին, հայտնել իր և Ռաֆայել Մելքումյանի պայմանավորվածության մասին, և Ռուսլան Ներսեսյանի առաջարկությամբ զանգել է Ռաֆայել Մելքումյանին և ասել, որ կարող են հանդիպել Երևան քաղաքի Փափազյան փողոցում գտնվող ՙ «Երիցյաններ» առևտրի կենտրոնի մոտ, որին նույնպես Ռաֆայել Մելքումյանը համաձայնել է: Դրանից հետո Ժորա Գասպարյանը Երևան քաղաքի Փափազյան-Ա.Խաչատրյան փողոցների խաչմերուկում հանդիպել է Ռուսլան Ներսեսյանին և նրա ընկերներին, որից հետո Ռուսլան Ներսեսյանը զանգահարել է Սոֆիկ Թոխյանին և հեգնանքով խոսելով հարցրել, թե ում է բերում Ժորա Գասպարյանի հետ հանդիպման: Ռուսլան Ներսեսյանի հեգնանքով և վիրավորական արտահայտություններով խոսելու պատճառով վերջինիս և Սոֆիկ Թոխյանի խոսակցությունը թեժացել է և ընթացքում Սոֆիկ Թոխյանը Ռուսլան Ներսեսյանին անվանել է «թուլա», ինչը վերածվել է լեզվակռվի և Ռուսլան Ներսեսյանը վրդովված լինելով իր վիրավորական արտահայտություններին համարժեք պատասխան տված Սոֆիկ Թոխյանի արտահայտություններից, սեփական անձի առավելությունը ընդգծելու մոլուցքով տարված, Սոֆիկ Թոխյանին ասել է` «ես քո համար Ժորիկը չեմ, չշփոթես հանկարծ», որից հետո Սոֆիկ Թոխյանը հեռախոսը փոխանցել է Ռաֆայել Մելքումյանին, ում հետ խոսելու ժամանակ Ռուսլան Ներսեսյանը պահանջել է, որ վերջինս իր հետ հանդիպման բերի այդ աղջկան` Սոֆիկ Թոխյանին: Ռաֆայել Մելքումյանը, Սոֆիկ Թոխյանը և Հռիփսիմե Հարությունյանը պատահական տաքսի ավտոմեքենայով գնացել են Սոֆիկ Թոխյանի բնակության վայր հանդիսացող Այգեկցի 100/1 տան մոտ, որտեղ Հռիփսիմե Հարությունյանը իջել է ավտոմոբիլից, իսկ Ռաֆայել Մելքումյանը և Սոֆիկ Թոխյանը գնացել են Երևան քաղաքի Փափազյան փողոցում գտնվող «Երիցյաններ» առևտրի կենտրոնի մոտ, որտեղ նրանց դիմավորել են Ժորա Գասպարյանը, Ռուսլան Ներսեսյանը, Արման Թեջոյանը ու Ռուսլան Ներսեսյանի առաջարկով քայլել Փափազյան-Ա.Խաչատրյան փողոցների խաչմերուկի մոտ գտնվող «Գենացվալե» պանդոկի կողային հատված, իսկ շենքի հետևի հատվածում կանգնած են եղել Ռուսլան Ներսեսյանի ընկերները` ինքնությունը չպարզված 4-5 տղաներ: Հասնելով շենքի կողային հատված, Ռուսլան Ներսեսյանը Սոֆիկ Թոխյանի հետ չնչին առիթով ծագած լեզվակռիվը և իր հասցրած վիրավորանքներին Սոֆիկ Թոխյանի կողմից պատասխանել համարձակվելու հանգամանքը պարզաբանելու նպատակով Ռաֆայել Մելքումյանին հարցրել է, թե նա տեր է Սոֆիի ասածներին, որին Ռաֆայել Մելքումյանը ասել է, որ տեր է, սակայն ինքը եկել է Ժորա Գասպարյանի հետ խոսելու, իսկ մնացած մասով ընկերների հետ կգա` կխոսեն: Այդ ժամանակ Ռուսլան Ներսեսյանն առաջարկել է խոսակցությունը շարունակել պանդոկի շինության հետնամասում, որտեղ կանգնած են եղել վերը նշված 4-5 տղաները, սակայն Ռաֆայել Մելքումյանը և Սոֆիկ Թոխյանը, տեսնելով այնտեղ հավաքված տղաներին, վախեցել են և հրաժարվել քայլել շենքի հետնամաս, ինչից հետո Սոֆիկ Թոխյանը Ռաֆայել Մելքումյանի ձեռքից քաշելով գնացել են մարդաշատ վայր` Ա.Խաչատրյան-Փափազյան փողոցների խաչմերուկի մոտ, Ժորա Գասպարյանին առաջարկելով խոսակցությունը շարունակել այնտեղ, սակայն Ժորա Գասպարյանը ձեռքով ցույց տալով շենքի հետնամասը` շարունակել է պահանջել քայլել այդ ուղղությամբ:
Հասկանալով, որ Սոֆիկ Թոխյանը և Ռաֆայել Մելքումյանը հրաժարվում են քայլել ոչ մարդաշատ վայր, Ժորա Գասպարյանը մոտեցել է նրանց և այդ մարդաշատ տարածքում սկսել հեգնանքով և վիրավորական արտահայտություններով խոսել Սոֆիկ Թոխյանի հետ, որի ընթացքում Սոֆիկ Թոխյանը նրան անվանել է «թուլա լակոտ»: Այդ ժամանակ Ժորա Գասպարյանը դիտավորությամբ կոպիտ կերպով խախտել է հասարակական կարգը` հարվածներ հասցնելով Սոֆիկ Թոխյանին, ինչից հետո Ռաֆայել Մելքումյանը հարվածել է Ժորա Գասպարյանին: Շենքի հետնամասում սպասող մի խումբ անձինք և Ռուսլան Ներսեսյանն անմիջապես վազելով մոտեցել են Սոֆիկ Թոխյանին և Ռաֆայել Մելքումյանին, դիտավորությամբ կոպիտ կերպով խախտելով հասարակական կարգը մայթի բանուկ հատվածում, բազմաթիվ անցորդների, «Գենացվալե» պանդոկի աշխատակիցների և հաճախորդների ներկայությամբ բարձր գոռգոռոցներով սկսել են ձեռքերով ու ոտքերով հարվածներ հասցնել Սոֆիկ Թոխյանին և Ռաֆայել Մելքումյանին` բացահայտ անհարգալից վերաբերմունք դրսևորելով հասարակության անդամների նկատմամբ, ինչի հետևանքով ոչ միայն տարածքում գտնվող անձանց մոտ սեփական անձի նկատմամբ վախի և տագնապի մթնոլորտ են ստեղծել, այլ նաև խաթարել են առևտրի օբյեկտի բնականոն աշխատանքը: Այդ ընթացքում Ռաֆայել Մելքումյանը մի պահ գտնվելով փոխադարձ կռվի մեջ Ռուսլան Ներսեսյանի հետ, դանակով հարվածել է նրան` դիտավորությամբ վերջինիս առողջությանը պատճառելով ծանր վնաս, և Սոֆիկ Թոխյանի ձեռքից բռնելով ասել է` «Սոֆ թռանք» ու դիմել փախուստի` վազելով Փափազյան փողոցի դիմացի մայթ, ընթացքից նստել այնտեղով անցնող տաքսի ավտոմեքենայի հետևի նստատեղին` Սոֆիկ Թոխյանին թողնելով փողոցում: Այդ ժամանակ Ժորա Գասպարյանը շարունակելով խուլիգանական գործողությունները, պանդոկի դիմաց տեղադրված սեղաններից մեկից վերցնելով որպես զենք օգտագործվող կավե գինու տարան, այն նետել է վերջինիս նստած տաքսի ավտոմեքենայի վրա` վնասելով այն, որից հետո հասնելով տաքսի ավտոմեքենային, ինքնությունը չպարզված մի խումբ անձանց հետ ոտքերով հարվածել և կրկին վնասել են այն, որից հետո ավտոմեքենայից հանել են Ռաֆայել Մելքումյանին, շարունակել բռնություն գործադրել նրա նկատմամբ` ձեռքերով ու ոտքերով հարվածներ հասցնելով վերջինիս, ով վայր է ընկել, ապա ոտքի կանգնելով` դիմել փախուստի»:
3. Առաջին ատյանի դատարանի՝ 2016 թվականի օգոստոսի 23-ի դատավճռի համաձայն.
«(...)
Դատարանը սույն գործով պատշաճ իրավական ընթացակարգի շրջանակներում հետազոտելով գործով ձեռք բերված ապացույցները և դրանք գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, վերլուծելով ամբաստանյալ Ժորա Գասպարյանին առաջադրված մեղադրանքը, ամբաստանյալի, վկաների ցուցմունքները, ամբաստանյալի մեղավորության մասին չփարատված բոլոր կասկածները նրա օգտին մեկնաբանելով, հանգում է հետևության, որ գործով ձեռք բերված ապացույցներով չի հիմնավորվել ՀՀ քրեական օրենսգրքի 258-րդ հոդվածի 4-րդ մասով նախատեսված` ամբաստանյալ Ժորա Գասպարյանի կողմից զենքի կամ որպես զենք օգտագործվող առարկաների գործադրմամբ խուլիգանություն կատարելու հանգամանքը, և Ժ.Գասպարյանի արարքը պետք է վերաորակել ՀՀ քրեական օրենսգրքի 258-րդ հոդվածի 3-րդ մասի 1-ին կետով հետևյալ պատճառաբանությամբ.
(...)
Դեռևս նախաքննության փուլում ամբաստանյալ Ժորա Գասպարյանը նշել է, որ պանդոկի դիմաց տեղադրված սեղաններից մեկից վերցրել է կավե կուժը և վազելով դեպի Փափազյան փողոց, նետել տաքսի ավտոմեքենայի ուղղությամբ` փորձելով կանգնեցնել այն, որպեսզի Ռ.Մելքումյանը չփախչի: Ամբաստանյալը նշել է նաև, որ իր այդ արարքով որևէ մեկի առողջությանը վնաս պատճառելու նպատակ կամ դիտավորություն չի ունեցել, այլ միայն ցանկացել է կանգնեցնել ավտոմեքենան:
Վկա Սոֆիկ Թոխյանը նախաքննության փուլում ցուցմունք է տվել և դատաքննության փուլում պնդել է, որ Ժորա Գասպարյանը կավե տարան նետել է տաքսի ավտոմեքենայի ուղղությամբ, իսկ այնուհետև ոտքով հարվածել է ավտոմեքենային` պահանջելով, որպեսզի վարորդն այն կանգնեցնի: Իր համոզմամբ` Ժորան կուժը նետել է միայն մեքենան կանգնեցնելու և Ռաֆայելի փախչելը կանխելու համար, և չի ցանկացել որևէ մեկին մարմնական վնասվածք պատճառել:
Վկա Արտյոմ Հովհաննիսյանը և' նախաքննության, և' դատաքննության փուլում նշել է, որ դեպքի պահին չի տեսել, թե մեքենային ինչով են հարվածել, իսկ երբ իջել է, տեսել է, որ վնասվել է մեքենայի ետևի վերևի` տանիքի հատվածը և հետևի աջ թևքը: Հետագայում իմացել է, որ մեքենայի վրա կուժ են նետել, որից էլ առաջացել են նշված վնասվածքները:
ՀՀ վճռաբեկ դատարանն իր 2007 թվականի մարտի 30-ի թիվ ՎԲ-46/07 որոշմամբ արտահայտել է հետևյալ իրավական դիրքորոշումն այն մասին, որ. «Արարքը ՀՀ քրեական օրենսգրքի 258-րդ հոդվածի 4-րդ մասով նախատեսված հանցակազմով` զենքի կամ որպես զենք օգտագործվող առարկաների գործադրմամբ խուլիգանություն որակելու համար բավարար չէ ուրիշի գույքը ոչնչացնելու կամ վնասելու հատկանիշը: ՀՀ քրեական օրենսգրքի 258-րդ հոդվածի 4-րդ մասով նախատեսված հանցակազմի համար պարտադիր է, որպեսզի հանցավորը զենք կամ որպես զենք օգտագործվող առարկայով մարմնական վնասվածք հասցնի կամ փորձի հասցնել, կամ էլ նրա գործողությունների հետևանքով անձանց կյանքի կամ առողջության համար իրական վտանգ ստեղծվի»:
ՀՀ վճռաբեկ դատարանի արտահայտած վերոհիշյալ իրավական դիրքորոշման լույսի ներքո վերլուծելով սույն գործի փաստական հանգամանքները, դատարանը փաստում է, որ թեև ամբաստանյալ Ժորա Գասպարյանը կավե գինու տարան նետել է տաքսի ավտոմեքենայի ուղղությամբ և վնասել այն, սակայն դրա հետևանքով որևէ անձի մարմնական վնասվածք չի հասցրել, այդպիսի փորձ չի արվել, ավելին` դատարանը գտնում է, որ ամբաստանյալի գործողությունների հետևանքով մարմնական վնասվածքներ հասցնելու նպատակ չի ունեցել, այդ գործողություններով այլ անձանց կյանքի կամ առողջության համար իրական վտանգ չի ստեղծվել:
Այսպիսով, դատարանը գտնում է, որ Ժորա Գասպարյանի գործողությունները համապատասխանում են ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության հատկանիշներին:
(...)
Դատարանն առաջադրված մեղադրանքը ՀՀ քրեական օրենսգրքի 258-րդ հոդվածի 3-րդ մասի 1-ին կետով փոփոխելը հնարավոր է համարում, քանի որ մեղադրանքի նման փոփոխությունով ամբաստանյալի վիճակը չի վատթարանում, ավելին` դրանով ամբաստանյալի վիճակը բարելավվում է: Նման փոփոխությունով չի խախտվում նաև նրա պաշտպանության իրավունքը, քանի որ արարքի փաստական հանգամանքներն ինքնին ընդգրկված են եղել առաջադրված մեղադրանքի ծավալում, որի դեմ թե գործի նախաքննության փուլում, թե դատական քննության փուլում, ամբաստանյալը պաշտպանվելու իրական հնարավորություն ունեցել է:
Այսպիսով, դատարանն ապացուցված է համարում Ժորա Գասպարյանի մեղավորությունը ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցանք կատարելու մեջ:
(...)
Ամբաստանյալ Ժորա Գասպարյանի անձը բնութագրող տվյալներ դատարանը հաշվի է առնում, որ նա բնութագրվում է դրական, նախկինում դատված չէ: Ամբաստանյալի պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և զղջացել կատարած արարքի համար, ֆիզիկապես վատառողջ է, տուժողի ներկայացուցիչը որևէ բողոք կամ վնասի հատուցման պահանջ չի ներկայացրել:
Ամբաստանյալի պատասխանատվությունն ու պատիժը ծանրացնող հանգամանքներ դատարանը չի արձանագրել:
(...)
Դատարանն ամբաստանյալ Ժորա Գասպարյանի նկատմամբ պատիժ նշանակելիս հաշվի է առնում հանցագործության կատարման եղանակը, հանցավոր մտադրության իրականացման աստիճանը, անձը բնութագրող տվյալները, պատասխանատվությունն ու պատիժը մեղմացնող հանգամանքները, ինչպես նաև պատասխանատվությունն ու պատիժը ծանրացնող հանգամանքների բացակայությունը: Նշված պայմաններում դատարանը գտնում է, որ ամբաստանյալ Ժորա Գասպարյանի նկատմամբ պատիժ պետք է նշանակել տուգանքի ձևով:
(…)»:
Վերաքննիչ բողոքի հիմքերը, հիմնավորումները և պահանջը.
Վերաքննիչ բողոքը քննվում է հետևյալ հիմքերի սահմաններում` ներքոհիշյալ հիմնավորումներով.
4. Բողոքի հեղինակը փաստարկել է, որ Առաջին ատյանի դատարանը թույլ է տվել դատական սխալ՝ նյութական իրավունքի այնպիսի էական խախտում, որն ազդել է գործի ելքի վրա:
Ի հիմնավորումն վերը նշված փաստարկի` բողոքի հեղինակը մասնավորապես նշել է, որ Առաջին ատյանի դատարանի հետևությունն առ այն, որ ամբաստանյալ Ժորա Գասպարյանը թեև կավե գինու տարան նետել է տաքսի ավտոմեքենայի ուղղությամբ և վնասել այն, սակայն դրա հետևանքով որևէ անձի մարմնական վնասվածք չի հասցրել, այդպիսի փորձ չի արվել, ամբաստանյալն իր գործողություններով մարմնական վնասվածքներ հասցնելու նպատակ չի ունեցել, այդ գործողություններով այլ անձանց կյանքի կամ առողջության համար իրական վտանգ չի ստեղծվել, չի համապատասխանում դատաքննության ընթացքում հետազոտված ապացույցներին:
Ըստ բողոքի հեղինակի՝ եթե գինու կավե տարան նետելը որևէ անձի մարմնական վնասվածք հասցնելու նպատակ չի հետապնդել, ապա ինչու է Ժ.Գասպարյանը դրանից անմիջապես հետո մի խումբ անձանց հետ միասին վազելով մոտեցել տաքսի ավտոմեքենային, հետևի նստատեղից իջեցրել Ռ.Մելքումյանին և կրկին բռնություն գործադրել նրա նկատմամբ, ինչը հաստատված է համարվել նաև Առաջին ատյանի դատարանի դատական ակտում: Այն է՝ Առաջին ատյանի դատարանը հաստատված է համարել, որ Ժ.Գասպարյանը, կավե գինու տարան Ռ.Մելքումյանի ուղղությամբ նետելուց հետո, վկա Ա.Թեջոյանի և ևս 4-5 անձանց հետ վազելով մոտեցել է տաքսի ավտոմեքենային, Ռ.Մելքումյանին իջեցրել հետևի նստատեղից և մյուսների հետ միասին հարվածել նրան, ով վայր է ընկել, ապա ոտքի կանգնելով՝ փախել է Կոմիտասի պողոտայի ուղղությամբ, որից հետո Ժ.Գասպարյանն ու մյուսները հետապնդել են նրան, սակայն չեն կարողացել բռնել:
Բողոքի հեղինակը նաև նշել է, որ Առաջին ատյանի դատարանը, որպես ամբաստանյալի պատասխանատվությունն ու պատիժը մեղմացնող հանգամանք է հաշվի առել նաև այն, որ նա ընդունել է մեղքը և զղջացել կատարածի արարքի համար, սակայն դատաքննության ընթացքում՝ ամբաստանյալի դիրքորոշումը ճշտելիս, դատարանի առաջադրած այն հարցին, թե առաջադրված մեղադրանքում ամբաստանյալն արդյոք իրեն մեղավոր է ճանաչում, վերջինս հայտնել է, որ մեղադրանքը հասկանալի է, սակայն իրեն մեղավոր չի ճանաչում: Ուստի, Առաջին ատյանի դատարանը հաշվի է առել իրականում գոյություն չունեցող հանգամանք, նաև դրանով հիմնավորելով ամբաստանյալի նկատմամբ տուգանքի ձևով պատժի նշանակումը:
Արդյունքում, բողոքի հեղինակը խնդրել է Առաջին ատյանի դատարանի 2016 թվականի օգոստոսի 23-ի դատավճիռը բեկանել, ամբաստանյալ Ժ.Գասպարյանին մեղավոր ճանաչել ՀՀ քրեական օրենսգրքի 258-րդ հոդվածի 4-րդ մասով նախատեսված հանցանք կատարելու մեջ և նրա նկատմամբ պատիժ նշանակել ազատազրկում՝ 4 (չորս) տարի ժամկետով:
Վերաքննիչ դատարանի պատճառաբանություններն ու եզրահանգումը.
5. ՀՀ քրեական դատավարության օրենսգրքի 381-րդ հոդվածի 3-րդ մասի համաձայն`
«Վերաքննիչ բողոքի հիմքերը, հիմնավորումները և պահանջը ներկայացվում են բացառապես վերաքննիչ բողոքում, և դրանք չեն կարող փոփոխվել և լրացվել գործի դատական քննության ընթացքում»:
ՀՀ քրեական դատավարության օրենսգրքի 385-րդ հոդվածի 1-ին մասի համաձայն`
«Վերաքննիչ դատարանը դատական ակտը վերանայում է վերաքննիչ բողոքի հիմքերի և հիմնավորումների սահմաններում»:
Մեջբերված քրեադատավարական իրավադրույթների լույսի ներքո վերլուծելով սույն որոշման 4-րդ կետում շարադրված վերաքննիչ բողոքի հիմքերն ու հիմնավորումները՝ Վերաքննիչ դատարանն արձանագրում է, որ նախ պետք է պատասխանել այն հարցին, թե հիմնավորվա՞ծ է արդյոք Առաջին ատյանի դատարանի հետևությունն այն մասին, որ Ժ.Գասպարյանի արարքը համապատասխանում է ՀՀ քրեական օրենսգրքի 258-րդ հոդվածի ոչ թե 4-րդ մասով, այլ՝ նույն հոդվածի 3-րդ մասի 1-ին կետով նախատեսված հանցակազմի հատկանիշներին:
Այսպես.
ՀՀ քրեական օրենսգրքի 258-րդ հոդվածի համաձայն.
«1. Խուլիգանությունը դիտավորությամբ հասարակական կարգը կոպիտ կերպով խախտել[ն է], որն արտահայտվել է հասարակության նկատմամբ բացահայտ անհարգալից վերաբերմունքով (…):
2. Նույն արարքը, որը զուգորդվել է անձի նկատմամբ բռնություն գործադրելով կամ դա գործադրելու սպառնալիքով, ինչպես նաև ուրիշի գույքը ոչնչացնելով կամ վնասելով (…):
3. Սույն հոդվածի երկրորդ մասով նախատեսված արարքը, որը`
1) կատարվել է մի խումբ անձանց կամ կազմակերպված խմբի կողմից,
(…)
4. Սույն հոդվածի երկրորդ կամ երրորդ մասով նախատեսված արարքը, որը կատարվել է զենքի կամ որպես զենք օգտագործվող առարկաների գործադրմամբ՝ (…)»:
ՀՀ քրեական դատավարության օրենսգրքի 8-րդ հոդվածի 4-րդ մասի համաձայն`
«Որոշակի փաստական հանգամանքներ ունեցող գործով վճռաբեկ դատարանի կամ Մարդու իրավունքների եվրոպական դատարանի դատական ակտի հիմնավորումները, այդ թվում` օրենքի մեկնաբանությունները, պարտադիր են դատարանի համար նույնանման փաստական հանգամանքներով գործի քննության ժամանակ, բացառությամբ այն դեպքի, երբ վերջինիս ծանրակշիռ փաստարկների մատնանշմամբ հիմնավորվում է, որ դրանք կիրառելի չեն տվյալ փաստական հանգամանքների նկատմամբ»:
Խուլիգանության հանցակազմի առանձնահատկություններին ՀՀ վճռաբեկ դատարանն անդրադարձել է Շ.Հախվերդյանի գործով որոշման մեջ, որտեղ իրավական դիրքորոշում է ձևավորել այն մասին, որ «(…) արարքը խուլիգանություն կարող է որակվել այն դեպքում, երբ անձի մոտ առկա են խուլիգանական դրդումներ: Վերոգրյալի հետ մեկտեղ Վճռաբեկ դատարանը հարկ է համարում ընդգծել, որ արարքը խուլիգանություն կարող է որակվել նաև այն դեպքերում, երբ անձի մոտ առկա են հանցանքի կատարման այլ դրդումներ, սակայն հանցանքի կատարման ընթացքում ձևավորվում են խուլիգանական դրդումներ, այլ խոսքով՝ արարքը կվերաճի խուլիգանության՝ հասարակական կարգի կոպիտ խախտման, որը դրսևորվել է հասարակության նկատմամբ բացահայտ անհարգալից վերաբերմունքով:
(…)
[Ա]րարքը չի կարող որակվել որպես խուլիգանություն (ՀՀ քրեական օրենսգրքի 258-րդ հոդված) այն դեպքերում, երբ`
ա) արարքը կատարվում է ոչ հասարակական վայրում և (կամ) հասարակության անդամների բացակայությամբ,
բ) արարքի հետևանքով հասարակությանը լուրջ անհանգստություն չի պատճառվել,
գ) հանցավորի գործողությունները պայմանավորված են տուժողի հակաօրինական, հակաբարոյական վարքագծով և ուղղված են նրա, այլ ոչ թե հասարակության դեմ,
դ) բացակայում են խուլիգանական դրդումները, իսկ անձի արարքները պայմանավորված են նրա հուզական վիճակով,
ե) հասարակական կարգի կոպիտ խախտման նկատմամբ դրսևորվել է անզգուշություն,
զ) հասարակական կարգը կոպիտ կերպով խախտող արարքը համընկնում է ՀՀ քրեական օրենսգրքով նախատեսված այլ հանցակազմի հատկանիշների հետ, սակայն դրա կատարմամբ հանցավորը հասարակական կարգը կոպիտ կերպով խախտելու և հասարակության նկատմամբ բացահայտ անհարգալից վերաբերմունք դրսևորելու նպատակ չունի,
է) այլ դրդումներով կատարված հանցանքը չի վերաճել հասարակական կարգի կոպիտ խախտման, որը դրսևորվել է հասարակության նկատմամբ բացահայտ անհարգալից վերաբերմունքով» (տե՛ս Շահեն Նշանի Հախվերդյանի գործով ՀՀ վճռաբեկ դատարանի 2012 թվականի մարտի 30-ի թիվ ԱՎԴ/0014/01/11 որոշումը):
ՀՀ քրեական օրենսգրքի 258-րդ հոդվածի 4-րդ մասով նախատեսված հանցակազմի բովանդակության բացահայտմանը՝ զենք կամ որպես զենք օգտագործվող առարկաների գործադրում հասկացության տեսանկյունից, ՀՀ վճռաբեկ դատարանն անդրադարձել է Ա.Սերոբյանի գործով որոշման մեջ, որտեղ իրավական դիրքորոշում է ձևավորել այն մասին, որ. «(…) արարքը ՀՀ քրեական օրենսգրքի 258-րդ հոդվածի 4-րդ մասով նախատեսված հանցակազմով` զենքի և որպես զենք օգտագործվող առարկաների գործադրմամբ խուլիգանություն որակելու համար բավարար չէ զենք կամ որպես զենք օգտագործվող առարկայի գործադրմամբ ուրիշի գույքը ոչնչացնելու կամ վնասելու հատկանիշը։ ՀՀ քրեական օրենսգրքի 258-րդ հոդվածի 4-րդ մասով նախատեսված հանցակազմի համար պարտադիր է, որպեսզի հանցավորը խուլիգանական գործողություններ կատարելու ընթացքում զենք կամ որպես զենք օգտագործվող առարկայով մարմնական վնասվածք հասցնի կամ փորձի հասցնել, կամ էլ նրա գործողությունների հետևանքով անձանց կյանքի կամ առողջության համար իրական վտանգ ստեղծվի» (տե՛ս Արթուր Խաչատուրի Սերոբյանի գործով ՀՀ վճռաբեկ դատարանի 2007 թվականի հունվարի 19-ի ՎԴ-85/07 որոշումը):
6. Նախ, Ա.Սերոբյանի գործով ՀՀ վճռաբեկ դատարանի՝ նախորդ կետում մեջբերված իրավական դիրքորոշման լույսի ներքո վերլուծելով նախաքննության մարմնի կողմից Ժ.Գասպարյանին ՀՀ քրեական օրենսգրքի 258-րդ հոդվածի 4-րդ մասով առաջադրված մեղադրանքի փաստական կողմի`«(...) պանդոկի դիմաց տեղադրված սեղաններից մեկից վերցնելով որպես զենք օգտագործվող կավե գինու տարան, այն նետել է վերջինիս նստած տաքսի ավտոմեքենայի վրա` վնասելով այն, որից հետո հասնելով տաքսի ավտոմեքենային, ինքնությունը չպարզված մի խումբ անձանց հետ ոտքերով հարվածել և կրկին վնասել են այն, որից հետո ավտոմեքենայից հանել են Ռաֆայել Մելքումյանին, շարունակել բռնություն գործադրել նրա նկատմամբ (...)» ձևակերպումը, պետք է արձանագրել, որ մեջբերվածն ընդհանրապես չի ներառում նկարագրված արարքը ՀՀ քրեական օրենսգրքի 258-րդ հոդվածի 4-րդ մասով որակելու համար անհրաժեշտ փաստական հիմքը՝ որպես զենք օգտագործվող առարկայով մարմնական վնասվածք հասցնելը կամ այդ առարկայով մարմնական վնասվածք հասցնելու փորձը, կամ դրա հետևանքով անձանց կյանքի կամ առողջության համար իրական վտանգ ստեղծելը: Հետևապես, այդ փաստն արդեն իսկ բացառել է Առաջին ատյանի դատարանի՝ ամբաստանյալ Ժ.Գասպարյանի նկատմամբ ՀՀ քրեական օրենսգրքի 258-րդ հոդվածի 4-րդ մասով մեղադրական դատավճիռ կայացնելու հնարավորությունը:
Դրա հետ մեկտեղ, Առաջին ատյանի դատարանում հետազոտված ապացույցների համակցությունն իր հերթին հիմք չի տալիս ՀՀ վճռաբեկ դատարանի՝ վերը նշված մեկնաբանման լույսի ներքո չհամաձայնելու Առաջին ատյանի դատարանի հետևությանն առ այն, որ գործով ձեռք բերված ապացույցներով չի հիմնավորվել ամբաստանյալ Ժ.Գասպարյանի կողմից ՀՀ քրեական օրենսգրքի 258-րդ հոդվածի 4-րդ մասով նախատեսված՝ զենքի կամ որպես զենք օգտագործվող առարկայի գործադրմամբ խուլիգանություն կատարելը, և որ նրա արարքը ենթակա է որակման ՀՀ քրեական օրենսգրքի 258-րդ հոդվածի 3-րդ մասի 1-ին կետով:
Ինչ վերաբերում է բողոքի հեղինակի այն դատողությանը, որ եթե գինու կավե տարան նետելը որևէ անձի մարմնական վնասվածք հասցնելու նպատակ չհետապնդեր, ապա դրանից անմիջապես հետո ամբաստանյալն ու մյուսները վազելով չէին մոտենա տաքսի ավտոմեքենային, հետևի նստատեղից չէին իջեցնի Ռ.Մելքումյանին և կրկին բռնություն չէին գործադրի նրա նկատմամբ, ապա պետք է արձանագրել, որ վերը նշվածի պայմաններում այդ փաստարկին մանրամասն անդրադառնալն այլևս զուրկ է իրավական արժեքից: Ավելին, Շ.Հախվերդյանի գործով ՀՀ վճռաբեկ դատարանի՝ սույն որոշման 5-րդ կետում մեջբերված իրավական դիրքորոշման լույսի ներքո այդ դատողությունն ու դրա հիմքում դրված փաստարկն ամբաստանյալի արարքը ՀՀ քրեական օրենսգրքի 258-րդ հոդվածի 4-րդ մասով որակելու տեսանկյունից առարկայազուրկ են, հաշվի առնելով նաև այն հանգամանքը, որ ամբաստանյալի կողմից գինու կավե տարան նետելուն նախորդել է Ռ.Մելքումյանի կողմից Ռ.Ներսեսյանին դանակահարելը:
Վերաքննիչ դատարանը գտնում է, որ գործի փաստական հանգամանքների մասին Առաջին ատյանի դատարանի՝ սույն որոշման 3-րդ կետում մեջբերված հետևությունները համապատասխանում են գործի փաստական հանգամանքներին, իսկ ամբաստանյալ Ժ.Գասպարյանի արարքի ՀՀ քրեական օրենսգրքի 258-րդ հոդվածի 3-րդ մասի 1-ին կետով որակման վերաբերյալ հետևությունը՝ հիմնավորված է ու իրավաչափ:
Անդրադառնալով ամբաստանյալի կողմից մեղքը չընդունելու վերաբերյալ բողոքի հեղինակի փաստարկին՝ Վերաքննիչ դատարանն արձանագրում է, որ ըստ գործի նյութերի՝ ամբաստանյալն իրեն մեղավոր չի ճանաչել ՀՀ քրեական օրենսգրքի 258-րդ հոդվածի 4-րդ մասով առաջադրված մեղադրանքում, փոխարենը՝ պաշտպանության կողմն ինքն է միջնորդել ամբաստանյալի արարքը որակել ՀՀ քրեական օրենսգրքի 258-րդ հոդվածի 3-րդ մասի 1-ին կետով, ինչը վկայում է այն մասին, որ ամբաստանյալը փաստացի ընունել է իր մեղավորությունը՝ ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցանք կատարելու մեջ, որի առնչությամբ նաև հանդես է եկել զղջման մասին հայտարարությամբ:
Նշվածի համատեքստում անդրադառնալով նաև բողոքի հեղինակի՝ ամբաստանյալի նկատմամբ նշանակված պատժի վերաբերյալ փաստարկին՝ Վերաքննիչ դատարանը գտնում է, որ Առաջին ատյանի դատարանն ամբաստանյալ Ժ.Գասպարյանի նկատմամբ նշանակել է այնպիսի պատիժ, որը ՀՀ քրեական դատավարության օրենսգրքի 399-րդ հոդվածի 1-ին մասի իմաստով չի կարող գնահատվել ակնհայտ մեղմ և հիմք հանդիսանալ պատժի խստացման համար:
Ամփոփելով վերը շարադրված դատողությունները` Վերաքննիչ դատարանը գտնում է, որ Առաջին ատյանի դատարանի՝ 2016 թվականի օգոստոսի 23-ի դատավճիռը բեկանելու, ամբաստանյալ Ժ.Գասպարյանի արարքը ՀՀ քրեական օրենսգրքի 258-րդ հոդվածի 4-րդ մասով որակելու և նրա նկատմամբ 4(չորս) տարի ժամկետով ազատազրկում պատիժ նշանակելու իրավաչափ հիմքեր չկան, ուստի Առաջին ատյանի դատարանի՝ վերը նշված դատական ակտը պետք է թողնել օրինական ուժի մեջ, իսկ դրա դեմ Երևան քաղաքի Արաբկիր և Քանաքեռ-Զեյթուն վարչական շրջանների դատախազության ավագ դատախազ Էդ.Պետրոսյանի կողմից բերված վերաքննիչ բողոքը պետք է մերժել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 393-394-րդ հոդվածներով՝ Վերաքննիչ դատարանը.
Ո Ր Ո Շ Ե Ց
Վերաքննիչ բողոքը մերժել:
Ամբաստանյալ Ժորա Դավթի Գասպարյանի վերաբերյալ ՀՀ քրեական օրենսգրքի 258-րդ հոդվածի 3-րդ մասի 1-ին կետով Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի՝ 2016 թվականի օգոստոսի 23-ի դատավճիռը թողնել օրինական ուժի մեջ:
Որոշումը կարող է բողոքարկվել ՀՀ վճռաբեկ դատարան` հրապարակման պահից մեկամսյա ժամկետում:
ՆԱԽԱԳԱՀՈՂ ԴԱՏԱՎՈՐ` Ռ.ՄԽԻԹԱՐՅԱՆ
ԴԱՏԱՎՈՐՆԵՐ՝ Ս.ՉԻՉՈՅԱՆ
Մ.ԱՐՂԱՄԱՆՅԱՆ
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆ
Ո Ր Ո Շ ՈՒ Մ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՀՀ վերաքննիչ քրեական դատարանը (այսուհետ նաև` Վերաքննիչ դատարան) հետևյալ կազմով.
նախագահող դատավոր` Ռ.Մխիթարյան
դատավորներ` Ս.Չիչոյան
Մ.Արղամանյան
քարտուղարությամբ` Մ.Մահտեսյանի
Ա.Գրիգորյանի
մասնակցությամբ`
ամբաստանյալ Ժ.Գասպարյանի
պաշտպան Լ.Զեյնալյանի
2017 թվականի փետրվարի 22-ին, Երևան քաղաքում,
դռնբաց դատական նիստում, Երևան քաղաքի Արաբկիր և Քանաքեռ-Զեյթուն վարչական շրջանների դատախազության ավագ դատախազ Էդ.Պետրոսյանի վերաքննիչ բողոքի հիման վրա քննության առնելով քրեական գործն ըստ մեղադրանքի Ժորա Դավթի Գասպարյանի` ՀՀ քրեական օրենսգրքի 258-րդ հոդվածի 4-րդ մասով,
Պ Ա Ր Զ Ե Ց
Գործի դատավարական նախապատմությունը.
1. 2015 թվականի հունիսի 18-ին ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում հարուցվել է թիվ 14136215 քրեական գործը` ՀՀ քրեական օրենսգրքի 112-րդ հոդվածի 1-ին մասով:
2015 թվականի օգոստոսի 3-ին թիվ 14136215 քրեական գործի նյութերով հարուցվել և առանձնացվել է թիվ 14146515 քրեական գործը՝ ՀՀ քրեական օրենսգրքի 258-րդ հոդվածի 4-րդ մասով և ՀՀ քրեական օրենսգրքի 131-րդ հոդվածի 2-րդ մասի 2-րդ և 3-րդ կետերով:
2015 թվականի օգոստոսի 13-ին Ժորա Դավթի Գասպարյանը թիվ 14146515 քրեական գործով ներգրավվել է որպես մեղադրյալ, և նրան մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով:
Նույն օրը մեղադրյալ Ժ.Գասպարյանի նկատմամբ որպես խափանման միջոց է ընտրվել ստորագրությունը՝ չհեռանալու մասին:
2015 թվականի նոյեմբերի 26-ին Ժորա Գասպարյանին առաջադրված մեղադրանքը լրացվել է և նրան նոր մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով:
2015 թվականի դեկտեմբերի 8-ին թիվ 14146515 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան (այսուհետ նաև` Առաջին ատյանի դատարան):
Առաջին ատյանի դատարանի 2016 թվականի օգոստոսի 23-ի դատավճռով Ժորա Դավթի Գասպարյանը մեղավոր է ճանաչվել ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցանք կատարելու մեջ և նրա նկատմամբ պատիժ է նշանակվել տուգանք` նվազագույն աշխատավարձի հինգհարյուրհիսունապատիկի` 500.000 (հինգ հարյուր հազար) ՀՀ դրամի չափով:
Առաջին ատյանի դատարանի՝ վերը նշված դատավճռի դեմ վերաքննիչ բողոք է բերել գործով մեղադրող, Երևան քաղաքի Արաբկիր և Քանաքեռ-Զեյթուն վարչական շրջանների դատախազության ավագ դատախազ Էդ. Պետրոսյանը:
Գործի փաստական հանգամանքները և վերաքննիչ բողոքի քննության համար նշանակություն ունեցող փաստերը.
2. Ժորա Դավթի Գասպարյանին ՀՀ քրեական օրենսգրքի 258-րդ հոդվածի 4-րդ մասով մեղադրանք է առաջադրվել այն բանի համար, որ. «նա, ընկերոջ` Ռուսլան Ներսեսյանի, և ինքնությունը չպարզված մի խումբ անձանց հետ 2015թ. հունիսի 17-ին ժամը 22:30-ի սահմաններում կատարել է բռնության գործադրմամբ զուգորդված խուլիգանություն:
Այսպես` Ժորա Դավթի Գասպարյանն իր ծանոթ Սոֆիկ Օնիկի Թոխյանի միջոցով ծանոթացել է Հռիփսիմե Լևոնի Հարությունյանի հետ, որից հետո սկսել է անընդհատ զանգել և անհանգստացնել նրան: 2015թ. հունիսի 17-ին, երբ Հռիփսիմե Հարությունյանը, Սոֆիկ Թոխյանը և վերջինիս ընկեր Ռաֆայել Մելքումյանը նստած են եղել Երևան քաղաքի «Կասկադ» համալիրի մոտ գտնվող սրճարանում, Ժորա Գասպարյանն անընդհատ զանգել է Հռիփսիմե Հարությունյանին և Սոֆիկ Թոխյանին, սակայն նրանք հեռախոսազանգերին չեն պատասխանել, որից հետո Հռիփսիմե Հարությունյանը Ռաֆայել Մելքումյանին խնդրել է խոսել Ժորա Գասպարյանի հետ և ասել, որ այլևս նրանց չանհանգստացնի: Ռաֆայել Մելքումյանը զանգահարել է Ժորա Գասպարյանին, ներկայացել Հռիփսիմե Հարությունյանի մտերիմ անձնավորություն և պահանջել, որ Ժորա Գասպարյանը այլևս նրան չանհանգստացնի: Այդ ժամանակ Ժորա Գասպարյանն առաջարկել է հանդիպել Երևան քաղաքի Կոմիտասի պողոտայում, որին Ռաֆայել Մելքումյանը համաձայնել է: Դրանից հետո Ժորա Գասպարյանը զանգել է իր ընկեր Ռուսլան Արարատի Ներսեսյանին, հայտնել իր և Ռաֆայել Մելքումյանի պայմանավորվածության մասին, և Ռուսլան Ներսեսյանի առաջարկությամբ զանգել է Ռաֆայել Մելքումյանին և ասել, որ կարող են հանդիպել Երևան քաղաքի Փափազյան փողոցում գտնվող ՙ «Երիցյաններ» առևտրի կենտրոնի մոտ, որին նույնպես Ռաֆայել Մելքումյանը համաձայնել է: Դրանից հետո Ժորա Գասպարյանը Երևան քաղաքի Փափազյան-Ա.Խաչատրյան փողոցների խաչմերուկում հանդիպել է Ռուսլան Ներսեսյանին և նրա ընկերներին, որից հետո Ռուսլան Ներսեսյանը զանգահարել է Սոֆիկ Թոխյանին և հեգնանքով խոսելով հարցրել, թե ում է բերում Ժորա Գասպարյանի հետ հանդիպման: Ռուսլան Ներսեսյանի հեգնանքով և վիրավորական արտահայտություններով խոսելու պատճառով վերջինիս և Սոֆիկ Թոխյանի խոսակցությունը թեժացել է և ընթացքում Սոֆիկ Թոխյանը Ռուսլան Ներսեսյանին անվանել է «թուլա», ինչը վերածվել է լեզվակռվի և Ռուսլան Ներսեսյանը վրդովված լինելով իր վիրավորական արտահայտություններին համարժեք պատասխան տված Սոֆիկ Թոխյանի արտահայտություններից, սեփական անձի առավելությունը ընդգծելու մոլուցքով տարված, Սոֆիկ Թոխյանին ասել է` «ես քո համար Ժորիկը չեմ, չշփոթես հանկարծ», որից հետո Սոֆիկ Թոխյանը հեռախոսը փոխանցել է Ռաֆայել Մելքումյանին, ում հետ խոսելու ժամանակ Ռուսլան Ներսեսյանը պահանջել է, որ վերջինս իր հետ հանդիպման բերի այդ աղջկան` Սոֆիկ Թոխյանին: Ռաֆայել Մելքումյանը, Սոֆիկ Թոխյանը և Հռիփսիմե Հարությունյանը պատահական տաքսի ավտոմեքենայով գնացել են Սոֆիկ Թոխյանի բնակության վայր հանդիսացող Այգեկցի 100/1 տան մոտ, որտեղ Հռիփսիմե Հարությունյանը իջել է ավտոմոբիլից, իսկ Ռաֆայել Մելքումյանը և Սոֆիկ Թոխյանը գնացել են Երևան քաղաքի Փափազյան փողոցում գտնվող «Երիցյաններ» առևտրի կենտրոնի մոտ, որտեղ նրանց դիմավորել են Ժորա Գասպարյանը, Ռուսլան Ներսեսյանը, Արման Թեջոյանը ու Ռուսլան Ներսեսյանի առաջարկով քայլել Փափազյան-Ա.Խաչատրյան փողոցների խաչմերուկի մոտ գտնվող «Գենացվալե» պանդոկի կողային հատված, իսկ շենքի հետևի հատվածում կանգնած են եղել Ռուսլան Ներսեսյանի ընկերները` ինքնությունը չպարզված 4-5 տղաներ: Հասնելով շենքի կողային հատված, Ռուսլան Ներսեսյանը Սոֆիկ Թոխյանի հետ չնչին առիթով ծագած լեզվակռիվը և իր հասցրած վիրավորանքներին Սոֆիկ Թոխյանի կողմից պատասխանել համարձակվելու հանգամանքը պարզաբանելու նպատակով Ռաֆայել Մելքումյանին հարցրել է, թե նա տեր է Սոֆիի ասածներին, որին Ռաֆայել Մելքումյանը ասել է, որ տեր է, սակայն ինքը եկել է Ժորա Գասպարյանի հետ խոսելու, իսկ մնացած մասով ընկերների հետ կգա` կխոսեն: Այդ ժամանակ Ռուսլան Ներսեսյանն առաջարկել է խոսակցությունը շարունակել պանդոկի շինության հետնամասում, որտեղ կանգնած են եղել վերը նշված 4-5 տղաները, սակայն Ռաֆայել Մելքումյանը և Սոֆիկ Թոխյանը, տեսնելով այնտեղ հավաքված տղաներին, վախեցել են և հրաժարվել քայլել շենքի հետնամաս, ինչից հետո Սոֆիկ Թոխյանը Ռաֆայել Մելքումյանի ձեռքից քաշելով գնացել են մարդաշատ վայր` Ա.Խաչատրյան-Փափազյան փողոցների խաչմերուկի մոտ, Ժորա Գասպարյանին առաջարկելով խոսակցությունը շարունակել այնտեղ, սակայն Ժորա Գասպարյանը ձեռքով ցույց տալով շենքի հետնամասը` շարունակել է պահանջել քայլել այդ ուղղությամբ:
Հասկանալով, որ Սոֆիկ Թոխյանը և Ռաֆայել Մելքումյանը հրաժարվում են քայլել ոչ մարդաշատ վայր, Ժորա Գասպարյանը մոտեցել է նրանց և այդ մարդաշատ տարածքում սկսել հեգնանքով և վիրավորական արտահայտություններով խոսել Սոֆիկ Թոխյանի հետ, որի ընթացքում Սոֆիկ Թոխյանը նրան անվանել է «թուլա լակոտ»: Այդ ժամանակ Ժորա Գասպարյանը դիտավորությամբ կոպիտ կերպով խախտել է հասարակական կարգը` հարվածներ հասցնելով Սոֆիկ Թոխյանին, ինչից հետո Ռաֆայել Մելքումյանը հարվածել է Ժորա Գասպարյանին: Շենքի հետնամասում սպասող մի խումբ անձինք և Ռուսլան Ներսեսյանն անմիջապես վազելով մոտեցել են Սոֆիկ Թոխյանին և Ռաֆայել Մելքումյանին, դիտավորությամբ կոպիտ կերպով խախտելով հասարակական կարգը մայթի բանուկ հատվածում, բազմաթիվ անցորդների, «Գենացվալե» պանդոկի աշխատակիցների և հաճախորդների ներկայությամբ բարձր գոռգոռոցներով սկսել են ձեռքերով ու ոտքերով հարվածներ հասցնել Սոֆիկ Թոխյանին և Ռաֆայել Մելքումյանին` բացահայտ անհարգալից վերաբերմունք դրսևորելով հասարակության անդամների նկատմամբ, ինչի հետևանքով ոչ միայն տարածքում գտնվող անձանց մոտ սեփական անձի նկատմամբ վախի և տագնապի մթնոլորտ են ստեղծել, այլ նաև խաթարել են առևտրի օբյեկտի բնականոն աշխատանքը: Այդ ընթացքում Ռաֆայել Մելքումյանը մի պահ գտնվելով փոխադարձ կռվի մեջ Ռուսլան Ներսեսյանի հետ, դանակով հարվածել է նրան` դիտավորությամբ վերջինիս առողջությանը պատճառելով ծանր վնաս, և Սոֆիկ Թոխյանի ձեռքից բռնելով ասել է` «Սոֆ թռանք» ու դիմել փախուստի` վազելով Փափազյան փողոցի դիմացի մայթ, ընթացքից նստել այնտեղով անցնող տաքսի ավտոմեքենայի հետևի նստատեղին` Սոֆիկ Թոխյանին թողնելով փողոցում: Այդ ժամանակ Ժորա Գասպարյանը շարունակելով խուլիգանական գործողությունները, պանդոկի դիմաց տեղադրված սեղաններից մեկից վերցնելով որպես զենք օգտագործվող կավե գինու տարան, այն նետել է վերջինիս նստած տաքսի ավտոմեքենայի վրա` վնասելով այն, որից հետո հասնելով տաքսի ավտոմեքենային, ինքնությունը չպարզված մի խումբ անձանց հետ ոտքերով հարվածել և կրկին վնասել են այն, որից հետո ավտոմեքենայից հանել են Ռաֆայել Մելքումյանին, շարունակել բռնություն գործադրել նրա նկատմամբ` ձեռքերով ու ոտքերով հարվածներ հասցնելով վերջինիս, ով վայր է ընկել, ապա ոտքի կանգնելով` դիմել փախուստի»:
3. Առաջին ատյանի դատարանի՝ 2016 թվականի օգոստոսի 23-ի դատավճռի համաձայն.
«(...)
Դատարանը սույն գործով պատշաճ իրավական ընթացակարգի շրջանակներում հետազոտելով գործով ձեռք բերված ապացույցները և դրանք գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, վերլուծելով ամբաստանյալ Ժորա Գասպարյանին առաջադրված մեղադրանքը, ամբաստանյալի, վկաների ցուցմունքները, ամբաստանյալի մեղավորության մասին չփարատված բոլոր կասկածները նրա օգտին մեկնաբանելով, հանգում է հետևության, որ գործով ձեռք բերված ապացույցներով չի հիմնավորվել ՀՀ քրեական օրենսգրքի 258-րդ հոդվածի 4-րդ մասով նախատեսված` ամբաստանյալ Ժորա Գասպարյանի կողմից զենքի կամ որպես զենք օգտագործվող առարկաների գործադրմամբ խուլիգանություն կատարելու հանգամանքը, և Ժ.Գասպարյանի արարքը պետք է վերաորակել ՀՀ քրեական օրենսգրքի 258-րդ հոդվածի 3-րդ մասի 1-ին կետով հետևյալ պատճառաբանությամբ.
(...)
Դեռևս նախաքննության փուլում ամբաստանյալ Ժորա Գասպարյանը նշել է, որ պանդոկի դիմաց տեղադրված սեղաններից մեկից վերցրել է կավե կուժը և վազելով դեպի Փափազյան փողոց, նետել տաքսի ավտոմեքենայի ուղղությամբ` փորձելով կանգնեցնել այն, որպեսզի Ռ.Մելքումյանը չփախչի: Ամբաստանյալը նշել է նաև, որ իր այդ արարքով որևէ մեկի առողջությանը վնաս պատճառելու նպատակ կամ դիտավորություն չի ունեցել, այլ միայն ցանկացել է կանգնեցնել ավտոմեքենան:
Վկա Սոֆիկ Թոխյանը նախաքննության փուլում ցուցմունք է տվել և դատաքննության փուլում պնդել է, որ Ժորա Գասպարյանը կավե տարան նետել է տաքսի ավտոմեքենայի ուղղությամբ, իսկ այնուհետև ոտքով հարվածել է ավտոմեքենային` պահանջելով, որպեսզի վարորդն այն կանգնեցնի: Իր համոզմամբ` Ժորան կուժը նետել է միայն մեքենան կանգնեցնելու և Ռաֆայելի փախչելը կանխելու համար, և չի ցանկացել որևէ մեկին մարմնական վնասվածք պատճառել:
Վկա Արտյոմ Հովհաննիսյանը և' նախաքննության, և' դատաքննության փուլում նշել է, որ դեպքի պահին չի տեսել, թե մեքենային ինչով են հարվածել, իսկ երբ իջել է, տեսել է, որ վնասվել է մեքենայի ետևի վերևի` տանիքի հատվածը և հետևի աջ թևքը: Հետագայում իմացել է, որ մեքենայի վրա կուժ են նետել, որից էլ առաջացել են նշված վնասվածքները:
ՀՀ վճռաբեկ դատարանն իր 2007 թվականի մարտի 30-ի թիվ ՎԲ-46/07 որոշմամբ արտահայտել է հետևյալ իրավական դիրքորոշումն այն մասին, որ. «Արարքը ՀՀ քրեական օրենսգրքի 258-րդ հոդվածի 4-րդ մասով նախատեսված հանցակազմով` զենքի կամ որպես զենք օգտագործվող առարկաների գործադրմամբ խուլիգանություն որակելու համար բավարար չէ ուրիշի գույքը ոչնչացնելու կամ վնասելու հատկանիշը: ՀՀ քրեական օրենսգրքի 258-րդ հոդվածի 4-րդ մասով նախատեսված հանցակազմի համար պարտադիր է, որպեսզի հանցավորը զենք կամ որպես զենք օգտագործվող առարկայով մարմնական վնասվածք հասցնի կամ փորձի հասցնել, կամ էլ նրա գործողությունների հետևանքով անձանց կյանքի կամ առողջության համար իրական վտանգ ստեղծվի»:
ՀՀ վճռաբեկ դատարանի արտահայտած վերոհիշյալ իրավական դիրքորոշման լույսի ներքո վերլուծելով սույն գործի փաստական հանգամանքները, դատարանը փաստում է, որ թեև ամբաստանյալ Ժորա Գասպարյանը կավե գինու տարան նետել է տաքսի ավտոմեքենայի ուղղությամբ և վնասել այն, սակայն դրա հետևանքով որևէ անձի մարմնական վնասվածք չի հասցրել, այդպիսի փորձ չի արվել, ավելին` դատարանը գտնում է, որ ամբաստանյալի գործողությունների հետևանքով մարմնական վնասվածքներ հասցնելու նպատակ չի ունեցել, այդ գործողություններով այլ անձանց կյանքի կամ առողջության համար իրական վտանգ չի ստեղծվել:
Այսպիսով, դատարանը գտնում է, որ Ժորա Գասպարյանի գործողությունները համապատասխանում են ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության հատկանիշներին:
(...)
Դատարանն առաջադրված մեղադրանքը ՀՀ քրեական օրենսգրքի 258-րդ հոդվածի 3-րդ մասի 1-ին կետով փոփոխելը հնարավոր է համարում, քանի որ մեղադրանքի նման փոփոխությունով ամբաստանյալի վիճակը չի վատթարանում, ավելին` դրանով ամբաստանյալի վիճակը բարելավվում է: Նման փոփոխությունով չի խախտվում նաև նրա պաշտպանության իրավունքը, քանի որ արարքի փաստական հանգամանքներն ինքնին ընդգրկված են եղել առաջադրված մեղադրանքի ծավալում, որի դեմ թե գործի նախաքննության փուլում, թե դատական քննության փուլում, ամբաստանյալը պաշտպանվելու իրական հնարավորություն ունեցել է:
Այսպիսով, դատարանն ապացուցված է համարում Ժորա Գասպարյանի մեղավորությունը ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցանք կատարելու մեջ:
(...)
Ամբաստանյալ Ժորա Գասպարյանի անձը բնութագրող տվյալներ դատարանը հաշվի է առնում, որ նա բնութագրվում է դրական, նախկինում դատված չէ: Ամբաստանյալի պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և զղջացել կատարած արարքի համար, ֆիզիկապես վատառողջ է, տուժողի ներկայացուցիչը որևէ բողոք կամ վնասի հատուցման պահանջ չի ներկայացրել:
Ամբաստանյալի պատասխանատվությունն ու պատիժը ծանրացնող հանգամանքներ դատարանը չի արձանագրել:
(...)
Դատարանն ամբաստանյալ Ժորա Գասպարյանի նկատմամբ պատիժ նշանակելիս հաշվի է առնում հանցագործության կատարման եղանակը, հանցավոր մտադրության իրականացման աստիճանը, անձը բնութագրող տվյալները, պատասխանատվությունն ու պատիժը մեղմացնող հանգամանքները, ինչպես նաև պատասխանատվությունն ու պատիժը ծանրացնող հանգամանքների բացակայությունը: Նշված պայմաններում դատարանը գտնում է, որ ամբաստանյալ Ժորա Գասպարյանի նկատմամբ պատիժ պետք է նշանակել տուգանքի ձևով:
(…)»:
Վերաքննիչ բողոքի հիմքերը, հիմնավորումները և պահանջը.
Վերաքննիչ բողոքը քննվում է հետևյալ հիմքերի սահմաններում` ներքոհիշյալ հիմնավորումներով.
4. Բողոքի հեղինակը փաստարկել է, որ Առաջին ատյանի դատարանը թույլ է տվել դատական սխալ՝ նյութական իրավունքի այնպիսի էական խախտում, որն ազդել է գործի ելքի վրա:
Ի հիմնավորումն վերը նշված փաստարկի` բողոքի հեղինակը մասնավորապես նշել է, որ Առաջին ատյանի դատարանի հետևությունն առ այն, որ ամբաստանյալ Ժորա Գասպարյանը թեև կավե գինու տարան նետել է տաքսի ավտոմեքենայի ուղղությամբ և վնասել այն, սակայն դրա հետևանքով որևէ անձի մարմնական վնասվածք չի հասցրել, այդպիսի փորձ չի արվել, ամբաստանյալն իր գործողություններով մարմնական վնասվածքներ հասցնելու նպատակ չի ունեցել, այդ գործողություններով այլ անձանց կյանքի կամ առողջության համար իրական վտանգ չի ստեղծվել, չի համապատասխանում դատաքննության ընթացքում հետազոտված ապացույցներին:
Ըստ բողոքի հեղինակի՝ եթե գինու կավե տարան նետելը որևէ անձի մարմնական վնասվածք հասցնելու նպատակ չի հետապնդել, ապա ինչու է Ժ.Գասպարյանը դրանից անմիջապես հետո մի խումբ անձանց հետ միասին վազելով մոտեցել տաքսի ավտոմեքենային, հետևի նստատեղից իջեցրել Ռ.Մելքումյանին և կրկին բռնություն գործադրել նրա նկատմամբ, ինչը հաստատված է համարվել նաև Առաջին ատյանի դատարանի դատական ակտում: Այն է՝ Առաջին ատյանի դատարանը հաստատված է համարել, որ Ժ.Գասպարյանը, կավե գինու տարան Ռ.Մելքումյանի ուղղությամբ նետելուց հետո, վկա Ա.Թեջոյանի և ևս 4-5 անձանց հետ վազելով մոտեցել է տաքսի ավտոմեքենային, Ռ.Մելքումյանին իջեցրել հետևի նստատեղից և մյուսների հետ միասին հարվածել նրան, ով վայր է ընկել, ապա ոտքի կանգնելով՝ փախել է Կոմիտասի պողոտայի ուղղությամբ, որից հետո Ժ.Գասպարյանն ու մյուսները հետապնդել են նրան, սակայն չեն կարողացել բռնել:
Բողոքի հեղինակը նաև նշել է, որ Առաջին ատյանի դատարանը, որպես ամբաստանյալի պատասխանատվությունն ու պատիժը մեղմացնող հանգամանք է հաշվի առել նաև այն, որ նա ընդունել է մեղքը և զղջացել կատարածի արարքի համար, սակայն դատաքննության ընթացքում՝ ամբաստանյալի դիրքորոշումը ճշտելիս, դատարանի առաջադրած այն հարցին, թե առաջադրված մեղադրանքում ամբաստանյալն արդյոք իրեն մեղավոր է ճանաչում, վերջինս հայտնել է, որ մեղադրանքը հասկանալի է, սակայն իրեն մեղավոր չի ճանաչում: Ուստի, Առաջին ատյանի դատարանը հաշվի է առել իրականում գոյություն չունեցող հանգամանք, նաև դրանով հիմնավորելով ամբաստանյալի նկատմամբ տուգանքի ձևով պատժի նշանակումը:
Արդյունքում, բողոքի հեղինակը խնդրել է Առաջին ատյանի դատարանի 2016 թվականի օգոստոսի 23-ի դատավճիռը բեկանել, ամբաստանյալ Ժ.Գասպարյանին մեղավոր ճանաչել ՀՀ քրեական օրենսգրքի 258-րդ հոդվածի 4-րդ մասով նախատեսված հանցանք կատարելու մեջ և նրա նկատմամբ պատիժ նշանակել ազատազրկում՝ 4 (չորս) տարի ժամկետով:
Վերաքննիչ դատարանի պատճառաբանություններն ու եզրահանգումը.
5. ՀՀ քրեական դատավարության օրենսգրքի 381-րդ հոդվածի 3-րդ մասի համաձայն`
«Վերաքննիչ բողոքի հիմքերը, հիմնավորումները և պահանջը ներկայացվում են բացառապես վերաքննիչ բողոքում, և դրանք չեն կարող փոփոխվել և լրացվել գործի դատական քննության ընթացքում»:
ՀՀ քրեական դատավարության օրենսգրքի 385-րդ հոդվածի 1-ին մասի համաձայն`
«Վերաքննիչ դատարանը դատական ակտը վերանայում է վերաքննիչ բողոքի հիմքերի և հիմնավորումների սահմաններում»:
Մեջբերված քրեադատավարական իրավադրույթների լույսի ներքո վերլուծելով սույն որոշման 4-րդ կետում շարադրված վերաքննիչ բողոքի հիմքերն ու հիմնավորումները՝ Վերաքննիչ դատարանն արձանագրում է, որ նախ պետք է պատասխանել այն հարցին, թե հիմնավորվա՞ծ է արդյոք Առաջին ատյանի դատարանի հետևությունն այն մասին, որ Ժ.Գասպարյանի արարքը համապատասխանում է ՀՀ քրեական օրենսգրքի 258-րդ հոդվածի ոչ թե 4-րդ մասով, այլ՝ նույն հոդվածի 3-րդ մասի 1-ին կետով նախատեսված հանցակազմի հատկանիշներին:
Այսպես.
ՀՀ քրեական օրենսգրքի 258-րդ հոդվածի համաձայն.
«1. Խուլիգանությունը դիտավորությամբ հասարակական կարգը կոպիտ կերպով խախտել[ն է], որն արտահայտվել է հասարակության նկատմամբ բացահայտ անհարգալից վերաբերմունքով (…):
2. Նույն արարքը, որը զուգորդվել է անձի նկատմամբ բռնություն գործադրելով կամ դա գործադրելու սպառնալիքով, ինչպես նաև ուրիշի գույքը ոչնչացնելով կամ վնասելով (…):
3. Սույն հոդվածի երկրորդ մասով նախատեսված արարքը, որը`
1) կատարվել է մի խումբ անձանց կամ կազմակերպված խմբի կողմից,
(…)
4. Սույն հոդվածի երկրորդ կամ երրորդ մասով նախատեսված արարքը, որը կատարվել է զենքի կամ որպես զենք օգտագործվող առարկաների գործադրմամբ՝ (…)»:
ՀՀ քրեական դատավարության օրենսգրքի 8-րդ հոդվածի 4-րդ մասի համաձայն`
«Որոշակի փաստական հանգամանքներ ունեցող գործով վճռաբեկ դատարանի կամ Մարդու իրավունքների եվրոպական դատարանի դատական ակտի հիմնավորումները, այդ թվում` օրենքի մեկնաբանությունները, պարտադիր են դատարանի համար նույնանման փաստական հանգամանքներով գործի քննության ժամանակ, բացառությամբ այն դեպքի, երբ վերջինիս ծանրակշիռ փաստարկների մատնանշմամբ հիմնավորվում է, որ դրանք կիրառելի չեն տվյալ փաստական հանգամանքների նկատմամբ»:
Խուլիգանության հանցակազմի առանձնահատկություններին ՀՀ վճռաբեկ դատարանն անդրադարձել է Շ.Հախվերդյանի գործով որոշման մեջ, որտեղ իրավական դիրքորոշում է ձևավորել այն մասին, որ «(…) արարքը խուլիգանություն կարող է որակվել այն դեպքում, երբ անձի մոտ առկա են խուլիգանական դրդումներ: Վերոգրյալի հետ մեկտեղ Վճռաբեկ դատարանը հարկ է համարում ընդգծել, որ արարքը խուլիգանություն կարող է որակվել նաև այն դեպքերում, երբ անձի մոտ առկա են հանցանքի կատարման այլ դրդումներ, սակայն հանցանքի կատարման ընթացքում ձևավորվում են խուլիգանական դրդումներ, այլ խոսքով՝ արարքը կվերաճի խուլիգանության՝ հասարակական կարգի կոպիտ խախտման, որը դրսևորվել է հասարակության նկատմամբ բացահայտ անհարգալից վերաբերմունքով:
(…)
[Ա]րարքը չի կարող որակվել որպես խուլիգանություն (ՀՀ քրեական օրենսգրքի 258-րդ հոդված) այն դեպքերում, երբ`
ա) արարքը կատարվում է ոչ հասարակական վայրում և (կամ) հասարակության անդամների բացակայությամբ,
բ) արարքի հետևանքով հասարակությանը լուրջ անհանգստություն չի պատճառվել,
գ) հանցավորի գործողությունները պայմանավորված են տուժողի հակաօրինական, հակաբարոյական վարքագծով և ուղղված են նրա, այլ ոչ թե հասարակության դեմ,
դ) բացակայում են խուլիգանական դրդումները, իսկ անձի արարքները պայմանավորված են նրա հուզական վիճակով,
ե) հասարակական կարգի կոպիտ խախտման նկատմամբ դրսևորվել է անզգուշություն,
զ) հասարակական կարգը կոպիտ կերպով խախտող արարքը համընկնում է ՀՀ քրեական օրենսգրքով նախատեսված այլ հանցակազմի հատկանիշների հետ, սակայն դրա կատարմամբ հանցավորը հասարակական կարգը կոպիտ կերպով խախտելու և հասարակության նկատմամբ բացահայտ անհարգալից վերաբերմունք դրսևորելու նպատակ չունի,
է) այլ դրդումներով կատարված հանցանքը չի վերաճել հասարակական կարգի կոպիտ խախտման, որը դրսևորվել է հասարակության նկատմամբ բացահայտ անհարգալից վերաբերմունքով» (տե՛ս Շահեն Նշանի Հախվերդյանի գործով ՀՀ վճռաբեկ դատարանի 2012 թվականի մարտի 30-ի թիվ ԱՎԴ/0014/01/11 որոշումը):
ՀՀ քրեական օրենսգրքի 258-րդ հոդվածի 4-րդ մասով նախատեսված հանցակազմի բովանդակության բացահայտմանը՝ զենք կամ որպես զենք օգտագործվող առարկաների գործադրում հասկացության տեսանկյունից, ՀՀ վճռաբեկ դատարանն անդրադարձել է Ա.Սերոբյանի գործով որոշման մեջ, որտեղ իրավական դիրքորոշում է ձևավորել այն մասին, որ. «(…) արարքը ՀՀ քրեական օրենսգրքի 258-րդ հոդվածի 4-րդ մասով նախատեսված հանցակազմով` զենքի և որպես զենք օգտագործվող առարկաների գործադրմամբ խուլիգանություն որակելու համար բավարար չէ զենք կամ որպես զենք օգտագործվող առարկայի գործադրմամբ ուրիշի գույքը ոչնչացնելու կամ վնասելու հատկանիշը։ ՀՀ քրեական օրենսգրքի 258-րդ հոդվածի 4-րդ մասով նախատեսված հանցակազմի համար պարտադիր է, որպեսզի հանցավորը խուլիգանական գործողություններ կատարելու ընթացքում զենք կամ որպես զենք օգտագործվող առարկայով մարմնական վնասվածք հասցնի կամ փորձի հասցնել, կամ էլ նրա գործողությունների հետևանքով անձանց կյանքի կամ առողջության համար իրական վտանգ ստեղծվի» (տե՛ս Արթուր Խաչատուրի Սերոբյանի գործով ՀՀ վճռաբեկ դատարանի 2007 թվականի հունվարի 19-ի ՎԴ-85/07 որոշումը):
6. Նախ, Ա.Սերոբյանի գործով ՀՀ վճռաբեկ դատարանի՝ նախորդ կետում մեջբերված իրավական դիրքորոշման լույսի ներքո վերլուծելով նախաքննության մարմնի կողմից Ժ.Գասպարյանին ՀՀ քրեական օրենսգրքի 258-րդ հոդվածի 4-րդ մասով առաջադրված մեղադրանքի փաստական կողմի`«(...) պանդոկի դիմաց տեղադրված սեղաններից մեկից վերցնելով որպես զենք օգտագործվող կավե գինու տարան, այն նետել է վերջինիս նստած տաքսի ավտոմեքենայի վրա` վնասելով այն, որից հետո հասնելով տաքսի ավտոմեքենային, ինքնությունը չպարզված մի խումբ անձանց հետ ոտքերով հարվածել և կրկին վնասել են այն, որից հետո ավտոմեքենայից հանել են Ռաֆայել Մելքումյանին, շարունակել բռնություն գործադրել նրա նկատմամբ (...)» ձևակերպումը, պետք է արձանագրել, որ մեջբերվածն ընդհանրապես չի ներառում նկարագրված արարքը ՀՀ քրեական օրենսգրքի 258-րդ հոդվածի 4-րդ մասով որակելու համար անհրաժեշտ փաստական հիմքը՝ որպես զենք օգտագործվող առարկայով մարմնական վնասվածք հասցնելը կամ այդ առարկայով մարմնական վնասվածք հասցնելու փորձը, կամ դրա հետևանքով անձանց կյանքի կամ առողջության համար իրական վտանգ ստեղծելը: Հետևապես, այդ փաստն արդեն իսկ բացառել է Առաջին ատյանի դատարանի՝ ամբաստանյալ Ժ.Գասպարյանի նկատմամբ ՀՀ քրեական օրենսգրքի 258-րդ հոդվածի 4-րդ մասով մեղադրական դատավճիռ կայացնելու հնարավորությունը:
Դրա հետ մեկտեղ, Առաջին ատյանի դատարանում հետազոտված ապացույցների համակցությունն իր հերթին հիմք չի տալիս ՀՀ վճռաբեկ դատարանի՝ վերը նշված մեկնաբանման լույսի ներքո չհամաձայնելու Առաջին ատյանի դատարանի հետևությանն առ այն, որ գործով ձեռք բերված ապացույցներով չի հիմնավորվել ամբաստանյալ Ժ.Գասպարյանի կողմից ՀՀ քրեական օրենսգրքի 258-րդ հոդվածի 4-րդ մասով նախատեսված՝ զենքի կամ որպես զենք օգտագործվող առարկայի գործադրմամբ խուլիգանություն կատարելը, և որ նրա արարքը ենթակա է որակման ՀՀ քրեական օրենսգրքի 258-րդ հոդվածի 3-րդ մասի 1-ին կետով:
Ինչ վերաբերում է բողոքի հեղինակի այն դատողությանը, որ եթե գինու կավե տարան նետելը որևէ անձի մարմնական վնասվածք հասցնելու նպատակ չհետապնդեր, ապա դրանից անմիջապես հետո ամբաստանյալն ու մյուսները վազելով չէին մոտենա տաքսի ավտոմեքենային, հետևի նստատեղից չէին իջեցնի Ռ.Մելքումյանին և կրկին բռնություն չէին գործադրի նրա նկատմամբ, ապա պետք է արձանագրել, որ վերը նշվածի պայմաններում այդ փաստարկին մանրամասն անդրադառնալն այլևս զուրկ է իրավական արժեքից: Ավելին, Շ.Հախվերդյանի գործով ՀՀ վճռաբեկ դատարանի՝ սույն որոշման 5-րդ կետում մեջբերված իրավական դիրքորոշման լույսի ներքո այդ դատողությունն ու դրա հիմքում դրված փաստարկն ամբաստանյալի արարքը ՀՀ քրեական օրենսգրքի 258-րդ հոդվածի 4-րդ մասով որակելու տեսանկյունից առարկայազուրկ են, հաշվի առնելով նաև այն հանգամանքը, որ ամբաստանյալի կողմից գինու կավե տարան նետելուն նախորդել է Ռ.Մելքումյանի կողմից Ռ.Ներսեսյանին դանակահարելը:
Վերաքննիչ դատարանը գտնում է, որ գործի փաստական հանգամանքների մասին Առաջին ատյանի դատարանի՝ սույն որոշման 3-րդ կետում մեջբերված հետևությունները համապատասխանում են գործի փաստական հանգամանքներին, իսկ ամբաստանյալ Ժ.Գասպարյանի արարքի ՀՀ քրեական օրենսգրքի 258-րդ հոդվածի 3-րդ մասի 1-ին կետով որակման վերաբերյալ հետևությունը՝ հիմնավորված է ու իրավաչափ:
Անդրադառնալով ամբաստանյալի կողմից մեղքը չընդունելու վերաբերյալ բողոքի հեղինակի փաստարկին՝ Վերաքննիչ դատարանն արձանագրում է, որ ըստ գործի նյութերի՝ ամբաստանյալն իրեն մեղավոր չի ճանաչել ՀՀ քրեական օրենսգրքի 258-րդ հոդվածի 4-րդ մասով առաջադրված մեղադրանքում, փոխարենը՝ պաշտպանության կողմն ինքն է միջնորդել ամբաստանյալի արարքը որակել ՀՀ քրեական օրենսգրքի 258-րդ հոդվածի 3-րդ մասի 1-ին կետով, ինչը վկայում է այն մասին, որ ամբաստանյալը փաստացի ընունել է իր մեղավորությունը՝ ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցանք կատարելու մեջ, որի առնչությամբ նաև հանդես է եկել զղջման մասին հայտարարությամբ:
Նշվածի համատեքստում անդրադառնալով նաև բողոքի հեղինակի՝ ամբաստանյալի նկատմամբ նշանակված պատժի վերաբերյալ փաստարկին՝ Վերաքննիչ դատարանը գտնում է, որ Առաջին ատյանի դատարանն ամբաստանյալ Ժ.Գասպարյանի նկատմամբ նշանակել է այնպիսի պատիժ, որը ՀՀ քրեական դատավարության օրենսգրքի 399-րդ հոդվածի 1-ին մասի իմաստով չի կարող գնահատվել ակնհայտ մեղմ և հիմք հանդիսանալ պատժի խստացման համար:
Ամփոփելով վերը շարադրված դատողությունները` Վերաքննիչ դատարանը գտնում է, որ Առաջին ատյանի դատարանի՝ 2016 թվականի օգոստոսի 23-ի դատավճիռը բեկանելու, ամբաստանյալ Ժ.Գասպարյանի արարքը ՀՀ քրեական օրենսգրքի 258-րդ հոդվածի 4-րդ մասով որակելու և նրա նկատմամբ 4(չորս) տարի ժամկետով ազատազրկում պատիժ նշանակելու իրավաչափ հիմքեր չկան, ուստի Առաջին ատյանի դատարանի՝ վերը նշված դատական ակտը պետք է թողնել օրինական ուժի մեջ, իսկ դրա դեմ Երևան քաղաքի Արաբկիր և Քանաքեռ-Զեյթուն վարչական շրջանների դատախազության ավագ դատախազ Էդ.Պետրոսյանի կողմից բերված վերաքննիչ բողոքը պետք է մերժել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 393-394-րդ հոդվածներով՝ Վերաքննիչ դատարանը.
Ո Ր Ո Շ Ե Ց
Վերաքննիչ բողոքը մերժել:
Ամբաստանյալ Ժորա Դավթի Գասպարյանի վերաբերյալ ՀՀ քրեական օրենսգրքի 258-րդ հոդվածի 3-րդ մասի 1-ին կետով Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի՝ 2016 թվականի օգոստոսի 23-ի դատավճիռը թողնել օրինական ուժի մեջ:
Որոշումը կարող է բողոքարկվել ՀՀ վճռաբեկ դատարան` հրապարակման պահից մեկամսյա ժամկետում:
ՆԱԽԱԳԱՀՈՂ ԴԱՏԱՎՈՐ` Ռ.ՄԽԻԹԱՐՅԱՆ
ԴԱՏԱՎՈՐՆԵՐ՝ Ս.ՉԻՉՈՅԱՆ
Մ.ԱՐՂԱՄԱՆՅԱՆ
Գործ No ԵԱՔԴ/0226/01/15
ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՙ23՚ օգոստոսի 2016թ. ք.Երևան
Երևան քաղաքի Արաբկիր և Քանաքեռ-Զեյթուն վարչական շրջանների առաջին ատյանի ընդհանուր իրավասության դատարանը
նախագահությամբ` դատավոր Արթուր Մկրտչյանի
քարտուղարությամբ` Միլենա Սարգսյանի
մասնակցությամբ`
մեղադրող Էդգար Պետրոսյանի
պաշտպան Լուսինե Զեյնալյանի
տուժողի ներկայացուցիչ Նորիկ Ավետիսյանի
Դատարանում, դռնբաց դատական նիստում քննեց քրեական գործն ըստ մեղադրանքի Ժորա Դավթի Գասպարյանի /ծնված 1996 թվականի օգոստոսի 08-ին` ՀՀ Արմավիրի մարզի Մրգաշատ գյուղում, ազգությամբ հայ, ՀՀ քաղաքացի, իննամյա կրթությամբ, չամուսնացած, չի աշխատում, նախկինում չդատված, հաշվառված` Արմավիրի մարզ, գյուղ Մրգաշատ, բնակվող` քաղաք Երևան, Ջանբոլի փողոց, 47 տուն/, մեղադրվում է ՀՀ քրեական օրենսգրքի 258-րդ հոդվածի 4-րդ մասով:
Գործի դատավարական նախապատմությունը
2015 թվականի հունիսի 18-ին` ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում ՀՀ քրեական օրենսգրքի 112-րդ հոդվածի 1-ին մասով հարուցվել է թիվ 14136215 քրեական գործը:
2015 թվականի օգոստոսի 03-ին թիվ 14136215 քրեական գործի նյութերով` ՀՀ քրեական օրենսգրքի 258-րդ հոդվածի 4-րդ մասով և 131-րդ հոդվածի 2-րդ մասի 2-րդ և 3-րդ կետերով հարուցվել է թիվ 14146515 քրեական գործը և առանձնացվել առանձին վարույթում:
2015 թվականի օգոստոսի 13-ին Ժորա Գասպարյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով և նրա նկատմամբ որպես խափանման միջոց է կիրառվել ստորագրություն` չհեռանալու մասին:
2015 թվականի նոյեմբերի 26-ին Ժորա Գասպարյանին առաջադրված մեղադրանքը բովանդակային մասով փոփոխվել է, նրան մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով և նա ներգրավվել է որպես մեղադրյալ:
2015 թվականի նոյեմբերի 30-ին թիվ 14146515 քրեական գործից մաս է անջատվել և շնորհվել է 14823915 համարը:
2015 թվականի դեկտեմբերի 08-ին թիվ 14146515 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների առաջին ատյանի ընդհանուր իրավասության դատարան:
Գործի փաստական հանգամանքները
Նախաքննության մարմինն ամբաստանյալ Ժորա Գասպարյանին ՀՀ քրեական օրենսգրքի 258-րդ հոդվածի 4-րդ մասով մեղադրանք է առաջադրել, որ ՙնա, ընկերոջ` Ռուսլան Ներսեսյանի, և ինքնությունը չպարզված մի խումբ անձանց հետ 2015թ. հունիսի 17-ին ժամը 22:30-ի սահմաններում կատարել է բռնության գործադրմամբ զուգորդված խուլիգանություն:
Այսպես` Ժորա Դավթի Գասպարյանն իր ծանոթ Սոֆիկ Օնիկի Թոխյանի միջոցով ծանոթացել է Հռիփսիմե Լևոնի Հարությունյանի հետ, որից հետո սկսել է անընդհատ զանգել և անհանգստացնել նրան: 2015թ. հունիսի 17-ին, երբ Հռիփսիմե Հարությունյանը, Սոֆիկ Թոխյանը և վերջինիս ընկեր Ռաֆայել Մելքումյանը նստած են եղել Երևան քաղաքի ՙԿասկադ՚ համալիրի մոտ գտնվող սրճարանում, Ժորա Գասպարյանն անընդհատ զանգել է Հռիփսիմե Հարությունյանին և Սոֆիկ Թոխյանին, սակայն նրանք հեռախոսազանգերին չեն պատասխանել, որից հետո Հռիփսիմե Հարությունյանը Ռաֆայել Մելքումյանին խնդրել է խոսել Ժորա Գասպարյանի հետ և ասել, որ այլևս նրանց չանհանգստացնի: Ռաֆայել Մելքումյանը զանգահարել է Ժորա Գասպարյանին, ներկայացել Հռիփսիմե Հարությունյանի մտերիմ անձնավորություն և պահանջել, որ Ժորա Գասպարյանը այլևս նրան չանհանգստացնի: Այդ ժամանակ Ժորա Գասպարյանը առաջարկել է հանդիպել Երևան քաղաքի Կոմիտասի պողոտայում, որին Ռաֆայել Մելքումյանը համաձայնել է: Դրանից հետո Ժորա Գասպարյանը զանգել է իր ընկեր Ռուսլան Արարատի Ներսեսյանին, հայտնել իր և Ռաֆայել Մելքումյանի պայամանավորվածության մասին, և Ռուսլան Ներսեսյանի առաջարկությամբ զանգել է Ռաֆայել Մելքումյանին և ասել, որ կարող են հանդիպել Երևան քաղաքի Փափազյան փողոցում գտնվող ՙԵրիցյաններ՚ առևտրի կենտրոնի մոտ, որին նույնպես Ռաֆայել Մելքումյանը համաձայնել է: Դրանից հետո Ժորա Գասպարյանը Երևան քաղաքի Փափազյան-Ա.Խաչատրյան փողոցների խաչմերուկում հանդիպել է Ռուսլան Ներսեսյանին և նրա ընկերներին, որից հետո Ռուսլան Ներսեսյանը զանգահարել է Սոֆիկ Թոխյանին և հեգնանքով խոսելով հարցրել, թե ում է բերում Ժորա Գասպարյանի հետ հանդիպման: Ռուսլան Ներսեսյանի հեգնանքով և վիրավորական արտահայտություններով խոսելու պատճառով վերջինիս և Սոֆիկ Թոխյանի խոսակցությունը թեժացել է և ընթացքում Սոֆիկ Թոխյանը Ռուսլան Ներսեսյանին անվանել է ՙթուլա՚, ինչը վերածվել է լեզվակռվի և Ռուսլան Ներսեսյանը վրդովված լինելով իր վիրավորական արտահայտություններին համարժեք պատասխան տված Սոֆիկ Թոխյանի արտահայտություններից, սեփական անձի առավելությունը ընդգծելու մոլուցքով տարված, Սոֆիկ Թոխյանին ասել է` ՙես քո համար Ժորիկը չեմ, չշփոթես հանկարծ՚, որից հետո Սոֆիկ Թոխյանը հեռախոսը փոխանցել է Ռաֆայել Մելքումյանին, ում հետ խոսելու ժամանակ Ռուսլան Ներսեսյանը պահանջել է, որ վերջինս իր հետ հանդիպման բերի այդ աղջկան` Սոֆիկ Թոխյանին: Ռաֆայել Մելքումյանը, Սոֆիկ Թոխյանը և Հռիփսիմե Հարությունյանը պատահական տաքսի ավտոմեքենայով գնացել են Սոֆիկ Թոխյանի բնակության վայր հանդիսացող Այգեկցի 100/1 տան մոտ, որտեղ Հռիփսիմե Հարությունյանը իջել է ավտոմոբիլից, իսկ Ռաֆայել Մելքումյանը և Սոֆիկ Թոխյանը գնացել են Երևան քաղաքի Փափազյան փողոցում գտնվող ՙԵրիցյաններ՚ առևտրի կենտրոնի մոտ, որտեղ նրանց դիմավորել են Ժորա Գասպարյանը, Ռուսլան Ներսեսյանը, Արման Թեջոյանը ու Ռուսլան Ներսեսյանի առաջարկով քայլել Փափազյան-Ա.Խաչատրյան փողոցների խաչմերուկի մոտ գտնվող ՙԳենացվալե՚ պանդոկի կողային հատված, իսկ շենքի հետևի հատվածում կանգնած են եղել Ռուսլան Ներսեսյանի ընկերները` ինքնությունը չպարզված 4-5 տղաներ: Հասնելով շենքի կողային հատված Ռուսլան Ներսեսյանը Սոֆիկ Թոխյանի հետ չնչին առիթով ծագած լեզվակռիվը և իր հասցրած վիրավորանքներին Սոֆիկ Թոխյանի կողմից պատասխանել համարձակվելու հանգամանքը պարզաբանելու նպատակով Ռաֆայել Մելքումյանին հարցրել է, թե նա տեր է Սոֆիի ասածներին, որին Ռաֆայել Մելքումյանը ասել է, որ տեր է, սակայն ինքը եկել է Ժորա Գասպարյանի հետ խոսելու, իսկ մնացած մասով ընկերների հետ կգա` կխոսեն: Այդ ժամանակ Ռուսլան Ներսեսյանը առաջարկել է խոսակցությունը շարունակել պանդոկի շինության հետնամասում, որտեղ կանգնած են եղել վերը նշված 4-5 տղաները, սակայն Ռաֆայել Մելքումյանը և Սոֆիկ Թոխյանը, տեսնելով այնտեղ հավաքված տղաներին, վախեցել են և հրաժարվել քայլել շենքի հետնամաս, ինչից հետո Սոֆիկ Թոխյանը Ռաֆայել Մելքումյանի ձեռքից քաշելով գնացել են մարդաշատ վայր` Ա.Խաչատրյան-Փափազյան փողոցների խաչմերուկի մոտ, Ժորա Գասպարյանին առաջարկելով խոսակցությունը շարունակել այնտեղ, սակայն Ժորա Գասպարյանը ձեռքով ցույց տալով շենքի հետնամասը` շարունակել է պահանջել քայլել այդ ուղղությամբ:
Հասկանալով, որ Սոֆիկ Թոխյանը և Ռաֆայել Մելքումյանը հրաժարվում են քայլել ոչ մարդաշատ վայր, Ժորա Գասպարյանը մոտեցել է նրանց և այդ մարդաշատ տարածքում սկսել հեգնանքով և վիրավորական արտահայտություններով խոսել Սոֆիկ Թոխյանի հետ, որի ընթացքում Սոֆիկ Թոխյանը նրան անվանել է ՙթուլա լակոտ՚: Այդ ժամանակ Ժորա Գասպարյանը դիտավորությամբ կոպիտ կերպով խախտել է հասարակական կարգը` հարվածներ հասցնելով Սոֆիկ Թոխյանին, ինչից հետո Ռաֆայել Մելքումյանը հարվածել է Ժորա Գասպարյանին: Շենքի հետնամասում սպասող մի խումբ անձինք և Ռուսլան Ներսեսյանը անմիջապես վազելով մոտեցել են Սոֆիկ Թոխյանին և Ռաֆայել Մելքումյանին, դիտավորությամբ կոպիտ կերպով խախտելով հասարակական կարգը մայթի բանուկ հատվածում, բազմաթիվ անցորդների, ՙԳենացվալե՚ պանդոկի աշխատակիցների և հաճախորդների ներկայությամբ բարձր գոռգոռոցներով սկսել են ձեռքերով ու ոտքերով հարվածներ հասցնել Սոֆի Թոխյանին և Ռաֆայել Մելքումյանին` բացահայտ անհարգալից վերաբերմունք դրսևորելով հասարակության անդամների նկատմամբ, ինչի հետևանքով ոչ միայն տարածքում գտնվող անձանց մոտ սեփական անձի նկատմամբ վախի և տագնապի մթնոլորտ են ստեղծել, այլ նաև խաթարել են առևտրի օբյեկտի բնականոն աշխատանքը: Այդ ընթացքում Ռաֆայել Մելքումյանը մի պահ գտնվելով փոխադարձ կռվի մեջ Ռուսլան Ներսեսյանի հետ դանակով հարվածել է նրան` դիտավորությամբ վերջինիս առողջությանը պատճառելով ծանր վնաս և Սոֆիկ Թոխյանի ձեռքից բռնելով ասել է` ՙՍոֆ թռանք՚ ու դիմել փախուստի` վազելով Փափազյան փողոցի դիմացի մայթ, ընթացքից նստել այնտեղով անցնող տաքսի ավտոմեքենայի հետևի նստատեղին` Սոֆիկ Թոխյանին թողնելով փողոցում: Այդ ժամանակ Ժորա Գասպարյանը շարունակելով խուլիգանական գործողությունները, պանդոկի դիմաց տեղադրված սեղաններից մեկից վերցնելով որպես զենք օգտագործվող կավե գինու տարան, այն նետել է վերջինիս նստած տաքսի ավտոմեքենայի վրա` վնասելով այն, որից հետո հասնելով տաքսի ավտոմեքենային, ինքնությունը չպարզված մի խումբ անձանց հետ ոտքերով հարվածել և կրկին վնասել են այն, որից հետո ավտոմեքենայից հանել են Ռաֆայել Մելքումյանին, շարունակել բռնություն գործադրել նրա նկատմամբ` ձեռքերով ու ոտքերով հարվածներ հասցնելով վերջինիս, ով վայր է ընկել, ապա ոտքի կանգնելով` դիմել փախուստի:՚:
Ապացույցների հետազոտում և գնահատում
ՀՀ քրեական օրենսգրքի 258-րդ հոդվածի 4-րդ մասով առաջադրված մեղադրանքում ամբաստանյալ Ժորա Դավթի Գասպարյանն իրեն մեղավոր չի ճանաչել, սակայն նշել է, որ մեղավոր է ճանաչում ՀՀ քրեական օրենսգրքի 258-րդ հոդվածի 3-րդ մասի 1-ին կետով:
Նախաքննության փուլում Ժորա Գասպարյանը ցուցմունք է տվել, որ 2014թ. ամռանը, երբ ինքը որպես բանվոր աշխատել է Երևան քաղաքի Գ.Լուսավորիչ 9 հասցեում գործող ՙԵրևան Պլազա՚ ռեստորանում, ծանոթացել է Սոֆիկ Թոխյանի հետ, ով աշխատել է նշված ռեստորանում` որպես մատուցողուհի: Մինչև 2015թ. հունվար ամիսը` ծառայության մեկնելը, ինքը և Ս.Թոխյանը շփվել են թե' աշխատանքի վայրում և թե' հեռախոսով: Նյարդերի հետ խնդիրներ ունենալու պատճառով տեղափոխվել է ՙԿանազի՚ զինվորական հոսպիտալ, որտեղ ծանոթացել է Ռուսլան Ներսեսյանի հետ և ընկերացել են, իսկ մարտ ամսին ինքը և Ռուսլանն ազատվել են ծառայությունից, որից հետո շարունակել են իրենց ընկերությունը: Ծառայությունից ազատվելուց հետո ինքը շարունակել է շփվել Ս.Թոխյանի հետ, ժամանակ առ ժամանակ հանդիպել են: 2015թ. հունիսի սկզբներին Ս.Թոխյանն իր ընկերուհուª Հռիփսիմե Հարությունյանի հետ գնացել է ՙԵրևան Պլազա՚ ռեստորան` մեկօրյա աշխատանքի: Այդ օրը Ս.Թոխյանն իրեն ծանոթացրել է Հ.Հարությունյանի հետ, որից հետո իրենք մի քանի անգամ հանդիպել են: 2015թ. հունիսի 17-ին` ժամը 20:30-ի սահմաններում ինքը զանգահարել է Հ.Հարությունյանին, զրուցել նրա հետ, իսկ դրանից մոտ 10 րոպե անց իրեն է զանգահարել Ռաֆայել Մելքումյանը, հայտնել, որ Հ.Հարությունյանը նրա ծանոթն է և ցանկացել է հանդիպել: Ինքը զանգահարել է Ռ.Ներսեսյանին, ասել, որ Կոմիտասում է` Ա.Խաչատրյան-Փափազյան փողոցների խաչմերուկում, և ինչ-որ մեկը պետք է գա և իրեն տեսնի: Ռ.Ներսեսյանի առաջարկով ինքը զանգահարել է Ռ.Մելքումյանին և ասել, որ կարող են հանդիպել Ա.Խաչատրյան-Փափազյան փողոցների խաչմերուկում: Դրանից մոտ 10 րոպե անց Ռ.Ներսեսյանը և Արման Թեջոյանը եկել են իր մոտ, ինքը Ռ.Ներսեսյանին հայտնել է իր և Ռ.Մելքումյանի միջև տեղի ունեցած հեռախոսազրույցի մասին, որից հետո Ռ.Ներսեսյանը զանգահարել է Ս.Թոխյանինª պարզելու համար, թե ինչ խնդիր կա իր հետ կապված և զրույցի ընթացքում Ս.Թոխյանը նրան ասել է` ՙայ թուլա լակոտ քեզ նորմալ պահի՚: Դրանից հետո Ռ.Ներսեսյանի պահանջով Ս.Թոխյանը հեռախոսը փոխանցել է Ռ.Մելքումյանին, ում Ռ.Ներսիսյանն ասել է, որ Ս.Թոխյանին իր հետ բերի հանդիպման: Շուրջ 10 րոպե անց իրեն է զանգահարել Ռ.Մելքումյանը և հայտնել, որ նրանք ՙԵրիցյանների՚ խանութի մոտ են: Ինքը, Ռ.Ներսեսյանը և Ա.Թեջոյանը գնացել են ՙԵրիցյաններ՚ խանութի մոտ, հանդիպել Ս.Թոխյանին և Ռ.Մելքումյանին, որից հետո իր առաջարկով քայլել են դեպի ՙԳենացվալե՚ պանդոկի մոտ, որպեսզի այնտեղ զրուցեն: Երբ հասել են Ա.Խաչատրյան-Փափազյան փողոցների խաչմերուկի մոտ, Ռ.Ներսեսյանը Ս.Թոխյանին ասել է` ՙէտ ինչ ձև ես հետս խոսում՚, Ս.Թոխյանը պատասխանել է. ՙլավ եմ անում՚, որից հետո Ռ.Ներսեսյանը Ռ.Մելքումյանին հարցրել է, թե նա Ս.Թոխյանի ասածներին ՙտեր է՚, թե ոչ: Ռ.Մելքումյանը պատասխանել է, որ ՙտեր է՚ և ասել, որ նա ցանկանում է խոսել իր հետ: Այդ ժամանակ Ռ.Ներսեսյանն առաջարկել է Ռ.Մելքումյանի հետ առանձին զրուցել, որից հետո նոր կխոսեն մնացածի մասին, և Ա.Թեջոյանի հետ գնացել են ՙԳենացվալե՚ պանդոկի հետևի հատված, որտեղ գտնվում էին Ռ.Ներսեսյանի ընկերները, որոնց ինքը չի ճանաչել: Ինքը Ս.Թոխյանին հարցրել է, թե ինչու է նա նման կերպ խոսում իրենց հետ, վերջինս պատասխանել է. ՙդու ով ես որ քու հետ լեզու թռչեմ այ թուլա լակոտ՚: Դրանից հետո ինքն ապտակել է Ս.Թոխյանին, իսկ նաª ոտքով հարվածել իր ձախ ոտքին, որից հետո Ռ.Մելքումյանը բռունցքով հարվածել է իր դեմքին: Տեսնելով դա, Ռ.Ներսեսյանը, Ա.Թեջոյանը և մյուս տղաները մոտեցել են իրենց, Ռ.Ներսեսյանը բռուցքով հարվածել է Ռ.Մելքումյանին, իսկ Ս.Թոխյանը հարձակվել է իր վրա ու քաշքշել: Ռ.Ներսեսյանը և Ռ.Մելքումյանն իրար հարվածելով և քաշքշելով դուրս են եկել Փափազյան փողոց, իսկ Ա.Թեջոյանը փորձել է իրեն և Ս.Թոխյանին իրարից բաժանել և հանդարտեցնել: Դրանից հետո Ս.Թոխյանը գնացել է Ռ.Ներսեսյանի և Ռ.Մելքումյանի կողմ և մի քանի վայրկյան անց Ռ.Ներսեսյանը վերադարձել և հայտնել է, որ Ռ.Մելքումյանը նրան դանակով խփել է, որից հետո ինքը լսել է, թե ինչպես Ռ.Մելքումյանը Ս.Թոխյանին ասել է` ՙթռանք՚ և Փափազյան փողոցում փորձելով կանգնեցնել տաքսի ավտոմեքենա` ընթացքից նստել է հետևի նստատեղին, իսկ Ս.Թոխյանը մնացել է փողոցում: Ինքը տեսնելով, որ Ռ.Ներսեսյանի մեջքից արյուն է հոսում, արագ մոտեցել է պանդոկի դիմաց տեղադրված սեղաններից մեկին, վերցրել կավե կուժը և վազելով դեպի Փափազյան փողոցª շպրտել նշված տաքսի ավտեմեքենայի ուղղությամբ, փորձելով կանգնեցնել այն, որպեսզի Ռ.Մելքումյանը չփախչի: Կավե կուժն ընկել է տաքսի ավտոմեքենայի տանիքին, որից հետո ինքը, Ա.Թեջոյանը և մյուս 3-4 տղաները Ռ.Մելքումյանին իջեցրել են տաքսի ավտոմեքենայից, ինքը և Ռ.Մելքումյանը սկսել են իրար քաշքշել և հարվածել, որից հետո նա վազելով փախել է Կոմիտասի պողոտայի ուղղությամբ, իսկ ինքը, Ա.Թեջոյանը և մյուս տղաները փորձել են հետապնդել Ռ.Մելքումյանին, սակայն չեն կարողացել բռնել: Իսկ երբ վերադարձել են` Ռ.Ներսեսյանին, Ս.Թոխյանին և տաքսի ավտոմեքենան չեն գտել: Ինքը զանգահարել է Ռ.Ներսեսյանին, պարզել, որ նա գտնվում է ՙԳենացվալե՚ պանդոկի հետևի շենքների բակում, որից հետո Ա.Թեջոյանի հետ գնացել են նրա մոտ, պատահական տաքսի ավտոմեքենայով տարել տուն, որից հետո Ռ.Ներսեսյանին տեղափոխել են հիվանդանոց:
Հ. 3, գ.թ. 118-125, 148-153, 158-159, 223-224
Վկա Սոֆիկ Օնիկի Թոխյանը դատաքննության փուլում պնդել է նախաքննության փուլում տված ցուցմունքը և ցուցմունք է տվել, որ 2014թ. ամռանը համատեղ աշատանքի ընթացքում ծանոթացել է Ժորա Գասպարյանի հետ, որից հետո շփվել են որպես աշխատանքային ընկերներ: 2015թ. գարնանն ինքը ծանոթացել է Ռաֆայել Մելքումյանի հետ, սկսկել են շփվել և հանդիպել: Հունիսի սկիզբներին ինքն ու ընկերուհին` Հռիփսիմե Հարությունյանը /Կեծին/ գնացել են իր աշխատանքի վայր, որտեղ Ժ.Գասպարյանի խնդրանքով ինքը նրան ծանոթացրել է Հ.Հարությունյանի հետ, որից հետո ինքը, Հ.Հարությունյանը, Ժ.Գասպարյանը և նրա ընկեր Ռուսլան Ներսեսյանը մի քանի անգամ հանդիպել են: 2015թ. հունիսի 17-ին` ժամը 20:30-ի սահմաններում, երբ ինքը, Հ.Հարությունյանը և Ռ.Մելքումյանը նստած են եղել ՙԿասկադ՚-ում գտնվող ՙՌետրո՚ սրճարանում, այդ ընթացքում Ժ.Գասպարյանը պարբերաբար զանգահարել է, թե' իր և, թե' Հ.Հարությունյանի հեռախոսահամարներին, սակայն իրենք չեն պատասխանել զանգերին: Որոշ ժամանակ անց Հ.Հարությունյանը Ռ.Մելքումյանին խնդրել է, որպեսզի նա խոսի Ժ.Գասպարյանի հետ, հայտնի, որ Հ.Հարությունյանը նրա համար հոգեհարազատ անձնավորություն է և ասի, որ այլևս չզանգի: Ռ.Մելքումյանը զանգահարել է Ժ.Գասպարյանին, հայտնել, որ Հ.Հարությունյանն իրեն հարազատ անձնավորություն է, իսկ Ժ.Գասպարյանն առաջարկել է հանդիպել Կոմիտասում, որին Ռ.Մելքումյանը համաձայնել է: Դրանից հետո ինքը, Հ.Հարությունյանը և Ռ.Մելքումյանը պատահական տաքսի ավտոմեքենայով ուղևորվել են իրենց տուն և ճանապարհին իր բջջային հեռախոսահամարին զանգել է Ռ.Ներսեսյանը, հարցրել, թե որտեղ է և ում է տանում, որ Ժ.Գասպարյանի հետ խոսի, ինքը նրան հայտնել է, որ ծանոթ տղա է և ցանկանում է ճշտել, թե ինչու է Ժ.Գասպարյանը զանգում Հ.Հարությունյանին: Ռ.Ներսեսյանը հեգնանքով իրեն հարցրել է. ՙազիզ ջան բա ուր էս հիմի՚, իսկ ինքը նույն կերպª հեգնանքով, պատասխանել է. ՙԲաղրամյան եմ ազիզ ջան՚: Դրանից Ռ.Ներսեսյանը վրդովվել է, սկսել է հայհոյել և կոպիտ խոսել, ինչպես նաև ասել է` ՙես քո համար Ժորիկը չեմ, չշփոթես հանկարծ՚: Նրա ասածներից ինքն էլ է վրդովվել և ասել. ՙհլը էս թուլին նայի՚: Լսելով այդ խոսակցությունը Ռ.Ներսեսյանը վերցրել է իր հեռախոսը և նորմալ տոնով խոսել Ռ.Ներսեսյանի հետ, ով պահանջել է, որ իրեն հետը տանի հանդիպման, ինչին Ռ.Մելքումյանը համաձայնել է: Հասնելով իրենց տան մոտ` ՙՍլավոնական՚ համալսարանի մոտակայք, Հ.Հարությունյանին իջեցրել են և գնացել Փափազյան փողոցում գտնվող ՙԵրիցյաններ՚ խանութի մոտ: Իրենց դիմավորել են Ռ.Ներսեսյանը, Ժ.Գասպարյանը և ինչ-որ տղա, որին ինքը չի ճանաչել, և ասել են, որ ինքն ու Ռ.Մելքումյանը գնան նրանց հետևից, ու քայլել են դեպի ՙԳենացվալե՚ պանդոկի կողմ: Ինքը հասկացել է, որ նրանք իրենց տանում են մարդկանց տեսադաշտից հեռու ինչ-որ տեղ, և երբ հասել են ՙԳենացվալե՚ պանդոկի կողային հատվածը, որտեղ եղել են ևս 4-5 տղաներ, որոնք հավանաբար Ռ.Ներսեսյանի ընկերներն էին, ինքն առաջարկել է պանդոկի մոտ խոսել: Զրույցի ընթացքում Ռ.Ներսեսյան Ռ.Մելքումյանին հարցրել է, թե նա ՙտեր է՚ իր ասածներին և փորձել է առանձնանալ նրա հետ, իսկ Ռ.Մելքումյանը պատասխանել է. ՙհա, տեր եմ՚: Ինքը նրանց միջամտել է և Ռ.Ներսեսյանին ասել, որ իր ասածներին ինքն է տեր, որից հետո փորձել է Ռ.Մելքումյանին մի կողմ տանել, քանի որ նրանց խոսակցությունը թեժացել է: Այդ ընթացքում ինքը Ժ.Գասպարյանին հարցրել է. ՙինչ էս մարդ հավաքել եկել աղջկա հետ բազար էս անում՚, իսկ Ժ.Գասպարյանն իրեն ասել է` ՙաղչի հանգստացի հլը, թե չէ կտամ չանիտ՚: Ինքը Ժ.Գասպարյանին ասել է` ՙհանգստացի այ թուլա՚, որից հետո Ժ.Գասպարյանը ոտքով հարվածել է իրեն, իսկ ինքը ոտքով հարվածել է նրան: Սկսվել է քաշքշուկ, որի ընթացքում Ռ.Ներսեսյան բռունցքով հարվածել է իր վզին, իսկ Ռ.Ներսեսյանը ապտակել է նրան: Այնուհետև ինքը տեսել է, թե ինչպես Ժ.Գասպարյանը և Ռ.Ներսեսյանը հարձակվել են Ռ.Մելքումյանի վրա, քաշքշել և հարվածել նրան: Ինքը մոտեցել է նրանց, Ժ.Գասպարյանին մի կողմ քաշել` փորձելով հանդարտեցնել, իսկ Ռ.Ներսեսյանն ու Ռ.Մելքումյանը շարունակել են քաշքշել և հարվածել միմյանց: Մի քանի վայրկյան անց Ռ.Մելքումյանը բռնելով իր ձեռքից` ասել է` ՙՍոֆ, շուտ արա թռանք՚: Իրենք վազելով անցել են դիմացի մայթ, որպեսզի նստեն այնտեղով անցնող տաքսի ավտոմեքենան: Ռ.Մելքումյանն ընթացքից նստել է հետևի նստատեղին, իսկ ինքը մնացել է փողոցում: Այդ ժամանակ Ժ.Գասպարյանը գոռացել է ՙկանգնի՚ և ինչ-որ կավե տարա նետել տաքսի ավտոմեքենայի վրա, որից հետո մյուս տղաների հետ հարձակվել են դեռևս ընթացքը չդադարեցրած տաքսի ավտոմեքենայի վրա, սկսել ոտքով հարվածել ավտոմեքենային` պահանջելով, որ կանգնի, որից հետո բացել են հետևի դռները ու սկսել ոտքերով հարվածել և ծեծելով դուրս հանել Ռ.Մելքումյանին, որից հետո վերջինս փախել է Կոմիտասի պողոտայի կողմ, իսկ Ժ.Գասպարյանը և մյուս տղաներըª նրա հետևից: Ինքը նույնպես գնացել է նրանց հետևից, սակայն այդ ընթացքում ինչ-որ տաքսի ավտոմեքենայի վարորդ մոտեցել է իրեն, նստեցրել ավտոմեքենան և տարել տուն: Վկան միաժամանակ նշել է, որ Ժորա Գասպարյանը կավե տարան նետել է` ավտոմեքենան կանգնելցնելու համար և նպատակ չի ունեցել որևէ մեկին վնասելու:
Վկա Մարատ Լևոնի Ժամկոչյանը նախաքննության փուլում ցուցմունք է տվել, որ ՙԳենացվալե՚ պանդոկ ցանցի տնօրենն է: 2015թ. հունիսի 17-ին` ժամը 22:00-ի սահմաններում գնացել է Երևան քաղաքի Փափազյան 23/1 հասցեում գտնվող պանդոկ, նստել դրսում գտնվող թվով 3 սեղաններից երրորդի մոտ` Ա.Խաչատրյան փողոցի կողմը: Շուրջ 10 րոպե անց իրեն է միացել պանդոկի մատուցող Վահան Սուրենի Ավետիսյանը, որից հետո նկատել է, թե ինչպես իր թիկունքի կողմից` այսինքն Ա.Խաչատրյան փողոցին զուգահեռ մայթեզրով, որը հարակից է պանդոկի կողային հատվածին, մի խումբ տղաներ` 5-6 հոգի, վազելով հատել են Փափազյան փողոցը և գնացել դեպի Կոմիտաս պողոտա: Քանի որ ինքն աղմուկ և հայհոյանք չի լսել, այդ պատճառով որևէ ուշադրություն չի դարձրել կատարվածին: Դրանից հետո պանդոկի մատուցող Ռաֆայել Խաչատուրի Խաչիկյանից տեղեկացել է, որ ինչ-որ մեկը պանդոկի դիմացի սեղաններից մեկից վերցրել է գինու տարան:
Հ. 2, գ.թ. 131-133
Վկա Վահան Սուրենի Ավետիսյանը դատաքննության փուլում ցուցմունք է տվել, որ շուրջ 1 տարի է` աշխատում է Երևան քաղաքի Փափազյան 23/1 հասցեում գտնվող ՙԳենացվալե՚ պանդոկում` որպես մատուցող: 2015թ. հունիսի 17-ին` ժամը 22:00-ի սահմաններում, ինքը դուրս է եկել` պանդոկի դիմաց գտնվող սեղանի մոտ նստած հաճախորդին սպասարկելու համար, որից հետո շուրջ 10 րոպե մնացել է դրսում, նստել հարևան սեղանի մոտ, որտեղ նստած է եղել պանդոկի տնօրենը` Մարատ Լևոնի Ժամկոչյանը: Այդ ընթացքում նկատել է, որ Ա.Խաչատրյան-Փափազյան փողոցների խաչմերուկի մոտ` պանդոկի դիմացի մայթեզրին, կանգնած զրուցել են 2 երիտասարդներ, որից հետո տեսել է, թե ինչպես Ա.Խաչատրյան փողոցին զուգահեռ մայթեզրով, որը հարակից է պանդոկի կողային հատվածին, մի խումբ տղաներ` շուրջ 6-7 հոգի, վազելով հատել են Փափազյան փողոցը և գնացել Կոմիտասի պողոտայի կողմ: Դրանից հետո ինքը մտել է պանդոկ և շարունակել աշխատանքը: Հետագայում իմացել է, որ վիճաբանություն է տեղի ունեցել:
Վկա Ռաֆայել Խաչատուրի Խաչիկյանը դատաքննության փուլում ցուցմունք է տվել, որ շուրջ 10 ամիս է` աշխատում է Երևան քաղաքի Փափազյան 23/1 հասցեում գտնվող ՙԳենացվալե՚ պանդոկում` որպես մատուցող: 2015թ. հունիսի 17-ի երեկոյան, երբ ինքը սպասարկել է պանդոկի դիմացի հատվածում գտնվող բացօթյա սեղաններից մեկը, լսել է բղավոցներ, որից հետո տեսել, թե ինչպես 4-5 տղա, միմյանց քաշքշելով, պանդոկի կողային հատվածից` Ա.Խաչատրյան փողոցի կողմից վազել են դեպի Փափազյան փողոց, հատել այն, այնուհետև վազել դեպի Կոմիտասի պողոտա: Այդ ժամանակ պանդոկի դիմացի առաջին սեղանին նստած հաճախորդներն իրեն ասել են, որ վազողներից ինչ-որ մեկը իրենց սեղանից վերցրել է գինու կուժը: Դրանից հետո մտել է պանդոկ և շարունակել իր աշխատանքը: Վկան նշել է, որ նշված միջադեպի ժամանակ պանդոկի դիմաց տեղադրված թվով 3 սեղաններից 2-ին նստած են եղել հաճախորդներ, երրորդ սեղանին` պանդոկի տնօրենը` Մարատ Ժամկոչյանը, իսկ միջադեպի պատճառով պանդոկից դուրս են եկել նաև այլ աշխատակիցներ: Հայտնել է, որ միջադեպից որոշ ժամանակ անց պանդոկի կողային հատվածում` Ա.Խաչատրյան փողոցի մայթեզրին, նկատել է արյան կաթիլներ:
Վկա Արտյոմ Աշոտի Հովհաննիսյանը դատաքննության փուլում ցուցմունք է տվել, որ երկար տարիներ է` մտերմություն է անում ՙԴավ Տիգ՚ տաքսի ծառայության տեր Ստյոպայի հետ: 2015թ. հունիսի 17-ին` ժամը 21:30-ի սահմաններում, երբ ինքը գտնվել է Երևան քաղաքի Ավետիսյան փողոցում գործող ՙԴավ Տիգ՚ տաքսի ծառայության գրասենյակում, Ստյոպան իրեն խնդրել է, որ գնա Հր.Քոչար փողոցում գտնվող ավտոմեքենաների վերանորոգման կետ և վերցնի ՙԴավ Տիգ՚ տաքսի ծառայությանը պատկանող ՙՄիտցուբիշի Լանսեռ՚ մակնիշի ավտոմեքենան, դրանով գնա տուն և հաջորդ օրն առավոտյան բերի գրասենյակ: Ինքը գնացել է ավտոմեքենաների վերանորոգման կետ, վերցրել ավտոմեքենան և Փափազյան փողոցով հատելով Կոմիտասի պողոտան, շարունակել է ճանապարհը` ՙԵրիցյաններ՚ սուպերմարկետի մոտով` որպեսզի գնա տուն` Եղվարդ: Փափազյան-Ա.Խաչատրյան փողոցների խաչմերուկ չհասած նկատել է, որ ՙԳենացվալե՚ պանդոկի մոտից մի տղա և մի աղջիկ վազելով անցել են դիմացի մայթ, իսկ այդ տղան ձեռքը մեկնելով փորձել է կանգնեցնել իր վարած ավտոմեքենան: Ինքը դեռ չի հասցրել ավտոմեքենան արգելակել, երբ այդ տղան ընթացքից բացել է ավտոմեքենայի հետևի դուռը, նստել հետևի նստատեղին և ասել` ՙքշի՚, իսկ նրա հետի աղջիկը մնացել է փողոցում: Այդ ժամանակ ՙԳենացվալե՚ պանդոկի մայթից ինչ-որ բան են նետել, որն ընկել է ավտոմեքենայի տանիքի հետևի հատվածին և փշրվել, որից հետո 3-4 տղաներ գոռալով` ՙկանգնի՚, երկու կողմից հարձակվել են ավտոմեքենայի վրա, ինչ-որ մեկը ոտքով հարվածել է հետևի աջ թևքին` կռիլոյին, որից հետո այդ տղաները բացել են հետևի դռները, սկսել ոտքերով հարվածել և քաշքշելով դուրս հանել հետևի նստատեղին նստած տղային: Այդ ժամանակ ինքը Ա.Խաչատրյան խաչմերուկ չհասած` Փափազյան փողոցի մայթեզրին` ՙԳենացվալե՚ պանդոկի դիմացի մայթի մոտ, կայանել է ավտոմեքենան, իջել և տեսել, որ 5-6 տղաներ քաշքշում և ծեծում են ավտոմեքենայի հետևի նստատեղից իջեցրած տղային, իսկ մի քանի վայրկյան անց այդ տղան փախել է, վերջինիս ծեծի ենթարկող տղաները սկսել են հետապնդել նրան, իսկ նրանց հետևից գնացել է նաև այդ տղայի հետի աղջիկը` ով մնացել էր փողոցում: Դրանից հետո տեսել է, որ ավտոմեքենայի տանիքը վնասվել է, իսկ գետնին թափված են եղել կավե տարայի կտորներ` որով հարվածել էին ավտոմեքենային, ինչպես նաև տեսել է, որ ավտոմեքենայի հետևի աջ թևքը` կռիլոն, վնասված է: Դրանից հետո, որպեսզի ավտոմեքենան չխանգարի երթևեկությանը, ինքն այն տեղափոխել է ՙՊոլոզ Մուկուչ՚ ռեստորանի կողային հատված և այնտեղ հավաքված մարդկանց հարցրել, թե ովքեր էին այդ տղաները, նրանցից ում են ճանաչում և ինչի համար էին այն տղային ծեծում, սակայն նրանք ասել են, որ ոչ ոքի չեն ճանաչում: Դրանից հետո ինքն ավտոմեքենան տարել է Ավետիսյան փողոց` ՙԴավ Տիգ՚ տաքսի ծառայության գրասենյակ: Վկան նաև հայտնել է, որ դեպքին ականատես են եղել այդ ժամանակ փողոցով անցնող քաղաքացիներ, ՙԳենացվալե՚ պանդոկի աշխատակիցները և հաճախորդները, ովքեր դուրս են եկել ռեստորանից և տեսել, թե ինչ է կատարվում, ինչպես նաև Փափազյան փողոցով անցնող ավտոմեքենաները դանդաղեցրել են ընթացքը, որպեսզի տեսնեն, թե ինչ է պատահել, քանի որ շատ մարդիկ են եղել հավաքված այդ հատվածում:
Վկա Արման Յուրիի Թեջոյանը դատաքննության փուլում ըստ էության պնդել է նախաքննության փուլում տված ցուցմունքը, որ 2015թ. մայիսից ճանաչում է Երևան քաղաքի Մանուշյան փողոցի բնակիչ Ռուսլան Արարատի Ներսեսյանին, որի հետ գտնվել է նորմալ հարաբերությունների մեջ: 2015թ. հունիսի 17-ին` ժամը 22:00-ի սահմաններում, երբ ինքն անցել է ՙԵրիցյաններ՚ սուպերմարկետի շենքի հետևի բակով, այնտեղ գտնվող տաղավարում նստած է եղել Ռ.Ներսեսյանը: Տեսնելով իրեն` Ռ.Ներսեսյանը հարցրել է, թե իր բջջային հեռախոսի մեջ գումար, կա, թե ոչ: Ինքը հայտնել է, որ կա և նրան փոխանցել իր բջջային հեռախոսը: Ռ.Ներսեսյանն ինչ-որ հեռախոսահամար է հավաքել ու քայլելով գնացել տաղավարի կողքը գտնվող մարզահրապարակի կողմ, իսկ ինքը մնացել է տաղավարում նստած: Մի քանի րոպե անց Ռ.Ներսեսյանը վերադարձել է, տվել հեռախոսը և հարցրել, թե ուր է գնում: Ինքը պատասխանել է, որ գնում է տուն, որից հետո Ռ.Ներսեսյանն իրեն առաջարկել է միասին գնալ ՙԵրիցյաններ՚ սուպերմարկետի մոտ, ինչ-որ անձի հանդիպել, որից հետո միասին կգնան տուն: Ինքը համաձայնել է, նրան հարցրել, թե ինչ է պատահել, իսկ Ռ.Ներսեսյանը պատասխանել է, որ ոչինչ չի եղել: Դրանից հետո իրենք քայլելով գնացել են ՙԳենացվալե՚ պանդոկի կողմ, հանդիպել Ռ.Ներսեսյանի ընկերոջը` Ժ.Գասպարյանին, որից հետո Ռ.Ներսեսյանը կրկին վերցրել է հեռախոսը և զանգահարել ինչ-որ մեկին ու առանձնանալով իրենցից` զրուցել: Մի քանի րոպե անց Ռ.Ներսեսյանն առաջարկել է գնալ ՙԵրիցյաններ՚ սուպերմարկետի մոտ ինչ-որ մարդու տեսնելու, սակայն չի ասել, թե ում և ինչի համար: Ինքը, Ռ.Ներսեսյանը և Ժ.Գասպարյանը գնացել են ՙԵրիցյաններ՚ սուպերմարկետի դիմացի հատված, որտեղ իրենց ընդառաջ են եկել Սոֆիկ Թոխյանը և Ռաֆայել Մելքումյանը: Դրանից հետո իրենք միասին քայլել են ՙԳենացվալե՚ պանդոկի կողային հատված, որտեղ Ռ.Ներսեսյանը սկսել է հարցեր տալ Ս.Թոխյանին և Ռ.Մելքումյանին, թե ինչպես են նրա հետ խոսում, որին Ս.Թոխյանը պատասխանել է` ՙլավ եմ անում այ թուլա՚: Այդ ժամանակ Ռ.Ներսեսյանը կոպտել է Ս.Թոխյանին և բորբոքված խոսել Ռ.Մելքումյանի հետ` հարցնելով. ՙդու տեր ես սրա ասածների համար՚, Ս.Թոխյանն ասել է, որ ինքն է տեր իր ասածներին, իսկ Ռ.Մելքումյանը հայտնել է, որ այդ հարցի շուրջ կխոսեն հետո, երբ նա իր ընկերների հետ կգա: Այդ ժամանակ ինքը բռնել է Ռ.Ներսեսյանի ձեռքը և քաշելով տարել մի կողմ, որպեսզի կռիվ չսկսվի: Բարձր ձայների վրա հավաքվել են թաղամասի մի քանի տղաներ, որոնց ինքը չի ճանաչել և Ռ.Ներսեսյանից տեղեկանալով, որ նա բնակվում է Մանուշյան փողոցում, ասել են, որ գնա իր թաղում իր հարցերը պարզի, ձենը գլուխը չգցի: Դրանից հետո ինքը Ռ.Ներսեսյանին կրկին մի կողմ է տարել և առաջարկել, որ Ժ.Գասպարյանն առանձնանա Ս.Թոխյանի և Ռ.Մելքումյանի հետ ու պարզի իր հարցերը: Ինքը, Ռուսլանը և իրենց մոտեցած 3-4 տղաները մնացել են ՙԳենացվալե՚ պանդոկի կողային հատվածում, իսկ Ժ.Գասպարյանը, Ս.Թոխյանը և Ռ.Մելքումյանը քայլել են Փափազյան-Ա.Խաչատրյան փողոցների խաչմերուկի մայթի կողմ` զրուցելու: Մի քանի վայրկյան անց իրենք նկատել են, որ Ս.Թոխյանը ոտքով հարվածել է Ժ.Գասպարյանին, այնուհետև Ռ.Մելքումյանն էլ է սկսել հարվածել Ժ.Գասպարյանին, իսկ վերջինս էլ նրանց: Այդ ժամանակ Ռ.Ներսեսյանը վազելով մոտեցել է նրանց և սկսել հարվածել Ռ.Մելքումյանին, իսկ նա էլ Ռ.Ներսեսյանին: Նրանց են մոտեցել ինքը և մյուս տղաները ու սկսել են իրարից բաժանել, հանդարտեցնել նրանց: Սակայն Ռ.Մելքումյանը և Ռ.Ներսեսյանն իրար հարվածելով և քաշքշելով դուրս են եկել փողոց, իսկ ինքը և մյուս տղաները իրարից բաժանել են Ս.Թոխյանին և Ժ.Գասպարյանին, ինչպես նաև նախատել, որ հանդարտվեն: Մի քանի վայրկյան անց, երբ Ս.Թոխյանը նույնպես գնացել է Փափազյան փողոցի կողմ` Ռ.Մելքումյանի և Ռ.Ներսեսյանի մոտ, Ռ.Ներսեսյանը մեջքը բռնած հետ է վերադարձել և հայտնել, որ նրան դանակահարել են: Այդ ժամանակ ինքը նկատել է, որ Ռ.Մելքումյանը բռնել է Ս.Թոխյանի ձեռքը և Փափազյան փողոցում փորձել տաքսի ավտոմեքենա կանգնեցնել ու փախչել: Ինքը, Ժ.Գասպարյանը և ևս 2 տղա, որոնց չի ճանաչել, վազել են դեպի Փափազյան փողոց, որի ընթացքում Ժ.Գասպարյանը ինչ-որ բան է նետել այն տաքսի ավտոմեքենայի վրա, որի հետևի նստատեղին ընթացքից նստել է Ռ.Մելքումյանը, իսկ Ս.Թոխյանը մնացել է փողոցում: Իրենք հասնելով տաքսի ավտոմեքենային փորձել են կանգնեցնել այն, որպեսզի Ռ.Մելքումյանը չփախչի: Այդ ժամանակ ինքը բացել է տաքսի ավտոմեքենայի հետևի ձախ դուռը և փորձել ոտքով հարվածել հետևի նստած Ռ.Մելքումյանին, որպեսզի նա իջնի ավտոմեքենայից, սակայն ոտքը նրան չի կպել, քանի որ ինչ-որ մեկը բացելով տաքսի ավտոմեքենայի հետևի աջ դուռը քաշել և հանել է Ռ.Մելքումյանին, իսկ այդ ժամանակ նրան մոտեցած Ժ.Գասպարյանը սկսել է հարվածել Ռ.Մելքումյանին ու գցել գետնին, որից հետո Ռ.Մելքումյանը փախել է դեպի Կոմիտասի պողոտա, իսկ ինքը և մյուս տղաները հետապնդել են նրան, սակայն չեն բռնել: Դրանից հետո ինքը գնացել է ՙԳենացվալե՚ պանդոկի հետևի շենքի բակ և Ա.Խաչատրյան-Վաղարշյան փողոցների խաչմերուկ չհասած` տեսել Ժ.Գասպարյանին, ով նույնպես փնտրել է Ռ.Ներսեսյանին: Դրանից հետո ՙՇիվանզադե՚ դպրոցի մոտ տեսել են Ռ.Ներսեսյանին` բինտով վիրակապած, սակայն նրա մեջքից ուժեղ արյուն է հոսել: Դրանից հետո պատահական տաքսի ավտոմեքենայով Ռ.Ներսեսյանին տարել են տուն, որից հետո տեղափոխել հիվանդանոց: Վկան նշել է նաև, որ դեպքին` կռվի մասնակիցներից բացի, ներկա են գտնվել իրենց մոտեցած 3-4 տղաները, պատահական անցորդներ, ՙԳենացվալե՚ պանդոկի աշխատակիցները և հաճախորդները, ինչպես նաև տաքսի ավտոմեքենայի վարորդը, որով Ռ.Մելքումյանը փորձել է փախչել:
06.08.2015թ. վկա Սոֆիկ Օնիկի Թոխյանի մասնակցությամբ, 04.08.2015թ.ն ՙՂ-Տելեկոմ՚ ՓԲԸ-ից ստացված վերծանումները զննելու մասին արձանագրության համաձայն` հիմնավորվել են 17.06.2015թ. Ժ.Գասպարյանի կողմից զննության մասնակցին` Սոֆիկ Թոխյանին, Հռիփսիմե Հարությունյանին, Ռաֆայել Մելքումյանին և Ռուսլան Ներսեսյանին կատարած և վերջիններիցս ստացած հեռախոսազանգերը, ինչպես նաև վերծանումներով ստացված` դեպքի ժամանակ վերջիններիս բջջային հեռախոսահամարները սպասարկած ալեհավաք կայանների տվյալներով հիմնավորվել է վերջիններիս ՙԳենացվալե՚ պանդոկի մոտ գտնվելու հանգամանքը:
Հ. 2, գ.թ. 162-174
10.09.2015թ. վկա Սոֆիկ Օնիկի Թոխյանի մասնակցությամբ, ՀՀ ոստիկանության Արաբկիրի բաժնի կողմից ներկայացված 17.06.2015թ. 22:30-ից մինչև 22:50-ն ընկած ժամանակահատվածի Երևան քաղաքի Փափազյան և Ա.Խաչատրյան փողոցների, խաչմերուկի և ՙԳենացվալե՚ պանդոկի դիմացի հատվածի տեսագրությունները զննելու մասին արձանագրությամբ, համաձայն որի` ՙPapazyan video՚ տեսաֆայլի ՙPapazyan parking 17.06՚ ֆայլի ՙkam 28/9/4՚ տեսագրությունում երևում է, թե ինչպես ժամը 22:30:57-ին Փափազյան փողոցում գտնվող ՙՏաշիր պիցցա՚-ի դիմաց գտնվող ավտոկայանետեղի է գալիս ՙՆիսսան՚ մակնիշի տաքսի ավտոմեքենա, որից ըստ մասնակցի հայտարարության իջնում են ինքը և Ռաֆայել Մելքումյանը: Կանգնելով ՙՏաշիր պիցցա՚-ի մուտքի մոտ, սպասում են մինչև ժամը 22:32:22-ը, որից հետո նրանց են մոտենում 3 տղաներ, որոնք ըստ մասնակցի հայտարարության հանդիսանում են Ժորա Գասպարյանը, Ռուսլան Ներսեսյանը և վերջինիս ընկերը, որի անունը ինքը չգիտի: Նրանք միասին քայլելով գնում են դեպի Ա.Խաչատրյան փողոցի կողմ և դուրս գալիս օբյեկտիվից: ՙKam28/9/6՚ և ՙՄուվ 0066՚ ֆայլերի ուսումնասիիրությամբ երևում է, թե ինչպես ժամը 22:33-ից մինչև 22:34-ն ընկած ժամանակահատվածում երեք տղաներ և մեկ աղջիկ միասին քայլում են դեպի Ա.Խաչատրյան փողոցի կողմ: Ըստ մասնակցի հայտատարության նշված աղջիկը ինքն է, իսկ տղաները` հանդիսանում են ինքը, Ռաֆայել Մելքումյանը, ով բաց գույնի սվիտրով է և քայլում է իր կողքով, իսկ իրենց առջևից քայլում են Ժորա Գասպարյանը, ով ամբողջովին սև հագուստներով է և բարձրահասակ, իսկ նրա կողքով քայլում է Ռ.Ներսեսյանի ընկերը, որին ինքը չի ճանաչում: ՙՓափազյան դանակահարություն՚ ֆայլի մեջ առկա ՙ109.75.36.225.07՚ տեսաֆայլում երևում է, թե ինչպես ժամը 22:33:07-ին ՙԳենացվալե՚ պանդոկի կողային հատվածում` Ա.Խաչատրյան փողոցի մայթեզրին, մոտենում են վերոնշյալ անձինք, կանգնած զրուցում, մերթ ընդ մերթ դուրս գալով օբյեկտիվից և հետ վերադառնալով: Ըստ մասնակից Ս.Թոխյանի նշված ժամանակ տեղի է ունեցել լեզվակռիվ, որի ընթացքում Ժ.Գասպարյանն իրեն վիրավորել է, իսկ ինքը նրան անվանել է ՙթուլլա՚: Ժամը 22:38:40-ին երևում է, թե ինչպես նշված անձիք սկսում են իրար քաշքշել, ոտքերով հարվածել, շարժվելով դեպի Փափազյան–Ա.Խաչատրյան փողոցների խաչմերուկ: Ժամը 22:39:00-ին վերջիններս դուրս են գալիս տեսախցիկի օբյեկտիվից: Նույն ֆայլի մեջ առկա ՙԳայի18.06՚ տեսաֆայլում երևում է, թե ինչպես ժամը 22:39:37-ին տեսագրության աջ հատվածում դեպի փողոց են դուրս գալիս թվով 4 անձինք, որոնք ըստ մասնակցի հայտարարության հանդիսանում են ինքը, Ռաֆայել Մելքումյանը, Ռուսլան Ներսեսյանը և վերջինիս ընկերը, որին ինքը չի ճանաչում: Վերջիններս մի քանի վայրկյան զրուցում են, որից հետո սկսվում է իրարանցում, իսկ ժամը 22:39:45-ին երևում է, թե ինչպես Ռաֆայել Մելքումյանը բռնելով Ս.Թոխյանի ձեռքից, անցնում են դիմացի մայթը, որի ընթացքում ըստ մասնակցի հայտարարության Ռաֆայել Մելքումյանն իրեն ասել է ՙՍոֆի թռանք՚: Դրանից հետո երևում է, թե ինչպես Ռ.Մելքոնյանը փորձում է նստել ինչ-որ տաքսի ավտոմեքենա, սակայն հավաքված անձինք թույլ չեն տալիս հեռանալ, Ռ.Մելքումյանին դուրս են հանում տաքսի ավտոմեքենայից, իրարանցում է տեղի ունենում, որից հետո բոլորը սկսում են վազել Կոմիտասի նպողոտայի ուղղությամբ և դուրս են գալիս օբյեկտիվից: Ըստ մասնակցի հայտարարության հավաքվածները` այդ թվում Ժորա Գասպարյանը, Ռ.Մելքումյանին տաքսի ավտոմեքենայից իջեցնելուց հետո քաշքշել և ծեծի են ենթարկել, որի ժամանակ վերջինս փախել է Կոմիտասի պողոտայի կողմ, իսկ Ժ.Գասպարյանը և մյուսները հետապնդել են նրան: ՙՓափազյան դանակ՚ ֆայլի մեջ գտնվող ՙ1 08-էռ՚ ֆայլում երևում է, թե ինչպես ժամը 22:41:02-ին վազելով դեպի ձախ կողմ, փողոցն է անցնում Ռաֆայել Մելքումյանը, իսկ նրա հետևից ևս 2 տղաներ, իսկ փողոցի միջնամասում նրանց միանում են ևս 2-ը: ՙԳայի՚ ֆայլի մեջ առկա ՙՊապ խաչ 0՚ տեսաֆայլում երևում է, թե ինչպես ժամը 22:40:09-ից տաքսի ավտոմեքենա են փորձում նստել Ռաֆայել Մելքումյանը և Սոֆիկ Թոխյանը, սակայն թվով 6 տղաներ, որոնց դեմքերը չի երևում, հարձակվում են տաքսի ավտոմեքենայի վրա, հետևի նստատեղից իջեցնում Ռաֆայել Մելքումյանին, սկսում քաշքշել, որից հետո բոլորը վազում են Կոմիտասի պողոտայի ուղղությամբ և դուրս գալիս օբյեկտիվից: 109753622507-20150618092616005 ֆայլում երևում է, թե ինչպես ժամը 22:39:02-ին սև հագուստներով ինչ-որ մեկը, ով ըստ մասնակցի հայտարարության հանդիսանում է Ժորա Գասպարյանը, արագ քայլելով մոտենում է ՙԳենացվալե՚ պանդոկի դիմաց տեղադրված սեղաններից մեկին, ինչ-որ բան վերցնում վրայից և վազելով դեպի Կոմիտասի պողոտայի կողմ` դուրս գալիս օբյեկտիվից: Ըստ մասնակից Ս.Թոխյանի հայտարարության, Ժորա Գասպարյանը այդ ժամանակ պանդոկի դիմացի սեղանից վերցրել է կավե տարա, որը նետել է տաքսի ավտոմեքենայի վրա, որով Ռաֆայել Մելքումյանը փորձել է փախչել:
Հ. 2, գ.թ. 252-254
15.10.2015թ. վկա Արման Յուրիի Թեջոյանի մասնակցությամբ, ՀՀ ոստիկանության Արաբկիրի բաժնի կողմից ներկայացված 17.06.2015թ. 22-30-ից մինչև 22:50-ն ընկած ժամանակահատվածի Երևան քաղաքի Փափազյան և Ա.Խաչատրյան փողոցների, խաչմերուկի և ՙԳենացվալե՚ պանդոկի դիմացի հատվածի տեսագրությունները զննելու մասին արձանագրությամբ, համաձայն որի` ՙPapazyan video՚ տեսաֆայլի ՙPapazyan parking 17.06՚ ֆայլում առկա ՙkam 28/9/4՚ տեսագրությամբ երևում է, թե ինչպես ժամը 22:30:57-ին Փափազյան փողոցում գտնվող ՙՏաշիր պիցցա՚-ի դիմաց գտնվող ավտոկայանետեղի է գալիս ՙՆիսսան՚ մակնիշի տաքսի ավտոմեքենա, որից իջնում են երկու անձինք, որոնք ըստ մասնակից Ա.Թեջոյանի հայտարարության հանդիսանում են Սոֆիկ Թոխյանը և Ռաֆայել Մելքումյանը: Կանգնելով ՙՏաշիր պիցցա՚ -ի մուտքի մոտ, սպասում են մինչև ժամը 22:32:22-ը, որից հետո նրանց են մոտենում 3 տղաներ, որոնք ըստ մասնակցի հայտարարության հանդիսանում են ինքը, Ժորա Գասպարյանը և Ռուսլան Ներսեսյանը: Նրանք միասին քայլելով գնում են դեպի Ա.Խաչատրյան փողոցի կողմ և դուրս գալիս օբյեկտիվից: ՙKam28/9/6՚ և ՙՄուվ 0066՚ ֆայլում երևում է, թե ինչպես ժամը 22:33-ից մինչև 22:34-ն ընկած ժամանակահատվածում երեք տղաներ և մեկ աղջիկ միասին քայլում են դեպի Ա.Խաչատրյան փողոցի կողմ: Ըստ մասնակից Ա.Թեջոյանի հայտատարության նշված աղջիկը, որի հագին սև գույնի տաբատ է և դեղին գույնի սպորտային շապիկ, հանդիսանում է Սոֆիկ Թոխյանը, նրա կողքով քայլող` մոխրագույն սվիտրով, ջինսե տաբատով և սպիտակ գույնի սպորտային կոշիկներով անձը հանդիսանում է Ռաֆայել Մելքումյանը: Նրանց դիմացից քայլող ամբողջովին սև հագուստներով անձը հանդիսանում է Ժորա Գասպարյանը, իսկ նրա կողքով քայլող, ձեռքերը ծոծրակին դրած անձը հանդիսանում է ինքը: ՙՓափազյան դանակահարություն՚ ֆայլի մեջ առկա ՙ109.75.36.225.07՚ տեսաֆայլում երևում է, թե ինչպես ժամը 22:33:00-ին ՙԳենացվալե՚ պանդոկի դիմացով դեպի կողային հատված են գալիս 4 տղաներ և մեկ աղջիկ, որոնք ըստ մասնակցի հայտարարության հանդիսանում են ինքը, Սոֆիկ Թոխյանը, Ռաֆայել Մելքումյանը, Ռուսլան Ներսեսյանը և Ժորա Գասպարյանը: Որից հետո երևում է, թե ինչպես տղաներից ինչ-որ մեկը բռնում է մեկ այլ տղայի ձեռքից և քաշում պանդոկի կողային հատված, իսկ նրանց հետևից գնում են ևս 2 տղաներ և Ս.Թոխյանը: Ըստ մասնակցի հայտարարության պանդոկի կողային հատված հասնելու ժամանակ ինքը նկատել է, որ Ս.Թոխյանի և Ռ.Ներսեսյանի միջև լեզվակռիվ է սկսվել և բարձր են խոսում, ինքն է բռնել Ռ.Ներսեսյանի ձեռքից և քաշել-տարել պանդոկի կողային հատված, իսկ նրանց հետևից այդ կողմ են քայլել Ժ.Գասպարյանը, Ռ.Մելքումյանը և Ս.Թոխյանը: Տեսագրության ժամը 22:34:05-ին երևում է, որ իրարանցում է սկսվում պանդոկի կողային հատվածում, որի ժամանակ Ս.Թոխյանը բռնում է Ռ.Մելքումյանի ձեռքից և քաշում մի կողմ` ով ինչ-որ բան է խոսում Ռ.Ներսեսյանի, Ժ.գասպարյանի և զննության մասնակից Արման Թեջոյանի հետ: Ըստ մասնակցի հայտարարության այդ ժամանակ Ռ.Ներսեսյանը Ռ.Մելքումյանի հարցրել է, թե նա տեր է Ս.Թոխյանի ասածներին, քանի որ Ս.Թոխյանը Ռ.Ներսեսյանին ՙթուլա՚ էր անվանել, իսկ Ռ.Մելքումյանը ասում էր, որ հետո իր ընկերների հետ կգա և կխոսեն այդ մասին: Դրանից հետո երևում է, թե ինչպես զննության մասնակից Արման Թեջոյանը կրկին բռնում է Ռ.Ներսեսյանի ձեռքից և տանում պանդոկի կողային հատված, իսկ նրանց հետևից գնում են Ռ.Մելքումյանը, Ս.Թոխյանը և ևս 2 տղաներ: Ըստ մասնակցի հայտարարության նշված տղաներին ինքը չի ճանաչում: Տեսագրության 22:36:10-ին երևում է, թե ինչպես նրանց են մոտենուն ևս 2 տղաներ: Ըստ մասնակից Արման Թեջոյանի հայտարարության ինքը նշված տղաներին նույնպես չի ճանաչում, սակայն, երբ նրանք մոտեցել են իրենց Ռ.Ներսեսյանից պահանջել են, որ գնա ուրիշ տեղ իր հարցերը պարզի: Տեսագրության ժամը 22:37:50-ին երևում է, որ Ժ.Գասպարյանը զրուցում է Ռ.Մելքումյանի և Ս.Թոխյանի հետ: Ըստ մասնակցի հայտարարության այդ ժամանակ Ժ.գասպարյանը Ս.Թոխյանին և Ռ.Մելքումյանին առաջարկել է գնալ և զրուցել պանդոկի հետևի հատվածում, իսկ Ս.Թոխյանը և Ռ.Մելքումյանը առաջարկել են խոսել Ա.Խաչատրյան-Փափազյան խաչմերուկի մոտ: Տեսագրության ժամը 22:38:25-ին երևում է, թե ինչպես Ժ.Գասպարյանը, Ս.Թոխյանը և Ռ.Մելքումյանը քայլում են խաչմերուկի մոտ, կանգնում մայթեզրին, որից հետո կռիվ է սկսվում: Ըստ մասնակցի հայտարարության առաջինը Ս.Թոխյանն է ոտքով սկսում հարվածել Ժ.Գասպարյանին, որից հետո Ռ.Մելքումյանն էլ է սկսում հարվածել Ժ.Գասպարյանին, իսկ վերջինս էլ նրանց: Դրանից հետո երևում է, թե ինչպես վազելով նրանց է մոտենում մի տղա, իսկ նրա հետևից քայլելով գնում են ևս 3 տղաներ, որոնց հետևից վազելով գալիս է ևս մեկ տղա: Ըստ մասնակից Արման Թեջոյանի հայտարարության, առաջինը վազելով նրանց է մոտենում Ռ.Ներսեսյանը և սկսում քաշքշել ու հարվածել Ս.Թոխյանին և Ռ.Մելքումյանին, իսկ նրանց մոտեցող 3 տղաներից մեկը ինքն է և մոտենալով իրար հետ կռվող Ս.Թոխյանին և Ժ.Գասպարյանին, ինքը փորձել է նրանց բաժանել և հանդարտեցնել: Իսկ մյուս տղաները, ովքեր քայլել են իր հետ կամ մոտեցել կռիվ անողներին` ինքը չի ճանաչում: Տեսագրության ժամը 22:38:55-ին երևում է, թե ինչպես Ռ.Ներսեսյանը մեջքը բռնած քայլելով գնում է ՙԳենացվալե՚ պանդոկի կողային հատված: Ըստ մասնակցի հայտարարության, երբ ինքը խաչմերուկի մայթեզրին կանգնած հանդարտեցրել է Ժ.Գասպարյանին ու տեսել, որ Ս.Թոխյանը գնացել է Ռ.Մելքումյանի և Ռ.Ներսեսյանի կողմ, ինքն էլ է քայլել դեպի փողոց` նրանց մոտ, սակայն իրեն ընդառաջ եկած Ռ.Ներսեսյանը հայտնել է, որ նրան դանակահարել են և մեջքը բռնած քայլել է պանդոկի կողային հատված` չասելով, թե ով է եղել դանակահարողը: Տեսագրության ժամը 22:39:02-ին երևում է, թե ինչպես Ժ.Գասպարյանը պանդոկի դիմացի սեղաններից մեկից վերցնում է ինչ-որ իր և վազում փափազյան փողոց: Ըստ մասնակցի հայտարարության Ժ.Գասպարյանը ինչ-որ շիշ է վերցրել և այնուհետև այն նետել է տաքսի ավտոմեքենայի վրա, որով Ռ.Մելքումյանը փորձել է փախչել: ՙՄուվ 0066՚ ֆայլում երևում է, թե ինչպես Ռ.Մելքումյանը և Ս.Թոխյանը փորձում են նստել Փափազյան փողոցով անցնող տաքսի ավտոմեքենան, իսկ այդ ընթացքում պանդոկի դիմացի աջ հատվածից դեպի Փափազյան փողոց են վազում թվով 4 տղաներ, որոնցից մեկը մոտենալով տաքսի ավտոմեքենային փորձում է բացել հետևի ձախ դուռը: Ըստ մասնակից Արման Թեջոյանի հայտարարության, նշված 4 տղաներից մեկը ինքն է, մյուսը Ժ.Գասպարյանը, իսկ մնացածին ինքը չի ճանաչում: Իսկ տաքսի ավտոմեքենայի հետևի ձախ դուռն ինքն է փորձել բացել, քանի որ Ռ.Մելքումյանը ընթացքից նստել է տաքսի ավտոմեքենայի հետևի նստատեղին ու փորձել փախչել, իսկ Ս.Թոխյանը մնացել է փողոցում: ՙՊապ խաչ 0-1506-225550՚ տեսաֆում երևում է, թե ինչպես ժամը 22:40:45-ին պանդոկի դիմաց` Փափազյան փողոցում, իրար են քաշքչում 2 տղաներ և մեկ աղջիկ, որից հետո այդ տղաներից մեկը բռնելով մեջքը գնում է պանդոկի կողմ, իսկ մյուս տղան և աղջիկը փորձում են նստել տաքսի ավտոմեքենա: Ըստ մասնակից Արման Թեջոյանի հայտարարության Փափազյան փողոցում իրաի են քաշքշում Ռ.Մելուքմյանը և Ռ.Ներսեսյանը, ինչպես նաև նրանց միացած Ս.Թոխյանը, որից հետո Ռ.Ներսեսյանն է մեջքը բռնած գնում պանդոկի կողմ, իսկ Ս.Թոխյանը և Ռ.Մելքումյանը փորձում են նստել տաքսի ավտոմեքենա: ՙՊապ խաչ 0-1506-223000՚ տեսաֆայլում երևում է, թե ինչպես ժամը 22:39:45-ին պանդոկի դիմացից դեպի Փափազյան փողոց են դուրս գալիս Ս.Թոխյանը և Ռ.Մելքումյանը ու փորձում նստել տաքսի ավտոմեքենա: Տեսագրության ժամը 22:40:09-ին երևում է, թե ինչպես ՙԴավՏիգ՚ տաքսի ծառայության ավտոմեքենայի հետևի ձախ դուռն է բացում մի տղա և ոտքով հարվածի շարժում կատարում, իսկ ևս 2 անձինք շրջապատում են տաքսի ավտոմեքենան, որից հետո ինչ-որ մեկը բացում է տաքսի ավտոմեքենայի հետևի աջ դուռը, քաշքշելով դուրս հանում Ռ.Մելքումյանին, տաքսի ավտոմեքենայից իջնում է նաև վարորդը, իսկ հավաքվածներից մեկը սկսում է հարվածել Ռ.Մելքումյանին, որից հետո բոլորը սկսում են վազել պանդոկի դիմացի մայթով դեպի Կոմիտասի պողոտայի ուղղությամբ: Ըստ մասնակից Արման Թեջոյանի հայտարարության, տաքսի ավտոմեքենայի հետևի ձախ դուռը բացել է ինքը և փորձել ոտքով դուրս հրել Ռ.Մելքումյանին, քանի որ մտածել է, որ նրա մոտ դանակ կա, սակայն իր ոտքը Ռ.Մելքումյանին չի կպել, քանի որ ինչ-որ մեկը, որին ինքը չի ճանաչում, այդ ընթացքում Ռ.Մելքումյանին քաշել հանել է տաքսի ավտոմեքենայի հետևի աջ դռնից, որից հետո Ժ.Գասպարյանը սկսել է հարվածել Ռ.Մելքումյանին, ինչի հետևանքով Ռ.Մելքումյանը ընկել է գետնին և անմիջապես վերկենալով` դիմել փախուստի:
Հ. 3 գ.թ. 81-84
10.11.2015թ. մեղադրյալ Ժորա Դավթի Գասպարյանի մասնակցությամբ, ՀՀ ոստիկանության Արաբկիրի բաժնի կողմից ներկայացված 17.06.2015թ. 22.30-ից մինչև 22:50-ն ընկած ժամանակահատվածի Երևան քաղաքի Փափազյան և Ա.Խաչատրյան փողոցների, խաչմերուկի և ՙԳենացվալե՚ պանդոկի դիմացի հատվածի տեսագրությունները զննելու մասին արձանագրությամբ, համաձայն որի` ՙPapazyan video՚ տեսաֆայլի ՙPapazyan parking 17.06՚ ֆայլում առկա ՙkam 28/9/4՚ տեսագրությամբ երևում է, թե ինչպես ժամը 22:30:57-ին Փափազյան փողոցում գտնվող ՙՏաշիր պիցցա՚-ի դիմաց գտնվող ավտոկայանետեղի է գալիս ՙՆիսսան՚ մակնիշի տաքսի ավտոմեքենա, որից իջնում են երկու անձինք, որոնք ըստ մասնակից Ժորա Գասպարյանի հայտարարության հանդիսանում են Սոֆիկ Թոխյանը և Ռաֆայել Մելքումյանը: Կանգնելով ՙՏաշիր պիցցա՚ -ի մուտքի մոտ, սպասում են մինչև ժամը 22:32:22-ը, որից հետո նրանց են մոտենում 3 տղաներ, որոնք ըստ մասնակցի հայտարարության հանդիսանում են ինքը, Արման Թեջոյանը և Ռուսլան Ներսեսյանը: Նրանք միասին քայլելով գնում են դեպի Ա.Խաչատրյան փողոցի կողմ և դուրս գալիս օբյեկտիվից: ՙKam28/9/6՚ և ՙՄուվ 0066՚ ֆայլում երևում է, թե ինչպես ժամը 22:33-ից մինչև 22:34-ն ընկած ժամանակահատվածում երեք տղաներ և մեկ աղջիկ միասին քայլում են դեպի Ա.Խաչատրյան փողոցի կողմ: Ըստ մասնակից Ժ.Գասպարյանի հայտատարության նշված աղջիկը, որի հագին սև գույնի տաբատ է և դեղին գույնի սպորտային շապիկ, հանդիսանում է Ս. Թոխյանը, նրա կողքով քայլող` մոխրագույն սվիտրով, ջինսե տաբատով և սպիտակ գույնի սպորտային կոշիկներով անձը հանդիսանում է Ռ.Մելքումյանը: Նրանց դիմացից քայլող, ամբողջովին սև հագուստներով անձը հանդիսանում է ինքը, իսկ իր կողքով քայլող, ձեռքերը ծոծրակին դրած անձը հանդիսանում է Ա.Թեջոյանը: ՙՓափազյան դանակահարություն՚ ֆայլի մեջ առկա ՙ109.75.36.225.07՚ տեսաֆայլում երևում է, թե ինչպես ժամը 22:33:00-ին ՙԳենացվալե՚ պանդոկի դիմացով դեպի կողային հատված են գալիս 4 տղաներ և մեկ աղջիկ, որոնք ըստ մասնակցի հայտարարության հանդիսանում են ինքը, Ս.Թոխյանը, Ռ.Մելքումյանը, Ռ.Ներսեսյանը և Ա.Թեջոյանը: Որից հետո երևում է, թե ինչպես տղաներից ինչ-որ մեկը բռնում է մեկ այլ տղայի ձեռքից և քաշում պանդոկի կողային հատված, իսկ նրանց հետևից գնում են ևս 2 տղաներ և Ս.Թոխյանը: Ըստ մասնակցի հայտարարության պանդոկի կողային հատված հասնելու ժամանակ Ս.Թոխյանի և Ռ.Ներսեսյանի միջև լեզվակռիվ է սկսվել և բարձր են խոսել, այդ ժամանակ Ա.Թեջոյանը բռնել է Ռ.Ներսեսյանի ձեռքից և քաշել-տարել պանդոկի կողային հատված, իսկ նրանց հետևից այդ կողմ են քայլել ինքը, Ռ.Մելքումյանը և Ս.Թոխյանը: Տեսագրության 22:34:05-ին երևում է, որ իրարանցում է սկսվում պանդոկի կողային հատվածում, որի ժամանակ Ս.Թոխյանը բռնում է Ռ.Մելքումյանի ձեռքից և քաշում մի կողմ` ով ինչ-որ բան է խոսում Ռ.Ներսեսյանի, Ա.Թեջոյանի և զննության մասնակից Ժ.Գասպարյանի հետ: Ըստ մասնակից Ժ.Գասպարյանի հայտարարության այդ ժամանակ Ռ.Ներսեսյանը Ռ.Մելքումյանին հարցրել է, թե նա տեր է Ս.Թոխյանի ասածներին, քանի որ Ս.Թոխյանը, դեռևս հեռախոսազրույցի ժամանակ, Ռ.Ներսեսյանին ՙթուլա՚ էր անվանել, իսկ Ռ.Մելքումյան ասել է, որ հետո իր ընկերների հետ կգա և կխոսեն այդ մասին: Դրանից հետո երևում է, թե ինչպես Ա.Թեջոյանը կրկին բռնում է Ռ.Ներսեսյանի ձեռքից և տանում պանդոկի կողային հատված, իսկ նրանց հետևից գնում են Ռ.Մելքումյանը, Ս.Թոխյանը և ևս 2 տղաներ: Ըստ մասնակից Ժ.Գասպարյանի հայտարարության նշված տղաներին ինքը չի ճանաչում: Տեսագրության 22:36:10-ին երևում է, թե ինչպես նրանց են մոտենուն ևս 2 տղաներ: Ըստ մասնակից Ժ.Գասպարյանի հայտարարության ինքը նշված տղաներին նույնպես չի ճանաչում, սակայն, երբ նրանք մոտեցել են իրենց Ռ.Ներսեսյանից պահանջել են, որ գնա ուրիշ տեղ իր հարցերը պարզի: Տեսագրության ժամը 22:37:50-ին երևում է, որ զննության մասնակից Ժ.Գասպարյանը զրուցում է Ռ.Մելքումյանի և Ս.Թոխյանի հետ: Ըստ մասնակցի հայտարարության այդ ժամանակ ինքը Ս.Թոխյանին և Ռ.Մելքումյանին առաջարկել է գնալ և զրուցել պանդոկի հետևի հատվածում, իսկ վերջիններս իրեն առաջարկել են խոսել Ա.Խաչատրյան-Փափազյան խաչմերուկի մոտ: Տեսագրության ժամը 22:38:25-ին երևում է, թե ինչպես զննության մասնակից Ժ.Գասպարյանը, Ս.Թոխյանը և Ռ.Մելքումյանը քայլում են խաչմերուկի մոտ, կանգնում մայթեզրին, որից հետո կռիվ է սկսվում: Ըստ մասնակից Ժ.Գասպարյանի հայտարարության այդ ժամանակ Ս.Թոխյանին ուղղված իր այն հարցին, թե ինչու իրեն նորմալ չի պահում, Ս.Թոխյանը իրեն ասել է, թե ՙդու ով ես այ թուլա լակոտ, որ քո հետ նորմալ խոսամ՚, որից հետո ինքն ապտակել է նրան, իսկ Ս.Թոխյանը` ոտքով հարվածել իրեն, որից հետո Ռ.Մելքումյանն էլ է սկսել հարվածել իրեն, իսկ ինքն էլ նրանց: Դրանից հետո երևում է, թե ինչպես վազելով նրանց է մոտենում մի տղա, իսկ նրա հետևից քայլելով գնում են ևս 3 տղաներ, որոնց հետևից վազելով գալիս է ևս մեկ տղա: Ըստ մասնակից Ժ.Գասպարյանի հայտարարության, առաջինը վազելով իրենց է մոտենում Ռ.Ներսեսյանը և սկսում քաշքշել ու հարվածել Ս.Թոխյանին ու Ռ.Մելքումյանին, իսկ նրանց մոտեցող 3 տղաներից մեկը Ա.Թեջոյանն է և մոտենալով իրենց Ս.Թոխյանին ու իրեն փորձել է իրարից բաժանել և հանդարտեցնել: Իսկ մյուս տղաները, ովքեր Ա.Թեջոյանի հետ մոտեցել են կռիվ անողներին` ինքը չի ճանաչում: Տեսագրության ժամը 22:38:55-ին երևում է թե ինչպես Ռ.Ներսեսյանը մեջքը բռնած քայլելով գնում է ՙԳենացվալե՚ պանդոկի կողային հատված: Ըստ մասնակից Ժ.Գասպարյանի հայտարարության, երբ ինքը խաչմերուկի մայթեզրին Ա.Թեջոյանի և մյուս տղաների հետ կանգնած է եղել, տեսել է, որ Ս.Թոխյանը գնացել է Ռ.Մելքումյանի և Ռ.Ներսեսյանի կողմ, ովքեր փողոցում իրար են քաշքշել և, երբ ինքն էլ է քայլել դեպի փողոց` նրանց մոտ, իրեն ընդառաջ եկած Ռ.Ներսեսյանը հայտնել է, որ նրան դանակահարել են և մեջքը բռնած քայլել է պանդոկի կողային հատված` չասելով, թե ով է եղել դանակահարողը: Տեսագրության` ժամը 22:39:02-ին, երևում է, թե ինչպես զննության մասնակից Ժ.Գասպարյանը պանդոկի դիմացի սեղաններից մեկից վերցնում է ինչ-որ իր և վազում Փափազյան փողոց: Ըստ մասնակից Ժ.Գասպարյանի հայտարարության ինքը պանդոկի դիմացի սեղանից վերցրել է կավե գինու տարա և վազելով դեպի Փափազյան փողոց` այն նետել է տաքսի ավտոմեքենայի վրա, որով Ռ.Մելքումյանը փորձել է փախչել, այդ կերպ փորձելով կանխել նրա փախուստը: ՙՄուվ 0066՚ ֆայլում երևում է, թե ինչպես Ռ.Մելքումյանը և Ս.Թոխյանը փորձում են նստել Փափազյան փողոցով անցնող տաքսի ավտոմեքենան, իսկ այդ ընթացքում պանդոկի դիմացի աջ հատվածից դեպի փափազյան փողոց են վազում թվով 4 տղաներ, որոնցից մեկը մոտենալով տաքսի ավտոմեքենային փորձում է բացել հետևի ձախ դուռը: Ըստ մասնակից Ժ.Գասպարյանի հայտարարության, նշված 4 տղաներից մեկը ինքն է, մյուսը Ա.Թեջոյանը, իսկ մնացածին ինքը չի ճանաչում: Իսկ տաքսի ավտոմեքենայի հետևի ձախ դուռը փորձել է բացել Ա.Թեջոյանը, որպեսզի Ռ.Մելքումյանին դուրս հանի, քանի որ Ռ.Մելքումյանը ընթացքից նստել է տաքսի ավտոմեքենայի հետևի նստատեղին ու փորձել փախչել, իսկ Ս.Թոխյանը մնացել է փողոցում: ՙՊապ խաչ 0-1506-225550՚ տեսաֆայլում երևում է, թե ինչպես ժամը 22:40:45-ին պանդոկի դիմաց` Փափազյան փողոցում իրար են քաշքշում 2 տղաներ և մեկ աղջիկ, որից հետո այդ տղաներից մեկը բռնելով մեջքը գնում է պանդոկի կողմ, իսկ մյուս տղան և աղջիկը փորձում են նստել տաքսի ավտոմեքենա: Ըստ մասնակից Ժ.Գասպարյանի հայտարարության Փափազյան փողոցում իրաի են քաշքշում Ռ.Մելքումյանը և Ռ.Ներսեսյանը, ինչպես նաև նրանց միացած Ս.Թոխյանը, որից հետո Ռ.Ներսեսյանն է մեջքը բռնած գնում պանդոկի կողմ, իսկ Ս.Թոխյանը և Ռ.Մելքումյանը փորձում են նստել տաքսի ավտոմեքենա: ՙՊապ խաչ 0-1506-223000՚ տեսաֆայլում երևում է, թե ինչպես ժամը 22:39:45-ին պանդոկի դիմացից դեպի Փափազյան փողոց են դուրս գալիս Ս.Թոխյանը և Ռ.Մելքումյանը ու փորձում նստել տաքսի ավտոմեքենա: Տեսագրության ժամը 22:40:09-ին երևում է, թե ինչպես ՙԴավՏիգ՚ տաքսի ծառայության ավտոմեքենայի հետևի ձախ դուռն է բացում մի տղա և ոտքով հարվածի շարժում կատարում, իսկ ևս 2 անձինք շրջապատում են տաքսի ավտոմեքենան, որից հետո ինչ-որ մեկը բացում է տաքսի ավտոմեքենայի հետևի աջ դուռը, քաշքշելով դուրս հանում Ռ.Մելքումյանին, այնուհետև տաքսի ավտոմեքենայից իջնում է նաև վարորդը, իսկ հավաքվածներից մեկը սկսում է հարվածել Ռ.Մելքումյանին, որից հետո բոլորը սկսում են վազել պանդոկի դիմացի մայթով դեպի Կոմիտասի պողոտայի ուղղությամբ: Ըստ մասնակից Ժ.Գասպարյանի հայտարարության, տաքսի ավտոմեքենայի հետևի ձախ դուռը բացել է Ա.Թեջոյանը և փորձել դուրս հրել Ռ.Մելքումյանին, այդ ընթացքում ինչ-որ մեկը, որին ինքը չի ճանաչում, Ռ.Մելքումյանին քաշելով հանել է տաքսի ավտոմեքենայի հետևի աջ դռնից, որից հետո ինքը սկսել է հարվածել Ռ.Մելքումյանին, իսկ նա էլ իրեն, ինչի հետևանքով Ռ.Մելքումյանը ընկել է գետնին և անմիջապես վերկենալով` դիմել փախուստի:
Հ. 3, գ.թ. 154-157
27.11.2015թ. ՀՀ ոստիկանության Արաբկիրի բաժնի կողմից ներկայացված 17.06.2015թ. 22-30-ից մինչև 22:50-ն ընկած ժամանակահատվածի Երևան քաղաքի Փափազյան և Ա.Խաչատրյան փողոցների, խաչմերուկի և ՙԳենացվալե՚ պանդոկի դիմացի հատվածի տեսագրությունների` այլ փաստաթուղթ հանդիսացող տվյալների լազերային կրիչները թիվ 14146515 քրեական գործով ապացույց ճանաչելու և գործին կցելու որոշմամբ:
Հ. 3, գ.թ. 225
Դատահետքաբանական և դատաապրանքագիտական համալիր փորձաքննության հմ. 2137-15 եզրակացության համաձայն` ավտոմեքենայի աջ կողմի հետևի անվակամարի ձախ կողային հատվածում առկա է դեպի ներս ծռված-դեֆորմացված հատված, բեռնախցիկի ստորին աջակողմյան անկյունային մասում առկա է ծռված-դեֆորմացված հատված, վերջիններս ունեն մեխանիկական բնույթ և կարող էին առաջանալ օտար, համեմատաբար պինդ մակերես ունեցող առարկայի կամ գործիքի ներգործության, հնարավոր է նաև ոտքով /երով/ հարվածելու արդյունքում: Ավտոմեքենայի տանիքի հետևամասի կենտրոնական հատվածում առկա է ներհրված քերծված վնասվածք, որը ևս ունի մեխանիկական բնույթ և կարող էր առաջանալ օտար, պինդ մակերես ունեցող առարկայի կամ գործիքի, հնարավոր է նաև կավե գինու տարայի ներգործության` դրանով տանիքի համապատասխան հատվածին հարվածելու հետևանքով: Ավտոմեքենայի վրա առկա վնասվածքների պատճառման հաջորդականությունը հնարավոր չէ պարզել համապատասխան գիտականորեն հիմնավորված փորձագիտական մեթոդիկայի բացակայության պատճառով: Փորձաքննությանը տրամադրված ՙՄիցուբիշի-Լանսեր՚ մակնիշի 32 US 526 հ/հ ավտոմեքենան վնասելու հետևանքով պատճառված նյութկան վնասի չափի ընդհանուր շուկայական արժեքը, 2015թ. հունիսի 17-ի դրությամբ, գնահատվում է 133.000 ՀՀ դրամ:
Հ. 2, գ.թ. 176-179
Ստացիոնար դատահոգեբուժական փորձագետի թիվ 111 եզրակացության համաձայն` փորձագիտական հանձնաժողովը եզրակացնում է, որ Ժորա Դավթի Գասպարյանը հոգեկան հիվանդությամբ չի տառապել և չի տառապում, այլ նրա մոտ հայտնաբերվում են անձնային գծերի շեշտվածություն: Այդ մասին են վկայում ինչպես անամնեստիկ տվյալները, այնպես էլ ներկա հետազոտման արդյունքները: Ինչպես հանցավոր արարքները կատարելու պահին` 17.06.2015թ. և 18.06.2015թ., այնպես էլ ներկայումս նա կարող էր և կարող է իր գործողությունների համար իրեն հաշիվ տալ և դրանք ղեկավարել: Ուստի իրեն մեղսագրվող արարքի նկատմամբ Ժորա Դավթի Գասպարյանին հարկ է ճանաչել մեղսունակ: Ներկա հոգեկան վիճակով նա կարող է մասնակցել դատաքննչական գործողություններին:
Հ. 3, գ.թ. 108-114
Դատարանի իրավական վերլուծությունները
Դատարանը սույն գործով պատշաճ իրավական ընթացակարգի շրջանակներում հետազոտելով գործով ձեռք բերված ապացույցները և դրանք գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, վերլուծելով ամբաստանյալ Ժորա Գասպարյանին առաջադրված մեղադրանքը, ամբաստանյալի, վկաների ցուցմունքները, ամբաստանյալի մեղավորության մասին չփարատված բոլոր կասկածները նրա օգտին մեկնաբանելով, հանգում է հետևության, որ գործով ձեռք բերված ապացույցներով չի հիմնավորվել ՀՀ քրեական օրենսգրքի 258-րդ հոդվածի 4-րդ մասով նախատեսված` ամբաստանյալ Ժորա Գասպարյաի կողմից զենքի կամ որպես զենք օգտագործվող առարկաների գործադրմամբ խուլիգանություն կատարելու հանգամանքը, և Ժ.Գասպարյանի արարքը պետք է վերաորակել ՀՀ քրեական օրենսգրքի 258-րդ հոդվածի 3-րդ մասի 1-ին կետով հետևյալ պատճառաբանությամբ.
Նշվածը հիմնավորվում է դատաքննության փուլում հետազոտված հետևյալ ապացույցներով.
Դեռևս նախաքննության փուլում ամբաստանյալ Ժորա Գասպարյանը նշել է, որ պանդոկի դիմաց տեղադրված սեղաններից մեկից վերցրել է կավե կուժը և վազելով դեպի Փափազյան փողոցª նետել տաքսի ավտեմեքենայի ուղղությամբ` փորձելով կանգնեցնել այն, որպեսզի Ռ.Մելքումյանը չփախչի: Ամբաստանյալը նշել է նաև, որ իր այդ արարքով որևէ մեկի առողջությանը վնաս պատճառելու նպատակ կամ դիտավորություն չի ունեցել, այլ միայն ցանկացել է կանգնեցնել ավտոմեքենան:
Վկա Սոֆիկ Թոխյանը նախաքննության փուլում ցուցմունք է տվել և դատաքննության փուլում պնդել է, որ Ժորա Գասպարյանը կավե տարան նետել է տաքսի ավտոմեքենայի ուղղությամբ, իսկ այնուհետև ոտքով հարվածել է ավտոմեքենային` պահանջելով, որպեսզի վարորդն այն կանգնեցնի: Իր համոզմամբ` Ժորան կուժը նետել է միայն մեքենան կանգնեցնելու և Ռաֆայելի փախչելը կանխելու համար, և չի ցանկացել որևէ մեկին մարմնական վնասվածք պատճառել:
Վկա Արտյոմ Հովհաննիսյանը և' նախաքննության, և' դատաքննության փուլում նշել է, որ դեպքի պահին չի տեսել, թե մեքենային ինչով են հարվածել, իսկ երբ իջել է, տեսել է, որ վնասվել է մեքենայի ետևի վերևի` տանիքի հատվածը և հետևի աջ թևքը: Հետագայում իմացել է, որ մեքենայի վրա կուժ են նետել, որից էլ առաջացել են նշված վնասվածքները:
ՀՀ վճռաբեկ դատարանն իր 2007 թվականի մարտի 30-ի թիվ ՎԲ-46/07 որոշմամբ արտահայտել է հետևյալ իրավական դիրքորոշումն այն մասին, որ ՙԱրարքը ՀՀ քրեական օրենսգրքի 258-րդ հոդվածի 4-րդ մասով նախատեսված հանցակազմով` զենքի կամ որպես զենք օգտագործվող առարկաների գործադրմամբ խուլիգանություն որակելու համար բավարար չէ ուրիշի գույքը ոչնչացնելու կամ վնասելու հատկանիշը: ՀՀ քրեական օրենսգրքի 258-րդ հոդվածի 4-րդ մասով նախատեսված հանցակազմի համար պարտադիր է, որպեսզի հանցավորը զենք կամ որպես զենք օգտագործվող առարկայով մարմնական վնասվածք հասցնի կամ փորձի հասցնել, կամ էլ նրա գործողությունների հետևանքով անձանց կյանքի կամ առողջության համար իրական վտանգ ստեղծվի՚:
ՀՀ վճռաբեկ դատարանի արտահայտած վերոհիշյալ իրավական դիրքորոշման լույսի ներքո վերլուծելով սույն գործի փաստական հանգամանքները, դատարանը փաստում է, որ թեև ամբաստանյալ Ժորա Գասպարյանը կավե գինու տարան նետել է տաքսի ավտոմեքենայի ուղղությամբ և վնասել այն, սակայն դրա հետևանքով որևէ անձի մարմնական վնասվածք չի հասցրել, այդպիսի փորձ չի արվել, ավելին` դատարանը գտում է, որ ամբաստանյալի գործողությունների հետևանքով մարմնական վնասվածքներ հասցնելու նպատակ չի ունեցել, այդ գործողություններով այլ անձանց կյանքի կամ առողջության համար իրական վտանգ չի ստեղծվել:
Այսպիսով, դատարանը գտնում է, որ Ժորա Գասպարյանի գործողությունները համապատասխանում են ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության հատկանիշներին:
ՀՀ քրեական դատավարության օրենսգրքի 309¬րդ հոդվածի համաձայն`
ՙ1. Գործի քննությունը դատարանում կատարվում է միայն ամբաuտանյալի նկատմամբ և միայն այն մեղադրանքի uահմաններում, որով նրան մեղադրանք է առաջադրվել:
2. Դատական քննության ընթացքում մեղադրանքի փոփոխություն թույլատրվում է, եթե դրանով չի վատթարանում ամբաստանյալի վիճակը և չի խախտվում ամբաստանյալի պաշտպանության իրավունքը: Մեղադրանքը խստացման առումով փոխելը թույլատրվում է միայն սույն օրենսգրքով սահմանված կարգով և դեպքերում՚:
Նշված իրավադրույթների վերլուծությունից բխում է, որ դատական քննության ընթացքում դատարանի նախաձեռնությամբ մեղադրանքի փոփոխություն հնարավոր է միայն մեղմացման առումով և պայմանով, որ դրանով չխախտվի ամբաստանյալի պաշտպանության իրավունքը:
Դատարանն առաջադրված մեղադրանքը ՀՀ քրեական օրենսգրքի 258¬րդ հոդվածի 3-րդ մասի 1¬ին կետով փոփոխելը հնարավոր է համարում, քանի որ մեղադրանքի նման փոփոխությունով ամբաստանյալի վիճակը չի վատթարանում, ավելին` դրանով ամբաստանյալի վիճակը բարելավվում է: Նման փոփոխությունով չի խախտվում նաև նրա պաշտպանության իրավունքը, քանի որ արարքի փաստական հանգամանքներն ինքնին ընդգրկված են եղել առաջադրված մեղադրանքի ծավալում, որի դեմ թե գործի նախաքննության փուլում, թե դատական քննության փուլում, ամբաստանյալը պաշտպանվելու իրական հնարավորություն ունեցել է:
Այսպիսով, դատարանն ապացուցված է համարում Ժորա Գասպարյանի մեղավորությունը ՀՀ քրեական օրենսգրքի 258¬րդ հոդվածի 3-րդ մասի 1-ին կետով նախատեսված հանցանք կատարելու մեջ:
ՀՀ քրեական օրենսգրքի 10-րդ հոդվածի համաձայնª ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացիª համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 1-ին մասի համաձայնª ՙպատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից ու ազատություններից օրենքով նախատեսված զրկմամբ կամ դրանց սահմանափակմամբ՚:
ՀՀ քրեական օրենսգրքի 48-րդ հոդվածի 2-րդ մասի համաձայնª ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածի 1-ին մասի համաձայն` ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները՚:
ՀՀ քրեական օրենսգրքի 61-րդ հոդվածի 2-րդ մասի համաձայնª ՙՊատժի տեսակը և չափը որոշվում է հանցագործությանª հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվումª պատասխանատվությունը և պատիժը մեղմացնող կամ ծանրացնող հանգամանքներով՚:
ՀՀ Վճռաբեկ դատարանը 2012թ. նոյեմբերի 1-ին Սերոբ Սարգսյանի վերաբերյալ թիվ ՍԴ/0109/01/12 գործով արտահայտել է հետևյալ իրավական դիրքորոշումը. ՙ(…) պատիժ նշանակելու ընդհանուր սկզբունքները քրեական օրենքով նախատեսված այն հիմնադրույթներն են, որոնցով պետք է ղեկավարվի դատարանը պատիժ նշանակելիս: Այդ սկզբունքներն են`
ա) օրինականությունը,
բ) արդարությունը,
գ) պատժի անհատականացումը,
դ) մարդասիրությունը:
Պատիժ նշանակելու վերոնշյալ սկզբունքները սահմանում են այն հիմնական դրույթները, որոնցով ղեկավարվում է դատարանը յուրաքանչյուր քրեական գործով պատժի տեսակն ու չափն ընտրելիս:
(…) պատժի նշանակման իրավական շրջանակները սահմանված են ՀՀ քրեական օրենսգրքով: Դրա հետ մեկտեղ, սակայն, վերոնշյալ օրենքը դատարանին հնարավորություն է տվել որոշակի սկզբունքների (…) պահպանմամբ, իր ներքին համոզմանը և իրավագիտակցությանը համապատասխան, ՀՀ քրեական օրենսգրքի Ընդհանուր և Հատուկ մասերով նախատեսված սահմաններում որոշել պատժի տեսակն ու չափը: Այլ կերպ` ուրվագծելով կոնկրետ հանցանքի համար նշանակման ենթակա պատժի առավելագույն և նվազագույն սահմանները` ՀՀ քրեական օրենքը դատարանին տվել է այդ շրջանակում հայեցողություն դրսևորելու հնարավորություն:
Վճռաբեկ դատարանը գտել է, որ ՀՀ քրեական օրենսգրքի Հատուկ մասի գրեթե բոլոր հոդվածների սանկցիաներում ամրագրված վերոնշյալ մոտեցումը պայմանավորված է այն տրամաբանությամբ, որ քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են: Ուստի կոնկրետ արարքի և անձի նկատմամբ համընդհանուր քրեական օրենքով նախատեսված սանկցիան կիրառելիս դատարանը պետք է որոշակի հայեցողություն դրսևորի:
Այնսինքն` առանց դատարանի հայեցողության պատժի անհատականացումն անհնար է:
(…) Պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության աստիճանի ու բնույթի, հանցավորի անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների հայեցողական և ոչ երբեք կամային գնահատման ժամանակ դատարանը պետք է ելնի ՀՀ քրեական օրենսգրքի 48-րդ հոդվածով նախատեսված` պատժի նպատակների իրացումն ապահովելու անհրաժեշտությունից (տե’ս Նարեկ Գևորգի Սարգսյանի գործով Վճռաբեկ դատարանի 2011 թվականի դեկտեմբերի 22-ի թիվ ԵԿԴ/0042/01/11 որոշման 14-րդ, 22-23-րդ կետերը)՚:
ՀՀ վճռաբեկ դատարանը Կարեն Հարությունյանի վերաբերյալ գործով վերլուծելով ՀՀ քրեական օրենսգրքի Ընդհանուր մասի մի շարք դրույթներ, մասնավորապես` ՀՀ քրեական օրենսգրքի 10-րդ, 48-րդ և 61-րդ հոդվածները հանգել է այն հետևության, որ պատիժը համարվում է արդարացի, եթե դատարանը ճիշտ է գնահատում գործի բոլոր հանգամանքները, անձին բնութագրող բոլոր տվյալները և քրեական օրենքով նախատեսված պահանջներից ելնելով` հանցագործության մեջ մեղավոր անձի նկատմամբ նշանակում է այնպիսի պատիժ, որն անհրաժեշտ և բավարար է այդ անձին ուղղելու և նրա կողմից նոր հանցանքի կատարումը կանխելու համար (տե'ս ՀՀ վճռաբեկ դատարանի` Կարեն Հարությունյանի վերաբերյալ գործով 2007 թվականի նոյեմբերի 30-ի ՎԲ-201/07 որոշումը):
Ամբաստանյալ Ժորա Գասպարյանի անձը բնութագրող տվյալներ դատարանը հաշվի է առնում, որ նա բնութագրվում է դրական, նախկինում դատված չէ: Ամբաստանյալի պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և զղջացել կատարած արարքի կհամար, ֆիզիկապես վատառողջ է, տուժողի ներկայացուցիչը որևէ բողոք կամ վնասի հատուցման պահանջ չի ներկայացրել:
Ամբաստանյալի պատասխանատվությունն ու պատիժը ծանրացնող հանգամանքներ դատարանը չի արձանագրել:
ՀՀ վճռաբեկ դատարանը Գարուշ Մադաթյանի վերաբերյալ գործով 2009 թվականի փետրվարի 17-ին կայացրած թիվ ԵՇԴ/0029/01/08 որոշման մեջ հանցանքի հանրային վտանգավորության աստիճանի և բնույթի վերաբերյալ իրավական դիրքորոշում է արտահայտել այն մասին, որ. ՙԱրարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Զարգացնելով իր արտահայտած իրավական դիրքորոշումը, վճռաբեկ դատարանը նշել է նաև, որ արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված կոնկրետ հանցանքի առանձնահատուկ հատկանիշները, որոնք կարող են ազդել հանրության վտանգավորության վրա` հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, (....)՚:
Դատարանն ամբաստանյալ Ժորա Գասպարյանի նկատմամբ պատիժ նշանակելիս հաշվի է առնում հանցագործության կատարման եղանակը, հանցավոր մտադրության իրականացման աստիճանը, անձը բնութագրող տվյալները, պատասխանատվությունն ու պատիժը մեղմացնող հանգամանքները, ինչպես նաև պատասխանատվությունն ու պատիժը ծանրացնող հանգամանքների բացակայությունը: Նշված պայմաններում դատարանը գտնում է, որ ամբաստանյալ Ժորա Գասպարյանի նկատմամաբ պատիժ պետք է նշանակել տուգանքի ձևով:
Քննարկելով խափանման միջոցի հարցը` դատարանը գտնում է, որ ամբաստանյալ Ժորա Գասպարյանի նկատմամբ կիրառված խափանման միջոցը` ստորագրություն` չհեռանալու մասին, պետք է թողնել անփոփոխ` մինչև դատավճռի օրինական ուժի մեջ մտնելը:
Ղեկավարվելով ՀՀ քրեական դատավարության օրենսգրքի 134-րդ, 357-360-րդ, 365-րդ, 366-րդ, 369-373-րդ և 379-րդ հոդվածներով, դատարանը`
ՎՃՌԵՑ
Ժորա Դավթի Գասպարյանին մեղավոր ճանաչել ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության կատարման մեջ և նրա նկատմամբ պատիժ նշանակել տուգանք` նվազագույն աշխատավարձի հինգհարյուրապատիկի` 500.000 /հինգ հարյուր հազար/ ՀՀ դրամի չափով:
Ժորա Գասպարյանի նկատմամբ կիրառված խափանման միջոցը` ստորագրություն` չհեռանալու մասին, թողնել անփոփոխ` մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում:
ԴԱՏԱՎՈՐ Ա.ՄԿՐՏՉՅԱՆ
ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՙ23՚ օգոստոսի 2016թ. ք.Երևան
Երևան քաղաքի Արաբկիր և Քանաքեռ-Զեյթուն վարչական շրջանների առաջին ատյանի ընդհանուր իրավասության դատարանը
նախագահությամբ` դատավոր Արթուր Մկրտչյանի
քարտուղարությամբ` Միլենա Սարգսյանի
մասնակցությամբ`
մեղադրող Էդգար Պետրոսյանի
պաշտպան Լուսինե Զեյնալյանի
տուժողի ներկայացուցիչ Նորիկ Ավետիսյանի
Դատարանում, դռնբաց դատական նիստում քննեց քրեական գործն ըստ մեղադրանքի Ժորա Դավթի Գասպարյանի /ծնված 1996 թվականի օգոստոսի 08-ին` ՀՀ Արմավիրի մարզի Մրգաշատ գյուղում, ազգությամբ հայ, ՀՀ քաղաքացի, իննամյա կրթությամբ, չամուսնացած, չի աշխատում, նախկինում չդատված, հաշվառված` Արմավիրի մարզ, գյուղ Մրգաշատ, բնակվող` քաղաք Երևան, Ջանբոլի փողոց, 47 տուն/, մեղադրվում է ՀՀ քրեական օրենսգրքի 258-րդ հոդվածի 4-րդ մասով:
Գործի դատավարական նախապատմությունը
2015 թվականի հունիսի 18-ին` ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում ՀՀ քրեական օրենսգրքի 112-րդ հոդվածի 1-ին մասով հարուցվել է թիվ 14136215 քրեական գործը:
2015 թվականի օգոստոսի 03-ին թիվ 14136215 քրեական գործի նյութերով` ՀՀ քրեական օրենսգրքի 258-րդ հոդվածի 4-րդ մասով և 131-րդ հոդվածի 2-րդ մասի 2-րդ և 3-րդ կետերով հարուցվել է թիվ 14146515 քրեական գործը և առանձնացվել առանձին վարույթում:
2015 թվականի օգոստոսի 13-ին Ժորա Գասպարյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով և նրա նկատմամբ որպես խափանման միջոց է կիրառվել ստորագրություն` չհեռանալու մասին:
2015 թվականի նոյեմբերի 26-ին Ժորա Գասպարյանին առաջադրված մեղադրանքը բովանդակային մասով փոփոխվել է, նրան մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով և նա ներգրավվել է որպես մեղադրյալ:
2015 թվականի նոյեմբերի 30-ին թիվ 14146515 քրեական գործից մաս է անջատվել և շնորհվել է 14823915 համարը:
2015 թվականի դեկտեմբերի 08-ին թիվ 14146515 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների առաջին ատյանի ընդհանուր իրավասության դատարան:
Գործի փաստական հանգամանքները
Նախաքննության մարմինն ամբաստանյալ Ժորա Գասպարյանին ՀՀ քրեական օրենսգրքի 258-րդ հոդվածի 4-րդ մասով մեղադրանք է առաջադրել, որ ՙնա, ընկերոջ` Ռուսլան Ներսեսյանի, և ինքնությունը չպարզված մի խումբ անձանց հետ 2015թ. հունիսի 17-ին ժամը 22:30-ի սահմաններում կատարել է բռնության գործադրմամբ զուգորդված խուլիգանություն:
Այսպես` Ժորա Դավթի Գասպարյանն իր ծանոթ Սոֆիկ Օնիկի Թոխյանի միջոցով ծանոթացել է Հռիփսիմե Լևոնի Հարությունյանի հետ, որից հետո սկսել է անընդհատ զանգել և անհանգստացնել նրան: 2015թ. հունիսի 17-ին, երբ Հռիփսիմե Հարությունյանը, Սոֆիկ Թոխյանը և վերջինիս ընկեր Ռաֆայել Մելքումյանը նստած են եղել Երևան քաղաքի ՙԿասկադ՚ համալիրի մոտ գտնվող սրճարանում, Ժորա Գասպարյանն անընդհատ զանգել է Հռիփսիմե Հարությունյանին և Սոֆիկ Թոխյանին, սակայն նրանք հեռախոսազանգերին չեն պատասխանել, որից հետո Հռիփսիմե Հարությունյանը Ռաֆայել Մելքումյանին խնդրել է խոսել Ժորա Գասպարյանի հետ և ասել, որ այլևս նրանց չանհանգստացնի: Ռաֆայել Մելքումյանը զանգահարել է Ժորա Գասպարյանին, ներկայացել Հռիփսիմե Հարությունյանի մտերիմ անձնավորություն և պահանջել, որ Ժորա Գասպարյանը այլևս նրան չանհանգստացնի: Այդ ժամանակ Ժորա Գասպարյանը առաջարկել է հանդիպել Երևան քաղաքի Կոմիտասի պողոտայում, որին Ռաֆայել Մելքումյանը համաձայնել է: Դրանից հետո Ժորա Գասպարյանը զանգել է իր ընկեր Ռուսլան Արարատի Ներսեսյանին, հայտնել իր և Ռաֆայել Մելքումյանի պայամանավորվածության մասին, և Ռուսլան Ներսեսյանի առաջարկությամբ զանգել է Ռաֆայել Մելքումյանին և ասել, որ կարող են հանդիպել Երևան քաղաքի Փափազյան փողոցում գտնվող ՙԵրիցյաններ՚ առևտրի կենտրոնի մոտ, որին նույնպես Ռաֆայել Մելքումյանը համաձայնել է: Դրանից հետո Ժորա Գասպարյանը Երևան քաղաքի Փափազյան-Ա.Խաչատրյան փողոցների խաչմերուկում հանդիպել է Ռուսլան Ներսեսյանին և նրա ընկերներին, որից հետո Ռուսլան Ներսեսյանը զանգահարել է Սոֆիկ Թոխյանին և հեգնանքով խոսելով հարցրել, թե ում է բերում Ժորա Գասպարյանի հետ հանդիպման: Ռուսլան Ներսեսյանի հեգնանքով և վիրավորական արտահայտություններով խոսելու պատճառով վերջինիս և Սոֆիկ Թոխյանի խոսակցությունը թեժացել է և ընթացքում Սոֆիկ Թոխյանը Ռուսլան Ներսեսյանին անվանել է ՙթուլա՚, ինչը վերածվել է լեզվակռվի և Ռուսլան Ներսեսյանը վրդովված լինելով իր վիրավորական արտահայտություններին համարժեք պատասխան տված Սոֆիկ Թոխյանի արտահայտություններից, սեփական անձի առավելությունը ընդգծելու մոլուցքով տարված, Սոֆիկ Թոխյանին ասել է` ՙես քո համար Ժորիկը չեմ, չշփոթես հանկարծ՚, որից հետո Սոֆիկ Թոխյանը հեռախոսը փոխանցել է Ռաֆայել Մելքումյանին, ում հետ խոսելու ժամանակ Ռուսլան Ներսեսյանը պահանջել է, որ վերջինս իր հետ հանդիպման բերի այդ աղջկան` Սոֆիկ Թոխյանին: Ռաֆայել Մելքումյանը, Սոֆիկ Թոխյանը և Հռիփսիմե Հարությունյանը պատահական տաքսի ավտոմեքենայով գնացել են Սոֆիկ Թոխյանի բնակության վայր հանդիսացող Այգեկցի 100/1 տան մոտ, որտեղ Հռիփսիմե Հարությունյանը իջել է ավտոմոբիլից, իսկ Ռաֆայել Մելքումյանը և Սոֆիկ Թոխյանը գնացել են Երևան քաղաքի Փափազյան փողոցում գտնվող ՙԵրիցյաններ՚ առևտրի կենտրոնի մոտ, որտեղ նրանց դիմավորել են Ժորա Գասպարյանը, Ռուսլան Ներսեսյանը, Արման Թեջոյանը ու Ռուսլան Ներսեսյանի առաջարկով քայլել Փափազյան-Ա.Խաչատրյան փողոցների խաչմերուկի մոտ գտնվող ՙԳենացվալե՚ պանդոկի կողային հատված, իսկ շենքի հետևի հատվածում կանգնած են եղել Ռուսլան Ներսեսյանի ընկերները` ինքնությունը չպարզված 4-5 տղաներ: Հասնելով շենքի կողային հատված Ռուսլան Ներսեսյանը Սոֆիկ Թոխյանի հետ չնչին առիթով ծագած լեզվակռիվը և իր հասցրած վիրավորանքներին Սոֆիկ Թոխյանի կողմից պատասխանել համարձակվելու հանգամանքը պարզաբանելու նպատակով Ռաֆայել Մելքումյանին հարցրել է, թե նա տեր է Սոֆիի ասածներին, որին Ռաֆայել Մելքումյանը ասել է, որ տեր է, սակայն ինքը եկել է Ժորա Գասպարյանի հետ խոսելու, իսկ մնացած մասով ընկերների հետ կգա` կխոսեն: Այդ ժամանակ Ռուսլան Ներսեսյանը առաջարկել է խոսակցությունը շարունակել պանդոկի շինության հետնամասում, որտեղ կանգնած են եղել վերը նշված 4-5 տղաները, սակայն Ռաֆայել Մելքումյանը և Սոֆիկ Թոխյանը, տեսնելով այնտեղ հավաքված տղաներին, վախեցել են և հրաժարվել քայլել շենքի հետնամաս, ինչից հետո Սոֆիկ Թոխյանը Ռաֆայել Մելքումյանի ձեռքից քաշելով գնացել են մարդաշատ վայր` Ա.Խաչատրյան-Փափազյան փողոցների խաչմերուկի մոտ, Ժորա Գասպարյանին առաջարկելով խոսակցությունը շարունակել այնտեղ, սակայն Ժորա Գասպարյանը ձեռքով ցույց տալով շենքի հետնամասը` շարունակել է պահանջել քայլել այդ ուղղությամբ:
Հասկանալով, որ Սոֆիկ Թոխյանը և Ռաֆայել Մելքումյանը հրաժարվում են քայլել ոչ մարդաշատ վայր, Ժորա Գասպարյանը մոտեցել է նրանց և այդ մարդաշատ տարածքում սկսել հեգնանքով և վիրավորական արտահայտություններով խոսել Սոֆիկ Թոխյանի հետ, որի ընթացքում Սոֆիկ Թոխյանը նրան անվանել է ՙթուլա լակոտ՚: Այդ ժամանակ Ժորա Գասպարյանը դիտավորությամբ կոպիտ կերպով խախտել է հասարակական կարգը` հարվածներ հասցնելով Սոֆիկ Թոխյանին, ինչից հետո Ռաֆայել Մելքումյանը հարվածել է Ժորա Գասպարյանին: Շենքի հետնամասում սպասող մի խումբ անձինք և Ռուսլան Ներսեսյանը անմիջապես վազելով մոտեցել են Սոֆիկ Թոխյանին և Ռաֆայել Մելքումյանին, դիտավորությամբ կոպիտ կերպով խախտելով հասարակական կարգը մայթի բանուկ հատվածում, բազմաթիվ անցորդների, ՙԳենացվալե՚ պանդոկի աշխատակիցների և հաճախորդների ներկայությամբ բարձր գոռգոռոցներով սկսել են ձեռքերով ու ոտքերով հարվածներ հասցնել Սոֆի Թոխյանին և Ռաֆայել Մելքումյանին` բացահայտ անհարգալից վերաբերմունք դրսևորելով հասարակության անդամների նկատմամբ, ինչի հետևանքով ոչ միայն տարածքում գտնվող անձանց մոտ սեփական անձի նկատմամբ վախի և տագնապի մթնոլորտ են ստեղծել, այլ նաև խաթարել են առևտրի օբյեկտի բնականոն աշխատանքը: Այդ ընթացքում Ռաֆայել Մելքումյանը մի պահ գտնվելով փոխադարձ կռվի մեջ Ռուսլան Ներսեսյանի հետ դանակով հարվածել է նրան` դիտավորությամբ վերջինիս առողջությանը պատճառելով ծանր վնաս և Սոֆիկ Թոխյանի ձեռքից բռնելով ասել է` ՙՍոֆ թռանք՚ ու դիմել փախուստի` վազելով Փափազյան փողոցի դիմացի մայթ, ընթացքից նստել այնտեղով անցնող տաքսի ավտոմեքենայի հետևի նստատեղին` Սոֆիկ Թոխյանին թողնելով փողոցում: Այդ ժամանակ Ժորա Գասպարյանը շարունակելով խուլիգանական գործողությունները, պանդոկի դիմաց տեղադրված սեղաններից մեկից վերցնելով որպես զենք օգտագործվող կավե գինու տարան, այն նետել է վերջինիս նստած տաքսի ավտոմեքենայի վրա` վնասելով այն, որից հետո հասնելով տաքսի ավտոմեքենային, ինքնությունը չպարզված մի խումբ անձանց հետ ոտքերով հարվածել և կրկին վնասել են այն, որից հետո ավտոմեքենայից հանել են Ռաֆայել Մելքումյանին, շարունակել բռնություն գործադրել նրա նկատմամբ` ձեռքերով ու ոտքերով հարվածներ հասցնելով վերջինիս, ով վայր է ընկել, ապա ոտքի կանգնելով` դիմել փախուստի:՚:
Ապացույցների հետազոտում և գնահատում
ՀՀ քրեական օրենսգրքի 258-րդ հոդվածի 4-րդ մասով առաջադրված մեղադրանքում ամբաստանյալ Ժորա Դավթի Գասպարյանն իրեն մեղավոր չի ճանաչել, սակայն նշել է, որ մեղավոր է ճանաչում ՀՀ քրեական օրենսգրքի 258-րդ հոդվածի 3-րդ մասի 1-ին կետով:
Նախաքննության փուլում Ժորա Գասպարյանը ցուցմունք է տվել, որ 2014թ. ամռանը, երբ ինքը որպես բանվոր աշխատել է Երևան քաղաքի Գ.Լուսավորիչ 9 հասցեում գործող ՙԵրևան Պլազա՚ ռեստորանում, ծանոթացել է Սոֆիկ Թոխյանի հետ, ով աշխատել է նշված ռեստորանում` որպես մատուցողուհի: Մինչև 2015թ. հունվար ամիսը` ծառայության մեկնելը, ինքը և Ս.Թոխյանը շփվել են թե' աշխատանքի վայրում և թե' հեռախոսով: Նյարդերի հետ խնդիրներ ունենալու պատճառով տեղափոխվել է ՙԿանազի՚ զինվորական հոսպիտալ, որտեղ ծանոթացել է Ռուսլան Ներսեսյանի հետ և ընկերացել են, իսկ մարտ ամսին ինքը և Ռուսլանն ազատվել են ծառայությունից, որից հետո շարունակել են իրենց ընկերությունը: Ծառայությունից ազատվելուց հետո ինքը շարունակել է շփվել Ս.Թոխյանի հետ, ժամանակ առ ժամանակ հանդիպել են: 2015թ. հունիսի սկզբներին Ս.Թոխյանն իր ընկերուհուª Հռիփսիմե Հարությունյանի հետ գնացել է ՙԵրևան Պլազա՚ ռեստորան` մեկօրյա աշխատանքի: Այդ օրը Ս.Թոխյանն իրեն ծանոթացրել է Հ.Հարությունյանի հետ, որից հետո իրենք մի քանի անգամ հանդիպել են: 2015թ. հունիսի 17-ին` ժամը 20:30-ի սահմաններում ինքը զանգահարել է Հ.Հարությունյանին, զրուցել նրա հետ, իսկ դրանից մոտ 10 րոպե անց իրեն է զանգահարել Ռաֆայել Մելքումյանը, հայտնել, որ Հ.Հարությունյանը նրա ծանոթն է և ցանկացել է հանդիպել: Ինքը զանգահարել է Ռ.Ներսեսյանին, ասել, որ Կոմիտասում է` Ա.Խաչատրյան-Փափազյան փողոցների խաչմերուկում, և ինչ-որ մեկը պետք է գա և իրեն տեսնի: Ռ.Ներսեսյանի առաջարկով ինքը զանգահարել է Ռ.Մելքումյանին և ասել, որ կարող են հանդիպել Ա.Խաչատրյան-Փափազյան փողոցների խաչմերուկում: Դրանից մոտ 10 րոպե անց Ռ.Ներսեսյանը և Արման Թեջոյանը եկել են իր մոտ, ինքը Ռ.Ներսեսյանին հայտնել է իր և Ռ.Մելքումյանի միջև տեղի ունեցած հեռախոսազրույցի մասին, որից հետո Ռ.Ներսեսյանը զանգահարել է Ս.Թոխյանինª պարզելու համար, թե ինչ խնդիր կա իր հետ կապված և զրույցի ընթացքում Ս.Թոխյանը նրան ասել է` ՙայ թուլա լակոտ քեզ նորմալ պահի՚: Դրանից հետո Ռ.Ներսեսյանի պահանջով Ս.Թոխյանը հեռախոսը փոխանցել է Ռ.Մելքումյանին, ում Ռ.Ներսիսյանն ասել է, որ Ս.Թոխյանին իր հետ բերի հանդիպման: Շուրջ 10 րոպե անց իրեն է զանգահարել Ռ.Մելքումյանը և հայտնել, որ նրանք ՙԵրիցյանների՚ խանութի մոտ են: Ինքը, Ռ.Ներսեսյանը և Ա.Թեջոյանը գնացել են ՙԵրիցյաններ՚ խանութի մոտ, հանդիպել Ս.Թոխյանին և Ռ.Մելքումյանին, որից հետո իր առաջարկով քայլել են դեպի ՙԳենացվալե՚ պանդոկի մոտ, որպեսզի այնտեղ զրուցեն: Երբ հասել են Ա.Խաչատրյան-Փափազյան փողոցների խաչմերուկի մոտ, Ռ.Ներսեսյանը Ս.Թոխյանին ասել է` ՙէտ ինչ ձև ես հետս խոսում՚, Ս.Թոխյանը պատասխանել է. ՙլավ եմ անում՚, որից հետո Ռ.Ներսեսյանը Ռ.Մելքումյանին հարցրել է, թե նա Ս.Թոխյանի ասածներին ՙտեր է՚, թե ոչ: Ռ.Մելքումյանը պատասխանել է, որ ՙտեր է՚ և ասել, որ նա ցանկանում է խոսել իր հետ: Այդ ժամանակ Ռ.Ներսեսյանն առաջարկել է Ռ.Մելքումյանի հետ առանձին զրուցել, որից հետո նոր կխոսեն մնացածի մասին, և Ա.Թեջոյանի հետ գնացել են ՙԳենացվալե՚ պանդոկի հետևի հատված, որտեղ գտնվում էին Ռ.Ներսեսյանի ընկերները, որոնց ինքը չի ճանաչել: Ինքը Ս.Թոխյանին հարցրել է, թե ինչու է նա նման կերպ խոսում իրենց հետ, վերջինս պատասխանել է. ՙդու ով ես որ քու հետ լեզու թռչեմ այ թուլա լակոտ՚: Դրանից հետո ինքն ապտակել է Ս.Թոխյանին, իսկ նաª ոտքով հարվածել իր ձախ ոտքին, որից հետո Ռ.Մելքումյանը բռունցքով հարվածել է իր դեմքին: Տեսնելով դա, Ռ.Ներսեսյանը, Ա.Թեջոյանը և մյուս տղաները մոտեցել են իրենց, Ռ.Ներսեսյանը բռուցքով հարվածել է Ռ.Մելքումյանին, իսկ Ս.Թոխյանը հարձակվել է իր վրա ու քաշքշել: Ռ.Ներսեսյանը և Ռ.Մելքումյանն իրար հարվածելով և քաշքշելով դուրս են եկել Փափազյան փողոց, իսկ Ա.Թեջոյանը փորձել է իրեն և Ս.Թոխյանին իրարից բաժանել և հանդարտեցնել: Դրանից հետո Ս.Թոխյանը գնացել է Ռ.Ներսեսյանի և Ռ.Մելքումյանի կողմ և մի քանի վայրկյան անց Ռ.Ներսեսյանը վերադարձել և հայտնել է, որ Ռ.Մելքումյանը նրան դանակով խփել է, որից հետո ինքը լսել է, թե ինչպես Ռ.Մելքումյանը Ս.Թոխյանին ասել է` ՙթռանք՚ և Փափազյան փողոցում փորձելով կանգնեցնել տաքսի ավտոմեքենա` ընթացքից նստել է հետևի նստատեղին, իսկ Ս.Թոխյանը մնացել է փողոցում: Ինքը տեսնելով, որ Ռ.Ներսեսյանի մեջքից արյուն է հոսում, արագ մոտեցել է պանդոկի դիմաց տեղադրված սեղաններից մեկին, վերցրել կավե կուժը և վազելով դեպի Փափազյան փողոցª շպրտել նշված տաքսի ավտեմեքենայի ուղղությամբ, փորձելով կանգնեցնել այն, որպեսզի Ռ.Մելքումյանը չփախչի: Կավե կուժն ընկել է տաքսի ավտոմեքենայի տանիքին, որից հետո ինքը, Ա.Թեջոյանը և մյուս 3-4 տղաները Ռ.Մելքումյանին իջեցրել են տաքսի ավտոմեքենայից, ինքը և Ռ.Մելքումյանը սկսել են իրար քաշքշել և հարվածել, որից հետո նա վազելով փախել է Կոմիտասի պողոտայի ուղղությամբ, իսկ ինքը, Ա.Թեջոյանը և մյուս տղաները փորձել են հետապնդել Ռ.Մելքումյանին, սակայն չեն կարողացել բռնել: Իսկ երբ վերադարձել են` Ռ.Ներսեսյանին, Ս.Թոխյանին և տաքսի ավտոմեքենան չեն գտել: Ինքը զանգահարել է Ռ.Ներսեսյանին, պարզել, որ նա գտնվում է ՙԳենացվալե՚ պանդոկի հետևի շենքների բակում, որից հետո Ա.Թեջոյանի հետ գնացել են նրա մոտ, պատահական տաքսի ավտոմեքենայով տարել տուն, որից հետո Ռ.Ներսեսյանին տեղափոխել են հիվանդանոց:
Հ. 3, գ.թ. 118-125, 148-153, 158-159, 223-224
Վկա Սոֆիկ Օնիկի Թոխյանը դատաքննության փուլում պնդել է նախաքննության փուլում տված ցուցմունքը և ցուցմունք է տվել, որ 2014թ. ամռանը համատեղ աշատանքի ընթացքում ծանոթացել է Ժորա Գասպարյանի հետ, որից հետո շփվել են որպես աշխատանքային ընկերներ: 2015թ. գարնանն ինքը ծանոթացել է Ռաֆայել Մելքումյանի հետ, սկսկել են շփվել և հանդիպել: Հունիսի սկիզբներին ինքն ու ընկերուհին` Հռիփսիմե Հարությունյանը /Կեծին/ գնացել են իր աշխատանքի վայր, որտեղ Ժ.Գասպարյանի խնդրանքով ինքը նրան ծանոթացրել է Հ.Հարությունյանի հետ, որից հետո ինքը, Հ.Հարությունյանը, Ժ.Գասպարյանը և նրա ընկեր Ռուսլան Ներսեսյանը մի քանի անգամ հանդիպել են: 2015թ. հունիսի 17-ին` ժամը 20:30-ի սահմաններում, երբ ինքը, Հ.Հարությունյանը և Ռ.Մելքումյանը նստած են եղել ՙԿասկադ՚-ում գտնվող ՙՌետրո՚ սրճարանում, այդ ընթացքում Ժ.Գասպարյանը պարբերաբար զանգահարել է, թե' իր և, թե' Հ.Հարությունյանի հեռախոսահամարներին, սակայն իրենք չեն պատասխանել զանգերին: Որոշ ժամանակ անց Հ.Հարությունյանը Ռ.Մելքումյանին խնդրել է, որպեսզի նա խոսի Ժ.Գասպարյանի հետ, հայտնի, որ Հ.Հարությունյանը նրա համար հոգեհարազատ անձնավորություն է և ասի, որ այլևս չզանգի: Ռ.Մելքումյանը զանգահարել է Ժ.Գասպարյանին, հայտնել, որ Հ.Հարությունյանն իրեն հարազատ անձնավորություն է, իսկ Ժ.Գասպարյանն առաջարկել է հանդիպել Կոմիտասում, որին Ռ.Մելքումյանը համաձայնել է: Դրանից հետո ինքը, Հ.Հարությունյանը և Ռ.Մելքումյանը պատահական տաքսի ավտոմեքենայով ուղևորվել են իրենց տուն և ճանապարհին իր բջջային հեռախոսահամարին զանգել է Ռ.Ներսեսյանը, հարցրել, թե որտեղ է և ում է տանում, որ Ժ.Գասպարյանի հետ խոսի, ինքը նրան հայտնել է, որ ծանոթ տղա է և ցանկանում է ճշտել, թե ինչու է Ժ.Գասպարյանը զանգում Հ.Հարությունյանին: Ռ.Ներսեսյանը հեգնանքով իրեն հարցրել է. ՙազիզ ջան բա ուր էս հիմի՚, իսկ ինքը նույն կերպª հեգնանքով, պատասխանել է. ՙԲաղրամյան եմ ազիզ ջան՚: Դրանից Ռ.Ներսեսյանը վրդովվել է, սկսել է հայհոյել և կոպիտ խոսել, ինչպես նաև ասել է` ՙես քո համար Ժորիկը չեմ, չշփոթես հանկարծ՚: Նրա ասածներից ինքն էլ է վրդովվել և ասել. ՙհլը էս թուլին նայի՚: Լսելով այդ խոսակցությունը Ռ.Ներսեսյանը վերցրել է իր հեռախոսը և նորմալ տոնով խոսել Ռ.Ներսեսյանի հետ, ով պահանջել է, որ իրեն հետը տանի հանդիպման, ինչին Ռ.Մելքումյանը համաձայնել է: Հասնելով իրենց տան մոտ` ՙՍլավոնական՚ համալսարանի մոտակայք, Հ.Հարությունյանին իջեցրել են և գնացել Փափազյան փողոցում գտնվող ՙԵրիցյաններ՚ խանութի մոտ: Իրենց դիմավորել են Ռ.Ներսեսյանը, Ժ.Գասպարյանը և ինչ-որ տղա, որին ինքը չի ճանաչել, և ասել են, որ ինքն ու Ռ.Մելքումյանը գնան նրանց հետևից, ու քայլել են դեպի ՙԳենացվալե՚ պանդոկի կողմ: Ինքը հասկացել է, որ նրանք իրենց տանում են մարդկանց տեսադաշտից հեռու ինչ-որ տեղ, և երբ հասել են ՙԳենացվալե՚ պանդոկի կողային հատվածը, որտեղ եղել են ևս 4-5 տղաներ, որոնք հավանաբար Ռ.Ներսեսյանի ընկերներն էին, ինքն առաջարկել է պանդոկի մոտ խոսել: Զրույցի ընթացքում Ռ.Ներսեսյան Ռ.Մելքումյանին հարցրել է, թե նա ՙտեր է՚ իր ասածներին և փորձել է առանձնանալ նրա հետ, իսկ Ռ.Մելքումյանը պատասխանել է. ՙհա, տեր եմ՚: Ինքը նրանց միջամտել է և Ռ.Ներսեսյանին ասել, որ իր ասածներին ինքն է տեր, որից հետո փորձել է Ռ.Մելքումյանին մի կողմ տանել, քանի որ նրանց խոսակցությունը թեժացել է: Այդ ընթացքում ինքը Ժ.Գասպարյանին հարցրել է. ՙինչ էս մարդ հավաքել եկել աղջկա հետ բազար էս անում՚, իսկ Ժ.Գասպարյանն իրեն ասել է` ՙաղչի հանգստացի հլը, թե չէ կտամ չանիտ՚: Ինքը Ժ.Գասպարյանին ասել է` ՙհանգստացի այ թուլա՚, որից հետո Ժ.Գասպարյանը ոտքով հարվածել է իրեն, իսկ ինքը ոտքով հարվածել է նրան: Սկսվել է քաշքշուկ, որի ընթացքում Ռ.Ներսեսյան բռունցքով հարվածել է իր վզին, իսկ Ռ.Ներսեսյանը ապտակել է նրան: Այնուհետև ինքը տեսել է, թե ինչպես Ժ.Գասպարյանը և Ռ.Ներսեսյանը հարձակվել են Ռ.Մելքումյանի վրա, քաշքշել և հարվածել նրան: Ինքը մոտեցել է նրանց, Ժ.Գասպարյանին մի կողմ քաշել` փորձելով հանդարտեցնել, իսկ Ռ.Ներսեսյանն ու Ռ.Մելքումյանը շարունակել են քաշքշել և հարվածել միմյանց: Մի քանի վայրկյան անց Ռ.Մելքումյանը բռնելով իր ձեռքից` ասել է` ՙՍոֆ, շուտ արա թռանք՚: Իրենք վազելով անցել են դիմացի մայթ, որպեսզի նստեն այնտեղով անցնող տաքսի ավտոմեքենան: Ռ.Մելքումյանն ընթացքից նստել է հետևի նստատեղին, իսկ ինքը մնացել է փողոցում: Այդ ժամանակ Ժ.Գասպարյանը գոռացել է ՙկանգնի՚ և ինչ-որ կավե տարա նետել տաքսի ավտոմեքենայի վրա, որից հետո մյուս տղաների հետ հարձակվել են դեռևս ընթացքը չդադարեցրած տաքսի ավտոմեքենայի վրա, սկսել ոտքով հարվածել ավտոմեքենային` պահանջելով, որ կանգնի, որից հետո բացել են հետևի դռները ու սկսել ոտքերով հարվածել և ծեծելով դուրս հանել Ռ.Մելքումյանին, որից հետո վերջինս փախել է Կոմիտասի պողոտայի կողմ, իսկ Ժ.Գասպարյանը և մյուս տղաներըª նրա հետևից: Ինքը նույնպես գնացել է նրանց հետևից, սակայն այդ ընթացքում ինչ-որ տաքսի ավտոմեքենայի վարորդ մոտեցել է իրեն, նստեցրել ավտոմեքենան և տարել տուն: Վկան միաժամանակ նշել է, որ Ժորա Գասպարյանը կավե տարան նետել է` ավտոմեքենան կանգնելցնելու համար և նպատակ չի ունեցել որևէ մեկին վնասելու:
Վկա Մարատ Լևոնի Ժամկոչյանը նախաքննության փուլում ցուցմունք է տվել, որ ՙԳենացվալե՚ պանդոկ ցանցի տնօրենն է: 2015թ. հունիսի 17-ին` ժամը 22:00-ի սահմաններում գնացել է Երևան քաղաքի Փափազյան 23/1 հասցեում գտնվող պանդոկ, նստել դրսում գտնվող թվով 3 սեղաններից երրորդի մոտ` Ա.Խաչատրյան փողոցի կողմը: Շուրջ 10 րոպե անց իրեն է միացել պանդոկի մատուցող Վահան Սուրենի Ավետիսյանը, որից հետո նկատել է, թե ինչպես իր թիկունքի կողմից` այսինքն Ա.Խաչատրյան փողոցին զուգահեռ մայթեզրով, որը հարակից է պանդոկի կողային հատվածին, մի խումբ տղաներ` 5-6 հոգի, վազելով հատել են Փափազյան փողոցը և գնացել դեպի Կոմիտաս պողոտա: Քանի որ ինքն աղմուկ և հայհոյանք չի լսել, այդ պատճառով որևէ ուշադրություն չի դարձրել կատարվածին: Դրանից հետո պանդոկի մատուցող Ռաֆայել Խաչատուրի Խաչիկյանից տեղեկացել է, որ ինչ-որ մեկը պանդոկի դիմացի սեղաններից մեկից վերցրել է գինու տարան:
Հ. 2, գ.թ. 131-133
Վկա Վահան Սուրենի Ավետիսյանը դատաքննության փուլում ցուցմունք է տվել, որ շուրջ 1 տարի է` աշխատում է Երևան քաղաքի Փափազյան 23/1 հասցեում գտնվող ՙԳենացվալե՚ պանդոկում` որպես մատուցող: 2015թ. հունիսի 17-ին` ժամը 22:00-ի սահմաններում, ինքը դուրս է եկել` պանդոկի դիմաց գտնվող սեղանի մոտ նստած հաճախորդին սպասարկելու համար, որից հետո շուրջ 10 րոպե մնացել է դրսում, նստել հարևան սեղանի մոտ, որտեղ նստած է եղել պանդոկի տնօրենը` Մարատ Լևոնի Ժամկոչյանը: Այդ ընթացքում նկատել է, որ Ա.Խաչատրյան-Փափազյան փողոցների խաչմերուկի մոտ` պանդոկի դիմացի մայթեզրին, կանգնած զրուցել են 2 երիտասարդներ, որից հետո տեսել է, թե ինչպես Ա.Խաչատրյան փողոցին զուգահեռ մայթեզրով, որը հարակից է պանդոկի կողային հատվածին, մի խումբ տղաներ` շուրջ 6-7 հոգի, վազելով հատել են Փափազյան փողոցը և գնացել Կոմիտասի պողոտայի կողմ: Դրանից հետո ինքը մտել է պանդոկ և շարունակել աշխատանքը: Հետագայում իմացել է, որ վիճաբանություն է տեղի ունեցել:
Վկա Ռաֆայել Խաչատուրի Խաչիկյանը դատաքննության փուլում ցուցմունք է տվել, որ շուրջ 10 ամիս է` աշխատում է Երևան քաղաքի Փափազյան 23/1 հասցեում գտնվող ՙԳենացվալե՚ պանդոկում` որպես մատուցող: 2015թ. հունիսի 17-ի երեկոյան, երբ ինքը սպասարկել է պանդոկի դիմացի հատվածում գտնվող բացօթյա սեղաններից մեկը, լսել է բղավոցներ, որից հետո տեսել, թե ինչպես 4-5 տղա, միմյանց քաշքշելով, պանդոկի կողային հատվածից` Ա.Խաչատրյան փողոցի կողմից վազել են դեպի Փափազյան փողոց, հատել այն, այնուհետև վազել դեպի Կոմիտասի պողոտա: Այդ ժամանակ պանդոկի դիմացի առաջին սեղանին նստած հաճախորդներն իրեն ասել են, որ վազողներից ինչ-որ մեկը իրենց սեղանից վերցրել է գինու կուժը: Դրանից հետո մտել է պանդոկ և շարունակել իր աշխատանքը: Վկան նշել է, որ նշված միջադեպի ժամանակ պանդոկի դիմաց տեղադրված թվով 3 սեղաններից 2-ին նստած են եղել հաճախորդներ, երրորդ սեղանին` պանդոկի տնօրենը` Մարատ Ժամկոչյանը, իսկ միջադեպի պատճառով պանդոկից դուրս են եկել նաև այլ աշխատակիցներ: Հայտնել է, որ միջադեպից որոշ ժամանակ անց պանդոկի կողային հատվածում` Ա.Խաչատրյան փողոցի մայթեզրին, նկատել է արյան կաթիլներ:
Վկա Արտյոմ Աշոտի Հովհաննիսյանը դատաքննության փուլում ցուցմունք է տվել, որ երկար տարիներ է` մտերմություն է անում ՙԴավ Տիգ՚ տաքսի ծառայության տեր Ստյոպայի հետ: 2015թ. հունիսի 17-ին` ժամը 21:30-ի սահմաններում, երբ ինքը գտնվել է Երևան քաղաքի Ավետիսյան փողոցում գործող ՙԴավ Տիգ՚ տաքսի ծառայության գրասենյակում, Ստյոպան իրեն խնդրել է, որ գնա Հր.Քոչար փողոցում գտնվող ավտոմեքենաների վերանորոգման կետ և վերցնի ՙԴավ Տիգ՚ տաքսի ծառայությանը պատկանող ՙՄիտցուբիշի Լանսեռ՚ մակնիշի ավտոմեքենան, դրանով գնա տուն և հաջորդ օրն առավոտյան բերի գրասենյակ: Ինքը գնացել է ավտոմեքենաների վերանորոգման կետ, վերցրել ավտոմեքենան և Փափազյան փողոցով հատելով Կոմիտասի պողոտան, շարունակել է ճանապարհը` ՙԵրիցյաններ՚ սուպերմարկետի մոտով` որպեսզի գնա տուն` Եղվարդ: Փափազյան-Ա.Խաչատրյան փողոցների խաչմերուկ չհասած նկատել է, որ ՙԳենացվալե՚ պանդոկի մոտից մի տղա և մի աղջիկ վազելով անցել են դիմացի մայթ, իսկ այդ տղան ձեռքը մեկնելով փորձել է կանգնեցնել իր վարած ավտոմեքենան: Ինքը դեռ չի հասցրել ավտոմեքենան արգելակել, երբ այդ տղան ընթացքից բացել է ավտոմեքենայի հետևի դուռը, նստել հետևի նստատեղին և ասել` ՙքշի՚, իսկ նրա հետի աղջիկը մնացել է փողոցում: Այդ ժամանակ ՙԳենացվալե՚ պանդոկի մայթից ինչ-որ բան են նետել, որն ընկել է ավտոմեքենայի տանիքի հետևի հատվածին և փշրվել, որից հետո 3-4 տղաներ գոռալով` ՙկանգնի՚, երկու կողմից հարձակվել են ավտոմեքենայի վրա, ինչ-որ մեկը ոտքով հարվածել է հետևի աջ թևքին` կռիլոյին, որից հետո այդ տղաները բացել են հետևի դռները, սկսել ոտքերով հարվածել և քաշքշելով դուրս հանել հետևի նստատեղին նստած տղային: Այդ ժամանակ ինքը Ա.Խաչատրյան խաչմերուկ չհասած` Փափազյան փողոցի մայթեզրին` ՙԳենացվալե՚ պանդոկի դիմացի մայթի մոտ, կայանել է ավտոմեքենան, իջել և տեսել, որ 5-6 տղաներ քաշքշում և ծեծում են ավտոմեքենայի հետևի նստատեղից իջեցրած տղային, իսկ մի քանի վայրկյան անց այդ տղան փախել է, վերջինիս ծեծի ենթարկող տղաները սկսել են հետապնդել նրան, իսկ նրանց հետևից գնացել է նաև այդ տղայի հետի աղջիկը` ով մնացել էր փողոցում: Դրանից հետո տեսել է, որ ավտոմեքենայի տանիքը վնասվել է, իսկ գետնին թափված են եղել կավե տարայի կտորներ` որով հարվածել էին ավտոմեքենային, ինչպես նաև տեսել է, որ ավտոմեքենայի հետևի աջ թևքը` կռիլոն, վնասված է: Դրանից հետո, որպեսզի ավտոմեքենան չխանգարի երթևեկությանը, ինքն այն տեղափոխել է ՙՊոլոզ Մուկուչ՚ ռեստորանի կողային հատված և այնտեղ հավաքված մարդկանց հարցրել, թե ովքեր էին այդ տղաները, նրանցից ում են ճանաչում և ինչի համար էին այն տղային ծեծում, սակայն նրանք ասել են, որ ոչ ոքի չեն ճանաչում: Դրանից հետո ինքն ավտոմեքենան տարել է Ավետիսյան փողոց` ՙԴավ Տիգ՚ տաքսի ծառայության գրասենյակ: Վկան նաև հայտնել է, որ դեպքին ականատես են եղել այդ ժամանակ փողոցով անցնող քաղաքացիներ, ՙԳենացվալե՚ պանդոկի աշխատակիցները և հաճախորդները, ովքեր դուրս են եկել ռեստորանից և տեսել, թե ինչ է կատարվում, ինչպես նաև Փափազյան փողոցով անցնող ավտոմեքենաները դանդաղեցրել են ընթացքը, որպեսզի տեսնեն, թե ինչ է պատահել, քանի որ շատ մարդիկ են եղել հավաքված այդ հատվածում:
Վկա Արման Յուրիի Թեջոյանը դատաքննության փուլում ըստ էության պնդել է նախաքննության փուլում տված ցուցմունքը, որ 2015թ. մայիսից ճանաչում է Երևան քաղաքի Մանուշյան փողոցի բնակիչ Ռուսլան Արարատի Ներսեսյանին, որի հետ գտնվել է նորմալ հարաբերությունների մեջ: 2015թ. հունիսի 17-ին` ժամը 22:00-ի սահմաններում, երբ ինքն անցել է ՙԵրիցյաններ՚ սուպերմարկետի շենքի հետևի բակով, այնտեղ գտնվող տաղավարում նստած է եղել Ռ.Ներսեսյանը: Տեսնելով իրեն` Ռ.Ներսեսյանը հարցրել է, թե իր բջջային հեռախոսի մեջ գումար, կա, թե ոչ: Ինքը հայտնել է, որ կա և նրան փոխանցել իր բջջային հեռախոսը: Ռ.Ներսեսյանն ինչ-որ հեռախոսահամար է հավաքել ու քայլելով գնացել տաղավարի կողքը գտնվող մարզահրապարակի կողմ, իսկ ինքը մնացել է տաղավարում նստած: Մի քանի րոպե անց Ռ.Ներսեսյանը վերադարձել է, տվել հեռախոսը և հարցրել, թե ուր է գնում: Ինքը պատասխանել է, որ գնում է տուն, որից հետո Ռ.Ներսեսյանն իրեն առաջարկել է միասին գնալ ՙԵրիցյաններ՚ սուպերմարկետի մոտ, ինչ-որ անձի հանդիպել, որից հետո միասին կգնան տուն: Ինքը համաձայնել է, նրան հարցրել, թե ինչ է պատահել, իսկ Ռ.Ներսեսյանը պատասխանել է, որ ոչինչ չի եղել: Դրանից հետո իրենք քայլելով գնացել են ՙԳենացվալե՚ պանդոկի կողմ, հանդիպել Ռ.Ներսեսյանի ընկերոջը` Ժ.Գասպարյանին, որից հետո Ռ.Ներսեսյանը կրկին վերցրել է հեռախոսը և զանգահարել ինչ-որ մեկին ու առանձնանալով իրենցից` զրուցել: Մի քանի րոպե անց Ռ.Ներսեսյանն առաջարկել է գնալ ՙԵրիցյաններ՚ սուպերմարկետի մոտ ինչ-որ մարդու տեսնելու, սակայն չի ասել, թե ում և ինչի համար: Ինքը, Ռ.Ներսեսյանը և Ժ.Գասպարյանը գնացել են ՙԵրիցյաններ՚ սուպերմարկետի դիմացի հատված, որտեղ իրենց ընդառաջ են եկել Սոֆիկ Թոխյանը և Ռաֆայել Մելքումյանը: Դրանից հետո իրենք միասին քայլել են ՙԳենացվալե՚ պանդոկի կողային հատված, որտեղ Ռ.Ներսեսյանը սկսել է հարցեր տալ Ս.Թոխյանին և Ռ.Մելքումյանին, թե ինչպես են նրա հետ խոսում, որին Ս.Թոխյանը պատասխանել է` ՙլավ եմ անում այ թուլա՚: Այդ ժամանակ Ռ.Ներսեսյանը կոպտել է Ս.Թոխյանին և բորբոքված խոսել Ռ.Մելքումյանի հետ` հարցնելով. ՙդու տեր ես սրա ասածների համար՚, Ս.Թոխյանն ասել է, որ ինքն է տեր իր ասածներին, իսկ Ռ.Մելքումյանը հայտնել է, որ այդ հարցի շուրջ կխոսեն հետո, երբ նա իր ընկերների հետ կգա: Այդ ժամանակ ինքը բռնել է Ռ.Ներսեսյանի ձեռքը և քաշելով տարել մի կողմ, որպեսզի կռիվ չսկսվի: Բարձր ձայների վրա հավաքվել են թաղամասի մի քանի տղաներ, որոնց ինքը չի ճանաչել և Ռ.Ներսեսյանից տեղեկանալով, որ նա բնակվում է Մանուշյան փողոցում, ասել են, որ գնա իր թաղում իր հարցերը պարզի, ձենը գլուխը չգցի: Դրանից հետո ինքը Ռ.Ներսեսյանին կրկին մի կողմ է տարել և առաջարկել, որ Ժ.Գասպարյանն առանձնանա Ս.Թոխյանի և Ռ.Մելքումյանի հետ ու պարզի իր հարցերը: Ինքը, Ռուսլանը և իրենց մոտեցած 3-4 տղաները մնացել են ՙԳենացվալե՚ պանդոկի կողային հատվածում, իսկ Ժ.Գասպարյանը, Ս.Թոխյանը և Ռ.Մելքումյանը քայլել են Փափազյան-Ա.Խաչատրյան փողոցների խաչմերուկի մայթի կողմ` զրուցելու: Մի քանի վայրկյան անց իրենք նկատել են, որ Ս.Թոխյանը ոտքով հարվածել է Ժ.Գասպարյանին, այնուհետև Ռ.Մելքումյանն էլ է սկսել հարվածել Ժ.Գասպարյանին, իսկ վերջինս էլ նրանց: Այդ ժամանակ Ռ.Ներսեսյանը վազելով մոտեցել է նրանց և սկսել հարվածել Ռ.Մելքումյանին, իսկ նա էլ Ռ.Ներսեսյանին: Նրանց են մոտեցել ինքը և մյուս տղաները ու սկսել են իրարից բաժանել, հանդարտեցնել նրանց: Սակայն Ռ.Մելքումյանը և Ռ.Ներսեսյանն իրար հարվածելով և քաշքշելով դուրս են եկել փողոց, իսկ ինքը և մյուս տղաները իրարից բաժանել են Ս.Թոխյանին և Ժ.Գասպարյանին, ինչպես նաև նախատել, որ հանդարտվեն: Մի քանի վայրկյան անց, երբ Ս.Թոխյանը նույնպես գնացել է Փափազյան փողոցի կողմ` Ռ.Մելքումյանի և Ռ.Ներսեսյանի մոտ, Ռ.Ներսեսյանը մեջքը բռնած հետ է վերադարձել և հայտնել, որ նրան դանակահարել են: Այդ ժամանակ ինքը նկատել է, որ Ռ.Մելքումյանը բռնել է Ս.Թոխյանի ձեռքը և Փափազյան փողոցում փորձել տաքսի ավտոմեքենա կանգնեցնել ու փախչել: Ինքը, Ժ.Գասպարյանը և ևս 2 տղա, որոնց չի ճանաչել, վազել են դեպի Փափազյան փողոց, որի ընթացքում Ժ.Գասպարյանը ինչ-որ բան է նետել այն տաքսի ավտոմեքենայի վրա, որի հետևի նստատեղին ընթացքից նստել է Ռ.Մելքումյանը, իսկ Ս.Թոխյանը մնացել է փողոցում: Իրենք հասնելով տաքսի ավտոմեքենային փորձել են կանգնեցնել այն, որպեսզի Ռ.Մելքումյանը չփախչի: Այդ ժամանակ ինքը բացել է տաքսի ավտոմեքենայի հետևի ձախ դուռը և փորձել ոտքով հարվածել հետևի նստած Ռ.Մելքումյանին, որպեսզի նա իջնի ավտոմեքենայից, սակայն ոտքը նրան չի կպել, քանի որ ինչ-որ մեկը բացելով տաքսի ավտոմեքենայի հետևի աջ դուռը քաշել և հանել է Ռ.Մելքումյանին, իսկ այդ ժամանակ նրան մոտեցած Ժ.Գասպարյանը սկսել է հարվածել Ռ.Մելքումյանին ու գցել գետնին, որից հետո Ռ.Մելքումյանը փախել է դեպի Կոմիտասի պողոտա, իսկ ինքը և մյուս տղաները հետապնդել են նրան, սակայն չեն բռնել: Դրանից հետո ինքը գնացել է ՙԳենացվալե՚ պանդոկի հետևի շենքի բակ և Ա.Խաչատրյան-Վաղարշյան փողոցների խաչմերուկ չհասած` տեսել Ժ.Գասպարյանին, ով նույնպես փնտրել է Ռ.Ներսեսյանին: Դրանից հետո ՙՇիվանզադե՚ դպրոցի մոտ տեսել են Ռ.Ներսեսյանին` բինտով վիրակապած, սակայն նրա մեջքից ուժեղ արյուն է հոսել: Դրանից հետո պատահական տաքսի ավտոմեքենայով Ռ.Ներսեսյանին տարել են տուն, որից հետո տեղափոխել հիվանդանոց: Վկան նշել է նաև, որ դեպքին` կռվի մասնակիցներից բացի, ներկա են գտնվել իրենց մոտեցած 3-4 տղաները, պատահական անցորդներ, ՙԳենացվալե՚ պանդոկի աշխատակիցները և հաճախորդները, ինչպես նաև տաքսի ավտոմեքենայի վարորդը, որով Ռ.Մելքումյանը փորձել է փախչել:
06.08.2015թ. վկա Սոֆիկ Օնիկի Թոխյանի մասնակցությամբ, 04.08.2015թ.ն ՙՂ-Տելեկոմ՚ ՓԲԸ-ից ստացված վերծանումները զննելու մասին արձանագրության համաձայն` հիմնավորվել են 17.06.2015թ. Ժ.Գասպարյանի կողմից զննության մասնակցին` Սոֆիկ Թոխյանին, Հռիփսիմե Հարությունյանին, Ռաֆայել Մելքումյանին և Ռուսլան Ներսեսյանին կատարած և վերջիններիցս ստացած հեռախոսազանգերը, ինչպես նաև վերծանումներով ստացված` դեպքի ժամանակ վերջիններիս բջջային հեռախոսահամարները սպասարկած ալեհավաք կայանների տվյալներով հիմնավորվել է վերջիններիս ՙԳենացվալե՚ պանդոկի մոտ գտնվելու հանգամանքը:
Հ. 2, գ.թ. 162-174
10.09.2015թ. վկա Սոֆիկ Օնիկի Թոխյանի մասնակցությամբ, ՀՀ ոստիկանության Արաբկիրի բաժնի կողմից ներկայացված 17.06.2015թ. 22:30-ից մինչև 22:50-ն ընկած ժամանակահատվածի Երևան քաղաքի Փափազյան և Ա.Խաչատրյան փողոցների, խաչմերուկի և ՙԳենացվալե՚ պանդոկի դիմացի հատվածի տեսագրությունները զննելու մասին արձանագրությամբ, համաձայն որի` ՙPapazyan video՚ տեսաֆայլի ՙPapazyan parking 17.06՚ ֆայլի ՙkam 28/9/4՚ տեսագրությունում երևում է, թե ինչպես ժամը 22:30:57-ին Փափազյան փողոցում գտնվող ՙՏաշիր պիցցա՚-ի դիմաց գտնվող ավտոկայանետեղի է գալիս ՙՆիսսան՚ մակնիշի տաքսի ավտոմեքենա, որից ըստ մասնակցի հայտարարության իջնում են ինքը և Ռաֆայել Մելքումյանը: Կանգնելով ՙՏաշիր պիցցա՚-ի մուտքի մոտ, սպասում են մինչև ժամը 22:32:22-ը, որից հետո նրանց են մոտենում 3 տղաներ, որոնք ըստ մասնակցի հայտարարության հանդիսանում են Ժորա Գասպարյանը, Ռուսլան Ներսեսյանը և վերջինիս ընկերը, որի անունը ինքը չգիտի: Նրանք միասին քայլելով գնում են դեպի Ա.Խաչատրյան փողոցի կողմ և դուրս գալիս օբյեկտիվից: ՙKam28/9/6՚ և ՙՄուվ 0066՚ ֆայլերի ուսումնասիիրությամբ երևում է, թե ինչպես ժամը 22:33-ից մինչև 22:34-ն ընկած ժամանակահատվածում երեք տղաներ և մեկ աղջիկ միասին քայլում են դեպի Ա.Խաչատրյան փողոցի կողմ: Ըստ մասնակցի հայտատարության նշված աղջիկը ինքն է, իսկ տղաները` հանդիսանում են ինքը, Ռաֆայել Մելքումյանը, ով բաց գույնի սվիտրով է և քայլում է իր կողքով, իսկ իրենց առջևից քայլում են Ժորա Գասպարյանը, ով ամբողջովին սև հագուստներով է և բարձրահասակ, իսկ նրա կողքով քայլում է Ռ.Ներսեսյանի ընկերը, որին ինքը չի ճանաչում: ՙՓափազյան դանակահարություն՚ ֆայլի մեջ առկա ՙ109.75.36.225.07՚ տեսաֆայլում երևում է, թե ինչպես ժամը 22:33:07-ին ՙԳենացվալե՚ պանդոկի կողային հատվածում` Ա.Խաչատրյան փողոցի մայթեզրին, մոտենում են վերոնշյալ անձինք, կանգնած զրուցում, մերթ ընդ մերթ դուրս գալով օբյեկտիվից և հետ վերադառնալով: Ըստ մասնակից Ս.Թոխյանի նշված ժամանակ տեղի է ունեցել լեզվակռիվ, որի ընթացքում Ժ.Գասպարյանն իրեն վիրավորել է, իսկ ինքը նրան անվանել է ՙթուլլա՚: Ժամը 22:38:40-ին երևում է, թե ինչպես նշված անձիք սկսում են իրար քաշքշել, ոտքերով հարվածել, շարժվելով դեպի Փափազյան–Ա.Խաչատրյան փողոցների խաչմերուկ: Ժամը 22:39:00-ին վերջիններս դուրս են գալիս տեսախցիկի օբյեկտիվից: Նույն ֆայլի մեջ առկա ՙԳայի18.06՚ տեսաֆայլում երևում է, թե ինչպես ժամը 22:39:37-ին տեսագրության աջ հատվածում դեպի փողոց են դուրս գալիս թվով 4 անձինք, որոնք ըստ մասնակցի հայտարարության հանդիսանում են ինքը, Ռաֆայել Մելքումյանը, Ռուսլան Ներսեսյանը և վերջինիս ընկերը, որին ինքը չի ճանաչում: Վերջիններս մի քանի վայրկյան զրուցում են, որից հետո սկսվում է իրարանցում, իսկ ժամը 22:39:45-ին երևում է, թե ինչպես Ռաֆայել Մելքումյանը բռնելով Ս.Թոխյանի ձեռքից, անցնում են դիմացի մայթը, որի ընթացքում ըստ մասնակցի հայտարարության Ռաֆայել Մելքումյանն իրեն ասել է ՙՍոֆի թռանք՚: Դրանից հետո երևում է, թե ինչպես Ռ.Մելքոնյանը փորձում է նստել ինչ-որ տաքսի ավտոմեքենա, սակայն հավաքված անձինք թույլ չեն տալիս հեռանալ, Ռ.Մելքումյանին դուրս են հանում տաքսի ավտոմեքենայից, իրարանցում է տեղի ունենում, որից հետո բոլորը սկսում են վազել Կոմիտասի նպողոտայի ուղղությամբ և դուրս են գալիս օբյեկտիվից: Ըստ մասնակցի հայտարարության հավաքվածները` այդ թվում Ժորա Գասպարյանը, Ռ.Մելքումյանին տաքսի ավտոմեքենայից իջեցնելուց հետո քաշքշել և ծեծի են ենթարկել, որի ժամանակ վերջինս փախել է Կոմիտասի պողոտայի կողմ, իսկ Ժ.Գասպարյանը և մյուսները հետապնդել են նրան: ՙՓափազյան դանակ՚ ֆայլի մեջ գտնվող ՙ1 08-էռ՚ ֆայլում երևում է, թե ինչպես ժամը 22:41:02-ին վազելով դեպի ձախ կողմ, փողոցն է անցնում Ռաֆայել Մելքումյանը, իսկ նրա հետևից ևս 2 տղաներ, իսկ փողոցի միջնամասում նրանց միանում են ևս 2-ը: ՙԳայի՚ ֆայլի մեջ առկա ՙՊապ խաչ 0՚ տեսաֆայլում երևում է, թե ինչպես ժամը 22:40:09-ից տաքսի ավտոմեքենա են փորձում նստել Ռաֆայել Մելքումյանը և Սոֆիկ Թոխյանը, սակայն թվով 6 տղաներ, որոնց դեմքերը չի երևում, հարձակվում են տաքսի ավտոմեքենայի վրա, հետևի նստատեղից իջեցնում Ռաֆայել Մելքումյանին, սկսում քաշքշել, որից հետո բոլորը վազում են Կոմիտասի պողոտայի ուղղությամբ և դուրս գալիս օբյեկտիվից: 109753622507-20150618092616005 ֆայլում երևում է, թե ինչպես ժամը 22:39:02-ին սև հագուստներով ինչ-որ մեկը, ով ըստ մասնակցի հայտարարության հանդիսանում է Ժորա Գասպարյանը, արագ քայլելով մոտենում է ՙԳենացվալե՚ պանդոկի դիմաց տեղադրված սեղաններից մեկին, ինչ-որ բան վերցնում վրայից և վազելով դեպի Կոմիտասի պողոտայի կողմ` դուրս գալիս օբյեկտիվից: Ըստ մասնակից Ս.Թոխյանի հայտարարության, Ժորա Գասպարյանը այդ ժամանակ պանդոկի դիմացի սեղանից վերցրել է կավե տարա, որը նետել է տաքսի ավտոմեքենայի վրա, որով Ռաֆայել Մելքումյանը փորձել է փախչել:
Հ. 2, գ.թ. 252-254
15.10.2015թ. վկա Արման Յուրիի Թեջոյանի մասնակցությամբ, ՀՀ ոստիկանության Արաբկիրի բաժնի կողմից ներկայացված 17.06.2015թ. 22-30-ից մինչև 22:50-ն ընկած ժամանակահատվածի Երևան քաղաքի Փափազյան և Ա.Խաչատրյան փողոցների, խաչմերուկի և ՙԳենացվալե՚ պանդոկի դիմացի հատվածի տեսագրությունները զննելու մասին արձանագրությամբ, համաձայն որի` ՙPapazyan video՚ տեսաֆայլի ՙPapazyan parking 17.06՚ ֆայլում առկա ՙkam 28/9/4՚ տեսագրությամբ երևում է, թե ինչպես ժամը 22:30:57-ին Փափազյան փողոցում գտնվող ՙՏաշիր պիցցա՚-ի դիմաց գտնվող ավտոկայանետեղի է գալիս ՙՆիսսան՚ մակնիշի տաքսի ավտոմեքենա, որից իջնում են երկու անձինք, որոնք ըստ մասնակից Ա.Թեջոյանի հայտարարության հանդիսանում են Սոֆիկ Թոխյանը և Ռաֆայել Մելքումյանը: Կանգնելով ՙՏաշիր պիցցա՚ -ի մուտքի մոտ, սպասում են մինչև ժամը 22:32:22-ը, որից հետո նրանց են մոտենում 3 տղաներ, որոնք ըստ մասնակցի հայտարարության հանդիսանում են ինքը, Ժորա Գասպարյանը և Ռուսլան Ներսեսյանը: Նրանք միասին քայլելով գնում են դեպի Ա.Խաչատրյան փողոցի կողմ և դուրս գալիս օբյեկտիվից: ՙKam28/9/6՚ և ՙՄուվ 0066՚ ֆայլում երևում է, թե ինչպես ժամը 22:33-ից մինչև 22:34-ն ընկած ժամանակահատվածում երեք տղաներ և մեկ աղջիկ միասին քայլում են դեպի Ա.Խաչատրյան փողոցի կողմ: Ըստ մասնակից Ա.Թեջոյանի հայտատարության նշված աղջիկը, որի հագին սև գույնի տաբատ է և դեղին գույնի սպորտային շապիկ, հանդիսանում է Սոֆիկ Թոխյանը, նրա կողքով քայլող` մոխրագույն սվիտրով, ջինսե տաբատով և սպիտակ գույնի սպորտային կոշիկներով անձը հանդիսանում է Ռաֆայել Մելքումյանը: Նրանց դիմացից քայլող ամբողջովին սև հագուստներով անձը հանդիսանում է Ժորա Գասպարյանը, իսկ նրա կողքով քայլող, ձեռքերը ծոծրակին դրած անձը հանդիսանում է ինքը: ՙՓափազյան դանակահարություն՚ ֆայլի մեջ առկա ՙ109.75.36.225.07՚ տեսաֆայլում երևում է, թե ինչպես ժամը 22:33:00-ին ՙԳենացվալե՚ պանդոկի դիմացով դեպի կողային հատված են գալիս 4 տղաներ և մեկ աղջիկ, որոնք ըստ մասնակցի հայտարարության հանդիսանում են ինքը, Սոֆիկ Թոխյանը, Ռաֆայել Մելքումյանը, Ռուսլան Ներսեսյանը և Ժորա Գասպարյանը: Որից հետո երևում է, թե ինչպես տղաներից ինչ-որ մեկը բռնում է մեկ այլ տղայի ձեռքից և քաշում պանդոկի կողային հատված, իսկ նրանց հետևից գնում են ևս 2 տղաներ և Ս.Թոխյանը: Ըստ մասնակցի հայտարարության պանդոկի կողային հատված հասնելու ժամանակ ինքը նկատել է, որ Ս.Թոխյանի և Ռ.Ներսեսյանի միջև լեզվակռիվ է սկսվել և բարձր են խոսում, ինքն է բռնել Ռ.Ներսեսյանի ձեռքից և քաշել-տարել պանդոկի կողային հատված, իսկ նրանց հետևից այդ կողմ են քայլել Ժ.Գասպարյանը, Ռ.Մելքումյանը և Ս.Թոխյանը: Տեսագրության ժամը 22:34:05-ին երևում է, որ իրարանցում է սկսվում պանդոկի կողային հատվածում, որի ժամանակ Ս.Թոխյանը բռնում է Ռ.Մելքումյանի ձեռքից և քաշում մի կողմ` ով ինչ-որ բան է խոսում Ռ.Ներսեսյանի, Ժ.գասպարյանի և զննության մասնակից Արման Թեջոյանի հետ: Ըստ մասնակցի հայտարարության այդ ժամանակ Ռ.Ներսեսյանը Ռ.Մելքումյանի հարցրել է, թե նա տեր է Ս.Թոխյանի ասածներին, քանի որ Ս.Թոխյանը Ռ.Ներսեսյանին ՙթուլա՚ էր անվանել, իսկ Ռ.Մելքումյանը ասում էր, որ հետո իր ընկերների հետ կգա և կխոսեն այդ մասին: Դրանից հետո երևում է, թե ինչպես զննության մասնակից Արման Թեջոյանը կրկին բռնում է Ռ.Ներսեսյանի ձեռքից և տանում պանդոկի կողային հատված, իսկ նրանց հետևից գնում են Ռ.Մելքումյանը, Ս.Թոխյանը և ևս 2 տղաներ: Ըստ մասնակցի հայտարարության նշված տղաներին ինքը չի ճանաչում: Տեսագրության 22:36:10-ին երևում է, թե ինչպես նրանց են մոտենուն ևս 2 տղաներ: Ըստ մասնակից Արման Թեջոյանի հայտարարության ինքը նշված տղաներին նույնպես չի ճանաչում, սակայն, երբ նրանք մոտեցել են իրենց Ռ.Ներսեսյանից պահանջել են, որ գնա ուրիշ տեղ իր հարցերը պարզի: Տեսագրության ժամը 22:37:50-ին երևում է, որ Ժ.Գասպարյանը զրուցում է Ռ.Մելքումյանի և Ս.Թոխյանի հետ: Ըստ մասնակցի հայտարարության այդ ժամանակ Ժ.գասպարյանը Ս.Թոխյանին և Ռ.Մելքումյանին առաջարկել է գնալ և զրուցել պանդոկի հետևի հատվածում, իսկ Ս.Թոխյանը և Ռ.Մելքումյանը առաջարկել են խոսել Ա.Խաչատրյան-Փափազյան խաչմերուկի մոտ: Տեսագրության ժամը 22:38:25-ին երևում է, թե ինչպես Ժ.Գասպարյանը, Ս.Թոխյանը և Ռ.Մելքումյանը քայլում են խաչմերուկի մոտ, կանգնում մայթեզրին, որից հետո կռիվ է սկսվում: Ըստ մասնակցի հայտարարության առաջինը Ս.Թոխյանն է ոտքով սկսում հարվածել Ժ.Գասպարյանին, որից հետո Ռ.Մելքումյանն էլ է սկսում հարվածել Ժ.Գասպարյանին, իսկ վերջինս էլ նրանց: Դրանից հետո երևում է, թե ինչպես վազելով նրանց է մոտենում մի տղա, իսկ նրա հետևից քայլելով գնում են ևս 3 տղաներ, որոնց հետևից վազելով գալիս է ևս մեկ տղա: Ըստ մասնակից Արման Թեջոյանի հայտարարության, առաջինը վազելով նրանց է մոտենում Ռ.Ներսեսյանը և սկսում քաշքշել ու հարվածել Ս.Թոխյանին և Ռ.Մելքումյանին, իսկ նրանց մոտեցող 3 տղաներից մեկը ինքն է և մոտենալով իրար հետ կռվող Ս.Թոխյանին և Ժ.Գասպարյանին, ինքը փորձել է նրանց բաժանել և հանդարտեցնել: Իսկ մյուս տղաները, ովքեր քայլել են իր հետ կամ մոտեցել կռիվ անողներին` ինքը չի ճանաչում: Տեսագրության ժամը 22:38:55-ին երևում է, թե ինչպես Ռ.Ներսեսյանը մեջքը բռնած քայլելով գնում է ՙԳենացվալե՚ պանդոկի կողային հատված: Ըստ մասնակցի հայտարարության, երբ ինքը խաչմերուկի մայթեզրին կանգնած հանդարտեցրել է Ժ.Գասպարյանին ու տեսել, որ Ս.Թոխյանը գնացել է Ռ.Մելքումյանի և Ռ.Ներսեսյանի կողմ, ինքն էլ է քայլել դեպի փողոց` նրանց մոտ, սակայն իրեն ընդառաջ եկած Ռ.Ներսեսյանը հայտնել է, որ նրան դանակահարել են և մեջքը բռնած քայլել է պանդոկի կողային հատված` չասելով, թե ով է եղել դանակահարողը: Տեսագրության ժամը 22:39:02-ին երևում է, թե ինչպես Ժ.Գասպարյանը պանդոկի դիմացի սեղաններից մեկից վերցնում է ինչ-որ իր և վազում փափազյան փողոց: Ըստ մասնակցի հայտարարության Ժ.Գասպարյանը ինչ-որ շիշ է վերցրել և այնուհետև այն նետել է տաքսի ավտոմեքենայի վրա, որով Ռ.Մելքումյանը փորձել է փախչել: ՙՄուվ 0066՚ ֆայլում երևում է, թե ինչպես Ռ.Մելքումյանը և Ս.Թոխյանը փորձում են նստել Փափազյան փողոցով անցնող տաքսի ավտոմեքենան, իսկ այդ ընթացքում պանդոկի դիմացի աջ հատվածից դեպի Փափազյան փողոց են վազում թվով 4 տղաներ, որոնցից մեկը մոտենալով տաքսի ավտոմեքենային փորձում է բացել հետևի ձախ դուռը: Ըստ մասնակից Արման Թեջոյանի հայտարարության, նշված 4 տղաներից մեկը ինքն է, մյուսը Ժ.Գասպարյանը, իսկ մնացածին ինքը չի ճանաչում: Իսկ տաքսի ավտոմեքենայի հետևի ձախ դուռն ինքն է փորձել բացել, քանի որ Ռ.Մելքումյանը ընթացքից նստել է տաքսի ավտոմեքենայի հետևի նստատեղին ու փորձել փախչել, իսկ Ս.Թոխյանը մնացել է փողոցում: ՙՊապ խաչ 0-1506-225550՚ տեսաֆում երևում է, թե ինչպես ժամը 22:40:45-ին պանդոկի դիմաց` Փափազյան փողոցում, իրար են քաշքչում 2 տղաներ և մեկ աղջիկ, որից հետո այդ տղաներից մեկը բռնելով մեջքը գնում է պանդոկի կողմ, իսկ մյուս տղան և աղջիկը փորձում են նստել տաքսի ավտոմեքենա: Ըստ մասնակից Արման Թեջոյանի հայտարարության Փափազյան փողոցում իրաի են քաշքշում Ռ.Մելուքմյանը և Ռ.Ներսեսյանը, ինչպես նաև նրանց միացած Ս.Թոխյանը, որից հետո Ռ.Ներսեսյանն է մեջքը բռնած գնում պանդոկի կողմ, իսկ Ս.Թոխյանը և Ռ.Մելքումյանը փորձում են նստել տաքսի ավտոմեքենա: ՙՊապ խաչ 0-1506-223000՚ տեսաֆայլում երևում է, թե ինչպես ժամը 22:39:45-ին պանդոկի դիմացից դեպի Փափազյան փողոց են դուրս գալիս Ս.Թոխյանը և Ռ.Մելքումյանը ու փորձում նստել տաքսի ավտոմեքենա: Տեսագրության ժամը 22:40:09-ին երևում է, թե ինչպես ՙԴավՏիգ՚ տաքսի ծառայության ավտոմեքենայի հետևի ձախ դուռն է բացում մի տղա և ոտքով հարվածի շարժում կատարում, իսկ ևս 2 անձինք շրջապատում են տաքսի ավտոմեքենան, որից հետո ինչ-որ մեկը բացում է տաքսի ավտոմեքենայի հետևի աջ դուռը, քաշքշելով դուրս հանում Ռ.Մելքումյանին, տաքսի ավտոմեքենայից իջնում է նաև վարորդը, իսկ հավաքվածներից մեկը սկսում է հարվածել Ռ.Մելքումյանին, որից հետո բոլորը սկսում են վազել պանդոկի դիմացի մայթով դեպի Կոմիտասի պողոտայի ուղղությամբ: Ըստ մասնակից Արման Թեջոյանի հայտարարության, տաքսի ավտոմեքենայի հետևի ձախ դուռը բացել է ինքը և փորձել ոտքով դուրս հրել Ռ.Մելքումյանին, քանի որ մտածել է, որ նրա մոտ դանակ կա, սակայն իր ոտքը Ռ.Մելքումյանին չի կպել, քանի որ ինչ-որ մեկը, որին ինքը չի ճանաչում, այդ ընթացքում Ռ.Մելքումյանին քաշել հանել է տաքսի ավտոմեքենայի հետևի աջ դռնից, որից հետո Ժ.Գասպարյանը սկսել է հարվածել Ռ.Մելքումյանին, ինչի հետևանքով Ռ.Մելքումյանը ընկել է գետնին և անմիջապես վերկենալով` դիմել փախուստի:
Հ. 3 գ.թ. 81-84
10.11.2015թ. մեղադրյալ Ժորա Դավթի Գասպարյանի մասնակցությամբ, ՀՀ ոստիկանության Արաբկիրի բաժնի կողմից ներկայացված 17.06.2015թ. 22.30-ից մինչև 22:50-ն ընկած ժամանակահատվածի Երևան քաղաքի Փափազյան և Ա.Խաչատրյան փողոցների, խաչմերուկի և ՙԳենացվալե՚ պանդոկի դիմացի հատվածի տեսագրությունները զննելու մասին արձանագրությամբ, համաձայն որի` ՙPapazyan video՚ տեսաֆայլի ՙPapazyan parking 17.06՚ ֆայլում առկա ՙkam 28/9/4՚ տեսագրությամբ երևում է, թե ինչպես ժամը 22:30:57-ին Փափազյան փողոցում գտնվող ՙՏաշիր պիցցա՚-ի դիմաց գտնվող ավտոկայանետեղի է գալիս ՙՆիսսան՚ մակնիշի տաքսի ավտոմեքենա, որից իջնում են երկու անձինք, որոնք ըստ մասնակից Ժորա Գասպարյանի հայտարարության հանդիսանում են Սոֆիկ Թոխյանը և Ռաֆայել Մելքումյանը: Կանգնելով ՙՏաշիր պիցցա՚ -ի մուտքի մոտ, սպասում են մինչև ժամը 22:32:22-ը, որից հետո նրանց են մոտենում 3 տղաներ, որոնք ըստ մասնակցի հայտարարության հանդիսանում են ինքը, Արման Թեջոյանը և Ռուսլան Ներսեսյանը: Նրանք միասին քայլելով գնում են դեպի Ա.Խաչատրյան փողոցի կողմ և դուրս գալիս օբյեկտիվից: ՙKam28/9/6՚ և ՙՄուվ 0066՚ ֆայլում երևում է, թե ինչպես ժամը 22:33-ից մինչև 22:34-ն ընկած ժամանակահատվածում երեք տղաներ և մեկ աղջիկ միասին քայլում են դեպի Ա.Խաչատրյան փողոցի կողմ: Ըստ մասնակից Ժ.Գասպարյանի հայտատարության նշված աղջիկը, որի հագին սև գույնի տաբատ է և դեղին գույնի սպորտային շապիկ, հանդիսանում է Ս. Թոխյանը, նրա կողքով քայլող` մոխրագույն սվիտրով, ջինսե տաբատով և սպիտակ գույնի սպորտային կոշիկներով անձը հանդիսանում է Ռ.Մելքումյանը: Նրանց դիմացից քայլող, ամբողջովին սև հագուստներով անձը հանդիսանում է ինքը, իսկ իր կողքով քայլող, ձեռքերը ծոծրակին դրած անձը հանդիսանում է Ա.Թեջոյանը: ՙՓափազյան դանակահարություն՚ ֆայլի մեջ առկա ՙ109.75.36.225.07՚ տեսաֆայլում երևում է, թե ինչպես ժամը 22:33:00-ին ՙԳենացվալե՚ պանդոկի դիմացով դեպի կողային հատված են գալիս 4 տղաներ և մեկ աղջիկ, որոնք ըստ մասնակցի հայտարարության հանդիսանում են ինքը, Ս.Թոխյանը, Ռ.Մելքումյանը, Ռ.Ներսեսյանը և Ա.Թեջոյանը: Որից հետո երևում է, թե ինչպես տղաներից ինչ-որ մեկը բռնում է մեկ այլ տղայի ձեռքից և քաշում պանդոկի կողային հատված, իսկ նրանց հետևից գնում են ևս 2 տղաներ և Ս.Թոխյանը: Ըստ մասնակցի հայտարարության պանդոկի կողային հատված հասնելու ժամանակ Ս.Թոխյանի և Ռ.Ներսեսյանի միջև լեզվակռիվ է սկսվել և բարձր են խոսել, այդ ժամանակ Ա.Թեջոյանը բռնել է Ռ.Ներսեսյանի ձեռքից և քաշել-տարել պանդոկի կողային հատված, իսկ նրանց հետևից այդ կողմ են քայլել ինքը, Ռ.Մելքումյանը և Ս.Թոխյանը: Տեսագրության 22:34:05-ին երևում է, որ իրարանցում է սկսվում պանդոկի կողային հատվածում, որի ժամանակ Ս.Թոխյանը բռնում է Ռ.Մելքումյանի ձեռքից և քաշում մի կողմ` ով ինչ-որ բան է խոսում Ռ.Ներսեսյանի, Ա.Թեջոյանի և զննության մասնակից Ժ.Գասպարյանի հետ: Ըստ մասնակից Ժ.Գասպարյանի հայտարարության այդ ժամանակ Ռ.Ներսեսյանը Ռ.Մելքումյանին հարցրել է, թե նա տեր է Ս.Թոխյանի ասածներին, քանի որ Ս.Թոխյանը, դեռևս հեռախոսազրույցի ժամանակ, Ռ.Ներսեսյանին ՙթուլա՚ էր անվանել, իսկ Ռ.Մելքումյան ասել է, որ հետո իր ընկերների հետ կգա և կխոսեն այդ մասին: Դրանից հետո երևում է, թե ինչպես Ա.Թեջոյանը կրկին բռնում է Ռ.Ներսեսյանի ձեռքից և տանում պանդոկի կողային հատված, իսկ նրանց հետևից գնում են Ռ.Մելքումյանը, Ս.Թոխյանը և ևս 2 տղաներ: Ըստ մասնակից Ժ.Գասպարյանի հայտարարության նշված տղաներին ինքը չի ճանաչում: Տեսագրության 22:36:10-ին երևում է, թե ինչպես նրանց են մոտենուն ևս 2 տղաներ: Ըստ մասնակից Ժ.Գասպարյանի հայտարարության ինքը նշված տղաներին նույնպես չի ճանաչում, սակայն, երբ նրանք մոտեցել են իրենց Ռ.Ներսեսյանից պահանջել են, որ գնա ուրիշ տեղ իր հարցերը պարզի: Տեսագրության ժամը 22:37:50-ին երևում է, որ զննության մասնակից Ժ.Գասպարյանը զրուցում է Ռ.Մելքումյանի և Ս.Թոխյանի հետ: Ըստ մասնակցի հայտարարության այդ ժամանակ ինքը Ս.Թոխյանին և Ռ.Մելքումյանին առաջարկել է գնալ և զրուցել պանդոկի հետևի հատվածում, իսկ վերջիններս իրեն առաջարկել են խոսել Ա.Խաչատրյան-Փափազյան խաչմերուկի մոտ: Տեսագրության ժամը 22:38:25-ին երևում է, թե ինչպես զննության մասնակից Ժ.Գասպարյանը, Ս.Թոխյանը և Ռ.Մելքումյանը քայլում են խաչմերուկի մոտ, կանգնում մայթեզրին, որից հետո կռիվ է սկսվում: Ըստ մասնակից Ժ.Գասպարյանի հայտարարության այդ ժամանակ Ս.Թոխյանին ուղղված իր այն հարցին, թե ինչու իրեն նորմալ չի պահում, Ս.Թոխյանը իրեն ասել է, թե ՙդու ով ես այ թուլա լակոտ, որ քո հետ նորմալ խոսամ՚, որից հետո ինքն ապտակել է նրան, իսկ Ս.Թոխյանը` ոտքով հարվածել իրեն, որից հետո Ռ.Մելքումյանն էլ է սկսել հարվածել իրեն, իսկ ինքն էլ նրանց: Դրանից հետո երևում է, թե ինչպես վազելով նրանց է մոտենում մի տղա, իսկ նրա հետևից քայլելով գնում են ևս 3 տղաներ, որոնց հետևից վազելով գալիս է ևս մեկ տղա: Ըստ մասնակից Ժ.Գասպարյանի հայտարարության, առաջինը վազելով իրենց է մոտենում Ռ.Ներսեսյանը և սկսում քաշքշել ու հարվածել Ս.Թոխյանին ու Ռ.Մելքումյանին, իսկ նրանց մոտեցող 3 տղաներից մեկը Ա.Թեջոյանն է և մոտենալով իրենց Ս.Թոխյանին ու իրեն փորձել է իրարից բաժանել և հանդարտեցնել: Իսկ մյուս տղաները, ովքեր Ա.Թեջոյանի հետ մոտեցել են կռիվ անողներին` ինքը չի ճանաչում: Տեսագրության ժամը 22:38:55-ին երևում է թե ինչպես Ռ.Ներսեսյանը մեջքը բռնած քայլելով գնում է ՙԳենացվալե՚ պանդոկի կողային հատված: Ըստ մասնակից Ժ.Գասպարյանի հայտարարության, երբ ինքը խաչմերուկի մայթեզրին Ա.Թեջոյանի և մյուս տղաների հետ կանգնած է եղել, տեսել է, որ Ս.Թոխյանը գնացել է Ռ.Մելքումյանի և Ռ.Ներսեսյանի կողմ, ովքեր փողոցում իրար են քաշքշել և, երբ ինքն էլ է քայլել դեպի փողոց` նրանց մոտ, իրեն ընդառաջ եկած Ռ.Ներսեսյանը հայտնել է, որ նրան դանակահարել են և մեջքը բռնած քայլել է պանդոկի կողային հատված` չասելով, թե ով է եղել դանակահարողը: Տեսագրության` ժամը 22:39:02-ին, երևում է, թե ինչպես զննության մասնակից Ժ.Գասպարյանը պանդոկի դիմացի սեղաններից մեկից վերցնում է ինչ-որ իր և վազում Փափազյան փողոց: Ըստ մասնակից Ժ.Գասպարյանի հայտարարության ինքը պանդոկի դիմացի սեղանից վերցրել է կավե գինու տարա և վազելով դեպի Փափազյան փողոց` այն նետել է տաքսի ավտոմեքենայի վրա, որով Ռ.Մելքումյանը փորձել է փախչել, այդ կերպ փորձելով կանխել նրա փախուստը: ՙՄուվ 0066՚ ֆայլում երևում է, թե ինչպես Ռ.Մելքումյանը և Ս.Թոխյանը փորձում են նստել Փափազյան փողոցով անցնող տաքսի ավտոմեքենան, իսկ այդ ընթացքում պանդոկի դիմացի աջ հատվածից դեպի փափազյան փողոց են վազում թվով 4 տղաներ, որոնցից մեկը մոտենալով տաքսի ավտոմեքենային փորձում է բացել հետևի ձախ դուռը: Ըստ մասնակից Ժ.Գասպարյանի հայտարարության, նշված 4 տղաներից մեկը ինքն է, մյուսը Ա.Թեջոյանը, իսկ մնացածին ինքը չի ճանաչում: Իսկ տաքսի ավտոմեքենայի հետևի ձախ դուռը փորձել է բացել Ա.Թեջոյանը, որպեսզի Ռ.Մելքումյանին դուրս հանի, քանի որ Ռ.Մելքումյանը ընթացքից նստել է տաքսի ավտոմեքենայի հետևի նստատեղին ու փորձել փախչել, իսկ Ս.Թոխյանը մնացել է փողոցում: ՙՊապ խաչ 0-1506-225550՚ տեսաֆայլում երևում է, թե ինչպես ժամը 22:40:45-ին պանդոկի դիմաց` Փափազյան փողոցում իրար են քաշքշում 2 տղաներ և մեկ աղջիկ, որից հետո այդ տղաներից մեկը բռնելով մեջքը գնում է պանդոկի կողմ, իսկ մյուս տղան և աղջիկը փորձում են նստել տաքսի ավտոմեքենա: Ըստ մասնակից Ժ.Գասպարյանի հայտարարության Փափազյան փողոցում իրաի են քաշքշում Ռ.Մելքումյանը և Ռ.Ներսեսյանը, ինչպես նաև նրանց միացած Ս.Թոխյանը, որից հետո Ռ.Ներսեսյանն է մեջքը բռնած գնում պանդոկի կողմ, իսկ Ս.Թոխյանը և Ռ.Մելքումյանը փորձում են նստել տաքսի ավտոմեքենա: ՙՊապ խաչ 0-1506-223000՚ տեսաֆայլում երևում է, թե ինչպես ժամը 22:39:45-ին պանդոկի դիմացից դեպի Փափազյան փողոց են դուրս գալիս Ս.Թոխյանը և Ռ.Մելքումյանը ու փորձում նստել տաքսի ավտոմեքենա: Տեսագրության ժամը 22:40:09-ին երևում է, թե ինչպես ՙԴավՏիգ՚ տաքսի ծառայության ավտոմեքենայի հետևի ձախ դուռն է բացում մի տղա և ոտքով հարվածի շարժում կատարում, իսկ ևս 2 անձինք շրջապատում են տաքսի ավտոմեքենան, որից հետո ինչ-որ մեկը բացում է տաքսի ավտոմեքենայի հետևի աջ դուռը, քաշքշելով դուրս հանում Ռ.Մելքումյանին, այնուհետև տաքսի ավտոմեքենայից իջնում է նաև վարորդը, իսկ հավաքվածներից մեկը սկսում է հարվածել Ռ.Մելքումյանին, որից հետո բոլորը սկսում են վազել պանդոկի դիմացի մայթով դեպի Կոմիտասի պողոտայի ուղղությամբ: Ըստ մասնակից Ժ.Գասպարյանի հայտարարության, տաքսի ավտոմեքենայի հետևի ձախ դուռը բացել է Ա.Թեջոյանը և փորձել դուրս հրել Ռ.Մելքումյանին, այդ ընթացքում ինչ-որ մեկը, որին ինքը չի ճանաչում, Ռ.Մելքումյանին քաշելով հանել է տաքսի ավտոմեքենայի հետևի աջ դռնից, որից հետո ինքը սկսել է հարվածել Ռ.Մելքումյանին, իսկ նա էլ իրեն, ինչի հետևանքով Ռ.Մելքումյանը ընկել է գետնին և անմիջապես վերկենալով` դիմել փախուստի:
Հ. 3, գ.թ. 154-157
27.11.2015թ. ՀՀ ոստիկանության Արաբկիրի բաժնի կողմից ներկայացված 17.06.2015թ. 22-30-ից մինչև 22:50-ն ընկած ժամանակահատվածի Երևան քաղաքի Փափազյան և Ա.Խաչատրյան փողոցների, խաչմերուկի և ՙԳենացվալե՚ պանդոկի դիմացի հատվածի տեսագրությունների` այլ փաստաթուղթ հանդիսացող տվյալների լազերային կրիչները թիվ 14146515 քրեական գործով ապացույց ճանաչելու և գործին կցելու որոշմամբ:
Հ. 3, գ.թ. 225
Դատահետքաբանական և դատաապրանքագիտական համալիր փորձաքննության հմ. 2137-15 եզրակացության համաձայն` ավտոմեքենայի աջ կողմի հետևի անվակամարի ձախ կողային հատվածում առկա է դեպի ներս ծռված-դեֆորմացված հատված, բեռնախցիկի ստորին աջակողմյան անկյունային մասում առկա է ծռված-դեֆորմացված հատված, վերջիններս ունեն մեխանիկական բնույթ և կարող էին առաջանալ օտար, համեմատաբար պինդ մակերես ունեցող առարկայի կամ գործիքի ներգործության, հնարավոր է նաև ոտքով /երով/ հարվածելու արդյունքում: Ավտոմեքենայի տանիքի հետևամասի կենտրոնական հատվածում առկա է ներհրված քերծված վնասվածք, որը ևս ունի մեխանիկական բնույթ և կարող էր առաջանալ օտար, պինդ մակերես ունեցող առարկայի կամ գործիքի, հնարավոր է նաև կավե գինու տարայի ներգործության` դրանով տանիքի համապատասխան հատվածին հարվածելու հետևանքով: Ավտոմեքենայի վրա առկա վնասվածքների պատճառման հաջորդականությունը հնարավոր չէ պարզել համապատասխան գիտականորեն հիմնավորված փորձագիտական մեթոդիկայի բացակայության պատճառով: Փորձաքննությանը տրամադրված ՙՄիցուբիշի-Լանսեր՚ մակնիշի 32 US 526 հ/հ ավտոմեքենան վնասելու հետևանքով պատճառված նյութկան վնասի չափի ընդհանուր շուկայական արժեքը, 2015թ. հունիսի 17-ի դրությամբ, գնահատվում է 133.000 ՀՀ դրամ:
Հ. 2, գ.թ. 176-179
Ստացիոնար դատահոգեբուժական փորձագետի թիվ 111 եզրակացության համաձայն` փորձագիտական հանձնաժողովը եզրակացնում է, որ Ժորա Դավթի Գասպարյանը հոգեկան հիվանդությամբ չի տառապել և չի տառապում, այլ նրա մոտ հայտնաբերվում են անձնային գծերի շեշտվածություն: Այդ մասին են վկայում ինչպես անամնեստիկ տվյալները, այնպես էլ ներկա հետազոտման արդյունքները: Ինչպես հանցավոր արարքները կատարելու պահին` 17.06.2015թ. և 18.06.2015թ., այնպես էլ ներկայումս նա կարող էր և կարող է իր գործողությունների համար իրեն հաշիվ տալ և դրանք ղեկավարել: Ուստի իրեն մեղսագրվող արարքի նկատմամբ Ժորա Դավթի Գասպարյանին հարկ է ճանաչել մեղսունակ: Ներկա հոգեկան վիճակով նա կարող է մասնակցել դատաքննչական գործողություններին:
Հ. 3, գ.թ. 108-114
Դատարանի իրավական վերլուծությունները
Դատարանը սույն գործով պատշաճ իրավական ընթացակարգի շրջանակներում հետազոտելով գործով ձեռք բերված ապացույցները և դրանք գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, վերլուծելով ամբաստանյալ Ժորա Գասպարյանին առաջադրված մեղադրանքը, ամբաստանյալի, վկաների ցուցմունքները, ամբաստանյալի մեղավորության մասին չփարատված բոլոր կասկածները նրա օգտին մեկնաբանելով, հանգում է հետևության, որ գործով ձեռք բերված ապացույցներով չի հիմնավորվել ՀՀ քրեական օրենսգրքի 258-րդ հոդվածի 4-րդ մասով նախատեսված` ամբաստանյալ Ժորա Գասպարյաի կողմից զենքի կամ որպես զենք օգտագործվող առարկաների գործադրմամբ խուլիգանություն կատարելու հանգամանքը, և Ժ.Գասպարյանի արարքը պետք է վերաորակել ՀՀ քրեական օրենսգրքի 258-րդ հոդվածի 3-րդ մասի 1-ին կետով հետևյալ պատճառաբանությամբ.
Նշվածը հիմնավորվում է դատաքննության փուլում հետազոտված հետևյալ ապացույցներով.
Դեռևս նախաքննության փուլում ամբաստանյալ Ժորա Գասպարյանը նշել է, որ պանդոկի դիմաց տեղադրված սեղաններից մեկից վերցրել է կավե կուժը և վազելով դեպի Փափազյան փողոցª նետել տաքսի ավտեմեքենայի ուղղությամբ` փորձելով կանգնեցնել այն, որպեսզի Ռ.Մելքումյանը չփախչի: Ամբաստանյալը նշել է նաև, որ իր այդ արարքով որևէ մեկի առողջությանը վնաս պատճառելու նպատակ կամ դիտավորություն չի ունեցել, այլ միայն ցանկացել է կանգնեցնել ավտոմեքենան:
Վկա Սոֆիկ Թոխյանը նախաքննության փուլում ցուցմունք է տվել և դատաքննության փուլում պնդել է, որ Ժորա Գասպարյանը կավե տարան նետել է տաքսի ավտոմեքենայի ուղղությամբ, իսկ այնուհետև ոտքով հարվածել է ավտոմեքենային` պահանջելով, որպեսզի վարորդն այն կանգնեցնի: Իր համոզմամբ` Ժորան կուժը նետել է միայն մեքենան կանգնեցնելու և Ռաֆայելի փախչելը կանխելու համար, և չի ցանկացել որևէ մեկին մարմնական վնասվածք պատճառել:
Վկա Արտյոմ Հովհաննիսյանը և' նախաքննության, և' դատաքննության փուլում նշել է, որ դեպքի պահին չի տեսել, թե մեքենային ինչով են հարվածել, իսկ երբ իջել է, տեսել է, որ վնասվել է մեքենայի ետևի վերևի` տանիքի հատվածը և հետևի աջ թևքը: Հետագայում իմացել է, որ մեքենայի վրա կուժ են նետել, որից էլ առաջացել են նշված վնասվածքները:
ՀՀ վճռաբեկ դատարանն իր 2007 թվականի մարտի 30-ի թիվ ՎԲ-46/07 որոշմամբ արտահայտել է հետևյալ իրավական դիրքորոշումն այն մասին, որ ՙԱրարքը ՀՀ քրեական օրենսգրքի 258-րդ հոդվածի 4-րդ մասով նախատեսված հանցակազմով` զենքի կամ որպես զենք օգտագործվող առարկաների գործադրմամբ խուլիգանություն որակելու համար բավարար չէ ուրիշի գույքը ոչնչացնելու կամ վնասելու հատկանիշը: ՀՀ քրեական օրենսգրքի 258-րդ հոդվածի 4-րդ մասով նախատեսված հանցակազմի համար պարտադիր է, որպեսզի հանցավորը զենք կամ որպես զենք օգտագործվող առարկայով մարմնական վնասվածք հասցնի կամ փորձի հասցնել, կամ էլ նրա գործողությունների հետևանքով անձանց կյանքի կամ առողջության համար իրական վտանգ ստեղծվի՚:
ՀՀ վճռաբեկ դատարանի արտահայտած վերոհիշյալ իրավական դիրքորոշման լույսի ներքո վերլուծելով սույն գործի փաստական հանգամանքները, դատարանը փաստում է, որ թեև ամբաստանյալ Ժորա Գասպարյանը կավե գինու տարան նետել է տաքսի ավտոմեքենայի ուղղությամբ և վնասել այն, սակայն դրա հետևանքով որևէ անձի մարմնական վնասվածք չի հասցրել, այդպիսի փորձ չի արվել, ավելին` դատարանը գտում է, որ ամբաստանյալի գործողությունների հետևանքով մարմնական վնասվածքներ հասցնելու նպատակ չի ունեցել, այդ գործողություններով այլ անձանց կյանքի կամ առողջության համար իրական վտանգ չի ստեղծվել:
Այսպիսով, դատարանը գտնում է, որ Ժորա Գասպարյանի գործողությունները համապատասխանում են ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության հատկանիշներին:
ՀՀ քրեական դատավարության օրենսգրքի 309¬րդ հոդվածի համաձայն`
ՙ1. Գործի քննությունը դատարանում կատարվում է միայն ամբաuտանյալի նկատմամբ և միայն այն մեղադրանքի uահմաններում, որով նրան մեղադրանք է առաջադրվել:
2. Դատական քննության ընթացքում մեղադրանքի փոփոխություն թույլատրվում է, եթե դրանով չի վատթարանում ամբաստանյալի վիճակը և չի խախտվում ամբաստանյալի պաշտպանության իրավունքը: Մեղադրանքը խստացման առումով փոխելը թույլատրվում է միայն սույն օրենսգրքով սահմանված կարգով և դեպքերում՚:
Նշված իրավադրույթների վերլուծությունից բխում է, որ դատական քննության ընթացքում դատարանի նախաձեռնությամբ մեղադրանքի փոփոխություն հնարավոր է միայն մեղմացման առումով և պայմանով, որ դրանով չխախտվի ամբաստանյալի պաշտպանության իրավունքը:
Դատարանն առաջադրված մեղադրանքը ՀՀ քրեական օրենսգրքի 258¬րդ հոդվածի 3-րդ մասի 1¬ին կետով փոփոխելը հնարավոր է համարում, քանի որ մեղադրանքի նման փոփոխությունով ամբաստանյալի վիճակը չի վատթարանում, ավելին` դրանով ամբաստանյալի վիճակը բարելավվում է: Նման փոփոխությունով չի խախտվում նաև նրա պաշտպանության իրավունքը, քանի որ արարքի փաստական հանգամանքներն ինքնին ընդգրկված են եղել առաջադրված մեղադրանքի ծավալում, որի դեմ թե գործի նախաքննության փուլում, թե դատական քննության փուլում, ամբաստանյալը պաշտպանվելու իրական հնարավորություն ունեցել է:
Այսպիսով, դատարանն ապացուցված է համարում Ժորա Գասպարյանի մեղավորությունը ՀՀ քրեական օրենսգրքի 258¬րդ հոդվածի 3-րդ մասի 1-ին կետով նախատեսված հանցանք կատարելու մեջ:
ՀՀ քրեական օրենսգրքի 10-րդ հոդվածի համաձայնª ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացիª համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 1-ին մասի համաձայնª ՙպատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից ու ազատություններից օրենքով նախատեսված զրկմամբ կամ դրանց սահմանափակմամբ՚:
ՀՀ քրեական օրենսգրքի 48-րդ հոդվածի 2-րդ մասի համաձայնª ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածի 1-ին մասի համաձայն` ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները՚:
ՀՀ քրեական օրենսգրքի 61-րդ հոդվածի 2-րդ մասի համաձայնª ՙՊատժի տեսակը և չափը որոշվում է հանցագործությանª հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվումª պատասխանատվությունը և պատիժը մեղմացնող կամ ծանրացնող հանգամանքներով՚:
ՀՀ Վճռաբեկ դատարանը 2012թ. նոյեմբերի 1-ին Սերոբ Սարգսյանի վերաբերյալ թիվ ՍԴ/0109/01/12 գործով արտահայտել է հետևյալ իրավական դիրքորոշումը. ՙ(…) պատիժ նշանակելու ընդհանուր սկզբունքները քրեական օրենքով նախատեսված այն հիմնադրույթներն են, որոնցով պետք է ղեկավարվի դատարանը պատիժ նշանակելիս: Այդ սկզբունքներն են`
ա) օրինականությունը,
բ) արդարությունը,
գ) պատժի անհատականացումը,
դ) մարդասիրությունը:
Պատիժ նշանակելու վերոնշյալ սկզբունքները սահմանում են այն հիմնական դրույթները, որոնցով ղեկավարվում է դատարանը յուրաքանչյուր քրեական գործով պատժի տեսակն ու չափն ընտրելիս:
(…) պատժի նշանակման իրավական շրջանակները սահմանված են ՀՀ քրեական օրենսգրքով: Դրա հետ մեկտեղ, սակայն, վերոնշյալ օրենքը դատարանին հնարավորություն է տվել որոշակի սկզբունքների (…) պահպանմամբ, իր ներքին համոզմանը և իրավագիտակցությանը համապատասխան, ՀՀ քրեական օրենսգրքի Ընդհանուր և Հատուկ մասերով նախատեսված սահմաններում որոշել պատժի տեսակն ու չափը: Այլ կերպ` ուրվագծելով կոնկրետ հանցանքի համար նշանակման ենթակա պատժի առավելագույն և նվազագույն սահմանները` ՀՀ քրեական օրենքը դատարանին տվել է այդ շրջանակում հայեցողություն դրսևորելու հնարավորություն:
Վճռաբեկ դատարանը գտել է, որ ՀՀ քրեական օրենսգրքի Հատուկ մասի գրեթե բոլոր հոդվածների սանկցիաներում ամրագրված վերոնշյալ մոտեցումը պայմանավորված է այն տրամաբանությամբ, որ քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են: Ուստի կոնկրետ արարքի և անձի նկատմամբ համընդհանուր քրեական օրենքով նախատեսված սանկցիան կիրառելիս դատարանը պետք է որոշակի հայեցողություն դրսևորի:
Այնսինքն` առանց դատարանի հայեցողության պատժի անհատականացումն անհնար է:
(…) Պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության աստիճանի ու բնույթի, հանցավորի անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների հայեցողական և ոչ երբեք կամային գնահատման ժամանակ դատարանը պետք է ելնի ՀՀ քրեական օրենսգրքի 48-րդ հոդվածով նախատեսված` պատժի նպատակների իրացումն ապահովելու անհրաժեշտությունից (տե’ս Նարեկ Գևորգի Սարգսյանի գործով Վճռաբեկ դատարանի 2011 թվականի դեկտեմբերի 22-ի թիվ ԵԿԴ/0042/01/11 որոշման 14-րդ, 22-23-րդ կետերը)՚:
ՀՀ վճռաբեկ դատարանը Կարեն Հարությունյանի վերաբերյալ գործով վերլուծելով ՀՀ քրեական օրենսգրքի Ընդհանուր մասի մի շարք դրույթներ, մասնավորապես` ՀՀ քրեական օրենսգրքի 10-րդ, 48-րդ և 61-րդ հոդվածները հանգել է այն հետևության, որ պատիժը համարվում է արդարացի, եթե դատարանը ճիշտ է գնահատում գործի բոլոր հանգամանքները, անձին բնութագրող բոլոր տվյալները և քրեական օրենքով նախատեսված պահանջներից ելնելով` հանցագործության մեջ մեղավոր անձի նկատմամբ նշանակում է այնպիսի պատիժ, որն անհրաժեշտ և բավարար է այդ անձին ուղղելու և նրա կողմից նոր հանցանքի կատարումը կանխելու համար (տե'ս ՀՀ վճռաբեկ դատարանի` Կարեն Հարությունյանի վերաբերյալ գործով 2007 թվականի նոյեմբերի 30-ի ՎԲ-201/07 որոշումը):
Ամբաստանյալ Ժորա Գասպարյանի անձը բնութագրող տվյալներ դատարանը հաշվի է առնում, որ նա բնութագրվում է դրական, նախկինում դատված չէ: Ամբաստանյալի պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և զղջացել կատարած արարքի կհամար, ֆիզիկապես վատառողջ է, տուժողի ներկայացուցիչը որևէ բողոք կամ վնասի հատուցման պահանջ չի ներկայացրել:
Ամբաստանյալի պատասխանատվությունն ու պատիժը ծանրացնող հանգամանքներ դատարանը չի արձանագրել:
ՀՀ վճռաբեկ դատարանը Գարուշ Մադաթյանի վերաբերյալ գործով 2009 թվականի փետրվարի 17-ին կայացրած թիվ ԵՇԴ/0029/01/08 որոշման մեջ հանցանքի հանրային վտանգավորության աստիճանի և բնույթի վերաբերյալ իրավական դիրքորոշում է արտահայտել այն մասին, որ. ՙԱրարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Զարգացնելով իր արտահայտած իրավական դիրքորոշումը, վճռաբեկ դատարանը նշել է նաև, որ արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված կոնկրետ հանցանքի առանձնահատուկ հատկանիշները, որոնք կարող են ազդել հանրության վտանգավորության վրա` հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, (....)՚:
Դատարանն ամբաստանյալ Ժորա Գասպարյանի նկատմամբ պատիժ նշանակելիս հաշվի է առնում հանցագործության կատարման եղանակը, հանցավոր մտադրության իրականացման աստիճանը, անձը բնութագրող տվյալները, պատասխանատվությունն ու պատիժը մեղմացնող հանգամանքները, ինչպես նաև պատասխանատվությունն ու պատիժը ծանրացնող հանգամանքների բացակայությունը: Նշված պայմաններում դատարանը գտնում է, որ ամբաստանյալ Ժորա Գասպարյանի նկատմամաբ պատիժ պետք է նշանակել տուգանքի ձևով:
Քննարկելով խափանման միջոցի հարցը` դատարանը գտնում է, որ ամբաստանյալ Ժորա Գասպարյանի նկատմամբ կիրառված խափանման միջոցը` ստորագրություն` չհեռանալու մասին, պետք է թողնել անփոփոխ` մինչև դատավճռի օրինական ուժի մեջ մտնելը:
Ղեկավարվելով ՀՀ քրեական դատավարության օրենսգրքի 134-րդ, 357-360-րդ, 365-րդ, 366-րդ, 369-373-րդ և 379-րդ հոդվածներով, դատարանը`
ՎՃՌԵՑ
Ժորա Դավթի Գասպարյանին մեղավոր ճանաչել ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության կատարման մեջ և նրա նկատմամբ պատիժ նշանակել տուգանք` նվազագույն աշխատավարձի հինգհարյուրապատիկի` 500.000 /հինգ հարյուր հազար/ ՀՀ դրամի չափով:
Ժորա Գասպարյանի նկատմամբ կիրառված խափանման միջոցը` ստորագրություն` չհեռանալու մասին, թողնել անփոփոխ` մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում:
ԴԱՏԱՎՈՐ Ա.ՄԿՐՏՉՅԱՆ
Դատական գործ N: ԵԱՔԴ/0226/01/15
Արաբկիր Քանաքեռ-Զեյթուն
Նոր քրեական գործ
| Երբ է գործը ստացվել | 11-12-2015 |
|---|---|
| Ինչ կարգով է գործը ստացվել | Առաջին անգամ |
| Դատախազություն | Արաբկիր և Քանաքեռ-Զեյթուն վարչական շրջանների դատախազություն |
| Նախաքննական գործի համարը | 14146515 |
| Մեղադրական եզրակացության համառոտ բովանդակություն | Ժորա Գասպարյանին մեղադրանք է առաջադրվել այն բանի համար, որ նա, ընկերոջ՝ Ռուսլան Ներսեսյանի և ինքնությունը չպարզված մի խումբ անձանց հետ 17.06.2015թ. ժամը 22։30-ի սահմաններում կատարել են բռնության գործադրմամբ զուգորդված խուլիգանություն։ |
| Մեղադրյալ | |
| Անձ | |
| Անուն | Ժորա |
| Ազգանուն | Գասպարյան |
| Հայրանուն | Դավիթ |
| Հասցե | --------------- |
| Ծննդյան օր | --------------- |
| Սոցիալական քարտ | --------------- |
| Վիճակագրական տողի համարը | 10.1 |
| Չափահաս | Այո |
Մակագրել
| Երբ | 11-12-2015 |
|---|---|
| Նախագահող դատավոր | |
| Անուն | Արթուր |
| Ազգանուն | Մկրտչյան |
Ընդունվել է վարույթ
| Երբ | 14-12-2015 |
|---|---|
| Ուղարկվել է հուշաթերթիկ/որոշումը | 17-12-2015 |
Նշանակվել է դատական քննություն
| Երբ | 15-01-2016 |
|---|---|
| Դատավարության կողմեր | Մեղադրյալ |
| Դատավարության կողմեր | Պաշտպան |
| Դատավարության կողմեր | Տուժող |
| Դատավարության կողմեր | Մեղադրող |
| Դատավարության կողմեր | |
| Անուն | Ժորա |
| Ազգանուն | Գասպարյան |
| Հասցե | --------------- |
| Սեռ | 1 |
| Դատավարության կողմեր | |
| Անուն | Լուսինե |
| Ազգանուն | Զեյնալյան |
| Հասցե | --------------- |
| Սեռ | 0 |
| Դատավարության կողմեր | |
| Անուն | Նորիկ |
| Ազգանուն | Ավետիսյան |
| Հասցե | --------------- |
| Սեռ | 0 |
| Լրացուցիչ ինֆորմացիա | տուժողի ներկայացուցիչ |
| Դատավարության կողմեր | |
| Անուն | Էդգար |
| Ազգանուն | Պետրոսյան |
| Հասցե | --------------- |
| Սեռ | 0 |
| Ժամ | 16:30 |
| Նիստերի դահլիճի համարը | 5 |
| Նիստը | Չի կայացել |
| Չկայացման պատճառը | դատավոր Ա. Մկրտչյանի վատառողջ լինելու պատճառով |
Անավարտ գործեր, որոնք փոխանցվել են 2016թ.
| Տեսակը | Անավարտ գործեր, որոնք գտնվում են քննության փուլում |
|---|
Նշանակվել է դատական նիստ/դատական քննություն
| Երբ | 09-02-2016 |
|---|---|
| Ժամ | 10:30 |
| Նիստերի դահլիճի համարը | 5 |
| Նիստը | Կայացել է |
Նշանակվել է դատական նիստ/դատական քննություն
| Երբ | 02-03-2016 |
|---|---|
| Ժամ | 10:30 |
| Նիստերի դահլիճի համարը | 5 |
| Նիստը | Կայացել է |
Նշանակվել է դատական նիստ/դատական քննություն
| Երբ | 21-03-2016 |
|---|---|
| Ժամ | 11:30 |
| Նիստերի դահլիճի համարը | 5 |
| Նիստը | Կայացել է |
Նշանակվել է դատական նիստ/դատական քննություն
| Երբ | 07-04-2016 |
|---|---|
| Ժամ | 15:30 |
| Նիստերի դահլիճի համարը | 5 |
| Նիստը | Կայացել է |
Նշանակվել է դատական նիստ/դատական քննություն
| Երբ | 27-04-2016 |
|---|---|
| Ժամ | 10:30 |
| Նիստերի դահլիճի համարը | 5 |
| Նիստը | Կայացել է |
Նշանակվել է դատական նիստ/դատական քննություն
| Երբ | 23-05-2016 |
|---|---|
| Ժամ | 10:30 |
| Նիստերի դահլիճի համարը | 5 |
| Նիստը | Կայացել է |
Նշանակվել է դատական նիստ/դատական քննություն
| Երբ | 13-06-2016 |
|---|---|
| Ժամ | 10:30 |
| Նիստերի դահլիճի համարը | 5 |
| Նիստը | Կայացել է |
Նշանակվել է դատական նիստ/դատական քննություն
| Երբ | 06-07-2016 |
|---|---|
| Ժամ | 10:30 |
| Նիստերի դահլիճի համարը | 5 |
| Նիստը | Չի կայացել |
| Չկայացման պատճառը | դատավոր Ա. Մկրտչյանի ազգականների հուղարկավորությանը մասնակցելու պատճառով |
Նշանակվել է դատական նիստ/դատական քննություն
| Երբ | 22-07-2016 |
|---|---|
| Ժամ | 10:30 |
| Նիստերի դահլիճի համարը | 5 |
| Նիստը | Կայացել է |
Նշանակվել է դատական նիստ/դատական քննություն
| Երբ | 23-08-2016 |
|---|---|
| Ժամ | 12:00 |
| Նիստերի դահլիճի համարը | 5 |
| Նիստը | Կայացել է |
Կայացվել է դատավճիռ
| Ամսաթիվ | 23-08-2016 |
|---|
Մեղադրական
| Մեղադրյալ | |
|---|---|
| Անուն | Ժորա |
| Ազգանուն | Գասպարյան |
| Հասցե | --------------- |
| Սեռ | 1 |
| Ամսաթիվ | 23-08-2016 |
| Օրենսգիրք | Քրեական օրենսգիրք |
| Այլ հանցագործության հոդվածներ | |
| Այլ հանցագործության հոդվածներով | Դատապարտվել է |
| Հիմնական պատիժ | Տուգանք |
Դատական ակտ
| Դատական ակտի բովանդակությունը | Գործ No ԵԱՔԴ/0226/01/15 ԴԱՏԱՎՃԻՌ ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՙ23՚ օգոստոսի 2016թ. ք.Երևան Երևան քաղաքի Արաբկիր և Քանաքեռ-Զեյթուն վարչական շրջանների առաջին ատյանի ընդհանուր իրավասության դատարանը նախագահությամբ` դատավոր Արթուր Մկրտչյանի քարտուղարությամբ` Միլենա Սարգսյանի մասնակցությամբ` մեղադրող Էդգար Պետրոսյանի պաշտպան Լուսինե Զեյնալյանի տուժողի ներկայացուցիչ Նորիկ Ավետիսյանի Դատարանում, դռնբաց դատական նիստում քննեց քրեական գործն ըստ մեղադրանքի Ժորա Դավթի Գասպարյանի /ծնված 1996 թվականի օգոստոսի 08-ին` ՀՀ Արմավիրի մարզի Մրգաշատ գյուղում, ազգությամբ հայ, ՀՀ քաղաքացի, իննամյա կրթությամբ, չամուսնացած, չի աշխատում, նախկինում չդատված, հաշվառված` Արմավիրի մարզ, գյուղ Մրգաշատ, բնակվող` քաղաք Երևան, Ջանբոլի փողոց, 47 տուն/, մեղադրվում է ՀՀ քրեական օրենսգրքի 258-րդ հոդվածի 4-րդ մասով: Գործի դատավարական նախապատմությունը 2015 թվականի հունիսի 18-ին` ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում ՀՀ քրեական օրենսգրքի 112-րդ հոդվածի 1-ին մասով հարուցվել է թիվ 14136215 քրեական գործը: 2015 թվականի օգոստոսի 03-ին թիվ 14136215 քրեական գործի նյութերով` ՀՀ քրեական օրենսգրքի 258-րդ հոդվածի 4-րդ մասով և 131-րդ հոդվածի 2-րդ մասի 2-րդ և 3-րդ կետերով հարուցվել է թիվ 14146515 քրեական գործը և առանձնացվել առանձին վարույթում: 2015 թվականի օգոստոսի 13-ին Ժորա Գասպարյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով և նրա նկատմամբ որպես խափանման միջոց է կիրառվել ստորագրություն` չհեռանալու մասին: 2015 թվականի նոյեմբերի 26-ին Ժորա Գասպարյանին առաջադրված մեղադրանքը բովանդակային մասով փոփոխվել է, նրան մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով և նա ներգրավվել է որպես մեղադրյալ: 2015 թվականի նոյեմբերի 30-ին թիվ 14146515 քրեական գործից մաս է անջատվել և շնորհվել է 14823915 համարը: 2015 թվականի դեկտեմբերի 08-ին թիվ 14146515 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների առաջին ատյանի ընդհանուր իրավասության դատարան: Գործի փաստական հանգամանքները Նախաքննության մարմինն ամբաստանյալ Ժորա Գասպարյանին ՀՀ քրեական օրենսգրքի 258-րդ հոդվածի 4-րդ մասով մեղադրանք է առաջադրել, որ ՙնա, ընկերոջ` Ռուսլան Ներսեսյանի, և ինքնությունը չպարզված մի խումբ անձանց հետ 2015թ. հունիսի 17-ին ժամը 22:30-ի սահմաններում կատարել է բռնության գործադրմամբ զուգորդված խուլիգանություն: Այսպես` Ժորա Դավթի Գասպարյանն իր ծանոթ Սոֆիկ Օնիկի Թոխյանի միջոցով ծանոթացել է Հռիփսիմե Լևոնի Հարությունյանի հետ, որից հետո սկսել է անընդհատ զանգել և անհանգստացնել նրան: 2015թ. հունիսի 17-ին, երբ Հռիփսիմե Հարությունյանը, Սոֆիկ Թոխյանը և վերջինիս ընկեր Ռաֆայել Մելքումյանը նստած են եղել Երևան քաղաքի ՙԿասկադ՚ համալիրի մոտ գտնվող սրճարանում, Ժորա Գասպարյանն անընդհատ զանգել է Հռիփսիմե Հարությունյանին և Սոֆիկ Թոխյանին, սակայն նրանք հեռախոսազանգերին չեն պատասխանել, որից հետո Հռիփսիմե Հարությունյանը Ռաֆայել Մելքումյանին խնդրել է խոսել Ժորա Գասպարյանի հետ և ասել, որ այլևս նրանց չանհանգստացնի: Ռաֆայել Մելքումյանը զանգահարել է Ժորա Գասպարյանին, ներկայացել Հռիփսիմե Հարությունյանի մտերիմ անձնավորություն և պահանջել, որ Ժորա Գասպարյանը այլևս նրան չանհանգստացնի: Այդ ժամանակ Ժորա Գասպարյանը առաջարկել է հանդիպել Երևան քաղաքի Կոմիտասի պողոտայում, որին Ռաֆայել Մելքումյանը համաձայնել է: Դրանից հետո Ժորա Գասպարյանը զանգել է իր ընկեր Ռուսլան Արարատի Ներսեսյանին, հայտնել իր և Ռաֆայել Մելքումյանի պայամանավորվածության մասին, և Ռուսլան Ներսեսյանի առաջարկությամբ զանգել է Ռաֆայել Մելքումյանին և ասել, որ կարող են հանդիպել Երևան քաղաքի Փափազյան փողոցում գտնվող ՙԵրիցյաններ՚ առևտրի կենտրոնի մոտ, որին նույնպես Ռաֆայել Մելքումյանը համաձայնել է: Դրանից հետո Ժորա Գասպարյանը Երևան քաղաքի Փափազյան-Ա.Խաչատրյան փողոցների խաչմերուկում հանդիպել է Ռուսլան Ներսեսյանին և նրա ընկերներին, որից հետո Ռուսլան Ներսեսյանը զանգահարել է Սոֆիկ Թոխյանին և հեգնանքով խոսելով հարցրել, թե ում է բերում Ժորա Գասպարյանի հետ հանդիպման: Ռուսլան Ներսեսյանի հեգնանքով և վիրավորական արտահայտություններով խոսելու պատճառով վերջինիս և Սոֆիկ Թոխյանի խոսակցությունը թեժացել է և ընթացքում Սոֆիկ Թոխյանը Ռուսլան Ներսեսյանին անվանել է ՙթուլա՚, ինչը վերածվել է լեզվակռվի և Ռուսլան Ներսեսյանը վրդովված լինելով իր վիրավորական արտահայտություններին համարժեք պատասխան տված Սոֆիկ Թոխյանի արտահայտություններից, սեփական անձի առավելությունը ընդգծելու մոլուցքով տարված, Սոֆիկ Թոխյանին ասել է` ՙես քո համար Ժորիկը չեմ, չշփոթես հանկարծ՚, որից հետո Սոֆիկ Թոխյանը հեռախոսը փոխանցել է Ռաֆայել Մելքումյանին, ում հետ խոսելու ժամանակ Ռուսլան Ներսեսյանը պահանջել է, որ վերջինս իր հետ հանդիպման բերի այդ աղջկան` Սոֆիկ Թոխյանին: Ռաֆայել Մելքումյանը, Սոֆիկ Թոխյանը և Հռիփսիմե Հարությունյանը պատահական տաքսի ավտոմեքենայով գնացել են Սոֆիկ Թոխյանի բնակության վայր հանդիսացող Այգեկցի 100/1 տան մոտ, որտեղ Հռիփսիմե Հարությունյանը իջել է ավտոմոբիլից, իսկ Ռաֆայել Մելքումյանը և Սոֆիկ Թոխյանը գնացել են Երևան քաղաքի Փափազյան փողոցում գտնվող ՙԵրիցյաններ՚ առևտրի կենտրոնի մոտ, որտեղ նրանց դիմավորել են Ժորա Գասպարյանը, Ռուսլան Ներսեսյանը, Արման Թեջոյանը ու Ռուսլան Ներսեսյանի առաջարկով քայլել Փափազյան-Ա.Խաչատրյան փողոցների խաչմերուկի մոտ գտնվող ՙԳենացվալե՚ պանդոկի կողային հատված, իսկ շենքի հետևի հատվածում կանգնած են եղել Ռուսլան Ներսեսյանի ընկերները` ինքնությունը չպարզված 4-5 տղաներ: Հասնելով շենքի կողային հատված Ռուսլան Ներսեսյանը Սոֆիկ Թոխյանի հետ չնչին առիթով ծագած լեզվակռիվը և իր հասցրած վիրավորանքներին Սոֆիկ Թոխյանի կողմից պատասխանել համարձակվելու հանգամանքը պարզաբանելու նպատակով Ռաֆայել Մելքումյանին հարցրել է, թե նա տեր է Սոֆիի ասածներին, որին Ռաֆայել Մելքումյանը ասել է, որ տեր է, սակայն ինքը եկել է Ժորա Գասպարյանի հետ խոսելու, իսկ մնացած մասով ընկերների հետ կգա` կխոսեն: Այդ ժամանակ Ռուսլան Ներսեսյանը առաջարկել է խոսակցությունը շարունակել պանդոկի շինության հետնամասում, որտեղ կանգնած են եղել վերը նշված 4-5 տղաները, սակայն Ռաֆայել Մելքումյանը և Սոֆիկ Թոխյանը, տեսնելով այնտեղ հավաքված տղաներին, վախեցել են և հրաժարվել քայլել շենքի հետնամաս, ինչից հետո Սոֆիկ Թոխյանը Ռաֆայել Մելքումյանի ձեռքից քաշելով գնացել են մարդաշատ վայր` Ա.Խաչատրյան-Փափազյան փողոցների խաչմերուկի մոտ, Ժորա Գասպարյանին առաջարկելով խոսակցությունը շարունակել այնտեղ, սակայն Ժորա Գասպարյանը ձեռքով ցույց տալով շենքի հետնամասը` շարունակել է պահանջել քայլել այդ ուղղությամբ: Հասկանալով, որ Սոֆիկ Թոխյանը և Ռաֆայել Մելքումյանը հրաժարվում են քայլել ոչ մարդաշատ վայր, Ժորա Գասպարյանը մոտեցել է նրանց և այդ մարդաշատ տարածքում սկսել հեգնանքով և վիրավորական արտահայտություններով խոսել Սոֆիկ Թոխյանի հետ, որի ընթացքում Սոֆիկ Թոխյանը նրան անվանել է ՙթուլա լակոտ՚: Այդ ժամանակ Ժորա Գասպարյանը դիտավորությամբ կոպիտ կերպով խախտել է հասարակական կարգը` հարվածներ հասցնելով Սոֆիկ Թոխյանին, ինչից հետո Ռաֆայել Մելքումյանը հարվածել է Ժորա Գասպարյանին: Շենքի հետնամասում սպասող մի խումբ անձինք և Ռուսլան Ներսեսյանը անմիջապես վազելով մոտեցել են Սոֆիկ Թոխյանին և Ռաֆայել Մելքումյանին, դիտավորությամբ կոպիտ կերպով խախտելով հասարակական կարգը մայթի բանուկ հատվածում, բազմաթիվ անցորդների, ՙԳենացվալե՚ պանդոկի աշխատակիցների և հաճախորդների ներկայությամբ բարձր գոռգոռոցներով սկսել են ձեռքերով ու ոտքերով հարվածներ հասցնել Սոֆի Թոխյանին և Ռաֆայել Մելքումյանին` բացահայտ անհարգալից վերաբերմունք դրսևորելով հասարակության անդամների նկատմամբ, ինչի հետևանքով ոչ միայն տարածքում գտնվող անձանց մոտ սեփական անձի նկատմամբ վախի և տագնապի մթնոլորտ են ստեղծել, այլ նաև խաթարել են առևտրի օբյեկտի բնականոն աշխատանքը: Այդ ընթացքում Ռաֆայել Մելքումյանը մի պահ գտնվելով փոխադարձ կռվի մեջ Ռուսլան Ներսեսյանի հետ դանակով հարվածել է նրան` դիտավորությամբ վերջինիս առողջությանը պատճառելով ծանր վնաս և Սոֆիկ Թոխյանի ձեռքից բռնելով ասել է` ՙՍոֆ թռանք՚ ու դիմել փախուստի` վազելով Փափազյան փողոցի դիմացի մայթ, ընթացքից նստել այնտեղով անցնող տաքսի ավտոմեքենայի հետևի նստատեղին` Սոֆիկ Թոխյանին թողնելով փողոցում: Այդ ժամանակ Ժորա Գասպարյանը շարունակելով խուլիգանական գործողությունները, պանդոկի դիմաց տեղադրված սեղաններից մեկից վերցնելով որպես զենք օգտագործվող կավե գինու տարան, այն նետել է վերջինիս նստած տաքսի ավտոմեքենայի վրա` վնասելով այն, որից հետո հասնելով տաքսի ավտոմեքենային, ինքնությունը չպարզված մի խումբ անձանց հետ ոտքերով հարվածել և կրկին վնասել են այն, որից հետո ավտոմեքենայից հանել են Ռաֆայել Մելքումյանին, շարունակել բռնություն գործադրել նրա նկատմամբ` ձեռքերով ու ոտքերով հարվածներ հասցնելով վերջինիս, ով վայր է ընկել, ապա ոտքի կանգնելով` դիմել փախուստի:՚: Ապացույցների հետազոտում և գնահատում ՀՀ քրեական օրենսգրքի 258-րդ հոդվածի 4-րդ մասով առաջադրված մեղադրանքում ամբաստանյալ Ժորա Դավթի Գասպարյանն իրեն մեղավոր չի ճանաչել, սակայն նշել է, որ մեղավոր է ճանաչում ՀՀ քրեական օրենսգրքի 258-րդ հոդվածի 3-րդ մասի 1-ին կետով: Նախաքննության փուլում Ժորա Գասպարյանը ցուցմունք է տվել, որ 2014թ. ամռանը, երբ ինքը որպես բանվոր աշխատել է Երևան քաղաքի Գ.Լուսավորիչ 9 հասցեում գործող ՙԵրևան Պլազա՚ ռեստորանում, ծանոթացել է Սոֆիկ Թոխյանի հետ, ով աշխատել է նշված ռեստորանում` որպես մատուցողուհի: Մինչև 2015թ. հունվար ամիսը` ծառայության մեկնելը, ինքը և Ս.Թոխյանը շփվել են թե' աշխատանքի վայրում և թե' հեռախոսով: Նյարդերի հետ խնդիրներ ունենալու պատճառով տեղափոխվել է ՙԿանազի՚ զինվորական հոսպիտալ, որտեղ ծանոթացել է Ռուսլան Ներսեսյանի հետ և ընկերացել են, իսկ մարտ ամսին ինքը և Ռուսլանն ազատվել են ծառայությունից, որից հետո շարունակել են իրենց ընկերությունը: Ծառայությունից ազատվելուց հետո ինքը շարունակել է շփվել Ս.Թոխյանի հետ, ժամանակ առ ժամանակ հանդիպել են: 2015թ. հունիսի սկզբներին Ս.Թոխյանն իր ընկերուհուª Հռիփսիմե Հարությունյանի հետ գնացել է ՙԵրևան Պլազա՚ ռեստորան` մեկօրյա աշխատանքի: Այդ օրը Ս.Թոխյանն իրեն ծանոթացրել է Հ.Հարությունյանի հետ, որից հետո իրենք մի քանի անգամ հանդիպել են: 2015թ. հունիսի 17-ին` ժամը 20:30-ի սահմաններում ինքը զանգահարել է Հ.Հարությունյանին, զրուցել նրա հետ, իսկ դրանից մոտ 10 րոպե անց իրեն է զանգահարել Ռաֆայել Մելքումյանը, հայտնել, որ Հ.Հարությունյանը նրա ծանոթն է և ցանկացել է հանդիպել: Ինքը զանգահարել է Ռ.Ներսեսյանին, ասել, որ Կոմիտասում է` Ա.Խաչատրյան-Փափազյան փողոցների խաչմերուկում, և ինչ-որ մեկը պետք է գա և իրեն տեսնի: Ռ.Ներսեսյանի առաջարկով ինքը զանգահարել է Ռ.Մելքումյանին և ասել, որ կարող են հանդիպել Ա.Խաչատրյան-Փափազյան փողոցների խաչմերուկում: Դրանից մոտ 10 րոպե անց Ռ.Ներսեսյանը և Արման Թեջոյանը եկել են իր մոտ, ինքը Ռ.Ներսեսյանին հայտնել է իր և Ռ.Մելքումյանի միջև տեղի ունեցած հեռախոսազրույցի մասին, որից հետո Ռ.Ներսեսյանը զանգահարել է Ս.Թոխյանինª պարզելու համար, թե ինչ խնդիր կա իր հետ կապված և զրույցի ընթացքում Ս.Թոխյանը նրան ասել է` ՙայ թուլա լակոտ քեզ նորմալ պահի՚: Դրանից հետո Ռ.Ներսեսյանի պահանջով Ս.Թոխյանը հեռախոսը փոխանցել է Ռ.Մելքումյանին, ում Ռ.Ներսիսյանն ասել է, որ Ս.Թոխյանին իր հետ բերի հանդիպման: Շուրջ 10 րոպե անց իրեն է զանգահարել Ռ.Մելքումյանը և հայտնել, որ նրանք ՙԵրիցյանների՚ խանութի մոտ են: Ինքը, Ռ.Ներսեսյանը և Ա.Թեջոյանը գնացել են ՙԵրիցյաններ՚ խանութի մոտ, հանդիպել Ս.Թոխյանին և Ռ.Մելքումյանին, որից հետո իր առաջարկով քայլել են դեպի ՙԳենացվալե՚ պանդոկի մոտ, որպեսզի այնտեղ զրուցեն: Երբ հասել են Ա.Խաչատրյան-Փափազյան փողոցների խաչմերուկի մոտ, Ռ.Ներսեսյանը Ս.Թոխյանին ասել է` ՙէտ ինչ ձև ես հետս խոսում՚, Ս.Թոխյանը պատասխանել է. ՙլավ եմ անում՚, որից հետո Ռ.Ներսեսյանը Ռ.Մելքումյանին հարցրել է, թե նա Ս.Թոխյանի ասածներին ՙտեր է՚, թե ոչ: Ռ.Մելքումյանը պատասխանել է, որ ՙտեր է՚ և ասել, որ նա ցանկանում է խոսել իր հետ: Այդ ժամանակ Ռ.Ներսեսյանն առաջարկել է Ռ.Մելքումյանի հետ առանձին զրուցել, որից հետո նոր կխոսեն մնացածի մասին, և Ա.Թեջոյանի հետ գնացել են ՙԳենացվալե՚ պանդոկի հետևի հատված, որտեղ գտնվում էին Ռ.Ներսեսյանի ընկերները, որոնց ինքը չի ճանաչել: Ինքը Ս.Թոխյանին հարցրել է, թե ինչու է նա նման կերպ խոսում իրենց հետ, վերջինս պատասխանել է. ՙդու ով ես որ քու հետ լեզու թռչեմ այ թուլա լակոտ՚: Դրանից հետո ինքն ապտակել է Ս.Թոխյանին, իսկ նաª ոտքով հարվածել իր ձախ ոտքին, որից հետո Ռ.Մելքումյանը բռունցքով հարվածել է իր դեմքին: Տեսնելով դա, Ռ.Ներսեսյանը, Ա.Թեջոյանը և մյուս տղաները մոտեցել են իրենց, Ռ.Ներսեսյանը բռուցքով հարվածել է Ռ.Մելքումյանին, իսկ Ս.Թոխյանը հարձակվել է իր վրա ու քաշքշել: Ռ.Ներսեսյանը և Ռ.Մելքումյանն իրար հարվածելով և քաշքշելով դուրս են եկել Փափազյան փողոց, իսկ Ա.Թեջոյանը փորձել է իրեն և Ս.Թոխյանին իրարից բաժանել և հանդարտեցնել: Դրանից հետո Ս.Թոխյանը գնացել է Ռ.Ներսեսյանի և Ռ.Մելքումյանի կողմ և մի քանի վայրկյան անց Ռ.Ներսեսյանը վերադարձել և հայտնել է, որ Ռ.Մելքումյանը նրան դանակով խփել է, որից հետո ինքը լսել է, թե ինչպես Ռ.Մելքումյանը Ս.Թոխյանին ասել է` ՙթռանք՚ և Փափազյան փողոցում փորձելով կանգնեցնել տաքսի ավտոմեքենա` ընթացքից նստել է հետևի նստատեղին, իսկ Ս.Թոխյանը մնացել է փողոցում: Ինքը տեսնելով, որ Ռ.Ներսեսյանի մեջքից արյուն է հոսում, արագ մոտեցել է պանդոկի դիմաց տեղադրված սեղաններից մեկին, վերցրել կավե կուժը և վազելով դեպի Փափազյան փողոցª շպրտել նշված տաքսի ավտեմեքենայի ուղղությամբ, փորձելով կանգնեցնել այն, որպեսզի Ռ.Մելքումյանը չփախչի: Կավե կուժն ընկել է տաքսի ավտոմեքենայի տանիքին, որից հետո ինքը, Ա.Թեջոյանը և մյուս 3-4 տղաները Ռ.Մելքումյանին իջեցրել են տաքսի ավտոմեքենայից, ինքը և Ռ.Մելքումյանը սկսել են իրար քաշքշել և հարվածել, որից հետո նա վազելով փախել է Կոմիտասի պողոտայի ուղղությամբ, իսկ ինքը, Ա.Թեջոյանը և մյուս տղաները փորձել են հետապնդել Ռ.Մելքումյանին, սակայն չեն կարողացել բռնել: Իսկ երբ վերադարձել են` Ռ.Ներսեսյանին, Ս.Թոխյանին և տաքսի ավտոմեքենան չեն գտել: Ինքը զանգահարել է Ռ.Ներսեսյանին, պարզել, որ նա գտնվում է ՙԳենացվալե՚ պանդոկի հետևի շենքների բակում, որից հետո Ա.Թեջոյանի հետ գնացել են նրա մոտ, պատահական տաքսի ավտոմեքենայով տարել տուն, որից հետո Ռ.Ներսեսյանին տեղափոխել են հիվանդանոց: Հ. 3, գ.թ. 118-125, 148-153, 158-159, 223-224 Վկա Սոֆիկ Օնիկի Թոխյանը դատաքննության փուլում պնդել է նախաքննության փուլում տված ցուցմունքը և ցուցմունք է տվել, որ 2014թ. ամռանը համատեղ աշատանքի ընթացքում ծանոթացել է Ժորա Գասպարյանի հետ, որից հետո շփվել են որպես աշխատանքային ընկերներ: 2015թ. գարնանն ինքը ծանոթացել է Ռաֆայել Մելքումյանի հետ, սկսկել են շփվել և հանդիպել: Հունիսի սկիզբներին ինքն ու ընկերուհին` Հռիփսիմե Հարությունյանը /Կեծին/ գնացել են իր աշխատանքի վայր, որտեղ Ժ.Գասպարյանի խնդրանքով ինքը նրան ծանոթացրել է Հ.Հարությունյանի հետ, որից հետո ինքը, Հ.Հարությունյանը, Ժ.Գասպարյանը և նրա ընկեր Ռուսլան Ներսեսյանը մի քանի անգամ հանդիպել են: 2015թ. հունիսի 17-ին` ժամը 20:30-ի սահմաններում, երբ ինքը, Հ.Հարությունյանը և Ռ.Մելքումյանը նստած են եղել ՙԿասկադ՚-ում գտնվող ՙՌետրո՚ սրճարանում, այդ ընթացքում Ժ.Գասպարյանը պարբերաբար զանգահարել է, թե' իր և, թե' Հ.Հարությունյանի հեռախոսահամարներին, սակայն իրենք չեն պատասխանել զանգերին: Որոշ ժամանակ անց Հ.Հարությունյանը Ռ.Մելքումյանին խնդրել է, որպեսզի նա խոսի Ժ.Գասպարյանի հետ, հայտնի, որ Հ.Հարությունյանը նրա համար հոգեհարազատ անձնավորություն է և ասի, որ այլևս չզանգի: Ռ.Մելքումյանը զանգահարել է Ժ.Գասպարյանին, հայտնել, որ Հ.Հարությունյանն իրեն հարազատ անձնավորություն է, իսկ Ժ.Գասպարյանն առաջարկել է հանդիպել Կոմիտասում, որին Ռ.Մելքումյանը համաձայնել է: Դրանից հետո ինքը, Հ.Հարությունյանը և Ռ.Մելքումյանը պատահական տաքսի ավտոմեքենայով ուղևորվել են իրենց տուն և ճանապարհին իր բջջային հեռախոսահամարին զանգել է Ռ.Ներսեսյանը, հարցրել, թե որտեղ է և ում է տանում, որ Ժ.Գասպարյանի հետ խոսի, ինքը նրան հայտնել է, որ ծանոթ տղա է և ցանկանում է ճշտել, թե ինչու է Ժ.Գասպարյանը զանգում Հ.Հարությունյանին: Ռ.Ներսեսյանը հեգնանքով իրեն հարցրել է. ՙազիզ ջան բա ուր էս հիմի՚, իսկ ինքը նույն կերպª հեգնանքով, պատասխանել է. ՙԲաղրամյան եմ ազիզ ջան՚: Դրանից Ռ.Ներսեսյանը վրդովվել է, սկսել է հայհոյել և կոպիտ խոսել, ինչպես նաև ասել է` ՙես քո համար Ժորիկը չեմ, չշփոթես հանկարծ՚: Նրա ասածներից ինքն էլ է վրդովվել և ասել. ՙհլը էս թուլին նայի՚: Լսելով այդ խոսակցությունը Ռ.Ներսեսյանը վերցրել է իր հեռախոսը և նորմալ տոնով խոսել Ռ.Ներսեսյանի հետ, ով պահանջել է, որ իրեն հետը տանի հանդիպման, ինչին Ռ.Մելքումյանը համաձայնել է: Հասնելով իրենց տան մոտ` ՙՍլավոնական՚ համալսարանի մոտակայք, Հ.Հարությունյանին իջեցրել են և գնացել Փափազյան փողոցում գտնվող ՙԵրիցյաններ՚ խանութի մոտ: Իրենց դիմավորել են Ռ.Ներսեսյանը, Ժ.Գասպարյանը և ինչ-որ տղա, որին ինքը չի ճանաչել, և ասել են, որ ինքն ու Ռ.Մելքումյանը գնան նրանց հետևից, ու քայլել են դեպի ՙԳենացվալե՚ պանդոկի կողմ: Ինքը հասկացել է, որ նրանք իրենց տանում են մարդկանց տեսադաշտից հեռու ինչ-որ տեղ, և երբ հասել են ՙԳենացվալե՚ պանդոկի կողային հատվածը, որտեղ եղել են ևս 4-5 տղաներ, որոնք հավանաբար Ռ.Ներսեսյանի ընկերներն էին, ինքն առաջարկել է պանդոկի մոտ խոսել: Զրույցի ընթացքում Ռ.Ներսեսյան Ռ.Մելքումյանին հարցրել է, թե նա ՙտեր է՚ իր ասածներին և փորձել է առանձնանալ նրա հետ, իսկ Ռ.Մելքումյանը պատասխանել է. ՙհա, տեր եմ՚: Ինքը նրանց միջամտել է և Ռ.Ներսեսյանին ասել, որ իր ասածներին ինքն է տեր, որից հետո փորձել է Ռ.Մելքումյանին մի կողմ տանել, քանի որ նրանց խոսակցությունը թեժացել է: Այդ ընթացքում ինքը Ժ.Գասպարյանին հարցրել է. ՙինչ էս մարդ հավաքել եկել աղջկա հետ բազար էս անում՚, իսկ Ժ.Գասպարյանն իրեն ասել է` ՙաղչի հանգստացի հլը, թե չէ կտամ չանիտ՚: Ինքը Ժ.Գասպարյանին ասել է` ՙհանգստացի այ թուլա՚, որից հետո Ժ.Գասպարյանը ոտքով հարվածել է իրեն, իսկ ինքը ոտքով հարվածել է նրան: Սկսվել է քաշքշուկ, որի ընթացքում Ռ.Ներսեսյան բռունցքով հարվածել է իր վզին, իսկ Ռ.Ներսեսյանը ապտակել է նրան: Այնուհետև ինքը տեսել է, թե ինչպես Ժ.Գասպարյանը և Ռ.Ներսեսյանը հարձակվել են Ռ.Մելքումյանի վրա, քաշքշել և հարվածել նրան: Ինքը մոտեցել է նրանց, Ժ.Գասպարյանին մի կողմ քաշել` փորձելով հանդարտեցնել, իսկ Ռ.Ներսեսյանն ու Ռ.Մելքումյանը շարունակել են քաշքշել և հարվածել միմյանց: Մի քանի վայրկյան անց Ռ.Մելքումյանը բռնելով իր ձեռքից` ասել է` ՙՍոֆ, շուտ արա թռանք՚: Իրենք վազելով անցել են դիմացի մայթ, որպեսզի նստեն այնտեղով անցնող տաքսի ավտոմեքենան: Ռ.Մելքումյանն ընթացքից նստել է հետևի նստատեղին, իսկ ինքը մնացել է փողոցում: Այդ ժամանակ Ժ.Գասպարյանը գոռացել է ՙկանգնի՚ և ինչ-որ կավե տարա նետել տաքսի ավտոմեքենայի վրա, որից հետո մյուս տղաների հետ հարձակվել են դեռևս ընթացքը չդադարեցրած տաքսի ավտոմեքենայի վրա, սկսել ոտքով հարվածել ավտոմեքենային` պահանջելով, որ կանգնի, որից հետո բացել են հետևի դռները ու սկսել ոտքերով հարվածել և ծեծելով դուրս հանել Ռ.Մելքումյանին, որից հետո վերջինս փախել է Կոմիտասի պողոտայի կողմ, իսկ Ժ.Գասպարյանը և մյուս տղաներըª նրա հետևից: Ինքը նույնպես գնացել է նրանց հետևից, սակայն այդ ընթացքում ինչ-որ տաքսի ավտոմեքենայի վարորդ մոտեցել է իրեն, նստեցրել ավտոմեքենան և տարել տուն: Վկան միաժամանակ նշել է, որ Ժորա Գասպարյանը կավե տարան նետել է` ավտոմեքենան կանգնելցնելու համար և նպատակ չի ունեցել որևէ մեկին վնասելու: Վկա Մարատ Լևոնի Ժամկոչյանը նախաքննության փուլում ցուցմունք է տվել, որ ՙԳենացվալե՚ պանդոկ ցանցի տնօրենն է: 2015թ. հունիսի 17-ին` ժամը 22:00-ի սահմաններում գնացել է Երևան քաղաքի Փափազյան 23/1 հասցեում գտնվող պանդոկ, նստել դրսում գտնվող թվով 3 սեղաններից երրորդի մոտ` Ա.Խաչատրյան փողոցի կողմը: Շուրջ 10 րոպե անց իրեն է միացել պանդոկի մատուցող Վահան Սուրենի Ավետիսյանը, որից հետո նկատել է, թե ինչպես իր թիկունքի կողմից` այսինքն Ա.Խաչատրյան փողոցին զուգահեռ մայթեզրով, որը հարակից է պանդոկի կողային հատվածին, մի խումբ տղաներ` 5-6 հոգի, վազելով հատել են Փափազյան փողոցը և գնացել դեպի Կոմիտաս պողոտա: Քանի որ ինքն աղմուկ և հայհոյանք չի լսել, այդ պատճառով որևէ ուշադրություն չի դարձրել կատարվածին: Դրանից հետո պանդոկի մատուցող Ռաֆայել Խաչատուրի Խաչիկյանից տեղեկացել է, որ ինչ-որ մեկը պանդոկի դիմացի սեղաններից մեկից վերցրել է գինու տարան: Հ. 2, գ.թ. 131-133 Վկա Վահան Սուրենի Ավետիսյանը դատաքննության փուլում ցուցմունք է տվել, որ շուրջ 1 տարի է` աշխատում է Երևան քաղաքի Փափազյան 23/1 հասցեում գտնվող ՙԳենացվալե՚ պանդոկում` որպես մատուցող: 2015թ. հունիսի 17-ին` ժամը 22:00-ի սահմաններում, ինքը դուրս է եկել` պանդոկի դիմաց գտնվող սեղանի մոտ նստած հաճախորդին սպասարկելու համար, որից հետո շուրջ 10 րոպե մնացել է դրսում, նստել հարևան սեղանի մոտ, որտեղ նստած է եղել պանդոկի տնօրենը` Մարատ Լևոնի Ժամկոչյանը: Այդ ընթացքում նկատել է, որ Ա.Խաչատրյան-Փափազյան փողոցների խաչմերուկի մոտ` պանդոկի դիմացի մայթեզրին, կանգնած զրուցել են 2 երիտասարդներ, որից հետո տեսել է, թե ինչպես Ա.Խաչատրյան փողոցին զուգահեռ մայթեզրով, որը հարակից է պանդոկի կողային հատվածին, մի խումբ տղաներ` շուրջ 6-7 հոգի, վազելով հատել են Փափազյան փողոցը և գնացել Կոմիտասի պողոտայի կողմ: Դրանից հետո ինքը մտել է պանդոկ և շարունակել աշխատանքը: Հետագայում իմացել է, որ վիճաբանություն է տեղի ունեցել: Վկա Ռաֆայել Խաչատուրի Խաչիկյանը դատաքննության փուլում ցուցմունք է տվել, որ շուրջ 10 ամիս է` աշխատում է Երևան քաղաքի Փափազյան 23/1 հասցեում գտնվող ՙԳենացվալե՚ պանդոկում` որպես մատուցող: 2015թ. հունիսի 17-ի երեկոյան, երբ ինքը սպասարկել է պանդոկի դիմացի հատվածում գտնվող բացօթյա սեղաններից մեկը, լսել է բղավոցներ, որից հետո տեսել, թե ինչպես 4-5 տղա, միմյանց քաշքշելով, պանդոկի կողային հատվածից` Ա.Խաչատրյան փողոցի կողմից վազել են դեպի Փափազյան փողոց, հատել այն, այնուհետև վազել դեպի Կոմիտասի պողոտա: Այդ ժամանակ պանդոկի դիմացի առաջին սեղանին նստած հաճախորդներն իրեն ասել են, որ վազողներից ինչ-որ մեկը իրենց սեղանից վերցրել է գինու կուժը: Դրանից հետո մտել է պանդոկ և շարունակել իր աշխատանքը: Վկան նշել է, որ նշված միջադեպի ժամանակ պանդոկի դիմաց տեղադրված թվով 3 սեղաններից 2-ին նստած են եղել հաճախորդներ, երրորդ սեղանին` պանդոկի տնօրենը` Մարատ Ժամկոչյանը, իսկ միջադեպի պատճառով պանդոկից դուրս են եկել նաև այլ աշխատակիցներ: Հայտնել է, որ միջադեպից որոշ ժամանակ անց պանդոկի կողային հատվածում` Ա.Խաչատրյան փողոցի մայթեզրին, նկատել է արյան կաթիլներ: Վկա Արտյոմ Աշոտի Հովհաննիսյանը դատաքննության փուլում ցուցմունք է տվել, որ երկար տարիներ է` մտերմություն է անում ՙԴավ Տիգ՚ տաքսի ծառայության տեր Ստյոպայի հետ: 2015թ. հունիսի 17-ին` ժամը 21:30-ի սահմաններում, երբ ինքը գտնվել է Երևան քաղաքի Ավետիսյան փողոցում գործող ՙԴավ Տիգ՚ տաքսի ծառայության գրասենյակում, Ստյոպան իրեն խնդրել է, որ գնա Հր.Քոչար փողոցում գտնվող ավտոմեքենաների վերանորոգման կետ և վերցնի ՙԴավ Տիգ՚ տաքսի ծառայությանը պատկանող ՙՄիտցուբիշի Լանսեռ՚ մակնիշի ավտոմեքենան, դրանով գնա տուն և հաջորդ օրն առավոտյան բերի գրասենյակ: Ինքը գնացել է ավտոմեքենաների վերանորոգման կետ, վերցրել ավտոմեքենան և Փափազյան փողոցով հատելով Կոմիտասի պողոտան, շարունակել է ճանապարհը` ՙԵրիցյաններ՚ սուպերմարկետի մոտով` որպեսզի գնա տուն` Եղվարդ: Փափազյան-Ա.Խաչատրյան փողոցների խաչմերուկ չհասած նկատել է, որ ՙԳենացվալե՚ պանդոկի մոտից մի տղա և մի աղջիկ վազելով անցել են դիմացի մայթ, իսկ այդ տղան ձեռքը մեկնելով փորձել է կանգնեցնել իր վարած ավտոմեքենան: Ինքը դեռ չի հասցրել ավտոմեքենան արգելակել, երբ այդ տղան ընթացքից բացել է ավտոմեքենայի հետևի դուռը, նստել հետևի նստատեղին և ասել` ՙքշի՚, իսկ նրա հետի աղջիկը մնացել է փողոցում: Այդ ժամանակ ՙԳենացվալե՚ պանդոկի մայթից ինչ-որ բան են նետել, որն ընկել է ավտոմեքենայի տանիքի հետևի հատվածին և փշրվել, որից հետո 3-4 տղաներ գոռալով` ՙկանգնի՚, երկու կողմից հարձակվել են ավտոմեքենայի վրա, ինչ-որ մեկը ոտքով հարվածել է հետևի աջ թևքին` կռիլոյին, որից հետո այդ տղաները բացել են հետևի դռները, սկսել ոտքերով հարվածել և քաշքշելով դուրս հանել հետևի նստատեղին նստած տղային: Այդ ժամանակ ինքը Ա.Խաչատրյան խաչմերուկ չհասած` Փափազյան փողոցի մայթեզրին` ՙԳենացվալե՚ պանդոկի դիմացի մայթի մոտ, կայանել է ավտոմեքենան, իջել և տեսել, որ 5-6 տղաներ քաշքշում և ծեծում են ավտոմեքենայի հետևի նստատեղից իջեցրած տղային, իսկ մի քանի վայրկյան անց այդ տղան փախել է, վերջինիս ծեծի ենթարկող տղաները սկսել են հետապնդել նրան, իսկ նրանց հետևից գնացել է նաև այդ տղայի հետի աղջիկը` ով մնացել էր փողոցում: Դրանից հետո տեսել է, որ ավտոմեքենայի տանիքը վնասվել է, իսկ գետնին թափված են եղել կավե տարայի կտորներ` որով հարվածել էին ավտոմեքենային, ինչպես նաև տեսել է, որ ավտոմեքենայի հետևի աջ թևքը` կռիլոն, վնասված է: Դրանից հետո, որպեսզի ավտոմեքենան չխանգարի երթևեկությանը, ինքն այն տեղափոխել է ՙՊոլոզ Մուկուչ՚ ռեստորանի կողային հատված և այնտեղ հավաքված մարդկանց հարցրել, թե ովքեր էին այդ տղաները, նրանցից ում են ճանաչում և ինչի համար էին այն տղային ծեծում, սակայն նրանք ասել են, որ ոչ ոքի չեն ճանաչում: Դրանից հետո ինքն ավտոմեքենան տարել է Ավետիսյան փողոց` ՙԴավ Տիգ՚ տաքսի ծառայության գրասենյակ: Վկան նաև հայտնել է, որ դեպքին ականատես են եղել այդ ժամանակ փողոցով անցնող քաղաքացիներ, ՙԳենացվալե՚ պանդոկի աշխատակիցները և հաճախորդները, ովքեր դուրս են եկել ռեստորանից և տեսել, թե ինչ է կատարվում, ինչպես նաև Փափազյան փողոցով անցնող ավտոմեքենաները դանդաղեցրել են ընթացքը, որպեսզի տեսնեն, թե ինչ է պատահել, քանի որ շատ մարդիկ են եղել հավաքված այդ հատվածում: Վկա Արման Յուրիի Թեջոյանը դատաքննության փուլում ըստ էության պնդել է նախաքննության փուլում տված ցուցմունքը, որ 2015թ. մայիսից ճանաչում է Երևան քաղաքի Մանուշյան փողոցի բնակիչ Ռուսլան Արարատի Ներսեսյանին, որի հետ գտնվել է նորմալ հարաբերությունների մեջ: 2015թ. հունիսի 17-ին` ժամը 22:00-ի սահմաններում, երբ ինքն անցել է ՙԵրիցյաններ՚ սուպերմարկետի շենքի հետևի բակով, այնտեղ գտնվող տաղավարում նստած է եղել Ռ.Ներսեսյանը: Տեսնելով իրեն` Ռ.Ներսեսյանը հարցրել է, թե իր բջջային հեռախոսի մեջ գումար, կա, թե ոչ: Ինքը հայտնել է, որ կա և նրան փոխանցել իր բջջային հեռախոսը: Ռ.Ներսեսյանն ինչ-որ հեռախոսահամար է հավաքել ու քայլելով գնացել տաղավարի կողքը գտնվող մարզահրապարակի կողմ, իսկ ինքը մնացել է տաղավարում նստած: Մի քանի րոպե անց Ռ.Ներսեսյանը վերադարձել է, տվել հեռախոսը և հարցրել, թե ուր է գնում: Ինքը պատասխանել է, որ գնում է տուն, որից հետո Ռ.Ներսեսյանն իրեն առաջարկել է միասին գնալ ՙԵրիցյաններ՚ սուպերմարկետի մոտ, ինչ-որ անձի հանդիպել, որից հետո միասին կգնան տուն: Ինքը համաձայնել է, նրան հարցրել, թե ինչ է պատահել, իսկ Ռ.Ներսեսյանը պատասխանել է, որ ոչինչ չի եղել: Դրանից հետո իրենք քայլելով գնացել են ՙԳենացվալե՚ պանդոկի կողմ, հանդիպել Ռ.Ներսեսյանի ընկերոջը` Ժ.Գասպարյանին, որից հետո Ռ.Ներսեսյանը կրկին վերցրել է հեռախոսը և զանգահարել ինչ-որ մեկին ու առանձնանալով իրենցից` զրուցել: Մի քանի րոպե անց Ռ.Ներսեսյանն առաջարկել է գնալ ՙԵրիցյաններ՚ սուպերմարկետի մոտ ինչ-որ մարդու տեսնելու, սակայն չի ասել, թե ում և ինչի համար: Ինքը, Ռ.Ներսեսյանը և Ժ.Գասպարյանը գնացել են ՙԵրիցյաններ՚ սուպերմարկետի դիմացի հատված, որտեղ իրենց ընդառաջ են եկել Սոֆիկ Թոխյանը և Ռաֆայել Մելքումյանը: Դրանից հետո իրենք միասին քայլել են ՙԳենացվալե՚ պանդոկի կողային հատված, որտեղ Ռ.Ներսեսյանը սկսել է հարցեր տալ Ս.Թոխյանին և Ռ.Մելքումյանին, թե ինչպես են նրա հետ խոսում, որին Ս.Թոխյանը պատասխանել է` ՙլավ եմ անում այ թուլա՚: Այդ ժամանակ Ռ.Ներսեսյանը կոպտել է Ս.Թոխյանին և բորբոքված խոսել Ռ.Մելքումյանի հետ` հարցնելով. ՙդու տեր ես սրա ասածների համար՚, Ս.Թոխյանն ասել է, որ ինքն է տեր իր ասածներին, իսկ Ռ.Մելքումյանը հայտնել է, որ այդ հարցի շուրջ կխոսեն հետո, երբ նա իր ընկերների հետ կգա: Այդ ժամանակ ինքը բռնել է Ռ.Ներսեսյանի ձեռքը և քաշելով տարել մի կողմ, որպեսզի կռիվ չսկսվի: Բարձր ձայների վրա հավաքվել են թաղամասի մի քանի տղաներ, որոնց ինքը չի ճանաչել և Ռ.Ներսեսյանից տեղեկանալով, որ նա բնակվում է Մանուշյան փողոցում, ասել են, որ գնա իր թաղում իր հարցերը պարզի, ձենը գլուխը չգցի: Դրանից հետո ինքը Ռ.Ներսեսյանին կրկին մի կողմ է տարել և առաջարկել, որ Ժ.Գասպարյանն առանձնանա Ս.Թոխյանի և Ռ.Մելքումյանի հետ ու պարզի իր հարցերը: Ինքը, Ռուսլանը և իրենց մոտեցած 3-4 տղաները մնացել են ՙԳենացվալե՚ պանդոկի կողային հատվածում, իսկ Ժ.Գասպարյանը, Ս.Թոխյանը և Ռ.Մելքումյանը քայլել են Փափազյան-Ա.Խաչատրյան փողոցների խաչմերուկի մայթի կողմ` զրուցելու: Մի քանի վայրկյան անց իրենք նկատել են, որ Ս.Թոխյանը ոտքով հարվածել է Ժ.Գասպարյանին, այնուհետև Ռ.Մելքումյանն էլ է սկսել հարվածել Ժ.Գասպարյանին, իսկ վերջինս էլ նրանց: Այդ ժամանակ Ռ.Ներսեսյանը վազելով մոտեցել է նրանց և սկսել հարվածել Ռ.Մելքումյանին, իսկ նա էլ Ռ.Ներսեսյանին: Նրանց են մոտեցել ինքը և մյուս տղաները ու սկսել են իրարից բաժանել, հանդարտեցնել նրանց: Սակայն Ռ.Մելքումյանը և Ռ.Ներսեսյանն իրար հարվածելով և քաշքշելով դուրս են եկել փողոց, իսկ ինքը և մյուս տղաները իրարից բաժանել են Ս.Թոխյանին և Ժ.Գասպարյանին, ինչպես նաև նախատել, որ հանդարտվեն: Մի քանի վայրկյան անց, երբ Ս.Թոխյանը նույնպես գնացել է Փափազյան փողոցի կողմ` Ռ.Մելքումյանի և Ռ.Ներսեսյանի մոտ, Ռ.Ներսեսյանը մեջքը բռնած հետ է վերադարձել և հայտնել, որ նրան դանակահարել են: Այդ ժամանակ ինքը նկատել է, որ Ռ.Մելքումյանը բռնել է Ս.Թոխյանի ձեռքը և Փափազյան փողոցում փորձել տաքսի ավտոմեքենա կանգնեցնել ու փախչել: Ինքը, Ժ.Գասպարյանը և ևս 2 տղա, որոնց չի ճանաչել, վազել են դեպի Փափազյան փողոց, որի ընթացքում Ժ.Գասպարյանը ինչ-որ բան է նետել այն տաքսի ավտոմեքենայի վրա, որի հետևի նստատեղին ընթացքից նստել է Ռ.Մելքումյանը, իսկ Ս.Թոխյանը մնացել է փողոցում: Իրենք հասնելով տաքսի ավտոմեքենային փորձել են կանգնեցնել այն, որպեսզի Ռ.Մելքումյանը չփախչի: Այդ ժամանակ ինքը բացել է տաքսի ավտոմեքենայի հետևի ձախ դուռը և փորձել ոտքով հարվածել հետևի նստած Ռ.Մելքումյանին, որպեսզի նա իջնի ավտոմեքենայից, սակայն ոտքը նրան չի կպել, քանի որ ինչ-որ մեկը բացելով տաքսի ավտոմեքենայի հետևի աջ դուռը քաշել և հանել է Ռ.Մելքումյանին, իսկ այդ ժամանակ նրան մոտեցած Ժ.Գասպարյանը սկսել է հարվածել Ռ.Մելքումյանին ու գցել գետնին, որից հետո Ռ.Մելքումյանը փախել է դեպի Կոմիտասի պողոտա, իսկ ինքը և մյուս տղաները հետապնդել են նրան, սակայն չեն բռնել: Դրանից հետո ինքը գնացել է ՙԳենացվալե՚ պանդոկի հետևի շենքի բակ և Ա.Խաչատրյան-Վաղարշյան փողոցների խաչմերուկ չհասած` տեսել Ժ.Գասպարյանին, ով նույնպես փնտրել է Ռ.Ներսեսյանին: Դրանից հետո ՙՇիվանզադե՚ դպրոցի մոտ տեսել են Ռ.Ներսեսյանին` բինտով վիրակապած, սակայն նրա մեջքից ուժեղ արյուն է հոսել: Դրանից հետո պատահական տաքսի ավտոմեքենայով Ռ.Ներսեսյանին տարել են տուն, որից հետո տեղափոխել հիվանդանոց: Վկան նշել է նաև, որ դեպքին` կռվի մասնակիցներից բացի, ներկա են գտնվել իրենց մոտեցած 3-4 տղաները, պատահական անցորդներ, ՙԳենացվալե՚ պանդոկի աշխատակիցները և հաճախորդները, ինչպես նաև տաքսի ավտոմեքենայի վարորդը, որով Ռ.Մելքումյանը փորձել է փախչել: 06.08.2015թ. վկա Սոֆիկ Օնիկի Թոխյանի մասնակցությամբ, 04.08.2015թ.ն ՙՂ-Տելեկոմ՚ ՓԲԸ-ից ստացված վերծանումները զննելու մասին արձանագրության համաձայն` հիմնավորվել են 17.06.2015թ. Ժ.Գասպարյանի կողմից զննության մասնակցին` Սոֆիկ Թոխյանին, Հռիփսիմե Հարությունյանին, Ռաֆայել Մելքումյանին և Ռուսլան Ներսեսյանին կատարած և վերջիններիցս ստացած հեռախոսազանգերը, ինչպես նաև վերծանումներով ստացված` դեպքի ժամանակ վերջիններիս բջջային հեռախոսահամարները սպասարկած ալեհավաք կայանների տվյալներով հիմնավորվել է վերջիններիս ՙԳենացվալե՚ պանդոկի մոտ գտնվելու հանգամանքը: Հ. 2, գ.թ. 162-174 10.09.2015թ. վկա Սոֆիկ Օնիկի Թոխյանի մասնակցությամբ, ՀՀ ոստիկանության Արաբկիրի բաժնի կողմից ներկայացված 17.06.2015թ. 22:30-ից մինչև 22:50-ն ընկած ժամանակահատվածի Երևան քաղաքի Փափազյան և Ա.Խաչատրյան փողոցների, խաչմերուկի և ՙԳենացվալե՚ պանդոկի դիմացի հատվածի տեսագրությունները զննելու մասին արձանագրությամբ, համաձայն որի` ՙPapazyan video՚ տեսաֆայլի ՙPapazyan parking 17.06՚ ֆայլի ՙkam 28/9/4՚ տեսագրությունում երևում է, թե ինչպես ժամը 22:30:57-ին Փափազյան փողոցում գտնվող ՙՏաշիր պիցցա՚-ի դիմաց գտնվող ավտոկայանետեղի է գալիս ՙՆիսսան՚ մակնիշի տաքսի ավտոմեքենա, որից ըստ մասնակցի հայտարարության իջնում են ինքը և Ռաֆայել Մելքումյանը: Կանգնելով ՙՏաշիր պիցցա՚-ի մուտքի մոտ, սպասում են մինչև ժամը 22:32:22-ը, որից հետո նրանց են մոտենում 3 տղաներ, որոնք ըստ մասնակցի հայտարարության հանդիսանում են Ժորա Գասպարյանը, Ռուսլան Ներսեսյանը և վերջինիս ընկերը, որի անունը ինքը չգիտի: Նրանք միասին քայլելով գնում են դեպի Ա.Խաչատրյան փողոցի կողմ և դուրս գալիս օբյեկտիվից: ՙKam28/9/6՚ և ՙՄուվ 0066՚ ֆայլերի ուսումնասիիրությամբ երևում է, թե ինչպես ժամը 22:33-ից մինչև 22:34-ն ընկած ժամանակահատվածում երեք տղաներ և մեկ աղջիկ միասին քայլում են դեպի Ա.Խաչատրյան փողոցի կողմ: Ըստ մասնակցի հայտատարության նշված աղջիկը ինքն է, իսկ տղաները` հանդիսանում են ինքը, Ռաֆայել Մելքումյանը, ով բաց գույնի սվիտրով է և քայլում է իր կողքով, իսկ իրենց առջևից քայլում են Ժորա Գասպարյանը, ով ամբողջովին սև հագուստներով է և բարձրահասակ, իսկ նրա կողքով քայլում է Ռ.Ներսեսյանի ընկերը, որին ինքը չի ճանաչում: ՙՓափազյան դանակահարություն՚ ֆայլի մեջ առկա ՙ109.75.36.225.07՚ տեսաֆայլում երևում է, թե ինչպես ժամը 22:33:07-ին ՙԳենացվալե՚ պանդոկի կողային հատվածում` Ա.Խաչատրյան փողոցի մայթեզրին, մոտենում են վերոնշյալ անձինք, կանգնած զրուցում, մերթ ընդ մերթ դուրս գալով օբյեկտիվից և հետ վերադառնալով: Ըստ մասնակից Ս.Թոխյանի նշված ժամանակ տեղի է ունեցել լեզվակռիվ, որի ընթացքում Ժ.Գասպարյանն իրեն վիրավորել է, իսկ ինքը նրան անվանել է ՙթուլլա՚: Ժամը 22:38:40-ին երևում է, թե ինչպես նշված անձիք սկսում են իրար քաշքշել, ոտքերով հարվածել, շարժվելով դեպի Փափազյան–Ա.Խաչատրյան փողոցների խաչմերուկ: Ժամը 22:39:00-ին վերջիններս դուրս են գալիս տեսախցիկի օբյեկտիվից: Նույն ֆայլի մեջ առկա ՙԳայի18.06՚ տեսաֆայլում երևում է, թե ինչպես ժամը 22:39:37-ին տեսագրության աջ հատվածում դեպի փողոց են դուրս գալիս թվով 4 անձինք, որոնք ըստ մասնակցի հայտարարության հանդիսանում են ինքը, Ռաֆայել Մելքումյանը, Ռուսլան Ներսեսյանը և վերջինիս ընկերը, որին ինքը չի ճանաչում: Վերջիններս մի քանի վայրկյան զրուցում են, որից հետո սկսվում է իրարանցում, իսկ ժամը 22:39:45-ին երևում է, թե ինչպես Ռաֆայել Մելքումյանը բռնելով Ս.Թոխյանի ձեռքից, անցնում են դիմացի մայթը, որի ընթացքում ըստ մասնակցի հայտարարության Ռաֆայել Մելքումյանն իրեն ասել է ՙՍոֆի թռանք՚: Դրանից հետո երևում է, թե ինչպես Ռ.Մելքոնյանը փորձում է նստել ինչ-որ տաքսի ավտոմեքենա, սակայն հավաքված անձինք թույլ չեն տալիս հեռանալ, Ռ.Մելքումյանին դուրս են հանում տաքսի ավտոմեքենայից, իրարանցում է տեղի ունենում, որից հետո բոլորը սկսում են վազել Կոմիտասի նպողոտայի ուղղությամբ և դուրս են գալիս օբյեկտիվից: Ըստ մասնակցի հայտարարության հավաքվածները` այդ թվում Ժորա Գասպարյանը, Ռ.Մելքումյանին տաքսի ավտոմեքենայից իջեցնելուց հետո քաշքշել և ծեծի են ենթարկել, որի ժամանակ վերջինս փախել է Կոմիտասի պողոտայի կողմ, իսկ Ժ.Գասպարյանը և մյուսները հետապնդել են նրան: ՙՓափազյան դանակ՚ ֆայլի մեջ գտնվող ՙ1 08-էռ՚ ֆայլում երևում է, թե ինչպես ժամը 22:41:02-ին վազելով դեպի ձախ կողմ, փողոցն է անցնում Ռաֆայել Մելքումյանը, իսկ նրա հետևից ևս 2 տղաներ, իսկ փողոցի միջնամասում նրանց միանում են ևս 2-ը: ՙԳայի՚ ֆայլի մեջ առկա ՙՊապ խաչ 0՚ տեսաֆայլում երևում է, թե ինչպես ժամը 22:40:09-ից տաքսի ավտոմեքենա են փորձում նստել Ռաֆայել Մելքումյանը և Սոֆիկ Թոխյանը, սակայն թվով 6 տղաներ, որոնց դեմքերը չի երևում, հարձակվում են տաքսի ավտոմեքենայի վրա, հետևի նստատեղից իջեցնում Ռաֆայել Մելքումյանին, սկսում քաշքշել, որից հետո բոլորը վազում են Կոմիտասի պողոտայի ուղղությամբ և դուրս գալիս օբյեկտիվից: 109753622507-20150618092616005 ֆայլում երևում է, թե ինչպես ժամը 22:39:02-ին սև հագուստներով ինչ-որ մեկը, ով ըստ մասնակցի հայտարարության հանդիսանում է Ժորա Գասպարյանը, արագ քայլելով մոտենում է ՙԳենացվալե՚ պանդոկի դիմաց տեղադրված սեղաններից մեկին, ինչ-որ բան վերցնում վրայից և վազելով դեպի Կոմիտասի պողոտայի կողմ` դուրս գալիս օբյեկտիվից: Ըստ մասնակից Ս.Թոխյանի հայտարարության, Ժորա Գասպարյանը այդ ժամանակ պանդոկի դիմացի սեղանից վերցրել է կավե տարա, որը նետել է տաքսի ավտոմեքենայի վրա, որով Ռաֆայել Մելքումյանը փորձել է փախչել: Հ. 2, գ.թ. 252-254 15.10.2015թ. վկա Արման Յուրիի Թեջոյանի մասնակցությամբ, ՀՀ ոստիկանության Արաբկիրի բաժնի կողմից ներկայացված 17.06.2015թ. 22-30-ից մինչև 22:50-ն ընկած ժամանակահատվածի Երևան քաղաքի Փափազյան և Ա.Խաչատրյան փողոցների, խաչմերուկի և ՙԳենացվալե՚ պանդոկի դիմացի հատվածի տեսագրությունները զննելու մասին արձանագրությամբ, համաձայն որի` ՙPapazyan video՚ տեսաֆայլի ՙPapazyan parking 17.06՚ ֆայլում առկա ՙkam 28/9/4՚ տեսագրությամբ երևում է, թե ինչպես ժամը 22:30:57-ին Փափազյան փողոցում գտնվող ՙՏաշիր պիցցա՚-ի դիմաց գտնվող ավտոկայանետեղի է գալիս ՙՆիսսան՚ մակնիշի տաքսի ավտոմեքենա, որից իջնում են երկու անձինք, որոնք ըստ մասնակից Ա.Թեջոյանի հայտարարության հանդիսանում են Սոֆիկ Թոխյանը և Ռաֆայել Մելքումյանը: Կանգնելով ՙՏաշիր պիցցա՚ -ի մուտքի մոտ, սպասում են մինչև ժամը 22:32:22-ը, որից հետո նրանց են մոտենում 3 տղաներ, որոնք ըստ մասնակցի հայտարարության հանդիսանում են ինքը, Ժորա Գասպարյանը և Ռուսլան Ներսեսյանը: Նրանք միասին քայլելով գնում են դեպի Ա.Խաչատրյան փողոցի կողմ և դուրս գալիս օբյեկտիվից: ՙKam28/9/6՚ և ՙՄուվ 0066՚ ֆայլում երևում է, թե ինչպես ժամը 22:33-ից մինչև 22:34-ն ընկած ժամանակահատվածում երեք տղաներ և մեկ աղջիկ միասին քայլում են դեպի Ա.Խաչատրյան փողոցի կողմ: Ըստ մասնակից Ա.Թեջոյանի հայտատարության նշված աղջիկը, որի հագին սև գույնի տաբատ է և դեղին գույնի սպորտային շապիկ, հանդիսանում է Սոֆիկ Թոխյանը, նրա կողքով քայլող` մոխրագույն սվիտրով, ջինսե տաբատով և սպիտակ գույնի սպորտային կոշիկներով անձը հանդիսանում է Ռաֆայել Մելքումյանը: Նրանց դիմացից քայլող ամբողջովին սև հագուստներով անձը հանդիսանում է Ժորա Գասպարյանը, իսկ նրա կողքով քայլող, ձեռքերը ծոծրակին դրած անձը հանդիսանում է ինքը: ՙՓափազյան դանակահարություն՚ ֆայլի մեջ առկա ՙ109.75.36.225.07՚ տեսաֆայլում երևում է, թե ինչպես ժամը 22:33:00-ին ՙԳենացվալե՚ պանդոկի դիմացով դեպի կողային հատված են գալիս 4 տղաներ և մեկ աղջիկ, որոնք ըստ մասնակցի հայտարարության հանդիսանում են ինքը, Սոֆիկ Թոխյանը, Ռաֆայել Մելքումյանը, Ռուսլան Ներսեսյանը և Ժորա Գասպարյանը: Որից հետո երևում է, թե ինչպես տղաներից ինչ-որ մեկը բռնում է մեկ այլ տղայի ձեռքից և քաշում պանդոկի կողային հատված, իսկ նրանց հետևից գնում են ևս 2 տղաներ և Ս.Թոխյանը: Ըստ մասնակցի հայտարարության պանդոկի կողային հատված հասնելու ժամանակ ինքը նկատել է, որ Ս.Թոխյանի և Ռ.Ներսեսյանի միջև լեզվակռիվ է սկսվել և բարձր են խոսում, ինքն է բռնել Ռ.Ներսեսյանի ձեռքից և քաշել-տարել պանդոկի կողային հատված, իսկ նրանց հետևից այդ կողմ են քայլել Ժ.Գասպարյանը, Ռ.Մելքումյանը և Ս.Թոխյանը: Տեսագրության ժամը 22:34:05-ին երևում է, որ իրարանցում է սկսվում պանդոկի կողային հատվածում, որի ժամանակ Ս.Թոխյանը բռնում է Ռ.Մելքումյանի ձեռքից և քաշում մի կողմ` ով ինչ-որ բան է խոսում Ռ.Ներսեսյանի, Ժ.գասպարյանի և զննության մասնակից Արման Թեջոյանի հետ: Ըստ մասնակցի հայտարարության այդ ժամանակ Ռ.Ներսեսյանը Ռ.Մելքումյանի հարցրել է, թե նա տեր է Ս.Թոխյանի ասածներին, քանի որ Ս.Թոխյանը Ռ.Ներսեսյանին ՙթուլա՚ էր անվանել, իսկ Ռ.Մելքումյանը ասում էր, որ հետո իր ընկերների հետ կգա և կխոսեն այդ մասին: Դրանից հետո երևում է, թե ինչպես զննության մասնակից Արման Թեջոյանը կրկին բռնում է Ռ.Ներսեսյանի ձեռքից և տանում պանդոկի կողային հատված, իսկ նրանց հետևից գնում են Ռ.Մելքումյանը, Ս.Թոխյանը և ևս 2 տղաներ: Ըստ մասնակցի հայտարարության նշված տղաներին ինքը չի ճանաչում: Տեսագրության 22:36:10-ին երևում է, թե ինչպես նրանց են մոտենուն ևս 2 տղաներ: Ըստ մասնակից Արման Թեջոյանի հայտարարության ինքը նշված տղաներին նույնպես չի ճանաչում, սակայն, երբ նրանք մոտեցել են իրենց Ռ.Ներսեսյանից պահանջել են, որ գնա ուրիշ տեղ իր հարցերը պարզի: Տեսագրության ժամը 22:37:50-ին երևում է, որ Ժ.Գասպարյանը զրուցում է Ռ.Մելքումյանի և Ս.Թոխյանի հետ: Ըստ մասնակցի հայտարարության այդ ժամանակ Ժ.գասպարյանը Ս.Թոխյանին և Ռ.Մելքումյանին առաջարկել է գնալ և զրուցել պանդոկի հետևի հատվածում, իսկ Ս.Թոխյանը և Ռ.Մելքումյանը առաջարկել են խոսել Ա.Խաչատրյան-Փափազյան խաչմերուկի մոտ: Տեսագրության ժամը 22:38:25-ին երևում է, թե ինչպես Ժ.Գասպարյանը, Ս.Թոխյանը և Ռ.Մելքումյանը քայլում են խաչմերուկի մոտ, կանգնում մայթեզրին, որից հետո կռիվ է սկսվում: Ըստ մասնակցի հայտարարության առաջինը Ս.Թոխյանն է ոտքով սկսում հարվածել Ժ.Գասպարյանին, որից հետո Ռ.Մելքումյանն էլ է սկսում հարվածել Ժ.Գասպարյանին, իսկ վերջինս էլ նրանց: Դրանից հետո երևում է, թե ինչպես վազելով նրանց է մոտենում մի տղա, իսկ նրա հետևից քայլելով գնում են ևս 3 տղաներ, որոնց հետևից վազելով գալիս է ևս մեկ տղա: Ըստ մասնակից Արման Թեջոյանի հայտարարության, առաջինը վազելով նրանց է մոտենում Ռ.Ներսեսյանը և սկսում քաշքշել ու հարվածել Ս.Թոխյանին և Ռ.Մելքումյանին, իսկ նրանց մոտեցող 3 տղաներից մեկը ինքն է և մոտենալով իրար հետ կռվող Ս.Թոխյանին և Ժ.Գասպարյանին, ինքը փորձել է նրանց բաժանել և հանդարտեցնել: Իսկ մյուս տղաները, ովքեր քայլել են իր հետ կամ մոտեցել կռիվ անողներին` ինքը չի ճանաչում: Տեսագրության ժամը 22:38:55-ին երևում է, թե ինչպես Ռ.Ներսեսյանը մեջքը բռնած քայլելով գնում է ՙԳենացվալե՚ պանդոկի կողային հատված: Ըստ մասնակցի հայտարարության, երբ ինքը խաչմերուկի մայթեզրին կանգնած հանդարտեցրել է Ժ.Գասպարյանին ու տեսել, որ Ս.Թոխյանը գնացել է Ռ.Մելքումյանի և Ռ.Ներսեսյանի կողմ, ինքն էլ է քայլել դեպի փողոց` նրանց մոտ, սակայն իրեն ընդառաջ եկած Ռ.Ներսեսյանը հայտնել է, որ նրան դանակահարել են և մեջքը բռնած քայլել է պանդոկի կողային հատված` չասելով, թե ով է եղել դանակահարողը: Տեսագրության ժամը 22:39:02-ին երևում է, թե ինչպես Ժ.Գասպարյանը պանդոկի դիմացի սեղաններից մեկից վերցնում է ինչ-որ իր և վազում փափազյան փողոց: Ըստ մասնակցի հայտարարության Ժ.Գասպարյանը ինչ-որ շիշ է վերցրել և այնուհետև այն նետել է տաքսի ավտոմեքենայի վրա, որով Ռ.Մելքումյանը փորձել է փախչել: ՙՄուվ 0066՚ ֆայլում երևում է, թե ինչպես Ռ.Մելքումյանը և Ս.Թոխյանը փորձում են նստել Փափազյան փողոցով անցնող տաքսի ավտոմեքենան, իսկ այդ ընթացքում պանդոկի դիմացի աջ հատվածից դեպի Փափազյան փողոց են վազում թվով 4 տղաներ, որոնցից մեկը մոտենալով տաքսի ավտոմեքենային փորձում է բացել հետևի ձախ դուռը: Ըստ մասնակից Արման Թեջոյանի հայտարարության, նշված 4 տղաներից մեկը ինքն է, մյուսը Ժ.Գասպարյանը, իսկ մնացածին ինքը չի ճանաչում: Իսկ տաքսի ավտոմեքենայի հետևի ձախ դուռն ինքն է փորձել բացել, քանի որ Ռ.Մելքումյանը ընթացքից նստել է տաքսի ավտոմեքենայի հետևի նստատեղին ու փորձել փախչել, իսկ Ս.Թոխյանը մնացել է փողոցում: ՙՊապ խաչ 0-1506-225550՚ տեսաֆում երևում է, թե ինչպես ժամը 22:40:45-ին պանդոկի դիմաց` Փափազյան փողոցում, իրար են քաշքչում 2 տղաներ և մեկ աղջիկ, որից հետո այդ տղաներից մեկը բռնելով մեջքը գնում է պանդոկի կողմ, իսկ մյուս տղան և աղջիկը փորձում են նստել տաքսի ավտոմեքենա: Ըստ մասնակից Արման Թեջոյանի հայտարարության Փափազյան փողոցում իրաի են քաշքշում Ռ.Մելուքմյանը և Ռ.Ներսեսյանը, ինչպես նաև նրանց միացած Ս.Թոխյանը, որից հետո Ռ.Ներսեսյանն է մեջքը բռնած գնում պանդոկի կողմ, իսկ Ս.Թոխյանը և Ռ.Մելքումյանը փորձում են նստել տաքսի ավտոմեքենա: ՙՊապ խաչ 0-1506-223000՚ տեսաֆայլում երևում է, թե ինչպես ժամը 22:39:45-ին պանդոկի դիմացից դեպի Փափազյան փողոց են դուրս գալիս Ս.Թոխյանը և Ռ.Մելքումյանը ու փորձում նստել տաքսի ավտոմեքենա: Տեսագրության ժամը 22:40:09-ին երևում է, թե ինչպես ՙԴավՏիգ՚ տաքսի ծառայության ավտոմեքենայի հետևի ձախ դուռն է բացում մի տղա և ոտքով հարվածի շարժում կատարում, իսկ ևս 2 անձինք շրջապատում են տաքսի ավտոմեքենան, որից հետո ինչ-որ մեկը բացում է տաքսի ավտոմեքենայի հետևի աջ դուռը, քաշքշելով դուրս հանում Ռ.Մելքումյանին, տաքսի ավտոմեքենայից իջնում է նաև վարորդը, իսկ հավաքվածներից մեկը սկսում է հարվածել Ռ.Մելքումյանին, որից հետո բոլորը սկսում են վազել պանդոկի դիմացի մայթով դեպի Կոմիտասի պողոտայի ուղղությամբ: Ըստ մասնակից Արման Թեջոյանի հայտարարության, տաքսի ավտոմեքենայի հետևի ձախ դուռը բացել է ինքը և փորձել ոտքով դուրս հրել Ռ.Մելքումյանին, քանի որ մտածել է, որ նրա մոտ դանակ կա, սակայն իր ոտքը Ռ.Մելքումյանին չի կպել, քանի որ ինչ-որ մեկը, որին ինքը չի ճանաչում, այդ ընթացքում Ռ.Մելքումյանին քաշել հանել է տաքսի ավտոմեքենայի հետևի աջ դռնից, որից հետո Ժ.Գասպարյանը սկսել է հարվածել Ռ.Մելքումյանին, ինչի հետևանքով Ռ.Մելքումյանը ընկել է գետնին և անմիջապես վերկենալով` դիմել փախուստի: Հ. 3 գ.թ. 81-84 10.11.2015թ. մեղադրյալ Ժորա Դավթի Գասպարյանի մասնակցությամբ, ՀՀ ոստիկանության Արաբկիրի բաժնի կողմից ներկայացված 17.06.2015թ. 22.30-ից մինչև 22:50-ն ընկած ժամանակահատվածի Երևան քաղաքի Փափազյան և Ա.Խաչատրյան փողոցների, խաչմերուկի և ՙԳենացվալե՚ պանդոկի դիմացի հատվածի տեսագրությունները զննելու մասին արձանագրությամբ, համաձայն որի` ՙPapazyan video՚ տեսաֆայլի ՙPapazyan parking 17.06՚ ֆայլում առկա ՙkam 28/9/4՚ տեսագրությամբ երևում է, թե ինչպես ժամը 22:30:57-ին Փափազյան փողոցում գտնվող ՙՏաշիր պիցցա՚-ի դիմաց գտնվող ավտոկայանետեղի է գալիս ՙՆիսսան՚ մակնիշի տաքսի ավտոմեքենա, որից իջնում են երկու անձինք, որոնք ըստ մասնակից Ժորա Գասպարյանի հայտարարության հանդիսանում են Սոֆիկ Թոխյանը և Ռաֆայել Մելքումյանը: Կանգնելով ՙՏաշիր պիցցա՚ -ի մուտքի մոտ, սպասում են մինչև ժամը 22:32:22-ը, որից հետո նրանց են մոտենում 3 տղաներ, որոնք ըստ մասնակցի հայտարարության հանդիսանում են ինքը, Արման Թեջոյանը և Ռուսլան Ներսեսյանը: Նրանք միասին քայլելով գնում են դեպի Ա.Խաչատրյան փողոցի կողմ և դուրս գալիս օբյեկտիվից: ՙKam28/9/6՚ և ՙՄուվ 0066՚ ֆայլում երևում է, թե ինչպես ժամը 22:33-ից մինչև 22:34-ն ընկած ժամանակահատվածում երեք տղաներ և մեկ աղջիկ միասին քայլում են դեպի Ա.Խաչատրյան փողոցի կողմ: Ըստ մասնակից Ժ.Գասպարյանի հայտատարության նշված աղջիկը, որի հագին սև գույնի տաբատ է և դեղին գույնի սպորտային շապիկ, հանդիսանում է Ս. Թոխյանը, նրա կողքով քայլող` մոխրագույն սվիտրով, ջինսե տաբատով և սպիտակ գույնի սպորտային կոշիկներով անձը հանդիսանում է Ռ.Մելքումյանը: Նրանց դիմացից քայլող, ամբողջովին սև հագուստներով անձը հանդիսանում է ինքը, իսկ իր կողքով քայլող, ձեռքերը ծոծրակին դրած անձը հանդիսանում է Ա.Թեջոյանը: ՙՓափազյան դանակահարություն՚ ֆայլի մեջ առկա ՙ109.75.36.225.07՚ տեսաֆայլում երևում է, թե ինչպես ժամը 22:33:00-ին ՙԳենացվալե՚ պանդոկի դիմացով դեպի կողային հատված են գալիս 4 տղաներ և մեկ աղջիկ, որոնք ըստ մասնակցի հայտարարության հանդիսանում են ինքը, Ս.Թոխյանը, Ռ.Մելքումյանը, Ռ.Ներսեսյանը և Ա.Թեջոյանը: Որից հետո երևում է, թե ինչպես տղաներից ինչ-որ մեկը բռնում է մեկ այլ տղայի ձեռքից և քաշում պանդոկի կողային հատված, իսկ նրանց հետևից գնում են ևս 2 տղաներ և Ս.Թոխյանը: Ըստ մասնակցի հայտարարության պանդոկի կողային հատված հասնելու ժամանակ Ս.Թոխյանի և Ռ.Ներսեսյանի միջև լեզվակռիվ է սկսվել և բարձր են խոսել, այդ ժամանակ Ա.Թեջոյանը բռնել է Ռ.Ներսեսյանի ձեռքից և քաշել-տարել պանդոկի կողային հատված, իսկ նրանց հետևից այդ կողմ են քայլել ինքը, Ռ.Մելքումյանը և Ս.Թոխյանը: Տեսագրության 22:34:05-ին երևում է, որ իրարանցում է սկսվում պանդոկի կողային հատվածում, որի ժամանակ Ս.Թոխյանը բռնում է Ռ.Մելքումյանի ձեռքից և քաշում մի կողմ` ով ինչ-որ բան է խոսում Ռ.Ներսեսյանի, Ա.Թեջոյանի և զննության մասնակից Ժ.Գասպարյանի հետ: Ըստ մասնակից Ժ.Գասպարյանի հայտարարության այդ ժամանակ Ռ.Ներսեսյանը Ռ.Մելքումյանին հարցրել է, թե նա տեր է Ս.Թոխյանի ասածներին, քանի որ Ս.Թոխյանը, դեռևս հեռախոսազրույցի ժամանակ, Ռ.Ներսեսյանին ՙթուլա՚ էր անվանել, իսկ Ռ.Մելքումյան ասել է, որ հետո իր ընկերների հետ կգա և կխոսեն այդ մասին: Դրանից հետո երևում է, թե ինչպես Ա.Թեջոյանը կրկին բռնում է Ռ.Ներսեսյանի ձեռքից և տանում պանդոկի կողային հատված, իսկ նրանց հետևից գնում են Ռ.Մելքումյանը, Ս.Թոխյանը և ևս 2 տղաներ: Ըստ մասնակից Ժ.Գասպարյանի հայտարարության նշված տղաներին ինքը չի ճանաչում: Տեսագրության 22:36:10-ին երևում է, թե ինչպես նրանց են մոտենուն ևս 2 տղաներ: Ըստ մասնակից Ժ.Գասպարյանի հայտարարության ինքը նշված տղաներին նույնպես չի ճանաչում, սակայն, երբ նրանք մոտեցել են իրենց Ռ.Ներսեսյանից պահանջել են, որ գնա ուրիշ տեղ իր հարցերը պարզի: Տեսագրության ժամը 22:37:50-ին երևում է, որ զննության մասնակից Ժ.Գասպարյանը զրուցում է Ռ.Մելքումյանի և Ս.Թոխյանի հետ: Ըստ մասնակցի հայտարարության այդ ժամանակ ինքը Ս.Թոխյանին և Ռ.Մելքումյանին առաջարկել է գնալ և զրուցել պանդոկի հետևի հատվածում, իսկ վերջիններս իրեն առաջարկել են խոսել Ա.Խաչատրյան-Փափազյան խաչմերուկի մոտ: Տեսագրության ժամը 22:38:25-ին երևում է, թե ինչպես զննության մասնակից Ժ.Գասպարյանը, Ս.Թոխյանը և Ռ.Մելքումյանը քայլում են խաչմերուկի մոտ, կանգնում մայթեզրին, որից հետո կռիվ է սկսվում: Ըստ մասնակից Ժ.Գասպարյանի հայտարարության այդ ժամանակ Ս.Թոխյանին ուղղված իր այն հարցին, թե ինչու իրեն նորմալ չի պահում, Ս.Թոխյանը իրեն ասել է, թե ՙդու ով ես այ թուլա լակոտ, որ քո հետ նորմալ խոսամ՚, որից հետո ինքն ապտակել է նրան, իսկ Ս.Թոխյանը` ոտքով հարվածել իրեն, որից հետո Ռ.Մելքումյանն էլ է սկսել հարվածել իրեն, իսկ ինքն էլ նրանց: Դրանից հետո երևում է, թե ինչպես վազելով նրանց է մոտենում մի տղա, իսկ նրա հետևից քայլելով գնում են ևս 3 տղաներ, որոնց հետևից վազելով գալիս է ևս մեկ տղա: Ըստ մասնակից Ժ.Գասպարյանի հայտարարության, առաջինը վազելով իրենց է մոտենում Ռ.Ներսեսյանը և սկսում քաշքշել ու հարվածել Ս.Թոխյանին ու Ռ.Մելքումյանին, իսկ նրանց մոտեցող 3 տղաներից մեկը Ա.Թեջոյանն է և մոտենալով իրենց Ս.Թոխյանին ու իրեն փորձել է իրարից բաժանել և հանդարտեցնել: Իսկ մյուս տղաները, ովքեր Ա.Թեջոյանի հետ մոտեցել են կռիվ անողներին` ինքը չի ճանաչում: Տեսագրության ժամը 22:38:55-ին երևում է թե ինչպես Ռ.Ներսեսյանը մեջքը բռնած քայլելով գնում է ՙԳենացվալե՚ պանդոկի կողային հատված: Ըստ մասնակից Ժ.Գասպարյանի հայտարարության, երբ ինքը խաչմերուկի մայթեզրին Ա.Թեջոյանի և մյուս տղաների հետ կանգնած է եղել, տեսել է, որ Ս.Թոխյանը գնացել է Ռ.Մելքումյանի և Ռ.Ներսեսյանի կողմ, ովքեր փողոցում իրար են քաշքշել և, երբ ինքն էլ է քայլել դեպի փողոց` նրանց մոտ, իրեն ընդառաջ եկած Ռ.Ներսեսյանը հայտնել է, որ նրան դանակահարել են և մեջքը բռնած քայլել է պանդոկի կողային հատված` չասելով, թե ով է եղել դանակահարողը: Տեսագրության` ժամը 22:39:02-ին, երևում է, թե ինչպես զննության մասնակից Ժ.Գասպարյանը պանդոկի դիմացի սեղաններից մեկից վերցնում է ինչ-որ իր և վազում Փափազյան փողոց: Ըստ մասնակից Ժ.Գասպարյանի հայտարարության ինքը պանդոկի դիմացի սեղանից վերցրել է կավե գինու տարա և վազելով դեպի Փափազյան փողոց` այն նետել է տաքսի ավտոմեքենայի վրա, որով Ռ.Մելքումյանը փորձել է փախչել, այդ կերպ փորձելով կանխել նրա փախուստը: ՙՄուվ 0066՚ ֆայլում երևում է, թե ինչպես Ռ.Մելքումյանը և Ս.Թոխյանը փորձում են նստել Փափազյան փողոցով անցնող տաքսի ավտոմեքենան, իսկ այդ ընթացքում պանդոկի դիմացի աջ հատվածից դեպի փափազյան փողոց են վազում թվով 4 տղաներ, որոնցից մեկը մոտենալով տաքսի ավտոմեքենային փորձում է բացել հետևի ձախ դուռը: Ըստ մասնակից Ժ.Գասպարյանի հայտարարության, նշված 4 տղաներից մեկը ինքն է, մյուսը Ա.Թեջոյանը, իսկ մնացածին ինքը չի ճանաչում: Իսկ տաքսի ավտոմեքենայի հետևի ձախ դուռը փորձել է բացել Ա.Թեջոյանը, որպեսզի Ռ.Մելքումյանին դուրս հանի, քանի որ Ռ.Մելքումյանը ընթացքից նստել է տաքսի ավտոմեքենայի հետևի նստատեղին ու փորձել փախչել, իսկ Ս.Թոխյանը մնացել է փողոցում: ՙՊապ խաչ 0-1506-225550՚ տեսաֆայլում երևում է, թե ինչպես ժամը 22:40:45-ին պանդոկի դիմաց` Փափազյան փողոցում իրար են քաշքշում 2 տղաներ և մեկ աղջիկ, որից հետո այդ տղաներից մեկը բռնելով մեջքը գնում է պանդոկի կողմ, իսկ մյուս տղան և աղջիկը փորձում են նստել տաքսի ավտոմեքենա: Ըստ մասնակից Ժ.Գասպարյանի հայտարարության Փափազյան փողոցում իրաի են քաշքշում Ռ.Մելքումյանը և Ռ.Ներսեսյանը, ինչպես նաև նրանց միացած Ս.Թոխյանը, որից հետո Ռ.Ներսեսյանն է մեջքը բռնած գնում պանդոկի կողմ, իսկ Ս.Թոխյանը և Ռ.Մելքումյանը փորձում են նստել տաքսի ավտոմեքենա: ՙՊապ խաչ 0-1506-223000՚ տեսաֆայլում երևում է, թե ինչպես ժամը 22:39:45-ին պանդոկի դիմացից դեպի Փափազյան փողոց են դուրս գալիս Ս.Թոխյանը և Ռ.Մելքումյանը ու փորձում նստել տաքսի ավտոմեքենա: Տեսագրության ժամը 22:40:09-ին երևում է, թե ինչպես ՙԴավՏիգ՚ տաքսի ծառայության ավտոմեքենայի հետևի ձախ դուռն է բացում մի տղա և ոտքով հարվածի շարժում կատարում, իսկ ևս 2 անձինք շրջապատում են տաքսի ավտոմեքենան, որից հետո ինչ-որ մեկը բացում է տաքսի ավտոմեքենայի հետևի աջ դուռը, քաշքշելով դուրս հանում Ռ.Մելքումյանին, այնուհետև տաքսի ավտոմեքենայից իջնում է նաև վարորդը, իսկ հավաքվածներից մեկը սկսում է հարվածել Ռ.Մելքումյանին, որից հետո բոլորը սկսում են վազել պանդոկի դիմացի մայթով դեպի Կոմիտասի պողոտայի ուղղությամբ: Ըստ մասնակից Ժ.Գասպարյանի հայտարարության, տաքսի ավտոմեքենայի հետևի ձախ դուռը բացել է Ա.Թեջոյանը և փորձել դուրս հրել Ռ.Մելքումյանին, այդ ընթացքում ինչ-որ մեկը, որին ինքը չի ճանաչում, Ռ.Մելքումյանին քաշելով հանել է տաքսի ավտոմեքենայի հետևի աջ դռնից, որից հետո ինքը սկսել է հարվածել Ռ.Մելքումյանին, իսկ նա էլ իրեն, ինչի հետևանքով Ռ.Մելքումյանը ընկել է գետնին և անմիջապես վերկենալով` դիմել փախուստի: Հ. 3, գ.թ. 154-157 27.11.2015թ. ՀՀ ոստիկանության Արաբկիրի բաժնի կողմից ներկայացված 17.06.2015թ. 22-30-ից մինչև 22:50-ն ընկած ժամանակահատվածի Երևան քաղաքի Փափազյան և Ա.Խաչատրյան փողոցների, խաչմերուկի և ՙԳենացվալե՚ պանդոկի դիմացի հատվածի տեսագրությունների` այլ փաստաթուղթ հանդիսացող տվյալների լազերային կրիչները թիվ 14146515 քրեական գործով ապացույց ճանաչելու և գործին կցելու որոշմամբ: Հ. 3, գ.թ. 225 Դատահետքաբանական և դատաապրանքագիտական համալիր փորձաքննության հմ. 2137-15 եզրակացության համաձայն` ավտոմեքենայի աջ կողմի հետևի անվակամարի ձախ կողային հատվածում առկա է դեպի ներս ծռված-դեֆորմացված հատված, բեռնախցիկի ստորին աջակողմյան անկյունային մասում առկա է ծռված-դեֆորմացված հատված, վերջիններս ունեն մեխանիկական բնույթ և կարող էին առաջանալ օտար, համեմատաբար պինդ մակերես ունեցող առարկայի կամ գործիքի ներգործության, հնարավոր է նաև ոտքով /երով/ հարվածելու արդյունքում: Ավտոմեքենայի տանիքի հետևամասի կենտրոնական հատվածում առկա է ներհրված քերծված վնասվածք, որը ևս ունի մեխանիկական բնույթ և կարող էր առաջանալ օտար, պինդ մակերես ունեցող առարկայի կամ գործիքի, հնարավոր է նաև կավե գինու տարայի ներգործության` դրանով տանիքի համապատասխան հատվածին հարվածելու հետևանքով: Ավտոմեքենայի վրա առկա վնասվածքների պատճառման հաջորդականությունը հնարավոր չէ պարզել համապատասխան գիտականորեն հիմնավորված փորձագիտական մեթոդիկայի բացակայության պատճառով: Փորձաքննությանը տրամադրված ՙՄիցուբիշի-Լանսեր՚ մակնիշի 32 US 526 հ/հ ավտոմեքենան վնասելու հետևանքով պատճառված նյութկան վնասի չափի ընդհանուր շուկայական արժեքը, 2015թ. հունիսի 17-ի դրությամբ, գնահատվում է 133.000 ՀՀ դրամ: Հ. 2, գ.թ. 176-179 Ստացիոնար դատահոգեբուժական փորձագետի թիվ 111 եզրակացության համաձայն` փորձագիտական հանձնաժողովը եզրակացնում է, որ Ժորա Դավթի Գասպարյանը հոգեկան հիվանդությամբ չի տառապել և չի տառապում, այլ նրա մոտ հայտնաբերվում են անձնային գծերի շեշտվածություն: Այդ մասին են վկայում ինչպես անամնեստիկ տվյալները, այնպես էլ ներկա հետազոտման արդյունքները: Ինչպես հանցավոր արարքները կատարելու պահին` 17.06.2015թ. և 18.06.2015թ., այնպես էլ ներկայումս նա կարող էր և կարող է իր գործողությունների համար իրեն հաշիվ տալ և դրանք ղեկավարել: Ուստի իրեն մեղսագրվող արարքի նկատմամբ Ժորա Դավթի Գասպարյանին հարկ է ճանաչել մեղսունակ: Ներկա հոգեկան վիճակով նա կարող է մասնակցել դատաքննչական գործողություններին: Հ. 3, գ.թ. 108-114 Դատարանի իրավական վերլուծությունները Դատարանը սույն գործով պատշաճ իրավական ընթացակարգի շրջանակներում հետազոտելով գործով ձեռք բերված ապացույցները և դրանք գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, վերլուծելով ամբաստանյալ Ժորա Գասպարյանին առաջադրված մեղադրանքը, ամբաստանյալի, վկաների ցուցմունքները, ամբաստանյալի մեղավորության մասին չփարատված բոլոր կասկածները նրա օգտին մեկնաբանելով, հանգում է հետևության, որ գործով ձեռք բերված ապացույցներով չի հիմնավորվել ՀՀ քրեական օրենսգրքի 258-րդ հոդվածի 4-րդ մասով նախատեսված` ամբաստանյալ Ժորա Գասպարյաի կողմից զենքի կամ որպես զենք օգտագործվող առարկաների գործադրմամբ խուլիգանություն կատարելու հանգամանքը, և Ժ.Գասպարյանի արարքը պետք է վերաորակել ՀՀ քրեական օրենսգրքի 258-րդ հոդվածի 3-րդ մասի 1-ին կետով հետևյալ պատճառաբանությամբ. Նշվածը հիմնավորվում է դատաքննության փուլում հետազոտված հետևյալ ապացույցներով. Դեռևս նախաքննության փուլում ամբաստանյալ Ժորա Գասպարյանը նշել է, որ պանդոկի դիմաց տեղադրված սեղաններից մեկից վերցրել է կավե կուժը և վազելով դեպի Փափազյան փողոցª նետել տաքսի ավտեմեքենայի ուղղությամբ` փորձելով կանգնեցնել այն, որպեսզի Ռ.Մելքումյանը չփախչի: Ամբաստանյալը նշել է նաև, որ իր այդ արարքով որևէ մեկի առողջությանը վնաս պատճառելու նպատակ կամ դիտավորություն չի ունեցել, այլ միայն ցանկացել է կանգնեցնել ավտոմեքենան: Վկա Սոֆիկ Թոխյանը նախաքննության փուլում ցուցմունք է տվել և դատաքննության փուլում պնդել է, որ Ժորա Գասպարյանը կավե տարան նետել է տաքսի ավտոմեքենայի ուղղությամբ, իսկ այնուհետև ոտքով հարվածել է ավտոմեքենային` պահանջելով, որպեսզի վարորդն այն կանգնեցնի: Իր համոզմամբ` Ժորան կուժը նետել է միայն մեքենան կանգնեցնելու և Ռաֆայելի փախչելը կանխելու համար, և չի ցանկացել որևէ մեկին մարմնական վնասվածք պատճառել: Վկա Արտյոմ Հովհաննիսյանը և' նախաքննության, և' դատաքննության փուլում նշել է, որ դեպքի պահին չի տեսել, թե մեքենային ինչով են հարվածել, իսկ երբ իջել է, տեսել է, որ վնասվել է մեքենայի ետևի վերևի` տանիքի հատվածը և հետևի աջ թևքը: Հետագայում իմացել է, որ մեքենայի վրա կուժ են նետել, որից էլ առաջացել են նշված վնասվածքները: ՀՀ վճռաբեկ դատարանն իր 2007 թվականի մարտի 30-ի թիվ ՎԲ-46/07 որոշմամբ արտահայտել է հետևյալ իրավական դիրքորոշումն այն մասին, որ ՙԱրարքը ՀՀ քրեական օրենսգրքի 258-րդ հոդվածի 4-րդ մասով նախատեսված հանցակազմով` զենքի կամ որպես զենք օգտագործվող առարկաների գործադրմամբ խուլիգանություն որակելու համար բավարար չէ ուրիշի գույքը ոչնչացնելու կամ վնասելու հատկանիշը: ՀՀ քրեական օրենսգրքի 258-րդ հոդվածի 4-րդ մասով նախատեսված հանցակազմի համար պարտադիր է, որպեսզի հանցավորը զենք կամ որպես զենք օգտագործվող առարկայով մարմնական վնասվածք հասցնի կամ փորձի հասցնել, կամ էլ նրա գործողությունների հետևանքով անձանց կյանքի կամ առողջության համար իրական վտանգ ստեղծվի՚: ՀՀ վճռաբեկ դատարանի արտահայտած վերոհիշյալ իրավական դիրքորոշման լույսի ներքո վերլուծելով սույն գործի փաստական հանգամանքները, դատարանը փաստում է, որ թեև ամբաստանյալ Ժորա Գասպարյանը կավե գինու տարան նետել է տաքսի ավտոմեքենայի ուղղությամբ և վնասել այն, սակայն դրա հետևանքով որևէ անձի մարմնական վնասվածք չի հասցրել, այդպիսի փորձ չի արվել, ավելին` դատարանը գտում է, որ ամբաստանյալի գործողությունների հետևանքով մարմնական վնասվածքներ հասցնելու նպատակ չի ունեցել, այդ գործողություններով այլ անձանց կյանքի կամ առողջության համար իրական վտանգ չի ստեղծվել: Այսպիսով, դատարանը գտնում է, որ Ժորա Գասպարյանի գործողությունները համապատասխանում են ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության հատկանիշներին: ՀՀ քրեական դատավարության օրենսգրքի 309¬րդ հոդվածի համաձայն` ՙ1. Գործի քննությունը դատարանում կատարվում է միայն ամբաuտանյալի նկատմամբ և միայն այն մեղադրանքի uահմաններում, որով նրան մեղադրանք է առաջադրվել: 2. Դատական քննության ընթացքում մեղադրանքի փոփոխություն թույլատրվում է, եթե դրանով չի վատթարանում ամբաստանյալի վիճակը և չի խախտվում ամբաստանյալի պաշտպանության իրավունքը: Մեղադրանքը խստացման առումով փոխելը թույլատրվում է միայն սույն օրենսգրքով սահմանված կարգով և դեպքերում՚: Նշված իրավադրույթների վերլուծությունից բխում է, որ դատական քննության ընթացքում դատարանի նախաձեռնությամբ մեղադրանքի փոփոխություն հնարավոր է միայն մեղմացման առումով և պայմանով, որ դրանով չխախտվի ամբաստանյալի պաշտպանության իրավունքը: Դատարանն առաջադրված մեղադրանքը ՀՀ քրեական օրենսգրքի 258¬րդ հոդվածի 3-րդ մասի 1¬ին կետով փոփոխելը հնարավոր է համարում, քանի որ մեղադրանքի նման փոփոխությունով ամբաստանյալի վիճակը չի վատթարանում, ավելին` դրանով ամբաստանյալի վիճակը բարելավվում է: Նման փոփոխությունով չի խախտվում նաև նրա պաշտպանության իրավունքը, քանի որ արարքի փաստական հանգամանքներն ինքնին ընդգրկված են եղել առաջադրված մեղադրանքի ծավալում, որի դեմ թե գործի նախաքննության փուլում, թե դատական քննության փուլում, ամբաստանյալը պաշտպանվելու իրական հնարավորություն ունեցել է: Այսպիսով, դատարանն ապացուցված է համարում Ժորա Գասպարյանի մեղավորությունը ՀՀ քրեական օրենսգրքի 258¬րդ հոդվածի 3-րդ մասի 1-ին կետով նախատեսված հանցանք կատարելու մեջ: ՀՀ քրեական օրենսգրքի 10-րդ հոդվածի համաձայնª ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացիª համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚: ՀՀ քրեական օրենսգրքի 48-րդ հոդվածի 1-ին մասի համաձայնª ՙպատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից ու ազատություններից օրենքով նախատեսված զրկմամբ կամ դրանց սահմանափակմամբ՚: ՀՀ քրեական օրենսգրքի 48-րդ հոդվածի 2-րդ մասի համաձայնª ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚: ՀՀ քրեական օրենսգրքի 61-րդ հոդվածի 1-ին մասի համաձայն` ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները՚: ՀՀ քրեական օրենսգրքի 61-րդ հոդվածի 2-րդ մասի համաձայնª ՙՊատժի տեսակը և չափը որոշվում է հանցագործությանª հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվումª պատասխանատվությունը և պատիժը մեղմացնող կամ ծանրացնող հանգամանքներով՚: ՀՀ Վճռաբեկ դատարանը 2012թ. նոյեմբերի 1-ին Սերոբ Սարգսյանի վերաբերյալ թիվ ՍԴ/0109/01/12 գործով արտահայտել է հետևյալ իրավական դիրքորոշումը. ՙ(…) պատիժ նշանակելու ընդհանուր սկզբունքները քրեական օրենքով նախատեսված այն հիմնադրույթներն են, որոնցով պետք է ղեկավարվի դատարանը պատիժ նշանակելիս: Այդ սկզբունքներն են` ա) օրինականությունը, բ) արդարությունը, գ) պատժի անհատականացումը, դ) մարդասիրությունը: Պատիժ նշանակելու վերոնշյալ սկզբունքները սահմանում են այն հիմնական դրույթները, որոնցով ղեկավարվում է դատարանը յուրաքանչյուր քրեական գործով պատժի տեսակն ու չափն ընտրելիս: (…) պատժի նշանակման իրավական շրջանակները սահմանված են ՀՀ քրեական օրենսգրքով: Դրա հետ մեկտեղ, սակայն, վերոնշյալ օրենքը դատարանին հնարավորություն է տվել որոշակի սկզբունքների (…) պահպանմամբ, իր ներքին համոզմանը և իրավագիտակցությանը համապատասխան, ՀՀ քրեական օրենսգրքի Ընդհանուր և Հատուկ մասերով նախատեսված սահմաններում որոշել պատժի տեսակն ու չափը: Այլ կերպ` ուրվագծելով կոնկրետ հանցանքի համար նշանակման ենթակա պատժի առավելագույն և նվազագույն սահմանները` ՀՀ քրեական օրենքը դատարանին տվել է այդ շրջանակում հայեցողություն դրսևորելու հնարավորություն: Վճռաբեկ դատարանը գտել է, որ ՀՀ քրեական օրենսգրքի Հատուկ մասի գրեթե բոլոր հոդվածների սանկցիաներում ամրագրված վերոնշյալ մոտեցումը պայմանավորված է այն տրամաբանությամբ, որ քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են: Ուստի կոնկրետ արարքի և անձի նկատմամբ համընդհանուր քրեական օրենքով նախատեսված սանկցիան կիրառելիս դատարանը պետք է որոշակի հայեցողություն դրսևորի: Այնսինքն` առանց դատարանի հայեցողության պատժի անհատականացումն անհնար է: (…) Պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության աստիճանի ու բնույթի, հանցավորի անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների հայեցողական և ոչ երբեք կամային գնահատման ժամանակ դատարանը պետք է ելնի ՀՀ քրեական օրենսգրքի 48-րդ հոդվածով նախատեսված` պատժի նպատակների իրացումն ապահովելու անհրաժեշտությունից (տե’ս Նարեկ Գևորգի Սարգսյանի գործով Վճռաբեկ դատարանի 2011 թվականի դեկտեմբերի 22-ի թիվ ԵԿԴ/0042/01/11 որոշման 14-րդ, 22-23-րդ կետերը)՚: ՀՀ վճռաբեկ դատարանը Կարեն Հարությունյանի վերաբերյալ գործով վերլուծելով ՀՀ քրեական օրենսգրքի Ընդհանուր մասի մի շարք դրույթներ, մասնավորապես` ՀՀ քրեական օրենսգրքի 10-րդ, 48-րդ և 61-րդ հոդվածները հանգել է այն հետևության, որ պատիժը համարվում է արդարացի, եթե դատարանը ճիշտ է գնահատում գործի բոլոր հանգամանքները, անձին բնութագրող բոլոր տվյալները և քրեական օրենքով նախատեսված պահանջներից ելնելով` հանցագործության մեջ մեղավոր անձի նկատմամբ նշանակում է այնպիսի պատիժ, որն անհրաժեշտ և բավարար է այդ անձին ուղղելու և նրա կողմից նոր հանցանքի կատարումը կանխելու համար (տե'ս ՀՀ վճռաբեկ դատարանի` Կարեն Հարությունյանի վերաբերյալ գործով 2007 թվականի նոյեմբերի 30-ի ՎԲ-201/07 որոշումը): Ամբաստանյալ Ժորա Գասպարյանի անձը բնութագրող տվյալներ դատարանը հաշվի է առնում, որ նա բնութագրվում է դրական, նախկինում դատված չէ: Ամբաստանյալի պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և զղջացել կատարած արարքի կհամար, ֆիզիկապես վատառողջ է, տուժողի ներկայացուցիչը որևէ բողոք կամ վնասի հատուցման պահանջ չի ներկայացրել: Ամբաստանյալի պատասխանատվությունն ու պատիժը ծանրացնող հանգամանքներ դատարանը չի արձանագրել: ՀՀ վճռաբեկ դատարանը Գարուշ Մադաթյանի վերաբերյալ գործով 2009 թվականի փետրվարի 17-ին կայացրած թիվ ԵՇԴ/0029/01/08 որոշման մեջ հանցանքի հանրային վտանգավորության աստիճանի և բնույթի վերաբերյալ իրավական դիրքորոշում է արտահայտել այն մասին, որ. ՙԱրարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ: Զարգացնելով իր արտահայտած իրավական դիրքորոշումը, վճռաբեկ դատարանը նշել է նաև, որ արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված կոնկրետ հանցանքի առանձնահատուկ հատկանիշները, որոնք կարող են ազդել հանրության վտանգավորության վրա` հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, (....)՚: Դատարանն ամբաստանյալ Ժորա Գասպարյանի նկատմամբ պատիժ նշանակելիս հաշվի է առնում հանցագործության կատարման եղանակը, հանցավոր մտադրության իրականացման աստիճանը, անձը բնութագրող տվյալները, պատասխանատվությունն ու պատիժը մեղմացնող հանգամանքները, ինչպես նաև պատասխանատվությունն ու պատիժը ծանրացնող հանգամանքների բացակայությունը: Նշված պայմաններում դատարանը գտնում է, որ ամբաստանյալ Ժորա Գասպարյանի նկատմամաբ պատիժ պետք է նշանակել տուգանքի ձևով: Քննարկելով խափանման միջոցի հարցը` դատարանը գտնում է, որ ամբաստանյալ Ժորա Գասպարյանի նկատմամբ կիրառված խափանման միջոցը` ստորագրություն` չհեռանալու մասին, պետք է թողնել անփոփոխ` մինչև դատավճռի օրինական ուժի մեջ մտնելը: Ղեկավարվելով ՀՀ քրեական դատավարության օրենսգրքի 134-րդ, 357-360-րդ, 365-րդ, 366-րդ, 369-373-րդ և 379-րդ հոդվածներով, դատարանը` ՎՃՌԵՑ Ժորա Դավթի Գասպարյանին մեղավոր ճանաչել ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության կատարման մեջ և նրա նկատմամբ պատիժ նշանակել տուգանք` նվազագույն աշխատավարձի հինգհարյուրապատիկի` 500.000 /հինգ հարյուր հազար/ ՀՀ դրամի չափով: Ժորա Գասպարյանի նկատմամբ կիրառված խափանման միջոցը` ստորագրություն` չհեռանալու մասին, թողնել անփոփոխ` մինչև դատավճռի օրինական ուժի մեջ մտնելը: Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում: ԴԱՏԱՎՈՐ Ա.ՄԿՐՏՉՅԱՆ |
|---|---|
| Դատական ակտի ամսաթիվը | 23-08-2016 |
Գործը հանձնվել է գրասենյակ
| Գործը հանձնվել է գրասենյակ | 26-09-2016 |
|---|---|
| Էջերի քանակ | 4 հատորից. 1-ինը՝ 300, 2-րդը՝ 254, 3-րդը՝ 267, 4-րդը՝ 149 թերթից: |
Գործը հանձնվել է դատարանի արխիվ
| Ամսաթիվ | 26-09-2016 |
|---|---|
| Էջերի քանակը | 4 հատորից. 1-ինը՝ 300, 2-րդը՝ 254, 3-րդը՝ 267, 4-րդը՝ 149 թերթից: |
Բողոքարկվել է
| Բողոքարկվել է | Ըստ էության լուծող դատական ակտը |
|---|---|
| Ամսաթիվ | 26-09-2016 |
Գործն ուղարկվել է
| Գործը ուղարկվել է | 26-09-2016 |
|---|---|
| Էջերի քանակը | 4 հատորից. 1-ինը՝ 300, 2-րդը՝ 254, 3-րդը՝ 267, 4-րդը՝ 149 թերթից: |
| ՈՒր(դատարան) | Քրեական վերաքննիչ |
| Ելքի գրության համարը | Ե-20545/16 |
Գործը ստացվել է (կատարումն ապահովելու համար, և ... )
| Ամսաթիվ | 07-07-2017 |
|---|
Դատավճռի, որոշման կատարում
| Ամսաթիվ | 10-07-2017 |
|---|
Գործը հանձնվել է գրասենյակ
| Գործը հանձնվել է գրասենյակ | 18-07-2017 |
|---|---|
| Էջերի քանակ | 5 հատոր` 309թ, 255թ, 269թ, 149թ, 137թ. |
Գործը հանձնվել է դատարանի արխիվ
| Ամսաթիվ | 19-07-2017 |
|---|---|
| Էջերի քանակը | 5 հատոր` 309թ, 255թ, 269թ, 149թ, 137թ. |
Դատական գործ N: ԵԱՔԴ/0226/01/15
Քրեական վերաքննիչ
Ստացվել է վերաքննիչ բողոք
| Ամսաթիվ | 19-09-2016 |
|---|---|
| Ամսաթիվ | 09-09-2016 |
| Ում կողմից է բերվել բողոքը | Մեղադրող |
| Բողոքը բերող անձը | |
| Անուն | Է |
| Ազգանուն | Պոտրոսյան |
| Հասցե | --------------- |
| Սեռ | 0 |
| Բողոքի բովանդակությունը | Ժորա Գասպարյան Վերաքննիչ բողոքն ընդունել վարույթ , բեկանել Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի Ժորա Դավթի Գասպարյանի/ ՀՀ քր. օր-ի 258-րդ հոդվածի 3-րդ մասի 1-ին կետով - պատիժ նշանակել տուգանք` նվազագույն աշխատավարձի հինգհարյուրապատիկի` 500.000 ՀՀ դրամի չափով/ վերաբերյալ 23.08.2016թ-ի դատավճիռը, Ժորա Գասպարյանին մեղավոր ճանաչել ՀՀ քր. օր-ի 258 -րդ հոդվածի 4-րդ մասով նախատեսված հանցանք կատարելու մեջ և նրա նկատմամբ նշանակել ազատզրկման ձևով պատիժ 4 տարի ժամկետով: |
| Բողոքի ստացման կարգը | Հանձնվել է փոստին |
| Չափահաս | Այո |
Գործը ստացվել է
| Գործի ստացման ամսաթիվ | 22-09-2016 |
|---|---|
| Գործը ստացվել է | Արաբկիր Քանաքեռ-Զեյթուն |
Գործն ըստ էության լուծող դատական ակտի դեմ
| Ըստ էության լուծող դատական ակտեր | Դատավճիռ (արդարացման/մեղադրական) |
|---|
Մակագրել
| Ամսաթիվ | 29-09-2016 |
|---|---|
| Նախագահող դատավոր | |
| Անուն | Ռուբիկ |
| Ազգանուն | Մխիթարյան |
| Դատավոր | |
| Անուն | Արարատ |
| Ազգանուն | Պետրոսյան |
Ընդունվել է վարույթ
| Ամսաթիվ | 30-09-2016 |
|---|
Նշանակվել է դատական քննություն
| Երբ | 21-10-2016 |
|---|---|
| Ժամ | 16:00 |
| Նիստերի դահլիճի համարը | 3 |
| Նիստը | Կայացվել է |
Նշանակվել է դատական քննություն
| Երբ | 15-11-2016 |
|---|---|
| Ժամ | 15:00 |
| Նիստերի դահլիճի համարը | 3 |
| Նիստը | Կայացվել է |
Նշանակվել է դատական քննություն
| Երբ | 09-12-2016 |
|---|---|
| Ժամ | 12:00 |
| Նիստերի դահլիճի համարը | 3 |
| Նիստը | Կայացվել է |
Նշանակվել է դատական քննություն
| Երբ | 11-01-2017 |
|---|---|
| Ժամ | 11:00 |
| Նիստերի դահլիճի համարը | 3 |
| Նիստը | Կայացվել է |
Նշանակվել է դատական քննություն
| Երբ | 02-02-2017 |
|---|---|
| Ժամ | 11:00 |
| Նիստերի դահլիճի համարը | 3 |
| Նիստը | Կայացվել է |
Նշանակվել է դատական քննություն
| Երբ | 22-02-2017 |
|---|---|
| Ժամ | 11:00 |
| Նիստերի դահլիճի համարը | 2 |
| Նիստը | Կայացվել է |
Վերաքննիչ բողոքը մերժվել է և ստորադաս դատարանի դատական ակտը թողնվել է անփոփոխ
| Անփոփոխ թողնված դատական ակտը | Պատճառաբանվել է |
|---|---|
| Ամսաթիվ | 22-02-2017 |
| Ամբաստանյալ | |
| Անուն | Ժորա |
| Ազգանուն | Գասպարյան |
| Հասցե | --------------- |
| Սեռ | 1 |
| Քր. դատ. օր. հոդված | |
| Քր. դատ. օր. հոդված | |
| Քր.օր. հոդված |
Դատական ակտ
| Դատական ակտ | ԵԱՔԴ/0226/01/15 ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆ Ո Ր Ո Շ ՈՒ Մ ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀՀ վերաքննիչ քրեական դատարանը (այսուհետ նաև` Վերաքննիչ դատարան) հետևյալ կազմով. նախագահող դատավոր` Ռ.Մխիթարյան դատավորներ` Ս.Չիչոյան Մ.Արղամանյան քարտուղարությամբ` Մ.Մահտեսյանի Ա.Գրիգորյանի մասնակցությամբ` ամբաստանյալ Ժ.Գասպարյանի պաշտպան Լ.Զեյնալյանի 2017 թվականի փետրվարի 22-ին, Երևան քաղաքում, դռնբաց դատական նիստում, Երևան քաղաքի Արաբկիր և Քանաքեռ-Զեյթուն վարչական շրջանների դատախազության ավագ դատախազ Էդ.Պետրոսյանի վերաքննիչ բողոքի հիման վրա քննության առնելով քրեական գործն ըստ մեղադրանքի Ժորա Դավթի Գասպարյանի` ՀՀ քրեական օրենսգրքի 258-րդ հոդվածի 4-րդ մասով, Պ Ա Ր Զ Ե Ց Գործի դատավարական նախապատմությունը. 1. 2015 թվականի հունիսի 18-ին ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում հարուցվել է թիվ 14136215 քրեական գործը` ՀՀ քրեական օրենսգրքի 112-րդ հոդվածի 1-ին մասով: 2015 թվականի օգոստոսի 3-ին թիվ 14136215 քրեական գործի նյութերով հարուցվել և առանձնացվել է թիվ 14146515 քրեական գործը՝ ՀՀ քրեական օրենսգրքի 258-րդ հոդվածի 4-րդ մասով և ՀՀ քրեական օրենսգրքի 131-րդ հոդվածի 2-րդ մասի 2-րդ և 3-րդ կետերով: 2015 թվականի օգոստոսի 13-ին Ժորա Դավթի Գասպարյանը թիվ 14146515 քրեական գործով ներգրավվել է որպես մեղադրյալ, և նրան մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով: Նույն օրը մեղադրյալ Ժ.Գասպարյանի նկատմամբ որպես խափանման միջոց է ընտրվել ստորագրությունը՝ չհեռանալու մասին: 2015 թվականի նոյեմբերի 26-ին Ժորա Գասպարյանին առաջադրված մեղադրանքը լրացվել է և նրան նոր մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով: 2015 թվականի դեկտեմբերի 8-ին թիվ 14146515 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան (այսուհետ նաև` Առաջին ատյանի դատարան): Առաջին ատյանի դատարանի 2016 թվականի օգոստոսի 23-ի դատավճռով Ժորա Դավթի Գասպարյանը մեղավոր է ճանաչվել ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցանք կատարելու մեջ և նրա նկատմամբ պատիժ է նշանակվել տուգանք` նվազագույն աշխատավարձի հինգհարյուրհիսունապատիկի` 500.000 (հինգ հարյուր հազար) ՀՀ դրամի չափով: Առաջին ատյանի դատարանի՝ վերը նշված դատավճռի դեմ վերաքննիչ բողոք է բերել գործով մեղադրող, Երևան քաղաքի Արաբկիր և Քանաքեռ-Զեյթուն վարչական շրջանների դատախազության ավագ դատախազ Էդ. Պետրոսյանը: Գործի փաստական հանգամանքները և վերաքննիչ բողոքի քննության համար նշանակություն ունեցող փաստերը. 2. Ժորա Դավթի Գասպարյանին ՀՀ քրեական օրենսգրքի 258-րդ հոդվածի 4-րդ մասով մեղադրանք է առաջադրվել այն բանի համար, որ. «նա, ընկերոջ` Ռուսլան Ներսեսյանի, և ինքնությունը չպարզված մի խումբ անձանց հետ 2015թ. հունիսի 17-ին ժամը 22:30-ի սահմաններում կատարել է բռնության գործադրմամբ զուգորդված խուլիգանություն: Այսպես` Ժորա Դավթի Գասպարյանն իր ծանոթ Սոֆիկ Օնիկի Թոխյանի միջոցով ծանոթացել է Հռիփսիմե Լևոնի Հարությունյանի հետ, որից հետո սկսել է անընդհատ զանգել և անհանգստացնել նրան: 2015թ. հունիսի 17-ին, երբ Հռիփսիմե Հարությունյանը, Սոֆիկ Թոխյանը և վերջինիս ընկեր Ռաֆայել Մելքումյանը նստած են եղել Երևան քաղաքի «Կասկադ» համալիրի մոտ գտնվող սրճարանում, Ժորա Գասպարյանն անընդհատ զանգել է Հռիփսիմե Հարությունյանին և Սոֆիկ Թոխյանին, սակայն նրանք հեռախոսազանգերին չեն պատասխանել, որից հետո Հռիփսիմե Հարությունյանը Ռաֆայել Մելքումյանին խնդրել է խոսել Ժորա Գասպարյանի հետ և ասել, որ այլևս նրանց չանհանգստացնի: Ռաֆայել Մելքումյանը զանգահարել է Ժորա Գասպարյանին, ներկայացել Հռիփսիմե Հարությունյանի մտերիմ անձնավորություն և պահանջել, որ Ժորա Գասպարյանը այլևս նրան չանհանգստացնի: Այդ ժամանակ Ժորա Գասպարյանն առաջարկել է հանդիպել Երևան քաղաքի Կոմիտասի պողոտայում, որին Ռաֆայել Մելքումյանը համաձայնել է: Դրանից հետո Ժորա Գասպարյանը զանգել է իր ընկեր Ռուսլան Արարատի Ներսեսյանին, հայտնել իր և Ռաֆայել Մելքումյանի պայմանավորվածության մասին, և Ռուսլան Ներսեսյանի առաջարկությամբ զանգել է Ռաֆայել Մելքումյանին և ասել, որ կարող են հանդիպել Երևան քաղաքի Փափազյան փողոցում գտնվող ՙ «Երիցյաններ» առևտրի կենտրոնի մոտ, որին նույնպես Ռաֆայել Մելքումյանը համաձայնել է: Դրանից հետո Ժորա Գասպարյանը Երևան քաղաքի Փափազյան-Ա.Խաչատրյան փողոցների խաչմերուկում հանդիպել է Ռուսլան Ներսեսյանին և նրա ընկերներին, որից հետո Ռուսլան Ներսեսյանը զանգահարել է Սոֆիկ Թոխյանին և հեգնանքով խոսելով հարցրել, թե ում է բերում Ժորա Գասպարյանի հետ հանդիպման: Ռուսլան Ներսեսյանի հեգնանքով և վիրավորական արտահայտություններով խոսելու պատճառով վերջինիս և Սոֆիկ Թոխյանի խոսակցությունը թեժացել է և ընթացքում Սոֆիկ Թոխյանը Ռուսլան Ներսեսյանին անվանել է «թուլա», ինչը վերածվել է լեզվակռվի և Ռուսլան Ներսեսյանը վրդովված լինելով իր վիրավորական արտահայտություններին համարժեք պատասխան տված Սոֆիկ Թոխյանի արտահայտություններից, սեփական անձի առավելությունը ընդգծելու մոլուցքով տարված, Սոֆիկ Թոխյանին ասել է` «ես քո համար Ժորիկը չեմ, չշփոթես հանկարծ», որից հետո Սոֆիկ Թոխյանը հեռախոսը փոխանցել է Ռաֆայել Մելքումյանին, ում հետ խոսելու ժամանակ Ռուսլան Ներսեսյանը պահանջել է, որ վերջինս իր հետ հանդիպման բերի այդ աղջկան` Սոֆիկ Թոխյանին: Ռաֆայել Մելքումյանը, Սոֆիկ Թոխյանը և Հռիփսիմե Հարությունյանը պատահական տաքսի ավտոմեքենայով գնացել են Սոֆիկ Թոխյանի բնակության վայր հանդիսացող Այգեկցի 100/1 տան մոտ, որտեղ Հռիփսիմե Հարությունյանը իջել է ավտոմոբիլից, իսկ Ռաֆայել Մելքումյանը և Սոֆիկ Թոխյանը գնացել են Երևան քաղաքի Փափազյան փողոցում գտնվող «Երիցյաններ» առևտրի կենտրոնի մոտ, որտեղ նրանց դիմավորել են Ժորա Գասպարյանը, Ռուսլան Ներսեսյանը, Արման Թեջոյանը ու Ռուսլան Ներսեսյանի առաջարկով քայլել Փափազյան-Ա.Խաչատրյան փողոցների խաչմերուկի մոտ գտնվող «Գենացվալե» պանդոկի կողային հատված, իսկ շենքի հետևի հատվածում կանգնած են եղել Ռուսլան Ներսեսյանի ընկերները` ինքնությունը չպարզված 4-5 տղաներ: Հասնելով շենքի կողային հատված, Ռուսլան Ներսեսյանը Սոֆիկ Թոխյանի հետ չնչին առիթով ծագած լեզվակռիվը և իր հասցրած վիրավորանքներին Սոֆիկ Թոխյանի կողմից պատասխանել համարձակվելու հանգամանքը պարզաբանելու նպատակով Ռաֆայել Մելքումյանին հարցրել է, թե նա տեր է Սոֆիի ասածներին, որին Ռաֆայել Մելքումյանը ասել է, որ տեր է, սակայն ինքը եկել է Ժորա Գասպարյանի հետ խոսելու, իսկ մնացած մասով ընկերների հետ կգա` կխոսեն: Այդ ժամանակ Ռուսլան Ներսեսյանն առաջարկել է խոսակցությունը շարունակել պանդոկի շինության հետնամասում, որտեղ կանգնած են եղել վերը նշված 4-5 տղաները, սակայն Ռաֆայել Մելքումյանը և Սոֆիկ Թոխյանը, տեսնելով այնտեղ հավաքված տղաներին, վախեցել են և հրաժարվել քայլել շենքի հետնամաս, ինչից հետո Սոֆիկ Թոխյանը Ռաֆայել Մելքումյանի ձեռքից քաշելով գնացել են մարդաշատ վայր` Ա.Խաչատրյան-Փափազյան փողոցների խաչմերուկի մոտ, Ժորա Գասպարյանին առաջարկելով խոսակցությունը շարունակել այնտեղ, սակայն Ժորա Գասպարյանը ձեռքով ցույց տալով շենքի հետնամասը` շարունակել է պահանջել քայլել այդ ուղղությամբ: Հասկանալով, որ Սոֆիկ Թոխյանը և Ռաֆայել Մելքումյանը հրաժարվում են քայլել ոչ մարդաշատ վայր, Ժորա Գասպարյանը մոտեցել է նրանց և այդ մարդաշատ տարածքում սկսել հեգնանքով և վիրավորական արտահայտություններով խոսել Սոֆիկ Թոխյանի հետ, որի ընթացքում Սոֆիկ Թոխյանը նրան անվանել է «թուլա լակոտ»: Այդ ժամանակ Ժորա Գասպարյանը դիտավորությամբ կոպիտ կերպով խախտել է հասարակական կարգը` հարվածներ հասցնելով Սոֆիկ Թոխյանին, ինչից հետո Ռաֆայել Մելքումյանը հարվածել է Ժորա Գասպարյանին: Շենքի հետնամասում սպասող մի խումբ անձինք և Ռուսլան Ներսեսյանն անմիջապես վազելով մոտեցել են Սոֆիկ Թոխյանին և Ռաֆայել Մելքումյանին, դիտավորությամբ կոպիտ կերպով խախտելով հասարակական կարգը մայթի բանուկ հատվածում, բազմաթիվ անցորդների, «Գենացվալե» պանդոկի աշխատակիցների և հաճախորդների ներկայությամբ բարձր գոռգոռոցներով սկսել են ձեռքերով ու ոտքերով հարվածներ հասցնել Սոֆիկ Թոխյանին և Ռաֆայել Մելքումյանին` բացահայտ անհարգալից վերաբերմունք դրսևորելով հասարակության անդամների նկատմամբ, ինչի հետևանքով ոչ միայն տարածքում գտնվող անձանց մոտ սեփական անձի նկատմամբ վախի և տագնապի մթնոլորտ են ստեղծել, այլ նաև խաթարել են առևտրի օբյեկտի բնականոն աշխատանքը: Այդ ընթացքում Ռաֆայել Մելքումյանը մի պահ գտնվելով փոխադարձ կռվի մեջ Ռուսլան Ներսեսյանի հետ, դանակով հարվածել է նրան` դիտավորությամբ վերջինիս առողջությանը պատճառելով ծանր վնաս, և Սոֆիկ Թոխյանի ձեռքից բռնելով ասել է` «Սոֆ թռանք» ու դիմել փախուստի` վազելով Փափազյան փողոցի դիմացի մայթ, ընթացքից նստել այնտեղով անցնող տաքսի ավտոմեքենայի հետևի նստատեղին` Սոֆիկ Թոխյանին թողնելով փողոցում: Այդ ժամանակ Ժորա Գասպարյանը շարունակելով խուլիգանական գործողությունները, պանդոկի դիմաց տեղադրված սեղաններից մեկից վերցնելով որպես զենք օգտագործվող կավե գինու տարան, այն նետել է վերջինիս նստած տաքսի ավտոմեքենայի վրա` վնասելով այն, որից հետո հասնելով տաքսի ավտոմեքենային, ինքնությունը չպարզված մի խումբ անձանց հետ ոտքերով հարվածել և կրկին վնասել են այն, որից հետո ավտոմեքենայից հանել են Ռաֆայել Մելքումյանին, շարունակել բռնություն գործադրել նրա նկատմամբ` ձեռքերով ու ոտքերով հարվածներ հասցնելով վերջինիս, ով վայր է ընկել, ապա ոտքի կանգնելով` դիմել փախուստի»: 3. Առաջին ատյանի դատարանի՝ 2016 թվականի օգոստոսի 23-ի դատավճռի համաձայն. «(...) Դատարանը սույն գործով պատշաճ իրավական ընթացակարգի շրջանակներում հետազոտելով գործով ձեռք բերված ապացույցները և դրանք գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, վերլուծելով ամբաստանյալ Ժորա Գասպարյանին առաջադրված մեղադրանքը, ամբաստանյալի, վկաների ցուցմունքները, ամբաստանյալի մեղավորության մասին չփարատված բոլոր կասկածները նրա օգտին մեկնաբանելով, հանգում է հետևության, որ գործով ձեռք բերված ապացույցներով չի հիմնավորվել ՀՀ քրեական օրենսգրքի 258-րդ հոդվածի 4-րդ մասով նախատեսված` ամբաստանյալ Ժորա Գասպարյանի կողմից զենքի կամ որպես զենք օգտագործվող առարկաների գործադրմամբ խուլիգանություն կատարելու հանգամանքը, և Ժ.Գասպարյանի արարքը պետք է վերաորակել ՀՀ քրեական օրենսգրքի 258-րդ հոդվածի 3-րդ մասի 1-ին կետով հետևյալ պատճառաբանությամբ. (...) Դեռևս նախաքննության փուլում ամբաստանյալ Ժորա Գասպարյանը նշել է, որ պանդոկի դիմաց տեղադրված սեղաններից մեկից վերցրել է կավե կուժը և վազելով դեպի Փափազյան փողոց, նետել տաքսի ավտոմեքենայի ուղղությամբ` փորձելով կանգնեցնել այն, որպեսզի Ռ.Մելքումյանը չփախչի: Ամբաստանյալը նշել է նաև, որ իր այդ արարքով որևէ մեկի առողջությանը վնաս պատճառելու նպատակ կամ դիտավորություն չի ունեցել, այլ միայն ցանկացել է կանգնեցնել ավտոմեքենան: Վկա Սոֆիկ Թոխյանը նախաքննության փուլում ցուցմունք է տվել և դատաքննության փուլում պնդել է, որ Ժորա Գասպարյանը կավե տարան նետել է տաքսի ավտոմեքենայի ուղղությամբ, իսկ այնուհետև ոտքով հարվածել է ավտոմեքենային` պահանջելով, որպեսզի վարորդն այն կանգնեցնի: Իր համոզմամբ` Ժորան կուժը նետել է միայն մեքենան կանգնեցնելու և Ռաֆայելի փախչելը կանխելու համար, և չի ցանկացել որևէ մեկին մարմնական վնասվածք պատճառել: Վկա Արտյոմ Հովհաննիսյանը և' նախաքննության, և' դատաքննության փուլում նշել է, որ դեպքի պահին չի տեսել, թե մեքենային ինչով են հարվածել, իսկ երբ իջել է, տեսել է, որ վնասվել է մեքենայի ետևի վերևի` տանիքի հատվածը և հետևի աջ թևքը: Հետագայում իմացել է, որ մեքենայի վրա կուժ են նետել, որից էլ առաջացել են նշված վնասվածքները: ՀՀ վճռաբեկ դատարանն իր 2007 թվականի մարտի 30-ի թիվ ՎԲ-46/07 որոշմամբ արտահայտել է հետևյալ իրավական դիրքորոշումն այն մասին, որ. «Արարքը ՀՀ քրեական օրենսգրքի 258-րդ հոդվածի 4-րդ մասով նախատեսված հանցակազմով` զենքի կամ որպես զենք օգտագործվող առարկաների գործադրմամբ խուլիգանություն որակելու համար բավարար չէ ուրիշի գույքը ոչնչացնելու կամ վնասելու հատկանիշը: ՀՀ քրեական օրենսգրքի 258-րդ հոդվածի 4-րդ մասով նախատեսված հանցակազմի համար պարտադիր է, որպեսզի հանցավորը զենք կամ որպես զենք օգտագործվող առարկայով մարմնական վնասվածք հասցնի կամ փորձի հասցնել, կամ էլ նրա գործողությունների հետևանքով անձանց կյանքի կամ առողջության համար իրական վտանգ ստեղծվի»: ՀՀ վճռաբեկ դատարանի արտահայտած վերոհիշյալ իրավական դիրքորոշման լույսի ներքո վերլուծելով սույն գործի փաստական հանգամանքները, դատարանը փաստում է, որ թեև ամբաստանյալ Ժորա Գասպարյանը կավե գինու տարան նետել է տաքսի ավտոմեքենայի ուղղությամբ և վնասել այն, սակայն դրա հետևանքով որևէ անձի մարմնական վնասվածք չի հասցրել, այդպիսի փորձ չի արվել, ավելին` դատարանը գտնում է, որ ամբաստանյալի գործողությունների հետևանքով մարմնական վնասվածքներ հասցնելու նպատակ չի ունեցել, այդ գործողություններով այլ անձանց կյանքի կամ առողջության համար իրական վտանգ չի ստեղծվել: Այսպիսով, դատարանը գտնում է, որ Ժորա Գասպարյանի գործողությունները համապատասխանում են ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության հատկանիշներին: (...) Դատարանն առաջադրված մեղադրանքը ՀՀ քրեական օրենսգրքի 258-րդ հոդվածի 3-րդ մասի 1-ին կետով փոփոխելը հնարավոր է համարում, քանի որ մեղադրանքի նման փոփոխությունով ամբաստանյալի վիճակը չի վատթարանում, ավելին` դրանով ամբաստանյալի վիճակը բարելավվում է: Նման փոփոխությունով չի խախտվում նաև նրա պաշտպանության իրավունքը, քանի որ արարքի փաստական հանգամանքներն ինքնին ընդգրկված են եղել առաջադրված մեղադրանքի ծավալում, որի դեմ թե գործի նախաքննության փուլում, թե դատական քննության փուլում, ամբաստանյալը պաշտպանվելու իրական հնարավորություն ունեցել է: Այսպիսով, դատարանն ապացուցված է համարում Ժորա Գասպարյանի մեղավորությունը ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցանք կատարելու մեջ: (...) Ամբաստանյալ Ժորա Գասպարյանի անձը բնութագրող տվյալներ դատարանը հաշվի է առնում, որ նա բնութագրվում է դրական, նախկինում դատված չէ: Ամբաստանյալի պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և զղջացել կատարած արարքի համար, ֆիզիկապես վատառողջ է, տուժողի ներկայացուցիչը որևէ բողոք կամ վնասի հատուցման պահանջ չի ներկայացրել: Ամբաստանյալի պատասխանատվությունն ու պատիժը ծանրացնող հանգամանքներ դատարանը չի արձանագրել: (...) Դատարանն ամբաստանյալ Ժորա Գասպարյանի նկատմամբ պատիժ նշանակելիս հաշվի է առնում հանցագործության կատարման եղանակը, հանցավոր մտադրության իրականացման աստիճանը, անձը բնութագրող տվյալները, պատասխանատվությունն ու պատիժը մեղմացնող հանգամանքները, ինչպես նաև պատասխանատվությունն ու պատիժը ծանրացնող հանգամանքների բացակայությունը: Նշված պայմաններում դատարանը գտնում է, որ ամբաստանյալ Ժորա Գասպարյանի նկատմամբ պատիժ պետք է նշանակել տուգանքի ձևով: (…)»: Վերաքննիչ բողոքի հիմքերը, հիմնավորումները և պահանջը. Վերաքննիչ բողոքը քննվում է հետևյալ հիմքերի սահմաններում` ներքոհիշյալ հիմնավորումներով. 4. Բողոքի հեղինակը փաստարկել է, որ Առաջին ատյանի դատարանը թույլ է տվել դատական սխալ՝ նյութական իրավունքի այնպիսի էական խախտում, որն ազդել է գործի ելքի վրա: Ի հիմնավորումն վերը նշված փաստարկի` բողոքի հեղինակը մասնավորապես նշել է, որ Առաջին ատյանի դատարանի հետևությունն առ այն, որ ամբաստանյալ Ժորա Գասպարյանը թեև կավե գինու տարան նետել է տաքսի ավտոմեքենայի ուղղությամբ և վնասել այն, սակայն դրա հետևանքով որևէ անձի մարմնական վնասվածք չի հասցրել, այդպիսի փորձ չի արվել, ամբաստանյալն իր գործողություններով մարմնական վնասվածքներ հասցնելու նպատակ չի ունեցել, այդ գործողություններով այլ անձանց կյանքի կամ առողջության համար իրական վտանգ չի ստեղծվել, չի համապատասխանում դատաքննության ընթացքում հետազոտված ապացույցներին: Ըստ բողոքի հեղինակի՝ եթե գինու կավե տարան նետելը որևէ անձի մարմնական վնասվածք հասցնելու նպատակ չի հետապնդել, ապա ինչու է Ժ.Գասպարյանը դրանից անմիջապես հետո մի խումբ անձանց հետ միասին վազելով մոտեցել տաքսի ավտոմեքենային, հետևի նստատեղից իջեցրել Ռ.Մելքումյանին և կրկին բռնություն գործադրել նրա նկատմամբ, ինչը հաստատված է համարվել նաև Առաջին ատյանի դատարանի դատական ակտում: Այն է՝ Առաջին ատյանի դատարանը հաստատված է համարել, որ Ժ.Գասպարյանը, կավե գինու տարան Ռ.Մելքումյանի ուղղությամբ նետելուց հետո, վկա Ա.Թեջոյանի և ևս 4-5 անձանց հետ վազելով մոտեցել է տաքսի ավտոմեքենային, Ռ.Մելքումյանին իջեցրել հետևի նստատեղից և մյուսների հետ միասին հարվածել նրան, ով վայր է ընկել, ապա ոտքի կանգնելով՝ փախել է Կոմիտասի պողոտայի ուղղությամբ, որից հետո Ժ.Գասպարյանն ու մյուսները հետապնդել են նրան, սակայն չեն կարողացել բռնել: Բողոքի հեղինակը նաև նշել է, որ Առաջին ատյանի դատարանը, որպես ամբաստանյալի պատասխանատվությունն ու պատիժը մեղմացնող հանգամանք է հաշվի առել նաև այն, որ նա ընդունել է մեղքը և զղջացել կատարածի արարքի համար, սակայն դատաքննության ընթացքում՝ ամբաստանյալի դիրքորոշումը ճշտելիս, դատարանի առաջադրած այն հարցին, թե առաջադրված մեղադրանքում ամբաստանյալն արդյոք իրեն մեղավոր է ճանաչում, վերջինս հայտնել է, որ մեղադրանքը հասկանալի է, սակայն իրեն մեղավոր չի ճանաչում: Ուստի, Առաջին ատյանի դատարանը հաշվի է առել իրականում գոյություն չունեցող հանգամանք, նաև դրանով հիմնավորելով ամբաստանյալի նկատմամբ տուգանքի ձևով պատժի նշանակումը: Արդյունքում, բողոքի հեղինակը խնդրել է Առաջին ատյանի դատարանի 2016 թվականի օգոստոսի 23-ի դատավճիռը բեկանել, ամբաստանյալ Ժ.Գասպարյանին մեղավոր ճանաչել ՀՀ քրեական օրենսգրքի 258-րդ հոդվածի 4-րդ մասով նախատեսված հանցանք կատարելու մեջ և նրա նկատմամբ պատիժ նշանակել ազատազրկում՝ 4 (չորս) տարի ժամկետով: Վերաքննիչ դատարանի պատճառաբանություններն ու եզրահանգումը. 5. ՀՀ քրեական դատավարության օրենսգրքի 381-րդ հոդվածի 3-րդ մասի համաձայն` «Վերաքննիչ բողոքի հիմքերը, հիմնավորումները և պահանջը ներկայացվում են բացառապես վերաքննիչ բողոքում, և դրանք չեն կարող փոփոխվել և լրացվել գործի դատական քննության ընթացքում»: ՀՀ քրեական դատավարության օրենսգրքի 385-րդ հոդվածի 1-ին մասի համաձայն` «Վերաքննիչ դատարանը դատական ակտը վերանայում է վերաքննիչ բողոքի հիմքերի և հիմնավորումների սահմաններում»: Մեջբերված քրեադատավարական իրավադրույթների լույսի ներքո վերլուծելով սույն որոշման 4-րդ կետում շարադրված վերաքննիչ բողոքի հիմքերն ու հիմնավորումները՝ Վերաքննիչ դատարանն արձանագրում է, որ նախ պետք է պատասխանել այն հարցին, թե հիմնավորվա՞ծ է արդյոք Առաջին ատյանի դատարանի հետևությունն այն մասին, որ Ժ.Գասպարյանի արարքը համապատասխանում է ՀՀ քրեական օրենսգրքի 258-րդ հոդվածի ոչ թե 4-րդ մասով, այլ՝ նույն հոդվածի 3-րդ մասի 1-ին կետով նախատեսված հանցակազմի հատկանիշներին: Այսպես. ՀՀ քրեական օրենսգրքի 258-րդ հոդվածի համաձայն. «1. Խուլիգանությունը դիտավորությամբ հասարակական կարգը կոպիտ կերպով խախտել[ն է], որն արտահայտվել է հասարակության նկատմամբ բացահայտ անհարգալից վերաբերմունքով (…): 2. Նույն արարքը, որը զուգորդվել է անձի նկատմամբ բռնություն գործադրելով կամ դա գործադրելու սպառնալիքով, ինչպես նաև ուրիշի գույքը ոչնչացնելով կամ վնասելով (…): 3. Սույն հոդվածի երկրորդ մասով նախատեսված արարքը, որը` 1) կատարվել է մի խումբ անձանց կամ կազմակերպված խմբի կողմից, (…) 4. Սույն հոդվածի երկրորդ կամ երրորդ մասով նախատեսված արարքը, որը կատարվել է զենքի կամ որպես զենք օգտագործվող առարկաների գործադրմամբ՝ (…)»: ՀՀ քրեական դատավարության օրենսգրքի 8-րդ հոդվածի 4-րդ մասի համաձայն` «Որոշակի փաստական հանգամանքներ ունեցող գործով վճռաբեկ դատարանի կամ Մարդու իրավունքների եվրոպական դատարանի դատական ակտի հիմնավորումները, այդ թվում` օրենքի մեկնաբանությունները, պարտադիր են դատարանի համար նույնանման փաստական հանգամանքներով գործի քննության ժամանակ, բացառությամբ այն դեպքի, երբ վերջինիս ծանրակշիռ փաստարկների մատնանշմամբ հիմնավորվում է, որ դրանք կիրառելի չեն տվյալ փաստական հանգամանքների նկատմամբ»: Խուլիգանության հանցակազմի առանձնահատկություններին ՀՀ վճռաբեկ դատարանն անդրադարձել է Շ.Հախվերդյանի գործով որոշման մեջ, որտեղ իրավական դիրքորոշում է ձևավորել այն մասին, որ «(…) արարքը խուլիգանություն կարող է որակվել այն դեպքում, երբ անձի մոտ առկա են խուլիգանական դրդումներ: Վերոգրյալի հետ մեկտեղ Վճռաբեկ դատարանը հարկ է համարում ընդգծել, որ արարքը խուլիգանություն կարող է որակվել նաև այն դեպքերում, երբ անձի մոտ առկա են հանցանքի կատարման այլ դրդումներ, սակայն հանցանքի կատարման ընթացքում ձևավորվում են խուլիգանական դրդումներ, այլ խոսքով՝ արարքը կվերաճի խուլիգանության՝ հասարակական կարգի կոպիտ խախտման, որը դրսևորվել է հասարակության նկատմամբ բացահայտ անհարգալից վերաբերմունքով: (…) [Ա]րարքը չի կարող որակվել որպես խուլիգանություն (ՀՀ քրեական օրենսգրքի 258-րդ հոդված) այն դեպքերում, երբ` ա) արարքը կատարվում է ոչ հասարակական վայրում և (կամ) հասարակության անդամների բացակայությամբ, բ) արարքի հետևանքով հասարակությանը լուրջ անհանգստություն չի պատճառվել, գ) հանցավորի գործողությունները պայմանավորված են տուժողի հակաօրինական, հակաբարոյական վարքագծով և ուղղված են նրա, այլ ոչ թե հասարակության դեմ, դ) բացակայում են խուլիգանական դրդումները, իսկ անձի արարքները պայմանավորված են նրա հուզական վիճակով, ե) հասարակական կարգի կոպիտ խախտման նկատմամբ դրսևորվել է անզգուշություն, զ) հասարակական կարգը կոպիտ կերպով խախտող արարքը համընկնում է ՀՀ քրեական օրենսգրքով նախատեսված այլ հանցակազմի հատկանիշների հետ, սակայն դրա կատարմամբ հանցավորը հասարակական կարգը կոպիտ կերպով խախտելու և հասարակության նկատմամբ բացահայտ անհարգալից վերաբերմունք դրսևորելու նպատակ չունի, է) այլ դրդումներով կատարված հանցանքը չի վերաճել հասարակական կարգի կոպիտ խախտման, որը դրսևորվել է հասարակության նկատմամբ բացահայտ անհարգալից վերաբերմունքով» (տե՛ս Շահեն Նշանի Հախվերդյանի գործով ՀՀ վճռաբեկ դատարանի 2012 թվականի մարտի 30-ի թիվ ԱՎԴ/0014/01/11 որոշումը): ՀՀ քրեական օրենսգրքի 258-րդ հոդվածի 4-րդ մասով նախատեսված հանցակազմի բովանդակության բացահայտմանը՝ զենք կամ որպես զենք օգտագործվող առարկաների գործադրում հասկացության տեսանկյունից, ՀՀ վճռաբեկ դատարանն անդրադարձել է Ա.Սերոբյանի գործով որոշման մեջ, որտեղ իրավական դիրքորոշում է ձևավորել այն մասին, որ. «(…) արարքը ՀՀ քրեական օրենսգրքի 258-րդ հոդվածի 4-րդ մասով նախատեսված հանցակազմով` զենքի և որպես զենք օգտագործվող առարկաների գործադրմամբ խուլիգանություն որակելու համար բավարար չէ զենք կամ որպես զենք օգտագործվող առարկայի գործադրմամբ ուրիշի գույքը ոչնչացնելու կամ վնասելու հատկանիշը։ ՀՀ քրեական օրենսգրքի 258-րդ հոդվածի 4-րդ մասով նախատեսված հանցակազմի համար պարտադիր է, որպեսզի հանցավորը խուլիգանական գործողություններ կատարելու ընթացքում զենք կամ որպես զենք օգտագործվող առարկայով մարմնական վնասվածք հասցնի կամ փորձի հասցնել, կամ էլ նրա գործողությունների հետևանքով անձանց կյանքի կամ առողջության համար իրական վտանգ ստեղծվի» (տե՛ս Արթուր Խաչատուրի Սերոբյանի գործով ՀՀ վճռաբեկ դատարանի 2007 թվականի հունվարի 19-ի ՎԴ-85/07 որոշումը): 6. Նախ, Ա.Սերոբյանի գործով ՀՀ վճռաբեկ դատարանի՝ նախորդ կետում մեջբերված իրավական դիրքորոշման լույսի ներքո վերլուծելով նախաքննության մարմնի կողմից Ժ.Գասպարյանին ՀՀ քրեական օրենսգրքի 258-րդ հոդվածի 4-րդ մասով առաջադրված մեղադրանքի փաստական կողմի`«(...) պանդոկի դիմաց տեղադրված սեղաններից մեկից վերցնելով որպես զենք օգտագործվող կավե գինու տարան, այն նետել է վերջինիս նստած տաքսի ավտոմեքենայի վրա` վնասելով այն, որից հետո հասնելով տաքսի ավտոմեքենային, ինքնությունը չպարզված մի խումբ անձանց հետ ոտքերով հարվածել և կրկին վնասել են այն, որից հետո ավտոմեքենայից հանել են Ռաֆայել Մելքումյանին, շարունակել բռնություն գործադրել նրա նկատմամբ (...)» ձևակերպումը, պետք է արձանագրել, որ մեջբերվածն ընդհանրապես չի ներառում նկարագրված արարքը ՀՀ քրեական օրենսգրքի 258-րդ հոդվածի 4-րդ մասով որակելու համար անհրաժեշտ փաստական հիմքը՝ որպես զենք օգտագործվող առարկայով մարմնական վնասվածք հասցնելը կամ այդ առարկայով մարմնական վնասվածք հասցնելու փորձը, կամ դրա հետևանքով անձանց կյանքի կամ առողջության համար իրական վտանգ ստեղծելը: Հետևապես, այդ փաստն արդեն իսկ բացառել է Առաջին ատյանի դատարանի՝ ամբաստանյալ Ժ.Գասպարյանի նկատմամբ ՀՀ քրեական օրենսգրքի 258-րդ հոդվածի 4-րդ մասով մեղադրական դատավճիռ կայացնելու հնարավորությունը: Դրա հետ մեկտեղ, Առաջին ատյանի դատարանում հետազոտված ապացույցների համակցությունն իր հերթին հիմք չի տալիս ՀՀ վճռաբեկ դատարանի՝ վերը նշված մեկնաբանման լույսի ներքո չհամաձայնելու Առաջին ատյանի դատարանի հետևությանն առ այն, որ գործով ձեռք բերված ապացույցներով չի հիմնավորվել ամբաստանյալ Ժ.Գասպարյանի կողմից ՀՀ քրեական օրենսգրքի 258-րդ հոդվածի 4-րդ մասով նախատեսված՝ զենքի կամ որպես զենք օգտագործվող առարկայի գործադրմամբ խուլիգանություն կատարելը, և որ նրա արարքը ենթակա է որակման ՀՀ քրեական օրենսգրքի 258-րդ հոդվածի 3-րդ մասի 1-ին կետով: Ինչ վերաբերում է բողոքի հեղինակի այն դատողությանը, որ եթե գինու կավե տարան նետելը որևէ անձի մարմնական վնասվածք հասցնելու նպատակ չհետապնդեր, ապա դրանից անմիջապես հետո ամբաստանյալն ու մյուսները վազելով չէին մոտենա տաքսի ավտոմեքենային, հետևի նստատեղից չէին իջեցնի Ռ.Մելքումյանին և կրկին բռնություն չէին գործադրի նրա նկատմամբ, ապա պետք է արձանագրել, որ վերը նշվածի պայմաններում այդ փաստարկին մանրամասն անդրադառնալն այլևս զուրկ է իրավական արժեքից: Ավելին, Շ.Հախվերդյանի գործով ՀՀ վճռաբեկ դատարանի՝ սույն որոշման 5-րդ կետում մեջբերված իրավական դիրքորոշման լույսի ներքո այդ դատողությունն ու դրա հիմքում դրված փաստարկն ամբաստանյալի արարքը ՀՀ քրեական օրենսգրքի 258-րդ հոդվածի 4-րդ մասով որակելու տեսանկյունից առարկայազուրկ են, հաշվի առնելով նաև այն հանգամանքը, որ ամբաստանյալի կողմից գինու կավե տարան նետելուն նախորդել է Ռ.Մելքումյանի կողմից Ռ.Ներսեսյանին դանակահարելը: Վերաքննիչ դատարանը գտնում է, որ գործի փաստական հանգամանքների մասին Առաջին ատյանի դատարանի՝ սույն որոշման 3-րդ կետում մեջբերված հետևությունները համապատասխանում են գործի փաստական հանգամանքներին, իսկ ամբաստանյալ Ժ.Գասպարյանի արարքի ՀՀ քրեական օրենսգրքի 258-րդ հոդվածի 3-րդ մասի 1-ին կետով որակման վերաբերյալ հետևությունը՝ հիմնավորված է ու իրավաչափ: Անդրադառնալով ամբաստանյալի կողմից մեղքը չընդունելու վերաբերյալ բողոքի հեղինակի փաստարկին՝ Վերաքննիչ դատարանն արձանագրում է, որ ըստ գործի նյութերի՝ ամբաստանյալն իրեն մեղավոր չի ճանաչել ՀՀ քրեական օրենսգրքի 258-րդ հոդվածի 4-րդ մասով առաջադրված մեղադրանքում, փոխարենը՝ պաշտպանության կողմն ինքն է միջնորդել ամբաստանյալի արարքը որակել ՀՀ քրեական օրենսգրքի 258-րդ հոդվածի 3-րդ մասի 1-ին կետով, ինչը վկայում է այն մասին, որ ամբաստանյալը փաստացի ընունել է իր մեղավորությունը՝ ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցանք կատարելու մեջ, որի առնչությամբ նաև հանդես է եկել զղջման մասին հայտարարությամբ: Նշվածի համատեքստում անդրադառնալով նաև բողոքի հեղինակի՝ ամբաստանյալի նկատմամբ նշանակված պատժի վերաբերյալ փաստարկին՝ Վերաքննիչ դատարանը գտնում է, որ Առաջին ատյանի դատարանն ամբաստանյալ Ժ.Գասպարյանի նկատմամբ նշանակել է այնպիսի պատիժ, որը ՀՀ քրեական դատավարության օրենսգրքի 399-րդ հոդվածի 1-ին մասի իմաստով չի կարող գնահատվել ակնհայտ մեղմ և հիմք հանդիսանալ պատժի խստացման համար: Ամփոփելով վերը շարադրված դատողությունները` Վերաքննիչ դատարանը գտնում է, որ Առաջին ատյանի դատարանի՝ 2016 թվականի օգոստոսի 23-ի դատավճիռը բեկանելու, ամբաստանյալ Ժ.Գասպարյանի արարքը ՀՀ քրեական օրենսգրքի 258-րդ հոդվածի 4-րդ մասով որակելու և նրա նկատմամբ 4(չորս) տարի ժամկետով ազատազրկում պատիժ նշանակելու իրավաչափ հիմքեր չկան, ուստի Առաջին ատյանի դատարանի՝ վերը նշված դատական ակտը պետք է թողնել օրինական ուժի մեջ, իսկ դրա դեմ Երևան քաղաքի Արաբկիր և Քանաքեռ-Զեյթուն վարչական շրջանների դատախազության ավագ դատախազ Էդ.Պետրոսյանի կողմից բերված վերաքննիչ բողոքը պետք է մերժել: Ելնելով վերոգրյալից և ղեկավարվելով ՀՀ քրեական դատավարության օրենսգրքի 393-394-րդ հոդվածներով՝ Վերաքննիչ դատարանը. Ո Ր Ո Շ Ե Ց Վերաքննիչ բողոքը մերժել: Ամբաստանյալ Ժորա Դավթի Գասպարյանի վերաբերյալ ՀՀ քրեական օրենսգրքի 258-րդ հոդվածի 3-րդ մասի 1-ին կետով Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի՝ 2016 թվականի օգոստոսի 23-ի դատավճիռը թողնել օրինական ուժի մեջ: Որոշումը կարող է բողոքարկվել ՀՀ վճռաբեկ դատարան` հրապարակման պահից մեկամսյա ժամկետում: ՆԱԽԱԳԱՀՈՂ ԴԱՏԱՎՈՐ` Ռ.ՄԽԻԹԱՐՅԱՆ ԴԱՏԱՎՈՐՆԵՐ՝ Ս.ՉԻՉՈՅԱՆ Մ.ԱՐՂԱՄԱՆՅԱՆ |
|---|---|
| Դատական ակտի ամսաթիվը | 22-02-2017 |
Գործը հանձնվել է գրասենյակ
| Ամսաթիվ | 03-05-2017 |
|---|---|
| Էջերի քանակը | 300, 254, 267, 149, 103 |
Գործն ուղարկվել է
| Գործն ուղարկվել է | 03-05-2017 |
|---|---|
| Էջերի քանակը | 300, 254, 267, 149, 103 |
| Ուր | Վճռաբեկ |
| Գրության համարը | Ե-12109/17 |
Դատական գործ N: ԵԱՔԴ/0226/01/15
Վճռաբեկ
Ստացվել է վճռաբեկ բողոք
| Բողոքի ստացման ամսաթիվ | 28-04-2017 |
|---|---|
| Բողոք բերող անձինք | Գլխավոր դատախազի տեղակալ |
| Բողոք բերող անձինք | |
| Անուն | Դ |
| Ազգանուն | Մելքոնյան |
| Հասցե | --------------- |
| Սեռ | 0 |
| Դատապարտյալ, Ամբաստանյալ, Մեղադրյալ | |
| Անուն | Ժորա |
| Ազգանուն | Գասպարյան |
| Հասցե | --------------- |
| Սեռ | 0 |
| Չափահաս | Այո |
| Բողոքը ստացվել է | Գործն ըստ էության լուծող դատական ակտի դեմ |
| Գործի ստացման ամսաթիվ | 10-05-2017 |
| Կայացվել է որոշում | Բողոքի վարույթ ընդունումը մերժվել է |
| Գործը ստացվել է | Քրեական վերաքննիչ |
| Որոշման ամսաթիվ | 26-06-2017 |
| Մակագրվել է | 15-05-2017 |
| Որոշման բովանդակություն | ԵԱՔԴ/0226/01/15 ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՎՃՌԱԲԵԿ ԴԱՏԱՐԱՆ Ո Ր Ո Շ ՈՒ Մ ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎՃՌԱԲԵԿ ԲՈՂՈՔԸ ՎԱՐՈՒՅԹ ԸՆԴՈՒՆԵԼԸ ՄԵՐԺԵԼՈՒ ՄԱՍԻՆ 26 հունիսի 2017 թվական ք.Երևան ՀՀ վճռաբեկ դատարանի քրեական պալատը (այսուհետ` Վճռաբեկ դատարան), նախագահությամբ Ս.ԱՎԵՏԻՍՅԱՆԻ մասնակցությամբ դատավորներ Լ.ԹԱԴԵՎՈՍՅԱՆԻ Ե.ԴԱՆԻԵԼՅԱՆԻ Ա.ՊՈՂՈՍՅԱՆԻ Ս.ՕՀԱՆՅԱՆԻ քննարկելով ամբաստանյալ Ժորա Դավթի Գասպարյանի վերաբերյալ ՀՀ վերաքննիչ քրեական դատարանի` 2017 թվականի փետրվարի 22-ի որոշման դեմ ՀՀ գլխավոր դատախազի տեղակալ Դ.Մելքոնյանի վճռաբեկ բողոքը վարույթ ընդունելու հարցը, Պ Ա Ր Զ Ե Ց Նախաքննության մարմնի` 2015 թվականի օգոստոսի 13-ի որոշմամբ Ժորա Դավթի Գասպարյանը ներգրավվել է որպես մեղադրյալ, և նրան մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով։ Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի` 2016 թվականի օգոստոսի 23-ի դատավճռով Ժ.Գասպարյանը մեղավոր է ճանաչվել ՀՀ քրեական օրենսգրքի 258-րդ հոդվածի 3-րդ մասի 1-ին կետով և նրա նկատմամբ պատիժ է նշանակվել տուգանք` նվազագույն աշխատավարձի հինգհարյուրապատիկի` 500.000 (հինգ հարյուր հազար) ՀՀ դրամի չափով։ Մեղադրողի վերաքննիչ բողոքի քննության արդյունքում ՀՀ վերաքննիչ քրեական դատարանը 2017 թվականի փետրվարի 22-ի որոշմամբ վերաքննիչ բողոքը մերժել է` Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի` 2016 թվականի օգոստոսի 23-ի դատավճիռը թողնելով օրինական ուժի մեջ։ Վերոհիշյալ որոշման դեմ վճռաբեկ բողոք է բերել ՀՀ գլխավոր դատախազի տեղակալ Դ.Մելքոնյանը` խնդրելով ամբողջությամբ բեկանել Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի` 2016 թվականի օգոստոսի 23-ի դատավճիռը և այն օրինական ուժի մեջ թողնելու մասին ՀՀ վերաքննիչ քրեական դատարանի՝ 2017 թվականի փետրվարի 22-ի որոշումն ու գործն ուղարկել ստորադաս դատարան` նոր քննության։ Միաժամանակ բողոք բերած անձը միջնորդել է հարգելի համարել վճռաբեկ բողոք բերելու համար սահմանված ժամկետի բացթողումը և այն վերականգնել։ Որպես բաց թողնված ժամկետը վերականգնելու միջնորդության հիմնավորում բողոքի հեղինակը կցել է ՀՀ վերաքննիչ քրեական դատարանի` 2017 թվականի փետրվարի 22-ի որոշումը օրենքով սահմանված ժամկետից ուշ` 2017 թվականի մարտի 29-ին ստացված լինելու փաստը հաստատող ապացույց։ Հիմք ընդունելով ՀՀ սահմանադրական դատարանի՝ 2012 թվականի հոկտեմբերի 16-ի թիվ ՍԴՈ-1052, 2012 թվականի դեկտեմբերի 18-ի թիվ ՍԴՈ-1062, 2015 թվականի դեկտեմբերի 22-ի թիվ ՍԴՈ-1249 և 2016 թվականի ապրիլի 26-ի թիվ ՍԴՈ-1268 որոշումներում արտահայտված իրավական դիրքորոշումները՝ Վճռաբեկ դատարանը գտնում է, որ վճռաբեկ բողոք բերելու բաց թողնված ժամկետը հարգելի համարելու և այն վերականգնելու մասին ՀՀ գլխավոր դատախազի տեղակալ Դ.Մելքոնյանի միջնորդությունը պետք է բավարարել։ Բողոք բերած անձը փաստարկել է, որ բողոքը պետք է վարույթ ընդունվի, քանի որ առկա են ՀՀ քրեական դատավարության օրենսգրքի 414.2-րդ հոդվածի 1-ին մասի 1-ին և 2-րդ կետերով սահմանված հիմքերը, այն է` բողոքում բարձրացված հարցի վերաբերյալ Վճռաբեկ դատարանի որոշումը կարող է էական նշանակություն ունենալ օրենքի միատեսակ կիրառության համար, և առերևույթ թույլ է տրվել դատական սխալ, որը կարող էր ազդել գործի ելքի վրա։ Բողոքաբերի պնդմամբ՝ բողոքում բարձրացված հարցի վերաբերյալ Վճռաբեկ դատարանի որոշումը կարող է էական նշանակություն ունենալ օրենքի միատեսակ կիրառության համար, քանի որ տարբեր գործերով ստորադաս դատարանների առնվազն երկու դատական ակտում միևնույն նորմը կիրառվել է իրար հակասող մեկնաբանությամբ։ Բողոքաբերը վկայակոչել է Տավուշի մարզի ընդհանուր իրավասության առաջին ատյանի դատարանի` 2015 թվականի ապրիլի 7-ի թիվ ՏԴ/0085/01/14 դատական ակտը։ Բացի այդ, ըստ բողոքաբերի, բողոքարկվող դատական ակտի կապակցությամբ առկա է իրավունքի զարգացման խնդիր։ Բողոքի հեղինակը նշել է նաև, որ ստորադաս դատարանների կողմից սխալ են կիրառվել ՀՀ քրեական օրենսգրքի 258-րդ հոդվածի, «Իրավական ակտերի մասին» ՀՀ օրենքի 24-րդ, 45-րդ և 86-րդ հոդվածների պահանջները։ Բողոքաբերի փաստարկների, սույն գործի նյութերի և բողոքարկվող դատական ակտի պատճառաբանությունների համադրված վերլուծության արդյունքում Վճռաբեկ դատարանը գտնում է, որ բողոքաբերի կողմից չի հիմնավորվել, որ բողոքում բարձրացված հարցի վերաբերյալ Վճռաբեկ դատարանի որոշումը կարող է էական նշանակություն ունենալ օրենքի միատեսակ կիրառության համար, և որ առերևույթ թույլ է տրվել դատական սխալ, որը կարող էր ազդել գործի ելքի վրա։ Հետևաբար, բերված բողոքում ՀՀ քրեական դատավարության օրենսգրքի 414.2-րդ հոդվածի 1-ին մասի 1-ին և 2-րդ կետերով նախատեսված հիմքերը հիմնավորված չեն։ ՀՀ քրեական դատավարության օրենսգրքի 414.3-րդ հոդվածի 1-ին մասի համաձայն` վճռաբեկ բողոքը վարույթ ընդունելը մերժվում է, եթե բացակայում են նույն օրենսգրքի 414.1-ին հոդվածի 1-ին և 2-րդ մասերով և 414.2-րդ հոդվածի 1-ին մասով նախատեսված հիմքերը, ուստի ներկայացված բողոքը վարույթ ընդունելը ենթակա է մերժման։ Հաշվի առնելով վերոշարադրյալ հիմնավորումները և ղեկավարվելով ՀՀ քրեական դատավարության օրենսգրքի 414.3-րդ հոդվածով` Վճռաբեկ դատարանը Ո Ր Ո Շ Ե Ց 1. Վճռաբեկ բողոք բերելու բաց թողնված ժամկետը վերականգնել։ 2. Ամբաստանյալ Ժորա Դավթի Գասպարյանի վերաբերյալ ՀՀ վերաքննիչ քրեական դատարանի` 2017 թվականի փետրվարի 22-ի որոշման դեմ ՀՀ գլխավոր դատախազի տեղակալ Դ.Մելքոնյանի վճռաբեկ բողոքը վարույթ ընդունելը մերժել։ 3. Որոշումն օրինական ուժի մեջ է մտնում կայացման պահից, վերջնական է և ենթակա չէ բողոքարկման։ Նախագահող՝ Ս.ԱՎԵՏԻՍՅԱՆ Դատավորներ` Լ.ԹԱԴԵՎՈՍՅԱՆ Ե.ԴԱՆԻԵԼՅԱՆ Ա.ՊՈՂՈՍՅԱՆ Ս.ՕՀԱՆՅԱՆ |
| Դատավոր | |
| Անուն | Լիլիթ |
| Ազգանուն | Թադևոսյան |
| Որոշումը ուղարկվել է կողմերին | 30-06-2017 |
Գործի առաքում
| Գործի առաքման ամսաթիվ | 06-07-2017 |
|---|---|
| Դատարան | Արաբկիր Քանաքեռ-Զեյթուն |
| Այլ նշումներ | 5 հատոր` 300, 254, 267, 149, 127 թերթ: |