Գործ No ԵԱՔԴ/0222/01/15

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՙ03՚ մարտի 2016թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը,

նախագահությամբ` դատավոր Արթուր Մկրտչյանի
քարտուղարությամբ` Շուշան Վանոյանի
Միլենա Սարգսյանի
մասնակցությամբ`
մեղադրող Վաղարշակ Մկրտչյանի
պաշտպաններ Սեդա Ծառուկյանի
Աննա Վարդանյանի

դատարանում, դռնբաց դատական նիստում, դատական քննության արագացված կարգով, քննեց քրեական գործն ըստ մեղադրանքի
Ռուբեն Սուրենի Հովհաննիսյանի /ծնված 1986 թվականի հուլիսի 03-ին` Երևան քաղաքում, ազգությամբ հայ, ՀՀ քաղաքացի, թերի բարձրագույն կրթությամբ, չամուսնացած, նախկինում չդատված, չի աշխատում, հաշվառված` ք.Երևան, Շիրակի 12 նրբանցք, 3 շենք, 4 բնակարան, փաստացի բնակվող` ք.Երևան, Որմնադիրների 1 փողոց, 46 տուն, խափանման միջոց է կիրառվել ստորագրություն` չհեռանալու մասին/ մեղադրվում է ՀՀ քրեական օրենսգրքի 325-րդ հոդվածի 1-ին մասով:

Օսան Հրաչի Առուստամյանի /ծնված 1995 թվականի հուլիսի 02-ին` Էջմիածին քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում չդատված, չի աշխատում, հաշվառված և փաստացի բնակվող` Արմավիրի մարզ, ք.Էջմիածին, Մ.Խորենացու 1 շենք, 35 բնակարան, խափանման միջոց է կիրառվել ստորագրություն` չհեռանալու մասին/ մեղադրվում է ՀՀ քրեական օրենսգրքի 325-րդ հոդվածի 1-ին մասով:

Արմենակ Գեննադիի Գազարյանի /ծնված 1996 թվականի սեպտեմբերի 30-ին` Էջմիածին քաղաքում, ազգությամբ հայ, ՀՀ քաղաքացի, ութամյա կրթությամբ, չամուսնացած, նախկինում չդատված, չի աշխատում, հաշվառված և փաստացի բնակվող` Արմավիրի մարզ, ք.Էջմիածին, Մ.Խորենացու 1 շենք, 7 բնակարան, խափանման միջոց է կիրառվել ստորագրություն` չհեռանալու մասին/ մեղադրվում է ՀՀ քրեական օրենսգրքի 325-րդ հոդվածի 1-ին մասով:

Գրիգոր Գեննադիի Գազարյանի /ծնված 1995 թվականի օգոստոսի 24-ին` Էջմիածին քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում չդատված, չի աշխատում, հաշվառված և փաստացի բնակվող` Արմավիրի մարզ, ք.Էջմիածին, Մ.Խորենացու 1 շենք, 7 բնակարան, խափանման միջոց է կիրառվել ստորագրություն` չհեռանալու մասին/ մեղադրվում է ՀՀ քրեական օրենսգրքի 325-րդ հոդվածի 1-ին մասով:

Գրիգորի Ալեքսանդրի Մկրտիչյանի /ծնված 1973 թվականի օգոստոսի 17-ին` Բաքու քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնալուծված, դատվածություն չունեցող, չի աշխատում, բնակվող` ք.Երևան, Արցախի փողոց, 4-րդ նրբանցք, 10-րդ շենք, 322 բնակարան, խափանման միջոց է կիրառվել ստորագրություն` չհեռանալու մասին/ մեղադրվում է ՀՀ քրեական օրենսգրքի 325-րդ հոդվածի 1-ին մասով:

Գործի դատավարական նախապատմությունը
2015 թվականի հուլիսի 23-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնում ՀՀ քրեական օրենսգրքի 325-րդ հոդվածի 1-ին մասով հարուցվել է թիվ 15131315 քրեական գործը:
2015 թվականի նոյեմբերի 24-ին Գրիգոր Գազարյանի, Արմենակ Գազարյանի և Ռուբեն Հովհաննիսյանի նկատմամբ որպես խափանման միջոց է կիրառվել ստորագրությունª չհեռանալու մասին:
2015 թվականի նոյեմբերի 26-ին Օսան Առուստամյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 325-րդ հոդվածի 1-ին մասով և նրա նկատմամբ որպես խափանման միջոց է կիրառվել ստորագրությունª չհեռանալու մասին:
2015 թվականի նոյեմբերի 26-ին Արմենակ Գազարյանը և Ռուբեն Հովհաննիսյանը ներգրավվել են որպես մեղադրյալ և նրանց մեղադրանք է առաջադրվել ՀՀ քրեական օրենսգրքի 325-րդ հոդվածի 1-ին մասով:
2015 թվականի նոյեմբերի 26-ին Գրիգոր Գազարյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 325-րդ հոդվածի 1-ին մասով:
2015 թվականի նոյեմբերի 27-ին թիվ 15131315 քրեական գործից մաս է անջատվել, շնորհվել է թիվ 14823815 համարը և առանձնացվել առանձին վարույթում:
2015 թվականի դեկտեմբերի 04-ին թիվ 15131315 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
2015 թվականիի դեկտեմբերի 08-ին Գրիգորի Մկրտիչյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 325-րդ հոդվածի 1-ին մասով, նրա նկատմամբ որպես խափանման միջոց է կիրառվել ստորագրությունª չհեռանալու մասին, հայտարարվել է հետախուզում և թիվ 14823815 քրեական գործի վարույթը կասեցվել է:
2015 թվականի դեկտեմբերի 12-ին Գրիգոի Մկրտիչյանը հայտնաբերվել է և թիվ 14823815 քրեական գործի կասեցված վարույթը վերսկսվել է:
2015 թվականի դեկտեմբերի 16-ին թիվ 14823815 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
2016 թվականի փետրվարի 09-ին դատարանի որոշմամբ Գրիգորի Մկրտիչյանի վերաբերյալ թիվ ԵԱՔԴ/0230/0115 քրեական գործը միացվել է Ռուբեն Հովհաննիսյանի, Օսան Առուստամյանի, Արմենակ Գազարյանի և Գրիգոր Գազարյանի վերաբերյալ թիվ ԵԱՔԴ/0222/01/15 քրեական գործին:
Գործի փաստական հանգամանքները
Նախաքննության մարմինն ամբաստանյալ Ռուբեն Հովհաննիսյանին ՀՀ քրեական օրենսգրքի 325-րդ հոդվածի 1-ին մասով մեղադրանք է առաջադրել, որ ՙ2015 թվականի հունվարի 24-ին ՙՄերինդա՚ ՍՊԸ-ի տնօրեն Գրիգորի Մկրտիչյանից ձեռք է բերել Գրիգոր Գեննադիի Գազարյանի և Արմենակ Գեննադիի Գազարյանի անվամբ իրականությանը չհամապատասխանող իրավունք վերապահող պաշտոնական երկու կեղծ փաստաթուղթ` աշխատանքի վերաբերյալ տեղեկանք, համաձայն որոնց` Գրիգոր Գազարյանը աշխատում է ՙՄերինդա՚ ՍՊԸ-ում որպես մատուցող, իսկ Արմենակ Գազարյանը նույն ՍՊԸ-ում որպես բարմեն և նրանց աշխատավարձը կազմում է 150.000 ՀՀ դրամ, որից հետո` նույն օրը նշված երկու կեղծ փաստաթղթերը Երևան քաղաքի Կոմիտաս 8 հասցեում գտնվող ՙՕրանժ Արմենիա՚ մասնաճյուղի մոտ իրացրել է` հանձնել է Օսան Առուստամյանին, որոնց հիման վրա Գրիգոր և Արմենակ Գազարյաններին իրավունք է վերապահվել ՙՕրանժ Արմենիա՚ ընկերության բաժանորդների սպասարկման կենտրոնից ապառիկ կարգով ձեռք բերել 50.000 ՀՀ դրամ արժողությամբ 2 հատ ՙԱլկատել՚ և ՙՍամսունգ՚ մոդելի բջջային հեռախոսներ՚:

Ամբաստանյալ Օսան Առուստամյանին ՀՀ քրեական օրենսգրքի 325-րդ հոդվածի 1-ին մասով մեղադրանք է առաջադրվել, որ ՙ2015 թվականի հունվարի 24-ին Ռուբեն Սուրենի Հովհաննիսյանին տրամադրելով Գրիգոր Գազարյանի և Արմենակ Գազարյանի տվյալները ձեռք է բերել վերջիններիս անվամբ իրականությանը չհամապատասխանող իրավունք վերապահող պաշտոնական երկու կեղծ փաստաթուղթ` աշխատանքի վերաբերյալ տեղեկանք, համաձայն որոնց` Գրիգոր Գազարյանը աշխատում է ՙՄերինդա՚ ՍՊԸ-ում որպես մատուցող, իսկ Արմենակ Գազարյանը նույն ՍՊԸ-ում որպես բարմեն և նրանց աշխատավարձը կազմում է 150.000 ՀՀ դրամ, որից հետո` նույն օրը նշված երկու կեղծ փաստաթղթերը Երևան քաղաքի Կոմիտաս 8 հասցեում գտնվող ՙՕրանժ Արմենիա՚ մասնաճյուղի մոտ իրացրել է` հանձնել է Գրիգոր և Արմենակ Գազարյաններին, որոնց հիման վրա վերջիներիս իրավունք է վերապահվել ՙՕրանժ Արմենիա՚ ընկերության բաժանորդների սպասարկման կենտրոնից ապառիկ կարգով ձեռք բերել 50.000 ՀՀ դրամ արժողությամբ 2 հատ ՙԱլկատել՚ և ՙՍամսունգ՚ մոդելի բջջային հեռախոսներ՚:

Ամբաստանյալ Արմենակ Գազարյանին ՀՀ քրեական օրենսգրքի 325-րդ հոդվածի 1-ին մասով մեղադրանք է առաջադրվել, որ ՙ2015 թվականի հունվարի 24-ին Երևան քաղաքի Կոմիտաս 8 հասցեում գտնվող ՙՕրանժ Արմենիա՚ ՓԲԸ-ում Օսան Հրաչի Առուստամյանից ձեռք է բերել իրականությանը չհամապատասխանող իրավունք վերապահող պաշտոնական կեղծ փաստաթուղթ` աշխատանքի վերաբերյալ տեղեկանք, համաձայն որի` աշխատում է ՙՄերինդա՚ ՍՊԸ-ում որպես բարմեն, աշխատավարձը կազմում է 150.000 ՀՀ դրամ և նույն օրը դիտավորությամբ օգտագործել է իր համար ակնհայտ կեղծ փաստաթուղթը` ներկայացնելով ՙՕրանժ Արմենիա՚ ընկերության բաժանորդների սպասարկման կենտրոն, որով վերջինիս իրավունք է վերապահվել ապառիկ կարգով ձեռք բերել 50.000 ՀՀ դրամ արժողությամբ ՙԱլկատել՚ մոդելի բջջային հեռախոս՚:

Ամբաստանյալ Գրիգոր Գազարյանին ՀՀ քրեական օրենսգրքի 325-րդ հոդվածի 1-ին մասով մեղադրանք է առաջադրվել, որ ՙ2015 թվականի հունվարի 24-ին Երևան քաղաքի Կոմիտաս 8 հասցեում գտնվող ՙՕրանժ Արմենիա՚ ՓԲԸ-ում Օսան Հրաչի Առուստամյանից ձեռք է բերել իրականությանը չհամապատասխանող իրավունք վերապահող պաշտոնական կեղծ փաստաթուղթ` աշխատանքի վերաբերյալ տեղեկանք, համաձայն որի` աշխատում է ՙՄերինդա՚ ՍՊԸ-ում որպես բարմեն, աշխատավարձը կազմում է 150.000 ՀՀ դրամ և նույն օրը դիտավորությամբ օգտագործել է իր համար ակնհայտ կեղծ փաստաթուղթը` ներկայացնելով ՙՕրանժ Արմենիա՚ ընկերության բաժանորդների սպասարկման կենտրոն, որով վերջինիս իրավունք է վերապահվել ապառիկ կարգով ձեռք բերել 50.000 ՀՀ դրամ արժողությամբ ՙՍամսունգ՚ մոդելի բջջային հեռախոս՚:

Ամբաստանյալ Գրիգորի Մկրտիչյանին ՀՀ քրեական օրենսգրքի 325-րդ հոդվածի 1-ին մասով մեղադրանք է առաջադրվել, որ ՙնա հանդիսանալով ՙՄերինդա՚ ՍՊԸ-ի տնօրեն 2015 թվականի հունվարի 24-ին պատրաստել է Գրիգոր Գեննադիի Գազարյանի և Արմենակ Գեննադիի Գազարյանի անվամբ իրականությանը չհամապատասխանող իրավունք վերապահող պաշտոնական երկու կեղծ փաստաթուղթ` աշխատանքի վերաբերյալ տեղեկանք, համաձայն որոնց` Գրիգոր Գազարյանը աշխատում է ՙՄերինդա՚ ՍՊԸ-ում որպես մատուցող, իսկ Արմենակ Գազարյանը նույն ՍՊԸ-ում որպես բարմեն և նրանց աշխատավարձը կազմում է 150.000 ՀՀ դրամ, ստորագրել և ՙՄերինդա՚ ՍՊԸ-ի կնիքով կնիքել դրանք, որից հետո` նույն օրը նշված երկու կեղծ փաստաթղթերը Ռուբեն Հովհաննիսյանի միջոցով իրացրել է` հանձնել է Գրիգոր և Արմենակ Գազարյաններին, որոնց հիման վրա վերջիններիս իրավունք է վերապահվել Երևան քաղաքի Կոմիտաս 8 հասցեում գտնվող ՙՕրանժ Արմենիա՚ մասնաճյուղից ապառիկ կարգով ձեռք բերել 50.000 ՀՀ դրամ արժողությամբ 2 հատ ՙԱլկատել՚ և ՙՍամսունգ՚ մոդելի բջջային հեռախոսներ՚:

Արագացված դատական քննություն
Մինչև դատաքննությունն սկսելն ամբաստանյալներ Ռուբեն Հովհաննիսյանը, Օսան Առուստամյանը, Արմենակ Գազարյանը, Գրիգոր Գազարյանը և Գրիգորի Մկրտիչյանը միջնորդել են դատական քննությունն անցկացնել արագացված կարգով և հայտարարել, որ մեղադրանքը պարզ է, համաձայն են առաջադրված մեղադրանքին, գիտակցում են արագացված կարգով դատական քննություն անցկացնելու հետևանքները, միջնորդությունը ներկայացրել են կամավոր` պաշտպանների հետ խորհրդակցելուց հետո:
Միջնորդությունը հաստատել են նաև ամբաստանյալների պաշտպաններ Աննա Վարդանյանը և Սեդա Ծառուկյանը:
Մեղադրող Վաղարշակ Մկրտչյանը դատական քննության արագացված կարգ կիրառելուն չի առարկել:
Դատարանը, համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալներ Գրիգորի Մկրտիչյանի, Ռուբեն Հովհաննիսյանի և Օսան Առուստամյանի մեղավորությունը իրավունք վերապահող փաստաթուղթ կեղծելու և իրացնելու, Գրիգոր Գազարյանի և Արմենակ Գազարյանի կողմից այն օգտագործելու մեջ, որը նախատեսված է ՀՀ քրեական օրենսգրքի 325-րդ հոդվածի 1-ին մասով, ապացուցված է, արարքները ճիշտ են որակվել:
Վերոհիշյալ հանցանքի կատարման համար ամբաստանյալները ենթակա են քրեական պատասխանատվության և պատժի, որը նրանք պետք է կրեն:
ՀՀ քրեական օրենսգրքի 10-րդ հոդվածի համաձայնª ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացիª համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 1-ին մասի համաձայնª ՙպատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից ու ազատություններից օրենքով նախատեսված զրկմամբ կամ դրանց սահմանափակմամբ՚:
ՀՀ քրեական օրենսգրքի 48-րդ հոդվածի 2-րդ մասի համաձայնª ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածի 1-ին մասի համաձայն` ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները՚:
ՀՀ քրեական օրենսգրքի 61-րդ հոդվածի 2-րդ մասի համաձայնª ՙՊատժի տեսակը և չափը որոշվում է հանցագործությանª հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվումª պատասխանատվությունը և պատիժը մեղմացնող կամ ծանրացնող հանգամանքներով՚:
ՀՀ Վճռաբեկ դատարանը 2012թ. նոյեմբերի 1-ին Սերոբ Սարգսյանի վերաբերյալ թիվ ՍԴ/0109/01/12 գործով արտահայտել է հետևյալ իրավական դիրքորոշումը. ՙ(…) պատիժ նշանակելու ընդհանուր սկզբունքները քրեական օրենքով նախատեսված այն հիմնադրույթներն են, որոնցով պետք է ղեկավարվի դատարանը պատիժ նշանակելիս: Այդ սկզբունքներն են`
ա) օրինականությունը,
բ) արդարությունը,
գ) պատժի անհատականացումը,
դ) մարդասիրությունը:
Պատիժ նշանակելու վերոնշյալ սկզբունքները սահմանում են այն հիմնական դրույթները, որոնցով ղեկավարվում է դատարանը յուրաքանչյուր քրեական գործով պատժի տեսակն ու չափն ընտրելիս:
(…) պատժի նշանակման իրավական շրջանակները սահմանված են ՀՀ քրեական օրենսգրքով: Դրա հետ մեկտեղ, սակայն, վերոնշյալ օրենքը դատարանին հնարավորություն է տվել որոշակի սկզբունքների (…) պահպանմամբ, իր ներքին համոզմանը և իրավագիտակցությանը համապատասխան, ՀՀ քրեական օրենսգրքի Ընդհանուր և Հատուկ մասերով նախատեսված սահմաններում որոշել պատժի տեսակն ու չափը: Այլ կերպ՝ ուրվագծելով կոնկրետ հանցանքի համար նշանակման ենթակա պատժի առավելագույն և նվազագույն սահմանները՝ ՀՀ քրեական օրենքը դատարանին տվել է այդ շրջանակում հայեցողություն դրսևորելու հնարավորություն:
Վճռաբեկ դատարանը գտել է, որ ՀՀ քրեական օրենսգրքի Հատուկ մասի գրեթե բոլոր հոդվածների սանկցիաներում ամրագրված վերոնշյալ մոտեցումը պայմանավորված է այն տրամաբանությամբ, որ քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են: Ուստի կոնկրետ արարքի և անձի նկատմամբ համընդհանուր քրեական օրենքով նախատեսված սանկցիան կիրառելիս դատարանը պետք է որոշակի հայեցողություն դրսևորի:
Այսինքն` առանց դատարանի հայեցողության պատժի անհատականացումն անհնար է:
(…) Պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության աստիճանի ու բնույթի, հանցավորի անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների հայեցողական և ոչ երբեք կամային գնահատման ժամանակ դատարանը պետք է ելնի ՀՀ քրեական օրենսգրքի 48-րդ հոդվածով նախատեսված՝ պատժի նպատակների իրացումն ապահովելու անհրաժեշտությունից (տե°ս Նարեկ Գևորգի Սարգսյանի գործով Վճռաբեկ դատարանի 2011 թվականի դեկտեմբերի 22-ի թիվ ԵԿԴ/0042/01/11 որոշման 14-րդ, 22-23-րդ կետերը)՚:
ՀՀ քրեական դատավարության օրենսգրքի 3753-րդ հոդվածի 6-րդ կետի համաձայն` ՙԴատարանը արագացված կարգով դատական քննության արդյունքում մեղադրական դատավճիռ կայացնելիս նշանակում է պատիժ, որը չի կարող գերազանցել կատարված հանցագործության համար նախատեսված առավել խիստ պատժի երկու երրորդը (...)՚:
Պատասխանատվությունն ու պատիժը մեղմացնող և ծանրացնող հանգամանքների վերաբերյալ Վճռաբեկ դատարանն իրավական դիրքորոշում է արտահայտել Ա.Ավետիսյանի գործով որոշման մեջ` արձանագրելով, որ ՙ(...) պատասխանատվությունն ու պատիժը մեղմացնող և ծանրացնող հանգամանքները հնարավորություն են տալիս պատկերացում կազմել հանցագործության` հանրության համար վտանգավորության աստիճանի և բնույթի, հանցավորի անձնավորության մասին և յուրաքանչյուր կոնկրետ գործով անհատականացնել պատիժը: Պատիժը մեղմացնող և ծանրացնող հանգամանքների ցանկի վերլուծությունը ցույց է տալիս, որ քննարկվող հանգամանքները վերաբերում են ինչպես հանցագործությանը, այնպես էլ հանցավորի անձնավորությանը կամ միաժամանակ բնութագրում են հանցագործությունն ու հանցավորի անձնավորությունը: Այդ պատճառով էլ պատիժը մեղմացնող և ծանրացնող հանգամանքները պետք է դիտարկել որպես հանցակազմի սահմաններից դուրս հանգամանքներ, որոնք ուղղակի կամ անուղղակի վերաբերում են հանցագործությանը կամ հանցավորի անձնավորությանը, բարձրացնում կամ իջեցնում են հասարակական վտանգավորության աստիճանը և ազդում պատժի վրա: Դրանց գնահատմամբ է հնարավոր յուրաքանչյուր կոնկրետ գործով անհատական մոտեցում ցուցաբերել` ինչպես պատժի տեսակը և չափը որոշելիս, այնպես էլ այն կրելու նպատակահարմարության հարցը լուծելիս (...)՚ (տե°ս Անդրանիկ Մեսրոպի Ավետիսյանի գործով Վճռաբեկ դատարանի 2011 թվականի հուլիսի 13-ի թիվ ԵԱՆԴ/0091/01/09 որոշման 20-րդ կետը):

Վերոհիշյալ իրավադրույթների և ՀՀ վճռաբեկ դատարանի որոշումների համատեքստում ուսումնասիրելով ամբաստանյալների անձը բնութագրող տվյալները, պատասխանատվությունն ու պատիժը մեղմացնող հանգամանքները, ամբաստանյալներ Ռուբեն Հովհաննիսյանի, Օսան Առուստամյանի, Արմենակ Գազարյանի, Գրիգոր Գազարյանի և Գրիգորի Մկրտիչյանի նկատմամբ պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, դրա կատարման եղանակը, գործի կոնկրետ հանգամանքները, մեղքի ձևը և տեսակը, հանցագործության կատարման շարժառիթը և դրդապատճառները, հանցավորների անձը, հանցագործությունը կատարելուց հետո նրանց դրսևորած վարքագիծը:
Ամբաստանյալ Ռուբեն Հովհաննիսյանի անձը բնութագրող տվյալներ դատարանը հաշվի է առնում, որ նա նախկինում դատված չի եղել:
Ամբաստանյալի պատասխանատվությունն ու պատիժը մեղմացնող հանգամանքներ դատարանը հաշվի է առնում, որ նա ընդունել է մեղքը և անկեղծորեն զղջացել կատարած արարքի համար, դեպքի հանգամանքների վերաբերյալ տվել է խոստովանական ցուցմունքներ:

Ամբաստանյալ Օսան Առուստամյանի անձը բնութագրող տվյալներ դատարանը հաշվի է առնում, որ նա նախկինում դատված չի եղել:
Ամբաստանյալի պատասխանատվությունն ու պատիժը մեղմացնող հանգամանքներ դատարանը հաշվի է առնում, որ նա ընդունել է մեղքը և անկեղծորեն զղջացել կատարած արարքի համար, դեպքի հանգամանքների վերաբերյալ տվել է խոստովանական ցուցմունքներ:

Ամբաստանյալ Գրիգոր Գազարյանի անձը բնութագրող տվյալներ դատարանը հաշվի է առնում, որ նա նախկինում դատված չի եղել:
Ամբաստանյալի պատասխանատվությունն ու պատիժը մեղմացնող հանգամանքներ դատարանը հաշվի է առնում, որ նա ընդունել է մեղքը և անկեղծորեն զղջացել կատարած արարքի համար, դեպքի հանգամանքների վերաբերյալ տվել է խոստովանական ցուցմունքներ:

Ամբաստանյալ Արմենակ Գազարյանի անձը բնութագրող տվյալներ դատարանը հաշվի է առնում, որ նա նախկինում դատված չի եղել:
Ամբաստանյալի պատասխանատվությունն ու պատիժը մեղմացնող հանգամանքներ դատարանը հաշվի է առնում, որ նա ընդունել է մեղքը և անկեղծորեն զղջացել կատարած արարքի համար, դեպքի հանգամանքների վերաբերյալ տվել է խոստովանական ցուցմունքներ:

Ամբաստանյալ Գրիգորի Մկրտիչյանի անձը բնութագրող տվյալներ դատարանը հաշվի է առնում, որ նրա խնամքի տակ են գտնվում երեք մանկահասակ երեխաները:
Ամբաստանյալի պատասխանատվությունն ու պատիժը մեղմացնող հանգամանքներ դատարանը հաշվի է առնում, որ նա ընդունել է մեղքը և անկեղծորեն զղջացել կատարած արարքի համար, դեպքի հանգամանքների վերաբերյալ տվել է խոստովանական ցուցմունքներ:

Դատարանն ամբաստանյալների պատասխանատվությունը և պատիժը ծանրացնող հանգամանք չի արձանագրել:

ՀՀ վճռաբեկ դատարանը Կարեն Հարությունյանի վերաբերյալ գործով վերլուծելով ՀՀ քրեական օրենսգրքի Ընդհանուր մասի մի շարք դրույթներ, մասնավորապես` ՀՀ քրեական օրենսգրքի 10-րդ, 48-րդ և 61-րդ հոդվածները հանգել է այն հետևության, որ պատիժը համարվում է արդարացի, եթե դատարանը ճիշտ է գնահատում գործի բոլոր հանգամանքները, անձին բնութագրող բոլոր տվյալները և քրեական օրենքով նախատեսված պահանջներից ելնելով` հանցագործության մեջ մեղավոր անձի նկատմամբ նշանակում է այնպիսի պատիժ, որն անհրաժեշտ և բավարար է այդ անձին ուղղելու և նրա կողմից նոր հանցանքի կատարումը կանխելու համար (տե'ս ՀՀ վճռաբեկ դատարանի` Կարեն Հարությունյանի վերաբերյալ գործով 2007 թվականի նոյեմբերի 30-ի ՎԲ-201/07 որոշումը):
Հաշվի առնելով ամբաստանյալներ Ռուբեն Հովհաննիսյանի, Օսան Առուստամյանի, Արմենակ Գազարյանի, Գրիգոր Գազարյանի և Գրիգորի Մկրտիչյանի կատարած հանցագործության բնույթը և հանրության համար վտանգավորության աստիճանը, դրա կատարման եղանակը, հանցավոր մտադրության իրականացման աստիճանը, հանցագործությունը կատարելուց հետո նրանց դրսևորած վարքագիծը, խախտված հասարակական հարաբերության սոցիալական նշանակությունը և այդ ոլորտում պետության քրեական քաղաքականության ուղղվածությունը, դատարանը գտնում է, որ ամբաստանյալները ՀՀ քրեական օրենսգրքի 325-րդ հոդվածի 1-ին մասով նախատեսված հանցագործության կատարման համար ենթակա են պատժի տուգանքի ձևով:
Անդրադառնալով իրեղեն ապացույցների տնօրինման հարցին, դատարանը գտնում է, որ իրեղեն ապացույց ճանաչված ՙՕրանժ-Արմենիա՚ ՓԲԸ-ից առգրավված աշխատելու և աշխատավարձի վերաբերյալ երկու կեղծ փաստաթղթերը պետք է պահել քրեական գործի հետ միասին:
Քննարկելով խափանման միջոցի հարցը` դատարանը գտնում է, որ ամբաստանյալներ Ռուբեն Հովհաննիսյանի, Օսան Առուստամյանի, Արմենակ Գազարյանի, Գրիգոր Գազարյանի և Գրիգորի Մկրտիչյանի նկատմամբ կիրառված խափանման միջոցը` ստորագրություն` չհեռանալու մասին, պետք է վերացնել:

Ղեկավարվելով ՀՀ քրեական դատավարության օրենսգրքի 119-րդ, 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը`

ՎՃՌԵՑ

Ռուբեն Սուրենի Հովհաննիսյանին մեղավոր ճանաչել ՀՀ քրեական օրենսգրքի 325-րդ հոդվածի 1-ին մասով նախատեսված հանցագործության կատարման մեջ և նրա նկատմամբ պատիժ նշանակել տուգանք նվազագույն աշխատավարձի երկուհարյուրհիսնապատիկի` 250.000 /երկու հարյուր հիսուն հազար/ ՀՀ դրամի չափով:
Ռուբեն Հովհաննիսյանի նկատմամբ կիրառված խափանման միջոցը` ստորագրություն` չհեռանալու մասին, թողնել անփոփոխ` մինչև դատավճռի օրինական ուժի մեջ մտնելը:

Օսան Հրաչի Առուստամյանին մեղավոր ճանաչել ՀՀ քրեական օրենսգրքի 325-րդ հոդվածի 1-ին մասով նախատեսված հանցագործության կատարման մեջ և նրա նկատմամբ պատիժ նշանակել տուգանք նվազագույն աշխատավարձի երկուհարյուրապատիկի` 200.000 /երկու հարյուր հազար/ ՀՀ դրամի չափով:
Օսան Առուստամյանի նկատմամբ կիրառված խափանման միջոցը` ստորագրություն` չհեռանալու մասին, թողնել անփոփոխ` մինչև դատավճռի օրինական ուժի մեջ մտնելը:

Արմենակ Գեննադիի Գազարյանին մեղավոր ճանաչել ՀՀ քրեական օրենսգրքի 325-րդ հոդվածի 1-ին մասով նախատեսված հանցագործության կատարման մեջ և նրա նկատմամբ պատիժ նշանակել տուգանք նվազագույն աշխատավարձի երկուհարյուրապատիկի` 200.000 /երկու հարյուր հազար/ ՀՀ դրամի չափով:
Արմենակ Գազարյանի նկատմամբ կիրառված խափանման միջոցը` ստորագրություն` չհեռանալու մասին, թողնել անփոփոխ` մինչև դատավճռի օրինական ուժի մեջ մտնելը:

Գրիգոր Գեննադիի Գազարյանին մեղավոր ճանաչել ՀՀ քրեական օրենսգրքի 325-րդ հոդվածի 1-ին մասով նախատեսված հանցագործության կատարման մեջ և նրա նկատմամբ պատիժ նշանակել տուգանք նվազագույն աշխատավարձի երկուհարյուրապատիկի` 200.000 /երկու հարյուր հազար/ ՀՀ դրամի չափով:
Գրիգոր Գազարյանի նկատմամբ կիրառված խափանման միջոցը` ստորագրություն` չհեռանալու մասին, թողնել անփոփոխ` մինչև դատավճռի օրինական ուժի մեջ մտնելը:

Գրիգորի Ալեքսանդրի Մկրտիչյանին մեղավոր ճանաչել ՀՀ քրեական օրենսգրքի 325-րդ հոդվածի 1-ին մասով նախատեսված հանցագործության կատարման մեջ և նրա նկատմամբ պատիժ նշանակել տուգանք նվազագույն աշխատավարձի երկուհարյուրհիսնապատիկի` 250.000 /երկու հարյուր հիսուն հազար/ ՀՀ դրամի չափով:
Գրիգորի Մկրտիչյանի նկատմամբ կիրառված խափանման միջոցը` ստորագրություն` չհեռանալու մասին, թողնել անփոփոխ` մինչև դատավճռի օրինական ուժի մեջ մտնելը:

Իրեղեն ապացույց ճանաչված ՙՕրանժ-Արմենիա՚ ՓԲԸ-ից առգրավված աշխատելու և աշխատավարձի վերաբերյալ երկու կեղծ փաստաթղթերը պահել քրեական գործի հետ միասին:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո` մեկամսյա ժամկետում:




ԴԱՏԱՎՈՐ Ա.ՄԿՐՏՉՅԱՆ