ԵԱՔԴ/0216/01/15
ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԵՐԵՎԱՆ ՔԱՂԱՔԻ ԱՐԱԲԿԻՐ ԵՎ ՔԱՆԱՔԵՌ-ԶԵՅԹՈՒՆ ՎԱՐՉԱԿԱՆ ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ

Նախագահությամբ` դատավոր Դ. Գրիգորյան
քարտուղարությամբ` Հ.Դաջունցի,
Գ.Վարդանյանի
Մասնակցությամբ`
մեղադրող` Ն.Աշրաֆյանի
պաշտպան՝ Ա.Խաչատրյանի
տուժող` Ս.Ռուբենյանի

Դռնբաց դատական նիստում 2016 թվականի հոկտեմբերի 4-ին Երևան քաղաքում քննեց քրեական գործն ըստ մեղադրանքի Վահագն Վլադիմիրի Սահակյանի, ծնված 1974 թվականի մարտի 10-ին, Երևան քաղաքում, ազգությամբ հայ, ՌԴ քաղաքացի, չի աշխատում, նախկինում չդատված, ամուսնացած, խնամքին մեկ անչափահաս երեխա, հաշվառված է Երևան քաղաքի Կոմիտաս 46 շենքի 50-րդ բնակարանում:
Սույն գործով կալանքի տակ է եղել 2015 թվականի նոյեմբերի 11-ից մինչև 2015 թվականի նոյեմբերի 14-ը: Կալանքի տակ է 2015 թվականի դեկտեմբերի 2-ից:
Մեղադրվում է ՀՀ քրեական օրենսգրքի 112-րդ հոդվածի 1-ին մասով, իրեն մեղավոր է ճանաչել:

1. Գործի դատավարական նախապատմությունը.

Արաբկիր քննչական բաժնի ավագ քննիչ Ն.Հովհաննիսյանի 2015թ. նոյեմբերի 11-ի որոշմամբ ՀՀ քրեական օրենսգրքի 112-րդ հոդվածի 1-ին մասի հատկանիշներով հարուցվել և վարույթ է ընդունվել թիվ 14820115 քրեական գործը:
Նախաքննության մարմնի կողմից ամբաստանյալ Վահագն Վլադիմիրի Սահակյանին 2015թ. նոյեմբերի 14-ին մեղադրանք է առաջադրվել ՀՀ քրեական օրենսգրքի 112-րդ հոդվածի 1-ին մասով:
Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2015 նոյեմբերի 14-ի որոշմամբ Վահագն Վլադիմիրի Սահակյանի նկատմամբ երկու ամիս ժամկետով որպես խափանման միջոց է ընտրվել կալանավորումը, որի սկիզբը հաշվել է 2015 թվականի նոյեմբերի 11-ից: Նույն Դատարանի կողմից թույլատրելի է ճանաչվել կալանավորման այլընտրանքային խափանման միջոց գրավի կիրառումը` գրավի գումարի չափ սահմանելով 2.000.000 ՀՀ դրամ և նույն օրը Վ.Սահակյանն ազատ է արձակվել:
Նախաքննության ընթացքում 2015թ. նոյեմբերի 30-ին Վահագն Վլադիմիրի Սահակյանին առաջադրված մեղադրանքը փոփոխվել և մեղադրանք է առաջադրվել ՀՀ քրեական օրենսգրքի 112-րդ հոդվածի 1-ին մասով այն բանի համար, որ նա 2015 թվականի նոյեմբերի 11-ին, ժամը 19:00-ի սահմաններում, Երևան քաղաքի Կոմիտաս 46 շենքի բակում, ալկոհոլային հարբածության վիճակում կենցաղային հարցերի շուրջ վիճաբանել է նշված շենքի բնակիչ Լևոն Արթուրի Շահումյանի և վերջինիս ընկեր` Սերգե Անդրանիկի Ռուբենյանի հետ, որի ժամանակ նույն շենքի բակում կայանված իր <BMW> մակնիշի ավտոմեքենայի սրահից դանակը վերցնելով հարվածներ է հասցրել Սերգե Անդրանիկի Ռուբենյանին՝ դիտավորությամբ վերջինիս առողջությանը պատճառելով կյանքին վտանգ սպառնացող ծանր վնաս` կրծքավանդակի ձախ կեսի միջին անութային գծով ծակած-կտրած թափանցող և կրծքավանդակի ձախ կեսի հետին անութային գծով ծակած-կտրած չթափանցող վերքերի ձևով:
ՀՀ Վերաքննիչ քրեական դատարանի 2015 դեկտեմբերի 2-ի որոշմամբ Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի 2015թ. նոյեմբերի 14-ի որոշումը` Վահագն Վլադիմիրի Սահակյանի նկատմամբ որպես այլընտրանքային խափանման միջոց գրավի կիրառումը թույլատրելի ճանաչելու վերաբերյալ բեկանվել է՝ Վահագն Վլադիմիրի Սահակյանի նկատմամբ ընտրված խափանման միջոց կալանավորումը թողնվել է անփոփոխ, իսկ նրա նկատմամբ այլընտրանքային խափանման միջոց` գրավի կիրառումը ճանաչվել է անթույլատրելի և Վահագն Վլադիմիրի Սահակյանը կալանքի է վերցվել դատական նիստերի դահլիճում, վերջինիս կալանքի տակ գտնվելու ժամկետի մեջ հաշվակցվել է 2015 թվականի նոյեմբերի 11-ից 2015 թվականի նոյեմբերի 14-ը արգելանքի տակ գտնվելու ժամանակը:
2015 թվականի դեկտեմբերի 12-ին Վահագ Վլադիմիրի Սահակյանի վերաբերյալ թիվ 14820115 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան, որտեղ քրեական գործին շնորհվել է թիվ ԵԱՔԴ/0216/01/15 համարը:

1. Ապացույցների հետազոտում և գնահատում.

Դատաքննությամբ հետազոտված ապացույցների գնահատման արդյունքներով Դատարանը հաստատ¬ված համարեց այն, որ ամբաստանյալ Վահագն Վլադիմիրի Սահակյանը դիտավորությամբ տուժող Սերգե Անդրանիկի Ռուբենյանի առողջությանը պատճառել է ծանր վնաս, որպիսի գործողությունն արտահայտվել է հետևյալում.
2015 թվականի նոյեմբերի 11-ին, ժամը 19:00-ի սահմաններում, Երևան քաղաքի Կոմիտաս 46 շենքի բակում, Վահագն Վլադիմիրի Սահակյանն ալկոհոլային հարբածության վիճակում կենցաղային հարցերի շուրջ վիճաբանել է նշված շենքի բնակիչ Լևոն Արթուրի Շահումյանի և վերջինիս ընկեր` Սերգե Անդրանիկի Ռուբենյանի հետ, որի ժամանակ նույն շենքի բակում կայանված իր <BMW> մակնիշի ավտոմեքենայի սրահից վերցնելով դանակ՝ հարվածներ է հասցրել Սերգե Անդրանիկի Ռուբենյանին՝ դիտավորությամբ վերջինիս առողջությանը պատճառելով կյանքին վտանգ սպառնացող ծանր վնաս` կրծքավանդակի ձախ կեսի միջին անութային գծով ծակած-կտրած թափանցող և կրծքավանդակի ձախ կեսի հետին անութային գծով ծակած-կտրած չթափանցող վերքերի ձևով:
Ամբաստանյալ Վահագն Վլադիմիրի Սահակյանը դատական քննության ընթացքում ՀՀ քրեական օրենսգրքի 112-րդ հոդվածի 1-ին մասով առաջադրված մեղադրանքում իրեն մեղավոր ճանաչեց և առաջադրված մեղադրանքի շուրջ հարցաքննվելիս ցուցմունք տալով հայտնեց, որ դեպքի նախորդ օրը հորդորել էր Լ.Շահումյանին պոկել վերջինիս պատկանող ավտոմեքենայի ապակիների մգեցված ժապավենները: Հետագայում տեսնելով, որ Լ.Շահումյանը միայն դիմապակու վրայից է պոկել ժապավենները, հարցրել է, թե ինչու նա կողային ապակիների վրայից էլ չի պոկել մգեցված ժապավենները, քանի որ դրա համար էլ կարող է տուգանվել ՀՀ ոստիկանության ՃՈ աշխատակիցների կողմից: Դրանից հետո գնացել և մեքենայից դանակ է բերել՝ Լ.Շահումյանին տրամադրելու և վերջինիս կողմից ավտոմեքենայի կողային ապակիների մգեցված ժապավենները դանակով պոկելու համար, սակայն այդ պահին ներկա գտնվող Սերգե Ռուբենյանն ճիշտ չի հասկացել, ապա իրեն հրել և գցել է գետնին և ձեռքով փակելով բերանը սկսել է հարվածներ հասցնել:
Տուժող Ս.Ռուբենյանի և վկա Լ.Շահումյանի հետ գտնվել է լավ փոխհարաբերություններ մեջ և մինչ դեպքն իրենց միջև որևէ միջադեպ չի եղել, անգամ եղել են այնպիսի դեպքեր, երբ վերջիններս իրենից օգնություն են խնդրել, խորհուրդ հարցրել:
2015 թվականի նոյեմբերի 11-ի վիճաբանությունն առաջացել է այն առիթով, որ ինքը պնդել է, որ նրանք պոկեն ավտոմեքենայի կողային ապակիների մգեցված ժապավեները, սակայն Լևոնը պատճառաբանել է, թե հետո կպոկեն, իսկ Սերգե Ռուբենյանը հրել է իրեն, բայց ինքը դրան չի արձագանքել: Դրանից հետո ծխելու նպատակներով գնացել է մեքենայից ծխախոտը վերցնի, որի ընթացքում վերցրել է նաև մեքենայի մեջ բացված վիճակում պահվող դանակը՝ տղաներին հանձնելու և դրանով ավտոմեքենայի կողային ապակիների մգեցված ժապավեները պոկելու համար: Դանակը Լևոն Շահումյանին փոխանցելու պահին Ս.Ռուբենյանը հարվածել է իրեն, որի հետևանքով ընկել է ասֆալտի վրա, ապա վերջինս նստելով իր վրա փակել է բերանը և սկսել է հարվածներ հասցնել:
Հիշում էր, որ Լ.Շահումյանը փորձում էր Սերգեին հանել իր վրայից, բայց չի հիշում դա նրան հաջողվել է, թե ոչ:
Դրանից հետո ցայտաղբյուրից ջուր է խմել և գնացել Լևոնի բնակարան, որպեսզի հասկանար տեղի ունեցածը, ապա գնացել է տուն, իսկ դանակը երևի թողել է մեքենայի մեջ, սակայն կոնկրետ չի հիշում:
Դեպքի օրը, բակ գնալուց առաջ ընկերոջ տանը գարեջուր է խմել, սակայն քիչ է խմել և օրորվելով չի քայլել: Չի հիշում, երբ է դուրս եկել, չի հիշում նաև տղաներին հանդիպելու պահը՝ստույգ ժամը, և որ ասել է, որ կողային ապակիների մգեցված ժապավենը պոկեն: Նրանց հարազատ մարդ է համարել, այդ իսկ պատճառով էլ ասել է, որ տեղում պոկեն ժապավենները և վրդոհվել է, որ տղաներն այդ պահին ժապավենները չէին հանում:
Ավտոմեքենայի բանալիները սկզբից իր մոտ չեն եղել, այն պահանջել և ստացել է կնոջից, ապա մեքենայի մեջից վերցրել է ծխախոտն ու դանակը:
Չի հիշում, թե ինչպես է տուժողը վնասվածք ստացել, բայց երևի կողքից հրել է, որ Ս. Ռուբենյանը դուրս գա իր վրայից, այդ պահին Լևոնն իր հիշելով իրենց բաժանելիս է եղել: Լևոն Շահումյանի բաժանելուց վնասվածքներ չի ստացել, մինչ դեպքը տեղի ունենալը վնասվածքներ չի ունեցել: Վնասվածքներն առաջացել են Ս.Ռուբենյանի հարվածներից:
Կոնկրետ չի հիշում Սերգեյը հրել, թե հարվածել է իրեն, որի հետևանքով կպել է եզրաքարին ու վայր ընկել, բայց երևի հարվածել է:
Հրապարակվեց և հետազոտվեց ամբաստանյալ Վահագն Վլադիմիրի Սահակյանի նախաքննական` 2015 թվականի նոյեմբերի 12-ի որպես կասկածյալ տված ցուցմունքը, համաձայն որի մշտապես բնակվել և բնակվում է Երևան քաղաքի Կոմիտաս 46 շենքի 50 բնակարանում: Ամուսնացած է, ունի անչափահաս որդի, ֆիզիկապես և հոգեպես առողջ է, որևէ բժշկական հաստատությունում հաշվառված չէ: Շուրջ 20 տարի է իրենց շենքի 41-րդ բնակարանում բնակվում է Լևոն Շահումյանը՝ ծնողների հետ միասին: Ինքը Լ.Շահումյանի և մյուս հարևանների հետ գտնվել է լավ փոխհարաբերությունների մեջ, երբևէ իրենց միջևէ կոնֆլիկտ չի եղել: Դեպքից 3-4 օր առաջ, երբ գտնվել է իրենց շենքի բակում, տեսել է, թե ինչպես է Լևոնն իր վարած <<Ֆոլցվագեն>> մակնիշի ավտոմեքենայով բակից դուրս գալիս և նկատելով, որ նրա ավտոմեքենայի դիմապակին մգեցված է, կանգնեցրել է նրան և ասել, որ դիմապակու մգեցնող ժապավենը պոկի, հակառակ դեպքում ՃՈ-ի աշխատակիցները կբռնեն ու կհագցնեն նրան` նկատի ունենալով կտուգանեն, ինչպես նաև ասել է, որ ինքն էլ է իր <<ԲՄՎ 5>> մակնիշի ավտոմեքենայի դիմապակուց պոկել մգեցնող ժապավենը: Զրույցի ընթացքում Լևոնն ասել է, որ անպայման պոկել կտա մգեցնող ժապավենը և հեռացել է:
11.11.2015թ-ին ամբողջ օրը գտնվել է տանը, օղի է օգտագործել: Ժամը 18:00-ի սահմաններում, երբ կինը` Արմինե Հովհաննիսյանն աշխատանքից վերադարձել է տուն, ինքը ծխախոտ գնելու և զբոսնելու տնից դուրս է եկել: Որոշ ժամանակ անց տեսել է շենքի բակային հատվածում Լևոնին և իր ընկերոջը Սերգեին, որին ճանաչում էր Լևոնի միջոցով, նրանք նստած էին Լևոնի մեքենայի մեջ: Ինքը մոտեցել է ավտոմեքենային և ասել, որ դուրս գան, զբոսնեն: Որոշ ժամանակ առօրյայից զրուցելուց հետո ինքը նկատել է, որ Լևոնն արդեն պոկել է տվել իր ավտոմեքենայի դիմապակու մգեցնող ժապավենը և նրան ասել է, որ ճիշտ է արել, թե չէ ՃՈ-ի աշխատակիցները կբռնեյին ու կհագցնեին նրան: Իր այդ արտահայտությունից Լևոնի ընկեր` Ս.Ռուբենյանը վրդոհվել է, իրեն հետ է հրել և ասել, որ իրեն ճիշտ պահի: Ինքը հետ-հետ գնալով կպել է շենքի բակում գտնվող տաղավարին, որից հետո Ս.Ռուբենյանը սկսել է հարվածել և քաշքշել: Հետո Լևոնը միջամտել է և Սերգեյին մի կողմ տարել: Այդ ժամանակ ինքը կնոջը ձայն է տվել, որ տնից` պատուհանից, իրեն գցի մեքենայի բանալիները: Նա գցել է բանալիները, վերցրել է, մոտեցել շենքի բակում կանգնած իր <<ԲՄՎ 5>> մոդելի 35TO377 հ/հ ավտոմեքենային, վարորդի դուռը բացել, միջի դարակից վերցրել իր փակովի դանակը, բացել և քայլելով մոտեցել է Լևոնին և Սերգեյին, ովքեր կանգնած էին քիչ հեռու` ցայտաղբյուրի մոտ: Մոտենալով նրանց կրկին տհաճ խոսակցություն է եղել և ինքը չի հասկացել, թե ինչպես է հայտնվել գետնին, իսկ Ս.Ռուբենյանը իր վրա, Լևոնը Սերգեին մի կողմ է քաշել ու նրանք գնացել են, իսկ ինքը գետնից վեր է կացել, չի հիշում դանակը այդ պահին որտեղ է գցել, որից հետո որոշ ժամանակ մնացել է դեպքի վայրում, այնուհետև մտել իրենց շքամուտք, որտեղից էլ բարձացել է տուն: Հասնելով Լևոնի բնակարանի մոտ, հանդիպել է վերջիներիս մայրիկին` Գայանեին, ասել է, ուր է Լևոնը և այդ ժամանակ տեսել է, թե ինչպես են Սերգեյը և Լևոնը բարձացել վերև, մտել են Լևոնի տուն, փակել են դուռը, չցանկանալով խոսել իր հետ, ինքն էլ իջել է շենքի բակ, որտեղ որոշ ժամանակ անց իրեն են մոտեցել ոստիկանության աշխատակիցները և բերման ենթարկել Արաբկիրի բաժին:
Չգիտի, թե ինչու է Ս.Ռուբենյանը վրդոհվել իր այն արտահայտությունից, որ եթե Լևոնն իր ավտոմեքենայի մգեցնող ժապավենը չպոկեր ՃՈ-ն աշխատակիցները կբռնեին ու կհագցնեին` նկատի ունենալով կտուգանեն: Քանի որ ինքը Լևոնի հետ մտերիմ հարաբերությունների մեջ էր և նման արտահայտություն էր թույլ տվել նաև դեպքից 3-4 օր առաջ և Լևոնը իրենից չէր նեղացել:
Կոնկրետ չի կարող ասել, թե քանի անգամ է հարվածել և մարմնի որ հատվածներին, ինչպես նաև, թե Ս.Ռուբենյանն իրեն քանի անգամ է հարվածել, քանի որ չի հիշում: Միայն կարող է հայտնել, որ փոխադարձ հարվածներ են եղել, քաշքշուկ, որի հետևանքով դեմքի հատվածում ստացել է վնասվածքներ, իսկ Լևոնն իրենց բաժանել է և իրեն չի հարվածել, ինքն էլ հավանաբար նրան չի հարվածել:
Կոնկրետ չի կարող ասել, քանի որ չի հիշում, սակայն հավանաբար վիրավորվել է, քանի որ իրեն հարազատ անձ իր վրա ձեռք է բարձրացրել:
Շուրջ 10 տարի առաջ ՌԴ-ից ժամանելով իր հետ բերել է նշված փակովի դանակը, կողքից տաբատին ամրացնելու հարմարանքով, որի բռնակը կանաչ գույնի է: Դանակը մյուս կողմից տաբատին ամրացնելու հարմարանք ունի, երկարությունը 13 սմ է, իսկ բռնակը` մոտ 6 սմ: Այն միշտ գտնվել է ավտոմեքենայի մեջ, որպես ճամփորդային դանակ, այլ նպատակով չի պահել:
Ինքը դանակը չի լվացել, որքանով հիշում է այն նորից դրել է մեքենայի մեջ:
Իր դեմքի վնասվածքներից արտացոլվել է ձախ աչքը, իսկ Լևոնի և Սերգեի վրա վնասվածքներ չի տեսել, անգամ այն ժամանակ, երբ շքամուտքի մոտ Լևոնի մայրիկի հետ զրուցելիս տեսել է նրանց:
Հրապարակվեց և հետազոտվեց ամբաստանյալ Վահագն Վլադիմիրի Սահակյանի նախաքննական` 2015 թվականի նոյեմբերի 14-ի որպես մեղադրյալ տված ցուցմունքը, համաձայն որի ՀՀ քր. օր-ի 112-րդ հոդվածի 1-ին մասով իրեն լիովին մեղավոր է ճանաչում և զղջում կատարվածի համար: Պնդում է որպես կասկածյալ տված իր ցուցմունքը և հայտնում, որ վիճաբանությունը տեղի է ունեցել իր և Սերգե Ռուբենյանի միջև, իրենք իրար քաշքշել են և հարվածներ են հասցրել, Լ.Շահումյանը ողջ ընթացքում իրենց բաժանել է: Իսկ Սերգեին դանակահարելն եղել է պատահական հանգամանքների բերումով, այսինքն մինչ դանակահարելը տեղի ունեցած վիճաբանության ու ծեծի ենթարկելու հետևանքով, ինչպես նաև իր խմած լինելու պատճառով:
Ընդհանուր դեպքը տևել է մոտ 5-10 րոպե, որի ընթացքում ոչ ինքը, ոչ էլ Լ.Շահումյանն ու Ս.Ռուբենյանն իրար հայհոյանքներ չեն տվել:
Ոչ ոք իրենց չի միջամտել, իսկ թե ոքեր են տեսել այդ ամենը չի կարող ասել, երևի միայն կին է իրենց տան՝ Կոմիտասի 46 շենքի 6-րդ հարկի պատշգամբից նայել:
Հրապարակման կապակցությամբ պատասխանելով կողմերի հարցերին ամբաստանյալ Վահագն Վլադիմիրի Սահակյանը ցուցմունք տվեց և հայտնեց, որ նախաքննության ընթացքում տված ցուցմունքում նշել է, թե դանակը փակ է եղել, քանի որ համաձայն չի եղել ՀՀ քր. օր-ի 112-րդ հոդվածի 1-ին մասով առաջադրված մեղադրանքին: Դեպքի պահին ցանկացել է ծակել Սերգեին, որպեսզի վերջինս զգա և տեսնի, որ իր ձեռքին դանակ կա և վեր կենա իր վրայից: Դանակը իրականում եղել է բաց վիճակում, քանի որ փականը դժվար է բացվում:
Նշել է նաև, որ եթե Ս.Ռուբենյանը չհարվածեր իրեն, ապա վայր չէր ընկնի, իսկ երբ Սերգեյը փակել էր բերանը, իր մոտ շշմածություն է սկսվել, շնչառությունը չէր բավականացնում և չի հիշում, թե երբ է գետնից վերկացել, սակայն միջադեպից հետո դանակն իր կամքով է դրել մեքենայի մեջ, որևէ մեկն այդ հարցում չի հորդորել:
Դանակը մեքենայից վերցրել և բերել է Լևոնի ավտոմեքենայի կողային ապակիների մգեցված ժապավենները պոկելու նպատակով, իսկ նախաքննության ընթացքում նշված հանգամանքը չի հայտնել, քանի որ շոկային վիճակում է ցուցմունք տվել: Տուժող Ս.Ռուբենյանին դանակով չի հարվածել, այլ թեթևակիորեն ծակել է, քանի որ ցանկացել է վերջինիս իր վրայից մի կողմ քաշել, եթե ցանկանար դանակահարել, ապա հենց սկզբից դանակով կհարվածեր:
Ամբաստանյալ Վահագն Վլադիմիրի Սահակյանի կողմից բերված պատճառաբանություններն առ այն, որ ինքը տուժող Ս.Ռուբենյանի առողջությանը դիտավորությամբ ծանր վնաս պատճառելու նպատակ չի ունեցել և տեղի ունեցածը հանգամանքների բերումով պատահականություն է անհիմն են, իսկ վերջինիս այլուրեքության վերաբերյալ առաջ քաշած վարկածները մտացածին, վերջինս հետապնդում է քրեական պատասխանատվությունից խուսափելու և դեպքի հանգամանքները խեղաթյուրելու նպատակ: Այդ հետևության Դատարանը հանգեց պատշաճ իրավական ընթացակարգերի շրջանակներում հետազոտած հետևյալ ապացույցների համադրման և գնահատման արդյունքներով, մասնավորապես` նախաքննական ցուցմունքների հրապարակման, հետազոտման և դատաքննական ցուցմունքների գնահատման արդյունքներով, մասնավորապես.
Տուժող Սերգե Անդրանիկի Ռուբենյանի ցուցմունքով: Վերջինս դատարանում ըստ էության ցուցմունք տվեց և հայտնեց, որ 2015 թվականի նոյեմբերի 11-ի երեկոյան ժամը 19:00-ի սահմաններում պարապմունքի գնալուց առաջ հանդիպել է ընկերոջը` Լևոն Շահումյանին և զրուցելու նպատակով նստել են վերջինիս պատկանող ավտոմեքենայի մեջ: Այդ ժամանակ տեսել են Վ.Սահակյանին, ով ալկոհոլ օգտագործած վիճակում քիչ հեռվում կանգնած էր: Չցանկանալով Վ.Սահակյանի հետ զրուցել մեքենայից դուրս չեն եկել, սակայն վերջինս նկատել է իրենց և մոտենալով, դուրս է կանչել, որից հետո իրենք դուրս գալով մեքենայից զրուցել են դիմապակու արևապաշտպան թաղանթը հեռացնելու շուրջ: Զրույցի ընթացքում միմյանց չեն հասկացել, ապա քաշքշուկ է առաջացել, որի ընթացքում Վահագն Սահակյանը հայհոյել է Լ.Շահումյանին: Իրենք գիտակցելով, որ Վահագն Սահակյանը գտնվում է ալկոհոլի ազդեցության տակ, հակառակ դեպքում վիճաբանություն չէր առաջանա, հայտնել են վերջինիս, որ խոսակցությունը կշարունակեն ավելի ուշ: Այնուհետև, չի հիշում, թե ինչ է տեղի ունեցել և Վահագն հրմշտել է իրեն, որից հետո Լ.Շահումյանը սկսել է բաժանել իրենց:
Դրանից հետո Վ.Սահակյանը գնացել է շքամուտքի մոտ, ձայն է տվել կնոջը, որպեսզի վերջինս պատուհանից գցի մեքենայի բանալիները: Վերցնելով բանալիները և մեքենայից ինչ որ բան հանելով, մոտեցել է իրենց: Մտածելով, որ Վահագն ի վիճակի չէ ինչ որ բան գիտակցելու, խուսափել է զրուցել վերջինիս հետ, սակայն չի հաջողվել և քաշքշուկը շարունակվել և ավելի է բորբոքվել, որը տևել է շուրջ 2-3 րոպե: Լևոն Շահումյանը բաժանելու ընթացքում հայտնել է, որ Վ.Սահակյանի մոտ դանակ կա, իսկ երբ բաժանել է իրենց, գնացել են ցայտաղբյուրի մոտ, որտեղ էլ նկատել են, որ ինքը վնասվածք ունի և այն արյունահոսում է: Լևոնի մատերի վրա նույնպես վնասվածք կար: Դրանից հետո մի պահ մտել են <<Սիթ>>-ի պահեստ, որից հետո Վ.Սահակյանին չի տեսել, այնուհետև բարձրացել են տուն:
Նշել է նաև, որ Վ.Սահակյանին բռունցքներով է հարվածել: Վ.Սահակյանը գետնին էր ընկած, իսկ ինքը վերջինիս վրա կռացած:
Առաջին անգամ երբ մոտեցել է Վահագին, ոչինչ չկար, իսկ եկրորդ անգամ ծխախոտի գլանակ է եղել: Մինչ վիճաբանությունը Վ.Սահակյանի դեմքին կապտուկներ չեն եղել:
Առաջին անգամ վիճաբանելուց հետո Վահանգը մարմնական վնասվածք չի ստացել, վայր է ընկել, քանի որ հրել է նրան: Երբ Վ.Սահակյանը գետնին ընկած էր, ինքը հարվածել է նրա մարմնի տարբեր հատվածներին, սակայն չի նկատել, թե ինքը վնասվածքը որ պահին է ստացել: Ամբաստանյալ Վ.Սահակյանի հետ մինչև դեպը երբևէ չեն վիճել:
Վիճաբանությունը սկսվել է մեքենայի դիմապակու մգեցված թաղանթի շուրջ առաջացած խոսակցության ժամանակ, որի ընթացքում Վահագն Սահակյանն ասել է լավ է, որ հանել է, հակառակ դեպքում եթե ոստիկաները բռնեին, ապա վատ կլիներ, և հայհոյանքներ է հնչեցրել:
Ինքը նկատելով, որ ընկերոջը հայհոյում է, չի զսպել իրեն և հրել է Վ.Սահակյանին, որից հետո Լևոնը միջամտել և բաժանել է, իսկ Վ.Սահակյանը գնացել է, կնոջից վերցրել ավտոմեքենայի բանալիները, որից հետո կրկին մոտենալով ցանկացել է պարզաբանել, թե ինչու է հրել:
Առաջին և երկրորդ վիճաբանության ընթացքում առաջինը ինքն է հրել Վ.Սահակյանին: Երկրորդ միջադեպի ժամանակ երբ հրել է Վ.Սահակյանին, վերջինս մեջքի վրա վայր է ընկել, ապա կռացել է նրա վրա, իսկ Լևոնը սկսել է բաժանել: Այդ ընթացքում ինքը հարվածել է Վ.Սահակյանի մարմնի տարբեր մասերին, իսկ Վ.Սահակյանը նույն կերպ դիմադրում էր: Բացի նշված վնասվածքներից այլ մարմնական վնասվածքներ չի ստացել: Դեպքի պահին Վ.Սահակյանի մոտ դանակ չի նկատել և ընդհանրապես ծակոց չի զգացել, վերքը հետո է նկատել: Իր կարծիքով հարվածը ստացել է երկրորդ վիճաբանության ընթացքում, երբ հարվածելիս է եղել Վահագին:
Վնասվածքը ստանալուց հետո տուն բարձրանալիս՝ շքամուտքի մոտ մի պահ տեսել են Վ.Սահակյանին, սակայն ոչինչ չեն զրուցել ու բարձացել են տուն, որից հետո գնացել են հիվանդանոց:
Մինչ դեպքը Վ.Սահակյանի հետ երբևիցե չեն վիճվել: Չի կարող ասել, որ եթե Վ.Սահակյանը սթափ լիներ կարող էր դիմադրել նրան, թե ոչ, սակայն կարծում է, որ վերջինս կկարողանար ընկած տեղից վեր կենալ, եթե նույնիսկ Լևոնը չբաժաներ: Վերջինս բաժանելուց իրեն էր քաշում, քանի որ Վահագն էր գետնին ընկած:
Դպրոցական տարիքում մոտ երկու տարի զբաղվել է կլասիկ ըմբշամարտով, սակայն ներկայումս ըմբշամարտի հնարքներին չի տիրապետում, քանի որ բավականին ժամանակ անցնելու պատժառով մոռացել է դրանք կիրառելու միջոցները:
Իրեն բնութագրում է որպես մի փոքր բռնկուն, բայց ավելի շատ սիրում է խոսալով հասկանալ և պարզաբանել, Վահագին բնութագրում է որպես հանգիստ բնավորությամբ անձնավորություն:
Նշել է նաև, որ եթե Վ.Սահակյանն դեպքի ընթացքում ցանականար, ապա կարող էր շատ հարվածներ հասցնել, քանի որ նրան որևէ խանգարող հանգամանք չկար:
Հրապարակվեց և հետազոտվեց տուժող Սերգե Անդրանիկի Ռուբենյանի նախաքննական ցուցմունքը, համաձայն որի ուսանողական տարիներից ճանաչում է Լևոն Արթուրի Շահումյանին, ընկերներ են: 2014 թվականին ծառայությունն ավարտելուց հետո, Լ.Շահումյանի միջոցով մտերմացել է նրա հարևան Վահագն Վլադիմիրի Սահակյանի հետ, և քանի որ ծառայությունից հետո առողջական խնդիրներ է ունեցել, Վ.Սահակյանի կինը` Արմինե Հովհաննիսյանը դեղորայքային բուժում է նշանակել, և ինքը բուժվել է: 11.11.2015թ-ին ժամը 19:00-ի սահմաններում, պայմանավորվածության համաձայն, ինքը հանդիպել է Լ.Շահումյանին` վերջինս բնակության` Կոմիտաս 46-րդ շենքի բակում, նստել են նրա <<Վոլցվագեն Ջետա>> մակնիշի ավտոմեքենայի մեջ և զրուցել: Որոշ ժամանակ անց նկատել են, որ Վ.Սահակյանը ճոճվելով քայլելով մոտեցել է ավտոմեքենային, և ինքն ու Լ.Շահումյանը ավտոմեքենայի սրահով տեղափոխվել են հետևի նստատեղին, որպեսզի Վ.Սահակյանն իրենց չնկատի, քանի որ թե ինքը, և թե Լ.Շահումյանը ճանաչելով Վ.Սահակյանին, գիտեն, որ նա խմած ժամանակ անիմաստ շատ է խոսում, կամ կարող է իրենց համոզել, որ ինչ որ տեղ գնան, որի պատճառով խուսափել են նրանից: Քանի որ դրանից 2-3 օր առաջ ինքն ու Լ.Շահումյանը պոկել են վերջինիս ավտոմեքենայի դիմապակու մգեցնող ժապավենը, Վ.Սահակյանն իրենց նկատել է, ծեծելով դիմապակին` ասել է, որ դուրս գան ավտոմեքենայից: Իրենք դուրս են եկել ավտոմեքենայից, բարևել Վ.Սահակյանին, որից հետո սկսել են խոսել տարբեր թեմաներից: Զրույցի ընթացքում Վ.Սահակյանը տեսնելով, որ Լ.Շահումյանի ավտոմեքենայի դիմապակուց մգեցնող ժապավենը պոկված է, ասել է. <<տեսար, որ ասի պոկի պլյոնկեն, թե չէ բռնելու էին......>> տալով հայհոյանք: Այդ արտահայտությունից ինքը շատ է զայրացել և Վ.Սահակյանից պահանջել է, որ իրեն նորմալ պահի` ասելով, որ կապ չունի խմածությունը: Այդ ժամանակ Վ.Սահակյանը սկսել է հեգնանքով խոսել իր հետ, ինչից ինքը զայրացել է ու հետ հրել նրան: Վ.Սահակյանը հետ-հետ գնալով ասել է. <<այ լակոտ>> ու հարձակվել է իր վրա: Իրենք սկսել են իրար քաշքշել ու հարվածել, իսկ Լ.Շահումյանը փորձել է իրենց հանդարտեցնել և բաժանել: Դրանից հետո Լ.Շահումյանը իրեն մի կողմ է քաշել, իսկ Վ.Սահակյանը մոտենալով շենքի տնային զանգի միջոցով կնոջից պահանջել է, որ ցած նետի իր ավտոմեքենայի բանալիները, որից հետ գետնից վերցնելով բանալիները մոտեցել է իր <<ԲՄՎ 5>> մոդելի կանաչ գույնի ավտոմեքենային, բացել վարորդի դուռը և ինչ որ բան վերցրել մեջից: Հետո մոտենալով իրեն և Լ.Շահումյանին` իրեն ասել է <<այ թուլա հլը արի ստեղ>>: Այդ ժամանակ ինքը Վ.Սահակյանի ձեռքում ոչինչ չի տեսել: Վ.Սահակյանը մոտենալով իրեն սկսել է կրկին տհաճ զրույց վարել և իրեն ասել է. <<էս ինչքան ես մեծացել այ լակոտ>> և այլ արտահայտություններ, որից հետո իրենք կրկին սկսել են իրար քաշքշել և հարվածել: Այդ ընթացքում Վ.Սահակյանը ընկել է գետնին` իրեն հետ քաշելով: Գետնին ընկած ժամանակ իրեն շարունակել են իրար քաշքշել և հարվածել, որի ընթացքում ինքը ձախ կողմում հարվածներ է զգացել, սակայն չի հասկացել, որ դրանք դանակի հարվածներ են: Լ.Շահումյանը փորձել է բաժանել ու իրեն հայտնել է, որ Վ.Սահակյանի մոտ դանակ կա, որից հետո իրեն հետ է քաշել Վ.Սահակյանի վրայից: Այդ ժամանակ տեսել է, որ Լ.Շահումյանի ձախ ձեռքը վնասված է, իսկ իր հագուստի ձախ կողային հատվածը արյունոտված է: Ինքը և Լ.Շահումյանը մի կողմ են քայլել և շենքի առաջին հարկում գտնվող <<Երևան Սիթի>> աշխատակիցները տեսել են իրենց` առաջարկել են մտնեն ներս և լվացվել: Ինքը և Լ.Շահումյանը մտել են սուպերմարկետի պահեստ իսկ Վ.Սահակյանը մնացել է ցայտաղբյուրի մոտ: Պահեստում մտափոխվել են և առանց լվացվելու դուրս եկել այնտեղից և գնացել Կոմիտասի 48 շենքի բակ, որից հետո էլ` Լ.Շահումյանի բնակարան, որտեղ մուտքի մոտ հանդիպել են Վ.Սահակյանին, ով հարթակում կանգնած զրույցել է Լ.Շահումյանի մոր` Գայանե Ավետիսյանի հետ: Ինքը և Լ.Շահումյանը Վ.Սահակյանին մի կողմ են հրել և մտնելով բնակարան` գնացել են սանհանգույց, որտեղ տեսել են, որ իր վնասվածքներից արնահոսությունը ուժեղ է, ինքը Լ.Շահումյանը և վերջինիս մայրը` Գ.Ավետիսյանը գնացել են հիվանդանոց, որտեղ իրեն տեղափոխել են վերակենդանացման բաժանմունք, այնուհետև վիրահատել:
Հրապարակման կապակցությամբ պատասխանելով կողմերի հարցերին տուժող Ս.Ռուբենյանն ցուցմունք տվեց և հայտնեց, որ կոնկրետ չի հիշում <<Այ լակոտ>> արտահայտությունից հետո է հրել Վահագին, բայց պնդում է, որ երկու միջադեպերի ժամանակ առաջինը ինքն է հրել Վահագին:
Երկրորդ միջադեպի ժամանակ ինքն է առաջինն երկու անգամ հրել Վահագին, որից վերջինս վայր է ընկել: Ինքը հրել է Վահագին, քանի որ չէր ցանկանում հետը զրուցեր և չէր ցանկանում վիճաբանություն առաջանար:
Չի հիշում, թե այդ պահին Վահագն ասել է. <<Էս ինչքան ես մեծացել, այ լակոտ>>: Վիճաբանության ընթացքում գետնին ընկած չի եղել և չի հիշում, թե երբ Վահագն ընկած է եղել, ինքը նրան բռնած է եղել, թե ոչ:
Բացի Լևոնից դեպքի վայրում տեսել է 2 տղաների, բայց դեմքերը չի տեսել, վերջիններս չեն մոտեցել և չեն բաժանել:
Նշել է նաև, որ կոնկրետ չի զգացել, թե ինչ դիրքում է հարվածել Վ.Սահակյանին: Իր և վկաների ցուցմունքների միջև առկա հակասությունը պայմանավորված է նրանով, որ ինքը տաքացած է եղել և չի հիշում կոնկրետ իր դիրքը և չի հերքում վկանների հայտնածը:

/դատական նիստի արձանագրություն/

-Վկա Լևոն Արթուրի Շահումյանի ցուցմունքներով: Վերջինս դատաքննության ընթացքում ըստ էության ցուցմունք տվեց և հայտնեց, որ 2015թ. նոյեմբերի 11-ի երեկոյան, Սերգե Ռուբենյանն եկել էր իրենց բակ և, քանի որ անձնական խոսելու բան ունեին գնացել են մեքենայի մեջ զրուցելու: Քանի որ եղանակը ցուրտ է եղել, շարժիչը միացրել է, որպեսզի մեքենան տաքանա, սակայն նկատելով Վ.Սահակյանին, մեքենայի շարժիչը անջատել է, որպեսզի վերջինս իրենց չնկատի ու չմոտենա, քանի որ անձնական խոսելու բան ունեին և չէին ցանկանում զրույցն ընդհատել կամ որ նա ներկա գտնվի: Քանի որ չէին ցանկանում, որպեսզի Վահագն իրենց նկատի, տեղափոխվել և նստել են մեքենայի հետևի նստատեղին, սակայն դիմապակու թաղանթը կիսով չափ պոկած էր և վերջինս իրենց նկատել է: Դրանից հետո դուրս են եկել, զրուցել, որի ընթացքում Վ.Սահակյանը դիմապակու մգեցված թաղանթը հեռացնելու շուրջ արտահայտություն է արել, որը տուժող Ս.Ռուբենյանը չի հասկացել և առիթով վիճաբանություն է առաջացել, որի ընթացքում քաշքշել են միմյանց: Վ.Սահակյանը գտնվում էր ալկոհոլ օգտագործած վիճակում և մի փոքր ճիշտ չի արտահայտվել, որից Ս. Ռուբենյանը բորբոքվել է ու սկսել են հարվածել միմյանց: Վիճաբանության ընթացքում Վ.Սահակյանի ձեռքում տեսել է միայն ծխախոտի գլանակ: Ս.Ռուբենյանին Վ. Սահակյանի վրայից մի կողմ քաշելիս նկատել է, որ մատը վնասված է, բայց դանակ չի տեսել:
Վ.Սահակյանին ճանաչում է շուրջ 4-5 տարի, սակայն վերջինիս մոտ այդ ժամանակաընթացքում դանակ չի տեսել, չի տեսել նաև որ վերջինս գտնվի ոչ ադեկվատ վիճակում, միայն ալկոհոլ օգտագործած վիճակում շատ էր խոսում:
Մինչ մեքենայից դուրս գալն իրենք նկատել են, որ Վ.Սահակյանն գտնվում է ալկոհոլ օգտագործած վիճակում, իսկ դուրս գալուց հետո վերջինս սկսել է հայհոյանքներ հնչեցնել, որին ի պատասխան իրենք ասել են, որ պետք չէ նման արտահայտություններ անել, ապա այդ առիթով Վ.Սահակյանն ու Ս.Ռուբենյանը սկսել են իրար հրմշտել, իսկ ինքը սկսել է բաժանել նրանց: Վիճաբանության ընթացքում Վ.Սահակյանը սկսել է ավելի բորբոքվել և կնոջը ձայն տալով պահանջել է ցած գցել ավտոմեքենայի բանալիները: Չի հիշում, թե ինչպես է Վ.Սահակյանի կինը իջել և բանալիները հանձնել է նրան, թե վերևից է գցել: Այդ ընթացքում իրենք մի փոքր հեռացել էին, սակայն նկատել են, որ Վ.Սահակյանը մեքենայի դուռը բացել է և լուսարձակները վառում էին: Իրենք տուն բարձրանալու նպատակով կրկին մոտեցել են բակի կողմը, որի ընթացքում Վահագն կանչել է իրենց, որպեսզի պարզաբանումներ ստանա: Այդ ընթացքում նրա ձեռքին միայն ծխախոտի գլանակ էր: Մոտենալով իրենց Վ.Սահակյանն ասել է, որ պետք է դիմապակու մգեցված թաղանթը պոկեն, քանի որ ոստիկաներն իրենց կտուգանեն, որից հետո չի հիշում, թե ով է առաջինը հրել Վ.Սահակյանին: Տեսնելով, որ Վ.Սահակյանը շատ է խոսում, Ս.Ռուբենյանը չդիմանալով` ասել է. <<հերիք է խոսես, տեղից էլ նեղված ենք>, որից կրկին նրանց միջև վիճաբանություն և քաշքշուկ է առաջացել, որի հետևանքով Վ.Սահակյանը վայր է ընկել:
Վիճաբանության և քաշքշուկի ընթացքում, թե Վ.Սահակյանը և թե Ս.Ռուբենյանը գետնի վրա էին, սակայն չի հիշում, թե ով էր ում վրա, հետո երբ քաշել է Ս.Ռուբենյանին, տեսել է, որ վերջինիս մատը վնասված է և հայտնել է, որ Վահագի մոտ դանակ կա: Ինքը Ս.Ռուբենյանին էր մի կողմ քաշում, քանի որ Վ.Սահակյանը գտնվում էր ալկոհոլ օգտագործած վիճակում, ինքն երկուսի հետ էլ գտնվում էր լավ հարաբերությունների մեջ: Եթե Վ.Սահակյանը ցանկանար իրենց դանակով հարվածներ հասցներ, կարող էր հարվածել, քանի որ իրենք Վ.Սահակյանից այդպիսի բան չէին սպասում:
Երբ բարձրացել են տուն, դռան մոտ Վ.Սահակյանին տեսել են, սակայն նրա հետ չեն խոսացել:
Առաջին վիճաբանության ժամանակ Վ.Սահակյանի ձեռքին ոչինչ չկար, իսկ երկրորդի ժամանակ` մի ձեռքում ծխախոտի տուփ էր, իսկ մյուս ձեռքում ծխախոտի գլանակ: Երբ <<Սիթի>>-ի տեսախցիկների մոտ էին, Ս.Ռուբենյանին պահում էր և ցանկանում էր նրանց հաշտեցնել: Այդ ընթացքում Ս.Ռուբենյանն իրեն դիմադրում էր և ցանկանում էր գնալ դեպի Վ.Սահակյանի կողմը:
Վիճաբանության և քաշքշուկի ժամանակ Վ.Սահակյանն ընկել է գետնին մեջքի վրա, իսկ Ս.Ռուբենյանը նրա վրա, սակայն վերջինիս դիրքը կոնկրետ չի հիշում: Երկուսն էլ իրար քաշքշում և հարվածում էին:
Հիշողության հետ մի փոքր խնդիրներ ունի, քանի որ երկու տարբեր վայրերում է աշխատում, սակայն հիշում է, որ հրմշտոցի ժամանակ Վ.Սահակյանը կպել է զրուցարան ձողին:
Ցայտաղբյուրի մոտ 2-րդ անգամ Ս.Ռուբենյանն է հրել Վ.Սահակյանին, որից նա վայր է ընկել, ապա Ս.Ռուբենյանը և Վ.Սահակյանն ընկած վիճակում քաշքել են իրար, Վ.Սահակյանի ձեռքում դանակ չի եղել և որևիցէ ծակող-կտրող գործիք չի տեսել:
Դեպքից հետո քննիչի մոտ ցուցմունք տալուց շոկային վիճակում է եղել, քանի որ Ս.Ռուբենյանը հիվանդանոցում էր և ներկայումս դատարանում ավելի լավ է հիշում:
Նախաքննության ընթացքում տված ցուցմունքը արտացոլում է դեպքի իրադարձության և հանգամանքների օբյեկտիվ իրականությունը, սակայն առերես ցուցմունքների բովանդակությունը չի հիշում:
Հրապարակվեց և հետազոտվեց վկա Լ.Շահումյանի նախաքննական /Գ.Թ. 32/ ցուցմունքը, համաձայն որի Վահագն իրեն ասել է, որ եթե նա իրեն չզգուշացներ և ինքը դիմապակուց մգեցնող ժապավենը չպոկեր, ապա ՃՈ-ի աշխատակիցները իրեն կբռնեին և <<... հայհոյանք>>, որից հետո Ս.Ռուբենյանը` ի պատասխան նրա հայհոյանքի զգուշացրել է նրան, որ իրեն կարգին պահի, կապ չունի որ նա խմած է և հրել է Վ.Սահակյանին, ով ալկոհոլի ազդեցության տակ գտնվելու հետևանքով հետ-հետ է գնացել և մեջքով կպել է շենքի բակում գտնվող տաղավարի դիմացի երկաթե սյանը: Դրանից հետո Վ.Սահակյանը և Ս.Ռուբենյանը սկսել են իրար քաշքշել, իսկ ինքը մոտենալով նրանց` Սերգեյին քաշել է մի կողմ: Դրանից հետո ինքը տեսել է, թե ինչպես է Վահագն մոտեցել ավտոմեքենային, որի պետհամարանիշները չի հիշում, բացել է դուռը, սրահից ինչ որ բան վերցրել և քայլել դեպի իրենց կողմ: Հասնելով իրենց նա սկսել է քաշքշել և հարվածել Սերգեին, իսկ երբ ինքը փորձել է բաժանել նրանց, այդ ժամանակ ծակոց է զգացել ձախ ձեռքի հատվածում և նայելով ձեռքին նկատել է, որ բութ մատը վնասված է և արյուն է հոսում:
Հրապարակվեց և հետազոտվեց տուժող Լ.Շահումյանի և մեղադրյալ Վ.Սահակյանի առերես ցուցմունքը, համաձայն որի Լ.Շահումյանը պնդում է որ Վահագն հայհոյանք է հնչեցրել, ու ճանաչելով նրան, ինչպես նաև այն, որ հայհոյանքն ուղղակի իր հասցեին չի հնչել, դրանից չի վրդոհվել, այլ Ս.Ռուբենյանն է վրդոհվել ու սկսել վիճաբանել Վ.Սահակյանի հետ, քաշքշել է նրան ու սկսել են իրար հարվածել: Իսկ երբ Վահագն ավտոմեքենայից ինչ որ բան վերցնելուց հետո մոտեցել է իրենց ու սկսել է Սերգեին նախատել, Ս.Ռուբենյանը կրկին բորբոքվել է ու սկսել են իրար քաշքշել ու հարվածել: Ս.Ռուբենյանի հարվածների և Վ.Սահակյանի խմածության պատճառով վերջինս ընկել է գետնին, իսկ Ս.Ռուբենյանը նստելով նրա վրա սկսել է հարվածել Վ.Սահակյանին, իսկ Վ.Սահակյանն էլ նրան: Ինքը Ս.Ռուբենյանի թիկունքից մոտեցել է նրան և մեջքից գրկելով փորձել է հետ քաշել նրան ու հենց այդ ժամանակ զգացել է ձեռքի ծակոցը ու տեսել է, որ ձախ ձեռքը վնասված է: Ինքը Ս.Ռուբենյանին հայտնել է, որ Վ.Սահակյանի մոտ դանակ կա և բռնելով Ս.Ռուբենյանի հագի բաճկոնի վզի հատվածից նրան հետ է քաշել:
Հրապարակման կապակցությամբ պատասխանելով կողմերի հարցերին վկա Լ.Շահումյանը ցուցմունք տվեց և հայտնեց, որ դատարանում հայտնած ցումունքն է իրականությունը, իսկ նախաքննության ընթացքում /այդ թվում առերես/ և դատարանում տված ցուցմունքների միջև առկա հակասությունները պայմանավորված են այն հանգամանքով, որ այն ժամանակ դեպքի հանգամանքները չի կարողացել քննիչին ճիշտ բացատրել, ինչ հիշել է, այն էլ գրել է:
Պնդում է դատարանում տված ցուցմունքը:
Դատարանն գնահատելով վկա Լ.Շահումյանի նախաքննական և դատաքննական ցուցմունքներն առավել արժևորում և արժանահավատ է համարում վկա Լ.Շահումյանի նախաքննական ցուցմունքներում /այդ թվում առերես/ նշված և դեպքի իրադարձության վերաբերյալ հայտնած հանգամանքները, քանի որ դրանք հիմնավորվել են գործով հետազոտված այլ ապացույցներով, իսկ դատաքննության ընթացքում Վ.Սահակյանի կողմից ավտոմեքենայից դանակը վերցնելուց հետո իրեն պատկանող ավտոմեքենայի կողային ապակիների մգեցված ժապավենը պոկելու նպատակով այն իրեն տրամադրելու հանգամանքը հաստատող, ինչպես նաև Վ.Սահակյանի կողմից դանակը վերցնելուց հետո առաջին միջադեպի կապակցությամբ Ս.Ռուբինյանից պարզաբանումներ կատարելու նպատակով իրենց մոտենալուց անմիջապես նախահարձակ լինելու հանգամանքը ժխտող տեղեկություններ հայտնելը պայմանավորված է վերջինիս հետ նույն շենքում բնակվելու, նրա հետ մտերիմ փոխհարաբերություններ ունենալու և դրանից բխող Վ.Սահակյանի նկատմամբ ունեցած կարեկցանքի և խղճահարության մղումներով:

/դատական նիստի արձանագրություն/

-Վկա Արմինե Հովհաննիսյանի ցուցմունքներով: Վերջինս դատաքննության ընթացքում ըստ էության ցուցմունք տվեց և հայտնեց, որ ամբաստանյալ Վ.Սահակյանի հետ ամուսնացած են շուրջ 10 տարի է: Դեպքի օրը, 2015թ. նոյեմբերի 11-ին աշխատանքից տուն է վերադարձել ժամը 18:00-ին: Հասնելով տուն տեսել է, որ Վ.Սահակյանը տանը չէ: Ժամը 19:00-ի սահմաններում Վ.Սահակյանն իրեն կանչել և մեքենայի բանալիներն է պահանջել: Բանալիները գցել է շքամուտքից, մտածելով որ Վ.Սահակյանը ցանկանում է մեքենայից ծխախոտ վերցնել: Չի տեսել, որ բակում վիճաբանություն է: Դրանից հետո, երբ Վ.Սահակյանը բարձացել է տուն, վերջինիս դեմքը կարմրած և այտուցված էր, սակայն չի նկատել, որ վերջինս գտնվում է ալկոհոլ օգտագործած վիճակում: Վ.Սահակյանը տեսնելով, որ երեխան տանը չէ, նորից իջել է բակ, որպիսի երեխային տուն բերի: Վ.Սահակյանն ալկոհոլային խմիչք հաճախ չի օգտագործում, քանի որ ունի առողջական խնդիրներ, վերջինս հաճախակի ունենում է սիրտ-անոթային նոպաներ, մի քանի անգամ եղել է վերակենդանացման բաժնում և վերջերս նրա մոտ կրկնվել են այդ նոպաները և կատարել են տոմոգրաֆիա, որի արդյունքում պարզվել է, որ եթե բուժումներն արդյունք չտան, ապա պետք է վիրահատվի:
Ինքը չի մտածել, որ Վ.Սահակյանը վիճաբանության մեջ է ընկել, այն էլ տուժողի և վկա Լ.Շահումյանի հետ, քանի որ նրանք Վ.Սահակյանի հետ գտնվում էին լավ փոխհարաբերությունների մեջ և Վ.Սահակյանը վերջիններիս հետ երբևիցէ չի վիճաբանել:
Դեպքի, այդ թվում դանակահարության մասին տեղեկացել է հետագայում՝ ոստիկանությունից: Իմացել է, որ ամուսինը վիճաբանել է Սերգեի և Լևոնի հետ: Դեպքից հետո ամուսինը բարձրացել է տուն և վերջինիս դեմքը կարմրած էր և հետքեր կային: Երբևիցէ իր ամուսնու մոտ դանակ չի տեսել:
Նշել է նաև, որ Վ.Սահակյանն ալկոհոլ օգտագործած վիճակում ավելի ուրախ է լինում, քան սթափ վիճակում:
Հրապարակվեց և հետազոտվեց վկա Արմինե Սամվելի Հովհաննիսյանի նախաքննական 2016 թվականի նոյեմբերի 16-ի ցուցմունքը, համաձայն որի տուն վերադառնալուց 1 ժամ անց շքամուտքի տնային զանգի միջոցով Վ.Սահակյանն իրենից պահանջել է, որ պատշգամբից բակ՝ ցած նետի նրա <<ԲՄՎ 5>> մակնիշի ավտոմեքենայի բանալին, ինքը հարցրել է, թե ինչ պետք է անի, նա ասել է, որ ինչ որ բան պետք է վերցնի: Ինքը դուրս է եկել բնակարանի պատշգամբ, նայել է ներքև և տեսել, որ Վահագն կանգնած է շքամուտքի մոտ: Գցել է բանալիները, նա վերցրել է և քայլելով գնացել դեպի ավտոմեքենան, որը կանգնած էր շենքի բակի տաղավարի մոտ, իսկ ինքը մտել է բնակարան: Շուրջ 1-2 րոպե անց կրկին դուրս է եկել պատշգամբ, որպեսզի տեսնի, թե Վահագն ինչ եղավ : Նայել է բակ ու տեսել, որ իրենց շքամուտքի դիմաց՝ ցայտաղբյուրի մոտ իրարանցում է և Վահագը ասում է. <<այ լակոտ հլը հանգստացի>> և նմանատիպ այլ արտահայտություններ: Այդ ժամանակ լսել է նաև իրենց հարևան Լ.Շահումյանի ձայնը, ով ասում էր <<արա թարգեք, հանգստացեք>>: Ինքը հասկացել է, որ Վահագն ինչ որ մեկի հետ կռիվ է անում և սկսել է բարձր գոռալով ձայն տալ Վ.Սահակյանին ասելով. <<Վահագ ինչա եղել, հլը հանգստացեք>>: Ինքը նրանց չի տեսել, քանի որ ցայտաղբյուրի հատվածը ամբողջովին փակում էին ծառերը: Մի քանի վայրկյան անց տեսել է, որ Լևոնը և ինչ որ տղա քայլել են դեպք շենքի մյուս կողմ, իսկ Վահագն չէր երևում: Ինքը նրան ձայն է տվել, սակայն նա չէր պատասխանում: Մտել է տուն և սկսել է զանգահարել Վ.Սահակյանին, սակայն նա իր հեռախոսազանգերին չէր պատասխանում, իսկ հետո հայտնել է, որ երեխան պարապմունքը ավարտվում է և նրա հետ կբարձրանա տուն: Ժամը 20:00-ի սահմաներում, երբ ինքը կրկին դուրս է եկել պատշգամբ, որպեսզի տեսնի, երեխան պարապմունքից դուրս է եկել, թե ոչ, քանի որ նա ժամը 19:00-ից 20:00-ն ռուսերեն է պարապում կողքի մուտքում գտնվող մի աղջկա մոտ տեսել է, որ Վահագն մուտքի մոտ կանգնած է: Մի քանի րոպե անց Վ.Սահակյանին են մոտեցել ոստիկանության աշխատակիցները և տարել նրան:
Հրապարակման կապակցությամբ պատասխանելով կողմերի հարցերին վկա Ա.Հովհաննիսյանը ցուցմունք տվեց և հայտնեց, որ նախաքննության և դատաքննության ընթացքում առկա` պատշգամբից միջադեպը տեսնելու և ձայներ լսելու վերաբերյալ առկա հակասությունը պայմանավորված է այն հանգամանքով, որ այդ ժամանակ խառնված է եղել և որոշ բաներ շփոթած է նշել, ճիշտը այն է, որ ձայներ չի լսել:
Մինչ բանալիները Վ.Սահակյանին տալը, վերջինիս հարցրել է, թե ինչին է պետք բանալիները և Վ.Սահակյանը ասել է, որ մեքենայից ընդամենը բան պետք է վերցնի: Միայն նկատել է, որ Լևոնը մեքենայի մոտ կանգնած է եղել:
Նախաքննության ընթացքում հայտնած. <<երբ դուրս եկա պատշգամբ լսեցի Վահագը ասում է. <<այ լակոտ հլը հանգստացի>> արտահայտությունը չի լսել, սակայն լսել է, որ Լևոնն ասել է. <<արա թարգեք>>:
/դատական նիստի արձանագրություն/

-Վկա Գայանե Ավետիսյանի ցուցմունքով: Վերջինս դատաքննության ընթացքում ըստ էության ցուցմունք տվեց և հայտնեց, որ դեպքի օրը ինքը և որդու` Լևոն Շահումյանի հետ աշխատանքից տուն վերադառնալիս հանդիպել են Ս.Ռուբենյանին, որը ցանկություն է հայտնել զրուցել Լևոնի հետ: Տղան գնացել է և շուրջ 30 րոպե տեղեկություն չկար, որից ինքն անհանգստանալով դստերը խնդրել է պատուհանից դուրս նայել և պարզել, թե ինչով են զբաղված Լ.Շահումյանը և Ս.Ռուբենյանը: Դուստրը պատուհանից նայել և տեսել է, որ նրանք նստած են մեքենայի մեջ, իսկ որոշ ժամանակ անց Լ.Շահումյանը և Ս.Ռուբենյանը բարձացել են տուն և մտել լոգարան: Նրանք չէին ցանկանում շտապօգնություն կանչել, սակայն ինքը տեսնելով, որ Ս.Ռուբենյանը չափից շատ է արյունահոսում վերջինիս մեքենայով տարել են հիվանդանոց:
Մինչ Լ.Շահումյանի և Ս.Ռուբենյանի տուն բարձրանալն իրենց տուն է բարձրացել Վ.Սահակյանը և ցանկացել է տեսնել իր ամուսնուն, բայց զգալով որ Վահագն ալկոհոլ օգտագործած վիճակում է գտնվում, տուն չի հրավիրել, այլ զրուցել են դռան շեմին: Վ.Սահակյանին ծեծված վիճակում չի տեսել: Լ.Շահումյանի և Ս.Ռուբենյանի կողմից տուն բարձրանալիս Վահագն դռան դիմաց էր, և տուն մտնելիս մի փոքր հրմշտել են միմյանց և գոռգռացել:
Վիճաբանության պատճառի մասին ստույգ տեղեկություն չունի, բայց պնդում է, որ լուրջ պատճառ չի եղել:
Չգիտի, թե Լ.Շահումյանի մատը ինչով է վնասվել, չի էլ հարցրել, սակայն լսել է, որ դանակի հարվածից է վնասվածք ստացել:
Վ. Սահակյանին ճանաչում է 1980-ական թվականներից, երբ նա բնակվում էր իրենց կողքի շքամուտքում, սակայն վերջինս 3 տարի առաջ տեղափոխվել է իրենց շենք և ընտանիքներով ավելի են մտերմացել: Վ.Սահակյանին բնութագրում է որպես շատ լավ հայր, հոգատար ծնող, շրջապատում բոլորի կողմից հարգված մարդ: Ինքը չի նկատել Վ.Սահակյանի դեմքին կապտուկներ եղել են թե ոչ, չի նկատել Վ.Սահակյանի հագուստների վիճակը, քանի որ խոհանոցում ձուկ էր մաքրում և շտապում էր գնալ խոհանոց, որպեսզի շարունակի իր խոհանոցային գործերը:
Լ.Շահումյանի և Ս.Ռուբենյանի դրսում գտնվելը տևել է շուրջ 30 րոպե և նրանց վերադառնալու ժամանակ Վ.Սահակյանը մուտքի մոտ էր: Ինքը սկզբում չի նկատել, որ Ս.Ռուբենյանն արյունահոսում է: Շքամուտքում տղաներն իրար հետ սկսել են գոռգոռալ, սակայն սաստել է նրանց և ներս կանչել տուն: Հետագայում հիվանդանոցից տուն վերադառնալուց հետո նկատել է, որ շքամուտքում՝ պատի վրա և հատակին արյուն կա:
Նշել է նաև, որ իր կարծքով միջադեպը թյուրիմածության արդյունք է: Վ.Սահակյանը գտնվել է ալկոհոլ օգտագործած վիճակում և նրան պետք է ուղղակի ուշադրություն չդարձնեին: Մինչ օրս տեղյակ չէ, թե ինչ խոսակցության պատճառով է սկսվել վիճաբանությունը, սակայն որդու` Լ.Շահումյանի պատմելով իմացել է, որ այն եղել է Ս.Ռուբենյանի և Վ.Սահակյանի միջև: Լ.Շահումյանը պատմել է նաև, որ Վ. Սահակյանը գնացել և մեքենայի միջից վերցրել է դանակը, և որ Ս.Ռուբենյանի վնասվածքները դանակի հարվածի հետևանք են, բայց և Լ.Շահումյանը, և Ս.Ռուբենյանը դանակ չեն տեսել, այդ վնասվածքներով վիճաբանել և քաշքշել են միմյանց ու չեն նկատել, որ վնասվածք են ստացել: Լևոնի պատմելով վերջինս բաժանողի դերում է եղել:

/դատական նիստի արձանագրություն/

-Վկա Աննա Շահումյանի ցուցմունքով: Վերջինս դատաքննության ընթացքում ըստ էության ցուցմունք տվեց և հայտնեց, որ դեպքի հանգամանքները լավ չի հիշում, սակայն հիշում է, որ նոյեմբեր ամիսն էր: Անձամբ վիճաբանությունը չի տեսել, սակայն հիշում է, որ Ս.Ռուբենյանը վիրավոր վիճակում էր, որը իրեն շոկի մեջ է գցել: Հիշում է, որ մայրը Սերգեին և Լևոնին տարել է հիվանդանոց, ինքը մնացել է տանը և լվացել արյունոտ հագուստները:
Վ.Սահակյանին իրենց տանը չի տեսել, միայն բակում է տեսել: Լևոն Շահումյանի մոտ վնասվածք չի տեսել:
Եղբայրը` Լ.Շահումյանը պատմել է, որ վիճաբանությունը տեղի է ունեցել Ս.Ռուբենյանի և Վ.Սահակյանի միջև, իսկ Լևոնը բաժանողի դերում է եղել: Դանակը Վ.Սահակյանինն է եղել: Վերջինիս բնութագրում է որպես բարեկիրթ մարդ, հոգատար ծնող: Վ.Սահակյանին բակում է տեսել, աշխատանքից վերադառնալուց հետո: Վ.Սահակյանին պատուհանից տեսել է, սակայն նրա ընդհանուր վիճակը չի տեսել, քանի որ տեսողության հետ կապված խնդիրներ ունի:
Քննիչի մոտ ցուցմունք տալուց ավելի լավ է հիշել և այդ ցուցմունքները ավելի ճիշտ են:
Վ.Սահակյանին անձամբ դռան շեմի մոտ չի տեսել և տեղյակ չէ վեճի պատճառն ինչն է հանդիսացել և չի հիշում ում միջև է սկսվել վիճաբանությունը:
Լևոնը վնասվածք է ստացել բաժանելու ժամանակ:
Հրապարակվեց և հետազոտվեց վկա Աննա Արթուրի Շահումյանի նախաքննական 2016 թվականի նոյեմբերի 13-ի ցուցմունքը, համաձայն որի 11.11.2015թ-ին ժամը 18:30-ի սահմաներում, ինքը, Լևոնը և մայրը` Գայանե Ավետիսյանը, աշխատանքից վերադարձել են տուն: Որոշ ժամանակ անց Լևոնին զանգահարել է Ս.Ռուբենյանը և նա տանից դուրս է եկել: Մոտ 30 րոպե անց իրենց տան դուռը ծեծել են, ինքը բացել է դուռը և տեսել, որ Վահագն է: Իրեն միացել է մայրը և իրենք տեսել են, որ Վահագն գտնվում է ալկոհոլ օգտագործած վիճակում: Նա հարցրել է, թե ընկերն ուր է` նկատի ունենալով իր հորը` Արթուր Լևոնի Շահումյանին, մայրը ասել է, որ տանը չէ, որից հետո Վահագն ասել է, որ Լևոնն իրեն լավ չի պահում և նմանատիպ այլ խոսակցություններ: Այդ ժամանակ իրենց հարթակ են բարձացել Լ.Շահումյանն ու Ս.Ռուբենյանը, Վ.Սահակյանին մի կողմ են հրել, մտել են տուն և դուռը փակել: Ինքը և մայրը նրանց հետևից գնացել են լոգարան, տեսել են, որ Լևոնի ձեռքը արյունոտ է, իսկ Ս.Ռուբենյանի հագուստի մեջքի ձախ հատվածը ամբոջովին արյուն է: Իրենք նայել և տեսել են, որ Ս.Ռուբենյանի մեջքի արնահոսությունն չի կտրվում և մոր առաջարկով նա, Ս.Ռուբենյանը և Լ.Շահումյանը` վերջինիս վարած << Վոլցվագեն Ջետա>> մակնիշի ավտոմեքենայով գնացել են <<Քանաքեռ-Զեյթուն>> ԲԿ: Հետագայում տեղեկացել է, որ Լևոնի մատը վիրակապել են, իսկ Սերգեին տեղափոխել են վերակենդանացման բաժանմունք, որից հետո նրան վիրահատել են: Դրանից հետո Լևոնից տեղեկացել է, որ Վահագն ալկոհոլ օգտագործած վիճակում մոտեցել է նրան և Սերգեին, ինչ որ խոսակցություն է տեղի ունեցել և քանի որ Սերգեյը շուտ բորբոքվող և շատ տաքարյուն տղա է, սկսել է Վ.Սահակյանի հետ վիճաբանել, որի ընթացքում Վահագն իր <<ԲՄՎ>> մակնիշի ավտոմեքենայից վերցրել է դանակը, մոտեցել Սերգեին և կրկին առաջացած վիճաբանության ժամանակ դանակահարել նրան, իսկ երբ Լևոնը փորձել է նրանց բաժանել, նրա ձեռքը վնասվել է:
Վ.Սահակյանը լավ հայր է, համեստ մարդ, նրա կինը` Արմինեն շատ լավ աղջիկ է, ինքը նրա հետ մտերիմ է: Նշված հասցեում ապրելու ողջ ընթացքում Վահագն երբևէ իրեն վատ չի դրսևորել, նրանից ոչ մի վատ բան չի տեսել կամ լսել: Երբեք իր մտքով չէր անցնի, որ Վ.Սահակյանը նման բան կարող է անել:
Սերգեին ճանաչում է շուրջ 5 տարի, որի ընթացքում շուրջ երկու տարին ծառայել է ԼՂՀ-ում: Ս.Ռուբենյանը շատ դաստիրակված, նվիրված, ազնիվ, անձնազոհ, սակայն շուտ վրդոհվող և տաքարյուն տղա է: Երբևէ նրանից վատ բան չի տեսել կամ լսել:
Երբ Վահագն Սահակյանը եկել է իրենց բնակարան, նրա վրա ոչ մի վնասվածք կամ արյան հետք չի տեսել, սակայն նա ալկոհոլ օգտագործած վիճակում էր, դեմքը գունատ է, որևէ այլ բան չի նկատել: Վահագն ինչ որ անիմաստ բաներ էր խոսում, ինչին ինքը ուշադրություն չի դարձրել, միայն իր մոտ տպավորվել է <<Լևոնն իրեն լավ չի պահում>> արտահայտությունը: Լևոնի տնից դուրս գալուց հետո ինքը ոչ մի ձայն չի լսել:
Հրապարակման կապակցությամբ պատասխանելով կողմերի հարցերին վկա Ա.Շահումյանը ցուցմունք տվեց և հայտնեց, որ նախաքննության և դատարանում տված ցուցմունքների միջև առկա հակասությունները պայմանավորված է շուրջ կես տարի ժամանակ անցնելու հանգամանքով, պնդում է նախաքննության ընթացքում տված ցուցմունքը:

/դատական նիստի արձանագրություն/

-Վկա Վանուշ Սամվելի Ադոնցի ցուցմունքով: Վերջինս դատաքննության ընթացքում ըստ էության ցուցմունք տվեց և հայտնեց, որ աշխատանքը ավարվելուց հետո նկատել է վիրավոր տղայի, ում հրավիրել է պահեստ, սակայն վերջինս հրաժարվել է: Վիրավոր տղայի դեմքը չի հիշում, նրա հետ եղել է ևս մի տղա, ում վնասվածքը չի տեսել:
Ինքը և իրենց աշխատակից Աշոտ Ալեքսանյանը գոռգոռոցներ լսելով դուրս են եկել պահեստից և տեսել Վ.Սահակյանին ընկած, ապա վերադառձել են պահեստ, տեսել են վիրավոր տղային, ներս հրավիրել, որպեսի բուժօգնություն ցույց տան:
Նշել է նաև, որ Վ.Սահակյանին տեսնելով ընկած չեն մոտեցել, քանի որ վախեցել է, որ իրեն էլ ինչ որ բան կպատահի: Հետագայում, երբ տեսել է վիրավոր տղային, բուժօգնություն ցույց տալու նպատակով ներս է հրավիրել: Չի տեսել պահեստում տուժողին բուժօգնություն ցույց տվել են թե ոչ, իսկ իճաբանության մասին տեղեկացել է քննիչներից :
Նշել է նաև, որ Վ.Սահակյանին մեջքի վրա պառկած է տեսել: Վերջինիս ճանաչել է, քանի որ մեքենայի լուսարձակները ընկել են նրա դեմքի վրա, սակայն հեռու է եղել և չի տեսել դեմքի վնասվածքը:
Նախաքննության ընթացքում ցուցմունք տալու ժամանակ իր վրա որևէ ճնշում չի գործադրվել:
Հրապարակվեց և հետազոտվեց վկա Վանուշ Սամվելի Ադոնցի նախաքննական 2016 թվականի նոյեմբերի 18-ի ցուցմունքը, համաձայն որի 2015թ հոկտեմբերից աշխատում է Երևան քաղաքի Կոմիտաս 46 հասցեում գտնվող <<Երևան Սիթի>> սուպերմարկետում որպես պահեստի բանվոր: Աշխատում է յուրաքանչուր օր` առավոտյան ժամը 09:00-ից մինչև 18:30-ը, սակայն լինում են դեպքեր, երբ աշխատում է հավելյալ ժամեր: Սուպերմարկետի պահեստից դուռ է բացվում դեպի Կոմիտասի 46 շենքի բակ` շենքի 2-րդ և 3-րդ շքամուտքն ընկած հատվածում: 11.11.2015թ-ին գտնվել է աշխատանքի վայրում և իրականացրել իր աշխատանքային պարտականությունները: Նույն օրը` ժամը 19:10-ի սահմաններում, երբ տեսել է, որ պահեստի կողմով իր աշխատանքային ընկեր Աշոտ Ալեքսանյանը դուրս է եկել դեպի շենքի բակ, ինքը գնացել է նրա հետևից: Շենքի դիմաց գտնվող ցայտաղբյուրի մոտ նկատել է, որ իրար հետ վիճաբանում և իրար են քաշքշում երկու անձինք, որոնցից ոչ մեկի դեմքը չի տեսել, քանի որ մութ էր, իսկ մի քանի վարկյան անց տեսել է իրեն ընդառաջ եկող մի երիտասարդի, որի հագուստի ձախ կողային հատվածը արյունոտված էր: Ինքը նրան առաջարկել է մտնել պահեստ և լվացվել, իսկ իրենց աշխատակից Վանուշը, քանի որ գտնվում էր պահեստի դռան մոտ, նրան ուղեկցել է ներս` լվացվելու, ինքը նրանց հետևից մտել է ներս, որտեղ դեպի պահեստ իջնող աստիճանների վրա, տեսել նաև մի երիտասարդ տղայի, ում ձեռքից նույնպես արյուն էր գալիս: Նշել է նաև, որ Աշոտի հետևից պահեստի դռնից դեպի բակ դուրս գալուց հետո լսել է վիճաբանության ձայներ, տեսել է, որ ցայտաղբյուրի մոտ երկու հոգի միմյանց քաշքշում են, սակայն նրանք ընկած էին գետնին, թե կանգնած են եղել, ինքը չի հասկացել, քանի որ մութ է եղել: Ինքը հայհոյանքներ չի լսել, միայն լսել է գոռգոռոցներ և տեսել է քաշքշուկ:
Հրապարակման կապակցությամբ պատասխանելով կողմերի հարցերին վկա Վ.Ադոնցը ցուցմունք տվեց և հայտնեց, որ Վ.Սահակյանի մասին լսել է դեպքի օրը, երբ Աշոտն ասել է, որ նա շենքի Վահագն է: Նախաքննության ընթացքում տված ցուցունքների և դատարանում տված ցուցմունքի հակասություները պատճառաբանում է դեպքից հետո իր հետ տեղի ունեցած ավտովթարով, որի հետևանքով հիշողության հետ կապված խնդիրներ են առաջացել: Նախաքննության ընթացքում ցուցմունք տալու ժամանակ ոչ ոք իր վրա չի ազդել և դատարանը կարող է հիմք ընդունել նախաքննության ընթացքում տված իր ցուցմունքները:

/դատական նիստի արձանագրություն/

-Վկա Աշոտ Արթուրի Ալեքսանյանի ցուցմունքով: Վերջինս դատաքննության ընթացքում ըստ էության ցուցմունք տվեց և հայտնեց, որ դեպքի օրը կոնկրետ չի հիշում, երեկո էր և առաքիչին էր ճանապարհում, երբ ձայներ է լսել և դուրս եկել, որպեսզի տեսնի իրենց աշխատողներն են, թե ոչ: Տեսել է 3 անձանց` որոնցից 2-ը երիտասարդ էին, իսկ մյուսը ավելի տարիքով: Երիտասարդներից մեկը և ավելի տարիքով մարդը քաշքշում էին միմյանց, իսկ մյուս երիտասարդը փորձում էր բաժանել: Տեսնելով որ իրենց աշխատողներից չեն, վերադարձել է պահեստ և փակել դուռը:
Դուռը բացելով և դուրս գալով կոնկրետ տեսել է, որ տարիքով մարդը պառկած է գետնին, իսկ երիտասարդը նրա կրծքավանդակին նստած, իսկ մյուս երիտասարդը նրան վեր էր քաշում: Դրանից հետո, երբ երիտասարդները մոտեցել են իրեն օգնություն է առաջարկել, բայց նրանք հրաժարվել են, մի երիտասարդի կողքը վնասված էր, իսկ մյուսի վնասվածքը չի տեսել:
Վիճաբանությանն ինքը ներկա է եղել 2-3 րոպե և տեսել է, որ երիտասարդը մյուս երիտասարդին քաշելով բաժանում էր, բայց չի տեսել արդյոք նրան հաջողվել է բաժանել նրանց: Այն երիտասարդը, որին քաշում էին, հարվածում էր տարիքով մարդուն, երևի դեմքի հատվածներին:
Անձամբ տեսել է, որ երիտասարդը նստած վիճակում հարվածներ է հասցրել տարիքով տղամարդուն, վերջինս գլուխը բռնած էր` պաշտպանվում էր, իսկ երիտասարդը հարվածներ էր հասցնում: Չի նկատել, որ տարիքով տղամարդը հարվածներ հասցնի երիտասարդին: Ինքը նրանց ձեռքերում ոչինչ չի տեսել: Նրանց խոսակցությունը չի լսել և առ այսօր վիճաբանության պատճառից տեղյակ չէ:
Հրապարակվեց և հետազոտվեց վկա Աշոտ Արթուրի Ալեքսանյանի նախաքննական` 2016 թվականի նոյեմբերի 18-ի ցուցմունքը, համաձայն որի 11.11.2015թ-ին գտնվել է աշխատանքային վայրում և իրականացրել է իր աշխատանքային պարտականությունները: Նույն օրը` ժամը 19:10-ի սահմաններում, ապրանք մատակարարողին ճանապարհելու նպատակով, երբ պահեստի դռնից այդ մատակարարի հետ դուրս է եկել, տեսել է, որ շենքի բակում` ցայտաղբյուրի հետնամասում առկա տաղավարի մոտ` դիմաց, իրար հետ վիճաբանում և իրար են քաշքշում երկու անձինք, որոնցից մեկը երիտասարդ էր, մյուսը տարիքով, իսկ մեկ երիտասարդ տղա փորձում էր նրանց իրարից բաժանել և վիճաբանող երիտասարդին քաշում էր մի կողմ: Այդ ընթացքում տեսել է, թե ինչպես տարիքով տղամարդը ընկել է գետնին, իսկ նրա վրա երիտասարդ տղան` ում հետ որ վիճաբանում էր: Դրանից հետո մյուս տղան կրկին փորձել է երիտասարդ տղային վեր բարձրացնել և մի կողմ քաշել, այնուհետև այդ երկու երիտասարդները քայլել են դեպի իրենց պահեստի դռան մոտ և ինքը տեսել է, որ վիճաբանող երիտասարդ տղայի հագուստի ձախ կողային մասը արյունոտված է, իսկ վիճաբանողներին իրարից բաժանող տղայի ձախ ձեռքից արյուն է հոսում: Ինքը նրանց օգնություն ցույց տալու նպատակով առաջարկել է սպասել մինչև բամբակ կամ բինտ բերի, իսկ այդ ընթացքում վիճաբանողներից տարիքով տղամարդը շենքի բակի ցայտաղբյուրի մոտ ընկած էր գտնին: Մինչ ինքը մտել է պահեստ, որպեսզի բամբակ բարձրացներ, տեսել է, որ այդ երիտասարդ տղանները մտել են ներս, որից հետո տեսնելով, որ նրանց օգնություն չեն կարող ցույց տալ, անմիջապես դուրս են եկել: Դրանից ինքը պահեստի դուռը փակել է և այլևս չգիտի, թե ինչ է եղել:
Ինքը հայհոյանքներ չի լսել, պահեստից դուրս է եկել մատակարարին ճանապարհելու նպատակով, որի ընթացքում տեսել է, որ ցայտաղբյուրի հետնամասում` տաղավարի մոտ իրար են քաշքշում և հարվածում մի երիտասարդ տղա և մի տարիքով տղամարդ, իսկ մեկ այլ երիտասարդ տղա էլ նրանց իրարից բաժանում էր:
Վիճաբանողներից տարիքով տղամարդը և երիտասարդը իրար էին քաշքշում, ինքը կոնկրետ հարվածներ չի տեսել և քանակ չի կարող ասել, սակայն նրանց ձեռքերի շարժումներից է հասկացել, որ իրար հարվածում են, իսկ մյուս երիտասարդն ողջ ընթացքում վիճաբանող երիտասարդին էր մի կողմ քաշում` թույլ չտալով շարունակել կռիվը, սակայն վերջինս նրան չէր ենթարկվում և շարունակում էին գետնին ընկած իրար քաշքշել: Այդ ընթացքում նրանց իրարից բաժանող երիտասարդը գետնին ընկած տարիքով տղամարդու վրայից էր քաշում վիճաբանող երիտասարդին:
Ինքը վիճաբանությանը ականատես է եղել մոտ 2 րոպե, որից հետո այն ավարտվել է, իսկ այլ անձանց չի տեսել, վիճաբանողներին չի ճանաչել:
Վերջում տեսել է, որ նշված երրորդ անձը մնացել է այդ ցայտաղբյուրի մոտ գետնին ընկած, և քանի որ մութ էր, ապա չի նկատել, թե նա վնասվածքներ ունեցել է, թե ոչ:
Նրանցից որևէ մեկի մոտ դանակ կամ այլ առարկա չի տեսել:
Հրապարակման կապակցությամբ պատասխանելով կողմերի հարցերին վկա Ա.Ալեքսանյանը ցուցմունք տվեց և հայտնեց, նախաքննության ընթացքում ցուցմունք տալուց որոշ պահեր չի հիշել, դրանք հետո է հիշել, օրինակ. <<գլուխը բռնելու>> մասը չի հիշել, հետագայում է հիշել:
/դատական նիստի արձանագրություն/

Հրապարակված և հետազոտված 11.11.2015թ-ին Լևոն Արթուրի Շահումյանից հաղորդում ընդունելու մասին արձանագրությամբ, համաձայն որի, 11.11.2015թ-ին, ժամը 19 :00-ի սահմաններում, Կոմիտաս 46 շենքի բակում Վահագն Սահակյանն անհիմն վիճաբանել է Լ.Շահումյանի և նրա ընկեր Սերգե Ռուբենյանի հետ, որի ընթացքում Վ.Սահակյանն իր մեքենայից վերցրած կամ ձեռքում եղած դանակով մի քանի անգամ հարվածներ է հասցրել Ս.Ռուբենյանի ձախ կողային հատվածին, ապա նաև Լ.Շահումյանի ձախ ձեռքին` պատճառելով մարմնական վնասվածքներ:
/դատական նիստի արձանագրություն/

Հրապարակված և հետազոտված 11.11.2015թ-ին Վահագն Վլադիմիրի Սահակյանի սթափության վիճակի զննության թիվ 564 արձանագրությամբ, համաձայն որի վերջինս գտնվել է <<ալկոհոլային հարբածություն>> վիճակում:
/դատական նիստի արձանագրություն/

Հրապարակված և հետազոտված 11.11.2015թ-ին Լևոն Արթուրի Շահումյանի մասնակցությամբ կատարված դեպքի վայրի զննության արձանագրությամբ, համաձայն որի Լևոն Արթուրի Շահումյանը մատնացույց է արել և հայտնել, որ նույն օրը, ժամը 18:50-ի սահմաններում, ընկերոջ` Սերգե Ռուբենյանի հետ նստած են եղել իրեն պատկանող <<Վոլցվագեն Ջետա>> մակնիշի ավտոմեքենայի մեջ, որը կայանված է եղել ցայտաղբյուրի հետնամասում գտնվող ավտոմեքենաների կայանման համար նախատեսված հրապարակում, երբ ավտոմեքենային է մոտեցել իրենց շենքի բնակիչ Վահագն Սահակյանը, որից հետո իրենք դուրս են եկել ավտոմեքենայից: Ավտոմեքենայի մոտ զրույցի ժամանակ Ս.Ռուբենյանի հետ չեն հասկացել իրար, որի ժամանակ հրել են միմյանց: Այնուհետև Վ.Սահակյանը գնացել է և իր <<ԲՄՎ>> մակնիշի 5-րդ սերիայի 35 TO 377 հ/հ ավտոմեքենայից ինչ որ բան վերցրել ու որոշ ժամանակ անց վերադառնալուց հետո իր ավտոմեքենայի մոտ Վ.Սահակյանը սկսել է քաշքշել Ս.Ռուբենյանին, որին միջամտել է ինքը և փորձել բաժանել, սակայն Վ.Սահակյանն իր մոտ գտնվող դանակով հարվածել է իր ձեռքի մատին, այնուհետև դանակով հարվածներ է հասցրել Ս.Ռուբենյանի մարմնի տարբեր մասերին: Դրանից հետո ինքը Ս.Ռուբենյանի հետ բարձրացել է իր կոմիտաս 46 շենքի 3-րդ մուտքի 3-րդ հարկում գտնվող 42 բնակարան` լվացվելու:
Դեպքի վայրի զննությամբ Երևան քաղաքի Կոմիտաս 46 շենքի 3-րդ մուտքի 3-րդ հարկի 42 բնակարանի մուտքի դիմաց` գետնին հայտնաբերվել է արնանման հետք, որը վերցվել է բամբակե խծուծի վրա:

/դատական նիստի արձանագրություն/

Հրապարակված և հետազոտված <<Քանաքեռ-Զեյթուն>> ԲԿ-ից 11.11.2015թ-ին վերցված Սերգե Անդրանիկի Ռուբենյանի հագուստների զննություն կատարելու մասին 12.11.2015թ. արձանագրությամբ, համաձայն որի` Ս.Ռուբենյանի <<Արմանի>> տեսակի կապույտ գույնի կաշվենման բաճկոնի ձախ կողային և ձախ գրպանի հատվածում առկա են կտրվածքի ձևով վնասվածքներ, որոնք ունեն 1սմ, 1.5սմ, 2սմ չափեր, իսկ բաճկոնի ներսի ձախ գրպանային հատվածում առկա են արնանման հետքեր: Ս.Ռուբենյանի ջինսե տաբատի վրա վնասվածքներ չեն հայտնաբերվել, սակայն տաբատի ձախ կողային հատվածում առկա են արնաման հետքեր:
/դատական նիստի արձանագրություն/

Հրապարակված և հետազոտված 12.11.2015թ-ին Վահագն Վլադիմիրի Սահակյանի մասնակցությամբ կատարված դեպքի վայրի լրացուցիչ զննության արձանագրությամբ, համաձայն որի` Վահագն Վլադիմիրի Սահակյանը մատնացույց է արել և հայտնել, որ ինքը Սերգե Ռուբենյանի հետ սկզբում վիճաբանել է ցայտաղբյուրից տաղավարն ընկած հատվածում, որի ժամանակ իրենք իրար քաշքշել են և հարվածել: Դրանից հետո իրենք վիճաբանելով գնացել են դեպի ձախ` կոմիտաս 46 շենքի 2-րդ մուտքի կողմ, որտեղ Ս.Ռուբենյանը շարունակել է իրեն քաշքշել և հարվածել: Դրանից հետո Ս.Ռուբենյանը և Լևոն Շահումյանը գնացել են ցայտաղբյուրի հետնամաս` դեպի տաղավարի կողմ, իսկ ինքը շենքի 3-րդ մուտքի մոտից վերցրել է կնոջ նետած բանալիները, մոտեցել տաղավարի կողքը կայանված իր՝ <<ԲՄՎ 5>> մակնիշի, կանաչ գույնի 35 TO 377 հ/հ ավտոմեքենային, բացել առջևի ձախ դուռը, դռան մեջի դարակից հանել դանակը և մոտենալով ցայտաղբյուրի հետնամասում կանգնած Լ.Շահումյանին և Ս.Ռուբենյանին, սկսել են վերջինիս հետ քաշքշել իրար, որի ընթացքում ինքը պատահական վնասել է իրենց բաժանող Լ.Շահումյանի ձեռքը և դանակահարել Ս.Ռուբենյանին: Մասնակցի` Վահագն Սահակյանի հայտարարությամբ դանակը գտնվում է իր ավտոմեքենայի մեջ:
/դատական նիստի արձանագրություն/

Հրապարակված և հետազոտված 12.11.2015թ-ին Վահագն Վլադիմիրի Սահակյանի Երևան քաղաքի Կոմիտաս 46 շենքի 50 բնակարանում և վերջինիս պատկանող <<ԲՄՎ>> մակնիշի 5-րդ սերիայի 35 TO 377 հ/հ ավտոմեքենայում կատարված խուզարկության արձանագրությամբ, համաձայն որի Վ.Սահակյանի <<ԲՄՎ>> մակնիշի 35 TO 377 հ/հ ավտոմեքենայի վարորդի դռան գրպանիկից հայտնաբերվել է մետաղական կորպուսով, գաղտնի փականով, բռնակի հատվածում կանաչադեղնավուն նախշերով դանակ, որը փակ վիճակում ունի 11սմ, իսկ բաց վիճակում` 19.5 սմ երկարություն:
/դատական նիստի արձանագրություն/

Հրապարակված և հետազոտված 13.11.2015թ-ին տուժող Լևոն Արթուրի Շահումյանի մասնակցությամբ, 12.11.2015թ-ին առգրավված Երևան քաղաքի Կոմիտաս 46 հասցեում գործող <<Երևան Սիթի>> սուպերմարկետի հետնամասի` պահեստային հատվածը տեսագրող տեսախցիկների, տեսագրությունները զննելու մասին արձանագրությամբ, համաձայն որի` 1_03_H_112015190000 ֆայլի զննությամբ 2015 թվականի նոյեմբերի 11-ին` ժամը 19:06:09-ին, կադրում է երևում մի տղա, ով ըստ մասնակից Լ.Շահումյանի հայտարարության հանդիսանում է Սերգե Ռուբենյանը, ով բաճկոնը դնում է նստարանին և կադրից դուրս հայտնվում: Ժամը 19:06.26-ին նշված նստարանի մոտ են գալիս երեք անձինք և ըստ մասնակցի հայտարարության նրանցից մեկը ինքն է, մյուսը Ս.Ռուբենյանը, իսկ երրորդը` Վահագն Սահակյանը, ով յուրաքանչյուր անգամ հետ-հետ է գնում, իսկ ինքը փորձում է հանդարտեցնել Ս.Ռուբենյանին, սակայն վերջինս իրեն նույնպես մի կողմ է հրել և հարձակվել է Վ.Սահակյանի վրա: Ժամը 19.06.50-ին նրանք հանդարտվում են և քայլելով դեպի ձախ կադրից դուրս հայտնվում: Ժամը 19.10.23-ին կադրում է հայտնվում Ս.Ռուբենյանը, ում ձախ կողային հատվածը գտնվում է մուգ գույնի թրջված վիճակում և ըստ մասնակցի հայտարարության դա արյան հետքերն էին, ով նստարանի դիմաց գտնվող <<Երևան Սիթի>> պահեստի մուտքից դուրս եկած տղաների առաջարկով մտնում է դռնից ներս, իսկ ժամը 19.11.00-ին կադրում է երևում մասնակիցը` Լ.Շահումյանը և նույնպես մտնում պահեստի դռնից ներս: 15 վայրկյան հետո նա դուրս է գալիս ձեռքը բռնած վիճակում, և ըստ վերջինիս հայտարարության իր ձեռքը վնասվել է իրար հետ կռիվ անող Վ.Սահակյանին և Ս.Ռուբենյանին իրարից բաժանելու ժամանակ: Միաժամանակ պահեստից դուրս է գալիս նաև Ս.Ռուբենյանը և քայլելով դեպի ձախ` կադրից դուրս հայտնվում:
1_04_H_112015190000 ֆայլի զննությամբ 2015 թվականի նոյեմբերի 11-ին` ժամը 19:06:09-ին, կադրում է երևում մի տղա, ով ըստ մասնակցի հայտարարության հանդիսանում է Սերգե Ռուբենյանը, ով բաճկոնը դնում է նստարանին և կադրից դուրս հայտնվում: Ժամը 19:06:26-ին նշված նստարանի մոտ են գալիս երեք անձինք և ըստ մասնակցի հայտարարության մեկը ինքն է, մյուսը Ս.Ռուբենյանը, իսկ երրորդը` Վահագն Սահակյանը, որտեղ Ս.Ռուբենյանը մի քանի անգամ հրում է Վ.Սահակյանին, ով յուրաքանչյուր անգամ հետ-հետ է գնում, ինչպես նաև հետ է հրում զննության մասնակցին` Լ.Շահումյանին, ով փորձում է հանդարտեցնել Ս.Ռուբենյանին, ժամը 19.06.50-ին նրանք հանդարտվում են և քայլելով կադրից դուրս հայտնվում: Ժամը 19:07:00-ին Վ.Սահակյանը մոտենում է շենքի 3-րդ մուտքին և ժամը 19.07.50-ին կադրից դուրս հայտնվում` քայլելով դեպի աջ: Ըստ մասնակից Լ.Շահումյանի հայտարարության, այդ ժամանակ Վ.Սահակյանն իր կնոջից վերցնելով ավտոմեքենայի բանալիները, գնում է ավտոմեքենայի մոտ, բացում դուռը և ինչ որ բան վերցնում, որից հետո մոտենում է իրեն և Ս.Ռուբենյանին` ասելով. <<էկեք ըստե>>, որից հետո մոտենալով Ս.Ռուբենյանին սկսել են իրար քաշքշել: Ժամը 19.10.23-ին կադրում է հայտնվում Ս.Ռուբենյանը, ով հանում է իր բաճկոնը և երևում է, որ նրա ձախ կողային հատվածը գտնվում է մուգ գույնի` թրջված վիճակում և ըստ մասնակցի հայտարարության դա արյան հետքերն են: Դրանից հետո Ս.Ռուբենյանը մտնում է նստարանի դիմաց գտնվող <<Երևան Սիթի>> պահեստի մուտքի դռնից ներս և ժամը 19.11.00-ին կադրում է երևում զննության մասնակիցը` Լ.Շահումյանը, ով նույնպես մտնում է պահեստի դռնից ներս: 15 վայրկյան հետո Լ.Շահումյանը դուրս է գալիս ձեռքը բռնած վիճակում, իսկ նրա հետևից դուրս է գալիս նաև Ս.Ռուբենյանը և նրանք քայլելով գնում են դեպի ձախ ու կադրից դուրս հայտնվում:

/դատական նիստի արձանագրություն/

Հրապարակված և հետազոտված 13.11.2015թ-ին Վահագն Վլադիմիրի Սահակյանի մասնակցությամբ, 12.11.2015թ-ին առգրավված Երևան քաղաքի Կոմիտաս 46 հասցեում գործող <<Երևան Սիթի>> սուպերմարկետի հետնամասի` պահեստային հատվածը տեսագրող տեսախցիկների, տեսագրությունները զննելու մասին արձանագրությամբ, համաձայն որի` 1_03_H_112015190000 ֆայլի զննությամբ 2015 թվականի նոյեմբերի 11-ին ժամը 19:06:09-ին կադրում է երևում մի տղա, ով ըստ մասնակից Վ.Սահակյանի հայտարարության հանդիսանում է Սերգե Ռուբենյանը, ով բաճկոնը դնում է նստարանին, հետ քայլում և կադրից դուրս հայտնվում: Ժամը 19:06.26-ին նշված նստարանի մոտ են գալիս երեք անձինք և ըստ մասնակցի հայտարարության եկողներից առաջինը Ս.Ռուբենյանն է, մյուսը Լ.Շահումյանը, իսկ երրորդը` ինքը: Քաշքշուկ է սկսվում Ս.Ռուբենյանի և զննության մասնակցի միջև, որի ընթացքում Ս.Ռուբենյանը 3 անգամ ձեռքերով ուժգին հետ է հրում Վահագն Սահակյանին, իսկ Լ.Շահումյանը փորձում է հանդարտեցնել Ս.Ռուբենյանին, սակայն վերջինս Լ.Շահումյանին նույնպես մի կողմ է հրում և հարձակվում Վահագն Սահակյանի վրա: Ժամը 19.06.50-ին նրանք հանդարտվում են և քայլելով դեպի ձախ` կադրից դուրս հայտնվում: Ժամը 19.10.23-ին կադրում է հայտնվում Ս.Ռուբենյանը, ում ձախ կողային հատվածը գտնվում է մուգ գույնի` թրջված վիճակում և ըստ մասնակից Վահագն Սահակյանի հայտարարության դա հավանաբար դանակահարության հետևանքով առաջացած վնասվածքից արյան հետքն է: Ս.Ռուբենյանը նստարանի դիմաց գտնվող <<Երևան Սիթի>> պահեստի մուտքից դուրս եկած տղաների առաջարկով մտնում է դռնից ներս, իսկ ժամը 19.11.00-ին կադրում է երևում Լ.Շահումյանը և նույնպես մտնում պահեստի դռնից ներս: 15 վայրկյան հետո նա դուրս է գալիս ձեռքը բռնած վիճակում և ըստ մասնակից Վ.Սահակյանի հայտարարության Լ.Շահումյանի ձեռքը պատահական է վնասվել` իրեն և Ս.Ռուբենյանին իրարից բաժանելու ժամանակ: Միաժամանակ պահեստից դուրս է գալիս նաև Ս.Ռուբենյանը և քայլելով դեպի ձախ` կադրից դուրս հայտնվում:
1_04_H_112015190000 ֆայլի զննությամբ 2015 թվականի նոյեմբերի 11-ին ժամը 19:06:09-ին կադրում է երևում մի տղա, ով ըստ մասնակցի հայտարարության հանդիսանում է Սերգե Ռուբենյանը, ով բաճկոնը դնում է նստարանին և կադրից դուրս հայտնվում: Ժամը 19:06.26-ին նշված նստարանի մոտ են գալիս երեք անձինք և ըստ մասնակցի հայտարարության եկողներից առաջինը Ս.Ռուբենյանն է, երկրորդը Լևոն Շահումյանը, իսկ երրորդը` ինքը, որտեղ Ս.Ռուբենյանը մի քանի անգամ ձեռքերով ուժգին հետ է հրում զննության մասնակցին` Վահագն Սահակյանին, ինչպես նաև հետ է հրում Լ.Շահումյանին, ով փորձում է հանդարտեցնել Ս.Ռուբենյանին և ժամը 19.06.50-ին նրանք հանդարտվում են և քայլելով դեպի աջ կադրից դուրս հայտնվում: Ժամը 19:07:00-ին երևում է, թե ինչպես ինչ-որ մեկը մոտենում է շենքի 3-րդ մուտքին: Ըստ մասնակից Վ.Սահակյանի հայտարարության այդ անձը ինքն է և մոտենալով շքամուտքի դռանը տնային զանգի միջոցով կնոջը հայտնել է, որ տանից նետի իր ավտոմեքենայի բանալիները, որից հետո` ժամը 19.07.50-ին, քայլելով դեպի աջ` կադիրց դուրս է հայտնվում: Ըստ մասնակակից Վ.Սահակյանի հայտարարության ինքը վերցնելով ավտոմեքենայի բանալիները գնացել է տաղավարի կողային հատվածում կանգնած իր ավտոմեքենայի մոտ, բացել վարորդի դուռը, դռան ներսի կողմի դարակից վերցրել դանակը ու մոտեցել է ցայտաղբյուրի մոտ կանգնած Ս.Ռուբենյանին և ԼՇահումյանին: Իր և Լ.Շահումյանի միջև կրկին քաշքշուկ է սկսվել, որի ընթացքում ինքը չի հասկացել, թե ինչպես է հայտնվել գետնին, իսկ Ս.Ռուբենյանը իր վրա և չի զգացել, թե ինչպես է դանակահարել Ս.Ռուբենյանին և վնասել Լ.Շահումյանի ձեռքը: Դրանից հետո Լ.Շահումյանը Ս.Ռուբենյանին իր վրայից հետ է քաշել, իսկ ինքն որոշ ժամանակ մնացել է գետնին ընկած, քանի որ չի կարողացել ոտքի կանգնել: Ժամը 19.10.23-ին կադրում է հայտնվում Ս.Ռուբենյանը, ով հանում է իր բաճկոնը և երևում է, որ նրա ձախ կողային հատվածը գտնվում է մուգ գույնի թրջված վիճակում և ըստ մասնակցի հայտարարության դա հավանաբար արյան հետքերն են: Դրանից հետո Ս.Ռուբենյանը մտնում է նստարանի դիմաց գտնվող <<Երևան Սիթի>> պահեստի մուտքի դռնից ներս և ժամը 19.11.00-ին կադրում է երևում Լ.Շահումյանը, ով նույնպես մտնում է պահեստի դռնից ներս: 15 վայրկյան հետո Լ.Շահումյանը դուրս է գալիս ձեռքը բռնած վիճակում, իսկ նրա հետևից դուրս է գալիս նաև Ս.Ռուբենյանը, ինչ որ բան խոսելով առաջ գալիս և հետ գնում, որից հետո նրանք քայլելով գնում են դեպի ձախ ու կադրից դուրս հայտնվում: Ըստ մասնակից Վ.Սահակյանի հայտարարության, ինքը այդ ժամանակ եղել է 3-րդ մուտքի մոտ և Ս.Ռուբենյանն ու Լ.Շահւմյանը ինչ որ բան են խոսել նրա հետ, որը սակայն չի հիշում:
/դատական նիստի արձանագրություն/

Հրապարակված և հետազոտված 27.11.2015թ-ին Երևան քաղաքի Կոմիտաս 46 հասցեում գործող <<Երևան Սիթի>> սուպերմարկետից առգրավված այլ փաստաթուղթ հանդիսացող լազերային կրիչը թիվ 14820115 քրեական գործով ապացույց ճանաչելու և գործին կցելու որոշմամբ:
/դատական նիստի արձանագրություն/

Հրապարակված և հետազոտված դատաբժշկական փորձաքննության թիվ 2141/հ եզրակացությամբ, համաձայն որի` Սերգե Անդրանիկի Ռուբենյանի մարմնական վնասվածքները կրծքավանդակի ձախ կեսի միջին անութային գծով ծակած-կտրած թափանցող և կրծքավանդակի ձախ կեսի հետին անութային գծով ծակած-կտրած չթափանցող վերքերի ձևով, պատճառվել են սուր ծակող-կտրող գործիքի /ների/ ներգործությամբ, հնարավոր է փորձաքննվողի կողմից նշված ժամանակին և հանգամանքներում, որոնք առողջությանը պատճառել են ծանր վնաս, կյանքին վտանգ սպառնացող: Կրծքավանդակի ձախ կեսի միջին անութային գծով ծակած-կտրած թափանցող վնասվածքն առանձին վերցված առողջությանը պատճառել է ծանր վնաս, կյանքին վտանգ սպառնացող, որի վերքային խողովակի ուղղությունն է` դրսից-ներս, վերից-վար: Կրծքավանդակի ձախ կեսի հետին անութային գծով ծակած-կտրած չթափանցող վնասվածքը առանձին վերցված առողջության թեթև վնասի հատկանիշներ չի պարունակում:
/դատական նիստի արձանագրություն/
Հրապարակված և հետազոտված դատաբժշկական փորձաքննության թիվ 3317 եզրակացությամբ, համաձայն որի` Վահագն Վլադիմիրի Սահակյանի մարմնական վնասվածքները` աջ և ձախ ակնակապճային շրջանների, ձախ դաստակի շրջանի արյունազեղումների, ձախ ձեռքի հինգերորդ մատի, աջ թիակային շրջանի քերծվածքների ձևով, պատճառվել են` բութ առարկայով /ներով/, հնարավոր է նշված ժամկետում և հանգամանքներում, որոնք առողջությանը թեթև վնաս պատճառող հատկանիշներ չեն պարունակում ինչպես միասին, այնպես էլ առանձին վերցրած:
/դատական նիստի արձանագրություն/

Հրապարակված և հետազոտված դատակենսաբանական և դատահետքաբանական Հմ` 15-3263 եզրակացությամբ, համաձայն որի փորձաքննությանը ներկայացված Ս.Ռուբենյանի արյան նմուշը ըստ ABO իզոշճաբանական համակարգի պատկանում է A խմբին :
Փորձաքննության ներկայացրած Լ.Շահումյանի ջինսե տաբատի, վերնազգեստի, Ս.Ռուբենյանի ջինսե տաբատի, գոտիի, բաճկոնի, բամբակե խծուծի վրա տեղակայված կասկածելի հետքում հաստատվեց արյան առկայություն, որը պատկանում է մարդու և առաջացել է ըստ արյան ABO իզոշճաբանական համակարգի A խմբի արյուն ունեցող որևէ անձից կամ անձանցից, այդ թվում կարող էր առաջանալ Ս.Ռուբենյանից:
Փորձաքննության ներկայացրած դանակի շեղբի վրա տեղակայված կասկածելի հետքերում հաստատվեց արյան առկայություն, սակայն տեսակը, հետևաբար և խումբը որոշել հնարավոր չեղավ հետքերում արյան սպիտակուցի հավանաբար 1:000-ից նոսր խտության պատճառով:
Փորձաքննության ներկայացրած դանակի բռնակի և Վ.Սահակյանի սպորտային տաբատի վրա տեղակայված կասկածելի հետքերում <<Հեմո-Ֆան>> ախտորոշիչ ժապավենի փորձով արյան առկայություն չհաստատվեց:
Փորձաքննության ներկայացված Վ.Սահակյանի սպորտային վերնամասի և բաճկոնի վրա մանրակրկիտ զննությամբ արյան նմանվող կասկածելի հետքեր չեն հայտնաբերվել:
Փորձաքննության ներկայացված Ս.Ռուբենյանի բաճկոնի վրա առկա վնասվածքները իրենց բնույթով ծակած-կտրած են, առաջացել են երկկողմանի սայր կամ միակողմանի սայր և բութ կողմի մինչև 2 մմ չգերազանցող շեղբ ունեցող ծակող-կտրող գործիքի` դանակի ներգործությունից : Վնասվածքները ըստ խորաթափանցման մակարդակի կարող էին առաջանալ ինչպես ներկայացված դանակի` այնպես էլ նմանատիպ կառուցվածքային հատկանիշներ ունեցող այլ դանակ /ների/ ներգործություններից:
Լևոն Շահումյանի և Վահագն Սահակյանի հագուստների հետազոտությամբ վնասվածքներ չեն հայտնաբերվել:

/դատական նիստի արձանագրություն/

Հրապարակվեցին և հետազոտվեցին նաև.
12.11.2015թ-ին Սերգե Անդրանիկի Ռուբենյանի հագուստները իրեղեն ապացույց ճանաչելու և քրեական գործի հետ պահելու որոշումը:
13.11.2015թ-ին Վահագն Վլադիմիրի Սահակյանի <<ԲՄՎ>> մակնիշի 35 TO 377 հ/հ ավտոմեքենայի խուզարկությամբ հայտնաբերված դանակը իրեղեն ապացույց ճանաչելու և քրեական գործի հետ պահելու որոշումը:
Վահագն Սահակյանի անվամբ տրված թիվ 53 0279036 համարի ՌԴ-ի անձնագիրը, համաձայն որի Վ.Սահակյանը ծնվել է 10.03.1974թ.:
ՀՀ ոստիկանության Ինֆորմացիոն կենտրոնի ձև 8 տեղեկանքը, համաձայն որի Վահագն Սահակյանի վերաբերյալ որևէ տեղեկություններ չկան:
Հարևանների կողմից ամբաստանյալ Վ.Սահակյանին տրված բնութագիրը, համաձայն որի Վահագն Սահակյանը շենքի լավագույն հարևաններից է, կարգապահ ու ընկերասեր է, վայելում է ընկերների ու հարևանների հարգանքն ու սերը: Բացի այն որ նա հարևանների շրջանում հանդիսանում է միջոցառումների կազմակերպիչ, նաև շատ հաճախ օգնում է նրանց առջև ծանրացած խնդիրները լուծելու: Վահագն Սահակյանի կողմից երբևէ բացասական արարքներ թույլ չեն տրվել: Ամուսնացած է, ունի մեկ անչափահաս որդի, ինչպես նաև հանդիսանում է ընտանիքի կերակրող:
ԱԲ 084040 համարի ամուսնության վկայականը, համաձայն որի գրանցվել է Վ.Սահակյանի և Ա. Հովհաննիսյանի ամուսնություանը:
ԱԲ 045183 համարի հայրության ճանաչման վկայականը և ԱԲ 231565 համարի ծննդյան վկայականը, համաձայն որի Վ.Սահակյանը ճանաչել է 2007թ. նոյեմբերի 1-ին ծնված Արայիկ Վահագնի Սահակյանի հայրությունը, մայրը` Արմինե Հովհաննիսյանը:
Դատարանը գտնում է, որ հրապարակված և հետազոտված հիշատակված փաստաթղթերը թույլատրելի և վերաբերելի ապացույցներ են, ձեռք են բերվել ամբաստանյալ Վահագն Վլադիմիրի Սահակյանի արդար դատաքննության իրավունքի ապահովմամբ և որպես ապացույց կարող են դրվել սույն դատական ակտի հիմքում:

4. Դատարանի իրավական վերլուծություններ.

Պատշաճ իրավական ընթացակարգերի շրջանակներում գնահատելով դատաքննությամբ հետազոտված վերոնշյալ ապացույցները`Դատարանը գտնում է, որ ամբաստանյալ Վահագն Վլադիմիրի Սահակյանի կողմից դիտավորությամբ Ս.Ռուբենյանի առողջությանը ծանր վնաս պատճառելը, հաստատված և ապացուցված է, այսինքն` Վահագն Վլադիմիրի Սահակյանը մեղավորությամբ կատարել է հանցավոր արարք, որը համապատասխանում է ՀՀ քրեական օրենսգրքի 112-րդ հոդվածի 1-ին մասով նախատեսված հանցագործության հատկանիշներին, հետևաբար` վերջինս ենթակա է քրեական պատասխանատվության և պատժի վերը հիշատակված հոդվածով (համապատասխան մասով և կետով):
Նման հետևության Դատարանը հանգեց, հաշվի առնելով ամբաստանյալի տուժողի, վկաների ինչպես դատաքննական, այնպես էլ նախաքննական ցուցմունքները, դատարանում հրապարակված և հետազոտված մյուս ապացույցները:
Անդրադառնալով պաշտպան Ա.Խաչատրյանի պաշտպանական ճառում բերված՝ իր պաշտպանյալ Վ.Սահակյանի անմեղությունը ճանաչելու և հռչակելու կամ Վ.Սահակյանին ՀՀ քրեական օրենսգրքի 112-րդ հոդվածի 1-ին մասով մեղսագրված արարքը ՀՀ քրեական օրենսգրքի 116-րդ հոդվածի 2-րդ մասով վերաորակելու վերաբերյալ միջնորդությանը, դատարանը գտնում է, որ այն անհիմն է, ենթակա է մերժման, քանի որ պաշտպանական կողմի բերած՝ ամբաստանյալի արարքում ՀՀ քրեական օրենսգրքի 112-րդ հոդվածի 1-ին մասով նախատեսված հանցակազմի հատկանիշների բացակայության պատճառաբանություններն ու հիմնավորումները հերքվել են դատաքննությամբ հետազոտված ներքոհիշյալ ապացույցներով.
-Ամբաստանյալ Վահագն Վլադիմիրի Սահակյանի նախաքննական` 2015 թվականի նոյեմբերի 12-ի որպես կասկածյալի և 2015 թվականի նոյեմբերի 14-ի որպես մեղադրյալ տված ցուցմունքներով, համաձայն որոնց 11.11.2015թ-ին ամբողջ օրը գտնվել է տանը, օղի է օգտագործել: Ժամը 18:00-ի սահմաններում, երբ կինը` Արմինե Հովհաննիսյանն աշխատանքից վերադարձել է տուն, ինքը տնից դուրս է եկել ծխախոտ գնելու և զբոսնելու: Որոշ ժամանակ անց ինքը տեսել է շենքի բակային հատվածում Լևոնին և իր ընկերոջը Սերգեին, որին ճանաչում էր Լևոնի միջոցով, նրանք նստած էին Լևոնի մեքենայի մեջ: Ինքը մոտեցել է ավտոմեքենային և ասել, որ դուրս գան, զբոսնեն: Որոշ ժամանակ առօրյայից զրուցելուց հետո ինքը նկատել է, որ Լևոնն արդեն պոկել է տվել իր ավտոմեքենայի դիմապակու մգեցնող ժապավենը և նրան ասել է, որ ճիշտ է արել, թե չէ ՃՈ-ի աշխատակիցները կբռնենեին ու կհագցնեին նրան: Իր այդ արտահայտությունից Լևոնի ընկեր` Սերգեյը վրդոհվել է, իրեն հետ է հրել և ասել, որ իրեն ճիշտ պահի: Ինքը հետ-հետ գնալով կպել է շենքի բակում գտնվող տաղավարին, որից հետո Ս.Ռուբենյանին սկսել է հարվածել և քաշքշել: Հետո Լևոնը միջամտել է և Սերգեին մի կողմ տարել: Այդ ժամանակ ինքը կնոջը ձայն է տվել, որ տնից` պատուհանից, իրեն գցի մեքենայի բանալիները: Նա գցել է բանալիները, վերցրել է, մոտեցել շենքի բակում կանգնած իր <<ԲՄՎ 5>> մոդելի 35TO377 հ/հ ավտոմեքենային, վարորդի դուռը բացել, մեջի դարակից վերցրել փակովի դանակը, բացել և քայլելով մոտեցել է Լևոնին և Սերգեին, ովքեր կանգնած էին քիչ հեռու` ցայտաղբյուրի մոտ: Մոտենալով նրանց կրկին տհաճ խոսակցություն է եղել և ինքը չի հասկացել, թե ինչպես է հայտնվել գետնին, իսկ Ս.Ռուբենյանն իր վրա, Լևոնը Սերգեին մի կողմ է քաշել ու նրանք գնացել են, իսկ ինքը գետնից վեր է կացել, չի հիշում դանակը այդ պահին որտեղ է գցել, որից հետո որոշ ժամանակ մնացել է դեպքի վայրում, այնուհետև մտել իրենց շքամուտք, որտեղից էլ բարձացել է տուն:
Վիճաբանությունը տեղի է ունեցել իր և Սերգե Ռուբենյանի միջև, իրենք իրար քաշքշել են և հարվածներ են հասցրել, Լ.Շահումյանը ողջ ընթացքում իրենց իրարից բաժանել է: Իսկ Սերգեյին դանակահարելն եղել է պատահական հանգամանքների բերումով, այսինքն մինչ դանակահարելը տեղի ունեցած վիճաբանության ու ծեծի ենթարկելու հետևանքով, ինչպես նաև իր խմած լինելու պատճառով:
Դրդապատճառի մասին կոնկրետ չի կարող ասել, քանի որ չի հիշում, սակայն հավանաբար վիրավորվել է, քանի որ իրեն հարազատ անձ իր վրա ձեռք է բարձրացրել:
-Տուժող Սերգե Անդրանիկի Ռուբենյանի նախաքննական և դատաքննական ցուցմունքներով, համաձայն որոնց վերջինս հայտնել է, որ 2015 թվականի նոյեմբերի 11-ի երեկոյան ժամը 19:00-ի սահմաններում պարապմունքի գնալուց առաջ հանդիպել է ընկերոջը` Լևոն Շահումյանին և զրուցելու նպատակով նստել են վերջինիս պատկանող ավտոմեքենայի մեջ: Այդ ժամանակ տեսել են Վ.Սահակյանին, ով ալկոհոլ օգտագործած վիճակում քիչ հեռվում կանգնած էր: Չցանկանալով Վ.Սահակյանի հետ զրուցել մեքենայից դուրս չեն եկել, սակայն վերջինս նկատել է իրենց և մոտենալով դուրս կանչել, որից հետո իրենք դուրս գալով մեքենայից զրուցել են դիմապակու արևապաշտպան թաղանթը հեռացնելու շուրջ:
Զրույցի ընթացքում Վ.Սահակյանը տեսնելով, որ Լ.Շահումյանի ավտոմեքենայի դիմապակուց մգեցնող ժապավենը պոկված է, ասել է.<<տեսար, որ ասի պոկի պլյոնկեն, թե չէ բռնելու էին......>> տալով հայհոյանք: Այդ արտահայտությունից ինքը շատ է զայրացել և Վ.Սահակյանից պահանջել է, որ իրեն նորմալ պահի` ասելով, որ կապ չունի խմածությունը: Այդ ժամանակ Վ.Սահակյանը սկսել է հեգնանքով խոսել իր հետ, ինչից ինքը զայրացել է ու հետ հրել նրան: Վ.Սահակյանը հետ-հետ գնալով ասել է. <<այ լակոտ>> ու հարձակվել է իր վրա: Իրենք սկսել են իրար քաշքշել ու հարվածել, իսկ Լ.Շահումյանը փորձել է իրենց հանդարտեցնել և բաժանել: Դրանից հետո Լ.Շահումյանն իրեն մի կողմ է քաշել, իսկ Վ.Սահակյանը մոտենալով շենքի տնային զանգի միջոցով կնոջից պահանջել է, որ ցած նետի իր ավտոմեքենայի բանալիները, որից հետո գետնից վերցնելով բանալիները մոտեցել է իր <<ԲՄՎ 5>> մոդելի կանաչ գույնի ավտոմեքենային, բացել վարորդի դուռը և ինչ որ բան վերցրել մեջից: Հետո մոտենալով իրեն և Լ.Շահումյանին` իրեն ասել է <<այ թուլա հլը արի ստեղ>>: Այդ ժամանակ ինքը Վ.Սահակյանի ձեռքում ոչինչ չի տեսել: Վ.Սահակյանը մոտենալով իրեն սկսել է կրկին տհաճ զրույց վարել և իրեն ասել է. <<էս ինչքան ես մեծացել այ լակոտ>> և այլ արտահայտություններ, որից հետո իրենք կրկին սկսել են իրար քաշքշել և հարվածել: Այդ ընթացքում Վ.Սահակյանը ընկել է գետնին` իրեն հետ քաշելով: Գետնին ընկած ժամանակ իրենից շարունակել են իրար քաշքշել և հարվածել, որի ընթացքում ինքը ձախ կողմում հարվածներ է զգացել, սակայն չի հասկացել, որ դրանք դանակի հարվածներ են: Լ.Շահումյանը փորձել է բաժանել ու իրեն հայտնել է, որ Վ.Սահակյանի մոտ դանակ կա, որից հետո իրեն հետ է քաշել Վ.Սահակյանի վրայից: Այդ ժամանակ տեսել է, որ Լ.Շահումյանի ձախ ձեռքը վնասված է, իսկ իր հագուստի ձախ կողային հատվածը արյունոտված է:

/դատական նիստի արձանագրություն/

-Վկա Լևոն Արթուրի Շահումյանի նախաքննական ցուցմունքով, համաձայն որի վերջինս հայտնել է, որ 2015 թվականի նոյեմբերի 11-ի երեկոյան ժամը 19:00-ի սահմաններում դեպքի նախորդող պահին Վահագն իրեն ասել է, որ եթե նա իրեն չզգուշացներ և ինքը դիմապակուց մգեցնող ժապավենը չպոկեր, ապա ՃՈ-ի աշխատակիցները իրեն կբռնեին և <<... հայհոյանք>>, որից հետո Ս.Ռուբենյանը` ի պատասխան նրա հայհոյանքի զգուշացրել է նրան, որ իրեն կարգին պահի, կապ չունի որ նա խմած է և հրել է Վ.Սահակյանին, ով ալկոհոլի ազդեցության տակ գտնվելու հետևանքով հետ-հետ է գնացել և մեջքով կպել է շենքի բակում գտնվող տաղավարի դիմացի երկաթե սյանը: Դրանից հետո Վ.Սահակյանը և Ս.Ռուբենյանը սկսել են իրար քաշքշել, իսկ ինքը մոտենալով նրանց` Սերգեին քաշել է մի կողմ: Դրանից հետո ինքը տեսել է, թե ինչպես է Վահագն մոտեցել իր ավտոմեքենային, որի պետհամարանիշները չի հիշում, բացել է դուռը, սրահից ինչ որ բան վերցրել և քայլել դեպի իրենց կողմ: Հասնելով իրենց նա սկսել է քաշքշել և հարվածել Սերգեին, իսկ երբ ինքը փորձել է բաժանել նրանց, այդ ժամանակ ծակոց է զգացել ձախ ձեռքի հատվածում և նայելով ձեռքին նկատել է, որ բութ մատը վնասված է և արյուն է հոսում:
-Տուժող Լ.Շահումյանի և մեղադրյալ Վ.Սահակյանի առերես ցուցմունքով, համաձայն որի Լ.Շահումյանը պնդել է, որ Վահագն հայհոյանք է հնչեցրել, ու ճանաչելով նրան, ինչպես նաև այն, որ հայհոյանքն ուղղակի իր հասցեին չի հնչել, դրանից չի վրդոհվել, այլ Ս.Ռուբենյանն է վրդոհվել ու սկսել վիճաբանել Վ.Սահակյանի հետ, քաշքշել է նրան ու սկսել են իրար հարվածել: Իսկ երբ Վահագն ավտոմեքենայից ինչ որ բան վերցնելուց հետո մոտեցել է իրենց ու սկսել է Սերգեին նախատել, Ս.Ռուբենյանը կրկին բորբոքվել է ու սկսել են իրար քաշքշել ու հարվածել: Ս.Ռուբենյանի հարվածների և Վ.Սահակյանի խմածության պատճառով վերջինս ընկել է գետնին, իսկ Ս.Ռուբենյանը նստելով նրա վրա սկսել է հարվածել Վ.Սահակյանին, իսկ Վահագն էլ նրան: Ինքը Ս.Ռուբենյանի թիկունքից մոտեցել է նրան և մեջքից գրկելով փորձել է հետ քաշել նրան ու հենց այդ ժամանակ զգացել է ձեռքի ծակոցը ու տեսել է, որ ձախ ձեռքը վնասված է: Ինքը Ս.Ռուբենյանին հայտնել է, որ Վ.Սահակյանի մոտ դանակ կա և բռնելով Ս.Ռուբենյանի հագի բաճկոնի վզի հատվածից նրան հետ է քաշել:
-Վկա Աշոտ Արթուրի Ալեքսանյանի դատաքննական և նախաքննական 2016 թվականի նոյեմբերի 18-ի ցուցմունքներով, համաձայն որի 11.11.2015թ-ին գտնվել է աշխատանքային վայրում և իրականացրել է իր աշխատանքային պարտականությունները: Նույն օրը` ժամը 19:10-ի սահմաններում, ապրանք մատակարարողին ճանապարհելու նպատակով, երբ պահեստի դռնից այդ մատակարարի հետ դուրս է եկել, տեսել է, որ շենքի բակում` ցայտաղբյուրի հետնամասում առկա տաղավարի մոտ` դիմաց, իրար հետ վիճաբանում և իրար են քաշքշում երկու անձինք, որոնցից մեկը երիտասարդ էր, մյուսը տարիքով, իսկ մեկ երիտասարդ տղա փորձում էր նրանց իրարից բաժանել և վիճաբանող երիտասարդին քաշում էր մի կողմ: Այդ ընթացքում տեսել է, թե ինչպես տարիքով տղամարդը ընկել է գետնին, իսկ նրա վրա երիտասարդ տղան` ում հետ որ վիճաբանում էր: Դրանից հետո այդ երկու երիտասարդները քայլել են դեպի իրենց պահեստի դռան մոտ և ինքը տեսել է, որ վիճաբանող երիտասարդ տղայի հագուստի ձախ կողային մասը արյունոտված է, իսկ վիճաբանողներին իրարից բաժանող տղային ձախ ձեռքից արյուն է հոսում:
Վիճաբանողներից տարիքով տղամարդը և երիտասարդը իրար էին քաշքշում, ինքը կոնկրետ հարվածներ չի տեսել և քանակ չի կարող ասել, սակայն նրանց ձեռքերի շարժումներից է հասկացել, որ իրար հարվածում են, իսկ մյուս երիտասարդը ողջ ընթացքում վիճաբանող երիտասարդին էր մի կողմ քաշում` թույլ չտալով շարունակել կռիվը :
-Լևոն Արթուրի Շահումյանից հաղորդում ընդունելու մասին 11.11.2015թ-ի արձանագրությամբ, համաձայն որի 11.11.2015թ-ին, ժամը 19 :00-ի սահմաններում, Կոմիտաս 46 շենքի բակում Վահագն Սահակյանն անհիմն վիճաբանել է Լ.Շահումյանի և նրա ընկեր Սերգե Ռուբենյանի հետ, որի ընթացքում Վ.Սահակյանն իր մեքենայից վերցրած կամ ձեռքում եղած դանակով մի քանի անգամ հարվածներ է հասցրել Ս.Ռուբենյանի ձախ կողային հատվածին, ապա նաև Լ.Շահումյանի ձախ ձեռքին` պատճառելով մարմնական վնասվածքներ:
-Լևոն Արթուրի Շահումյանի մասնակցությամբ կատարված դեպքի վայրի զննության 11.11.2015թ-ի արձանագրությամբ, համաձայն որի Լևոն Արթուրի Շահումյանը մատնացույց է արել և հայտնել, որ նույն օրը, ժամը 18:50-ի սահմաններում, ընկերոջ` Սերգե Ռուբենյանի հետ նստած են եղել իրեն պատկանող <<Վոլցվագեն Ջետա>> մակնիշի ավտոմեքենայի մեջ, որը կայանված է եղել ցայտաղբյուրի հետնամասում գտնվող ավտոմեքենաների կայանման համար նախատեսված հրապարակում, երբ ավտոմեքենային է մոտեցել իրենց շենքի բնակիչ Վահագն Սահակյանը, որից հետո իրենք դուրս են եկել ավտոմեքենայից: Ավտոմեքենայի մոտ զրույցի ժամանակ Ս.Ռուբենյանի հետ չեն հասկացել իրար, որի ժամանակ հրել են միմյանց: Այնուհետև Վ.Սահակյանը գնացել է և իր <<ԲՄՎ>> մակնիշի 5-րդ սերիայի 35 TO 377 հ/հ ավտոմեքենայից ինչ որ բան վերցրել ու որոշ ժամանակ անց վերադառնալուց հետո իր ավտոմեքենայի մոտ Վ.Սահակյանը սկսել է քաշքշել Ս.Ռուբենյանին, որին միջամտել է ինքը և փորձել բաժանել, սակայն Վ.Սահակյանն իր մոտ գտնվող դանակով հարվածել է իր ձեռքի մատին, այնուհետև դանակով հարվածներ է հասցրել Ս.Ռուբենյանի մարմնի տարբեր մասերին: Դրանից հետո ինքը Ս.Ռուբենյանի հետ բարձրացել է իր կոմիտաս 46 շենքի 3-րդ մուտքի 3-րդ հարկում գտնվող 42 բնակարան` լվացվելու:
-Տուժող Լևոն Արթուրի Շահումյանի մասնակցությամբ 12.11.2015թ-ին առգրավված Երևան քաղաքի Կոմիտաս 46 հասցեում գործող <<Երևան Սիթի>> սուպերմարկետի հետնամասի` պահեստային հատվածը տեսագրող տեսախցիկների տեսագրությունը 13.11.2015թ-ի զննելու մասին արձանագրությամբ, համաձայն որի 1_04_H_112015190000 ֆայլի զննությամբ 2015 թվականի նոյեմբերի 11-ին, ժամը 19:06:09-ին, կադրում է երևում մի տղա, ով ըստ մասնակցի հայտարարության հանդիսանում է Սերգե Ռուբենյանը, ով բաճկոնը դնում է նստարանին և կադրից դուրս հայտնվում: Ժամը 19:06:26-ին նշված նստարանի մոտ են գալիս երեք անձինք և ըստ մասնակցի հայտարարության մեկը ինքն է, մյուսը Ս.Ռուբենյանը, իսկ երրորդը` Վահագն Սահակյանը, որտեղ Ս.Ռուբենյանը մի քանի անգամ հրում է Վ.Սահակյանին, ով յուրաքանչյուր անգամ հետ-հետ է գնում, ինչպես նաև հետ է հրում զննության մասնակցին` Լ.Շահումյանին, ով փորձում է հանդարտեցնել Ս.Ռուբենյանին ժամը 19.06.50-ին նրանք հանդարտվում են և քայլելով կադրից դուրս հայտնվում: Ժամը 19:07:00-ին Վ.Սահակյանը մոտենում է շենքի 3-րդ մուտքի և ժամը 19.07.50-ին կադրից դուրս հայտնվում` քայլելով դեպի աջ: Ըստ մասնակից Լ.Շահումյանի հայտարարության, այդ ժամանակ Վ.Սահակյանն իր կնոջից վերցնելով ավտոմեքենայի բանալիները, գնում է ավտոմեքենայի մոտ, բացում դուռը և ինչ որ բան վերցնում, որից հետո մոտենում է իրեն և Ս.Ռուբենյանին` ասելով. <<էկեք ըստե>>, որից հետո մոտենալով Ս.Ռուբենյանին սկսել են իրար քաշքշել : Ժամը 19.10.23-ին կադրում է հայտնվում Ս.Ռուբենյանը, ով հանում է իր բաճկոնը և երևում է, որ նրա ձախ կողային հատվածը գտնվում է մուգ գույնի` թրջված վիճակում և ըստ մասնակցի հայտարարության դա արյան հետքերն են:
-Դատաբժշկական փորձաքննության թիվ 2141/հ եզրակացությամբ, համաձայն որի` Սերգե Անդրանիկի Ռուբենյանի մարմնական վնասվածքները կրծքավանդակի ձախ կեսի միջին անութային գծով ծակած-կտրած թափանցող և կրծքավանդակի ձախ կեսի հետին անութային գծով ծակած-կտրած չթափանցող վերքերի ձևով, պատճառվել են սուր ծակող-կտրող գործիքի /ների/ ներգործությամբ, հնարավոր է փորձաքննվողի կողմից նշված ժամանակին և հանգամանքներում, որոնք առողջությանը պատճառել են ծանր վնաս, կյանքին վտանգ սպառնացող: Կրծքավանդակի ձախ կեսի միջին անութային գծով ծակած-կտրած թափանցող վնասվածքն առանձին վերցված առողջությանը պատճառել է ծանր վնաս, կյանքին վտանգ սպառնացող, որի վերքային խողովակի ուղղությունն է` դրսից-ներս, վերից-վար: Կրծքավանդակի ձախ կեսի հետին անութային գծով ծակած-կտրած չթափանցող վնասվածքը առանձին վերցված առողջության թեթև վնասի հատկանիշներ չի պարունակում:
-Դատաբժշկական փորձաքննության թիվ 3317 եզրակացությամբ, համաձայն որի` Վահագն Վլադիմիրի Սահակյանի մարմնական վնասվածքները` աջ և ձախ ակնակապճային շրջանների, ձախ դաստակի շրջանի արյունազեղումների, ձախ ձեռքի հինգերորդ մատի, աջ թիակային շրջանի քերծվածքների ձևով, պատճառվել են` բութ առարկայով /ներով/, հնարավոր է նշված ժամկետում և հանգամանքներում, որոնք առողջությանը թեթև վնաս պատճառող հատկանիշներ չեն պարունակում ինչպես միասին, այնպես էլ առանձին վերցրած:
Այսպիսով, ստուգելով ամբաստանյալ Վահագն Վլադիմիրի Սահակյանի ՀՀ քրեական օրենսգրքի 112-րդ հոդվածի 1-ին մասով նախատեսված հանցագործություն կատարելու վերաբերյալ գործով ձեռք բերված վերոնշյալ ապացույցները դրանց վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, դատարանը հաստատված է համարում, որ Վահագն Վլադիմիրի Սահակյանը 2015 թվականի նոյեմբերի 11-ին` ժամը 19:00-ի սահմաններում, Երևան քաղաքի Կոմիտաս 46 շենքի բակում ալկոհոլային հարբածության վիճակում կենցաղային հարցերի շուրջ վիճաբանել է նշված շենքի բնակիչ Լևոն Արթուրի Շահումյանի և վերջինիս ընկեր` Սերգե Անդրանիկի Ռուբենյանի հետ, որի ժամանակ նույն շենքի բակում կայանված իր <BMW> մակնիշի ավտոմեքենայի սրահից վերցնելով դանակ՝ հարվածներ է հասցրել Սերգե Անդրանիկի Ռուբենյանին՝ դիտավորությամբ վերջինիս առողջությանը պատճառելով կյանքին վտանգ սպառնացող ծանր վնաս` կրծքավանդակի ձախ կեսի միջին անութային գծով ծակած-կտրած թափանցող և կրծքավանդակի ձախ կեսի հետին անութային գծով ծակած-կտրած չթափանցող վերքերի ձևով:
Այսինքն, վերոնշյալ հետազոտված ապացույցներով Դատարանը հաստատված է համարում, որ ամբաստանյալ Վահագն Վլադիմիրի Սահակյանը դիտավորությամբ Ս.Ռուբենյանի առողջությանը պատճառել է ծանր վնաս:
ՀՀ քրեական օրենսգրքի 10-րդ հոդվածի համաձայն հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար:
ՀՀ քրեական օրենսգրքի 48-րդ հոդվածի 2-րդ մասի համաձայն պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները:
ՀՀ քրեական օրենսգրքի 61-րդ հոդվածի համաձայն պատիժ նշանակելիս, պատժաչափը որոշելիս դատարանը հաշվի է առնում արարքի բնույթն ու հանրության համար դրա վտանգավորության աստիճանը, ամբաստանյալի անձը, նրա պատասխանատվությունը, պատիժը մեղմացնող, ծանրացնող հանգամանքները, գործի ողջ նյութերը, իսկ հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները:
ՀՀ վճռաբեկ դատարանը Կարեն Հարությունյանի վերաբերյալ գործով վերլուծելով ՀՀ քրեական օրենսգրքի Ընդհանուր մասի մի շարք դրույթներ, մասնավորապես` ՀՀ քրեական օրենսգրքի 10-րդ, 48-րդ և 61-րդ հոդվածները հանգել է այն հետևության, որ պատիժը համարվում է արդարացի, եթե դատարանը ճիշտ է գնահատում գործի բոլոր հանգամանքները, անձին բնութագրող բոլոր տվյալները և քրեական օրենքով նախատեսված պահանջներից ելնելով` հանցագործության մեջ մեղավոր անձի նկատմամբ նշանակում է այնպիսի պատիժ, որն անհրաժեշտ և բավարար է այդ անձին ուղղելու և նրա կողմից նոր հանցանքի կատարումը կանխելու համար (տե'ս ՀՀ վճռաբեկ դատարանի` Կարեն Հարությունյանի վերաբերյալ գործով 2007 թվականի նոյեմբերի 30-ի ՎԲ-201/07 որոշումը):
ՀՀ Վճռաբեկ դատարանը 2012թ. նոյեմբերի 1-ին Սերոբ Սարգսյանի վերաբերյալ թիվ ՍԴ/0109/01/12 գործով արտահայտել է հետևյալ իրավական դիրքորոշումը. (…) պատիժ նշանակելու ընդհանուր սկզբունքները քրեական օրենքով նախատեսված այն հիմնադրույթներն են, որոնցով պետք է ղեկավարվի դատարանը պատիժ նշանակելիս: Այդ սկզբունքներն են`
ա) օրինականությունը,
բ) արդարությունը,
գ) պատժի անհատականացումը,
դ) մարդասիրությունը:
Պատիժ նշանակելու վերոնշյալ սկզբունքները սահմանում են այն հիմնական դրույթները, որոնցով ղեկավարվում է դատարանը յուրաքանչյուր քրեական գործով պատժի տեսակն ու չափն ընտրելիս:
(…) պատժի նշանակման իրավական շրջանակները սահմանված են ՀՀ քրեական օրենսգրքով: Դրա հետ մեկտեղ, սակայն, վերոնշյալ օրենքը դատարանին հնարավորություն է տվել որոշակի սկզբունքների (…) պահպանմամբ, իր ներքին համոզմանը և իրավագիտակցությանը համապատասխան, ՀՀ քրեական օրենսգրքի Ընդհանուր և Հատուկ մասերով նախատեսված սահմաններում որոշել պատժի տեսակն ու չափը: Այլ կերպ՝ ուրվագծելով կոնկրետ հանցանքի համար նշանակման ենթակա պատժի առավելագույն և նվազագույն սահմանները՝ ՀՀ քրեական օրենքը դատարանին տվել է այդ շրջանակում հայեցողություն դրսևորելու հնարավորություն:
Վճռաբեկ դատարանը գտել է, որ ՀՀ քրեական օրենսգրքի Հատուկ մասի գրեթե բոլոր հոդվածների սանկցիաներում ամրագրված վերոնշյալ մոտեցումը պայմանավորված է այն տրամաբանությամբ, որ քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են: Ուստի կոնկրետ արարքի և անձի նկատմամբ համընդհանուր քրեական օրենքով նախատեսված սանկցիան կիրառելիս դատարանը պետք է որոշակի հայեցողություն դրսևորի:
Այսինքն` առանց դատարանի հայեցողության պատժի անհատականացումն անհնար է:
(…) Պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության աստիճանի ու բնույթի, հանցավորի անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների հայեցողական և ոչ երբեք կամային գնահատման ժամանակ դատարանը պետք է ելնի ՀՀ քրեական օրենսգրքի 48-րդ հոդվածով նախատեսված՝ պատժի նպատակների իրացումն ապահովելու անհրաժեշտությունից (տե°ս Նարեկ Գևորգի Սարգսյանի գործով Վճռաբեկ դատարանի 2011 թվականի դեկտեմբերի 22-ի թիվ ԵԿԴ/0042/01/11 որոշման 14-րդ, 22-23-րդ կետերը):
ՀՀ վճռաբեկ դատարանը 2015 թվականի օգոստոսի 28-ի Նարեկ Խաչատրյանի վերաբերյալ թիվ ԵԿԴ/0191/01/14 քրեական գործով իրավական դիրքորոշում է հայտնել, համաձայն որի (…) ՀՀ քրեական օրենսգրքի 112-րդ հոդվածով նախատեսված հանցագործությունների վերաբերյալ գործերով հանցագործության հանրային վտանգավորության աստիճանը ճիշտ գնահատելու և որպես արդյունք հանցավորի նկատմամբ քրեաիրավական ներգործության համաչափ միջոց կիրառելու համար դատարանները հատուկ ուշադրություն պետք է դարձնեն արարքի կատարման եղանակին, օգտագործված գործիքներին, միջոցներին, մարմնական վնասվածքների քանակին, բնույթին ու տեղակայմանը։ Համապատասխան գնահատականի պետք է արժանացվի նաև կատարված հանրորեն վտանգավոր արարքի և դրա հետևանքների նկատմամբ հանցավորի դրսևորած հոգեբանական վերաբերմունքը։
Առանց նշված հանգամանքների գնահատման առողջությանը դիտավորությամբ ծանր վնաս պատճառելու վերաբերյալ գործերով հնարավոր չէ ճիշտ պատկերացում կազմել հանցավորի անձնավորության և հանցագործության` հանրության համար վտանգավորության աստիճանի մասին։ Հետևաբար, նշանակված պատժով չի ապահովվի կատարված արարքի և կիրառված քրեաիրավական ներգործության միջոցի համաչափությունը, ինչպես նաև կխաթարվեն պատժի նշանակման ընդհանուր սկզբունքները» (տե՛ս Արմեն Շահբազյանի գործով Վճռաբեկ դատարանի՝ 2014 թվականի օգոստոսի 15-ի թիվ ԵՇԴ/0143/01/13 որոշման 15-17-րդ կետերը)։
13. Վերահաստատելով Ա.Շահբազյանի որոշմամբ արտահայտված և վերը մեջբերված իրավական դիրքորոշումները` Վճռաբեկ դատարանը կրկնում է, որ առողջությանը դիտավորությամբ ծանր վնասի պատճառումը առողջության դեմ ուղղված հանցագործությունների շարքում իր վտանգավորության բնույթով առանձնանում է. այն ոչ միայն լուրջ, երբեմն նաև անդառնալի վնաս է պատճառում մարդու առողջությանը, այլև անմիջական սպառնալիքի տակ է դնում մարդկային կյանքը։ Դրանով պայմանավորված նշված գործերով պատիժ նշանակելիս դատարանները պետք է հատկապես ուշադրություն դարձնեն դիտավորության ձևին, հանցագործության գործիքներին ու միջոցներին, հասցված հարվածների քանակին և դրանց տեղակայմանը, փաստացի պատճառված վնասի բնույթին և այլ հանգամանքներին, որոնք ազդում են արարքի հանրային վտանգավորության աստիճանի վրա։
Կոնկրետ գործի փաստական հանգամանքների շրջանակներում վնաս պատճառելու համար օգտագործված տարատեսակ գործիքները, առարկաները կամ սարքավորումները, վնասվածքի տեղակայումը, հանցավորի պատրաստվածությունը, մեղքի դիտավորյալ ձևը (հատկապես` ուղղակի դիտավորությունը) իրենց ամբողջության մեջ անկանխելի են դարձնում հանրորեն վտանգավոր հետևանքների առաջացումը, մեծացնում հանցագործությունը հաջողությամբ ավարտին հասցնելու կամ ավելի մեծ վնաս պատճառելու հավանականությունը։ Հետևաբար նման դեպքերում օբյեկտիվորեն բարձրանում է նաև արարքի հանրային վտանգավորության աստիճանը (տե՛ս, mutatis mutandis, Սարգիս Խաչատրյանի գործով Վճռաբեկ դատարանի` 2015 թվականի մարտի 27-ի թիվ ՏԴ/0031/01/14 որոշման 14-րդ կետը)։
Ուսումնասիրելով ամբաստանյալ Վահագն Վլադիմիրի Սահակյանի անձը բնութագրող տվյալները, պատասխանատվությունն ու պատիժը մեղմացնող ու ծանրացնող հանգամանքները, ամբաստանյալ Վահագն Վլադիմիրի Սահակյանի նկատմամբ պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը բնութագրող տվյալները, մասնավորապես այն, որ Վահագն Վլադիմիրի Սահակյանը կատարել է ծանր հանցանք, որի համար նախատեսված ազատազրկման ձևով պատժի առավելագույն ժամկետը յոթ տարի է, նախկինում դատված չէ, բնութագրվում է դրական` Վահագն Սահակյանը շենքի լավագույն հարևաններից է, կարգապահ ու ընկերասեր է, վայելում է ընկերների ու հարևանների հարգանքն ու սերը: Բացի այն, որ նա հարևանների շրջանում հանդիսանում է միջոցառումների կազմակերպիչ, նաև շատ հաճախ օգնում է նրանց առջև ծանրացած խնդիրները լուծելու: Վահագն Սահակյանի կողմից երբևէ բացասական արարքներ թույլ չեն տրվել: Ամուսնացած է, ունի մեկ անչափահաս որդի, ինչպես նաև հանդիսանում է ընտանիքի կերակրողը:
Ամբաստանյալ Վահագն Վլադիմիրի Սահակյանի պատասխանատվությունը և պատիժը մեղմացնող հանգամանքներ, նախատեսված ՀՀ քրեական օրենսգրքի 62-րդ հոդվածի 1-ին մասի 4-րդ և 7-րդ կետերով դիտվում է պատիժ նշանակելու պահին Վ.Սահակյանի խնամքին մինչև տասնչորս տարեկան երեխայի առկայությունը և հանցագործությունը տուժող Ս.Ռուբենյանի վարքագծի հակաօրինականությամբ պայմանավորված լինելը:
Վահագն Վլադիմիրի Սահակյանի պատասխանատվությունը և պատիժը ծանրացնող հանգամանք, նախատեսված ՀՀ քրեական օրենսգրքի 63-րդ հոդվածի 1-ին մասի 14-րդ կետերով դիտվում է հանցանքն ալկոհոլի ազդեցության տակ կատարելը:
Ամբաստանյալ Վահագն Վլադիմիրի Սահակյանի պատժաչափը որոշելիս, դատարանը հաշվի է առնում վերջինիս կողմից կատարած հանցագործության բնույթն ու վտանգավորության աստիճանը, օրենքով պաշտպանվող շահը, պատասխանատվությունը և պատիժը ծանրացնող հանգամանքի առկայությունը, սակայն միևնույն ժամանակ դատարանը հաշվի է առնում նաև Վ.Սահակյանի պատասխանատվությունը և պատիժը մեղմացնող հանգամանքների առկայությունը, հանցագործության շարժառիթը, գործի հանգամանքները, իրադարձությունների շարժընթացը, մասնավորապես ինչպես տուժողի վարքագծի դրսևորումներն դեպքի նախորդող և դեպքի պահին, այնպես էլ ամբաստանյալի վարքագծի դրսևորումները դեպքի նախորդող, դեպքի և հաջորդող ժամանակահատվածում, ինչպես նաև, դրական բնութագիրը և գտնում է, որ պատժի նպատակները կիրականանան ամբաստանյալ Վահագն Վլադիմիրի Սահակյանի նկատմամբ ՀՀ քրեական օրենսգրքի 112-րդ հոդվածի 1-ին մասի սանկցիայով նախատեսված ազատազրկման ձևով պատժատեսակի նվազագույնը նշանակելու պայմաններում:
Ամբաստանյալ Վահագն Վլադիմիրի Սահակյանի կողմից պատիժը կրելու հարցը քննարկելիս, հաշվի առնելով Վ.Սահակյանի պատասխանատվությունը և պատիժը ծանրացնող հանգամանքի առկայությունը, վերջինիս կողմից կատարած հանցագործության բնույթն ու վտանգավորության աստիճանը, օրենքով պաշպանվող շահը, մասնավորապես այն, որ Վահագն Վլադիմիրի Սահակյանի կողմից կատարած հանցագործությունը դասվում է կյանքի և առողջության դեմ ուղղված հանցագործությունների շարքին, ինչպես նաև, որ տվյալ պարագայում հանցագործության հիմնական` անմիջական օբյեկտ է հանդիսանում մարդու առողջության անվտանգության ապահովմանն ուղղված հասարակական հարաբերությունները, դատարանը գտնում է, որ պատժի նպատակները կիրականանան նշանակված պատիժը ամբաստանյալ Վահագն Վլադիմիրի Սահակյանի կողմից կրելու պայմաններում և նույն հիմքով անթույլատրելի է ճանաչում ամբաստանյալ Վահագն Վլադիմիրի Սահակյանի նկատմամբ ՀՀ քրեական օրենսգրքի 70-րդ հոդվածի կիրառումը:
Քննարկելով ամբաստանյալ Վահագն Վլադիմիրի Սահակյանի նկատմամբ կիրառված խափանման միջոցի հարցը, Դատարանը գտնում է, որ այդ խափանման միջոցը վերացնելու կամ փոփոխելու հիմքերը բացակայում են` պայմանավորված նրա իրական պատժի` ազատազրկման դատապարտելու և դատավճռի կատարումն ապահովելու անհրաժեշտությամբ:
Հաշվի առնելով այն հանգամանքը, որ ամբաստանյալ Վահագն Վլադիմիրի Սահակյանը քննարկվող արարքի համար կալանքի տակ է գտնվել 3 /երեք/ օր ժամկետով` 2015 թվականի նոյեմբերի 11-ից մինչև 2015 թվականի նոյեմբերի 14-ը, ուստի ՀՀ քրեական օրենսգրքի 69-րդ հոդվածի 3-րդ մասի համաձայն պատժի ժամկետի մեջ պետք է հաշվակցել այդ ժամանակահատվածը, որպես մինչև դատական քննությունը կալանքի տակ գտնվելու ժամկետ:
ՀՀ քրեական դատավարության օրենսգրքի 360-րդ հոդվածի 1-ին մասի 12-րդ կետի համաձայն` դատավճիռ կայացնելիս դատարանը լուծում է նաև իրեղեն ապացույցների հարցը:
Դատարանը գտնում է, որ դատավճիռն օրինական ուժի մեջ մտնելուց հետո իրեղեն ապացույց ճանաչված Սերգե Անդրանիկի Ռուբենյանի բաճկոնը և ջինսե տաբատը պետք է հանձնել վերջինիս տնօրինությանը, իսկ դանակը պետք է ոչնչացնել:
ՀՀ քրեական դատավարության օրենսգրքի 360-րդ հոդվածի 1-ին մասի 10-րդ կետի համաձայն` դատավճիռ կայացնելիս դատարանը լուծում է նաև հարուցված քաղաքացիական հայցը:
Դատարանն արձանագրում է, որ սույն քրեական գործով քաղաքացիական հայց չի հարուցվել և ամբաստանյալ Վահագն Վլադիմիրի Սահակյանի գույքի վրա կալանք չի դրվել:
ՀՀ քրեական դատավարության օրենսգրքի 360-րդ հոդվածի 1-ին մասի 14-րդ կետի համաձայն` դատավճիռ կայացնելիս դատարանը լուծում է նաև դատական ծախսերի հարցը:
Դատարանն արձանագրում է, որ սույն քրեական գործով դատական ծախսեր չկան:
Գնահատելով դատաքննությամբ հետազոտված ապացույցները, ղեկավարվելով ՀՀ քրեական դատավարական օրենսգրքի 119-րդ, 357-360-րդ, 364-365-րդ, 367-րդ, 369-373-րդ հոդվածներով՝ Դատարանը

Վ Ճ Ռ Ե Ց

Վահագն Վլադիմիրի Սահակյանին մեղավոր ճանաչել ՀՀ քրեական օրենսգրքի 112-րդ հոդվածի 1-ին մասով նախատեսված հանցագործություն կատարելու մեջ և պատիժ նշանակել ազատազրկում 3 (երեք) տարի ժամկետով:
Վահագն Վլադիմիրի Սահակյանի նկատմամբ նշանակված պատժի ժամկետին հաշվակցել սույն քրեական գործով 2015 թվականի նոյեմբերի 11-ից մինչև 2015 թվականի նոյեմբերի 14-ը կալանքի տակ գտնվելու ժամկետը` 3 (երեք) օրը` կալանքի մեկ օրը հաշվելով ազատազրկման մեկ օրվա դիմաց և Վահագն Վլադիմիրի Սահակյանի նկատմամբ վերջնական պատիժ նշանակել` ազատազրկում 2 (երկու) տարի 11 (տասնմեկ) ամիս 27 (քսանյոթ) օր ժամկետով:
Պատժի ժամկետի սկիզբը հաշվել 2015 թվականի դեկտեմբերի 2-ից:
Մինչև դատավճռի օրինական ուժի մեջ մտնելը Վահագն Վլադիմիրի Սահակյանի նկատմամբ կիրառված խափանման միջոց կալանավորումը թողնել անփոփոխ:
Դատավճիռն օրինական ուժի մեջ մտնելուց հետո իրեղեն ապացույց ճանաչված Սերգե Անդրանիկի Ռուբենյանի բաճկոնը և ջինսե տաբատը հանձնել վերջինիս տնօրինությանը, իսկ դանակը ոչնչացնել:
Դատավճիռը կարող է բողոքարկվել Հայաստանի Հանրապետության վերաքննիչ քրեա¬կան դատարան հրապարակման օրվանից մե¬կամսյա ժամկետում:



ԴԱՏԱՎՈՐ` Դ. ԳՐԻԳՈՐՅԱՆ