ԵԱՔԴ/0213/01/15

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԵՐԵՎԱՆ ՔԱՂԱՔԻ ԱՐԱԲԿԻՐ ԵՎ ՔԱՆԱՔԵՌ-ԶԵՅԹՈՒՆ ՎԱՐՉԱԿԱՆ ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ`

Դատավոր` Դ. Գրիգորյան
քարտուղարությամբ` Հ.Դաջունցի
Մասնակցությամբ
մեղադրող` Գ.Աղաջանյանի
պաշտպան` Լ.Ավետիսյանի

Դռնբաց դատական նիստում 2016թ. փետրվարի 17-ին Երևան քաղաքում քննեց քրեական գործն ըստ մեղադրանքի Անդրանիկ Վիլիկի Բեգլարյանի, ծնված 1990թվականի փետրվարի 22-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնալուծված, չի աշխատում, նախկինում դատված.
Երևան քաղաքի Ավան և Նոր Նորք վարչական շրջանների ընդհանուր իրավասության դատարանի 2014թ. ապրիլի 30-ի դատավճռով ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով դատապարտվել է ազատազրկման 2 (երկու) տարի ժամկետով, 2015թ. ապրիլի 15-ին պայմանական վաղաժամկետ ազատվել է 10 (տաս) ամիս 5 (հինգ) օր ժամկետով ազատազրկման ձևով պատժի չկրած մասը կրելուց, փաստացի բնակվել է Երևան քաղաքի Ջուղայի փողոցի 5-րդ շենքի 34-րդ բնակարանում:
Սույն գործով կալանքի տակ է 2015թ. հոկտեմբերի 16-ից:
Մեղադրվում է ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով, իրեն մեղավոր է ճանաչել լիովին:

1.Գործի դատավարական նախապատմությունը

Քանաքեռ-Զեյթուն վարչական շրջանի քննչական բաժնի ավագ քննիչ Ա.Սարգսյանի 2015թ. սեպտեմբերի 11-ի որոշմամբ ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերի հատկանիշներով հարուցվել է թիվ 09118915 քրեական գործը:
Նախաքննության մարմնի կողմից ամբաստանյալ Անդրանիկ Վիլիկի Բեգլարյանին 2015թ. նոյեմբերի 20-ին մեղադրանք է առաջադրվել ՀՀ քրեական օրենսգրքի 177-րդ հոդվածի 3-րդ մասի 2-րդ և 3-րդ կետերով այն բանի համար, որ նա, 2015թվականի սեպտեմբերի 11-ին ժամը 04:00-ի սահմաններում, քարով կոտրել է <<Տիգրան Խաչատրյան>> ԱՁ-ի կողմից Երևան քաղաքի Պարույր Սևակ 90 հասցեի դիմաց շահագործվող բջջային հեռախոսների վերանորոգման կետ հանդիսացող տաղավար-շինության կողային պատուհանի ապակին, ապա բացելով պատուհանն ապօրինի մուտք է գործել շինություն և այնտեղից գաղտնի հափշտակել խոշոր չափի՝ 723.000 ՀՀ դրամ ընդհանուր արժողության բջջային հեռախոսներ, պլանշետներ, դյուրակիր համակարգիչներ, տարբեր տեսակի աքսեսուարներ՝ 1 <<VERTU ASCENT>> մոդելի բջջային հեռախոս-250.000 ՀՀ դրամ, 1 <<Սամսունգ GT 19300>> մոդելի բջջային հեռախոս-10.000 ՀՀ դրամ, 1 <<ONDA>> մոդելի պլանշետ-15.000 ՀՀ դրամ, 1 <<KENXINDA>> մոդելի բջջային հեռախոս-10.000 ՀՀ դրամ, 1 <<SONY ERICSSON>> մոդելի բջջային հեռախոս-10.000 ՀՀ դրամ, 1 <<FUJITSU>> մոդելի դյուրակիր համակարգիչ-15.000 ՀՀ դրամ, 1 <<Նոկիա c6-00>> մոդելի բջջային հեռախոս-20.000 ՀՀ դրամ, 1 <<Նոկիա 5233>> մոդելի բջջային հեռախոս-5.000 ՀՀ դրամ, 1 <<Սամսունգ GT- C3510>> մոդելի բջջային հեռախոս-20.000 ՀՀ դրամ, 1 <<Սամսունգ GT-S5230>> մոդելի բջջային հեռախոս-15.000 ՀՀ դրամ, 1 <<Սամսունգ SGH-D 800>> մոդելի բջջային հեռախոս-10.000 ՀՀ դրամ, 1 <<Նոկիա N 73-1>> մոդելի բջջային հեռախոս-8.000 ՀՀ դրամ, 1 <<Սամսունգ SGH-E 830>> մոդելի բջջային հեռախոս-12.000 ՀՀ դրամ, 1 <<Սամսունգ GT-C3322>> մոդելի բջջային հեռախոս-15.000 ՀՀ դրամ, 1 <<Նոկիա 5610 D-1>> մոդելի բջջային հեռախոս-10.000 ՀՀ դրամ, 1 <<Նոկիա>> մոդելի բջջային հեռախոս-7.000 ՀՀ դրամ, 1 <<Սամսունգ SGH-X 820>> մոդելի բջջային հեռախոս-5.000 ՀՀ դրամ, 1 մետաղական ոսկեգույն բջջային հեռախոս-5.000 ՀՀ դրամ, 1 <<Նոկիա 2600>> մոդելի բջջային հեռախոս-8.000 ՀՀ դրամ, 1 <<Սամսունգ E 1100 T>> մոդելի բջջային հեռախոս-5.000 ՀՀ դրամ, 1 <<IPRO>> մոդելի բջջային հեռախոս-10.000 ՀՀ դրամ, 1 <<Ասուս K012>> տեսակի պլանշետ-50.000 ՀՀ դրամ, 1 <<Ասեռ>> տեսակի պլանշետ-15.000 ՀՀ դրամ, 1 <<Ասուս>> տեսակի դյուրակիր համակարգիչ-30.000 ՀՀ դրամ, 1 <<Նոկիա 7610s>> մոդելի բջջային հեռախոս-15.000 ՀՀ դրամ, 1 բլութուդ ականջակալ-5.500 ՀՀ դրամ, 3 բջջային հեռախոսների մարտկոցներ-ընդհանուր 9.000 ՀՀ դրամ, 2 USB փոխարկիչ-ընդհանուր 1.000 ՀՀ դրամ, 1 USB փոխարկիչ-500 ՀՀ դրամ, 2 USB փոխարկիչ-ընդհանուր 1.000 ՀՀ դրամ, 3 հիշողության կրիչ միացնելու համար նախատեսված սարք-ընդհանուր 4.500 ՀՀ դրամ, 1 բջջային հեռախոսի լիցքավորման լար-1.500 ՀՀ դրամ, 1 <<Նոկիա 88.00>> մոդելի բջջային հեռախոս-40.000 ՀՀ դրամ, 1 <<Նոկիա 88.00 սիռոկո>> մոդելի բջջային հեռախոսը-35.000 ՀՀ դրամ, 1 <<TV MOBILE>> մոդելի բջջային հեռախոս-10.000 ՀՀ դրամ, 1 <<SONY>> մոդելի բջջային հեռախոս-10.000 ՀՀ դրամ, 1 <<GSM MOBILE>> մոդելի բջջային հեռախոս-7.000 ՀՀ դրամ, 1 դյուրակիր համակարգչի պայուսակ-3.000 ՀՀ դրամ:
Ամբաստանյալ Անդրանիկ Վիլիկի Բեգլարյանի նկատմամբ Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2015թ. հոկտեմբերի 18-ի որոշմամբ 2 (երկու) ամիս ժամկետով որպես խափանման միջոց է կիրառվել կալանավորումը: Պաշտպան Լ.Ավետիսյանի միջնորդությունը բավարարվել է և Ա.Բեգլարյանի նկատմամբ որպես կալանավորման այլընտրանքային խափանման միջոց է կիրառվել գրավը:
2015թ. նոյեմբերի 26-ին քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

2. Արագացված դատական քննություն

Մինչ դատաքննություն սկսելն ամբաստանյալ Անդրանիկ Վիլիկի Բեգլարյանը միջնորդեց դատական քննությունն անցկացնել արագացված կարգով: Նա հայտարարեց, որ միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Պաշտպան Լ.Ավետիսյանը միացավ միջնորդությանը:
Մեղադրողը մեղադրական եզրակացությամբ չի առարկել արագացված կարգով դատական քննություն կիրառելու դեմ:
Դատարանը համոզվելով, որ առկա են ՀՀ քրեական դատավարության օրենսգրքի 375.1-րդ և 375.2-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը հիմք ընդունելով մեղադրանքի հիմքում դրված ապացույցները` գտնում է, որ ամբաստանյալ Անդրանիկ Վիլիկի Բեգլարյանը կատարել է իրեն մեղսագրված հանցանքը:

3. Դատարանի իրավական վերլուծությունները

Առաջադրված մեղադրանքն ամբաստանյալ Անդրանիկ Վիլիկի Բեգլարյանի կողմից ընդունելու և դատական քննության արագացված կարգ կիրառելու պայմաններում դատարանը գտնում է, որ ամբաստանյալ Անդրանիկ Վիլիկի Բեգլարյանի կողմից, նրա մեղավորությամբ, շինություն ապօրինի մուտք գործելով գողությունը՝ ուրիշի գույքի խոշոր չափերով գաղտնի հափշտակությունը, ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով նախատեսված հանցագործության հատկանիշներին, որով էլ նա ենթակա է պատասխանատվության և պատժի:
ՀՀ քրեական օրենսգրքի 10-րդ հոդվածի համաձայն հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար:
ՀՀ քրեական օրենսգրքի 48-րդ հոդվածի 2-րդ մասի համաձայն պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները:
ՀՀ քրեական օրենսգրքի 61-րդ հոդվածի համաձայն պատիժ նշանակելիս, պատժաչափը որոշելիս դատարանը հաշվի է առնում արարքի բնույթն ու հանրության համար դրա վտանգավորության աստիճանը, ամբաստանյալի անձը, նրա պատասխանատվությունը, պատիժը մեղմացնող, ծանրացնող հանգամանքները, գործի ողջ նյութերը, իսկ հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները:
Ուսումնասիրելով ամբաստանյալ Անդրանիկ Վիլիկի Բեգլարյանի անձը բնութագրող տվյալները, պատասխանատվությունն ու պատիժը մեղմացնող ու ծանրացնող հանգամանքները, ամբաստանյալ Անդրանիկ Վիլիկի Բեգլարյանի նկատմամբ պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը բնութագրող տվյալները, մասնավորապես այն, որ Անդրանիկ Վիլիկի Բեգլարյանը կատարել է միջին ծանրության հանցանք, որի համար նախատեսված ազատազրկման ձևով պատժի առավելագույն ժամկետը հինգ տարի է, նախկինում դատված է:
Ամբաստանյալ Անդրանիկ Վիլիկի Բեգլարյանի պատասխանատվությունը և պատիժը մեղմացնող հանգամանքներ, նախատեսված ՀՀ քրեական օրենսգրքի 62-րդ հոդվածի 1-ին մասով, չկան:
Նույն հոդվածի 2-րդ մասով դատարանը որպես այդպիսին դիտում է նրա անկեղծորեն զղջալը:
ՀՀ քրեական օրենսգրքի 84-րդ հոդվածի համաձայն.
1. Անձը դատվածություն ունեցող է համարվում մեղադրական դատավճիռն օրինական ուժի մեջ մտնելու օրվանից մինչև դատվածությունը մարվելու կամ հանվելու պահը:
2. Դատվածությունը, սույն օրենսգրքին համապատասխան, հաշվի է առնվում հանցագործության ռեցիդիվի դեպքում և պատիժ նշանակելիս:
3. Դատվածություն չունեցող են համարվում այն անձինք, ովքեր դատարանի դատավճռով դատապարտվել են առանց պատիժ նշանակելու կամ դատարանի դատավճռով ազատվել են պատիժը կրելուց կամ պատիժը կրել են այնպիսի արարքի համար, որի հանցավորությունն ու պատժելիությունը վերացված են օրենքով:
4. Դատվածությունը մարվում է՝
1) պատիժը պայմանականորեն չկիրառելու դեպքում՝ փորձաշրջանն անցնելուց հետո.
2) ազատազրկումից ավելի մեղմ պատժի դատապարտված անձանց նկատմամբ՝ նշանակված պատիժը կրելուց մեկ տարի անցնելուց հետո.
3) ոչ մեծ կամ միջին ծանրության հանցագործության համար ազատազրկման դատապարտված անձանց նկատմամբ՝ պատիժը կրելուց երեք տարի անցնելուց հետո:
4) ծանր հանցագործության համար ազատազրկման դատապարտված անձանց նկատմամբ՝ պատիժը կրելուց հինգ տարի անցնելուց հետո.
5) առանձնապես ծանր հանցագործության համար ազատազրկման դատապարտված անձանց նկատմամբ՝ պատիժը կրելուց ութ տարի անցնելուց հետո:
5. Եթե անձն օրենքով սահմանված կարգով պայմանական վաղաժամկետ ազատվել է պատիժը կրելուց, կամ պատժի չկրած մասը փոխարինվել է ավելի մեղմ պատժով, ապա դատվածությունը մարելու ժամկետը հաշվարկվում է հիմնական պատիժը և լրացուցիչ պատիժը կրելուց ազատելու պահից:/…/
Հաշվի առնելով այն հանգամանքը, որ Անդրանիկ Վիլիկի Բեգլարյանը Երևան քաղաքի Ավան և Նոր Նորք վարչական շրջանների ընդհանուր իրավասության դատարանի 2014թ. ապրիլի 30-ի դատավճռով ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով դատապարտվել է ազատազրկման 2 (երկու) տարի ժամկետով և 2015թ. ապրիլի 15-ին պայմանական վաղաժամկետ ազատվել է 10 (տաս) ամիս 5 (հինգ) օր ժամկետով ազատազրկման ձևով պատժի չկրած մասը կրելուց, իսկ սույն քրեական գործով հանցանքը կատարել է 2015թ. սեպտեմբերի 11-ին՝ այսինքն դատվածությունը մարված չէ, ուստի նրա նկատմամբ պատիժ պետք է նշանակել ՀՀ քրեական օրենսգրքի 671 հոդվածի 2-րդ մասի կանոններով:
ՀՀ քրեական օրենսգրքի 22-րդ հոդվածի 1-ին մասի համաձայն հանցագործությունների ռեցիդիվ է համարվում դիտավորությամբ հանցանք կատարելն այն անձի կողմից, ով դատվածություն ունի նախկինում դիտավորությամբ կատարված հանցանքի համար:
ՀՀ քրեական օրենսգրքի 671 հոդվածի համաձայն`
1. Հանցագործությունների ռեցիդիվի, վտանգավոր և առանձնապես վտանգավոր ռեցիդիվի դեպքում պատիժ նշանակելիս հաշվի են առնվում կատարված հանցագործությունների քանակը, բնույթը և ծանրությունը, այն հանգամանքները, որոնց հետևանքով նախկին պատիժը բավարար չի եղել մեղավորի ուղղման համար, ինչպես նաև նոր հանցագործության բնույթը, ծանրությունը և հետևանքները:
2. Հանցագործությունների ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի կեսից:
Որպես ամբաստանյալ Անդրանիկ Վիլիկի Բեգլարյանի պատասխանատվությունը և պատիժը ծանրացնող հանգամանք, նախատեսված ՀՀ քրեական օրենսգրքի 63-րդ հոդվածի 1-ին մասի 1-ին կետով դիտվում է հանցանքը կատարելու ռեցիդիվը:
Ամբաստանյալ Անդրանիկ Վիլիկի Բեգլարյանի պատժաչափը որոշելիս, հաշվի առնելով վերջինիս անձը բնութագրող տվյալները, պատասխանատվությունը և պատիժը ծանրացնող հանգամանքի առկայությունը, հանցագործության բնույթն ու վտանգավորության աստիճանը, մասնավորապես այն, որ վերջինս կատարել է միջին ծանրության հանցագործություն, որը դասվում սեփականության, տնտեսության և տնտեսական գործունեության դեմ ուղղված հանցագործությունների շարքին, դատարանը գտնում է, որ պատժի նպատակները կիրականանան Ա.Բեգլարյանի նկատմամբ ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերի սանկցիայով նախատեսված 2 (երկու) տարի 6 (վեց) ամիս ժամկետով ազատազրկման ձևով պատիժը նշանակելու պայմաններում:
ՀՀ քրեական օրենսգրքի 76-րդ հոդվածի 6-րդ մասի 3-րդ կետի համաձայն եթե պատժի չկրած մասի ընթացքում դատապարտյալը կատարում է դիտավորյալ հանցանք, ապա դատարանը նրա նկատմամբ պատիժ է նշանակում սույն օրենսգրքի 67-րդ հոդվածով նախատեսված կանոններով: /…/
Հաշվի առնելով այն հանգամանքը, որ ամբաստանյալ Անդրանիկ Վիլիկի Բեգլարյանը Երևան քաղաքի Ավան և Նոր Նորք վարչական շրջանների ընդհանուր իրավասության դատարանի 2014թ. ապրիլի 30-ի դատավճռով նշանակված պատժի չկրած մասի ընթացքում կատարել է ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով նախատեսված դիտավորյալ հանցանք, ուստի վերջինիս նկատմամբ պետք է պատիժ նշանակել ՀՀ քրեական օրենսգրքի 67-րդ հոդվածով նախատեսված կանոններով:
Քննարկելով այն հարցը, թե արդյոք ամբաստանյալ Անդրանիկ Վիլիկի Բեգլարյանը պետք է կրի իր նկատմամբ նշանակված պատիժը, դատարանը հաշվի է առնում վերջինիս պատասխանատվությունը և պատիժը մեղմացնող հանգամանքի առկայությունը, սակայն միևնույն ժամանակ հաշվի է առնում նաև Ա.Բեգլարյանի պատասխանատվությունը և պատիժը ծանրացնող հանգամանքի առկայությունը, հանցագործության բնույթն ու վտանգավորության աստիճանը, մասնավորապես այն, որ վերջինս կատարել է միջին ծանրության հանցանք, որը դասվում է սեփականության, տնտեսության և տնտեսական գործունեության դեմ ուղղված հանցագործությունների շարքին, ինչպես նաև այն հանգամանքը, որ Ա.Բեգլարյանը նախկինում կատարել է համասեռ հանցագործություն, որպիսի պայմաններում դատարանը գտնում է, որ պատժի նպատակները կիրականանան նշանակված պատիժը Անդրանիկ Վիլիկի Բեգլարյանի կողմից կրելու պայմաններում և նույն հիմքով անթույլատրելի է ճանաչում ամբաստանյալ Անդրանիկ Վիլիկի Բեգլարյանի նկատմամբ ՀՀ քրեական օրենսգրքի 70-րդ հոդվածի կիրառումը:
Քննարկելով ամբաստանյալ Անդրանիկ Վիլիկի Բեգլարյանի նկատմամբ կիրառված խափանման միջոց կալանավորման հարցը, Դատարանը գտնում է, որ այդ խափանման միջոցը վերացնելու կամ փոփոխելու հիմքերը բացակայում են, պայմանավորված նրա իրական պատժի` ազատազրկման դատապարտելու և դատավճռի կատարումն ապահովելու անհրաժեշտությամբ:
Դատարանն արձանագրում է նաև, որ, չնայած Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2015թ. հոկտեմբերի 18-ի որոշմամբ ամբաստանյալ Ա.Բեգլարյանի նկատմամբ որպես կալանավորման այլընտրանքային խափանման միջոց է կիրառվել գրավը /700.000 ՀՀ դրամ/, սակայն նշված գումարը Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի դեպոզիտ հաշվին չի մուծվել և Ա.Բեգլարյանը արգելանքից չի ազատվել, ուստի այդ հարցին չի անդրադառնում:
ՀՀ քրեական դատավարության օրենսգրքի 360-րդ հոդվածի 1-ին մասի համաձայն` դատավճիռ կայացնելիս դատարանը պարտավոր է անդրադառնալ նաև իրեղեն ապացույցների, դատական ծախսերի, գույքի նկատմամբ կիրառված /կիրառվելիք/ արգելանքի, քաղաքացիական հայցի հարցերին: Տվյալ խնդրին անդրադառնալով դատարանն արձանագրում է, որ ամբաստանյալ Անդրանիկ Վիլիկի Բեգլարյանի դեմ քաղաքացիական հայց չի ներկայացվել, նրա գույքի վրա արգելանք չի կիրառվել:
Ինչ վերաբերում է իրեղեն ապացույցների տնօրինմանը, դատարանը գտնում է, որ դատավճիռն օրինական ուժի մեջ մտնելուց հետո իրեղեն ապացույց ճանաչված և քրեական գործին կցված 1 <<Նոկիա c6-00>> մոդելի 3579041042491751 գործարանային համարի բջջային հեռախոսը, 1 <<KENXINDA>> մոդելի բջջային հեռախոսը, 1 <<SONY ERICSSON>> մոդելի բջջային հեռախոսը, 1 <<FUJITSU>> մոդելի դյուրակիր համակարգիչը, 1 <<Նոկիա 5233>> մոդելի բջջային հեռախոսը, 1 <<Սամսունգ GT- C3510>> մոդելի բջջային հեռախոսը, 1 <<Սամսունգ GT-S5230>> մոդելի բջջային հեռախոսը, 1 <<Նոկիա N 73-1>> մոդելի բջջային հեռախոսը, 1 <<Սամսունգ SGH-E830 >> մոդելի բջջային հեռախոսը, 1 <<Սամսունգ GT-C3322>> մոդելի բջջային հեռախոսը, 1 <<Նոկիա 5610 D-1>> մոդելի բջջային հեռախոսը, 1 <<Նոկիա>> մոդելի բջջային հեռախոսը, 1 <<Սամսունգ SGH-X 820>> մոդելի բջջային հեռախոսը, 1 մետաղական ոսկեգույն բջջային հեռախոսը, 1 <<Նոկիա 2600>> մոդելի բջջային հեռախոսը, 1 <<Սամսունգ E 1100 T>> մոդելի բջջային հեռախոսը, 1 <<IPRO>> մոդելի բջջային հեռախոսը, 1 <<Նոկիա 7610s>> մոդելի բջջային հեռախոսը, 1 բլութուդ ականջակալը, 3 բջջային հեռախոսների մարտկոցները, 2 USB փոխարկիչը, 1 USB փոխարկիչը, 2 USB փոխարկիչը, 3 հիշողության կրիչ միացնելու համար նախատեսված սարքը, 1 բջջային հեռախոսի լիցքավորման լարը, 1 <<TV MOBILE>> մոդելի բջջային հեռախոսը, 1 <<SONY>> մոդելի բջջային հեռախոսը, 1 <<GSM MOBILE>> մոդելի բջջային հեռախոսը, 1 դյուրակիր համակարգիչի պայուսակը, <<ONDA>> մոդելի պլանշետը, 1 <<Սամսունգ դուոս>> մոդելի և 1 <<Սամսունգ GT 19300>> մոդելի բջջային հեռախոսները, 1 <<Ասուս>> և 1 հատ <<Ասեռ>> տեսակի պլանշետները, մեկ հատ <<Ասուս>> տեսակի դյուրակիր համակարգիչը, 1 <<Նոկիա 88.00>> մոդելի և 1 Նոկիա 88.00 սիռոկո>> մոդելի բջջային հեռախոսները պետք է հանձնել տուժող Տիգրան Վաչագանի Խաչատրյանի տնօրինությանը:
Դատարանը գտնում է, որ դատական ծախսերն ամբաստանյալ Անդրանիկ Վիլիկի Բեգլարյանից ենթակա չեն բռնագանձման, քանի որ ՀՀ քրեական դատավարության օրենսգրքի 168-րդ հոդվածի 1-ին մասի 1-ին կետով նախատեսված դատական ծախս սույն քրեական գործով չկա, իսկ 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի, ամբաստանյալից ենթակա չեն բռնագանձման:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 357-360-րդ, 364-366-րդ, 369-373-րդ, 3751-3754-րդ հոդվածներով, դատարանը`

Վ Ճ Ռ Ե Ց

Անդրանիկ Վիլիկի Բեգլարյանին մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով նախատեսված հանցագործություն կատարելու մեջ և պատիժ նշանակել ազատազրկում 2 (երկու) տարի 6 (վեց) ամիս ժամկետով:
ՀՀ քրեական օրենսգրքի 67-րդ հոդվածի կիրառմամբ` 2 (երկու) տարի 6 (վեց) ամիս ժամկետով նշանակված ազատազրկման ձևով պատժին մասնակիորեն գումարել նախորդ` Ավան և Նոր Նորք վարչական շրջանների ընդհանուր իրավասության դատարանի 2014թ. ապրիլի 30-ի դատավճռով նշանակված 2 (երկու) տարի ժամկետով ազատազրկման ձևով պատժի 10 (տաս) ամիս 5 (հինգ) օր չկրած մասից 3 (երեք) ամիս և Անդրանիկ Վիլիկի Բեգլարյանի նկատմամբ վերջնական պատիժ նշանակել ազատազրկում 2 (երկու) տարի 9 (ինը) ամիս ժամկետով:
Պատժի ժամկետի սկիզբը հաշվել 2015թ. հոկտեմբերի 16-ից, որը պետք է կրի ՀՀ ԱՆ համապատասխան քրեակատարողական հիմնարկում:
Մինչև դատավճռի օրինական ուժի մեջ մտնելն ամբաստանյալ Անդրանիկ Վիլիկի Բեգլարյանի նկատմամբ կիրառված խափանման միջոց կալանավորումը թողնել անփոփոխ:
Դատավճիռն օրինական ուժի մեջ մտնելուց հետո իրեղեն ապացույց ճանաչված և քրեական գործին կցված 1 <<Նոկիա c6-00>> մոդելի 3579041042491751 գործարանային համարի բջջային հեռախոսը, 1 <<KENXINDA>> մոդելի բջջային հեռախոսը, 1 <<SONY ERICSSON>> մոդելի բջջային հեռախոսը, 1 <<FUJITSU>> մոդելի դյուրակիր համակարգիչը, 1 <<Նոկիա 5233>> մոդելի բջջային հեռախոսը, 1 <<Սամսունգ GT- C3510>> մոդելի բջջային հեռախոսը, 1 <<Սամսունգ GT-S5230>> մոդելի բջջային հեռախոսը, 1 <<Նոկիա N 73-1>> մոդելի բջջային հեռախոսը, 1 <<Սամսունգ SGH-E830 >> մոդելի բջջային հեռախոսը, 1 <<Սամսունգ GT-C3322>> մոդելի բջջային հեռախոսը, 1 <<Նոկիա 5610 D-1>> մոդելի բջջային հեռախոսը, 1 <<Նոկիա>> մոդելի բջջային հեռախոսը, 1 <<Սամսունգ SGH-X 820>> մոդելի բջջային հեռախոսը, 1 մետաղական ոսկեգույն բջջային հեռախոսը, 1 <<Նոկիա 2600>> մոդելի բջջային հեռախոսը, 1 <<Սամսունգ E 1100 T>> մոդելի բջջային հեռախոսը, 1 <<IPRO>> մոդելի բջջային հեռախոսը, 1 <<Նոկիա 7610s>> մոդելի բջջային հեռախոսը, 1 բլութուդ ականջակալը, 3 բջջային հեռախոսների մարտկոցները, 2 USB փոխարկիչը, 1 USB փոխարկիչը, 2 USB փոխարկիչը, 3 հիշողության կրիչ միացնելու համար նախատեսված սարքը, 1 բջջային հեռախոսի լիցքավորման լարը, 1 <<TV MOBILE>> մոդելի բջջային հեռախոսը, 1 <<SONY>> մոդելի բջջային հեռախոսը, 1 <<GSM MOBILE>> մոդելի բջջային հեռախոսը, 1 դյուրակիր համակարգիչի պայուսակը, <<ONDA>> մոդելի պլանշետը, 1 <<Սամսունգ դուոս>> մոդելի և 1 <<Սամսունգ GT 19300>> մոդելի բջջային հեռախոսները, 1 <<Ասուս>> և 1 հատ <<Ասեռ>> տեսակի պլանշետները, մեկ հատ <<Ասուս>> տեսակի դյուրակիր համակարգիչը, 1 <<Նոկիա 88.00>> մոդելի և 1 Նոկիա 88.00 սիռոկո>> մոդելի բջջային հեռախոսները հանձնել տուժող Տիգրան Վաչագանի Խաչատրյանի տնօրինությանը:
Դատավճիռն օրինական ուժի մեջ է մտնում այն հրապարակվելու պահից մեկամսյա ժամկետում և կարող է բողոքարկվել ՀՀ վերաքննիչ քրեական դատարան, բացառությամբ ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով:



ԴԱՏԱՎՈՐ` Դ. ԳՐԻԳՈՐՅԱՆ