ԵԱՔԴ/0173/01/15

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանը`

նախագահող դատավոր` Լ. Ավետիսյան
քարտուղարությամբ` Ն. Այվազյանի
մասնակցությամբ
մեղադրող` Գ. Աղաջանյանի
պաշտպան` Մ. Բաբայանի

2016 թվականի մարտի 10-ին, Երևան քաղաքում, դռնբաց դատական նիստում, դատական քննության արագացված կարգով, քննեց քրեական գործն ըստ մեղադրանքի`
Հայկ Նորիկի Լալազարյանի, ծնված 1987 թվականի դեկտեմբերի 21-ին, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ֆիզիկապես վատառողջ, ամուսնացած, խնամքին մեկ անչափահաս երեխա, նախկինում չդատված, չի աշխատում, հաշվառված և բնակվում է Երևան քաղաքի Ադոնցի փողոցի 1 շենքի թիվ 2 բնակարան հասցեում, մեղադրվում է ՀՀ քրեական օրենսգրքի 177 հոդվածի 2-րդ մասի 1-ին կետով, որպես խափանման միջոց է ընտրվել չհեռանալու մասին ստորագրությունը:
Մամիկոն Սեդրակի Կարապետյանի, ծնված 1985 թվականի մայիսի 31-ին, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, գտնվում է քաղաքացիական ամուսնության մեջ, խնամքին մեկ անձ, նախկինում չդատված, չի աշխատում, հաշվառված է Երևան քաղաքի Ազատության պողոտայի 25 շենքի թիվ 39 բնակարան հասցեում, բնակվում է Նոր Խարբերդ 23 փողոցի 11 տուն հասցեում, մեղադրվում է ՀՀ քրեական օրենսգրքի 177 հոդվածի 2-րդ մասի 1-ին կետով, որպես խափանման միջոց է ընտրվել չհեռանալու մասին ստորագրությունը:

Պ Ա Ր Զ Ե Ց

1.Գործի դատավարական նախապատմությունը.
2015 թվականի սեպտեմբերի 1-ին ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժնում ՀՀ քրեական օրենսգրքի 177 հոդվածի 2-րդ մասի 1-ին կետով նախատեսված հանցագործության հատկանիշներով հարուցվել է թիվ 09117715 քրեական գործը:
2015 թվականի սեպտեմբերի 15-ին Հայկ Նորիկի Լալազարյանի նկատմամբ որպես խափանման միջոց է ընտրվել չհեռանալու մասին ստորագրությունը:
2015 թվականի սեպտեմբերի 17-ին Մամիկոն Սեդրակի Կարապետյանի նկատմամբ որպես խափանման միջոց է ընտրվել չհեռանալու մասին ստորագրությունը:
Նախաքննության մարմնի 2015 թվականի սեպտեմբերի 22-ի որոշմամբ Հայկ Նորիկի Լալազարյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 1-ին կետով:
Նախաքննության մարմնի 2015 թվականի սեպտեմբերի 24-ի որոշմամբ Մամիկոն Սեդրակի Կարապետյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 1-ին կետով:
2015 թվականի հոկտեմբերի 5-ին թիվ 09117715 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան` ըստ էության քննելու համար:
2.Գործի փաստական հանգամանքները.
Նախնական քննության մարմինն ամբաստանյալ Հայկ Նորիկի Լալազարյանին ՀՀ քրեական օրենսգրքի 177 հոդվածի 2-րդ մասի 1-ին 4-րդ կետով մեղադրանք է առաջադրել այն արարքի կատարման համար, որ նա իր ընկերոջ` Մամիկոն Կարապետյանի հետ նախնական համաձայնության գալով, ուրիշի գույքը գաղտնի հափշտակելու դիտավորությամբ, 2015թ. օգոստոսի 28-ին՝ ժամը 03:00-ի սահմաններում, իրեն պատկանող ՙՎազ-2109՚ մակնիշի 64 ՕՍ 587 համարանիշի ավտոմեքենայով գնացել են Երևան քաղաքի Աղասու փողոց, որտեղ 2/2 հասցեում գտնվող կիսակառույց շինության դիմաց գտնվող բաց հատվածում նկատել են գետնին դրված գլանանոթներ։ Ավտոմեքենան կայանելով դուրս են եկել, գլանանոթներից մեկը միասին գետնից վերցնելով, դրել են ավտոմեքենայի սրահում` գաղտնի հափշտակելով Արմեն Հակոբյանին պատկանող զգալի չափի` 12.000 ՀՀ դրամ արժողության թթվածնի գլանանոթը:
Նախնական քննության մարմինն ամբաստանյալ Մամիկոն Սեդրակի Կարապետյանին ՀՀ քրեական օրենսգրքի 177 հոդվածի 2-րդ մասի 1-ին կետով մեղադրանք է առաջադրել այն արարքի կատարման համար, որ նա, իր ընկերոջ` Հայկ Լալազարյանի հետ նախնական համաձայնության գալով, ուրիշի գույքը գաղտնի հափշտակելու դիտավորությամբ, 2015թ. օգոստոսի 28-ին՝ ժամը 03:00-ի սահմաններում, Հայկ Լալազարյանին պատկանող ՙՎազ-2109՚ մակնիշի 64 ՕՍ 587 համարանիշի ավտոմեքենայով գնացել են Երևան քաղաքի Աղասու փողոց, որտեղ 2/2 հասցեում գտնվող կիսակառույց շինության դիմաց գտնվող բաց հատվածում նկատել են գետնին դրված գլանանոթներ։ Ավտոմեքենան կայանելով դուրս են եկել, գլանանոթներից մեկը միասին գետնից վերցնելով, դրել են ավտոմեքենայի սրահում` գաղտնի հափշտակելով Արմեն Հակոբյանին պատկանող զգալի չափի` 12.000 ՀՀ դրամ արժողության թթվածնի գլանանոթը:
3. Արագացված դատական քննություն.
Մինչև դատաքննությունն սկսելն ամբաստանյալներ Հայկ Լալազարյանը և Մամիկոն Կարապետյանը միջնորդեցին դատական քննությունն անցկացնել արագացված կարգով և հայտարարեցին, որ առաջադրված մեղադրանքն իրենց պարզ է, համաձայն են իրենց առաջադրված մեղադրանքին, գիտակցում են արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել են կամավոր` պաշտպանների հետ խորհրդակցելուց հետո: Միջնորդությունը հաստատեց նաև ամբաստանյալների պաշտպան Մարգարիտ Բաբայանը:
Մեղադրող Գ.Աղաջանյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել դատական քննության արագացված կարգ կիրառելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ Հայկ Լալազարյանը և Մամիկոն Կարապետյանը նախնական համաձայնության գալով, ուրիշի գույքը գաղտնի հափշտակելու դիտավորությամբ, 2015թ. օգոստոսի 28-ին՝ ժամը 03:00-ի սահմաններում, Հ. Լալազարյանին պատկանող ՙՎազ-2109՚ մակնիշի 64 ՕՍ 587 համարանիշի ավտոմեքենայով գնացել են Երևան քաղաքի Աղասու փողոց, որտեղ 2/2 հասցեում գտնվող կիսակառույց շինության դիմաց գտնվող բաց հատվածում նկատել են գետնին դրված գլանանոթներ։ Ավտոմեքենան կայանելով դուրս են եկել, գլանանոթներից մեկը միասին գետնից վերցնելով, դրել են ավտոմեքենայի սրահում` գաղտնի հափշտակելով Արմեն Հակոբյանին պատկանող զգալի չափի` 12.000 ՀՀ դրամ արժողության թթվածնի գլանանոթը:
Այսինքն` Հ.Լալազարյանը և Մ.Կարապետյանը կատարել են արարք, որը համապատասխանում է ՀՀ քրեական օրենսգրքի 177 հոդվածի 2-րդ մասի 1-ին կետով նախատեսված հանցագործության հատկանիշներին:
Կատարած արարքների համար ամբաստանյալներ Հայկ Նորիկի Լալազարյանը և Մամիկոն Սեդրակի Կարապետյանը ենթակա են քրեական պատասխանատվության և պատժի:
ՀՀ քրեական օրենսգրքի 48 հոդվածի համաձայն`
ՙ1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից ու ազատություններից օրենքով նախատեսված զրկմամբ կամ դրանց սահմանափակմամբ:
2. Պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61 հոդվածի համաձայն`
ՙ1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործության՝ հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով:
3. Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները՚:
Ամբաստանյալների նկատմամբ պատիժ նշանակելիս, դատարանը հաշվի է առնում նրանց կատարած արարքների հանրության համար վտանգավորության աստիճանը և բնույթը, ինչպես նաև հանցավորների անձը:
Որպես ամբաստանյալ Հայկ Լալազարյանի անձը բնութագրող տվյալներ, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա նախկինում դատված չի եղել, բնութագրվում է դրական, հանցանքն ընդունել և զղջում է կատարած արարքի համար, նրա խնամքին է գտնվում մինչև տասնչորս տարեկան երեխան (Նորիկ Հայկի Լալազարյան` ծնված 21.02.2011թ.-ին), վատառողջ է (ՙԱվան՚ հոգեկան առողջության կենտրոնում՚ ՓԲԸ-ում հաշվառված է 20.07.2006թ.-ից ՙՎարքի և էմոցիաների խառը խանգարում պրիմիտիվ անձի մոտ կրկնվող իրավիճակային ռեակցիաներով՚ ախտորոշմամբ):
Ամբաստանյալ Հ.Լալազարյանի պատասխանատվությունը և պատիժը ծանրացնող հանգամանքներ առկա չեն:
Որպես ամբաստանյալ Մամիկոն Կարապետյանի անձը բնութագրող տվյալներ, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարած արարքի համար, բնութագրվում է դրական, նրա խնամքին է գտնվում 3-րդ խմբի հաշմանդամ հայրը:
Ամբաստանյալ Մ.Կարապետյանի պատասխանատվությունը և պատիժը ծանրացնող հանգամանքներ առկա չեն:
Հաշվի առնելով Հայկ Լալազարյանի և Մամիկոն Կարապետյանի կատարած արարքի հանրության համար վտանգավորության աստիճանը և բնույթը, նրանց անձը բնութագրող տվյալները, պատասխանատվությունը և պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 177 հոդվածի 2-րդ մասի սանկցիայով նախատեսված է պատիժ նաև տուգանքի ձևով և պատժի նպատակներն ապահովելու համար առավել խիստ պատիժ նշանակելու անհրաժեշտությունը բացակայում է, դատարանը գտնում է, որ ամբաստանյալներ Հայկ Նորիկի Լալազարյանի և Մամիկոն Սեդրակի Կարապետյանի նկատմամբ ՀՀ քրեական օրենսգրքի 177 հոդվածի 2-րդ մասի 1-ին կետով նախատեսված հանցանք կատարելու համար պատիժ պետք է նշանակել տուգանքի ձևով:
Դատարանը գտնում է, որ ամբաստանյալների նկատմամբ կիրառված խափանման միջոցը` չհեռանալու մասին ստորագրությունը, պետք է թողնել անփոփոխ, մինչև դատավճռի օրինական ուժի մեջ մտնելը:
Դատարանը գտնում է, որ տուժող Արմեն Հակոբյանի քաղաքացիական հայցի հարցը պետք է համարել լուծված, նկատի ունենալով, որ հանցագործությամբ պատճառված վնասը բնեղենով հատուցվել է և նա ամբաստանյալների նկատմամբ բողոք չունի, որի մասին տուժողը գրավոր դիմումով հայտնել է դատարանին:
Անդրադառնալով իրեղեն ապացույցների տնօրինման հարցին, դատարանը գտնում է, որ Քանաքեռ-Զեյթուն վարչական շրջանի քննչական բաժնի ավագ քննիչի 2015թ. սեպտեմբերի 28-ի որոշմամբ իրեղեն ապացույց ճանաչված և տուժող Արմեն Հակոբյանին ի պահ հանձնված, Երևան քաղաքի Ադոնցի փողոցի 1 շենքի բակում գտնվող թիվ 7222 ավտոտնակում հայտնաբերված և վերցված մեկ հատ թթվածնի գլանանոթը պետք է թողնել Արմեն Հակոբյանին ի տնօրինություն:
Դատարանը գտնում է, որ Քանաքեռ-Զեյթուն վարչական շրջանի քննչական բաժնի ավագ քննիչի 29.09.2015թ. որոշմամբ ապացույց ճանաչված այլ փաստաթուղթ հանդիսացող` Երևան քաղաքի Աղասու փողոցի 2/2 հասցեում տեղադրված տեսախցիկի տեսագրությունը պարունակող լազերային սկավառակը պետք է պահել սույն քրեական գործի հետ:
Դատարանը գտնում է, որ դատական ծախսերն ամբաստանյալներից ենթակա չեն բռնագանձման, նկատի ունենալով, որ ՀՀ քրեական դատավարության օրենսգրքի 168 հոդվածի 1-ին մասի 1-ին կետով նախատեսված դատական ծախս սույն քրեական գործով չկա, իսկ 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի, ամբաստանյալից բռնագանձման ենթակա չեն:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 365, 369-373, 3753 և 3754 հոդվածներով, դատարանը

Վ Ճ Ռ Ե Ց

Հայկ Նորիկի Լալազարյանին մեղավոր ճանաչել ՀՀ քրեական օրենսգրքի 177 հոդվածի 2-րդ մասի 1-ին կետով նախատեսված հանցանք կատարելու մեջ և նրան դատապարտել տուգանքի նվազագույն աշխատավարձի հինգհարյուրապատիկի` 500.000 (հինգ հարյուր հազար) ՀՀ դրամի չափով:
Հայկ Նորիկի Լալազարյանի նկատմամբ կիրառված խափանման միջոցը` չհեռանալու մասին ստորագրությունը, թողնել անփոփոխ, մինչև դատավճռի օրինական ուժի մեջ մտնելը:
Մամիկոն Սեդրակի Կարապետյանին մեղավոր ճանաչել ՀՀ քրեական օրենսգրքի 177 հոդվածի 2-րդ մասի 1-ին կետով նախատեսված հանցանք կատարելու մեջ և նրան դատապարտել տուգանքի նվազագույն աշխատավարձի հինգհարյուրապատիկի` 500.000 (հինգ հարյուր հազար) ՀՀ դրամի չափով:
Մամիկոն Սեդրակի Կարապետյանի նկատմամբ կիրառված խափանման միջոցը` չհեռանալու մասին ստորագրությունը, թողնել անփոփոխ, մինչև դատավճռի օրինական ուժի մեջ մտնելը:
Տուժող Արմեն Հակոբյանի քաղաքացիական հայցի հարցը համարել լուծված:
Դատավճիռն օրինական ուժի մեջ մտնելուց հետո իրեղեն ապացույց հանդիսացող` տուժող Արմեն Հակոբյանին ի պահ հանձնված, Երևան քաղաքի Ադոնցի փողոցի 1 շենքի բակում գտնվող թիվ 7222 ավտոտնակում հայտնաբերված մեկ հատ թթվածնի գլանանոթը թողնել նրա տնօրինությանը:
Ապացույց ճանաչված այլ փաստաթուղթ հանդիսացող` Երևան քաղաքի Աղասու փողոցի 2/2 հասցեում տեղադրված տեսախցիկի տեսագրությունը պարունակող լազերային սկավառակը պահել սույն քրեական գործի հետ:
Դատական ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

Դատավոր` ստորագրություն
Բնագրի հետ ճիշտ է`
Դատավոր` Լ. Ավետիսյան