Գործ No ԵԱՔԴ/0138/01/15

ՈՐՈՇՈՒՄ

ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ

ՙ29՚ սեպտեմբերի 2015թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը`

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Տ.Կարապետյանի
պաշտպան Ա.Ղազարյանի

Դատարանում, դռնբաց դատական նիստում, դատական քննության արագացված կարգով քննության առավ քրեական գործն ըստ մեղադրանքի Նատալյա Գրիգորի Աբրահամյանի (ծնված 1942 թվականի նոյեմբերի 01-ին` Շամշադինի շրջանի Այգեձոր գյուղում, ազգությամբ հայ, ՀՀ քաղաքացի, բարձրագույն կրթությամբ, ամուսնալուծված, կենսաթոշակառու, նախկինում չդատված, հաշվառված՝ Երևան քաղաքի Յան-Ռայնիս 7-րդ շենքի 19-րդ բնակարանում), ՀՀ քրեական օրենսգրքի 324-րդ հոդվածի 2-րդ մասով.

ՊԱՐԶԵՑ

2015 թվականի հուլիսի 06-ին Երևան քաղաքի Արաբկիր և Քանաքեռ-Զեյթուն վարչական շրջանների դատախազությունում ՀՀ քրեական օրենսգրքի 324-րդ հոդվածի 2-րդ մասով հարուցվել է թիվ 14204015 քրեական գործը:
2015 թվականի հուլիսի 09-ին թիվ 14204015 քրեական գործն ընդունվել է ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժնի վարույթ:
2015 թվականի հուլիսի 23-ին Նատալյա Գրիգորի Աբրահամյանի նկատմամբ որպես խափանման միջոց է ընտրվել ստորագրություն` չհեռանալու մասին:
2015 թվականի հուլիսի 25-ին Նատալյա Աբրահամյանը ՀՀ քրեական օրենսգրքի 324-րդ հոդվածի 2-րդ մասով ներգրավվել է որպես մեղադրյալ:
2015 թվականի հուլիսի 31-ին թիվ 14204015 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
Նախաքննության մարմինն ամբաստանյալ Նատալյա Աբրահամյանին ՀՀ քրեական օրենսգրքի 324-րդ հոդվածի 2-րդ մասով մեղադրանք է առաջադրել, որ ՙնա իր կողմից տրված ծեծի ենթարկվելու ահազանգի կապակցությամբ հետագայում հնարավոր սուտ մատնության համար նախատեսված քրեական պատասխանատվությունից խուսափելու և հանցագործության մասին տրվող հաղորդումն իր դեմ չօգտագործելու անձնական այլ շահագրգռվածությունից ելնելով՝ 2015 թվականի հունիսի 26-ին՝ ժամը 15:20-ի սահամններում, ՀՀ ոստիկանության ԵՔՎ Քանաքեռ-Զեյթունի բաժնում ուղղակի դիտավորությամբ պատռլեու եղանակով ոչնչացրել է պաշտոնական փաստաթուղթ հանդիսացող հաղորդումն ընդունելու մասին արձանագրության թիվ կ/ծ 013848/ ձևաթուղթը՚:

Առաջադրված մեղադրանքում Նատալյա Աբրահամյանն իրեն մեղավոր է ճանաչել և նշել, որ զղջում է կատարած արարքի համար, վատառողջ է և չի գիտակցել արարքը:
ՀՀ քրեական օրենսգրքի 72-րդ հոդվածի 1-ին մասի համաձայն` ՙառաջին անգամ ոչ մեծ ծանրության կամ միջին ծանրության հանցանք կատարած անձը կարող է ազատվել քրեական պատասխանատվությունից, եթե նա հանցանք կատարելուց հետո կամովին ներկայացել է մեղայականով, աջակցել է հանցագործությունը բացահայտելուն, հատուցել կամ այլ կերպ հարթել է հանցագործությամբ պատճառված վնասը՚:
ՀՀ քրեական դատավարության օրենսգրքի 35-րդ հոդվածի 1-ին մասի 12-րդ կետի համաձայն` ՙքրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե` անձը Հայաստանի Հանրապետության քրեական օրենսգրքի ընդհանուր մասի դրույթների ուժով ենթակա է ազատման քրեական պատասխանատվությունից՚:
Դատարանն արձանագրում է, որ Նատալյա Աբրահամյանը 72 տարեկան է, տարիքային կենսաթոշակառու է, ֆիզիկապես վատառողջ է, առաջին անգամ հանգամանքների պատահական զուգորդմամբ կատարել է ոչ մեծ ծանրության հանցանք, ընդունել է մեղքը և զղջացել կատարած արարքի համար, նախաքննության ընթացքում գործի հանգամանքների վերաբերյալ ըստ էության տվել է խոստովանական ցուցմունքներ, խնամքի տակ է գտնվում երկրորդ խմբի հաշմանդամ դուստրը:
Նշված պայմաններում, դատարանը գտնում է, որ թիվ 14204015 քրեական գործի վարույթը պետք է կարճել և ՀՀ քրեական օրենսգրքի 324-րդ հոդվածի 2-րդ մասով ամբաստանյալ Նատալյա Գրիգորի Աբրահամյանի նկատմամբ քրեական հետապնդումը պետք է դադարեցնել` գործուն զղջալու հիմքով:
Անդրադառնալով իրեղեն ապացույցների տնօրինման հարցին, դատարանը գտնում է, որ իրեղեն ապացույց ճանաչված և քրեական գործին կցված, հանցագործությունների վերաբերյալ հաղորդում ընդունելու մասին թիվ /կ/ծ.013848/ կտրոն ծանուցագիր արձանագրություն ձևաթղթի պատռված կտորները պետք է պահել քրեական գործի հետ միասին:
Քննարկելով խափանման միջոցի հարցը, դատարանը գտնում է, որ Նատալյա Աբրահամյանի նկատմամբ ընտրված խափանման միջոցըª ստորագրություն չհեռանալու մասին, պետք է վերացնել:
Ղեկավարվելով ՀՀ քրեական դատավարության օրենսգրքի 35-րդ հոդվածի 1-ին մասի 12-րդ կետով և 379-րդ հոդվածներով, դատարանը`

Ո Ր Ո Շ Ե Ց

Թիվ 14204015 քրեական գործի վարույթը կարճել և ՀՀ քրեական օրենսգրքի 324-րդ հոդվածի 2-րդ մասով ամբաստանյալ Նատալյա Գրիգորի Աբրահամյանի նկատմամբ քրեական հետապնդումը դադարեցնել` գործուն զղջալու հիմքով:
Նատալյա Աբրահամյանի նկատմամբ ընտրված խափանման միջոցըª ստորագրություն չհեռանալու մասին, վերացնել:
Իրեղեն ապացույց ճանաչված, հանցագործությունների վերաբերյալ հաղորդում ընդունելու մասին թիվ /կ/ծ.013848/ կտրոն ծանուցագիր արձանագրություն ձևաթղթի պատռված կտորները պահել քրեական գործի հետ միասին:
Որոշումը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո` մեկամսյա ժամկետում:



ԴԱՏԱՎՈՐ Ա.ՄԿՐՏՉՅԱՆ