Գործ No ԵԱՔԴ/0133/01/15

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՙ04՚ սեպտեմբերի 2017 թվական քաղաք Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը,

նախագահությամբ` դատավոր Արթուր Մկրտչյանի
քարտուղարությամբ` Միլենա Սարգսյանի
Շուշան Վանոյանի
Օֆելյա Կիրակոսյանի
մասնակցությամբ`
մեղադրող Լևոն Պետրոսյանի
պաշտպաններ Լիաննա Գասպարյանի
Արմինե Ֆանյանի
Մամիկոն Մանուկյանի

դատարանում, դռնբաց դատական նիստում քննեց քրեական գործն ըստ մեղադրանքի
Սաթենիկ Յանֆֆայի Սարգսյանի (ծնված` 1957 թվականի հունիսի 18-ին` Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, չի աշխատում, դատվածություն չունեցող, հաշվառված` քաղաք Երևան, Բագրատունյաց 2-րդ նրբանցք, 33-րդ տուն, փաստացի բնակվող` քաղաք Երևան, Շահինյան 2-րդ նրբանցք 1/1 տուն), մեղադրվում է ՀՀ քրեական օրենսգրքի 38-363-րդ հոդվածի 3-րդ մասով, 178-րդ հոդվածի 2-րդ մասի 2-րդ կետով (3 դրվագ), 325-րդ հոդվածի 2-րդ մասով (2 դրվագ), 34-38-327-րդ հոդվածի 2-րդ մասի 2-րդ կետով (11 դրվագ), 38-325-րդ հոդվածի 2-րդ մասով (18 դրվագ), 313-րդ հոդվածի 1-ին մասով (21 դրվագ), 38-327-րդ հոդվածի 2-րդ մասի 2-րդ կետով (21 դրվագ) և 333-րդ հոդվածի 1-ին մասով,

Սամվել Կարապետի Հովհաննիսյանի /ծնված 1959 թվականի հոկտեմբերի 11-ին` Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, նախկինում չդատված, անհատ ձեռնարկատեր, հաշվառված` քաղաք Երևան, Արտաշիսյան փողոց, 26-րդ տուն/, մեղադրվում է ՀՀ քրեական օրենսգրքի 312-րդ հոդվածի 3-րդ մասի 1-ին կետով:

Գործի դատավարական նախապատմությունը

2011 թվականի դեկտեմբերի 18-ին ՀՀ ոստիկանության ՔԳ վարչության Արաբկիրի քննչական բաժնում ՀՀ քրեական օրենսգրքի 327-րդ հոդվածի 2-րդ մասի 2-րդ, 178-րդ հոդվածի 2-րդ մասի 2-րդ և 5-րդ և 38-327-րդ հոդվածի 2-րդ մասի 2-րդ կետերով հարուցվել է թից 14135911 քրեական գործը:
2011 թվականի նոյեմբերի 23-ին ՀՀ ոստիկանության ՔԳ վարչության Մալաթիայի բաժնում ՀՀ քրեական օրենսգրքի 325-րդ հոդվածի 2-րդ մասով հարուցվել է թիվ 16137411 քրեական գործը:
2011 թվականի դեկտեմբերի 18-ին Սաթենիկ Սարգսյանը ձերբակալվել է:
2011 թվականի դեկտեմբերի 21-ին Սաթենիկ Սարգսյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 178-րդ հոդվածի 2-րդ մասի 2-րդ, 5-րդ և 38-327-րդ հոդվածի 2-րդ մասի 2-րդ կետերով:
2011 թվականի դեկտեմբերի 21-ին Սաթենիկ Սարգսյանի նկատմամբ որպես խափանման միջոց է կիրառվել կալանավորումը:
2012 թվականի հունվարի 17-ին թիվ 16137411 քրեական գործը միացվել է թիվ 14135911 քրեական գործին:
2012 թվականի հունվարի 17-ին ՀՀ ՊՆ քննչական ծառայության 4-րդ կայազորային քննչական բաժնում ՀՀ քրեական օրենսգրքի 325-րդ հոդվածի 1-ին և 376-րդ հոդվածի 1-ին մասերով հարուցվել է թիվ 90252212 քրեական գործը:
2012 թվականի մարտի 01-ին ՀՀ ՊՆ 5-րդ կայազորային քննչական բաժնում ՀՀ քրեական օրենսգրքի 376-րդ հոդվածի 1-ին մասով հարուցվել է թիվ 90651312 քրեական գործը:
2012 թվականի մայիսի 16-ին թիվ 14135911 քրեական գործն ըստ քննչական ենթակայության ուղարկվել է ՀՀ ՊՆ քննչական ծառայություն:
2012 թվականի մայիսի 25-ին թիվ 90651313 քրեական գործն ըստ քննչական ենթակայության ուղարկվել է ՀՀ ՊՆ քննչական ծառայություն:
2012 թվականի մայիսի 29-ին թիվ 90252212 քրեական գործը միացվել է թիվ 14135911 քրեական գործին:
2012 թվականի հունիսի 01-ին թիվ 90651312 քրեական գործը միացվել է թիվ 14135911 քրեական գործին:
2012 թվականի հունիսի 18-ին Սաթենիկ Սարգսյանի նկատմամբ կիրառված խափանման միջոց կալանավորումը վերացվել է, նա ազատվել է կալանքից և նրա նկատմամբ որպես խափանման միջոց է ընտրվել ստորագրություն` չհեռանալու մասին:
2015 թվականի ապրիլի 22-ին Սաթենիկ Սարգսյանին առաջադրված մեղադրանքը փոփոխվել է, նրան նոր մեղադրանք է առաջադրվել ՀՀ քրեական օրենսգրքի 38-363-րդ հոդվածի 2-րդ մասով, 178-րդ հոդվածի 2-րդ մասի 2-րդ կետով /2դրվագ/, 325-րդ հդվածի 2-րդ մասով /2 դրվագ/, 34-38-327-րդ հոդվածի 2-րդ մասի 2-րդ կետով /11 դրվագ/, 38-325-րդ հոդվածի 2-րդ մասով /18 դրվագ/, 313-րդ հոդվածի 1-ին մասով /20 դրվագ/ և 38-327-րդ հոդվածի 2-րդ մասի 2-րդ կետով /21 դրվագ/: Նույն օրը Սաթենիկ Սարգսյանը ներգրավվել է որպես մեղադրյալ:
2015 թվականի հունիսի 22-ին ՀՀ քննչական կոմիտեի ԶՔԳՎ ՀԿԳ քննության վարչությունում թիվ 14135911 քրեական գործից անջատվել է Սաթենիկ Սարգսյանի, Նաիրա Հովհաննիսյանի և Տատյանա Չուրկինայի մասով գործ, որին շնորհվել է թիվ 90151715 համարը:
2015 թվականի հուլիսի 27-ին թիվ 90151715 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների առաջին ատյանի ընդհանուր իրավասության դատարան:
2016 թվականի մարտի 19-ին Աջափնյակ և Դավթաշեն վարչական շրջանների դատախազությունում ՀՀ քրեական օրենսգրքի 311-րդ հոդվածի 3-րդ մասի 3-րդ կետով հարուցվել է թիվ 10200316 քրեական գործը:
2016 թվականի նոյեմբերի 01-ին Սամվել Հովհաննիսյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 312-րդ հոդվածի 3-րդ մասի 1-ին կետով և նրա նկատմամբ որպես խափանման միջոց է ընտրվել ստորագրություն` չհեռանալու մասին:
2016 թվականի նոյեմբերի 11-ին Սաթենիկ Սարգսյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 313-րդ հոդվածի 1-ին մասով և 178-րդ հոդվածի 2-րդ մասի 2-րդ կետով:
2016 թվականի դեկտեմբերի 02-ին ՀՀ քննչական կոմիտեի ԶՔԳՎ ՀԿԳ քննության վարչությունում ՀՀ քրեական օրենսգրքի 333-րդ հոդվածի 1-ին մասով հարուցվել է թիվ 90155116 քրեական գործը և այն միացվել է թիվ 10200316 քրեական գործին:
2016 թվականի դեկտեմբերի 06-ին Սաթենիկ Սարգսյանին առաջադրված մեղադրանքը լրացվել է և նրան մեղադրանք է առաջադրվել ՀՀ քրեական օրենսգրքի 313-րդ հոդվածի 1-ին մասով, 178-րդ հոդվածի 2-րդ մասի 2-րդ կետով և 333-րդ հոդվածի 1-ին մասով: Նույն օրը նա ներգրավվել է որպես մեղադրյալ:
2016 թվականի դեկտեմբերի 19-ին Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի որոշմամբ Նաիրա Վիլիկի Հովհաննիսյանի նկատմամբ 19 դրվագով ՀՀ քրեական օրենսգրքի 325-րդ հոդվածի 2-րդ մասով, 10 դրվագով 38-327-րդ հոդվածի 2-րդ մասի 2-րդ կետով և 9 դրվագով 34-38-327-րդ հոդվածի 2-րդ մասի 2-րդ կետով, և Տատյանա Նիկոլայի Չուրկինայի նկատմամբ 19 դրվագով ՀՀ քրեական օրենսգրքի 325-րդ հոդվածի 2-րդ մասով, 10 դրվագով 38-327-րդ հոդվածի 2-րդ մասի 2-րդ կետով և 9 դրվագով 34-38-327-րդ հոդվածի 2-րդ մասի 2-րդ կետով քրեական հետապնդումը դադարեցվել է` վաղեմության ժամկետներն անցնելու հիմքով:
2016 թվականի դեկտեմբերի 19-ին թիվ 10200316 քրեական գործը մեղադրական եզրակացությամբ ուղարկվել է Երևան քաղաքի Շենգավիթ վարչական շրջանի առաջին ատյանի ընդհանուր իրավասության դատարան:
2016 թվականի դեկտեմբերի 30-ի որոշմամբ թիվ ԵՇԴ/0188/01/16 (10200316) քրեական գործն ըստ ընդդատության ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների առաջին ատյանի ընդհանուր իրավասության դատարան:
2017 թվականի հունվարի 23-ին դատարանի որոշմամբ թիվ ԵՇԴ/0188/01/16 քրեական գործը միացվել է թիվ ԵԱՔԴ/0133/01/15 քրեական գործին:

Գործի փաստական հանգամանքները

Նախաքննության մարմինն ամբաստանյալ Սաթենիկ Սարգսյանին ՀՀ քրեական օրենսգրքի 38-363-րդ հոդվածի 3-րդ մասով, 178-րդ հոդվածի 2-րդ մասի 2-րդ կետով (3 դրվագ), 325-րդ հոդվածի 2-րդ մասով (2 դրվագ), 34-38-327-րդ հոդվածի 2-րդ մասի 2-րդ կետով (11 դրվագ), 38-325-րդ հոդվածի 2-րդ մասով (18 դրվագ), 313-րդ հոդվածի 1-ին մասով (21 դրվագ), 38-327-րդ հոդվածի 2-րդ մասի 2-րդ կետով (21 դրվագ) և 333-րդ հոդվածի 1-ին մասով մեղադրանք է առաջադրել, որ ՙնա չունենալով մշտական կամ ժամանակավոր աշխատանք, ապօրինի եղանակներով գումար վաստակելու նպատակով, ՀՀ տարբեր քաղաքացիների ներկայանալով որպես ՀՀ տարածքում գործող բուժհաստատություններում ազդեցիկ ծանոթներ ունեցող անձ, 2010-2011 թվականների ընթացքում, ժամկետային զինվորական ծառայության հերթական զորակոչից ազատվելու` ՀՀ օրենսդրությամբ սահմանված կարգով հիմքեր չունեցող, սակայն զինվորական ծառայության զորակոչից վերջնականապես կամ ժամանակավորապես ազատվել ցանկացող, ինչպես նաև զինվորական ծառայության զորակոչված, սակայն ապօրինի ծառայությունից ազատվել ցանկացող անձանց առաջարկել է իր ծառայությունները և նրանցից տարբեր չափերի գումարներ ստանալով, որոշ դեպքերում` կաշառք տվողի և կաշառք ստացողի միջև կաշառքի շուրջ համաձայնության գալուն նպաստելու դիտավորությամբ, ՙՆորք՚ ինֆեկցիոն հիվանդանոցի 6-րդ բաժանմունքի վարիչ Տիգրան Ջումշուտի Նազարյանին, ինչպես նաև այլ բուժհաստատությունների մի շարք պաշտոնատար անձանց, փոխանցել է տարբեր քաղաքացիների կողմից իրեն տրված տարբեր չափերի գումարներ` զինակոչիկներին տարկետումներ հատկացնելու կամ զինվորական ծառայությունից ազատելու համար:
Որոշ դեպքերում, Ս.Սարգսյանն ուրիշի խոշոր չափերի գույքի հափշտակության նպատակով, խաբեության և վստահությունը չարաշահելու եղանակով կատարել է խարդախություն, իսկ որոշ դեպքերում` վերջինս Գյումրի քաղաքի Ջիվանու փողոցի 143-րդ տան բնակիչներ` գործով մեղադրյալներ Նաիրա Վիլիկի Հովհաննիսյանին և Տատյանա Նիկոլայի Չուրկինային առաջարկելով տարբեր չափերի գումարներ, նրանց դրդել է համակարգչի և գունավոր շիթային տպիչի միջոցով կեղծել իրավունք վերապահող, պաշտոնական փաստաթուղթ համարվող` ՀՀ տարբեր զինկոմիսարիատներում հաշվառված թվով զինակոչիկների առողջական վիճակի հետազոտման ակտեր և տարաբնույթ բժշկական փաստաթղթեր, որոնցից մի քանիսում անձամբ կատարել է ձեռագիր կեղծ գրառումներ` դրանով իսկ զինակոչիկներ` Հովհաննես Աբրահամի Մելեքյանին, Արթուր Զոհրակի Մուշեղյանին, Նորիկ Գրիգորի Թադևոսյանին, Հարություն Բապկենի Գրիգորյանին, Դավիթ Վարդանի Հակոբյանին, Իշխան Վահանի Պողոսյանին, Դավիթ Գեորգիի Չոբանյանին, Ռոման Թելմանի Խուդոյանին, Էմիլ Արշակի Օրդինյանին, Դավիթ Վարազդատի Սարգսյանին, Հովհաննես Հրայրի Վարդապետյանին, Իշխան Արմենի Սադոյանին, Մնացական Գագիկի Թորոսյանին, Գարիկ Լարիկի Սաֆարյանին, Սարգիս Լարիկի Սաֆարյանին, Ռուսլան Իշխանի Ալոյանին, Արսեն Մերուժի Մարգարյանին, Սարգիս Վոլոդիայի Դարբինյանին, Անդրանիկ Արթուրի Աստանյանին, Սմբատ Մամիկոնի Ղանդլյանին, Գերասիմ Իվանի Եսայանին, Անդրանիկ Պետրոսի Ֆարմանյանին, Թորգոմ Պետրոսի Ֆարմանյանին, Նաիրի Մամիկոնի Խաչատրյանին, Արսեն Խաչատուրի Ղարագյոզյանին, Էդգար Դավթի Հովհաննիսյանին, Վարդան Եփրեմի Այվազյանին, Թենգիզ Թեմուրի Թամոյանին, Գևորգ Նորիկի Սադոյանին, Հովհաննես Սերոբի Չեմինյանին, Ռոլանդ Էդիկի Մելքոնյանին և Անդրանիկ Սեյրանի Գրիգորյանին օժանդակելով ժամկետային զինվորական ծառայության զորակոչից խուսափել կամ խուսափելու փորձ կատարել, կամ հիվանդության սիմուլյացիայի և կեղծ փաստաթղթեր օգտագործելու եղանակով` զինվորական ծառայության պարտականությունները կրելուց վերջնականապես խուսափելու փորձ կատարել:
Այսպես.
Ս.Սարգսյանը ՀՀ ՊՆ Երևան քաղաքի Կենտրոնականի զինվորական կոմիսարիատի զինակոչիկ Հովհաննես Աբրահամի Մելեքյանի հետ 2011թ. մայիսին համաձայնություն ձեռք բերելով գումարի դիմաց վերջինիս երեք տարի ժամկետով տարկետում տրամադրելու շուրջ, նույն թվականի աշնանը` Հ.Մելեքյանի զորակոչի ընթացքում, նրանից ստացել է ընդհանուր 1.297.380 ՀՀ դրամին համարժեք 3.500 ԱՄՆ դոլար, որից` 140.000 ՀՀ դրամը, նույն ժամանակահատվածում տվել է Տատյանա Նիկոլայի Չուրկինային և Նաիրա Վիլիկի Հովհաննիսյանին` վերջիններիս կողմից համակարգչի միջոցով Հ.Մելեքյանի պաշտոնական փաստաթուղթ համարվող առողջական վիճակի հետազոտման ակտը կեղծելու` դրանում զորակոչից ազատող ախտորոշում գրելու համար: Այնուհետև Ս.Սարգսյանը կեղծված ակտը փոխանցել է Հ.Մելեքյանին, որն էլ այն ներկայացրել է ՀՀ ՊՆ Երևան քաղաքի Կենտրոնականի զինվորական կոմիսարիատ:
ՀՀ կենտրոնական բժշկական հանձնաժողովի կողմից Հ.Մելեքյանին կրկնակի հետազոտման չուղարկելուն միջամտելու և նշված ակտի համաձայն տարկետում հատկացնելու նպատակով, Ս.Սարգսյանը նախնական պայմանավորվածության համաձայն, ՙՆորք՚ ինֆեկցիոն ԲԿ-ի 6-րդ բաժանմունքի վարիչ Տիգրան Ջումշուտի Նազարյանին տվել է 568.440 ՀՀ դրամին համարժեք 1.500 ԱՄՆ դոլար: Արդյունքում` Հ.Մելեքյանը 2011թ. նոյեմբերի վերջին ստացել է տարկետում 3 տարի ժամկետով:
Այնուհետև` 2010թ. աշնանը, Ս.Սարգսյանը համաձայնություն է ձեռք բերել Մաշտոցի զինկոմիսարիատի զինակոչիկ Արթուր Զահրակի Մուշեղյանի ծնողների հետ` գումարի դիմաց Ա.Մուշեղյանին զինվորական ծառայության զորակոչվելուց տարկետում տրամադրելու շուրջ: 2010թ. աշնանը, Ս.Սարգսյանն Ա.Մուշեղյանի հայր` Զոհրակ Մուշեղյանից և նրա կնոջից` տարբեր օրերին, երեք փուլով, ստացել է 1.073.940 ՀՀ դրամին համարժեք 1.200, 700 և 1.100` ընդհանուր` 3.000 ԱՄՆ դոլար գումար, որն ամբողջությամբ տվել է ՙՆորք՚ ինֆեկցիոն ԲԿ-ի 6-րդ բաժանմունքի վարիչ Տ.Նազարյանին` վերջինիս միջնորդությամբ Ա.Մուշեղյանի տարկետման հարցը կարգավորելու նպատակով: 2010թ-ին Ա.Մուշեղյանը հետազոտվել է ՙՆորք՚ ինֆեկցիոն ԲԿ-ում և նշված բուժհիմնարկի կողմից տրված ախտորոշման հիման վրա ստացել է տարկետում 6 ամիս ժամկետով: Եվս 6 ամիս ժամկետով տարկետում Ա.Մուշեղյանը ստացել է 2011թ-ի գարնանային զորակոչի ընթացքում:
2011թ. աշնանային զորակոչի ընթացքում Ա.Մուշեղյանի ծնողները կրկին դիմել են Ս.Սարգսյանին և վերջինս համակարգչի միջոցով Ա.Մուշեղյանի պաշտոնական փաստաթուղթ համարվող առողջական վիճակի հետազոտման ակտը կեղծելու նպատակով, իր անձնական միջոցներից Տ.Չուրկինային և Ն.Հովհաննիսյանին տվել է 110.000 կամ 120.000 ՀՀ դրամ գումար:
Կեղծված ակտը Ս.Սարգսյանը փոխանցել է Ա.Մուշեղյանին, որն էլ այն ներկայացրել է Մաշտոցի տարածքային զինկոմիսարիատ, որտեղ հայտնաբերվել է ակտի կեղծված լինելու հանգամանքը:
Բացի այդ, Ս.Սարգսյանը 2011թ. նոյեմբերին Արաբկիր զինկոմիսարիատի զինակոչիկ Նորիկ Գրիգորի Թադևոսյանի հետ համաձայնության գալով գումարի դիմաց վերջինիս երեք տարի ժամկետով տարկետում տրամադրելու շուրջ, ի սկզբանե որոշելով, որ նրա առողջական վիճակի հետազոտման ակտը պետք է Ն.Հովհաննիսյանի և Տ.Չուրկինայի կողմից կեղծվի համակարգչի միջոցով, վերջինիս խոշոր չափերի հասնող` 956.000 ՀՀ դրամ գումարը հափշտակելու նպատակով, չարաշահել է Ն.Թադևոսյանի վստահությունը, դիմել խաբեության` վերջինիս ասելով, թե իբր տարկետում ապահովող ախտորոշում գրելու համար, նրանից ստացված գումարը պետք է տա բժիշկներին և ԿԲՀ անդամներին:
Ս.Սարգսյանը Ն.Թադևոսյանից պահանջված` ընդհանուր 956.000 ՀՀ դրամը, ստացել է երկու փուլով, նախ` 356.000 ՀՀ դրամ, այնուհետև` 1.500 ԱՄՆ դոլարին համարժեք, մոտ 600.000 ՀՀ դրամ որից` 60.000 ՀՀ դրամը տվել է Տ.Չուրկինային, իսկ 40.000 ՀՀ դրամը` Ն.Հովհաննիսյանին` վերջիններիս կողմից համակարգչի միջոցով Ն.Թադևոսյանի պաշտոնական փաստաթուղթ համարվող առողջական վիճակի հետազոտման ակտը կեղծելու` իր կողմից նշված, տարկետում ապահովող ախտորոշումը գրելու համար: Կեղծված ակտը Ս.Սարգսյանը փոխանցել է Ն.Թադևոսյանին, որն էլ այն ներկայացրել է Արաբկիրի զինկոմիսարիատ, որտեղ հայտնաբերվել է ակտի կեղծ լինելու հանգամանքը:
Այնուհետև, Ս.Սարգսյանը 2011թ. հոկտեմբերին հանդիպել է Արմավիրի մարզի Ջանֆիդա գյուղի բնակիչ Կամսար Ղորղանյանին և նրանից տեղեկացել, որ Արմավիրի տարածքային զինկոմիսարիատի զինակոչիկ Իշխան Վահանի Պողոսյանն արդեն իսկ հետազոտվել է և ստացել առողջական վիճակի հետազոտման ակտ: ՈՒսումնասիրելով ակտը, Ս.Սարգսյանն առկա ախտորոշման մասին հեռախոսազանգի միջոցով տեղեկացրել է Տ.Չուրկինային և նրանից ճշտելով, որ առկա ախտորոշմամբ զինակոչիկին չի կարող տարկետում տրամադրվել և քանի որ վերջինս պատրաստակամություն է հայտնել փոխել (կեղծել) ակտը, Ս.Սարգսյանը տեղում Կ.Ղորղանյանին հայտնել է, որ ինքը կարող է կազմակերպել Ի.Պողոսյանի տարկետում ստանալու գործընթացը, ինչի համար նույն օրը նրանից ստացել է 187.165 ՀՀ դրամին համարժեք 500 ԱՄՆ դոլար գումար:
Ստանալով գումարը և վերցնելով Ի.Պողոսյանի առողջական վիճակի հետազոտման ակտը, Ս.Սարգսյանն ուղևորվել է ք.Գյումրի, Տ.Չուրկինային և Ն.Հովհաննիսյանին է փոխանցել Ի.Պողոսյանի առողջական վիճակի հետազոտման ակտը և այն կեղծելու համար նրանց վճարելով 80.000 ՀՀ դրամ գումար, վերադարձել է Երևան:
Դրանից 1-2 օր անց, տեղեկանալով, որ կեղծված ակտը պատրաստ է, Ս.Սարգսյանը գնացել է ք.Գյումրի, վերցրել Ի.Պողոսյանի կեղծված ակտը և այն փոխանցել Կ.Ղորղանյանին: Որոշ ժամանակ անց, Ս.Սարգսյանին կրկին զանգահարել է Կ.Ղորղանյանը, տեղեկացրել, որ Ի.Պողոսյանն ակտը ներկայացրել է զինկոմիսարիատ և ԿԲՀ-ի կողմից ուղեգրվել ՙԷրեբունի՚ ԲԿ` կրկնակի հետազոտման: Ինքը հանդիպելով Կ.Ղորղանյանին, նրանից վերցրել է հետազոտման ուղեգիրն ու առողջական վիճակի հետազոտման ակտի չլրացված ձևաթուղթը, մեկնելով ք. Գյումրի, այն տվել է Ն.Հովհաննիսյանին և ակտի մեջ զորակոչից ազատող ախտորոշում գրելու համար, վերջինիս վճարել է 70.000 ՀՀ դրամ գումար: Մի քանի օր անց, Ն.Հովհաննիսյանից տեղեկանալով, որ ակտը պատրաստ է, նրանից վերցրել է այն, փոխանցել Կ.Ղորղանյանին, որն էլ իր հերթին այն փոխանցել է Ի.Պողոսյանին: Վերջինս նշված ակտը ներկայացրել է Արմավիրի տարածքային զինվորական կոմիսարիատ և ստացել տարկետում մեկ տարի ժամկետով:
Բացի այդ, Ս.Սարգսյանը 2010թ. աշնանը Երևան քաղաքի բնակիչ Արման Իսրայելյանի միջոցով ծանոթացել է Մարտունու տարածքային զինկոմիսարիատի զինակոչիկ Հարություն Բապկենի Գրիգորյանի հետ, որը ներկայացնելով, որ ունի որոշակի առողջական խնդիրներ, խնդրել է գումարի դիմաց միջնորդել, որպեսզի ստանա տարկետում երեք տարի ժամկետով: Իր միջնորդության համար, Ս.Սարգսյանը Հ.Գրիգորյանից պահանջել է 1.431.920 ՀՀ դրամին համարժեք 4.000 ԱՄՆ դոլար, որը վերջինիցս ստացել է երկու փուլով:
2010թ-ի նոյեմբեր-դեկտեմբեր ամիսների ընթացքում, Ս.Սարգսյանը ստացված 4.000 ԱՄՆ դոլարից 536.970 ՀՀ դրամին համարժեք 1.500 դոլար տվել է ՙՆորք՚ ինֆեկցիոն հիվանդանոցի 6-րդ բաժանմունքի վարիչ Տ.Նազարյանին` վերջինիս միջնորդությամբ Հ.Գրիգորյանին 3 տարի ժամկետով տարկետում հատկացնելու համար, սակայն վերջինս տարկետում ստացել է մեկ տարի ժամկետով:
2011թ. աշնանային զորակոչի ընթացքում, տեղեկանալով, որ Հ.Գրիգորյանն ուղեգրվել է հետազոտությունների, Ս.Սարգսյանը հանդիպել է նրան, վերցրել զինկոմիսարիատից տրված առողջական վիճակի հետազոտման ակտի չլրացված ձևաթուղթը, հանդիպելով Տ.Չուրկինային և Ն.Հովհաննիսյանին, ներկայացրել է իրավիճակը և Հ.Գրիգորյանի ակտը կեղծելու` տարկետում ապահովող գրառումներ կատարելու համար, նրանց տվել է 500 ԱՄՆ դոլար և 20.000 ՀՀ դրամ գումար: Մի քանի օր անց, վերցնելով կեղծված ակտը, այն փոխանցել է Հ.Գրիգորյանին, որն էլ իր հերթին այն ներկայացրել է զինկոմիսարիատ: Որոշ ժամանակ անց, Հ.Գրիգորյանը զանգահարելով Ս.Սարգսյանին, տեղեկացրել է, որ իրեն հետազոտման են ուղեգրել ՙԱրմենիա՚ ԲԿ` կապված սրտային խնդիրների հետ: Այդ անգամ նույնպես, Ս.Սարգսյանը Հ.Գրիգորյանից վերցնելով առողջական վիճակի հետազոտման չլրացված ձևաթուղթը, հանդիպել է Ն.Հովհաննիսյանին և Տ.Չուրկինային և Հ.Գրիգորյանի ակտը կեղծելու, ինչպես նաև կեղծ ՙՀոլտեր՚ հետազոտման արդյունքներ պատրաստելու համար, նրանց տվել է 60.000 ՀՀ դրամ գումար: Մի քանի օր անց, նրանցից վերցնելով կեղծված փաստաթղթերը, Ս.Սարգսյանը դրանք փոխանցել է Հ.Գրիգորյանին, որն էլ դրանք ներկայացրել է Մարտունու տարածքային զինվորական կոմիսարիատ և ստացել տարկետում մեկ տարի ժամկետով:
Այնուհետև` 2011թ. հոկտեմբերին, Ս.Սարգսյանը համաձայնության գալով Արթիկի զինկոմիսարիատի զինակոչիկ Դավիթ Վարդանի Հակոբյանին զինվորական ծառայությունից ազատելու համար տարկետումներ տրամադրելու շուրջ, 2011թ. հոկտեմբերի վերջին և նոյեմբերի սկզբին Դ.Հակոբյանից ստացել է 1.497.320 ՀՀ դրամին համարժեք 4.000 ԱՄՆ դոլար, որից 240.000 ՀՀ դրամ տվել է Տ.Չուրկինային և Ն.Հովհաննիսյանին` համակարգչի միջոցով Դ.Հակոբյանի պաշտոնական փաստաթուղթ համարվող առողջական վիճակի հետազոտման թվով 2 ակտերը կեղծելու համար: Կեղծված ակտերը Ս.Սարգսյանը փոխանցել է Դ.Հակոբյանին, որն էլ դրանք ներկայացրել է Արթիկի տարածքային զինվորական կոմիսարիատ, սակայն դրանց կապակցությամբ վերջնական որոշում չի կայացվել, քանի որ Դ.Հակոբյանը ԿԲՀ-ի կողմից ուղեգրվել է կրկնակի հետազոտությունների:
Բացի այդ` 2010թ. աշնանը Ս.Սարգսյանը Երևան քաղաքի բնակիչ Արման Իսրայելյանի միջնորդությամբ հանդիպել է Կարեն անվամբ` գործով չպարզված անձի հետ, ով իրեն դիմել է Էրեբունու տարածքային զինկոմիսարիատի զինակոչիկ Դավիթ Գեորգիի Չոբանյանին տարկետում տրամադրելու հարցով, միաժամանակ ցույց տալով զինակոչիկի առողջական վիճակի հետազոտման ակտը: Խորհրդակցելով Տ.Չուրկինայի հետ, Ս.Սարգսյանն ասել է, որ այդ ախտորոշմամբ զինակոչիկը տարկետում ստանալ չի կարող, որից հետո Դ.Չոբանյանին տարկետում տրամադրելու հարցը կազմակերպելու համար, նրանից պահանջել է 894.950 ՀՀ դրամին համարժեք 2.500 ԱՄՆ դոլար գումար և նույն օրը ստացել պահանջված գումարից 100 ԱՄՆ դոլարը, իսկ որոշ ժամանակ անց նաև 1.300 ԱՄՆ դոլար գումար:
Ս.Սարգսյանը Դ.Չոբանյանի` պաշտոնական փաստաթուղթ համարվող առողջական վիճակի հետազոտման ակտը համակարգչային եղանակով կեղծելու նպատակով, այն 120.000 ՀՀ դրամ գումարի հետ միասին տվել է Տ.Չուրկինային և Ն.Հովհաննիսյանին, որից մի քանի օր անց, վերցնելով կեղծված ակտը, փոխանցել է Դ.Չոբանյանին: Կեղծված ակտի հիման վրա Դ.Չոբանյանն ուղեգրվել է ուռուցքաբանության կենտրոն:
Ս.Սարգսյանը վերցրել է նաև ուռուցքաբանության կենտրոնում հետազոտվելու համար Դ.Չոբանյանին տրված առողջական վիճակի հետազոտման ակտը և նույն եղանակով կեղծելու համար, այն 80.000 ՀՀ դրամ գումարի հետ միասին տվել է Տ.Չուրկինային և Ն.Հովհաննիսյանին: Կեղծված ակտը կրկին փոխանցվել է Դ.Չոբանյանին` զինկոմիսարիատ ներկայացնելու համար: Նշված` կեղծված ակտի հիման վրա, վերջինս հետազոտման է ուղեգրվել Ռ.Յոլյանի անվան արյան փոխներարկման կենտրոն: Նշված առողջական վիճակի հետազոտման ակտը նույն եղանակով կեղծելու համար, Ս.Սարգսյանն այն 70.000 ՀՀ դրամի հետ միասին տվել է Տ.Չուրկինային և Ն.Հովհաննիսյանին ու կեղծված ակտը նույնպես փոխանցել է Դ.Չոբանյանին: Արդյունքում` Դ.Չոբանյանը ԿԲՀ-ի կողմից ստացել է տարկետում երեք տարի ժամկետով:
Այնուհետև` 2011թ. հոկտեմբերին, Ս.Սարգսյանն Արմավիրի մարզի Ջանֆիդա գյուղի բնակիչ Կամսար Ղորղանյանի միջնորդությամբ հանդիպել է Երևանի Շահումյանի տարածքային զինկոմիսարիատի զինակոչիկ Ռոման Թելմանի Խուդոյանի հետ և պարզելով, որ վերջինս արդեն իսկ հետազոտվել է և ունի առողջական վիճակի հետազոտման ակտ, ուսումնասիրելով այն, Ռ.Խուդոյանին հայտնել է, որ ակտում առկա ախտորոշմամբ տարկետում չի կարող տրամադրվել: Ս.Սարգսյանն ի սկզբանե որոշելով, որ զինակոչիկի առողջական վիճակի հետազոտման ակտը պետք է կեղծվի Տ.Չուրկինայի և Ն.Հովհաննիսյանի կողմից, Ռ.Խուդոյանի խոշոր չափերի հասնող գույքի հափշտակության նպատակով, չարաշահել է նրա վստահությունը, դիմել խաբեության և վերջինիս ներկայացրել, թե իբր բժիշկներին և ԿԲՀ անդամներին գումարներ տալու միջոցով պետք է փոխի ախտորոշումը, ինչի համար Ռ.Խուդոյանից պահանջել է 1.122.990 ՀՀ դրամին համարժեք 3.000 ԱՄՆ դոլար գումար:
Ստանալով Ռ.Խուդոյանի համաձայնությունը և պահանջված գումարից 561.495 ՀՀ դրամին համարժեք 1.500 ԱՄՆ դոլարը, Ս.Սարգսյանը վերջինիս պաշտոնական փաստաթուղթ համարվող առողջական վիճակի հետազոտման ակտը տվել է Ն.Հովհաննիսյանին և Տ.Չուրկինային, որպեսզի վերջիններս համակարգչային եղանակով կեղծեն` տարկետում ապահովող ախտորոշում գրեն ակտի մեջ: Զինակոչիկի ակտը կեղծելու համար, Ս.Սարգսյանը Ն.Հովհաննիսյանին վճարել է 122.299 ՀՀ դրամին համարժեք 300 ԱՄՆ դոլար գումար, իսկ Տ.Չուրկինային 10.000 կամ 20.000 ՀՀ դրամ գումար, որից մի քանի օր անց ստանալով կեղծված ակտը, այն փոխանցել է Ռ.Խուդոյանին` զինկոմիսարիատ ներկայացնելու համար: Ռ.Խուդոյանն ակտը ներկայացրել է զինկոմիսարիատ, սակայն տարկետում չի ստացել, քանի որ զինկոմիսարիատում հայտնաբերվել է ակտի կեղծված լինելու հանգամանքը:
Բացի այդ, Ս.Սարգսյանը 2011թ-ի հոկտեմբերի կեսերին, Արմավիրի մարզի Ջանֆիդա գյուղի բնակիչ Կամսար Ղորղանյանի միջնորդությամբ հանդիպել է Երևան քաղաքի Սարի-Թաղ 7-րդ շարք 7-րդ տուն հասցեում հաշվառված, փաստացի Երևան քաղաքի Կոմիտասի 22/57 հասցեում բնակվող, Էմիլ Արշակի Օրդինյանի ազգական ներկայացած, գործով դեռևս չպարզված անձին, որին խոստացել է միջնորդել` Է.Օրդինյանին զինվորական ծառայության զորակոչվելուց տարկետում տրամադրելու հարցում, ինչի համար պահանջել և Երևան քաղաքի Շենգավիթ համայնքում գտնվող 3-րդ մաս կոչվող թաղամասում նրանից ստացել է 1.310.155 ՀՀ դրամին համարժեք 3.500 ԱՄՆ դոլար գումար:
Ս.Սարգսյանն Է.Օրդինյանի վերաբերյալ տեղեկանք է վերցրել Շենգավիթ վարչական շրջանի թիվ 13 տեղամասից առ այն, որ վերջինս առանց հաշվառման բնակվում է Բագրատունյաց 2-րդ նրբանցք 33-րդ տուն հասցեում, որն իրականում հանդիսացել է Ս.Սարգսյանի բնակության վայրը, ինչի հիմքով վերջինս որպես զինակոչիկ հաշվառվել է Երևանի Շենգավիթի տարածքային զինկոմիսարիատում:
Ս.Սարգսյանը 2011թ-ի նոյեմբեր ամսի սկզբներին 75.000 ՀՀ դրամ գումար տվել է Տ.Չուրկինային և Ն.Հովհաննիսյանին, որոնք կեղծել են Շենգավիթի տարածքային զինկոմիսարիատի կողմից Է.Օրդինյանին տրված իրավունք վերապահող առողջական վիճակի հետազոտման ակտը և փոխանցել Ս.Սարգսյանին: Վերջինս այն տրամադրել է Է.Օրդինյանին, որն էլ կեղծված ակտը ներկայացրել է զինկոմիսարիատ, սակայն տարկետում չի ստացել:
Ս.Սարգսյանն Է.Օրդինյանին կրկնակի հետազոտման ուղեգրելու նպատակով, նրա տատիկի անունից դիմում է ներկայացրել ՀՀ զինվորական կոմիսարին, սակայն Է.Օրդինյանը ճանաչվելով պիտանի, 30.11.2011թ-ին զորակոչվել է ՀՀ ԶՈՒ:
Այնուհետև` 2011թ. նոյեմբերին, Ս.Սարգսյանը Երևանի մաշկավեներոլոգիական դիսպանսերի մոտ հանդիպել է Մարտունու զինկոմիսարիատի զինակոչիկ Դավիթ Վարազդատի Սարգսյանի հետ և համաձայնության գալով գումարի դիմաց վերջինիս զինվորական ծառայությունից տարկետում տրամադրելու շուրջ, 2011թ. նոյեմբերին նրանից ստացել է 100.000 ՀՀ դրամ, որից` 80.000 ՀՀ դրամը նույն ժամանակահատվածում տվել է Տ.Չուրկինային և Ն.Հովհաննիսյանին` վերջիններիս կողմից համակարգչի միջոցով Դ.Սարգսյանի պաշտոնական փաստաթուղթ համարվող առողջական վիճակի հետազոտման ակտը կեղծելու համար: Կեղծված ակտը Ս.Սարգսյանը փոխանցել է Դ.Սարգսյանին, որն էլ այն ներկայացրել է Մարտունու տարածքային զինկոմիսարիատ և արդյունքում ստացել տարկետում երեք տարի ժամկետով:
Բացի այդ` 2011թ. ապրիլ - մայիս ամիսներին, Ս.Սարգսյանը հանդիպել է Տավուշի մարզի Աչաջուր գյուղի բնակիչ Հրայր Վարդապետյանի հետ և որդուն` Նոր Նորքի զինկոմիսարիատի զինակոչիկ Հովհաննես Հրայրի Վարդապետյանին գումարի դիմաց ժամկետային զինվորական ծառայության զորակոչից տարկետում ստանալու շուրջ համաձայնության գալուց հետո, Հրայրի Վարդապետյանից ստացել է 1.109.790 ՀՀ դրամին համարժեք 3.000 ԱՄՆ դոլար գումար:
Տեղեկանալով, որ Հ.Վարդապետյանը հետազոտման է ուղեգրվել ՙՆորք՚ ինֆեկցիոն հիվանդանոց, Ս.Սարգսյանը ստացված գումարից 2.500 ԱՄՆ դոլար, 2011թ. մայիսին տվել է ՙՆորք՚ ինֆեկցիոն ԲԿ-ի 6-րդ բաժանմունքի վարիչ` Տ.Նազարյանին` Հ.Վարդապետյանին մեկ կամ երեք տարի ժամկետով տարկետում տրամադրելու համար, սակայն այդ զորակոչի ընթացքում, վերջինս տարկետում է ստացել ընդամենը վեց ամիս ժամկետով:
Հաջորդող զորակոչի ընթացքում` 2011թ. սեպտեմբեր, հոկտեմբեր և նոյեմբեր ամիսներին, Հ.Վարդապետյանն ուղեգրվել է ՙՆորք՚ ինֆեկցիոն հիվանդանոց կրկնակի հետազոտությունների, սակայն Ս.Սարգսյանը նրան չի թողել ներկայանալ և հետազոտվել նշված բուժհիմնարկությունում ու համապատասխանաբար` 60.000, 70.000 և 60.000 ՀՀ դրամ գումարներ է տվել Տ.Չուրկինային և Ն.Հովհաննիսյանին` վերջիններիս կողմից համակարգչի միջոցով Հովհաննես Վարդապետյանի պաշտոնական փաստաթղթեր համարվող` էպիկրիզը և առողջական վիճակի հետազոտման թվով երկու ակտերը կեղծելու համար: Արդյունքում` Հ.Վարդապետյանը ստացել է տարկետում:
Այնուհետև, Ս.Սարգսյանը 2011թ. աշնանը, Կամսար Ղորղանյանի հետ համաձայնություն է ձեռք բերել Երևանի Մաշտոցի տարածքային զինկոմիսարիատի զինակոչիկ Իշխան Արմենի Սադոյանին գումարի դիմաց զինվորական ծառայությունից ազատելու համար տարկետում տրամադրելու շուրջ, ինչի կապակցությամբ Կ.Ղորղանյանից ստացել է 459.375 ՀՀ դրամին համարժեք 1.250 ԱՄՆ դոլար գումար և քանի որ Ի.Սադոյանին ԿԲՀ-ի կողմից տարկետում չի հատկացվել և վերջինս ուղեգրվել է կրկնակի հետազոտման, Ս.Սարգսյանը խորհրդակցելով Տ.Չուրկինայի հետ, Ի.Սադոյանին թույլ չի տվել ներկայանալ համապատասխան բուժհիմնարկություն հետազոտման, նրանից վերցրել է առողջական վիճակի հետազոտման ակտի չլրացված ձևաթուղթը, Տ.Չուրկինային և Ն.Հովհաննիսյանին տվել է 80.000 ՀՀ դրամ և Ն.Հովհաննիսյանի կողմից համակարգչով պատրաստված առողջական վիճակի հետազոտման ակտի մեջ, անձամբ կատարել է Տ.Չուրկինայի կողմից բերված` տարկետում ապահովող ախտորոշում, այնուհետև կեղծված ակտը փոխանցել է Ի.Սադոյանին: Վերջինս այն ներկայացրել է զինկոմիսարիատ և կեղծ ակտի հիմքով ստացել տարկետում երեք տարի ժամկետով:
Բացի այդ, Ս.Սարգսյանը 2011թ. սեպտեմբերի կեսերին ՙԱրմենիա՚ ՀԲԿ ընդունարանի աշխատակից Լիդա Մանվելյանի հետ համաձայնություն է ձեռք բերել վերջինիս քրոջ որդուն` Մաշտոցի զինկոմիսարիատի զինակոչիկ Մնացական Գագիկի Թորոսյանին զինվորական ծառայության զորակոչից տարկետում տրամադրելու շուրջ և այդ կապակցությամբ Գ.Թորոսյանից 2011թ-ի աշնանը ՙԱրմենիա՚ ՀԲԿ-ում ստացել է 183.750 ՀՀ դրամին համարժեք 500 ԱՄՆ դոլլար, որից` 75.000 ՀՀ դրամը, տվել է Տ.Չուրկինային և Ն.Հովհաննիսյանին` վերջիններիս կողմից համակարգչի միջոցով Մ.Թորոսյանի պաշտոնական փաստաթուղթ համարվող առողջական վիճակի հետազոտման ակտը կեղծելու համար: Ս.Սարգսյանը կեղծված ակտը փոխանցել է Մ.Թորոսյանին, որն այն ներկայացրել է զինկոմիսարիատ, սակայն ԿԲՀ-ի կողմից ճանաչվելով պիտանի զինվորական ծառայության համար, 27.12.2011թ-ին զորակոչվել է ՀՀ ԶՈՒ:
Բացի այդ, Ս.Սարգսյանը 2010թ. աշնանը գործով դեռևս չպարզված անձի միջոցով հանդիպել է Երևանի Նոր Նորքի տարածքային զինկոմիսարիատի զինակոչիկ Սարգիս Լարիկի Սաֆարյանի հետ և տեղեկանալով, որ վերջինս ունենալով որոշակի առողջական խնդիրներ, ցանկություն ունի գումարի դիմաց տարկետում ստանալ, այդ կապակցությամբ խոսել և պայմանավորվել է ՙՆորք՚ ինֆեկցիոն հիվանդանոցի 6-րդ բաժանմունքի վարիչ Տ.Նազարյանի հետ և վերջինիս խորհրդով Ս.Սաֆարյանից պահանջել և ստացել է 1.073.940 ՀՀ դրամին համարժեք 3.000 ԱՄՆ դոլար գումար, որն ամբողջությամբ տվել է Տ.Նազարյանին` Ս.Սաֆարյանի տարկետման հարցը կարգավորելու նպատակով: Արդյունքում` Ս.Սաֆարյանին տրվել է այնպիսի առողջական վիճակի հետազոտման ակտ, որի հիման վրա նրան ԿԲՀ-ի կողմից հատկացվել է տարկետում` երեք տարի ժամկետով:
Այնուհետև` 2011թ. մարտ ամսին, Ս.Սարգսյանը, Ս.Սաֆարյանի միջոցով ծանոթացել է նրա եղբոր` Գարիկ Լարիկի Սաֆարյանի և հոր` Լարիկ Սաֆարյանի հետ ու վերջինիս առաջարկն ընդունելով, համաձայնվել է 1.101.600 ՀՀ դրամին համարժեք 3.000 ԱՄՆ դոլար գումարի դիմաց զբաղվել նաև Գ.Սաֆարյանին տարկետում տրամադրելու հարցով: Այս դեպքում նույնպես Ս.Սարգսյանը խորհրդակցել է ՙՆորք՚ ինֆեկցիոն հիվանդանոցի 6-րդ բաժանմունքի վարիչ Տ.Նազարյանի հետ և վերջինիս խորհրդով Գ.Սաֆարյանին հուշել է, թե ինչ գանգատներ ներկայացնի զինկոմիսարիատում, որպեսզի ուղեգրվի հատկապես ՙՆորք՚ ինֆեկցիոն հիվանդանոց: Երբ Գ.Սաֆարյանն ուղեգրվել է նշված բուժհիմնարկություն, Ս.Սարգսյանը վերջինիս տարկետման հարցը կարգավորելու համար Տ.Նազարյանի պահանջով նրան է տվել 918.000 ՀՀ դրամին համարժեք 2.500 ԱՄՆ դոլար, այնուհետև` 110.160 ՀՀ դրամին համարժեք 300 ԱՄՆ դոլար գումար, ինչի արդյունքում Գ.Սաֆարյանը երկու անգամ ստացել է տարկետումներ` յուրաքանչյուրը վեց ամիս ժամկետով: Դրանից հետո` 2011թ-ի աշնանային զորակոչի ընթացքում, Գ.Սաֆարյանին էպիկրիզ և առողջական վիճակի հետազոտման ակտեր տրամադրելու նպատակով, Ս.Սարգսյանը 70.000 ՀՀ դրամ գումար է տվել Ն.Հովհաննիսյանին և Տ.Չուրկինային, որոնք կեղծել են Գ.Սաֆարյանի էպիկրիզը և առողջական վիճակի հետազոտման ակտը, համաձայն որոնց Գ.Սաֆարյանին հատկացվել է տարկետում վեց ամիս ժամկետով:
2011թ. հոկտեմբերին, Ս.Սարգսյանը հանդիպելով Կամսար Ղորղանյանին և Արմավիրի տարածքային զինկոմիսարիատի զինակոչիկ Ռուսլան Իշխանի Ալոյանի հորը` Իշխան Ալոյանին, ճշտել է, որ զինակոչիկը զինկոմիսարիատի ուղեգրով հետազոտվել է և համաձայն ստացված ակտի` ենթակա է եղել զորակոչման:
Ս.Սարգսյանը Կ.Ղորղանյանի հետ նախապես պայմանավորված լինելով, Ռ.Ալոյանին զինվորական ծառայության զորակոչից տարկետում տրամադրելու հարցերով իր միջնորդության համար, զինակոչիկի հայր` Ի.Ալոյանից պահանջել և ստացել է 1.310.155 ՀՀ դրամին համարժեք 3.500 ԱՄՆ դոլար գումար, որից 149.732 ՀՀ դրամին համարժեք 400 ԱՄՆ դոլարը տվել է Տ.Չուրկինային և Ն.Հովհաննիսյանին` վերջիններիս կողմից համակարգչի միջոցով Ռ.Ալոյանի պաշտոնական փաստաթուղթ համարվող առողջական վիճակի հետազոտման ակտը կեղծելու համար:
Կեղծված ակտը Ս.Սարգսյանը փոխանցել է Ռ.Ալոյանին, իսկ վերջինս այն ներկայացրել է Արմավիրի տարածքային զինկոմիսարիատ, սակայն տարկետում չի ստացել, քանի որ զինկոմիսարիատում հայտնաբերվել է ակտի կեղծ լինելու հանգամանքը: 2011թ. փետրվարին, Ս.Սարգսյանն Արման Իսրայելյանի միջնորդությամբ հանդիպել է Արագյուղի բնակիչ Պատվական Մարգարյանին, որն իրեն դիմել է եղբորը` Նաիրիի տարածքային զինկոմիսարիատի զինակոչիկ Արսեն Մերուժի Մարգարյանին գումարի դիմաց զինվորական ծառայության զորակոչից տարկետում հատկացնելու համար: Ս.Սարգսյանն ու Պ.Մարգարյանը պայմանավորվածություն են ձեռք բերել առ այն, որ 1.635.705 ՀՀ դրամին համարժեք 4.500 ԱՄՆ դոլարի դիմաց, Ա.Մարգարյանին կտրամադրվի տարկետում` երեք տարի ժամկետով: 2011թ-ի փետրվարի վերջին, Պ.Մարգարյանը Ս.Սարգսյանին է տվել պահանջված 4.500 ԱՄՆ դոլարից 2.000 ԱՄՆ դոլարը, այնուհետև` նույն թվականի ապրիլին փոխանցել է ևս 1.000 ԱՄՆ դոլար, իսկ աշնանը ևս 1.000 ԱՄՆ դոլար գումար:
2011թ-ի գարնանային զորակոչի ընթացքում, Ս.Սարգսյանը նախ կազմակերպել է Ա.Մարգարյանի հետազոտումը` հատկապես ՙՆորք՚ ինֆեկցիոն հիվանդանոցում, այնուհետև, հանդիպելով նույն բուժհիմնարկի 6-րդ բաժանմունքի վարիչ Տ.Նազարյանին, պայմանավորվածություն է ձեռք բերել առ այն, որ 726.980 ՀՀ դրամին համարժեք 2.000 ԱՄՆ դոլարի դիմաց վերջինիս կողմից տրված ախտորոշման հիման վրա, Ա.Մարգարյանին պետք է տրամադրվի տարկետում երեք տարի ժամկետով, սակայն վերջինիս տարկետում է տրամադրվել վեց ամիս ժամկետով:
2011թ-ի աշնանային զորակոչի ընթացքում, Ա.Մարգարյանին տարկետում ապահովող առողջական վիճակի հետազոտման ակտ տրամադրելու համար, Ս.Սարգսյանը Տ.Նազարյանին է տվել 363.490 ՀՀ դրամին համարժեք ևս 1.000 ԱՄՆ դոլար գումար, սակայն համաձայն առողջական վիճակի հետազոտման ակտի, Ա.Մարգարյանը ենթակա է եղել զորակոչի, ինչի կապակցությամբ Ս.Սարգսյանն Ա.Մարգարյանից վերցնելով նշված ակտը հանդիպել է Տ.Չուրկինային և Ն.Հովհաննիսյանին, նրանց տվել 80.000 ՀՀ դրամ գումար` Ա.Մարգարյանի` պաշտոնական փաստաթուղթ համարվող առողջական վիճակի հետազոտման ակտը կեղծելու` տարկետում ապահովող ախտորոշում գրելու համար:
Մի քանի օր անց, Ս.Սարգսյանը կեղծված ակտը փոխանցել է Ա.Մարգարյանին, որն էլ այն ներկայացրել է զինկոմիսարիատ, սակայն տարկետում չի ստացել, քանի որ զինկոմիսարիատում հայտնաբերվել է ակտի կեղծված լինելու հանգամանքը:
2011թ. մարտին, Ս.Սարգսյանը Տավուշի մարզի Աչաջուր գյուղի բնակիչ Արտակ Աստանյանի հետ, եղբոր որդուն` Իջևանի զինկոմիսարիատի զինակոչիկ Անդրանիկ Արթուրի Աստանյանին գումարի դիմաց զինվորական ծառայությունից տարկետում տրամադրելու շուրջ համաձայնության գալուց հետո, Արտակ Աստանյանից ստացել է 2.022.900 ՀՀ դրամին համարժեք 5.500 ԱՄՆ դոլար, որից 1.101.600 ՀՀ դրամին համարժեք 3.000 ԱՄՆ դոլարը երկու փուլով տվել է ՙՆորք՚ ինֆեկցիոն ԲԿ-ի 6-րդ բաժանմունքի վարիչ` Տ.Նազարյանին` Ա.Աստանյանին երեք տարի ժամկետով տարկետում հատկացնելու համար, սակայն 2011թ-ի գարնանային զորակոչի ընթացքում Ա.Աստանյանը ստացել է տարկետում հինգ ամիս ժամկետով:
2011թ-ի աշնանային զորակոչի ընթացքում, Ս.Սարգսյանն Ա.Աստանյանի պաշտոնական փաստաթուղթ համարվող առողջական վիճակի հետազոտման թվով երկու ակտերը կեղծելու համար 180.000 ՀՀ դրամ գումար է տվել Տ. Չուրկինային և Ն.Հովհաննիսյանին, այնուհետև կեղծված ակտերը փոխանցել է Ա.Աստանյանին, որոնց հիման վրա վերջինիս տրամադրվել է տարկետում 3 տարի ժամկետով:
2011թ. հոկտեմբերի 3-ին Ս.Սարգսյանը ՙԱրմենիա՚ ՀԲԿ-ի բժիշկ, ոմն Հովսեփի միջնորդությամբ հանդիպել է Արմավիրի մարզի Ջանֆիդա գյուղի բնակիչ Մամիկոն Ղանդիլյանի հետ, որն առաջարկել է գումարի դիմաց որդուն` Արմավիրի զինկոմիսարիատի զինակոչիկ Սմբատ Մամիկոնի Ղանդիլյանին, և համագյուղացուն` նույն զինկոմիսարիատի զինակոչիկ` Գերասիմ Իվանի Եսայանին, զինվորական ծառայության զորակոչից ազատելու համար տարկետումներ տրամադրել, միաժամանակ նշելով, որ զինակոչիկներն արդեն հետազոտվել են և համաձայն նրանց տրված առողջական վիճակի հետազոտման ակտերի` ենթակա են զորակոչի:
Ս.Սարգսյանը համաձայնվել է միջամտել նշված զինակոչիկների զորակոչի ընթացքին, Մ.Ղանդիլյանից որդուն` Ս.Ղանդիլյանին տարկետում տրամադրելու համար պահանջելով 2.700 ԱՄՆ դոլար, իսկ` համագյուղացի Գ.Եսայանի համար` 3.000 ԱՄՆ դոլար գումար: Մ.Ղանդիլյանից ստանալով ընդհանուր 2.133.681 ՀՀ դրամին համարժեք 5.700 ԱՄՆ դոլար գումար և զինակոչիկների առողջական վիճակի հետազոտման ակտերը, Ս.Սարգսյանը 150.000 ՀՀ դրամ գումար է տվել Տ.Չուրկինային և Ն.Հովհաննիսյանին` վերջիններիս կողմից համակարգչի միջոցով Ս.Ղանդիլյանի և Գ.Եսայանի պաշտոնական փաստաթուղթ համարվող առողջական վիճակի հետազոտման ակտերը կեղծելու համար: Կեղծված ակտերը Ս.Սարգսյանը փոխանցել է Մ.Ղանդիլյանին, որոնք զինակոչիկները ներկայացրել են զինկոմիսարիատ, սակայն տարկետում չեն ստացել, քանի որ պարզվել է ակտերի կեղծված լինելու հանգամանքը և Գ.Եսայանը 21.12.2011թ-ին, իսկ Ս.Ղանդիլյանը 22.12.2011թ-ին զորակոչվել են ՀՀ զինված ուժեր:
2011թ. նոյեմբերին, Ս.Սարգսյանն Արմավիրի մարզի Ջանֆիդա գյուղի բնակիչ Մամիկոն Ղանդիլյանի միջնորդությամբ հանդիպել է գործով դեռևս չպարզված Թեմուր անվամբ անձի հետ և համաձայնություն ձեռք բերել` Արմավիրի զինկոմիսարիատի զինակոչիկ Սարգիս Վոլոդիայի Դարբինյանին զինվորական ծառայությունից ազատելու համար տարկետում տրամադրելու շուրջ: Ս.Սարգսյանը Թեմուրից ստացել է 947.400 ՀՀ դրամին համարժեք 2.500 ԱՄՆ դոլար գումար, ինչպես նաև զինակոչիկ Ս.Դարբինյանին տրված հետազոտման ուղեգիրն ու առողջական վիճակի հետազոտման ակտի դատարկ ձևաթուղթը, այնուհետև հանդիպելով Տ.Չուրկինային և Ն.Հովհաննիսյանին, նրանց տվել է 100.000 ՀՀ դրամ` վերջիններիս կողմից համակարգչի միջոցով Ս.Դարբինյանի պաշտոնական փաստաթուղթ համարվող առողջական վիճակի հետազոտման ակտը կեղծելու համար: Կեղծված ակտը Ս.Սարգսյանը փոխանցել է Ս.Դարբինյանին, որն էլ այն ներկայացրել է զինկոմիսարիատ, սակայն ուղեգրվել է ՙՔանաքեռ-Զեյթուն՚ ԲԿ` կրկնակի հետազոտման: Ս.Սարգսյանը Թեմուրից վերցնելով ուղեգիրն ու առողջական վիճակի հետազոտման ակտի չլրացված ձևաթուղթը, վերջինիս միջոցով Ս.Դարբինյանին փոխանցել է, որ հետազոտման չգնա, որից հետո կրկին հանդիպելով Ն.Հովհաննիսյանին և Տ.Չուրկինային, առաջարկել է նույն եղանակով կեղծել Ս.Դարբինյանի անվամբ լրացված առողջական վիճակի հետազոտման ակտը: Պահանջված գումարի շուրջ համաձայնության չգալուց հետո, Ս.Սարգսյանը 30.000 ՀՀ դրամ գումար է տվել միայն Ն.Հովհաննիսյանին, որպեսզի նա համակարգչով ակտի վրա դնի կնիքներն ու ստորագրությունները, իսկ ախտորոշումն ակտի մեջ գրել է անձամբ: Ս.Դարբինյանը կեղծված ակտը ներկայացրել է զինկոմիսարիատ, սակայն տարկետում չի ստացել, քանի որ պարզվել է ակտի կեղծ լինելու հանգամանքը և վերջինս 28.12.2011թ-ին զորակոչվել է ՀՀ զինված ուժեր:
2010թ-ի հոկտեմբեր ամսին, Ս.Սարգսյանը որդու ընկերոջ` ոմն Փայլակի միջնորդությամբ հանդիպել է Երևան քաղաքի բնակիչ Պետրոս Ֆարմանյանին և պայմանավորվածություն ձեռք բերել առ այն, որ 1.791.050 ՀՀ դրամին համարժեք 5.000 ԱՄՆ դոլարի դիմաց կկազմակերպի Պ.Ֆարմանյանի որդիների` Նոր Նորքի զինկոմիսարիատի զինակոչիկներ, Անդրանիկ և Թորգոմ Ֆարմանյանների զինվորական ծառայության զորակոչից երեք տարի ժամկետով տարկետումներ ստանալու գործընթացը:
Անդրանիկ և Թորգոմ Ֆարմանյաններին երեք տարի ժամկետով տարկետումներ տրամադրելու հարցով, Ս.Սարգսյանը հանդիպել է ՙՆորք՚ ինֆեկցիոն հիվանդանոցի 6-րդ բաժանմունքի վարիչ Տ.Նազարյանին և նրա հետ պայմանավորվածություն ձեռք բերել այն մասին, որ 1.432.840 ՀՀ դրամին համարժեք 4.000 ԱՄՆ դոլարի դիմաց, Ֆարմանյան եղբայրները կստանան տարկետում:
2010թ-ի աշնանային զորակոչի ընթացքում, Անդրանիկ և Թորգոմ Ֆարմանյաններին հատկացվել է տարկետում վեց ամիս ժամկետով:
2011թ-ի գարնանային զորակոչի ընթացքում, Թորգոմ Ֆարմանյանը ճանաչվելով պիտանի զորակոչվել է ՀՀ զինված ուժեր` չնայած այն հանգամանքին, որ Ս.Սարգսյանը վերջինիս համար 179.105 ՀՀ դրամին համարժեք ևս 500 ԱՄՆ դոլար գումար է տվել Տ.Նազարյանին, իսկ Անդրանիկ Ֆարմանյանին հատկացվել է տարկետում երեք տարի ժամկետով:
2011թ-ի սեպտեմբեր ամսին, Ս.Սարգսյանը Պ.Ֆարմանյանից ստանալով ևս 1.300 ԱՄՆ դոլար գումար, խոստացել է կազմակերպել Թ.Ֆարմանյանին ՀՀ զինված ուժերից զորացրելու հարցը, ինչի կապակցությամբ մի շարք պաշտոնատար անձանց տարբեր չափերի գումարներ տալու արդյունքում Պ.Ֆարմանյանը զորամասից ուղեգրվել է ՀՀ ՊՆ ԿԿԶՀ, սակայն մեկ ամիս անց դուրս է գրվել հոսպիտալից և ուղարկվել զորամաս` ծառայությունը շարունակելու նպատակով:
2010թ-ի դեկտեմբերին Ս.Սարգսյանն իր ծանոթ` գործով չպարզված ոմն Հարութի միջոցով հանդիպել է Գեղարքունիքի մարզի Մադինա գյուղի բնակիչներ` Մամիկոն և Նաիրի Խաչատրյաններին, որի ընթացքում Մ.Խաչատրյանն իրեն դիմել է որդուն` Ն.Խաչատրյանին, գումարի դիմաց զինվորական ծառայությունից ազատելու հարցով:
Ս.Սարգսյանը Ն.Խաչատրյանին ուղեկցել է ՙԱրմենիա՚ ՀԲԿ, որտեղ հետազոտման ընթացքում պարզվել է, որ նրա մոտ առկա է ՙԳինեկոմաստիա՚ տեսակի հիվանդություն:
2011թ-ի գարնանը, Ս.Սարգսյանը Մ.Խաչատրյանից պահանջել և ստացել է 1.468.800 ՀՀ դրամին համարժեք 4.000 ԱՄՆ դոլար գումար:
Հայտնաբերված հիվանդության և տարկետում տրամադրելու կապակցությամբ, Ս.Սարգսյանը խորհրդակցել է ՙՆորք՚ ինֆեկցիոն հիվանդանոցի 6-րդ բաժանմունքի վարիչ Տ.Նազարյանի հետ, որը զինակոչիկին երեք տարի ժամկետով տարկետում տրամադրելու հարցը կարգավորելու համար պահանջել է 991.440 ՀՀ դրամին համարժեք 2.700 ԱՄՆ դոլար գումար, սակայն Ս.Սարգսյանը 257.040 ՀՀ դրամին համարժեք 700 ԱՄՆ դոլար գումարի դիմաց, ՙԱրմենիա՚ ՀԲԿ-ի բժիշկների միջոցով կազմակերպել է Նաիրի Խաչատրյանին տարկետման իրավունք վերապահող առողջական վիճակի հետազոտման ակտի տրամադրումը, համաձայն որի վերջինիս հատկացվել է տարկետում երեք տարի ժամկետով:
2010թ-ի մայիս-հունիս ամիսների ընթացքում, Ս.Սարգսյանն Արման Իսրայելյանի միջնորդությամբ հանդիպել է վերջինիս համակուրսեցի, Երևանի Արաբկիրի տարածքային զինկոմիսարիատի զինակոչիկ Արսեն Խաչատուրի Ղարագյոզյանին, որը Ս.Սարգսյանին ներկայացնելով իր առողջական վիճակի հետազոտման ակտը, հետաքրքրվել է, թե ակտում նշված ախտորոշմամբ իրեն տարկետում կտրամադրվի, թե` ոչ: Ս.Սարգսյանը վերցրել է ակտի պատճենը, այն ցույց տվել ՙՆորք՚ ինֆեկցիոն հիվանդանոցի 6-րդ բաժանմունքի վարիչ Տ.Նազարյանին, որը Ս.Սարգսյանին հայտնել է, որ այդ ախտորոշմամբ զինակոչիկին տարկետում չի կարող տրամադրվել:
Ա.Ղարագյոզյանին կրկնակի հետազոտման ուղեգրելու և տարկետում ապահովող առողջական վիճակի հետազոտման ակտ տրամադրելու համար, Տ.Նազարյանը Ս.Սարգսյանից պահանջել է 992.250 ՀՀ դրամին համարժեք 2.700 ԱՄՆ դոլար գումար, որից հետո Ս.Սարգսյանն Ա.Ղարագյոզյանից պահանջել է 1.470.000 ՀՀ դրամին համարժեք 4.000 ԱՄՆ դոլար գումար: Պահանջված գումարը Ս.Սարգսյանը ստացել է Ա.Ղարագյոզյանի հայր` Խաչատուր Ղարագյոզյանից` մի քանի փուլերով, որից 2.700 ԱՄՆ դոլարը փոխանցել է Տ.Նազարյանին: Արդյունքում` Ա.Ղարագյոզյանը ստացել է տարկետում մեկ տարի ժամկետով:
2011թ-ի գարնանը Ս.Սարգսյանը հանդիպել է իր ծանոթ տաքսու վարորդ Վահե Սասունի Հովհաննիսյանին, որը տեղեկացրել է, որ եղբոր որդուն` Երևանի Շենգավիթի տարածքային զինկոմիսարիատի զինակոչիկ Էդգար Դավթի Հովհաննիսյանին ԿԲՀ-ից ուղեգրել են կրկնակի հետազոտման, միաժամանակ հայտնելով, որ Է.Հովհաննիսյանն իրականում ունի առողջական խնդիրներ, իրենք ցանկանում են, որպեսզի կրկնակի հետազոտման ընթացքում առկա ախտորոշումը չփոխվի և եղբոր որդին ստանա տարկետում` ինչի համար պատրաստ են վճարել:
Ս.Սարգսյանը համաձայնվելով օգնել, Վ.Հովհաննիսյանից վերցրել է Է.Հովհաննիսյանի անվամբ լրացված առողջական վիճակի հետազոտման ակտը, այն ցույց տվել ՙՆորք՚ ինֆեկցիոն հիվանդանոցի 6-րդ բաժանմունքի վարիչ Տ.Նազարյանին, նշելով, որ զինակոչիկին անհրաժեշտ է տարկետում:
Է.Հովհաննիսյանին տարկետում տրամադրելու համար, Տ.Նազարյանը պահանջել է 1.286.250 ՀՀ դրամին համարժեք 3.500 ԱՄՆ դոլար գումար, նշելով, որ 1.500 ԱՄՆ դոլարը պետք է ակտի, իսկ 2.000 ԱՄՆ դոլարը` ԿԲՀ-ի համար: Ս.Սարգսյանը Վ.Հովհաննիսյանից վերցնելով պահանջված գումարը, այն փոխանցել է Տ.Նազարյանին, ինչի արդյունքում Է.Հովհաննիսյանը ստացել է տարկետում երեք տարի ժամկետով:
2010թ. գարնանային զորակոչի ընթացքում, Արման Իսրայելյանի միջնորդությամբ Ս.Սարգսյանը հանդիպել է Աշտարակի տարածքային զինկոմիսարիատի զինակոչիկ Վարդան Եփրեմի Այվազյանին, որը ցույց տալով ՙՎՕԳԿ (վնասվածքաբանության և օրթոպեդիայի գիտական կենտրոն)՚-ից իրեն տրված առողջական վիճակի հետազոտման ակտը, հարցրել է, թե կարող է արդյոք ակտում նշված ախտորոշմամբ տարկետում ստանալ: Ս.Սարգսյանը վերցնելով ակտի պատճենը, այն ցույց է տվել ՙՆորք՚ ինֆեկցիոն հիվանդանոցի 6-րդ բաժանմունքի վարիչ Տ.Նազարյանին, որը հայտնել է, որ երեք տարի ժամկետով տարկետում հատկացնելու համար, անհրաժեշտ է 1.137.120 ՀՀ դրամին համարժեք 3.000 ԱՄՆ դոլար գումար: Ս.Սարգսյանը գումարի չափի մասին տեղեկացրել է Վ.Այվազյանին, որից մի քանի օր անց, զինակոչիկի հայր` Եփրեմ Այվազյանից ստացել է պահանջված` 1.137.120 ՀՀ դրամին համարժեք 3.000 ԱՄՆ դոլար գումարը և փոխանցել Տ.Նազարյանին: Արդյունքում` Վ.Այվազյանը ստացել է տարկետում երեք տարի ժամկետով: 2011թ-ի նոյեմբեր-դեկտեմբեր ամիսներն ընկած ժամանակահատվածում, Ս.Սարգսյանի հետ կապ է հաստատել իր ծանոթ Ռոբերտ Քյարամի Ալոյանը և հայտնելով, որ Արմավիրի տարածքային զինկոմիսարիատի զինակոչիկ Թենգիզ Թեմուրի Թամոյանն ունի առողջական խնդիրներ, սակայն զինկոմիսարիատի կողմից զինակոչիկին հետազոտման չեն ուղեգրում` խնդրել է գումարի դիմաց օգնել:
Ս.Սարգսյանն այդ հարցով խորհրդակցել է ՙՆորք՚ ինֆեկցիոն հիվանդանոցի 6-րդ բաժանմունքի վարիչ Տ.Նազարյանի հետ, որը խորհուրդ է տվել կրկին անալիզներ հանձնել, ներկայացնել զինկոմիսարիատ և պահանջել ուղեգիր` ՙՆորք՚ ինֆեկցիոն հիվանդանոց: Ս.Սարգսյանը Տ.Նազարյանի խորհուրդները փոխանցել է Ռ.Ալոյանին, որից մի քանի օր անց, զինակոչիկ Թ.Թամոյանն ուղեգրվել է ՙՆորք՚ ինֆեկցիոն հիվանդանոց: Ս.Սարգսյանը զինակոչիկի տվյալները փոխանցել է Տ.Նազարյանին, որը Թ.Թամոյանի հետազոտությունների ավարտից հետո կանչել է Ս.Սարգսյանին և պահանջել 636.361 ՀՀ դրամին համարժեք 1.700 ԱՄՆ դոլար գումար: Հաջորդ օրը Ս.Սարգսյանը Ռ.Ալոյանից ստացել է 673.794 ՀՀ դրամին համարժեք 1.800 ԱՄՆ դոլար գումար, որից 1.700 ԱՄՆ դոլարը տվել է Տ.Նազարյանին: Արդյունքում` ՙՆորք՚ ինֆեկցիոն հիվանդանոցից տրված առողջական վիճակի հետազոտման ակտի հիման վրա Թ.Թամոյանին հատկացվել է տարկետում երեք տարի ժամկետով:
2011թ-ի փետրվար-մարտ ամիսներն ընկած ժամանակահատվածում, Ս.Սարգսյանն Արման Իսրայելյանի միջոցով տեղեկացել է, որ Մասիսի տարածքային զինկոմիսարիատի զինակոչիկ Գևորգ Նորիկի Սադոյանը ցանկացել է գումարի դիմաց տարկետում ստանալ: Ա.Իսրայելյանը հայտնել է նաև, որ զինակոչիկը զինկոմիսարիատի ուղեգրերով հետազոտվել է և նրա մոտ հայտնաբերվել են վահանաձև գեղձի հետ կապված առողջական խնդիրներ: Ս.Սարգսյանը Գ.Սադոյանի առողջական վիճակի հետազոտման ակտերի պատճենները ցույց է տվել ՙՆորք՚ ինֆեկցիոն հիվանդանոցի 6-րդ բաժանմունքի վարիչ Տ.Նազարյանին և տեղեկացրել, որ զինակոչիկին պետք է տարկետում ստանալ: Տ.Նազարյանը ԿԲՀ-ի կողմից տարկետում հատկացնելու համար պահանջել է 1.090.470 ՀՀ դրամին համարժեք 3.000 ԱՄՆ դոլար գումար: Ս.Սարգսյանը զինակոչիկից պահանջել է 1.635.705 ՀՀ դրամին համարժեք 4.500 ԱՄՆ դոլար, սակայն ստացել է 1.453.960 ՀՀ դրամին համարժեք 4.000 ԱՄՆ դոլար գումար և 2011թ-ի մայիս ամսին, ստացված 4.000 ԱՄՆ դոլար գումարից 3.000 ԱՄՆ դոլարը փոխանցել է Տ.Նազարյանին: Արդյունքում Գ.Սադոյանը ստացել է տարկետում երեք տարի ժամկետով:
2010թ-ի գարնանային զորակոչի ընթացքում Ս.Սարգսյանը պայմանավորվածություն է ձեռք բերել Երևան քաղաքի բնակիչ Սերոբ Չեմինյանի հետ առ այն, որ գումարի դիմաց կկարգավորի վերջինիս որդուն` Երևանի Արաբկիրի տարածքային զինկոմիսարիատի զինակոչիկ Հովհաննես Սերոբի Չեմինյանին տարկետում տրամադրելու հարցը:
Զինակոչիկին տարկետում տրամադրելու հարցով, Ս.Սարգսյանը նախապես պայմանավորվածություն է ձեռք բերել ՙՆորք՚ ինֆեկցիոն հիվանդանոցի 6-րդ բաժանմունքի վարիչ Տ.Նազարյանի հետ, որն այդ հարցը կարգավորելու համար պահանջել է 1.137.120 ՀՀ դրամին համարժեք 3.000 ԱՄՆ դոլար գումար, որը Ս.Սարգսյանը վերցնելով Ս.Չեմինյանից փոխանցել է Տ.Նազարյանին: Արդյունքում` Հ.Չեմինյանը ստացել է տարկետում երեք տարի ժամկետով: Տարկետում ստանալուց որոշ ժամանակ անց, զինկոմիսարիատի կողմից Հ.Չեմինյանն ուղարկվել է ՀՀ ՊՆ ԿԿԶՀ` ստուգիչ հետազոտման: Տեղեկանալով այդ մասին, Ս.Սարգսյանը Ս.Չեմինյանից վերցված 568.560 ՀՀ դրամին համարժեք 1.500 ԱՄՆ դոլարի դիմաց կազմակերպել է Հ.Չեմինյանի հետազոտումը` ՀՀ ՊՆ ԿԿԶՀ-ում, որի արդյունքում նրա նախնական ախտորոշումը հաստատվել է:
2011թ-ի մայիսին Ս.Սարգսյանն Արման Իսրայելյանի ընկեր` ոմն Գոռի միջոցով տեղեկանալով, որ Երևանի Նոր Նորքի տարածքային զինկոմիսարիատի զինակոչիկ Ռոլանդ Էդիկի Մելքոնյանը զինվորական ծառայությունից ազատվելու` ՀՀ օրենսդրությամբ սահմանված հիմքերի բացակայության պայմաններում ցանկացել է տարկետում ստանալ, պահանջել է 2.038.740 ՀՀ դրամին համարժեք 5.500 ԱՄՆ դոլար գումար, որպեսզի ապահովի նախ` զինակոչիկի ուղեգրումը և հետազոտումը համապատասխան բուժհիմնարկներում, ապա նաև տարկետման տրամադրումը:
23.05.2011թ-ին ստանալով պահանջված գումարը, Ս.Սարգսյանը գումարներ է տվել տարբեր բուժհիմնարկների բժիշկների, որոնց դիմաց ստացել է Ռ.Մելքոնյանի անվամբ լրացված բժշկական փաստաթղթեր, որոնց հիման վրա վերջինս ուղեգրվել է հետազոտման ՙՍուրբ Գրիգոր Լուսավորիչ՚ բժշկական կենտրոն: Այնուհետև` ՙՆորք՚ ինֆեկցիոն հիվանդանոցի 6-րդ բաժանմունքի վարիչ Տ.Նազարյանին վերջինիս պահանջով տվել է 1.112.040 ՀՀ դրամին համարժեք 3.000 ԱՄՆ դոլար գումար` Ռ.Մելքոնյանի տարկետումն ապահովող առողջական վիճակի հետազոտման ակտ ստանալու և ԿԲՀ-ի կողմից տարկետում տրամադրելու համար: Գումարի դիմաց Ռ.Մելքոնյանին տրվել է ակտ, համաձայն որի նրա մոտ առկա են եղել դիմային ներվի հետ կապված առողջական խնդիրներ, որի հիման վրա զինակոչիկը ստացել է տարկետում երեք տարի ժամկետով:
2010թ-ի նոյեմբերին Ս.Սարգսյանն Արման Իսրայելյանի միջնորդությամբ հանդիպել է վերջինիս հարևան` Երևանի Մաշտոցի տարածքային զինկոմիսարիատի զինակոչիկ Անդրանիկ Սեյրանի Գրիգորյանին, այնուհետև նրա հորը` Սեյրան Գրիգորյանին որը հայտնել է, որ որդին ունեցել է աչքերի հետ կապված խնդիրներ, սակայն ԿԲՀ-ի կողմից որդուն տարկետում չի տրվել: Ս.Գրիգորյանը հայտնել է նաև, որ ընտանիքով մշտական բնակության են մեկնելու ԱՄՆ և տարկետում ստանալն իրենց համար անհրաժեշտ է: Ս.Սարգսյանը խորհուրդ է տվել, կրկին ներկայանալ զինկոմիսարիատ և բողոք ներկայացնել ճնշումից, գլխացավերից ցնցումներից: Ներկայացված բողոքի հիման վրա, Ա.Գրիգորյանը հետազոտման է ուղեգրվել ՙԱրմենիա՚ ՀԲԿ, որից առաջ Ս.Սարգսյանը հանդիպել է ՙՆորք՚ ինֆեկցիոն հիվանդանոցի 6-րդ բաժանմունքի վարիչ Տ.Նազարյանին և ներկայացնելով իրավիճակը` առաջարկել է կարգավորել Ա.Գրիգորյանի տարկետում ստանալու գործընթացը: Տ.Նազարյանը հայտնել է, որ տարկետում ապահովող առողջական վիճակի հետազոտման ակտ տրամադրելու համար անհրաժեշտ է 536.970 ՀՀ դրամին համարժեք 1.500 ԱՄՆ դոլար գումար, որը Ս.Սարգսյանը վերցրել է Ս.Գրիգորյանից և փոխանցել Տ.Նազարյանին: ԿԲՀ-ի կողմից Ա.Գրիգորյանին տարկետում տրամադրելու համար Ս.Սարգսյանը Ս.Գրիգորյանից պահանջել և ստացել է ևս 357.980 ՀՀ դրամին համարժեք 1.000 ԱՄՆ դոլար գումար, սակայն զինակոչիկին տարկետում չի տրամադրվել, որից հետո Ս.Սարգսյանը կրկին դիմել է Տ.Նազարյանին, որն Ա.Գրիգորյանին երեք տարի ժամկետով տարկետում տրամադրելու համար պահանջել է 2.147.880 ՀՀ դրամին համարժեք 6.000 ԱՄՆ դոլար գումար: Այդ կապակցությամբ Ս.Սարգսյանը ևս 1.789.900 ՀՀ դրամին համարժեք 5.000 ԱՄՆ դոլար գումար է պահանջել և ստացել Ս.Գրիգորյանից ու 6.000 ԱՄՆ դոլար փոխանցել է Տ.Նազարյանին: ԿԲՀ-ի նիստի ընթացքում Ա.Գրիգորյանին զննել է հոգեբույժը, ուղարկել հետազոտման և քանի որ զորակոչի վերջին օրն է եղել, Ա.Գրիգորյանին հատկացվել է տարկետում վեց ամիս ժամկետով:
Բացի այդ, 2011թ. փետրվարին Շենգավիթի զինկոմիսարիատի զինակոչիկ Հովհաննես Սամվելի Հովհաննիսյանի հոր` Սամվել Կարապետի Հովհաննիսյանի հետ պայմանավորվածություն է ձեռք բերել կաշառք տվողի և կաշառք ստացողի միջև կաշառքի շուրջ համաձայնության գալուն նպաստելու համար, ինչը դրսևորվել է նրանում, որ Ս.Սարգսյանը խոստացել է միջնորդել կաշառքի դիմաց Ս.Հովհաննիսյանի որդուն` Հ.Հովհաննիսյանին պարտադիր ժամկետային զինվորական ծառայության հերթական զորակոչից տարկետում տրամադրելու հարցում, ինչի համար պահանջել և 2011թ-ի ապրիլ մայիս ամիսների ընթացքում Ս.Հովհաննիսյանից ստացել է 925.450 ՀՀ դրամին համարժեք 2.500 ԱՄՆ դոլար գումար, միաժամանակ` համաձայնության գալով տրամադրվելիք տարկետման ժամկետի ավարտից հետո կրկին միջնորդել Հ.Հովհաննիսյանին տարկետում հատկացնելու գործընթացին, այս անգամ` 1.250 ԱՄՆ դոլար կաշառքի դիմաց:
Ս.Հովհաննիսյանից ստացված 2.500 ԱՄՆ դոլար կաշառքից 2.200 ԱՄՆ դոլարը Ս.Սարգսյանը տվել է ՙՆորք՚ ինֆեկցիոն կլինիկական հիվանդանոցի 6-րդ բաժանմունքի վարիչ Տիգրան Ջամշուդի Նազարյանին, իսկ 300 ԱՄՆ դոլարը վերջինիս խորհրդով տվել է ՀՀ ՊՆ կենտրոնական պոլիկլինիկայի թերապևտիկ բաժանմունքի բժիշկ-ինֆեկցիոնիստ, բ/ծ կապիտան Լենա Մարտինի Իսրայելյանին, որպեսզի վերջինիս կողմից տրված բժշկական փաստաթղթի համաձայն, Հ.Հովհաննիսյանն ուղեգրվի հատկապես ՙՆորք՚ ինֆեկցիոն կլինիկական հիվանդանոց: Ս.Սարգսյանի միջնորդության արդյունքում, զորակոչիկ Հովհաննես Սամվելի Հովհաննիսյանը 2011թ. մայիսի 10-ից 18-ն ընկած ժամանակահատվածում հետազոտվել է ՙՆորք՚ ինֆեկցիոն կլինիկական հիվանդանոցում և նշված բուժհիմնարկի կողմից տրված առողջական վիճակի հետազոտման ակտի հիման վրա ներկայացվել ԿԲՀ և ստացել տարկետում 3 տարի ժամկետով: Հ.Հովհաննիսյանի տարկետման ժամկետի ավարտից հետո` 2014թ. գարնանը, դեռևս 2011թ-ին ձեռք բերված պայմանավորվածության համաձայն, Ս.Սարգսյանը Ս.Հովհաննիսյանից ստացել է 329.656 ՀՀ դրամին համարժեք ընդհանուր 800 ԱՄՆ դոլար գումար, որդուն` Հ.Հովհաննիսյանին կրկին տարկետում հատկացնելու հարցը կազմակերպելու համար պաշտոնատար անձանց կաշառք տալու նպատակով, սակայն ուրիշի խոշոր չափերով գույքի հափշտակության դիտավորությամբ, չարաշահելով Ս.Հովհաննիսյանի վստահությունը, ստացված գումարը որևէ պաշտոնատար անձի չի տվել, հափշտակել է, ինչի արդյունքում ՙՆորք՚ ինֆեկցիոն կլինիկական հիվանդանոցից տրված առողջական վիճակի հետազոտման ակտի համաձայն, Հովհաննես Հովհաննիսյանը ճանաչվել է պիտանի զինվորական ծառայության համար և զինկոմիսարիատից ստացել է ծանուցում` զորակոչի օրվա մասին: Հ.Հովհաննիսյանի զորակոչը հետաձգելու համար պաշտոնատար անձին կաշառք տալու պատրվակով, Ս.Սարգսյանը մեկ միասնական դիտավորությամբ, Ս.Հովհաննիսյանից, կնոջ` Ա.Հովհաննիսյանի միջոցով 2014թ-ի գարնանը Շենգավիթի զինկոմիսարիատի բակում ստացել է ևս 329.656 դրամին համարժեք 800 ԱՄՆ դոլար գումար, սակայն ուրիշի խոշոր չափերով գույքի հափշտակության դիտավորությամբ, չարաշահելով Ս.Հովհաննիսյանի վստահությունը, ստացված գումարը որևէ պաշտոնատար անձի չի տվել և հափշտակել է. արդյունքում` Հ.Հովհաննիսյանի զորակոչը չի հետաձգվել և ժամկետային զինվորական հերթական զորակոչից խուսափելու համար նրա նկատմամբ 2014թ. օգոստոսի 14-ին ՀՀ քրեական օրենսգրքի 327-րդ հոդվածի 1-ին մասի հատկանիշներով հարուցվել է քրեական գործ:
Այնուհետև` շարունակելով իր հանցավոր մտադրությունը, 2015թ-ի հունվարի 22-ին, զորակոչիկ Հովհաննես Հովհաննիսյանին կենտրոնական հավաքակայանից հետ ուղարկելու պատրվակով, Ս.Սարգսյանը Ս.Հովհաննիսյանից ստացել է ևս 898.776 ՀՀ դրամին համարժեք 1.900 ԱՄՆ դոլար գումար, սակայն ուրիշի խոշոր չափերով գույքի հափշտակության դիտավորությամբ, չարաշահելով Ս.Հովհաննիսյանի վստահությունը ստացված գումարը որևէ պաշտոնատար անձի չի տվել, հափշտակել է, իսկ զորակոչիկը կենտրոնական հավաքակայանից հետ չի ուղարկվել, այլ 2015թ. հունվարի 23-ին զորակոչվել և ծառայության է նշանակվել ԼՂՀ ՊԲ 47455 զորամասում: Սաթենիկ Սարգսյանը Սամվել Հովհաննիսյանից ստացված ընդհանուր` 2.483.538 ՀՀ դրամին համարժեք 6.000 ԱՄՆ դոլար գումարից, վերջինիս պահանջով նրան է վերադարձրել 2.500 ԱՄՆ դոլարը, իսկ մյուս մասը հրաժարվել է վերադարձնել, պատճառաբանելով, որ այդ գումարի դիմաց 2011թ-ին կազմակերպել է Հ.Հովհաննիսյանին հերթական զորակոչից տարկետում տրամադրելու գործընթացը:
Բացի այդ, Ս.Սարգսյանը 2016թ. մարտի 18-ին ՀՀ ոստիկանության Մաշտոցի բաժնում, նախազգուշացված լինելով ՀՀ քրեական օրենսգրքի 333-րդ հոդվածով սահմանված քրեական պատասխանատվության մասին, գիտակցելով, որ իր կողմից տրամադրված տեղեկատվությունը կեղծ է, կատարել է սուտ մատնություն, այն է` հանցագործության մասին գրավոր հաղորդում է տվել առ այն, որ Հ.Հովհաննիսյանին զինվորական ծառայության հերթական զորակոչից տարկետում հատկացնելու գործընթացը կազմակերպելու համար, 2014թ. գարնանը Ս.Հովհաննիսյանի կողմից ստացված 800 ԱՄՆ դոլար գումարը տվել է Վ.Սարգսյանի անվան ռազմական ինստիտուտի զինծառայող, գնդապետ Տիգրան Մանուկյանին, իսկ 2015թ. հունվարի 22-ին Ս.Հովհաննիսյանի կողմից տված 1.900 ԱՄՆ դոլար գումարը տվել է փոխգնդապետ Հայկ Խաչատրյանին:՚:

Ամբաստանյալ Սամվել Հովհաննիսյանին ՀՀ քրեական օրենսգրքի 312-րդ հոդվածի 3-րդ մասի 1-ին կետով մեղադրանք է առաջադրվել, որ ՙ նա, 2011թ. սկզբներին պարզելով, որ Սաթենիկ Յանֆֆայի Սարգսյանը կարող է որպես միջնորդ հանդես գալ որդուն հերթական զորակոչից տարկետում հատկացնելու հարցում, վերջինիս միջնորդությամբ առանձնապես խոշոր չափերով կաշառք է տվել պաշտոնատար անձին:
Այսպես. Ս.Հովհաննիսյանը Ս.Սարգսյանին առաջարկել և 2011թ. ապրիլ մայիս ամիսների ընթացքում վերջինիս տան բակում նրան տրամադրել է խոշոր չափերով 925.450 ՀՀ դրամ գումարին համարժեք 2.500 ԱՄՆ դոլար կաշառք` իր ներկայացրած անձի, որդու` ՀՀ Շենգավիթի զինկոմիսարիատում հաշվառված զորակոչիկ Հովհաննես Հովհաննիսյանի օգտին պաշտոնատար անձի կողմից իր լիազորությունների շրջանակում գործողություններ կատարելու` պարտադիր ժամկետային զինվորական ծառայության հերթական զորակոչից տարկետում տրամադրելու համար:
Միաժամանակ, Ս.Հովհաննիսյանը Ս.Սարգսյանի հետ պայմանավորվածություն է ձեռք բերել տրամադրվելիք տարկետման ժամկետի ավարտից հետո կրկին միջնորդել Հ.Հովհաննիսյանին տարկետում հատկացնելու գործընթացին, այս անգամ` խոստանալով տրամադրել 462.725 ՀՀ դրամին համարժեք 1.250 ԱՄՆ դոլար կաշառք:
Ս.Սարգսյանը Ս.Հովհաննիսյանից որպես կաշառք ստացված գումարից 2.200 ԱՄՆ դոլարը կաշառք է տվել ՙՆորք՚ ինֆեկցիոն կլինիկական հիվանդանոցի 6-րդ բաժանմունքի վարիչ Տիգրան Ջամշուտի Նազարյանին, իսկ 300 ԱՄՆ դոլարը վերջինիս խորհրդով տվել է ՀՀ ՊՆ կենտրոնական պոլիկլինիկայի թերապևտիկ բաժանմունքի բժիշկ-ինֆեկցիոնիստ, բ/ծ կապիտան Լենա Մարտինի Իսրայելյանին, որպեսզի վերջինիս կողմից տրված բժշկական փաստաթղթի համաձայն, Հ.Հովհաննիսյանն ուղեգրվի հատկապես ՙՆորք՚ ինֆեկցիոն կլինիկական հիվանդանոց:
Արդյունքում, զորակոչիկ Հովհաննես Սամվելի Հովհաննիսյանը 2011թ. մայիսի 10-ից 18-ն ընկած ժամանակահատվածում հետազոտվել է ՙՆորք՚ ինֆեկցիոն կլինիկական հիվանդանոցում և նշված բուժհիմնարկի կողմից տրված առողջական վիճակի հետազոտման ակտի հիման վրա ներկայացվել ԿԲՀ և ստացել տարկետում 3 տարի ժամկետով:
Հ.Հովհաննիսյանի տարկետման ժամկետի ավարտից հետո` 2014թ. գարնանը, պաշտոնատար անձի կողմից իր լիազորությունների շրջանակներում իր կողմից ներկայացված անձի` որդու օգտին գործողություններ կատարելու, այն է` 2014թ. գարնանային զորակոչից տարկետում տրամադրելու համար պաշտոնատար անձին կաշառք տալու նպատակով, դեռևս 2011թ-ին ձեռք բերված պայմանավորվածության համաձայն, Հ.Հովհաննիսյանը Ս.Սարգսյանին տրամադրել է նախապես խոստացված` 1.250 ԱՄՆ դոլար կաշառքից 329.656 ՀՀ դրամին համարժեք 800 ԱՄՆ դոլարը, սակայն Ս.Սարգսյանն այն որևէ պաշտոնատար անձի չի փոխանցել` Ս.Հովհաննիսյանի կամքից անկախ հանգամանքներով հանցագործությունն ավարտին չի հասցվել և Հովհաննես Հովհաննիսյանն այս անգամ նույնպես հետազոտվելով ՙՆորք՚ ինֆեկցիոն կլինիկական հիվանդանոցում, նշված բուժհիմնարկից տրված առողջական վիճակի հետազոտման ակտի հիման վրա ներկայացվել է ԿԲՀ, ճանաչվել պիտանի զինվորական ծառայության համար և զինկոմիսարիատից ստացել է ծանուցում` զորակոչի օրվա մասին:
Այնուհետև, Հ.Հովհաննիսյանի զորակոչը հետաձգելու համար պաշտոնատար անձին կաշառք տալու նպատակով, 2014թ-ի գարնանը Ս.Հովհաննիսյանը կնոջ` Անահիտ Հովհաննիսյանի միջոցով Շենգավիթի զինկոմիսարիատի բակում Ս.Սարգսյանին է տրամադրել 329.656 դրամին համարժեք 800 ԱՄՆ դոլար գումար, սակայն Ս.Սարգսյանն այն որևէ պաշտոնատար անձի չի փոխանցել` Ս.Հովհաննիսյանի կամքից անկախ հանգամանքներով հանցագործությունն ավարտին չի հասցվել, Հ.Հովհաննիսյանի զորակոչը չի հետաձգվել և ժամկետային զինվորական հերթական զորակոչից խուսափելու համար Հ.Հովհաննիսյանի նկատմամբ 2014թ. օգոստոսի 14-ին ՀՀ քրեական օրենսգրքի 327-րդ հոդվածի 1-ին մասի հատկանիշներով հարուցվել է քրեական գործ:
Դրանից հետո` 2015թ-ի հունվարի 22-ին, զորակոչիկ Հովհաննես Հովհաննիսյանին կենտրոնական հավաքակայանից հետ ուղարկելու համար պաշտոնատար անձանց կաշառք տալու նպատակով, Ս.Հովհաննիսյանն անձամբ Ս.Սարգսյանին տրամադրել է ևս 898.776 ՀՀ դրամին համարժեք 1.900 ԱՄՆ դոլար կաշառք, սակայն Ս.Սարգսյանը Ս.Հովհաննիսյանից ստացված գումարները որևէ պաշտոնատար անձի չի փոխանցել` Ս.Հովհաննիսյանի կամքից անկախ հանգամանքներով հանցագործությունն ավարտին չի հասցվել և զորակոչիկ Հ.Հովհաննիսյանը 2015թ. հունվարի 23-ին զորակոչվելով ՀՀ ԶՈՒ, ծառայության է նշանակվել ԼՂՀ ՊԲ 47455 զորամասում:՚:

Ապացույցների հետազոտում և գնահատում

ՀՀ քրեական օրենսգրքի 38-363-րդ հոդվածի 3-րդ մասով, 178-րդ հոդվածի 2-րդ մասի 2-րդ կետով (3 դրվագ), 325-րդ հոդվածի 2-րդ մասով (2 դրվագ), 34-38-327-րդ հոդվածի 2-րդ մասի 2-րդ կետով (11 դրվագ), 38-325-րդ հոդվածի 2-րդ մասով (18 դրվագ), 313-րդ հոդվածի 1-ին մասով (21 դրվագ), 38-327-րդ հոդվածի 2-րդ մասի 2-րդ կետով (21 դրվագ) առաջադրված մեղադրանքում Ս.Սարգսյանն իրեն մեղավոր է ճանաչել լիովին, իսկ ՀՀ քրեական օրենսգրքի 333-րդ հոդվածի 1-ին մասով առաջադրված մեղադրանքում` մեղավոր չի ճանաչել:
Դատաքննության փուլում ամբաստանյալ Սաթենիկ Սարգսյանն ըստ էության պնդել է նախաքննության փուլի ցուցմունքները, որ ինչպես անձամբ, այնպես էլ Ն.Հովհաննիսյանի, Տ.Չուրկինայի, ՙՆորք՚ ինֆեկցիոն հիվանդանոցի 6-րդ բաժանմունքի վարիչ Տիգրան Ջումշուդի Նազարյանի և այլ բժիշկների միջոցով կազմակերպել է Հովհաննես Աբրահամի Մելեքյանի, Արթուր Զոհրակի Մուշեղյանի, Նորիկ Գրիգորի Թադևոսյանի, Հարություն Բապկենի Գրիգորյանի, Դավիթ Վարդանի Հակոբյանի, Իշխան Վահանի Պողոսյանի, Դավիթ Գեորգիի Չոբանյանի, Ռոման Թելմանի Խուդոյանի, Էմիլ Արշակի Օրդինյանի, Դավիթ Վարազդատի Սարգսյանի, Հովհաննես Հրայրի Վարդապետյանի, Իշխան Արմենի Սադոյանի, Մնացական Գագիկի Թորոսյանի, Գարիկ Լարիկի Սաֆարյանի, Սարգիս Լարիկի Սաֆարյանի, Ռուսլան Իշխանի Ալոյանի, Արսեն Մերուժի Մարգարյանի, Սարգիս Վոլոդիայի Դարբինյանի, Անդրանիկ Արթուրի Աստանյանի, Սմբատ Մամիկոնի Ղանդլյանի, Գերասիմ Իվանի Եսայանի, Անդրանիկ Պետրոսի Ֆարմանյանի, Թորգոմ Պետրոսի Ֆարմանյանի, Նաիրի Մամիկոնի Խաչատրյանի, Արսեն Խաչատուրի Ղարագյոզյանի, Էդգար Դավթի Հովհաննիսյանի, Վարդան Եփրեմի Այվազյանի, Թենգիզ Թեմուրի Թամոյանի, Գևորգ Նորիկի Սադոյանի, Հովհաննես Սերոբի Չեմինյանի, Ռոլանդ Էդիկի Մելքոնյանի և Անդրանիկ Սեյրանի Գրիգորյանի զինվորական ծառայությունից ապօրինի տարկետումներ տրամադրելու` ՀՀ ԶՈՒ չզորակոչվելու գործընթացը: Նշել է նաև, որ նշված գործընթացները կազմակերպելու նպատակով վերը նշված անձանց կամ նրանց ներկայացրած անձանց հետ հաճախակի հեռախոսազրույցներ է ունեցել իր 095.03.69.54, 091.30.49.99 կամ 093.16.51.73 բջջային հեռախոսահամարներով:
Մասնավորեցնելով իր ցուցմունքները, Ս.Սարգսյանը հայտնել է`
2011թ. մայիս ամսին, Երևանի կենտրոնի տարածքային զինկոմիսարիատի զինակոչիկ Հովհաննես Աբրահամի Մելեքյանը զանգահարել է իրեն և խնդրել է հանդիպել: Պայմանավորվածության համաձայն, իրենք հանդիպել են Երևան քաղաքի Չարենցի փողոցում, ծանոթացել, որի ընթացքում Հ.Մելեքյանն ասել է, որ 2011թ. աշնանը պետք է զորակոչվի ՀՀ ԶՈՒ, սակայն առողջական խնդիրների պատճառով ցանկանում է ազատվել ծառայությունից: Ինքը խոստացել է օգնել, որից հետո մի քանի օր անց, երբ ինքն ու Հ.Մելեքյանը հանդիպել են վերջինիս տանը, ինքը Հ.Մելեքյանին ասել է, որ նախ անհրաժեշտ է պարզել նրա առողջական վիճակը, իսկ տարկետում տրամադրելու գործընթացը կազմակերպելու համար պահանջել է 3.500 ԱՄՆ դոլար: Հ.Մելեքյանը համաձայնվել է, որից հետո նրա հայրը` Աբրահամ Մելեքյանն իրեն է տվել խոստացված գումարի մի մասը` 1.000 ԱՄՆ դոլար գումար:
Օրեր անց, ինքը Հ.Մելեքյանին ներկայացրել է հիվանդանոց, որտեղ հետազոտության արդյունքում նրա մոտ հայտնաբերվել է վահանագեղձի հետ կապված առողջական խնդիրներ: 2011թ. աշնանը Հ.Մելեքյանը ներկայացել է զինկոմիսարիատ, բժշկական հանձնաժողովին հայտնել նշված գանգատի մասին, որի հիման վրա ուղեգրվել է ՙԷրեբունի՚ բժշկական կենտրոն: Իր պահանջով, Հ.Մելեքյանն իրեն է տվել ուղեգիրը և ակտը, որից հետո ինքը զանգահարել է Տ.Չուրկինային և Ն.Հովհաննիսյանին ու հայտնել ախտորոշման մասին: Վերջիններս հայտնել են, որ կարող են կեղծել ակտը: Այդ ընթացքում Հ.Մելեքյանից ստանալով ևս 1.000 ԱՄՆ դոլար, ինքը մեկնել է ք. Գյումրի, հանդիպել Տ.Չուրկինայի և Ն.Հովհաննիսյանի հետ, նրանց տվել ակտը և այն կեղծելու համար 130.000 և 10.000 ՀՀ դրամ: Օրեր անց կրկին մեկնել է ք. Գյումրի, վերցրել վերջիններիս կողմից համակարգչային եղանակով կեղծված ակտը, վերադարձել ք. Երևան, այն փոխանցել է Հ.Մելեքյանին և ասել, որ Կենտրոնական բժշկական հանձնաժողովի նիստի օրվա մասին նախապես հայտնի իրեն: ԿԲՀ-ի նիստից առաջ Հ.Մելեքյանն իրեն է տվել խոստացված գումարի մյուս մասը` 1.500 ԱՄՆ դոլարը, որն ինքը փոխանցել է Տ.Նազարյանին` ԿԲՀ-ի նիստի ժամանակ ցանկալի որոշում կայացնելու համար: Արդյունքում` 2011թ. նոյեմբերի վերջերին, Հ.Մելեքյանը ԿԲՀ-ի որոշմամբ ստացել է տարկետում` 3 տարի ժամկետով: 2010թ. աշնանը, իրենց հարևան Մոսիի միջոցով հանդիպել է Երևանի Մաշտոցի տարածքային զինկոմիսարիատի զինակոչիկ Արթուր Զոհրակի Մուշեղյանի ծնողների` մոր և հոր` Զոհրակ Մուշեղյանի հետ, որի ընթացքում վերջիններս հայտնել են, որ իրենց որդին վատառողջ է, ինչի կապակցությամբ ցանկություն ունեն նրան ազատել զինվորական ծառայությունից: Պայմանավորվածության համաձայն, ինքն Ա.Մուշեղյանի հետ գնացել է ՙՆորք՚ ինֆեկցիոն հիվանդանոց, հանդիպել է Տ.Նազարյանին, ներկայացրել Ա.Մուշեղյանի խնդիրը: Այդ ընթացքում Ա.Մուշեղյանի հայրը` Զ.Մուշեղյանը հիվանդանոցի միջանցքում իրեն տվել է 1.200 ԱՄՆ դոլար գումար, որն ինքը փոխանցել է Տ.Նազարյանին: Օրեր անց Զ.Մուշեղյանն իրեն տվել է ևս 1.800 ԱՄՆ դոլար, որից 1.600 ԱՄՆ դոլարը ևս տվել է Տ.Նազարյանին, որի դիմաց Ա.Մուշեղյանին տրամադրվել է տարկետում` 6 ամիս ժամկետով: Տարկետման ժամկետի ավարտից հետո կրկին տարկետում ստանալու համար, ինքը դիմել է Տ.Չուրկինային և Ն.Հովհաննիսյանին, որոնց տվել է 110.000 կամ 120.000 ՀՀ դրամ` Ա.Մուշեղյանի առողջական վիճակի հետազոտման ակտը կեղծելու համար: Արդյունքում` Ա.Մուշեղյանին տրամադրվել է տարկետում` 1 տարի ժամկետով:
2011թ. աշնանն Ա.Մուշեղյանի մայրը զանգահարել է իրեն և ասել, որ որդին զինկոմիսարիատի կողմից կրկին ուղեգրվել է հետազոտման, արդեն վերցրել է ակտը և հայտնել է, որ նա հետազոտման է ուղեգրվել է ՙԱրմենիա՚ ՀԲԿ: Ինքն իր ծանոթ բժշկուհուց ճշտել է, որ Ա.Մուշեղյանն ուղեգրվել է ոչ թե ՙԱրմենիա՚ ՀԲԿ, այլ պոլիկլինիկա` անալիզներ հանձնելու համար: Այս ամենից հետո, 2011թ. դեկտեմբերին, երբ Արթուրն արդեն տարկետում է ստացել, իր մոտ են եկել մայրը և հարազատները, որոնցից իմացել է, որ Արթուրի գործերը տալու են քննչական, նրա ակտերը կեղծ են: Պահանջել են վերադարձնել գումարը: Այդ օրերին իրեն կանչել է նաև Տ.Նազարյանը և ասել, որ իրեն կանչել են ՊՆ և առողջապահության նախարարություն: Ինքը Տ.Նազարյանին նորից չի հանդիպել, քանի որ կալանավորել են, սակայն որքան տեղյակ է վերջինս հանդիպել է Զոհրակին և հարցերը լուծվել են: Ընդհանուր գումարից 1200 դոլարն իրեն տվել է Զոհրակ Մուշեղյանը, իսկ մնացածը երկու փուլով` կինը: Արթուր Մուշեղյանի ակտն ինքը չի կեղծել, 2010թ. գարնան զորակոչից հետո Ա.Մուշեղյանի ծնողներից գումար չի վերցրել և նրա ակտերը պատրաստվել են Գյուրու ԶԿ աշխատակցուհի Տանյայի և նրա քրոջ հարս Նառայի կողմից: Նշել է, որ Արթուր Մուշեղյանի 2010թ. աշնանային և 2011թ. գարնանային զորակոչերից տարկետում ստանալու համար Տիգրան Նազարյանին տվել է 3000 դոլար: 2011թ. աշնանային զորակոչի համար Տ.Նազարյանը հասկացրել է, որ անհրաժեշտ է ևս 1500 դոլար: Քանի որ այդ ժամանակ ինքն արդեն ծանոթ է եղել Տանյայի և Նառայի հետ, որպեսզի Արթուր ծնողներից այլևս գումար չուզի, իր անձնական միջոցներից նրանց է տվել 110 կամ 120 հազար ՀՀ դրամ և վերցրել է կեղծ ակտ: Ուսումնասիրելով Ա.Մուշեղյանի անձնական գործը, հայտնել է, որ իր կարծիքով Ն.Հովհաննիսյանի և Տ.Չուրկինայի կողմից կեղծված են Ա.Մուշեղյանի 04.11.2011թ. Մաշտոցի զ/կ մուտքագրված առողջական վիճակի ակտի գրառումները, կլոր կնիքը, ստորագրությունները:
2011թ. հոկտեմբեր կամ նոյեմբեր ամսին իրեն է զանգահարել իր ծանոթներից մեկը և ասել, որ Երևանի Արաբկիրի տարածքային զինկոմիսարիատի զինակոչիկներից մեկն ամորձիների երակի լայնացում ունի, սակայն նրան ճանաչել են պիտանի և խնդրել է օգնել: Նույն օրն ինքը հանդիպել է այդ զինակոչիկին, որը Նորիկ Թադևոսյանն է եղել: Նրանից տեղեկացել է, որ ունեցել է ՙվարիկոցելե՚ տեսակի հիվանդություն, որի հետ կապված վիրահատվել է: Ըստ Ն.Թադևոսյանի, վիրահատությունից հետո` 2011թ. աշնանն իրեն հետազոտման են ուղարկել ՙԱրմենիա՚ ԲԿ, որտեղից տրված տրված ակտի հիման վրա ճանաչվել է պիտանի: Ինքը Ն.Թադևոսյանին ասել է, որ օգնել չի կարող, քանի որ արդեն հետազոտվել է և ստացել առողջական վիճակի հետազոտման ակտը, սակայն վերջինս հայտնել է, որ զինկոմիսարիատից կարող է մաքուր /չլրացված/ ակտ վերցնել: Իմանալով այդ մասին, ինքն ասել է, որ 2.500 դոլարով կարող է դասավորել նրա տարկետման հարցը, ավելացնելով, որ գումարը պետք է տա բժիշկներին ու հանձնաժողովի անդամներին: Պայմանավորվածությունից մի քանի օր անց հանդիպել են, որի ընթացքում Նորիկն իրեն է տվել ակտի չլրացված ձևաթուղթ ՙբլանկ՚ և 356 հազար ՀՀ դրամ գումար: Չնայած ինքը Ն.Թադևոսյանին ասել է, որ գումարը տալու է բժիշկներին, սակայն ի սկզբանե որոշել է, որ նրա առողջական վիճակի հետազոտման ակտը կեղծելու է Տ.Չուրկինայի և Ն.Հովհաննիսյանի միջոցով: Վերցնելով գումարը, գնացել է Գյումրի, որտեղ Ն.Հովհաննիսյանին տվել է 60 հազար ՀՀ դրամ, իսկ Տ.Չուրկինային` 40 հազար ՀՀ դրամ, որպեսզի նրանք կեղծեն ակտը` այնտեղ գրեն տարկետում ապահովող ախտորոշում: Մի քանի օր անց, տեղեկանալով, որ կեղծված ակտն արդեն պատրաստ է, գնացել է Գյումրի, վերցրել այն և Երևանում փոխանցել է Ն.Թադևոսյանին` նույն օրը նրանից վերցնելով նաև գումարի տարբերությունը` 1500 դոլարին համարժեք 600 հազար ՀՀ դրամ: Դրանից հետո իրեն բռնել են և տեղեկացել է, որ Ն.Թադևոսյանին տրված կեղծ ակտի կապակցությամբ հարուցվել է քրեական գործ: Ինքը Ն.Թադևոսյանին չի ասել, որ դիմում ներկայացնի ԶԿ և չլրացված ակտ վերցնի: Գումարները անձամբ վերցրել է Նորիկից, որը եղել է մենակ:
2010թ. աշնանը, ՀՀ ՊՆ կենտրոնական պոլիկլինիկայի բժիշկ ինֆեկցիոնիստ, բ/ծ կապիտան Լենա Մարտինի Իսրայելյանի /Լենա Մարտինովնա/ եղբոր որդին` Արման Իսրայելյանն իրեն ծանոթացրել է Մարտունու տարածքային զինկոմիսարիատի զինակոչիկ Հարություն Բապկենի Գրիգորյանի հետ: Վերջինս իրեն հայտնել է, որ զինվորական կոմիսարիատի կողմից ուղեգրվել է ՙԱրմենիա՚ ՀԲԿ` հետազոտման: Ստացված ակտը ներկայացրել է զինկոմիսարիատ, այնուհետև իրեն ներկայացրել են կենտրոնական բժշկական հանձնաժողով` /ԿԲՀ/, որտեղից ուղեգրվել է ՙԷրեբունի՚ ԲԿ` կրկնակի հետազոտման: ՙԷրեբունի՚ ԲԿ-ում իրականացված հետազոտությունների արդյունքում հաստատվել է ՙԱրմենիա՚ ՀԲԿ-ում ախտորոշված` ՙԽրոնիկական խոլեցիստիտ՚ հիվանդությունը: Հ.Գրիգորյանն իրեն խնդրել է գումարի դիմաց օգնել 3 տարի ժամկետով տարկետում ստանալու հարցում: Ինքը համաձայնվել է և իր միջամտության համար Հ.Գրիգորյանից պահանջել 4.000 ԱՄՆ դոլար գումար: Հ.Գրիգորյանը նույնպես համաձայնվել է, որից մի քանի օր անց, երկու փուլով իրեն տվել է պահանջված 4.000 ԱՄՆ դոլարը` յուրաքանչյուր անգամ 2.000 ական ԱՄՆ դոլար գումար:
Դրանից հետո, 2010թ-ի նոյեմբեր կամ դեկտեմբեր ամիսների ընթացքում, ինքը հանդիպել է ՙՆորք՚ ինֆեկցիոն հիվանդանոցի 6-րդ բաժանմունքի վարիչ Տիգրան Նազարյանին, հայտնել Հ.Գրիգորյանի զորակոչի ընթացքի մասին և ներկայացրել վերջինիս խնդրանքը: Տ.Նազարյանի պահանջով, ինքը նրան է տվել 1.500 ԱՄՆ դոլար` ԿԲՀ-ի կողմից Հ.Գրիգորյանին 3 տարի ժամկետով տարկետում տրամադրելու հարցը կարգավորելու համար: Հ.Գրիգորյանը 2010թ. դեկտեմբերին ներկայացվել է ԿԲՀ-ի նիստին և ստացել տարկետում մեկ տարի ժամկետով: Երբ ինքը Տ.Նազարյանին հարցրել է, թե ինչու է Հ.Գրիգորյանին երեք տարվա փոխարեն հատկացվել մեկ տարի ժամկետով տարկետում, Տ.Նազարյանը պատասխանել է, որ տրված գումարի դիմաց մեկ տարին էլ է նորմալ: 2011թ. աշնանը, երբ Հ.Գրիգորյանը կրկին Մարտունու զինվորական կոմիսարիատից ուղեգրվել է ՙԱրմենիա՚ ՀԲԿ, ինքը հանդիպել է Հ.Գրիգորյանին ու նրանից վերցրել ակտը` չթողնելով, որ նա իրականում հետազոտվի նշված ԲԿ-ում: Վերցնելով չլրացված ակտը, գնացել է ք.Գյումրի, Տ.Չուրկինային և Ն.Հովհաննիսյանին ներկայացրել է իրավիճակը, այնուհետև նրանց տվել ակտը և այն կեղծելու համար` 500 ԱՄՆ դոլար և 20.000 ՀՀ դրամ: Օրեր անց, տեղեկանալով, որ կեղծված ակտն արդեն պատրաստ է, գնացել է ք.Գյումրի, վերցրել կեղծված ակտը, այն փոխանցել է Հ.Գրիգորյանին, որն էլ նշված ակտը ներկայացրել է Մարտունու զինվորական կոմիսարիատ: Դրանից հետո, Հ.Գրիգորյանն ուղեգրվել է հետազոտման ՙԱրմենիա՚ ՀԲԿ` սրտի հետ կապված խնդիրներով, ինչի կապակցությամբ ստացել է հետազոտման ուղեգիրը և ակտը, որոնք կրկին փոխանցել է իրեն: Ինքն ակտը կեղծելու և ՙՀոլտեր՚ հետազոտման կեղծ փաստաթղթեր պատրաստելու նպատակով հանդիպել է Տ.Չուրկինային և Ն.Հովհաննիսյանին և նշված բժշկական փաստաթղթերը կեղծելու համար նրանց տվել է 60.000 ՀՀ դրամ: Մի քանի օր անց, տեղեկանալով, որ կեղծված փաստաթղթերը պատրաստ են, վերցրել է դրանք և փոխանցել Հ.Գրիգորյանին: Վերջինս կեղծված ակտը և ՙՀոլտեր՚ հետազոտության արդյունքները ներկայացրել է զինկոմիսարիատ և ստացել տարկետում` 1 տարի ժամկետով:
2011թ. հոկտեմբերին իրեն է զանգահարել Ռիփսիկ անունով մի կին և հայտնել, որ որդին ենթակա է զորակոչման ՀՀ ԶՈՒ, ինչի կապակցությամբ խնդրել է հանդիպել: Հանդիպման ընթացքում Ռիփսիկն իրեն ասել է, որ որդին` Դավիթ Վարդանի Հակոբյանը, լյարդի հետ կապված խնդիրներ ունի և ցանկանում է գումարի դիմաց տարկետում ստանալ: Ինքը համաձայնվել է օգնել 4.000 ԱՄՆ դոլարի դիմաց, որը ստացել է Ռիփսիկից, 2 փուլով` յուրաքանչյուր անգամ 2000-ական ԱՄՆ դոլար: Այնուհետև Դ.Հակոբյանն իրեն է տվել առողջական վիճակի հետազոտման չլրացված ակտը, որն ինքը փոխանցել է Ն.Հովհաննիսյանին` 240.000 ՀՀ դրամի հետ միասին, ակտը կեղծելու` տարկետում տրամադրելու հիմք հանդիսացող հիվանդություն գրելու համար: Օրեր անց, ինքը կեղծված ակտը փոխանցել է Դ.Հակոբյնաին` զինկոմիսարիատ ներկայացնելու համար, սակայն թե ինչ է տեղի ունեցել դրանից հետո տեղյակ չէ, քանի որ իրեն ձերբակալել են:
2011թ. հոկտեմբերի կեսերին, իր ծանոթի` Արմավիրի մարզի Ջանֆիդա գյուղի բնակիչ Կամսար Ղորղանյանի հետ հանդիպման ժամանակ, վերջինս ցույց է տվել Արմավիրի տարածքային զինկոմիսարիատի զինակոչիկ Իշխան Վահանի Պողոսյանին ՙԱրմենիա՚ ՀԲԿ-ից տրված ակտը, որով նրա մոտ ախտորոշվել է` ՙԱլիմենտար ճարպակալում 2-րդ աստիճանի՚ հիվանդությունը: Կ.Ղորղանյանի ներկայությամբ ինքը զանգահարել է Տ.Չուրկինային, վերջինիս հայտնել ախտորոշումը, ինչին Տ.Չուրկինան պատասխանել է, որ այդ ախտորոշուման պայմաններում զինակոչիկը չի կարող ազատվել զինվորական ծառայությունից և ակտը ենթակա է փոփոխման:
Դրանից հետո ինքը Կ.Ղորղանյանին ասել է, որ կարող է կազմակերպել զինակոչիկի տարկետման տրամադրումը, որի համար Կ.Ղորղանյանն իրեն է տվել 500 ԱՄՆ դոլար: Այդ հարցը կազմակերպելու նպատակով, ինքը մեկնել է ք.Գյումրի` Տ.Չուրկինայի և Ն.Հովհաննիսյանի տուն, որտեղ նրանց տվել է ակտը և այն կեղծելու համար` 80.000 ՀՀ դրամ գումար: Օրեր անց վերցրել է նրանց կողմից կեղծված ակտը, որտեղ գրված է եղել ՙԱլիմենտար ճարպակալում 2-րդ աստիճանի, երկկողմանի չափավոր արտահայտված իսկական գինեկոմաստիա՚ ախտորոշումը, որը բավարար է եղել տարկետում ստանալու համար: Վերադառնալով ք.Երևան ինքն ակտը փոխանցել է Կ.Ղորղանյանին: Որոշ ժամանակ անց վերջինս զանգահարել է իրեն և հայտնել, որ Ի.Պողոսյանն ակտը ներկայացրել է զինկոմիսարիատ, որի հիման վրա նրան ուղեգրել են ՙԷրեբունի՚ ԲԿ` կրկնակի հետազոտման և խնդրել է կրկին հանդիպել` Ի.Պողոսյանին տրված նոր ուղեգիրը և ակտը իրեն փոխանցելու համար: Ինքը հանդիպելով Կ.Ղորղանյանին և վերցնելով ուղեգիրն ու ակտը դարձյալ մեկնել է ք. Գյումրի, Ն.Հովհաննիսյանին տվել նշված փաստաթղթերը և 70.000 ՀՀ դրամ գումար, ակտը կեղծելու` զորակոչից ազատող ախտորոշում գրելու համար: Դրանից մի քանի օր անց, ինքը նրանցից վերցրել է կեղծված ակտը, այն փոխանցել է Կամսարին և հետագայում իմացել, որ Ի.Պողոսյանին տրվել է տարկետում` 1 տարի ժամկետով:
2011թ. սեպտեմբերի վերջերին իրեն են դիմել ՀՀ ՊՆ կենտրոնական պոլիկլինիկայի բժիշկ ինֆեկցիոնիստ, բ/ծ կապիտան Լենա Մարտինի Իսրայելյանի ազգական Կարենը, ընկերոջ` Արմանի, հետ և ասել, որ իրենց ազգականներից մեկը Երևանի Էրեբունու տարածքային զինկոմիսարիատի զինակոչիկ է, որի ականջի շրջանում ուռուցք է հայտնաբերվել, միաժամանակ ներկայացնելով առողջական վիճակի հետազոտման ակտը: Վերջինս հետաքրքրվել է, թե նման պայմաններում զինակոչիկին տարկետում տրամադրելու հիմքեր առկա են, թե` ոչ: Ինքը Տ.Չուրկինային ներկայացրել է նշված ակտը, իսկ այն ուսումնասիրելուց հետո, վերջինս պատասխանել է, որ որոշակի ձևակերպումներ փոփոխելու արդյունքում հնարավոր կլինի զինակոչիկին տարկետում տրամադրել: Զինակոչիկին տարկետում տրամադրելու համար, ինքն Արմանից պահանջել է 2.500 ԱՄՆ դոլար գումար, սակայն համաձայնվել է տարկետման տրամադրման գործընթացը կազմակերպել 2.000 ԱՄՆ դոլարով: Ձեռք բերելով համապատասխան պայմանավորվածություն, ինքը մեկնել է ք.Գյումրի, Տ.Չուրկինային և Ն.Հովհաննիսյանին տվել է 120.000 ՀՀ դրամ` ակտերում տարկետում ապահովող ախտորոշում նշելու համար: Կեղծված ակտի հիման վրա Դավիթ Գեորրգիի Չոբանյանն ուղեգրվել է ՙՎ.Ա.Ֆանարջյանի անվան ուռուցքաբանության ազգային կենտրոն՚, որտեղից տրված ակտն ինքը կրկին տրամադրել է Տ.Չուրկինային և Ն.Հովհաննիսյանին: Վերջիններս կեղծել են ակտը` նշել իրականությանը չհամապատասխանող ախտորոշում, որի համար Ն.Հովհաննիսյանն իրենից ստացել է 70.000 ՀՀ դրամ, իսկ Տ.Չուրկինան` 10.000 ՀՀ դրամ: Կեղծված ակտն Արմանին տալուց հետո, ինքը նրանից ստացել է պայմանավորված գումարի մի մասը` 1.300 ԱՄՆ դոլար:
Դրանից հետո, իբր ՙՈՒռուցքաբանության բժշկական կենտրոն՚-ից տրված, սակայն իրականում Տ.Չուրկինայի և Ն.Հովհաննիսյանի կողմից կեղծված ակտի հիման վրա, Դ.Չոբանյանն ուղեգրվել է ՙՌ.Օ.Յոլյանի անվան արյունաբանական կենտրոն՚, որի ակտն ինքը կրկին փոխանցել է Ն.Հովհաննիսյանին և Տ.Չուրկինային: Այդ ակտը կեղծելու համար, ինքը Ն.Հովհաննիսյանին և Տ.Չուրկինային տվել է համապատասխանաբար` 50.000 և 20.000 ՀՀ դրամ գումար: Արդյունքում Դ.Չոբանյանը ստացել է տարկետում` 3 տարի ժամկետով: 2011թ. հոկտեմբերին իր ծանոթ` Արմավիրի մարզի Ջանֆիդա գյուղի բնակիչ Կամսարի միջնորդությամբ հանդիպել է Շահումյանի զինվորական կոմիսարիատում հաշվառված Ռոման Թելմանի Խուդոյանին, որը ցանկություն է ունեցել հերթական զորակոչից տարկետում ստանալ: Հանդիպման ընթացքում ինքն ուսումնասիրել է նրա առողջական վիճակի հետազոտման ակտը և հայտնել, որ ակտում նշված ախտորոշմամբ զինակոչիկին տարկետում չի տրամադրվի: Ակտում նշված ախտորոշումը փոփոխելու համար ինքը Ռ.Խուդոյանից պահանջել և ստացել է 3.000 ԱՄՆ դոլար գումար: Գումարը վերցնելիս նրան ասել է, որ այն պետք է տա բժիշկներին, սակայն ի սկզբանե որոշել է, որ ակտը պետք է կեղծվի Տ.Չուրկինայի և Ն.Հովհաննիսյանի կողմից: Զինակոչիկ Ռ.Խուդոյանի առողջական վիճակի հետազոտման կտը կեղծելու համար, ինքը 300 ԱՄՆ դոլար գումար տվել է Ն.Հովհաննիսյանին, իսկ Տ.Չուրկինային` 10.000 կամ 20.000 ՀՀ դրամ:
Երբ կեղծ ակտը փոխանցել են իրեն տեսել է, որ դրա վրա բուժհաստատության անվանումը և գրանցման համարը գրված չեն, զանգել է Նառային, ճշտել և իր ձեռագրով լրացնելուց հետո ակտը տվել է Ռոմանին: Հետագայում Շահումյանի բաժնում արդեն տեղեկացել է, որ ԶԿ-ում պարզել են ակտի կեղծ լինելը և Ռոմանը տարկետում չի ստացել: Ակտը տալուց առաջ Ռոմանից վերցրել է պայմանավորված գումարի մի մասը` 1500 դոլար, որը հետագայում վերադարձրել է:
2011թ. հոկտեմբերի կեսերին իրեն է զանգահարել մի անձնավորություն, որը հայտնել է, որ իր հեռախոսահամարը տվել է Կամսարը, միաժամանակ խնդրելով` հանդիպել: Ինքը Երևան քաղաքի 3-րդ մաս կոչվող թաղամասում հանդիպել է վերջինիս հետ, ով ներկայացել է որպես Էմիլ Արշակի Օրդինյանի ազգական: Նա խնդրել է, որպեսզի օգնի Է.Օրդինյանին տարկետում տրամադրելու հարցում, որի դիմաց ինքը նրանից պահանջել և ստացել է 3.500 ԱՄՆ դոլար: Այնուհետև գնացել է ք. Գյումրի հանդիպել Տ.Չուրկինային և Ն.Հովհաննիսյանին ու վերջինիս տվել 75.000 ՀՀ դրամ` ակտը կեղծելու համար: Օրեր անց վերցրել է կեղծված ակտը և այն տվել Է.Օրդինյանին:
2011թ. նոյեմբերին, մաշկավեներոլոգիական դիսպանսերում իրեն է մոտեցել Դավիթ Վարազդատի Սարգսյանը և հայտնել, որ Մարտունու զինվորական կոմիսարիատի զինակոչիկ է, ունի առողջական խնդիրներ, միակողմանի ծնողազուրկ է և խնդրել է օգնել` զինվորական ծառայությունից ազատվելու հարցում: Ինքը համաձայնվել է և տեղեկանալով, որ Դ.Սարգսյանը Մարտունու զինվորական կոմիսարիատից ուղեգրվել է ՙԷրեբունի՚ ԲԿ, վերցրել է նրա մոտ եղած մաքուր ակտը և խոստացել, որ կօգնի զինակոչիկի կողմից առաջարկված` 100.000 ՀՀ դրամի դիմաց: Հաջորդ օրը նշված ակտը և 80.000 ՀՀ դրամը փոխանցել է Ն.Հովհաննիսյանին և Տ.Չուրկինային: Օրեր անց, տեղեկանալով, որ կեղծված ակտն արդեն պատրաստ է, վերցրել է այն և փախանցել Դ.Սարգսյանին: Այնուհետև իմացել է, որ վերջինիս կողմից կեղծված ակտը զինվորական կոմիսարիատ ներկայացնելու հետո նրան տրամադրվել է տարկետում` 3 տարի ժամկետով:
2011թ. ապրիլ-մայիս ամիսներին իրեն է զանգահարել Հովհաննես Հրայրի Վարդապետյանի հայրը, ներկայացել որպես զինակոչիկի ծնող և խնդրել է հանդիպել` որդու զորակոչման հարցը քննարկելու համար: Հեռախոսազանգից մի քանի օր անց հանդիպել են, որի ընթացքում զինակոչիկի հայրը խնդրել է գումարի դիմաց կազմակերպել որդու զինվորական ծառայությունից տարկետում տրամադրելու հարցը: Ինքը համաձայնվել է, որի դիմաց պահանջել և ստացել է 3.000 ԱՄՆ դոլար գումար: 2011թ. մայիսին տեղեկացել է, որ Հ.Վարդապետյանն ուղեգրվել է ՙՆորք՚ ինֆեկցիոն կլինիկական հիվանդանոց` հետազոտման: Հ.Վարդապետյանին 1 կամ 3 տարի ժամկետով տարկետում տրամադրելու համար, Տ.Նազարյանի պահանջով, նրան տվել է 2.500 ԱՄՆ դոլար, սակայն Հ.Վարդապետյանը ստացել է տարկետում` 6 ամիս ժամկետով: 2011թ. սեպտեմբերին Հ.Վարդապետյանը զանգահարել է իրեն և ասել, որ բուժման նպատակով կրկին ուղեգրվել է ՙՆորք՚ ինֆեկցիոն կլինիկական հիվանդանոց: Ինքն ասել է, որ հիվանդանոց չգնա և իրեն փոխանցի զինկոմիսարիատից ստացված փաստաթղթերը: Դրանք վերցնելուց հետո գնացել է ք. Գյումրի, հանդիպել Տ.Չուրկինային և Ն.Հովհաննիսյանին, ներկայացրել իրավիճակը և կեղծ էպիկրիզ պատրաստելու համար նրանց տվել է 60.000 ՀՀ դրամ: Դրանից մի քանի օր անց, վերցրել է Տ.Չուրկինայի և Ն.Հովհաննիսյանի կողմից կեղծված էպիկրիզը և փոխանցել Հ.Վարդապետյանին, որն այն ներկայացրել է զինվորական կոմիսարիատ:
2011թ. հոկտեմբերին Հ.Վարդապետյանն իրեն հայտնել է, որ կրկին ուղեգրվել է նույն հիվանդանոց: Ինքը նրանից վերցրել է մաքուր` դեռևս չլրացված ակտը, հանդիպել Տ.Չուրկինայի և Ն.Հովհաննիսյանի հետ և այն կեղծելու համար նրանց տվել է 70.000 ՀՀ դրամ: Օրեր անց վերցրել է կեղծ ակտը և փոխանցել Հ.Վարդապետյանին, սակայն ակտը զինվորական կոմիսարիատ ներկայացնելուց հետո, նրան դարձյալ ուղեգրել են նույն հիվանդանոց: Հ.Վարդապետյանին տրված առողջական վիճակի հետազոտման վերջին ակտն, այս անգամ արդեն 60.000 ՀՀ դրամի դիմաց, Տ.Չուրկինան և Ն.Հովհաննիսյանը կեղծել են, որի արդյունքում Հ.Վարդապետյանը ստացել է տարկետում` 6 ամիս ժամանակով:
Ուսումնասիրելով Հովհաննես Վարդապետյանի անձնական գործը հայտնել է, որ Ն.Հովհաննիսյանի և Տ.Չուրկինայի կողմից կեղծվել են թիվ 3950 էպիկրիզը` մասնավորապես համագարգչային գրառումները, տեղեկանքների համար կլոր կնիքը և ստորագրությունները, 17.10.2011թ. Նոր Նորքի զ/կ մուտքագրված առողջական վիճակի ակտը` մասնավորապես առողջության վերաբերյալ համակարգչային գրառումները, կլոր կնիքը, ստորագրությունները, 05.12.2011թ. մուտքագրված ակտը` առողջական վիճակի համակարգչային գրառումները, կլոր կնիքը, ստորագրությունները:
2011թ. աշնանն իրեն դիմել է Արմավիրի մարզի Ջանֆիդա գյուղի բնակիչ Կամսար Ղորղանյանն, ասելով, որ իր ծանոթներից մեկը, Արմավիրի զինկոմիսարիատի զինակոչիկ Իշխան Արմենի Սադոյանը տեսողության հետ կապված խնդիրներ ունի և ցանկանում է տարկետում ստանալ: Ինքն իր ծանոթ բժշկուհուց ճշտել է Ի.Սադոյանի ախտորոշումը և իմանալով, որ այդ պայմաններում նրան տարկետում կտրամադրվի, այնուամենայնիվ Կամսարից վերցրել է 1.250 ԱՄՆ դոլար և ոչ-ոքի գումար չի տվել: Երբ ԿԲՀ-ից Ի.Սադոյանն ուղարկվել է կրկնակի հետազոտման` ՙՔանաքեռ-Զեյթուն աչքի կլինիկա՚: Քանի որ ԿԲՀ-ի առաջին նիստի ընթացքում զինակոչիկին տարկետում չէր տրամադրվել, ինքը զանգահարել է Տ.Չուրկինային և նրա համար ընթերցել զինակոչիկի ածտորոշումը, որը տրված է եղել ՙՄալայանի՚ անվան ակնաբուժական կենտրոնից: Այդ ախտորոշման կապակցությամբ, Տ.Չուրկինան իրեն ասել է, որ անհրաժեշտ է զինակոչիկի մոտ հայտնաբերված ՙԱստիգմատիզմ՚ հիվանդության չափերը մի փոքր շատացնել, այսինքն` ակտը կեղծել, որի համար պահանջել է 80.000 ՀՀ դրամ գումար: Դրանից հետո ինքը չի թողել, որ Ի.Սադոյանը ներկայանա հետազոտման, վերցրել է նրան տրված ակտը, որը պայմանավորվածության համաձայն փոխանցել Տ.Չուրկինային, ով Ն.Հովհաննիսյանի հետ, 80.000 ՀՀ դրամի դիմաց, կեղծել են ակտի ստորագրություններն ու կնիքները, իսկ ակտի ախտորոշման հատվածը լրացրել է ինքը` արտագրելով Տ.Չուրկինայի գրածը, որը փոքր ինչ փոփոխել է իրական ախտորոշումը: Դրանից հետո կեղծված ակտն ինքը տվել է Ի.Սադոյանին, որի հիմքով վերջինս ստացել է տարկետում` 3 տարի ժամանակով:
2011թ. սեպտեմբերի կեսերին ՙԱրմենիա՚ ՀԲԿ-ում հանդիպել է նույն ՀԲԿ-ի ընդունարանի աշխատակցուհի Լիդային: Զրույցի ընթացքում Լիդան ասել է, որ քրոջ որդուն` Մնացական Գագիկի Թորոսյանին, թերսնուցման պատճառով ուղեգրել են հետազոտման և խնդրել է օգնել տարկետում ստանալու հարցում, ասելով, որ 2010թ. Մ.Թորոսյանին տրվել է տարկետում` 1 տարի ժամկետով` քաշը 45 կգ-ից պակաս լինելու հիմքով, սակայն Մաշտոցի զինվորական կոմիսարիատում հետազոտման ժամանակ քաշն արձանագրվել է 45 կգ-ից ավել, որի համար էլ ուղեգրել են հետազոտման: Նույն օրն իր պահանջով Մ.Թորոսյանն իրեն է փոխանցել զինկոմիսարիատից տրված, չլրացված ակտը: Հաջորդ օրն ինքը մեկնել է ք. Գյումրի, ակտը և 75.000 ՀՀ դրամ փոխանցել է Ն.Հովհաննիսյանին և Տ.Չուրկինային: Օրեր անց վերցրել է կեղծ ակտը, որի մեջ նշված է եղել, որ Մ.Թորոսյանի քաշը 45 կգ-ից պակաս է, այն փոխանցել Լիդային, որի հիման վրա Մ.Թորոսյանը ստացել է տարկետում` 1 տարի ժամանակով: Քանի որ ինքը մտերիմ է եղել Լիդայի հետ, այդ իսկ պատճառով Մ.Թորոսյանի համար նրանցից գումար չի պահանջել և չի ստացել: Ուսումնասիրելով Մնացական Թորոսյանի գործը, հայտնել է, որ Ն.Հովհաննիսյանի և Տ.Չուրկինայի կողմից կեղծվել է 2/165-7516 ակտը` մասնավորապես դրոշմակնիքը, կլոր կնիքը, հանձնաժողովի ստորագրությունները, բուժ. հետազոտման արդյունքները:
2010թ. աշնանն իրեն է հանդիպել Նոր-Նորքի զինկոմիսարիատի զինակոչիկ` Սարգիս Լարիկի Սաֆարյանը և հայտնել, որ զորակոչման ընթացքում իրականացված հետազոտությունների արդյունքում իր ստամոքսի հետ կապված հիվանդություն է հաստատվել, որի հիման վրա նա ցանկություն հայտնել որոշակի գումարի դիմաց տարկետում ստանալ: Ինքը համաձայնվել է և Ս.Սֆարյանից վերցված ակտերը ցույց է տվել Տ.Նազարյանին: Վերջինս ուսումնասիրելով դրանք, ասել է, որ եթե նորից ուղարկեն հետազոտման, ապա 3.000 ԱՄՆ դոլարի դիմաց կարող է օգնել: Ինքն այդ մասին տեղեկացրել է Ս.Սարգսյանին, որն էլ մի քանի օր անց իրեն ասել է, որ ուղեգիր է ստացել ՙՆորք՚ ինֆեկցիոն հիվանդանոց: Այդ մասին ինքը տեղյակ է պահել Տ.Նազարյանին և Ս.Սարգսյանից ստացած 3.000 ԱՄՆ դոլարն ամբողջությամբ տվել է Տ.Նազարյանին: Արդյունքում` Ս.Սարգսյանը ստացել է տարկետում` 3 տարի ժամանակով:
2011թ. գարնանը` մարտ ամսին, իրեն է դիմել Սարգիս և Գարիկ Լարիկի Սաֆարյանների հայրը, մյուս որդու` Գարիկ Սաֆարյանին տարկետում տրամադրելու հարցը կարգավորելու խնդրանքով, ասելով, որ հետազոտությունների արդյունքում պարզվել է, որ որդու լյարդը մեծացած է: Նույն օրը ինքը Գ.Սաֆարյանին տարկետում տրամադրելու հարցը քննարկել է Տ.Նազարյանի հետ, որը խորհուրդ է տվել, որպեսզի Գ.Սաֆարյանը զինկոմիսարիատում թուլությունից և վքնածությունից գանգատներ ներկայացնի ու խոստացել է 2.500 ԱՄՆ դոլարի դիմաց կազմակերպել տարկետում ստանալու գործընթացը: Ինքը Լարիկ Սաֆարյանից` 3 փուլով, վերցրել է 3.000 ԱՄՆ դոլար գումար, որից 2.500 ԱՄՆ դոլարը տվել է Տ.Նազարյանին, իսկ 500 ԱՄՆ դոլարը` պահել իրեն: Ներկայացված գանգատների հիման վրա Գ.Սաֆարյանն ուղեգրվել է ՙՆորք՚ ինֆեկցիոն հիվանդանոց, որտեղից տրված ակտի հիմքով նրան տրամադրվել է տարկետում` 6 ամիս ժամկետով: Մոտ 1 ամիս անց, իր մոտ մնացած 500 ԱՄՆ դոլարից 300 ԱՄՆ դոլարն ինքը կրկին տվել է Տ.Նազարյանին` էպիկրիզ գրելու համար, իսկ 6 ամիս անց նույն հիվանդությամբ ակտ գրելու համար Տ.Նազարյանին տվել է ևս 700 ԱՄՆ դոլար, որի արդյունքում Գ.Սաֆարյանը ստացել է տարկետում` ևս 6 ամիս ժամկետով: Մինչև իր ձերբակալումը, Գ.Սաֆարյանին անհրաժեշտ է եղել ևս մեկ էպիկրիզ կամ հետազոտման ակտ և քանի որ Տ.Նազարյանն առանց գումարի որևէ փաստաթուղթ չի տվել, իսկ ինքը Գ.Սաֆարյանի ծնողից այլևս գումար չի ուզել, ստիպված դիմել է Տ.Չուրկինային և Ն.Հովհաննիսյանին որոնք 70.000 ՀՀ դրամի դիմաց կեղծել են Գ.Սաֆարյանին այդ պահին անհրաժեշտ բժշկական փաստաթուղթը, որն ինքը փոխանցել է վերջինիս, իսկ նա էլ զինկոմիսարիատ:
2011թ. հոկտեմբերին ՙԱրմենիա՚ ՀԲԿ-ում հանդիպել է ծանոթ Կամսարին: Խոսակցության ընթացքում վերջինս ասել է, որ Արմավիրի զինվորական կոմիսարիատի զինակոչիկ Ռուսլան Իշխանի Ալոյանը հետազոտվել է ՙԱրմենիա՚ ՀԲԿ-ում, որի արդյունքում գրված ախտորոշմամբ ենթակա է զորակոչի: Կամսարն իրեն է տվել Ռ.Ալոյանի ակտը և հարցրել, թե հնարավոր է արդյոք փոխել նշված ակտում առկա ախտորոշումը և գրել այնպիսի ախտորոշում, որի համաձայն զինակոչիկը կազատվի զորակոչից` կստանա տարկետում: Ինքը պատասխանել է, որ հնարավոր է, որից հետո Կամսարն ասել է, որ Ռ.Ալոյանի հորից կվերցնի 3.500 ԱՄՆ դոլար, որից 1.500 ԱՄՆ դոլարը կտա իրեն, մնացածը` կպահի որպես միջնորդավճար: Ինքը համաձայնվել է Կ.Ղորղանյանի առաջարկին և մոտ 2 օր անց գնացել ք.Արմավիր, որտեղ գազալցակյանի մոտ հանդիպել է Ռ.Ալոյանին և նրա հորը` Իշխան Ալոյանին, որոնք իրեն են փոխանցել 3.500 ԱՄՆ դոլար գումար և հեռացել: Պայմանավորվածության համաձայն, ինքը զանգահարել է Կ.Ղորղանյանին, նրան փոխանցել 2.000 ԱՄՆ դոլար գումար և վերադարձել է Երևան: Գումարը ստանալու հաջորդ օրը մեկնել է ք.Գյումրի, հանդիպել Ն.Հովհաննիսյանի և Տ.Չուրկինայի հետ, նրանց է փոխանցել Ռ.Ալոյանի ակտը, և 400 ԱՄՆ դոլար` այն կեղծելու համար: Դրանից 1-2 օր անց կրկին մեկնել է Գյումրի, վերցրել է կեղծ ակտը, որտեղ նշված է եղել միզապարկի հետ կապված ինչ-որ հիվանդություն, որը փոխանցել է Կամսարին: Հետագայում իմացել է, որ 2011թ. նոյեմբերին ակտի հիման վրա Ռ.Ալոյանը ԿԲՀ-ի որոշմամբ ստացել է տարկետում` 3 տարի ժամկետով:
2010-2011թթ. ինքը պարբերաբար մեկնել է մարզեր, որի ժամանակ որպես վարորդ իրեն սպասարկել է Լենա Մարտինովնայի եղբոր որդին` Արմանը, սպիտակ ՙՎԱԶ 2107՚ մակնիշի ավտոմեքենայով: 2011թ. փետրվարի սկզբին Արմանի միջոցով ծանոթացել է Արագյուղի բնակիչ Պատոյի` /Պատվական Մարգարյան/ հետ: Խոսակցության ընթացքում վերջինս ասել է, որ եղբայրը` Արսեն Մերուժի Մարգարյանը, 2011թ. գարնանը Նաիրիի զինվորական կոմիսարիատից պետք է զորակոչվի ՀՀ ԶՈՒ և հարցրել է, թե կարող է գումարի դիմաց լուծել եղբոր տարկետման հարցը: Նշվածի կապակցությամբ ինքը դրական պատասխան է տվել և պահանջել 4.500 ԱՄՆ դոլար: Զինակոչիկի տարկետման հարցը կարգավորելու ընթացքում, Լենա Մարտինովնան Ա.Մարգարյանին խորհուրդներ է տվել, թե զինվորական կոմիսարիատում ինչպես պետք է իրեն դրսևորի, ինչից գանգատվի, որպեսզի վերջինս ուղեգրվի հատկապես ՙՆորք՚ ինֆեկցիոն հիվանդանոց: Նշված խորհուրդներիի համար, ինքը Լ.Մարտինովնային է տվել 100 ԱՄՆ դոլար: Դրանից մի քանի օր անց` մարտ ամսին, ինքը հանդիպել է Տ.Նազարյանին և պայմանավորվածություն ձեռք բերել Ա.Մարգարյանին 3 տարի ժամկետով տարկետում տրամադրելու շուրջ: Տարկետման տրամադրման համար Տ.Նազարյանը պահանջել է 2.000 ԱՄՆ դոլար, որն ինքը անմիջապես տվել է նրան:
2011թ. մարտի վերջերին Ա.Մարգարյանն ուղեգրվել է ՙՆորք՚ ինֆեկցիոն հիվանդանոց և Տ.Նազարյանի կողմից տրված ակտի հիման վրա ստացել է տարկետում` 6 ամիս ժամկետով: Երբ ինքը Տ.Նազարյանին հարցրել է, թե ինչու է զինակոչիկը 3 տարվա փոխարեն ստացել 6 ամիս ժամկետով տարկետում, նա պատասխանել է, որ այդպես ավելի ապահով է, մյուս անգամ այնպիսի ակտ կտա, որ զինակոչիկը կստանա տարկետում 3 տարի ժամկետով: 2011թ. սեպտեմբերին Ա.Մարգարյանը կրկին ուղեգրվել է նույն հիվանդանոց և այս անգամ ինքը ակտի համար Տ.Նազարյանին է տվել ևս 1.000 ԱՄՆ դոլար: Հետազոտությունից հետո Ա.Մարգարյանն իրեն ներկայացրել է ակտը` ՙԱղիների դիսբակտերիոզ 1-ին աստիճանի՚ ախտորոշմամբ: Մտածելով, որ այդ ախտորոշմամբ տարկետում չի տրամադրվի, ինքը զանգահարել է Տ.Չուրկինային, ներկայացրել իրավիճակը որն ասել է, որ տարկետման համար անհրաժեշտ է ՙ2-րդ աստիճանի դիսբակտերիոզ՚ ախտորոշումը: Այդ պատճառով մեկնել է ք.Գյումրի, Ն.Հովհաննիսյանին և Տ.Չուրկինային տվել ակտը և 80.000 ՀՀ հազար դրամ գումար, որպեսզի նրանք պատրաստեն ակտը, այնուհետև տեղեկանալով, որ այն պատրաստ է, վերցրել է ակտը, փոխանցել Ա.Մարգարյանին, սակայն օրեր անց վերջինս իրեն ասել է, որ զինկոմիսարիատում կասկածում են ակտի իսկության վերաբերյալ:
2011թ. նոյեմբերին Սմբատ Ղանդիլյանի հայրը` Մամիկոն Ղանդիլյանը, զանգահարել է իրեն և միջնորդել հանդիպել ոմն Թեմուրի հետ: Վերջինիս հետ հանդիպման ընթացքում, ինքն իմացել է, որ Արմավիրի զինվորական կոմիսարիատի զինակոչիկ Սարգիս Վոլոդիայի Դարբինյանը տեսողության հետ կապված խնդիր ունի և ցանկանում է գումարի դիմաց տարկետում ստանալ: Ինքը հայտնել է, որ 3.000 ԱՄՆ դոլարի դիմաց կարող է կազմակերպել տարկետման տրամադրումը` ասելով, որ իրեն փոխանցվի զինկոմիսարիատից վերցված մաքուր առողջական վիճակի հետազոտման ակտը: Օրեր անց հանդիպել է Ս.Դարբինյանին, վերցրել ՙՍ.Վ.Մալայանի անվան ակնաբուժական կենտրոն՚-ում հետազոտվելու վերաբերյալ զինկոմիսարիատից տրված ուղեգիրն ու չլրացված ակտը: Դրանից հետո Թեմուրից վերցրել է 300 ԱՄՆ դոլար, ապա գնացել ք. Գյումրի, որտեղ Ն.Հովհաննիսյանին և Տ.Չուրկինային կեղծելու նպատակով տվել է ակտը և համապատասխանաբար` 90.000 և 10.000 ՀՀ դրամ գումար: Մի քանի օր անց նրանցից վերցրել է կեղծված ակտը և այն փոխանցել Թեմուրին: Մեկ կամ երկու օր անց Թեմուրն իրեն տվել է ևս 2.200 ԱՄՆ դոլար, սակայն կեղծ ակտը զինկոմիսարիատ ներկայացնելուց հետո Ս.Դարբինյանին ուղեգրել են ՙՔանաքեռ-Զեյթուն՚ ԲԿ` կրկնակի հետազոտման: Ինքը Թեմուրին ասել է, որ Ս.Ղարիբյանը հետազոտման չգնա և ակտը տան իրեն, որից հետո ինքն այն փոխանցել է Ն.Հովհաննիսյանին, որը 30.000 ՀՀ դրամի դիմաց կեղծել է ստորագրություններն ու կնիքները, իսկ ախտորոշման վերաբերյալ նշումը կատարել է ինքն անձամբ: Արդյունքում` Ս.Դարբինյանը ստացել է տարկետում` 3 տարի ժամկետով:
2011թ. մարտին, իր ծանոթի միջնորդությամբ խոսել է Իջևանի տարածքային զինկոմիսարիատի զինակոչիկ Անդրանիկ Արթուրի Աստանյանի հորեղբոր` Արտակի, հետ և տեղեկացել, որ Ա.Աստանյանն աղիների հետ կապված առողջական խնդիր ունի: Դիմել է Տ.Նազարյանին, ով տարկետման հարցը կազմակերպելու համար պահանջել է 1.500 ԱՄՆ դոլար: Նշվածի մասին հայտնել է Արտակին և օրեր անց նրանից ստացել պահանջված 1.500 ԱՄՆ դոլարը, որն ամբողջությամբ տվել է Տ.Նազարյանին: Վերջինս գումարի դիմաց ակտում նշել է ՙՍալմոնեյոզ, գաստրինտեստինալ ձև .....՚ ախտորոշումը: Մոտ մեկ ամիս անց` ԿԲՀ-ի նիստից առաջ, Տ.Նազարյանը զանգահարել է իրեն և ասել, որ Ա.Աստանյանի տարկետման համար անհրաժեշտ է ևս 1.500 ԱՄՆ դոլար: Ինքն Այդ մասին ասել է Արտակին, ով նույն օրն իրեն է տվել ևս 1.500 ԱՄՆ դոլար: Նշված գումարը Տ.Նազարյանին տալու արդյունքում Ա.Աստանյանը ստացել է տարկետում` 5 ամիս ժամկետով: Տարկետման ժամկետն ավարտվելուց հետո, Ա.Աստանյանն ուղեգրվել է ՙԱրմենիա՚ ՀԲԿ և ՙՆորք՚ ինֆեկցիոն հիվանդանոց, սակայն ինքը չի թողել զինակոչիկին ներկայանալ նշված բուժհիմնարկներ հետազոտման և վերցնելով Ա.Աստանյանին զինկոմիսարիատի կողմից տրված ակտերը դրանք փոխանցել է Ն.Հովհաննիսյանի և Տ.Չուրկինային, որպեսզի նրանք ակտերը պատրաստեն համակարգչային եղանակով, որի համար նրանց տվել է 180.000 ՀՀ դրամ: Կեղծված ակտերն ինքը փոխանցել է Ա.Աստանյանին, որն էլ դրանք ներկայացրել է զինկոմիսարիատ: Արդյունքում` Ա.Աստանյանը ստացել է տարկետում` 3 տարի ժամկետով, իսկ մինչ ակտերի կեղծման գործընթացը կազմակերպելը, Արտակից ստացել է ևս 2.500 ԱՄՆ դոլար:
2011թ. հոկտեմբերի 3-ին` ժամը 12:13-ի սահմաններում, ինքը գտնվել է ՙԱրմենիա՚ ՀԲԿ-ում: Այդ ժամանակ իր բջջային` 093-16-51-73, հեռախոսահամարին զանգահարել է նույն ՀԲԿ-ի մաշկային բաժանմունքի բժիշկ Հովսեփը և ասել, որ իր նծանոթներից Մամիկոն անվամբ մի անձ, ցանկանում է հանդիպել իրեն: Քիչ անց իրեն է զանգահարել Մամիկոն Ղանդիլյանը և իրենք պայմանավորվել են հանդիպել ՀԲԿ-ի մուտքի մոտ: Հանդիպման ընթացքում, Մ.Ղանդիլյանն իրեն հայտնել է, որ որդին` Սմբատ Մամիկոնի Ղանդիլյանը, Արմավիրի զինվորական կոմիսարիատից ուղեգրվել է ՙԱրմենիա՚ ՀԲԿ, որտեղ հայտնաբերվել է զորակոչման ենթակա` ՙԴիմային նյարդի՚ հիվանդություն, ինչի կապակցությամբ իրեն խնդրել է կազմակերպել որդու ծառայությանից ազատման գործընթացը: Ինքը համաձայնվել է օգնել, որի համար Մ.Ղանդիլյանից պահանջել է 2.700 ԱՄՆ դոլար: Մ.Ղանդիլյանը համաձայնվել է, որից հետո իրեն խնդրել է օգնել նաև նույն զինկոմիսարիատի զինակոչիկ, իրենց համագյուղացի Գերասիմ Իվանի Եսայանին, որն ուղեգրվել է ՙՎՕԳԿ՚ և տրված ակտի համաձայն ենթակա է եղել զորակոչի: Ինքը համաձայնվել է և այդ զինակոչիկի համար պահանջել է 3.000 ԱՄՆ դոլար: Նույն օրը Մ.Ղանդիլյանն իրեն տվել է 5.700 ԱՄՆ դոլար, իսկ օրեր անց` Ս.Ղանդիլյանի և Գ.Եսայանի ակտերը: Ակտերը վերցնելուց հետո, ինքը հանդիպել է Ն.Հովհաննիսյանին և Տ.Չուրկինային, փոխանցել ակտերը և դրանք կեղծելու համար 150.000 ՀՀ դրամ գումար: Երկու օր անց, տեղեկանալով, որ կեղծված ակտերը պատրաստ են, վերցրել է դրանք, փոխանցել Մ.Ղանդիլյանին` ասելով, որ դրանք ներկայացվեն զինկոմիսարիատ: Արդյունքում` 2011թ. նոյեմբեր ամսին, Մ.Ղանդիլյանը ստացել է տարկետում` 3 տարի ժամանակով, իսկ Գ.Եսայանը ստացել է տարկետում, թե` ոչ, չի հիշել:
2010թ. հոկտեմբերի սկզբին իրենց տուն է եկել որդու` Արմեն Մարտիրոսյանի, ընկերը` Փայլակը, և հարցրել, թե հնարավոր է իրենց հարևանի տղաներին հիվանդությամբ ազատել զինվորական ծառայությունից: Ինքը խոստացել է օգնել և պայմանավորվելուց մի քանի օր անց, ՙՍուրբ Գրիգոր Լուսավորիչ՚ բժշկական կենտրոնում հանդիպել է Փայլակի հարևան Պետրոս Ֆարմանյանին և նրա որդիներ` Թորգոմ ու Անդրանիկ Ֆարմանյաններին: Զրույցի ընթացքում, Պ.Ֆարմանյանը ներկայացրել է որդիների հիվանդությունները և հարցրել, թե որքան գումար է անհրաժեշտ նրանց տարկետում տրամադրելու համար: Ինքը պատասխանել է, որ երեք տարի ժամկետով տարկետում տրամադրման համար անհրաժեշտ է 5.000 ԱՄՆ դոլար: Դրանից մի քանի օր անց, ինքը հանդիպել է Տ.Նազարյանին և զրուցել Ֆարմանյան եղբայրների հարցով: Ա.Ֆարմանյանը նյարդերի հետ կապված առողջական խնդիր է ունեցել, ինչի համար նա ուղեգրվել է ՙՍուրբ Գրիգոր Լուսավորիչ՚ բժշկական կենտրոն: Համապատասխան ակտ ստանալու համար ինքը Տ.Նազարյանին տվել է 1.500 ԱՄՆ դոլար, որի հիման վրա Ա.Ֆարմանյանին տրվել է տարկետում` 6 ամիս ժամկետով, թեև պայմանավորվածությունը եղել է 3 տարի ժամկետով տարկետում տրամադրելու շուրջ, այնուհետև` 2011թ. մայիսին, Ա.Ֆարմանյանը, կրկնակի հետազոտման համար, ուղեգրվել է 2-րդ հիվանդանոց: ՙՍուրբ Գրիգոր Լուսավորիչ՚ բժշկական կենտրոնում ախտորոշված հիվանդությունը հաստատելու նպատակով, ինքը 2-րդ հիվանդանոցի նյարդաբանական բաժանմունքի վարիչ Ղազարյանին տվել է 500 ԱՄՆ դոլար և Ղազարյանի տված ակտի հիման վրա Ա.Ֆարմանյանին տրամադրվել է տարկետում` 3 տարի ժամկետով:
Ինչ վերաբերում է Թ.Ֆարմանյանին, ապա Տ.Նազարյանն իրեն ասել է, որպեսզի Թ.Ֆարմանյանը զինվորական կոմիսարիատում լյարդի շրջանում ծանրության զգացողության մասին գանգատներ հայտնի: Ներկայացված գանգատների արդյունքում, Թ.Ֆարմանյանն ուղեգրվել է ՙՆորք՚ ինֆեկցիոն հիվանդանոց: Տ.Նազարյանը 2.500 ԱՄՆ դոլարի դիմաց լյարդի հիվանդության առկայության մասին ակտ է կազմել, որի հիման վրա Թ.Ֆարմանյանը` 2010թ. աշնանը, ստացել է տարկետում` 6 ամիս ժամկետով: Տարկետում տրամադրելուց հետո` 2011թ. փետրվարին, Թ.Ֆարմանյանը հետազոտման և բուժման նպատակով կրկին ուղեգրվել է ՙՆորք՚ ինֆեկցիոն հիվանդանոց: Նախկին ախտորոշումը հաստատելու և հաջորդ զորակոչին կրկին ուղեգրման համար հիմք հանդիսացող ախտորոշում գրելու համար ինքը Տ.Նազարյանին տվել ևս 500 ԱՄՆ դոլար, սակայն իրեն անհայտ պատճառով 2011թ. ապրիլ-մայիս ամիսներին Թ.Ֆարմանյանն ուղեգրվել է ՙԱրմենիա՚ ՀԲԿ և ՙՍուրբ Գրիգոր Լուսավորիչ՚ ԲԿ, որտեղ իրականացված հետազոտությունների արդյունքում նրա մոտ որևէ հիվանդություն չի հայտնաբերվել և նա զորակոչվել ՀՀ ԶՈՒ: Զորակոչվելով ՀՀ ԶՈւ, Թ.Ֆարմանյանը ծառայության է նշանակվել ԼՂՀ Ասկերան քաղաքում տեղակայված զորամասում: 2011թ. սեպտեմբերին Պ.Ֆարմանյանը հանդիպել է իրեն և խնդրել, որպեսզի գումարի դիմաց ինքը որդուն տեղափոխվի ՀՀ ՊՆ կենտրոնական կլինիկական զինվորական հոսպիտալ, ինչի համար ինքը Պ.Ֆարմանյանից պահանջել է 1.300 ԱՄՆ դոլար գումար: Ստանալով պահանջված գումարը, ինքը 700 ԱՄՆ դոլար տվել է Սովետաշենի զորամասի բուժծառայության պետ Կարեն Կուլախսզյանին, իսկ 150 ԱՄՆ դոլար` ԿԿԶՀ-ի թռիչքային թերապիայի բաժանմունքի պետ Նունե Միխաիլովնայի միջոցով տվել է հոսպիտալի ընդունարանի պետին: Բացի այդ, 400 ԱՄՆ դոլար տվել է բաժանմունք ընդունելու համար, 50 ԱՄՆ դոլար լաբորատորիայում Թ.Ֆարմանյանին հետազոտելու համար: Հոսպիտալում 1 ամիս բուժվելուց հետո, վերջինս դուրս է գրվել և տեղափոխվել զորամաս, որից հետո Պ.Ֆարմանյանն իրենից պահանջել 1.300 ԱՄՆ դոլարը և նախկինում տված 2.500 ԱՄՆ դոլարը, որի կապակցությամբ ինքը գրավոր պարտավորագիր է գրել` մինչև 2012թ. հունվարը 4.000 ԱՄՆ դոլար վերադարձնելու մասին, սակայն նշված գումարը չի վերադարձվել, քանի որ 2011թ. դեկտեմբերի 18-ին կալանավորվել է:
2010թ. դեկտեմբերին իրեն է զանգահարել Մարտունու տարածքային զինկոմիսարիատի զինակոչիկ Նաիրիի Խաչատրյանի հայրը` Մամիկոն Խաչատրյանը, և հայտնել, որ որդին 2011թ. գարնանը, զորակոչվելու է ՀՀ ԶՈՒ, ավելացնելով, որ ցանկանում է գումարի դիմաց նրան ազատել ծառայությունից: Հետագայում ինքը պարզել է, որ Ն.Խաչատրյանի մոտ առկա է ՙԳինեկոմաստիա՚ տեսակի հիվանդություն: Որդու տարկետման հարցը կարգավորելու համար, ինքը Մ.Խաչատրյանից պահանջել է 4.000 ԱՄՆ դոլար գումար, որը վերջինից ստացել է 2011թ. գարնանը, այնուհետև հետազոտման արդյունքները ներկայացրել է Տ.Նազարյանին, որն էլ 3 տարի ժամկետով տարկետում տրամադրելու համար պահանջել և ստացել է 2.700 ԱՄՆ դոլար:
Վերցրած գումարից 700 ԱՄՆ դոլար տվել է ՙԱրմենիա՚ ՀԲԿ-ի էնդոկրին բաժանմունքի բժշկուհի Նաիրային` տարկետում ապահովող ախտորոշմամբ ակտ տալու և բուժումներ նշանակելու համար, իսկ 500 ԱՄՆ դոլար` Հարութին, որպես միջնորդ: 2011թ. գարնանը Ն.Խաչատրյանը ստացել է տարկետում` 3 տարի ժամանակով:
2010թ. մայիսին կամ հունիսին ինքը Արման Իսրայելյանի միջնորդությամբ հանդիպել է զինակոչիկ Արսեն Խաչատուրի Ղարագյոզյանին, որի ընթացքում վերջինս ցույց է տվել իրեն տրված ակտի պատճենը և հարցրել, թե ակտում նշված ախտորոշմամբ տարկետում կարող է տրամադրվել, թե` ոչ: Ինքն ակտի պատճենը ցույց է տվել Տ.Նազարյանին, որն սումնասիրելով ակտն ասել է, որ ախտորոշման մեջ ինչ-որ բառ պետք է ավելացվի և ԿԲՀ-ի նիստից կրկնակի հետազոտման ուղարկելու համար պահանջել է 1.500 ԱՄՆ դոլար, այնուհետև` ՙԱրմենիա՚ ՀԲԿ-ից համապատասխան ախտորոշման դիմաց` ևս 1.200 ԱՄՆ դոլար:Դրանից հետո, Ա.Ղարագյոզյանի հայրն իրեն է տվել 3.000 ԱՄՆ դոլար, իսկ 2 ամիս անց ևս 1.000 ԱՄՆ դոլար: Նշված գումարից 2.700 ԱՄՆ դոլարը տվել է Տ.Նազարյանին, որից 1.200 ԱՄՆ դոլար ՙԱրմենիա՚ ՀԲԿ-ից համապատասխան ակտի և 1.500 ԱՄՆ դոլար` ԿԲՀ նիստի ժամանակ տարկետում ստանալու համար: Մնացած գումարը` 600 ԱՄՆ դոլարը, տվել է Լենա Մարտինովնային և Արմանին, որպես միջնորդներ: Բացի այդ, 200 կամ 300 ԱՄՆ դոլար տվել է Լ.Մարտինովնային, որի դիմաց նա կեղծ փաստաթուղթ է տվել այն մասին, թե իբր Ա.Ղարագյոզյանը տանը բուժումներ է ստացել: ՙԱրմենիա՚ ՀԲԿ-ից տրված ախտորոշման հիման վրա, կապված կրծքավանդակի դեֆորմացիայի հետ, Ա.Ղարագյոզյանը ստացել է տարկետում` 1 տարի ժամկետով: Տարկետման ժամկետը լրանալուց հետո ինքն այլևս չի կարողացել օգնել նրան, որից հետո Ա.Ղարագյոզյանին ճանաչել են պիտանի և նա զորակոչվելով ՀՀ ԶՈւ, ծառայության է նշանակվել Արարատ քաղաքում տեղակայված զորամասում:
2011թ. կոնկրետ ամիսը չի հիշել, իրեն է հանդիպել իր ծանոթ տաքսու վարորդ Վահիկը և հայտնել, որ եղբոր որդուն` Էդգար Դավթի Հովհաննիսյանին, ԿԲՀ-ից ուղարկել են կրկնակի հետազոտման` սրտի և ողնաշարի հետ կապված հիվանդություններով, և հարցրել թե ՙՍրտաբանականում՚ ծանոթ ունի թե` ոչ, քանի որ ցանկացել Էդ.Հովհաննիսյանի նախնական` տարկետում ապահովող ախտորոշումը չփոխվի, որպեսզի զինակոչիկը տարկետում ստանա 3 տարի ժամկետով: Ինքը համաձայնվել է օգնել, վերցրել Էդ.Հովհաննիսյանի ակտի պատճենն ու այն ցույց տվել Տ.Նազարյանին, ասելով, որ կրկնակի հետազոտման են ուղարկել ՙՍրտաբանական՚ և պետք է ախտորոշումը չփոխվի: Տ.Նազարյանը համաձայնվել է օգնել և պահանջել է 3.500 ԱՄՆ դոլար, որից 1.500 ԱՄՆ դոլարը` ակտի համար, իսկ 2.000 ԱՄՆ դոլարը` ԿԲՀ-ի: Ինքը Վահիկին ասել է, որ անհրաժեշտ է 3.500 ԱՄՆ դոլար, իսկ մինչ այդ վերջինս իրեն է տվել 100 ԱՄՆ դոլար, որից 50 ԱՄՆ դոլարի չափով ՙԷրեբունի՚ ԲԿ-ում կատարել է մուծում` Էդ.Հովհաննիսյանին հետազոտելու համար: Նշված գումարները ստանալու և Տ.Նազարյանին փոխանցելու արդյունքում Էդ.Հովհաննիսյանին տրամադրվել է տարկետում` 3 տարի ժամանակով: 2010թ. մայիսին իրեն են հանդիպել Արմանն ու նրա ընկերը` Վարդան Եփրեմի Այվազյանը: Վերջինս ցույց է տվել ՙՆորքի օրթոպեդիկ՚-ից տրված ակտը և հարցրել, թե կարող է տարկետում ստանալ: Ինքը վերցրել է ակի պատճենը, այն ցույց տվել Տ.Նազարյանին, ով ասել է, որ հաջորդ օրը կասի, թե ինչ գումարի դիմաց կարող է լուծել այդ հարցը: Հաջորդ օրը Տ.Նազարյանն իրեն ասել է, որ 3 տարով տարկետում տրամադրելու համար անհրաժեշտ է 3.000 ԱՄՆ դոլար: Ինքն այդ մասին հայտնել է Արմանին, իսկ օրեր անց Վ.Այվազյանի հայրը` Եփրեմ Այվազյանը, իրեն է տվել 3.000 ԱՄՆ դոլար: Ինքն այդ գումարը փոխանցել է Տ.Նազարյանին, որի արդյունքում Վ.Այվազյանը ստացել է տարկետում` 3 տարի ժամանակով:
2011թ. նոյեմբեր-դեկտեմբեր ամիսներին զանգահարել է իր ծանոթ Ռոբերտը և ասել, որ Արմավիրի զինվորական կոմիսարիատի զինակոչիկ Թենգիզ Թեմուրի Թամոյանն ունի առողջական խնդիրներ, սակայն զինվորական կոմիսարիատից նրան հետազոտման չեն ուղեգրում և խնդրել է գումարի դիմաց օգնել տարկետում տրամադրելու հարցում: Ինքը զանգահարել է Տ.Նազարյանին, ներկայացրել իրավիճակը, որը խորհուրդ է տվել կրկին անալիզներ հանձնել և պատասխանը ներկայացնել զինվորական կոմիսարիատ և դրանց հիման վրա զինկոմիսարիատից ուղեգիր պահանջել ՙՆորք՚ ինֆեկցիոն հիվանդանոց, որտեղ ինքը հարցերը կկարգավորի: Ինքը Տ.Նազարյանի ասածները փոխանցել է Ռոբերտին, որն էլ մի քանի օր անց իրեն հայտնել է, որ Թ.Թամոյանն ուղեգրով ներկայանալու է ՙՆորք՚ ինֆեկցիոն հիվանդանոց` հետազոտման: Ինքն այդ մասին տեղյակ է պահել Տ.Նազարյանին, որից հետո վերջինս իրենից պահանջել է 1.700 ԱՄՆ դոլար: Հաջորդ օրը Ռոբերտից ստացել է 1.800 ԱՄՆ դոլար, որից 1.700 ԱՄՆ դոլարը տվել է Տ.Նազարյանին: Որոշ ժամանակ անց վերցրել ակտը, որտեղ նշված է եղել, որ Թ.Թամոյանի մոտ առկա է ՙԲրուցելյոզ՚ տեսակի հիվանդություն: Ինքն ակտը նույն օրը հիվանդանոցի բակում փոխանցել է Թ.Թամոյանի մորը, այնուհետև տեղեկացել, որ այդ ակտի հիման վրա, զինակոչիկին տրամադրվել է տարկետում` 3 տարի ժամկետով:
2011թ. փետրվար-մարտ ամիսներին իրեն է զանգահարել Արման Իսրայելյանը և ասել, որ Մասիսի զինվորական կոմիսարիատի զինակոչիկ Գևորգ Նորիկի Սադոյանը ցանկանում է գումարի դիմաց տարկետում ստանալ: Ասել է նաև, որ Գ.Սադոյանը մինչ այդ վահանաձև գեղձի և երիկամների հետ կապված խնդիրների կապակցությամբ, զինկոմիսարիատի կողմից ուղարկվել է հետազոտության: Ինքը վերցրել է զինակոչիկին տրված առողջական վիճակի հետազոտման ակտերը, դրանք ցույց տվել Տ.Նազարյանին, որն ուսումնասիրելով ախտորոշումներն, ասել է, որ նույն ակտերով ԿԲՀ-ի կողմից տարկետում տրամադրելու համար անհրաժեշտ է 3.000 ԱՄՆ դոլար գումար: Ինքն այդ մասին հայտնել է Ա.Իսրայելյանին և նրանից ստացել 4.000 ԱՄՆ դոլար, որից 3.500 ԱՄՆ դոլարը տվել է Տ.Նազարյանին, 350 ԱՄՆ դոլարը` Ա.Իսրայելյանին: Արդյունքում Գ.Սադոյանին տրամադրվել է տարկետում` 3 տարի ժամկետով:
2010թ. գարնանն իրեն է զանգահարել Հովհաննես Սերոբի Չեմինյանի հայրը և ասել, որ որդուն ցանկանում է ազատել բանակից, միաժամանակ հայտնելով, որ որդին ստամոքսի հետ կապված առողջական խնդիրներ ունի: Ինքն այդ մասին հայտնել է Տ.Նազարյանին, որն էլ խորհուրդ է տվել, որ առողջական գանգատները ներկայացնի զինկոմիսարիատի բժշկական հանձնաժողովին, որպեսզի զինակոչիկին հետազոտման ուղեգիր տրամադրվի: Հ.Չեմինյանը զինկոմիսարիատում ներկայացրել է իր առողջական գանգատները, որոնց հիմքով ուղեգրվել է ՙՍուրբ Գրիգոր լուսավորիչ՚ բժշկական կենտրոն: Երբ ինքն այդ մասին հայտնել է Տ.Նազարյանին, վերջինս պատասխանել է, որպեսզի այդ հարցով դիմեն ՙՍուրբ Գրիգորլ Լուսավորիչ՚ ԲԿ-ի բժիշկ Նանինջանյանին և ասեն, որ Տ.Նազարյանն է ուղարկել: Ինքը, Հ.Չեմինյանի և մոր` Նարինեի, հետ գնացել են նշված բուժհիմնարկ, հանդիպել Նանինջանյանին և ասել, որ Տ.Նազարյանն է ուղարկել: Դրանից հետո, Հ.Չեմինյանն անցել է հետազոտությունները և Տ.Նազարյանին տրված 3.000 ԱՄՆ դոլարի դիմաց, նրան տրամադրվել է տարկետում: Տարկետում ստանալուց հետո Հ.Չեմինյանը կրկին ուղեգրվել է Մուրացանի հոսպիտալ` ախտորոշումը ստուգելու համար: Ինքը հանդիպել է հոսպիտալի սոնոգրաֆիստ Հերմինեին, ով նույն ախտորոշումը հաստատելու համար պահանջել և ստացել է 1.500 ԱՄՆ դոլար: Արդյունքում Հ.Չեմինյանը նույնպես ստացել է տարկետում 3 տարի ժամկետով:
2011թ. մայիսին իրեն է զանգահարել ՀՀ ԶՈՒ ԳՇ պետի տեղակալ, գեներալ - լեյտենանտ Հայկազ Բաղմանյանի վարորդի որդին` Գոռը, որին ճանաչել է Լենա Մարտինովնայի եղբոր որդու` Արմանի, միջոցով և ասել, որ Նոր Նորքի զինվորական կոմիսարիատի զինակոչիկներից մեկին անհրաժեշտ է կազմակերպել 3 տարի ժամկետով տարկետման իրավունք: Ինքը համաձայնվել է և հաջորդ օրը հանդիպել Գոռին, ով իրեն է փոխանցել Ռոլանդ Էդիկի Մելքոնյանի բժշկական փաստաթղթերը, ըստ որոնց` Ռ.Մելքոնյանը նախկինում ունեցել է դիմային ներվի բորբոքում կամ նմանատիպ հիվանդություն: Այդ փաստաթղթերն ինքը ցույց է տվել Տ.Նազարյանին, որն էլ զանգահարել է ՙՍուրբ Գրիգոր Լուսավորիչ՚ բժշկական կենտրոնի բժիշկներից մեկին, հայտնել փաստաթղթում առկա ախտորոշումը և ասել, որ 3.000 ԱՄՆ դոլարով կկազմակերպի տարկետման տրամադրումը: Հաջորդ օրը` 23.05.2011թ., Գոռից ստացել է պահանջված 5.500 ԱՄՆ դոլարը, որից 200 ԱՄՆ դոլարը տվել է ՙԱրմենիա՚ ՀԲԿ-ի սոնոգրաֆիայի բժշկուհի Ռուզաննա Բաբայանին` հետին թվով նյարդաբանի տեղեկանք տալու համար: 100 ԱՄՆ դոլար և 20.000 ՀՀ դրամ տվել է ՀՀ ՊՆ Երևան կայազորի զինվորական հոսպիտալի բժշկուհի Լենա Մարտինովնային, որի դիմաց նա նույն հոսպիտալի բժշկուհի Կարինե Հարությունյանից հետին թվով վերցրած մեկ այլ տեղեկանք է տվել: Նշված փաստաթղթերն ինքը տվել է Ռ.Մելքոնյանին, որն էլ ներկայացնելով զինվորական կոմիսարիատ ուղեգրվել է ՙՍուրբ Գրիգոր Լուսավորիչ՚ բժշկական կենտրոն: Նույն օրը Տ.Նազարյանի աշխատասենյակում, ինքը վերջինիս տվել է պայմանավորված 3.000 ԱՄՆ դոլարը, որի դիմաց Ռ.Մելքոնյանին տրվել է նյարդերի հետ կապված հիվանդության ակտ, որի հիման վրա նա ներկայացվել է ԿԲՀ և արդյունքում ստացել տարկետում` 3 տարի ժամկետով: Տարկետումը ստանալուց հետո Գոռին, որպես միջնորդ, տվել է 500 ԱՄՆ դոլար գումար: 2010թ. նոյեմբերին Արման Իսրայելյանի միջոցով ծանոթացել է Անդրանիկ Սեյրանի Գրիգորյանի հետ և հանդիպել վերջինիս հորը, ով իրեն ասել է, որ որդին տեսողության հետ կապված խնդիներր ունի, սակայն ԿԲՀ-ի որոշմամբ ճանաչել է պիտանի: Նա ցանկություն է հայտնել նաև, որ որդին տարկետում ստանա, քանի որ ընտանիքով պետք է մեկնեն ԱՄՆ` մշտական բնակության: Ինքը խորհուրդ է տվել կրկին ներկայանալ զինվորական կոմիսարիատ և ճնշման, գլխացավի ու ցնցումների մասին գանգատներ հայտնել, ներկայացնել համապատասխան բողոք: Ծնողի բողոքի հիման վրա Ա.Գրիգորյանն ուղեգրվել է ՙԱրմենիա՚ ՀԲԿ, որտեղ ներկայանալուց առաջ ինքը խոսել է Տ.Նազարյանի հետ, ներկայացրել իրավիճակը, որից 1-2 օր անց Տ.Նազարյանն ասել է, որ խոսել է նեվրոպաթոլոգի հետ և համապատասխան ակտ տալու համար անհրաժեշտ է 1.500 ԱՄՆ դոլար: Այդ գումարն ինքը վերցրել է Ա.Գրիգորյանի հորից և տվել Տ.Նազարյանին: Ակտը վերցնելուց հետո հանդիպել է Լենա Մարտինովնային և ասել, որ ԿԲՀ-ի հարցն իրենք լուծեն, քանի որ զինակոչիկն իրենց ծանոթն է: Լ.Մարտինովնան պատասխանել է, որ կկազմակերպի նշվածը, որի համար պահանջել է 1.000 ԱՄՆ դոլար: Ինքը 1.000 ԱՄՆ դոլար վերցրել է Ս.Գրիգորյանից և փոխանցել Լ.Մարտինովնային, սակայն այդ անգամ Ա.Գրիգորյանին տարկետում չի տրամադրվել:
Այդ կապակցությամբ ՀՀ զինվորական կոմիսար Ս.Չալյանին ներկայացված դիմումի հիման վրա, Ա.Գրիգորյանի մասով որոշում է կայացվել կրկին ԿԲՀ-ի նիստին ներկայացնելու վերաբերյալ: Այդ անգամ, Տ.Նազարյանը զինակոչիկին 3 տարի ժամկետով տարկետում տրամադրելու համար պահանջել է 6.000 ԱՄՆ դոլար, որն ինքը վերցրել է Ս.Գրիգորյանից և փոխանցել Տ.Նազարյանին: Արդյունքում Ա.Գրիգորյանին տրամադրվել է տարկետում` 6 ամիս ժամանակով:
2011թ. փետրվարին Ս.Հովհաննիսյանը դիմել է իրեն որդուն` Հ.Հովհաննիսյանին, զինվորական ծառայության հերթական զորակոչից տարկետում տրամադրելու, այնուհետև հետագայում նրա զորացրման հարցը կազմակերպելու համար, ինչի համար ինքը Ս.Հովհաննիսյանից 2011թ. ապրիլ-մայիս ամիսներին ստացել է 2.500 ԱՄՆ դոլար գումար: Իրենք միաժամանակ պայմանավորվել են, որ Հ.Հովհաննիսյանի տարկետման ժամկետի ավարտից հետո, ինքը պետք է կազմակերպի զորակոչիկին ՀՀ ԶՈւ զորակոչվելուց ազատելու հարցը` այդ անգամ արդեն 1250 ԱՄՆ դոլար գումարով:
2011թ-ին Ս.Հովհաննիսյանից ստացված 2.500 ԱՄՆ դոլար գումարից, 2.200 դոլար ինքը տվել է ՙՆորք՚ ինֆեկցիոն կլինիկական հիվանդանոցի 6-րդ բաժանմունքի վարիչ Տիգրան Նազարյանին, վերջինիս խորհրդով, 300 ԱՄՆ դոլար տվել է ՀՀ ՊՆ կենտրոնական պոլիկլինիկայի թերապևտիկ բաժանմունքի բժիշկ-ինֆեկցիոնիստ, բ/ծ կապիտան Լենա Իսրայելյանին, որպեսզի վերջինիս կողմից Հ.Հովհաննիսյանի անվամբ կազմվի այնպիսի բժշկական փաստաթուղթ, որի հիմքով զորակոչիկը հետազոտման ուղեգրվի հատկապես ՙՆորք՚ ինֆեկցիոն հիվանդանոց: Նշված բժշկական փաստաթուղթը ներկայացվել է Շենգավիթի զինվորական կոմիսարիատ, ինչի հիման վրա Հ.Հովհաննիսյանն ուղղեգրվել է ՙՆորք՚ ինֆեկցիոն կլինիկական հիվանդանոց, որտեղից տրված առողջական վիճակի հետազոտման ակտի հիմքով Հ.Հովհաննիսյանը ներկայացվել է ԿԲՀ և նրան տրվել է տարկետում 3 տարի ժամկետով: Տարկետման ժամկետի ավարտից հետո` 2014թ. գարնանը Հ.Հովհաննիսյանին զինվորական ծառայությունից ազատելու համար, ինքը Ս.Հովհաննիսյանից ստացել է 800 ԱՄՆ դոլար գումար, որն ամբողջությամբ փոխանցել է ՙՆորք՚ ինֆեկցիոն հիվանդանոցի 6-րդ բաժանմունքի վարիչ Տ.Նազարյանին, սակայն նշված բուժհիմնարկից տրամադրված առողջական վիճակի հետազոտման ակտի հիմքով Հ.Հովհաննիսյանը ճանաչվել է պիտանի զինվորական ծառայության համար և ընդգրկվել զորակոչի խումբ: Հ.Հովհաննիսյանի զորակոչը հետաձգելու համար, ինքը Ս.Հովհաննիսյանից ստացել է ևս 800 ԱՄՆ դոլար գումար և այդ հարցը կարգավորելու համար, ստացված 800 դոլար գումարը տվել է ՀՀ ՊՆ Վ.Սարգսյանի անվան ռազմական ինստիտուտի սպա, գնդապետ Տիգրան Մանուկյանին, ով իրեն ասել է, որ այդ գործընթացը կազմակերպելու համար 300 դոլար կաշառք պետք է տա ՀՀ զինկոմիսարիատի աշխատակից Արթուր Գալստյանին, իսկ 500 դոլար` ՀՀ պաշտպանության նախարարին առընթեր հասարակական խորհրդի անդամներից մեկին, սակայն ինքն իրականում տեղյակ չէ, թե Տ.Մանուկյանը նրանց գումար տվել է, թե ոչ: Փաստացի Հ.Հովհաննիսյանի զորակոչի հետաձգումը չի ստացվել և նրա նկատմամբ զորակոչից խուսափելու համար հարուցվել է քրեական գործ:
2014թ. դեկտեմբերին Ս.Հովհաննիսյանը կրկին դիմել է իրեն կազմակերպելու նշված գործընթացը, որի դիմաց 2015թ. հունվարի 22-ին իրեն է տվել 1.900 ԱՄՆ դոլար գումար` Հ.Հովհաննիսյանին կենտրոնական հավաքակայանից լրացուցիչ հետազոտության ուղարկելու համար: Ստացված 1.900 ԱՄՆ դոլար գումարին, ինքն ավելացրել է ևս 600 ԱՄՆ դոլար գումար և ընդհանուր 2.500 ԱՄՆ դոլար գումար տվել է ՀՀ ՊՆ 26040 զորամասի սպա, փոխգնդապետ Հայկ Խաչատրյանին` վերջինիս կողմից նշված գործընթացը կազմակերպելու համար, սակայն այդ գործընթացը չի կազմակերպվել և Հ.Հովհաննիսյանը 2015թ. հունվարի 23-ին զորակոչվել և ծառայության է նշանակվել ԼՂՀ ՊԲ 47455 զորամասում: Ս.Սարգսյանը նշել է նաև, որ Ս.Հովհաննիսյանից ստացված 1.900 ԱՄՆ դոլար գումարին, իր կողմից ավելացվել է 1.100 ԱՄՆ դոլար և ինքը Հ.Խաչատրյանին է տվել 3.000 ԱՄՆ դոլար: Ս.Հովհաննիսյանից նշված ժամանակահատվածում ինքն ընդհանուր առմամբ ստացել է 6.000 ԱՄՆ դոլար գումար, որից 2.500 ԱՄՆ դոլար գումարը վերադարձրել է, իսկ գումարի մյուս մասը չի վերադարձրել, քանի որ այդ գումարի դիմաց 2011թ-ին կազմակերպել է Հ.Հովհաննիսյանին հերթական զորակոչից տարկետում տրամադրելու գործընթացը: Նշել է նաև, որ Սամվել և Անահիտ Հովհաննիսյանները 2016թ. մարտի 10-ին այցելել են իր տուն, որտեղ անհանգստացրել են իրեն և պահանջել վերադարձնել գումարի մնացած մասը, որի պատճառով ահազանգել է ՀՀ ոստիկանության Երևան քաղաքի Էրեբունու բաժին: Նշել է, որ ինքը սուտ մատնություն չի կատարել, տվել է իրականությանը համապատասխանող հաղորդում, իրականում Տ.Մանուկյանին և Հ.Խաչատրյանին տվել է համապատասխանաբար 800 և 1.900 ԱՄՆ դոլար գումար:

Առաջադրված մեղադրանքում ամբաստանյալ Սամվել Հովհաննիսյանն իրեն մեղավոր է ճանաչել և դատաքննության փուլում ցուցմունք է տվել, որ 2011թ-ից սկսած ինքը Ս.Սարգսյանին գումար է տվել որդու` Հ.Հովհաննիսյանի, զինվորական ծառայությունից տարկետման, ապա զինվորական ծառայությունից ազատման գործընթացը կազմակերպելու համար: 2011թ. ձեռք բերված պայմանավորվածության համաձայն, ինքը Ս.Սարգսյանին տվել է 2.500 ԱՄՆ դոլար գումար` որդուն զինվորական ծառայության հերթական զորակոչից տարկետում տրամադրելու գործընթացը կազմակերպելու համար: Միաժամանակ նրա հետ պայմանավորվածություն է ձեռք բերել որդու տարկետման ժամկետի ավարտից հետո, նրան զինվորական ծառայությունից ազատելու գործընթացը կազմակերպելու շուրջ, այդ անգամ արդեն` 1.250 ԱՄՆ դոլար գումարով: 2011թ-ին իր տված գումարի դիմաց, Ս.Սարգսյանը կազմակերպել է որդու` Հ.Հովհաննիսյանին տարկետում հատկացնելու գործընթացը: Որդու տարկետման ժամկետը լրանալուց հետո, ինքը պայմանավորված գումարը Ս.Սարգսյանին է տվել երեք փուլերով, որոնցից մեկ անգամը` 800 ԱՄՆ դոլար գումար փոխանցել է կնոջ` Անահիտ Հովհաննիսյանի միջոցով, իսկ մյուս երկու դեպքերում տվել է անձամբ:
2014-2015թթ ընթացքում իր տված գումարների դիմաց Ս.Սարգսյանը չի կազմակերպել խոստացված գործընթացը, խաբել և ստացված գումարը պահել է իրեն: 2011-2015թթ ընթացքում ինքը Ս.Սարգսյանին տվել է ընդհանուր` 6.000 ԱՄՆ դոլար գումար, որից նա հետ է վերադարձրել 2.500 ԱՄՆ դոլարը: Ամբաստանյալը միաժամանակ նշել է, որ իր որդի Հովհաննես Հովհաննիսյանը դրանից հետո, 2014 թվականին զորակոչվել է բանակ և ծառայել է ՀՀ զինված ուժերում:

Վկա Աբրահամ Օնիկի Մելեքյանը դատաքննության փուլում ըստ էության պնդել է նախաքննության փուլում տված ցուցմունքը, որ Հովհաննես Մելեքյանն իր որդին է: Վերջինս ներկայացել է կենտրոնի զինկոմիսարիատ և ունեցած առողջական խնդիրների պատճառով ուղեգրվել հետազոտման: 2011թ ամռանը իրենց տանը որդու հրավերով գտնվել է Ս.Սարգսյանը, ով գումարի դիմաց պարտավորվել է օգնել որդուն` Հ.Մելեքյանին զինվորական ծառայության զորակոչից տարկետում ստանալու հարցում: Ինքն ու կինը դեմ են եղել որդու նախաձեռնությանը, նշելով, որ այդ կինն իրենց դուր չի եկել և որդուն ասել են, որ այլևս նրան չբերի իրենց տուն: Այդ կապակցությամբ իր և որդու միջև տհաճ խոսակցություն է ծավալվել, ինքը չի ցանկացել այդ կնոջը գումար տալ, սակայն որդին պնդել է իրենը և իրեն գրեթե ստիպել, որպեսզի ինքն իր պահած տեղից բերի և այդ կնոջը տա 1000 ԱՄՆ դոլար գումար: Քանի, որ գումարը եղել է որդունը, ինքը որդու վրա բարկացած, չցանկանալով, սակայն այնուամենայնիվ բերել է պահանջված չափի գումար, տվել որդուն, ասելով ՙԻնչ ուզում ես արա՚: Որոշ ժամանակ անց, որդուն տրամադրվել է տարկետում 3 տարի ժամկետով:

Վկա Զոհրակ Բախտիբեկի Մուշեղյանը նախաքննության փուլում ցուցմունք է տվել, որ որդին` Արթուր Մուշեղյանը, 3 անգամ հետազոտվել է ՙՆորք՚ ինֆեկցիոն հիվանդանոցում և ստացել տարկետում: 2011թ. հոկտեմբերին ինքը մեկնել է Աբխազիա, որի ընթացքում որդին զանգահարել է իրեն և ասել, որ մի անծանոթ կին առանց ստացիոնար հետազոտության կարող է իրեն էպիկրիզ տալ: Ինքն այդ պահին որդու հեռախոսով խոսել է Ս.Սարգսյանի հետ և պայամանավորվածություն ձեռք բերել գործն ավարտելուց հետո լավության տակից դուրս գալու շուրջ: Հետագայում իմացել է, որ որդուն կանչել և տեղեկացրել են այն մասին, որ Ս.Սարգսյանի տված ակտը եղել է կեղծված:

Թիվ 90151715 գործ, հատոր 4, գ.թ. 29-32

Վկա` Նորիկ Գրիգորի Թադևոսյանը դատաքննության փուլում ցուցմունք է տվել, որ 2011 թվականից 2013 թվականի դեկտեմբերի 27-ը ծառայել է ՀՀ զինված ուժերում: Իսկ մինչև դա վարիկոցելե հիվանդության պատճառով տարեկետում է ստացել: Սաթենիկ Սարգսյանին գումար է տվել պետական վճարումներ կատարելու համար: Վկան միաժամանակ նշել է, որ պնդում է իր նախաքննության փուլի ցուցմունքները, որ 2010 թ. նոյեմբեր ամսին բանակ զորակոչվելու համար անցել է բուժզննում, որի ժամանակ պարզվել է, որ ունի ձախակողմյան վարիկոցելե հիվանդություն, որի համար իրեն տրվել է ուղեգիր: ՙԷրեբունի՚ ԲԿ-ում հետազոտվելուց հետո առաջարկվել է վիրահատություն: 2011թ. նոյեմբեր ամսին վիրահատվել է ՙԱրաբկիր՚ ՀԲԿ-ում, որի ընթացքում ծանոթացել է Սեդրակի հետ, ում հետ խոսակցության ընթացքում նրան ասել է, որ չի կարողանում բանակից ազատվելու հարցերը լուծել: Սեդրակն ասել է, որ ունի ծանոթ, ով կարող է այդ հարցը լուծել: Սեթոն զանգահարել է Սաթիկ անունով մի կնոջ, պայմանավորվել հանդիպել: Հանդիպման ժամանակ ինքը Սաթիկին ասել է, որ ցանկանում է ազատվել զինվորական ծառայությունից, ով առաջարկել է այդ հարցը կազմակերպել 2.500 ԱՄՆ դոլարի դիմաց: Ինքը համաձայնվել է, և ցույց է տվել ՙԱրմենիա՚ ՀԲԿ-ից տրված առողջական վիճակի ակտը, որը Ս.Սարգսյանը վերցրել և առաջարկել, որ Արաբկիրի զինվորական կոմիսարիատում հայտնի, թե իբր կորցրել է այն և վերցնի նոր ուղեգիր` բուժզննում անցնելու համար: Ինքը նշված եղանակով վերցրել է նոր ուղեգիրը և նույն օրը` 2011թ. նոյեմբերի 14-ին, հանդիպել է նրա հետ, տվել ակտն ու 356.000 ՀՀ դրամը, որը պետք է տար ՙԱրմենիա՚ ԲԿ բժշկին: Դրանից մեկ շաբաթ անց Սաթիկը զանգահարել է իրեն, պայմանավորվել են հանդիպել, Սաթիկն իրեն է տվել 14.11.2011թ.-15.11.2011թ. հետազոտման ակտը և ասել, որ այն ներկայացնի Արաբկիրի զինվորական կոմիսարիատ, ասելով, որ ամեն ինչ նորմալ կլինի: Դրանից մոտ 2 շաբաթ անց Ս.Սարգսյանին տվել է գումարի մնացած մասը` 600.000 ՀՀ հազար դրամը, որը նախատեսված է եղել ԿԲՀ-ի հանձնաժողովի անդամների համար:

Վկա Դավիթ Վարդանի Հակոբյանը նախաքննության փուլում ցուցմունք է տվել, որ 2011թ. աշնանը հիվանդանոցներից մեկում ծանոթացել է Ս.Սարգսյանի հետ, ով իմանալով, որ չի ցանկանում ուսումն ավարտելուց հետո զորակոչվել ՀՀ ԶՈՒ, ասել է, որ կարող է օգնել: Իմանալով, որ լյարդի և միզապարկի հետ կապված խնդիրներ ունի, Ս.Սարգսյանը խոստացել է 4.000 ԱՄՆ դոլարի դիմաց օգնել իրեն նշված հարցում: Վերջինս պահանջել է զինվորական կոմիսարիատից տրված ակտը փոխանցել և չգնալ հետազոտման, իսկ գործընթացը կազմակերպելու դիմաց Ս.Սարգսյանին 2 փուլով տվել է 4.000 ԱՄՆ դոլար: 2011թ. նոյեմբերի 11-ին, երբ Արթիկի զինվորական կոմիսարիատից ուղեգրվել է ՙԱրմենիա՚ ՀԲԿ` հետազոտման, ակտի դատարկ բլանկը փոխանցել է Ս.Սարգսյանին: Օրեր անց Ս.Սարգսյանին կրկին տվել է ՙԱրմենիա՚ ՀԲԿ-ի հետազոտման ուղեգրի մեկ այլ ակտ ևս: Շուրջ 10 օր անց Ս.Սարգսյանից վերցրել իր տված ակտերը` լրացված վիճակում, որոնք ներկայացրել է զինվորական կոմիսարիատ: Դրանից մոտ 10 օր անց` 2011թ. դեկտեմբերի 14-ին, ԿԲՀ-ի որոշմամբ ուղարկվել է ՙՍուրբ Գրիգոր Լուսավորիչ՚ ԲԿ` հետազոտման, որտեղ իր մոտ ախտորոշվել է ՙՃարպային հեպատոզ, լյարդի ֆունկցիայի չափավոր խանգարումով՚ ախտորոշումը: Արդյունքում ստացել է տարկետում` 6 ամիս ժամկետով: 2012թ. գարնանը հետազոտվել է ՙԱրմենիա՚ ՀԲԿ-ում և կրկին ստացել տարկետում` 3 տարի ժամանակով:

Թիվ 90151715 գործ, հատոր 14, գ.թ. 100-102

Վկա Իշխան Վահանի Պողոսյանը դատաքննության փուլում պնդել է նախաքննության փուլում տված ցուցմուն, որ ցուցմունքով այն մասին, որ իր ՀՀ ԶՈՒ զորակոչման գործընթացում կին է միջամտել, որի արդյունքում ինքը թեև ոչ ՙԱրմենիա՚, ոչ էլ ՙԷրեբունի՚ ԲԿ-ներում հետազոտություն չի անցել, սակայն զինկոմիսարիատ ներկայացված ակտերի համաձայն` հետազոտվել է, որի արդյունքում ստացել է տարկետում:

Վկա Դավիթ Գեորգիի Չոբանյանը դատաքննության փուլում ցուցմունք է տվել, որ 2011թ. ամռան վերջին կամ աշնան սկզբներին իր ծանոթ Ռուդիկի միջոցով ծանոթացել է Ս.Սարգսյանի հետ: Ս.Սարգսյանն իրեն տարկետում տրամադրելու հարցում օգնելու համար պահանջել է 2.800 ԱՄՆ դոլար: Դրանից մի քանի օր անց Ս.Սարգսյանին տվել է 2.800 ԱՄՆ դոլարը և զինվորական կոմիսարիատից տրված ակտերը: Ինքը Ս.Սարգսյանի պահանջով հիվանդանոցներ չի գնացել և մի քանի օր անց նրա տված թվով 3 հատ ակտերը ներկայացրել է զինվորական կոմիսարիատ և ստացել տարկետում` 3 տարի ժամանակով:

Վկա Ռոման Թելմանի Խուդոյանը նախաքննության փուլում ցուցմունք է տվել, որ 2011թ. աշնանային զորակոչի ընթացքում Շահումյանի զինվորական կոմիսարիատից ենթակա է եղել ՀՀ ԶՈՒ զորակոչման: Հետազոտությունների ժամանակ գանգատներ է հայտնել գլխացավերից, որի պատճառով ուղեգրվել է ՙԱրմենիա՚ ՀԲԿ-ի նյարդաբանական բաժանմունք` հետազոտման: Քանի որ ծնողները չեն ցանկացել, որպեսզի ինքը ՀՀ ԶՈՒ-ում ծառայի, ուստի դիմել է Ս.Սարգսյանին, ով խոստացել է օգնել: 17.10.2011թ. Ս.Սարգսյանի հետ գնացել է ՙԱրմենիա՚ ՀԲԿ, վերցրել հետազոտման ակտը, տվել այն նրան` փոփոխություններ կատարելու համար: Հետագայում վերցրել է ակտը, նկատել, որ այն կեղծված է, որը ներկայացրել է զինկոմիսարիատ` ծառայությունից ազատվելու նպատակով:

Թիվ 90151715 գործ, հատոր 2, գ.թ. 30-31, 113-115

Վկա` Պատվական Մերուժի Մարգարյանը նախաքննության փուլում ցուցմունք է տվել, որ Արսեն Մերուժի Մարգարյանն իր եղբայրն է: Ա.Մարգարյանն ունեցել է առողջական խնդիրներ, որի ժամանակ ընթացել է նրա ՀՀ ԶՈՒ զորակոչման գործընթացը: Այդ ընթացքում իր ծանոթ Արման Իսրայելյանի հետ նշվածի շուրջ խոսակցության ժամանակ վերջինս ասել է, որ ճանաչում է կնոջը, ով զբաղվել է այդ հարցով: Այնուհետև հանդիպել է այդ կնոջը` Ս.Սարգսյանին, ով պահանջել է թողնել Ա.Մարգարյանի հետազոտության արդյունքը: Քիչ անց Ա.Իսրայելյանն իրեն ասել է, որ Ս.Սարգսյանը կարող է օգնել այդ հարցում: Դրանից հետո ինքը մեկնել է ՌԴ և այնուհետև տեղեկացել, որ Ա.Մարգարյանը 2011թ. դեկտեմբերին զորակոչվել և ծառայության է նշանակվել Գորիս քաղաքում տեղակայված զորամասում:

Թիվ 90151715 գործ, հատոր 13, գ.թ. 176-182

Վկա Արման Լևոնի Իսրայելյանը դատաքննության փուլում ցուցմունք է տվել, Սաթենիկ Սարգսյանին ճանաչում է, քանի որ նրան իր անձնական տաքսիով տեղափոխել է տարբեր վայրեր: Վկան նշել է, որ երկար ժամանակ է անցել և չի հիշում դեպքի մանրամասները: Նախաքննության փուլում վկան ցուցմունք է տվել, որ Սաթենիկ Սարգսյանի հետ ծանոթացել է հորաքրոջ` Լենա Իսրայելյանի աշխատասենյակում` Երևանի Կանազի հոսպիտալում: Այդ ժամանակ իր անձնական ՙՎԱԶ 2107՚ մակնիշի ավտոմեքենան վարել է որպես տաքսի և Ս.Սարգսյանին տարել է տարբեր վայրեր, մոտ 7 ամիս ավտոմեքենան վարել է Ս.Սարգսյանի համար: Իր տեղեկություններով Ս.Սարգսյանն աշխատել է գլխավոր շտաբում և զբաղվում էր զինվորների, զորակոչիկների հարցերով: Ինքը Սաթենիկ Սարգսյանին տարել է տարբեր զինվորական կոմիսարիատներ, քաղաքներ, հիմնականում` ք.Գյումրի, որտեղ նա հանդիպել է երկու կնոջ հետ, որոնցից մեկի անունը Տանյա է: Հանդիպումների ժամանակ Ս.Սարգսյանն ինչ-որ փաստաթղթեր է փոխանցել և վերցրել: Տեղյակ է նաև, որ նա գումարի դիմաց զորակոչիկներին օգնել է տարկետումներ ստանալու հարցում:
Ինքը Ս.Սարգսյանին դիմել է ընկերոջ համակուրսեցու` Վարդան Այվազյանի հարցով: Վ.Այվազյանն ուներ առողջական խնդիրներ, ինչի կապակցությամբ ցանկացել է ճշտել, թե այդ ախտորոշմամբ կարող է ազատվել ծառայությունից, թե ոչ Ս.Սարգսյանը Վարդանից հանդիպման ժամանակ վերցրել է նրա ակտի պատճենը: Տեղյակ է, որ Վարդանի ծնողը հանդիպել էր Ս.Սարգսյանի հետ և նրան 3000 ԱՄՆ դոլար գումար տվել` Վարդանին ազատելու համար: Ինքն այդ մասին տեղեկացել է Վարդանից, անձամբ չի տեսել, թե ով և որքան գումար է տվել Ս.Սարգսյանին:
Ս.Սարգսյանին դիմել է նաև ընկերոջ` Պ.Մարգարյանի եղբոր` Արսենի համար: Ս.Սարգսյանը վերցրել էր Արսենի բժշկական փաստաթղթերը և Պատվականից գումար ուզել, սակայն Արսենը զորակոչվել է բանակ:
Ինքը Ս.Սարգսյանին դիմել է նաև Արթուր Վարդանի Պետրոսյանի հարցով, ով ծառայում էր ԼՂՀ-ում: Արթուրն ընկերներից իմացել էր Վարդան Այվազյանի տարկետման մասին և զանգահարելով իրեն ցանկություն էր հայտնել խոսել Ս.Սարգսյանի հետ: Ինքը ծանոթացրել է Ս.Սարգսյանին և Ա.Պետրոսյանին, որից որոշ ժամանակ անց Արթուրը տեղափոխվել է Երևանի Մուրացանի հոսպիտալ, որտեղից էլ զորացրվել է: Որքանով հիշում է, Ա.Պետրոսյանը բանակից ազատվելու համար Ս.Սարգսյանին տվել է 4.000 ԱՄՆ դոլար գումար:
Բացի այդ, Ս.Սարգսյանին դիմել է նաև իր ընկեր` Արսեն Խաչատուրի Ղարագյոզյանի հարցով, մասնավորապես` Ս.Սարգսյանը Ա.Ղարագյոզյանից վերցրել է 3.000 ԱՄՆ դոլար, որի արդյունքում վերջինս ստացել է տարկետում` 1 տարի ժամանակով, սակայն 1 տարի անց Արսենը զորակոչվել է բանակ:
Դիմել է նաև իր հարևան Անդրանիկ Գրիգորյանի համար, որի ծնողներից Ս.Սարգսյանը ստացել է 3.000 ԱՄՆ դոլար, ում նույնպես տարկետում է տրամադրվել: Դիմել է նաև Գևորգ Նորիկի Սադոյանի հարցով, որից նույնպես Ս.Սարգսյանը գումար է վերցրել և Գ.Սադոյանն ստացել է տարկետում: Սակայն թե Գևորգը որքան գումար է տվել և որքան ժամանակով է տարկետում ստացել, ինքը տեղյակ չէ:

Վկա` Պետրոս Անդրանիկի Ֆարմանյանը դատաքննության փուլում պնդել է նախաքննության փուլի ցուցմունքները, որ որդիների` Անդանիկ և Թորգոմ Ֆարմանյանների, մոտ 2010թ. աշնանը զինվորական կոմիսարիատում բժշկական հետազոտման ընթացքում հայտնաբերվել են առողջական խնդիրներ և երկուսին էլ տրվել է տարկետում` 6 ամիս ժամանակով: 2011թ. գարնանը նորից հետազոտվել են, որի արդյունքում Ա.Ֆարմանյանին տրվել է 3 տարվա տարկետում, իսկ Թ.Ֆարմանյանը զորակոչվել է ԼՂՀ ՊԲ 34153 զորամաս: Որդիներին տարկետում տրամադրելու համար դիմել է Ս.Սարգսյանին, ով պարտավորվել է ՙՕրինական բժշկական փաստաթղթերով՚ ազատել ծառայությունից` 5.000 ԱՄՆ դոլարի դիմաց: Նշված գումարը տվել է Ս.Սարգսյանին, որի արդյունքում վերը նշված ժամանակահատվածներում տրամադրվել են տարկետումներ:
Երբ Թ.Ֆարմանյանը զորակոչվել է ՀՀ ԶՈՒ, Ս.Սարգսյանն առաջարկել է կազմակերպել զորացրման գործընթացը` 1.300 ԱՄՆ դոլարի դիմաց: Ինքը համաձայնվել է, տվել գումարը, Թ.Ֆարմանյանը տեղափոխվել է ՀՀ ՊՆ ԿԿԶՀ, որտեղ մեկ ամիս ստացիոնար բուժում ստանալուց հետո տեղափոխվել է զորամաս: Պահանջել է վերադարձնել գումարը, սակայն մինչ օրս այն չի ստացել, թեև այդ մասին Ս.Սարգսյանը գրավոր պարտավորագիր է իրեն տվել:

Վկա` Անդրանիկ Պետրոսի Ֆարմանյանը նախաքննության փուլում ցուցմունք է տվել, որ 2010թ. սեպտեմբերին ինքը և եղբայրը` Թ.Ֆարմանյանը, հետազոտություն են անցել զինվորական կոմիսարիատում, որի ժամանակ ծանոթացել են Ս.Սարգսյանի հետ, ով 5.000 ԱՄՆ դոլարի դիմաց խոստացել է կազմակերպել իրենց զինվորական ծառայությունից ազատման գործընթացը: Դրանից հետո ինքը և եղբայրը ներկայացվել են հետազոտման, որի մասին իրազեկել Ս.Սարգսյանին: 2010թ. մայիս ամսին ինքն ուղեգրվել է 2-րդ հիվանդանոց, որի մասին հայտնել է Ս.Սարգսյանին: Վերջինս ասել է, որ ինչ-որ պետք է կանի, որից հետո ինքը նյարդաբանական բաժանմունքում անցել է հետազոտություն, ստացել ակտը, որի հիման վրա իրեն տրամադրվել է տարկետում` 3 տարի ժամանակով: Թեև եղբայրը նույն ժամանակահատվածում անցել է մի քանի հետազոտություններ, սակայն նրա մոտ որևէ հիվանդություն չի հայտնաբերվել և նա զորակոչվել ու ծառայության է նշանակվել ԼՂՀ ՊԲ 31153 զորամասում: 2011թ եղբայրն ուղեգրվել է հոսպիտալ, որտեղ երկու ամիս բուժում ստանալուց հետո տեղափոխվել է զորամաս:

Թիվ 90151715 գործ, հատոր 10, գ.թ. 107-111

Դատափաստաթղթաբանական թիվ 13-0998 եզրակացության համաձայն` փորձաքննությանը ներկայացված Հովհաննես Աբրահամի Մելեքյանի անվամբ լրացված ՙԱԿՏ՚ գրառումով փաստաթղթում առկա սև ներկանյութով ձեռագիր կատարված թվային և տեքստային գրառումները և կապտամանուշակագույն ներկանյութով ձեռագիր կատարված թվային գրառումները կատարված են սև և կապտամանուշակագույն ներկանյութ պարունակող գրելագործիքներով: Նույն ակտի դիմերեսի վերին ձախակողմյան հատվածում առկա մասնակի ընթեռնելի կնիքի դրոշմը, միջնահատվածից ներքև առկա կապտամանուշակագույն ներկանյութով կատարված մասնակի ընթեռնելի կլոր կնիքի դրոշմը, դարձերեսին առկա կապտամանուշակագույն ներկանյութով կատարված կլոր կնիքի դրոշմը և դեպի աջ առկա ստորագրությունը կատարված են համակարգչային գունավոր շիթային տպիչով:
Ակտի դիմերեսի միջնահատվածից ներքև առկա կապտամանուշակագույն ներկանյութով կատարված մասնակի ընթեռնելի կլոր կնիքի դրոշմի աջակողմյա հատվածում առկա թվով երեք ստորագրությունները կատարված են կապտամանուշակագույն ներկանյութ պարունակող գրելագործիքով կամ գրելագործիքներով: Ակտի դիմերեսի միջնամասից ներքև առկա կապտամանուշակագույն ներկանյութով կատարված մասնակի ընթեռնելի կլոր կնիքի դրոշմի աջակողմյան հատվածի թվով երեք ստորագրությունների շտրիխների հատվածներում առկա են համակարգչային գունավոր շիթային տպիչով կատարված ստորագրության շտրիխներ, որոնք կրկնագծվել են կապտամանուշակագույն ներկանյութ պարունակող գրելագործիքով:

Թիվ 90151715 գործ, հատոր 14, գ.թ. 49-51

Թիվ 26 հ/ձ եզրակացության համաձայն` Արթուր Զոհրակի Մուշեղյանը մանկուց տառապում է ՙԹիակների ասիմետրիա, ողնաշարի գոտկային շրջանի սկոլիոզ աստիճանի, շեղման անկյունը` 15 աստիճան, ֆունկցիայի աննշան խանգառումով: Աջ դաստակի 5-րդ մետակարպալ ոսկրի սերտաճած կոտրվածք առանց ֆունկցիայի խանգարման (3 տարի վաղեմություն): Պարզ հիպերմետրոպիկ աստիգմատիզմ 2,0 D(OD-0,3 OS-0,4): Մեջքի. պորտի շրջանի պիգմենտագոտնուկային խալեր, ստիաներ, միջին արտահայտվածության (6-7 տարի վաղեմություն): Խրոնիկական պանկրեատիտ ֆունկցիայի չափավոր խանգարումով, ստորին և վերին վերջույթների անգիոտրոֆոնևրոզ ֆունկցիայի չափավոր խանգարումով՚ հիվանդություններով:

Թիվ 90151715 գործ, հատոր 4, գ.թ. 158-161

Թիվ 02781201 եզրակացության համաձայն` փորձաքննությանը տրամադրված Ա.Մուշեղյանի անվամբ լրացված առողջական վիճակի հետազոտման ակտի հակառակ կողմից ստորին աջ անկյունի կլոր կնիքի դրոշմը և թվով երեք ստորագրությունները կատարվել են համակարգչին կից գունավոր շիթային տպիչ սարքով:

Թիվ 90151715 գործ, հատոր 4, գ.թ. 83-84

Թիվ 12-4325/9 եզրակացության համաձայն` Ա.Մուշեղյանի անվամբ ՙՄաշտոցի՚ զինվորական կոմիսարիատում լրացված 172-րդ գործի 34-րդ թերթը հանդիսացող` ՙԱռողջական վիճակի հետազոտման ակտ՚-ում արձանագրված բժշկական հետազոտման արդյունքները համապատասխանում են արձանագրված ախտորոշմանը, դրանցում հակասություններ չկան, օգտագործված տերմինաբանությունը կիրառելի է բժշկական պրակտիկայում:

Թիվ 90151715 գործ, հատոր 12, գ.թ. 164-170

Թիվ 12-0368 եզրակացության համաձայն` Նորիկ Գրիգորի Թադևոսյանի ՙԱռողջական վիճակի հետազոտման՚ գրառումներով փաստաթղթի դիմերեսի վերին ձախ անկյունային հատվածում առկա կապտամանուշակագույն ներկանյութով կատարված ուղղանկյուն շտամպի դրոշմը, դարձերեսին առկա կապտամանուշակագույն ներկանյութով կատարված անընթեռնելի կլոր կնիքի դրոշմը, ՙ1. Գլխավոր բժիշկ (Պետ)՚, ՙ2. Բժշկական հետազոտությունը անցկացրած բժիշկ՚, ՙ3. Բժիշկ՚ և ՙ4. Բժիշկ՚ գրառումներից հետո գծատողերի հատվածներում առկա համապատասխանաբար սև, կապտագույն և մանուշակագույն ներկանյութերով կատարված ստորագրությունները կատարված են համակարգչային գունավոր շիթային տպիչով:
Ն.Թադևոսյանի անվամբ լրացված ՙԱռողջական վիճակի հետազոտման՚ գրառումներով փաստաթղթի դարձերեսին առկա լուսանկարի և փաստաթղթի հատվածում առկա կապտագույն ներկանյութով կատարված կլոր կնիքի դրոշմը կատարված է կնիքով և կրկնակնիքված է:

Թիվ 90151715 գործ, հատոր 3, գ.թ. 174-193

Թիվ 12-4325/7 եզրակացության համաձայն` այն ձեռագիր գրառումները, որոնցից պատճենահանվել են Հարություն Բապկենի Գրիգորյանի անձնական գործի 42-րդ թերթում առկա ՙԷլեկտրասրտագրություն (հոլտերի դիտարկում)՚ գրառումներով փաստաթղթի վրա տեղավորված ձեռագիր գրառումները, կատարվել են Տատյանա Չուրկինայի կողմից:
Փորձաքննությանը ներկայացված Հ.Գրիգորյանի անձնական գործի 42-րդ թերթում առկա ՙՙԱրմենիա՚ ՀԲԿ բժշկական ախտորոշիչ կենտրոն, Էլեկտրոսրտագրություն (հոլտերի դիտարկում)՚ գրառումներով փաստաթուղթը և 43-րդ, 44-րդ և 45-րդ թերթերում առկա ՙHolter ECG Analysis Report՚ գրառումներով փաստաթղթերը կատարված են համակարգչային գունավոր շիթային տպիչով:
Հ.Գրիգորյանի անվամբ Մարտունու զինվորական կոմիսարիատում լրացված թիվ 100-րդ գործի 36-րդ թերթը հանդիսացող ՙԱռողջական վիճակի հետազոտման ակտ՚-ի տվյալները և ախտորոշումը հիմնականում համապատասխանում են միմյանց, օգտագործված բժշկական տերմինաբանությանը կիրառելի է բժշկական պրակտիկայում, բացառությամբ ՙհիմնային՚ բիլիռուբին գրառմանը, որում ՙհիմնային՚ բառի փոխարեն պետք է նշվեր ՙընդհանուր՚ բառը:

Թիվ 90151715 գործ, հատոր 11, գ.թ. 172-178

Թիվ 12-1425 եզրակացության համաձայն` Հարություն Բապկենի Գրիգորյանի անվամբ լրացված 21.10. մինչև 25.10.2011թ. ժամանակահատվածին վերաբերվող առողջական վիճակի հետազոտման ակտի դարձերեսի ստորին մասում` ՙ4. ԲԺԻՇԿ՚ և ՙդոց. ԴՐԱՄՓՅԱՆ.Մ.Ֆ՚ բառերի միջև տեղավորված ստորագրությունները պետանի չեն համեմատական հետազոտության համար` վերջիններիս համակարգչային գունավոր շիթային տպիչով կատարված և կնիքի դրոշմերը շտրիխներին խառնված լինելու պատճառով: Նշված փաստաթղթի դիմերեսի վերին ձախ անկյունային հատվածում առկա կապտամանուշակագույն ներկանյութով կատարված դրոշմը, դարձերեսին առկա կապտամանուշակագույն ներկանյութով կատարված անընթեռնելի կլոր կնիքի դրոշմը, սև և կապտամանուշակագույն ներկանյութով կատարված ստորագրությունները, առկա կլոր կնիքի դրոշմը, սև և կապտամանուշակագույն ներկանյութով կատարված երկուական ստորագրությունները կատարված են համակարգչային գունավոր շիթային տպիչով:

Թիվ 90151715 գործ, հատոր 6, գ.թ. 27-31

Թիվ 13-0270 եզրակացության համաձայն` ըստ կատարված հետազոտությունների արդյունքների` 24 ժամյա ԷՍԳ հոլտեր հետազոտման ընթացքում Հ.Գրիգորյանի մոտ հայտնաբերվել են սրտի վերփորոքային ռիթմավարի միգրացիայի էպիզոդներ (առանց սրտի ռիթմի խանգարումների), իսկ ստամոքս - աղիքային տրակտի հիվանդությունները, այդ թվում` ՙԽրոնիկական հոպատիտ և խրոնիկական խոլեցիստիտ՚, ներկայիս հետազոտությունների արդյունքում չեն հայտնաբերվել:

Թիվ 90151715 գործ, հատոր 14, գ.թ. 115-121

Թիվ 12-4325/2 եզրակացության համաձայն` փորձաքննությանը ներկայացված Դավիթ Վարդանի Հակոբյանի անձնական գործի 27-րդ թերթում առկա նրա անվամբ լրացված ՙԱկտ առողջական վիճակի հետազոտման՚ գրառումներով ակտում սև ներկանյութով տպագիր կատարված, լրացված գրառումները, դիմերեսի վերին ձախակողմյան հատվածում առկա կապտամանուշակագույն ներկանյութով կատարված շտամպի դրոշմը, դարձերեսին, լուսանկարի և ձևաթղթի հատվածում առկա կապտամանուշակագույն ներկանյութով կատարված կլոր կնիքի դրոշմի ձևաթղթի վրա առկա հատվածը և կապտագույն ներկանյութով կատարված կլոր կնիքի դրոշմը, սև ներկանյութով կատարված ստորագրությունը և կապտամանուշակագույն ներկանյութերով կատարված ստորագրությունը և կապտամանուշակագույն ներկանյութերով կատարված ստորագրությունները կատարված են համակարգչային գունավոր շիթային տպիչով:
Դ.Հակոբյանի անձնական գործի 27-րդ թերթում առկա ՙԱկտ առողջական վիճակի հետազոտման՚ գրառումներով փաստաթղթի դիմերեսին առկա կապտամանուշակագույն և սև ներկանյութերով ձեռագիր կատարված գրառումները կատարել են գրելագործիքով:
Փորձաքննությանը ներկայացված Դ.Հակոբյանի անձնական գործի 30-րդ թերթում առկա Դ.Հակոբյանի անվամբ լրացված ՙԱկտ առողջական վիճակի հետազոտման՚ գրառումներով ակտի դիմերեսի վերին ձախակողմյան հատվածի կապտամանուշակագույն ներկանյութով կատարված շտամպի դրոշմը, դարձերեսին, լուսանկարի և ձևաթղթի հատվածում առկա կապտամանուշակագույն ներկանյութով կատարված կլոր կնիքի դրոշմի ձևաթղթի վրա առկա հատվածը, կապտագույն ներկանյութով կատարված կլոր կնիքի դրոշմը, սև, կապտագույն և մանուշակագույն ներկանյութով կատարված ստորագրությունները կատարված են համակարգչային գունավոր շիթային տպիչով:
Փորձաքննությանը ներկայացված Դ.Հակոբյանի անձնական գործի 30-րդ թերթում առկա ՙԱկտ առողջական վիճակի հետազոտման՚ գրառումներով փաստաթղթի դիմերեսին և դարձերեսին առկա կապտագույն, սև և մանուշակագույն ներկանյութերով ձեռագիր կատարված գրառումները կատարվել են գրելագործիքով:
Դ.Հակոբյանի անձնական գործի 30-րդ թերթում առկա առողջական վիճակի հետազոտման ակտի վրա տեղավորված ՙ11.11.15.11.11, Գանգատվում է ցավերից գոտկային շրջանում...՚ գրառումներով սկսվող և ՙ...Վ.Վ.Բաբայան՚ գրառումներով ավարտվող ձեռագիր և թվային գրառումները, կատարվել են Սաթենիկ Սարգսյանի կողմից:

Թիվ 90151715 գործ, հատոր 12, գ.թ. 109-117

Թիվ 12-4325/1 եզրակացության համաձայն` Իշխան Վահանի Պետրոսյանի անձնական գործի 19-րդ թերթում առկա առողջական վիճակի հետազոտման ակտի վրա տեղավորված ՙ10.10.11 ՙԱրմենիա՚ ՀԲԿ 11.10 13.10.11 Գանգատվում է կրծքագեղձերի...՚ բառերով սկսվող և ՙ... Բժիշկ` Գասպարյան Ն.Ա.՚ բառերով ավարտվող ձեռագիր գրառումները կատարվել են Տատյանա Չուրկինայի կողմից:
Փորձաքննությանը ներկայացված Ի.Պողոսյանի անձնական գործի 19-րդ թերթում առկա նրա անվամբ լրացված ՙԱկտ առողջական վիճակի հետազոտման՚ գրառումներով փաստաթղթի ձևաթուղթը, դիմերեսի վերին ձախակողմյան հատվածում առկա կապտամանուշակագույն ներկանյութով կատարված շտամպի դրոշմը, դարձերեսին առկա կապտամանուշակագույն և կապտագույն ներկանյութերով կատարված կլոր կնիքների դրոշմերը, սև ներկանյութով կատարված ստորագրությունները և կապտամանուշակագույն ներկանյութերով կատարված ստորագրությունները կատարված են համակարգչային գունավոր շիթային տպիչով:
Փորձաքննությանը ներկայացված Ի.Պողոսյանի անձնական գործի 19-րդ թերթում առկա նրա վերաբերյալ լրացված ՙԱկտ առողջական վիճակի հետազոտման՚ գրառումներով փաստաթղթի դիմերեսին և դարձերեսին առակ կապտամանուշակագույն ներկանյութերով կատարված ձեռագիր գրառումները կատարված են գնդիկավոր գրելագործիքով կամ գրելագործիքներով:
Փորձաքննությանը ներկայացված Ի.Պողոսյանի անձնական գործի 20-րդ թերթում առկա նրա անվամբ լրացված ՙԱկտ առողջական վիճակի հետազոտման՚ գրառումներով փաստաթղթի դիմերեսի վերին փախակողմյան հատվածում առկա կապտամանուշակագույն ներկանյութով կատարված շտամպի դրոշմը, դարձերեսին առկա կապտափիրուզագույն ներկանյութով կատարված կլոր կնիքի դրոշմը, նույն դրոշմի աջակողմյան հատվածում առկա երեք ստորագրությունները և սև ներկանյութով տպագիր կատարված ՙՀանձնաժողովի նախագահ՚ և ՙՀանձնաժողովի անդամներ՚ գրառումները կատարված ստորագրությունները կատարված են համակարգչային գունավոր շիթային տպիչով:
Փորձաքննությանը ներկայացված Ի.Պողոսյանի անձնական գործի 20-րդ թերթում առկա նրա անվամբ լրացված ՙԱկտ առողջական վիճակի հետազոտման՚ գրառումներով փաստաթղթի ձևաթուղթը կատարված է լազերային տպագրման եղանակով (համակարգչային լազերային տպիչ, քսերոպատճենահանման սարք):
Փորձաքննությանը ներկայացված Ի.Պողոսյանի անձնական գործի 20-րդ թերթում առկա նրա անվամբ լրացված ՙԱկտ առողջական վիճակի հետազոտման՚ գրառումներով փաստաթղթի դիմերեսին և դարձերեսին առկա կապտամանուշակագույն ներկանյութերով կատարված ձեռագիր (բացառությամբ լուսանկարից ներքև առկա 24490-21.11.11թ. գրառումների, որոնք կատարված են գելային գրելագործիքով) գրառումները կատարված են գնդիկավոր գրելագործիքով կամ գրելագործիքներով:

Թիվ 90151715 գործ, հատոր 11, գ.թ. 180-190

Թիվ 12-0493 եզրակացության համաձայն` Ի.Պողոսյանի մոտ հայտնաբերվել է գեղձային հյուսվածքի եզակի էլեմենտներ, որը հիմք է տալիս եզրակացնել, որ նրա մոտ ներկայումս առկա է երկկողմանի աննշան արտահայտված իսկական գինեկոմաստիա, ալիմենտար-կոնստիտուցիոնալ ճարպակալում, երկրորդ աստիճանի, այսինքն` նրա վերաբերյալ ԿԲՀ-ի կողմից տրված ախտորոշումը, որով նա ճանաչվել է ոչ պիտանի զինվորական ծառայությանը` իրականությանը չի համապատասխանում: Հարկ է նշել, որ ԿԲՀ-ի կողմից Ի.Պողոսյանի վերաբերյալ նշված ախտորոշումը, որով նա ճանաչվել է ժամանակավորապես ոչ պիտանի զինծառայության համար, հիմնվել է ՙԻ.Պողոսյանի առողջական վիճակի հետազոտման այն ակտի՚ տվյալների վրա, որոնք հաստատող հիմքեր` համապատասխան ստացիոնար հիվանդի բժշկական քարտեր, առկա չեն:

Թիվ 90151715 գործ, հատոր 3, գ.թ. 136-139, 181-189

Թիվ 12-0333 եզրակացության համաձայն` Դավիթ Գեորգիի Չոբանյանի մոտ ուռուցքային ախտահարում չի հայտնաբերվել, կատարված գերձայնային հետազոտությամբ նրա ձախ հետականջային շրջանում հայտնաբերվել է բարորակ բնույթի ավշային հանգույց 1,1 սմ տրամաչափի, որը, ինչպես նաև արյան ընդհանուր քննության տվյալները հիմք չեն տալիս եզրակացնելու, որ նրա մոտ առկա է խրոնիկական լիմֆադեմիտ, հետևաբար Դ.Չոբանյանի առողջական վիճակի վերաբերյալ կենտրոնական բժշկական հանձնաժողովի կողմից տրված ՙԽրոնիակական լիմֆադեմիտ՚ ախտորոշումը կատարված հետազոտությունների արդյունքներով չի հաստատվել:

Թիվ 90151715 գործ, հատոր 3, գ.թ. 130-124

Թիվ 12-4325 եզրակացության համաձայն` փորձաքննությանը ներկայացված Դավիթ Գևորգի Չոբանյանի անձնական գործի 27-րդ թերթում առկա նրա անվամբ լրացված ՙԱռողջական վիճակի հետազոտման ակտ՚ գրառումներով փաստաթղթում առկա մնացած բոլոր գրառումները, դիմերեսի վերին ձախակողմյան հատվածում առկա կապտամանուշակագույն ներկանյութով կատարված դրոշմը, լուսանկարի հատվածում առկա կնիքի դրոշմի ձևաթղթի վրա կատարված հատվածը, փաստաթղթի դարձերեսին առկա մանուշակագույն ներկանյութով կատարված կնիքի դրոշմը և ստորագրությունները կատարված են համակարգչային գունավոր շիթային տպիչով:
Փորձաքննությանը ներկայացված Դ.Չոբանյանի անձնական գործի 33-րդ թերթում առկա նրա անվամբ լրացված ՙԱռողջական վիճակի հետազոտման ակտ՚ գրառումներով փաստաթղթում առկա մնացած բոլոր գրառումները, լուսանկարի հատվածում առկա կնիքի դրոշմի ձևաթղթի վրա կատարված հատվածը, փաստաթղթի դարձերեսին առկա կապտամանուշակագույն ներկանյութով կատարված կնիքի դրոշմը և ստորագրությունները կատարված են համակարգչային գունավոր շիթային տպիչով:
Փորձաքննությանը ներկայացված Դ.Չոբանյանի անձնական գործի 39-րդ թերթում առկա նրա անվամբ լրացված ՙԱռողջական վիճակի հետազոտման ակտ՚ գրառումներով փաստաթղթի դիմերեսին, միջնահատվածից վեր դեպի ձախ առկա կարմրագույն ներկանյութով կատարված գրառումները, սև ներկանյութով տպագիր կատարված գրառումները, կարմրագույն ներկանյութով կատարված կլոր կնիքի դրոշմը և նշված կլոր կնիքի դրոշմի հատվածում քիչ ներքև առկա ստորագրությունները կատարված են համակարգչային գունավոր շիթային տպիչով:
Ինչ վերաբերվում է Դ.Չոբանյանի գործի 33-րդ թերթ հանդիսացող ՙԱռողջական վիճակի հետազոտման ակտ՚-ի տվյալներին, ապա դրանցում կիրառված տերմինաբանությունը նույնպես կիրառելի է բժշկական պրակտիկայում, ՙԼիմֆադեմիտ՚ ախտորոշումը համապատասխանում է հետազոտական մասի տվյալներին, միայն հարկ է նշել, որ ախտորոշումը պետք է լինի խրոնիկ կամ սուր լիմֆադենիտ:
Նույն գործի 39-րդ թերթը հանդիսացող ՙԱռողջական վիճակի հետազոտման ակտ՚-ում նշված ՙԼիմֆադեմիտ՚ ախտորոշումն ակտի հետազոտման մասին տվյալներն օբյեկտիվ հետազոտության մասով համապատասխանում են, օգտագործված բժշկական տերմինաբանությունը կիրառելի է բժշկական պրակտիկայում, միայն հարկ է նշել, որ դրված ՙԽրոնիկ լիմֆադեմիտ՚ ախտորոշման հիմնավորման համար արձանագրված հետազոտությունները բավարար և լիարժեք չեն:

Թիվ 90151715 գործ, հատոր 11, գ.թ.` 192-201

Թիվ 11-3516 եզրակացության համաձայն` փորձաքննությանը ներկայացված Ռոման Թելմանի Խուդոյանի անձնական գործի 22-րդ թերթում առկա նրա անվամբ լրացված ՙԱկտ առողջական վիճակի հետազոտման՚ վերնագրով փաստաթուղթը` դիմրեսի վերին ձախ անկյունային մասում առկա շտամպի դրոշմը, վերնագրից ներքև առկա ձեռագիր կատարված ՙԽուդոյան Ռոման Թելմանի 1993՚ գրառումը, դարձերեսին առկա թվով երեք ստորագրությունները, կլոր կնիքների դրոշմերի այն հատվածները, որոնք տեղակայված են թղթի մակերեսին, և փաստաթղթի դիմերեսին և դարձերեսին առկա սև ներկանյութով տպատառ կատարված գրառումները, կատարվել են համակարգչային գունավոր շիթային տպիչով: Ներկայացված փաստաթղթերի դիմերեսին առկա համակարգչային գունավոր շիթային տպիչով կատարված մասնակի ընթեռնելի ՙ... Հայաստանի Հանրապետության Առողջապահոթյան նախ... ՙԱ...Մ...ՆԻԱ՚ Հա... Բժշկական կենտրոն Պ... Мин. Здравохранения РА... ՙРесаубликанский Медиц... ... нтр ՙАРМ...Я՚ ՙMinistry of ... RA SC ... - ... ՙRepublican Medicial Centre՚ ՙARM ... ՙ___՚___________19 Երևան Ерев... ...՚ գրառմամբ շտամպի դրոշմի պատկերը և սույն փորձաքննությանը նախաձեռնողի կողմից ներկայացված ՙ01203375 Հայաստանի Հանրապետություն Առողջապահության Նախ-ուն ՙԱրմենիա՚ Հանրապետական բժշկական կենտրոն ՊՓԲՒ Мин. Здравохранения РА ГАЗОТ ՙРеспублтиканский центр ՙАрмения՚ Ministry of Health of the RA SCJ-SC ՙRepublican Medical Centre ՙArmenia՚ --------------- ՙ---------՚-----------199 Երևան Ереван Yerevan՚ գրառմամբ շտամպի դրոշմերը տարբերվում են միմյանցից ինչպես կատարման եղանակով, այնպես էլ իրենց շտամպային առանձնահատկություններով:
Փորձաքննությանը ներկայացված Ռ.Խուդոյանի անձնական գործի 22-րդ թերթում առկա փաստաթղթի դարձերեսի տղամարդու լուսանկարը նախկինում փակցված է եղել մեկ այլ փաստաթղթում:

Թիվ 90151715 գործ, հատոր 2, գ.թ. 65-73

Դատաձեռագրաբանական, դատափաստաթղթաբանական և դատաբժշկական համալիր փորձաքննության թիվ 12-4325/11 եզրակացության համաձայն` ներկայացված քրեական գործի 2-րդ հատորի 101-րդ թերթում արձանագրված բժշկական հետազոտման արդյունքները հիմնականում համապատասխանում են արձանագրված ախտորոշմանը, դրանցում հակասություններ չկան: Հարկ է նշել, որ դրված ախտորոշման հիմնավորման համար հետազոտական մասում Ն/ակնաբույժի զննման արձանագրված արդյունքները թերի են: Օգտագործված տերմինաբանությունը հիմնականում կիրառելի է բժշկական պրակտիկայում, բացառությամբ ԷԽՈ-ԷԳ-ի եզրակացության մասում նշված ՙՃողքվածքով՚ գրառման, որը կիրառելի տերմին չէ և տվյալ դեպքում ակնկալվող իմաստային առումով անհասկանալի: Հարկ է նշել նաև, որ բժշկական հետազոտության արդյունքներ բաժնում առկա են հակասություններ, մասնավորապես` նշված է ՙԲարբինսկու ախտանիշը դրական՚, իսկ հաջորդիվ` ՙԱխտաբանական ռեֆլեկսներ չկան՚, մինչդեռ Բաբինսկու ախտանիշն ինքնին հանդիսանում է ախտաբանական ռեֆլեքս:

Թիվ 90151715 գործ, հատոր 12, գ.թ. 179-184

Դատաձեռագրաբանական, դատափաստաթղթաբանական և դատաբժշկական համալիր փորձաքննության թիվ 12-4325/6 եզրակացության համաձայն` փորձաքննությանը ներկայացված ՙՕրդինյան Էմիլ Արշակի՚ անձնական գործի 10-րդ թերթում առկա նրա վերաբերյալ լրացված ՙԱռողջական վիճակի հետազոտման ակտ՚ գրառումներով փաստաթղթում սև ներկանյութով տպագիր կատարված, չլրացված գրառումները, կապտագույն ներկանյութով կատարված կլոր կնիքի դրոշմը, սև, կապտագույն և կապտամանուշակագույն ներկանյութերով կատարված ստորագրությունները կատարված են գումավոր շիթային տպիչով: Է.Օրդինյանի անվամբ Երևան քաղաքի Շենգավիթի տարածքային զինվորական կոմիսարիատում լրացված թիվ 7 անձնական գործի 10-րդ թերթը հանդիսացող ՙԱռողջական վիճակի հետազոտման ակտ՚-ի հետազոտական մասում արձանագրված բժշկական հետազոտություն արդյունքները հիմնականում համապատասխանում են ախտորոշմանը, օգտագործված տերմինաբանությանը կիրառելի է բժշկական պրակտիկայում: Հարկ է միայն նշել, որ ԷԽՈ-ՍԳ հետազոտության արդյունքներում արձանագրված ՙԳագաթային շրջանում հիպոքսիա՚ գրառումը չի արող համապատասխանել տվյալ հետազոտությանը, քանի որ այդ փոփոխությունը հնարավոր է հայտնաբերել ոչ թե ԷԽՈ-ՍԳ, այլ ԷՍԳ հետազոտության միջոցով: Է.Օրդինյանի անձնական գործի 10-րդ թերթում նշված ախտորոշումը և անձնական գործի 17-րդ և 18-րդ թերթերը հանդիսացող ԿԲՀ-ի 16.11.2011թ-ի և 29.11.2011թ-ի որոշումներում արձանագրված ախտորոշումները լիարժեք չեն համապատասխանում միմյանց:

Թիվ 90151715 գործ, հատոր 12, գ.թ. 142-146

Դատաձեռագրաբանական, դատափաստաթղթաբանական և դատաբժշկական համալիր փորձաքննության թիվ 12-4325/5 եզրակացության համաձայն` փորձաքննությանը ներկայացված Դավիթ Վարազդատի Սարգսյանի անձնական գործի 26-րդ թերթում առկա նրա անվամբ լրացված ՙԱկտ առողջական վիճակի հետազոտման՚ գրառումներով ակտում դիմերեսի վերին ձախակողմյան հատվածում առկա կապտամանուշակագույն ներկանյութով կատարված շտամպի դրոշմը դարձերեսին կապտագույն ներկանյութով կատարված կլոր կնիքի դրոշմը, դարձերեսին կապտագույն ներկանյութով կատարված կլոր կնիքի դրոշմը, կապտամանուշակագույն, մանուշակագույն և սև ներկանյութերով կատարված ստորագրությունները և կապտամանուշակագույն ներկանյութով կատարված ստորագրությունները կատարված են համակարգչային գունավոր շիթային տպիչով: Փորձաքննությանը ներկայացված Դ.Սարգսյանի անձնական գործի 26-րդ թերթում առկա նրա անվամբ լրացված ՙԱկտ առողջական վիճակի հետազոտման՚ գրառումներով փաստաթղթի դիմերեսին և դարձերեսին լրացվող տողագծերի հատվածներում առկա սև ներկանյութով տպագիր կատարված գրառումները կատարված են տպագրամեքենայով: Դ.Սարգսյանի անվամբ Մարտունու տարածքային զինվորական կոմիսարիատում լրացված անձնական գործի 26-րդ թերթը հանդիսացող ՙԱռողջական վիճակի հետազոտման ակտ՚-ում նշված բժշկական հետազոտության արդյունքները և ախտորոշումը համապատասխանում են միմյանց, օգտագործված բժշկական տերմինաբանությանը կիրառելի է բժշկական պրակտիկայում, բացառությամբ հետազոտման մասում նշված ՙԼաքայատիպ՚ և ՙԷկզեմային՚ բառերի փոխարեն պետք է նշվեր ՙԵղնջացանի տիպի՚ և ՙՈՒրտիկար բնույթի՚: Նույն ակտի հետազոտման մասում ՙԷդուվանիչ՚ գրառման փոխարեն պետք է նշվեր ՙԱդուվանչիկ՚ բառը:

Թիվ 90151715 գործ, հատոր 12, գ.թ. 149-155

Դատաձեռագրաբանական, դատափաստաթղթաբանական և դատաբժշկական համալիր փորձաքննության թիվ 12-4325/4 եզրակացության համաձայն` փորձաքննությանը ներկայացված Հովհաննես Հրայրի Վարդապետյանի անձնական գործի 30-րդ թերթում առկա նրա վերաբերյալ լրացված ՙՀՀ առողջապահության նախարարություն ՙՆորք՚ ինֆեկցիոն կլինիկական հիվանդանոց ՓԲԸ՚ գրառումներով փաստաթուղթն ամբողջությամբ կատարվել է գունավոր շիթային տպիչով: Փորձաքննությանը ներկայացված Հ.Վարդապետյանի անձնական գործի 32-րդ և 36-րդ թերթերում առկա նրա անվամբ լրացված ՙԱկտ առողջական վիճակի հետազոտման՚ գրառումներով փաստաթղթում առկա սև ներկանյութով տպագիր կատարված, լրացված գրառումները, կապտագույն ներկանյութով կատարված կլոր կնիքների դրոշմերը և կապտագույն ներկանյութով կատարված ստորագրությունները կատարված են համակարգչային գունավոր շիթային տպիչով: Հ.Վարդապետյանի անվամբ Երևան քաղաքի Նոր Նորքի զինվորական կոմիսարիատում լրացված անձնական գործի 30-րդ թերթը հանդիսացող ՙԷպիկրիզ՚-ում արձանագրված բժշկական հետազոտման արդյունքները և ախտորոշումը հիմնականում համապատասխանում են միմյանց, բացառությամբ կլինիկական ախտորոշման մեջ արտացոլված ՙՁգձգվող ընթացք՚ գրառմանը, որի հիմնավորման վերաբերյալ հետազոտման մասում գրառումներ չկան, մասնավորապես` նշված չէ, թե որքան ժամանակ է նա տառապում էպիկրիզում նշված հիվանդությամբ, ինչպես նաև անալիզներում նշված կղանքի հետազոտությունը դիսբակտերիոզի վերաբերյալ ՙԿոկային ձևեր 38 տոկոս՚ արդյունքները չի կարող համարվել ճիշտ, քանի որ լաբորատոր հետազոտման ժամանակ կոկային ձևերի քանակը նշվում է 5-ական տոկոսների տարբերություններով: Հ.Վարդապետյանի անվամբ լրացված անձնական գործի 32-րդ թերթը հանդիսացող ՙԱռողջական վիճակի հետազոտման ակտ՚-ի հետազոտման մասում նշված բժշկական հետազոտման արդյունքները հիմնական համապատասխանում են դրված ախտորոշմանը, օգտագործված տերմինաբանությանը կիրառելի է բժշկական պրակտիկայում: Ինչպես սույն հետևությունների նախորդող կետում պատճառաբանվել է` հետազոտման մասում արձանագրված ՙԿոկային ձևեր 38 տոկոս՚ գրառումը չի կարող համարվել ճիշտ: Նրա անձնական գործի 36-րդ թերթում նշված բժշկական հետազոտման արդյունքները հիմնականում համապատասխանում են դրված ախտորոշմանը, օգտագործված տերմինաբանությանը կիրառելի է բժշկական պրակտիկայում: Ինչպես սույն հետևությունների նախորդող կետերում պատճառաբանվել է` հետազոտության մասում արձանագրված կղանքի հետազոտության ՙԿոկային ձևեր 38 տոկոս՚ և ՙ26 տոկոս կլեբսիելա՚ գրառումները չեն կարող ճիշտ համարվել:

Թիվ 90151715 գործ, հատոր 12, գ.թ. 158-163

Դատաձեռագրաբանական, դատափաստաթղթաբանական և դատաբժշկական համալիր փորձաքննության թիվ 12-4325/8 եզրակացության համաձայն` Իշխան Արմենի Սադոյանի անձնական գործի 16-րդ թերթում առկա առողջական վիճակի հետազոտման ակտի վրա տեղավորված` ՙ2/246, 07.11.11, 07.11.2011թ. 09.11.2011թ., Գանգատվում է երկու աչքերի ...՚ ձեռագիր և թվային գրառումներով սկսվող և ՙ... բժիշկ Գևորգյան Ա.Գ.՚ ձեռագիր գրառումներով ավարտվող ձեռագիր և թվային գրառումները կատարվել են Սաթենիկ Սարգսյանի կողմից: Ներկայացված Ի.Սադոյանի անձնական գործի 16-րդ թերում առկա նրա վերաբերյալ ՙԱկտ առողջական վիճակի հետազոտման՚ գրառումներով փաստաթղթի ձևաթուղթը, դարձերեսին առկա կապտագույն ներկանյութով կատարված կլոր կնիքի դրոշմը և նույն դրոշմի հատվածում առկա թվով հինգ ստորագրությունները կատարված են համակարգչային գունավոր շիթային տպիչով: Ի.Սադոյանի անվամբ Մաշտոցի զինվորական կոմիսարիատում լրացված անձնական գործի 16-րդ թերթը հանդիսացող ՙԱռողջական վիճակի հետազոտման ակտ՚-ում արձանագրված բժշկական հետազոտման արդյունքները համապատասխանում են արձանագրված ախտորոշմանը, դրանցում հակասություններ չկան, օգտագործված տերմինաբանությունը կիրառելի է բժշկական պրակտիկայում, բացառությամբ հետազոտման մասում առկա ՙԱկիասկոպիա՚ և ախտորոշում բաժնում առկա ՙԱսիգմատիզ՚ գրառումներին, որոնց փոխարեն պետք է նշվեր համապատասխանաբար` ՙՍկիասկոպիա՚ և ՙԱստիգմատիզմ՚ տերմինները:

Թիվ 90151715 գործ, հատոր 12, գ.թ. 129-135

Դատաձեռագրաբանական, դատափաստաթղթաբանական և դատաբժշկական համալիր փորձաքննության թիվ 12-4325/3 եզրակացության համաձայն` փորձաքննությանը ներկայացված Մնացական Գագիկի Թորոսյանի անձնական գործի 20-րդ թերթում առկա նրա անվամբ լրացված ՙԱկտ առողջական վիճակի հետազոտման՚ գրառում երով ակտում սև ներկանյութով տպագիր կատարված, լրացված գրառումները, դիմերեսի վերին ձախակողմյան հատվածում առկա կապտամանուշակագույն ներկանյութով կատարված շտամպի դրոշմը, դարձերեսին առկա կապտամանուշակագույն ներկանյութով կատարված կլոր կնիքի դրոշմը, սև ներկանյութով կատարված ստորագրությունները կատարված են համակարգչային գունավոր շիթային տպիչով:

Թիվ 90151715 գործ, հատոր 12, գ.թ. 101-106

Հանձնաժողովային դատաբժշկական փորձաքննության թիվ 13-0833 եզրակացության համաձայն` փորձաքննության իրականացման շրջանակներում կատարված` Գարիկ Լարիկի Սաֆարյանի հետազոտությունների արդյունքների, նրա մոտ նախկինում ախտորոշված և ներկայացված բժշկական փաստաթղթերում նշված հիվանդությունները և ախտաբանական փոփոխությունները ներկայումս չեն հայտնաբերվել:

Թիվ 90151715 գործ, հատոր 14, գ.թ. 105-112

Դատափաստաթղթաբանական փորձաքննության թիվ 13-2668 եզրակացության համաձայն` փորձաքննությանը ներկայացված ՙՍաֆարյան Գարիկ Լարիկի՚ անձնական գործի 30-րդ թերթում առկա նրա անվամբ լրացված ՙՀՀ առողջապահության նախարարություն ՙՆորք՚ ինֆեկցիոն կլինիկական հիվանդանոց ՓԲԸ ք. Երևան. Ա.Արմենակյան փ., 153. հեռ`65-50-42 Քաղվածք 3890 հիվանդության նկարագրից Էպիկրիզ՚ գրառումներով փաստաթղթում առկա սև ներկանյութով կատարված գրառումները, կապտագույն ներկանյութով կատարված կլոր կնիքի դրոշմը, ստորագրությունը և ևս ներկանյութով կատարված ստորագրությունը կատարված են համակարգչային գունավոր շիթային տպիչով: Փորձաքննությանը ներկայացված ՙՍաֆարյան Գարիկ Լարիկի՚ անձնական գործի 32-րդ թերթում առկա Սաֆարյան Գարիկ Լարիկի անվամբ լրացված ՙԱռողջական վիճակի հետազոտման ակտ՚ գրառումներով փաստաթղթում լրացված սև ներկանյութով տպագիր կատարված գրառումները, փաստաթղթի ներքևի աջակողմյան հատվածում առկա բաց կապտագույն ներկանյութով տպագիր կատարված գրառումները, կապտագույն ներկանյութով կատարված կլոր կնիքի դրոշմը և թվով չորս ստորագրությունները կատարված են համակարգչային գունավոր շիթային տպիչով:

Թիվ 90151715 գործ, հատոր 15, գ.թ. 14-16

Հանձնաժողովային դատաբժշկական փորձաքննության թիվ 13-0835 եզրակացության համաձայն` Սարգիս Լորիկի Սաֆարյանի մոտ հայտնաբերվել է ՙՕջախային էզոֆագիտ (կերակրափողի բորբոքում), սուր գաստրիտ (ստամոքսի բորբոքում), ստամոքսի պիլորիկ հատվածի էրոզիա և դեֆորմացիա, տասներկումատնյա աղու էռոզիա, ձախ ստորին վերջույթի ենթամաշկային երակների վարիկոզ՚ հիվանդությունները: Նրա մոտ նախկինում ախտորոշված ՙԽողային հիվանդություն 12 մատնյա աղու կոճղեղի խող, կարդիալ փականի անբավարարություն՚, ինչպես նաև ՙՀեպատոսպլենոմեգալիա՚ (լյարդի և փայծաղի մեծացում) ներկայիս հետազոտությունների արդյունքում չեն հայտնաբերվել:

Թիվ 90151715 գործ, հատոր 15, գ.թ. 49-54

Դատաձեռագրաբանական-դատափաստաթղթաբանական-դատաբժշկական փորձաքննության թիվ 12-4325/10 եզրակացության համաձայն` Գերասիմ Իվանի Եսայանի անվամբ Արմավիրի զինվորական կոմիսարիատում լրացված անձնական գործի 16-րդ թերթը հանդիսացող ՙԱռողջական վիճակի հետազոտման ակտ՚-ում նշված ախտորոշումը մասնակի է համապատասխանում նրա վերաբերյալ 24.11.2011թ-ին ԿԲՀ-ի որոշման մեջ արձանագրված ախտորոշմանը:

Թիվ 90151715 գործ, հատոր 11, գ.թ. 166-169

Հանձնաժողովային դատաբժշկական փորձաքննության թիվ 13-0834 եզրակացության համաձայն` փորձաքննության իրականացման շրջանակներում կատարված հետազոտությունների արդյունքների` ներկայումս Անդրանիկ Պետրոսի Ֆարմանյանի մոտ առկա է արտաքին քթի դեֆորմացիա, քթի միջնապատի ծռվածություն, առաջին սրբանային ողի աղեղների չսերտաճում, ողնաշարի կրծքա-գոտկային հատվածի աննշան շեղում, աջ ստորին վերջույթի կարճացում 1,5 սմ., աջ դաստակի հինգերորդ մասի եղնգային ֆալանգի ոչ ճիշտ սերտաճած կոտրվածք, ինչպես նաև սինուսային առիթմիա և թույլ արտահայտված վեգետո-անոթային դիստոնիա: Ա.Ֆարմանյանի վերաբերյալ նախկին բոլոր հետազոտությունները եղել են ճիշտ, բացառությամբ վեգետոանոթային դիստոնիայի չափավոր աստիճանի, որն ըստ ներկայիս հետազոտությունների արդյունքների նրա մոտ առկա է ոչ թե չափավոր, այլ թույլ արտահայտվածությամբ:

Թիվ 90151715 գործ, հատոր 15, գ.թ. 65-73

Հանձնաժողովային դատաբժշկական փորձաքննության թիվ 13-0778 եզրակացության համաձայն` Վարդան Եփրեմի Այվազյանի մոտ հայտնաբերվել է ձախ ծղիկոսկրի մախաթաձև ելունի բացակայություն` առանց ֆունկցիայի խանգարման, ողնաշարի ոչ արտահայտված դեգեներատիվ ախտահարում, գոտկային 5 - սրբանային 1 ողերի մակարդակում առաջին աստիճանի սպոնդիլոլիսթեզ, դորգոլյումբալգիա առանց ֆունկցիայի խանգարման:

Թիվ 90151715 գործ, հատոր 15, գ.թ. 89-92

Հանձնաժողովային դատաբժշկական փորձաքննության թիվ 13-0777 եզրակացության համաձայն` Թենգիզ Թեմուրի Թամոյանը տառապում է խրոնիկական բրուցելյոզ հիվանդությամբ, որի բնորոշումը որպես ոսկրահոդային ձև, կատարված հետազոտությունների արդյունքներով հաստատել հնարավոր չէ, նրա մոտ հեպտոմեգալիա (լյարդի մեծացում) չի հայտնաբերվել:

Թիվ 90151715 գործ, հատոր 15, գ.թ. 19-23

Հանձնաժողովային դատաբժշկական փորձաքննության թիվ 13-0776 եզրակացության համաձայն` Գևորգ Նորիկի Սադոյանի մոտ ինչպես վահանաձև գեղձի, այնպես էլ երիկամների հիվանդություններ կամ ախտաբանական փոփոխություններ, միզաքարային հիվանդություն չի հայտնաբերվել:

Թիվ 90151715 գործ, հատոր 15, գ.թ. 41-46

Հանձնաժողովային դատաբժշկական փորձաքննության թիվ 13-0780 եզրակացության համաձայն` Ռոլանդ Էդիկի Մելքոնյանի մոտ նյարդային համակարգի հիվանդություններ` ձախ դիմային նյարդի ախտաբանություն չի հայտնաբերվել, հայտնաբերվել է երկկողմանի առաջին աստիճանի հարթաթաթություն` առանց ֆունկցիայի խանգարման:

Թիվ 90151715 գործ, հատոր 15, գ.թ. 60-63

Դատաձեռագրաբանական և դատափաստաթղթաբանական համալիր փորձաքննության թիվ 15-0315 եզրակացության համաձայն` փորձաքննությանը ներկայացված A4 ֆորմատի թղթի վրա տեղավորված ձեռագիր գրառումները (բացի դիմերեսի վերին աջ հատվածում տեղավորված ՙ14.11.-...11՚ գրառումներից, դարձերեսին տեղավորված ՙՍ.Սարգսյան՚ ձեռագիր գրառումներից) կատարվել են Տատյան Չուրկինայի կողմից: Նույն թղթի դարձերեսին տեղավորված ՙՍ.Սարգսյան՚ ձեռագիր գրառումները կատարվել են Սաթիկ Սարգսյանի կողմից: Փորձաքննությանը ներկայացված ՙԱստանյան Անդրանիկ Արթուրի՚ անձնական գործի 24-րդ թերթում ՙՀատուկ հետազոտությունների արդյունքները (լաբորատոր, ռենտգենաբանական գործիքային և այն)՚ գրառումներով փաստաթղթում սև ներկանյութով տպագիր կատարված, լրացված գրառումները, լուսանկարի և ձևաթղթի հատվածում առկա կարմրագույն ներկանյութով կատարված կլոր կնիքի դրոշմի ձևաթղթի վրա առկա հատվածը, կապտամանուշակագույն ներկանյութով կատարված կլոր կնիքի դրոշմը, նույն դրոշմի հատվածում առկա երկու ստորագրությունները` ՙՆազարյան Տ.Ջ.՚ և ՙԵղիազարյան Վ.Է.՚ գրառումների դիմաց առկա ստորագրությունները կատարված են համակարգչային գունավոր շիթային տպիչով: Փորձաքննությանը ներկայացված ՙԱստանյան Անդրանիկ Արթուրի՚ անվամբ լրացված ՙԱկտ առողջական վիճակի հետազոտման 2/162-7544՚ ակտի դիմերեսի վերին ձախակողմյան հատվածում առկա կապտամանուշակագույն ներկանյութով կատարված շտամպի դրոշմը, դարձերեսին առկա կապտամանուշակագույն ներկանյութով կատարված կլոր կնիքի դրոշմը, սև և կապտագույն ներկանյութով կատարված ստորագրությունները կատարվա են համակարգչային գունավոր շիթային տպիչով:

Թիվ 90151715 գործ, հատոր 17, գ.թ. 169-178

Ամբաստանյալ Սաթենիկ Սարգսյանին առաջադրված մեղադրանքը հիմնավորվել է նաև.
Իրեղեն ապացույց ճանաչված, ստորև թվարկված փաստաթղթերով`

2011թ. դեկտեմբերի 18-ին Ս.Սարգսյանի խուզարկությամբ հայտնաբերված Հարությունյան Բապկենի Գրիգորյանի` 3 թերթ, Էմիլ Արշակի Օրդինյանի` 1 թերթ, Անդրանիկ Արթուրի Աստանյանի` 2 թերթ, Հովհաննես Հրայրի Վարդապետյանի` 5 թերթ, Իշխան Արմենի Սադոյանի` 3 թերթ, Գերասիմ Իվանի Եսայանի` 2 թերթ, Էդգար Դավթի Հովհաննիսյանի` 1 թերթ, Նաիրի Մամիկոնի Խաչատրյանի` 1 թերթ, Գարիկ Լորիկի Սաֆարյանի` 2 թերթ, Անդրանիկ Պետրոսի Ֆարմանյանի` 6 թերթ, Թորգոմ Պետրոսի Ֆարմանյանի` 3 թերթ, Ռոլանդ Էդիկի Մելքոնյանի` 4 թերթ, Դավիթ Վարազդատի Սարգսյանի` 2 թերթ, Արսեն Խաչատուրի Ղարագյոզյանի` 4 թերթ, Արթուր Զոհրակի Մուշեղյանի` 7 թերթ, Հովհաննես Սերոբի Չեմինյանի` 3 թերթ, Դավիթ Գևորգի Չոբանյանի` 6 թերթ, Անդրանիկ Սեյրանի Գրիգորյանի` 14 թերթ, Ռոման Թելմանի Խուդոյանի` 3 թերթ, Հովհաննես Աբրահամի Մելեքյանի` 1 թերթ, Սարգիս Լարիկի Սաֆարյանի` 3 թերթ, վերաբերյալ բժշկական և այլ փաստաթղթերով (փաթեթ թիվ 1):

Թիվ 90151715 գործ, հատոր 1, գ.թ. 64-67, հատոր 17, գ.թ. 198-199

Իրեղեն ապացույց ճանաչված` Արթուր Զոհրակի Մուշեղյանի զորակոչային անձնական գործից առանձնացված առողջական վիճակի հետազոտման ակտով:

Թիվ 90151715 գործ, հատոր 14, գ.թ. 81

Իրեղեն ապացույց ճանաչված` Իշխան Արմենի Սադոյանի զորակոչային անձնական գործից առանձնացված առողջական վիճակի հետազոտման ակտով:

Թիվ 90151715 գործ, հատոր 14, գ.թ. 84

Իրեղեն ապացույց ճանաչված` Իշխան Վահանի Պողոսյանի զորակոչային անձնական գործից առանձնացված առողջական վիճակի հետազոտման ակտերով:

Թիվ 90151715 գործ, հատոր 14, գ.թ. 87

Իրեղեն ապացույց ճանաչված` Դավիթ Գևորգի Չոբանյանի զորակոչային անձնական գործից առանձնացված առողջական վիճակի հետազոտման ակտերով:

Թիվ 90151715 գործ, հատոր 14, գ.թ. 90

Իրեղեն ապացույց ճանաչված` Հարություն Բապկենի Գրիգորյանի զորակոչային անձնական գործից առանձնացված առողջական վիճակի հետազոտման ակտերով և հոլտեր հետազոտման արդյունքները պարունակող փաստաթղթերով:

Թիվ 90151715 գործ, հատոր 14, գ.թ. 123

Իրեղեն ապացույց ճանաչված` Հովհաննես Հրայրի Վարդապետյանի զորակոչային անձնական գործից առանձնացված առողջական վիճակի հետազոտման ակտերով և էպիկրիզով:

Թիվ 90151715 գործ, հատոր 15, գ.թ. 213

Իրեղեն ապացույց ճանաչված` ՙ14.11.-1...11՚ գրառմամբ A4 ֆորմատի և Անդրանիկ Արթուրի Աստանյանի զորակոչային անձնական փաստաթղթերով:

Թիվ 90151715 գործ, հատոր 17, գ.թ. 179-181

2011թ. հունվարի 11-ի մատյանի զննում կատարելու վերաբերյալ արձանագրությամբ, համաձայն որի` ՙՆորք՚ ինֆեկցիոն կլինիկական հիվանդանոցի ընդունարանի 03.09.2011թ. հաշվառման մատյանում Արթուր Զոհրակի Մուշեղյանի վերաբերյալ որևէ գրառում չի հայտնաբերվել, այսինքն` նա տվյալ բուժհիմարկությունում չի հետազոտվել:

Թիվ 90151715 գործ, հատոր 4, գ.թ. 10

2012թ. փետրվարի 28-ի մատյանի զննում կատարելու վերաբերյալ արձանագրությամբ, համաձայն որի` ՙԱրմենիա՚ ՀԲԿ-ի թերապիա զինակոչիկների մատյանում Հարություն Բապկենի Գրիգորյանի վերաբերյալ որևէ գրառում չի հայտնաբերվել:

Թիվ 90151715 գործ, հատոր 5, գ.թ. 54-55

2012թ. մայիսի 16-ի` Հ.Գրիգորյանի և Ս.Սարգսյանի հեռախոսային վերծանումների զննում կատարելու վերաբերյալ արձանագրությամբ, համաձայն որի` վերջիններիս հեռախոսահամարների միջև գրանցված են բազմաթիվ հեռախոսազանգեր:

Թիվ 90151715 գործ, հատոր 5, գ.թ. 224-270

2012թ. հունիսի 6-ի` Ս.Սարգսյանի անձնական խուզարկությամբ հայտնաբերված բջջային հեռախոսների զննում կատարելու վերաբերյալ արձանագրությամբ:

Թիվ 90151715 գործ, հատոր 6, գ.թ. 50-63

2012թ. հոկտեմբերի 12-ի` Ռուսլան Իշխանի Ալոյանի, Սմբատ Մամիկոնաի Ղանդիլյանի, Իշխան Վահանի Պողոսյանի, Գերասիմ Իվանի Եսայանի, Մնացական Գագիկի Թորոսյանի, Իշխան Արմենի Սադոյանի, Էմիլ Արշակի Սադոյանի, Դավիթ Գևորգաի Չոբանյանի, Դավիթ Վարազդատի Սարգսյանի, Հարություն Բապկենի Գրիգորյանի, Դավիթ Վարդանի Հակոբյանի, Արթուր Զոհրակի Մուշեղյանի, Հովհաննեսի Հրայրի Վարդապետյանի, Ռոման Թելմանի Խուդոյանի և Արսեն Մերուժի Մարգարյանի անձնական գործերի զննում կատարելու վերաբերյալ արձանագրություններով:

Թիվ 90151715 գործ, հատոր 7, գ.թ. 30-35, հատոր 7, գ.թ. 1-7

2012թ. նոյեմբերի 27-ի` մատյանի զննում կատարելու վերաբերյալ արձանագրությամբ, համաձայն որի` Արաբկիրի զինվորական կոմիսարիատի 1993թ ծնված քաղաքացիների հաշվառման այբբենական մատյանում Էմիլ Արշակի Օրդինյանի վերաբերյալ որևէ գրառում չի հայտնաբերվել:

Թիվ 90151715 գործ, հատոր 11, գ.թ. 42-43

2012թ. նոյեմբերի 28-ի` մատյանի զննում կատարելու վերաբերյալ արձանագրությամբ, համաձայն որի` Էրեբունու զինվորական կոմիսարիատի 1993թ ծնված քաղաքացիների հաշվառման այբբենական մատյանում Էմիլ Արշակի Օրդինյանի վերաբերյալ որևէ գրառում չի հայտնաբերվել:

Թիվ 90151715 գործ, հատոր 11, գ.թ. 44-45

2013թ. հունվարի 14-ի` բջջային հեռախոսի զննում կատարելու վերաբերյալ արձանագրությամբ, համաձայն որի` Հովհաննես Սերոբի Չեմինյանի բջջային հեռախոսում հայտնաբերվել է գրանցված` Ս.Սարգսյանի բջջային հեռախոսահամարը:

Թիվ 90151715 գործ, հատոր 12, գ.թ. 50-51

2012թ. հունիսի 6-ի Ս.Սարգսյանի անձնական խուզարկությամբ հայտնաբերված փաստաթղթերի զննում կատարելու վերաբերյալ արձանագրությամբ:

Թիվ 90151715 գործ, հատոր 16, գ.թ. 93-130

Ամբաստանյալներ Սաթենիկ Սարգսյանին ՀՀ քրեական օրենսգրքի 313-րդ հոդվածի 1-ին մասով, 178-րդ հոդվածի 2-րդ մասի 2-րդ կետով, 333-րդ հոդվածի 1-ին մասով, և Սամվել Հովհաննիսյանին ՀՀ քրեական օրենսգրքի 312-րդ հոդվածի 3-րդ մասի 1-ին կետով առաջադրված մեղադրանքները հիմնավորվել են դատաքննությամբ հետազոտված ներքոհիշյալ ապացույցներով.

Վկա Անահիտ Օնիկի Հովհաննիսյանը դատաքննության փուլում օգտվելով իր դատավարական իրավունքից, հրաժարվել է ցուցմունք տալուց, նախաքննության փուլում ցուցմունք է տվելի ցուցմունքներով այն մասին, որ հանդիսանում է Սամվել Հովհաննիսյանի կինը: Որդին` Հովհաննես Հովհաննիսյանն ի ծնե ունեցել է առողջական խնդիրներ, որոնց կապակցությամբ տանը բուժում է ստացել: Շուրջ 8 տարի ճանաչում է Ս.Սարգսյանին, վերջինս բնակվել է իրենց տան հարևանությամբ: Ամուսնուց տեղեկացել է, որ Ս.Սարգսյանն օգնել է որդուն ծառայությունից ազատելու հարցում, իսկ որոշ ժամանակ անց տեղեկացել է նաև, որ Ս.Սարգսյանը 2011թ. կազմակերպել է որդուն 3 տարի ժամկետով տարկետում տրամադրելու գործընթացը, որի դիմաց ամուսինը նրան գումար է տվել: 2014թ. ամուսինն իրեն տվել է 800 ԱՄՆ դոլար գումար և ասել, որ այն փոխանցի Ս.Սարգսյանին: Ինքը Շենգավիթի զինվորական կոմիսարիատի բակում հանդիպել է Ս.Սարգսյանին և փոխանցել գումարը:
Քանի որ ամուսինը Ս.Սարգսյանին պարբերաբար պարտքով գումարներ է տվել և այդ անգամ իրեն չի ասել, թե ինչ նպատակով է գումար տալիս Ս.Սարգսյանին, ինքը մտածել է, որ որ հերթական անգամ այդ գումարն ամուսինը Ս.Սարգսյանին տվել է պարտքով, սակայն հետագայում տեղեկացել է, որ 2014թ. ընթացքում ամուսինը Ս.Սարգսյանին գումար է տվել որդու համար, սակայն նշված գումարի դիմաց վերջինս ոչինչ չի արել և խաբել է ամուսնուն: Տեղեկացել է նաև, որ Ս.Սարգսյանն ամուսնու կողմից տված գումարից վերադարձրել է 2.500 ԱՄՆ դոլար գումարը և պարտք է մնացել 3.500 ԱՄՆ դոլար գումար:

Թիվ 10200316 գործ, հատոր 1, գ.թ. 250-255
հատոր 4, գ.թ. 77-78

Վկա Կարապետ Սամվելի Հովհաննիսյանը նախաքննության փուլում ցուցմունք է տվել, որ Ս.Հովհաննիսյանի ավագ որդին է: Եղբայրը` Հ.Հովհաննիսյանը, մանուկ հասակից ունեցել է առողջական խնդիրներ, որոնց պատճառով նրան տրամադրվել տարկետում 3 տարի ժամկետով: Տարկետման ժամկետի ավարտից հետո` 2015թ. հունվարին, Հ.Հովհաննիսյանը զորակոչվել և ծառայության է նշանակվել ԼՂՀ Մարտակերտ քաղաքում տեղակայված զորամասում: 2016թ. մարտ ամսին տեղեկացել է, որ հայրը գումար է տվել Ս.Սարգսյանին` եղբորը ծառայությունից ազատելու համար, որի դիմաց Հ.Հովհաննիսյանը 2011թ. ստացել է տարկետում, սակայն այնուհետև Ս.Սարգսյանը խաբել և ստացված գումարի դիմաց ոչինչ չի արել:

Թիվ 10200316 գործ, հատոր 1, գ.թ. 259-263

Վկա Աշոտ Արմենի Մարտիրոսյանը նախաքննության փուլում ցուցմունք է տվել, որ Ս.Սարգսյանի ամուսինն է: 2011թ. կնոջից տեղեկացել է, որ Ս.Հովհաննիսյանի որդու` Հ.Հովհաննիսյանի զորակոչին միջամտելու համար, Հ.Հովաննիսյանը կնոջը գումար է տվել:
Այդ կապակցությամբ Ս.Հովհաննիսյանը 2011-2015թթ ընթացքում մի քանի անգամ եկել է իրենց տուն, պահանջել է հետ վերադարձնել գումարը որի ժամանակ տեղեկացել է, որ վերջինս կնոջը տվել է 6.000-ից 6.500 ԱՄՆ դոլար գումար` Հ.Հովհաննիսյանի զորակոչը հետաձգելու համար: Դրանցի հետո տեղեկացել է նաև, որ կինը Ս.Հովհաննիսյանին վերադարձրել է 2.500 ԱՄՆ դոլար գումար, սակայն վերջինս պահանջել է վերադարձնել նաև գումարի մնացած մասը: Հերթական անգամ, երբ այդ հարցով Ս.Հովհաննիսյանն իրենց տանը վիճել է Ս.Սարգսյանի հետ, վերջինս զանգահարել է ոստիկանություն և հայտնել նշվածի մասին:

Թիվ 10200316 գործ, հատոր 2, գ.թ. 57-61

Վկա Վարդուշ Էդուարդի Օդաբաշյանը դատաքննության փուլում պնդել է նախաքննության փուլի ցուցմունքը, որ 2005թ-ից հանդիսանում է ՙՆորք՚ ինֆեկցիոն կլինիկական հիվանդանոցի 6-րդ բաժանմունքի ավագ օրդինատոր: 2011թ., զորակոչիկ Հ.Հովհաննիսյանը հետազտովել է 6-րդ բաժանմունքում, որի ընթացքում կատարված անամնեզտիկ և կլինիկական-լաբորատոր տվյալների հիմքով, նրա մոտ ախտորոշվել է ՙՍալմոնելյոզ՚ հիվանդությունը, իսկ 2014թ. մայիս ամսին կատարված հետազոտությունների արդյունքում պարզվել է, որ Հ.Հովհաննիսյանն ապաքինվել է և նրա մոտ նշված հիվանդությունը չի հայտնաբերվել: Որևէ տեղեկություն չունի, թե բաժանմունքի վարիչ Տիգրան Նազարյանը վերը նշված ժամանակահատվածներում Հ.Հովհաննիսյանի հետազոտությունների կապակցությամբ գումար ստացել է, թե` ոչ: Ինքը Ս.Սարգսյանին չի ճանաչել, վերջինիս հետ Հ.Հովհաննիսյանի հետազոտման հարցերով չի առընչվել, իսկ իր կողմից կատարված հետազոտությունները և տրված եզրակացությունները եղել են օբյեկտիվ:

Թիվ 10200316 գործ, հատոր 3, գ.թ. 58-66, 102-104

Վկա Տիգրան Մարատի Մանուկյանը դատաքննության փուլում ցուցմունք է տվել, որ 2011 թվականից ճանաչում է Ս.Սարգսյանին` համատեղ ծառայության վայրից: Զորակոչիկ Հ.Հովհաննիսյանի հարցով Ս.Սարգսյանն իրեն երբեք չի դիմել, ինքը Ս.Սարգսյանից 800 ԱՄՆ դոլար գումար չի ստացել: Արթուր Գալստյանին ճանաչում է 1996 թվականից, վերջինս իր ենթակա զինծառայողներից է եղել: Նրա հետ Հ.Հովհաննիսյանի հարցով չի հանդիպել: Ս.Սարգսյանն իրականությանը չհամապատասխանող տեղեկություններ է նշել և անհիմն մեղադրել է իրեն:

Վկա Գաբրիել Վարդգեսի Թեփելիկյանը նախաքննության փուլում ցուցմունք է տվել, որ 1990-2013թթ. ընթացքում ծառայել է ՀՀ զինված ուժերում, 2013թ. հոկտեմբեր ամսից աշխատում է ՀՀ առողջապահության նախարարությունում, որպես աշխատակազմի արտակարգ իրավիճակի և զորահավաքային նախապատրաստության բաժնի պետ: ՀՀ պաշտպանության նախարարի հրամանի հիմքով 2013-2014թթ ընթացքում ընդգրկվել է ՀՀ պաշտպանության նախարարին առընթեր հասարական խորհրդի հանձնաժողովի կազմում: Հաշվի առնելով, որ հանձնաժողովի անդամներից միայն ինքն է հանդիսացել մասնագիտությամբ բժիշկ, ուստի խորհրդի նիստերի ժամանակ բժշկական խնդիրների պարզաբանումներն իրականացվել են իր կողմից: Հ.Հովհաննիսյանի զորակոչի ընթացքի վերաբերյալ հայտնել է` հաշվի առնելով, որ վերջինիս 2011թ-ին տրամադրվել է տարկետում 3 տարի ժամկետով` ՙՍալմոնելյոզ՚ հիվանդության պատճառով, իսկ 2014թ-ին կատարված հետազոտությունների արդյունքներով նրա մոտ հայտնաբերվել է ՙԴիսբակտերիոզ 2-րդ աստիճանի՚ հիվանդությունը, որի պայմաններում ԿԲՀ-ի որոշմամբ Հ.Հովհաննիսյանը ճանաչվել է պիտանի զինվորական ծառայության համար, ուստի նշված հանգամանքը հիմք է հանդիսացել կրկնակի հետազոտության վերաբերյալ միջնորդության կայացման համար: Նշել է նաև, որ այդ որոշումը կրել է օբյեկտիվ բնույթ, Հ.Հովհաննիսյանի հարցով իրեն ոչ ոք չի դիմել, ինքը որևէ շահագրգռվածություն չի ունեցել:

Թիվ 10200316 գործ, հատոր 3, գ.թ. 32-39

Վկա Արթուր Սուրենի Գալստյանը նախաքննության փուլում ցուցմունք է տվել, որ 2011-2015թթ ընթացքում զբաղեցրել է ՀՀ զինվորական կոմիսարիատի զորակոչի բաժնի զորակոչի բաժանմունքի պետի պաշտոնը: Ծառայության բերումով ճանաչել է Տ.Մանուկյանին: 2014թ. ընթացքում ընդգրկված է եղել ՀՀ պաշտպանության նախարարին առընթեր հասարակական խորհրդում, որպես հանձնաժողովի անդամ: Հանձնաժողովի կազմում իր պարտականությունների մեջ է մտել զորակոչի օրինականության վերաբերյալ պարզաբանումներ տալը: Ինչ վերաբերում է հանձնաժողովի կողմից Հ.Հովհաննիսյանին կրկնակի հետազոտության ենթարկելու վերաբերյալ կայացված միջնորդությանը, նշել է, որ բժշկական հարցերով նշված որոշումն ընդունվում է հանձնաժողովի բժիշկ մասնագետի և հանձնաժողովի նախագահի կողմից: Հ.Հովհաննիսյանին կրկնակի հետազոտության ենթարկելու հարցում որևէ մեկից, այդ թվում` Տ.Մանուկյանից գումար չի ստացել և նշված գործընթացին որևէ միջամտություն չի ցուցաբերել:

Թիվ 10200316 գործ, հատոր 3, գ.թ. 5-12

Վկա Սուրեն Սեյրանի Մեջլումյանը դատաքննության փուլում ցուցմունք է տվել տվել, որ ՀՀ ՊՆ Շենգավիթի զինվորական կոմիսարիատի զորակոչային բաժանմունքի պետն է: Հովհաննես Հովհաննիսյանը հաշվառման մեջ է գտնվել Շենգավիթի զինվորական կոմիսարիատում, զորակոչման գործընթացը կազմակերպվել է օբյեկտիվ, ըստ սահմանված կարգի, վերջինս ճանաչվել է պիտանի ծառայության համար և զորակոչվել է բանակ: Մինչ այդ Հ.Հովհաննիսյանն ունեցել է տարկետման իրավուն, սակայն չի հիշում, թե որքան ժամանակով: Հ.Հովհաննիսյանի զորակոչման հարցով որևէ մեկն իրեն չի դիմել: Գնդապետ Տիգրան Մանուկյանին չի ճանաչում, վերջինս իրեն Հ.Հովհաննիսյանի համար չի դիմել և գումար չի տվել:

Վկա Համլետ Արամայիսի Շահբազյանը դատաքննության փուլում ցուցմունք է տվել, որ ՀՀ ՊՆ Շենգավիթի զինվորական կոմիսարն է: Հովհաննես Հովհաննիսյանն իրենց զինկոմիսարիատից է զորակոչվել բանակ: Տիգրան Մանուկյանին չի ճանաչում և Հ.Հովհաննիսյանի զորակոչի հարցով իրեն ոչ ոք չի դիմել և գումար չի տվել:

Թիվ 118/հձ դատաբժշկական հանձնաժողովային փորձաքննության եզրակացության համաձայն` փորձաքննության ընթացքում իրականացված հետազոտություններով պարզվել է, որ Հ.Հովհաննիսյանը ներկայումս տառապում է հետևյալ հիվանդությամբ ՙՄիտրալ պրոլապս առաջին աստիճան, միտրալ անբավարարություն առաջին աստիճան, փորոքների վաղաժամ ռեպոլարիզացիայի համախտանիշ, երկկողմանի երկայնակի հարթաթաթություն երկրորդ աստիճանի քայլվածքի աննշան խանգարումով՚: Փորձաքննության ընթացքում իրականացված հետազոտությունների արդյունքներով` սուր կամ վտանգավոր աղիքային պաթոլոգիա չի հայտնաբերվել: Որոշել վերը նշված հիվանդությունների առաջացման ստույգ վաղեմությունը հնարավոր չէ, ինչ վերաբերվում է Հ.Հովհաննիսյանի մոտ նախկինում ախտորոշված հիվանդություններին, ապա նկատի ունենալով դրանց բնույթը, ներկայումս բացառել կամ հաստատել դրանց առկայությունը` հնարավոր չէ:
Հ.Հովհաննիսյանի մոտ ինչպես նախկինում կայացված ախտորոշումները, այնպես էլ ներկայումս` սույն փորձաքննության ընթացքում կայացված ախտորոշումները, չեն ենթադրում ի ծնե հիվանդություններ:
Զինվորական կոմիսարիատների համապատասխան աշխատակիցները Հ.Հովհաննիսյանին 2011-2015թթ բժշկական կենտրոններ ուղեգրելու համար ունեցել են բավարար հիմքեր, համաձայն որոնց Հ.Հովհաննիսյանն ունեցել է հետազոտություններ անցնելու անհրաժեշտություն:
Հ.Հովհաննիսյանի վերաբերյալ 17.02.2011թ. ինֆեկցիոնիստ Լ.Իսրայելյանի կողմից ախտորոշված ՙԱղիքային ինֆեկցիա պայմանավորված պայմանանկան պաթոգեն միկրոֆլորայով՚ հիվանդությունն ըստ բժշկական փաստաթղթերի կայացվել է հիմնավոր:
Հ.Հովհաննիսյանի վերաբերյալ 22.03.2011թ-ից 24.03.2011թ. ՙԷրեբունի՚ ԲԿ-ում իրականացված հետազոտությունների արդյունքում արձանագրված` ՙԵրկկողմանի երկայնակի 3-րդ հարթաթաթություն H-15 քայլքի չափավոր խանգարումով՚ ախտորոշումն ըստ բժշկական փաստաթղթերի տվյալների կայացվել է հիմնավորված:
Հ.Հովհաննիսյանի վերաբերյալ 10.05.2011թ-ից 18.05.2011թ. ՙՆորք՚ ինֆեկցիոն կլինիկական հիվանդանոցի` ՙՍալմոնելյոզ, գաստրոինտեստինալ ձև, էնտերոկոլիկ տարբերակ, ձգձգվող ընթացք՚ ախտորոշումն ըստ առկա բժշկական փաստաթղթերի տվյալների կայացվել է հիմնավորված:
Հ.Հովհաննիսյանի վերաբերյալ 11.04.2011թ-ից 23.04.2011թ. ՙՆորք ինֆեկցիոն կլինիկական հիվանդանոցի ՙՀետազոտման ընթացքում աղիքային ինֆեկցիա հայտնաբերված չէ: Աղիների դիսբակտերիոզ 2-րդ աստիճանի՚ ախտորոշումն ըստ առկա բժշկական փաստաթղթերի կայացվել է հիմնավորված:
Հ.Հովհաննիսյանի 14.07.2014թ. ՙԱրմենիա՚ ՀԲԿ-ի բակտերիոլոգիական լաբորատորիայի կղանքի հետազոտության արդյունքները և եզրակացությունը ներկայումս հերքել կամ հաստատել հնարավոր չէ:
Հ.Հովհաննիսյանի վերաբերյալ 22.12.2014թ-ից 25.12.2014թ. ՙՍուրբ Գրիգոր Լուսավորիչ՚ ԲԿ-ի ՙԱրտահայտված նեյրոցիրկուլյար դիստոնիա կարդիալ ձև սրտի ռիթմի խանգարումներով արտահայտված սինուսային տախիկարդիայի հաճախակի էպիզոդներ հանգստի ժամանակ: Սրտամկանի հիպօքսիա: Միտրալ փականի առաջնային փեղկի պրոլապս 1-ին աստիճան միտրալ հետհոսք 1-ին աստիճան՚ ախտորոշումն ըստ ներկայացված բժշկական փաստաթղթերի կայացվել է հիմնավորված:
Հաշվի առնելով Հ.Հովաննիսյանի մոտ նախկինում ախտորոշված հիվանդությունների բնույթը, չի բացառվում, որ այդպիսիք առ սույն փորձաքննության կատարման ժամանակ ենթարկվեին լավացման կամ ապաքինման և չհայտնաբերվեին սույն փորձաքննության ընթացքում իրականացված հետազոտություններով, սակայն ասել, թե ինչպիսի բուժական միջոցառումների արդյունքում են այդպիսիք ենթարկվել լավացման կամ ապաքինման` հնարավոր չէ:

Թիվ 10200316 գործ, հատոր 3, գ.թ. 114-121

2016թ. մարտի 10-ին Սամվել Կարապետի Հովհաննիսյանի կողմից տված հաղորդման համաձայն` 2014-2015թթ ընթացքում Սաթենիկ Յանֆֆայի Սարգսյանն իր որդու` Հովհաննես Հովհաննիսյանի, ժամկետային զինվորական ծառայությունից տարկետման գործընթացը կազմակերպելու համար իրենից վերցրել է ընդհանուր 6.000 ԱՄՆ դոլար գումար և ոչինչ չանելով վերադարձրել է 2.500 ԱՄՆ դոլար գումարը, իսկ 3.500 ԱՄՆ դոլար գումարը` հափշտակել:

Թիվ 10200316 գործ, հատոր 1, գ.թ. 5-6

2016թ. մարտի 18-ին Սաթենիկ Յանֆֆայի Սարգսյանի կողմից տված հաղորդման համաձայն` 2016թ. մարտի 18-ին Սամվել Հովհաննիսյանի որդու` Հովհաննես Հովհաննիսյանի ժամկետային զինվորական ծառայությունից տարկետման գործընթացը կազմակերպելու համար 2011թ. Սամվել Հովհաննիսյանից ստացել է 2.500 ԱՄՆ դոլար և այն որպես կաշառք տվել ՙՆորք՚ ինֆեկցիոն հիվանդանոցի 6-րդ բաժնի վարիչ Տիգրան Նազարյանին, ում շնորհիվ նա ստացել է 3 տարի ժամկետով տարկետում:
2014թ. Սամվել Հովհաննիսյանն իրեն տվել է 1.100 ԱՄՆ դոլար, որը կրկին տվել է Տիգրան Նազարյանին, իսկ Սամվել Հովհաննիսյանի կնոջ կողմից տրված 800 ԱՄՆ դոլարը, որպես կաշառք տվել է Վ.Սարգսյանի անվան ռազմական ինստիտուտի զինծառայող, գնդապետ Տիգրան Մանուկյանին:
2015թ. հունվարի 22-ին Սամվել Հովհաննիսյանի կողմից իրեն տրված 1.900 ԱՄՆ դոլարը որպես կաշառք տվել է փոխգնդապետ Հայկ Խաչատրյանին` ԿԲՀ թերապևտ Ալեքսանյանին փոխանցելու նպատակով:
Նշված գումարները նշված անձանց տվել է որպես կաշառք, որպեսզի Ս.Հովհաննիսյանի որդին ազատվեր զին ծառայությունից տարկետման միջոցով:

Թիվ 10200316 գործ, հատոր 1, գ.թ. 29-30

Հովհաննես Սամվելի Հովհաննիսյանի անձնական գործի զննության մասին արձանագրությամբ:

Թիվ 10200316 գործ, հատոր 1, գ.թ. 111-114

ՙՂ-Տելեկոմ՚ ՓԲ, ՙԱրմենՏել՚ ՓԲ և ՙՅուքոմ՚ ՍՊ ընկերություններից ստացված լազերային սկավառակների զննում կատարելու վերաբերյալ արձանագրությամբ, համաձայն որի` 01.01.2011թ-ից 04.05.2016թ-ն ընկած ժամանակահատվածում Սաթենիկ Սարգսյանի 094-58-12-11 հեռախոսահամարից Սամվել Հովհաննիսյանի կողմից օգտագործվող 091-38-60-71 հեռախոսահամարին կատարվել են 2 հեռախոսազանգեր` 10.04.2011թ.` ժամը 13:50-ին, 42 վայրկյան տևողությամբ և 12.02.2015թ,` ժամը 20:30-ին, 1 րոպե 5 վայրկյան տևողությամբ:
Ս.Հովհաննիսյանին պատկանող 091-38-60-71 հեռախոսահամարից Ս.Սարգսյանի 094-58-12-11 հեռախոսահամարին նշված ժամանակահատվածում կատարվել են 16 հեռախոսազանգեր, մասնավորապես` 04.05.2011թ.` ժամը 10:55-ին և ժամը 10:59-ին, համապատասխանաբար` 38 վայրկյան և 22 վայրկյան տևողությամբ, 05.02.2014թ., 18.02.2014թ., 17.03.2014թ` թվով 5, 11.06.2014թ., 16.02.2015թ., 23.02.2016թ.` թվով 2, կատարված զանգերը զրոյական են, 20.02.2016թ.` ժամը 18:38-ին և 19:20-ին կատարված զանգերի տևողությանը կազմել է համապատասխանաբար` 47 վայրկյան և 6 վայրկյան, իսկ 22.02.2016թ. զանգ է կատարվել ժամը 10:50-ին` 24 վայրկյան տևողությամբ:
Ս.Հովհաննիսյանի կողմից օգտագործվող 091-38-60-71 հեռախոսահամարից Սաթենիկ Սարգսյանի կողմից օգտագործվող 096-63-51-55 և 055-48-54-80 հեռախոսահամարներին 20.04.2014թ-ից 17.12.2015թ-ն ընկած ժամանակահատվածում գրեթե յուրաքանչյուր ամիս կատարվել են թվով 137 հեռախոսազանգեր, մասնավորապես` 2014թ. գարնան, ձմռան և 2015թ. ձմռան ամիսներին, այդ թվում` 2015թ. հունվարի 21-ին, 22-ին և 23-ին, բացի այդ, 12.02.2015թ. և 20.02.2016թ. կատարվել են թվով 4 հեռախոսազանգեր Ս.Սարգսյանի 098-58-12-11 հեռախոսահամարին:
Զննությամբ պարզվել է նաև, որ 2015թ. հունվար ամսվա դրությամբ, Ս.Սարգսյանի և Հ.Խաչատրյանի կողմից օգտագործված հեռախոսահամարների միջև հեռախոսազանգեր գրանցված չեն:

Թիվ 10200316 գործ, հատոր 2, գ.թ. 26-28

Որպես այլ փաստաթղթեր ապացույց են ճանաչվել ` 09.07.2014թ. ՀՀ պաշտպանության նախարարին առընթեր հասրակական խորհրդի նախագահ, պաշտպանության նախարարի խորհրդական Գ.Հարությունյանին, 26.07.2014թ. ՀՀ պաշտպանության նախարար Ս.Օհանյանին հասցեագրված 2 դիմումները և 10.03.2016թ. ՀՀ ոստիկանության Էրեբունու բաժնի պետին ուղղված զեկուցագիրը:

Թիվ 10200316 գործ, հատոր 1, գ.թ. 8, 199-200, 209-210,
հատոր 4, գ.թ. 35-37

Դատարանի իրավական վերլուծությունները

Դատարանը գործով ձեռք բերված յուրաքանչյուր ապացույց գնահատելով թույլատրելիության վերաբերելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, ղեկավարվելով օրենքով, ներքին համոզմամբ, գտնում է, որ ամբաստանյալ Սաթենիկ Սարգսյանի մեղավորությունը` ՀՀ քրեական օրենսգրքի 38-363-րդ հոդվածի 3-րդ մասով, 178-րդ հոդվածի 2-րդ մասի 2-րդ կետով (3 դրվագ), 325-րդ հոդվածի 2-րդ մասով (2 դրվագ), 34-38-327-րդ հոդվածի 2-րդ մասի 2-րդ կետով (11 դրվագ), 38-325-րդ հոդվածի 2-րդ մասով (18 դրվագ), 313-րդ հոդվածի 1-ին մասով (21 դրվագ), 38-327-րդ հոդվածի 2-րդ մասի 2-րդ կետով (21 դրվագ) և 333-րդ հոդվածի 1-ին մասով նախատեսված հանցագործությունների կատարման մեջ, և Սամվել Հովհաննիսյանի մեղավորությունը ՀՀ քրեական օրենսգրքի 312-րդ հոդվածի 3-րդ մասի 1-ին կետով նախատեսված հանցագործության կատարման մեջ, ապացուցված է:
Վերոհիշյալ հանցանքի կատարման համար ամբաստանյալները ենթակա են քրեական պատասխանատվության և պատժի:
ՀՀ քրեական օրենսգրքի 10-րդ հոդվածի համաձայնª ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացիª համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի համաձայնª
ՙ1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից ու ազատություններից օրենքով նախատեսված զրկմամբ կամ դրանց սահմանափակմամբ:
2. Պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածի համաձայն`
ՙ1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում է հանցագործությանª հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվումª պատասխանատվությունը և պատիժը մեղմացնող կամ ծանրացնող հանգամանքներով՚:
ՀՀ Վճռաբեկ դատարանը 2012թ. նոյեմբերի 1-ին Սերոբ Սարգսյանի վերաբերյալ թիվ ՍԴ/0109/01/12 գործով արտահայտել է հետևյալ իրավական դիրքորոշումը. ՙ(…) պատիժ նշանակելու ընդհանուր սկզբունքները քրեական օրենքով նախատեսված այն հիմնադրույթներն են, որոնցով պետք է ղեկավարվի դատարանը պատիժ նշանակելիս: Այդ սկզբունքներն են`
ա) օրինականությունը,
բ) արդարությունը,
գ) պատժի անհատականացումը,
դ) մարդասիրությունը:
Պատիժ նշանակելու վերոնշյալ սկզբունքները սահմանում են այն հիմնական դրույթները, որոնցով ղեկավարվում է դատարանը յուրաքանչյուր քրեական գործով պատժի տեսակն ու չափն ընտրելիս:
(…) պատժի նշանակման իրավական շրջանակները սահմանված են ՀՀ քրեական օրենսգրքով: Դրա հետ մեկտեղ, սակայն, վերոնշյալ օրենքը դատարանին հնարավորություն է տվել որոշակի սկզբունքների (…) պահպանմամբ, իր ներքին համոզմանը և իրավագիտակցությանը համապատասխան, ՀՀ քրեական օրենսգրքի Ընդհանուր և Հատուկ մասերով նախատեսված սահմաններում որոշել պատժի տեսակն ու չափը: Այլ կերպ` ուրվագծելով կոնկրետ հանցանքի համար նշանակման ենթակա պատժի առավելագույն և նվազագույն սահմանները` ՀՀ քրեական օրենքը դատարանին տվել է այդ շրջանակում հայեցողություն դրսևորելու հնարավորություն:
Վճռաբեկ դատարանը գտել է, որ ՀՀ քրեական օրենսգրքի Հատուկ մասի գրեթե բոլոր հոդվածների սանկցիաներում ամրագրված վերոնշյալ մոտեցումը պայմանավորված է այն տրամաբանությամբ, որ քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են: Ուստի կոնկրետ արարքի և անձի նկատմամբ համընդհանուր քրեական օրենքով նախատեսված սանկցիան կիրառելիս դատարանը պետք է որոշակի հայեցողություն դրսևորի:
Այնսինքն` առանց դատարանի հայեցողության պատժի անհատականացումն անհնար է:
(…) Պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության աստիճանի ու բնույթի, հանցավորի անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների հայեցողական և ոչ երբեք կամային գնահատման ժամանակ դատարանը պետք է ելնի ՀՀ քրեական օրենսգրքի 48-րդ հոդվածով նախատեսված` պատժի նպատակների իրացումն ապահովելու անհրաժեշտությունից (տե'ս Նարեկ Գևորգի Սարգսյանի գործով Վճռաբեկ դատարանի 2011 թվականի դեկտեմբերի 22-ի թիվ ԵԿԴ/0042/01/11 որոշման 14-րդ, 22-23-րդ կետերը)՚:
Ամբաստանյալ Սաթենիկ Սարգսյանի անձը բնութագրող տվյալներ դատարանը հաշվի է առնում, որ նա ամուսնացած է: Դատարանն ամբաստանյալի պատասխանատվությունն ու պատիժը մեղմացնող հանգամանք է դիտում, որ նա ընդունել է մեղքը և զղջացել կատարած արարքի համար, դեպքի հանգամանքների վերաբերյալ տվել է խոստովանական ցուցմունքներ, ակտիվորեն աջակցել է հանցագործությունը բացահայտելուն և հանցագործության մյուս մասնակիցներին մերկացնելուն, ֆիզիկապես վատառողջ է: Ամբաստանյալի պատասխանատվությունն ու պատիժը ծանրացնող հանգամանքներ առկա չեն:
Ամբաստանյալ Սամվել Հովհաննիսյանի անձը բնութագրող տվյալներ դատարանը հաշվի է առնում, որ նա նախկինում դատված չէ, ամուսնացած է: Դատարանն ամբաստանյալի պատասխանատվությունն ու պատիժը մեղմացնող հանգամանք է դիտում, որ նա ընդունել է մեղքը և զղջացել կատարած արարքի համար, դեպքի հանգամանքների վերաբերյալ տվել է խոստովանական ցուցմունքներ, աջակցել հանցագործությունը բացահայտելուն: Ամբաստանյալի պատասխանատվությունն ու պատիժը ծանրացնող հանգամանքներ առկա չեն:
ՀՀ վճռաբեկ դատարանը Կարեն Հարությունյանի վերաբերյալ գործով վերլուծելով ՀՀ քրեական օրենսգրքի Ընդհանուր մասի մի շարք դրույթներ, մասնավորապես` ՀՀ քրեական օրենսգրքի 10-րդ, 48-րդ և 61-րդ հոդվածները հանգել է այն հետևության, որ պատիժը համարվում է արդարացի, եթե դատարանը ճիշտ է գնահատում գործի բոլոր հանգամանքները, անձին բնութագրող բոլոր տվյալները և քրեական օրենքով նախատեսված պահանջներից ելնելով` հանցագործության մեջ մեղավոր անձի նկատմամբ նշանակում է այնպիսի պատիժ, որն անհրաժեշտ և բավարար է այդ անձին ուղղելու և նրա կողմից նոր հանցանքի կատարումը կանխելու համար (տե'ս ՀՀ վճռաբեկ դատարանի` Կարեն Հարությունյանի վերաբերյալ գործով 2007 թվականի նոյեմբերի 30-ի ՎԲ-201/07 որոշումը):
ՀՀ վճռաբեկ դատարանը Գարուշ Նորիկի Մադաթյանի վերաբերյալ 2009 թվականի փետրվարի 17-ի թիվ ԵՇԴ/0029/01/08 որոշմամբ արտահայտել է հետևյալ իրավական դիրքորոշումը.
ՙ(…) Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը:
(…) Արարքի հանրային վտանգավորության բնույթի որոշման հարցում Վճռաբեկ դատարանը կարևորել է խախտված քրեաիրավական նորմով պաշտպանվող հասարակական հարաբերության սոցիալական նշանակությունը, և գտնում է, որ պատիժ նշանակելիս դատարանները պարտավոր են հաշվի առնել տվյալ ժամանակահատվածում քրեական օրենսդրությամբ պահպանվող կոնկրետ հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը՚ (տե՛ս Գարուշ Նորիկի Մադաթյանի վերաբերյալ 2009 թվականի փետրվարի 17-ի թիվ ԵՇԴ/0029/01/08 որոշումը):

Հաշվի առնելով ամբաստանյալ Սաթենիկ Սարգսյանի կատարած հանցագործությունների բնույթը և հանրության համար վտանգավորության աստիճանը, դրանց կատարման եղանակը, հանցավոր մտադրության իրականացման աստիճանը, հանցագործությունները կատարելուց հետո նրա դրսևորած վարքագիծը, պատասխանատվությունը և պատիժը մեղմացնող հանգամանքները, խախտված հասարակական հարաբերության սոցիալական նշանակությունը և այդ ոլորտում պետության քրեական քաղաքականության ուղղվածությունը, դատարանը գտնում է, որ Սաթենիկ Սարգսյանը ՀՀ քրեական օրենսգրքի 38-363-րդ հոդվածի 3-րդ մասով, 178-րդ հոդվածի 2-րդ մասի 2-րդ կետով (3 դրվագ), 34-38-327-րդ հոդվածի 2-րդ մասի 2-րդ կետով (11 դրվագ), 38-327-րդ հոդվածի 2-րդ մասի 2-րդ կետով (21 դրվագ) նախատեսված հանցագործությունների կատարման համար ենթակա է պատժի ազատազրկման ձևով, իսկ ՀՀ քրեական օրենսգրքի 325-րդ հոդվածի 2-րդ մասով (2 դրվագ), 38-325-րդ հոդվածի 2-րդ մասով (18 դրվագ), 313-րդ հոդվածի 1-ին մասով (21 դրվագ) և 333-րդ հոդվածի 1-ին մասով նախատեսված հանցագործությունների կատարման համար` տուգանքի ձևով:
ՀՀ քրեական օրենսգրքի 69-րդ հոդվածի 3-րդ մասի համաձայն` ՙՄինչև դատավճռի օրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման, կարգապահական գումարտակում պահելու ձևով նշանակված պատժին` մեկ օրը հաշվելով մեկ օրվա դիմաց, իսկ հանրային աշխատանքների դեպքում` մեկ օրը երեք ժամի դիմաց:՚
Դատարանն արձանագրում է, որ ամբաստանյալ Սաթենիկ Սարգսյանը 2011 թվականի դեկտեմբերի 18-ից 2012 թվականի հունիսի 18-ը գտնվել է նախնական կալանքի տակ, ուստի ՀՀ քրեական օրենսգրքի 69-րդ հոդվածի 3-րդ մասի կանոններով, նրա նկատմամբ նշանակված պատժին պետք է հաշվակցել նախնական կալանքի տակ գտնվելու ժամկետը:
Դատարանը, քննության առնելով ամբաստանյալ Սաթենիկ Սարգսյանի նկատմամբ ՀՀ քրեական օրենսգրքի 64-րդ և 70-րդ հոդվածների կիրառման հնարավորության և ՀՀ քրեական օրենսգրքի 48-րդ հոդվածով ամրագրված պատժի նպատակների իրացվելիության հարցը և հաշվի առնելով Սաթենիկ Սարգսյանին մեղսագրված արարքների հանրային վտանգավորության աստիճանը և բնույթը, հանցավորի անձը, հանգում է հետևության, որ տվյալ դեպքում նրա նկատմամբ օրենքով նախատեսվածից ավելի մեղմ պատիժ նշանակելը կամ պատիժը պայմանականորեն չկիրառելը չի համապատասխանի արդարության և պատասխանատվության անհատականացման քրեաիրավական սկզբունքներին:
Վերոգրյալի հիման վրա դատարանը գտնում է, որ նշանակված պատիժն ամբաստանյալ Սաթենիկ Սարգսյանը պետք է կրի, քանի որ դրան խոչընդոտող հանգամանքներ առկա չեն:
Հաշվի առնելով ամբաստանյալ Սամվել Հովհաննիսյանի կատարած հանցագործության բնույթը և հանրության համար վտանգավորության աստիճանը, դրա կատարման եղանակը, հանցավոր մտադրության իրականացման աստիճանը, հանցագործությունը կատարելուց հետո նրա դրսևորած վարքագիծը, խախտված հասարակական հարաբերության սոցիալական նշանակությունը և այդ ոլորտում պետության քրեական քաղաքականության ուղղվածությունը, դատարանը գտնում է, որ Սամվել Հովհաննիսյանը ՀՀ քրեական օրենսգրքի 312-րդ հոդվածի 3-րդ մասի 1-ին կետով նախատեսված հանցագործության կատարման համար ենթակա է պատժի ազատազրկման ձևով:
Անդրադառնալով ամբաստանյալ Սամվել Հովհաննիսյանի նկատմամբ նշանակվող պատիժը նրա կողմից կրելու նպատակահարմարության հարցին, դատարանն արձանագրում է հետևյալը.
ՀՀ քրեական օրենսգրքի 70-րդ հոդվածի 1-ին մասի համաձայնª եթե դատարանն ազատազրկման ձևով պատիժ նշանակելով հանգում է հետևության, որ դատապարտյալի ուղղվելը հնարավոր է առանց պատիժը կրելու, ապա կարող է որոշում կայացնել այդ պատիժը պայմանականորեն չկիրառելու մասին: Նույն հոդվածի 2-րդ մասի համաձայնª պատիժը պայմանականորեն չկիրառելիu դատարանը հաշվի է առնում հանցավորի անձը բնութագրող տվյալները, պատաuխանատվությունը և պատիժը մեղմացնող և ծանրացնող հանգամանքները:
ՀՀ Վճռաբեկ դատարանն իր 12.06.2007թ. ՎԲ-124/07 որոշմամբ ՀՀ քրեական օրենսգրքի 70 հոդվածի կիրառման կապակցությամբ արտահայտել է այն իրավական դիրքորոշումը, որ ՙվկայակոչված հոդվածի կիրառումը հանցագործության տեսակի հետ կապված որևէ սահմանափակման չի ենթարկվում և դրա կիրառումը սահմանափակված չէ նաև հանցավոր արարքի վտանգավորության աստիճանով ու բնույթով, ինչպես նաև անձանց շրջանակով, որոնց նկատմամբ այն չի կարող կիրառվել՚: ՀՀ Վճռաբեկ դատարանը միաժամանակ նշել է, որ ՙՀՀ քրեական օրենսգրքի 70 հոդվածի կիրառման հիմնական պայմանը պատճառաբանված լինելն է: Նշանակված պատիժը պայմանականորեն չկիրառելիս դատարանը պետք է հանգամանորեն քննության առնի ինչպես հանցագործության կատարման, այնպես էլ հանցավորի անձին վերաբերող բոլոր հանգամանքները: Կարևորն այն է, որ հանգի հիմնավոր եզրակացության, որ դատապարտյալի ուղղումը հնարավոր է առանց պատիժը կրելու՚:
ՀՀ Վճռաբեկ դատարանը մեկ այլª 2008 թվականի փետրվարի 1-ի թիվ ՎԲ-01/08 որոշմամբ նշել է, որ ՙպատիժը պայմանականորեն չկիարառելու իրավական հիմքերը բացահայտելու համար ՀՀ քրեական օրենսգրքի 70 հոդվածում սահմանված իրադրություններն անհրաժեշտ է մեկնաբանել նաև ՀՀ քրեական օրենսգրքի 48 հոդվածի 2-րդ մասով ամրագրված պատժի նպատակների համատեքստում, այսինքնª պատիժը պայմանականորեն չկիրառելու մասին որոշում կայացնելիս իրավասու դատարանը յուրաքանչյուր դեպքում պետք է քննարկի նաև պատժիª սոցիալական արդարության վերականգնման և պատժի ենթարկված անձի ուղղվելու նպատակների իրացման հարցը՚: ՀՀ Վճռաբեկ դատարանը միաժամանակ նշել է, որ ՙսոցիալական արդարությունը վերականգնելու և պատժի ենթարկված անձի ուղղվելու մասին կարող է վկայել հանցագործությունից հետո հանցավորի դրսևորած վարքագիծը, մասնավորապեսª տուժողին պատճառած վնասը հարթելը կամ այն հարթելուն ուղղված ողջամիտ միջոցներ ձեռնարկելը՚:
ՀՀ քրեական օրենսգրքի 70 հոդվածի կիրառման կապակցությամբ Վճռաբեկ դատարանը դիրքորոշում է հայտնել նաև մի շարք այլ որոշումներում: Մասնավորապես, Հ.Բաղդասարյանի վերաբերյալ գործով որոշմամբ արձանագրել է, որ ՙ/.../ պատիժը կարող է պայմանականորեն չկիրառվել, եթե առկա է դատարանի համոզվածությունը, վստահությունն առանց իրական պատիժ նշանակելու ամբաստանյալի ուղղվելու հնարավորության մասին: Դատարանը նման հետևության հանգում է միայն օբյեկտիվ գոյություն ունեցող տվյալների վերլուծության հիման վրա, որոնք բնութագրում են արարքը, հանցավորի անձը և վկայում են պատիժը պայմանականորեն չկիրառելու հիմքերի առկայության մասին /…/՚: Մեկ այլª Դ.Հովհաննիսյանի վերաբերյալ գործով որոշման մեջ Վճռաբեկ դատարանը դիրքորոշում է հայտնել այն մասին, որ ՙՀՀ քրեական օրենսգրքի 70հոդվածի 2-րդ մասը սահմանում է, որ պատիժը պայմանականորեն չկիրառելիս դատարանը հաշվի է առնում հանցավորի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները: Չնայած պատիժը պայմանականորեն չկիրառելու հետ կապված ՀՀ քրեական օրենսգիրքը ինչպես հանցագործությունների, այնպես էլ անձանց շրջանակի որևէ սահմանափակում չի նախատեսել, դատարանը պարտավոր է, ղեկավարվելով ՀՀ քրեական օրենսգրքի 61հոդվածով նախատեսված պատիժ նշանակելու ընդհանուր սկզբունքներով, հաշվի առնել նաև հանցագործությանª հանրության համար վտանգավորության աստիճանն ու բնույթը: Դատարանի կողմից նշանակվող պատժի արդարացիության հիմնական պահանջն այն է, որ պատիժը պետք է համապատասխանի հանցագործության վտանգավորության աստիճանին ու բնույթին: Պատիժը պայմանականորեն չկիրառելու համար կարևոր նշանակություն ունեն հանցագործության կատարման հանգամանքները, եղանակը, գործիքներն ու միջոցները, մեղքի ձևը, հանցավորի կողմից այդ հանցագործության հանրորեն վտանգավոր հետևանքները նախատեսելու բնույթն ու աստիճանը /…/՚: Թ.Տեր-Գրիգորյանի վերաբերյալ որոշման մեջ Վճռաբեկ դատարանն իրավական դիրքորոշում է հայտնել այն մասին, որ ՙՊատիժ նշանակելիս և այն կրելու նպատակահարմարության հարցը քննարկելիս դատարանը հաշվի է առնում նաև ՀՀ քրեական օրենսգրքի 62-րդ և 63-րդ հոդվածներով նախատեսված պատասխանատվությունն ու պատիժը մեղմացնող և ծանրացնող հանգամանքները: Հանցակազմի սահմաններից դուրս գտնվելով դրանք բնութագրում են ինչպես կատարված հանցագործությունը, այնպես էլ հանցավորի անձնավորությունը, հնարավորություն են տալիս պատկերացում կազմել հանցավորի անձնավորության և հանցագործության` հանրության համար վտանգավորության աստիճանի մասին` համապատասխանաբար բարձրացնելով կամ իջեցնելով այն: Դրանց գնահատմամբ է հնարավոր յուրաքանչյուր կոնկրետ գործով անհատական մոտեցում ցուցաբերել ինչպես պատժի տեսակը և չափը որոշելիս, այնպես էլ այն կրելու նպատակահարմարության հարցը լուծելիս: Նշանակված պատիժը կրելու նպատակահարմարության վերաբերյալ դատարանի կողմից կայացված որոշումը պետք է հիմնված լինի կատարած հանցագործության, դրա առանձնահատկությունների, գործի կոնկրետ հանգամանքների, հանցավորի անձի, պատասխանատվությունը և պատիժը մեղմացնող կամ ծանրացնող հանգամանքների բազմակողմանի գնահատման վրա` նպատակ ունենալով ապահովել ՀՀ քրեական օրենսգրքի 48 հոդվածի 2-րդ մասում նշված պատժի նպատակների իրագործման հնարավորությունը՚ /Վճռաբեկ դատարանի թիվ ԱՎԴ2/0059/01/08, թիվ ԵԱՔԴ/0078/01/09, թիվ ՎԲ-192/07, թիվ ՎԲ-50/07, թիվ ՎԲ-55/07 , թիվ ՎԲ-201/07, թիվ ՎԲ-124/07, թիվ ԵԱՔԴ/0078/01/09, թիվ ԵԱՔԴ/0120/01/09 և մի շարք այլ որոշումներ/:
Վերը նշված օրենսդրական կարգավորումներից և Վճռաբեկ դատարանի նախադեպային որոշումներում արտահայտված իրավական դիրքորոշումներից հետևում է, որ պատիժը պայմանականորեն չկիրառելու համար անհրաժեշտ է դատարանի համոզվածությունը, որ դատապարտյալի ուղղվելը հնարավոր է առանց նշանակված պատժատեսակն իրական կրելու: Ընդ որում, այդ համոզվածությունը պետք է հիմնված լինի գործի օբյեկտիվ տվյալների վրա, և պատիժը պայմանականորեն չկիրառելիս դատարանը պետք է հանգամանորեն քննության առնի ինչպես հանցագործության կատարման, այնպես էլ հանցավորի անձին վերաբերող, պատասխանատվությունը և պատիժը մեղմացնող և ծանրացնող հանգամանքները:
Այսպիսով, դատարանը, քննության առնելով ՀՀ քրեական օրենսգրքի 70-րդ հոդվածի կիրառման հնարավորության և ՀՀ քրեական օրենսգրքի 48-րդ հոդվածով ամրագրված պատժի նպատակների իրացվելիության հարցը, վերուծելով և գնահատելով գործի վերոհիշյալ փաստական հանգամանքները, հաշվի առնելով Սամվել Հովհաննիսյանին ՀՀ քրեական օրենսգրքի 312-րդ հոդվածի 3-րդ մասի 1-ին կետով վերագրվող արարքի հանրության համար վտանգավորության աստիճանը և բնույթը, նրա անձը բնութագրող տվյալները, այդ թվում` պատասխանատվությունն ու պատիժը մեղմացնող հանգամանքների համակցությունը, ինչպես նաև` պատասխանատվությունը և պատիժը ծանրացնող հանգամանքների բացակայությունը, որոնք էականորեն ազդում են հանցանքի հանրության համար վտանգավորության աստիճանի նվազեցման վրա, հանգում է հետևության, որ Սամվել Հովհաննիսյանի ուղղվելը հնարավոր է առանց նշանակված պատիժը կրելու, և նրա նկատմամբ ՀՀ քրեական օրենսգրքի 312-րդ հոդվածի 3-րդ մասի 1-ին կետով կատարած հանցանքի համար ազատազրկման ձևով նշանակված պատիժը ՀՀ քրեական օրենսգրքի 70-րդ հոդվածի կիրառմամբ պայմանականորեն չկիրառելու միջոցով սույն գործով հնարավոր է ապահովել ՀՀ քրեական օրենսգրքի 48-րդ հոդվածով նախատեսված պատժի նպատակներն իրագործելու հնարավորությունը: Տվյալ դեպքում` դրանով կապահովվեն նաև ՀՀ քրեական օրենսգրքի 10-րդ և 61-րդ հոդվածներով սահմանված` արդարության, պատասխանատվության անհատականացման և պատիժ նշանակելու ընդհանուր սկզբունքները:
Անդրադառնալով ընտրված խափանման միջոցներին, դատարանը գտնում է, որ ամբաստանյալ Սաթենիկ Սարգսյանի` 2017 թվականի հունիսի 27-ից նախնական կալանքի տակ գտնվելու հիմքով նրա նկատմամբ սույն գործով ընտրված խափանման միջոցը` ստորագրություն` չհեռանալու մասին, պետք է վերացնել, իսկ Սամվել Կարապետի Հովհաննիսյանի նկատմամբ ընտրված խափանման միջոցը` ստորագրություն` չհեռանալու մասին, պետք է թողնել անփոփոխ` մինչև դատավճռի օրինական ուժի մեջ մտնելը:
Անդրադառնալով իրեղեն ապացույցների տնօրինման հարցին, դատարանը գտնում է, որ իրեղեն ապացույց ճանաչված` Հարություն Գրիգորյանի, Էմիլ Օրդինյանի, Անդրանիկ Աստանյանի, Հովհաննես Վարդապետյանի, Իշխան Սադոյանի, Գերասիմ Եսայանի, Էդգար Հովհաննիսյանի, Նաիրի Խաչատրյանի, Գարիկ Սաֆարյանի, Անդրանիկ Ֆարմանյանի, Թորգոմ Ֆարմանյանի, Ռոլանդ Մելքոնյանի, Դավիթ Սարգսյանի, Արսեն Ղարագյոզյանի, Արթուր Մուշեղյանի, Հովհաննես Չեմինյանի, Դավիթ Չոբանյանի, Անդրանիկ Գրիգորյանի, Ռոման Խուդոյանի, Հովհաննես Մելեքյանի, Սարգիս Սաֆարյանի վերաբերյալ բժշկական և այլ փաստաթղթերը, Արթուր Մուշեղյանի, Իշխան Սադոյանի, Իշխան Պողոսյանի, Դավիթ Չոբանյանի զորակոչային անձնական գործից առանձնացված առողջական վիճակի հետազոտման ակտերը, Հարություն Գրիգորյանի զորակոչային անձնական գործից առանձնացված առողջական վիճակի հետազոտման ակտերը և հոլտեր հետազոտման արդյունքները պարունակող փաստաթղթերը, Հովհաննես Վարդապետյանի զորակոչային անձնական գործից առանձնացված առողջական վիճակի հետազոտման ակտերը և էպիկրիզը, Անդրանիկ Աստանյանի զորակոչային անձնական փաստաթղթերը պետք է պահել քրեական գործի հետ միասին:

Ղեկավարվելով ՀՀ քրեական դատավարության օրենսգրքի 119-րդ, 134-րդ, 357-360-րդ, 365-րդ, 366-րդ, 369-373-րդ և 379-րդ հոդվածներով, դատարանը

ՎՃՌԵՑ

Սաթենիկ Յանֆֆայի Սարգսյանին մեղավոր ճանաչել ՀՀ քրեական օրենսգրքի 38-363-րդ հոդվածի 3-րդ մասով, 178-րդ հոդվածի 2-րդ մասի 2-րդ կետով (3 դրվագ), 325-րդ հոդվածի 2-րդ մասով (2 դրվագ), 34-38-327-րդ հոդվածի 2-րդ մասի 2-րդ կետով (11 դրվագ), 38-325-րդ հոդվածի 2-րդ մասով (18 դրվագ), 313-րդ հոդվածի 1-ին մասով (21 դրվագ), 38-327-րդ հոդվածի 2-րդ մասի 2-րդ կետով (21 դրվագ) և 333-րդ հոդվածի 1-ին մասով նախատեսված հանցագործությունների կատարման մեջ:

ՀՀ քրեական օրենսգրքի 38-363-րդ հոդվածի 3-րդ մասով նրա նկատմամբ պատիժ նշանակել ազատազրկում 1 /մեկ/ տարի ժամկետով:
3 դրվագով` ՀՀ քրեական օրենսգրքի 178-րդ հոդվածի 2-րդ մասի 2-րդ կետով` յուրաքանչյուր դրվագով պատիժ նշանակել ազատազրկում 2 /երկու/ տարի ժամկետով:
2 դրվագով` ՀՀ քրեական օրենսգրքի 325-րդ հոդվածի 2-րդ մասով` յուրաքանչյուր դրվագով պատիժ նշանակել տուգանք նվազագույն աշխատավարձի չորսհարյուրապատիկի` 400.000 /չորս հարյուր հազար/ ՀՀ դրամի չափով:
11 դրվագով` ՀՀ քրեական օրենսգրքի 34-38-327-րդ հոդվածի 2-րդ մասի 2-րդ կետով` յուրաքանչյուր դրվագով պատիժ նշանակել ազատազրկում 1 /մեկ/ տարի ժամկետով:
18 դրվագով` ՀՀ քրեական օրենսգրքի 38-325-րդ հոդվածի 2-րդ մասով` յուրաքանչյուր դրվագով պատիժ նշանակել տուգանք նվազագույն աշխատավարձի չորսհարյուրապատիկիª 400.000 /չորս հարյուր հազար/ ՀՀ դրամի չափով:
21 դրվագով` ՀՀ քրեական օրենսգրքի 313-րդ հոդվածի 1-ին մասով` յուրաքանչյուր դրվագով պատիժ նշանակել տուգանք` նվազագույն աշխատավարձի հարյուրապատիկի` 100.000 /մեկ հարյուր հազար/ ՀՀ դրամի չափով:
21 դրվագով` ՀՀ քրեական օրենսգրքի 38-327-րդ հոդվածի 2-րդ մասի 2-րդ կետով` յուրաքանչյուր դրվագով պատիժ նշանակել ազատազրկում 1 /մեկ/ տարի ժամկետով:
ՀՀ քրեական օրենսգրքի 333-րդ հոդվածի 1-ին մասով պատիժ նշանակել տուգանք նվազագույն աշխատավարձի երկուհարյուրապատիկի` 200.000 /երկու հարյուր հազար/ ՀՀ դրամի չափով:
ՀՀ քրեական օրենսգրքի 66-րդ և 68-րդ հոդվածների կանոններով, հանցանքների համակցությամբ պատիժները մասնակիորեն գումարելու միջոցով Սաթենիկ Յանֆֆայի Սարգսյանի նկատմամբ պատիժ նշանակել ազատազրկում 5 /հինգ/ տարի 6 /վեց/ ամիս ժամկետով և տուգանք` նվազագույն աշխատավարձի երկուհազարհինգհարյուրապատիկի` 2.500.000 /երկու միլիոն հինգ հարյուր հազար/ ՀՀ դրամի չափով:
ՀՀ քրեական օրենսգրքի 69-րդ հոդվածի կանոններով ազատազրկման ձևով նշանակված պատժին հաշվակցել նախնական կալանքի տակ գտնվելու 6 /վեց/ ամիսը և Սաթենիկ Յանֆֆայի Սարգսյանի նկատմամբ վերջնական պատիժ նշանակել ազատազրկում` 5 /հինգ/ տարի ժամկետով և տուգանք` նվազագույն աշխատավարձի երկուհազարհինգհարյուրապատիկի` 2.500.000 /երկու միլիոն հինգ հարյուր հազար/ ՀՀ դրամի չափով:
Պատժի սկիզբը հաշվել 2017 թվականի հունիսի 27-ից:
Սաթենիկ Յանֆֆայի Սարգսյանի` 2017 թվականի հունիսի 27-ից նախնական կալանքի տակ գտնվելու հիմքով նրա նկատմամբ սույն գործով ընտրված խափանման միջոցը` ստորագրություն` չհեռանալու մասին, վերացնել:

Սամվել Կարապետի Հովհաննիսյանին մեղավոր ճանաչել ՀՀ քրեական օրենսգրքի 312-րդ հոդվածի 3-րդ մասի 1-ին կետով նախատեսված հանցագործության կատարման մեջ և նրա նկատմամբ պատիժ նշանակել ազատազրկում 3 /երեք/ տարի ժամկետով:
Կիրառել ՀՀ քրեական օրենսգրքի 70-րդ հոդվածը և Սամվել Կարապետի Հովհաննիսյանի նկատմամբ ազատազրկման ձևով նշանակված պատիժը պայմանականորեն չկիրառել` սահմանելով փորձաշրջան 2 /երկու/ տարի ժամկետով:
Սամվել Կարապետի Հովհաննիսյանի նկատմամբ ընտրված խափանման միջոցը` ստորագրություն` չհեռանալու մասին, թողնել անփոփոխ` մինչև դատավճռի օրինական ուժի մեջ մտնելը:
Իրեղեն ապացույց ճանաչված` Հարություն Գրիգորյանի, Էմիլ Օրդինյանի, Անդրանիկ Աստանյանի, Հովհաննես Վարդապետյանի, Իշխան Սադոյանի, Գերասիմ Եսայանի, Էդգար Հովհաննիսյանի, Նաիրի Խաչատրյանի, Գարիկ Սաֆարյանի, Անդրանիկ Ֆարմանյանի, Թորգոմ Ֆարմանյանի, Ռոլանդ Մելքոնյանի, Դավիթ Սարգսյանի, Արսեն Ղարագյոզյանի, Արթուր Մուշեղյանի, Հովհաննես Չեմինյանի, Դավիթ Չոբանյանի, Անդրանիկ Գրիգորյանի, Ռոման Խուդոյանի, Հովհաննես Մելեքյանի, Սարգիս Սաֆարյանի վերաբերյալ բժշկական և այլ փաստաթղթերը, Արթուր Մուշեղյանի, Իշխան Սադոյանի, Իշխան Պողոսյանի, Դավիթ Չոբանյանի զորակոչային անձնական գործից առանձնացված առողջական վիճակի հետազոտման ակտերը, Հարություն Գրիգորյանի զորակոչային անձնական գործից առանձնացված առողջական վիճակի հետազոտման ակտերը և հոլտեր հետազոտման արդյունքները պարունակող փաստաթղթերը, Հովհաննես Վարդապետյանի զորակոչային անձնական գործից առանձնացված առողջական վիճակի հետազոտման ակտերը և էպիկրիզը, Անդրանիկ Աստանյանի զորակոչային անձնական փաստաթղթերը պահել քրեական գործի հետ միասին:

Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո` մեկամսյա ժամկետում:



ԴԱՏԱՎՈՐ Ա.ՄԿՐՏՉՅԱՆ