ԵԱՔԴ/0117/01/15

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանը

նախագահող դատավոր` Լ. Ավետիսյան
քարտուղարությամբ` Ն. Ղազարյանի, Ն. Այվազյանի
մասնակցությամբ
մեղադրող` Ս. Յուզբաշյանի
պաշտպաններ՜ Կ. Մեժլումյանի, Ս. Հարությունյանի
տուժող` Շ. Ալեքսանյանի


2015 թվականի հոկտեմբերի 26-ին, Երևան քաղաքում, դռնբաց դատական նիստում, դատական քննության արագացված կարգով, քննեց քրեական գործն ըստ մեղադրանքի Վոլոդյա Մանվելի Սուքիասյանի, ծնված 1995 թվականի հունիսի 8-ին, Վանաձոր քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, ծառայել է ՀՀ ՊՆ 31549 զորամասի 1-ին գումարտակի 3-րդ վաշտում, որպես գծամալուխային ջոկի հրամանատար, կոչումով կրտսեր սերժանտ, հաշվառված և բնակվում է Լոռու մարզի Վանաձոր քաղաքի Տիգրան Մեծի փողոցի 23 տուն հասցեում, մեղադրվում է ՀՀ քրեական օրենսգրքի 359 հոդվածի 1-ին մասով, որպես խափանման միջոց է ընտրվել հրամատարության հսկողությանը հանձնելը,

Պ Ա Ր Զ Ե Ց

1.Գործի դատավարական նախապատմությունը.
2015 թվականի մայիսի 18-ին ՀՀ ՔԿ ԶՔԳվ չորրորդ կայազորային քննչական բաժնում ՀՀ քրեական օրենսգրքի 359 հոդվածի 1-ին մասով նախատեսված հանցագործության հատկանիշներով հարուցվել է թիվ 90205815 քրեական գործը:
Նախաքննության մարմնի 2015 թվականի հունիսի 02-ի որոշմամբ Վոլոդյա Մանվելի Սուքիասյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 359 հոդվածի 1-ին մասով:
2015 թվականի հունիսի 03-ին նրա նկատմամբ որպես խափանման միջոց է կիրառվել հրամանատարության հսկողությանը հանձնելը:
2015 թվականի հուլիսի 2-ին թիվ 90205815 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան՜ ըստ էության քննելու համար:
2.Գործի փաստական հանգամանքները.
Նախնական քննության մարմինն ամբաստանյալ Վոլոդյա Մանվելի Սուքիասյանին ՀՀ քրեական օրենսգրքի 359 հոդվածի 1-ին մասով մեղադրանք է առաջադրել այն արարքի կատարման համար, որ նա հանդիսանալով ՀՀ ՊՆ 31549 զորամասի պարտադիր ժամկետային զինծառայող, կոչումով կրտսեր սերժանտ, 04.05.2015թ. ժամը 14:35-ի սահմաններում, զորամասի ծխարանում, ստորադասության հարաբերությունների բացակայութան դեպքում, խախտելով ՀՀ ԶՈՒ ներքին ծառայության կանոնագրքի 13-րդ, 16-րդ, 65-րդ և 158-րդ հոդվածներով սահմանված զինվորական ընկերասիրությունը բարձր պահելու, ընկերոջ պատիվն ու արժանապատվությունը հարգելու, այլ զինծառայողների հետ կոպտություն թույլ չտալու զինծառայողների փոխհարաբերությունների կանոնագրքային կանոնները, ծեծի է ենթարկել նույն զորամասի պարտադիր ժամկետային զինծառայող, կրտսեր սերժանտ Շահեն Մանվելի Ալեքսանյանին, այն է` գլխով մեկ անգամ հարվածել է վերջինիս ականջին և արմունկով մեկ անգամ հարվածել է աչքին` նրա առողջությանը պատճառելով թեթև վնասի հատկանիշներ չպարունակող մարմնական վնասվածքներ:
3. Արագացված դատական քննություն.
Մինչև դատաքննությունն սկսելն ամբաստանյալ Վոլոդյա Սուքիասյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալի պաշտպան Ս.Հարությունյանը, հայտնելով, որ ամբաստանյալն այն ներկայացրել է իր հետ խորհրդակցելու արդյունքում:
Մեղադրող Ս.Յուզբաշյանը դատական քննության արագացված կարգ կիրառելուն չի առարկել:
Տուժող Շ.Ալեքսանյանը նույնպես արագացված քննություն կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել դատական քննության արագացված կարգ կիրառելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Վոլոդյա Սուքիասյանը հանդիսանալով ՀՀ ՊՆ 31549 զորամասի պարտադիր ժամկետային զինծառայող, կոչումով կրտսեր սերժանտ, 04.05.2015թ. ժամը 14:35-ի սահմաններում, զորամասի ծխարանում, ստորադասության հարաբերությունների բացակայութան դեպքում, խախտելով ՀՀ ԶՈՒ ներքին ծառայության կանոնագրքի 13-րդ, 16-րդ, 65-րդ և 158-րդ հոդվածներով սահմանված զինվորական ընկերասիրությունը բարձր պահելու, ընկերոջ պատիվն ու արժանապատվությունը հարգելու, այլ զինծառայողների հետ կոպտություն թույլ չտալու զինծառայողների փոխհարաբերությունների կանոնագրքային կանոնները, ծեծի է ենթարկել նույն զորամասի պարտադիր ժամկետային զինծառայող, կրտսեր սերժանտ Շահեն Մանվելի Ալեքսանյանին: Այն է` գլխով մեկ անգամ հարվածել է վերջինիս ականջին և արմունկով մեկ անգամ հարվածել է աչքին` նրա առողջությանը պատճառելով թեթև վնասի հատկանիշներ չպարունակող մարմնական վնասվածքներ:
Այսինքն` Վ.Սուքիասյանը կատարել է հանցավոր արարք, որը համապատասխանում է ՀՀ քրեական օրենսգրքի 359 հոդվածի 1-ին մասով նախատեսված հանցագործության հատկանիշներին:
Կատարած արարքի համար ամբաստանյալ Վոլոդյա Սուքիասյանը ենթակա է քրեական պատասխանատվության և պատժի:
ՀՀ քրեական օրենսգրքի 48 հոդվածի համաձայն`
1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից ու ազատություններից օրենքով նախատեսված զրկմամբ կամ դրանց սահմանափակմամբ:
2. Պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները:
ՀՀ քրեական օրենսգրքի 61 հոդվածի համաձայն`
1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործության՝ հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով:
3. Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները:
Ամբաստանյալի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալ Վոլոդյա Սուքիասյանի անձը բնութագրող տվյալներ, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա նախկինում դատված չի եղել, հրամանատարության կողմից բնութագրվում է դրական, զղջում է կատարած արարքի համար, դեպքից հետո հաշտվել է Շահեն Ալեքսանյանի հետ:
Ամբաստանյալ Վոլոդյա Սուքիասյանի պատասխանատվությունը և պատիժը ծանրացնող հանգամանքներ առկա չեն:
Հաշվի առնելով Վ.Սուքիասյանի կատարած արարքի հանրության համար վտանգավորության աստիճանը և բնույթը, նրա անձը բնութագրող տվյալները, ինչպես նաև այն, որ նա զորացրվել է, ՀՀ քրեական օրենսգրքի 359 հոդվածի 1-ին մասի սանկցիայով որպես պատիժ նախատեսված է կարգապահական գումարտակում պահելու կամ ազատազրկման ձևով, դատարանը գտնում է, որ ամբաստանյալ Վոլոդյա Սուքիասյանի նկատմամբ ՀՀ քրեական օրենսգրքի 359 հոդվածի 1-ին մասով նախատեսված հանցավոր արարք կատարելու համար պատիժ պետք է նշանակել ազատազրկման ձևով:
Դատարանը հաշվի առնելով հանցավորի անձը բնութագրող վերը նշված տվյալները, պատասխանատվությունը և պատիժը մեղմացնող հանգամանքները, ինչպես նաև պատասխանատվությունը և պատիժը ծանրացնող հանգամանքների բացակայությունը, հանգում է այն հետևության, որ ՀՀ քրեական օրենսգրքի 48 հոդվածով նախատեսված պատժի նպատակներին հասնելը` սոցիալական արդարության վերականգնելը և ամբաստանյալի ուղղվելը հնարավոր է վերջինիս նկատմամբ նշանակված պատիժը պայմանականորեն չկիրառելու, սակայն նրա վարքագծի նկատմամբ վերահսկողություն իրականացնելու պայմաններում:
Դատարանը նկատի ունենալով, որ ՀՀ զինվորական ծառայության անցնելու մասին օրենքի 4-րդ հոդվածի 4-րդ մասի 1-ին կետի համաձայն` ՙՊարտադիր զինվորական ծառայության ժամկետը սահմանվում է՝ 1) շարքային կազմի համար՝ 24 ամիս. ...........՚, իսկ ՀՀ քրեական դատավարության օրենսգրքի 134 հոդվածի 3-րդ մասի համաձայն` ՙ.......Հրամանատարության հսկողությանը հանձնելը կարող է կիրառվել միայն զինծառայողի կամ զինապարտի նկատմամբ` զորահավաքներ անցնելու ժամանակահատվածում՚: Նկատի ունենալով, որ ամբաստանյալի զինվորական ծառայության ժամկետը լրացել է, նրա նկատմամբ որպես խափանման միջոց կիրառված հրամանատարության հսկողությանը հանձնելը պետք է փոխել և ընտրել նոր խափանման միջոց` ստորագրություն չհեռանալու մասին:
Հաշվի առնելով, որ տուժող Շահեն Ալեքսանյանը դատարանում հայտնել է, որ ամբաստանյալի նկատմամբ որևէ նյութական պահանջ չունի, դատարանը գտնում է, որ քաղաքացիական հայցի հարցը պետք է համարել լուծված:
Դատարանը գտնում է, որ ՀՀ ՔԿ ԶՔԳՎ 4-րդ կայազորային քննչական բաժնի քննիչի 15.06.2015թ.-ի որոշմամբ այլ փաստաթղթերն ապացույց ճանաչված քրեական գործում առկա տեղեկանքները, հեռախոսագրերը, զեկուցագրերը և հրամանների քաղվածքները, պետք է պահել սույն քրեական գործի հետ:
Դատարանը գտնում է, որ դատական ծախսերն ամբաստանյալից ենթակա չեն բռնագանձման, նկատի ունենալով, որ ՀՀ քրեական դատավարության օրենսգրքի 168 հոդվածի 1-ին մասի 1-ին կետով նախատեսված դատական ծախս սույն քրեական գործով չկա, իսկ 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի, ամբաստանյալից բռնագանձման ենթակա չեն:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 365, 369-373, 3753 և 3754 հոդվածներով, դատարանը

Վ Ճ Ռ Ե Ց

Վոլոդյա Մանվելի Սուքիասյանին մեղավոր ճանաչել ՀՀ քրեական օրենսգրքի 359 հոդվածի 1-ին մասով նախատեսված հանցանք կատարելու մեջ և նրան դատապարտել ազատազրկման երեք (3) ամիս ժամկետով:
Կիրառել ՀՀ քրեական օրենսգրքի 70 հոդվածը և Վոլոդյա Մանվելի Սուքիասյանի նկատմամբ ազատազրկման ձևով նշանակված պատիժը պայմանականորեն չկիրառել, սահմանելով փորձաշրջան մեկ (1) տարի ժամկետով:
Վոլոդյա Մանվելի Սուքիասյանի նկատմամբ կիրառված խափանման միջոցը` հրամատարության հսկողությանը հանձնելը, փոխել և որպես խափանման միջոց ընտրել` չհեռանալու մասին ստորագրությունը, մինչև դատավճռի օրինական ուժի մեջ մտնելը:
Վոլոդյա Սուքիասյանի վարքագծի նկատմամբ վերահսկողությունը հանձնարարել ՀՀ ԱՆ քրեակատարողական վարչության նրա բնակության վայրի այլընտրանքային պատիժների կատարման բաժնին: Փորձաշրջանի սկիզբը հաշվել քրեակատարողական վարչության այլընտրանքային պատիժների կատարման բաժնում Վոլոդյա Մանվելի Սուքիասյանին հաշվառման վերցնելու օրվանից:
Տուժող Շահեն Ալեքսանյանի քաղաքացիական հայցի հարցը համարել լուծված:
Ապացույց ճանաչված, այլ փաստաթուղթ հանդիսացող, քրեական գործում առկա տեղեկանքները, հեռախոսագրերը, զեկուցագրերը և հրամանների քաղվածքները, պահել սույն քրեական գործի հետ:
Դատական ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

Դատավոր՜ ստորագրություն
Բնագրի հետ ճիշտ է
Դատավոր` Լ. Ավետիսյան