Գործ No ԵԱՔԴ/0108/01/15

ՈՐՈՇՈՒՄ

ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ

ՙ06՚ օգոստոսի 2015թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը`

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
Ռ.Պետրոսյանի
մասնակցությամբ`
մեղադրող Վ.Մկրտչյանի

Դռնբաց դատական նիստում քննության առնելով քրեական գործն ըստ մեղադրանքի Միքայել Գևորգի Չինարյանի /ծնված 20.02.1991թ. Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, նախկինում չդատված, չամուսնացած, հաշվառված և բնակվողª ք.Երևան, Գ.Էմինի 54/3 տուն/, ՀՀ քրեական օրենսգրքի 177-րդ հոդվածի 1-ին մասով.

ՊԱՐԶԵՑ

2014 թվականի դեկտեմբերի 01-ին ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում ՀՀ քրեական օրենսգրքի 177-րդ հոդվածի 1-ին մասով հարուցվել է թիվ 14832314 քրեական գործը:
2014 թվականի դեկտեմբերի 27-ին քրեական գործով վարույթը կասեցվել է:
2015 թվականի հունվարի 20-ին քրեական գործով կասեցված վարույթը վերսկսվել է:
2015 թվականի մայիսի 18-ին Միքայել Չինարյանի նկատմամբ որպես խափանման միջոց է ընտվել ստորագրությունª չհեռանալու մասին
2015 թվականի մայիսի 25-ին Միքայել Չինարյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով:
2015 թվականի հունիսի 23-ին թիվ 14832314 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Նախաքննության մարմինն ամբաստանյալ Միքայել Չինարյանին ՀՀ քրեական օրենսգրքի 177-րդ հոդվածի 1-ին մասով մեղադրանք է առաջադրել, որ ՙնա 2014 թվականի նոյեմբերի 19-ինª ժամը 03:00-ի սահմաններում, ուրիշի գույքի գաղտնի հափշտակություն կատարելու դիտավորությամբ, տեխնիկական միջոցների գործադրմամբ, գաղտնի հափշտակել է Երևան քաղաքի Յ.Զուրաբյան փողոցի 16 տան մոտ կայանված, Ռոզա Մարզպետունու Մելքոնյանին պատկանող ՙՏոյոտա Կորոլա՚ մակնիշի 22QQ229 պետհամարանիշի ավտոմեքենայի աջ կողմի դիմացի և հետևի անվահեծերը անվադողերովª պատճառելով զգալի չափ հանդիսացող 350.000 ՀՀ դրամի գույքային վնաս՚:

Դատական քննության նախապատրաստական փուլում ամբաստանյալ Միքայել Չինարյանը միջնորդեց իր նկատմամբ քրեական հետապնդումը դադարեցնել և քրեական գործի վարույթը կարճել` տուժող Ռոզա Մելքոնյանի հետ հաշտության հիմքով:
Ամբաստանյալ Միքայել Չինարյանը հայտարարեց, որ ընդունել է մեղքը և անկեղծորեն զղջացել կատարած արարքի համար, հատուցել է տուժող Ռոզա Մելքոնյանին հանցագործության հետևանքով անմիջականորեն պատճառված գույքային վնասը, հաշտվել է նրա հետ ու այդ կապակցությամբ ներկայացրեց գրավոր դիմում:
Տուժող Ռոզա Մելքոնյանը դատարան է ներկայացրել դիմում և հայտնել, որ ամբաստանյալ Միքայել Չինարյանը հատուցել է իրեն հանցագործության հետևանքով անմիջականորեն պատճառված գույքային վնասը: Տուժողը միաժամանակ նշել է, որ ամբաստանյալ Մ.Չինարյանից որևէ բողոք կամ գույքային վնասի հատուցման պահանջ չունի:

ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի համաձայն` ՙքրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե սույն օրենսգրքով նախատեսված դեպքերում տուժողը հաշտվել է կասկածյալի կամ մեղադրյալի հետ՚:
ՀՀ քրեական դատավարության օրենսգրքի 183-րդ հոդվածի համաձայն` ՀՀ քրեական օրենսգրքի 177-րդ հոդվածի 1-ին մասով նախատեսված հանցագործության վերաբերյալ գործերը հարուցվում են ոչ այլ կերպ, քան տուժողի բողոքի հիման վրա և ամբաստանյալի հետ նրա հաշտվելու դեպքում ենթակա են կարճման:
ՀՀ քրեական օրենսգրքի 73-րդ հոդվածի համաձայն` ոչ մեծ ծանրության հանցանք կատարած անձը կարող է ազատվել քրեական պատասխանատվությունից, եթե նա հաշտվել է տուժողի հետ և հատուցել կամ այլ կերպ հարթել է նրան պատճառած վնասը:
Այսպիսով, դատարանը գտնում է, որ թիվ 14832314 քրեական գործի վարույթը պետք է կարճել և Միքայել Չինարյանի նկատմամբ քրեական հետապնդումը դադարեցնել` տուժողի հետ փոխադարձ հաշտության հիմքով:
Անդրադառնալով իրեղեն ապացույցների տնօրինման հարցին, դատարանը գտնում է, որ իրեղեն ապացույց ճանաչված և տուժող Ռոզա Մելքոնյանին ի պահ հանձնված ՙGMC chaked by 16.01.14, 12:48 p-b՚ գրառմամբ երկու անվահեծերը պետք է թողնել Ռոզա Մելքոնյանի տնօրինմանը:
Ղեկավարվելով ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետով, 119-րդ հոդվածով, 183-րդ հոդվածի 1-ին մասով և 379-րդ հոդվածով դատարանը`

Ո Ր Ո Շ Ե Ց

Թիվ 14832314 քրեական գործի վարույթը կարճել և ՀՀ քրեական օրենսգրքի 177-րդ հոդվածի 1-ին մասով ամբաստանյալ Միքայել Գևորգի Չինարյանի նկատմամբ քրեական հետապնդումը դադարեցնել` տուժող Ռոզա Մելքոնյանի և ամբաստանյալ Միքայել Չինարյանի փոխադարձ հաշտության հիմքով:
Միքայել Չինարյանի նկատմամբ ընտրված խափանման միջոցըª ստորագրությունª չհեռանալու մասին, վերացնել:
Իրեղեն ապացույց ճանաչված և տուժող Ռոզա Մելքոնյանին ի պահ հանձնված ՙGMC chaked by 16.01.14, 12:48 p-b՚ գրառմամբ երկու անվահեծերը թողնել Ռոզա Մելքոնյանի տնօրինմանը:
Որոշումը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո` մեկամսյա ժամկետում:


ԴԱՏԱՎՈՐ Ա.ՄԿՐՏՉՅԱՆ