ԵԱՔԴ/0107/01/15
Ո Ր Ո Շ ՈՒ Մ

քրեական հետապնդումը դադարեցնելու և քրեական գործի վարույթը կարճելու մասին

01 հոկտեմբերի 2015թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը` նախագահությամբ դատավոր Լ.Ավետիսյանի, քարտուղարությամբ Ն.Այվազյանի, մասնակցությամբ` մեղադրող Ա.Չախոյանի, ամբաստանյալ Գ.Մելիքսեթյանի, տուժող Կ.Մովսեսյանի, տուժողի ներկայացուցիչ Վ.Զուռնաչյանի, դռնբաց դատական նիստում, քննության առնելով Գեղամ Սերգեյի Մելիքսեթյանի (ծնված 1959 թվականի ապրիլի 23-ին, Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին մեկ անձ, նախկինում չդատված, աշխատում է ՙԱրսբենեֆիս՚ ՍՊԸ-ում որպես տնօրեն, հաշվառված և բնակվում է Երևան քաղաքի, Ավան, Ծարավ Աղբյուր փողոցի 55/5 շենքի թիվ 188 բնակարան հասցեում, մեղադրվում է ՀՀ քրեական օրենսգրքի 242 հոդվածի 1-ին մասով, որպես խափանման միջոց է ընտրվել չհեռանալու մասին ստորագրությունը) վերաբերյալ քրեական գործը,
Պ Ա Ր Զ Ե Ց

2014 թվականի սեպտեմբերի 27-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 244 հոդվածով նախատեսված հանցագործության հատկանիշներով հարուցվել է թիվ 60116414 քրեական գործը:
2015 թվականի հունիսի 5-ին որոշում է կայացվել Գեղամ Սերգեյի Մելիքսեթյանի նկատմամբ քրեական հետապնդում չիրականացնելու մասին՝ նրա արարքում ՀՀ քրեական օրենսգրքի 244 հոդվածով նախատեսված հանցագործության հանցակազմի բացակայության պատճառաբանությամբ:
Նախաքննության մարմնի 2015 թվականի հունիսի 5-ի որոշմամբ Գեղամ Սերգեյի Մելիքսեթյանը ներգրավվել է որպես մեղադրյալ ՀՀ քրեական օրենսգրքի 242 հոդվածի 1-ին մասով այն արարքի կատարման համար, որ նա 2014թ. սեպտեմբերի 17-ին, ժամը 1030-ի սահմաններում ՙՎԱԶ-21214՚ մակնիշի 05 SU 052 պ/հ ավտոմեքենայով, Երևան քաղաքի Կոմիտասի պողոտայում՝ թիվ 19 շենքի դիմացի կանգառից քիչ ներքև՝ դեպի Վաղարշյան փողոց տանող ուղեմասում, մայթի մոտ կայանած տեղից հետընթաց կատարելիս, թույլ է տվել ՃԵԿ-ի 36 և 48 կետերի, ինչպես նաև ՙՃանապարհային երթևեկության անվտանգության ապահովման մասին՚ ՀՀ օրենքի 23 հոդվածի 3-րդ կետի պահանջներին հակասող գործողություններ, այն է՝ հետընթաց սկսելուց առաջ, չհամոզվելով մանևրի կատարման անվտանգության մեջ ու չդիմելով այլ անձանց օգնությանը, ինչպես նաև ուշադիր չհետևելով ճանապարհատրանսպորտային ողջ իրադրության զարգացմանը և չհամոզվելով, որ դրա կատարումն անվտանգ է երթևեկության մյուս մասնակիցների՝ մասնավորապես հետիոտների համար, ավտոմեքենայի հետևի ձախ անկյունային հատվածով վրաերթի է ենթարկել հետիոտն Կառլեն Պանդավարի Մովսեսյանին, անզգուշությամբ պատճառել նրա առողջությանը ծանր վնաս՝ ընդհանուր աշխատունակության 1/3-ից ավելի կայուն կորստով՝ ինքն իրեն զրկելով վրաերթը կանխելու տեխնիկական հնարավորությունից:
2015 թվականի հունիսի 5-ին Գեղամ Սերգեյի Մելիքսեթյանի նկատմամբ որպես խափանման միջոց է ընտրվել չհեռանալու մասին ստորագրությունը:
2015 թվականի հունիսի 17-ին թիվ 60116414 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթույն վարչական շրջանների ընդհանուր իրավասության դատարան` ըստ էության քննելու համար:
Դատական քննության ժամանակ տուժող Կառլեն Մովսեսյանը դիմում է ներկայացրել դատարան, հայտնելով, որ ամբաստանյալ Գեղամ Մելիքսեթյանը հատուցել է իրեն պատճառված նյութական վնասը: Ինքը հաշտվել է ամբաստանյալի հետ, նրա նկատմամբ բողոք կամ պահանջ չունի: Խնդրել է քրեական գործի վարույթը կարճել:
Ամբաստանյալ Գեղամ Մելիքսեթյանը նույնպես դիմում է ներկայացրել դատարան, հայտնելով, որ ինքը հաշտվել է տուժող Կառլեն Մովսեսյանի հետ և համաձայն է, որ իր վերաբերյալ քրեական գործի վարույթը կարճվի՝ տուժողի հետ հաշտվելու հիմքով:
Մեղադրող Ա.Չախոյանը չի առարկել, որպեսզի ամբաստանյալի նկատմամբ քրեական գործի վարույթը կարճվի և քրեական հետապնդումը դադարեցվի՝ ՀՀ քրեական դատավարության օրենսգրքի 35 հոդվածի 1-ին մասի 5-րդ կետի հիմքով:
Վերոգրյալը հաշվի առնելով, դատարանը գտնում է, որ Գեղամ Սերգեյի Մելիքսեթյանի նկատմամբ քրեական հետապնդումը պետք է դադարեցնել և թիվ ԵԱՔԴ/0107/01/15 քրեական գործի վարույթը կարճել, նկատի ունենալով հետևյալը.
ՀՀ քրեական դատավարության օրենսգրքի 35 հոդվածի 1-ին մասի 5-րդ կետի համաձայն, քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ՀՀ քրեական դատավարության օրենսգրքով նախատեսված դեպքերում տուժողը հաշտվել է մեղադրյալի հետ:
ՀՀ քրեական դատավարության օրենսգրքի 183 հոդվածի 1-ին մասի համաձայն, ՀՀ քրեական օրենսգրքի 242-րդ հոդվածի 1-ին մասով (...) նախատեսված հանցագործությունների վերաբերյալ գործերը հարուցվում են ոչ այլ կերպ, քան տուժողի բողոքի հիման վրա, և կասկածյալի, մեղադրյալի կամ ամբաստանյալի հետ նրա հաշտվելու դեպքում ենթակա են կարճման: Հաշտությունը թույլատրվում է մինչև դատավճիռ կայացնելու համար դատարանի խորհրդակցական սենյակ հեռանալը:
ՀՀ քրեական օրենսգրքի 73 հոդվածի համաձայն, ոչ մեծ ծանրության հանցանք կատարած անձը կարող է ազատվել քրեական պատասխանատվությունից, եթե նա հաշտվել է տուժողի հետ և հատուցել կամ այլ կերպ հարթել է նրան պատճառած վնասը:
ՀՀ քրեական օրենսգրքի 19 հոդվածի 2-րդ մասի համաձայն, ոչ մեծ ծանրության հանցագործություններ են համարվում դիտավորությամբ կատարված այն արարքները, որոնց համար սույն օրենսգրքով նախատեսված առավելագույն պատիժը չի գերազանցում երկու տարի ժամկետով ազատազրկումը, կամ որոնց համար նախատեսված է ազատազրկման հետ կապ չունեցող պատիժ: ՀՀ քրեական օրենսգրքի 242 հոդվածի 1-ին մասով նախատեսված արարքները դասվում են ոչ մեծ ծանրության հանցագործությունների շարքին:
Անդրադառնալով ամբաստանյալի նկատմամբ կիրառված խափանման միջոցին, դատարանը գտնում է, որ Գեղամ Մելիքսեթյանի նկատմամբ ընտրված խափանման միջոցը` չհեռանալու մասին ստորագրությունը, պետք է վերացնել:
ՀՀ քննչական կոմիտեի Երևան քաղաքի քննչական վարչության ՀԿԳ քննիչի 18.05.2015թ.-ի որոշմամբ ապացույց ճանաչված այլ փաստաթուղթ հանդիսացող ՙՓարքինգ Սիթի Սերվիս՚ ՓԲԸ-ից տրամադրված լազերային սկավառակը պետք է պահել քրեական գործի հետ:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 33 հոդվածի 2-րդ մասով, 35 հոդվածի 1-ին մասի 5-րդ կետով, 36, 183 և 313 հոդվածներով, դատարանը

Ո Ր Ո Շ Ե Ց

Գեղամ Սերգեյի Մելիքսեթյանի նկատմամբ ՀՀ քրեական օրենսգրքի 242 հոդվածի 1-ին մասով քրեական հետապնդումը դադարեցնել և նրա վերաբերյալ թիվ ԵԱՔԴ/0107/01/15 քրեական գործի վարույթը կարճել` ամբաստանյալի հետ տուժող Կառլեն Մովսեսյանի հաշտվելու հիմքով:
Գեղամ Սերգեյի Մելիքսեթյանի նկատմամբ ընտրված խափանման միջոցը` չհեռանալու մասին ստորագրությունը, վերացնել:
Ապացույց ճանաչված այլ փաստաթուղթ հանդիսացող ՙՓարքինգ Սիթի Սերվիս՚ ՓԲԸ-ից տրամադրված լազերային սկավառակը պահել քրեական գործի հետ:
Որոշումը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո մեկամսյա ժամկետում:

Դատավոր` ստորագրություն
Բնագրի հետ ճիշտ է
Դատավոր` Լ. Ավետիսյան