Գործ No ԵԱՔԴ/0099/01/15

ՈՐՈՇՈՒՄ

ՔՐԵԱԿԱՆ ՊԱՏԱՍԽԱՆԱՏՎՈՒԹՅՈՒՆԻՑ ԱԶԱՏԵԼՈՒ ԵՎ
ԲԺՇԿԱԿԱՆ ԲՆՈՒՅԹԻ ՀԱՐԿԱԴՐԱԿԱՆ ՄԻՋՈՑՆԵՐ ԿԻՐԱՌԵԼՈՒ ՄԱՍԻՆ

ՙ03՚ օգոստոսի 2015թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
Ռ.Պետրոսյանի
մասնակցությամբ`
դատախազ Ա.Դոլինյանի
պաշտպան Ա.Հակոբյանի
օրինական ներկայացուցիչ Ա.Մանուկյանի

Դռնբաց դատական նիստում քննեց Աստղիկ Ռազմիկի Խաչատրյանի նկատմամբ (ծնվածª 10.01.1974թ. Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, չամուսնացած, դատվածություն չունեցող, հաշվառված և բնակվողª ք.Երևան, ռուբինյանց 2/3 շենք, 65 բնակարան) բժշկական բնույթի հարկադրական միջոցներ կիրառելու մասին վարույթը:

Վարույթի դատավարական նախապատմությունը
2015 թվականի մարտի 06-ին ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժնում ՀՀ քրեական օրենսգրքի 185-րդ հոդվածի 2-րդ մասի 2-րդ կետով հարուցվել են թիվ 09104515 և 09104415 քրեական գործերը:
2015 թվականի մարտի 12-ին թիվ 09104414 քրեական գործը միացվել է թիվ 09104514 քրեական գործին:
2015 թվականի մարտի 14-ին ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժնում ՀՀ քրեական օրենսգրքի 185-րդ հոդվածի 2-րդ մասի 2-րդ կետով հարուցվել է թիվ 09105215 քրեական գործը:
2015 թվականի փետրվարի 18-ին Աստղիկ Ռազմիկի Խաչատրյանի նկատմամբ որպես խափանման միջոց է ընտրվել ստորագրությունª չհեռաալու մասին:
2015 թվականի մարտի 23-ին Աստղիկ Խաչատրյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 118-րդ հոդվածով, 185-րդ հոդվածի 2-րդ մասի 2-րդ կետով:
2015 թվականի մայիսի 20-ին հարուցվել է բժշկական բնույթի հարկադրական միջոցներ կիրառելու վարույթ և Աստղիկ Խաչատրյանի նկատմամբ ընտրված խափանման միջոցը վերացվել է: Նույն օրը անմեղսունակության վիճակում քրեական օրենսգրքով չթույլատրված արարք կատարած Աստղիկ Խաչատրյանի նկատմամբ որպես անվտանգության միջոց է կիրառվել ընդհանուր հսկողության հոգեբուժական բաժանմունքումª ըստ բնակավայրի, տեղավորելը:
2015 թվականի հունիսի 05-ին Աստղիկ Խաչատրյանի նկատմամբ բժշկական բնույթի հարկադրական միջոցներ կիրառելու վերաբերյալ վարույթն ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:



Վարույթի փաստական հանգամանքները
Անմեղսունակության վիճակում քրեական օրենքով արգելված արարք կատարած Աստղիկ Ռազմիկի Խաչատրյանը 2015 թվականի մարտի 6-ին Երևան քաղաքի Ռուբինյանց 2/3 շենքի շքամուտքում վերելակից դուրս գալով թքել է վերելակին սպասող նույն շենքի բնակիչ Սպարտակ Ցոլակի Դավթյանի դեմքին, վիճաբանել վերջինիս հետ, որի ժամանակ դիտավորյալ ոտքով հարվածներ է հասցրել վերջինիս աջ ոտքին` պատճառելով ֆիզիկական ցավ:
Բացի այդ Աստղիկ Խաչատրյանը 2014 թվականի ապրիլ ամսից մինչ օրս պարբերաբար ուրիշի գույքը վնասելու դիտավորությամբ իր բնակարանի ջուրը բաց է թողել, որը հոսելով` վնասել է ներքևի հարևան` Դավիթ Սերգեյի Խաչատրյանին պատկանող` Ռուբինյանց 2/3 շենքի 63 բնակարանի ննջասենյակի, խոհանոցի, միջանցքի առաստաղը, պատերը, հատակը` Դավիթ Խաչատրյանին պատճառելով խոշոր չափերի` 800.000 ՀՀ դրամի գույքային վնաս, իսկ 2014 թվականի դեկտեմբեր ամսից Փիրուզա Ալբերտի Սարգսյանին պատկանողª Ռուբինյանց 2/3 շենքի 61 բնակարանի ննջասենյակի, խոհանոցի, միջանցքի առաստաղը, պատերը, խոհանոցի կահույքը` Փիրուզա Սարգսյանին պատճառելով խոշոր չափերի` 1.000.000 ՀՀ դրամի գույքային վնաս:

Ապացույցների հետազոտում և գնահատում
Գործով տուժող Դավիթ Սերգեյի Խաչատրյանը ցուցմունք է տվել, որ որ մոտ 10 տարի բնակվում է Երևան քաղաքի Ռուբինյանց 2/3 շենքի 63 բնակարանում կնոջ` Գայանե Մկրտչյանի, կնոջ մոր` Մանյա Մկրտչյանի և երեխաների հետ միասին: 2004թ.-ից մինչև 2014թ.-ը ընկած ժամանակահատվածում իրենց վերևի հարկի հարևան Աստղիկ Ռազմիկի Խաչատրյանի` 65-րդ բնակարանից տեղի էին ունենում ջրի արտահոսքեր դեպի իրենց բնակարան: Դրանք եղել են կարճատև, այդ իսկ պատճառով իրենք չեն անհանգստացել և բավարարվել են բանավոր զգուշացնելով: 2014թ.-ի ապրիլ ամսից ջրի հոսքը կրել է շարունակական բնույթ: Իրենք փորձել են իրենց ուժերով լուծել խնդիրը, սակայն Աստղիկ Խաչատրյանը հրաժարվել է ներս թողնել իրենց կամ որևէ փականագործի, նրանց բնակարան, թեև փականագործի աշխատանքի համար իրենք պատրատ են եղել վճարել: Դիմել են ոստիկանություն, համատիրություն և թաղապետարան, սակայն նրանց դիմաց նույնպես Աստղիկ Խաչատրյանը դուռը չի բացել: Համատիրությւոնը և թաղապետարանը տվել են համապատասխան արձանագրություններ այն մասին, որ Ռուբինյաց 2/3 շենքի 65 բնակարանում առկա է ջրագծի վթար, որի պատճառով առկա է ջրի արտահոսք դեպի ներքևի հարկերի բնակարան: Վթարի վերացման նպատակով կատարված այցելությունների ժամանակ բնակիչը հրաժարվում է բացել դուռը: 2014թ.-ի հունիս ամսին դիմել են դատարան` վնասի փոխհատուցման քաղաքացիական հայցով, որը դատարանը բավարարել է, սակայն դրանից հետո ևս չեն դադարել ջրի ակտիվ կաթոցները: Դատարանի վճռով Աստղիկ Խաչատրյանից և նրա ընտանիքի անդամներից բռնագանձվելու էր 638.000 ՀՀ դրամ գումար՝ համապարտության կարգով: Շարունակական թրջման պատճառով զգալի վնասվել է նաև ներքևի հարևաններ` Փիրուզա Սարգսյանի պատկանող թիվ 61 և Տիգրան Սարգսյանին պատկանող թիվ 59 բնակարանները: Նույնիսկ վճռից հետո ջրի արտահոսքը ոչ միայն չի դադարել, այլ նաև շատացել է: Այդ իսկ պատճառով վստահ լինելով, որ Աստղիկ Խաչատրյանը դիտավորյալ է լցնում ջուր իրենց բնակարան կամ դիտավորյալ ստեղծել է վթարային իրավիճակ ջրատար խողովակներում, որտեղից տեղի է ունեցել ջրի արտահոսքը իրենց բնակարաններում, ուստի դիմել է դատախազություն` Աստղիկ Խաչատրյանին քրեական պատասխանատվության ենթարկելու համար:
Հ.1 գ/թ 34-35

Գործով տուժող Փիրուզա Ալբերտի Սարգսյանը ցուցմունք է տվել, որ 8 տարի բնակվում է Ռուբինյաց 2/3 շենքի 61 բնակարանում: Իրենց շենքի 10-րդ հարկի 65 բնակարանից 2014 թվականի մայիս ամսից պարբերաբար ջուր է լցվել Դավիթ Խաչատրյանի՝ 63-րդ բնակարան: Վերջինս և նրա ընտանքիքի անդամները ամեն միջոց ձեռնարկել են, որ ջուրը իր բնակարան չհոսի և չփչացնի իր նոր վերանորոգված բնակարանը: 2014 թվականի դեկտեմբեր ամսին ջրի արտահոսքը այնքան է շատացել, որ Դավիթ Խաչատրյանը և նրա ընտանիքի անդամները չեն կարողացել կասեցնել այն և ջուրը հոսել է նաև իր բնակարան և վնասել բնակարանի վերանորոգումը: Դավիթ Խաչատրյանը բազմիցս Աստղիկ Խաչատրյանին առաջարկել է, իր միջոցներով վերանորոգել Աստղիկ Խաչատրյանի բնակարանի խողովակները, սակայն նա հրաժարվել է դուռը բացել, բշելով, որ իր բնակարանը չոր է և ջրի արտահոսքը իրենց տանից չի կարող լինել: 2014թ.-ի օգոստոս-սեպտեմբեր ամիսներին Աստղիկ Խաչատրյանը նաև դիտավորյալ պարբերաբար աղբ է լցրել իր և շենքի մյուս բնակարանների դռների առջև: Որոշ բնակիչներ ստիպված տեսախցիկներ են տեղադրել, որից հետո Աստղիկ Խաչատրյանը դադարել է աղբ լցնել: 2014 թվականի դեկտեմբեր ամսին ջրի կաթոցները հասել են նաև իրենց բնակարան, որի հետևանքով խոնավության հոտ է եկել միջանցքից և հյուրասենյակից: Նույն ժամանակաշրջանում ինքը մեկենել է ՀՀ-ից և վերադարձել է 2015 թվանականի մարտի 5-ին: Մտնելով բնակարան՝ տեսել է, որ ավիրվել է ոչ միայն միջանցքը, այլև խոհանոցը, խոհանոցի կահույքը, ննջասենյակի պատը և առաստաղը: Փիրուզա Սարգսյանը նշել է, որիրեն պատճառվել է 1.000.000 ՀՀ դրամի գույքային վնաս:
Հ.1 գ/թ 119-120

Գործով վկա Գայանե Աղվանի Մկրտչյանը ցուցմունք է տվել, որ հանդիսանում է Դավիթ Խաչատրյանի կինը: 10 տարի բնակվում է Երևան քաղաքի Ռուբինյանց 2/3 շենքի 63 բնակարանում մոր` Մանյա Մկրտչյանի և երեխաների հետ միասին: 2004թ.-ից մինչև 2014թ.-ը ընկած ժամանակահատվաժում իրենց վերևի հարկի հարևան Աստղիկ Ռազմիկի Խաչատրյանի` 65-րդ բնակարանից տեղի էին ունենում ջրի արտահոսքեր դեպի իրենց բնակարան: Դրանք եղել են կարճատև, այդ իսկ պատճառով իրենք չեն անհանգստացել և բավարարվել. են բանավոր զգուշացնելով: 2014թ.-ի ապրիլ ամսից ջրի հոսքը կրել է շարունակական բնույթ: Իրենք փորձել են իրենց ուժերով լուծել խնդիրը, սակայն Աստղիկ Խաչատրյանը հրաժարվել է ներս թողնել իրենց կամ որևէ փականագործի, նրանց բնակարան, թեև փականագործի աշխատանքի համար իրենք պատրատ են եղել վճարել: Դիմել են ոստիկանություն, համատիրություն և թաղապետարան, սակայն նրանց դիմաց նույնպես Աստղիկ Խաչատրյանը դուռը չի բացել: Համատիրությւոնը և թաղապետարանը տվել են համապատասխան արձանագրություններ այն մասին, որ Ռուբինյաց 2/3 շենքի 65 բնակարանում առկա է ջրագծի վթար, որի պատճառով առկա է ջրի արտահոսք դեպի ներքևի հարկերի բնակարան: Վթարի վերացման նպատակով կատարված այցելությունների ժամանակ բնակիչը հրաժարվում է բացել դուռը: 2014թ.-ի հունիս ամսին դիմել են դատարան` վնասի փոխհատուցման քաղաքացիական հայցով, որը դատարանը բավարարել է, սակայն դրանից հետո ևս չեն դադարել ջրի ակտիվ կաթոցները: Դատարանի վճռով Աստղիկ Խաչատրյանից և նրա ընտանիքի անդամներից բռնագանձվելու էր 638.000 ՀՀ դրամ գումար՝ համապարտության կարգով: Շարունակական թրջման պատճառով զգալի վնասվել է նաև ներքևի հարևաններ` Փիրուզա Սարգսյանի պատկանող թիվ 61 և Տիգրան Սարգսյանին պատկանող թիվ 59 բնակարանները: Նույնիսկ վճռից հետո ջրի արտահոսքը ոչ միայն չի դադարել, այլ նաև շատացել է: Այդ իսկ պատճառով վստահ լինելով, որ Աստղիկ Խաչատրյանը դիտավորյալ է լցնում ջուր իրենց բնակարան կամ դիտավորյալ ստեղծել է վթարային իրավիճակ ջրատար խողովակներում, որտեղից տեղի է ունեցել ջրի արտահոսքը իրենց բնակարաններում, դիմել են դատախազություն` Աստղիկ Խաչատրյանին քրեական պատասխանատվության ենթարկելու համար:
Հ.1 գ/թ 123-126

Գործով վկա Մանյա Յագորի Մկրտչյանը ցուցմունք է տվել, որ հանդիսանում է Դավիթ Խաչատրյանի կնոջ՝ Գայանե Մկրտչյանի մայրը: 10 տարի բնակվում է Երևան քաղաքի Ռուբինյանց 2/3 շենքի 63 բնակարանում: 2004թ.-ից մինչև 2014թ.-ը ընկած ժամանակահատվաժում իրենց վերևի հարկի հարևան Աստղիկ Ռազմիկի Խաչատրյանի` 65-րդ բնակարանից տեղի էին ունենում ջրի արտահոսքեր դեպի իրենց բնակարան: Դրանք եղել են կարճատև, այդ իսկ պատճառով իրենք չեն անհանգստացել և բավարարվել. են բանավոր զգուշացնելով: 2014թ.-ի ապրիլ ամսից ջրի հոսքը կրել է շարունակական բնույթ: Իրենք փորձել են իրենց ուժերով լուծել խնդիրը, սակայն Աստղիկ Խաչատրյանը հրաժարվել է ներս թողնել իրենց կամ որևէ փականագործի, նրանց բնակարան, թեև փականագործի աշխատանքի համար իրենք պատրատ են եղել վճարել: Դիմել են ոստիկանություն, համատիրություն և թաղապետարան, սակայն նրանց դիմաց նույնպես Աստղիկ Խաչատրյանը դուռը չի բացել: Համատիրությւոնը և թաղապետարանը տվել են համապատասխան արձանագրություններ այն մասին, որ Ռուբինյաց 2/3 շենքի 65 բնակարանում առկա է ջրագծի վթար, որի պատճառով առկա է ջրի արտահոսք դեպի ներքևի հարկերի բնակարան: Վթարի վերացման նպատակով կատարված այցելությունների ժամանակ բնակիչը հրաժարվում է բացել դուռը: 2014թ.-ի հունիս ամսին դիմել են դատարան` վնասի փոխհատուցման քաղաքացիական հայցով, որը դատարանը բավարարել է, սակայն դրանից հետո ևս չեն դադարել ջրի ակտիվ կաթոցները: Դատարանի վճռով Աստղիկ Խաչատրյանից և նրա ընտանիքի անդամներից բռնագանձվելու էր 638.000 ՀՀ դրամ գումար՝ համապարտության կարգով: Շարունակական թրջման պատճառով զգալի վնասվել է նաև ներքևի հարևաններ` Փիրուզա Սարգսյանի պատկանող թիվ 61 և Տիգրան Սարգսյանին պատկանող թիվ 59 բնակարանները: Նույնիսկ վճռից հետո ջրի արտահոսքը ոչ միայն չի դադարել, այլ նաև շատացել է: Այդ իսկ պատճառով վստահ լինելով, որ Աստղիկ Խաչատրյանը դիտավորյալ է լցնում ջուր իրենց բնակարան կամ դիտավորյալ ստեղծել է վթարային իրավիճակ ջրատար խողովակներում, որտեղից տեղի է ունեցել ջրի արտահոսքը իրենց բնակարաններում, դիմել են դատախազություն` Աստղիկ Խաչատրյանին քրեական պատասխանատվության ենթարկելու համար:
Հ.1 գ/թ 121-122

Գործով վկա Տիգրան Լիպարիտի Սարգսյանը ցուցմունք է տվել, որ շուրջ 12 տարի բնակվում է Ռուբինյանց 2/3 շենքի 59 բնակարանում ընտանիքի հետ միասին:2014 թվականի նոյեմբեր ամսին իր 9-րդ հարկի 63 բնակարանի հարևաններից իմացել է, որ Աստղիկ Խաչատրյանիթիվ 65-րդ բնակարանից կա ջրի արտահոսք, որի պատճառով վնասվել են 63-րդ բնակարանի առաստաղն ու պատերը: Ի Պատասխան Դավիթ Խաչատրյանի բողոքի Աստղիկ Խաչատրյանն իր տան պատշգամբից հատակը մաքրելու փայտով կոտրել է Դավիթ Խաչատրյանի տան ապակիները: Քանի որ Աստղիկ Խաչատրյանը հրաժարվել է վերանորոգել նրա բնակարանի խոհանոցում վնասված խողովակը, ջուրը հոսելով հասել է նաև շենքի 7-րդ հարկում գտնվող իր բնակարան: ՄԱիսների ընթացքում վնասվել են ոչ միայն պատերն ու առաստաղը, այլև հոսանքի լարերի խոնավության պատճառով սկսվել են կարճ միացումները: Այդ հարցով ինքը բազմաթիվ անգամ ահազանգել է գրավոր ձևով ՙԶեյթուն-98՚ համատիրություն, թաղապետարան, քաղաքապետարան: Սակայն իր դիմումները թողել են անհետևանք պատճառաբանելով, որ 65 բնակարանի բնակիչ Աստղիկ Խաչատրյանը իրենց ներս չի թողնում: Տիգրան Սարգսյանն իր ցուցմունքում նշել է, որ ջրի արտահոսքի պատճառով իրեն պատճառվել է 607.400 ՀՀ դրամի գույքային վնաս:
Հ.1 գ/թ 168-170, 231

Գործով վկա Արարատ Սամվելի Ավետիսյանը ցուցմունք է տվել, որ աշխատում է Երևան քաղաքի Քանաքեռ-Զեյթուն վարչական շրջանի թաղապետարանում որպս կոմունալ տնտեսական և բազմաբնակարան շենքերի կառավարման մարմինների հետ աշխատանքների կազմակերպման բաժնի պետի տեղակալ:Շուրջ մեկ տարի դիմումներ է ստացել Ռուբինյանց 2/3 շենքի բնակիչներ Տիգրան Սարգսյանից, Մանյա Մկրտչյանից, Դավիթ Խաչատրյանից, Փիրուզա Սարգսյանից այն մասին, որ նույն շենքի 65-րդ բնակարանից նշված անձանց բնակարներ կա ջրի արտահոսք: Համատիրության ինժեները մի քանի անգամ այցելել է 65 բնկարան, սակայն բնակարանի բնակչուհի Աստղիկ Խաչատրյանը դուռը չի բացել: Մինչև վերջերս, երբ ջրի արտահոսքը շատացել է և ամեն ինչ լրջացել է հասնելով մինչև 6-րդ հարկ՝ վնասելով 63-րդ, 61-րդ և 59-րդ բնակարանների խոհանոցի, միջանցքի, ննջասենյակի պատերը, ինքը ոստիկանների հետ այցելել է 65-րդ բնակարան, Աստղիկ Խաչատրյանին խնդրել է , որ դուռը բացի, որ իրենք տեսնեն ինչից է ջրի արտահոսքը և վերանորոգեն այն, սակայն վերջինս չի համաձայնվել: Աստղիկ Խաչատրյանը նույնիսկ նրա բնակարան մուտք գործող ոստիկանների, համատիրության և թաղապետարանի աշխատողներիտվյալներ է ուզել՝ նշելով, որ միայն այդ պայմանով կթողնի մուտք գործել նրա բնակարան: Իրենք համաձայնվել են և գնացել, որ վերանորոգեն խողովակները, սակայն Աստղիկ Խաչատրյանն ընդհանրապես դուռը չի բացել: Ա.Ավետիսյանը նշել է, որ իրենք պատրաստ են վերացնել վթարը՝ համատիրության կողմից, միայն թե Աստղիկ Խաչատրյանը դուռը բացի և թողնի աշխատանքներ կատարել:
Հ.1 գ/թ 236-237

Ստացիոնար դատահոգեբուժական փորձաքննության թիվ 54 եզրակացության համաձայնª Աստղիկ Ռազմիկի Խաչատրյանը տառապել և տառապում է ՙԱնձի պարանոիդ խանգարում՚ հոգեկան հիվանդությամբ, սակայն երբվանից, միանշանակ հնարավոր չէ պատասխանել: Այդ մասին են վկայում ինչպես անամնեստիկ տվյալները, այնպես էլներկա հետազոտման արդյունքները:
Իրավախախտումները կատարելիս փորձաքննվողը գտնվել է վերը նշված հիվանդագին խանգարված վիճակում, արարքները կատարել է զառանցական ապրումների ազդեցության ներքո, որը զրկել է նրան իր գործողությունների վտանգավորությունը գիտակցելու և դրանք ղեկավարել ու հնարավորությունից:
Ներկայումս նա նույնպես չի կարող գիտակցել իր գործողությունների փաստացի բնույթն ու նշանակությունը և ղեկավարել դրանք:
Ուստի, իրեն մեղսագրվող արարքների նկատմամբ Աստղիկ Ռազմիկի Խաչատրյանին հարկ է ճանաչել անմեղսունակ:
Ներկա հոգեկան վիճակով նա չի կարող մասնակցել դատաքննչական գործողություններին, սոցիալապես վտանգավոր է ինչպես իր, այնպես էլ շրջապատի համար, կարիք ունի մեկուսացման, հսկողության, խնամքի և հարկադիր բուժման ընդհանուր հսկողության հոգեբուժական բաժանմունքի պայմաններում, ըստ բնակավայրի:
Հ.2 գ/թ 35-39

Գործով տուժող Սպարտակ Ցոլակի Դավթյանը ցուցմունք է տվել, որ 1974 թվականից բնակվում է Ռուբինյանց 2/3 շենքի 67-րդ բնակարանում կնոջ՝ Ելենեա Թադևոսյանի և թոռնիկների հետ միասին: Ճանաչում են նույն շենքի 65 բնակարանի բնակիչ Աստղիկ Ռազմիկի Խաչատրյանին, սակայն նրա հետ որևէ շփում չունեն, քանի որ վերջինս ոչ ադեկվատ, կռվարար, վատ վարքով աչքի ընկնող անձնավորություն է: 2015 թվականի փետրվարի 23-ինª ժամը 16:00-ի սահմաններում գնացել է խանութ: Խանութից գնումներ կատարելուց հետո վերադարձել է, իրենց շենքի 1-ին հարկի շքամուտքում սեղմելով վերելակի կոճակը սպասելէ: Վերելակի դռները բացվել են և դուրս է եկել Աստղիկ Խաչատրյանը, նայել է իր վրա և թքել երեսին՝ տալով հայհոյանքներ: Ինքն Ա.Խաչատրյանին տվել է ամոթանք իր վրա թքելու համար, որից հետո Աստղիկ Խաչատրյանը դիտավորյալ ոտքով հարվածել է իր աջ ոտքին՝ իրեն պատճառելով ֆիզիկական ցավ: Հարվածելու ընթացքում Աստղիկ Խաչատրյանի ոտքը կպել է իր ձեռքի տոպրակին, որից տոպրակը պատռվել է և միջի պարունակությունը թափվել գետնին: Դրանից հետո Աստղիկ Խաչատրյանը նստել է վերելակ և բարձրացել վերև: Սպարտակ Դավթյանը նշել է, որ ինքն Աստղիկ Խաչատրյանին չի հարվածել, նրա ակնոցները չի կոտրել և չի վնասել Աստղիկ Խաչատրյանի բնակարանի դուռը:
Հ.1 գ/թ 76-77, 258-259

Գործով վկա Ելենա Վարդանի Թադևոսյանը ցուցմունք է տվել, որ հանդիսանում է Սպարտակ Դավթյանի կինը: 1974 թվականից բնակվում է Ռուբինյանց 2/3 շենքի 67-րդ բնակարանում ամուսնու և թոռնիկների հետ միասին: Ճանաչում են նույն շենքի 65 բնակարանի բնակիչ Աստղիկ Ռազմիկի Խաչատրյանին, սակայն նրա հետ որևէ շփում չունեն, քանի որ վերջինս ոչ ադեկվատ, կռվարար, վատ վարքով աչքի ընկնող անձնավորություն է: 2015 թվականի փետրվարի 23-ին ժամը 16:00-ի սահմաններում ամուսինը գնացել է խանութ: Որոշ ժամանակ անց վերադարձել է և պատմել, որ խանութից գնումներ կատարելուց հետո վերադարձել է, շենքի 1-ին հարկի շքամուտքում սպասել է վերելակին: Վերելակի դռները բացվել են և դուրս է եկել Աստղիկ Խաչատրյանը, նայել է նրա վրա և թքել երեսին՝ տալով հայհոյանքներ: Ամուսինը Ա.Խաչատրյանին տվել է ամոթանք նրա վրա թքելու համար, որից հետո Աստղիկ Խաչատրյանը դիտավորյալ ոտքով հարվածել է ամուսնու աջ ոտքին՝ նրան պատճառելով ֆիզիկական ցավ: Հարվածել ու ընթացքում Աստղիկ Խաչատրյանի ոտքը կպել է ամուսնու ձեռքի տոպրակին, որից տոպրակը պատռվել է և միջի պարունակությունը թափվել գետնին: Դրանից հետո Աստղիկ Խաչատրյանը նստել է վերելակ և բարձրացել վերև:
Հ.1 գ/թ 78-79

Դատաշինարարատեխնիկական և դատաապրանքագիտական համալիր փորձաքննության եզրակացության համաձայնª
1. Նախաձեռնողի կողմից սույն համալիր փորձաքննությամբ առաջադրված ՙՈրն է Երևան քաղաքի Ռուբինյանց 2/3 շենքի 65 բնակարանից 61 և 63 բնակարաններ ջրի արտահոսքի անմիջական պատճառը՚ հարցին սույն համալիր փորձաքննությամբ, զուտ շինարարատեխնիկական տեսանկյունից դիտվում է, որ նախաձեռնողի հետ բազմիցս փորձագետները այցելել են Ռուբինյանց 2/3 շենքի 65 բնակարան, սակայն հնարավոր չի եղել հետազոտելª բնակարան մտնելու անհնարինության պատճառով: Միաժամանակ, հարկ է նշել, որ ուսումնասիրություններ են կատարվել նաև 65 բնակարանի վերևի հարկում գտնվող 67 բնակարանի խոհանոցի /խողովակների մաս/ ուսումնասիրություն, որտեղ պարզվել է, որ ջրի հետքեր չկան և խողովակերը գտնվում են բարվոք վիճակում: Համաձայն փորձաքննությանը ներկայացված նյութերի, այդ թվում Քանաքեռ-Զեյթուն վարչական շրջանի ղեկավարի տեղակալ Ա.Հանիսյանի 20.03.2015թ. N 852309 31/02-21/14, 12.11.2014թ. N 811849 31/01-Խ/64 և 04.05.2015թ. N 873747 31/02-Մ/48 գրությունների, Զեյթուն -98 համատիրության կառավարիչ Վ.Գալեյանի և ճարտարագետ Լ.Խաչատրյանի կողմից կազմված արձանագրության, 65 բնակարանում առկա է ջրագծի վթար և արտահոսք դեպի ներքևի հարկերի բնակարաններ: Հաշվի առնելով վերոգրյալը, սույն փորձաքննությամբ, զուտ շինարարատեխնիկական տեսանկյունից դիտվում է, որ ջրի արտահոսքի անմիջական պատճառը 65 բնակարանում առկա ջրագծի վթարն է:
2. Նախաձեռնողի կողմից սույն համալիր փորձաքննությամբ առաջադրված ՙՈրոշել Երևան քաղաքի Ռուբինյանց 2/3 շենքի 61 և 63 բնակարանների վերանորոգման և դրանց միջին շուկայական արժեքըª 2015թ. մարտի 20-ի դրությամբ՚ հարցին սույն համալիր փորձաքննությամբ, զուտ շինարարատեխնիկական և ապրանքագիտական տեսանկյունից դիտվում է, որ.
 Երևան քաղաքի Ռուբինյանց 2/3 շենքի 61 բնակարանի վերանորոգման համար անհրաժեշտ շուկայական արժեքը կարող է կազմել շուրջ 227684,08 կլորացված 228000 /երկու հարյուր քսանութ հազար/ ՀՀ դրամ: Եթե շին. վերանորոգման աշխատանքները կատարվեն մասնագիտացված, ԱԱՀ-ով հարկվող կազմակերպությունների կողմից, ապա վերանորոգման արժեքը կարող է կազմել շուրջ 332128,90, կլորացված 332000 /երեք հարյուր երեսուներկու հազար/ ՀՀ դրամ:
 Երևան քաղաքի Ռուբինյանց 2/3 շենքի 63 բնակարանի վերանորոգման համար անհրաժեշտ շուկայական արժեքը կարող է կազմել շուրջ 354067,15 կլորացված 354000 /երեք հարյուր հիսունչորս հազար/ ՀՀ դրամ: Եթե շին. վերանորոգման աշխատանքները կատարվեն մասնագիտացված, ԱԱՀ-ով հարկվող կազմակերպությունների կողմից, ապա վերանորոգման արժեքը կարող է կազմել շուրջ 514205,07, կլորացված 514000 /հինգ հարյուր տասնչորս հազար/ ՀՀ դրամ:
3. Նախաձեռնողի կողմից սույն համալիր փորձաքննությամբ առաջադրված ՙՈրն է Երևան քաղաքի Ռուբինյանց 2/3 շենքի 65 բնակարանից 59 բնակարան ջրի արտահոսքի անմիջական պատճառը՚ հարցին սույն համալիր փորձաքննությամբ, զուտ շինարարատեխնիկական տեսանկյունից դիտվում է, որ նախաձեռնողի հետ բազմիցս փորձագետները այցելել են Ռուբինյանց 2/3 շենքի 65 բնակարան, սակայն հնարավոր չի եղել հետազոտելª բնակարան մտնելու անհնարինության պատճառով: Միաժամանակ, հարկ է նշել, որ ուսումնասիրություններ են կատարվել նաև 65 բնակարանի վերևի հարկում գտնվող 67 բնակարանի խոհանոցի /խողովակների մաս/ ուսումնասիրություն, որտեղ պարզվել է, որ ջրի հետքեր չկան և խողովակերը գտնվում են բարվոք վիճակում: Համաձայն փորձաքննությանը ներկայացված նյութերի, այդ թվում Քանաքեռ-Զեյթուն վարչական շրջանի ղեկավարի տեղակալ Ա.Հանիսյանի 20.03.2015թ. N 852309 31/02-21/14, 12.11.2014թ. N 811849 31/02-Խ/64 և 04.05.2015թ. N 873747 31/02-Մ/48 գրությունների, Զեյթուն-98 համատիրության կառավարիչ Վ.Գալեյանի և ճարտարագետ Լ.Խաչատրյանի կողմից կազմված արձանագրության, 65 բնակարանում առկա է ջրագծի վթար և արտահոսք դեպի ներքևի հարկերի բնակարաններ: Հաշվի առնելով վերոգրյալը, սույն փորձաքննությամբ, զուտ շինարարատեխնիկական տեսանկյունից դիտվում է, որ ջրի արտահոսքի անմիջական պատճառը 65 բնակարանում առկա ջրագծի վթարն է:
4. Նախաձեռնողի կողմից սույն համալիր փորձաքննությամբ առաջադրված ՙՈրոշել Երևան քաղաքի Ռուբինյանց 2/3 շենքի 59 բնակարանի վերանորոգման և դրանց միջին շուկայական արժեքըª 2015թ. մարտի 20-ի դրությամբ՚ հարցին սույն համալիր փորձաքննությամբ, զուտ շինարարատեխնիկական և ապրանքագիտական տեսանկյունից դիտվում է, որ Երևան քաղաքի Ռուբինյանց 2/3 շենքի 59 բնակարանի վերանորոգման համար անհրաժեշտ շուկայական արժեքը կարող է կազմել շուրջ 229524,67 կլորացված 230000 /երկու հարյուր երեսուն հազար/ ՀՀ դրամ: Եթե շին. վերանորոգման աշխատանքները կատարվեն մասնագիտացված, ԱԱՀ-ով հարկվող կազմակերպությունների կողմից, ապա վերանորոգման արժեքը կարող է կազմել շուրջ 332541,99, կլորացված 333000 /երեք հարյուր երեսուներեք հազար/ ՀՀ դրամ:

Դատարանի իրավական վերլուծությունները
Վերոգրյալ ապացույցների հիման վրա դատարանն ապացուցված է համարում, որ Աստղիկ Ռազմիկի Խաչատրյանը 2015 թվականի մարտի 6-ին Երևան քաղաքի Ռուբինյանց 2/3 շենքի շքամուտքում վերելակից դուրս գալով թքել է վերելակին սպասող նույն շենքի բնակիչ Սպարտակ Ցոլակի Դավթյանի դեմքին, վիճաբանել վերջինիս հետ, որի ժամանակ դիտավորյալ ոտքով հարվածներ է հասցրել վերջինիս աջ ոտքին` պատճառելով ֆիզիկական ցավ:
Բացի այդ Աստղիկ Խաչատրյանը 2014 թվականի ապրիլ ամսից մինչ օրս պարբերաբար ուրիշի գույքը վնասելու դիտավորությամբ իր բնակարանի ջուրը բաց է թողել, որը հոսելով` վնասել է ներքևի հարևան` Դավիթ Սերգեյի Խաչատրյանին պատկանող` Ռուբինյանց 2/3 շենքի 63 բնակարանի ննջասենյակի, խոհանոցի, միջանցքի առաստաղը, պատերը, հատակը` Դավիթ Խաչատրյանին պատճառելով խոշոր չափերի` 800.000 ՀՀ դրամի գույքային վնաս, իսկ 2014 թվականի դեկտեմբեր ամսից Փիրուզա Ալբերտի Սարգսյանին պատկանողª Ռուբինյանց 2/3 շենքի 61 բնակարանի ննջասենյակի, խոհանոցի, միջանցքի առաստաղը, պատերը, խոհանոցի կահույքը` Փիրուզա Սարգսյանին պատճառելով խոշոր չափերի` 1.000.000 ՀՀ դրամի գույքային վնաս:
Այսպիսով, դատարանը Ա.Խաչատրյանի կողմից կատարած քրեական օրենքով չթույլատրված արարքն ապացուցված է համարում:
Քննարկելով հանրորեն վտանգավոր արարք կատարելու ժամանակ Աստղիկ Խաչատրյանի մեղսունակության հարցը` դատարանը գտնում է, որ իրավախախտումները կատարելիս վերջինս գտնվել է վերը նշված հիվանդագին խանգարված վիճակում, արարքները կատարել է զառանցական ապրումների ազդեցության ներքո, որը զրկել է նրան իր գործողությունների վտանգավորությունը գիտակցելու և դրանք ղեկավարել ու հնարավորությունից: Ուստի, իրեն մեղսագրվող արարքների նկատմամբ Աստղիկ Ռազմիկի Խաչատրյանն անմեղսունակ է:
ՀՀ քրեական դատավարության օրենսգրքի 450-րդ հոդվածի 1-ին մասի համաձայն` բժշկական բնույթի հարկադրական միջոցները դատարանը կիրառում է այն անձանց նկատմամբ, ովքեր քրեական օրենքով չթույլատրված արարքը կատարել են անմեղսունակ վիճակում, եթե այդ անձինք շարունակում են վտանգավոր լինել հասարակության համար:
ՀՀ քրեական դատավարության օրենսգրքի 463-րդ հոդվածի համաձայն`
ՙԳործով որոշում կայացնելիս դատարանը պետք է լուծի հետևյալ հարցերը`
1) կատարվել է արդյոք հանրորեն վտանգավոր արարք.
2) արարքը կատարել է արդյոք այն անձը, որի նկատմամբ իրականացվել է բժշկական բնույթի հարկադրական միջոցներ կիրառելու վարույթ.
3) արարքը կատարվել է արդյոք անմեղսունակության վիճակում, անձը գտնվում է արդյոք տվյալ վիճակում դատական քննության պահին.
4) անձը կարիք ունի արդյոք իր նկատմամբ բժշկական բնույթի հարկադրական միջոցներ կիրառելու և հատկապես ինչպիսի միջոցներ՚:
ՀՀ քրեական դատավարության օրենսգրքի 464-րդ հոդվածի 1-ին մասի համաձայն` անձի կողմից քրեական օրենքով չթույլատրված արարքն անմեղսունակության վիճակում կատարելն ապացուցված համարելով` դատարանը որոշում է կայացնում անձին քրեական պատասխանատվությունից և պատժից ազատելու ու նրա նկատմամբ բժշկական բնույթի հարկադրական միջոցներ կիրառելու մասին:
ՀՀ քրեական օրենսգրքի 97-րդ հոդվածի 1-ին մասի 1-ին կետի համաձայն` բժշկական բնույթի հարկադրական միջոցներ դատարանը կարող է նշանակել այն անձի նկատմամբ, ով հանցանքը կատարել է անմեղսունակության վիճակում:
Այսպիսով` դատարանը գտնում է, որ Աստղիկ Խաչատրյանն անմեղսունակության վիճակում կատարել է քրեական օրենքով չթույլատրված արարք և կարիք ունի իր նկատմամբ բժշկական բնույթի հարկադրական միջոցներ կիրառելու:
Նկատի ունենալով, որ Աստղիկ Խաչատրյանն անմեղսունակ է և կարիք ունի հարկադիր բուժման` դատարանը գտնում է, որ նրան պետք է ազատել քրեական պատասխանատվությունից և կիրառել հարկադիր բուժում` ընդհանուր տիպի հոգեբուժական բաժանմունքի պայմաններում, իսկ նրա նկատմամբ որպես անվտանգության միջոց կիրառվածª ըստ բնակավայրի ընդհանուր հսկողության հոգեբուժական բաժանմունքում տեղավորելը պետք է թողնել անփոփոխ:
Ղեկավարվելով ՀՀ քրեական դատավարության օրենսգրքի 379-րդ, 450-րդ և 462-464-րդ հոդվածներով` դատարանը:

ՈՐՈՇԵՑ

Աստղիկ Ռազմիկի Խաչատրյանին ազատել ՀՀ քրեական օրենսգրքի 118-րդ հոդվածով և 185-րդ հոդվածի 2-րդ մասի 2-րդ կետով նախատեսված քրեական պատասխանատվությունից և նրա նկատմամբ կիրառել հարկադիր բուժում` ընդհանուր հսկողության հոգեբուժական բաժանմունքի պայմաններում:
Աստղիկ Խաչատրյանի նկատմամբ որպես անվտանգության միջոց կիրառվածª ըստ բնակավայրի ընդհանուր հսկողության հոգեբուժական բաժանմունքում տեղավորելը, թողնել անփոփոխª մինչև որոշման օրինական ուժի մեջ մտնելը:
Որոշումը կարող է բողոքարկվել ՀՀ վերաքննիչ քրեական դատարան` հրապարակելու օրվանից հետո մեկամսյա ժամկետում:



ԴԱՏԱՎՈՐ Ա.ՄԿՐՏՉՅԱՆ