ԵԱՔԴ/0094/01/15


Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանը`

նախագահող դատավոր` Լ. Ավետիսյան
քարտուղարությամբ` Ն. Այվազյանի
մասնակցությամբ
մեղադրողներ` Վ. Մկրտչյանի, Է. Պետրոսյանի
պաշտպաններ` Կ. Գրիգորյանի, Կ. Քամալյանի
տուժողª Մ. Շաբոյանի


2015 թվականի օգոստոսի 21-ին, Երևան քաղաքում, դռնբաց դատական նիստում, դատական քննության արագացված կարգով, քննեց քրեական գործն ըստ մեղադրանքի`
Էդգար Արմենի Կուչուկյանի, ծնված 1990 թվականի հունվարի 10-ին, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, նախկինում դատվածª Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 22.08.2014թ. դատավճռով ՀՀ քրեական օրենսգրքի 258 հոդվածի 2-րդ մասով դատապարտվել է տուգանքի հարյուր հիսուն հազար ՀՀ դրամի չափով, դատվածությունը չմարված, չի աշխատել, հաշվառված և բնակվել է Երևան քաղաքի Կոմիտասի պողոտայի 55 շենքի թիվ 3 բնակարան հասցեում, մեղադրվում է ՀՀ քրեական օրենսգրքի 112 հոդվածի 1-ին մասով, կալանքի տակ է 2015 թվականի մայիսի 8-ից,
Յուրի Էդգարի Շաբոյանի, ծնված 1993 թվականի հունվարի 12-ին, Արարատի մարզի Վեդի քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուրի, խնամքին ոչ ոք, նախկինում չդատված, չի աշխատում, հաշվառված է Վեդի քաղաքի Մաշտոցի փողոցի 12 տուն հասցեում, բնակվում է Երևան քաղաքի Ազատության պողոտայի 9ա շենքի թիվ 31 բնակարան հասցեում, մեղադրվում է ՀՀ քրեական օրենսգրքի 235 հոդվածի 4-րդ մասով, որպես խափանման միջոց է ընտրվել անձնական երաշխավորությունը:
Պ Ա Ր Զ Ե Ց

1.Գործի դատավարական նախապատմությունը.
2015 թվականի հունվարի 17-ին ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում ՀՀ քրեական օրենսգրքի 112 հոդվածի 1-ին մասով, 235 հոդվածի 4-րդ մասով և 258 հոդվածի 4-րդ մասով նախատեսված հանցագործության հատկանիշներով հարուցվել է թիվ 14102015 քրեական գործը:
Նախաքննության մարմնի 2015 թվականի հունվարի 23-ի որոշմամբ Էդգար Արմենի Կուչուկյանը ներգրավվել է որպես մեղադրյալ ՀՀ քրեական օրենսգրքի 112 հոդվածի 1-ին մասով: Նրա նկատմամբ հայտարարվել է հետախուզում և որպես խափանման միջոց է ընտրվել կալանավորումը:
2015 թվականի փետրվարի 9-ին Յուրի Էդգարի Շաբոյանը ձերբակալվել է:
2015 թվականի փետրվարի 12-ի որոշմամբ Յուրի Էդգարի Շաբոյանն ազատվել է ձերբակալումից:
Նախաքննության մարմնի 2015 թվականի փետրվարի 12-ի որոշմամբ Յուրի Էդգարի Շաբոյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 258 հոդվածի 3-րդ մասի 1-ին կետով: Նրա նկատմամբ որպես խափանման միջոց է կիրառվել անձնական երաշխավորությունը:
2015 թվականի մայիսի 8-ին Էդգար Արմենի Կուչուկյանը հայտնաբերվել և ներկայացվել է վարույթն իրականացնող մարմնին:
2015 թվականի մայիսի 24-ի որոշմամբ Յուրի Էդգարի Շաբոյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 235 հոդվածի 4-րդ մասով:
2015 թվականի մայիսի 25-ի որոշմամբ Էդգար Արմենի Կուչուկյանին առաջադրված մեղադրանքը փոփոխվել, լրացվել և նրան կրկին մեղադրանք է առաջադրվել ՀՀ քրեական օրենսգրքի 112 հոդվածի 1-ին մասով:
2015 թվականի հունիսի 1-ին թիվ 14102015 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանª ըստ էության քննելու համար:
2.Գործի փաստական հանգամանքները.
Նախնական քննության մարմինն ամբաստանյալ Էդգար Արմենի Կուչուկյանին ՀՀ քրեական օրենսգրքի 112 հոդվածի 1-ին մասով մեղադրանք է առաջադրել այն արարքի կատարման համար, որ նա 2015 թվականի հունվարի 17-ին ժամը 1930-ի սահմաններում, Տիգրանյան 16 հասցեումª ճամփեզրին, եղբայրներ Մովսես ու Յուրա Շաբոյանների և գործով դեռևս չպարզված մի խումբ անձանց հետ, ՙՖեյսբուք՚ սոցիալական ցանցում կատարված մեկնաբանությունների շուրջ առաջացած վիճաբանության ժամանակ, իր մոտ գտնվող սուր կտրող ծակող գործիքով հարվածել է Մովսես Էդգարի Շաբոյանի կրծքավանդակի շրջանին և վերջինիս դիտավորությամբ պատճառել կյանքին վտանգ սպառնացողª առողջության ծանր վնաս, որն արտահայտվել է ստոծանու վնասումով կրծքավանդակի ձախ կեսի ծակած-կտրած, կրծքավանդակի և որովայնի խոռոչներ թափանցող վերքի ձևով, որն ուղեկցվել է արտաքին և ներքին արյունահոսությամբ, հեմոթորաքսով և հեմոպերիտոնեումով:
Նախնական քննության մարմինն ամբաստանյալ Յուրի Էդգարի Շաբոյանին ՀՀ քրեական օրենսգրքի 235 հոդվածի 4-րդ մասով մեղադրանք է առաջադրել այն արարքի կատարման համար, որ նա, 2015 թվականի հունվարի 13-ին գործով չպարզված հանգամանքներում ձեռք է բերել 9մմ տրամաչափի գազային ատրճանակ, որը 2015 թվականի հունվարի 17-ին ապօրինի կրել է իր մոտª գոտկատեղում և նույն օրըª ժամը 1930-ի սահմաններում, Երևան քաղաքի Տիգրանյան և Ադոնց փողոցների խաչմերուկի մոտ առաջացած քաշքշուկի ժամանակ իրեն դանակով հարվածելուց հետո գոտկատեղում ապօրինի կրվող 9մմ տրամաչափի գազային ատրճանակից երեք անգամ կրակել է օդ, որոնց 3 կրակված փամփուշտների պարկուճները հայտնաբերվել են 17.01.2015թ. Տիգրանյան և Ադոնց փողոցների խաչմերուկի մոտ կատարված դեպքի վայրի զննության ժամանակ:
3. Արագացված դատական քննություն.
Մինչև դատաքննությունն սկսելն ամբաստանյալներ Էդգար Կուչուկյանը և Յուրի Շաբոյանը միջնորդեցին դատական քննությունն անցկացնել արագացված կարգով և հայտարարեցին, որ առաջադրված մեղադրանքն իրենց պարզ է, համաձայն են իրենց առաջադրված մեղադրանքին, գիտակցում են արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել են կամավոր` պաշտպանների հետ խորհրդակցելուց հետո: Միջնորդությունը հաստատեցին նաև ամբաստանյալների պաշտպաններ Կարեն Գրիգորյանը և Կարեն Քամալյանը:
Մեղադրող Վ.Մկրտչյանը դատական քննության արագացված կարգ կիրառելուն չի առարկել:
Տուժող Մ.Շաբոյանը նույնպես դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել դատական քննության արագացված կարգ կիրառելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Էդգար Կուչուկյանը 2015 թվականի հունվարի 17-ին, ժամը 1930-ի սահմաններում, Տիգրանյան 16 հասցեումª ճամփեզրին, եղբայրներ Մովսես ու Յուրա Շաբոյանների և գործով դեռևս չպարզված մի խումբ անձանց հետ, ՙՖեյսբուք՚ սոցիալական ցանցում կատարված մեկնաբանությունների շուրջ առաջացած վիճաբանության ժամանակ, իր մոտ գտնվող սուր կտրող ծակող գործիքով հարվածել է Մովսես Էդգարի Շաբոյանի կրծքավանդակի շրջանին և վերջինիս դիտավորությամբ պատճառել կյանքին վտանգ սպառնացողª առողջության ծանր վնաս, որն արտահայտվել է ստոծանու վնասումով կրծքավանդակի ձախ կեսի ծակած-կտրած, կրծքավանդակի և որովայնի խոռոչներ թափանցող վերքի ձևով, որն ուղեկցվել է արտաքին և ներքին արյունահոսությամբ, հեմոթորաքսով և հեմոպերիտոնեումով:
Ամբաստանյալ Յուրի Շաբոյանը 2015 թվականի հունվարի 13-ին գործով չպարզված հանգամանքներում ձեռք է բերել 9մմ տրամաչափի գազային ատրճանակ, որը 2015 թվականի հունվարի 17-ին ապօրինի կրել է իր մոտª գոտկատեղում և նույն օրըª ժամը 1930-ի սահմաններում, Երևան քաղաքի Տիգրանյան և Ադոնց փողոցների խաչմերուկի մոտ առաջացած քաշքշուկի ժամանակ իրեն դանակով հարվածելուց հետո գոտկատեղում ապօրինի կրվող 9մմ տրամաչափի գազային ատրճանակից երեք անգամ կրակել է օդ, որոնց 3 կրակված փամփուշտների պարկուճները հայտնաբերվել են 17.01.2015թ. Տիգրանյան և Ադոնց փողոցների խաչմերուկի մոտ կատարված դեպքի վայրի զննության ժամանակ:
Այսինքնª Էդգար Կուչուկյանը կատարել է արարք, որը համապատասխանում է ՀՀ քրեական օրենսգրքի 112 հոդվածի 1-ին մասով նախատեսված հանցագործության հատկանիշներին: Յուրի Շաբոյանը կատարել է արարք, որը համապատասխանում է ՀՀ քրեական օրենսգրքի 235 հոդվածի 4-րդ մասով նախատեսված հանցագործության հատկանիշներին:
Կատարած արարքների համար ամբաստանյալներ Էդգար Արմենի Կուչուկյանը և Յուրի Էդգարի Շաբոյանը ենթակա են քրեական պատասխանատվության և պատժի:
ՀՀ քրեական օրենսգրքի 48 հոդվածի համաձայն`
ՙ1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից ու ազատություններից օրենքով նախատեսված զրկմամբ կամ դրանց սահմանափակմամբ:
2. Պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61 հոդվածի համաձայն`
ՙ1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործության՝ հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով:
3. Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները՚:
Ամբաստանյալների նկատմամբ պատիժ նշանակելիս, դատարանը հաշվի է առնում նրանց կատարած արարքների հանրության համար վտանգավորության աստիճանը և բնույթը, ինչպես նաև հանցավորների անձը:
Որպես ամբաստանյալ Էդգար Կուչուկյանի անձը բնութագրող տվյալ, պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա հանցանքն ընդունել և զղջում է կատարած արարքի համար, բնութագրվում է դրական, ինչպես նաև տուժողի խնդրանքն ամբաստանյալի նկատմամբ մեղմ պատիժ նշանակելու վերաբերյալ:
Որպես ամբաստանյալ Է.Կուչուկյանի պատասխանատվությունը և պատիժը ծանրացնող հանգամանք դատարանը դիտում է հանցանքը կատարելու ռեցիդիվը: Ամբաստանյալ Էդգար Կուչուկյանը դիտավորությամբ հանցանք է կատարել, նախկինում դիտավորությամբ կատարված հանցանքի համար դատվածություն ունենալով:
Որպես ամբաստանյալ Յուրի Շաբոյանի անձը բնութագրող տվյալներ, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա նախկինում դատված չի եղել, հանցանքն ընդունել և զղջում է կատարած արարքի համար, բնութագրվում է դրական:
Ամբաստանյալ Յու.Շաբոյանի պատասխանատվությունը և պատիժը ծանրացնող հանգամանքներ առկա չեն:
Հաշվի առնելով Էդգար Կուչուկյանի կատարած արարքի հանրության համար վտանգավորության աստիճանը և բնույթը, նրա անձը բնութագրող տվյալները, պատասխանատվությունը և պատիժը մեղմացնող և ծանրացնող հանգամանքները, ինչպես նաև այն, որ ՀՀ քրեական օրենսգրքի 112 հոդվածի 1-ին մասի սանկցիայով նախատեսված է պատիժ միայն ազատազրկման ձևով, դատարանը գտնում է, որ պատժի նպատակներին հասնելու համար ամբաստանյալ Էդգար Արմենի Կուչուկյանի նկատմամբ ՀՀ քրեական օրենսգրքի 112 հոդվածի 1-ին մասով նախատեսված հանցանք կատարելու համար պատիժ պետք է նշանակել ազատազրկման ձևով:
ՀՀ քրեական օրենսգրքի 67.1 հոդվածի 2-րդ մասի համաձայն ՙ...Հանցագործությունների ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի կեսից՚:
ՀՀ Վճռաբեկ դատարանը 2014 թվականի մայիսի 31-ի թիվ ՏԴ/0071/0/13 որոշմամբ արտահայտել է իրավական դիրքորոշում այն մասին, որ ՙարագացված դատաքննության պարագայում ՀՀ քրեական դատավարության օրենսգրքի 3753 հոդվածի 6-րդ մասով նախատեսված պատիժ նշանակելու կարգը հանցանք կատարած անձանց համար ավելի նախընտրելի է ռեցիդիվի դեպքում պատիժ նշանակելու՝ ՀՀ քրեական օրենսգրքի 671 հոդվածով նախատեսված կարգի համեմատությամբ, քանի որ օրենսդիրն ամբաստանյալի կողմից արագացված դատաքննություն կատարելուն համաձայնություն տալու և մեղսագրված արարքն ընդունելու պարագայում առանց որևէ սահմանափակումների պատժաչափի նշանակման հարցում արտոնյալ պայմաններ է նախատեսել (արագացված դատաքննության էության ու նշանակության վերաբերյալ mutatis mutandisտե՛ս ՀՀ սահմանադրական դատարանի թիվ ՍԴՈ-931 որոշումը):
Մինչդեռ անձի արարքում հանցագործությունների ռեցիդիվի առկայության դեպքում ՀՀ քրեական օրենսգրքի 671 հոդվածով նախատեսված են ՀՀ քրեական օրենսգրքի հատուկ մասի սանկցիայի շրջանակներում անձի նկատմամբ ավելի խիստ պատիժ նշանակելու կանոններ:
Վճռաբեկ դատարանն արձանագրում է, որ ՀՀ քրեական դատավարության օրենսգրքի 3753 հոդվածի 6-րդ մասի և ՀՀ քրեական օրենսգրքի 671 հոդվածի հարաբերակցության իրավական կարգավորման անորոշությունը և դրանց միջև առկա հակասությունը պետք է լուծվի հօգուտ անձի նկատմամբ պատիժ նշանակելու բարենպաստ պայմաններ նախատեսող նորմի, ինչը բխում է ՀՀ Սահմանադրությամբ և միջազգային իրավական ակտերով սահմանված մարդու իրավունքների պաշտպանության հիմնարար դրույթներից:
Վճռաբեկ դատարանն արձանագրում է, որ ՀՀ քրեական օրենսգրքի 671 հոդվածով և ՀՀ քրեական դատավարության օրենսգրքի 3753 հոդվածի 6-րդ մասով ամրագրված պատիժ նշանակելու հատուկ կանոնների միջև առկա է հակասություն, որը ենթակա է լուծման հօգուտ ՀՀ քրեական դատավարության օրենսգրքի 3753 հոդվածի 6-րդ մասի:՚
Համաձայն Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի թիվ ԵԱՔԴ/0109/01/14 քրեական գործով 2014 թվականի օգոստոսի 22-ին կայացված դատավճռի Էդգար Արմենի Կուչուկյանը ՀՀ քրեական օրենսգրքի 258 հոդվածի 2-րդ մասով նախատեսված հանցանք կատարելու համար դատապարտվել է տուգանքի նվազագույն աշխատավարձի հարյուրհիսնապատիկի` հարյուր հիսուն հազար (150.000) ՀՀ դրամի չափով:
Նշված դատավճռով նշանակված տուգանքը չի կատարվել:
Նման պայմաններում դատարանը գտնում է, որ Էդգար Կուչուկյանի նկատմամբ վերջնական պատիժ պետք է նշանակել ՀՀ քրեական օրենսգրքի 67 հոդվածի կանոններով:
ՀՀ քրեական օրենսգրքի 67 հոդվածի համաձայնª եթե դատավճիռ կայացնելուց հետո, բայց մինչև պատժի լրիվ կրելը դատապարտյալը նոր հանցանք է կատարել, ապա դատարանը նոր դատավճռով նշանակված պատժին լրիվ կամ մասնակիորեն գումարում է նախորդ դատավճռով նշանակված պատժի չկրած մասը:
Նկատի ունենալով, որ Էդգար Կուչուկյանը նախորդ դատավճռով նշանակված պատիժը չի կրել, դատարանը գտնում է, որ ՀՀ քրեական օրենսգրքի 67 հոդվածի հիման վրա Է.Կուչուկյանի նկատմամբ նշանակվող պատժին պետք է լրիվ գումարել Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2014 թվականի օգոստոսի 22-ի դատավճռով նշանակված հարյուր հիսուն հազար (150.000) ՀՀ դրամ չվճարված տուգանքը:
Ամբաստանյալ Է.Կուչուկյանը նշանակվող պատիժը պետք է կրի ՀՀ ԱՆ համապատասխան քրեակատարողական հիմնարկում, իսկ նրա նկատմամբ կիրառված խափանման միջոցª կալանավորումը պետք է թողնել անփոփոխ` մինչև դատավճռի օրինական ուժի մեջ մտնելը:
Հաշվի առնելով Յուրի Շաբոյանի կատարած արարքի հանրության համար վտանգավորության աստիճանը և բնույթը, նրա անձը բնութագրող տվյալները, պատասխանատվությունը և պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 235 հոդվածի 4-րդ մասի սանկցիայով նախատեսված է պատիժ նաև տուգանքի ձևով և պատժի նպատակներն ապահովելու համար առավել խիստ պատիժ նշանակելու անհրաժեշտությունը բացակայում է, դատարանը գտնում է, որ ամբաստանյալ Յուրի Էդգարի Շաբոյանի նկատմամբ ՀՀ քրեական օրենսգրքի 235 հոդվածի 4-րդ մասով նախատեսված հանցավոր արարք կատարելու համար պատիժ պետք է նշանակել տուգանքի ձևով:
Դատարանը գտնում է, որ ամբաստանյալ Յուրի Շաբոյանի նկատմամբ կիրառված խափանման միջոցը` անձնական երաշխավորությունը, պետք է թողնել անփոփոխ, մինչև դատավճռի օրինական ուժի մեջ մտնելը:
Դատարանը գտնում է, որ տուժող Մովսես Շաբոյանի քաղաքացիական հայցի հարցը պետք է համարել լուծված, նկատի ունենալով, որ նա ամբաստանյալ Է.Կուչուկյանի նկատմամբ որևէ նյութական պահանջ չունի, որի մասին տուժողը հայտնել է դատաքննության ընթացքում:
Անդրադառնալով իրեղեն ապացույցների տնօրինման հարցին, դատարանը գտնում է, որ Արաբկիր վարչական շրջանի քննչական բաժնի ավագ քննիչի 2015թ. մայիսի 25-ի որոշմամբ իրեղեն ապացույց ճանաչված և քրեական գործին կցված, Մովսես Շաբոյանի ջինսե անդրավարտիքը, անթև բաճկոնը, վերնազգեստը, անթև մայկան, Յուրի Շաբոյանի բաճկոնը, ջինսե անդրավարտիքը, կարճաթև վերնաշապիկը, անթև մայկան, Միքայել Անդրեասյանի սև բաճկոնը և ՙZilli՚ գրառումով մայկան, դեպքի վայրից հայտնաբերված ՙZilli՚ գրառումով կոճակը, պետք է վերադարձնել նրանց: Դեպքի վայրի զննությամբ հայտանբերված գազային ատրճանակի բաղկացուցիչ մասեր հանդիսացող երեք հատ պարկուճները, դեպքի վայրի զննության ժամանակ բինտե խծուծների վրա վերցված արնանման հետքերը, ՙԲՄՎ՚ մակնիշի, 88ZZ444 հ/հ ավտոմեքենայի հետին նստատեղից վերցված բամբակյա խճուծները պետք է ոչնչացնել:
Դատարանը գտնում է, որ Արաբկիր վարչական շրջանի քննչական բաժնի ավագ քննիչի 24.05.2015թ. որոշմամբ ապացույց ճանաչված այլ փաստաթուղթ հանդիսացողª ELIPS ընկերության անվտանգության տեսախցիկների տեսանկարահանման լազերային սկավառակը պետք է պահել սույն քրեական գործի հետ:
Դատարանը գտնում է, որ դատական ծախսերն ամբաստանյալներից ենթակա չեն բռնագանձման, նկատի ունենալով, որ ՀՀ քրեական դատավարության օրենսգրքի 168 հոդվածի 1-ին մասի 1-ին կետով նախատեսված դատական ծախս սույն քրեական գործով չկա, իսկ 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի, ամբաստանյալից բռնագանձման ենթակա չեն:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 365, 369-373, 3753 և 3754 հոդվածներով, դատարանը

Վ Ճ Ռ Ե Ց

Էդգար Արմենի Կուչուկյանին մեղավոր ճանաչել ՀՀ քրեական օրենսգրքի 112 հոդվածի 1-ին մասով նախատեսված հանցանք կատարելու մեջ և նրան դատապարտել ազատազրկման երեք (3) տարի վեց (6) ամիս ժամկետով:
ՀՀ քրեական օրենսգրքի 67 հոդվածի համաձայն, դատավճիռների համակցությամբ, նոր նշանակված պատժին լրիվ գումարել Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 22.08.2014թ.-ի թիվ ԵԱՔԴ/0109/01/14 դատավճռով նշանակված պատիժը` հարյուր հիսուն հազար (150.000) ՀՀ դրամ տուգանքը և Էդգար Արմենի Կուչուկյանի նկատմամբ վերջնական պատիժ նշանակել ազատազրկում` երեք (3) տարի վեց (6) ամիս ժամկետով և տուգանքª հարյուր հիսուն հազար (150.000) ՀՀ դրամի չափով:
Էդգար Արմենի Կուչուկյանի նկատմամբ ազատազրկման ձևով նշանակված պատժի սկիզբը հաշվել 2015 թվականի մայիսի 8-ից, որը պետք է կրի ՀՀ ԱՆ համապատասխան քրեակատարողական հիմնարկում:
Էդգար Արմենի Կուչուկյանի նկատմամբ կիրառված խափանման միջոցըª կալանավորումը, թողնել անփոփոխ, մինչև դատավճռի օրինական ուժի մեջ մտնելը:
Յուրի Էդգարի Շաբոյանին մեղավոր ճանաչել ՀՀ քրեական օրենսգրքի 235 հոդվածի 4-րդ մասով նախատեսված հանցանք կատարելու մեջ և նրան դատապարտել տուգանքի նվազագույն աշխատավարձի երկուհարյուրապատիկի` 200.000 (երկու հարյուր հազար) ՀՀ դրամի չափով:
Յուրի Էդգարի Շաբոյանի նկատմամբ կիրառված խափանման միջոցը` անձնական երաշխավորությունը, թողնել անփոփոխ, մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո ՀՀ գլխավոր դատախազության դեպոզիտ հաշվին մուծված 500.000 (հինգ հարյուր հազար) ՀՀ դրամ գումարը վերադարձնել երաշխավորողինª Իշխան Միշայի Խաչատրյանին:
Տուժող Մովսես Շաբոյանի քաղաքացիական հայցի հարցը համարել լուծված:
Դատավճիռն օրինական ուժի մեջ մտնելուց հետո իրեղեն ապացույց հանդիսացողª Մովսես Շաբոյանի ջինսե անդրավարտիքը, անթև բաճկոնը, վերնազգեստը, անթև մայկան վերադարձնել նրան: Յուրի Շաբոյանի բաճկոնը, ջինսե անդրավարտիքը, կարճաթև վերնաշապիկը, անթև մայկան վերադարձնել նրան: Միքայել Անդրեասյանի սև բաճկոնը, ՙZilli՚ գրառումով մայկան և դեպքի վայրից հայտնաբերված ՙZilli՚ գրառումով կոճակը վերադարձնել նրան: Դեպքի վայրի զննությամբ հայտանբերված գազային ատրճանակի բաղկացուցիչ մասեր հանդիսացող երեք հատ պարկուճները, դեպքի վայրի զննության ժամանակ բինտե խծուծների վրա վերցված արնանման հետքերը, ՙԲՄՎ՚ մակնիշի, 88ZZ444 հ/հ ավտոմեքենայի հետին նստատեղից վերցված բամբակյա խճուծները ոչնչացնել:
Ապացույց ճանաչված այլ փաստաթուղթ հանդիսացողª ELIPS ընկերության անվտանգության տեսախցիկների տեսնկարահանման լազերային սկավառակը պահել սույն քրեական գործի հետ:
Դատական ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

Դատավոր` ստորագրություն
Բնագրի հետ ճիշտ է`
Դատավոր` Լ. Ավետիսյան