ԵԱՔԴ/0083/01/15

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանը`

նախագահող դատավոր` Լ. Ավետիսյան
քարտուղարությամբ` Ն. Այվազյանի
մասնակցությամբ
մեղադրող` Տ. Կարապետյանի
պաշտպան՝ Կ. Մեժլումյանի

2015 թվականի սեպտեմբերի 30-ին, Երևան քաղաքում, դռնբաց դատական նիստում, դատական քննության արագացված կարգով, քննեց քրեական գործն ըստ մեղադրանքի Արտակ Ավետիկի Աղանիկյանի, ծնված 1982 թվականի հուլիսի 19-ին, Երևան քաղաքում, ազգությամբ հայ, ՀՀ քաղաքացի, յոթամյա կրթությամբ, ֆիզիկապես վատառողջ, գտնվում է քաղաքացիական ամուսնության մեջ, չի աշխատել, նախկինում դատված՝ 1.Երևանի քրեական դատարանի 06.05.2008թ. դատավճռով ՀՀ քրեական օրենսգրքի 177 հոդվածի 2-րդ մասի 3-րդ, 4-րդ կետերով, 178 հոդվածի 2-րդ մասի 3-րդ կետով, 66 հոդվածի հիման վրա դատապարտվել է ազատազրկման 3 տարի ժամկետով, պատիժը լրիվ կրելով ազատվել է 13.12.2010թ., դատվածությունը մարված, 2.Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 11.11.2014թ. դատավճռով ՀՀ քրեական օրենսգրքի 177 հոդվածի 2-րդ մասի 3-րդ կետով դատապարտվել է տուգանքի 500.000 ՀՀ դրամի չափով, 3.Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 12.02.2015թ. դատավճռով ՀՀ քրեական օրենսգրքի 177 հոդվածի 2-րդ մասի 2-րդ և 3-րդ կետերով և 177 հոդվածի 2-րդ մասի 3-րդ կետով, ՀՀ քրեական օրենսգրքի 66 հոդվածի 3-րդ մասի և 66 հոդվածի 6-րդ մասի համաձայն դատապարտվել է ազատազրկման 2 տարի 6 ամիս ժամկետով և տուգանքի 500.000 ՀՀ դրամի չափով, հաշվառման և մշտական բնակության վայր չունի, ժամանակավորապես բնակվել է ք.Գյումրի, Անտառավան, 4-րդ թաղամաս, 1ա շենք, 45 բնակարան հասցեում, մեղադրվում է ՀՀ քրեական օրենսգրքի 177 հոդվածի 2-րդ մասի 3-րդ կետով /երկու դրվագ/, որպես խափանման միջոց է ընտրվել ստորագրություն՝ չհեռանալու մասին /այլ գործով կալանքի տակ է 12.02.2015թ.-ից/,
Պ Ա Ր Զ Ե Ց

1.Գործի դատավարական նախապատմությունը.
2015 թվականի հունվարի 10-ին ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում ՀՀ քրեական օրենսգրքի 177 հոդվածի 2-րդ մասի 3-րդ կետի հատկանիշներով հարուցվել է թիվ 14100415 քրեական գործը:
2015 թվականի հունվարի 11-ին Արտակ Ավետիկի Աղանիկյանի նկատմամբ որպես խափանման միջոց է ընտրվել չհեռանալու մասին ստորագրությունը:
Նախաքննության մարմնի 2015 թվականի հունվարի 16-ի որոշմամբ Արտակ Ավետիկի Աղանիկյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 3-րդ կետով:
2015 թվականի հունվարի 19-ին ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում ՀՀ քրեական օրենսգրքի 177 հոդվածի 2-րդ մասի 3-րդ կետի հատկանիշներով հարուցվել է թիվ 14103015 քրեական գործը:
2015 թվականի հունվարի 29-ի որոշմամբ թիվ 14103015 քրեական գործը միացվել է թիվ 14100415 քրեական գործին, գործի քննությունը շարունակվել է 14100415 համարով:
2015 թվականի մայիսի 11-ին Արտակ Ավետիկի Աղանիկյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 3-րդ կետով և 177 հոդվածի 2-րդ մասի 3-րդ կետով:
2015 թվականի մայիսի 22-ին թիվ 14100415 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
2.Գործի փաստական հանգամանքները.
Նախնական քննության մարմինը Արտակ Ավետիկի Աղանիկյանին ՀՀ քրեական օրենսգրքի 177 հոդվածի 2-րդ մասի 3-րդ կետով /2 դրվագ/ մեղադրանք է առաջադրել այն արարքների կատարման համար, որ նա ուրիշի գույքի գաղտնի հափշտակություն կատարելու դիտավորությամբ, 2015 թվականի հունվարի 9-ին, ժամը 2330-ի սահմաններում, մուրճի միջոցով պատը քանդելով, ապօրինի մուտք է գործել Գրիշա Վարանցովի Հովհաննիսյանին պատկանող Երևան քաղաքի Գյուլբենկյան փողոցի թիվ 27 շենքի ստորգետնյա տարածքում գտնվող թիվ 1746 ավտոտնակ և այնտեղից հափշտակել 3 հատ 20 լիտր տարողությամբ տարայով ՙՀոնդայի՚ տեսակի ավտոմեքենայի շարժիչի յուղ, կապույտ գույնի ճամպրուկ, ՙԻնդեքս՚ ֆիրմայի մարտկոց, լիցքավորման մալուխ, մեքենայի մեղմիչ և 8 հատ ավտոմեքենայի արգելակման սեղմիչներ՝ Գ.Հովհաննիսյանին պատճառելով զգալի չափերի՝ 300.000 ՀՀ դրամի գույքային վնաս:
Բացի այդ, Արտակ Աղանիկյանը նույն եղանակով գողություն կատարելու դիտավորությամբ, ուրիշի գույքի գաղտնի հափշտակություն կատարելու դիտավորությամբ, 2014 թվականի դեկտեմբեր ամսին, ապօրինի մուտք է գործել Հ.Հակոբյան փողոցի 1-ին շենքի 5-րդ մուտքի նկուղային հատված և Լաուրա Միսկարյանին պատկանող նկուղից հափշտակել 3 զույգ դահուկ և այլ իրեր՝ Լ.Միսկարյանին պատճառելով զգալի չափերի՝ 50.000 ՀՀ դրամի գույքային վնաս:
3. Արագացված դատական քննություն.
Մինչև դատաքննությունն սկսելն ամբաստանյալ Արտակ Աղանիկյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալի պաշտպան Կ.Մեժլումյանը:
Մեղադրող Տ.Կարապետյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Ա. Աղանիկյանը ուրիշի գույքի գաղտնի հափշտակություն կատարելու դիտավորությամբ, 2015 թվականի հունվարի 9-ին, ժամը 2330-ի սահմաններում, մուրճի միջոցով պատը քանդելով, ապօրինի մուտք է գործել Գրիշա Վարանցովի Հովհաննիսյանին պատկանող Երևան քաղաքի Գյուլբենկյան փողոցի թիվ 27 շենքի ստորգետնյա տարածքում գտնվող թիվ 1746 ավտոտնակ և այնտեղից հափշտակել 3 հատ 20 լիտր տարողությամբ տարայով ՙՀոնդայի՚ տեսակի ավտոմեքենայի շարժիչի յուղ, կապույտ գույնի ճամպրուկ, ՙԻնդեքս՚ ֆիրմայի մարտկոց, լիցքավորման մալուխ, մեքենայի մեղմիչ և 8 հատ ավտոմեքենայի արգելակման սեղմիչներ՝ Գ.Հովհաննիսյանին պատճառելով զգալի չափերի՝ 300.000 ՀՀ դրամի գույքային վնաս:
Բացի այդ, Արտակ Աղանիկյանը նույն եղանակով գողություն կատարելու դիտավորությամբ, ուրիշի գույքի գաղտնի հափշտակություն կատարելու դիտավորությամբ, 2014 թվականի դեկտեմբեր ամսին, ապօրինի մուտք է գործել Հ.Հակոբյան փողոցի 1-ին շենքի 5-րդ մուտքի նկուղային հատված և Լաուրա Միսկարյանին պատկանող նկուղից հափշտակել 3 զույգ դահուկ և այլ իրեր՝ Լ.Միսկարյանին պատճառելով զգալի չափերի՝ 50.000 ՀՀ դրամի գույքային վնաս:
Այսինքն՝ Ա.Աղանիկյանը կատարել է հանցավոր արարքներ, որոնք համապատասխանում են ՀՀ քրեական օրենսգրքի 177 հոդվածի 2-րդ մասի 3-րդ կետով նախատեսված հանցագործության հատկանիշներին:
Կատարած արարքի համար ամբաստանյալ Արտակ Ավետիկի Աղանիկյանը ենթակա է քրեական պատասխանատվության և պատժի:
ՀՀ քրեական օրենսգրքի 48 հոդվածի համաձայն`
ՙ1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից ու ազատություններից օրենքով նախատեսված զրկմամբ կամ դրանց սահմանափակմամբ:
2. Պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61 հոդվածի համաձայն`
ՙ1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործության՝ հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով:
3. Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները՚:
Ամբաստանյալ Արտակ Աղանիկյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը և բնույթը, ինչպես նաև հանցավորի անձը:
Որպես ամբաստանյալի անձը բնութագրող տվյալներ, պատասխանատվությունը և պատիժը մեղմացնող հանգամանքներ, դատարանը հաշվի է առնում այն, որ նա հանցանքներն ընդունել և զղջում է կատարած արարքների համար, վատառողջ է՝ գտնվում է դիսպանսեր հսկողության տակ ՙանձի էմոցիոնալ անկայուն խանգարում՚ ախտորոշմամբ:
Ամբաստանյալի պատասխանատվությունը և պատիժը ծանրացնող հանգամանքներ առկա չեն:
Հաշվի առնելով Ա.Աղանիկյանի կատարած արարքների հանրության համար վտանգավորության աստիճանը և բնույթը, նրա անձը բնութագրող տվյալները, պատասխանատվությունը և պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 177 հոդվածի 2-րդ մասի սանկցիայով նախատեսված է պատիժ նաև ազատազրկման ձևով, դատարանը գտնում է, որ պատժի նպատակներին հասնելու համար ամբաստանյալ Արտակ Աղանիկյանի նկատմամբ ՀՀ քրեական օրենսգրքի 177 հոդվածի 2-րդ մասի 3-րդ կետով նախատեսված հանցավոր արարքներ կատարելու համար պատիժ պետք է նշանակել ազատազրկման ձևով:
Նկատի ունենալով, որ ամբաստանյալ Արտակ Աղանիկյանը կատարել է մեկից ավելի հանցագործություններ, դատարանը գտնում է, որ նրա նկատմամբ պատիժ պետք է նշանակել ՀՀ քրեական օրենսգրքի 66 հոդվածով նախատեսված կարգով` հանցանքների համակցությամբ՝ ազատազրկման ձևով նշանակված պատիժները մասնակիորեն գումարելու սկզբունքով։
Համաձայն Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2015 թվականի փետրվարի 12-ի դատավճռի` Արտակ Ավետիկի Աղանիկյանը մեղավոր է ճանաչվել ՀՀ քրեական օրենսգրքի 177 հոդվածի 2-րդ մասի 2-րդ և 3-րդ կետերով և ՀՀ քրեական օրենսգրքի 177 հոդվածի 2-րդ մասի 3-րդ կետով նախատեսված հանցանքներ կատարելու մեջ: ՀՀ քրեական օրենսգրքի 66 հոդվածի և 66 հոդվածի 6-րդ մասի համաձայն Արտակ Ավետիկի Աղանիկյանի նկատմամբ վերջնական պատիժ է նշանակվել ազատազրկում երկու (2) տարի վեց (6) ամիս ժամկետով և տուգանք 500.000 /հինգ հարյուր հազար/ ՀՀ դրամի չափով:
Վերոնշյալ դատավճռով Արտակ Աղանիկյանը դատապարտվել է այն արարքների կատարման համար, որ նա 2014 թվականի հոկտեմբերի 10-ին՝ ժամը 0800-ից մինչև 1930-ն ընկած ժամանակահատվածում, գողություն կատարելու դիտավորությամբ, քանդելով Գասպար Քենարաքիին պատկանող Սունդուկյան փողոցի 7 շենքի նկուղային հարկում գտնվող թիվ 1759 ավտոտնակի կողային պատի վերին հատվածը, ապօրինի մուտք է գործել շինություն և գաղտնի հափշտակել այնտեղ պահվող 120.000 ՀՀ դրամ արժողությամբ երկու կապոց պղնձյա լարերը, 535.500 ՀՀ դրամ արժողությամբ թվով 15 արկղ մազահեռացման քսուք, որոնք շինությունից հանել է նույն եղանակով՝ ավտոտնակի սեփականատիրոջը պատճառելով խոշոր չափի՝ ընդհանուր 655.500 ՀՀ դրամի գույքի վնաս: Բացի այդ, Արտակ Աղանիկյանը նույն եղանակով գողություն կատարելու դիտավորությամբ, 2014 թվականի հոկտեմբեր ամսվա սկզբին, քանդել է Գևորգ Գալստյանին պատկանող Սունդուկյան փողոցի 7 շենքի նկուղային հարկում գտնվող թիվ 1775 ավտոտնակի կողային պատի ստորին հատվածը, ապօրինի մուտք է գործել շինություն և գաղտնի հափշտակել այնտեղ պահվող՝ թվով 4 հատ անվադողեր, մեկ անվահեծ, սալիկների 4 տուփ, օվալաձև հայելի, կենցաղային իրեր՝ սեփականատիրոջը պատճառելով շուրջ 150.000 ՀՀ դրամի գույքային վնաս:
Դատարանն արձանագրում է, որ Արտակ Աղանիկյանը սույն քրեական գործով նրան մեղսագրված հանցագործությունները կատարել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2015 թվականի փետրվարի 12-ի դատավճիռը կայացնելուց առաջ` 2014 թվականի դեկտեմբեր ամսին և 2015 թվականի հունվարի 9-ին:
Նման պայմաններում դատարանը գտնում է, որ Արտակ Աղանիկյանի նկատմամբ վերջնական պատիժ պետք է նշանակել ՀՀ քրեական օրենսգրքի 66 հոդվածի 6-րդ մասի դրույթներով` հանցանքների համակցության սկզբունքով:
ՀՀ քրեական դատավարության օրենսգրքի 3753 հոդվածի 6-րդ կետի համաձայն դատարանը արագացված կարգով դատական քննության արդյունքում մեղադրական դատավճիռ կայացնելիս նշանակում է պատիժ, որը չի կարող գերազանցել կատարված հանցագործության համար նախատեսված առավել խիստ պատժի երկու երրորդը ... :
Ամբաստանյալ Ա.Աղանիկյանը նշանակվող պատիժը պետք է կրի ՀՀ ԱՆ համապատասխան քրեակատարողական հիմնարկում:
Անդրադառնալով Արտակ Աղանիկյանի խափանման միջոցի հարցին, դատարանը գտնում է, որ նրա նկատմամբ որպես խափանման միջոց ընտրված չհեռանալու մասին ստորագրությունը պետք է վերացնել, նկատի ունենալով, որ վերջինս արդեն իսկ գտնվում է անազատության մեջ` կրելով Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 12.02.20015թ.-ի դատավճռով ազատազրկման ձևով նշանակված պատիժը:
Դատարանը գտնում է, որ տուժողներ Գրիշա Հովհաննիսյանին և Լաուրա Միսկարյանին պետք է իրավունք վերապահել քաղաքացիական հայց հարուցել քաղաքացիական դատավարության կարգով:
Անդրադառնալով իրեղեն ապացույցների տնօրինման հարցին, դատարանը գտնում է, որ Արաբկիր վարչական շրջանի քննչական բաժնի քննիչի 08.05.2015թ. որոշմամբ իրեղեն ապացույց ճանաչված և տուժող Գրիշա Հովհաննիսյանին ի պահ հանձնված 8 հատ մեքենայի արգելակների սեղմիչները և տուժող Լաուրա Միսկարյանին ի պահ հանձնված 3 զույգ ձնասահքի դահուկներն՝ իրենց 6 հատ մականներով, 1 զույգ դահուկի համար նախատեսված կոշիկը, 1 զույգ ձեռնոցը, պետք է թողնել նրանց տնօրինությանը:
Դատարանը գտնում է, որ դատական ծախսերն ամբաստանյալից ենթակա չեն բռնագանձման, նկատի ունենալով, որ ՀՀ քրեական դատավարության օրենսգրքի 168 հոդվածի առաջին մասի 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի, ամբաստանյալից ենթակա չեն բռնագանձման:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 365, 369-373, 3753 և 3754 հոդվածներով, դատարանը
Վ Ճ Ռ Ե Ց

Արտակ Ավետիկի Աղանիկյանին մեղավոր ճանաչել ՀՀ քրեական օրենսգրքի 177 հոդվածի 2-րդ մասի 3-րդ կետով /երկու դրվագ/ նախատեսված հանցանքներ կատարելու մեջ:
ՀՀ քրեական օրենսգրքի 177 հոդվածի 2-րդ մասի 3-րդ կետով (Գրիշա Հովհաննիսյանին պատկանող ավտոտնակից հափշտակություն կատարելու դրվագով) Արտակ Ավետիկի Աղանիկյանին դատապարտել ազատազրկման երկու (2) տարի ժամկետով:
ՀՀ քրեական օրենսգրքի 177 հոդվածի 2-րդ մասի 3-րդ կետով (Լաուրա Միսկարյանին պատկանող նկուղից հափշտակություն կատարելու դրվագով) Արտակ Ավետիկի Աղանիկյանին դատապարտել ազատազրկման երկու (2) տարի ժամկետով:
ՀՀ քրեական օրենսգրքի 66 հոդվածի 3-րդ մասի համաձայն, հանցանքների համակցությամբ, ազատազրկման ձևով նշանակված պատիժները մասնակիորեն գումարելու միջոցով, Արտակ Ավետիկի Աղանիկյանի նկատմամբ վերջնական պատիժ նշանակել ազատազրկում երկու (2) տարի վեց (6) ամիս ժամկետով:
ՀՀ քրեական օրենսգրքի 66 հոդվածի 6-րդ մասի համաձայն, հանցանքների համակցությամբ, նոր նշանակված պատժին մասնակիորեն գումարել Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 12.02.2015թ. թիվ ԵԱՔԴ/0179/01/14 դատավճռով նշանակված պատիժը՝ երկու (2) տարի վեց (6) ամիս ժամկետով ազատազրկումը և լրիվ գումարել 500.000 /հինգ հարյուր հազար/ ՀՀ դրամ տուգանքը և Արտակ Ավետիկի Աղանիկյանի նկատմամբ վերջնական պատիժ նշանակել ազատազրկում` երեք (3) տարի վեց (6) ամիս ժամկետով և տուգանք 500.000 /հինգ հարյուր հազար/ ՀՀ դրամի չափով:
Արտակ Ավետիկի Աղանիկյանի նկատմամբ ազատազրկման ձևով նշանակված պատժի սկիզբը հաշվել 12.02.2015թ.-ից, որը պետք է կրի ՀՀ ԱՆ համապատասխան քրեակատարողական հիմնարկում:
Արտակ Աղանիկյանի նկատմամբ սույն քրեական գործով ընտրված խափանման միջոցը` չհեռանալու մասին ստորագրությունը, վերացնել:
Դատավճիռն օրինական ուժի մեջ մտնելուց հետո իրեղեն ապացույց հանդիսացող և տուժող Գրիշա Հովհաննիսյանին ի պահ հանձնված 8 հատ մեքենայի արգելակների սեղմիչները թողնել նրա տնօրինությանը: Տուժող Լաուրա Միսկարյանին ի պահ հանձնված 3 զույգ ձնասահքի դահուկներն՝ իրենց 6 հատ մականներով, 1 զույգ դահուկի համար նախատեսված կոշիկը և 1 զույգ ձեռնոցը, թողնել նրա տնօրինությանը:
Տուժողներ Գրիշա Հովհաննիսյանին և Լաուրա Միսկարյանին իրավունք վերապահել քաղաքացիական հայց հարուցել քաղաքացիական դատավարության կարգով:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

Դատավոր` ստորագրություն
Բնագրի հետ ճիշտ է
Դատավոր՝ Լ. Ավետիսյան