ԵԱՔԴ/0069/01/15

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանը՝

նախագահող դատավոր` Լ. Ավետիսյան
քարտուղարությամբ` Ն. Այվազյանի
մասնակցությամբ
մեղադրող` Լ. Պետրոսյանի
պաշտպան` Հ. Բաղդասարյանի
տուժողի ներկայացուցիչ՝ Ա. Ասատրյանի


2015 թվականի նոյեմբերի 3-ին, Երևան քաղաքում, դռնբաց դատական նիստում, դատական քննության արագացված կարգով, քննեց քրեական գործն ըստ մեղադրանքի`
1. Կարապետ Հրաչիկի Մարգարյանի, ծնված 1964 թվականի հունիսի 13-ին, Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին մեկ անչափահաս երեխա, նախկինում չդատված, ՀՀ ՊՆ 14746 զորամասի նախկին հրամանատար, կոչումով գնդապետ, ծառայում է ՀՀ տարածքային կառավարման և արտակարգ իրավիճակների նախարարության փրկարար ծառայությունում որպես ՀՀ ՏԿԱԻՆ ՓԾ Քաղաքացիական պաշտպանության վարչության պետի տեղակալ` ՔՊ ուժերի հավաքական կենտրոնի պետ, հաշվառված և բնակվում է Երևան քաղաքի Ռիգայի փողոցի 126/4 շենքի թիվ 26 բնակարան հասցեում, մեղադրվում է ՀՀ քրեական օրենսգրքի 179 հոդվածի 3-րդ մասի 1-ին կետով, որպես խափանման միջոց է ընտրվել չհեռանալու մասին ստորագրությունը,
2. Անդրանիկ Աշոտի Թովմասյանի, ծնված 1967 թվականի փետրվարի 15-ին, Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին մեկ անձ, նախկինում չդատված, ՀՀ ՊՆ 14746 զորամասի հրամանատարի սպառազինության գծով նախկին տեղակալ, կոչումով փոխգնդապետ, հաշվառված և բնակվում է Երևան քաղաքի, Մամիկոնյանց փողոցի 39 շենքի թիվ 17 բնակարան հասցեում, մեղադրվում է ՀՀ քրեական օրենսգրքի 38-179-րդ հոդվածի 3-րդ մասի 1-ին կետով, որպես խափանման միջոց է ընտրվել չհեռանալու մասին ստորագրությունը,
3. Գևորգ Ազիզի Թովմասյանի, ծնված 1972 թվականի հունվարի 26-ին, Արտաշատ քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին երկու անչափահաս երեխա, նախկինում չդատված, ՀՀ ՊՆ 14746 զորամասի հրամանատարի թիկունքի և ԿՇԾ գծով նախկին տեղակալ, կոչումով փոխգնդապետ, հաշվառված և բնակվում է Արտաշատի շրջանի Այգեպատ գյուղի Բաղրամյան փողոցի 8 տուն հասցեում, մեղադրվում է ՀՀ քրեական օրենսգրքի 376 հոդվածի 2-րդ մասով, որպես խափանման միջոց է ընտրվել չհեռանալու մասին ստորագրությունը,
4. Բորիկ Հովիկի Սաֆարյանի, ծնված 1969 թվականի մայիսի 5-ին, Տաուշի մարզի Ոսկևան գյուղում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին մեկ անչափահաս երեխա, նախկինում չդատված, ՀՀ ՊՆ 14746 զորամասի ավտոմոբիլային տեխնիկայի ծառայության նախկին պետ, կոչումով փոխգնդապետ, աշխատում է ՙՍլավ-Ռեֆ Ինտերնեյշնլ՚ ՓԲԸ-ում որպես տեխ. սպասարկման գծով ինժեներ, հաշվառված և բնակվում է Երևան քաղաքի, Ռայնիսի փողոցի 46 տուն հասցեում, մեղադրվում է ՀՀ քրեական օրենսգրքի 38-179 հոդվածի 3-րդ մասի 1-ին կետով, որպես խափանման միջոց է ընտրվել չհեռանալու մասին ստորագրությունը,
5. Հովհաննես Սամվելի Կարապետյանի, ծնված 1980 թվականի հուլիսի 25-ին, Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին երկու մանկահասակ երեխա, նախկինում չդատված, ՀՀ ՊՆ 14746 զորամասի ավտոմոբիլային տեխնիկայի ծառայության նախկին պետ, կոչումով մայոր, ծառայում է ՀՀ ՊՆ 75937 զորամասում որպես ավտոծառայության պետ, հաշվառված և բնակվում է Երևան քաղաքի, Նազարբեկյան թաղամասի 44 շենքի թիվ 8 բնակարան հասցեում, մեղադրվում է ՀՀ քրեական օրենսգրքի 38-179 հոդվածի 3-րդ մասի 1-ին կետով, որպես խափանման միջոց է ընտրվել չհեռանալու մասին ստորագրությունը,
6. Գևորգ Էդուարդի Աղաջանյանի, ծնված 1975 թվականի սեպտեմբերի 29-ին, Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին երեք անձ, ՀՀ ՊՆ 14746 զորամասի ավտոմոբիլային գումարտակի հրամանատար, կոչումով փոխգնդապետ, հաշվառված և բնակվում է Երևան քաղաքի, Նոր Նորքի 6-րդ զանգվածի Շոպրոնի 3-րդ նրբանցքի 3-րդ շենքի թիվ 14 բնակարան հասցեում, մեղադրվում է ՀՀ քրեական օրենսգրքի 38-179 հոդվածի 3-րդ մասի 1-ին կետով, որպես խափանման միջոց է ընտրվել չհեռանալու մասին ստորագրությունը,
7. Ազատ Զորիկի Ազատյանի, ծնված 1971 թվականի հունիսի 28-ին, Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին մեկ անչափահաս երեխա, նախկինում չդատված, ՀՀ ՊՆ 14746 զորամասի ՎՔՆ ծառայության նախկին պետ, կոչումով մայոր, հաշվառված և բնակվում է Երևան քաղաքի, Րաֆֆու փողոցի 39 շենքի թիվ 18 բնակարան հասցեում, մեղադրվում է ՀՀ քրեական օրենսգրքի 38-179 հոդվածի 3-րդ մասի 1-ին կետով, որպես խափանման միջոց է ընտրվել չհեռանալու մասին ստորագրությունը,

Պ Ա Ր Զ Ե Ց

1.Գործի դատավարական նախապատմությունը.
2013 թվականի նոյեմբերի 23-ին ՀՀ ՊՆ ՀԿԳ քննչական բաժնում ՀՀ քրեական օրենսգրքի 375 հոդվածի 3-րդ մասով և 314 հոդվածի 1-ին մասով նախատեսված հանցագործության հատկանիշներով հարուցվել է թիվ 90154013 քրեական գործը:
Նախաքննության մարմնի 2015 թվականի մարտի 31-ի որոշմամբ Կարապետ Հրաչիկի Մարգարյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 179 հոդվածի 3-րդ մասի 1-ին կետով, նրա նկատմամբ որպես խափանման միջոց է ընտրվել չհեռանալու մասին ստորագրությունը:
Նախաքննության մարմնի 2015 թվականի ապրիլի 1-ի որոշմամբ Անդրանիկ Աշոտի Թովմասյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 38-179 հոդվածի 3-րդ մասի 1-ին կետով, նրա նկատմամբ որպես խափանման միջոց է ընտրվել չհեռանալու մասին ստորագրությունը:
Նախաքննության մարմնի 2015 թվականի ապրիլի 03-ի որոշմամբ Հովհաննես Սամվելի Կարապետյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 38-179 հոդվածի 3-րդ մասի 1-ին կետով, նրա նկատմամբ որպես խափանման միջոց է ընտրվել չհեռանալու մասին ստորագրությունը:
Նախաքննության մարմնի 2015 թվականի ապրիլի 4-ի որոշմամբ Բորիկ Հովիկի Սաֆարյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 38-179 հոդվածի 3-րդ մասի 1-ին կետով, նրա նկատմամբ որպես խափանման միջոց է ընտրվել չհեռանալու մասին ստորագրությունը:
Նախաքննության մարմնի 2015 թվականի ապրիլի 7-ի որոշմամբ Գևորգ Էդուարդի Աղաջանյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 38-179 հոդվածի 3-րդ մասի 1-ին կետով, նրա նկատմամբ որպես խափանման միջոց է ընտրվել չհեռանալու մասին ստորագրությունը:
Նախաքննության մարմնի 2015 թվականի ապրիլի 8-ի որոշմամբ Գևորգ Ազիզի Թովմասյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 376 հոդվածի 2-րդ մասով, նրա նկատմամբ որպես խափանման միջոց է ընտրվել չհեռանալու մասին ստորագրությունը:
Նախաքննության մարմնի 2015 թվականի ապրիլի 8-ի որոշմամբ Ազատ Զորիկի Ազատյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 38-179 հոդվածի 3-րդ մասի 1-ին կետով, նրա նկատմամբ որպես խափանման միջոց է ընտրվել չհեռանալու մասին ստորագրությունը:
Նախաքննության մարմնի 2015 թվականի մայիսի 8-ի որոշմամբ Դավիթ Վահեյի Ազատյանը ներգրավվել է որպես մեղադրյալ ՀՀ քրեական օրենսգրքի 38-179 հոդվածի 2-րդ մասի 1-ին և 3-րդ կետերով, նրա նկատմամբ որպես խափանման միջոց է ընտրվել չհեռանալու մասին ստորագրությունը:
Նախաքննության մարմնի 2015 թվականի մայիսի 8-ի որոշմամբ Սարգիս Ռոբերտի Ավետիսյանը ներգրավվել է որպես մեղադրյալ ՀՀ քրեական օրենսգրքի 38-179 հոդվածի 3-րդ մասի 1-ին կետով, նրա նկատմամբ որպես խափանման միջոց է ընտրվել չհեռանալու մասին ստորագրությունը:
2015 թվականի մայիսի 8-ի որոշմամբ մեղադրյալ Սարգիս Ավետիսյանի նկատմամբ հայտարարվել է հետախուզում:
2015 թվականի մայիսի 8-ի որոշմամբ թիվ 90154013 քրեական գործից անջատվել է Կարապետ Մարգարյանի, Անդրանիկ Թովմասյանի, Գևորգ Թովմասյանի, Բորիկ Սաֆարյանի, Հովհաննես Կարապետյանի, Գևորգ Աղաջանյանի և Ազատ Ազատյանի վերաբերյալ գործը, որին շնորհվել է թիվ 90151215 քրեական գործի համարը:
2015 թվականի մայիսի 15-ին թիվ 90151215 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան՝ ըստ էության քննելու համար:
2.Գործի փաստական հանգամանքները.
Նախնական քննության մարմինն ամբաստանյալ Կարապետ Հրաչիկի Մարգարյանին ՀՀ քրեական օրենսգրքի 179 հոդվածի 3-րդ մասի 1-ին կետով մեղադրանք է առաջադրել այն արարքի կատարման համար, որ նա զբաղեցնելով ՀՀ ՊՆ 14746 զորամասի հրամանատարի պաշտոնը, կոչումով գնդապետ, հանդիսանալով պաշտոնատար անձ և օգտագործելով իր պաշտոնեական դիրքը, առանձնապես խոշոր չափերով գույք հափշտակելու միասնական դիտավորությամբ, 2010 թվականի ապրիլի 6-ից մինչև 2013 թվականի օգոստոսի 3-ն ընկած ժամանակահատվածում, նույն զորամասի հրամանատարի՝ սպառազինության գծով տեղակալ- տեխնիկական մասի պետ, փոխգնդապետ Անդրանիկ Աշոտի Թովմասյանի, նախկինում և տվյալ ժամանակահատվածում ավտոմոբիլային տեխնիկայի ծառայության պետի պաշտոնը զբաղեցրած փոխգնդապետ Բորիկ Հովիկի Սաֆարյանի և մայոր Հովհաննես Սամվելի Կարապետյանի, ավտոմոբիլային գումարտակի հրամանատար, փոխգնդապետ Գևորգ Էդուարդի Աղաջանյանի, ավտոմոբիլային գումարտակի ավտոմոբիլային վաշտի հրամանատար, մայոր Դավիթ Վահեյի Սերոբյանի, ՎՔՆ ծառայության պետ, մայոր Ազատ Զորիկի Ազատյանի, ՎՔՆ պահեստի պետ, ավագ ենթասպա Սարգիս Ռոբերտի Ավետիսյանի օժանդակությամբ, նրանց միջոցով զորամասին ամրակցված ՙՊԱԶ-3205՚ մակնիշի ՊՆ 1529S, ՙՊԱԶ-3205՚ մակնիշի ՊՆ 1530S, ՙՊԱԶ-3205՚ մակնիշի ՊՆ 1557S, ՙԳԱԶ-66՚ մակնիշի ՊՆ 1572S, ՙԳԱԶ-66՚ մակնիշի ՊՆ 1573S, ՙԳԱԶ-66՚ մակնիշի ՊՆ 1574S, ՙԶԻԼ-130՚ մակնիշի ՊՆ 1582S և ՙՈւՐԱԼ-375՚ մակնիշի ՊՆ 1578S զինհամարանիշի ավտոմեքենաների վերաբերյալ լրացված ուղեգրերում հավելագրումներ կատարելու եղանակով, հանձնարարել է դուրս գրել ՀՀ պաշտպանության նախարարության կողմից զորամասին հատկացված և զորամասի կարիքների համար պահպանվող, ընդհանուր առմամբ 1.656.529,74 ՀՀ դրամ արժողությամբ 4.608,84 լիտր դիզվառելիքն ու 8.137.304,54 ՀՀ դրամ արժողությամբ 19.983,91 լիտր ռեգուլյար տեսակի ավտոբենզինը և դրանք մտերիմներին ու համածառայակիցներին որպես օգնություն տրամադրելու, ինչպես նաև զորամասի ավտոմեքենաների վերանորոգման, զորամասում շինարարական և այլ աշխատանքներ իրականացնելու համար մասնագետներին վառելիքով վճարելու միջոցով վատնել է իր վստահությանը հանձնված և իր տնօրինության տակ գտնվող ՊՆ գույքը՝ ՀՀ պաշտպանության նախարարությանը պատճառելով առանձնապես խոշոր չափերի 9.793.834 ՀՀ դրամի նյութական վնաս:
Նախնական քննության մարմինն ամբաստանյալ Անդրանիկ Աշոտի Թովմասյանին ՀՀ քրեական օրենսգրքի 38-179 հոդվածի 3-րդ մասի 1-ին կետով մեղադրանք է առաջադրել այն արարքի կատարման համար, որ նա, զբաղեցնելով ՀՀ ՊՆ 14746 զորամասի հրամանատարի սպառազինության գծով տեղակալի-տեխնիկական մասի պետի պաշտոնը, կոչումով փոխգնդապետ, 2010 թվականի ապրիլի 6-ից մինչև 2013 թվականի օգոստոսի 3-ն ընկած ժամանակահատվածում, ցուցումներ է տվել նույն զորամասի՝ նախկինում և տվյալ ժամանակում ավտոմոբիլային տեխնիկայի ծառայության պետի պաշտոնը զբաղեցրած փոխգնդապետ Բորիկ Հովիկի Սաֆարյանին և մայոր Հովհաննես Սամվելի Կարապետյանին, ավտոմոբիլային գումարտակի հրամանատար, փոխգնդապետ Գևորգ Էդուարդի Աղաջանյանին, ավտոմոբիլային գումարտակի ավտոմոբիլային վաշտի հրամանատար, մայոր Դավիթ Վահեյի Սերոբյանին, ՎՔՆ ծառայության պետ, մայոր Ազատ Զորիկի Ազատյանին, ՎՔՆ պահեստի պետ, ավագ ենթասպա Սարգիս Ռոբերտի Ավետիսյանին զորամասին ամրակցված ՙՊԱԶ-3205՚ մակնիշի ՊՆ 1529S, ՙՊԱԶ-3205՚ մակնիշի ՊՆ 1530S, ՙՊԱԶ-3205՚ մակնիշի ՊՆ 1557S, ՙԳԱԶ-66՚ մակնիշի ՊՆ 1572S, ՙԳԱԶ-66՚ մակնիշի ՊՆ 1573S, ՙԳԱԶ-66՚ մակնիշի ՊՆ 1574S, ՙԶԻԼ-130՚ մակնիշի ՊՆ 1582S և ՙՈւՐԱԼ-375՚ մակնիշի ՊՆ 1578S զինհամարանիշերի ավտոմեքենաների վերաբերյալ լրացված ուղեգրերում կատարել հավելագրումներ, դուրս գրել անհրաժեշտ քանակությամբ վառելանյութ՝ զորամասի հրամանատար, գնդապետ Կարապետ Հրաչիկի Մարգարյանի կողմից նույն ժամանակահատվածի ընթացքում ՀՀ պաշտպանության նախարարության կողմից զորամասին հատկացված, զորամասի կարիքների համար պահպանվող, վերջինիս վստահությանը հանձնված, ՊՆ գույք հանդիսացող ընդհանուր առմամբ 1.656.529,74 ՀՀ դրամ արժողությամբ 4.608,84 լիտր դիզվառելիքը և 8.137.304,54 ՀՀ դրամ արժողությամբ 19.983,91 լիտր ռեգուլյար տեսակի ավտոբենզինը մտերիմներին և համածառայակիցներին որպես օգնություն տրամադրելու, ինչպես նաև զորամասի ավտոմեքենաների վերանորոգման, զորամասում շինարարական և այլ աշխատանքներ իրականացնելու համար մասնագետներին վառելիքով վճարելու հանգամանքը թաքցնելու և առկա նյութկան միջոցների փաստացի պակասը լրացնելու համար, ինչի հետևանքով ՀՀ պաշտպանության նախարարությանը պատճառվել է առանձնապես խոշոր չափերի՝ 9.793.834,00 ՀՀ դրամի նյութական վնաս: Այսինքն, Ա.Թովմասյանն օժանդակել է ՀՀ ՊՆ 14746 զորամասի հրամանատար, գնդապետ Կարեն Հրաչիկի Մարգարյանին պաշտոնեական դիրքն օգտագործելով առանձնապես խոշոր չափերով վատման եղանակով գույք հափշտակելուն:
Նախնական քննության մարմինն ամբաստանյալ Գևորգ Ազիզի Թովմասյանին ՀՀ քրեական օրենսգրքի 376 հոդվածի 2-րդ մասով մեղադրանք է առաջադրել այն արարքի կատարման համար, որ նա, 2010թ. հուլիսի 16-ից մինչև 2015թ. մարտի 25-ը զբաղեցնելով ՀՀ ՊՆ 14746 զորամասի հրամանատարի թիկունքի և կոմունալ շահագործման ծառայության գծով տեղակալի պաշտոնը, կոչումով փոխգնդապետ, հանդիսանալով պաշտոնատար անձ, օժտված լինելով վարչատնտեսական լիազորություններով, ՀՀ ԶՈւ ներքին ծառայության կանոնագրքի 101-րդ և 102-րդ հոդվածների համաձայն պատասխանատու լինելով զորամասի տնտեսության՝ գնդի ստորաբաժանումների նյութական և տեխնիկական ապահովվածության համար, պարտավոր լինելով ոչ պակաս քան տարեկան երկու անգամ ստուգել գնդի պահեստներում ու ստորաբաժանումներում նյութական միջոցների առկայությունը և վիճակը՝ ստուգման պարտադիր ակտավորումով, կազմակերպել ամբողջ ունեցվածքի և տեխնիկայի ամենամյա գույքագրումն ըստ ծառայությունների, հսկողություն իրականացնել վառելանյութի օգտագործման ճշտության և խնայողական ծախսման նկատմամբ, ինչպես նաև ամեն ամիս գնդի հրամանատարին զեկուցել ծախսերի լիմիտների օգտագործման արդյունքների մասին, ծառայության նկատմամբ ցուցաբերել է անփույթ վերաբերմունք, այն է` հսկողություն չի իրականացրել ՀՀ պաշտպանության նախարարության կողմից զորամասին հատկացված և զորամասի կարիքների համար պահպանվող վառելանյութի ճիշտ օգտագործման և խնայողական ծախսման նկատմամբ, որի արդյունքում զորամասի հրամանատար, գնդապետ Կարապետ Հրաչիկի Մարգարյանը նույն ժամանակահատվածում վատնման եղանակով հափշտակել է ՊՆ գույք հանդիսացող առանձնապես խոշոր չափերի՝ ընդհանուր առմամբ 1.656.529,74 ՀՀ դրամ արժողությամբ 4.608,84 լիտր դիզվառելիքն ու 8.137.304,54 ՀՀ դրամ արժողությամբ 19.983,91 լիտր ռեգուլյար տեսակի ավտոբենզինը, որն առաջացրել է ծանր հետևանքներ:
Նախնական քննության մարմինն ամբաստանյալ Բորիկ Հովիկի Սաֆարյանին ՀՀ քրեական օրենսգրքի 38-179 հոդվածի 3-րդ մասի 1-ին կետով մեղադրանք է առաջադրել այն արարքի կատարման համար, որ նա, 2005 թվականի դեկտեմբերի 20-ից մինչև 2011 թվականի նոյեմբերի 9-ը զբաղեցնելով ՀՀ ՊՆ 14746 զորամասի ավտոմոբիլային տեխնիկայի ծառայության պետի պաշտոնը, կոչումով փոխգնդապետ, նույն զորամասի հրամանատարի սպառազինության գծով տեղակալ-տեխնիկական մասի պետ, փոխգնդապետ Անդրանիկ Աշոտի Թովմասյանի ցուցումով, համածառայակիցներ՝ ավտոմոբիլային գումարտակի հրամանատար, փոխգնդապետ Գևորգ Էդուարդի Աղաջանյանի, ավտոմոբիլային գումարտակի ավտոմոբիլային վաշտի հրամանատար, մայոր Դավիթ Վահեյի Սերոբյանի, ՎՔՆ ծառայության պետ, մայոր Ազատ Զորիկի Ազատյանի, ՎՔՆ պահեստի պետ, ավագ ենթասպա Սարգիս Ռոբերտի Ավետիսյանի հետ մեկտեղ 2010 թվականի ապրիլի 6-ից մինչև 2011 թվականի նոյեմբերի 9-ն ընկած ժամանակահատվածում զորամասին ամրակցված ՙՊԱԶ-3205՚ մակնիշի ՊՆ 1529S, ՙՊԱԶ-3205՚ մակնիշի ՊՆ 1530S, ՙՊԱԶ-3205՚ մակնիշի ՊՆ 1557S, ՙԳԱԶ-66՚ մակնիշի ՊՆ 1572S, ՙԳԱԶ-66՚ մակնիշի ՊՆ 1573S, ՙԳԱԶ-66՚ մակնիշի ՊՆ 1574S, ՙԶԻԼ-130՚ մակնիշի ՊՆ 1582S և ՙՈւՐԱԼ-375՚ մակնիշի ՊՆ 1578S զինհամարանիշերի ավտոմեքենաների վերաբերյալ լրացված ուղեգրերում հավելագրումներ կատարելու՝ առաջադրանք կատարող ավտոմեքենաների հիմնական երթուղուն երթուղու նոր հատված ավելացնելու և այդ կապակցությամբ վառելանյութ դուրս գրելու միջոցով, օժանդակել է նույն զորամասի հրամանատար Կարապետ Հրաչիկի Մարգարյանին ՀՀ պաշտպանության նախարարության կողմից զորամասին հատկացված, զորամասի կարիքների համար պահպանվող, նրա վստահությանը հանձնված, ՊՆ գույք հանդիսացող առանձնապես խոշոր չափերի՝ ընդհանուր առմամբ 998.797 ՀՀ դրամ արժողությամբ 2.778,88 լիտր դիզվառելիքը և 5.060.164,7 ՀՀ դրամ արժողությամբ 13.183,84 լիտր ռեգուլյար տեսակի ավտոբենզինը վատման եղանակով հափշտակելուն:
Նախնական քննության մարմինն ամբաստանյալ Հովհաննես Սամվելի Կարապետյանին ՀՀ քրեական օրենսգրքի 38-179 հոդվածի 3-րդ մասի 1-ին կետով մեղադրանք է առաջադրել այն արարքի կատարման համար, որ նա, 2011 թվականի դեկտեմբերի 5-ից մինչև 2013 թվականի օգոստոսի 27-ը զբաղեցնելով ՀՀ ՊՆ 14746 զորամասի ավտոմոբիլային տեխնիկայի ծառայության պետի պաշտոնը, կոչումով մայոր, նույն զորամասի հրամանատարի սպառազինության գծով տեղակալ-տեխնիկական մասի պետ, փոխգնդապետ Անդրանիկ Աշոտի Թվմասյանի ցուցումով, համածառայակիցներ՝ ավտոմոբիլային գումարտակի հրամանատար, փոխգնդապետ Գևորգ Էդուարդի Աղաջանյանի, ավտոմոբիլային գումարտակի ավտոմոբիլային վաշտի հրամանատար, մայոր Դավիթ Վահեյի Սերոբյանի, ՎՔՆ ծառայության պետ, մայոր Ազատ Զորիկի Ազատյանի, ՎՔՆ պահեստի պետ, ավագ ենթասպա Սարգիս Ռոբերտի Ավետիսյանի հետ մեկտեղ 2011 թվականի դեկտեմբերի 5-ից մինչև 2013 թվականի օգոստոսի 3-ն ընկած ժամանակահատվածում զորամասին ամրակցված ՙՊԱԶ-3205՚ մակնիշի ՊՆ 1529S, ՙՊԱԶ-3205՚ մակնիշի ՊՆ 1530S, ՙՊԱԶ-3205՚ մակնիշի ՊՆ 1557S, ՙԳԱԶ-66՚ մակնիշի ՊՆ 1572S, ՙԳԱԶ-66՚ մակնիշի ՊՆ 1573S, ՙԳԱԶ-66՚ մակնիշի ՊՆ 1574S, ՙԶԻԼ-130՚ մակնիշի ՊՆ 1582S և ՙՈւՐԱԼ-375՚ մակնիշի ՊՆ 1578S զինհամարանիշերի ավտոմեքենաների վերաբերյալ լրացված ուղեգրերում հավելագրումներ կատարելու՝ առաջադրանք կատարող ավտոմեքենաների հիմնական երթուղուն երթուղու նոր հատված ավելացնելու և այդ կապակցությամբ վառելանյութ դուրս գրելու միջոցով, օժանդակել է նույն զորամասի հրամանատար Կարապետ Հրաչիկի Մարգարյանին ՀՀ պաշտպանության նախարարության կողմից զորամասին հատկացված, զորամասի կարիքների համար պահպանվող, նրա վստահությանը հանձնված, ՊՆ գույք հանդիսացող առանձնապես խոշոր չափերի՝ ընդհանուր առմամբ 617.084 ՀՀ դրամ արժողությամբ 1.716,81 լիտր դիզվառելիքը և 2.853.956,1 ՀՀ դրամ արժողությամբ 6.257,89 լիտր ռեգուլյար տեսակի ավտոբենզինը վատման եղանակով հափշտակելուն:
Նախնական քննության մարմինն ամբաստանյալ Գևորգ Էդուարդի Աղաջանյանին ՀՀ քրեական օրենսգրքի 38-179 հոդվածի 3-րդ մասի 1-ին կետով մեղադրանք է առաջադրել այն արարքի կատարման համար, որ նա, 2006 թվականի սեպտեմբերի 11-ից զբաղեցնելով ՀՀ ՊՆ 14746 զորամասի ավտոմոբիլային գումարտակի հրամանատարի պաշտոնը, կոչումով փոխգնդապետ, նույն զորամասի հրամանատարի սպառազինության գծով տեղակալ-տեխնիկական մասի պետ, փոխգնդապետ Անդրանիկ Աշոտի Թովմասյանի ցուցումով, համածառայակիցներ՝ ավտոմոբիլային գումարտակի ավտոմոբիլային վաշտի հրամանատար, մայոր Դավիթ Վահեյի Սերոբյանի, ՎՔՆ ծառայության պետ, մայոր Ազատ Զորիկի Ազատյանի, ՎՔՆ պահեստի պետ, ավագ ենթասպա Սարգիս Ռոբերտի Ավետիսյանի, ավտոմոբիլային տեխնիկայի ծառայության պետի պաշտոնները զբաղեցրած փոխգնդապետ Բորիկ Հովիկի Սաֆարյանի և մայոր Հովհաննես Սամվելի Կարապետյանի հետ մեկտեղ 2010 թվականի ապրիլի 6-ից մինչև 2013 թվականի օգոստոսի 3-ն ընկած ժամանակահատվածում զորամասին ամրակցված ՙՊԱԶ-3205՚ մակնիշի ՊՆ 1529S, ՙՊԱԶ-3205՚ մակնիշի ՊՆ 1530S, ՙՊԱԶ-3205՚ մակնիշի ՊՆ 1557S, ՙԳԱԶ-66՚ մակնիշի ՊՆ 1572S, ՙԳԱԶ-66՚ մակնիշի ՊՆ 1573S, ՙԳԱԶ-66՚ մակնիշի ՊՆ 1574S, ՙԶԻԼ-130՚ մակնիշի ՊՆ 1582S և ՙՈւՐԱԼ-375՚ մակնիշի ՊՆ 1578S զինհամարանիշերի ավտոմեքենաների ուղեգրերում իրականությանը չհամապատասխանող տեղեկություններ մտցնելու և հավելագրումներ կատարելու՝ առաջադրանք կատարող ավտոմեքենաների հիմնական երթուղուն նոր երթուղու հատված ավելացնելու և այդ կապակցությամբ վառելանյութ դուրս գրելու, ավտոմեքենաների վարորդներին ավելացված երթուղու մասով առաջադրանքը չկատարելու ու սահմանված քանակից պակաս վառելանյութ ստանալու վերաբերյալ հրահանգավորելու միջոցով օժանդակել է նույն զորամասի հրամանատար Կարապետ Հրաչիկի Մարգարյանին ՀՀ պաշտպանության նախարարության կողմից զորամասին հատկացված, զորամասի կարիքների համար պահպանվող, նրա վստահությանը հանձնված, ՊՆ գույք հանդիսացող առանձնապես խոշոր չափերի՝ ընդհանուր առմամբ 1.656.529,74 ՀՀ դրամ արժողությամբ 4.608,84 լիտր դիզվառելիքն ու 8.137.304,54 ՀՀ դրամ արժողությամբ 19.983,91 լիտր ռեգուլյար տեսակի ավտոբենզինը վատման եղանակով հափշտակելուն:
Նախնական քննության մարմինն ամբաստանյալ Ազատ Զորիկի Ազատյանին ՀՀ քրեական օրենսգրքի 38-179 հոդվածի 3-րդ մասի 1-ին կետով մեղադրանք է առաջադրել այն արարքի կատարման համար, որ նա, զբաղեցնելով ՀՀ ՊՆ 14746 զորամասի ՎՔՆ ծառայության պետի պաշտոնը, կոչումով մայոր, նույն զորամասի հրամանատարի սպառազինության գծով տեղակալ-տեխնիկական մասի պետ, փոխգնդապետ Անդրանիկ Աշոտի Թովմասյանի ցուցումով, համածառայակիցներ՝ ավտոմոբիլային տեխնիկայի ծառայության պետի պաշտոնները զբաղեցրած փոխգնդապետ Բորիկ Հովիկի Սաֆարյանի և մայոր Հովհաննես Սամվելի Կարապետյանի, ավտոմոբիլային գումարտակի հրամանատար Գևորգ Էդուարդի Աղաջանյանի, ավտոմոբիլային գումարտակի ավտոմոբիլային վաշտի հրամանատար, մայոր Դավիթ Վահեյի Սերոբյանի, ՎՔՆ պահեստի պետ, ավագ ենթասպա Սարգիս Ռոբերտի Ավետիսյանի հետ մեկտեղ, վերջիններիս կողմից 2010 թվականի ապրիլի 6-ից մինչև 2013 թվականի օգոստոսի 3-ն ընկած ժամանակահատվածում զորամասին ամրակցված ՙՊԱԶ-3205՚ մակնիշի ՊՆ 1529S, ՙՊԱԶ-3205՚ մակնիշի ՊՆ 1530S, ՙՊԱԶ-3205՚ մակնիշի ՊՆ 1557S, ՙԳԱԶ-66՚ մակնիշի ՊՆ 1572S, ՙԳԱԶ-66՚ մակնիշի ՊՆ 1573S, ՙԳԱԶ-66՚ մակնիշի ՊՆ 1574S, ՙԶԻԼ-130՚ մակնիշի ՊՆ 1582S և ՙՈւՐԱԼ-375՚ մակնիշի ՊՆ 1578S զինհամարանիշերի ավտոմեքենաների ուղեգրերում հավելագրումներ կատարելու՝ առաջադրանքն իրականացնող ավտոմեքենաների հիմնական երթուղուն նոր երթուղու հատված ավելացնելու և այդ կապակցությամբ վառելանյութ դուրս գրելու, ավտոմեքենաների վարորդներին ավելացված երթուղու մասով առաջադրանքը չկատարելու ու սահմանված քանակից պակաս վառելանյութ ստանալու վերաբերյալ հրահանգավորելուց հետո, ուղեգրերում վառելանյութի հաշվարկի վերաբերյալ իրականությանը չհամապատասխանող տեղեկություններ է մտցրել, ինչով օժանդակել է նույն զորամասի հրամանատար Կարապետ Հրաչիկի Մարգարյանին ՀՀ պաշտպանության նախարարության կողմից զորամասին հատկացված, զորամասի կարիքների համար պահպանվող, նրա վստահությանը հանձնված, ՊՆ գույք հանդիսացող առանձնապես խոշոր չափերի՝ ընդհանուր առմամբ 1.656.529,74 ՀՀ դրամ արժողությամբ 4.608,84 լիտր դիզվառելիքն ու 8.137.304,54 ՀՀ դրամ արժողությամբ 19.983,91 լիտր ռեգուլյար տեսակի ավտոբենզինը վատման եղանակով հափշտակելուն:
3. Արագացված դատական քննություն.
Մինչև դատաքննությունն սկսելն ամբաստանյալներ Կարապետ Մարգարյանը, Անդրանիկ Թովմասյանը, Գևորգ Թովմասյանը, Բորիկ Սաֆարյանը, Հովհաննես Կարապետյանը, Գևորգ Աղաջանյանը և Ազատ Ազատյանը միջնորդեցին դատական քննությունն անցկացնել արագացված կարգով և հայտարարեցին, որ առաջադրված մեղադրանքն իրենց պարզ է, համաձայն են իրենց առաջադրված մեղադրանքին, գիտակցում են արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել են կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալների պաշտպան Հարություն Բաղդասարյանը:
Մեղադրող Վ.Պապիկյանը մեղադրական եզրակացությունը հաստատելիս դատական քննության արագացված կարգ կիրառելուն առարկել է, սակայն դատական քննության ժամանակ մեղադրող Լ.Պետրոսյանը դատական քննության արագացված կարգ կիրառելուն չառարկեց:
Տուժողի ներկայացուցիչ Արմեն Ասատրյանը նույնպես դատական քննության արագացված կարգ կիրառելուն չառարկեց:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ Կարապետ Մարգարյանը զբաղեցնելով ՀՀ ՊՆ 14746 զորամասի հրամանատարի պաշտոնը, կոչումով գնդապետ, հանդիսանալով պաշտոնատար անձ և օգտագործելով իր պաշտոնեական դիրքը, առանձնապես խոշոր չափերով գույք հափշտակելու միասնական դիտավորությամբ, 2010 թվականի ապրիլի 6-ից մինչև 2013 թվականի օգոստոսի 3-ն ընկած ժամանակահատվածում, նույն զորամասի հրամանատարի սպառազինության գծով տեղակալ-տեխնիկական մասի պետ, փոխգնդապետ Անդրանիկ Աշոտի Թովմասյանի, ավտոմոբիլային տեխնիկայի ծառայության պետի պաշտոնները զբաղեցրած փոխգնդապետ Բորիս Հովիկի Սաֆարյանի և մայոր Հովհաննես Սամվելի Կարապետյանի, ավտոմոբիլային գումարտակի հրամանատար, փոխգնդապետ Գևորգ Էդուարդի Աղաջանյանի, ավտոմոբիլային գումարտակի ավտոմոբիլային վաշտի հրամանատար, մայոր Դավիթ Վահեյի Սերոբյանի, ՎՔՆ ծառայության պետ, մայոր Ազատ Զորիկի Ազատյանի, ՎՔՆ պահեստի պետ, ավագ ենթասպա Սարգիս Ռոբերտի Ավետիսյանի, ինչպես նաև ավտոմոբիլային գումարտակի մի շարք վարորդների օժանդակությամբ, նրանց միջոցով զորամասին ամրակցված ավտոմեքենաների վերաբերյալ լրացված ուղեգրերում իրականությանը չհամապատասխանող տեղեկություններ մտցնելու և հավելագրումներ կատարելու՝ առաջադրանք կատարող ավտոմեքենաների հիմնական երթուղուն նոր երթուղու հատված ավելացնելու և այդ կապակցությամբ վառելանյութ դուրս գրելու, ավտոմեքենաների վարորդներին ավելացված երթուղու մասով առաջադրանքը չկատարելու ու սահմանված քանակից պակաս վառելանյութ ստանալու վերաբերյալ հրահանգավորելու եղանակով, հանձնարարել է դուրս գրել ՀՀ պաշտպանության նախարարության կողմից զորամասին հատկացված և զորամասի կարիքների համար պահպանվող, ընդհանուր առմամբ 1.656.529 ՀՀ դրամ արժողությամբ 4.608 լիտր դիզվառելիքն ու 8.137.304 ՀՀ դրամ արժողությամբ 19.983 լիտր ռեգուլյար տեսակի ավտոբենզինը, և դրանք մտերիմներին ու համածառայակիցներին որպես օգնություն տրամադրելու, ինչպես նաև զորամասի ավտոմեքենաների վերանորոգման, զորամասում շինարարական և այլ աշխատանքներ իրականացնելու համար մասնագետներին վառելիքով վճարելու միջոցով վատնել է իր վստահությանը հանձնված և իր տնօրինության տակ գտնվող ՊՆ գույքը՝ ՀՀ պաշտպանության նախարարությանը պատճառելով առանձնապես խոշոր չափերի 9.793.834 ՀՀ դրամի նյութական վնաս, իսկ նույն զորամասի հրամանատարի թիկունքի և կոմունալ շահագործման ծառայության գծով տեղակալ, փոխգնդապետ Գևորգ Ազիզի Թովմասյանն օժտված լինելով վարչատնտեսական լիազորություններով, ՀՀ ԶՈւ ներքին ծառայության կանոնագրքի 101-րդ և 102-րդ հոդվածների համաձայն պատասխանատու լինելով զորամասի տնտեսության՝ գնդի ստորաբաժանումների նյութական և տեխնիկական ապահովվածության համար, պարտավոր լինելով ոչ պակաս քան տարեկան երկու անգամ ստուգել գնդի պահեստներում ու ստորաբաժանումներում առկա նյութական միջոցների վիճակը, կազմակերպել ամբողջ ունեցվածքի և տեխնիկայի ամենամյա գույքագրում, հսկողություն իրականացնել վառելանյութի օգտագործման ճշտության և խնայողական ծախսման նկատմամբ, ծառայության նկատմամբ ցուցաբերել է անփույթ վերաբերմունք, հսկողություն չի իրականացրել զորամասին հատկացված և զորամասի կարիքների համար պահպանվող վառելանյութի ճիշտ օգտագործման և խնայողական ծախսման նկատմամբ, որպիսի պայմաններում Կարապետ Մարգարյանն օգտվել է ստեղծված իրավիճակից և իրականացրել իր հանցավոր գործունեությունը:
Այսինքն՝ Կարապետ Մարգարյանը կատարել է արարք, որը համապատասխանում է ՀՀ քրեական օրենսգրքի 179 հոդվածի 3-րդ մասի 1-ին կետով նախատեսված հանցագործության հատկանիշներին: Անդրանիկ Թովմասյանը կատարել է արարք, որը համապատասխանում է ՀՀ քրեական օրենսգրքի 38-179 հոդվածի 3-րդ մասի 1-ին կետով նախատեսված հանցագործության հատկանիշներին: Գևորգ Թովմասյանը կատարել է արարք, որը համապատասխանում է ՀՀ քրեական օրենսգրքի 376 հոդվածի 2-րդ մասով նախատեսված հանցագործության հատկանիշներին: Բորիկ Սաֆարյանը կատարել է արարք, որը համապատասխանում է ՀՀ քրեական օրենսգրքի 38-179 հոդվածի 3-րդ մասի 1-ին կետով նախատեսված հանցագործության հատկանիշներին: Հովհաննես Կարապետյանը կատարել է արարք, որը համապատասխանում է ՀՀ քրեական օրենսգրքի 38-179 հոդվածի 3-րդ մասի 1-ին կետով նախատեսված հանցագործության հատկանիշներին: Գևորգ Աղաջանյանը կատարել է արարք, որը համապատասխանում է ՀՀ քրեական օրենսգրքի 38-179 հոդվածի 3-րդ մասի 1-ին կետով նախատեսված հանցագործության հատկանիշներին: Ազատ Ազատյանը կատարել է արարք, որը համապատասխանում է ՀՀ քրեական օրենսգրքի 38-179 հոդվածի 3-րդ մասի 1-ին կետով նախատեսված հանցագործության հատկանիշներին:
Կատարած արարքների համար ամբաստանյալներ Կարապետ Հրաչիկի Մարգարյանը, Անդրանիկ Աշոտի Թովմասյանը, Գևորգ Ազիզի Թովմասյանը, Բորիկ Հովիկի Սաֆարյանը, Հովհաննես Սամվելի Կարապետյանը, Գևորգ Էդուարդի Աղաջանյանը և Ազատ Զորիկի Ազատյանը ենթակա են քրեական պատասխանատվության և պատժի:
ՀՀ քրեական օրենսգրքի 48 հոդվածի համաձայն`
ՙ1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից ու ազատություններից օրենքով նախատեսված զրկմամբ կամ դրանց սահմանափակմամբ:
2. Պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61 հոդվածի համաձայն`
ՙ1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործության՝ հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով:
3. Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները՚:
Ամբաստանյալների նկատմամբ պատիժ նշանակելիս, դատարանը հաշվի է առնում նրանց կատարած արարքների հանրության համար վտանգավորության աստիճանը և բնույթը, ինչպես նաև հանցավորների անձը:
Որպես ամբաստանյալ Կարապետ Մարգարյանի անձը բնութագրող տվյալներ, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա աջակցել է հանցագործությունը բացահայտելուն, հանցանքն ընդունել և զղջում է կատարած արարքի համար, հանցագործությամբ պատճառված վնասն ամբողջությամբ վերականգնել է, նախկինում դատված չի եղել, վերադաս հրամանատարության կողմից բնութագրվում է դրական, մասնակցել է ՀՀ սահմանների պաշտպանության համար մղված մարտական գործողություններին, ՀՀ Նախագահի հրամանագրերով պարգևատրվել է ՙԱրիության՚, ՙՄարտական ծառայության՚, ՙՀայրենիքին մատուցած ծառայությունների համար 2-րդ աստիճանի՚, ՙՄարտական խաչ 2-րդ աստիճանի՚ մեդալներով, գերատեսչական՝ ՙՄարշալ Բաղրամյան՚, ՙԾովակալ Իսակով՚, ՙԱնդրանիկ Օզանյան՚, ՙԳարեգին Նժդեհ՚, ՙԱմբասիր ծառայության 1-ին, 2-րդ, 3-րդ և 4-րդ, աստիճանի՚ և ՙՀՀ ԶՈՒ 20 տարի հոբելյանական՚ մեդալներով, բազմիցս խրախուսվել է պատվոգրերով, նրա խնամքին է գտնվում մինչև տասնչորս տարեկան երեխան (Լենա Կարապետի Մարգարյան՝ ծնված 12.06.2003թ.):
Ամբաստանյալ Կարապետ Մարգարյանի պատասխանատվությունը և պատիժը ծանրացնող հանգամանքներ առկա չեն:
Որպես ամբաստանյալ Անդրանիկ Թովմասյանի անձը բնութագրող տվյալներ, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա աջակցել է հանցագործությունը բացահայտելուն, հանցանքն ընդունել և զղջում է կատարած արարքի համար, հանցագործությամբ պատճառված վնասը վերականգնել է, նախկինում դատված չի եղել, վերադաս հրամանատարության կողմից բնութագրվում է դրական, ՀՀ Նախագահի հրամանագրով պարգևատրվել է ՙՄարտական ծառայության՚, ՙՄարշալ Բաղրամյան՚, ՙԱնդրանիկ Օզանյան՚, ՙԱմբասիր ծառայության 1-ին, 2-րդ աստիճանի՚ և ՙՀՀ ԶՈՒ 20 տարի հոբելյանական՚ մեդալներով, բազմիցս խրախուսվել է պատվոգրերով, նրա խնամքին է գտնվում թոշակառու մայրը:
Ամբաստանյալ Անդրանիկ Թովմասյանի պատասխանատվությունը և պատիժը ծանրացնող հանգամանքներ առկա չեն:
Որպես ամբաստանյալ Գևորգ Թովմասյանի անձը բնութագրող տվյալներ, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա աջակցել է հանցագործությունը բացահայտելուն, հանցանքն ընդունել և զղջում է կատարած արարքի համար, հանցագործությամբ պատճառված վնասը վերականգնել է, նախկինում դատված չի եղել, վերադաս հրամանատարության կողմից բնութագրվում է դրական, բազմիցս պարգևատրվել է գերատեսչական մեդալներով և պատվոգրերով, նրա խնամքին են գտնվում մինչև տասնչորս տարեկան երկու երեխաները (Սարգիս Գևորգի Թովմասյան՝ ծնված 11.12.2007թ., Հայկ Գևորգի Թովմասյան՝ ծնված 11.04.2009թ.):
Ամբաստանյալ Գևորգ Թովմասյանի պատասխանատվությունը և պատիժը ծանրացնող հանգամանքներ առկա չեն:
Որպես ամբաստանյալ Բորիկ Սաֆարյանի անձը բնութագրող տվյալներ, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա աջակցել է հանցագործությունը բացահայտելուն, հանցանքն ընդունել և զղջում է կատարած արարքի համար, հանցագործությամբ պատճառված վնասը վերականգնել է, նախկինում դատված չի եղել, վերադաս հրամանատարության կողմից բնութագրվում է դրական, բազմիցս պարգևատրվել է պատվոգրերով, նրա խնամքին է գտնվում անչափահաս երեխան (Եվա Բորիկի Սաֆարյան՝ ծնված 20.12.1999թ.):
Ամբաստանյալ Բորիկ Սաֆարյանի պատասխանատվությունը և պատիժը ծանրացնող հանգամանքներ առկա չեն:
Որպես ամբաստանյալ Հովհաննես Կարապետյանի անձը բնութագրող տվյալներ, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա աջակցել է հանցագործությունը բացահայտելուն, հանցանքն ընդունել և զղջում է կատարած արարքի համար, հանցագործությամբ պատճառված վնասը վերականգնել է, նախկինում դատված չի եղել, վերադաս հրամանատարության կողմից բնութագրվում է դրական, բազմիցս պարգևատրվել է պատվոգրերով, նրա խնամքին են գտնվում երկու մանկահասակ երեխաները (Սուսաննա Հովհաննեսի Կարապետյան՝ ծնված 22.09.2010թ., Սամվել Հովհաննեսի Կարապետյան՝ ծնված 17.06.2013թ.):
Ամբաստանյալ Հովհաննես Կարապետյանի պատասխանատվությունը և պատիժը ծանրացնող հանգամանքներ չկան:
Որպես ամբաստանյալ Գևորգ Աղաջանյանի անձը բնութագրող տվյալներ, պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա աջակցել է հանցագործությունը բացահայտելուն, հանցանքն ընդունել և զղջում է կատարած արարքի համար, հանցագործությամբ պատճառված վնասը վերականգնել է, վերադաս հրամանատարության կողմից բնութագրվում է դրական, պարգևատրվել է ՙՄարշալ Բաղրամյան՚, ՙԳարեգին Նժդեհ՚, ՙԱմբասիր ծառայության 1-ին, 2-րդ, 3-րդ աստիճանի՚ և ՙՀՀ ԶՈՒ 20 տարի հոբելյանական՚ մեդալներով, պատվոգրերով, նրա խնամքին են գտնվում երկու անչափահաս երեխաները (Մերի Գևորգի Աղաջանյան՝ ծնված 18.11.1998թ., Արմինե Գևորգի Աղաջանյան՝ ծնված 12.09.2003թ.), 3-րդ խմբի հաշմանդամ մայրը:
Ամբաստանյալ Գևորգ Աղաջանյանի պատասխանատվությունը և պատիժը ծանրացնող հանգամանքներ առկա չեն:
Որպես ամբաստանյալ Ազատ Ազատյանի անձը բնութագրող տվյալ, պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա աջակցել է հանցագործությունը բացահայտելուն, հանցանքն ընդունել և զղջում է կատարած արարքի համար, հանցագործությամբ պատճառված վնասը վերականգնել է, նախկինում դատված չի եղել, վերադաս հրամանատարության կողմից բնութագրվում է դրական, բազմիցս պարգևատրվել է պատվոգրերով, նրա խնամքին է գտնվում անչափահաս երեխան (Էլեն Ազատի Ազատյան՝ ծնված 28.09.2000թ.):
Ամբաստանյալ Ազատ Ազատյանի պատասխանատվությունը և պատիժը ծանրացնող հանգամանքներ առկա չեն:
Հաշվի առնելով Կարապետ Մարգարյանի, Անդրանիկ Թովմասյանի, Գևորգ Թովմասյանի, Բորիկ Սաֆարյանի, Հովհաննես Կարապետյանի, Գևորգ Աղաջանյանի, Ազատ Ազատյանի կատարած արարքների հանրության համար վտանգավորության աստիճանը և բնույթը, նրանց անձը, ինչպես նաև այն, որ ՀՀ քրեական օրենսգրքի 179 հոդվածի 3-րդ մասի և ՀՀ քրեական օրենսգրքի 376 հոդվածի 2-րդ մասի սանկցիաներով նախատեսված է պատիժ միայն ազատազրկման ձևով, դատարանը գտնում է, որ ամբաստանյալ Կարապետ Մարգարյանի նկատմամբ ՀՀ քրեական օրենսգրքի 179 հոդվածի 3-րդ մասի 1-ին կետով, ամբաստանյալներ Անդրանիկ Թովմասյանի, Բորիկ Սաֆարյանի, Հովհաննես Կարապետյանի, Գևորգ Աղաջանյանի, Ազատ Ազատյանի նկատմամբ ՀՀ քրեական օրենսգրքի 38-179 հոդվածի 3-րդ մասի 1-ին կետով, ամբաստանյալ Գևորգ Թովմասյանի նկատմամբ ՀՀ քրեական օրենսգրքի 376 հոդվածի 2-րդ մասով, նախատեսված արարք կատարելու համար պատիժ պետք է նշանակել ազատազրկման ձևով:
ՀՀ քրեական դատավարության օրենսգրքի 3753 հոդվածի 6-րդ մասի համաձայն, դատարանը արագացված կարգով դատական քննության արդյունքում մեղադրական դատավճիռ կայացնելիս նշանակում է պատիժ, որը չի կարող գերազանցել կատարված հանցագործության համար նախատեսված առավել խիստ պատժի երկու երրորդը, իսկ եթե առավել խիստ պատժի երկու երրորդը փոքր է տվյալ հանցագործության համար նախատեսված առավել մեղմ պատժից` ապա առավել մեղմ պատիժը:
ՀՀ քրեական օրենսգրքի 70 հոդվածի համաձայն՝
1. Եթե դատարանը, կալանքի, ազատազրկման կամ կարգապահական գումարտակում պահելու ձևով պատիժ նշանակելով, հանգում է հետևության, որ դատապարտյալի ուղղվելը հնարավոր է առանց պատիժը կրելու, ապա կարող է որոշում կայացնել այդ պատիժը պայմանականորեն չկիրառելու մաuին։
2. Պատիժը պայմանականորեն չկիրառելիu դատարանը հաշվի է առնում հանցավորի անձը բնութագրող տվյալները, պատաuխանատվությունը և պատիժը մեղմացնող և ծանրացնող հանգամանքները։
Դատարանը հաշվի առնելով հանցավորների անձը բնութագրող վերը նշված տվյալները, պատասխանատվությունը և պատիժը մեղմացնող հանգամանքները, ինչպես նաև պատասխանատվությունը և պատիժը ծանրացնող հանգամանքների բացակայությունը, հանգում է այն հետևության, որ ՀՀ քրեական օրենսգրքի 48 հոդվածով նախատեսված պատժի նպատակներին հասնելը` սոցիալական արդարության վերականգնելը և ամբաստանյալների ուղղվելը հնարավոր է վերջիններիս նկատմամբ նշանակված պատիժը պայմանականորեն չկիրառելու, սակայն նրանց վարքագծի նկատմամբ վերահսկողություն իրականացնելու պայմաններում:
Դատարանը, քննության առնելով Հովհաննես Կարապետյանի և Գևորգ Թովմասյանի նկատմամբ ՀՀ Ազգային ժողովի 2013 թվականի հոկտեմբերի 03-ի ՙՀայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին՚ որոշումը կիրառելու հարցը, արձանագրում է հետևյալը.
ՀՀ Ազգային ժողովի 2013 թվականի հոկտեմբերի 03-ի ՙՀայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին՚ որոշման 2-րդ կետի 4-րդ ենթակետի համաձայն.
ՙՊատժից ազատել այն անձանց, բացառությամբ սույն որոշման 8-րդ կետի 4-6-րդ ենթակետերով և 9-րդ կետով նախատեսված դեպքերի, որոնց նկատմամբ առավելագույնը հինգ տարի ժամկետով ազատազրկում է նշանակվել`
(…) 4) սույն որոշումն ուժի մեջ մտնելու oրվա դրությամբ հղի կանանց կամ մինչև երեք տարեկան երեխա ունեցող անձանց.՚:
Ամբաստանյալ Հովհաննես Կարապետյանն ունի մինչև երեք տարեկան երեխա` Սամվել Հովհաննեսի Կարապետյան՝ ծնված 17.06.2013թ.:
ՀՀ Ազգային ժողովի 2013 թվականի հոկտեմբերի 03-ի ՙՀայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին՚ որոշման 4-րդ կետի 1-ին ենթակետի համաձայն.
ՙՊատժից ազատել այն անձանց, բացառությամբ սույն որոշման 8-րդ կետի 4-6-րդ ենթակետերով և 9-րդ կետով նախատեսված դեպքերի`
(…) 1) այն անձանց, որոնց նկատմամբ անզգուշությամբ հանցագործություն կատարելու համար նշանակվել է առավելագույնը հինգ տարի ժամկետով ազատազրկում. անձանց.՚:
Ամբաստանյալ Գևորգ Թովմասյանը մեղադրվում է անզգուշությամբ հանցագործություն կատարելու համար:
ՀՀ Ազգային ժողովի ՙՀայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին՚ 2013 թվականի հոկտեմբերի 3-ի որոշման 15-րդ կետի համաձայն, սույն որոշումը կիրառվում է այն անձանց նկատմամբ, ովքեր հանցագործություն են կատարել մինչև 2013 թվականի սեպտեմբերի 1-ը ներառյալ: Հովհաննես Կարապետյանը և Գևորգ Թովմասյանը հանրորեն վտանգավոր արարքները կատարել են 2010թ. ապրիլի 6-ից մինչև 2013թ. օգոստոսի 3-ն ընկած ժամանակահատվածում:
Սույն քրեական գործով բացակայում են համաներման մասին հիշյալ որոշման 9-րդ կետում նշված այն սահմանափակումները, որոնք կարող են արգելք հանդիսանալ ամբաստանյալներ Հովհաննես Կարապետյանի և Գևորգ Թովմասյանի նկատմամբ համաներման ակտի կիրառման համար:
Համաներման որոշման 13-րդ կետի 1-ին ենթակետի ՙա՚ պարբերության համաձայն, որոշման կատարումը վերապահվել է դատարաններին` այն անձանց նկատմամբ, որոնց վերաբերյալ գործերը գտնվում են դատարաններում, սակայն մինչև սույն որոշումն ուժի մեջ մտնելը չեն քննվել, կամ այն անձանց նկատմամբ, որոնց վերաբերյալ գործերը քննվել են, բայց դատավճիռներն օրինական ուժի մեջ չեն մտել:
Հիմք ընդունելով վերը նշվածը, դատարանը գտնում է, որ ամբաստանյալներ Հովհաննես Սամվելի Կարապետյանի և Գևորգ Ազիզի Թովմասյանի նկատմամբ կիրառելի է ՀՀ Ազգային Ժողովի ՙՀայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին՚ 2013 թվականի հոկտեմբերի 3-ի որոշումը:
Դատարանը գտնում է, որ ամբաստանյալներ Կ.Մարգարյանի, Ա.Թովմասյանի, Գ.Թովմասյանի, Բ.Սաֆարյանի, Հ.Կարապետյանի, Գ.Աղաջանյանի, Ա.Ազատյանի նկատմամբ կիրառված խափանման միջոցը՝ չհեռանալու մասին ստորագրությունը, պետք է թողնել անփոփոխ, մինչև դատավճռի օրինական ուժի մեջ մտնելը:
Հաշվի առնելով, որ նախաքննության ընթացքում ամբաստանյալների կողմից հանցագործությամբ պատճառված վնասն ամբողջությամբ վերականգնվել է, դատարանը գտնում է, որ քաղաքացիական հայցի հարցը պետք է համարել լուծված:
Դատարանը գտնում է, որ ՀՀ ՔԿ ԶՔԳՎ ՀԿԳ քննության վարչության ՀԿԳ քննիչի 06.05.2015թ.-ի որոշմամբ իրեղեն ապացույց ճանաչված և ՀՀ ՔԿ ԶՔԳՎ ՀԿԳ քննության վարչության իրեղեն ապացույցների պահման սենյակում գտնվող, ՀՀ ՊՆ 14746 զորամասից 05.02.2014թ. առգրավված ՙՊԱԶ-3205՚ մակնիշի ՊՆ 1529S, ՙՊԱԶ-3205՚ մակնիշի ՊՆ 1530S, ՙՊԱԶ-3205՚ մակնիշի ՊՆ 1557S, ՙԳԱԶ-66՚ մակնիշի ՊՆ 1572S, ՙԳԱԶ-66՚ մակնիշի ՊՆ 1573S, ՙԳԱԶ-66՚ մակնիշի ՊՆ 1574S, ՙԶԻԼ-130՚ մակնիշի ՊՆ 1582S և ՙՈւՐԱԼ-375՚ մակնիշի ՊՆ 1578S զինհամարանիշերի ավտոմեքենաների 2010-2013թթ. օգտագործման կարգագրերի, նույն ժամանակահատվածի համար ավտոմեքենաների շահագործման համար լրացված ուղեգրերի /թվով 2498 հատ/, զորամասի հավաքակայանի մեքենաների ելքի ու վերադարձի մատյանի, վառելիքաքսուկային նյութերի հատկացման գրքի, մեքենաների աշխատանքի և ՎՔ նյութերի հաշվառման ձև 38 մատյանի, տնօրինման հարցը պետք է թողնել լուծելու թիվ 90154013 քրեական գործով:Դատարանը գտնում է, որ ՀՀ ՔԿ ԶՔԳՎ 4-րդ կայազորային քննչական բաժնի քննիչի 06.05.2015թ.-ի որոշմամբ այլ փաստաթղթերն ապացույց ճանաչված քրեական գործի նյութերում առկա ՀՀ ԶՈՒ թիկունքի վարչության կողմից 01.12.2014թ. տրամադրված 2010-2013թթ. ՀՀ ՊՆ կարիքների համար 1կգ ավտոբենզինի և դիզելային վառելիքի ձեռքբերման գների վերաբերյալ փաստաթութը /հատոր 11, գ.թ. 133/ և հավելագրումների արդյունքում պատճառված նյութական վնասի չափը որոշելու համար 20.03.2015թ. կատարված մասնգիտական հաշվարկը /հատոր 12, գ.թ. 7-121/ պետք է պահել սույն քրեական գործի հետ:
Դատարանը գտնում է, որ դատական ծախսերն ամբաստանյալներից ենթակա չեն բռնագանձման, նկատի ունենալով, որ ՀՀ քրեական դատավարության օրենսգրքի 168 հոդվածի 1-ին մասի 1-ին կետով նախատեսված դատական ծախս սույն քրեական գործով չկա, իսկ 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի, ամբաստանյալներից բռնագանձման ենթակա չեն:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 365, 369-373, 3753 և 3754 հոդվածներով, դատարանը

Վ Ճ Ռ Ե Ց

Կարապետ Հրաչիկի Մարգարյանին մեղավոր ճանաչել ՀՀ քրեական օրենսգրքի 179 հոդվածի 3-րդ մասի 1-ին կետով նախատեսված հանցանք կատարելու մեջ և նրան դատապարտել ազատազրկման հինգ (5) տարի վեց (6) ամիս ժամկետով՝ առանց գույքի բռնագրավման:
Կիրառել ՀՀ քրեական օրենսգրքի 70 հոդվածը և Կարապետ Հրաչիկի Մարգարյանի նկատմամբ ազատազրկման ձևով նշանակված պատիժը պայմանականորեն չկիրառել, սահմանելով փորձաշրջան չորս (4) տարի ժամկետով:
Կարապետ Հրաչիկի Մարգարյանի նկատմամբ կիրառված խափանման միջոցը` չհեռանալու մասին ստորագրությունը թողնել անփոփոխ, մինչև դատավճռի օրինական ուժի մեջ մտնելը:
Կարապետ Մարգարյանի վարքագծի նկատմամբ վերահսկողությունը հանձնարարել ՀՀ ԱՆ քրեակատարողական վարչության նրա բնակության վայրի այլընտրանքային պատիժների կատարման բաժնին: Փորձաշրջանի սկիզբը հաշվել քրեակատարողական վարչության այլընտրանքային պատիժների կատարման բաժնում Կարապետ Հրաչիկի Մարգարյանին հաշվառման վերցնելու օրվանից:
Անդրանիկ Աշոտի Թովմասյանին մեղավոր ճանաչել ՀՀ քրեական օրենսգրքի 38-179 հոդվածի 3-րդ մասի 1-ին կետով նախատեսված հանցանք կատարելու մեջ և նրան դատապարտել ազատազրկման հինգ (5) տարի ժամկետով՝ առանց գույքի բռնագրավման:
Կիրառել ՀՀ քրեական օրենսգրքի 70 հոդվածը և Անդրանիկ Աշոտի Թովմասյանի նկատմամբ ազատազրկման ձևով նշանակված պատիժը պայմանականորեն չկիրառել, սահմանելով փորձաշրջան երեք (3) տարի ժամկետով:
Անդրանիկ Աշոտի Թովմասյանի նկատմամբ ընտրված խափանման միջոցը` չհեռանալու մասին ստորագրությունը թողնել անփոփոխ, մինչև դատավճռի օրինական ուժի մեջ մտնելը:
Անդրանիկ Թովմասյանի վարքագծի նկատմամբ վերահսկողությունը հանձնարարել ՀՀ ԱՆ քրեակատարողական վարչության նրա բնակության վայրի այլընտրանքային պատիժների կատարման բաժնին: Փորձաշրջանի սկիզբը հաշվել քրեակատարողական վարչության այլընտրանքային պատիժների կատարման բաժնում Անդրանիկ Աշոտի Թովմասյանին հաշվառման վերցնելու օրվանից:
Գևորգ Ազիզի Թովմասյանին մեղավոր ճանաչել ՀՀ քրեական օրենսգրքի 376 հոդվածի 2-րդ մասով նախատեսված հանցանք կատարելու մեջ և նրան դատապարտել ազատազրկման երեք (3) տարի վեց (6) ամիս ժամկետով:
Կիրառել ՀՀ Ազգային Ժողովի ՙՀայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին՚ 2013 թվականի հոկտեմբերի 3-ի որոշման 4-րդ կետի 1-ին ենթակետը և Գևորգ Ազիզի Թովմասյանին ազատել պատժից:
Գևորգ Ազիզի Թովմասյանի նկատմամբ ընտրված խափանման միջոցը` չհեռանալու մասին ստորագրությունը թողնել անփոփոխ, մինչև դատավճռի օրինական ուժի մեջ մտնելը:
Բորիկ Հովիկի Սաֆարյանին մեղավոր ճանաչել ՀՀ քրեական օրենսգրքի 38-179 հոդվածի 3-րդ մասի 1-ին կետով նախատեսված հանցանք կատարելու մեջ և նրան դատապարտել ազատազրկման հինգ (5) տարի ժամկետով՝ առանց գույքի բռնագրավման:
Կիրառել ՀՀ քրեական օրենսգրքի 70 հոդվածը և Բորիկ Հովիկի Սաֆարյանի նկատմամբ ազատազրկման ձևով նշանակված պատիժը պայմանականորեն չկիրառել, սահմանելով փորձաշրջան երեք (3) տարի ժամկետով:
Բորիկ Հովիկի Սաֆարյանի նկատմամբ ընտրված խափանման միջոցը` չհեռանալու մասին ստորագրությունը թողնել անփոփոխ, մինչև դատավճռի օրինական ուժի մեջ մտնելը:
Բորիկ Սաֆարյանի վարքագծի նկատմամբ վերահսկողությունը հանձնարարել ՀՀ ԱՆ քրեակատարողական վարչության նրա բնակության վայրի այլընտրանքային պատիժների կատարման բաժնին: Փորձաշրջանի սկիզբը հաշվել քրեակատարողական վարչության այլընտրանքային պատիժների կատարման բաժնում Բորիկ Հովիկի Սաֆարյանին հաշվառման վերցնելու օրվանից:

Հովհաննես Սամվելի Կարապետյանին մեղավոր ճանաչել ՀՀ քրեական օրենսգրքի 38-179 հոդվածի 3-րդ մասի 1-ին կետով նախատեսված հանցանք կատարելու մեջ և նրան դատապարտել ազատազրկման հինգ (5) տարի ժամկետով՝ առանց գույքի բռնագրավման:
Կիրառել ՀՀ Ազգային Ժողովի ՙՀայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին՚ 2013 թվականի հոկտեմբերի 3-ի որոշման 2-րդ կետի 4-րդ ենթակետը և Հովհաննես Սամվելի Կարապետյանին ազատել պատժից:
Հովհաննես Սամվելի Կարապետյանի նկատմամբ ընտրված խափանման միջոցը` չհեռանալու մասին ստորագրությունը թողնել անփոփոխ, մինչև դատավճռի օրինական ուժի մեջ մտնելը:

Գևորգ Էդուարդի Աղաջանյանին մեղավոր ճանաչել ՀՀ քրեական օրենսգրքի 38-179 հոդվածի 3-րդ մասի 1-ին կետով նախատեսված հանցանք կատարելու մեջ և նրան դատապարտել ազատազրկման հինգ (5) տարի ժամկետով՝ առանց գույքի բռնագրավման:
Կիրառել ՀՀ քրեական օրենսգրքի 70 հոդվածը և Գևորգ Էդուարդի Աղաջանյանի նկատմամբ ազատազրկման ձևով նշանակված պատիժը պայմանականորեն չկիրառել, սահմանելով փորձաշրջան երեք (3) տարի ժամկետով:
Գևորգ Աղաջանյանի նկատմամբ ընտրված խափանման միջոցը` չհեռանալու մասին ստորագրությունը թողնել անփոփոխ, մինչև դատավճռի օրինական ուժի մեջ մտնելը:
Գևորգ Աղաջանյանի վարքագծի նկատմամբ վերահսկողությունը հանձնարարել ՀՀ ԱՆ քրեակատարողական վարչության նրա բնակության վայրի այլընտրանքային պատիժների կատարման բաժնին: Փորձաշրջանի սկիզբը հաշվել քրեակատարողական վարչության այլընտրանքային պատիժների կատարման բաժնում Գևորգ Էդուարդի Աղաջանյանին հաշվառման վերցնելու օրվանից:
Ազատ Զորիկի Ազատյանին մեղավոր ճանաչել ՀՀ քրեական օրենսգրքի 38-179 հոդվածի 3-րդ մասի 1-ին կետով նախատեսված հանցանք կատարելու մեջ և նրան դատապարտել ազատազրկման հինգ (5) տարի ժամկետով՝ առանց գույքի բռնագրավման:
Կիրառել ՀՀ քրեական օրենսգրքի 70 հոդվածը և Ազատ Զորիկի Ազատյանի նկատմամբ ազատազրկման ձևով նշանակված պատիժը պայմանականորեն չկիրառել, սահմանելով փորձաշրջան երեք (3) տարի ժամկետով:
Ազատ Զորիկի Ազատյանի նկատմամբ ընտրված խափանման միջոցը` չհեռանալու մասին ստորագրությունը թողնել անփոփոխ, մինչև դատավճռի օրինական ուժի մեջ մտնելը:
Ազատ Ազատյանի վարքագծի նկատմամբ վերահսկողությունը հանձնարարել ՀՀ ԱՆ քրեակատարողական վարչության նրա բնակության վայրի այլընտրանքային պատիժների կատարման բաժնին: Փորձաշրջանի սկիզբը հաշվել քրեակատարողական վարչության այլընտրանքային պատիժների կատարման բաժնում Ազատ Զորիկի Ազատյանին հաշվառման վերցնելու օրվանից:
Քաղաքացիական հայցի հարցը համարել լուծված:
Դատավճիռն օրինական ուժի մեջ մտնելուց հետո, իրեղեն ապացույց հանդիսացող և ՀՀ ՔԿ ԶՔԳՎ ՀԿԳ քննության վարչության իրեղեն ապացույցների պահման սենյակում գտնվող, ՀՀ ՊՆ 14746 զորամասից 05.02.2014թ. առգրավված ՙՊԱԶ-3205՚ մակնիշի ՊՆ 1529S, ՙՊԱԶ-3205՚ մակնիշի ՊՆ 1530S, ՙՊԱԶ-3205՚ մակնիշի ՊՆ 1557S, ՙԳԱԶ-66՚ մակնիշի ՊՆ 1572S, ՙԳԱԶ-66՚ մակնիշի ՊՆ 1573S, ՙԳԱԶ-66՚ մակնիշի ՊՆ 1574S, ՙԶԻԼ-130՚ մակնիշի ՊՆ 1582S և ՙՈւՐԱԼ-375՚ մակնիշի ՊՆ 1578S զինհամարանիշերի ավտոմեքենաների 2010-2013թթ. օգտագործման կարգագրերի, նույն ժամանակահատվածի համար ավտոմեքենաների շահագործման համար լրացված ուղեգրերի /թվով 2498 հատ/, զորամասի հավաքակայանի մեքենաների ելքի ու վերադարձի մատյանի, վառելիքաքսուկային նյութերի հատկացման գրքի, մեքենաների աշխատանքի և ՎՔ նյութերի հաշվառման ձև 38 մատյանի, տնօրինման հարցը թողնել լուծելու թիվ 90154013 քրեական գործով:
Ապացույց ճանաչված, այլ փաստաթուղթ հանդիսացող, քրեական գործի նյութերում առկա ՀՀ ԶՈՒ թիկունքի վարչության կողմից 01.12.2014թ. տրամադրված 2010-2013թթ. ՀՀ ՊՆ կարիքների համար 1կգ ավտոբենզինի և դիզելային վառելիքի ձեռքբերման գների վերաբերյալ փաստաթութը /հատոր 11, գ.թ. 133/ և հավելագրումների արդյունքում պատճառված նյութական վնասի չափը որոշելու համար 20.03.2015թ. կատարված մասնգիտական հաշվարկը /հատոր 12, գ.թ. 7-121/ պահել սույն քրեական գործի հետ:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

Դատավոր՝ ստորագրություն
Բնագրի հետ ճիշտ է
Դատավոր՝ Լ. Ավետիսյան