Գործ No ԵԱՔԴ/0059/01/15

ՈՐՈՇՈՒՄ

ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ

ՙ11՚ հունիսի 2015թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը`

նախագահությամբ` դատավոր Արթուր Մկրտչյանի
քարտուղարությամբ` Շուշան Վանոյանի
Օֆելյա Կիրակոսյանի
մասնակցությամբ`
մեղադրողներ Տիրայր Կարապետյանի
Արա Մնացականյանի
պաշտպան Ռազմիկ Թովմասյանի
տուժողի ներկայացուցիչ Զարզանդ Ասատրյանի

Դռնբաց դատական նիստում քննության առնելով քրեական գործն ըստ մեղադրանքի Արման Ավետիսի Սաքեյանի /ծնված 1989 թվականի նոյեմբերի 12-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, չի աշխատում, բնակվողª ք.Երևան, Հաղթանակի 1-ին փ. 1-ին նրբ. 1-ին տուն, նախկինում դատվածª Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 01.12.2014թ. դատավճռով ՀՀ քրեական օրենսգրքի 177-րդ հոդվածի 2-րդ մասի 2-րդ կետով դատապարտվել է տուգանքիª 600.000 ՀՀ դրամի չափով/, ՀՀ քրեական օրենսգրքի 177-րդ հոդվածի 1-ին մասով.

ՊԱՐԶԵՑ

2015 թվականի փետրվարի 04-ին ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում ՀՀ քրեական օրենսգրքի 177-րդ հոդվածի 2-րդ մասի 2-րդ կետով հարուցվել է թիվ 14105315 քրեական գործը:
2015 թվականի մարտի 20-ին Արման Ավետիսի Սաքեյանի նկատմամբ որպես խափանման միջոց է ընտրվել ստորագրությունª չհեռաալու մասին:
2015 թվականի մարտի 27-ին Արման Սաքեյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 2-րդ կետով:
2015 թվականի ապրիլի 28-ին Արման Սաքեյանին առաջադրված մեղադրանքը փոփոխվել է, նոր մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով և նա ներգրավվել է որպես մեղադրյալ:
2015 թվականի մայիսի 08-ին թիվ 14105315 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Նախաքննության մարմինն ամբաստանյալ Արման Սաքեյանին ՀՀ քրեական օրենսգրքի 177-րդ հոդվածի 1-ին մասով մեղադրանք է առաջադրել, որ ՙնա 2015 թվականի հունվարի 26-ինª ժամը 00:00-ի սահմաններում, ուրիշի գույքի գաղտնի հափշտակություն կատարելու դիտավորությամբ, ապամոնտաժելու եղանակով հափշտակել է Ա.Խաչատրյան փողոցի 21Ա շենքի բակում կայանված, Նորիկ Հրաչի Գասպարյանին պատկանող ՙՎոլքսվագեն Տուարեգ՚ մակնիշի, 32 VV 333 հաշվառման համարանիշի ավտոմեքենայիª զգալի չափ հանդիսացողª 248.500 ՀՀ դրամին համարժեք 35.000 ՌԴ ռուբլի արժողությամբ դիմային երկու լուսարձակներըª Ն.Գասպարյանին պատճառելով գույքային վնաս՚:

Դատական քննության նախապատրաստական փուլում ամբաստանյալ Արման Սաքեյանը և նրա պաշտպան պաշտպան Ռ.Թովմասյանը միջնորդեցին Ա.Սաքեյանի նկատմամբ քրեական հետապնդումը դադարեցնել և քրեական գործի վարույթը կարճել` տուժող Ն.Գասպարյանի ներկայացուցիչ Զ.Ասատրյանի և ամբաստանյալի փոխադարձ հաշտության հիմքով:
Ամբաստանյալ Արման Սաքեյանը հայտարարեց, որ հարթել է տուժողին հանցագործության հետևանքով անմիջականորեն պատճառված գույքային վնասը և միաժամանակ հայտարարեց, որ հաշտվել է նրա հետ ու այդ կապակցությամբ ներկայացրեց գրավոր դիմում:
Տուժողի ներկայացուցիչ Զ.Ասատրյանը նույնպես հայտարարեց, որ տուժողը հաշտվել է ամբաստանյալ Ա.Սաքեյանի հետ, նրանից որևէ բողոք կամ գույքային վնասի հատուցման պահանջ չունի, ինչի մասին ներկայացվեց նաև գրավոր դիմում:

ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի համաձայն` ՙքրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե սույն օրենսգրքով նախատեսված դեպքերում տուժողը հաշտվել է կասկածյալի կամ մեղադրյալի հետ՚:
ՀՀ քրեական դատավարության օրենսգրքի 183-րդ հոդվածի համաձայն` ՀՀ քրեական օրենսգրքի 177-րդ հոդվածի 1-ին մասով նախատեսված հանցագործության վերաբերյալ գործերը հարուցվում են ոչ այլ կերպ, քան տուժողի բողոքի հիման վրա և ամբաստանյալի հետ նրա հաշտվելու դեպքում ենթակա են կարճման:
ՀՀ քրեական օրենսգրքի 73-րդ հոդվածի համաձայն` ոչ մեծ ծանրության հանցանք կատարած անձը կարող է ազատվել քրեական պատասխանատվությունից, եթե նա հաշտվել է տուժողի հետ և հատուցել կամ այլ կերպ հարթել է նրան պատճառած վնասը:
Այսպիսով, դատարանը գտնում է, որ թիվ 14105315 քրեական գործի վարույթը պետք է կարճել և Արման Սաքեյանի նկատմամբ քրեական հետապնդումը դադարեցնել` տուժողի հետ փոխադարձ հաշտության հիմքով:
Ղեկավարվելով ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետով, 183-րդ հոդվածի 1-ին մասով և 379-րդ հոդվածով դատարանը`

Ո Ր Ո Շ Ե Ց

Թիվ 14105315 քրեական գործի վարույթը կարճել և Արման Ավետիսի Սաքեյանի նկատմամբ նկատմամբ ՀՀ քրեական օրենսգրքի 177-րդ հոդվածի 1-ին մասով քրեական հետապնդումը դադարեցնել` տուժող Նորիկ Գասպարյանի և ամբաստանյալ Արման Սաքեյանի փոխադարձ հաշտության հիմքով:
Արման Սաքեյանի նկատմամբ ընտրված խափանման նկատմամբ ընտրված խափանման միջոցըª ստորագրությունª չհեռանալու մասին, վերացնել:
Իրեղեն ապացույց ճանաչված ՙՎոլկսվագեն՚ մակնիշի ավտոմեքենայի երկու լուսարձակների ՙHELLA՚ տեսակի լուսարձակի քսենոային բլոկները, կարգավորիչ երկու բլոկները և ՙOSRAM՚ տեսակի լուսարձակի մեկ լապտերը, որոշումն օրինական ուժի մեջ մտնելուց հետո, վերադարձնել տուժող Նորիկ Գասպարյանին:
Որոշումը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո` մեկամսյա ժամկետում:



ԴԱՏԱՎՈՐ Ա.ՄԿՐՏՉՅԱՆ