Գործ No ԵԱՔԴ/0054/01/15

ՈՐՈՇՈՒՄ

ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ

ՙ19՚ հունիսի 2015թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը`

նախագահությամբ` դատավոր Արթուր Մկրտչյանի
քարտուղարությամբ` Օֆելյա Կիրակոսյանի
մասնակցությամբ`
մեղադրող Լիլիթ Մանուկյանի
պաշտպան Արմեն Հայրապետյանի
տուժող Արմեն Եղիազարյանի

Դռնբաց դատական նիստում քննության առնելով քրեական գործն ըստ մեղադրանքի
Արման Սամվելի Փաշայանի /ծնված 1994 թվականի դեկտեմբերի 10-ին Գեղարքունիքի մարզի Մարտունի քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, չդատված, չի աշխատում, հաշվառվածª Գեղարքունիքի մարզ, գյուղ Վարդենիկ, 6-րդ փողոց, 64 տուն/, ՀՀ քրեական օրենսգրքի 117-րդ հոդվածով.

Էրիկ Էդիկի Առաքելյանի /ծնված 1995 թվականի նոյեմբերի 17-ին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, չամուսնացած, աշխատում է ՙԱրաբկիր՚ հանրախանութումª որպես համակարգչային օպերատոր, հաշվառվածª ք.Երևան, Յան Ռայնիսի փողոց, 88 շենք 14 բնակարան/, ՀՀ քրեական օրենսգրքի 118-րդ հոդվածով.

ՊԱՐԶԵՑ

2015 թվականի փետրվարի 16-ին ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում ՀՀ քրեական օրենսգրքի 117-րդ հոդվածով հարուցվել է թիվ 14108415 քրեական գործը:
2015 թվականի մարտի 03-ին Արման Սամվելի Փաշայանի նկատմամբ որպես խափանման միջոց է ընտրվել ստորագրությունª չհեռանալու մասին:
2015 թվականի մարտի 04-ին Էրիկ Էդիկի Առաքելյանի նկատմամբ որպես խափանման միջոց է ընտրվել ստորագրությունª չհեռանալու մասին:
2015 թվականի մարտի 10-ին Էրիկ Առաքելյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 118-րդ հոդվածով:
2015 թվականի մարտի 10-ին Արման Փաշայանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 117-րդ հոդվածով:
2015 թվականի ապրիլի 21-ին թիվ 14108415 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Նախաքննության մարմինն ամբաստանյալ Արման Փաշայանին ՀՀ քրեական օրենսգրքի 117-րդ հոդվածով մեղադրանք է առաջադրել, որ ՙնա 2015 թվականի փետրվարի 2-ին, ժամը 12:00-ի սահմաններում իր ընկեր Էրիկ Էդիկի Առաքելյանի հետ Էրիկ Առաքելյանի հորª Էդիկ Հրանտի Առաքելյանի գտնվելու վայրը պարզելու և վերջինիս հետ կապ հաստատելու նպատակով Երևան քաղաքի Հրաչյա Քոչար փողոցի 2Ա հասցեում նախկինում գործող ՙՀայաստան՚ հանրախանութի մոտ հանդիպել է Արմեն Ալբերտի Եղիազարյանի հետ և հանդիպման ընթացքում ծագած վիճաբանության ժամանակ դիտավորությամբ ձեռքով երեք անգամ հարվածներ է հասցրել Արմեն Ալբերտի Եղիազարյանի ձախ այտոսկրին և ձախ ականջի շրջանում և վերջինիս առողջության կարճատև քայքայում՚:

Ամբաստանյալ Էրիկ Առաքելյանին ՀՀ քրեական օրենսգրքի 117-րդ հոդվածով մեղադրանք է առաջադրվել, որ ՙնա 2015 թվականի փետրվարի 2-ին, ժամը 12:00-ի սահմաններում պայմանավորվել է հանդիպել Արմեն Ալբերտի Եղիազարյանի հետ Երևան քաղաքի Հրաչյա Քոչար փողոցի 2Ա հասցեում նախկինում գործող ՙՀայաստան՚ հանրախանութի մոտª հորª Էդիկ Հրանտի Առաքելյանի գտնվելու վայրը պարզելու և վերջինիս հետ կապ հաստատելու նպատակով: Էրիկ Առաքելյանը հանդիպման է գնացել Արման Սամվելի Փաշայանի հետ և հանդիպման ընթացքում ծագած վիճաբանության ժամանակ դիտավորությամբ ոտքով մի քանի հարվածներ է հասցրել Արմեն Ալբերտի Եղիազարյանի ձախ ոտքին և որովայնի շրջանում և վերջինիս պատճառել ֆիզիկական ցավ՚:
Քրեական գործի դատաքննության փուլում ամբաստանյալներ Արման Փաշայանը և Էրիկ Առաքելյանը և նրանց պաշտպան Արմեն Հայրապետյանը միջնորդեցին քրեական հետապնդումը դադարեցնել և քրեական գործի վարույթը կարճել` տուժող Ա.Եղիազարյանի հետ փոխադարձ հաշտության հիմքով:
Ամբաստանյալներ Արման Փաշայանը և Էրիկ Առաքելյանը հայտարարեցին, որ ընդունել են մեղքը և անկեղծորեն զղջացել կատարած արարքների համար, հարթել են տուժող Արմեն Եղիազարյանին հանցագործության հետևանքով անմիջականորեն պատճառված գույքային վնասը, և միաժամանակ հայտարարեցին, որ հաշտվել են նրա հետ ու այդ կապակցությամբ ներկայացրեցին գրավոր դիմում:
Տուժող Արմեն Եղիազարյանը նույնպես հայտարարեց, որ հաշտվել է ամբաստանյալներ Արման Փաշայանի և Էրիկ Առաքելյանի հետ, նրանցից որևէ բողոք կամ գույքային վնասի հատուցման պահանջ չունի, ինչի մասին ներկայացվեց նաև գրավոր դիմում:
ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի համաձայն` ՙքրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե սույն օրենսգրքով նախատեսված դեպքերում տուժողը հաշտվել է կասկածյալի կամ մեղադրյալի հետ՚:
ՀՀ քրեական դատավարության օրենսգրքի 183-րդ հոդվածի համաձայն` ՀՀ քրեական օրենսգրքի 117-րդ և 118-րդ հոդվածներով նախատեսված հանցագործությունների վերաբերյալ գործերը հարուցվում են ոչ այլ կերպ, քան տուժողի բողոքի հիման վրա և ամբաստանյալի հետ նրա հաշտվելու դեպքում ենթակա են կարճման:
ՀՀ քրեական օրենսգրքի 73-րդ հոդվածի համաձայն` ոչ մեծ ծանրության հանցանք կատարած անձը կարող է ազատվել քրեական պատասխանատվությունից, եթե նա հաշտվել է տուժողի հետ և հատուցել կամ այլ կերպ հարթել է նրան պատճառած վնասը:
Այսպիսով, դատարանը գտնում է, որ թիվ 14108415 քրեական գործի վարույթը պետք է կարճել, և Արման Փաշայանի և Էրիկ Առաքելյանի նկատմամբ քրեական հետապնդումը դադարեցնել` տուժողի հետ փոխադարձ հաշտության հիմքով:
Ղեկավարվելով ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետով, 183-րդ հոդվածի 1-ին մասով և 379-րդ հոդվածով, դատարանը`
Ո Ր Ո Շ Ե Ց

Թիվ 14108415 քրեական գործի վարույթը կարճել և ՀՀ քրեական օրենսգրքի 117-րդ հոդվածով ամբաստանյալ Արման Սամվելի Փաշայանի և ՀՀ քրեական օրենսգրքի 118-րդ հոդվածով ամբաստանյալ Էրիկ Էդիկի Առաքելյանի նկատմամբ քրեական հետապնդումը դադարեցնել` տուժող Արմեն Եղիազարյանի և ամբաստանյալների փոխադարձ հաշտության հիմքով:
Արման Փաշայանի և Էրիկ Առաքելյանի նկատմամբ ընտրված խափանմանª ստորագրությունª չհեռանալու մասին, վերացնել:
Որոշումը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո` մեկամսյա ժամկետում:




ԴԱՏԱՎՈՐ Ա.ՄԿՐՏՉՅԱՆ