ԵԱՔԴ/0023/01/15

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանը`

նախագահող դատավոր` Լ. Ավետիսյան
քարտուղարությամբ` Ե. Կարապետյանի, Ն.Ղազարյանի, Ն.Այվազյանի
մասնակցությամբ`
մեղադրող` Է. Պետրոսյանի
պաշտպան` Լ. Ավետիսյանի
տուժող` Ռ. Բադալյանի

2015 թվականի մայիսի 29-ին, Երևան քաղաքում, դռնբաց դատական նիստում, դատական քննության արագացված կարգով, քննեց քրեական գործն ըստ մեղադրանքի Արթուր Վիկտորի Կալեսատովի, ծնված 1971 թվականի մայիսի 21-ին, Երևան քաղաքում, ազգությամբ հույն, ՀՀ քաղաքացի, միջնակարգ կրթությամբ, ամուրի, նախկինում չդատված, չի աշխատել, հաշվառված և բնակվել է ՀՀ Կոտայքի մարզի Գեղադիր գյուղի 3-րդ փողոցի 2-րդ փակուղու թիվ 20 տուն հասցեում, մեղադրվում է ՀՀ քրեական օրենսգրքի 316 հոդվածի 1-ին մասով, կալանքի տակ է 2015 թվականի մարտի 11-ից,

Պ Ա Ր Զ Ե Ց

1.Գործի դատավարական նախապատմությունը.
2015 թվականի փետրվարի 25-ին ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում ՀՀ քրեական օրենսգրքի 316 հոդվածի 1-ին մասով նախատեսված հանցագործության հատկանիշներով հարուցվել է թիվ 14111415 քրեական գործը:
2015 թվականի մարտի 11-ին կասկածյալ Արթուր Վիկտորի Կալեսատովը ձերբակալվել է:
Նախաքննության մարմնի 2015 թվականի մարտի 13-ի որոշմամբ Արթուր Վիկտորի Կալեսատովը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 316 հոդվածի 1-ին մասով:
Դատարանի 2015 թվականի մարտի 13-ին որոշմամբ Արթուր Վիկտորի Կալեսատովի նկատմամբ որպես խափանման միջոց է ընտրվել կալանավորումը:
2015 թվականի մարտի 23-ին թիվ 14111415 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան` ըստ էության քննելու համար:
2.Գործի փաստական հանգամանքները.
Նախնական քննության մարմինն ամբաստանյալ Արթուր Վիկտորի Կալեսատովին ՀՀ քրեական օրենսգրքի 316 հոդվածի 1-ին մասով մեղադրանք է առաջադրել այն արարքի կատարման համար, որ նա 2015թ. փետրվարի 24-ինª ժամը 2330-ի սահմաններում, գտնվելով ալկոհոլի ազդեցության տակ, Երևան քաղաքի Օրբելու փողոցում խոչընդոտել է իշխանության ներկայացուցիչ հանդիսացող ՀՀ ոստիկանության Երևան քաղաքի վարչության ՊՊԾ ոստիկանության գնդի 2-րդ գումարտակի 1-ին վաշտի 1-ին դասի ջոկի հրամանատար, ոստիկանության ավագ սերժանտ Ռուբեն Ենոքի Բադալյանի և նույն վաշտի 2-րդ դասի ավագ ոստիկան, ոստիկանության ավագ Արսեն Կառլենի Հովհաննիսյանի կողմից իրենց ծառայողական պարտականությունները կատարելուն: Այն է` քաշել, պատռել է Ռուբեն Բադալյանի ոստիկանական բաճկոնը, թքել վերջինիս վրա, հրմշտել և առողջության համար ոչ վտանգավոր բռնություն գործադրելու սպառնալիքներ է հնչեցրել ոստիկանների հասցեին` խոչընդոտելով Ռուտա Ռոմոի Անդրևայտեին և Մարիա Ալեքսանդրի Միխայելովային վարչական զանցանք կատարելու` պոռնկությամբ զբաղվելու կասկածանքով ՀՀ ոստիկանության Երևան քաղաքի վարչության Արաբկիրի բաժին բերման ենթարկելուն:
3. Արագացված դատական քննություն.
Մինչև դատաքննությունն սկսելն ամբաստանյալ Արթուր Կալեսատովը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալի պաշտպան Լյուդվիգ Ավետիսյանը:
Մեղադրող Է.Պետրոսյանը դատական քննության արագացված կարգ կիրառելուն չի առարկել:
Տուժող Ռ.Բադալյանը հայտնել է, որ ամբաստանյալից որևէ նյութական պահանջ չունի, նույնպես դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել դատական քննության արագացված կարգ կիրառելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, հաստատված է համարում, որ ամբաստանյալ Արթուր Կալեսատովը 2015թ. փետրվարի 24-ին, ժամը 2330-ի սահմաններում, գտնվելով ալկոհոլի ազդեցության տակ, Երևան քաղաքի Օրբելու փողոցում խոչընդոտել է իշխանության ներկայացուցիչ հանդիսացող ՀՀ ոստիկանության Երևան քաղաքի վարչության ՊՊԾ ոստիկանության գնդի 2-րդ գումարտակի 1-ին վաշտի 1-ին դասի ջոկի հրամանատար, ոստիկանության ավագ սերժանտ Ռուբեն Բադալյանի և նույն վաշտի 2-րդ դասի ավագ ոստիկան, ոստիկանության ավագ Արսեն Հովհաննիսյանի կողմից իրենց ծառայողական պարտականությունները կատարելուն, այն է` քաշել, պատռել է Ռ.Բադալյանի ոստիկանական բաճկոնը, թքել վերջինիս վրա, հրմշտել և առողջության համար ոչ վտանգավոր բռնություն գործադրելու սպառնալիքներ է հնչեցրել ոստիկանների հասցեին` խոչընդոտելով Ռուտա Անդրևայտեին և Մարիա Միխայելովային վարչական զանցանք կատարելու` պոռնկությամբ զբաղվելու կասկածանքով ՀՀ ոստիկանության Երևան քաղաքի վարչության Արաբկիրի բաժին բերման ենթարկելուն, որպիսի արարքը համապատասխանում է ՀՀ քրեական օրենսգրքի 316 հոդվածի 1-ին մասով նախատեսված հանցագործության հատկանիշներին:
Կատարած արարքի համար ամբաստանյալ Արթուր Վիկտորի Կալեսատովը ենթակա է քրեական պատասխանատվության և պատժի:
ՀՀ քրեական օրենսգրքի 48 հոդվածի համաձայն`
ՙ1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից ու ազատություններից օրենքով նախատեսված զրկմամբ կամ դրանց սահմանափակմամբ:
2. Պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61 հոդվածի համաձայն`
ՙ1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործության՝ հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով:
3. Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները՚:
Ամբաստանյալի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալ Արթուր Կալեսատովի անձը բնութագրող տվյալներ, պատասխանատվությունը և պատիժը մեղմացնող հանգամանքներ, դատարանը հաշվի է առնում այն, որ նա հանցանքն ընդունել և զղջում է կատարած արարքի համար, նախկինում դատված չի եղել:
Որպես ամբաստանյալի պատասխանատվությունը և պատիժը ծանրացնող հանգամանք դատարանը դիտում է հանցանքն ալկոհոլի ազդեցության տակ կատարելը:
Հաշվի առնելով Արթուր Կալեսատովի կատարած արարքի հանրության համար վտանգավորության աստիճանը և բնույթը, նրա անձը բնութագրող տվյալները, պատասխանատվությունը և պատիժը մեղմացնող ու ծանրացնող հանգամանքները, ինչպես նաև այն, որ ՀՀ քրեական օրենսգրքի 316 հոդվածի 1-ին մասի սանկցիայով նախատեսված է պատիժ նաև ազատազրկման ձևով, դատարանը գտնում է, որ պատժի նպատակներին հասնելու համար ամբաստանյալ Արթուր Վիկտորի Կալեսատովի նկատմամբ ՀՀ քրեական օրենսգրքի 316 հոդվածի 1-ին մասով նախատեսված հանցանք կատարելու համար պատիժ պետք է նշանակել ազատազրկման ձևով:
Ամբաստանյալ Ա.Կալեսատովը նշանակվող պատիժը պետք է կրի ՀՀ ԱՆ համապատասխան քրեակատարողական հիմնարկում, իսկ նրա նկատմամբ կիրառված խափանման միջոցը` կալանավորումը պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը գտնում է, որ տուժող Ռուբեն Բադալյանի քաղաքացիական հայցի հարցը պետք է համարել լուծված, նկատի ունենալով, որ նրան պատճառված նյութական վնասն ամբաստանյալի մոր կողմից վերականգնվել է և նա ամբաստանյալից որևէ նյութական պահանջ չունի, որի մասին տուժողը գրավոր դիմում է ներկայացրել դատարան:
Անդրադառնալով իրեղեն ապացույցների տնօրինման հարցին, դատարանը գտնում է, որ դատավճիռն օրինական ուժի մեջ մտնելուց հետո Արաբկիր վարչական շրջանի քննչական բաժնի ավագ քննիչի 25.02.2015թ. որոշմամբ իրեղեն ապացույց ճանաչված և քրեական գործին կցված, միջադեպի ընթացքում տուժող Ռ.Բադալյանի հագին եղած ոստիկանական տարբերանշաններով պատռված բաճկոնը և նրան պատկանող ՙNokia x2՚ մոդելի վնասված բջջային հեռախոսը, պետք է վերադարձնել տուժող Ռուբեն Բադալյանին:
Դատարանը գտնում է, որ քննիչի 25.02.2015թ. որոշմամբ ապացույց ճանաչված և քրեական գործին կցված, այլ փաստաթուղթ հանդիսացող` թիվ 14111415 քրեական գործով զեկուցագիրը և սթափության վիճակի զննության արձանագրությունը պետք է պահել սույն քրեական գործի հետ միասին:
Դատարանը գտնում է, որ դատական ծախսերն ամբաստանյալից ենթակա չեն բռնագանձման, նկատի ունենալով, որ ՀՀ քրեական դատավարության օրենսգրքի 168 հոդվածի առաջին մասի 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի, ամբաստանյալից ենթակա չեն բռնագանձման:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 365, 369-373, 3753 և 3754 հոդվածներով, դատարանը

Վ Ճ Ռ Ե Ց

Արթուր Վիկտորի Կալեսատովին մեղավոր ճանաչել ՀՀ քրեական օրենսգրքի 316 հոդվածի 1-ին մասով նախատեսված հանցանք կատարելու մեջ և նրան դատապարտել ազատազրկման 6 (վեց) ամիս ժամկետով:
Արթուր Վիկտորի Կալեսատովի նկատմամբ նշանակված պատժի սկիզբը հաշվել 2015 թվականի մարտի 11-ից: Պատիժը պետք է կրի ՀՀ ԱՆ համապատասխան քրեակատարողական հիմնարկում:
Արթուր Վիկտորի Կալեսատովի նկատմամբ կիրառված խափանման միջոցը` կալանավորումը, թողնել անփոփոխ, մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո իրեղեն ապացույց հանդիսացող, միջադեպի ընթացքում Ռ.Բադալյանի հագին եղած ոստիկանական տարբերանշաններով պատռված բաճկոնը և նրան պատկանող ՙNokia x2՚ մոդելի վնասված բջջային հեռախոսը, վերադարձնել տուժող Ռուբեն Բադալյանին:
Տուժող Ռ.Բադալյանի քաղաքացիական հայցի հարցը համարել լուծված:
Ապացույց ճանաչված և քրեական գործին կցված, այլ փաստաթուղթ հանդիսացող` թիվ 14111415 քրեական գործով զեկուցագիրը և սթափության վիճակի զննության արձանագրությունը պահել սույն քրեական գործի հետ միասին:
Դատական ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

Դատավոր` ստորագրություն
Բնագրի հետ ճիշտ է`
Դատավոր` Լ. Ավետիսյան