գործ Nօ. ԵԱՔԴ-0011/01/15








Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևան քաղաքի Շենգավիթ վարչական շրջանի
ընդհանուր իրավասության դատարանը

նախագահությամբ
դատավոր Ա.ԱԶԱՐՅԱՆԻ
քարտուղարությամբ Լ.ՀԱՅՐԱՊԵՏՅԱՆԻ
մասնակցությամբ`
մեղադրող Հ.ՀԱՐՈՅԱՆԻ
պաշտպաններ Ա.ԱԼԻԽԱՆՅԱՆԻ
Լ.ՄՆՈՅԱՆԻ
Մ.ՂԱԶԱՐՅԱՆԻ
ամբաստանյալներ Կ.ՕՀԱՆՅԱՆԻ
Վ.ՉԻԼԻՆԳԱՐՅԱՆԻ
Ռ.ՕՀԱՆՅԱՆԻ
Հ.ՍԱՐՈՅԱՆԻ

2015թ. հունիսի 23-ին դատարանում` դռնբաց դատական նիստում, դատական քննության արագացված կարգով քննեց գործն ըստ մեղադրանքի.
1. Կարեն Ռուբենի Օհանյանի` ծնված 28.08.1983թ. Երևանում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին` երեք անձ, ֆիզիկապես` առողջ, ՀՀ ՊՆ թիվ 25836 զորամասի պարենային ծառայության պետ, նախկինում դատված` Գեղարքունիքի մարզի ընդհանուր իրավասության դատարանի 2014թ. սեպտեմբերի 16-ի դատավճռով մեղավոր է ճանաչվել ՀՀ քրեական օրենսգրքի 179-րդ հոդվածի 2-րդ մասի 1-ին կետով և դատապարտվել 500.000 դրամ տուգանքի, բնակվում է ք.Ճամբարակ, Տ.Մեծի փողոցի 29-րդ շենքի թիվ 7 բնակարանում, խափանման միջոց է ընտրվել ստորագրություն չհեռանալու մասին, մեղադրվում է ՀՀ քրեական օրենսգրքի 312-րդ հոդվածի 2-րդ մասով։
2. Վարդան Կամիսի Չիլինգարյանի` ծնված 24.08.1967թ. Արծվաշեն գյուղում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին` հինգ անձ, ֆիզիկապես` առողջ, ՀՀ ՊՆ թիվ 84682 զորամասի հրթիռահրետանային սպառազինության պահեստի պետ, նախկինում չդատված, բնակվում է ք.Ճամբարակ, Մաշտոցի փողոցի թիվ 2 տանը, խափանման միջոց է ընտրվել ստորագրություն չհեռանալու մասին, մեղադրվում է ՀՀ քրեական օրենսգրքի 312-րդ հոդվածի 2-րդ մասով։
3. Ռուբեն Ռաֆիկի Օհանյանի` ծնված 18.05.1959թ. Երևանում, ազգությամբ հայ, ՀՀ քաղաքացի, միջնակարգ-մասնագիտական կրթությամբ, ամուսնացած, ֆիզիկապես` առողջ, ՀՀ ՊՆ թիվ 32822 զորամասի գծային մեխանիկ, նախկինում չդատված, բնակվում է ք.Երևան, Նոր Նորքի 8-րդ զանգվածի 2-րդ շենքի թիվ 12 բնակարանում, խափանման միջոց է ընտրվել ստորագրություն չհեռանալու մասին, մեղադրվում է ՀՀ քրեական օրենսգրքի 312-րդ հոդվածի 2-րդ մասով։
4. Հայկ Մեսրոպի Սարոյանի` ծնված 30.03.1973թ. Էջմիածնում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին` երեք անձ, ֆիզիկապես` առողջ, զբաղվում է հողագործությամբ, նախկինում չդատված, բնակվում է ք.Վաղարշապատ, Մ.Խորենացու փողոցի 101-րդ շենքի թիվ 213 բնակարանում, 2014թ. օգոստոսի 12-ից մինչև 2014թ. օգոստոսի 26-ը գտնվել է նախնական կալանքի տակ, 2014թ. օգոստոսի 26-ին խափանման միջոց է ընտրվել ստորագրություն չհեռանալու մասին, մեղադրվում է ՀՀ քրեական օրենսգրքի 178-րդ հոդվածի 2-րդ մասի 2-րդ կետով։
2015թ. փետրվարի 11-ին Կարեն Օհանյանին` ՀՀ քրեական օրենսգրքի 312-րդ հոդվածի 2-րդ մասով, մեղադրանք է առաջադրվել այն բանի համար, որ «նա« հանդիսանալով ՀՀ ՊՆ 25836 զորամասի պարենային ծառայության պետ« կոչումով կապիտան« տեղեկանալով« որ իր կողմից 2014 թվականի մայիսի 21-ին յուրացման միջոցով 66.402,48 ՀՀ դրամ ընդհանուր արժողությամբ սննդամթերք հափշտակելու փաստով զբաղվում են իրավապահ մարմինները« կարծելով« որ իր վաղեմի ընկեր« ՀՀ ՊՆ 59559 զորամասի պայմանագրային զինծառայող« ենթասպա Կարեն Մաքսիմի Պողոսյանի ծանոթ` Վաղարշապատ քաղաքի բնակիչ Հայկ Մեսրոպի Սարոյանը ինչ որ պաշտոնատար անձանց 206.370 ՀՀ դրամին համարժեք 500 ԱՄՆ դոլար կաշառքի միջոցով արդեն իսկ լուծել է իր նկատմամբ ազատությունից զրկելու հետ չկապված խափանման միջոց ընտրելու հարցը« հասկանալով կատարված հակաիրավական գործողության հետևանքները 22.05.2014թ. Երևան քաղաքի Ծերեթելի փողոցում հանդիպել է Հ.Սարոյանին և խնդրել է ծանոթ պաշտոնատար անձանց որոշակի գումար կաշառք տալու միջոցով այնպես անել« որ ինքը և նույն զորամասի պարենային ծառայության պահեստի պետ« ենթասպա Վարդան Կամիսի Չիլինգարյանը քրեական պատասխանատվության չենթարկվեն« կամ ստանան առավել մեղմ պատիժ։ Ի պատասխան Հ.Սարոյանը հայտնել է« որ ծանոթ պաշտոնատար անձանց կաշառք տալու միջոցով կարող է այնպես անել« որ նշանակվող պատիժը լինի տուգանքի ձևով« ինչի համար պահանջել է 1.650.960 ՀՀ դրամին համարժեք 4.000 ԱՄՆ դոլար կաշառք։
Հ.Սարոյանի հետ ձեռք բերված պայմանավորվածության մասին Կ.Օհանյանը տեղյակ է պահել Վ.Չիլինգարյանին« հայտնելով« որ նա պետք է տրամադրի իրենց հարցերով զբաղվող անձին տրված ու դեռևս պահանջվող գումարի մի մասը և հետագա օրերին Վ.Չիլինգարյանից ստանալով 825.480 ՀՀ դրամին համարժեք 2.000 ԱՄՆ դոլար գումար« 2014թ. մայիսի 30-ին և 2014թ. հունիսի 11-ին անձամբ հանդիպել է Հ.Սարոյանին և փոխանցել պահանջված 1.650.960 ՀՀ դրամին համարժեք 4.000 ԱՄՆ դոլար կաշառքը»։
2015թ. փետրվարի 20-ին Վարդան Չիլինգարյանին` ՀՀ քրեական օրենսգրքի 312-րդ հոդվածի 2-րդ մասով, մեղադրանք է առաջադրվել այն բանի համար, որ «նա« հանդիսանալով թիվ 25836 զորամասի պարենային ծառայության պահեստի պետ« կոչումով ենթասպա« տեղյակ լինելով« որ նույն զորամասի պարենային ծառայության պետ« կապիտան Կարեն Ռուբենի Օհանյանի կողմից 2014թ. մայիսի 21-ին զորամասի պարենային ծառայության պահեստից յուրացում կատարելու փաստը բացահայտվել է իրավապահ մարմինների կողմից և այդ կապակցությամբ հարուցվել է քրեական գործ« պայմանավորվել է Կ.Օհանյանի հետ կաշառք տալ որևէ պաշտոնատար անձի« որպիսի իրենք քրեական պատասխանատվության չենթարկվեն« իսկ դատապարտվելու դեպքում ստանան առավել մեղմ պատիժ։ Այդ նպատակով Կ.Օհանյանը ընկերոջ` Կարեն Մաքսիմի Պողոսյանի միջոցով ծանոթացել է Վաղարշապատ քաղ.« Մ.Խորենացի 101« բն. 213 հասցեի բնակիչ Հայկ Մեսրոպի Սարոյանի հետ« որը տեղեկանալով խնդրի մանրամասներին հայտնել է« որ ծանոթ պաշտոնատար անձանց կաշառք տալու միջոցով կարող է այնպես անել« որ նշանակող պատիժը լինի տուգանքի ձևով« ինչի համար Վ.Չիլինգարյանից և Կ.Օհանյանից պահանջել է ընդհանուր 1.650.960 ՀՀ դրամին համարժեք 4.000 ԱՄՆ դոլար։
Տեղեկանալով Հ.Սարոյանի հետ ձեռք բերված պայմանավորվածության մասին Վ.Չիլինգարյանը հետագա օրերին Կ.Օհանյանի միջոցով համապատասխան պաշտոնատար անձին կաշառք տալու համար Հ.Սարոյանին է փոխանցել խոշոր չափի 825.480 ՀՀ դրամին համարժեք 2.000 ԱՄՆ դոլար գումար կաշառք»։
2015թ. փետրվարի 11-ին Ռուբեն Օհանյանին` ՀՀ քրեական օրենսգրքի 312-րդ հոդվածի 2-րդ մասով, մեղադրանք է առաջադրվել այն բանի համար, որ «նա« որդու` ՀՀ ՊՆ 25836 զորամասի պարենային ծառայության պետ« կապիտան Կարեն Ռուբենի Օհանյանի խնդրանքով« 2014թ. մայիսի 21-ին ժամը 18-ի սահմաններում Երևան քաղաքի կրկեսի հարևանությամբ գտնվող «Մամուլի շենքի» մոտակայքում հանդիպել է Վաղարշապատ քաղաքի բնակիչ Հայկ Մեսրոպի Սարոյանին« վերջինիս հայտնել որդու կողմից զորամասի պարենային ծառայության պահեստից յուրացում կատարելու ու այդ կապակցությամբ նրան ՌՈ բաժին հրավիրելու մասին և խնդրել է օգտակար լինել« ապա տեղեկանալով« որ վերջինս իր ծանոթ իրավասու պաշտոնատար անձանց խոշոր չափերի 500 ԱՄՆ դոլարին համարժեք 206.370 ՀՀ դրամ կաշառք տալու միջոցով կարող է կազմակերպել Կ.Օհանյանի նկատմամբ ազատազրկման հետ չկապված խափանման միջոց ընտրելու հարցը« պայմանավորվածություն է ձեռք բերել Հ.Սարոյանի հետ և նույն օրը Երևան քաղաքի Ծերեթելի փողոցում տեղակայաված «Երևան Սիթի» սուպերմարկետի հարևանությամբ հանդիպել ու վերջինիս է տվել խոստացված խոշոր չափերի 500 ԱՄՆ դոլարին համարժեք 206.370 ՀՀ դրամ կաշառքը»։
2015թ. փետրվարի 23-ին Հայկ Սարոյանին` ՀՀ քրեական օրենսգրքի 178-րդ հոդվածի 2-րդ մասի 2-րդ կետով, մեղադրանք է առաջադրվել այն բանի համար, որ «նա« 2014թ. մայիսի 21-ին թիվ 25836 զորամասի պարենային ծառայության պետ« կապիտան Կարեն Ռուբենի Օհանյանի հետ ունեցած հեռախոսազրույցի ժամանակ վերջինիցս տեղեկանալով« որ նույն զորամասի պարենային ծառայության պահեստից նրա կողմից յուրացում կատարելու փաստով զբաղվում են իրավապահ մարմինները և այդ կապակցությամբ նրան հրավիրել են ՌՈ բաժին« նույն օրը ժամը 18-ի սահմաններում Երևան քաղաքի կրկեսի հարևանությամբ գտնվող «Մամուլի շենքի» մոտակայքում Կ.Օհանյանի խնդրանքով հանդիպել է նրա հոր` Ռուբեն Ռաֆիկի Օհանյանին« վերջինիցս առավել մանրամասն տեղեկացել Կ.Օհանյանի հետ կատարվածի մասին« ապա իր նկատմամբ ունեցած վստահությունը չարաշահելու եղանակով դիմել է խաբեության« այն է` Ռ.Օհանյանին հայտնել է« թե իբրև կարող է իր ունեցած ծանոթ պաշտոնատար անձնաց միջոցով օգտակար լինել Կ.Օհանյանի նկատմամբ ազատազրկման հետ չկապված խափանման միջոց ընտրելու հարցը կազմակերպելու համար« Ռ.Օհանյանից պահանջել ու նույն օրը Երևան քաղաքի Ծերեթելի փողոցում տեղակայաված «Երևան Սիթի» սուպերմարկետի հարևանությամբ նրանից խաբեությամբ ստացել է 500 ԱՄՆ դոլարին համարժեք 206.370 ՀՀ դրամ գումար« որը հափշտակել է։
Հաջորդ օրը նույն հարցի կապակցությամբ Երևան քաղաքի Ծերեթելի փողոցում հանդիպել է Կ.Օհանյանին« ապա դարձյալ իր նկատմամբ ունեցած վստահությունը չարաշահելու եղանակով դիմել է խաբեության և Կ.Օհանյանին հայտնել« թե իբրև արդեն հարուցված քրեական գործով նրա և նրա ներկայացրած անձի` նույն զորամասի պարենային ծառայության պահեստի պետ« ենթասպա Վարդան Կամիսի Չիլինգարյանի նկատմամբ դատարանում տուգանքի ձևով պատիժ նշանակելու հարցը իր ծանոթ պաշտոնատար անձանց միջոցով լուծելու համար պահանջվում է 1.650.960 ՀՀ դրամին համարժեք 4.000 ԱՄՆ դոլար գումար։ Պահանջվող գումարի չափի մասով համաձայնության գալով 2014թ. մայիսի 30-ին և 2014թ. հունիսի 11-ին անձամբ հանդիպել է Կ.Օհանյանին և նրանից ստացել ևս 1.650.960 ՀՀ դրամի համարժեք 4.000 ԱՄՆ դոլար գումար« որը հափշտակել է։
Այսպիսով« 2014թ. մայիսի 21-ից հունիսի 11-ը ընկած ժամանակահատվածում Հ.Սարոյանը մեկ միասնական դիտավորությամբ ուրիշի գույքին տիրանալու ուղղակի դիտավորությամբ« իր նկատմամբ ունեցած վստահությունը չարաշահելու եղանակով դիմել է խաբեության« այն է` Կ.Օհանյանին չկալանավորելու« նրա և նրա ներկայացված անձի` Վարդան Կամիսի Չիլինգարյանի նկատմամբ տուգանքի ձևով պատիժ նշանակելու հարցերը իբրև իր ծանոթ պաշտոնատար անձանց միջոցով կազմակերպելու դիմաց Ռուբեն և Կարեն Օհանյաններից պահանջել և ստացել է խոշոր չափի 1.857.330 ՀՀ դրամին համարժեք 4.500 ԱՄՆ դոլար գումար« որը հափշտակել է»։
2015թ. մարտի 2-ին քրեական գործը` մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան։
Դատարանի 2015թ. ապրիլի 9-ի որոշմամբ քրեական գործն ուղարկվել է Երևան քաղաքի Շենգավիթ վարչական շրջանի ընդհանուր իրավասության դատարան` ըստ ընդդատության։
Մինչ դատաքննությունն սկսելն ամբաստանյալներ Կարեն Օհանյանը, Վարդան Չիլինգարյանը, Ռուբեն Օհանյանը և Հայկ Սարոյանը միջնորդեցին դատական քննությունն անցկացնել արագացված կարգով և հայտարարեցին, որ միջնորդությունները ներկայացրել են կամավոր, խորհրդակցել են պաշտպանների հետ, գիտակցում են արագացված կարգով դատաքննություն անցկացնելու հետևանքները, առաջադրված մեղադրանքն իրենց պարզ է, համաձայն են մեղադրանքի հետ։
Թեպետ սույն գործով մեղադրական եզրակացությունը հաստատելիս մեղադրողն առարկել է դատական քննության արագացված կարգ կիրառելու դեմ, սակայն մինչև դատաքննությունն սկսելը նա փոխեց նախկինում արտահայտած դիրքորոշումը և չառարկեց ամբաստանյալների միջնորդությունների դեմ։
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին։
Դատարանը հիմք ընդունելով մեղադրանքում դրված ապացույցները գտնում է, որ ամբաստանյալներ Կարեն Օհանյանը, Վարդան Չիլինգարյանը և Ռուբեն Օհանյանը կատարել են ՀՀ քրեական օրենսգրքի 312-րդ հոդվածի 2-րդ մասով նախատեսված հանցագործություն, իսկ Հայկ Սարոյանը` ՀՀ քրեական օրենսգրքի 178-րդ հոդվածի 2-րդ մասի 2-րդ կետով նախատեսված հանցագործություն, որոնց համար նրանք պետք է պատասխանատվության ենթարկվեն։
Ամբաստանյալների նկատմամբ պատիժ նշանակելիս` պատժի տեսակը և չափը որոշելիս, դատարանը հաշվի է առնում կատարած հանցագործությունների հանրության համար վտանգավորության աստիճանն ու բնույթը, նրանց անձը բնութագրող տվյալները, այդ թվում` պատասխանատվությունն ու պատիժը մեղմացնող և ծանրացնող հանգամանքները։
Որպես ամբաստանյալ Կարեն Օհանյանի պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նրա խնամքի տակ են գտնվում չաշխատող կինը և մինչև տասնչորս տարեկան երկու երեխաները, ամբաստանյալն անկեղծորեն զղջացել է կատարած հանցանքի համար և նախաքննության ժամանակ տվել խոստովանական ցուցմունքներ, որոնցով ակտիվորեն աջակցել է հանցագործությունները բացահայտելուն։
Որպես ամբաստանյալ Կարեն Օհանյանի անձը բնութագրող տվյալ դատարանը հաշվի է առնում սույն գործով վերագրվող արարքը կատարելու պահին նրա դատապարտված չլինելը։
Որպես ամբաստանյալ Կարեն Օհանյանի անձը բնութագրող տվյալ դատարանը հաշվի է առնում նաև նրա դրականորեն բնութագրվելը։
Որպես ամբաստանյալ Վարդան Չիլինգարյանի պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նրա խնամքի տակ են գտնվում թոշակառու մայրը, չաշխատող կինը, ուսանող և դպրոցական երեք երեխաները, ըստ ներկայացված բնութագրի՝ ակտիվորեն մասնակցել է ՀՀ սահմանների պաշտպանական մարտական գործողություններին, պարգևատրվել է տարբեր պարգևներով, անկեղծորեն զղջացել է կատարած հանցանքի համար և նախաքննության ժամանակ տվել խոստովանական ցուցմունքներ, որոնցով ակտիվորեն աջակցել է հանցագործությունները բացահայտելուն։
Որպես ամբաստանյալ Վարդան Չիլինգարյանի անձը բնութագրող տվյալներ դատարանը հաշվի է առնում դատապարտված չլինելը և դրականորեն բնութագրվելը։
Որպես ամբաստանյալ Ռուբեն Օհանյանի պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ակտիվորեն մասնակցել է ՀՀ և ԼՂՀ սահմանների պաշտպանական մարտական գործողություններին, որի համար պարգևատրվել է «Մարտական ծառայության» կառավարական մեդալով, անկեղծորեն զղջացել է կատարած հանցանքի համար և նախաքննության ժամանակ տվել խոստովանական ցուցմունքներ, որոնցով ակտիվորեն աջակցել է հանցագործությունները բացահայտելուն։
Որպես ամբաստանյալ Ռուբեն Օհանյանի անձը բնութագրող տվյալներ դատարանը հաշվի է առնում դատապարտված չլինելը և դրականորեն բնութագրվելը։
Որպես ամբաստանյալ Հայկ Սարոյանի պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նրա խնամքի տակ են գտնվում երեք երեխաները, անկեղծորեն զղջացել է կատարած հանցանքի համար և նախաքննության ժամանակ տվել խոստովանական ցուցմունքներ, որոնցով ակտիվորեն աջակցել է հանցագործությունները բացահայտելուն, ամբողջությամբ հատուցել է հանցագործությամբ պատճառված վնասը։
Որպես ամբաստանյալ Հայկ Սարոյանի անձը բնութագրող տվյալներ դատարանը հաշվի է առնում դատապարտված չլինելը և դրականորեն բնութագրվելը։
Ամբաստանյալների պատասխանատվությունն ու պատիժը ծանրացնող հանգամանքները բացակայում են։
Դատարանը գտնում է, որ ամբաստանյալներ Կարեն Օհանյանի, Վարդան Չիլինգարյանի և Ռուբեն Օհանյանի նկատմամբ որպես պատժատեսակ պետք է նշանակվի ազատազրկումը, իսկ Հայկ Սարոյանի նկատմամբ` տուգանքը։
Նկատի ունենալով, որ սույն գործով վերագրվող արարքն ամբաստանյալ Կարեն Օհանյանը կատարել է 2014թ. մայիսի 30-ին և հունիսի 11-ին, այսինքն` նախքան Գեղարքունիքի մարզի ընդհանուր իրավասության դատարանի 2014թ. սեպտեմբերի 16-ի դատավճիռ կայացնելը, ուստի ամբաստանյալի նկատմամբ վերջնական պատիժը պետք է նշանակվի ՀՀ քրեական օրենսգրքի 66-րդ հոդվածի 6-րդ մասով նախատեսված կարգով` նշանակվող պատժին լրիվ գումարելով 2014թ. սեպտեմբերի 16-ի դատավճռով նշանակված պատիժը։
Միևնույն ժամանակ, հաշվի առնելով ամբաստանյալներ Կարեն Օհանյանի, Վարդան Չիլինգարյանի և Ռուբեն Օհանյանի կատարած հանցագործությունների հանրության համար վտանգավորության աստիճանն ու բնույթը, նրա անձը բնութագրող տվյալները, պատասխանատվությունն ու պատիժը մեղմացնող հանգամանքները, ինչպես նաև ծանրացնող հանգամանքների բացակայությունը, դատարանը գտնում է, որ Կարեն Օհանյանի, Վարդան Չիլինգարյանի և Ռուբեն Օհանյանի ուղղվելը հնարավոր է առանց հասարակությունից մեկուսացնելու, հետևաբար` ՀՀ քրեական օրենսգրքի 70-րդ հոդվածի կիրառմամբ, ամբաստանյալի նկատմամբ նշանակվող ազատազրկման ձևով պատիժը պետք է պայմանականորեն չկիրառել` սահմանելով փորձաշրջան։
Դատարանը գտնում է, որ ՀՀ քրեական օրենսգրքի 70-րդ հոդվածի կիրառմամբ Կարեն Օհանյանի, Վարդան Չիլինգարյանի և Ռուբեն Օհանյանի նկատմամբ նշանակվող ազատազրկման ձևով պատիժը պայմանականորեն չկիրառելու միջոցով կարելի է հասնել ՀՀ քրեական օրենսգրքի 48-րդ հոդվածով սահմանված պատժի նպատակներին` սոցիալական արդարության վերականգնմանը, պատժի ենթարկված ամբաստանյալների ուղղմանը և հանցագործությունների կանխմանը։
Դատարանը գտնում է նաև, որ ամբաստանյալ Հայկ Սարոյանի նկատմամբ տուգանքը նշանակելու միջոցով կարելի է հասնել ՀՀ քրեական օրենսգրքի 48-րդ հոդվածով սահմանված պատժի նպատակներին։
Ամբաստանյալ Հայկ Սարոյանի նկատմամբ պատժաչափ նշանակելիս դատարանը հաշվի է առնում նրա՝ 2014թ. օգոստոսի 12-ից մինչև 2014թ. օգոստոսի 26-ը, նախնական կալանքի տակ գտնվելու հանգամանքը։
Անդրադառնալով խափանման միջոցի հարցին, դատարանը գտնում է« որ ամբաստանյալների նկատմամբ ընտրված խափանման միջոցը` ստորագրություն չհեռանալու մասին« պետք է թողնել անփոփոխ։
Քննության առնելով իրեղեն ապացույցների տնօրինման հարցը, դատարանը գտնում է, որ «SAMSUNG» տեսակի բջջային հեռախոսը պետք է վերադարձնել Կարեն Օհանյանին, իսկ «iPhone» տեսակի բջջային հեռախոսը պետք է վերադարձնել Հայկ Սարոյանին։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119, 357, 359, 360, 365 և 3753 հոդվածներով` դատարանը

Վ Ճ Ռ Ե Ց

Կարեն Ռուբենի Օհանյանին մեղավոր ճանաչել ՀՀ քրեական օրենսգրքի 312-րդ հոդվածի 2-րդ մասով և պատիժ նշանակել ազատազրկում` 2 (երկու) տարի 6 (վեց) ամիս ժամկետով։
ՀՀ քրեական օրենսգրքի 66-րդ հոդվածի 6-րդ մասի կարգով նշանակված պատժին լրիվ գումարել Գեղարքունիքի մարզի ընդհանուր իրավասության դատարանի 2014թ. սեպտեմբերի 16-ի դատավճռով նշանակված պատիժը և Կարեն Ռուբենի Օհանյանի նկատմամբ վերջնական պատիժ նշանակել ազատազրկում 2 (երկու) տարի 6 (վեց) ամիս ժամկետով և տուգանք 500.000 (հինգ հարյուր հազար) դրամի չափով։
ՀՀ քրեական օրենսգրքի 70-րդ հոդվածի կիրառմամբ Կարեն Ռուբենի Օհանյանի նկատմամբ ազատազրկման ձևով նշանակված պատիժը պայմանականորեն չկիրառել, սահմանելով փորձաշրջան` 2 (երկու) տարի ժամկետով։
Խափանման միջոցը` ստորագրություն չհեռանալու մասին, թողնել անփոփոխ մինչև դատավճռի օրինական ուժի մեջ մտնելը։
Կարեն Օհանյանի վարքագծի նկատմամբ վերահսկողությունը դնել զորամասի հրամանատարության վրա։
Վարդան Կամիսի Չիլինգարյանին մեղավոր ճանաչել ՀՀ քրեական օրենսգրքի 312-րդ հոդվածի 2-րդ մասով և պատիժ նշանակել ազատազրկում` 2 (երկու) տարի 6 (վեց) ամիս ժամկետով։
ՀՀ քրեական օրենսգրքի 70-րդ հոդվածի կիրառմամբ Վարդան Կամիսի Չիլինգարյանի նկատմամբ նշանակված պատիժը պայմանականորեն չկիրառել, սահմանելով փորձաշրջան` 2 (երկու) տարի ժամկետով։
Խափանման միջոցը` ստորագրություն չհեռանալու մասին, թողնել անփոփոխ մինչև դատավճռի օրինական ուժի մեջ մտնելը։
Վարդան Չիլինգարյանի վարքագծի նկատմամբ վերահսկողությունը դնել զորամասի հրամանատարության վրա։
Ռուբեն Ռաֆիկի Օհանյանին մեղավոր ճանաչել ՀՀ քրեական օրենսգրքի 312-րդ հոդվածի 2-րդ մասով և պատիժ նշանակել ազատազրկում` 2 (երկու) տարի 6 (վեց) ամիս ժամկետով։
ՀՀ քրեական օրենսգրքի 70-րդ հոդվածի կիրառմամբ Ռուբեն Ռաֆիկի Օհանյանի նկատմամբ նշանակված պատիժը պայմանականորեն չկիրառել, սահմանելով փորձաշրջան` 2 (երկու) տարի ժամկետով։
Խափանման միջոցը` ստորագրություն չհեռանալու մասին, թողնել անփոփոխ մինչև դատավճռի օրինական ուժի մեջ մտնելը։
Ռուբեն Օհանյանի վարքագծի նկատմամբ վերահսկողությունը դնել ՀՀ արդարադատության նախարարության քրեակատարարողական վարչության այլընտրանքային պատիժների կատարման բաժնի վրա։
Հայկ Մեսրոպի Սարոյանին մեղավոր ճանաչել ՀՀ քրեական օրենսգրքի 178-րդ հոդվածի 2-րդ մասի 2-րդ կետով և պատիժ նշանակել տուգանք` 800.000 (ութ հարյուր հազար) դրամի չափով։
Խափանման միջոցը` ստորագրություն չհեռանալու մասին, թողնել անփոփոխ մինչև դատավճռի օրինական ուժի մեջ մտնելը։
Իրեղեն ապացույցներ հանդիսացող «SAMSUNG» տեսակի բջջային հեռախոսը վերադարձնել Կարեն Օհանյանին, իսկ «iPhone» տեսակի բջջային հեռախոսը վերադարձնել Հայկ Սարոյանին։
Դատավճիռը կարող է բողոքարկվել ՀՀ քրեական վերաքննիչ դատարան` մեկամսյա ժամկետում, բացառությամբ ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով։




ԴԱՏԱՎՈՐ Ա.ԱԶԱՐՅԱՆ