ԵԱՔԴ/0007/01/15
Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանը`

նախագահող դատավոր` Լ. Ավետիսյան
քարտուղարությամբ` Ե.Կարապետյանի, Ն. Այվազյանի
մասնակցությամբ
մեղադրող` Լ. Մանուկյանի
պաշտպաններ՝ Գ. Մադոյանի, Դ. Մնացականյանի


2015 թվականի սեպտեմբերի 15-ին, Երևան քաղաքում, դռնբաց դատական նիստում, դատական քննության արագացված կարգով, քննեց քրեական գործն ըստ մեղադրանքի Անահիտ Ժորայի Աղաբեկյանի, ծնված 1972 թվականի օգոստոսի 11-ին, Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին երկու անչափահաս երեխա, նախկինում չդատված, աշխատում է Երևանի թիվ 26 հիմնական դպրոցում որպես ուսուցչուհի, հաշվառված և բնակվում է Երևան քաղաքի Ա.Արմենակյան փողոցի թիվ 40 տուն հասցեում, մեղադրվում է ՀՀ քրեական օրենսգրքի 177 հոդվածի 2-րդ մասի 2-րդ կետով, որպես խափանման միջոց է ընտրվել չհեռանալու մասին ստորագրությունը,
Պ Ա Ր Զ Ե Ց

1.Գործի դատավարական նախապատմությունը.
2014 թվականի դեկտեմբերի 23-ին ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում ՀՀ քրեական օրենսգրքի 177 հոդվածի 2-րդ մասի 2-րդ կետի հատկանիշներով հարուցվել է թիվ 14836414 քրեական գործը:
2014 թվականի դեկտեմբերի 26-ին Անահիտ Ժորայի Աղաբեկյանի նկատմամբ որպես խափանման միջոց է ընտրվել չհեռանալու մասին ստորագրությունը:
Նախաքննության մարմնի 2014 թվականի դեկտեմբերի 27-ի որոշմամբ Անահիտ Ժորայի Աղաբեկյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 2-րդ կետով:
2015 թվականի փետրվարի 16-ի որոշմամբ Անահիտ Ժորայի Աղաբեկյանին առաջադրված մեղադրանքը փոփոխվել և նրան կրկին մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 2-րդ կետով:
2015 թվականի փետրվարի 24-ին թիվ 14836414 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան՝ ըստ էության քննելու համար:
2.Գործի փաստական հանգամանքները.
Նախնական քննության մարմինն ամբաստանյալ Անահիտ Ժորայի Աղաբեկյանին ՀՀ քրեական օրենսգրքի 177 հոդվածի 2-րդ մասի 2-րդ կետով մեղադրանք է առաջադրել այն արարքի կատարման համար, որ նա 2014 թվականի դեկտեմբերի 17-ին, ժամը 1400-ի սահմաններում, մասնավոր վճարման դիմաց մաքրություն կատարելու նպատակով, գտնվելով Երևան քաղաքի Ն.Զարյան փողոցի 74բ շենքի թիվ 77 բնակարանում, գույքի գաղտնի հափշտակություն կատարելու դիտավորությամբ, ննջասենյակի պահարանից գաղտնի հափշտակել է Գայանե Սիմոնի Ամոյանին պատկանող խոշոր չափերի հասնող՝ 984.000 ՀՀ դրամ արժողությամբ ոսկյա շղթա, կախազարդ և մատանի:
3. Արագացված դատական քննություն.
Մինչև դատաքննությունն սկսելն ամբաստանյալ Անահիտ Աղաբեկյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալի պաշտպան Գ. Մադոյանը:
Մեղադրող Լ.Մանուկյանը դատական քննության արագացված կարգ կիրառելուն չի առարկել:
Դատարան ստացվել է տուժող Գ.Ամոյանի դիմումն այն մասին, որ ամբաստանյալի նկատմամբ որևէ պահանջ չունի, դատական քննության արագացված կարգ կիրառելուն չի առարկում:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել դատական քննության արագացված կարգ կիրառելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Անահիտ Աղաբեկյանը 2014 թվականի դեկտեմբերի 17-ին, ժամը 1400-ի սահմաններում, մասնավոր վճարման դիմաց մաքրություն կատարելու նպատակով, գտնվելով Երևան քաղաքի Ն.Զարյան փողոցի 74բ շենքի թիվ 77 բնակարանում, գույքի գաղտնի հափշտակություն կատարելու դիտավորությամբ, ննջասենյակի պահարանից գաղտնի հափշտակել է Գայանե Սիմոնի Ամոյանին պատկանող խոշոր չափերի հասնող՝ 984.000 ՀՀ դրամ արժողությամբ ոսկյա շղթա, կախազարդ և մատանի:
Այսինքն՝ Անահիտ Ժորայի Աղաբեկյանը կատարել է արարք, որը համապատասխանում է ՀՀ քրեական օրենսգրքի 177 հոդվածի 2-րդ մասի 2-րդ կետով նախատեսված հանցագործության հատկանիշներին:
Կատարած արարքի համար ամբաստանյալ Անահիտ Ժորայի Աղաբեկյանը ենթակա է քրեական պատասխանատվության և պատժի:
ՀՀ քրեական օրենսգրքի 48 հոդվածի համաձայն`
ՙ1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից ու ազատություններից օրենքով նախատեսված զրկմամբ կամ դրանց սահմանափակմամբ:
2. Պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61 հոդվածի համաձայն`
ՙ1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործության՝ հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով:
3. Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները՚:
Ամբաստանյալի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալ Անահիտ Աղաբեկյանի անձը բնութագրող տվյալներ, պատասխանատվությունը և պատիժը մեղմացնող հանգամանքներ, դատարանը հաշվի է առնում այն, որ նա նախկինում դատված չի եղել, բնութագրվում է դրական, հանցանքն ընդունել և զղջում է կատարած արարքի համար, նրա խնամքին են գտնվում երկու անչափահաս երեխաները (Քնարիկ Արթուրի Մխիթարյան՝ ծնված 06.01.1999թ. և Արտաշես Արթուրի Մխիթարյան՝ ծնված 13.08.2000թ.), ինչպես նաև տուժողի ներկայացուցչի խնդրանքն Ա.Աղաբեկյանի նկատմամբ մեղմ պատիժ նշանակելու վերաբերյալ:
Ամբաստանյալի պատասխանատվությունը և պատիժը ծանրացնող հանգամանքներ առկա չեն:
Հաշվի առնելով Անահիտ Աղաբեկյանի կատարած արարքի հանրության համար վտանգավորության աստիճանը և բնույթը, նրա անձը բնութագրող տվյալները, պատասխանատվությունը և պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 177 հոդվածի 2-րդ մասի 2-րդ կետի սանկցիայով նախատեսված է պատիժ նաև տուգանքի ձևով և պատժի նպատակներն ապահովելու համար առավել խիստ պատիժ նշանակելու անհրաժեշտությունը բացակայում է, դատարանը գտնում է, որ ամբաստանյալ Անահիտ Ժորայի Աղաբեկյանի նկատմամբ ՀՀ քրեական օրենսգրքի 177 հոդվածի 2-րդ մասի 2-րդ կետով նախատեսված հանցավոր արարք կատարելու համար պատիժ պետք է նշանակել տուգանքի ձևով, իսկ նրա նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ, մինչև դատավճռի օրինական ուժի մեջ մտնելը:
Անդրադառնալով իրեղեն ապացույցների տնօրինման հարցին, դատարանը գտնում է, որ Արաբկիր վարչական շրջանի քննչական բաժնի քննիչի 2015թ. փետրվարի 04-ի որոշմամբ իրեղեն ապացույց ճանաչված և տուժողի ներկայացուցիչ Ռիմա Գևորգի Դավթյանին ի պահ հանձնված Գայանե Սիմոնի Ամոյանին պատկանող ոսկյա շղթան ու կախազարդը պետք է թողնել վերջինիս տնօրինությանը:
Նկատի ունենալով, որ տուժողի ներկայացուցիչը գրավոր դիմումով հրաժարվել է հափշտակված ոսկյա մատանու արժեքի՝ 35.000 ՀՀ դրամ գումարի պահանջից, դատարանը գտնում է, որ քաղաքացիական հայցի հարցը պետք է համարել լուծված:
Դատարանը գտնում է, որ Արաբկիր վարչական շրջանի քննչական բաժնի քննիչի 2015թ. փետրվարի 04-ի որոշմամբ ապացույց ճանաչված և քրեական գործին կցված, այլ փաստաթուղթ հանդիսացող՝ 19.12.2014թ.-ի ՀՀ ոստիկանության Արաբկիրի բաժնի ՔՀԲ-ի օպե-լիազոր Է.Ղուկասյանի կողմից կազմված ոսկյա շղթան և կախազարդը ներկայացնելու մասին արձանագրությունը պետք է պահել սույն քրեական գործի հետ:
Դատարանը գտնում է, որ դատական ծախսերն ամբաստանյալից ենթակա չեն բռնագանձման, նկատի ունենալով, որ ՀՀ քրեական դատավարության օրենսգրքի 168 հոդվածի 1-ին մասի 1-ին կետով նախատեսված դատական ծախս սույն քրեական գործով չկա, իսկ 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի, ամբաստանյալից բռնագանձման ենթակա չեն:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 365, 369-373, 3753 և 3754 հոդվածներով, դատարանը

Վ Ճ Ռ Ե Ց

Անահիտ Ժորայի Աղաբեկյանին մեղավոր ճանաչել ՀՀ քրեական օրենսգրքի 177 հոդվածի 2-րդ մասի 2-րդ կետով նախատեսված հանցանք կատարելու մեջ և նրան դատապարտել տուգանքի նվազագույն աշխատավարձի հինգհարյուրապատիկի` 500.000 (հինգ հարյուր հազար) ՀՀ դրամի չափով:
Անահիտ Ժորայի Աղաբեկյանի նկատմամբ կիրառված խափանման միջոցը` չհեռանալու մասին ստորագրությունը, թողնել անփոփոխ, մինչև դատավճռի օրինական ուժի մեջ մտնելը:
Տուժողի ներկայացուցիչ Ռիմա Դավթյանին ի պահ հանձնված Գայանե Ամոյանին պատկանող ոսկյա շղթան ու կախազարդը թողնել վերջինիս տնօրինությանը:
Նկատի ունենալով, որ տուժողի ներկայացուցիչը հրաժարվել է հափշտակված ոսկյա մատանու արժեքի՝ 35.000 ՀՀ դրամ գումարի պահանջից, դատարանը քաղաքացիական հայցի հարցը համարում է լուծված:
Ապացույց ճանաչված այլ փաստաթուղթ հանդիսացող` 19.12.2014թ.-ի ՀՀ ոստիկանության Արաբկիրի բաժնի ՔՀԲ-ի օպե-լիազոր Է.Ղուկասյանի կողմից կազմված ոսկյա շղթան և կախազարդը ներկայացնելու մասին արձանագրությունը պահել սույն քրեական գործի հետ միասին:
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

Դատավոր` ստորագրություն
Բնագրի հետ ճիշտ է`
Դատավոր՝ Լ. Ավետիսյան