Գործ No ԵԱՔԴ/0081/01/14
ՈՐՈՇՈՒՄ

ՔՐԵԱԿԱՆ ՊԱՏԱՍԽԱՆԱՏՎՈՒԹՅՈՒՆԻՑ ԱԶԱՏԵԼՈՒ
ԵՎ ԲԺՇԿԱԿԱՆ ԲՆՈՒՅԹԻ ՀԱՐԿԱԴՐԱԿԱՆ ՄԻՋՈՑՆԵՐ ԿԻՐԱՌԵԼՈՒ ՄԱՍԻՆ

14 հուլիսի 2014թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
դատախազ Կ.Բարսեղյանի
պաշտպան Տ.Գրիգորյանի

Դռնբաց դատական նիստում քննեց Հակոբ Նշանի Արաբյանի (ծնված ք.Երևան, 25.07.1966թ., ազգությամբ հայ, բարձրագույն կրթությամբ, չի աշխատում, ամուսնացած, նախկինում դատապարտված, երրորդ կարգի հաշմանդամ, հաշվառված և բնակվող ք.Երևան, Նանսենի փող. 1-ին նրբ, 4շ., բն. 50, ներկայումս գտնվում է ՙՍևանի հոգեբուժական կլինիկայում՚) նկատմամբ բժշկական բնույթի հարկադրական միջոցներ կիրառելու մասին վարույթը:

Գործի դատավարական նախապատմությունը
2013 թվականի հոկտեմբերի 05-ին նշանակվել է դատաբժշկական փորձաքննություն:
2013 թվականի հոկտեմբերի 06-ին Հ.Արաբյանը բերման է ենթարկվել Արաբկիրի ոստիկանության բաժին և խոստովանել կատարածը:
2013 թվականի հոկտեմբերի 14-ին Արաբկիրի քննչական բաժնում ՀՀ քրևեական օրենսգրքի 183-րդ հոդվածի 2-րդ մասի 3-րդ կետով հարուցվել է թիվ 14806113 քրեական գործը:
2013 թվականի նոյեմբերի 22-ին նշանակվել է դատահոգեբուժական ամբուլատոր փորձաքննություն:
2014 թվականի մարտի 04-ին որոշում է կայացվել ԲԲՀՄ կիրառելու վարույթ հարուցելու մասին:
2014 թվականի մայիսի 06-ին նշանակվել է լրացուցիչ դատահոգեբուժական ամբուլատոր փորձաքննություն:
2014 թվականի մայիսի 27-ին որոշում է կայացվել Հ.Արաբյանի նկատմամբ անվտանգության միջոց կիրառելու մասին և վերջինս տեղավորվել է ՙՍևանի հոգեբուժական կլինինիկայում՚:

2014 թվականի հունիսի 25-ին Հակոբ Արաբյանի նկատմամբ բժշկական բնույթի հարկադրական միջոցներ կիրառելու վերաբերյալ գործն ուղարկվել է Երևանի քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Վարույթի փաստական հանգամանքները
2013 թվականի հոկտեմբերի 05-ին ժամը 11:30-ի սահմաններում Երևան քաղաքի Ա.Ավետիսյան փողոցի սկզբնամասում Հակոբ Նաշանի Արաբյանը, առանց հափշտակելու նպատակի, կյանքի կամ առողջության համար ոչ վտանագավոր բռնություն գործադրելով, ապօրինաբար տիրացել է Հակոբ Ժորայի Մելիքյանի կողմից շահագործվող ՙՎԱԶ 2107՚ մակնիշի 13 SO 806 պ/հ ավտոմեքենային և դիմել փախուստիª Հ.Մելիքյանին պատճառելով մարմնական վնասվածք:

Ապացույցների հետազոտում և գնահատում
Տուժող Հակոբ Ժորայի Մելիքյանը ցուցմունք է տվել այն մասին, որ 2011թ-ից վարձակալական հիմունքով իր ընկեր Արմենից վերցրել է սպիտակ գույնի ՙՎԱԶ 2107՚ մակնիշի 13 ՏՕ 806 պետհամարանիշի ավտոմեքենան և այդ ավտոմեքենայով իրականացնում է ուղևորափոխադրումներ անհատական պատվերներով: 2013թ. հոկտեմբերի 5-ին հերթական անգամ ուղևոր է տարել Զվարթնոց օդանավակայան և քանի որ ցանկացել է հետադարձ ճանապարհին նույնպես ուղևորով վերադառնալ, այդ իսկ պատճառով ավտոմեքենան կայանել է օդանավակայանի հարակից տարածքում առկա հասարակական տրանսպորտների համար նախատեսված հանրային անվճար կայանատեղիում: Ժամը 11-ի սահմաններում օդանավակայանի տարածքից դուրս է եկել մոտ 45-47 տարեկան, միջին մարմնական կառուցվածքով, մոտ 165 սմ հասակով, կարճ կտրված մազերով, թուխ մաշկով, բաց գույնի կոստյումով մի տղամարդ, որը մոտենալով իրեն, ներկայանալով Ալիկ անվամբ և պարզելով, որ ինքը ազատ է, նստել է ավտոմեքենայի առաջամասի վարորդի կողքի նստատեղին և պատվիրել վարել Երևան քաղաքի Քեռու փողոց: Ճանապարհինª Հրազդան մարզադաշտի մոտ, վերջինս հայտնել է, որ իր մոտ գումար չկա և տեղ հասնելուն պես կվերցնի ընկերոջից և կվճարի նախատեսված 4000 ՀՀ դրամի փոխարեն 8000 ՀՀ դրամ գումար: Հասնելով Քեռու փողոցª մոտեցել են նորակառույց բարձրահարկ մի շենքի, ուղևորն իջնելով ավտոմեքենայիցª մոտեցել է շենքի առաջին հարկում նստող ադմինիստրատորին: Վերջինիս առատաձեռնությունն իր մոտ կասկած է առաջացրել և ինքը նույնպես իջնելով ավտոմեքենայից մոտեցել է նրանց և նկատել է, որ նա ադմինիստրատորին պահանջում է զանգահարել իր ընկերոջը: Ավարտելով հեռախոսազրույցը հայտնել է, որ ընկերը տեղում չէ և գումարը պետք է վերցնեն ՙԵրիցյաններ՚ սուպերմարկետի մոտ բնակվող իր ծանոթից: Հասնելով ՙԵրիցյաններ՚ սուպերմարկետի հետևամասում գտնվող շենքի բակª ուղևորն իջել է ավտոմեքենայից և բարձրաձայն կանչել ոմն Տիգրանին, սակայն արձագանք չստանալով, նստել է ավտոմեքենան և կրկին պատվիրել վարել Ալավերդյան փողոցª գումար վերցնելու: Ճանապարհին հասկանալով, որ ուղևորը վճարունակ չէ, ավտոմեքենան կանգնացնելով Ավետիսյան փողոցի սկզբնամասումª նրանից պահանջել է իրեն տալ բջջային հեռախոսըª գումարը վճարելուց հետո այն վերադարձնելու նպատակով, սակայն նա հրաժարվել է թե վճարելուց և թե բջջայինն իր մոտ թողնելուց: Իջնելով ավտոմեքենայից, մոտեցել է նրա դռանը վերջինիս դուրս հրավիրելու նպատակով, սակայն մինչև նրա դռան մոտ հասնելը ուղևորը շատ արագ տեղափոխվել է վարորդի նստատեղին և գործարկելով ավտոմեքենայի շարժիչըª վարելով ավտոմեքենան հեռացել է: Կախվելով վարորդի դռնիցª փորձել է փականի վրայից հանել բանալին, սակայն ուղևորը տեսնելով, որ վերջինս կախվել է դռնից, ավտոմեքենայով շրջադարձ է կատարել ճանապարհի երկու գոտիներն իրարից բաժանող եզրաքարերի վրայով և դիմել փախուստի, իսկ ինքը մեջքով հարվածելով վերը նշված քարերին ձեռքերը բաց է թողել ավտոմեքենայի վարորդի դռնից: Այնուհետև դիմել է ոստիկանություն և տվել համապատասխան հաղորդում: Ոստիկանների կողմից ավտոմեքենան հայտնաբերելուց և իրեն վերադարձնելուց հետո ինքը զննել է ավտոմեքենան այն գտնվել է անվնաս վիճակում և ավտոմեքենայի սրահից և բեռնախցիկից ոչինչ չի բացակաել: Հակոբ Նշանի Արաբյանի նկատմամբ բողոք պահանջ չունի քանի որ ավտոմեքենան անվնաս վերադարձվել է իրեն:
գ.թ.59-61

Դատաբժշկական փորձաքննության թիվ 3339 եզրակացության համաձայն Հ. Մելիքյանի ստացած մարմնական վնասվածքները ողնաշարի գոտկային հատվածի, գոտկային ձախ կեսի հետին կողմնային մակերեսի արյունազեղումների, գոտկային շրջանի հեմատոմայի, կրծքավանդակի ձախ կեսի, ողնաշարի գոտկային շրջանի սալջարդի ձևեով, պատճառվել են բութ առարկաների ներգործության հետրանքով, հնարավոր է նշված ժամանակում և հանգամանքներում, որոնք առողջությանը թեթև վնասի հատկանիշներ չեն պարունակում:
Գ.Թ.65-66

Ամբուլատոր դատահոգեբուժական փորձաքննության թիվ 22/14 եզրակացության համաձայն` վերլուծելով քրեական գործի նյութերը, բուժփաստաթղթերը հանձնաժողովը հանգում է այն եզրակացության, որ Հակոբ Նշանի Արաբյանը տառապել է և տառապում է ՙՇիզոաֆեկտիվ խանգարում, մանիակալ տիպ՚ հոգեկան հիվանդությամբ, ուստի Հակոբ Նշանի Արաբյանին իրավախախտումը կատարելու ժամանակահատվածում /պահին/ իր կատարած իրավախախտման համար հարկ է ճանաչել անմեղսունակ: Գ.Թ.97-100

Թիվ 171/14 ամբուլատոր լրացուցիչ դատահոգեբուժական փորձաքննության եզրակացության համաձայն Անմեղսունակության վիճակում հանցավոր արարք կատարած Հակոբ Նշանի Արաբյանը ներկայումս շրջապատի համար նվազ վտանգավորություն է ներկայացնում, ուստի կարիք ունի հարկադիր բուժման ընդհանուր տիպի հոգեբուժական հիվանդանոցի պայմաններում:
Գ.Թ.136-139

Դատարանի իրավական վերլուծությունները
Վերոգրյալ ապացույցների հիման վրա դատարանը գալիս է այն եզրահանգման, որ Հակոբ Նշանի Արաբյանը 2013 թվականի հոկտեմբերի 05-ին ժամը 11:30-ի սահմաններում Երևան քաղաքի Ա.Ավետիսյան փողոցի սկզբնամասում Հակոբ Նաշանի Արաբյանը առանց հափշտակելու նպատակի, կյանքի կամ առողջության համար ոչ վտանագավոր բռնություն գործադրելով, ապօրինաբար տիրացել է Հակոբ Ժորայի Մելիքյանի կողմից շահագործվող ՙՎԱԶ 2107՚ մակնիշի 13 SO 806 պ/հ ավտոմեքենային և դիմել փախուստիª Հ.մելիքյանին պատճառելով մարմնական վնասվածք:
Դատարանը Հ.Արաբյանի կողմից կատարած քրեական օրենքով չթույլատրված հանրորեն վտանգավոր արարքը ապացուցված է համարում:
Քննության առնելով քրեական օրենսգրքով չթույլատրված արարք կատարելու ժամանակ Հակոբ Արաբյանի մեղսունակության հարցը` դատարանը գտնում է, որ իրավախախտումը կատարելիս վերջինիս մոտ առկա են եղել պրոդուկտիվ հոգեախտաբանական ախտանիշներ, հուզակամային ոլորտի փոփոխություններ, որոնք զրկել են նրան իր գործողությունների վտանգավորությունը գիտակցելու և դրանք ղեկավարելու հնարավորությունից և իրեն մեղսագրվող արարքի նկատմամբ Հակոբ Արաբյանն անմեղսունակ է:
ՀՀ քրեական դատավարության օրենսգրքի 450-րդ հոդվածի 1-ին մասի համաձայն` բժշկական բնույթի հարկադրական միջոցները դատարանը կիրառում է այն անձանց նկատմամբ, ովքեր քրեական օրենքով չթույլատրված արարքը կատարել են անմեղսունակ վիճակում, եթե այդ անձինք շարունակում են վտանգավոր լինել հասարակության համար:
ՀՀ քրեական դատավարության օրենսգրքի 463-րդ հոդվածի 4-րդ կետի համաձայն` դատարանը պետք է լուծի նաև այն հարցը, թե անձը կարիք ունի արդյոք իր նկատմամբ բժշկական բնույթի հարկադրական միջոցներ կիրառելու և հատկապես ինչպիսի միջոցներ:
ՀՀ քրեական դատավարության օրենսգրքի 464-րդ հոդվածի 1-ին մասի համաձայն` անձի կողմից քրեական օրենքով չթույլատրված արարքն անմեղսունակության վիճակում կատարելն ապացուցված համարելով` դատարանը որոշում է կայացնում անձին քրեական պատասխանատվությունից և պատժից ազատելու ու նրա նկատմամբ բժշկական բնույթի հարկադրական միջոցներ կիրառելու մասին:
ՀՀ քրեական օրենսգրքի 97-րդ հոդվածի 1-ին մասի 1-ին կետի համաձայն` բժշկական բնույթի հարկադրական միջոցներ դատարանը կարող է նշանակել այն անձի նկատմամբ, ով հանցանքը կատարել է անմեղսունակության վիճակում:
Այսպիսով` դատարանը գտնում է, որ Հակոբ Արաբյանը անմեղսունակության վիճակում կատարել է հանրորեն վտանգավոր արարք և կարիք ունի իր նկատմամբ բժշկական բնույթի հարկադրական միջոցներ կիրառելու:
Նկատի ունենալով, որ Հակոբ Արաբյանը անմեղսունակ է և կարիք ունի հարկադիր բուժման` դատարանը գտնում է, որ նրան պետք է ազատել քրեական պատասխանատվությունից և կիրառել հարկադիր բուժում` հատուկ տիպի հոգեբուժական բաժանմունքի պայմաններում:
Ղեկավարվելով ՀՀ քրեական դատավարության օրենսգրքի 379-րդ, 450-րդ և 462-464-րդ հոդվածներով` դատարանը:


ՈՐՈՇԵՑ

Հակոբ Նշանի Արաբյանին ազատել ՀՀ քրեական օրենսգրքի 183-րդ հոդվածի 2-րդ մասին 3-րդ կետով նախատեսված քրեական պատասխանատվությունից և նրա նկատմամբ կիրառել հարկադիր բուժում` ընդհանուր տիպի հոգեբուժական բաժանմունքի պայմաններում:
Որոշումը կարող է բողոքարկվել ՀՀ վերաքննիչ քրեական դատարան` հրապարակելու օրվանից հետո մեկամսյա ժամկետում:


ԴԱՏԱՎՈՐ Ա.ՄԿՐՏՉՅԱՆ