ԵԱՔԴ/0059/01/14

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

03.07.2014թ. ք. Երևան
Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանըª

նախագահությամբ դատավոր` Արմեն Խաչատրյանի,
քարտուղարությամբ` Մագդա Գրիգորյանի,
մասնակցությամբ մեղադրող` Նելլի Աշրաֆյանի,
պաշտպան` Դավիթ Սարգսյանի,
տուժող` Սուրիկ Գևորգյանի,
տուժողի ներկայացուցիչ` Քնարիկ Չիթչյանի,

դատարանում, դռնբաց դատական նիստում, դատական քննության արագացված կարգով քննեց քրեական գործն ըստ մեղադրանքի


Արթուր Բաբկենի Խաչատրյանի` ծնված 23.08.1966թ.-ին, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնալուծված, խնամքին ոչ ոք, չի աշխատել, նախկինում դատված`
1. Արաբկիր և Քանաքեռ-Զեյթուն համայնքների առաջին ատյանի դատարանի 23.01.2002թ. դատավճռով մեղավոր է ճանաչվել 1961թ. ՀՀ քրեական օրենսգրքի 229-րդ հոդվածի 5-րդ մասով և դատապարտվել տուգանքի 30.000 ՀՀ դրամի չափով,
2. Արաբկիր և Քանաքեռ-Զեյթուն համայնքների առաջին ատյանի դատարանի 24.07.2002թ. դատավճռով մեղավոր է ճանաչվել 1961թ. ՀՀ քրեական օրենսգրքի 229-րդ հոդվածի 2-րդ մասով, ՀՀ քրեական օրենսգրքի 2261-րդ հոդվածով և դատապարտվել 6 տարի ժամկետով ազատազրկման: Նույն դատարանի 13.08.2003թ. որոշմամբ 24.07.2002թ. դատավճիռը համապատասխանեցվել է 18.03.2003թ. ընդունված ՀՀ քրեական օրենսգրքի 266-րդ հոդվածի 1-ին մասի և ՀՀ քրեական օրենսգրքի 274-րդ հոդվածի 1-ին մասի հատկանիշներին, ՀՀ քրեական օրենսգրքի 66-րդ հոդվածի 4-րդ մասի կիրառմամբ վերջնական պատիժ է սահմանվել ազատազրկում 4 տարի ժամկետով: 10.05.2004թ. պայմանական վաղակետ ազատվել է 1տարի 8 ամիս 12 օր ժամանակով ազատազրկման ձևով պատիժը կրելուց,
3. Արաբկիր և Քանաքեռ-Զեյթուն համայնքների առաջին ատյանի դատարանի 03.12.2004թ. դատավճռով մեղավոր է ճանաչվել ՀՀ քրեական օրենսգրքի 34-177-րդ հոդվածի 2-րդ մասի 1-ին և 3-րդ կետերով և դատապարտվել ազատազրկման 2 տարի ժամկետով, ՀՀ քրեական օրենսգրքի 67-րդ հոդվածի կիրառմամբ նշանակված պատժին մասնակիորեն գումարվել է 24.07.2002թ. դատավճռով նշանակված պատժից ազատազրկում 6 ամիս ժամկետով և վերջնական պատիժ է սահմանվել ազատազրկում 2 տարի 6 ամիս ժամկետով: ՀՀ քրեական օրենսգրքի 76-րդ հոդվածի կիրառմամբ 23.06.2006թ. պայմանական վաղակետ ազատվել է 9 ամիս 6 օր ժամանակով ազատազրկման ձևով պատիժը կրելուց,
4. Աջափնյակ և Դավթաշեն համայնքների առաջին ատյանի դատարանի 07.05.2007թ. դատավճռով մեղավոր է ճանաչվել ՀՀ քրեական օրենսգրքի 34-177-րդ հոդվածի 2-րդ մասի 3-րդ և 4-րդ կետերով և ՀՀ քրեական օրենսգրքի 66-րդ հոդվածի 4-րդ մասի կիրառմամբ վերջնական պատիժ է սահմանվել ազատազրկում 4 տարի ժամկետով: Պատիժը լրիվ կրելով 08.02.2011թ.-ին ազատվել է պատժից, դատվածությունը չմարված, հաշվառված և բնակվում է ք. Երևան, Նոր Նորքի 7-րդ զանգված, 33 շենք, բնակարան 36 հասցեում, մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 3-րդ կետով նախատեսված 5 /հինգ/ դրվագով և ՀՀ քրեական օրենսգրքի 34-177-րդ հոդվածի 2-րդ մասի 3-րդ կետով նախատեսված հանցանքներ կատարելու համար, կալանքի տակ է 2014 թվականի փետրվարի 28-ից:
Դատարանը պարզեց հետևյալը.
2014 թվականի փետրվարի 18-ին ՀՀ ոստիկանության ՔԳՎ Երևան քաղաքի քննչական վարչության Քանաքեռ-Զեյթունի քննչական բաժնում ՀՀ քրեական օրենսգրքի 177-րդ հոդվածի 2-րդ մասի 3-րդ կետի հատկանիշներով հարուցվել է թիվ 09103414 քրեական գործը:
2013 թվականի նոյեմբերի 16-ին ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում ՀՀ քրեական օրենսգրքի 177-րդ հոդվածի 2-րդ մասի 3-րդ կետի հատկանիշներով հարուցվել է թիվ 14817013 քրեական գործը:
2013 թվականի նոյեմբերի 21-ին ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում ՀՀ քրեական օրենսգրքի 177-րդ հոդվածի 2-րդ մասի 3-րդ կետի հատկանիշներով հարուցվել է թիվ 14817913 քրեական գործը:
2013 թվականի նոյեմբերի 25-ին ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում ՀՀ քրեական օրենսգրքի 177-րդ հոդվածի 2-րդ մասի 3-րդ կետի հատկանիշներով հարուցվել է թիվ 14818813 քրեական գործը:
2013 թվականի դեկտեմբերի 14-ին ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում ՀՀ քրեական օրենսգրքի 177-րդ հոդվածի 2-րդ մասի 3-րդ կետի հատկանիշներով հարուցվել է թիվ 14823413 քրեական գործը:
2013 թվականի դեկտեմբերի 26-ին ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում կայացված որոշմամբ թիվ 14818813, թիվ 14817913 և թիվ 14823413 քրեական գործերը միացվել են թիվ 14817013 քրեական գործին և գործի քննությունը շարունակվել է 14817013 համարով:
2014 թվականի փետրվարի 14-ին ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում ՀՀ քրեական օրենսգրքի 147-րդ հոդվածի 1-ին մասի և ՀՀ քրեական օրենսգրքի 185-րդ հոդվածի 1-ին մասի հատկանիշներով հարուցվել է թիվ 14111314 քրեական գործը:
2014 թվականի փետրվարի 28-ին ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում կայացված որոշմամբ թիվ 14111314 քրեական գործը միացվել է թիվ 14817013 քրեական գործին և գործի քննությունը շարունակվել է 14817013 համարով:
2014 թվականի փետրվարի 28-ին թիվ 14817013 քրեական գործն ըստ քննչական ենթակայության ուղարկվել է ՀՀ ոստիկանության ՔԳՎ Երևան քաղաքի քննչական վարչության Քանաքեռ-Զեյթունի քննչական բաժին:
2014 թվականի փետրվարի 28-ին թիվ 14817013 քրեական գործը ՀՀ ոստիկանության ՔԳՎ Երևան քաղաքի քննչական վարչության Քանաքեռ-Զեյթունի քննչական բաժնում ընդունվել է վարույթ և միացվել է թիվ 09103414 քրեական գործին:
2014 թվականի մայիսի 12-ին Արթուր Բաբկենի Խաչատրյանը որպես մեղադրյալ է ներգրավվել ՀՀ քրեական օրենսգրքի 177-րդ հոդվածի 2-րդ մասի 3-րդ կետով նախատեսված 5 /հինգ/ դրվագով և ՀՀ քրեական օրենսգրքի 34-177-րդ հոդվածի 2-րդ մասի 3-րդ կետով նախատեսված այն արարքների կատարման համար, որ ՙնա.
1. 2013 թվականի նոյեմբերի 16-ին ժամը 04:00-ից մինչև 05:00-ն ընկած ժամանակահատվածում, տեխնիկական միջոցների գործադրմամբ բացել է Արտեմ Ներսեսի Մարտիրոսյանին պատկանող Երևան քաղաքի Ա. Խաչատրյան 16/2 հասցեում գտնվող մթերային խանութի եվրոարտադրության դռան փականը, ապօրինի մուտք գործել խանութ և հափշտակել 37.000 ՀՀ դրամ կանխիկ գումար և սննդամթերք` Ա. Մարտիրոսյանին պատճառելով զգալի չափերի հասնող` 300.000 ՀՀ դրամի գույքային վնաս:
2. Բացի այդ, Արթուր Բաբկենի Խաչատրյանը 2013 թվականի նոյեմբերի 18-ին ժամը 04:00-ի սահմաններում, գույքի գաղտնի հափշտակություն կատարելու դիտավորությամբ, տեխնիկական միջոցների գործադրմամբ հանել է Կիևյան 1-ին նրբանցքի 15 հասցեում գտնվող Սուրեն Պապիկի Գևորգյանին պատկանող կրպակի դիմացի հատվածի փոքրիկ ապակին և հափշտակել ապակու մոտ դասավորված ծխախոտները` վերջինիս պատճառելով զգալի չափերի հասնող 50.000 ՀՀ դրամի գույքային վնաս:
3. Բացի այդ, Արթուր Բաբկենի Խաչատրյանը 2013 թվականի նոյեմբերի 21-ին ժամը 04:00-ի սահմաններում ուրիշի գույքի գաղտնի հափշտակություն կատարելու դիտավորությամբ, տեխնիկական միջոցների գործադրմամբ բացել է ՙՎահան-97՚ ՍՊԸ-ին պատկանող Երևան քաղաքի Հովսեփ Էմին փողոցի 134 հասցեում գտնվող խանութի մուտքի դուռը, ապօրինի մուտք գործել սրահ և դրամարկղի դարակից գաղտնի հափշտակել 22.050 ՀՀ մետաղադրամ, բջջային օպերատորների հեռախոսահամարների ընդհանուր 47.000 ՀՀ դրամ արժողության լիցքավորման քարտեր` ՙՎահան-97՚ ՍՊԸ-ին պատճառելով զգալի չափերի հասնող 69.050 ՀՀ դրամի գույքային վնաս:
4. Բացի այդ, Արթուր Բաբկենի Խաչատրյանը 2013 թվականի դեկտեմբերի 13-ին ժամը 22:00-ից մինչև 2013թ. դեկտեմբերի 14-ը ժամը 05:30-ն ընկած ժամանակահատվածում, տեխնիկական միջոցների գործադրմամբ բացել է Երևան քաղաքի Կոմիտաս 54 հասցեում գտնվող միրգ-բանջարեղեն խանութի մուտքի դուռը և ապօրինի մուտք գործել խանութ` գողացել 10.000 ՀՀ դրամ կանխիկ գումար և տարբեր տեսակի մրգեր` Է. Այվազյանին պատճառելով ընդհանուր` 136.900 ՀՀ դրամի գույքային վնաս:
5. Բացի այդ, Արթուր Բաբկենի Խաչատրյանը 2014թ.-ի փետրվարի 9-ին ժամը 20.30-ից մինչև փետրվարի 10-ը ժամը 04.30-նն ընկած ժամանակահատվածում, ապակի հանելու եղանակով ապօրինի մուտք է գործել ՙՔանաքեռ-Քնար՚ ՍՊԸ-ին պատկանող, Երևան քաղաքի Զ. Սարկավագի փողոցի թիվ 44 հասցեում գտնվող մթերային խանութ և գաղտնի հափշտակել տարբեր տեսակի խմիչքներ, ծխախոտ, քաղցրավենիք և սուրճ` ՙՔանաքեռ-Քնար՚ ՍՊԸ-ին պատճառելով զգալի չափի հասնող` 450.500 ՀՀ դրամի գույքային վնաս:
6. Բացի այդ, Արթուր Բաբկենի Խաչատրյանը 2014 թվականի փետրվարի 24-ին ժամը 03:10-ի սահմաններում, ուրիշի գույքի գաղտնի հափշտակություն կատարելու դիտավորությամբ, բացել է Վաղինակ Սուրենի Բադալյանի կողմից վարձակալած, Երևան քաղաքի Կիևյան 2/54 հասցեում գտնվող մթերային խանութի մոտքի դուռը և ապօրինի մուտք է գործել խանութ, սակայն, խանութում հանդիպելով Վ. Բադալյանին, հանցագործությունն ավրատրին չի հասցրել` իր կամքից անկախ հանգամանքներով՚:
2014 թվականի մայիսի 14-ին թիվ 09103414 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան` ըստ էության քննելու համար:
Ամբաստանյալ Արթուր Խաչատրյանը, պահպանելով ՀՀ քրեական դատավարության օրենսգրքի 3751-րդ հոդվածով նախատեսված պայմանները, համաձայնվելով իրեն առաջադրված մեղադրանքի հետ, հայտնեց, որ առաջադրված մեղադրանքում իրեն մեղավոր է ճանաչում, միջնորդեց դատական քննությունն արագացված կարգով անցկացնել, նշելով, որ միջնորդությունը ներկայացնում է կամավոր, իր պաշտպանի հետ խորհրդակցելուց հետո և գիտակցում է իր կողմից ներկայացված միջնորդության բնույթն ու հետևանքները: Հայտնեց, որ ընդունում է քաղաքացիական հայցը:
Տուժող Սուրիկ Գևորգյանը և տուժողի ներկայացուցիչ Քնարիկ Չիթչյանը չառարկեցին դատական քննության արագացված կարգ կիրառելու դեմ:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3753-րդ հոդվածներով նախատեսված պայմանները որոշում է կայացրել դատական քննության արագացված կարգ կիրառելու մասին:
Վերը նկարագրված հանցանքի կատարման մեջ Արթուր Խաչատրյանի մեղավորությունը հաստատվել է նախաքննության ընթացքում տված ինչպես ամբաստանյալի, այնպես էլ գործով տուժողներ Արտեմ Մարտիրոսյանի, Սուրիկ Գևորգյանի, Էդգար Այվազյանի, Վաղինակ Բադալյանի, տուժողի ներկայացուցիչ Քնարիկ Չիթչյանի, վկաներ Գրիգոր Բաբայանի, Զավեն Տեր-Մարտիրոսյանի ցուցմունքներով, քննչական փորձարարություն կատարելու մասին 26.12.2013թ. արձանագրությամբ, իրեղեն ապացույցների առկայությամբ, որպես ապացույց ճանաչված այլ փաստաթղթերով, դեպքի վայրի զննության մասին 16.11.2013թ., 18.11.2013թ., 21.11.2013թ., 14.12.2013թ., 01.02.2014թ., 18.02.2014թ. արձանագրություններով և դեպքի վայրի լրացուցիչ զննության մասին 01.02.2014թ. արձանագրությամբ:
Հաշվի առնելով, որ ամբաստանյալ Արթուր Խաչատրյանն իրեն առաջադրված մեղադրանքի հետ համաձայնվել է, այն հաստատվել է գործով ձեռք բերված ապացույցներով, դատարանը գտնում է, որ ամբաստանյալ Ա. Խաչատրյանը 5 /հինգ/ դրվագով ՀՀ քրեական օրենսգրքի 177-րդ հոդվածի 2-րդ մասի 3-րդ կետի և 1 /մեկ/ դրվագով ՀՀ քրեական օրենսգրքի 34-177-րդ հոդվածի 2-րդ մասի 3-րդ կետի հատկանիշներին համապատասխան հանցավոր արարքներ կատարելու համար ենթակա է քրեական պատասխանատվության:
Ամբաստանյալի նկատմամբ պատիժ նշանակելիս դատարանը հաշվի է առնում ինչպես կատարած հանցագործության բնույթն ու հանրության համար վտանգավորության աստիճանը, այնպես էլ ամբաստանյալի անձը բնութագրող տվյալները:
Որպես ամբաստանյալի պատասխանատվությունը և պատիժը մեղմացնող հանգամանք դատարանը չի հայտնաբերել:
Որպես ամբաստանյալի պատասխանատվությունը և պատիժը ծանրացնող հանգամանք դատարանը դիտում է հանցանքները կատարելու առանձնապես վտանգավոր ռեցիդիվը:
Դատարանը գտնում է, որ ամբաստանյալ Արթուր Խաչատրյանն իր կատարած հանցանքի համար ենթակա է պատժի, որը պետք է նշանակվի ՀՀ քրեական դատավարության օրենսգրքի 3753-րդ հոդվածի 6-րդ մասի կանոններով, քանի որ դրանք ավելի բարենպաստ են ամբաստանյալի համար, քան ՀՀ քրեական օրենսգրքի 67.1-րդ հոդվածի 2-րդ մասով` հանցագործությունների առանձնապես վտանգավոր ռեցիդիվի համար պատիժ նշանակելու կանոնները: Ամբաստանյալ Արթուր Խաչատրյանն իր նկատմամբ նշանակված պատիժը պետք է կրի ՀՀ ԱՆ համապատասխան քրեակատարողական հիմնարկում, իսկ նրա նկատմամբ որպես խափանման միջոց կիրառված կալանավորումը պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանն, քննարկելով տուժողի ներկայացուցիչ Քնարիկ Չիթչյանի, տուժողներ Սուրիկ Գևորգյանի և Էդգար Այվազյանի կողմից ներկայացված քաղաքացիական հայցերին, գտնում է, որ տուժողի ներկայացուցիչ Քնարիկ Չիթչյանի կողմից ներկայացված քաղաքացիական հայցը ենթակա է բավարարման, իսկ տուժողներ Սուրիկ Գևորգյանի և Էդգար Այվազյանի քաղաքացիական հայցերը պետք է թողնել առանց քննության հետևյալ պատճառաբանությամբ.
ՀՀ քրեական դատավարության օրենսգրքի 3751-րդ հոդվածի 6-րդ մասի համաձայն` ՙԵթե տվյալ գործով հարուցված է նաև քաղաքացիական հայց, և ամբաստանյալը (մեղադրյալը) կամ քաղաքացիական պատասխանողը ընդունում է այն, ապա դատարանը դատավճռով բավարարում է նաև քաղաքացիական հայցը, եթե այն չի հակասում օրենքին:.........՚: Նույն օրենսգրքի 367-րդ հոդվածի համաձայն` ՙԴատավճիռ կայացնելիս դատարանը, ելնելով քաղաքացիական հայցի հիմքերի ու չափի ապացուցված լինելու հանգամանքից, հարուցված հայցը բավարարում է լրիվ կամ մասնակիորեն, կամ մերժում է դրա բավարարումը, կամ այն թողնում է առանց քննության՚:
ՀՀ Վճռաբեկ դատարանը թիվ ՎԲ-150/07 որոշմամբ իրավական դիրքորոշում է հայտնել այն մասին, որ ՙքրեական դատավարությունում քաղաքացիական հայցի առարկան է կազմում հանցագործությամբ անմիջականորեն պատճառված գույքային վնասը, որի հարուցման մասին պահանջը հայցվորը ներկայացնում է մեղադրյալին կամ նրա գործողությունների համար պատասխանատվություն կրող անձին: Քաղաքացիական հայցի առարկայի որոշման համար անհրաժեշտ է, որպեսզի վնասն անմիջականորեն հանցագործությամբ պատճառված լինի՚:
Տվյալ դեպքում, դատարանը գտնում է, որ տուժողի ներկայացուցիչ Քնարիկ Չիթչյանի կողմից ներկայացված քաղաքացիական հայցը պետք է բավարարել և Արթուր Խաչատրյանից հօգուտ տուժող ՙՔանաքեռ-Քնար՚ ՍՊԸ-ի պետք է բռնագանձել 450.000 /չորս հարյուր հիսուն հազար/ ՀՀ դրամ, որպես հանցագործությամբ պատճառված վնասի հատուցում, քանի որ ՀՀ քրեական դատավարության օրենսգրքի պահանջների համաձայն` հանցագործությամբ անմիջականորեն պատճառված վնասը ենթակա է վերականգնման, իսկ Քնարիկ Չիթչյանի հայցապահանջը վերաբերում է միայն հանցագործությամբ անմիջականորեն պատճառված վնասին, բացի այդ նշված քաղաքացիական հայցը չի հակասում օրենքին:
Ինչ վերաբերվում է տուժողներ Սուրիկ Գևորգյանի և Էդգար Այվազյանի քաղաքացիական հայցերին, ապա տվյալ դեպքում վերջիններս, թեպետ նախաքննության ընթացքում վարույթն իրականացնող մարմնի կողմից ճանաչվել են քաղաքացիական հայցվորներ, սակայն իրենց հայցապահանջը չեն ներկայացրել առանձին հայցադիմումի տեսքով և նրանց կողմից չեն պահպանվել ՀՀ քրեական դատավարության օրենսգրքի 158-րդ հոդվածի պահանջները, քանի որ ՀՀ քրեական դատավարության օրենսգրքի 158-րդ հոդվածի համաձայն ՙ...2. Քաղաքացիական հայց հարուցվում է կասկածյալի, մեղադրյալի կամ նրա դեմ, ում վրա կարող է գույքային պատասխանատվություն դրվել մեղադրյալի գործողությունների համար: 3. Հայցադիմումում նշվում է, թե որ քրեական գործով, ով, ում, ինչի հիման վրա և ինչ չափով է հարուցում քաղաքացիական հայց, ինչպես նաև պետք է բովանդակի խնդրանք` վնասի հատուցման համար կոնկրետ դրամական գումարի և գույքի բռնագանձման մասին՚: Վերոգրյալի հիման վրա դատարանը գտնում է, որ տուժողներ Սուրիկ Գևորգյանի և Էդգար Այվազյանի կողմից ներկայացված քաղաքացիական հայցերը պետք է թողնել առանց քննության, միաժամանակ նրանց պետք է իրավունք վերապահել քաղաքացիական հայցերը լուծել քաղաքացիական դատավարության կարգով, քանի որ ՀՀ քրեական դատավարության օրենսգրքի 155-րդ հոդվածի 3-րդ մասի համաձայն` ՙքրեական դատավարությունում հարուցված քաղաքացիական հայցը, որը դատարանի կողմից թողնվել է առանց քննության, կարող է հետագայում հարուցվել քաղաքացիական դատավարության կարգով՚:
Անդրադառնալով իրեղեն ապացույցների հարցին` դատարանը գտնում է, որ դատավճիռն օրինական ուժի մեջ մտնելուց հետո իրեղեն ապացույց հանդիսացող և տուժողի ներկայացուցիչ Քնարիկ Չիթչյանին ի պահ հանձնված ՙՔանաքեռ-Քնար՚ ՍՊԸ-ին պատկանող Երևան քաղաքի Զ. Սարկավագի փողոցի թիվ 44 հասցեում գտնվող մթերային խանութից գողացված ապրանքները` բոլոր ծխախոտներն ու կոնյակի դատարկ շշերը պետք է թողնել Քնարիկ Չիթչյանի տնօրինությանը:
Ղեկավարվելով ՀՀ քրեական օրենսգրքի 66-րդ հոդվածով, ՀՀ քրեական դատավարության օրենսգրքի 119-րդ, 163-րդ, 357-360-րդ, 365-րդ, 367-րդ, 369-373-րդ, 3751-րդ, 3753-րդ հոդվածներով` դատարանը

Վ Ճ Ռ Ե Ց

Ամբաստանյալ Արթուր Բաբկենի Խաչատրյանին մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 3-րդ կետով նախատեսված 5 /հինգ/ դրվագով և ՀՀ քրեական օրենսգրքի 34-177-րդ հոդվածի 2-րդ մասի 3-րդ կետով նախատեսված հանցանքներ կատարելու մեջ:
Արտեմ Մարտիրոսյանին պատկանող մթերային խանութից գողություն կատարելու դրվագով ՀՀ քրեական օրենսգրքի 177-րդ հոդվածի 2-րդ մասի 3-րդ կետով Արթուր Խաչատրյանին դատապարտել ազատազրկման 3 /երեք/ տարի 4 /չորս/ ամիս ժամկետով:
Սուրեն Գևորգյանին պատկանող կրպակից գողություն կատարելու դրվագով ՀՀ քրեական օրենսգրքի 177-րդ հոդվածի 2-րդ մասի 3-րդ կետով Արթուր Խաչատրյանին դատապարտել ազատազրկման 3 /երեք/ տարի 4 /չորս/ ամիս ժամկետով:
ՙՎահան-97՚ ՍՊԸ-ին պատկանող խանութից գողություն կատարելու դրվագով ՀՀ քրեական օրենսգրքի 177-րդ հոդվածի 2-րդ մասի 3-րդ կետով Արթուր Խաչատրյանին դատապարտել ազատազրկման 3 /երեք/ տարի 4 /չորս/ ամիս ժամկետով:
Էդգար Այվազյանի կողմից վարձակալված միրգ-բանջարեղեն խանութից գողություն կատարելու դրվագով ՀՀ քրեական օրենսգրքի 177-րդ հոդվածի 2-րդ մասի 3-րդ կետով Արթուր Խաչատրյանին դատապարտել ազատազրկման 3/երեք/ տարի 4 /չորս/ ամիս ժամկետով:
ՙՔանաքեռ-Քնար՚ ՍՊԸ-ին պատկանող մթերային խանութից գողություն կատարելու դրվագով ՀՀ քրեական օրենսգրքի 177-րդ հոդվածի 2-րդ մասի 3-րդ կետով Արթուր Խաչատրյանին դատապարտել ազատազրկման 3 /երեք/ տարի 4 /չորս/ ամիս ժամկետով:
Վաղինակ Բադալյանի կողմից վարձակալված մթերային խանութից գողության փորձ կատարելու դրվագով ՀՀ քրեական օրենսգրքի 34-177-րդ հոդվածի 2-րդ մասի 3-րդ կետով Արթուր Խաչատրյանին դատապարտել ազատազրկման 2 /երկու/ տարի 6 /ամիս/ ամիս ժամկետով:
ՀՀ քրեական օրենսգրքի 66-րդ հոդվածի համաձայն հանցանքների համակցությամբ պատիժները մասնակիորեն գումարելու միջոցով Արթուր Խաչատրյանի նկատմամբ վերջնական պատիժ նշանակել ազատազրկում` 5 /հինգ/ տարի ժամկետով:
Արթուր Խաչատրյանի պատժի սկիզբը հաշվել 2014 թվականի փետրվարի 28-ից, որը պետք է կրի ՀՀ ԱՆ համապատասխան քրեակատարողական հիմնարկում:
Արթուր Խաչատրյանի նկատմամբ որպես խափանման միջոց կիրառված կալանավորումը թողնել անփոփոխ` մինչև դատավճռի օրինական ուժի մեջ մտնելը:
Տուժողի ներկայացուցիչ Քնարիկ Չիթչյանի կողմից ներկայացված քաղաքացիական հայցը բավարարել` Արթուր Խաչատրյանից հօգուտ տուժող ՙՔանաքեռ-Քնար՚ ՍՊԸ-ի բռնագանձել 450.000 /չորս հարյուր հիսուն հազար/ՀՀ դրամ:
Տուժողներ Սուրիկ Գևորգյանի և Էդգար Այվազյանի կողմից ներկայացված քաղաքացիական հայցերը թողնել առանց քննության, միաժամանակ տուժողներին իրավունք վերապահելով քաղաքացիական հայցերը լուծելու քաղաքացիական դատավարության կարգով:
Դատավճիռն օրինական ուժի մեջ մտնելուց հետո իրեղեն ապացույց հանդիսացող և տուժողի ներկայացուցիչ Քնարիկ Չիթչյանին ի պահ հանձնված ՙՔանաքեռ-Քնար՚ ՍՊԸ-ին պատկանող Երևան քաղաքի Զ. Սարկավագի փողոցի թիվ 44 հասցեում գտնվող մթերային խանութից գողացված ապրանքները` բոլոր ծխախոտներն ու կոնյակի դատարկ շշերը` թողնել Քնարիկ Չիթչյանի տնօրինությանը:
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո մեկամսյա ժամկետում, բացառությամբ ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքի:


դատավոր` ստորագրություն
Բնագրի հետ ճիշտ է`
դատավոր` Ա. Խաչատրյան