ԵԱՔԴ/0049/01/14

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
22.07.2014թ. ք. Երևան
Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանըª

նախագահությամբ դատավոր` Արմեն Խաչատրյանի,
քարտուղարությամբ` Մագդա Գրիգորյանի,
մասնակցությամբ մեղադրող` Կարեն Բարսեղյանի,
պաշտպան` Մերի Ալավերդյանի,
տուժող` Հրանուշ Ղազարյանի,

դատարանում, դռնբաց դատական նիստում, դատական քննության արագացված կարգով քննեց քրեական գործն ըստ մեղադրանքի


Թելման Արշակի Ալավերդյանի` ծնված 05.08.1987թ.-ին, Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին մինչև 14 տարեկան մեկ երեխան, չի աշխատում, նախկինում չդատված, հաշվառված է ք. Երևան, Նոր Նորքի 9-րդ զանգված 1-ին շենք, 59 բնակարան հասցեում, ժամանակավոր բնակվում է ք. Երևան, Քրիստափորի 32 հասցեում, մեղադրանք է առաջադրվել ՀՀ քրեական օրենսգրքի 178-րդ հոդվածի 2-րդ մասի 2-րդ կետով նախատեսված հանցանք կատարելու համար, որպես խափանման միջոց է կիրառվել չհեռանալու մասին ստորագրությունը:

Դատարանը պարզեց հետևյալը.
2014 թվականի հունվարի 13-ին ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում ՀՀ քրեական օրենսգրքի 178-րդ հոդվածի 1-ին մասի հատկանիշներով հարուցվել է թիվ 14101414 քրեական գործը:
2014 թվականի մարտի 13-ին Թելման Արշակի Ալավերդյանը որպես մեղադրյալ է ներգրավվել ՀՀ քրեական օրենսգրքի 178-րդ հոդվածի 2-րդ մասի 2-րդ կետով նախատեսված այն արարքի կատարման համար, որ ՙնա 2013թ. դեկտեմբերի 26-ին ժամը 18-ի սահմաններում Երևան քաղաքի Կասյան փողոցում գտնվող տարադրամի փոխանակման կետի մոտ չարաշահելով Հրանուշ Ռաֆիկի Ղազարյանի վստահությունը, վերջինիցս վերցրել է 4.422 ԱՄՆ դոլարին համարժեք 150.000 ՌԴ ռուբլի, այն ԱՄՆ դոլարի վերածելու պատրվակով, քիչ անց Հ. Ղազարյանին վերադարձրել է 3.150 ԱՄՆ դոլարին համարժեք գումար` խոստանալով մնացած գումարը տալ նույն օրվա ընթացքում, սակայն խաբեությամբ հափշտակել է 515.000 ՀՀ դրամին համարժեք 1.272 ԱՄՆ դոլար գումար՚:
2014 թվականի ապրիլի 23-ին թիվ 14101414 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան` ըստ էության քննելու համար:
Ամբաստանյալ Թելման Ալավերդյանը, պահպանելով ՀՀ քրեական դատավարության օրենսգրքի 3751-րդ հոդվածով նախատեսված պայմանները, համաձայնվելով իրեն առաջադրված մեղադրանքի հետ, հայտնեց, որ առաջադրված մեղադրանքում իրեն լիովին մեղավոր է ճանաչում, միջնորդեց դատական քննությունն արագացված կարգով անցկացնել, նշելով, որ միջնորդությունը ներկայացնում է կամավոր, իր պաշտպանի հետ խորհրդակցելուց հետո և գիտակցում է իր կողմից ներկայացված միջնորդության բնույթն ու հետևանքները:
Մեղադրող Կ. Բարսեղյանը դատարանի առաջարկությամբ փոխեց իր դիրքորոշումը և հայտնեց, որ չի առարկում դատական քննության արագացված կարգ կիրառելու դեմ:
Տուժող Հրանուշ Ղազարյանը նույնպես չառարկեց արագացված դատական քննության կարգ կիրառելու դեմ: Հայտնեց նաև, որ ամբաստանյալի կողմից հատուցվել է իրեն պատճառված վնասը:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3753-րդ հոդվածներով նախատեսված պայմանները որոշում է կայացրել դատական քննության արագացված կարգ կիրառելու մասին:
Վերը նկարագրված հանցանքի կատարման մեջ Թելման Ալավերդյանի մեղավորությունը հաստատվել է նախաքննության ընթացքում տված ինչպես ամբաստանյալի խոստովանական, այնպես էլ գործով տուժող Հրանուշ Ղազարյանի, վկաներ Կառլեն Խաչատրյանի, Վահան Սիմոնյանի և Արշակ Ալավերդյանի նախաքննության ընթացքում տված ցուցմունքներով:
Հաշվի առնելով, որ ամբաստանյալ Թելման Ալավերդյանն իրեն առաջադրված մեղադրանքի հետ համաձայնվել է, այն հաստատվել է գործով ձեռք բերված ապացույցներով, դատարանը գտնում է, որ ամբաստանյալ Թ. Ալավերդյանը ՀՀ քրեական օրենսգրքի 178-րդ հոդվածի 2-րդ մասի 2-րդ կետի հատկանիշներին համապատասխան հանցավոր արարք կատարելու համար ենթակա է քրեական պատասխանատվության:
Ամբաստանյալի նկատմամբ պատիժ նշանակելիս դատարանը հաշվի է առնում ինչպես կատարած հանցագործության բնույթն ու հանրության համար վտանգավորության աստիճանը, այնպես էլ ամբաստանյալի անձը բնութագրող տվյալները` այն, որ ամբաստանյալը երիտասարդ է, նախկինում դատված չի եղել:
Որպես ամբաստանյալի պատասխանատվությունը և պատիժը մեղմացնող հանգամանքներ դատարանը դիտում է այն, որ վերջինս ինքնակամ է ներկայացել ՀՀ ոստիկանության Երևան քաղաքի վարչության Արաբկիրի բաժին, նրա խնամքի տակ է գտնվում մինչև 14 տարեկան երեխան /ծնված 12.08.2009թ./ և այն, որ ամբողջությամբ հատուցել է տուժողին պատճառված վնասը:
Որպես ամբաստանյալի պատասխանատվությունը և պատիժը ծանրացնող հանգամանքներ դատարանը չի հայտնաբերել:
Դատարանը գտնում է, որ ամբաստանյալ Թելման Ալավերդյանն իր կատարած հանցանքի համար ենթակա է պատժի, որը պետք է կրի, իսկ նրա նկատմամբ որպես խափանման միջոց կիրառված չհեռանալու մասին ստորագրությունը պետք է թողնել անփոփոխ` մինչև դատավճռի օրինական ուժի մեջ մտնելը:
Ղեկավարվելով ՀՀ քրեական դատավարության օրենսգրքի 357-360-րդ, 365-րդ, 369-373-րդ, 3753-րդ հոդվածներով` դատարանը

Վ Ճ Ռ Ե Ց

Ամբաստանյալ Թելման Արշակի Ալավերդյանին մեղավոր ճանաչել ՀՀ քրեական օրենսգրքի 178-րդ հոդվածի 2-րդ մասի 2-րդ կետով նախատեսված հանցանք կատարելու մեջ և դատապարտել տուգանքի` նվազագույն աշխատավարձի` հինգահարյուրապատիկի 500.000 /հինգ հարյուր հազար/ ՀՀ դրամի չափով:
ՀՀ քրեական օրենսգրքի 51-րդ հոդվածի կարգով, նշանակված տուգանքի վճարման համար ժամկետ սահմանել մինչև 2015 թվականի հուլիսի 1-ը:
Թելման Ալավերդյանի նկատմամբ որպես խափանման միջոց կիրառված չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո մեկամսյա ժամկետում, բացառությամբ ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքի:


դատավոր` ստորագրություն
Բնագրի հետ ճիշտ է`
դատավոր` Ա. Խաչատրյան