ԵԱՔԴ/0017/01/14

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
13.03.2014թ. ք. Երևան
Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանըª

նախագահությամբ դատավոր` Արմեն Խաչատրյանի,
քարտուղարությամբ` Մագդա Գրիգորյանի,
մասնակցությամբ մեղադրող` Դավիթ Կարապետյանի,
պաշտպան` Գարիկ Մալխասյանի,

դատարանում, դռնբաց դատական նիստում, դատական քննության արագացված կարգով քննեց քրեական գործն ըստ մեղադրանքի


Նորայր Գևորգի Մկրտչյանի` ծնված 01.01.1988թ.-ին, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, չի աշխատում, նախկինում չդատված, հաշվառված է Ավան Առինջ 1-ին մ/շ 1/8 շենք, 14 բնակարան հասցեում, բնակվում է ք. Երևան, Նորագավիթ 25 փողոց 19/2 տուն հասցեում, մեղադրանք է առաջադրվել ՀՀ քրեական օրենսգրքի 258-րդ հոդվածի 2-րդ մասով նախատեսված հանցանք կատարելու համար, որպես խափանման միջոց է ընտրվել չհեռանալու մասին ստորագրությունը:
Դատարանը պարզեց հետևյալը.
2014 թվականի հունվարի 16-ին ՀՀ ոստիկանության ՔԳՎ Երևան քաղաքի քննչական վարչության Քանաքեռ-Զեյթունի քննչական բաժնում ՀՀ քրեական օրենսգրքի 258-րդ հոդվածի 2-րդ մասի հատկանիշներով հարուցվել է թիվ 09100814 քրեական գործը:
2014 թվականի փետրվարի 15-ին Նորայր Գևորգի Մկրտչյանը որպես մեղադրյալ է ներգրավվել ՀՀ քրեական օրենսգրքի 258-րդ հոդվածի 2-րդ մասով նախատեսված այն արարքի կատարման համար, որ նա ՙ2013թ. դեկտեմբերի 17-ին, ժամը 23:30-ի սահմաններում գտնվելով ալկոհոլային հարբածության վիճակում, խուլիգանական մղումներից ելնելով գնացել է նախկին նշանածի` Լիանա Գրիգորյանի Երևան քաղաքի Ռուբինյանց 19/2 շենքի 3 բնակարան, կանգնել հիշյալ բնակարանի մուտքի դռան մոտ, հասարակության և բարոյականության նորմերի նկատմամբ անթաքույց արհամարանք դրսևորելով շուրջ 30 րոպե բղավել է, տվել սեռական բնույթի հայհոյանքներ, այնուհետև շարունակելով հակահասարակական վարքագիծը բռունցքով հարվածել և կոտրել է ուրիշի գույք հանդիսացող Երևան քաղաքի Ռուբինյանց 19/2 շենքի 3 բնակարանի ննջասենյակի պատուհանի ապակին` դիտավորությամբ կոպիտ կերպով խախտելով հասարակական կարգը, բացահայտ անհարգալից վերաբերմունք դրսևորելով հասարակության նկատմամբ, որը զուգորդվել է ուրիշի գույքը վնասելով՚:
2014 թվականի փետրվարի 21-ին թիվ 09100814 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան` ըստ էության քննելու համար:
Ամբաստանյալ Նորայր Մկրտչյանը, պահպանելով ՀՀ քրեական դատավարության օրենսգրքի 3751-րդ հոդվածով նախատեսված պայմանները, համաձայնվելով իրեն առաջադրված մեղադրանքի հետ, հայտնեց, որ առաջադրված մեղադրանքում իրեն մեղավոր է ճանաչում, միջնորդեց դատական քննությունն արագացված կարգով անցկացնել, նշելով, որ միջնորդությունը ներկայացնում է կամավոր, իր պաշտպանի հետ խորհրդակցելուց հետո և գիտակցում է իր կողմից ներկայացված միջնորդության բնույթն ու հետևանքները:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3753-րդ հոդվածներով նախատեսված պայմանները որոշում է կայացրել դատական քննության արագացված կարգ կիրառելու մասին:
Վերը նկարագրված հանցանքի կատարման մեջ Նորայր Մկրտչյանի մեղավորությունը հաստատվել է նախաքննության ընթացքում տված ինչպես ամբաստանյալի խոստովանական, այնպես էլ գործով վկաներ Լիանա Գրիգորյանի, Մերի Գասպարյանի, անչափահաս վկա Լուիզա Գրիգորյանի և Էմմա Պալյանի նախաքննության ընթացքում տված ցուցմունքներով, ապրանքագիտական փորձաքննության թիվ 1006-ԱՊ փորձագետի եզրակացությունով:
Հաշվի առնելով, որ ամբաստանյալ Նորայր Մկրտչյանն իրեն առաջադրված մեղադրանքի հետ համաձայնվել է, այն հաստատվել է գործով ձեռք բերված ապացույցներով, դատարանը գտնում է, որ ամբաստանյալ Ն. Մկրտչյանը ՀՀ քրեական օրենսգրքի 258-րդ հոդվածի 2-րդ մասի հատկանիշներին համապատասխան հանցավոր արարք կատարելու համար ենթակա է քրեական պատասխանատվության:
Ամբաստանյալի նկատմամբ պատիժ նշանակելիս դատարանը հաշվի է առնում ինչպես կատարած հանցագործության բնույթն ու հանրության համար վտանգավորության աստիճանը, այնպես էլ ամբաստանյալի անձը բնութագրող տվյալները` այն, որ ամբաստանյալը երիտասարդ է, նախկինում դատված և արատավորված չի եղել, ՙՏապան՚ համատիրության նախագահ Է. Օհանյանի կողմից բնութագրվում է դրականորեն:
Որպես ամբաստանյալի պատասխանատվությունը և պատիժը մեղմացնող հանգամանքներ դատարանը դիտում է այն, որ ամբաստանյալն առաջին անգամ հանգամանքների պատահական զուգորդմամբ է կատարել ոչ մեծ ծանրության հանցանքը և զղջում է կատարածի համար:
Որպես ամբաստանյալի պատասխանատվությունը և պատիժը ծանրացնող հանգամանք դատարանը դիտում է հանցանքն ալկոհոլի ազդեցության տակ կատարելը:
Դատարանը գտնում է, որ ամբաստանյալ Նորայր Մկրտչյանն իր կատարած հանցանքի համար ենթակա է պատժի, որը պետք է կրի, իսկ նրա նկատմամբ որպես խափանման միջոց կիրառված չհեռանալու մասին ստորագրությունը պետք է թողնել անփոփոխ` մինչև դատավճռի օրինական ուժի մեջ մտնելը:
Ղեկավարվելով ՀՀ քրեական դատավարության օրենսգրքի 357-360-րդ, 365-րդ, 369-373-րդ, 3753-րդ հոդվածներով` դատարանը

Վ Ճ Ռ Ե Ց

Ամբաստանյալ Նորայր Գևորգի Մկրտչյանին մեղավոր ճանաչել ՀՀ քրեական օրենսգրքի 258-րդ հոդվածի 2-րդ մասով նախատեսված հանցանք կատարելու մեջ և նրան դատապարտել տուգանքի` նվազագույն աշխատավարձի երկուհարյուրապատիկի` 200.000 /երկու հարյուր հազար/ ՀՀ դրամի չափով:
Նորայր Մկրտչյանի նկատմամբ որպես խափանման միջոց կիրառված չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո մեկամսյա ժամկետում, բացառությամբ ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքի:


դատավոր` ստորագրություն
Բնագրի հետ ճիշտ է`

դատավոր` Ա. Խաչատրյան