գործ` ԵԱՔԴ/0183/01/13



Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը

Նախագահությամբ դատավոր` Արմեն Բեկթաշյանի
քարտուղարությամբ` Հասմիկ Արտաշեսյանի

մասնակցությամբ` մեղադրող` Էդգար Պետրոսյանի

ամբաստանյալ` Գագիկ Գյուլնազարյանի



2014 թվականի հունվարի 22-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`

Գագիկ Հրաչիկի Գյուլնազարյանի` ծնված 07.02.1956 թվականին, Հայաստանի Հանրապետության Գյումրի քաղաքում, ազգությամբ հայ, Հայաստանի Հանրապետության քաղաքացի, բարձրագույն կրթությամբ, ամուսնալուծված, խնամքին ոչ ոք, չի աշխատում, նախկինում չդատված, բնակվում է Երևան քաղաքի Ա. Սերոբ 3 շենք, բն. 70 հասցեում:

Գագիկ Գյուլնազարյանը մեղադրվում է ՀՀ քրեական օրենսգրքի 263-րդ հոդվածի 1-ին մասով:
2013 թվականի դեկտեմբերի 19-ի որոշմամբ Գագիկ Գյուլնազարյանի նկատմամբ որպես խափանման միջոց է ընտրվել ստորագրություն չհեռանալու մասին:



Գործի դատավարական նախապատմությունը.

ՀՀ ոստիկանության Երևան քաղաքի վարչության Արաբկիրի ՀԿԳ բաժնում 2012 թվականի դեկտեմբերի 03-ին ՀՀ քրեական օրենսգրքի 263 հոդվածի 1-ին մասի հատկանիշներով հարուցվել է թիվ 14820413 քրեական գործը:
2013 թվականի դեկտեմբերի 05-ին ՀՀ ոստիկանության Արաբկիրի քննչական բաժնում կայացվել է քրեական գործը վարույթ ընդունելու մասին որոշում:
2013թ. դեկտեմբերի 19-ին Գագիկ Հրաչիկի Գյուլնազարյանը ՀՀ քրեական օրենսգրքի 263 հոդվածի 1-ին մասով հանցանք կատարելու համար ներգրավվել է որպես մեղադրյալ և նույն օրը նրա նկատմամբ որպես խափանման միջոց է ընտրվել ստորագրություն չհեռանալու մասին:
Նախաքննական մարմնի կողմից Գագիկ Հրաչիկի Գյուլնազարյանին ՀՀ քրեական օրենսգրքի 263 հոդվածի 1-ին մասով մեղադրանք է առաջադրվել այն բանի համար, որ նա տարածել է պոռնկագրական նյութեր հանդիսացող նկարներ և տեսաֆիլմ.
Գագիկ Հրաչիկի Գյուլնազարյանը, հետաքրքրությունից դրդված, հոգեբանական ուսումնասիրություն կատարելու նպատակով, սեփական տեսախցիկով նկարահանել է իր սեռական օրգանը` արնանդամը, որից հետո, գրանցված լինելով ՙwww.MEENDO.COM՚ և ՙwww.XUJAN.COM՚ կայքերում, պոռնկագրական բույթի համարվող թվով 19 և 8 հատ նկարները տեղադրել է համացանցի իր էջում` հասանելի դարձնելով համացանցի տվյալ կայքի մյուս օգտատերերի համար, ցանկանալով վստահություն առաջացնել վիրտուալ տիրույթում մյուս անձանց մոտ: Ինչպես նաև նույն նպատակով նշված կայքերում տեղադրել է պոռնկագրական բնույթի տեսաֆիլմ:

Ապացույցների հետազոտում և գնահատում.

Դատաքննության ընթացքում ամբաստանյալ Գագիկ Գյուլնազարյանը առաջադրված մեղադրանքում իրեն մեղավոր ճանաչեց և հայտնեց, որ ցանկանում է, որպեսզի կիրառվի արագացված դատաքնության կարգ, սակայն գումար չունի պաշտպան ներկայացնելու համար, իսկ հանրային պաշտպան չի ցանկանում:
Ամբաստանյալը ցուցմունք տվեց այն մասին, որ համացանցը իրեն հետաքրքրել է մասնագիտական առումով, քանի որ ինքը մասնագիտությամբ կիբերնետիկ է: Ինքը փորձոել է պարզել, թե մարդիկ ինչու են իրական կյանքը փոխում վիրտուալ կյանքի հետ: Իր համար անհասկանալի երևույթ է, թե ինչու են մարդիկ դիմում վիրտուալ սեքսին, ուստի դրանք պարզելու համար գրանցվել է ՙwww.MEENO.COM՚ և ՙwww.XUJAN.COM՚ կայքերում: Նկարները կայքերում տեղադրելը ինքը դիտարկել է, որպես համացանցի տվյալ կայքի մյուս օգտատերերի նկատմամբ անկեղծության նշան: Ոստիկանության 6-րդ վարչությունում, ինչպես նաև Արաբկիրիր քննչական բաժնում իրեն մանրամասնորեն բացատրվել է իր արարքի հակաօրինականությունը և քրեորեն պատժելի լինելը: Ըստ իրեն` կայքերը, որտեղ ինքը գրանցվել է, չեն հանդիսացել լայնամասշտաբ օգտատերեր ունեցող կայքեր, ինչպիսիք են ՙՖեյսբուք՚, ՙՕդնոկլասսնիկի՚, ՙՏվիտեր՚, ՙԻնստոգրամ՚ և ինքը չի մտածել, որ իր բեռնած նկարները կարող են հասարակությանը հասանելի լինել: Ինքը ապրում է միայնակ, նկարները նկարել է տանը և դրանք տեղադրել է կայքերում իր բնակարանից: Իր նկարները արվեստի գործեր չեն եղել և հանդիսանում են պոռնոգրաֆիկ բնույթ ունեցող նյութեր: Ինքը ծանոթ չի եղել ՀՀ քրեական օրենսգրքին և չի գիտակցել, որ իր արարքները օրենքով արգելված են: Իր գրանցված կայքերում իր վերբեռնած նկարները կարող էին հասանելի լինել միայն այն անձանց շրջանակին, որոնք իրեն ՙընկեր՚ են եղել կայքում, իսկ իր էջի գլխավոր նկարը հասանելի է եղել ցանկացած կայք այցելողի, իսկ այդ կայքերը հանդիսացել են բաց կայքեր, որտեղ ցանկության դեպքում կարող է մուտք գործել համացանցի ծառայություններից օգտվող ցանկացած անձ:
Ամբաստանյալ Գագիկ Գյուլնազարյանի կատարած արարքը հիմնավորվել է նաև հետևյալ ապացույցներով.
Վեբ կայքի զննության արձանագրությամբ այն մասին, որ ՀՀ ոստիկանության ԿՀԴՊ ԳՎ 3-րդ վարչության 1-ին բաժնում, Գ.Գյուլնազարյանի մասնակցությամբ ՙMozilla Firefox՚ վեբ դիտարկիչի միջոցով հասանելիություն է ստացել ՙwww.MEEDO.COM՚ ինտիմ ծառայությունների կայքին, որտեղ ՙՎօյտի՚ բաժնի ՙԼոգին՚ և ՙՊառոլ՚ դաշտերում մուտքագրվել է վերջինիս անձնական մուտքանունըª ՙgggyul՚ և ծածկագիրըª ՙgggggggggg՚, որի արդյունքում բացվել է իր էջը: Անկետայի ՙֆոտո՚ բաժնում տեղակայված է եղել թվով 2 լուսանկար ՙԼիչնիե ֆոտո՚ և ՙՍպերմա՚ անվանումներով, որոնցից առաջինը պարունակել է թվով 5 հատ, իսկ երկրորդըª 14 հատ նկարներ: Զննության ժամանակ Գագիկ Գյուլնազարյանը հայտարարել է, որ վեբ կայքում տեղադրված նկարները իրենն են և այնտեղ պատկերված է ինքը:
Այնուհետև նույն ձևով հասանելիություն է ստացվել ՙwww.XUJAN.COM՚ կայքին, որտեղ վերը նկարագրված ձևով բացվել է Գ.Գյուլնազարյանի անձնական էջը, որտեղ տեղադրված լուսանկարներում կրկին պատկերված է եղել Գ.Գյուլնազարյանը և վերջինս ընդունել է, որ այդ նկարները իրենն են: Բացի այդ, նույն էջում առկա է եղել 1 հատ ՙՎոտ կակ յա լյուբլյու յեն.՚ անվանումով տեսահոլովակ, որտեղ ներկայացվում է սեռական հարաբերություն:
Մշակութաբանական փորձաքննության թիվ 02688 եզրակացությամբ այն մասին, որ`
ՙwww.MEENDO.COM՚` 19 լուսանկար, որոնցում պատկերված է տղամարդ` անանիզմով զբաղվելիս, պոռնկագրական բնույթի է:
ՙwww.XUJAN.COM՚` 8 լուսանկար, որոնցում պատկերված է նույն տղամարդը անանիզմով զբաղվելիսª պոռնկագրական բնույթի է: Առկա է նաև 1 տեսանյութ 54 վայրկյան տևողությամբ, որ ներկայացնում է հատված սեռական կյանքից` սիրողական նկարահանված: Տեսանյութը պոռնկագրական բնույթի է: Պոռնկագրական բնույթի են համարվում այն տեսանյութերը, որոնցում գռեհիկ, կոպիտ, նատուրալիստական ձևով ցույց են տրվում սեռական ակտի և սեռական օրգանների անատոմիական և ֆիզիոլոգիական մանրամասնությունները:
Նշված 19 և 8 թվային լուսանկարները տպագրված են փորձաքննության են ներկայացվել թվով 7 թերթի վրա: Լազերային սկավառակի և թվով 7 թերթի վրա առկա լուսանկարները և տեսանյութը պոռնկագրական բնույթի են:
Այլ փաստաթուղթ ճանաչված և փորձաքննությանը ներկայացված թվով 7 թերթի վրա և լազերային սկավառակի վրա առկա լուսանկարներով, որտեղ պատկերված են Գ.Գյուլնազարյանի պոռնկագրական բնույթի լուսանկարները և մեկ տեսանյութ:
Դատաքննությամբ հիմնավորվեց, որ ամբաստանյալ Գագիկ Հրաչիկի Գյուլնազարյանը տարածել է պոռնկագրական նյութեր, այդ թվում` տեսաֆիլմի նյութ և պատկերներ` նկարներ.
Ամբաստանյալ Գագիկ Հրաչիկի Գյուլնազարյանը Երևան քաղաքի Ա.Սերոբ 3 շենք, բն. 70 հասցեում գտնվող իր բնակարանում սեփական տեսախցիկով նկարահանել է իր սեռական օրգանը` արնանդամը, որից հետո, գրանցված լինելով ՙwww.MEENDO.COM՚ և ՙwww.XUJAN.COM՚ կայքերում, պոռնկագրական բույթի համարվող համապատասխանաբար թվով 19 և 8 հատ նկարները և մեկ տեսաֆիլմը, որոնցում կոպիտ, գռեհիկ, նատուրալիսական ձևով մանրակրկտորեն ցույց են տրվում սեռական ակտի անատոմիական, ֆիզիոլոգիական առանձնահատկությունները տեղադրել է համացանցի բաց կայքեր համարվող ՙwww.MEENDO.COM՚ և ՙwww.XUJAN.COM՚ կայքերի իր էջերում` դրանք հասանելի դարձնելով համացանցի տվյալ կայքերի մյուս օգտատերերին, ինչը բացահայտվել է ՀՀ Ոստիկանությունում ստացված օպերատիվ տեղեկությունների արդյունքում:
Այսպիսով, ընդհանուր կարգով սահմանված դատաքննությամբ հետազոտված ապացույցների հիման վրա դատարանն ապացուցված է համարում, որ ամբաստանյալ Գագիկ Հրաչիկի Գյուլնազարյանը կատարել է ՀՀ քրեական օրենսգրքի 263-րդ հոդվածի 1-ին մասով նախատեսված հանցագործություն` որպիսի արարքի համար նա պետք է պատասխանատվության ենթարկվի:
Գագիկ Հրաչիկի Գյուլնազարյանը ենթակա է պատժի կատարած արարքի համար:

Դատարանի իրավական վերլուծությունները.

ՀՀ քրեական օրենսգրքի 61-րդ հոդվածի 2-րդ մասի համաձայն` պատժի չափը և տեսակը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով:
Ամբաստանյալ Գագիկ Հրաչիկի Գյուլնազարյանը անկեղծորեն խոստովանեց և զղջաց կատարած արարքի համար, նախկինում դատապարտված չի եղել:
Ամբաստանյալ Գագիկ Հրաչիկի Գյուլնազարյանը պատասխանատվությունը և պատիժը մեղմացնող ու ծանրացնող հանգամանքներ չկան:
ՀՀ քրեական դատավարության օրենսգրքի 10-րդ հոդվածի 1-ին մասը սահմանում է` ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի՝ համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական դատավարության օրենսգրքի 48-րդ հոդվածի 2-րդ մասը սահմանում է` ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական դատավարության օրենսգրքի 61-րդ հոդվածը սահմանում է` ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները: (....): Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները:
ՀՀ քրեական օրենսգրքի 57-րդ հոդվածի 1-ին մասի համաձայն` ՙ(...):Կալանքը կարող է նշանակվել ոչ մեծ և միջին ծանրության հանցանքների համար սույն օրենսգրքի Հատուկ մասով նախատեսված դեպքերում` տասնհինգ օրից մինչև երեք ամիս ժամկետով և միայն այն դեպքում, երբ կալանավորումը որպես խափանման միջոց չի կիրառվել՚:
Սույն քրեական գործով Գագիկ Հրաչիկի Գյուլնազարյանը մեղադրանք է առաջադրվել ՀՀ քրեական օրենսգրքի 263 հոդվածի 1-ին մասով, որի սանկցիան նախատեսում է հետևյալ պատժատեսակները` տուգանք՝ նվազագույն աշխատավարձի երկուհարյուրապատիկից չորսհարյուրապատիկի չափով, կամ կալանք՝ առավելագույնը երկու ամիս ժամկետով, կամ ազատազրկում՝ առավելագույնը երկու տարի ժամկետով:
Դատարանը, հաշվի առնելով, որ ամբաստանյալ Գագիկ Հրաչիկի Գյուլնազարյանը չի աշխատում, չունի մշտական եկամտի աղբյուր, բավարար միջոցներ չի ունեցել պաշտպանին վարձատրելու, գտնում է, որ Գագիկ Հրաչիկի Գյուլնազարյանի նկատմամբ ՀՀ քրեական օրենսգրքի 263-րդ հոդվածի 1-ին մասի սանկցիայով նախատեսված ՙտուգանք՚ պատժատեսակի նշանակումը նպատակահարմար չէ, քանի որ հիմնավոր կասկածներ կան, որ դատարանի կողմից նշանակված նվազագույն աշխատավարձի առավելագույնը չորսհարյուրապատիկի` մինչև 400.000 ՀՀ դրամ գումարի սահմաններում տուգանքի գումարը նա չի կարող վճարել, ինչպես նաև հաշվի առնելով Գագիկ Գյուլնազարյանի կատարած արարքի բնույթն ու վտանգավորության աստիճանը, նրա վարքագիծը, պատասխանատվությունը և պատիժը մեղմացնող հանգամանքների բացակայությունը, ղեկավարվելով օրինականության, արդարության, պատժի անհատականացման ու մարդասիրության սկզբունքներով, դատարանը գտնում է, որ ամբաստանյալի նկատմամբ պատիժ պետք է նշանակել կալանքի ձևով` որոշակի ժամկետով, որով հնարավոր կլինի հասնել ՀՀ քրեական օրենսգրքի 48-րդ հոդվածով սահմանված պատժի նպատակներին` սոցիալական արդարության վերականգնմանը, պատժի ենթարկված անձի ուղղմանը և հանցագործությունների կանխմանը:
Քննության առնելով այլ ապացույցների տնօրինման հարցը` դատարանը գտնում է, որ քրեական գործով իրեղեն ապացույց ճանաչված և քրեական գործին կցված լազերային սկավառակը և թվով 7 թերթի վրա տպագրված լուսանկարները պետք է թողնել քրեական գործին կցված:
Դատարանը քննարկելով ամբաստանյալ Գագիկ Հրաչիկի Գյուլնազարյանի նկատմամբ ընտրված խափանման միջոցի հարցը, գտնում է, որ ընտրված խափանման միջոցը` ստորագրություն չհեռանալու մասին, պետք է վերացնել դատավճռի օրինական ուժի մեջ մտնելու պահից:

Եզրափակիչ մաս.

Ղեկավարվելով ՀՀ քրեական դատավարության օրենսգրքի 357-360-րդ հոդվածներով, դատարանը

Վ Ճ Ռ Ե Ց`

Գագիկ Հրաչիկի Գյուլնազարյանին մեղավոր ճանաչել ՀՀ քրեական օրենսգրքի 263 հոդվածի 1-ին մասով և նրան դատապարտել կալանքի` 1 /մեկ/ ամիս ժամկետով:
Գագիկ Հրաչիկի Գյուլնազարյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ մինչև դատավճիռն օրինական ուժի մեջ մտնելը և նրան վերցնել կալանքի դատավճիռն օրինական ուժի մեջ մտնելու պահից:
Գագիկ Հրաչիկի Գյուլնազարյանի պատժի սկիզբը հաշվել նրան փաստացի կալանքի վերցնելու պահից:
Քրեական գործով այլ ապացույց ճանաչված և քրեական գործին կցված թվով 7 թերթի վրա առկա լուսանկարները և մեկ լազերային սկավառակը` թողնել քրեական գործին կցված:
Սույն դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում:


ԴԱՏԱՎՈՐ` Ա.ԲԵԿԹԱՇՅԱՆ