գործ ԵԱՔԴ/0181/01/13
Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանը

Նախագահությամբ դատավոր` Արմեն Բեկթաշյանի
քարտուղարությամբ` Հասմիկ Արտաշեսյանի

մասնակցությամբ`
մեղադրող` Գայանե Աղաջանյանի

տուժողի ներկայացուցիչ` Լևոն Սահակյանի

ամբաստանյալ` Մուշեղ Պետրոսյանի

2014 թվականի հունվարի 31-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`

Մուշեղ Պետիկի Պետրոսյանի` ծնված 27.05.1957 թվականին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնալուծված, խնամքին ոչ ոք, նախկինում երկու անգամ դատված`
1. Երևանի քրեական դատարանի 2008 թվականի հունիսի 02-ի դատավճռով ՀՀ քրեական օրենսգրքի 177 հոդվածի 2-րդ մասի 3-րդ և 4-րդ կետերով և ՀՀ քրեական օրենսգրքի 235 հոդվածի 1-ին մասով,ՀՀ քրեական օրենսգրքի 66 հոդվածի կիրառմամբ դատապարտվել է ազատազրկման 2 /երկու/ տարի 3 /երեք/ ամիս ժամկետով, պատժի կրման սկիզբը հաշվվել է 2008 թվականի մարտի 19-ից, 2009 թվականի հունիսի 24-ի որոշմամբ ՙՀայաստանի Հանրապետության անկախության հռչակման 18-րդ տարեդարձի կապակցությամբ համաներում հայտարարելու մասին՚ ՀՀ Ազգային ժողովի 2009 թվականի հունիսի 19-ի որոշման կիրառմամբ ազատվել է պատժի կրումից, Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2014 թվականի հունվարի 21-ի որոշմամբ Մուշեղ Պետիկի Պետրոսյանի ՀՀ քրեական օրենսգրքի 177 հոդվածի 2-րդ մասի 3-րդ և 4-րդ կետերով և ՀՀ քրեական օրենսգրքի 235 հոդվածի 1-ին մասով արարքները համապատասխանեցվել է ՀՀ գործող քրեական օրենսգրքի 177 հոդվածի 2-րդ մասի 3-րդ կետի և ՀՀ քրեական օրենսգրքի 235 հոդվածի 1-ին մասի հատկանիշներին և 2 /երկու/ տարի 3 /երեք/ ամիս ժամկետով ազատազրկման ձևով նշանակված պատիժը թողնվել է անփոփոխ, դատվածությունը չմարված,
2. Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2010 թվականի օգոստոսի 18-ի դատավճռով ՀՀ քրեական օրենսգրքի 177 հոդվածի 2-րդ մասի 3-րդ և 4-րդ կետերով և ՀՀ քրեական օրենսգրքի 235 հոդվածի 1-ին մասով ՀՀ քրեական օրենսգրքի 66 հոդվածի կիրառմամբ դատապարտվել է ազատազրկման 3 /երեք/ տարի ժամկետով: 2011 թվականի հունիսի 29-ին Մուշեղ Պետիկի Պետրոսյանի ՀՀ քրեական օրենսգրքի 177 հոդվածի 2-րդ մասի 3-րդ և 4-րդ կետերով և ՀՀ քրեական օրենսգրքի 235 հոդվածի 1-ին մասով արարքը վերավորակվել է ՀՀ քրեական օրենսգրքի 177 հոդվածի 2-րդ մասի 3-րդ կետով և ՀՀ քրեական օրենսգրքի 235 հոդվածի 1-ին մասով և Մուշեղ Պետրոսյանի նկատմամբ նշանակվել է պատիժ ազատազրկում 3 /երեք/ տարի ժամկետով, ազատվել է պատժի կրումից 2013 թվականի հունիսի 14-ին` պատիժն ամբողջությամբ կրելուց հետո, դատվածությունը չմարված, չի աշխատել, մշտական բնակության վայր չի ունեցել, կալանքի տակ է 2013 թվականի դեկտեմբերի 12-ից:

Մուշեղ Պետիկի Պետրոսյանը մեղադրվում է ՀՀ քրեական օրենսգրքի 34-177 հոդվածի 2-րդ մասի 3-րդ կետով:
2013 թվականի դեկտեմբերի 12-ի որոշմամբ Մուշեղ Պետիկի Պետրոսյանի նկատմամբ որպես խափանման միջոց է ընտրվել կալանավորումը:

Գործի դատավարական նախապատմությունը.

2013 թվականի դեկտեմբերի 06-ին ՀՀ ոստիկանության Երևան քաղաքի վարչության Քանաքեռ-Զեյթուն քննչական բաժնում Մուշեղ Պետիկի Պետրոսյանի կողմից գույքի գաղտնի հափշտակության` գողության փորձ կատարելու դեպքի առթիվ ՀՀ քրեական օրենսգրքի 34-177 հոդվածի 2-րդ մասի 3-րդ կետի հատկանիշներով հարուցվել է թիվ 09133413 քրեական գործը:
2013 թվականի դեկտեմբերի 06-ի որոշմամբ կասկածյալ Մուշեղ Պետիկի Պետրոսյանի նկատմամբ որպես խափանման միջոց է ընտրվել ստորագրություն չհեռանալու մասին:
2013 թվականի դեկտեմբերի 06-ի որոշմամբ ՙՊրես Ստենդ՚ ՍՊ ընկերությունը թիվ 09133413 քրեական գործով ճանաչվել է տուժող:
2013 թվականի դեկտեմբերի 10-ի որոշմամբ Արամ Թումասյանը ճանաչվել է թիվ 09133413 քրեական գործով տուժողի ներկայացուցիչ:
2013 թվականի դեկտեմբերի 12-ի որոշմամբ Մուշեղ Պետիկի Պետրոսյանը ՀՀ քրեական օրենսգրքի 34-177 հոդվածի 2-րդ մասի 3-րդ կետով նախատեսված հանցանք կատարելու համար ներգրավվել է որպես մեղադրյալ և նույն օրը նրա նկատմամբ որպես խափանման միջոց է ընտրվել կալանավորումը 2 /երկու/ ամիս ժամկետով:

Նախաքննական մարմնի կողմից Մուշեղ Պետիկի Պետրոսյանին ՀՀ քրեական օրենսգրքի 34-177 հոդվածի 2-րդ մասի 3-րդ կետով մեղադրանք է առաջադրվել այն բանի համար, որ նա փորձել է շինություն ապօրինի մուտք գործելով կատարել ուրիշի գույքի գաղտնի հափշտակություն` գողություն.
Մուշեղ Պետրոսյանը չունենալով մշտական բնակության վայր 2013 թվականի դեկտեմբերի 05-ի լույս 06-ի գիշերը գտնվել է Երևան քաղաքի ՙԴավիթ Անհաղթ՚ այգում, ցրտի պատճառով որոշել է բնակարան վարձել, սակայն անհրաժեշտ գումար չի ունեցել: Ստեղծված իրավիճակից դուրս գալու ելք չգտնելով` որոշել է գողություն կատարել, որպեսզի մոտ 30.000-40.000 ՀՀ դրամ գումար ձեռք բերի և բնակարան վարձի` ձմեռն անցկացնելու համար: Նույն օրը ժամը 03-ից 04-ի սահմաններում Մուշեղ Պետրոսյանը դուրս է եկել նշված այգուց և զգալի չափի գույքի գաղտնի հափշտակություն կատարելու նպատակով գնացել է Երևան քաղաքի Ա.Ահարոնյան և Կ.Ուլնեցի փողոցների խաչմերուկ, որտեղ նկատել է ՙՊրես Ստենդ՚ ՍՊԸ-ին պատկանող ՙՀայ մամուլ՚ թերթերի վաճառքի կրպակը: Գետնից վերցրել է մի քար և դրանով հարվածել ու կոտրել է կրպակի ապակին, որին հաջորդաբար կրպակի ներսի կողմից ամրացված է եղել նաև մետաղյա թիթեղ: Փորձելով ապօրինի մուտք գործել կրպակ` մի քանի անգամ ոտքով հարվածել է մետաղյա թիթեղին, սակայն չկարողանալով այն բացել, հանցագործությունն ավարտին չի հասցրել` իր կամքից անկախ հանգամանքներով: Դրանից հետո, այնտեղից հեռանալով, վերադարձել է ՙԴավիթ Անհաղթ՚ այգի: Երկու ժամ այգում մնալուց հետո վատ է զգացել իր կատարած արարքի համար և ժամը 0700-ին ներկայացել է ՀՀ ոստիկանության Քանաքեռ-Զեյթուն բաժին ու պատմել իր կատարած արարքի մասին:
2013 թվականի դեկտեմբերի 28-ին քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Ապացույցների հետազոտում և գնահատում.

Ամբաստանյալ Մուշեղ Պետիկի Պետրոսյանը ՀՀ քրեական օրենսգրքի 34-177 հոդվածի 2-րդ մասի 3-րդ կետով իրեն մասնակի մեղավոր ճանաչեց և ցուցմունք տվեց այն մասին, որ ինքը գողություն կատարելու մտադրություն չի ունեցել, պարզապես գտնվել է անելանելի վիճակում, քանի որ ցրտի պատճառով մրսել է, նյարդերն էլ տեղի են տվել, այդ իսկ պատճառով կոտրել է ապակին` մտածելով, որ ՙԱվելի լավ է մի ստից բան անեմ, բռնեն տանեն, քան մնամ դրսում մրսեմ՚, ու եթե մտադրություն ունենար գողություն կատարելու, ապա մոտակայքում խանութներ են եղել, որոնք մետաղյա պատնեշ չեն ունեցել, կմտներ և այդ խանութներից գողություն կկատարեր: Բացի այդ էլ ինքն է մեղայականով ներկայացել ոստիկանության բաժին ու կատարվածի մասին հայտնել, որտեղ ևս ասել է, որ փորձել է գողություն կատարել ՙՀայ մամուլ՚-ի կրպակից, սակայն չի կարողացել ավարտին հասցնել: Այդպես է ասել, որպեսզի իրեն բռնեն և չմնա դրսում մրսի:
Սակայն Մուշեղ Պետիկի Պետրոսյանը նախաքննության ընթացքում 06.12.2013 թվականին` որպես կասկածյալ 12.12.2013 և 24.12.2013 թվականներին` որպես մեղադրյալ ցուցմունքներ է տվել այն մասին, որ 2013 թվականի դեկտեմբերի 06-ի գիշերը գտնվել է ՙԴավիթ Անհաղթ՚ այգում, և շատ ցուրտ լինելու պատճառով մրսել է, ու ստեղծված իրավիճակից դուրս գալու ելք չգտնելով, որոշել է գողություն կատարել: Ժամը 03-ից մինչև 04-ի սահմաններում դուրս գալով այգուց քայլել է դեպի Ուլնեցի-Ահարոնյան փողոցների խաչմերուկ: Ուլնեցի Ահարոնյան խաչմերուկում տեսնելով մի փոքրիկ կրպակ, որոշել է այնտեղից գողություն կատարել` մտածելով, որ կրպակում ծխախոտ, քաղցրավենիք և գումար կլինի: Այնուհետև գետնից վերցնելով քարը, հարվածել է կրպակի ապակուն և ապակին ջարդելուց հետո նկատել է, որ ապակու հետևում կա մետաղյա պատնեշ, ինչին մի քանի անգամ ոտքով հարվածելուց հետո հասկացել է, որ պատնեշը չի կոտրվում և հուսահատ վերադարձել է ՙԴավիթ Անհաղթ՚ այգի: Երկու ժամ այգում մնալուց հետո վատ է զգացել իր կատարած արարքի համար և որոշել է գնալ ոստիկանության բաժանմունք ու հայտնել տեղի ունեցածի մասին: Իր կատարած արարքի համար զղջում է, հայտնելով, որ դա արել է սոցիալական ծանր պայմաններից ելնելով:
Ամբաստանյալ Մուշեղ Պետիկի Պետրոսյանի կողմից ՀՀ քրեական օրենսգրքի 34-177 հոդվածի 2-րդ մասի 3-րդ կետով կատարած հանցանքը հիմնավորվել է նաև հետևյալ ապացույցներով.
Վկա` Հասմիկ Շմավոնի Մովսեսյանի ցուցմունքով այն մասին, որ 2008 թվականից սկսած աշխատում է ՙՊրես Ստենդ՚ ընկերությանը պատկանող Երևան քաղաքի Ա.Ահարոնյան և Կ.Ուլնեցի փողոցների խաչմերուկում գտնվող կրպակում` որպես կրպակավարուհի: 2013 թվականի դեկտեմբերի 05-ին ժամը 1900-ին փակել է կրպակը և դուրս եկել: 2013 թվականի դեկտեմբերի 06-ին, ժամը 0800-ին սովորականի պես գնացել է կրպակ, դիմացի հատվածից բացել կրպակի դուռը և ներս մտնելով նկատել է, որ կրպակի ձախ կողմի պատին դրված տետրերն ընկած են հատակին, սակայն ոչինչ չի կասկածել, քանի որ երբեմն եղել են դեպքեր, որ տետրերը սահել ու վայր են ընկել: Նույն օրը ժամը 0910-ի սահմաններում կրպակ են եկել ոստիկանության աշխատակիցները և հայտնել, որ կրպակից գողության փորձ է կատարվել: Այնուհետև դուրս են եկել ու տեսել, որ կրպակի ձախ կողմի ապակին կոտրված է, իսկ բեկորները թափված են գետնին: Քանի որ ինքն աշխատանքի է գնում Ա.Ահարոնյան փողոցի կողմից և կրպակ է մտնում հենց դիմացի հատվածում գտնվող դռնից, ուստի դա է պատճառը, որ չի նկատել կրպակի կոտրված ապակին: Դրանից հետո ինքը ոստիկանների հետ միասին գնացել է ոստիկանություն և կատարվածի մասին հաղորդում տվել:
Տուժողի ներկայացուցիչ` Լևոն Սահակյանի բացատրությամբ այն մասին, որ 2013 թվականի դեկտեմբերի 10-ին` ՙՊրես Ստենդ՚ ՍՊ ընկերության տնօրեն Էռնեստ Սմբատյանի կողմից լիազորվել է` ՙՊրես Ստենդ՚ ՍՊ ընկերության կողմից ՀՀ պետական և տեղական ինքնակառավարման մարմինների մոտ հանդես գալու, ինչպես նաև ՙՊրես Ստենդ՚ ՍՊ ընկերության շահերն այլ իրավաբանական անձանց մոտ ներկայացնելու համար: Նույն օրը` 2013 թվականի դեկտեմբերի 10-ին ՙՊրես Ստենդ՚ ՍՊ ընկերության ղեկավարության կողմից տեղեկացվել է, որ իրենց ընկերությանը պատկանող` Ա.Ահարոնյան և Կ.Ուլնեցի փողոցների խաչմերուկում գտնվող ՙՀայ մամուլ՚ կրպակի ապակին կոտրել են և փորձել գողություն կատարել, սակայն հանդիպելով ապակու հետևում գտնվող մետաղյա պատնեշին, չեն կարողացել գողություն կատարել և ոչինչ չվերցնելով հեռացել են: Գործի քննության արդյունքում պարզվել է, որ ՙՊրես Ստենդ՚ ՍՊ ընկերությանը պատկանող ՙՀայ մամուլ՚ կրպակից գողություն անելու փորձ է կատարել Մուշեղ Պետրոսյանը: Քանի որ ՙՊրես Ստենդ՚ ՍՊ ընկեությանը պատկանող կրպակից ոչինչ չի գողացվել, ուստի ընկերությունն ամբաստանյալ Մուշեղ Պետրոսյանի նկատմամբ բողոք և քաղաքացիական հայցի պահանջ չունի:
Անձի ոստիկանության բաժին մեղայականով ներկայանալու վերաբերյալ 2013 թվականի դեկտեմբերի 06-ին կազված արձանագրությամբ այն մասին, որ նույն օրը ժամը 0700-ին Մուշեղ Պետիկի Պետրոսյանն ինքնակամ ներկայանալով ՀՀ ոստիկանության Երևան քաղաքի վարչության Քանաքեռ-Զեյթուն բաժին և հայտնել, որ փորձել է գողություն կատարել ՙՀայ մամուլ՚-ի կրպակից, սակայն չի կարողացել ավարտին հասցնել ու մեղայականով ներկայացել է ոստիկանության բաժին:
Դեպքի վայրի զննության արձանագրությամբ այն մասին, որ ՙՊրես Ստենդ՚ ՍՊ ընկերությանը պատկանող Երևան քաղաքի Ա.Ահարոնյան և Կ.Ուլնեցի փողոցների խաչմերուկում գտնվող ՙՀայ մամուլ՚ կրպակի ապակին կոտրված է:
Քննչական փորձարարություն կատարելու վերաբերյալ արձանագրությամբ այն մասին, որ Մուշեղ Պետիկի Պետրոսյանը մատնացույց է արել Երևան քաղաքի Ա.Ահարոնյան և Կ.Ուլնեցի փողոցների խաչմերուկում գտնվող ՙՊրես Ստենդ՚ ՍՊ ընկերությանը պատկանող ՙՀայ մամուլ՚ կրպակը և հայտարարել, որ 2013 թվականի դեկտեմբերի 06-ին 0300-ից մինչև 0400-ն ընկած ժամանակահատվածում հենց այդ կրպակի ապակին է կոտրել ու փորձել գողություն կատարել այնտեղից:

Դատարանը, հետազոտելով քրեական գործով ձեռք բերված ապացույցները և գնահատելով դրանց վերաբերելիության, թույլատրելիության, իսկ ամբողջ ապացույցներն իրենց համակցությամբ գործի լուծման համար բավարարության տեսանկյունից, հանգում է այն հետևության, որ ամբաստանյալ Մուշեղ Պետիկի Պետրոսյանի կողմից իրեն մասնակի մեղավոր ճանաչելը նպատակ է հետապնդում խույս տալ քրեական պատասխանատվությունից ու պատժից և նրա ցուցմունքը ժխտվում է ինչպես մեղայականով ոստիկանության բաժին ներկայանալու վերաբերյալ 2013 թվականի դեկտեմբերի 06-ին կազված արձանագրությամբ այն մասին, որ նույն օրը ժամը 0700-ին Մուշեղ Պետիկի Պետրոսյանն ինքնակամ ներկայանալով ՀՀ ոստիկանության Երևան քաղաքի վարչության Քանաքեռ-Զեյթուն բաժին և հայտնել, որ փորձել է գողություն կատարել ՙՀայ մամուլ՚-ի կրպակից, սակայն չի կարողացել ավարտին հասցնել ու մեղայականով ներկայացել է ոստիկանության բաժին, այնպես էլ իր իսկ կողմից նախաքննության ընթացքում` 06.12.2013 թվականին` որպես կասկածյալ 12.12.2013 և 24.12.2013 թվականներին` որպես մեղադրյալ տրված ցուցմունքներով այն մասին, որ 2013 թվականի դեկտեմբերի 06-ի գիշերը գտնվել է ՙԴավիթ Անհաղթ՚ այգում, և շատ ցուրտ լինելու պատճառով մրսել է, ու ստեղծված իրավիճակից դուրս գալու ելք չգտնելով, որոշել է գողություն կատարել: Ժամը 03-ից մինչև 04-ի սահմաններում դուրս գալով այգուց քայլել է դեպի Ուլնեցի-Ահարոնյան փողոցների խաչմերուկ: Ուլնեցի Ահարոնյան խաչմերուկում տեսնելով մի փոքրիկ կրպակ, որոշել է այնտեղից գողություն կատարել` մտածելով, որ կրպակում ծխախոտ, քաղցրավենիք և գումար կլինի: Այնուհետև գետնից վերցնելով քարը, հարվածել է կրպակի ապակուն և ապակին ջարդելուց հետո նկատել է, որ ապակու հետևում կա մետաղյա պատնեշ, ինչին մի քանի անգամ ոտքով հարվածելուց հետո հասկացել է, որ պատնեշը չի կոտրվում և հուսահատ վերադարցել է ՙԴավիթ Անհաղթ՚ այգի: Երկու ժամ այգում մնալուց հետո վատ է զգացել իր կատարած արարքի համար և որոշել է գնալ ոստիկանության բաժանմունք ու հայտնել տեղի ունեցածի մասին: Իր կատարած արարքի համար զղջում է, հայտնելով, որ դա արել է սոցիալական ծանր պայմաններից ելնելով, քննչական փորձարարություն կատարելու մասին արձանագրությամբ:

Դատաքննությամբ հիմնավորվեց, որ ամբաստանյալ Մուշեղ Պետիկի Պետրոսյանը փորձել է շինություն ապօրինի մուտք գործելով կատարել ուրիշի գույքի գաղտնի հափշտակություն` գողություն, այն է` ամբաստանյալ Մուշեղ Պետիկի Պետրոսյանը, գողություն կատարելու նպատակով, 2013 թվականի դեկտեմբերի 05-ի լույս 06-ի գիշերը ժամը 0300-ից 0400-ի սահմաններում դուրս գալով ՙԴավիթ Անհաղթ՚ այգուց, գնացել է Երևան քաղաքի Ա.Ահարոնյան և Կ.Ուլնեցի փողոցների խաչմերուկ, որտեղ տեսնելով ՙՊրես Ստենդ՚ ՍՊ ընկերությանը պատկանող ՙՀայ մամուլ՚ թերթերի վաճառքի կրպակը և մտածելով, որ կրպակում ծխախոտ, քաղցրավենիք և գումար կլինի, որոշել է հենց այդ կրպակից գողություն կատարել: Այնուհետև գետնից վերցնելով մի քար, դրանով հարվածել ու կոտրել է կրպակի ապակին, սակայն տեսել է, որ ապակու հետևի մասում` կրպակի ներսի կողմից ամրացված է նաև մետաղյա թիթեղ: Փորձելով ապօրինի մուտք գործել կրպակ` մի քանի անգամ ոտքով հարվածել է մետաղյա թիթեղին, սակայն չի կարողացել այն բացել և իր կողմից անկախ հանգամանքերով հանցագործությունն ավարտին չի հասցրել և այնտեղից հեռանալով վերադարձել է ՙԴավիթ Անհաղթ՚ այգի: Երկու ժամ այգում մնալուց հետո` կատարած արարքի համար զղջացել է և ժամը 0700-ին ինքնակամ ներկայացել է ՀՀ ոստիկանության Երևան քաղաքի Քանաքեռ-Զեյթունի բաժին, հայտնել իր կողմից կատարված գողության փորձի մասին զղջացել:
Այսպիսով, ընդհանուր կարգով սահմանված դատաքննությամբ հետազոտված ապացույցների հիման վրա դատարանն ապացուցված է համարում, որ ամբաստանյալ Մուշեղ Պետիկի Պետրոսյանը կատարել է ՀՀ քրեական օրենսգրքի 34-177-րդ հոդվածի 2-րդ մասի 3-րդ կետով նախատեսած հանցագործություն` որպիսի արարքի համար նա պետք է պատասխանատվության ենթարկվի:
Մուշեղ Պետիկի Պետրոսյանը ենթակա է պատժի կատարած արարքի համար:

Դատարանի իրավական վերլուծությունները.

ՀՀ քրեական օրենսգրքի 61 հոդվածի 2-րդ մասի համաձայնª ՙՊատժի տեսակը և չափը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով՚:
Ամբաստանյալ Մուշեղ Պետիկի Պետրոսյանը անկեղծորեն խոստովանեց և զղջաց կատարած արարքի համար, նախկինում եղել է երկու անգամ դատապարտված դատվածությունները չմարված:
Որպես ամբաստանյալ Մուշեղ Պետիկի Պետրոսյանի պատասխանատվությունը և պատիժը մեղմացնող հանգամանք դատարանը դիտում է մեղայականով ներկայանալը, հանցագործությունը բացահայտելուն աջակցելը:
Որպես ամբաստանյալ Մուշեղ Պետիկի Պետրոսյանի պատասխանատվությունը և պատիժը ծանրացնող հանգամանք դատարանը դիտում է հանցանքը կատարելու ռեցիդիվը:

ՀՀ քրեական օրենսգրքի 10-րդ հոդվածի 1-ին մասը սահմանում էª ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի՝ համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 2-րդ մասը սահմանում էª ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածը սահմանում էª ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները: (….): Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները՚:
ՀՀ քրեական դատավարության օրենսգրքի 84-րդ հոդվածի 1-ին մասը սահմանում է` ՙԱնձը դատվածություն ունեցող է համարվում մեղադրական դատավճիռն օրինական ուժի մեջ մտնելու օրվանից մինչև դատվածությունը մարվելու կամ հանվելու պահը՚:
Նույն հոդվածի 2-րդ մասը սահմանում է` ՙԴատվածությունը, սույն օրենսգրքին համապատասխան, հաշվի է առնվում հանցագործության ռեցիդիվի դեպքում և պատիժ նշանակելիս՚:
Նույն հոդվածի 4-րդ մասի 3-րդ կետը սահմանում է` ՙԴատվածությունը մարվում է՝ ոչ մեծ կամ միջին ծանրության հանցագործության համար ազատազրկման դատապարտված անձանց նկատմամբ՝ պատիժը կրելուց երեք տարի անցնելուց հետո՚:
Նույն հոդվածի 5-րդ մասի համաձայն` ՙԵթե անձն օրենքով սահմանված կարգով պայմանական վաղաժամկետ ազատվել է պատիժը կրելուց, կամ պատժի չկրած մասը փոխարինվել է ավելի մեղմ պատժով, ապա դատվածությունը մարելու ժամկետը հաշվարկվում է հիմնական պատիժը և լրացուցիչ պատիժը կրելուց ազատելու պահից՚:
Նույն հոդվածի 7-րդ մասը սահմանում է` ՙԵթե անձը մինչև դատվածությունը մարվելը նոր հանցանք է կատարում, ապա դատվածության մարման ժամկետն ընդհատվում է: Առաջին հանցագործության համար դատվածությունը մարվելու ժամկետը հաշվարկվում է վերստին՝ վերջին հանցագործության համար պատիժը (հիմնական և լրացուցիչ) փաստորեն կրելուց հետո: Այդ դեպքում անձը երկու հանցագործությունների համար էլ դատված է համարվում մինչև դրանցից առավել ծանր հանցագործության համար դատվածությունը մարվելու ժամկետը լրանալը՚:
ՀՀ քրեական օրենսգրքի 22-րդ հոդվածի 1-ին մասի համաձայն` ՙՀանցագործությունների ռեցիդիվ է համարվում դիտավորությամբ հանցանք կատարելն այն անձի կողմից, ով դատվածություն ունի նախկինում դիտավորությամբ կատարված հանցանքի համար՚:
Նույն հոդվածի 2-րդ մասի 1-ին կետը սահմանում է` ՙՀանցագործությունների ռեցիդիվն վտանգավոր է համարվում դիտավորությամբ հանցանք կատարելու դեպքում, եթե անձը նախկինում երկու անգամից ոչ պակաս ազատազրկման է դատապարտվել դիտավորյալ հանցագործության համար՚:
ՀՀ քրեական օրենսգրքի 67.1 հոդվածը սահմանում է`
1. Հանցագործությունների ռեցիդիվի, վտանգավոր և առանձնապես վտանգավոր ռեցիդիվի դեպքում պատիժ նշանակելիս հաշվի են առնվում կատարված հանցագործությունների քանակը, բնույթը և ծանրությունը, այն հանգամանքները, որոնց հետևանքով նախկին պատիժը բավարար չի եղել մեղավորի ուղղման համար, ինչպես նաև նոր հանցագործության բնույթը, ծանրությունը և հետևանքները:
2. (... ):
Հանցագործությունների վտանգավոր ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի երկու երրորդից:
Ամբաստանյալ Մուշեղ Պետիկի Պետրոսյանը, կատարելով ծանր և միջին ծանրության հանցագործություններ, Երևանի քրեական դատարանի 2008 թվականի հունիսի 02-ի դատավճռով ՀՀ քրեական օրենսգրքի 177 հոդվածի 2-րդ մասի 3-րդ և 4-րդ կետերով և ՀՀ քրեական օրենսգրքի 235 հոդվածի 1-ին մասով, ՀՀ քրեական օրենսգրքի 66 հոդվածի կիրառմամբ դատապարտվել է ազատազրկման 2 /երկու/ տարի 3 /երեք/ ամիս ժամկետով, պատժի կրման սկիզբը հաշվվել է 2008 թվականի մարտի 19-ից, 2009 թվականի հունիսի 24-ի որոշմամբ ՙՀայաստանի Հանրապետության անկախության հռչակման 18-րդ տարեդարձի կապակցությամբ համաներում հայտարարելու մասին՚ ՀՀ Ազգային ժողովի 2009 թվականի հունիսի 19-ի որոշման կիրառմամբ ազատվել է պատժի կրումից, Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2014 թվականի հունվարի 21-ի որոշմամբ Մուշեղ Պետիկի Պետրոսյանի ՀՀ քրեական օրենսգրքի 177 հոդվածի 2-րդ մասի 3-րդ և 4-րդ կետերով և ՀՀ քրեական օրենսգրքի 235 հոդվածի 1-ին մասով արարքները համապատասխանեցվել է ՀՀ գործող քրեական օրենսգրքի 177 հոդվածի 2-րդ մասի 3-րդ կետի և ՀՀ քրեական օրենսգրքի 235 հոդվածի 1-ին մասի հատկանիշներին, որը դասվում է միջին ծարնրության հանցագործությունների շարքին և 2 /երկու/ տարի 3 /երեք/ ամիս ժամկետով ազատազրկման ձևով նշանակված պատիժը թողնվել է անփոփոխ, ուստի Մ.Պետրոսյանի դատվածությունը ՀՀ քրեական օրենսգրքի 84-րդ հոդվածի 4-րդ մասի 3-րդ կետի և 5-րդ մասի ուժով պետք է մարվեր 2012 թվականի հունիսի 24-ին, սակայն դեռևս դատվածությունը չմարված` 2009 թվականի հունվար ամսվա կեսին Մուշեղ Պետիկի Պետրոսյանը կատարել է ՀՀ քրեական օրենսգրքի 177 հոդվածի 2-րդ մասի 3-րդ և 4-րդ կետերով և ՀՀ քրեական օրենսգրքի 235 հոդվածի 1-ին մասով նախատեսված միջին ծանրության նոր հանցագործություններ, որով էլ Մ.Պետրոսյանի դատվածության մարման ժամկետն ընդհատվել է, որի համար Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2010 թվականի օգոստոսի 18-ի դատավճռով ՀՀ քրեական օրենսգրքի 177 հոդվածի 2-րդ մասի 3-րդ և 4-րդ կետերով և ՀՀ քրեական օրենսգրքի 235 հոդվածի 1-ին մասով ՀՀ քրեական օրենսգրքի 66 հոդվածի կիրառմամբ դատապարտվել է ազատազրկման 3 /երեք/ տարի ժամկետով: 2011 թվականի հունիսի 29-ի որոշմամբ Մուշեղ Պետիկի Պետրոսյանի` ՀՀ քրեական օրենսգրքի 177 հոդվածի 2-րդ մասի 3-րդ և 4-րդ կետերով և ՀՀ քրեական օրենսգրքի 235 հոդվածի 1-ին մասով արարքը վերավորակվել է ՀՀ քրեական օրենսգրքի 177 հոդվածի 2-րդ մասի 3-րդ կետով և ՀՀ քրեական օրենսգրքի 235 հոդվածի 1-ին մասով և Մուշեղ Պետրոսյանի նկատմամբ նշանակվել է պատիժ ազատազրկում 3 /երեք/ տարի ժամկետով, ազատվել է պատժի կրումից 2013 թվականի հունիսի 14-ին` պատիժն ամբողջությամբ կրելուց հետո, ուստի Մ.Պետրոսյանի դատվածությունը ՀՀ քրեական օրենսգրքի 84-րդ հոդվածի 4-րդ մասի 3-րդ կետի և 7-րդ մասի ուժով պետք է մարվեր 2016 թվականի հունիսի 14-ին, սակայն դեռևս դատվածությունը չմարված` 2013 թվականի դեկտեմբերի 05-ի լույս 06-ի գիշերը Մուշեղ Պետիկի Պետրոսյանը կատարել է ՀՀ քրեական օրենսգրքի 34-177 հոդվածի 2-րդ մասի 3-րդ կետով նախատեսված միջին ծանրության նոր հանցագործության փորձ, որով էլ Մ.Պետրոսյանի դատվածության մարման ժամկետն ընդհատվել է, հետևաբար Մուշեղ Պետիկի Պետրոսյանի նախկին դատվածությունները մարված չեն և ՀՀ քրեական օրենսգրքի 22-րդ հոդվածի 2-րդ մասի 1-ին կետի ուժով, այն է` ՙՀանցագործությունների ռեցիդիվը վտանգավոր է համարվում՝ դիտավորությամբ հանցանք կատարելու դեպքում, եթե անձը նախկինում երկու անգամից ոչ պակաս ազատազրկման է դատապարտվել դիտավորյալ հանցագործության համար՚, Մուշեղ Պետիկի Պետրոսյանը համարվում է վտանգավոր ռեցիդիվիստ:
Սույն քրեական գործով ամբաստանյալ Մուշեղ Պետիկի Պետրոսյանին մեղադրանք է առաջադրվել ՀՀ քրեական օրենսգրքի 34-177 հոդվածի 2-րդ մասի 3-րդ կետով, որի սանկցիան նախատեսում է հետևյալ պատժատեսակները` տուգանք` նվազագույն աշխատավարձի հինգհարյուրապատիկից հազարապատիկի չափով, կամ ազատազրկում` երկուսից հինգ տարի ժամկետով:
Դատարանը հաշվի առնելով, որ ամբաստանյալ Մուշեղ Պետիկի Պետրոսյանը նախկինում լինելով երկու անգամ դատապարտված, սակայն դեռևս դատվածությունները չմարված կատարել է միջին ծանրության նոր հանցագործության փորձ, իսկ համաձայն ՀՀ քրեական օրենսգրքի 67.1 հոդվածի 2-րդ մասի 2-րդ կետի` հանցագործությունների վտանգավոր ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի երկու երրորդից, ուստի հաշվի առնելով հանցագործության վտանգավոր ռեցիդիվը և Մուշեղ Պետիկի Պետրոսյանի նկատմամբ պատիժ պետք է նշանակել ազատազրկման ձևով` որոշակի ժամկետով, ՀՀ քրեական օրենսգրքի 34-177 հոդվածի 2-րդ մասի 3-րդ կետի սանկցիայով նախատեսված առավելագույն պատժի երկու երրորդից ոչ պակաս, որով հնարավոր կլինի հասնել ՀՀ քրեական օրենսգրքի 48-րդ հոդվածով սահմանված պատժի նպատակներին` սոցիալական արդարության վերականգնմանը, պատժի ենթարկված անձի ուղղմանը և հանցագործությունների կանխմանը:
ՀՀ քրեական օրենսգրքի 65 հոդվածի 3-րդ մասը սահմանում էª ՙՀանցափորձի համար ազատազրկման ձևով պատժի ժամկետը չի կարող գերազանցել սույն օրենսգրքի Հատուկ մասի համապատասխան հոդվածով կամ հոդվածի մասով որոշակի ժամկետով ազատազրկման ձևով նախատեսված պատժի առավելագույն ժամկետի երեք քառորդը՚:
Նույն հոդվածի 4.1. կետի համաձայն` ՙՍույն հոդվածի երկրորդ և երրորդ մասերով նախատեսված կանոնները չեն կիրառվում հանցագործությունների ռեցիդիվի, վտանգավոր և առանձնապես վտանգավոր ռեցիդիվի դեպքում պատիժ նշանակելիս՚, հետևաբար Մուշեղ Պետիկի Պետրոսյանի նկատմամբ պատիժ նշանակելիս դատարանը չի կարող ղեկավարվել ՀՀ քրեական օիրենսգրքի 65-րդ հոդվածի 3-րդ մասով:
Քննության առնելով ամբաստանյալի նկատմամբ ընտրված խափանման միջոցի հարցը` դատարանը գտնում է, որ ամբաստանյալ Մուշեղ Պետիկի Պետրոսյանի նկատմամբ ընտրված խափանման միջոցը` կալանավորումը, պետք է թողնել անփոփոխ:

Եզրափակիչ մաս.

Ղեկավարվելով ՀՀ քրեական օրենսգրքի 10-րդ, 22-րդ, 48-րդ, 61-63-րդ, 65-րդ, 67.1-ին, 84-րդ, ՀՀ քրեական դատավարության օրենսգրքի 357-360-րդ հոդվածներով, դատարանը

Վ Ճ Ռ Ե Ց`

Մուշեղ Պետիկի Պետրոսյանին մեղավոր ճանաչել ՀՀ քրեական օրենսգրքի 34-177 հոդվածի 2-րդ մասի 3-րդ կետով և նրան դատապարտել ազատազրկման 3 /երեք/ տարի 4 /չորս/ ամիս ժամկետով:
Մուշեղ Պետիկի Պետրոսյանի պատժի սկիզբը հաշվել 2013 թվականի դեկտեմբերի 12-ից, ընտրված խափանման միջոցը` կալանավորումը, թողնել անփոփոխ` մինչև դատավճիռն օրինական ուժի մեջ մտնելը:
Սույն դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում:



ԴԱՏԱՎՈՐ` Ա. ԲԵԿԹԱՇՅԱՆ