գործ` ԵԱՔԴ/0174/01/13


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը


Նախագահությամբ դատավոր` Արմեն Բեկթաշյանի
քարտուղարությամբ` Հասմիկ Արտաշեսյանի

մասնակցությամբ`
մեղադրող` Կարեն Բարսեղյանի
տուժողի ներկայացուցիչª Էդուարդ Աղաջանյանի

պաշտպան` Անժելա Հոբոսյանի
ամբաստանյալ` Կարեն Խաչատրյանի

2014 թվականի փետրվարի 03-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`

Կարեն Ալեքսանդրի Խաչատրյանի` ծնված 29.08.1994 թվականին Ուկրաինայի Հանրապետությունում, ազգությամբ հայ, ՀՀ քաղաքացի, ամուրի, խնամքին ոչ ոք, նախկինում չդատված, հաշվառված է ՀՀ Կոտայքի մարզի Կոտայք գյուղի ՙՍՕՍ մանկական գյուղ՚-ի 17-րդ տանը, փաստացի բնակվում է Աբովյան քաղաքի ՙԻնտերնացիոնալ՚ փողոցի 8-րդ շենքի թիվ 4 բնակարանում:

Կարեն Ալեքսանդրի Խաչատրյանը մեղադրվում է ՀՀ քրեական օրենսգրքի 177 հոդվածի 2-րդ մասի 3-րդ կետով:
2013 թվականի հոկտեմբերի 21-ի որոշմամբ կասկածյալ Կարեն Ալեքսանդրի Խաչատրյանի նկատմամբ որպես խափանման միջոց է ընտրվել ստորագրություն չհեռանալու մասին:

Գործի դատավարական նախապատմությունը.

2013 թվականի հոկտեմբերի 20-ին ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնում ՀՀ քրեական օրենսգրքի 177 հոդվածի 2-րդ մասի 3-րդ կետի հատկանիշներով հարուցվել է թիվ 14808113 քրեական գործը:
2013 թվականի հոկտեմբերի 20-ի որոշմամբ ՙՍՕՍ մանկական գյուղեր՚ ՀԲՀ-ի 2-րդ երիտասարդական տունը ճանաչվել է որպես տուժող, իսկ նույն օրը կայացված որոշմամբ Էդուարդ Ռաֆայելի Աղաջանյանը ճանաչվել է տուժողի ներկայացուցիչ:
2013 թվականի հոկտեմբերի 21-ին ՀՀ քրեական օրենսգրքի 177 հոդվածի 2-րդ մասի 3-րդ կետով հանցանք կատարելու կասկածանքով Կարեն Ալեքսանդրի Խաչատրյանը բերման է ենթարկվել ՀՀ ոստիկանության Արաբկիրի բաժին:
2013 թվականի հոկտեմբերի 28-ի որոշմամբ կասկածյալ Կարեն Ալեքսանդրի Խաչատրյանը ՀՀ քրեական օրենսգրքի 177 հոդվածի 2-րդ մասի 3-րդ կետով հանցանք կատարելու համար ներգրավվել է որպես մեղադրյալ:
Նախաքննական մարմնի կողմից Կարեն Ալեքսանդրի Խաչատրյանին ՀՀ քրեական օրենսգրքի 177 հոդվածի 2-րդ մասի 3-րդ կետով մեղադրանք է առաջադրվել այն բանի համար, որ նա շինություն ապօրինի մուտք գործելով կատարել է ուրիշի գույքի զգալի չափերով գաղտնի հափշտակություն` գողություն.
ՙՍՕՍ մանկական գյուղեր՚ ՀԲՀ 2-րդ երիտասարդական տան նախկին սան` ամբաստանյալ Կարեն Ալեքսանդրի Խաչատրյանը, մանկատան իր ընկերներից տեղեկանալով, որ մանկատանը ոչ ոք չկա` աշխատակիցները և սաները գտնվում են Աղվերանում, և հիշելով, որ դեռևս իր` մանկատանը բնակվելու ժամանակից, պատշգամբի դուռն անսարք վիճակում է ու չի կողպվում, մանկատնից գողություն կատարելու դիտավորությամբ, 2013 թվականի հոկտեմբերի 19-ին ժամը 23:50-ի սահմաններում, գնացել է Երևան քաղաքի Երզնկյան 77 տան մոտ, ցանկապատի վրայով ապօրինի մուտք գործել Երզնկյան 79ա հասցեում գտնվող ՙՍՕՍ մանկական գյուղեր՚ ՀԲՀ 2-րդ երիտասարդական տան բակ, ապա բացելով երիտասարդական տան պատշգամբի չկողպված դուռը, մուտք է գործել երիտասարդական տան տարածք, որից հետո բացելով մանկավարժների աշխատասենյակի մուտքի դուռը, ապօրինի մուտք է գործել տնօրենի` գործով վկա Դավիթ Վլադիմիրի Սիմոնյանի աշխատասենյակ, որտեղ գտնվող գրասեղանի դարակը մկրատի միջոցով բացելուց հետո երեք ծրարների միջից գաղտնի հափշտակել է զգալի չափերովª 130.000 ՀՀ դրամ գումար, նույն ճանապարհով դուրս է եկել այնտեղից` ՙՍՕՍ մանկական գյուղեր՚ ՀԲՀ 2-րդ երիտասարդական տանը պատճառելով 130.000 ՀՀ դրամի գույքային վնաս: Գողացված գումարը ծախսել է անձնական կարիքների համար:
2013 թվականի դեկտեմբերի 19-ին քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Արագացված դատական քննություն.

Մինչ դատաքննության սկսվելը` ամբաստանյալ Կարեն Ալեքսանդրի Խաչատրյանը միջնորդություն է ներկայացրել` դատական քննությունն արագացված կարգով անցկացնելու` հայտարարելով, որ առաջադրված մեղադրանքն իրեն պարզ է, համաձայն է մեղադրանքի հետ և առաջադրված մեղադրանքում իրեն մեղավոր է ճանաչում, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացնում է կամավոր, պաշտպանի հետ խորհրդակցելուց հետո:
Տուժող` ՙՍՕՍ մանկական գյուղեր՚ ՀԲՀ-ի 2-րդ երիտասարդական տան ներկայացուցիչ Էդուարդ Ռաֆայելի Աղաջանյանը դատական նիստի ընթացքում հայտնել է, որ ՙՍՕՍ մանկական գյուղեր՚ ՀԲՀ-ի 2-րդ երիտասարդական տունը ամբաստանյալ Կարեն Ալեքսանդրի Խաչատրյանի նկատմամբ բողոք և քաղաքացիական հայցի պահանջ չունի, քանի որ մանկատանը պատճառված վնասն ամբողջությամբ վերականգնված է ամբաստանյալի կողմից, չի առարկում արագացված դատաքննության կարգ կիրառելու դեմ:
Դատարանը պարզելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, 29.01.2014 թվականին որոշում է կայացրել արագացված կարգով դատական քննություն անցկացնելու մասին:
Այսպիսով, քրեական գործով ձեռք բերված ապացույցների ընդհանուր կարգով սահմանված հետազոտություն չկատարելով, արագացված դատաքննությամբ հիմք ընդունելով մեղադրանքի հիմքում դրված ապացույցները, դատարանը հանգեց այն համոզման, որ ամբաստանյալ Կարեն Ալեքսանդրի Խաչատրյանը շինություն ապօրինի մուտք գործելով կատարել է ուրիշի գույքի զգալի չափով գաղտնի հափշտակություն` գողություն` որպիսի արարքի համար նա պետք է պատասխանատվության ենթարկվի ՀՀ քրեական օրենսգրքի 177 հոդվածի 2-րդ մասի 3-րդ կետով:

Դատարանի իրավական վերլուծությունները.

Պատժի չափը և տեսակը որոշելիս դատարանը հաշվի է առնում հանցագործության հանրության համար վտանգավորության աստիճանը և բնույթը, ամբաստանյալի անձը բնութագրող տվյալները, պատասխանատվությունը և պատիժը մեղմացնող ու ծանրացնող հանգամանքները:
Ամբաստանյալ Կարեն Ալեքսանդրի Խաչատրյանն անկեղծորեն խոստովանեց և զղջաց կատարած արարքի համար, բնութագրվում է դրականորեն, ՙՍպլենոմետրիա՚ ախտորոշման հիմքան վրա ՀՀ ՊՆ թիվ 410-13 հրամանի 30-րդ հոդվածի 7-րդ կետի առաջին սյունակի պահանջի համաձայն պարտադիր զինվորական ծառայությունից մեկ տարի ժամկետով տարկետում է տրվել, ծնողազուրկ է, նախկինում դատապարտված չի եղել, տուժողին պատճառված վնասը կամովին հատուցել է, ինչը փաստում է ՙՍՕՍ մանկական գյուղեր՚ ՀԲՀ-ի ներկայացրած 04.12.2013 թվականի թիվ 86 դրամարկղային մուտքի օրդերը:
Որպես ամբաստանյալ Կարեն Ալեքսանդրի Խաչատրյանի պատասխանատվությունը և պատիժը մեղմացնող հանգամանք դատարանը դիտում է վերջինիս կողմից հանցագործությամբ տուժողին պատճառված գույքային վնասը կամովին հատուցելը:
Ամբաստանյալ Կարեն Ալեքսանդրի Խաչատրյանի պատասխանատվությունը և պատիժը ծանրացնող հանգամանքներ չկան:
ՀՀ քրեական օրենսգրքի 10-րդ հոդվածի 1-ին մասը սահմանում է` ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի՝ համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 2-րդ մասը սահմանում է` ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածը սահմանում է` ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները: (....): Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները:
Սույն քրեական գործով ամբաստանյալ Կարեն Ալեքսանդրի Խաչատրյանին մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 3-րդ կետով, որի սանկցիան նախատեսում է հետևյալ պատժատեսակները` տուգանք` նվազագույն աշխատավարձի հինգհարյուրապատիկից հազարապատիկի չափով, կամ ազատազրկում` երկուսից հինգ տարի ժամկետով:
Դատարանը հաշվի առնելով, որ ամբաստանյալ Կարեն Ալեքսանդրի Խաչատրյանն անկեղծորեն խոստովանեց և զղջաց կատարած արարքի համար, նախկինում դատապարտված չի եղել, առաջին անգամ կատարել է միջին ծանրության հանցագործություն, իր իսկ ինքնախոստովանական ցուցմունքներով աջակցել է հանցագործության բացահայտմանը, բնութագրվում է դրականորեն, երիտասարդ է, ծնողազուրկ, ՙՍպլենոմետրիա՚ ախտորոշման հիմքան վրա ՀՀ ՊՆ թիվ 410-13 հրամանի 30-րդ հոդվածի 7-րդ կետի առաջին սյունակի պահանջի համաձայն պարտադիր զինվորական ծառայությունից մեկ տարի ժամկետով տարկետում է տրվել, պատճառած վնասը կամովին հատուցել է, գտնում է, որ Կարեն Ալեքսանդրի Խաչատրյանի նկատմամբ նպատակահարմար չէ ՀՀ քրեական օրենսգրքի 177 հոդվածի 2-րդ մասի 3-րդ կետի սանկցիայով նախատեսված ՙազատազրկում՚ պատժատեսակը նշանակելը և ղեկավարվելով օրինականության, արդարության, պատժի անհատականացման ու մարդասիրության սկզբունքներով, դատարանը հանգում է այն համոզման, որ ամբաստանյալ Կարեն Ալեքսանդրի Խաչատրյանին մեղսագրվող հանցագործության համար նախատեսված պատիժներից նվազ խիստ տեսակը նշանակելիս կարող է ապահովել պատժի նպատակները, հետևաբար` ամբաստանյալի նկատմամբ պատիժ պետք է նշանակել տուգանքի ձևով, որով հնարավոր կլինի հասնել ՀՀ քրեական օրենսգրքի 48-րդ հոդվածով սահմանված պատժի նպատակներին` սոցիալական արդարության վերականգնմանը, պատժի ենթարկված անձի ուղղմանը և հանցագործությունների կանխմանը:
Քննության առնելով ամբաստանյալ Կարեն Ալեքսանդրի Խաչատրյանի նկատմամբ ընտրված խափանման միջոցի հարցը` դատարանը գտնում է, որ վերջինիս նկատմամբ ընտրված խափանման միջոցը` ստորագրություն չհեռանալու մասին, պետք է վերացնել դատավճիռն օրինական ուժի մեջ մտնելու պահից:

Եզրափակիչ մաս.

Ղեկավարվելով ՀՀ քրեական օրենսգրքի 10-րդ, 48-րդ, 61-րդ, 62-րդ հոդվածներով, ՀՀ քրեական դատավարության օրենսգրքի 357-360, 3753 հոդվածներով, դատարանը

Վ Ճ Ռ Ե Ց`

Կարեն Ալեքսանդրի Խաչատրյանին մեղավոր ճանաչել ՀՀ քրեական օրենսգրքի 177 հոդվածի 2-րդ մասի 3-րդ կետով և նրան դատապարտել տուգանքի` նվազագույն աշխատավարձի հինգհարյուրապատիկի` 500.000 /հինգ հարյուր հազար/ ՀՀ դրամ գումարի չափով:
Կարեն Ալեքսանդրի Խաչատրյանի նկատմամբ ընտրված խափանման միջոցը` ստորագրություն չհեռանալու մասին, վերացնել դատավճիռն օրինական ուժի մեջ մտնելու պահից:
Սույն դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում:


ԴԱՏԱՎՈՐ` Ա. ԲԵԿԹԱՇՅԱՆ