ԵԱՔԴ/0155/01/13

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
28.12.2013թ. ք. Երևան
Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանըª

նախագահությամբ դատավոր` Արմեն Խաչատրյանի,
քարտուղարությամբ` Մագդա Գրիգորյանի,
մասնակցությամբ մեղադրող` Վարդան Պապիկյանի,
պաշտպան` Լյուդվիգ Ավետիսյանի,
տուժողներ` Ալեքսանդր Ղազարյանի, Աշխեն Բադալյանի,

դատարանում, դռնբաց դատական նիստում, դատական քննության արագացված կարգով քննեց քրեական գործն ըստ մեղադրանքի

Մայիս Աբրահամի Ազնավուրյանի` ծնված 01.05.1968թ.-ին, ՀՀ-ում, ազգությամբ հայ, ՀՀ քաղաքացի, միջին-մասնագիտական կրթությամբ, ամուսնացած, խնամքին մինչև 14 տարեկան 2 երեխաները, ծառայել է ՀՀ ՊՆ թիվ 68617 զորամասում, որպես նյութական ապահովման վաշտի ճաշարանի պետ-խոհարար-հրահանգիչ, կոչումով ենթասպա, 29.01.2013թ.-ին ազատվել է աշխատանքից, մասնակցել է ՀՀ և ԼՂՀ պաշտպանության համար մղված մարտական գործողություններին, որի ընթացքում վիրավորվել է, նախկինում չդատված, հաշվառված ք. Մասիս, գյուղ Այնթափ 2-րդ շարք, 14 տուն հասցեում, բնակվել է ք. Երևան, Ավանեսովի 6 շենք, բնակարան 17, մեղադրանք է առաջադրվել ՀՀ քրեական օրենսգրքի 178-րդ հոդվածի 2-րդ մասի 1-ին կետով և ՀՀ քրեական օրենսգրքի 182-րդ հոդվածի 2-րդ մասի 2-րդ և 3.1-րդ կետերով նախատեսված հանցանքների կատարման համար, կալանքի տակ է 2012թ.-ի նոյեմբերի 13-ից,
Լևոն Վաղինակի Բախշյանի` ծնված 04.01.1958թ.-ին, ՀՀ-ում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին հիվանդ կինը, չի աշխատել, մասնակցել է ՀՀ և ԼՂՀ պաշտպանության համար մղված մարտական գործողություններին, ՀՀ ոստիկանության Երևան քաղաքի քննչական գլխավոր վարչության թիվ 69102811 քրեական գործի վարույթը ՀՀ քրեական օրենսգրքի 325-րդ հոդվածի 1-ին մասով 07.10.2011թ. ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի համաձայն կարճվել է, դատվածություն չունեցող, հաշվառված ք. Երևան, Ն. Շենգավիթ 12 փողոց, 1-ին փակուղի, 1 տուն հասցեում, բնակվել է ք. Երևան, Ֆուչիկի 4-րդ շենք, բնակարան 39 հասցեում, մեղադրանք է առաջադրվել ՀՀ քրեական օրենսգրքի 178-րդ հոդվածի 2-րդ մասի 2-րդ կետով, ՀՀ քրեական օրենսգրքի 178-րդ հոդվածի 2-րդ մասի 1-ին կետով, ՀՀ քրեական օրենսգրքի 182-րդ հոդվածի 2-րդ մասի 2-րդ և 3.1 կետերով նախատեսված հանցանքների կատարման համար, կալանքի տակ է 2012թ.-ի նոյեմբերի 13-ից:
Դատարանը պարզեց հետևյալը.
2012 թվականի նոյեմբերի 9-ին ՀՀ ՊՆ ռազմական ոստիկանությունում ՀՀ քրեական օրենսգրքի 178-րդ հոդվածի 2-րդ մասի 1-ին կետի և ՀՀ քրեական օրենսգրքի 182-րդ հոդվածի 2-րդ մասի 2-րդ և 3.1-րդ կետերի հատկանիշներով հարուցվել է թիվ 90050212 քրեական գործը:
2012 թվականի նոյեմբերի 13-ին թիվ 90050212 քրեական գործը քննչական ենթակայության կարգով ուղարկվել է ՀՀ պաշտպանության նախարարության քննչական ծառայություն:
2012 թվականի նոյեմբերի 13-ին թիվ 90050212 քրեական գործը ՀՀ ՊՆ քննչական ծառայության ՀԿԳ քննչական բաժնում ընդունվել է վարույթ և կատարվել է նախաքննություն:
2012 թվականի դեկտեմբերի 13-ին ՀՀ ոստիկանության ՔԳՎ Երևան քաղաքի քննչական վարչության Շենգավիթի քննչական բաժնում ՀՀ քրեական օրենսգրքի 178-րդ հոդվածի 2-րդ մասի 2-րդ կետի հատկանիշներով հարուցվել է թիվ 11145412 քրեական գործը:
2012 թվականի դեկտեմբերի 17-ին ՀՀ ոստիկանության ՔԳՎ Երևան քաղաքի քննչական վարչության Շենգավիթի քննչական բաժնում որոշում է կայացվել թիվ 11145412 քրեական գործն ըստ ենթակայության ՀՀ ՊՆ քննչական վարչությունում ուղարկելու մասին:
2012 թվականի դեկտեմբերի 28-ին թիվ 11145412 քրեական գործը ՀՀ ՊՆ քննչական ծառայության ՀԿԳ քննչական բաժնում ընդունվել է վարույթ և կատարվել է նախաքննություն:
2012 թվականի դեկտեմբերի 28-ին թիվ 11145412 քրեական գործը միացվել է թիվ 90050212 քրեական գործին և քրեական գործի քննությունը շարունակվել է թիվ 90050212 համարով:
2012 թվականի նոյեմբերի 16-ին Մայիս Աբրահամի Ազնավուրյանը որպես մեղադրյալ է ներգրավվել ՀՀ քրեական օրենսգրքի 178-րդ հոդվածի 2-րդ մասի 1-ին կետով և ՀՀ քրեական օրենսգրքի 182-րդ հոդվածի 2-րդ մասի 2-րդ և 3.1-րդ կետերով նախատեսված այն արարքների կատարման համար, որ ՙնա մի խումբ անձանց հետ նախնական համաձայնությամբ զգալի չափերով խարդախություն և խոշոր չափերով շորթում է կատարել:
Այսպես.
Մայիս Ազնավուրյանը նախնական համաձայնության գալով Լևոն Բախշյանի հետ վստահություն են ստեղծել ՀՀ ՊՆ 28920 զորամասի պարենային ծառայության պետ, մայոր Ալեքսանդր Արամի Ղազարյանի մոտ, որ մտերիմ հարաբերությունների մեջ են գտնվում մի շարք բարձրաստիճան պաշտոնյաների հետ ու չարաշահելով նրա վստահությունը և դիմելով խաբեության` Հայկազ Մեսիլյանի ու Ալեքսանդր Ղազարյանի կողմից թմրանյութ օգտագործելու փաստի առթիվ ՀՀ ՊՆ Երևանի կայազորի ռազմական ոստիկանությունում նախապատրաստվող նյութերով պատասխանատվությունից ու վարկաբեկումից խուսափելու հարցում աջակցություն ցուցաբերելու պատրվակով, վերջինիցս Երևան քաղաքի Խանջյանի և Սայաթ-Նովայի փողոցների խաչմերուկում գտնվող ՀՀ ՊՆ Երևանի կայազորի ռազմական ոստիկանության շենքի հարակից տարածքում 2012թ. սեպտեմբերի 29-ին հափշտակել են 150.000 ՀՀ դրամ գումար:
Այնուհետև, Մայիս Ազնավուրյանը 2012թ. հոկտեմբերի 01-ին, Ալեքսանդր Ղազարյանից խոշոր չափերով գումար հափշտակելու շուրջ Լևոն Բախշյանի հետ նախնական համաձայնության գալով, նրա կողմից թմրամիջոցներ օգտագործելու վերաբերյալ արատավորող տեղեկությունները ՀՀ պաշտպանության նախարարին հայտնելու, դրա արդյունքում նրան աշխատանքից ազատելու և ընտանիքի անդամներին ապրուստի միջոցներից զրկելու սպառնալիքով, Ալեքսանդր Ղազարյանից պահանջել է 1.628.360 ՀՀ դրամին համարժեք 4.000 ԱՄՆ դոլար գումար: Այդ սպառնալիքները և գումարային պահանջները շարունակվել են 2012 թվականի հոկտեմբերի 22-23-ը, իսկ այդ օրերին Ալեքսանդր Ղազարյանին ներկայացվել է արդեն իսկ 2.029.200 ՀՀ դրամին համարժեք 5.000 ԱՄՆ դոլար գումար հանձնելու պահանջ: 2012 թվականի նոյեմբերի 13-ին ժամը 16.20-ի սահմաններում Մայիս Ազնավուրյանի հանցակից Լևոն Բախշյանն Ալեքսանդր Ղազարյանից Երևան քաղաքի Ազատության պողոտայի վրա գտնվող ՙՍանսետ՚ սրճարանում պահանջվող գումարից ստացել է 1.023.675 ՀՀ դրամին համարժեք 2.500 ԱՄՆ դոլար գումար՚:
2013 թվականի հոկտեմբերի 10-ին Լևոն Վաղինակի Բախշյանը որպես մեղադրյալ է ներգրավվել ՀՀ քրեական օրենսգրքի 178-րդ հոդվածի 2-րդ մասի 2-րդ կետով, ՀՀ քրեական օրենսգրքի 178-րդ հոդվածի 2-րդ մասի 1-ին կետով, ՀՀ քրեական օրենսգրքի 182-րդ հոդվածի 2-րդ մասի 2-րդ և 3.1 կետերով նախատեսված այն արարքների կատարման համար, որ ՙնա խոշոր չափի գույք հափշտակելու ուղղակի դիատավորությամբ, չարաշահելով Աշխեն Մյասնիկի Բադալյանի վստահությունը և դիմելով խաբեության, թե Կենտրոն և Նորք Մարաշ վարչական շրջանների ընդհանուր իրավասության դատարանում ծանոթ ունի ու նրա միջոցով կարող է 6.500 ԱՄՆ դոլար գումարի դիմաց դատարանի դահլիճից ազատ արձակել ՀՀ քրեական օրենսգրքի 34-176-րդ հոդվածի 1-ին մասով նախատեսված հանցագործություն կատարելու մեջ մեղադրվող Աշխեն Բադալյանի որդի Անդրանիկ Գագիկի Աբրահամյանին, սակայն չունենալով նման հնարավորություն և իրավասություն, 2011թ. դեկտեմբերի 15-ին Աշխեն Բադալյանից վերցրել է 2.484.885 ՀՀ դրամին համարժեք 6.500 ԱՄՆ դոլար գումար և հափշտակել այն` վերջինիս պատճառելով խոշոր չափերի գույքային վնաս:
Բացի այդ Լևոն Բախշյանը նախնական համաձայնության գալով ՀՀ ՊՆ 68617 զորամասի ճաշարանի պետ, ենթասպա Մայիս Ազնավուրյանի հետ, վստահություն են ստեղծել ՀՀ ՊՆ 28920 զորամասի պարենային ծառայության պետ, մայոր Ալեքսանդր Արամի Ղազարյանի մոտ, որ մտերիմ հարաբերությունների մեջ են գտնվում մի շարք բարձրաստիճան պաշտոնյաների հետ ու չարաշահելով նրա վստահությունը և դիմելով խաբեության` Հայկազ Մեսիլյանի ու Ալեքսանդր Ղազարյանի կողմից թմրանյութ օգտագործելու փաստի առթիվ ՀՀ ՊՆ Երևանի կայազորի ռազմական ոստիկանությունում նախապատրաստվող նյութերով պատասխանատվությունից ու վարքաբեկումից խուսափելու հարցում աջակցություն ցուցաբերելու պատրվակով, վերջինիցս Երևան քաղաքի Խանջյանի և Սայաթ-Նովայի փողոցների խաչմերուկում գտնվող ՀՀ ՊՆ Երևանի կայազորի ռազմական ոստիկանության շենքի հարակից տարածքում 2012թ. սեպտեմբերի 29-ին հափշտակել են 150.000 ՀՀ դրամի գումար:
Այնուհետև, Լևոն Բախշյանը 2012թ հոկտեմբերի 01-ին, Ալեքսանդր Ղազարյանից խոշոր չափերով գումար հափշտակելու շուրջ Մայիս Ազնավուրյանի հետ նախնական համաձայնության գալով, նրա կողմից թմրամիջոցներ օգտագործելու վերաբերյալ արատավորող տեղեկությունները ՀՀ պաշտպանության նախարարին հայտնելու, դրա արդյունքում նրան աշխատանքից ազատելու և ընտանիքի անդամներին ապրուստի միջոցներից զրկելու սպառնալիքով, Ալեքսանդր Ղազարյանից պահանջել է 1.628.360 ՀՀ դրամին համարժեք 4.000 ԱՄՆ դոլար գումար: Այդ սպառնալիքները և գումարային պահանջները շարունակվել են մինչև 2012 թվականի հոկտեմբերի 22-23-ը, իսկ այդ օրերին Ալեքսանդր Ղազարյանին նրա կողմից ներկայացվել է արդեն իսկ 2.029.200 ՀՀ դրամին համարժեք 5.000 ԱՄՆ դոլար գումար հանձնելու պահանջ: 2012 թվականի նոյեմբերի 13-ին ժամը 16.20-ի սահմաններում Լևոն Բախշյանը Ալեքսանդր Ղազարյանից Երևան քաղաքի Ազատության պողոտայի վրա գտնվող ՙՍանսետ՚ սրճարանում պահանջվող գումարից ստացել է 1.023.675 ՀՀ դրամին համարժեք 2.500 ԱՄՆ դոլար գումար՚:
2013 թվականի հոկտեմբերի 30-ին թիվ 90050212 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան` ըստ էության քննելու համար:
Ամբաստանյալներ Լևոն Բախշյանը և Մայիս Ազնավուրյանը, պահպանելով ՀՀ քրեական դատավարության օրենսգրքի 3751-րդ հոդվածով նախատեսված պայմանները, հայտնեցին, որ առաջադրված մեղադրանքն իրենց պարզ է, համաձայն են այդ մեղադրանքի հետ, ընդունում են իրենց մեղքը և զղջում են իրենց կատարածի համար: Հայտնեցին նաև, որ խորհրդակցել են իրենց պաշտպանի հետ և իրենց պարզ է դատաքննության արագացված կարգը, գիտակցում են իրենց ներկայացրած միջնորդության բնույթն ու հետևանքները և կամովին միջնորդում են իրենց վերաբերյալ քրեական գործով կիրառել դատաքննության արագացված կարգ:
Մեղադրող Վ. Պապիկյանը դատարանի առաջարկությամբ փոխեց իր դիրքորոշումը և հայտնեց, որ չի առարկում դատական քննության արագացված կարգ կիրառելու դեմ:
Տուժողներ Ալեքսանդր Ղազարյանը և Աշխեն Բադալյանը չառարկեցին դատական քննության արագացված կարգ կիրառելու դեմ:
Տուժող Աշխեն Բադալյանը դատարան ներկայացրած դիմումով հայտնել է, որ ամբաստանյալների նկատմամբ նյութական պահանջ և բողոք չունի, քաղաքացիական հայց չի ներկայացնում:
Տուժող Ալեքսանդր Ղազարյանը նախաքննության ընթացքում ներկայացրած դիմումով հայտնել է, որ Մայիս Ազնավուրյանից և Լևոն Բախշյանից նյութական պահանջ չունի, քաղաքացիական հայց չի ներկայացնում:
Վերը նկարագրված հանցանքի կատարման մեջ Մայիս Ազնավուրյանի և Լևոն Բախշյանի մեղավորությունը հաստատվել է նախաքննության ընթացքում տված ինչպես ամբաստանյալների խոստովանական, այնպես էլ գործով տուժողներ Ալեքսանդր Ղազարյանի, Աշխեն Բադալյանի, վկաներ Գագիկ Աբրահամյանի, Գոհար Աբրահամյանի, Հայկազ Մեսիլյանի, Լևոն Խաչատրյանի, Վարդան Չախմախչյանի, Գրիգոր Առաքելյանի, Սվետլան Մինասյանի, Գագիկ Պապոյանի ցուցմունքներով, անձնական խուզարկության 13.11.2012թ. արձանագրությամբ, տեսաձայնագրային փորձաքննության փորձագետի թիվ 36041206 և թիվ 04651306 եզրակացություններով, դատաբժշկական փորձաքննության փորձագետի թիվ 10, 11, 12 եզրակացություններով, որպես ապացույց ճանաչված այլ փաստաթղթերով` ՙՆոկիա՚ ֆիրմայի ՙ6300՚ մոդելի բջջային հեռախոսով, ՙFinal՚ ֆիրմայի արտադրության ՙDVD-R՚ ֆորմատի երկու լազերային սկավառակներով, բջջային հեռախոս ներկայացնելու մասին 13.11.2012թ. արձանագրությամբ և իրեղեն ապացույցի առկայությամբ:
Հաշվի առնելով, որ ամբաստանյալ Մայիս Ազնավուրյանն իրեն առաջադրված մեղադրանքի հետ համաձայնվել է, այն հաստատվել է գործով ձեռք բերված ապացույցներով, դատարանը գտնում է, որ ամբաստանյալ Մ. Ազնավուրյանը ՀՀ քրեական օրենսգրքի 178-րդ հոդվածի 2-րդ մասի 1-ին կետի և ՀՀ քրեական օրենսգրքի 182-րդ հոդվածի 2-րդ մասի 2-րդ և 3.1 կետերի հատկանիշներին համապատասխան հանցավոր արարքներ կատարելու համար ենթակա է քրեական պատասխանատվության:
Ամբաստանյալ Մ. Ազնավուրյանի նկատմամբ պատիժ նշանակելիս դատարանը հաշվի է առնում ինչպես կատարած հանցագործության բնույթն ու հանրության համար վտանգավորության աստիճանը, այնպես էլ ամբաստանյալի անձը բնութագրող տվյալները` այն, որ նախկինում դատված ու արատավորված չի եղել, ըստ ՀՀ պաշտպանության նախարարության զինծառայողների սոցիալական պաշտպանության վարչության պետ Ս. Առուշանյանի կողմից տրված տեղեկանքի Մ. Ազնավուրյանը 1992-1994թթ. ընթացքում մասնակցել է ՀՀ և ԼՂՀ սահմանների պաշտպանության մարտական գործողություններին, 1991թ. մասնակցել է Սիսիանի, Գորիսի, Կապանի սահմանների պաշտպանությանը, 1992թ. մասնակցել է Լաչինի շրջանի սահմանների պաշտպանական մարտերին, 1992թ. մասնակցել է Զանգելանի շրջանի ազատագրման մարտերին, 1993թ. մասնակցել է Քարավաճառի, Կուբաթլիի մարտական գործողություններին, 1994թ. մասնակցել է Ֆիզուլիի շրջանի Քանդ Հորադիզի Աշաղիարդու ռախմանիլ գյուղերի ազատագրմանը և պաշտպանությանը, պարգևատրվել է ԼՂՀ ՙՄարտական ծառայություն՚ մեդալով, 24.12.2011թ.-ի ՀՀ պաշտպանության նախարարի թիվ 1537 հրամանով պարգևատրվել է ՙՀՀ ԶԻՆՎԱԾ ՈՒԺԵՐ 20 ՏԱՐԻ՚ հոբելյանական մեդալով, ՙՄայրական երախտագիտություն՚ և ՙՀայաստանի երկրապահ՚ հուշամեդալներով, 17.02.2012թ. ՀՀ պաշտպանության նախարարի թիվ 133 հրամանով պարգևատրվել է ՙԱնբասիր ծառայության համար՚ 1-ին աստիճանի մեդալով, ՀՀ պաշտպանության նախարարի 20.12.1996թ. թիվ 586 հրամանի համաձայն պարգևատրվել է ՙ1992-1994թթ. մարտական գործողությունների մասնակից՚ կրծքանշանով, հանդիսանում է ՀՀ ՙԱրծիվ՚ մահապարտների միության անդամ, հայոց պետականության կայացման, բանակաշինության, երիտասարդների հայրենասիրական դաստիարակության գործում մեծ ներդրում ունենալու համար ՙՍյունյաց արծիվներ՚ երիտասարդական հասարակական կազմակերպության կողմից 10.09.2010թ. պարգևատրվել է ՙԼեռնահայաստանի արծիվ՚ ոսկյա հուշամեդալով, 10.09.2010թ. ՙՍյունյաց արծիվներ՚ երիտասարդական հասարակական կազմակերպության կողմից արժանացել է պատվոգրի, հանդիսանում է ՙՍյունյաց արծիվներ՚ երիտասարդական հասարակական կազմակերպության պատվավոր անդամ, հայոց պետականության կայացման, հայոց սահմանների պաշտպանության գործում մեծ ներդրում ունենալու համար ՙՀայոց արծիվներ՚ հայրենասիրական հասարակական կազմակերպության կողմից 09.05.2011թ.-ին արժանացել է շնորհակալագրի, երկրապահ կամավորականների միության Սիսիանի բաժանմունքի նախագահ Ա. Մինասյանի, ՀՀ ՊՆ 68617 զորամասի ԱՀՏԱԳՏ Խ. Պետրոսյանի և նույն զորամասի հրամանատարի Գ. Խաչատրյանի, ՀՀ ՊՆ 24923 զորամասի հրամանատար Ա. Գրիգորյանի կողմից բնութագրվում է դրականորեն, իր ծառայողական պարտականությունները կատարելիս, ՀՀ սահմանամերձ շրջանների պաշտպանության համար մղված մարտական գործողությունների ժամանակ բազմիցս վիրավորվել է` 1992թ. մայիսի 5-ին Կապանի պաշտպանության ժամանակ վիրավորվել է թիկունքից, 1992թ. դեկտեմբերի 10-ին վիրավորվել է Զանգելանի շրջանի Շարաֆլու գյուղում, 1993թ. օգոստոսի 30-ին ՙկոնտուզիա՚ է ստացել Լաչինի մջանցքի պաշտպանության համար մղված մարտերի ժամանակ: 2010թ. ախտորոշվել է գանգրենոզ ապենդիցիտ և 17.03.2010թ. կատարվել է ապենդեկտոմիա ընդհանուր անզգայացման տակ:
Որպես ամբաստանյալ Մայիսի Ազնավուրյանի պատասխանատվությունը և պատիժը մեղմացնող հանգամանք դիտում է այն, որ պատիժ նշանակելու պահին նրա խնամքի տակ են գտնվում երկու մանկահասակ երեխաները /ծնված 11.04.2007թ.-ին, 08.09.2009թ.-ին/, հիվանդ, կենսաթոշակառու մայրը /վերջինիս մոտ ախտորոշվել է ՍԻՀ լարման ստաբիլ ստենոկարդիա, զարկերակային հիպերտենզիա, կայուն մնացորդային երևույթներ տարած իշեմիկ ինսուլտից հետո միջին ուղեղային զարկերակի ավազանում, ձախակողմյան հեմիպարտեզ, երկկողմանի պնևմոնիա, կոագուլոպաթիա վարֆարինի ընդունումից հետո բազմաթիվ արյունազեղումներ, հեմատուրիա, քթային արյունահոսություն/, ամբողջությամբ հատուցել է տուժողին պատճառված վնասը:
Որպես ամբաստանյալ Մայիս Ազնավուրյանի պատասխանատվությունը և պատիժը ծանրացնող հանգամանքներ դատարանը չի հայտնաբերել:
Դատարանը գտնում է, որ ամբաստանյալ Մայիս Ազնավուրյանն իր կատարած հանցանքների համար ենթակա է պատժի, որը պետք է նշանակվի հանցանքների համակցությամբ: Հաշվի առնելով, որ ըստ ՀՀ պաշտպանության նախարարության զինծառայողների սոցիալական պաշտպանության վարչության պետ Ս. Առուշանյանի կողմից տրված տեղեկանքի Մ. Ազնավուրյանը 1992-1994թթ. ընթացքում մասնակցել է ՀՀ և ԼՂՀ սահմանների պաշտպանության մարտական գործողություններին, ուստի նրա նկատմամբ առավելագույնը 5 /հինգ/ տարի ժամկետով ազատազրկում նշանակելու դեպքում դատարանը պետք է ՀՀ Ազգային ժողովի ՙՀայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին՚ որոշման կիրառմամբ նրան ազատի պատժի կրումից:
Նկատի ունենալով, որ տվյալ դեպքում բացակայում են համաներման որոշմամբ նշված այն սահմանափակումները, որոնք կարող են արգելք հանդիսանալ Մ. Ազնավուրյանի նկատմամբ համաներման ակտի կիրառման համար, ուստի դատարանը գտնում է, որ ՀՀ քրեական դատավարության օրենսգրքի 374-րդ հոդվածի համաձայն Մայիս Ազնավուրյանի նկատմամբ որպես խափանման միջոց կիրառված կալանավորումը պետք է վերացնել և նրան անհապաղ ազատել կալանքից դատական նիստի դահլիճում:
Հաշվի առնելով, որ ամբաստանյալ Լևոն Բախշյանն իրեն առաջադրված մեղադրանքի հետ համաձայնվել է, այն հաստատվել է գործով ձեռք բերված ապացույցներով, դատարանը գտնում է, որ ամբաստանյալ Լ. Բախշյանը ՀՀ քրեական օրենսգրքի 178-րդ հոդվածի 2-րդ մասի 1-ին կետի, ՀՀ քրեական օրենսգրքի 178-րդ հոդվածի 2-րդ մասի 2-րդ կետի, ՀՀ քրեական օրենսգրքի 182-րդ հոդվածի 2-րդ մասի 2-րդ և 3.1 կետերի հատկանիշներին համապատասխան հանցավոր արարքներ կատարելու համար ենթակա է քրեական պատասխանատվության:
Ամբաստանյալ Լևոն Բախշյանի նկատմամբ պատիժ նշանակելիս դատարանը հաշվի է առնում ինչպես կատարած հանցագործության բնույթն ու հանրության համար վտանգավորության աստիճանը, այնպես էլ ամբաստանյալի անձը բնութագրող տվյալները` այն, որ ամբաստանյալ Լ. Բախշյանը 1989թ.-ից ակտիվ մասնակցել է ղարաբաղյան և Հայոց ազատագրական շարժմանը, 1989-90թթ. մասնակցել է Սիսիանի սահմանների պաշտպանությանը, 1991թ.-ից Մեղրիի ինքնապաշտպանական ջոկատի կազմում մասնակցել է շրջանի սահմանների պաշտպանությանը, ինչպես նաև հենակետերի հիմնադրմանը, որպես հրաձիգ 1992-1993թթ. մասնակցել է Հորադիզի ուղղությմաբ մղվող մարտերին, ՀՀ ԵԿՄ Սիսիանի բաժանմունքի նախագահ Ա. Վարդանի կողմից բնութագրվում է դրականորեն:
Որպես ամբաստանյալ Լևոն Բախշյանի պատասխանատվությունը և պատիժը մեղմացնող հանգամանքներ դատարանը դիտում է այն, որ ամբաստանյալի խնամքի տակ է գտնվում հիվանդ կինը /վերջինս տառապում է արգանդի միոմա, վզիկի էրոզիա, ձվարանների կիստաներ հիվանդություններով և 29.01.2010թ. վիրահատվել է/, ամբաստանյալ Լ. Բախշյանը մասնակիորեն` 3.000 ԱՄՆ դոլարի չափ վերականգնել է տուժող Աշխեն Բադալյանին հանցագործությամբ պատճառված վնասը, ինչպես նաև ամբողջությամբ հատուցել է տուժող Ալեքսանդր Ղազարյանին հանցագործությամբ պատճառված վնասը:
Որպես ամբաստանյալ Լևոն Բախշյանի պատասխանատվությունը և պատիժը, ծանրացնող հանգամանքներ դատարանը չի հայտնաբերել:
Դատարանը գտնում է, որ ամբաստանյալ Լևոն Բախշյանն իր կատարած հանցանքների համար ենթակա է պատժի, որը պետք է նշանակվի հանցանքների համակցությամբ, իսկ նշանակված պատիժը պետք է կրի ՀՀ ԱՆ համապատասխան քրեակատարողական հիմնարկում: Լ. Բախշյանի նկատմամբ որպես խափանման միջոց կիրառված կալանավորումը պետք է թողնել անփոփոխ` մինչև դատավճռի օրինական ուժի մեջ մտնելը:
Քննարկելով իրեղեն ապացույցների հարցը` դատարանը գտնում է, որ դատավճիռն օրինական ուժի մեջ մտնելուց հետո իրեղեն ապացույց հանդիսացող և Լևոն Բախշյանի անձնական խուզարկությամբ հայտնաբերված 2500 /երկու հազար հինգ հարյուր/ ԱՄՆ դոլար գումարը` 25 հատ 100 ԱՄՆ դոլարանոց թղթադրամներով պետք է վերադարձնել ՀՀ ՊՆ ՌՈ ֆինանսական ծառայությանը:
Դատարանն անդրադառնալով ՀՀ ՊՆ քննչական ծառայության ՀԿԳ քննչական բաժնի ՀԿԳ քննիչ Ս. Խաչիկյանի 26.11.2012թ.-ի գույքի վրա կալանք դնելու մասին որոշումներով Մայիս Աբրահամի Ազնավուրյանին համատեղ սեփականության իրավունքով պատկանող Արարատի մարզի, Այնթափ համայնքի 2-րդ շարքի 14 տան, տնամերձի և Լևոն Վաղինակի Բախշյանի գույքի վրա դրված կալանքների հարցին` գտնում է դատավճիռն օրինական ուժի մեջ մտնելուց հետո այն պետք է վերացնել:
Դատարանը միաժամանակ գտնում է, որ ապացույց ճանաչված ՙՆոկիա 6300՚ մոդելի բջջային հեռախոսը և ՙFinal՚ ֆիրմայի արտադրության ՙDVD-R՚ ֆորմատի երկու լազերային սկավառակները պետք է պահել քրեական գործի հետ` վերջինիս պահելու ողջ ժամանակամիջոցում:
Ղեկավարվելով ՀՀ քրեական օրենսգրքի 66-րդ հոդվածով, Հայաստանի Հանրապետության Ազգային ժողովի ՙՀայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին՚ 2013թ.-ի հոկտեմբերի 3-ի որոշման 2-րդ կետի 5-րդ ենթակետով, ՀՀ քրեական դատավարության օրենսգրքի 119-րդ, 238-րդ, 357-360-րդ, 365-րդ, 369-374-րդ, 3753-րդ հոդվածներով` դատարանը

Վ Ճ Ռ Ե Ց

Ամբաստանյալ Մայիս Աբրահամի Ազնավուրյանին մեղավոր ճանաչել ՀՀ քրեական օրենսգրքի 178-րդ հոդվածի 2-րդ մասի 1-ին կետով և ՀՀ քրեական օրենսգրքի 182-րդ հոդվածի 2-րդ մասի 2-րդ և 3.1 կետերով նախատեսված հանցանքներ կատարելու մեջ:
ՀՀ քրեական օրենսգրքի 178-րդ հոդվածի 2-րդ մասի 1-ին կետով Մայիս Ազնավուրյանին դատապարտել ազատազրկման` 2 /երկու/ տարի ժամկետով:
ՀՀ քրեական օրենսգրքի 182-րդ հոդվածի 2-րդ մասի 2-րդ և 3.1 կետերով Մայիս Ազնավուրյանին դատապարտել ազատազրկման` 4 /չորս/ տարի ժամկետով:
ՀՀ քրեական օրենսգրքի 66-րդ հոդվածի համաձայն հանցանքների համակցությամբ պատիժները մասնակիորեն գումարելու միջոցով Մայիսի Աբրահամի Ազնավուրյանի նկատմամբ վերջնական պատիժ նշանակել ազատազրկում 5 /հինգ/ տարի ժամկետով:
Հայաստանի Հանրապետության Ազգային ժողովի ՙՀայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին՚ 2013թ.-ի հոկտեմբերի 3-ի որոշման 2-րդ կետի 5-րդ ենթակետի համաձայն ամբաստանյալ Մայիս Ազնավուրյանին ազատել նշանակված պատիժը կրելուց:
Մայիս Ազնավուրյանի նկատմամբ որպես խափանման միջոց կիրառված կալանավորումը վերացնել և նրան անհապաղ ազատել կալանքից դատական նիստի դահլիճում:
Ամբաստանյալ Լևոն Վաղինակի Բախշյանին մեղավոր ճանաչել ՀՀ քրեական օրենսգրքի 178-րդ հոդվածի 2-րդ մասի 1-ին կետով, ՀՀ քրեական օրենսգրքի 178-րդ հոդվածի 2-րդ մասի 2-րդ կետով, ՀՀ քրեական օրենսգրքի 182-րդ հոդվածի 2-րդ մասի 2-րդ և 3.1 կետերով նախատեսված հանցանքներ կատարելու մեջ:
ՀՀ քրեական օրենսգրքի 178-րդ հոդվածի 2-րդ մասի 1-ին կետով Լևոն Բախշյանին դատապարտել ազատազրկման` 2 /երկու/ տարի 6 /վեց/ ամիս ժամկետով:
ՀՀ քրեական օրենսգրքի 178-րդ հոդվածի 2-րդ մասի 2-րդ կետով Լևոն Բախշյանին դատապարտել ազատազրկման` 3 /երեք/ ժամկետով:
ՀՀ քրեական օրենսգրքի 182-րդ հոդվածի 2-րդ մասի 2-րդ և 3.1 կետերով Լևոն Բախշյանին դատապարտել ազատազրկման` 4 /չորս/ տարի ժամկետով:
ՀՀ քրեական օրենսգրքի 66-րդ հոդվածի համաձայն հանցանքների համակցությամբ պատիժները մասնակիորեն գումարելու միջոցով Լևոն Վաղինակի Բախշյանի նկատմամբ վերջնական պատիժ նշանակել ազատազրկում 6 /վեց/ տարի ժամկետով:
Լևոն Բախշյանի պատժի սկիզբը հաշվել 2012 թվականի նոյեմբերի 13-ից, որը պետք է կրի ՀՀ ԱՆ համապատասխան քրեակատարողական հիմնարկում:
Լևոն Բախշյանի նկատմամբ որպես խափանման միջոց կիրառված կալանավորումը թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո իրեղեն ապացույց հանդիսացող և Լևոն Բախշյանի անձնական խուզարկությամբ հայտնաբերված 2500 /երկու հազար հինգ հարյուր/ ԱՄՆ դոլար գումարը` 25 հատ 100 ԱՄՆ դոլարանոց թղթադրամներով վերադարձնել ՀՀ ՊՆ ՌՈ ֆինանսական ծառայությանը:
Դատավճիռն օրինական ուժի մեջ մտնելուց հետո ՀՀ ՊՆ քննչական ծառայության ՀԿԳ քննչական բաժնի ՀԿԳ քննիչ Ս. Խաչիկյանի 26.11.2012թ.-ի գույքի վրա կալանք դնելու մասին որոշումներով Մայիս Աբրահամի Ազնավուրյանին համատեղ սեփականության իրավունքով պատկանող Արարատի մարզի, Այնթափ համայնքի 2-րդ շարքի 14 տան, տնամերձի և Լևոն Վաղինակի Բախշյանի գույքի վրա դրված կալանքները` վերացնել:
Որպես ապացույց ճանաչված Լևոն Բախշյանի ՙՆոկիա 6300՚ մոդելի բջջային հեռախոսը և ՙFinal՚ ֆիրմայի արտադրության ՙDVD-R՚ ֆորմատի երկու լազերային սկավառակները պահել քրեական գործի հետ` վերջինիս պահելու ողջ ժամանակամիջոցում:
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո մեկամսյա ժամկետում, բացառությամբ ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքի:

դատավոր` ստորագրություն
Բնագրի հետ ճիշտ է`
դատավոր` Ա. Խաչատրյան