Գործ Nօ ԵԱՔԴ/0150/01/13

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

20 նոյեմբերի 2013թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը`

նախագահությամբ` դատավոր Ա.Մկրտչյանի
քարտուղարությամբ Շ.Վանոյանի
մասնակցությամբ`
մեղադրող Դ.Կարապետյանի
պաշտպաններ Կ.Մկրտչյանի
Ա.Սողոմոնյանի

Դատարանում, դռնբաց դատական նիստում, արագացված դատաքննության կարգով, քննեց քրեական գործն ըստ մեղադրանքի
Արման Ռուբիկի Թադևոսյանի /ծնված 1978 թվականի հուլիսի 13-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չի աշխատել, չամուսնացած, չդատված, հաշվառված` Երևան քաղաքի Քանաքեռ ՀԷԿ 5-րդ շենքի թիվ 3 բնակարանում, ՀՀ ԱՆ ՙՆուբարաշեն՚ ՔԿՀ կալանավոր, կալանքի տակ է 2013թ. հոկտեմբերի 7-ից/:
Մեղադրվում է ՀՀ քրեական օրենսգրքի 258-րդ հոդվածի 3-րդ մասի 1-ին կետով:

Հարություն Գագիկի Ալեքսանյանի /ծնված 1973 թվականի հոկտեմբերի 20-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չի աշխատել, ամուսնացած, խնամքին երկու անձ, դատվածություն չունեցող, հաշվառված` Երևան քաղաքի Քանաքեռ ՀԷԿ 3-րդ շենքի թիվ 15 բնակարանում, ՀՀ ԱՆ ՙՆուբարաշեն՚ ՔԿՀ կալանավոր, կալանքի տակ է 2013թ. հոկտեմբերի 7-ից/:
Մեղադրվում է ՀՀ քրեական օրենսգրքի 258-րդ հոդվածի 3-րդ մասի 1-ին կետով:

Գործի դատավարական նախապատմությունը
2011 թվականի նոյեմբերի 04-ին ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնում ՀՀ քրեական օրենսգրքի 258-րդ հոդվածի 3-րդ մասի 1-ին կետով հարուցվել է թիվ 14133111 քրեական գործը:
2011 թվականի նոյեմբերի 23-ին Հարություն Գագիկի Ալեքսանյանը և Արման Ռուբիիկի Թադևոսյանը ՀՀ քրեական օրենսգրքի 258-րդ հոդվածի 3-րդ մասի 1-ին կետով ներգրավվել են որպես մեղադրյալ, նրանց նկատմամբ հայտարարվել է հետախուզում և խափանման միջոց է ընտրվել կալանավորումը:
2012 թվականի փետրվարի 03-ին քրեական գործից անջատվել է Հ.Ալեքսանյանի և Ա.Թադևոսյանի մասը, որին շնորհվել է 14133111/1 համարը:
2012 թվականի փետրվարի 15-ին քրեական գործով վարույթը կասեցվել է:
2013 թվականի հոկտեմբերի 07-ին Հարություն Ալեքսանյանը և Արման Թադևոսյանը վերադարձել են Հայաստանի Հանրապետություն և կամովին ներկայացել ՀՀ ոստիկանության ՙԶվարթնոց՚ օդանավակայանի գծային բաժին, նույն օրը որոշում է կայացվել թիվ 14133111/1 քրեական գործով կասեցված վարույթը վերսկսելու մասին:
2013 թվականի հոկտեմբերի 09-ին դատարանի որոշմամբ Ա.Թադևոսյանի և Հ.Ալեքսանյանի նկատմամբ ընտրված խափանման միջոց կալանավորումը վերահաստատվել է:
2013 թվականի հոկտեմբերի 16-ին թիվ 14133111/1 գործից անհայտ անձի վերաբերյալ ՀՀ քրեական օրենսգրքի 258-րդ հոդվածի 3-րդ մասի 19-ին կետով մասն անջատվել է:
2013 թվականի հոկտեմբերի 23-ին թիվ 14133111/1 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Գործի փաստական հանգամանքները
Նախաքննության մարմինն ամբաստանյալ Արման Ռուբիկի Թադևոսյանին ՀՀ քրեական օրենսգրքի 258-րդ հոդվածի 3-րդ մասին 1-ին կետով մեղադրանք է առաջադրել այն արարքի համար, որ ՙնա, բացահայտորեն հակադրվելով մարդկային փոխհարաբերությունների հանրորեն ընդունված նորմերին, իր անձի առավելություններն ընդգծելու մոլուցքից մղված, 2011թ. նոյեմբերի 04-ին ժամը 14:36-ին, Հարություն Ալեքսանյանի և քննությամբ չպարզված անձի հետ միասին, սև գույնի ՙՄերսեդես՚ մակնիշի ավտոմեքենայով գալով Ադոնցի փողոցի 18 հասցեում գործող ՙԱրաբկիր Ալկո՚ ՍՊ ընկերության դարպասների մոտ, նշված անձանց հետ խմբի կազմում, դիտավորությմաբ կոպիտ կերպով խախտելով հասարակական կարգը և բացահայտ անհարգալից վերաբերմունք դրսևորելով հասարակության` ՙԱրաբկիր Ալկո՚ ՍՊ ընկերության աշխատակիցների և պատահական անցորդների նկատմամբ, շուրջ 1 րոպե տևողությամբ հնչեցրել են սեռական բնույթի հայհոյանքներ, միաժամանակ խուլիգանական գործողությունները զուգորդելով Վ.Այվազյանի նկատմամբ բռնություն գործադրելով` բռունցքներով և ոտքերով հարվածներ հասցնելով վերջինիս մարմնի տարբեր մասերին, որին մասնակցություն է ունեցել նաև Մ.Ալեքսանյանը՚:
Ամբաստանյալ Հարություն Գագիկի Ալեքսանյանին ՀՀ քրեական օրենսգրքի 258-րդ հոդվածի 3-րդ մասին 1-ին կետով մեղադրանք է առաջադրվել այն արարքի համար, որ ՙնա, բացահայտորեն հակադրվելով մարդկային փոխհարաբերությունների հանրորեն ընդունված նորմերին, իր անձի առավելություններն ընդգծելու մոլուցքից մղված, 2011թ. նոյեմբերի 04-ին ժամը 14:36-ին, ՀԱրման Թադևոսյանի և քննությամբ չպարզված անձի հետ միասին, սև գույնի ՙՄերսեդես՚ մակնիշի ավտոմեքենայով գալով Ադոնցի փողոցի 18 հասցեում գործող ՙԱրաբկիր Ալկո՚ ՍՊ ընկերության դարպասների մոտ, նշված անձանց հետ խմբի կազմում, դիտավորությմաբ կոպիտ կերպով խախտելով հասարակական կարգը և բացահայտ անհարգալից վերաբերմունք դրսևորելով հասարակության` ՙԱրաբկիր Ալկո՚ ՍՊ ընկերության աշխատակիցների և պատահական անցորդների նկատմամբ, շուրջ 1 րոպե տևողությամբ հնչեցրել են սեռական բնույթի հայհոյանքներ, միաժամանակ խուլիգանական գործողությունները զուգորդելով Վ.Այվազյանի նկատմամբ բռնություն գործադրելով` բռունցքներով և ոտքերով հարվածներ հասցնելով վերջինիս մարմնի տարբեր մասերին, որին մասնակցություն է ունեցել նաև Մ.Ալեքսանյանը՚:

Արագացված դատական քննություն
Մինչև դատաքննությունն սկսելն ամբաստանյալներ Արման Թադևոսյանը և Հարություն Ալեքսանյանը միջնորդել են դատական քննությունն անցկացնել արագացված կարգով և հայտարարել, որ առաջադրված մեղադրանքը պարզ է, համաձայն են առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել են կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալների պաշտպաններ Կ.Մկրտչյանը և Ա.Սողոմոնյանը:
Մեղադրող Դ.Կարապետյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալներ Արման Թադևոսյանի և Հարություն Ալեքսանյանի մեղավորությունը դիտավորությամբ հասարակական կարգը կոպիտ կերպով խախտելու, հասարակության նկատմամբ բացահայտ անհարգալից վերաբերմունք ցուցաբերելու, անձի նկատմամբ բռնություն գործադրելով մի խումբ անձանց կողմից խուլիգանություն կատարելու մեջ, որը նախատեսված է ՀՀ քրեական օրենսգրքի 258-րդ հոդվածի 3-րդ մասի 1-ին կետով, ապացուցված է:
Վերոհիշյալ հանցանքի կատարման համար ամբաստանյալները ենթակա են քրեական պատասխանատվության և պատժի, որը նրանք պետք է կրեն:
ՀՀ քրեական օրենսգրքի 10-րդ հոդվածի համաձայնª ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացիª համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 1-ին մասի համաձայնª ՙպատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից ու ազատություններից օրենքով նախատեսված զրկմամբ կամ դրանց սահմանափակմամբ՚:
ՀՀ քրեական օրենսգրքի 48-րդ հոդվածի 2-րդ մասի համաձայնª ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածի 1-ին մասի համաձայն` ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները՚:
ՀՀ քրեական օրենսգրքի 61-րդ հոդվածի 2-րդ մասի համաձայնª ՙՊատժի տեսակը և չափը որոշվում է հանցագործությանª հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվումª պատասխանատվությունը և պատիժը մեղմացնող կամ ծանրացնող հանգամանքներով՚:
ՀՀ Վճռաբեկ դատարանը 2012թ. նոյեմբերի 1-ին Սերոբ Սարգսյանի վերաբերյալ թիվ ՍԴ/0109/01/12 գործով արտահայտել է հետևյալ իրավական դիրքորոշումը. ՙ(…) պատիժ նշանակելու ընդհանուր սկզբունքները քրեական օրենքով նախատեսված այն հիմնադրույթներն են, որոնցով պետք է ղեկավարվի դատարանը պատիժ նշանակելիս: Այդ սկզբունքներն են`
ա) օրինականությունը,
բ) արդարությունը,
գ) պատժի անհատականացումը,
դ) մարդասիրությունը:
Պատիժ նշանակելու վերոնշյալ սկզբունքները սահմանում են այն հիմնական դրույթները, որոնցով ղեկավարվում է դատարանը յուրաքանչյուր քրեական գործով պատժի տեսակն ու չափն ընտրելիս:
(…) պատժի նշանակման իրավական շրջանակները սահմանված են ՀՀ քրեական օրենսգրքով: Դրա հետ մեկտեղ, սակայն, վերոնշյալ օրենքը դատարանին հնարավորություն է տվել որոշակի սկզբունքների (…) պահպանմամբ, իր ներքին համոզմանը և իրավագիտակցությանը համապատասխան, ՀՀ քրեական օրենսգրքի Ընդհանուր և Հատուկ մասերով նախատեսված սահմաններում որոշել պատժի տեսակն ու չափը: Այլ կերպ՝ ուրվագծելով կոնկրետ հանցանքի համար նշանակման ենթակա պատժի առավելագույն և նվազագույն սահմանները՝ ՀՀ քրեական օրենքը դատարանին տվել է այդ շրջանակում հայեցողություն դրսևորելու հնարավորություն:
Վճռաբեկ դատարանը գտել է, որ ՀՀ քրեական օրենսգրքի Հատուկ մասի գրեթե բոլոր հոդվածների սանկցիաներում ամրագրված վերոնշյալ մոտեցումը պայմանավորված է այն տրամաբանությամբ, որ քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են: Ուստի կոնկրետ արարքի և անձի նկատմամբ համընդհանուր քրեական օրենքով նախատեսված սանկցիան կիրառելիս դատարանը պետք է որոշակի հայեցողություն դրսևորի:
Այնսինքն` առանց դատարանի հայեցողության պատժի անհատականացումն անհնար է:
(…) Պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության աստիճանի ու բնույթի, հանցավորի անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների հայեցողական և ոչ երբեք կամային գնահատման ժամանակ դատարանը պետք է ելնի ՀՀ քրեական օրենսգրքի 48-րդ հոդվածով նախատեսված՝ պատժի նպատակների իրացումն ապահովելու անհրաժեշտությունից (տես Նարեկ Գևորգի Սարգսյանի գործով Վճռաբեկ դատարանի 2011 թվականի դեկտեմբերի 22-ի թիվ ԵԿԴ/0042/01/11 որոշման 14-րդ, 22-23-րդ կետերը)՚:
Ամբաստանյալ Արման Թադևոսյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել կատարած արարքի համար, նախկինում դատված չէ, բնութագրվում է դրական:
Ամբաստանյալ Հարություն Ալեքսանյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել կատարած արարքի համար, բնութագրվում է դրական, խնամքին են գտնվում 2002թ. ծնված մանկահասակ և 1998թ. ծնված անչափահաս երեխաները:
Ամբաստանյալների պատասխանատվությունն ու պատիժը ծանրացնող հանգամանքներ դատարանը չի արձանագրել:
ՀՀ քրեական դատավարության օրենսգրքի 375 3-րդ հոդվածի 6-րդ մասի համաձայն` ՙԴատարանը արագացված կարգով դատական քննության արդյունքում մեղադրական դատավճիռ կայացնելիս նշանակում է պատիժ, որը չի կարող գերազանցել կատարված հանցագործության համար նախատեսված առավել խիստ պատժի երկու երրորդը, իսկ եթե առավել խիստ պատժի երկու երրորդը փոքր է տվյալ հանցագործության համար նախատեսված առավել մեղմ պատժից` ապա առավել մեղմ պատիժը՚:
ՀՀ քրեական օրենսգրքի 82-րդ հոդվածի համաձայն` ՙՀանցանք կատարած անձն օրենսդիր մարմնի կողմից ընդունվող համաներման ակտով կարող է ազատվել քրեական պատասխանատվությունից, իսկ դատապարտյալը կարող է լրիվ կամ մասնակիորեն ազատվել ինչպես հիմնական, այնպես էլ լրացուցիչ պատժից, կամ պատժի չկրած մասը կարող է փոխարինվել ավելի մեղմ պատժատեսակով, կամ կարող է վերացվել դատվածությունը՚:
ՀՀ Ազգային Ժողովի 2013թ. հոկտեմբերի 03-ի ՙՀՀ անկախության հռչակման 22-րդ տարեդարձի կապակցությամբ համաներում հայտարարելու մասին՚ որոշման 9-րդ կետի 4-րդ ենթակետը սահմանում է. ՙՀամաներումը չկիրառել մինչև uույն որոշումն ընդունելը հետախուզման մեջ գտնվող անձանց նկատմամբ, բացառությամբ այն անձանց, որոնք մինչև 2013 թվականի դեկտեմբերի 31-ը ներառյալ կամովին կներկայանան Հայաuտանի Հանրապետության իրավապահ մարմիններ, իuկ եթե գործը դատարանի վարույթում է` դատարան՚:
Նկատի ունենալով, որ ամբաստանյալներ Հարություն Ալեքսանյանը և Արման Թադևոսյանը վերադարձել են Հայաստանի Հանրապետություն և կամովին ներկայացել ՀՀ ոստիկանության ՙԶվարթնոց՚ օդանավակայանի գծային բաժին, ուստի նրանց նկատմամբ կիրառելի է ՀՀ Ազգային Ժողովի 2013թ. հոկտեմբերի 03-ի ՙՀՀ անկախության հռչակման 22-րդ տարեդարձի կապակցությամբ համաներում հայտարարելու մասին՚ որոշման 1-ին կետի 3-րդ ենթակետը, այն է` ՙպատժից ազատել, բացառությամբ սույն որոշման 8-րդ կետի 4-6-րդ ենթակետերով և 9-րդ կետով նախատեսված դեպքերի` այն անձանց, որոնց նկատմամբ նշանակվել է առավելագույնը երեք տարի ժամկետով ազատությունից զրկելու հետ կապված պատիժ՚:
Ղեկավարվելով 134-րդ, 357-360-րդ, 3753-րդ, 3754-րդ և 379-րդ հոդվածներով, դատարանը

ՎՃՌԵՑ

Արման Ռուբիկի Թադևոսյանին մեղավոր ճանաչել ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության կատարման մեջ և նրա նկատմամբ պատիժ նշանակել ազատազրկում 1 /մեկ/ տարի 6 /վեց/ ամիս ժամկետով:
Կիրառել ՀՀ Ազգային Ժողովի 2013թ. հոկտեմբերի 03-ի ՙՀՀ անկախության հռչակման 22-րդ տարեդարձի կապակցությամբ համաներում հայտարարելու մասին՚ որոշման 1-ին կետի 3-րդ ենթակետը և նրան ազատել նշանակված պատժից:
Արման Թադևոսյանի նկատմամբ ընտրված խափանման միջոցը` կալանավորումը, վերացնել և նրան ազատել դատարանի դահլիճից:

Հարություն Գագիկի Ալեքսանյանին մեղավոր ճանաչել ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության կատարման մեջ և նրա նկատմամբ պատիժ նշանակել ազատազրկում 2 /երկու/ տարի ժամկետով:
Կիրառել ՀՀ Ազգային Ժողովի 2013թ. հոկտեմբերի 03-ի ՙՀՀ անկախության հռչակման 22-րդ տարեդարձի կապակցությամբ համաներում հայտարարելու մասին՚ որոշման 1-ին կետի 3-րդ ենթակետը և նրան ազատել նշանակված պատժից:
Հարություն Ալեքսանյանի նկատմամբ ընտրված խափանման միջոցը` կալանավորումը, վերացնել և նրան ազատել դատարանի դահլիճից:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում:



ԴԱՏԱՎՈՐ Ա.ՄԿՐՏՉՅԱՆ