ԵԱՔԴ/0148/01/13

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

11.11.2013թ. ք. Երևան

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանըª

նախագահությամբ դատավոր` Արմեն Խաչատրյանի,
քարտուղարությամբ` Մագդա Գրիգորյանի,
մասնակցությամբ մեղադրող` Ռազմիկ Էլիզբարյանի,
պաշտպան` Մարինե Թովմասյանի,
տուժող` Գրիգոր Գալստյանի,

դատարանում, դռնբաց դատական նիստում, դատական քննության արագացված կարգով քննեց քրեական գործն ըստ մեղադրանքի

Մխիթար Սարգսի Զարգարյանի` ծնված 24.05.1994թ.-ին Կոտայքի մարզի Նոր Գեղի գյուղում, ազգությամբ հայ, ՀՀ քաղաքացի, միջնակարգ կրթությամբ, հանդիսանում է ՀՀ ՊՆ թիվ 14746 զորամասի պատվոպահակային վաշտի 2-րդ դասակի 1-ին ջոկի հրաձիգ` ժամկետային զինծառայող, կոչումով շարքային, ՀՀ բանակ է զորակոչվել 13.06.2012թ.-ին, չամուսնացած, նախկինում չդատված, հաշվառված և բնակվել է Կոտայքի մարզ, գյուղ Նոր Գեղի, Մաշտոցի փողոց 10 տուն հասցեում, մեղադրանք է առաջադրվել ՀՀ քրեական օրենսգրքի 359-րդ հոդվածի 1-ին մասով և ՀՀ քրեական օրենսգրքի 112-րդ հոդվածի 1-ին մասով նախատեսված հանցանքներ կատարելու համար, կալանքի տակ է 2013 թվականի սեպտեմբերի 2-ից:
Դատարանը պարզեց հետևյալը.
2013 թվականի օգոստոսի 21-ին Երևանի կայազորի զինվորական դատախազությունում ՀՀ քրեական օրենսգրքի 359-րդ հոդվածի 1-ին մասի հատկանիշներով հարուցվել է թիվ 90212113 քրեական գործը:
2013 թվականի օգոստոսի 22-ին թիվ 90212113 քրեական գործը ՀՀ ՊՆ քննչական ծառայության 4-րդ կայազորային քննչական բաժնում ընդունվել է վարույթ և կատարվել է նախաքննություն:
2013 թվականի սեպտեմբերի 5-ին Մխիթար Սարգսի Զարգարյանը որպես մեղադրյալ է ներգրավվել ՀՀ քրեական օրենսգրքի 359-րդ հոդվածի 1-ին մասով և ՀՀ քրեական օրենսգրքի 112-րդ հոդվածի 1-ին մասով նախատեսված այն արարքների կատարման համար, որ ՙնա հանդիսանալով ՀՀ ՊՆ 14746 զորամասի պատվոպահակային վաշտի 2-րդ դասակի 1-ին ջոկի հրաձիգ, կոչումով շարքային կատակելու ընթացքում միմյանց չհասկանալու կապակցությամբ 09.08.2013թ-ի ժամը 21:00-ի սահմաններում զորամասի շարահրապարակի մոտակայքում վիճաբանել է համածառայող, շարքային Գրիգոր Գալուստի Գալստյանի հետ և ստորադասության հարաբերությունների բացակայության դեպքում, խախտելով ՀՀ ԶՈՒ ներքին ծառայության կանոնագրքի 13-րդ, 65-րդ և 158-րդ հոդվածներով սահմանված զինծառայողների փոխհարաբերությունների կանոնագրքային կանոնները, բռնի գործողություններ է կատարել վերջինիս նկատմամբ` քաշքշել է նրան և դիտավորությամբ մկրատով հարվածներ է հասցրել շարքային Գ. Գ. Գալստյանի կրծքավանդակի աջ և ձախ կեսերին, որի հետևանքով վերջինս կրծքավանդակի ձախ կեսի շրջանում ստացել է թափանցող, ծակած-կտրած ձևով կյանքին վտանգ սպառնացող ծանր մարմնական վնասվածք՚:
2013 թվականի հոկտեմբերի 18-ին թիվ 90212113 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան` ըստ էության քննելու համար:
Ամբաստանյալ Մխիթար Զարգարյանը, պահպանելով ՀՀ քրեական դատավարության օրենսգրքի 3751-րդ հոդվածով նախատեսված պայմանները, համաձայնվելով իրեն առաջադրված մեղադրանքի հետ, հայտնեց, որ առաջադրված մեղադրանքում իրեն մեղավոր է ճանաչում, միջնորդեց դատական քննությունն արագացված կարգով անցկացնել, նշելով, որ միջնորդությունը ներկայացնում է կամավոր, իր պաշտպանի հետ խորհրդակցելուց հետո և գիտակցում է իր կողմից ներկայացված միջնորդության բնույթն ու հետևանքները:
Մեղադրող Ռ. Էլիզբարյանը դատարանի առաջարկությամբ փոխեց իր դիրքորոշումը և հայտնեց, որ չի առարկում դատական քննության արագացված կարգ կիրառելու դեմ:
Տուժող Գրիգոր Գալստյանը նույնպես չառարկեց դատական քննության արագացված կարգ կիրառելու դեմ:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3753-րդ հոդվածներով նախատեսված պայմանները որոշում է կայացրել դատական քննության արագացված կարգ կիրառելու մասին:
Վերը նկարագրված հանցանքի կատարման մեջ Մխիթար Զարգարյանի մեղավորությունը հաստատվել է նախաքննության ընթացքում տված ինչպես ամբաստանյալի խոստովանական, այնպես էլ գործով տուժող Գրիգոր Գալստյանի, վկաներ Արթուր Սողոմոնյանի և Վաչիկ Մանուկյանի ցուցմունքներով, դատաբժշկական փորձաքննության փորձագետի թիվ 1390/հ եզրակացությամբ, դատահետքաբանական փորձաքննության փորձագետի թիվ Հմ` 30351302 եզրակացությամբ, իրեղեն ապացույցների առկայությամբ:
Հաշվի առնելով, որ ամբաստանյալ Մխիթար Զարգարյանն իրեն առաջադրված մեղադրանքի հետ համաձայնվել է, այն հաստատվել է գործով ձեռք բերված ապացույցներով, դատարանը գտնում է, որ ամբաստանյալ Մ. Զարգարյանը ՀՀ քրեական օրենսգրքի 359-րդ հոդվածի 1-ին մասի և ՀՀ քրեական օրենսգրքի 112-րդ հոդվածի 1-ին մասի հատկանիշներին համապատասխան հանցավոր արարքներ կատարելու համար ենթակա է քրեական պատասխանատվության:
Ամբաստանյալի նկատմամբ պատիժ նշանակելիս դատարանը հաշվի է առնում ինչպես կատարած հանցագործության բնույթն ու հանրության համար վտանգավորության աստիճանը, այնպես էլ ամբաստանյալի անձը բնութագրող տվյալները` այն, որ ամբաստանյալը երիտասարդ է, նախկինում դատված ու արատավորված չի եղել, ՀՀ ՊՆ 14746 զորամասի պատվո-պահակային վաշտի հրամանատար Ս. Վարդանյանի կողմից բնութագրվում է դրականորեն:
Ամբաստանյալի պատասխանատվությունը և պատիժը ինչպես մեղմացնող, այնպես էլ ծանրացնող հանգամանքներ դատարանը չի հայտնաբերել:
Նման պայմաններում դատարանը գտնում է, որ ամբաստանյալ Մխիթար Զարգարյանն իր կատարած հանցանքների համար ենթակա է պատժի, որը պետք է կրի ՀՀ ԱՆ համապատասխան քրեակատարողական հիմնարկում, իսկ նրա նկատմամբ որպես խափանման միջոց կիրառված կալանավորումը պետք է թողնել անփոփոխ` մինչև դատավճռի օրինական ուժի մեջ մտնելը:
Անդրադառնալով իրեղեն ապացուցների հարցին` դատարանը գտնում է, որ դատավճիռն օրինական ուժի մեջ մտնելուց հետո իրեղեն ապացույց հանդիսացող զինվորական բաճկոնը, տաբատը և շապիկը պետք է վերադարձնել տուժող Գրիգոր Գալստյանին:
Միաժամանակ դատարանը գտնում է, որ դատավճիռն օրինական ուժի մեջ մտնելուց հետո իրեղեն ապացույց հանդիսացող մկրատը պետք է ոչնչացնել:
Ղեկավարվելով ՀՀ քրեական օրենսգրքի 66-րդ հոդվածով, ՀՀ քրեական դատավարության օրենսգրքի 119-րդ, 357-360-րդ, 365-րդ, 369-373-րդ, 3753-րդ հոդվածներով` դատարանը
Վ Ճ Ռ Ե Ց
Ամբաստանյալ Մխիթար Սարգսի Զարգարյանին մեղավոր ճանաչել ՀՀ քրեական օրենսգրքի 359-րդ հոդվածի 1-ին մասով և ՀՀ քրեական օրենսգրքի 112-րդ հոդվածի 1-ին մասով նախատեսված հանցանքներ կատարելու մեջ:
ՀՀ քրեական օրենսգրքի 359-րդ հոդվածի 1-ին մասով Մխիթար Զարգարյանին դատապարտել ազատազրկման 6 /վեց/ ամիս ժամկետով:
ՀՀ քրեական օրենսգրքի 112-րդ հոդվածի 1-ին մասով Մխիթար Զարգարյանին դատապարտել ազատազրկման 3 /երեք/ տարի ժամկետով:
ՀՀ քրեական օրենսգրքի 66-րդ հոդվածի համաձայն հանցանքների համակցությամբ պատիժները լրիվ գումարելու միջոցով Մխիթար Սարգսի Զարգարյանի նկատմամբ վերջնական պատիժ նշանակել ազատազրկում` 3 /երեք/ տարի 6 /վեց/ ամիս ժամկետով:
Մխիթար Զարգարյանի պատժի սկիզբը հաշվել 2013 թվականի սեպտեմբերի 2-ից, որը պետք է կրի ՀՀ ԱՆ համապատասխան քրեակատարողական հիմնարկում:
Մխիթար Զարգարյանի նկատմամբ որպես խափանման միջոց կիրառված կալանավորումը թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո իրեղեն ապացույց հանդիսացող զինվորական բաճկոնը, տաբատը և շապիկը` վերադարձնել տուժող Գրիգոր Գալստյանին:
Դատավճիռն օրինական ուժի մեջ մտնելուց հետո իրեղեն ապացույց հանդիսացող մկրատը` ոչնչացնել:
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո մեկամսյա ժամկետում, բացառությամբ ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքի:

դատավոր` ստորագրություն
Բնագրի հետ ճիշտ է`
դատավոր` Ա. Խաչատրյան