Գործ Nօ ԵԱՔԴ/0140/01/13

ՈՐՈՇՈՒՄ

ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ

17 հոկտեմբերի 2013թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը`

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Հ.Մկրտչյանի

Դատարանում, դռնբաց դատական նիստում քննության առնելով քրեական գործն ըստ մեղադրանքի` Գևորգ Սամվելի Գևորգյանի /ծնված 1986 թվականի ապրիլի 25-ին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, չամուսնացած, չդատված, չի աշխատում, հաշվառված` Երևան քաղաքի Կոնդ 208 տանը, 2013թ. մայիսի 20-ին խափանման միջոց է ընտրվել ստորագրություն` չհեռանալու մասին/:
Մեղադրվում է ՀՀ քրեական օրենսգրքի 235-րդ հոդվածի 1-ին մասով:

Պ Ա Ր Զ Ե Ց

Նախաքննության մարմինն ամբաստանյալ Գևորգ Գևորգյանին ՀՀ քրեական օրենսգրքի 235-րդ հոդվածի 1-ին մասով մեղադրանք է առաջադրել այն արարքի համար, որ ՙնա ապօրինի պահել և կրել է 1985 թվականի գործարանային արտադրության 9մմ տրամաչափի ակոսափող հրազեն հանդիսացող ՙՄակարով՚ տեսակի ՙAM 1603՚ համարի ատրճանակ և ռազմամթերք հանդիսացող յոթ փամփուշտներով լիցքավորված փամփշտատուփ, որը 2013 թվականի մայիսի 17-ին ոստիկանության աշխատակիցների կողմից հայտնաբերվել է Գ.Գևորգյանի անձնական խուզարկությամբ՚:
Դատական քննության փուլում ամբաստանյալ Գևորգ Գևորգյանը միջնորդեց իր նկատմամբ քրեական հետապնդումը դադարեցնել և քրեական գործի վարույթը կարճել` ՀՀ Ազգային Ժողովի ՙՀայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին՚ 03.10.2013թ. որոշման համաներման որոշման հիման վրա:
ՀՀ Ազգային Ժողովի ՙՀայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին՚ 03.10.2013թ. որոշման 5-րդ կետի 2-րդ ենթակետի համաձայն` կարճման ենթակա են մինչև 2013 թվականի սեպտեմբերի 1-ը կատարած հանցագործությունների վերաբերյալ (...) դատարանների վարույթում գտնվող քրեական գործերը, որոնցով անձինք մեղադրվում են այնպիuի հանցագործություններ կատարելու մեջ, որոնց համար նախատեuված է պատիժ` ոչ ավելի, քան երեք տարի ժամկետով ազատազրկում:
ՀՀ քրեական օրենսգրքի 235-րդ հոդվածի 1-ին մասի սանկցիան առավելագույն պատիժ է նախատեսում ազատազրկում մինչև երեք տարի ժամկետով:
ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի համաձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ընդունվել է համաներման ակտ:
Նշված պայմաններում դատարանը գտնում է, որ ՀՀ քրեական օրենսգրքի 235-րդ հոդվածի 1-ին մասով հարուցված քրեական գործի վարույթը պետք է կարճել և Գևորգ Գևորգյանի նկատմամբ քրեական հետապնդումը դադարեցնել` ՀՀ Ազգային Ժողովի ՙՀայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին՚ 03.10.2013թ. որոշման 5-րդ կետի 2-րդ ենթակետի հիման վրա:
Անդրադառնալով իրեղեն ապացույցների տնօրինման հարցին, դատարանը գտնում է, որ իրեղեն ապացույց ճանաչված, Գևորգ Գևորգյանի անձնական խուզարկությամբ հայտնաբերված և առգրավված հրազեն հանդիսացող 1985թ. գործարանային արտադրության ՙՄակարով՚ տեսակի ատրճանակը իր յոթ փամփուշտներով և փամփշտապահունակով պետք է թողնել ՀՀ ոստիկանության տնօրինմանը:
Ղեկավարվելով Հայաստանի Հանրապետության քրեական դատավարության օրենսգրքի 35-րդ հոդվածի 1-ին մասի 13-րդ կետով, 119-րդ, 313-րդ և 379-րդ հոդվածներով դատարանը`

Ո Ր Ո Շ Ե Ց

ՀՀ քրեական օրենսգրքի 235-րդ հոդվածի 1-ին մասի հատկանիշներով հարուցված թիվ 14143013 քրեական գործի վարույթը կարճել և Գևորգ Սամվելի Գևորգյանի նկատմամբ քրեական հետապնդումը դադարեցնել` ՀՀ Ազգային Ժողովի ՙՀայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին՚ 03.10.2013թ. որոշման 5-րդ կետի 2-րդ ենթակետի հիման վրա:
Գևորգ Սամվելի Գևորգյանի նկատմամբ ընտրված խափանման միջոցը` ստորագրություն չհեռանալու մասին, վերացնել:
Իրեղեն ապացույց ճանաչված Գևորգ Գևորգյանի անձնական խուզարկությամբ հայտնաբերված և առգրավված հրազեն հանդիսացող 1985թ. գործարանային արտադրության ՙՄակարով՚ տեսակի ատրճանակը իր յոթ փամփուշտներով և փամփշտապահունակով, թողնել ՀՀ ոստիկանության տնօրինմանը:
Որոշումը կարող է բողոքարկվել ՀՀ քրեական վերաքննիչ դատարան` հրապարակվելու օրվանից հետո մեկամսյա ժամկետում:





ԴԱՏԱՎՈՐ Ա.ՄԿՐՏՉՅԱՆ