գործ ԵԱՔԴ/0135/01/13


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը

Նախագահությամբ դատավոր` Արմեն Բեկթաշյանի
քարտուղարությամբ` Հասմիկ Արտաշեսյանի

մասնակցությամբ`
մեղադրող` Վիգեն Միլիտոնյանի

պաշտպաններ` Ռոբերտ Մարտիրոսյանի
Հայկ Իսրայելյանի

ամբաստանյալներ` Գագիկ Գալստյանի
Արսեն Լևոնյանի

2014 թվականի հունվարի 15-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`

Գագիկ Գենոդիկի Գալստյանի` ծնված 04.10.1976 թվականին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին 2 անձ, դատվածություն չունեցող, չի աշխատել, հաշվառված է Երևան քաղաքի Մամիկոնյանց փողոցի 40/2 շենքի թիվ 29 բնակարանում, փաստացի բնակվել է Երևան քաղաքի Կոմիտաս պողոտայի, 57-րդ շենքի թիվ 17 բնակարանում, կալանքի տակ է 18.05.2013 թվականից:

Գագիկ Գենոդիկի Գալստյանը մեղադրվում է 2 դրվագ ՀՀ քրեական օրենսգրքի 266 հոդվածի 1-ին մասով, 8 դրվագ ՀՀ քրեական օրենսգրքի 266 հոդվածի 2-րդ մասի 2-րդ կետով, 2 դրվագ ՀՀ քրեական օրենսգրքի 268 հոդվածի 1-ին մասով, 2 դրվագ ՀՀ քրեական օրենսգրքի 266 հոդվածի 4-րդ մասով:
2013 թվականի մայիսի 18-ի որոշմամբ Գագիկ Գենոդիկի Գալստյանի նկատմամբ որպես խափանման միջոց է ընտրվել կալանավորումը:

Արսեն Եղիշի Լևոնյանի` ծնված 12.01.1979 թվականին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, նախկինում դատապարտված` Երևան քաղաքի Շենգավիթ վարչական շրջանի ընդհանուր իրավասության դատարանի 23.12.2009 թվականի դատավճռով ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ և 3-րդ կետերով դատապարտվել է ազատազրկման 2 /երկու/ տարի ժամկետով։ 03.12.2010 թվականի որոշմամբ պայմանական վաղաժամկետ ազատվել է 10 /տասը/ ամիս 14 /տասնչորս/ օր պատիժը կրելուց, դատվածությունը չմարված, չի աշխատել, բնակվել է Երևան քաղաքի Ներքին Շենգավիթ, 13-րդ փողոցի թիվ 29 տանը, կալանքի տակ է 01.04.2013 թվականից:

Արսեն Եղիշի Լևոնյանը մեղադրվում է ՀՀ քրեական օրենսգրքի 268 հոդվածի 2-րդ մասի 2-րդ կետով և ՀՀ քրեական օրենսգրքի 266 հոդվածի 4-րդ մասով:
2013 թվականի ապրիլի 03-ի որոշմամբ Արսեն Եղիշի Լևոնյանի նկատմամբ որպես խափանման միջոց է ընտրվել կալանավորումը:

Գործի դատավարական նախապատմությունը.

2013 թվականի մարտի 31-ին ժամը 20:30-ին ՀՀ ոստիկանության ԿՀԴՊԳՎ ԹԱՇԴՊ վարչությունում ստացված օպերատիվ տվյալներն իրացնելիս ոստիկանության ԿՀԴՊԳՎ ԹԱՇԴՊ վարչության աշխատակիցները ոստիկանության Արաբկիրի բաժնի աշխատակիցների հետ համատեղ, Երևան քաղաքի Արշակունյաց պողոտայի 2 հասցեի մոտից թմրամիջոցներ ապօրինի պահելու կասկածանքով, ոստիկանության Արաբկիրի բաժին բերման է ենթարկվել Երևան քաղաքի Ն.Շենգավիթ 13-րդ փողոցի 29-րդ տան բնակիչ Արսեն Եղիշի Լևոնյանը, որի անձնական խուզարկությամբ բաճկոնի ձախ գրպանից հայտնաբերվել է պոլիէթիլենային թաղանթով փաթեթավորված ՙԱփիոն՚ տեսակի թմրամիջոցի նմանվող թվով 5 հատ մուգ շագանակագույն գնդիկանման զանգվածներ, որի ընդհանուր քաշը կազմել է մոտ 3.1 գրամ և մեկ հատ 5 մլ տարողությամբ մեկանգամյա օգտագործման ներարկիչ` 4 մլ ծավալով անգույն և յուրահատուկ հոտով հեղուկի պարունակությամբ:
Փաստի առթիվ 2013 թվականի ապրիլի 01-ին ՀՀ ոստիկանության ՔԳՎ ՀԿԳ քննության վարչությունում ՀՀ քրեական օրենսգրքի 268-րդ հոդվածի 2-րդ մասի 2-րդ կետի և ՀՀ քրեական օրենսգրքի 266-րդ հոդվածի 4-րդ մասի հատկանիշներով հարուցվել է թիվ 14117913 քրեական գործը:
ՀՀ քրեական օրենսգրքի 268 հոդվածի 2-րդ մասի 2-րդ կետով և ՀՀ քրեական օրենսգրքի 266 հոդվածի 4-րդ մասով հանցանք կատարելու կասկածանքով 2013 թվականի ապրիլի 01-ին Արսեն Եղիշի Լևոնյանը ձերբակալվել է:
2013 թվականի ապրիլի 03-ի որոշմամբ Արսեն Եղիշի Լևոնյանը ՀՀ քրեական օրենսգրքի 268-րդ հոդվածի 2-րդ մասի 2-րդ կետով և ՀՀ քրեական օրենսգրքի 266-րդ հոդվածի 4-րդ մասով նախատեսված հանցանք կատարելու համար ներգրավվել է որպես մեղադրյալ և նույն օրը Արսեն Լևոնյանի նկատմամբ որպես խափանման միջոց է ընտրվել կալանավորումը` 2 ամիս ժամկետով: Ա.Լևոնյանին մեղադրանք է առաջադրվել այն բանի համար, որ նա 2013 թվականի մարտի 31-ին, գործով չպարզված անձից և գործով չպարզված հանգամանքներում իր օգտագործման նպատակով ապօրինի ձեռք է բերել խոշոր չափ համարվող` 2.75 գրամ հաստատուն քաշով տնայնագործական եղանակով պատրաստված ՙԱփիոն՚ տեսակի թմրամիջոց և զգալի չափ համարվող 0.00361 կգ հաստատուն քաշով քացախաթթվի անհիդրիդ տեսակի պրեկուրսոր, որը պահել է իր մոտ և ՙԼիմոն՚ տաքսի ծառայությանը պատկանող ՙՌենո Լոգան՚ մակնիշի 6590 համարանիշի տաքսի ավտոմեքենայով ընթացել է դեպի Երևան քաղաքի Ն.Շենգավիթ 6-րդ փողոցի 46-րդ տուն, սակայն Երևան քաղաքի Արշակունյանց 2 հասցեի մոտից ՀՀ ոստիկանության ԿՀԴՊԳՎ ԹԱՇԴՊ վարչության աշխատակիցների կողմից բերման է ենթարկվել ոստիկանության Արաբկիրի բաժին, որտեղ էլ վերջինիս անձնական խուզարկությամբ բաճկոնի գրպանից հայտնաբերվել են թմրանյութն ու պրեկուրսորը:
Նախաքննական մարմնի 2013 թվականի ապրիլի 04-ի որոշմամբ թիվ 14117913 քրեական գործի նյութերով Գագիկ Գենոդիկի Գալստյանի կողմից առանց իրացնելու նպատակի զգալի չափի` 0.82 գրամ և 0.12 գրամ չորացված ՙմարիխուանա՚ տեսակի թմրամիջոց, ՙմզվածքային ափիոն՚ տեսակի թմրամիջոց և ՙքացախաթթվի անհիդրիդ՚ տեսակի պրեկուրսոր ապօրինի պահելու փաստի առթիվ ՀՀ քրեական օրենսգրքի 268 հոդվածի 1-ին մասի երկու դրվագների և ՀՀ քրեական օրենսգրքի 266 հոդվածի 4-րդ մասի հատկանիշներով հարուցվել է թիվ 14118713 քրեական գործը:
ՀՀ քրեական օրենսգրքի 266 հոդվածի 4-րդ մասվ և ՀՀ քրեական օրենսգրքի 268 հոդվածի 1-ին մասով նախատեսված հանցանքներ կատարելու կասկածանքով 2013 թվականի ապրիլի 05-ի որոշմամբ կասկածյալ Գագիկ Գենոդիկի Գալստյանի նկատմամբ որպես խափանման միջոց է ընտրվել ստորագրություն չհեռանալու մասին:
2013 թվականի ապրիլի 11-ի որոշմամբ Գագիկ Գենոդիկի Գալստյանը ՀՀ քրեական օրենսգրքի 266 հոդվածի 4-րդ մասի և երկու դրվագ ՀՀ քրեական օրենսգրքի 268 հոդվածի 1-ին մասով նախատեսված հանցանքներ կատարելու համար ներգրավվել է որպես մեղադրյալ և նույն օրը վերջինիս նկատմամբ որպես խափանման միջոց է ընտրվել ստորագրություն չհեռանալու մասին:
Նախաքննական մարմնի 2013 թվականի ապրիլի 22-ի որոշմամբ մեկ վարույթում քննելու նպատակով թիվ 14118713 քրեական գործը միացվել է թիվ 14117913 քրեական գործին` նկատի ունենալով, որ ՀՀ քրեական դատավարության օրենսգրքի 28-րդ հոդվածի համաձայն մեկ վարույթում կարող են միացվել մեկ կամ մի քանի հանցագործությունների կատարմանը մասնակցելու մեջ մեղադրվող մի քանի անձանց գործերը կամ մի անձի կողմից կատարված մի քանի հանցագործությունների վերաբերյալ գործերը:
Արաբկիրի քննչական բաժնի կողմից 2013 թվականի մայիսի 08-ին կայացված որոշմամբ` Արսեն Եղիշի Լևոնյանի կողմից մարմնական վնասվածք ստանալու վերաբերյալ նախապատրաստված նյութերով քրեական գործի հարուցումը մերժվել է` հանցակազմի բացակայության պատճառաբանությամբ` նկատի ունենալով, որ նյութերի նախապատրաստման ընթացքում կատարված քննչական և դատավարական գործողությունների արդյունքում տվյալներ ձեռք չեն բերվել մեկ այլ անձի կողմից Արսեն Լևոնյանին մարմնական վնասվածքներ հասցնելու վերաբերյալ:
2013 թվականի մայիսի 18-ի որոշմամբ Գագիկ Գենոդիկի Գալստյանին նախկինում` 2013 թվականի ապրիլի 11-ին ՀՀ քրեական օրենսգրքի 266 հոդվածի 4-րդ մասով և ՀՀ քրեական օրենսգրքի 268 հոդվածի 1-ին մասի երկու դրվագներով առաջադրված մեղադրանքը փոփոխվել ու լրացվել է և նրան նոր մեղադրանք է առաջադրվել ՀՀ քրեական օրենսգրքի 266 հոդվածի 2-րդ մասի 2-րդ կետով, ՀՀ քրեական օրենսգրքի 266 հոդվածի 1-ին մասով, ՀՀ քրեական օրենսգրքի 266 հոդվածի 4-րդ մասով և ՀՀ քրեական օրենսգրքի 268 հոդվածի 1-ին մասով, նույն օրը Գագիկ Գենոդիկի Գալստյանը նշված հոդվածներով նախատեսված հանցանքներ կատարելու համար ներգրավվել է որպես մեղադրյալ և նրա նկատմամբ ընտրված խափանման միջոցը` ստորագրություն չհեռանալու մասին, փոփոխվել ու որպես խափանման միջոց է ընտրվել կալանավորումը:
ՀՀ քրեական օրենսգրքի 268 հոդվածի 2-րդ մասի 2-րդ կետով նախատեսված հանցանք կատարելու կասկածանքով 2013 թվականի մայիսի 22-ի որոշմամբ կասկածյալ Հայկ Սերյոժայի Հովհաննիսյանի նկատմամբ որպես խափանման միջոց է ընտրվել ստորագրություն չհեռանալու մասին:
2013 թվականի մայիսի 25-ի որոշմամբ Հայկ Սերյոժայի Հովհաննիսյանը ՀՀ քրեական օրենսգրքի 268 հոդվածի 2-րդ մասի 2-րդ կետով նախատեսված հանցանք կատարելու համար ներգրավվել է որպես մեղադրյալ:
2013 թվականի հունիսի 12-ի որոշմամբ թիվ 14117913 քրեական գործով գույքի հնարավոր բռնագրավումը, քաղաքացիական հայցը և դատական ծախսերը ապահովելու նպատակով կալանք է դրվել մեղադրյալ Գագիկ Գենոդիկի Գալստյանին պատկանող գույքի վրա, որտեղ էլ որ այն գտնվի:
2013 թվականի հունիսի 21-ի որոշմամբ Հայկ Սերյոժայի Հովհաննիսյանին նախկինում` 2013 թվականի մայիսի 25-ին ՀՀ քրեական օրենսգրքի 268 հոդվածի 2-րդ մասի 2-րդ կետով` Գագիկ Գենոդիկի Գալստյանից 20 դեպքով առանց իրացնելու նպատակի, յուրաքանչյուր անգամ խոշոր չափերի` 3-ական գրամ ՙԱփիոն՚ տեսակի թմրամիջոց ապօրինի ձեռք բերելու և պահելու վերաբերյալ առաջադրված մեղադրանքի 12 դրվագով մասը վերացվել է, առաջադրված մեղադրանքը փոփոխվել ու լրացվել է և նրան մեղադրանք է առաջադրվել ՀՀ քրեական օրենսգրքի 268 հոդվածի 2-րդ մասի 2-րդ կետով, ՀՀ քրեական օրենսգրքի 268 հոդվածի 1-ին մասով` Գագիկ Գենոդիկի Գալստյանից ընդհանուր` 8 դեպքով առանց իրացնելու նպատակի խոշոր և զգալի չափերի ՙԱփիոն՚ տեսակի թմրամիջոց ապօրինի ձեռք բերելու և պահելու համար, ընտրված խափանման միջոցը թողնվել է անփոփոխ:
2013 թվականի հունիսի 26-ի որոշմամբ թիվ 14117913 քրեական գործից մեղադրյալ Հայկ Սերյոժայի Հովհաննիսյանի վերաբերյալ մասն առանձնացվել է առանձին վարույթ, գործին տրվել է 69106513 համարը` նկատի ունենալով, որ քրեական գործով ձեռք են բերվել Հայկ Սերյոժայի Հովհաննիսյանի կողմից կատարված հանրորեն վտանգավոր արարքները հիմնավորող բավարար ապացույցներ ու նրա վերաբերյալ քրեական գործից մասն առանձին վարույթում առանձնացնելը և մեղադրական եզրակացությամբ դատարան ուղարկելը բացասաբար չի անդրադառնա, ինչպես ուղարկվող քրեական գործի դատաքննության, այնպես էլ Արսեն Եղիշի Լևոնյանի, Գագիկ Գենոդիկի Գալստյանի ու մյուսների վերաբերյալ շարունակվող քրեական գործի նախաքննության լրիվության և օբյեկտիվության վրա:
2013 թվականի օգոստոսի 20-ի որոշմամբ Սեյրան Ժորայի Գևորգյանը թիվ 14117913 քրեական գործով ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով, այն բանի համար, որ նա 2013 թվականի փետրվարի 22-ին Գոռ Քաջիկի Գևորգյանի միջոցով Գագիկ Գենոդիկի Գալստյանից առանց իրացնելու նպատակի ապօրինի ձեռք է բերել և պահել զգալի չափերի` 0.1 գրամ ՙՏրամադոլ՚ տեսակի հոգեմետ նյութ պարունակող թվով 2 դեղահաբեր, որոնք նույն ժամանակ կուլ տալու եղանակով գործածել է: Նույն օրը Սեյրան Ժորայի Գևորգյանի նկատմամբ որպես խափանման միջոց է ընտրվել ստորագրություն չհեռանալու մասին:
2013 թվականի օգոստոսի 20-ի որոշմամբ Գագիկ Գենոդիկի Գալստյանին նախկինում` 2013 թվականի մայիսի 18-ին առաջադրված մեղադրանքը փոփոխվել ու լրացվել է և նրան նոր մեղադրանք է առաջադրվել ՀՀ քրեական օրենսգրքի 266 հոդվածի 2-րդ մասի 2-րդ կետով, 266 հոդվածի 1-ին մասով, 266 հոդվածի 4-րդ մասով, 268 հոդվածի 1-ին մասով այն բանի համար, որ նա 2013 թվականի հունվարի 28-ից մինչև 2013 թվականի մարտի 31-ն ընկած ժամանակահատվածում քննությամբ չպարզված հանգամանքներում իրացնելու նպատակով 8 դեպքով, յուրաքանչյուր անգամ զգալի և խոշոր չափերի` 0,5 գրամ, 1 գրամ, 1,5 գրամ, 2,5 գրամ, 3,5 գրամ ՙԱփիոն՚ տեսակի թմրամիջոց ապօրինի ձեռք բերելու, պահելու և Հայկ Սերյոժայի Հովհաննիսյանին ապօրինի իրացնելու, քննությամբ չպարզված հանգամանքներում իրացնելու նպատակով խոշոր չափերի` 2,75 գրամ ՙԱփիոն՚ տեսակի թմրամիջոց և 0,00361 կգ պրեկուրսոր հանդիսացող ՙքացախաթթվի անհիդրիդ՚ ապօրինի ձեռք բերելու, պահելու և Արսեն Եղիշի Լևոնյանին ապօրինի իրացնելու, առանց իրացնելու նպատակի զգալի չափերի` 0,19 գրամ ՙմզվածքային ափիոն՚, 0,9 գրամ ՙչորացված մարիխուանա՚ տեսակի թմրամիջոցներ և 0,00945 կգ պրեկուրսոր հանդիսացող ՙքացախաթթվի անհիդրիդ՚ ապօրինի ձեռք բերելու ու պահելու համար:
2013 թվականի օգոստոսի 20-ի որոշմամբ Արսեն Լևոնյանին նախկինում` 2013 թվականի ապրիլի 03-ին առաջադրված մեղադրանքը փոփոխվել ու լրացվել է և նրան նոր մեղադրանք է առաջադրվել ՀՀ քրեական օրենսգրքի 268 հոդվածի 2-րդ մասի 2-րդ կետով, ՀՀ քրեական օրենսգրքի 266 հոդվածի 4-րդ մասով` Գագիկ Գենոդիկի Գալստյանից առանց իրացնելու նպատակի խոշոր չափերի` 2,75 գրամ ՙԱփիոն՚ տեսակի թմրամիջոց և 0,00361 կգ պրեկուրսոր հանդիսացող ՙքացախաթթվի անհիդրիդ՚ ապօրինի ձեռք բերելու և պահելու համար:
2013 թվականի օգոստոսի 24-ի որոշմամբ մեղադրյալ Արսեն Եղիշի Լևոնյանի և վկա Սեյրան Ժորայի Գևորգյանի նկատմամբ թիվ 14117913 քրեական գործի մասը կարճվել և նրանց նկատմամբ քրեական հետապնդում չի իրականացվել` վերջիններիս արարքներում հանցակազմի բացակայության պատճառաբանությամբ` նկատի ունենալով, որ նախաքննության ընթացքում հնարավոր չի եղել պարզել Արսեն Եղիշի Լևոնյանի և Սեյրան Ժորայի Գևորգյանի կողմից իրենց գործածման համար ապօրինի ձեռք բերած ՙմարիխուանա՚ տեսակի թմրամիջոցի ստույգ չափը:
Նկատի ունենալով, որ նախաքննության ընթացքում ձեռնարկվել են օպերատիվ-հետախուզական և քննչական համապատասխան միջոցառումներ` Գագիկ Գենոդիկի Գալստյանին զգալի և խոշոր չափերի` 0,5-ական գրամից 3,5-ական գրամ ՙԱփիոն՚, 0,19 գրամ ՙմզվածքային ափիոն՚, ընդհանուր` 0,9 գրամ ՙչորացված մարիխուանա՚ տեսակների թմրամիջոցներ, զգալի չափերի` 0,1 գրամ ՙՏրամադոլ՚ տեսակի հոգեմետ նյութ պարունակող թվով երկու դեղահաբեր, 0,00361 կգ և 0,00945 կգ պրեկուրսոր հանդիսացող ՙքացախաթթվի անհիդրիդ՚ ապօրինի իրացրած` ՀՀ քրեական օրենսգրքի 266-րդ հոդվածի 2-րդ մասի 2-րդ կետով, 266-րդ հոդվածի 1-ին մասով, 266-րդ հոդվածի 4-րդ մասով հանրորեն վտանգավոր արարքներ կատարած անձի /անձանց/ ինքնությունը պարզելու ուղղությամբ, որոնք դրական արդյունք չեն տվել, իսկ քրեական գործով ձեռք են բերվել մեղադրյալներ Գագիկ Գենոդիկի Գալստյանի, Սեյրան Ժորայի Գևորգյանի, Արսեն Եղիշի Լևոնյանի կողմից կատարված հանրորեն վտանգավոր արարքները հիմնավորող բավարար ապացույցներ ու նրանց վերաբերյալ քրեական գործից մասն առանձին վարույթում առանձնացնելը և մեղադրական եզրակացությամբ դատարան ուղարկելը բացասաբար չի անդրադառնա ինչպես ուղարկվող քրեական գործի դատաքննության, այնպես էլ քննությամբ չպարզված անձի վերաբերյալ շարունակվող գործի նախաքննության լրիվության և օբյեկտիվության վրա, ուստի 2013 թվականի օգոստոսի 27-ի որոշմամբ թիվ 14117913 քրեական գործից մեղադրյալներ Գագիկ Գենոդիկի Գալստյանի, Սեյրան Ժորայի Գևորգյանի, Արսեն Եղիշի Լևոնյանի վերաբերյալ մասն առանձնացվել է առանձին վարույթ, գործին տրվել է 14117913 համարը, իսկ քննությամբ չպարզված անձի վերաբերյալ քննվող քրեական գործին տրվել է 69108613 համարը:

Նախաքննական մարմնի կողմից Գագիկ Գենոդիկի Գալստյանին 8 դրվագ ՀՀ քրեական օրենսգրքի 266 հոդվածի 2-րդ մասի 2-րդ կետով, 2 դրվագ ՀՀ քրեական օրենսգրքի 266 հոդվածի 1-ին մասով, 2 դրվագ ՀՀ քրեական օրենսգրքի 266 հոդվածի 4-րդ մասով, 2 դրվագ ՀՀ քրեական օրենսգրքի 268 հոդվածի 1-ին մասով մեղադրանքներ է առաջադրվել այն բանի համար, որ նա իրացնելու նպատակով ութ անգամ ապօրինի ձեռք է բերել, պահել և ապօրինի իրացրել խոշոր չափերով թմրամիջոցներ, իրացնելու նպատակով երկու անգամ ապօրինի ձեռք է բերել, պահել և ապօրինի իրացրել զգալի չափերով թմրամիջոցներ, հոգեմետ (հոգեներգործուն) նյութեր պատրաստելու նպատակով երկու անգամ ապօրինի ձեռք է բերել, պահել և ապօրինի իրացրել զգալի չափերով պրեկուրսորներ, ինչպես նաև առանց իրացնելու նպատակի երկու անգամ ապօրինի ձեռք է բերել և պահել զգալի չափերով թմրամիջոցներ և հոգեմետ (հոգեներգործուն) նյութեր.
Նախաքննական մարմնի կողմից Արսեն Եղիշի Լևոնյանին ՀՀ քրեական օրենսգրքի 268 հոդվածի 2-րդ մասի 2-րդ կետով և ՀՀ քրեական օրենսգրքի 266 հոդվածի 4-րդ մասով մեղադրանքներ է առաջադրվել այն բանի համար, որ նա առանց իրացնելու նպատակի ապօրինի ձեռք է բերել և իր մոտ պահել խոշոր չափերով թմրամիջոցներ, ինչպես նաև հոգեմետ (հոգեներգործուն) նյութեր պատրաստելու նպատակով ապօրինի ձեռք է բերել և իր մոտ պահել զգալի չափերով պրեկուրսոր.
Նախաքննական մարմնի կողմից Սեյրան Ժորայի Գևորգյանին ՀՀ քրեական օրենսգրքի 268-րդ հոդվածի 1-ին մասով մեղադրանք է առաջադրվել այն բանի համար, որ նա առանց իրացնելու նպատակի ապօրինի ձեռք է բերել զգալի չափերով հոգեմետ նյութ պարունակող դեղահաբեր.

Երևան քաղաքի բնակիչ Գագիկ Գենոդիկի Գալստյանը 2013 թվականի հունվար ամսին տեղեկանալով իր ծանոթ, թիվ 69106513 քրեական գործով մեղադրյալ, սույն քրեական գործով վկա Հայկ Սերյոժայի Հովհաննիսյանի կողմից իրենից առանց իրացնելու նպատակի խոշոր չափի ՙԱփիոն՚ տեսակի թմրամիջոց ապօրինի ձեռք բերելու նրա ցանկության մասին, վերջինիս հայտնել է, որ մեկ չափաբաժին` 0,5 գրամ ՙԱփիոն՚ կարող է ձեռք բերել 20.000 ՀՀ դրամով: Ստանալով Հայկ Հովհաննիսյանի համաձայնությունը` Գագիկ Գալստյանը քննությամբ չպարզված հանգամանքներում իրացնելու նպատակով ապօրինի ձեռք է բերել և պահել 0,5-ական գրամ պարունակությամբ երկու չափաբաժնով, ընդհանուր` խոշոր չափերի` 1 գրամ ՙԱփիոն՚ տեսակի թմրամիջոց, ապա բջջային հեռախոսով ձեռք բերված պայմանավորվածության համաձայն, 2013 թվականի հունվարի 28-ին Երևան քաղաքի Կոմիտաս պողոտայի 57-րդ շենքի բակում հանդիպել է Հայկ Հովհաննիսյանին, և յուրաքանչյուր չափաբաժինը` 0,5 գրամ ՙԱփիոն՚ տեսակի թմրամիջոցը 20.000 ՀՀ դրամ արժեքով, ընդհանուր` 40.000 ՀՀ դրամով վաճառելու եղանակով վերջինիս ապօրինի իրացրել է նշված` 1 գրամ ՙԱփիոն՚ տեսակի թմրամիջոցը:
Գագիկ Գալստյանը, կրկին անգամ Հայկ Հովհաննիսյանից տեղեկանալով նրա կողմից այս անգամ զգալի չափերի ՙԱփիոն՚ տեսակի թմրամիջոց ապօրինի ձեռք բերելու նրա ցանկության մասին, քննությամբ չպարզված անձից իրացնելու նպատակով ապօրինի ձեռք է բերել մեկ չափաբաժին, այն է` զգալի չափերի` 0,5 գրամ ՙԱփիոն՚ տեսակի թմրամիջոց, ապա 2013 թվականի հունվարի 30-ին Երևանի Կոմիտաս պողոտայի 57-րդ շենքի բակում հանդիպելով Հայկ Հովհաննիսյանին, 20.000 ՀՀ դրամով վերջինիս ապօրինի իրացրել է 0,5 գրամ ՙԱփիոն՚ տեսակի թմրամիջոց:
Գագիկ Գալստյանը բջջային հեռախոսակապի միջոցով տեղեկանալով իր ծանոթ` Սեյրան Ժորայի Գևորգյանի կողմից իրենից առանց իրացնելու նպատակի զգալի չափերի ՙՏրամադոլ՚ տեսակի հոգեմետ նյութ պարունակող դեղահաբեր ապօրինի ձեռք բերելու նրա մտադրության մասին, հայտնել է իր պատրաստակամությունն` անվճար կարգով նրան այդ հարցով օգնելու համար: Գագիկ Գալստյանը Սեյրան Գևորգյանին իրացնելու նպատակով քննությամբ չպարզված հանգամանքներում ապօրինի ձեռք է բերել և պահել զգալի չափերի` 0,1 գրամ ՙՏրամադոլ՚ տեսակի հոգեմետ նյութ պարունակող թվով երկու դեղահաբեր, ապա ապահով վերջինիս փոխանցելու համար դրանք տեղադրել է ՙՄալբորո՚ տեսակի ծխախոտի տուփի մեջ, որից հետո Սեյրան Գևորգյանի կողմից ուղարկված, վերջինիս հորեղբոր թոռ, գործով վկա Գոռ Քաջիկի Գևորգյանից թաքցնելով հոգեմետ նյութ պարունակող դեղահաբերը ծխախոտի տուփի մեջ թաքցված լինելու հանգամանքը, 2013 թվականի փետրվարի 22-ին այն վերջինիս փոխանցելու եղանակով Սեյրան Գևորգանին ապօրինի իրացրել է նշված` զգալի չափերի` 0,1 գրամ ՙՏրամադոլ՚ տեսակի հոգեմետ նյութ պարունակող թվով երկու դեղահաբեր:
Հերթական անգամ Հայկ Հովհաննիսյանի գործածման համար նրան խոշոր չափերի ՙԱփիոն՚ տեսակի թմրամիջոց ապօրինի իրացնելու նպատակով Գագիկ Գալստյանը քննությամբ չպարզված հանգամանքներում ապօրինի ձեռք է բերել և պահել 0,5-ական գրամ քաշերով 2 չափաբաժին, ընդհանուր խոշոր չափերի` 1 գրամ ՙԱփիոն՚ տեսակի թմրամիջոց, ապա պայմանավորվածության համաձայն, 2013 թվականի մարտի 01-ին Կոմիտաս պողոտայի 57-րդ շենքի բակում հանդիպել է Հայկ Հովհաննիսյանին և 0,5 գրամ ՙԱփիոն՚ տեսակի թմրամիջոցը 20.000 ՀՀ դրամ արժեքով, ընդհանուր` 40.000 ՀՀ դրամով վաճառելու եղանակով վերջինիս ապօրինի իրացրել է խոշոր չափերի` 1 գրամ ՙԱփիոն՚ տեսակի թմրամիջոց:
Գագիկ Գալստյանը, շարունակելով իր հանցավոր գործունեությունը, կրկին Հայկ Հովհաննիսյանին իրացնելու նպատակով, քննությամբ չպարզված հանգամանքներում ապօրինի ձեռք է բերել և պահել 2 չափաբաժին` խոշոր չափերի` 1 գրամ ՙԱփիոն՚ տեսակի թմրամիջոց, ապա 2013 թվականի մարտի 04-ի Երևանի Կոմիտաս պողոտայի 57-րդ շենքի բակում 40.000 ՀՀ դրամով վաճառելու եղանակով ապօրինի իրացրել է Հայկ Հովհաննիսյանին:
Այնուհետև, Գագիկ Գալստյանը Հայկ Հովհաննիսյանից տեղեկանալով առանց իրացնելու նպատակի խոշոր չափերի ՙԱփիոն՚ տեսակի թմրամիջոց ապօրինի ձեռք բերելու նրա մտադրության մասին, քննությամբ չպարզված հանգամանքներում վերջինիս ապօրինի իրացնելու նպատակով ապօրինի ձեռք է բերել ու պահել 0,5-ական գրամ քաշով 5 չափաբաժին, ընդհանուր խոշոր չափերի` 2,5 գրամ ՙԱփիոն՚ տեսակի թմրամիջոց, ապա 2013 թվականի մարտի 18-ին Երևանի Մամիկոնյանց փողոցի թիվ 40/2 շենքի բակում հանդիպելով Հայկ Հովհաննիսյանին, նրանից ստացել է 100.000 ՀՀ դրամ գումար, որի դիմաց վերջինիս ապօրինի իրացրել է նշված` 2,5 գրամ ՙԱփիոն՚ տեսակի թմրամիջոցը:
Գագիկ Գալստյանը շարունակելով Հայկ Հովհաննիսյանի` նրա գործածման համար ՙԱփիոն՚ տեսակի թմրամիջոց ապօրինի ձեռք բերելու գործընթացը, վերջինիս ապօրինի իրացնելու նպատակով քննությամբ չպարզված հանգամանքներում ապօրինի ձեռք է բերել և պահել խոշոր չափերի` 1,5 գրամ ՙԱփիոն՚ տեսակի թմրամիջոց` բաղկացած 3 չափաբաժիններից` յուրաքնաչյուրը 0,5-ական գրամով, ապա 2013 թվականի մարտի 20-ին Երևանի Մամիկոնյանց փողոցի 40/2 շենքի բակում հանդիպել է Հայկ Հովհաննիսյանին և 60.000 ՀՀ դրամի դիմաց ապօրինի իրացրել է 1,5 գրամ ՙԱփիոն՚ տեսակի թմրամիջոց:
Գագիկ Գալստյանը, նույն նպատակով, այն է` Հայկ Հովհաննիսյանին իրացնելու նպատակով, քննությամբ չպարզված հանգամանքներում ապօրինի ձեռք է բերել 3 չափաբաժին, ընդհանուր` 1,5 գրամ ՙԱփիոն՚ տեսակի թմրամիջոց, ապա 2013 թվականի մարտի 27-ին, Երևանի Մամիկոնյանց փողոցի թիվ 40/2 շենքի բակում հանդիպել է Հայկ Հովհաննիսյանին և 1 չափաբաժինը` 0,5 գրամ ՙԱփիոն՚ տեսակի թմրամիջոցը 20.000 ՀՀ դրամ արժեքով, ընդհանուր` 60.000 ՀՀ դրամով վաճառելու եղանակով ապօրինի իրացրել է նշված խոշոր չափերի` 1,5 գրամ ՙԱփիոն՚ տեսակի թմրամիջոցը:
Կրկին անգամ Հայկ Հովհաննիսյանին խոշոր չափերի ՙԱփիոն՚ տեսակի թմրամիջոց ապօրինի իրացնելու նպատակով, Գագիկ Գալստյանը, նախապես վերջինիցս բջջային հեռախոսակապի միջոցով տեղեկանալով նրա կողմից առանց իրացնելու նպատակի ձեռք բերվելիք ՙԱփիոն՚ տեսակի թմրամիջոցի չափաքանակի մասին, քննությամբ չպարզված հանգամանքներում ապօրինի ձեռք է բերել և պահել 7 չափաբաժին, այն է` խոշոր չափերի` 3,5 գրամ ՙԱփիոն՚ տեսակի թմրամիջոց, ապա, պայմանավորվածության համաձայն, 2013 թվականի մարտի 31-ին Երևանի Կոմիտաս Պողոտայի 57-րդ շենքի բակում հանդիպելով Հայկ Հովհաննիսյանին, նույն արժեքով` 1 չափաբաժինը` 0,5 գրամ ՙԱփիոն՚-ը 20.000 ՀՀ դրամով, ընդհանուր` 140.000 ՀՀ դրամի դիմաց վերջինիս ապօրինի իրացրել է նշված` 3,5 գրամ ՙԱփիոն՚ տեսակի թմրամիջոցը:
Բացի այդ, Գագիկ Գալստյանը Արսեն Եղիշի Լևոնյանին խոշոր չափերի ՙԱփիոն՚ տեսակի թմրամիջոց և պրեկուրսոր հանդիսացող ՙքացախաթթվի անհիդրիդ՚ ապօրինի իրացնելու նպատակով, քննությամբ չպարզված հանգամանքներում ապօրինի ձեռք է բերել և պահել խոշոր չափերի` 2,75 գրամ ՙԱփիոն՚ տեսակի թմրամիջոց և 0,00361 կգ ՙքացախաթթվի անհիդրիդ՚, ապա, պայմանավորվածության համաձայն, 2013 թվականի մարտի 31-ին, ժամը 1900-ի սահմաններում Երևանի Մամիկոնյանց փողոցի վրա գտնվող նախկին ՙԱխթամար՚ խանութի մոտ հանդիպել է Արսեն Լևոնյանին և նրանից ստանալով 80.000 ՀՀ դրամ գումար, վերջինիս նույն ժամանակ ապօրինի իրացրել է 2,75 գրամ ՙԱփիոն՚ տեսակի թմրամիջոց և 0,00361 կգ պրեկուրսոր հանդիսացող ՙքացախաթթվի անհիդրիդ՚:
Դրանից բացի, Գագիկ Գալստյանն առանց իրացնելու նպատակի, իր գործածման համար քննությամբ չպարզված հանգամանքներում ապօրինի ձեռք է բերել և իր` Երևան քաղաքի Կոմիտաս պողոտայի 57-րդ շենքի թիվ 17 բնակարանում և իր կողմից օգտագործվող նույն շենքի նկուղային հարկում գտնվող նկուղում ապօրինի պահել է զգալի չափերի` 0,19 գրամ ՙմզվածքային ափիոն՚, ընդհանուր 0,9 գրամ չորացված ՙմարիխուանա՚ տեսակների թմրամիջոցներ և թմրամիջոցներ պատրաստելու համար նախատեսված պրեկուրսոր հանդիսացող 0,00945 կգ ՙքացախաթթվի անհիդրիդ՚, որոնք 2013 թվականի ապրիլի 01-ին հայտնաբերվել են նշված բնակարանում և նկուղում կատարված խուզարկությամբ:
Նախաքննական մարմնի 2013 թվականի օգոստոսի 12-ի որոշմամբ թիվ 14117913 քրեական գործի մասը` Գոռ Քաջիկի Գևորգյանի նկատմամբ կարճվել և նրա նկատմամբ քրեական հետապնդում չի իրականացվել` վերջինիս արարքում հանցակազմի բացակայության պատճառաբանությամբ` նկատի ունենալով, որ Գոռ Քաջիկի Գևորգյանը տեղյակ չի եղել Գագիկ Գենոդիկի Գալստյանի կողմից իր միջոցով Սեյրան Ժորայի Գևորգյանին ՙՄալբորո՚ տեսակի ծխախոտի տուփի մեջ ՙՏրամադոլ՚ տեսակի հոգեմետ նյութ պարունակող դեղահաբեր փոխանցելու մասին:
2013 թվականի օգոստոսի 30-ին թիվ 14117913 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
2013 թվականի նոյեմբերի 06-ի դատական նիստի ընթացքում մեղադրող Վ.Հ.Միլիտոնյանի կողմից միջնորդություն է ներկայացվել` 2013 թվականի հոկտեմբերի 03-ին ընդունված ՙՀամաներում հայտարարելու մասին՚ որոշման կիրառմամբ ամբաստանյալ Սեյրան Ժորայի Գևորգյանի վերաբերյալ քրեական գործի վարույթը կարճելու և քրեական հետապնդումը դադարեցնելու մասին:
Ամբաստանյալ Սեյրան Ժորայի Գևորգյանը չի առարկել, որպեսզի իր նկատմամբ կիրառվի Համաներման որոշումը:
Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2013 թվականի նոյեմբերի 06-ի որոշմամբ մեղադրող Վ.Հ.Միլիտոնյանի միջնորդությունը բավարարվել է. ՙՀայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին՚ ՀՀ Ազգային ժողովի 2013 թվականի հոկտեմբերի 03-ի թիվ ԱԺՈ-080-Ն որոշման 5-րդ կետի 2-րդ ենթակետի կիրառմամբ Սեյրան Ժորայի Գևորգյանի վերաբերյալ` ՀՀ քրեական օրենսգրքի 268-րդ հոդվածի 1-ին մասով քրեական գործի վարույթը կարճվել և քրեական հետապնդումը դադարեցվել է: Սեյրան Ժորայի Գևորգյանի նկատմամբ ընտրված խափանման միջոցը` ստորագրություն չհեռանալու մասին, վերացվել է` որոշումն օրինական ուժի մեջ մտնելու պահից: Որոշումը չի բողոքարկվել և 2013 թվականի դեկտեմբերի 09-ին մտել է օրինական ուժի մեջ:

Ապացույցների հետազոտում և գնահատում.

Ամբաստանյալ` Գագիկ Գենոդիկի Գալստյանն առաջադրված մեղադրանքներում իրեն մեղավոր ճանաչեց մասնակիորեն` միայն ՀՀ քրեական օրենսգրքի 268 հոդվածի 1-ին մասի երկու դրվագներով, 266 հոդվածի 4-րդ մասով և ցուցմունք տվեց այն մասին, որ մասամբ է ընդունում իր մեղքը` ինչ գտել են իր տանից ու նկուղից, այդ մասով է ընդունում, դա իրենն է, նաև ընդունում է, որ մեկ անգամ Հայկ Հովհաննիսյանին է հյուրասիրել` առանց գումարի` տեսնելով, որ նա բենզինից կախվածություն ունի, հյուրասիրել է, հետո նրան ասել է, որ այդ հարցով այլևս իրեն չդիմի: Ոստիկանները բոլորին ստիպել են, որ իր դեմ ցուցմունք տան, ոստիկանների տրամադրվածությունը ՙպատվերի պես՚ մի բան է եղել իր հանդեպ: Երբ իրեն բռնել են, ասել են, որ ըստ իրենց ունեցած տեղեկությունների ինքը խոշոր չափի թմրամիջոց ունի, դրանից հետո իրեն երկու ամիս ազատության մեջ են թողել, հետևել են իրեն, բայց ոչինչ չեն հայտնաբերել: Ինքը տեղյակ է եղել, որ իրեն գաղտնալսում են: Ոստիկանները տեսել են, որ ինքը ևս թմրամիջոցը գնել է, իրեն ասել են, որ գրի նրա վրա, ումից թմրամիջոց է ձեռք բերել, սակայն ինքն ասել է, որ չի գրի, նրանք էլ բարկացել ու իրեն բռնել են: Գաղտնալսել են նաև իր կնոջը, ինչն անօրինական է: Իրեղեն ոչ մի ապացույց չի հայտնաբերվել իր մոտից: Քննիչը առաջադրված մեղադրանքների 8 դրվագը համապատասխանեցրել է գործողություններին: Ոստիկանները խուզարկել են իր բնակարանը, ինչքան գտել են, այդ չափն է, սակայն իրեն ասել են, որ իրենց ՙինֆորմատորն՚ ասել է, թե ինքը շատ թմրամիջոց ունի, բայց շատ քաշով չեն գտել: Որ իր բնակարանից շատ քանակությամբ թմրամիջոց չեն գտել այդ ժամանակ իրեն ասել են. ՙԼավ մի բան խոստովանի, չափ տուր, 2-ից 6-ով դատվի՚, սակայն դա էլ որ չի ստացվել, իրեն ասել են, որ իր համարն ունեն, եթե չխոստովանի, մեկին կբերեն իր դեմ ցուցմունք կտա: Քննիչն իրեն ասել է, որ ՙ6-ի պատվերն է` Մուրադյան Վարդանի հետ համատեղ՚: Քննիչն իրեն ասել է նաև, որ ձայնային փորձաքննությունից հրաժարվի, իբր իր համար լավ կլինի, խոստացել է իրեն օգնել, սակայն այդ ժամանակ ինքը չի հասկացել, որ իրեն վնաս է: Քանի որ ինքը նյարդային խնդիրներ ունի, ինչը գարնանը և աշնանը սրվում է, այդ իսկ պատճառով էլ թմրամիջոց է օգտագործում, սակայն ինքը թմրամիջոց չի վաճառում, չի իրացնում: Ինքը փողի կարիք չունի, ունի աշխատանք, նյութապես ապահովված է, 10.000 կամ 20.000 դրամի հետևից ընկնող չի և չի էլ մտածել թմրավաճառությամբ զբաղվել, չի էլ սիրում կամ հարգում նման մարդկանց: Թմրամիջոցը ձեռք է բերել այնքան քանակությամբ, որ մի երեք օր օգտագործել է: Իրեն կանչել են ոստիկանություն` ցուցմունք տալու, բայց մի վեց հոգով ՙհարձակվել՚ են իր վրա, հայհոյանքներով ու խփելով ձերբակալել են իրեն, չնայած` ինչքան հայհոյել ու խփել են իրեն, այդքան էլ պատասխան են ստացել: Դատարանն իր միակ պաշտպանվելու տեղն է, իսկ մինչ այդ ինքը միայն հարձակման տակ է եղել: Պաշտպան չի ունեցել, միայնակ պաշտպանվել է, իսկ նրանք` 6-րդ վարչություն, 7-րդ վարչություն, Արաբկիրի ոստիկանություն, Գլխավոր դատախազություն, մի 30 հոգով փորձել են ճնշում գործադրել իր վրա: Ինքն օգտագործել է 077-49-45-21, 077-81-57-83 հեռախոսահամարները, նշված հեռախոսահամարներն օգտագործել են նաև իր երեխաները և կինը: 091-01-04-08-ը Սեյրանի հեռախոսահամարն է: Արսեն Լևոնյանին նախկինում չի ճանաչել: Մեղադրական եզրակացությունը կարդալուց հետո ինքը հասկացել է, որ Ա.Լևոնյանն այն նույն մարդուց է թմրամիջոցը ձեռք բերել, ումից, որ ինքն է գնել, այդ մարդն իրենց թաղամասում է բնակվում, բայց ինքը նրա անունը չի ասի: Քննիչն իրեն ծանոթացրել է գաղտնալսումներին, որոնց ուսումնասիրությունից պարզվել է, որ ինքը տարբեր մարդկանց հետ է խոսել, Սեյրանի հետ էլ է խոսել, բայց ոչ թմրամիջոցների մասին, ինքը տեղյակ է եղել, որ իրեն գաղտնալսում ու հետևում են, հետևաբար թմրամիջոցի մասին չէր կարող խոսել կամ հեռախոսային խոսակցությունների ժամանակ որևէ պայմանական բառ օգտագործել, եթե օգտագործել է, ապա դա արել է կատակելով, որ ոստիկաններն իմանան ինքը գիտի, որ իրեն լսում են:
Ամբաստանյալ Արսեն Եղիշի Լևոնյանը ՀՀ քրեական օրենսգրքի 268 հոդվածի 2-րդ մասի 2-րդ կետով և ՀՀ քրեական օրենսգրքի 266 հոդվածի 4-րդ մասով առաջադրված մեղադրանքներում իրեն մեղավոր ճանաչեց, սակայն հայտարարեց, որ ինքը թմրամիջոցը ձեռք է բերել ոչ թե Գագիկ Գալստյանից, այլ ոմն Արամից և ցուցմունք տվեց այն մասին, որ մոտ երկու տարի է, ինչ թմրամիջոց է օգտագործում օրական 2-3 անգամ` 1-1,5 գրամ, ներարկման միջոցով է օգտագործել: Նախկինում, ումից որ թմրամիջոց է ձեռք բերել, այդ մարդը մահացել է: Ինքը Գագիկ Գալստյանին ընդհանրապես չի ճանաչել, ընդհանուր ընկերներ էլ չունեն և ինչի համար, ինչ գործ ունի նա, չգիտի: Ինքն ընդհանրապես ուրիշ մարդու է տեսել, նրանից էլ վերցրել է թմրամիջոցը: Ոստիկաններն իրեն 5-6 հոգու անուն են տվել, ասել են, որ նրանց դեմ գրի, Գագոյի անունն էլ են ասել, ինքն էլ ասել է, ինչպես նրա վրա գրի, եթե չի ճանաչում նրան: Ընդունում է, որ ինքը դեղահաբ է վերցրել, բայց Գագոյից չի վերցրել, նրան չի ճանաչում, ինքն Արամից է վերցրել թմրամիջոցները` ՙԱփիոն՚-ը: Քանի որ դեպքից մոտ տասը ամիս է անցել, ինքը չի հիշում իր նախաքննական ցուցմունքները, հիշում է, որ ամառ է եղել, իրեն բերման են ենթարկել ոստիկանության բաժին, որտեղ իր անձնական խուզարկությամբ իր մոտից հայտնաբերել են մոտավորապես 2,5 գրամ ՙԱփիոն՚ և անհիդրիդ: Իր մոտից հայտնաբերվածն իրենն է եղել: Նախաքննության ընթացքում իր վրա որևէ ճնշում չի գործադրվել, չնայած ասել են, ինչ գրի, սակայն ինքը նրանց ասածով չի գրել, այլ գրել է այն, ինչը ճշմարտությունն է: Իր հիշելով, ըստ Արամի հետ ունեցած պայմանավորվածության, ժամը մոտավորապես 2-ից 3-ի սահմաններում գնացել է պայմանավորված վայրը` ՙԱխթամար՚ խանութի մոտ ու վերցրել է թմրամիջոցը` 80.000 ՀՀ դրամ է վճարել թմրամիջոցի համար: Ինքը քննիչին նկարագրել է այն վարը, որտեղից ձեռք է բերել թմրամիջոցը, քննիչն էլ ասել է, որ դա Մամիկոնյանց փողոցն է, խանութի անունն էլ է քննիչն ասել: Ինքն Արամի հետ հեռախոսով չի պայմանավորվել, նա հեռախոս չի ունեցել, չի հիշում, թե նրա հետ ինչ հանգամանքներում է ծանոթացել: 096-71-47-44 հեռախոսահամարն իրեն ծանոթ չէ, երբևէ այդ համարին ինքը չի զանգել: Պատահել է, որ իր ծանոթների խնդրանքով իր հեռախոսը տվել է նրանց` զանգեր կատարելու համար:
Թիվ 14117913 քրեական գործով ամբաստանյալ Սեյրան Ժորայի Գևորգյանի ցուցմունքներով այն մասին, որ իրեն քրեականից տարել են, ասել են իր հեռախոսահամարից զանգ է կատարված եղել Գագիկի համարին, որի ժամանակ ինքը երկու հատ ցավազրկող դեղ` ՙՏրամադոլ՚ է ուզել նրանից, Գագիկն իբր իրեն հարցրել է, թե ում համար է, ինքն էլ պատասխանել է Արմանի համար է: Ինքն ասել է, որ տեղյակ չէ այդ հեռախոսազանգից, ինքը Գագիկին չի զանգել ու նման բան չի ասել, սական բաժնի աշխատակիցներն իրեն ասել են, որ եթե ասի տեղյակ չէ, խնդիրների մեջ է ընկնելու, հետո համակարգչով ցույց տալով հեռախոսային խոսակցության ձայնագրությունն ասել են, որ իրենց դրա համար աշխատավարձ են տալիս, պիտի ասի, որ ինքն է վերցրել այդ 2 հատ ՙՏրամադոլ՚-ը, եթե ասի ոչ` ուրեմն Արմանին էլ, իր եղբոր տղային էլ, ում հետ հեռախոսով կապ է ունեցել, բոլորին էլ կտանեն կփակեն: Եթե ուզում է, որ իրեն օգնեն պետք է ասի, որ այդ 2 հատիկ ՙՏրամադոլ՚-ը վերցրել է: Ինքը չի լսել իր և Գագոյի հեռախոսային խոսակցության ձայնագրությունը, բայց քննիչի ասելով գրել է, թե լսել է: Քննիչն իրեն ասել է, որ մյուս հեռախոսահամարով էլ Գոռին է զանգել: Իրեն ասել են, որ տեղյակ են, որ Արմենը բանակից խուսափում և թաքնվում է իրավապահ մարմիններից, նրա գտնվելու մասին կհայտնեն ոստիկանությանը և կասեն, թե ինքն է այդ մասին ասել: Բայց եթե ուզում է այդ հարցին լուծում տալ, ինքն ասի, որ այդ երկու ՙՏրամադոլն՚ իր համար է ուզել, իբր Գոռիկին` տաքսու վարորդին էլ ուղարկել է դրանք բերելու: Ինքը Գոռին զանգել է, որպեսզի իր կնոջը տաքսի ավտոմեքենայով տեղափոխի: Ինքը քննիչի մոտ Գոռի անունը չի տվել, քանի որ նա իր հորեղբոր տղան է: Ոստիկանն իրեն ասել է, որ ավելի լավ է իր ասած ձևով անի, որ ամեն ինչ լավ լինի, իրեն էլ միայն տուգանք կտան: Ինքն էլ մտածելով, որ իրեն միայն տուգանք են տալու, հանկարծ իր պատճառով մարդկանց չբռնեն տանեն բաժին, դրա համար նման ցուցմունքներ է տվել, բայց փաստորեն իրեն խաբել են: Ինքը ոստիկաններին հարցրել է, որ եթե ասի ինքը ՙՏրամադոլ՚ է վերցրել Գագիկից, իր հետ ինչ կպատահի, նրանք էլ իրեն ասել է, որ իրեն կօգնեն և գործը դատարան գնալուց հետո միայն տուգանք կլինի: Ինքն էլ մտածել է, որ ավելի լավ է այդպես ասի, որ իր պատճառով ուրիշ մարդիկ չտուժեն, բայց փաստորեն ավելի վատ է ստացվել: Ինքը չի մտածել, որ երկու հատիկ ՙՏրամադոլի՚ համար Գագոյի համար վատ կլինի, քանի որ քննիչն իրեն ասել է, որ ՙԳագոյի վրա ՙԱփիոն՚ տեսակի թմրամիջոց է դրված, ՙՏրամադոլը՚ ոչ մի կապ չունի, դեր չի խաղում՚ և հավատալով ոստիկանության աշխատակիցներին, որ ոչ մեկի համար խնդիր չի լինի, դրա համար ստել ու քննիչի թելադրանքով գրել է իր ցուցմունքները: Սակայն, երբ ինքը ցանկացել է մեկնել Մոսկվա, օդանավակայանում իրեն թույլ չեն տվել Հայաստանից մեկնել, այդ ժամանակ ինքը զանգել է քննիչին, նրան ասել, որ իրեն թույլ չեն տալից մեկնել, քննիչն էլ իրեն ասել է. ՙԱրխային էլի, հեսա ամունիստ կբռնես գործը կփակվի կգնա՚: Ինքը թմրամիջոց չի օգտագործում, օգտագործել է միայն ԱՄՆ-ում գտնվելու ժամանակ, որտեղից ՀՀ է վերադարձել 2011 թվականին: Գագիկ Գալստյանին ճանաչել է 2004 թվականից, իր կինն ու Գագոյի կինն ընկերուհիներ են, երբ ինքը կնոջ հետ եկել է Հայաստան, շփվել են նրանց ընտանիքի հետ: Ինքը չի հավատում ,որ Գագոն թմրամիջոց է օգտագործում, որովհետև նա ՙսպորտսմեն է՚ և ինքն ընդհանրապես չի տեսել, որ նա թմրամիջոց օգտագործի, ոստիկանների ասելուց հետո է իմացել, ինքն արդեն չի էլ հավատում, որ նա կարող է նման բան անել: Երբ ամռանն իրեն կանչել են բաժին և ասել, թե ինչ ցուցմունք գրի, դրանից մոտ մեկ ամիս անց իրեն կրկին կանչել են բաժին, քննիչն իրեն ասել է, որ ուրիշ բան գրի` ասի, որ իր բոլոր ցուցմունքները սխալ են, դրանից իրեն ոչ մի բան չի լինի, որպես թմրամիջոց օգտագործողի միայն տուգանք կնշանակեն: Ինքն էլ մտածելով, որ ավելի լավ է ինքը տուժի և իր պատճառով ուրիշ մարդիկ չտուժեն, վերցրել է իր վրա: Քննիչի մոտ գրած ցուցմունքը ճիշտ չէ, գրել է, քանի որ չի ուզել ոչ մեկի նեղություն տալ, թելադրել են, ինքն էլ գրել է: Ոստիկանության բաժնում իր նկատմամբ բռնություն չի կիրառվել, բայց շանտաժ են արել` ասելով, որ իր ծանոթներին կկանչեն կբերեն բաժին, իսկ իր նկատմամբ էլ խափանման միջոց կընտրեն: Ինքը ոչ թե իր կամքով, այլ քննիչի ասելով է դիմում գրել, քննիչն իրեն պատրաստի դիմում է տվել և ասել է, որ նույնությամբ արտագրի, որով ինքը հայտնել է, թե ցանկանում է լրացուցիչ ցուցմունք տալ ու հայտնել ճշմարտությունը:
Ամբաստանյալներ Գագիկ Գենոդիկի Գալստյանի` 8 դրվագ ՀՀ քրեական օրենսգրքի 266 հոդվածի 2-րդ մասի 2-րդ կետով, 2 դրվագ ՀՀ քրեական օրենսգրքի 266 հոդվածի 1-ին մասով, 2 դրվագ ՀՀ քրեական օրենսգրքի 268 հոդվածի 1-ին մասով, 2 դրվագ ՀՀ քրեական օրենսգրքի 266 հոդվածի 4-րդ մասով և Արսեն Եղիշի Լևոնյանի` ՀՀ քրեական օրենսգրքի 268 հոդվածի 2-րդ մասի 2-րդ կետով, ՀՀ քրեական օրենսգրքի 266 հոդվածի 4-րդ մասով կատարած հանցանքները հիմնավորվել են հետևյալ ապացույցներով.
Վկա` Հայկ Սերյոժայի Հովհաննիսյանի ցուցմունքով այն մասին, որ ամբաստանյալ Գագիկ Գալստյանին ճանաչում է դպրոցական տարիներից` սովորել են նույն դպրոցում, գտնվել են նորմալ հարաբերությունների մեջ: Ինքը հիվանդ է եղել` թմրանյութից կախվածություն է ունեցել, Գագիկ Գալստյանին խնդրել է օգնել: Մի անգամ վերցրել է ՙԱփիոն՚ տեսակի թմրամիջոց: Զանգել խնդրել է, ասել է, որ եթե հնարավորություն կա օգնի իրեն, սակայն չի հիշում, թե երբ է զանգահարել: Հեռախոսահամարներով փոխանակվել են, գնացել մի անգամ վերցրել է` պայմանավորվել են Կոմիտասի շուկայի մոտակայքում: Նախաքննական ցուցմունքը գրել է իր կամքով` ինչ գրել է ցուցմունքում իրականությունը չի: Ինքը Գ.Գալստյանից մի անգամ է թմրամիջոց վերցրել, հետո իրեն կանչել են ոստիկանություն, ասել են կբռնեն, կկալանավորեն, ինքն էլ նորածին երեխա է ունեցել, մնացած անգամները զանգել, ուզել է, բայց չի ստացվել, չի վերցրել: Իրականում ինքը մի քանի անգամ չի վերցրել, վախեցել է, որ իրեն կկալանավորեն, դրա համար էլ նման ցուցմունք է տվել: Իր 093-91-19-23 հեռախոսահամարով է զանգել Գ.Գալստյանին, պայմանավորվել են հանդիպել Կոմիտասի շուկայի մոտ, բայց չի հիշում նրա հեռախոսի համարը: Հանդիպել է Գագոյի հետ, մեկ հատ շարիկ է վերցրել` մոտ կես գրամ թմրամիջոց է եղել կամ ավելի քիչ, չի հիշում վճարել է դրա համար, թե ոչ: Այդ շարիկը ծխել է հատուկ ՙտրուբկայով՚, ներարկելու միջոցով 1-2 անգամ, 4-5 տարի առաջ է օգտագործել: Հետո երբ հնարավորություն չի ունեցել չի օգտագործել, թմրամիջոցից կախվածություն չունի, իր նկատմամբ հարկադիր բուժում չի նշանակվել: Հաճախակի հանդիպել է Գագիկ Գալստյանին, նրան խնդրել է, որ եթե հնարավոր լինի օգնի իրեն: Իմացել է, որ Գ.Գալստյանը թմրամիջոց օգտագործող է, ինքը նրան առաջարկել է, նա էլ ասել է, որ հնարավոր լինի կասի: Քննիչի մոտ ասել է, որ 7 անգամ գումարով է վերցրել: Գագիկ Գալստյանի հետ թշնամություն չունի: 7 անգամ է զանգել սակայն մեկ անգամ է վերցրել: Ուրիշ տեղից ինքը թմրամիջոց չի վերցրել: Պայմանավորվածության համաձայն, երբ ինքը զանգահարել Է Գագիկին ու թմրամիջոց խնդրել, ասել է ՙէսքան մեշոկ ալուր է ուզում՚, մեկ մեշոկը մեկ շարիկ է նշանակել, որը 0,5 գրամից էլ մի քիչ պակաս է եղել: Ինքը տեղյակ է, որ Գ.Գալստյանը փուռ ունի դրա համար էլ ՙմեշոկով ալյուր՚ է ասել, երբ թմրամիջոց է ուզել: Հեռախոսազանգով պայմանավորվելուց հետո, երբ ինքը գնացել է թմրամիջոցը վերցնելու, Գագիկն իրեն մերժել է` ասելով, որ չկա: Մի որոշ ժամանակ անց զանգել էլի է ուզել: Մտածել է, որ Գ.Գալստյանը հնարավորություն ունեցել է, բայց իրեն մերժել է: Եղել է, որ 2 հատ է ուզել` կոնկրետ չի հիշում: Իր նախաքննական ցուցմունքը ամբողջությամբ ճիշտ է բացի 7 անգամ վերցնելուց: Գ.Գալստյանի հետ մի բակում են ապրում: Չի մտածել, որ մեկ անգամ կամ յոթ անգամ գրելու մեջ տարբերություն կա: Իրեն 7 անգամ ՀՀ քրեական օրենսգրքի 268 հոդվածով մեղադրանք են առաջադրել, իսկ ինքն մտածել է, որ կրկին անգամ ասելով ոչ մի տարբերություն չի լինի: Մտածել է, որ սուտ ցուցմունք տալու համար դատապարտվելու է, բայց ճշմարտությունը դատարանում ասածն է: Գ.Գալստյանն իրեն ոչ մի կերպ չի սպառնացել: Առերեսման ժամանակ էլ է պնդել իր ցուցմունքը, դարձյալ լուրջ չի մտածել, հասկանում է, որ սխալ, սուտ ցուցմունք է տվել: Իրեն Արաբկիրի քննչական բաժնի քննիչն ասել է, եթե իր ասածով չգրի` կկալանավորեն: Չի հիշում որ օրն է կոնկրետ թմրամիջոց վերցրել, երևի հունվար ամսին, ձմեռ է եղել: Ընդհանրապես 0,5 գրամն է 20.000 ՀՀ դրամ եղել, ոչ թե 1 գրամը: Իրեն հուշել են ինքն էլ գրել է: Իրեն ասել են ՙմի 20 անգամ վերցրել ես, ինքն էլ ասել է երևի հա՚: Որպես կասկածյալ տված ցուցմունքն իր ձեռքերով գրել է: Ինքն ասել է, որ նման բան չկա, քննիչն իրեն ասել է, որ սուտ ցուցմունք տալու համար պատասխանատվության կենթարկվի, դրա համար ինչ ասել են գրել է: Ինքը չի ցանկացել Գագիկի հետ առերես հարցաքննվել, քանի որ սուտ է գրել, սուտ ցուցմունք գրելու համար ամաչել է: Գ.Գալստյանի հեռախոսահամարները չի հիշում, բայց որ նախաքննության ընթացքում գրել է, ուրեմն այն ժամանակ հիշել է: Ինքն ասել է գնացել տեսել է, բայց չի ստացվել: Որպես մեղադրյալ տրված ցուցմունքում իր ձեռքով նույնությամբ է գրել, իրականում պայմանավորվել են, չի ստացվել վերցնի, բայց գրել է, թե վերցրել է: Ցուցմունքում գրել է պայմանավորվածության վայրը, այլ ոչ թե վերցնելու վայրը: Չի հիշում ինքը Գ.Գալստյանին գումար տվել է թե ոչ: Գաղտնալսումներով 8 անգամ է հեռախոսազրույց եղել Գ.Գալստյանի հետ: Ինքն ասել է, որ չի վերցրել, բայց իրեն ասել են ՙոնց եղավ որ պայմանավորվեցիք, բայց չեղավ, որ վերցնես՚: Ինքն 8 անգամ է Գ.Գալստյանի հետ խոսել այդ թեմայով: Սկզբից ցուցմունքն Արաբկիրում է գրվել` քննիչի թելադրանքով: Օպերները սպառնալիք են գործադրել, ասել են ՙկփակենք, կկալանավորենք, ասել են զապիսները կդնենք դեմդ՚: Անկախ սպառնալիքից` ինքը պետք է չգրեր: Իր ընտանիքի անդամների նկատմամբ սպառնալիք չի եղել: Դատաքննության ընթացքում իր նկատմամբ սպառնալիքներ չեն եղել, սակայն ինքը շարունակել է իր սուտ ցուցմունքները: Իր վերաբերյալ դատավճիռն կայացվել է ըստ իր գրած ցուցմունքների, ինքը սուտ է գրել, դատավճիռը ճիշտ չի կայացվել: Ինքը մեկ անգամ է Գագիկից թմրամիջոց վերցրել: 27.06.2013 թվականին որպես վկա տրված ցուցմունքը սուտ է` մեկ անգամ է վերցրել` 0,5 գրամը 20.000 ՀՀ դրամով, մնացած անգամները պայմանավորվել են, բայց չի վերցրել:
Մինչդեռ, վկա Հայկ Սերյոժայի Հովհաննիսյանն ինչպես նախաքննության ընթացքում, այնպես էլ իր վերաբերյալ թիվ ԵԱՔԴ/0102/01/13 /69106513/ քրեական գործով դատաքննության ընթացքում որպես ամբաստանյալ նույնաբովանդակ ցուցմունքներ է տվել այն մասին, որ ՀՀ քրեական օրենսգրքի 268 հոդվածի 1-ին մասի մեկ դրվագով և 268 հոդվածի 2-րդ մասի 2-րդ կետի յոթ դրվագով մեղավոր է ճանաչում իրեն, պնդում է նախաքննական ցուցմունքները, դրանք ամբողջությամբ ճիշտ են, քանի որ կոնկրետ օրերով չի հիշում: Յոթ անգամ թմրամիջոց է ձեռք բերել Գագիկից, ազգանունը կոնկրետ չգիտի: Գագիկին ճանաչում է վաղուց` նույն դպրոցում են սովորել: Տեղեկանալով, որ Գագիկը թմրամիջոց է օգտագործում, 2013 թվականի հունվար ամսին պատահական հանդիպել է նրան, հարցրել է այդ մասին, Գագիկն էլ ասել է, որ հնարավորություն կա` ՙԱփիոն՚ տեսակի թմրամիջոց ձեռք կբերի ու կտա իրեն, ասել է, որ ուրիշից է ձեռք բերում: Այդ ժամանակ իրենք փոխանակվել են հեռախոսահամարներով` ինքը նրան է տվել իր 093 91-19-23 հեռախոսահամարը, սակայն Գագիկի հեռախոսահամարն այդ պահին չի հիշում, որքան հիշում է 091300767, 098 կամ 077 կոդով 733481, նախաքննության ընթացքում ասել է: Պայմանավորվել են անուն չտալ կամ թմրամիջոցի մասին չխոսել, այլ զանգահարելիս ինքը պետք է ասեր. ՙհոգի, մեշոկ, հատ՚, այսինքն մի չափաբաժինը` 0,5 գրամից մի քիչ քիչը մի հոգի, կամ հատ, կամ մեշոկ է ասել: Թմարմիջոց ձեռք բերելու նպատակով շաբաթվա ընթացքում մեկ անգամ, կամ տասը օրվա ընթացքում մեկ անգամ ինքը զանգահարել է Գագիկին, նրան ասել, թե որքան է իրեն անհրաժեշտ ու նրանից թմրամիջոց է ձեռք բերել միայն իր անձնական օգտագործման համար, ինքը թմրամիջոց չի իրացրել: Թմրամիջոցը վերցրել է հիմնականում առձեռն, կամ էլ Գագիկը դրել է ինչ-որ տեղ և իրեն տեղյակ պահել, հիմնականում դրել է իրենց աստիճանների վրա, կամ մուտքում` Կոմիտասի 57 շենքի բակում, Մամիկոնյանց 43 շենքի բակում, որտեղ բնակվել է Գագիկը: Ամեն անագամ զանգահարելով Գագիկին` ինքը նրան ասել է, թե քանի հատ է իրեն անհրաժեշտ, հեռախոսով թմրամիջոց չի ասել, քանի որ Գագիկին արդեն ամեն ինչ պարզ է եղել, թե ինքն ինչ է ցանկացել: 2013 թվականի ապրիլի 01-ին ծնվել է իր երեխան և այդ օրվանից սկսած ինքը դադարել է թմրամիջոց օգտագործելը, հետևաբար այլևս ձեռք չի բերել: Ինքը Գագիկ Գալստյանից ձեռք է բերել միայն ՙԱփիոն՚ տեսակի թմրամիջոց, այլ տեսակի թմրամիջոց կամ հոգեմետ նյութեր նրանից ձեռք չի բերել, դրանց իրացմամբ Գագիկը զբաղվել է, թե ոչ, ինքը տեղյակ չէ, սակայն իր կարծիքով, եթե զբաղվեր, ապա իրեն կասեր այդ մասին: Մեկ չափաբաժին` 0,5 գրամ ՙԱփիոն՚ տեսակի թմրամիջոցը գնել է 20.000 ՀՀ դրամ գումարով: Ինքն աշխատել է և այդ գումարով է ձեռք բերել թմրամիջոցը: Պատահել է նաև, որ Գագիկն ասել է, որ էլ չի լինելու, ինքն էլ ստիպված իր գործընկերներից պարտքով գումար է վերցրել և ավելի շատ քանակությամբ թմրամիջոց է ձեռք բերել: Թմրամիջոցն օգտագործել է ծխելու միջոցով, ներարկման միջոցով ընդհանրապես չի գործածել:
Վկա` Գոռ Քաջիկի Գևորգյանի ցուցմունքով այն մասին, որ աշխատում է ՙԽոպան՚ տաքսի ծառայությունում` որպես վարորդ: Ամբաստանյալ Գագիկ Գևորգյանին ճանաչում է աշխատանքի բերումով: Գագիկի կինն ու Սերիկի կինը ընկերուհիներ են, ինքը հաճախակի Գագիկի կնոջը տեղափոխել է Սերիկի տուն ու հետ տարել, այդ ժամանակ էլ ճանաչել է նրանց: Սերիկը Սեյրան Գևորգյանն է, որն իր հորեղբոր որդին է: Ինքն օգտագործել է 077-02-80-20 հեռախոսահամարը: Այլ համար չի օգտագործել, ունեցել է 095-01-80-00 համարը, ինչը 3 ամիս է օգտագործել, չի մուծել` անջատել են: Նախաքննության ընթացքում տված ցուցմունքները իրականությանը համապատասխանում են: Չի եղել դեպք, որ ինքը Գագիկից ծխախոտ կամ այլ առարկա, հեռախոս վերցնի ու փոխանցի Սեյրանին: Գագիկ Գալստյանի հետ շփում չի ունեցել: Նրա կնոջն է տարել Սեյրանենց տուն ու հետ տարել, այդ առումով է շփվել նրա հետ: Անցյալ տարվանից սկսած` մոտ մեկ տարի է, ինչ ճանաչում է Գագիկ Գալստյանին, նրան մինչ այդ չի ճանաչել և նրա հետ շփում չի ունեցել: Մի անգամ Գագիկ Գալստյանից 50.000 ՀՀ դրամ փող է վերցրել ու տարել Սեյրանին: Այլ բան չի փոխանցել: Սեյրանն իրեն ասել է, որ Գագիկ Գալստյանից փող վերցնի ու փոխանցի իրեն: Գագիկ Գալստյանի հասցեն չգիտի, Կոմիտասի շուկայի մոտից է նրանից գումարը վերցրել: Նա Կոմիտասի շուկայի կողքին է ապրում: Նախաքննական ցուցմունքը ճիշտ է, ինչ ասել է դա է: Չի հիշում դեպք, որ Գագիկ Գալստյանը ծխախոտի տուփ տված լինի իրեն, ինքն էլ փոխանցած լինի Սեյրան Գևորգյանին, հնարավոր է եղել է, հնարավոր է` ոչ, քանի որ դա իր համար արտառոց երևույթ չի եղել ու չի տպավորվել իր մոտ:

2013 թվականի մարտի 31-ին կատարված Արսեն Եղիշի Լևոնյանին անձնական խուզարկության ենթարկելու մասին արձանագրությամբ, համաձայն որի` 2013 թվականի մարտի 31-ին Արսեն Լևոնյանի հագին եղած բաց շագանակագույն բաճկոնի ձախ գրպանից հայտնաբերվել է պոլիէթիլենային թաղանթով փաթեթավորված ՙԱփիոն՚ տեսակի թմրամիջոցի նմանվող թվով հինգ մուգ շագանակագույն գնդիկանման զանգվածներ, որի քաշը կազմել է մոտ 3,1 գրամ, բաճկոնի ձախ կողմի վերևի գրպանից հայտնաբերվել է բժշկական ներարկիչ 5 մլ, որի մեջ եղել է սուր հոտով լցված մոտ 4 մլ անգույն հեղուկով` նման քացախաթթվի անհիդրիդի, տաբատի աջ գրպանից հայտնաբերվել է ՙՆոկիա՚ մոդելի բջջային հեռախոս: Ա.Լևոնյանը հայտարարել է, որ իր մոտից հայտնաբերված զանգվածը հանդիսանում է ՙԱփիոն՚ տեսակի թմրամիջոց, իսկ հեղուկը` ՙքացախաթթվի անհիդրիդ՚, որոնք ձեռք է բերել 80.000 ՀՀ դրամ գումարով:
Դատաքիմիական փորձաքննության թիվ 109 Ք եզրակացությամբ այն մասին, որ փորձաքննությանը ներկայացված ընդհանուր` 2,75 գրամ հաստատուն քաշով, թվով 5 կտոր նյութը հանդիսանում է ՙԱփիոն՚ տեսակի թմրամիջոց: Ափիոն տեսակի թմրամիջոցը պատրաստվում է տնայնագործական եղանակով: Փորձաքննությանը ներկայացված մեկանգամյա օգտագործման համար նախատեսված ներարկիչում առկա 3,9 մլ ծավալով հեղուկը հանդիսանում է ՙքացախաթթվի անհիդրիդ՚, որը կշռում է 0.00361 կգ: ՙՔացախաթթվի անհիդրիդ՚-ը հանդիսանում է պրեկուրսոր: (հետազոտությամբ ծախսվեց` 0,05-ական գրամ նյութ ՙԱփիոն՚ տեսակի թմրամիջոցներից, 0,9 մլ` ՙքացախաթթվի անհիդրիդ՚-ից):
2013 թվականի ապրիլի 01-ին Գագիկ Գենոդիկի Գալստյանի` Երևան քաղաքի Կոմիտաս պողոտայի 57-րդ շենքի թիվ 17 բնակարանում և վերջինիս կողմից օգտագործվող, նույն շենքի 5-րդ մուտքում գտնվող նկուղում խուզարկություն կատարելու մասին արձանագրությամբ, համաձայն որի` Գագիկ Գենոդիկի Գալստյանի Երևան քաղաքի Կոմիտաս պողոտայի 57-րդ շենքի թիվ 17 բնակարանում կատարված խուզարկության ընթացքում բնակարանի խոհանոցում գտնվող խոհանոցային կահույքի վերնամասից հայտնաբերվել է մոտ 0,1 գրամ կանաչ գույնի, յուրահատուկ հոտով կանեփանման զանգված` դրված ՙԳառնի՚ տեսակի ծխախոտի տուփի մեջ, իսկ նույն շենքի 5-րդ մուտքում գտնվող նկուղում կատարված խուզարկության ընթացքում` նկուղի պատին ամրացված 2-րդ դարակի վրայից հայտնաբերվել է մոտ 1,2 գրամ քաշով կանեփանման զանգված, մետաղյա շերեփ` շագանակագույն նյութի հետքերով, պատին ամրացված դարակների վրայից` ալյուրի մաղիչի միջից հայտնաբերվել է ներարկիչ` լցված մոտ 9,5 մլ ծավալով սուր հոտ ունեցող անգույն հեղուկով:
2013 թվականի ապրիլի 01-ին Գագիկ Գենոդիկի Գալստյանին անձնական խուզարկության ենթարկելու մասին արձանագրությամբ, համաձայն որի` վերջինիս տաբատի աջ գրպանից տնաբերվել է ՙՍամսունգ՚ մոդելի բջջային հեռախոս:
Դատաքիմիական փորձաքննության թիվ 111 Ք եզրակացությամբ այն մասին, որ
1. Կ.Մխեյանի բնակարանում հայտնաբերված և փորձաքննության ներկայացված մեկանգամյա օգտագործման համար նախատեսված 10 մլ-ոց ներարկիչում առկա 5,5 մլ ծավալով հեղուկը հանդիսանում է ացետիլացված ՙԱփիոն՚ տեսակի թմրամիջոցի լուծույթ, որում ացետիլացված ՙԱփիոն՚-ի հաստատուն քաշը կազմում է 0,48345 գրամ:
2. Փորձաքննության ներկայացված ՙՆկուղից...՚ ձեռագիր գրառմամբ փաթեթում առկա բուսական ծագմամբ ընդհանուր` 0,96 գրամ հաստատուն քաշով նյութը հանդիսանում է 0,82 գրամ քաշով ՙչորացված մարիխուանա՚ տեսակի թմրամիջոցի և 0,14 գրամ քաշով թութունի մասնիկների խառնուրդ:
3. Փորձաքննության ներկայացված ՙԳԱՌՆԻ...՚ ձեռագիր գրառմամբ փաթեթում առկա բուսական ծագմամբ ընդհանուր` 0,12 գրամ հաստատուն քաշով նյութը հանդիսանում է 0,08 գրամ քաշով ՙչորացված մարիխուանա՚ տեսակի թմրամիջոցի և 0,04 գրամ քաշով թութունի մասնիկների խառնուրդ:
4. (…):
5. Երևան քաղաքի Կոմիտաս պողոտայի 57 շենքի 5-րդ մուտքի նկուղում հայտնաբերված և փորձաքննության ներկայացված մետաղե շերեփում առկա 0,19 գրամ հաստատուն քաշով, մուգ շագանակագույն նյութը հանդիսանում է ՙմզվածքային ափիոն՚ տեսակի թմրամիջոց:
6. Երևան քաղաքի Կոմիտաս պողոտայի 57 շենքի 5-րդ մուտքի նկուղում հայտնաբերված և փորձաքննության ներկայացված մեկանգամյա օգտագործման համար նախատեսված ներարկիչում առկա 10,2 մլ ծավալով հեղուկը հանդիսանում է ՙքացախաթթվի անհիդրիդ՚, որը կշռվում է 0.00945 կգ: ՙՔացախաթթվի անհիդրիդը՚ հանդիսանում է պրեկուրսոր:
7. Երևան քաղաքի Կոմիտաս պողոտայի 57 շենքի 5-րդ մուտքի նկուղում հայտնաբերված և փորձաքննության ներկայացված թվով երեք միանման և թվով մեկ առանց պիտակի պոլիմերային տարաներում հայտնաբերվեցին ՙքացախաթթվի անհիդրիդի՚ հետքեր:
Դատաքիմիական փորձաքննության թիվ 0229 եզրակացությամբ այն մասին, որ 31.03.2013թ. Արսեն Եղիշի Լևոնյանի մեզի փորձանմուշում հայտնաբերվցին կանաբինոիդների և ափիոնի խմբերի թմրամիջոցների թմրալկալոիդները:
Դատաքիմիական փորձաքննության թիվ 0232 եզրակացությամբ այն մասին, որ 02.04.2013թ. Գագիկ Գենոդիկի Գալստյանի մեզի փորձանմուշում հայտնաբերվեցին ափիոնի խմբի թմրամիջոցի թմրալկալոիդները:
Դատաքիմիական փորձաքննության թիվ 0272 եզրակացությամբ այն մասին, որ 01.06.2013թ. Սեյրան Ժորայի Գևորգյանի մեզի փորձանմուշում հայտնաբերվեցին կանաբինոիդների խմբի թմրամիջոցների թմրալկալոիդները:
Դատանարկոլոգիական փորձաքննության թիվ 64-13 հանձնաժողովային եզրակացությամբ այն մասին, որ Գագիկ Գենոդիկի Գալստյանը տառապում է ՙՀոգեկան և վարքային խանգարումներով ափիոնատիպ նյութերի գործածման հետևանքով: Կախվածության համախտանիշ՚ ախտորոշմամբ, ուստի հարկադիր բուժման կարիք ունի, որի համար հակացուցումներ չկան:
Դատանարկոլոգիական փորձաքննության թիվ 65-13 հանձնաժողովային եզրակացությամբ այն մասին, որ Արսեն Եղիշի Լևոնյանը տառապում է ՙՀոգեկան և վարքային խանգարումներով ափիոնատիպ նյութերի գործածման հետևանքով: Կախվածության համախտանիշ՚ ախտորոշմամբ, ուստի հարկադիր բուժման կարիք ունի, որի համար հակացուցումներ չկան:
2013 թվականի մայիսի 29-ին, հունիսի 01-ին, հունիսի 03-ին ՙՂ-Տելեկոմ՚ և ՙԱրմենՏել՚ ՓԲ ընկերություններից ստացված 093-91-19-23, 077-81-57-83, 098-73-34-81 և 091-30-07-67 հեռախոսահամարների մուտքային և ելքային հեռախոսազանգերի վերծանումները զննության ենթարկելու մասին արձանագրությամբ այն մասին, որ Հայկ Հովհաննիսյանը 2013 թվականի հունվարի 06-ից մինչև 2013 թվականի ապրիլի 08-ն ընկած ժամանակահատվածում իր 093-91-19-23 հեռախոսահամարով պարբերաբար հեռախոսազրույցներ է ունեցել Գագիկ Գալստյանի հետ նրա 077-81-57-83, 098-73-34-81 և 091-30-07-67 հեռախոսահամարներով:
Դատատեսաձայնագրային փորձաքննության թիվ 13331306 եզրակացությամբ այն մասին, որ
1. Փորձաքննությանն են տրամադրվել ՙVerbatium՚ ֆիրմայի արտադրության լազերային երկու սկավառակներ:
Առաջին սկավառակի վրա առկա են 177 ֆայլեր, որոնցից 89-ը ՙwav՚ ֆորմատի են, իսկ 88-ը` ՙtxt՚: ՙWav՚ ֆորմատի 89 ֆայլերն ունեն թվային տարբեր անվանումներ և դրանք հանդիսանում են տարբեր տևողությունների ձայնագրված հեռախոսային խոսակցություններ: Թվով 88 ՙtxt՚ ֆորմատի ֆայլերը չեն հանդիսանում ձայնագրություններ:
Հետազոտելի 89 ֆայլերից 88-ի հեռախոսային խոսակցություններն ընթանում են մի կողմից 091-30-07-67 հեռախոսահամարի, իսկ մյուս կողմից տարբեր հեռախոսահամարների միջև` ներառյալ 093-91-19-23, 094-08-01-04, 093-82-83-63, 098-78-14-29 հեռախոսահամարները:
Մեկ հեռախոսային խոսակցություն ընթանում է մի կողմից 098-73-34-81 հեռախոսահամարի, իսկ մյուս կողմից` 091-91-91-25 հեռախոսահամարի միջև:
Երկրորդ սկավառակի վրա առկա են թվով 287 ֆայլեր, որոնցից 146-ը` ՙwav՚ ֆորմատի են, իսկ 141-ը` ՙtxt՚: ՙWav՚ ֆորմատի 146 ֆայլերն ունեն թվային տարբեր անվանումներ և դրանք հանդիսանում են տարբեր տևողությունների ձայնագրված հեռախոսային խոսակցություններ: Թվով 141 ՙtxt՚ ֆորմատի ֆայլերը չեն հանդիսանում ձայնագրություններ:
146 ֆայլերից 143-ի հեռախոսային խոսակցություններն ընթանում են մի կողմից 077-81-57-83 հեռախոսահամարի, իսկ մյուս կողմից տարբեր հեռախոսահամարների միջև` ներառյալ 093-91-19-23 և 094-08-01-04 հեռախոսահամարները:
Երեք հեռախոսային խոսակցություններ ընթանում են մի կողմից 093-29-71-06 հեռախոսահամարի, իսկ մյուս կողմից տարբեր հեռախոսահամարների միջև:
Նշված` 077-81-57-83, 091-30-07-67, 098-73-34-81, 093-29-71-06, 093-91-19-23, 094-08-01-04 և 098-78-14-29 հեռախոսահամարներից կայացած հեռախոսազանգերում մասնակցող անձանց բանավոր խոսքերը պիտանի են նույնացմանն ուղղված հետազոտություններ անցկացնելու համար:
Լազերային երկու սկավառակների վրա առկա ձայնագրված հեռախոսային բոլոր խոսակցություններում, որոնց հեռախոսազանգերը կատարվել են 091-30-07-67, 098-73-34-81, 077-81-57-83, 093-29-71-06 հեռախոսահամարներից, մի կողմից հանդես է եկել միևնույն տղամարդը: Զրուցակիցները տղամարդուն դիմում են ՙԳագո/Գագ՚ անունով:
Լազերային երկու սկավառակների վրա առկա ձայնագրված հեռախոսային բոլոր խոսակցություններում, որոնց հեռախոսազանգերը կատարվել են 093-82-83-63 և 098-78-14-29 հեռախոսահամարներից միայն 091-30-07-67 հեռախոսահամարին (կամ ստացվել են այս հեռախոսահամարից), մի կողմից հանդես է եկել միևնույն տղամարդը:
Լազերային երկու սկավառակների վրա առկա ձայնագրված հեռախոսային բոլոր խոսակցություններում, որոնց հեռախոսազանգերը կատարվել են 093-91-19-23 հեռախոսահամարից` 091-30-07-67 և 077-81-57-83 հեռախոսահամարներին (կամ ստացվել են այս հեռախոսահամարից), մի կողմից հանդես է եկել միևնույն տղամարդը: Այս տղամարդու բանավոր խոսքը /ձայնը/ պատկանում է Հայկ Սերյոժայի Հովհաննիսյանին:
Լազերային երկու սկավառակների վրա առկա ձայնագրված հեռախոսային խոսակցություններում, որոնց հեռախոսազանգերը կատարվել են 094-08-01-04 հեռախոսահամարից` 091-30-07-67 և 077-81-57-83 հեռախոսահամարներին (կամ ստացվել են այս հեռախոսահամարից), մի կողմից հանդես է եկել միևնույն տղամարդը:
Երկրորդ սկավառակի վրա առկա ֆայլերից` ՙ5-38-16_16-31-50_11.03.2013-77815783-in_095703246՚ անվանումով ֆայլը պարունակում է երկու տարբեր հեռախոսային խոսակցություններ: Երկրորդ խոսակցության մասնակից տղամարդկանցից մեկի բանավոր խոսքը /ձայնը/ պատկանում է միևնույն տղամարդուն, ով հանդես է գալիս 094-08-01-04 հեռախոսահամարի խոսակցություններում: Այս տղամարդու բանավոր խոսքը /ձայնը/ պատկանում է Սեյրան Ժորայի Գևորգյանին:
Գագիկ Գենոդիկի Գալստյանի` Երևան քաղաքի Կոմիտաս պողոտայի 57-րդ շենքի թիվ 17 բնակարանի խուզարուկթյամբ և վերջինիս անձնական խուզարկությամբ հայտնաբերված իրերը զննության ենթարկելու մասին արձանագրությամբ այն մասին, որ Գագիկ Գենոդիկի Գալստյանի Երևան քաղաքի Կոմիտաս պողոտայի 57-րդ շենքի թիվ 17 բնակարանի խուզարկությամբ հայտնաբերված ՙՆոկիա՚ մոդելի բջջային հեռախոսի վրա տեղադրված է եղել 091-30-07-67 համարի, իսկ նրա անձնական խուզարկությամբ հայտնաբերված ՙՍամսունգ՚ մոդելի բջջային հեռախոսի վրա` 096-71-47-44 համարի հեռախոսաքարտերը:
Արսեն Եղիշի Լևոնյանի անձնական խուզարկությամբ հայտնաբերված իրերը զննության ենթարկելու մասին արձանագրությամբ այն մասին, որ Արսեն Եղիշի Լևոնյանի անձնական խուզարկությամբ հայտնաբերվել է 093-82-83-63 համարի հեռախոսաքարտ և ՙՆոկիա՚ մոդելի բջջային հեռախոս, որի մեջ տեղադրված է եղել 098-78-14-29 համարի հեռախոսաքարտ:
Գագիկ Գենոդիկի Գալստյանի հեռախոսային խոսակցությունների գաղտնալսումներ պարունակող լազերային սկավառակները և գաղտնալսումների թղթային տարբերակները զննության ենթարկելու մասին արձանագրությամբ այն մասին, որ Գագիկ Գենոդիկի Գալստյանն իր կողմից գործածված 077-81-57-83, 091-30-07-67, 098-73-34-81 հեռախոսահամարներով հեռախոսակապի մեջ է գտնվել Հայկ Սերյոժայի Հովհաննիսյանի հետ` նրա կողմից գործածված 093-91-19-23 հեռախոսահամարով, Արսեն Եղիշի Լևոնյանի հետ` նրա կողմից գործածված 098-78-14-29, 093-82-83-63 հեռախոսահամաներով և Սեյրան Ժորայի Գևորգյանի հետ` նրա կողմից գործածված 094-08-01-04 հեռախոսահամարով` նրանց հետ պարբերաբար ունենալով հեռախոսազրույցներ: Մասնավորապես,
1. Գագիկ Գենոդիկի Գալստյանը 2013 թվականի հունվարի 28-ին ժամը 1956-ից մինչև 2013 թվականի մարտի 31-ին ժամը 1657-ն ընկած ժամանակահատվածում պարբերաբար հեռախոսակապի մեջ է գտնվել Հայկ Սերյոժայի Հովհաննիսյանի հետ` նրա կողմից գործածված 093-91-19-23 հեռախոսահամարով, և նրանց միջև կայացած հեռախոսային խոսակցությունների ընթացքում Գագիկ Գենոդիկի Գալստյանն իր կողմից գործածված 077-81-57-83, 091-30-07-67, 098-73-34-81 հեռախոսահամարներով 2013 թվականի հունվարի 28-ին ժամը 1956-ին, 2120-ին, 2013 թվականի հունվարի 30-ին ժամը 1850-ին, 1915-ին, 2013 թվականի մարտի 01-ին ժամը 1818-ին, 1824-ին, 2013 թվականի մարտի 04-ին ժամը 1545-ին, 1546-ին, 2114-ին, 2315-ին, 2322-ին, 2013 թվականի մարտի 18-ին ժամը 2037-ին, 2042-ին, 2013 թվականի մարտի 20-ին ժամը 2245-ին, 2303-ին, 2013 թվականի մարտի 27-ին ժամը 1938-ին, 2012-ին, 2013 թվականի մարտի 31-ին ժամը 1352-ին, 1632-ին, 1657-ին հեռախոսակապի մեջ է գտնվել Հայկ Սերյոժայի Հովհաննիսյանի հետ` նրա 093-91-19-23 հեռախոսահամարով, և նրանց հեռախոսազրույցները վերաբերել են վերջինիս կողմից ՙերկու հատ՚, ՙմեկ մեշոկ՚, ՙերկու մեշոկ՚, ՙերկու հոգի՚, ՙհինգ հոգի՚, ՙերեք մեշոկ՚, ՙյոթ հատ՚ զանգվածների ձեռքբերմանը /համաձայն քրեական գործով ձեռք բերված տվյալների, նշված հեռախոսազրույցները միայն վերաբերել են ՙԱփիոն՚ տեսակի թմրամիջոցին, խոսակցությունների ընթացքում նշած թվերը վերաբերել են ՙԱփիոն՚-ի չափաբաժնին, և յուրաքանչյուր չափաբաժինը կազմել է 0,5 գրամ ՙԱփիոն՚ տեսակի թմրամիջոց/:
2. Գագիկ Գենոդիկի Գալստյանն իր 077-81-57-83 հեռախոսահամարով 2013 թվականի փետրվարի 22-ին ժամը 1541-ին հեռախոսազրույց է ունեցել Սերյան Սերյոժայի Գևորգյանի հետ` նրա 094-08-01-04 հեռախոսահամարով, որի ընթացքում Սեյրան Գևորգյանը Գագիկ Գենոդիկի Գալստյանից խնդրել է երկու հատ ՙՏրամադոլ՚, իսկ վերջինս հայտնել է, որ այդ հարցով կօգնի նրան: Նույն օրը, ժամը 1831-ին Գագիկ Գենոդիկի Գալստյանի և Սեյրան Ժորայի Գևորգյանի միջև կայացած հեռախոսազանգի համաձայն, վերջինս տեղեկացրել է, որ վերցրել է այն, և շնորհակալություն հայտնել` այդ հարցով իրեն օգնելու համար:
2013 թվականի մայիսի 29-ին, 2013 թվականի հունիսի 01-ին, 2013 թվականի հունիսի 03-ին ՙՂ-Տելեկոմ՚ և ՙԱրմենՏել՚ ՓԲ ընկերություններից ստացված 077-81-57-83, 098-73-34-81, 091-30-07-67, 096-71-47-44, 093-82-83-63, 098-78-14-29, 094-08-01-04 հեռախոսահամարների մուտքային և ելքային հեռախոսազանգերի վերծանումները զննության ենթարկելու մասին արձանագրությամբ, համաձայն որի` Գագիկ Գենոդիկի Գալստյանն իր կողմից գործածված 077-81-57-83, 098-73-34-81, 091-30-07-67 հեռախոսահամարներով 2013 հունվարի 01-ից մինչև մարտի 31-ն ընկած ժամանակահատվածում պարբերաբար, գրեթե ամեն օր հեռախոսազրույցներ է ունեցել Արսեն Եղիշի Լևոնյանի հետ` նրա 093-82-83-63, 098-78-14-29 հեռախոսահամարներով և Սեյրան Սերյոժայի Գևորգյանի հետ` նրա 094-08-01-04, իսկ 096-71-47-44 հեռախոսահամարով: 2013 թվականի մարտի 31-ին ժամը 1913-ից մինչև ժամը 1926-ն ընկած ժամանակահատվածում Գագիկ Գենոդիկի Գալստյանն իր 096-71-47-44 հեռախոսահամարով հեռախոսակապ հաստատելով Արսեն Եղիշի Լևոնյանի հետ` նրա 098-78-14-29 հեռախոսահամարով, նրանց հեռախոսազանգերը սպասարկվել են Կոմիտաս 53, Մամիկոնյանց 48 հասցեներում տեղակայված ալեհավաքների կողմից և նույն ժամանակ հեռախոսակապ միայն ֆիքսվել է նշված հեռախոսահամարների միջև: Գագիկ Գենոդիկի Գալստյանի կողմից գործածված 077-81-57-83 և 098-73-34-81 հեախոսահամարները գործածվել են միևնույն 353373037253650 գործարանային համար ունեցող բջջային հեռախոսով: Բացի այդ, Սեյրան Ժորայի Գևորգյանը 2013 թվականի փետրվարի 22-ին ժամը 1541-ին իր 094-08-01-04 հեռախոսահամարով հեռախոսազրույց ունենալով Գագիկ Գենոդիկի Գալստյանի հետ` նրա 077-81-57-83 հեռախոսահամարով, նույն ժամանակ հեռախոսակապ է պահպանել Գոռ Քաջիկի Գևորգյանի հետ` նրա 077-02-80-20, 095-01-85-00 հեռախոսահամարներով, որից հետո վերջինս նույն հեռախոսահամարներով հեռախոսակապ է պահպանել Գագիկ Գենոդիկի Գալստյանի հետ` նրա 077-81-57-83 հեռախոսահամարով:
Քրեական գործով ապացույց ճանաչված`
1. 2013 թվականի ապրիլի 01-ին, 2013 թվականի ապրիլի 10-ին, 2013 թվականի հուլիսի 09-ն ՀՀ ոստիկանության ԿՀԴՊ գլխավոր վարչությունից ստացված թիվ 10/2-1166, 10/2-1300, 10/2-2489 գրություններով այն մասին, որ ձեռնարկված օպերատիվ հետախուզական միջոցառումների արդյունքում պարզվել է, որ Գագիկ Գենոդիկի Գալստյանը զբաղվել է թմրամիջոցների ապօրինի շրջանառությամբ և վերջինիցս ՙԱփիոն՚ տեսակի թմրամիջոց ապօրինի ձեռք են բերել Հայկ Հովհաննիսյանը, Արսեն Եղիշի Լևոնյանը` 2013 թվականի մարտի 31-ին, Սեյրան Ժորայի Գևորգյանը` ՙՏրամադոլ՚ տեսակի հոգեմետ նյութ պարունակող դեղահաբ: Բացի այդ, Գագիկ Գենոդիկի Գալստյանը գործածել է 077-81-57-83, 091-30-07-67, 098-73-34-81, 096-71-47-44 հեռախոսահամարները:
2. 2013 թվականի մարտի 31-ին և 2013 թվականի ապրիլի 01-ին Արսեն Եղիշի Լևոնյանին ու Գագիկ Գենոդիկի Գալստյանին բերման ենթարկելու, վերջիններիս անձնական խուզարկության ենթարկելու մասին արձանագրություններով այն մասին, որ Ա.Լևոնյանի անձնական խուզարկությամբ նրա մոտից հայտնաբերվել է ընդհանուր մոտ 3.1 գրամ քաշով ՙԱփիոն՚ տեսակի թմրամիջոցի նմանվող թվով 5 մուգ շագանակագույն գնդիկանման զանգվածներ, 4 մլ ծավալով յուրահատուկ սուր հոտով անգույն հեղուկով` լցված 5 մլ տարողության բժշկական ներարկիչի մեջ, և բջջային հեռախոսը, իսկ Գագիկ Գենոդիկի Գալստյանի անձնական խուզարկությամբ` բջջային հեռախոս:
3. 2013 թվականի հունիսի 24-ին և 2013 թվականի հուլիսի 13-ին ՀՀ առողջապահության նախարարությունից ստացված թիվ ՍՔ/22/7087-13 և ՍՔ/22/7825-13 գրություններով այն մասին, որ ՀՀ-ում շրջանառվող գրանցված և որպես մարդասիրական օգնություն ստացված ՙՏրամադոլ՚ տեսակի դեղահաբերն ու դեղապատիճներն իրենց մեջ պարունակում են 50 մգ և 100 մգ, 200 մգ կամ 300 մգ ՙՏրամադոլ՚ և նշված չափերն էլ հանդիսանում են ազդող նյութի` ՙՏրամադոլ՚-ի զանգվածներ:
4. Քրեական գործով ապացույց ճանաչված` Գագիկ Գենոդիկի Գալստյանի կողմից գործածված հեռախոսահամարների գաղտնալսումները պարունակող թվով երկու լազերային սկավառակներով և գաղտնալսումների թղթային տարբերակներից պատճենահանված փաստաթղթերով այն մասին, որ Գագիկ Գենոդիկի Գալստյանն իր կողմից գործածված 077-81-57-83, 091-30-07-67, 098-73-34-81 հեռախոսահամարներով ակտիվ հեռախոսազրույցների մեջ է գտնվել Հայկ Սերյոժայի Հովհաննիսյանի հետ` նրա 093-91-19-23, Սեյրան Ժորայի Գևորգյանի հետ` նրա 094-08-01-04, Արսեն Եղիշի Լևոնյանի հետ` նրա 093-82-83-86 և 098-78-14-29 հեռախոսահամարներով, որոնք վերաբերվել են թմրամիջոցների ապօրինի շրջանառությանը: 5. Գագիկ Գենոդիկի Գալստյանի կողմից գործածված 077-81-57-83, 091-30-07-67, 098-73-34-81, 096-71-47-44, Հայկ Սերյոժայի Հովհաննիսյանի` 093-91-19-23, Սեյրան Ժորայի Գևորգյանի` 094-08-01-04 և Արսեն Եղիշի Լևոնյանի` 093-82-83-63, 098-78-14-29 հեռախոսահամարների մուտքային և ելքային հեռախոսազանգերի վերծանումներից արտատպված նյութերով այն մասին, որ Գագիկ Գենոդիկի Գալստյանն իր հեռախոսահամարներով ակտիվ հեռախոսակապի մեջ է գտնվել Հայկ Սերյոժայի Հովհաննիսյանի, Արսեն Եղիշի Լևոնյանի և Սեյրան Ժորայի Գևորգյանի հետ:
Քրեական գործով իրեղեն ապացույց ճանաչված` Արսեն Եղիշի Լևոնյանի անձնական խուզարկությամբ հայտնաբերված 2,75 գրամ` փաստացի առկա 2,5 գրամ ՙԱփիոն՚ տեսակի թմրամիջոցով, 3,9 մլ ծավալով և 0,00361 կգ քաշով` փաստացի առկա 3 մլ ՙքացախաթթվի անհիդրիդ՚-ով, Գագիկ Գենոդիկի Գալստյանի բնակարանից խուզարկությամբ հայտնաբերված 0,82 գրամ փաստացի առկա 0,72 գրամ ՙչորացված մարիխուանա՚ տեսակի թմրամիջոցով, Գագիկ Գենոդիկի Գալստյանին պատկանող նկուղի խուզարկությամբ հայտնաբերված փաստացի 0,09 գրամ ՙմզվածքային ափիոն՚ տեսակի թմրամիջոցով, 10,2 մլ ծավալով և 0,00945 կգ քաշով` փաստացի առկա 9,2 մլ ծավալով և 0,0085236 կգ քաշով ՙքացախաթթվի անհիդրիդ՚-ով:
Դատարանը, ուսումնասիրելով Հայկ Սերյոժայի Հովհաննիսյանի վերաբերյալ թիվ ԵԱՔԴ/0102/01/13 /69106513/ քրեական գործով Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի կողմից 2013 թվականի սեպտեմբերի 04-ին կայացված և օրինական ուժի մեջ մտած դատավճիռը, համաձայն որի` ՙՆախաքննության մարմինն ամբաստանյալ Հայկ Հովհաննիսյանին յոթ դրվագով ՀՀ քրեական օրենսգրքի 268-րդ հոդվածի 2-րդ մասի 2-րդ կետով և մեկ դրվագով 268-րդ հոդվածի 1-ին մասով մեղադրանք է առաջադրել այն արարքի համար, որ ՙ2013թ. հունվարի 28-ից մինչև 2013թ. մարտի 31-ն ընկած ժամանակահատվածում Երևան քաղաքի Կոմիտասի պողոտայի թիվ 57-րդ և Մամիկոնյանց փողոցի թիվ 40/2 շենքերի բակում Գագիկ Գենոդիկի Գալստյանից առանց իրացնելու նպատակի 8 դեպքով ապօրինի ձեռք է բերել և պահել, յուրաքանչյուր անգամ խոշոր և զգալի չափերի ՙափիոն՚ տեսակի թմրամիջոց: Առաջադրված մեղադրանքում ամբաստանյալ Հայկ Սերյոժայի Հովհաննիսյանն իրեն լիովին մեղավոր է ճանաչել և դատաքննության փուլում այդ կապակցությամբ հայտնել է, որ Գագիկ Գալստյանին ճանաչում է դպրոցական տարիներից, որպես նույն թաղամասի բնակչի: 2013թ. հունվար ամսին, կոնկրետ օրը չի հիշում, իրեն հայտնի է դարձել, որ Գագիկը զբաղվում է ՙափիոն՚ տեսակի թմրամիջոցի վաճառքով: Նույն ժամանակ հանդիպելով Գագիկին, վերջինիցս տեղեկացել է, որ նա մեկ չափաբաժին 0.5 գրամ ՙափիոնը՚ վաճառում է 20.000 ՀՀ դրամով: Գագիկի հետ փոխանակվել են հեռախոսահամարներով թմրամիջոցներ ձեռք բերելու համար նրան զանգահարելու նպատակով: 2013թ. հունվարի 28-ից մինչև 2013թ. մարտի 31-ն ընկած ժամանակահատվածում նախապես իր բջջային հեռախոսով զանգահարել է Գագիկին նրա բջջային հեռախոսահամարներին, և իմանալով նրա մոտ ՙափիոն՚ տեսակի թմրամիջոցների առկայության մասին, պարբերաբար, 8 անգամ Երևանի Կոմիտաս պողոտայի 57-րդ և Մամիկոնյանց փողոցի 40/2 շենքերի բակում հանդիպել է նրան և 1 չափաբաժինը 0.5 գրամը 20.000 ՀՀ դրամով, իր գործածման համար նրանից յոթ անգամ ձեռք է բերել 0.5 գրամ և մեկ անգամ` 3.5 գրամ ՙափիոն՚: Գագիկի հետ հեռախոսազրույցների ընթացքում, մինչև իր կողմից ՙափիոն՚ ձեռք բերելը, գործածել են ՙմետր՚, ՙհոգի՚, ՙհատ՚, ՙմեշոկ՚ և այլ բառեր, որոնք վերաբերվել են ՙափիոն՚ տեսակի թմրամիջոցին: Նշված բառերի հետ օգտագործած թվերը վերաբերվել են ՙափիոնի՚ քանակին: Գագիկը ՙափիոնը՚ վաճառել է չափաբաժիններով գնդիկների տեսքով, և մեկ չափաբաժինը եղել է 0.5 գրամ: Ինքը ՙափիոնը՚ միայն ձեռք է բերել իր անձնական օգտագործման համար, որն օգտագործել է միայնակ՚, գտնում է, որ Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի թիվ ԵԱՔԴ/0102/01/13 /69106513/ քրեական գործով կայացված դատավճիռը պետք է ճանաչել որպես ապացույց և այն կցել քրեական գործին ու պահել քրեական գործի հետ միասին` վերջինիս պահելու ողջ ժամանակամիջոցում:

Դատարանը, հետազոտելով քրեական գործով ձեռք բերված ապացույցները և գնահատելով դրանց վերաբերելիության, թույլատրելիության, իսկ ամբողջ ապացույցներն իրենց համակցությամբ գործի լուծման համար բավարարության տեսանկյունից, հանգում է այն հետևության, որ ամբաստանյալ Գագիկ Գենոդիկի Գալստյանի կողմից ՀՀ քրեական օրեսնգրքի 266-րդ հոդվածի 2-րդ մասի 2-րդ կետով, 266 հոդվածի 1-ին մասով առաջադրված մեղադրանքներում իրեն մեղավոր չճանաչելը նպատակ է հետապնդում խույս տալ քրեական պատասխանատվությունից ու պատժից նրա մեղավորությունը նշված հոդվածներով կատարված հանցանքներ կատարելու մեջ ապացուցված է ինչպես Սեյրան Գագիկի Գևորգյանի կողմից նախաքննության ընթացքում 2013 թվականի հունիսի 01-ին, հունիսի 05-ին որպես վկա տված ցուցմունքով այն մասին, որ 2013 թվականի փետրվար ամսին, կոնկրետ օրը չի հիշում, իր մոտ ցանկություն է առաջացել թմրամիջոց օգտագործել, և ԱՄՆ-ում բնակվելու ժամանակ տեղեկանալով, որ թմրամիջոցներից ամենաանվնասը ՙՏրամադոլ՚-ն է, որոշել է դրանից գործածել, որից հետո իր 094-08-01-04 հեռախոսահամարով զանգահարել է Գագոյին, նրան ասել, որ ցանկանում է երկու հատիկ ՙՏրամադոլ՚ ձեռք բերել, նա ասել է, որ կարող է տալ, ապա ինքը խնդրել է որևէ մեկի միջոցով այն փոխանցել իրեն: Նույն օրը Գագոն ՙՏրամադոլ՚-ի երկու հաբը դնելով ՙՄալբորո՚ ծխախոտի սև գույնի տուփի մեջ` ծխախոի գլանակների հետ, երեք տուփ ծխախոտի հետ միասին տաքսու վարորդի` իր հորեղբոր թոռան` Գոռի միջոցով ուղարկել է իրեն` իր տուն, ինչը ստանալով` ինքը կրկին զանգահարել է Գագոյին, ասել, որ այն տեղ է հասել, հայտնել իր շնորհակալությունը: Նշված դեղահաբերը մեկ շաբաթվա ընթացքում կուլ տալու միջոցով գործածել է: Ինքը Գագիկին գումար չի վճարել, այնպես էլ քրեական գործով ապացույց ճանաչված` 2013 թվականի ապրիլի 01-ին, 2013 թվականի ապրիլի 10-ին, 2013 թվականի հուլիսի 09-ն ՀՀ ոստիկանության ԿՀԴՊ գլխավոր վարչությունից ստացված թիվ 10/2-1166, 10/2-1300, 10/2-2489 գրություններով այն մասին, որ ձեռնարկված օպերատիվ հետախուզական միջոցառումների արդյունքում պարզվել է, որ Գագիկ Գենոդիկի Գալստյանը զբաղվել է թմրամիջոցների ապօրինի շրջանառությամբ և վերջինիցս ՙԱփիոն՚ տեսակի թմրամիջոց ապօրինի ձեռք են բերել Հայկ Հովհաննիսյանը, Արսեն Եղիշի Լևոնյանը` 2013 թվականի մարտի 31-ին, Սեյրան Ժորայի Գևորգյանը` ՙՏրամադոլ՚ տեսակի հոգեմետ նյութ պարունակող դեղահաբ: Բացի այդ, Գագիկ Գենոդիկի Գալստյանը գործածել է 077-81-57-83, 091-30-07-67, 098-73-34-81, 096-71-47-44 հեռախոսահամարները, դատատեսաձայնագրային փորձաքննության թիվ 13331306 եզրակացությամբ, Գագիկ Գենոդիկի Գալստյանի հեռախոսային խոսակցությունների գաղտնալսումներ պարունակող լազերային սկավառակները և գաղտնալսումների թղթային տարբերակները զննության ենթարկելու մասին արձանագրությամբ այն մասին, որ Գագիկ Գենոդիկի Գալստյանն իր կողմից գործածված 077-81-57-83, 091-30-07-67, 098-73-34-81 հեռախոսահամարներով հեռախոսակապի մեջ է գտնվել Հայկ Սերյոժայի Հովհաննիսյանի հետ, նրա կողմից գործածված 093-91-19-23 հեռախոսահամարով, Արսեն Եղիշի Լևոնյանի հետ` նրա կողմից գործածված 098-78-14-29, 093-82-83-63 հեռախոսահամաներով և Սեյրան Ժորայի Գևորգյանի հետ` նրա կողմից գործածված 094-08-01-04 հեռախոսահամարով` նրանց հետ պարբերաբար ունենալով հեռախոսազրույցներ: Մասնավորապես, Գագիկ Գենոդիկի Գալստյանը 2013 թվականի հունվարի 28-ին ժամը 1956-ից մինչև 2013 թվականի մարտի 31-ին ժամը 1657-ն ընկած ժամանակահատվածում պարբերաբար հեռախոսակապի մեջ է գտնվել Հայկ Սերյոժայի Հովհաննիսյանի հետ` նրա կողմից գործածված 093-91-19-23 հեռախոսահամարով, և նրանց միջև կայացած հեռախոսային խոսակցությունների ընթացքում Գագիկ Գենոդիկի Գալստյանն իր կողմից գործածված 077-81-57-83, 091-30-07-67, 098-73-34-81 հեռախոսահամարներով 2013 թվականի հունվարի 28-ին ժամը 1956-ին, 2120-ին, 2013 թվականի հունվարի 30-ին ժամը 1850-ին, 1915-ին, 2013 թվականի մարտի 01-ին ժամը 1818-ին, 1824-ին, 2013 թվականի մարտի 04-ին ժամը 1545-ին, 1546-ին, 2114-ին, 2315-ին, 2322-ին, 2013 թվականի մարտի 18-ին ժամը 2037-ին, 2042-ին, 2013 թվականի մարտի 20-ին ժամը 2245-ին, 2303-ին, 2013 թվականի մարտի 27-ին ժամը 1938-ին, 2012-ին, 2013 թվականի մարտի 31-ին ժամը 1352-ին, 1632-ին, 1657-ին հեռախոսակապի մեջ է գտնվել Հայկ Սերյոժայի Հովհաննիսյանի հետ` նրա 093-91-19-23 հեռախոսահամարով, և նրանց հեռախոսազրույցները վերաբերել են վերջինիս կողմից ՙերկու հատ՚, ՙմեկ մեշոկ՚, ՙերկու մեշոկ՚, ՙերկու հոգի՚, ՙհինգ հոգի՚, ՙերեք մեշոկ՚, ՙյոթ հատ՚ զանգվածների ձեռքբերմանը /համաձայն քրեական գործով ձեռք բերված տվյալների, նշված հեռախոսազրույցները միայն վերաբերել են ՙԱփիոն՚ տեսակի թմրամիջոցին, խոսակցությունների ընթացքում նշած թվերը վերաբերել են ՙԱփիոն՚-ի չափաբաժնին, և յուրաքանչյուր չափաբաժինը կազմել է 0,5 գրամ ՙԱփիոն՚ տեսակի թմրամիջոց/: Գագիկ Գենոդիկի Գալստյանն իր 077-81-57-83 հեռախոսահամարով 2013 թվականի փետրվարի 22-ին ժամը 1541-ին հեռախոսազրույց է ունեցել Սերյան Սերյոժայի Գևորգյանի հետ` նրա 094-08-01-04 հեռախոսահամարով, որի ընթացքում Սեյրան Գևորգյանը Գագիկ Գենոդիկի Գալստյանից խնդրել է երկու հատ ՙՏրամադոլ՚, իսկ վերջինս հայտնել է, որ այդ հարցով կօգնի նրան: Նույն օրը, ժամը 1831-ին Գագիկ Գենոդիկի Գալստյանի և Սեյրան Ժորայի Գևորգյանի միջև կայացած հեռախոսազանգի համաձայն, վերջինս տեղեկացրել է, որ վերցրել է այն և շնորհակալություն հայտնել` այդ հարցով իրեն օգնելու համար, 2013 թվականի մայիսի 29-ին, 2013 թվականի հունիսի 01-ին, 2013 թվականի հունիսի 03-ին ՙՂ-Տելեկոմ՚ և ՙԱրմենՏել՚ ՓԲ ընկերություններից ստացված 077-81-57-83, 098-73-34-81, 091-30-07-67, 096-71-47-44, 093-82-83-63, 098-78-14-29, 094-08-01-04 հեռախոսահամարների մուտքային և ելքային հեռախոսազանգերի վերծանումները զննության ենթարկելու մասին արձանագրությամբ, համաձայն որի` Գագիկ Գենոդիկի Գալստյանն իր կողմից գործածված 077-81-57-83, 098-73-34-81, 091-30-07-67 հեռախոսահամարներով 2013 հունվարի 01-ից մինչև մարտի 31-ն ընկած ժամանակահատվածում պարբերաբար, գրեթե ամեն օր հեռախոսազրույցներ է ունեցել Արսեն Եղիշի Լևոնյանի հետ` նրա 093-82-83-63, 098-78-14-29 հեռախոսահամարներով, և Սեյրան Սերյոժայի Գևորգյանի հետ` նրա 094-08-01-04, իսկ 096-71-47-44 հեռախոսահամարով Արսեն Եղիշի Լևոնյանի 098-78-14-29, Սեյրան Սերյոժայի Գևորգյանի 094-08-01-04 հեռախոսահամարներով: 2013 թվականի մարտի 31-ին ժամը 1913-ից մինչև ժամը 1926-ն ընկած ժամանակահատվածում Գագիկ Գենոդիկի Գալստյանն իր 096-71-47-44 հեռախոսահամարով հեռախոսակապ հաստատելով Արսեն Եղիշի Լևոնյանի հետ` նրա 098-78-14-29 հեռախոսահամարով, նրանց հեռախոսազանգերը սպասարկվել են Կոմիտաս 53, Մամիկոնյանց 48 հասցեներում տեղակայված ալեհավաքների կողմից և նույն ժամանակ հեռախոսակապ միայն ֆիքսվել է նշված հեռախոսահամարների միջև: Գագիկ Գենոդիկի Գալստյանի կողմից գործածված 077-81-57-83 և 098-73-34-81 հեախոսահամարները գործածվել են միևնույն 353373037253650 գործարանային համար ունեցող բջջային հեռախոսով: Բացի այդ, Սեյրան Ժորայի Գևորգյանը 2013 թվականի փետրվարի 22-ին ժամը 1541-ին իր 094-08-01-04 հեռախոսահամարով հեռախոսազրույց ունենալով Գագիկ Գենոդիկի Գալստյանի հետ` նրա 077-81-57-83 հեռախոսահամարով, նույն ժամանակ հեռախոսակապ է պահպանել Գոռ Քաջիկի Գևորգյանի հետ` նրա 077-02-80-20, 095-01-85-00 հեռախոսահամարներով, որից հետո վերջինս նույն հեռախոսահամարներով հեռախոսակապ է պահպանել Գագիկ Գենոդիկի Գալստյանի հետ` նրա 077-81-57-83 հեռախոսահամարով, քրեական գործով ապացույց ճանաչված` Գագիկ Գենոդիկի Գալստյանի կողմից գործածված հեռախոսահամարների գաղտնալսումները պարունակող թվով երկու լազերային սկավառակներով և գաղտնալսումների թղթային տարբերակներից պատճենահանված փաստաթղթերով այն մասին, որ Գագիկ Գենոդիկի Գալստյանն իր կողմից գործածված 077-81-57-83, 091-30-07-67, 098-73-34-81 հեռախոսահամարներով ակտիվ հեռախոսազրույցների մեջ է գտնվել Հայկ Սերյոժայի Հովհաննիսյանի հետ` նրա 093-91-19-23, Սեյրան Ժորայի Գևորգյանի հետ` նրա 094-08-01-04, Արսեն Եղիշի Լևոնյանի հետ` նրա 093-82-83-86 և 098-78-14-29 հեռախոսահամարներով, որոնք վերաբերվել են թմրամիջոցների ապօրինի շրջանառությանը, Գագիկ Գենոդիկի Գալստյանի կողմից գործածված 077-81-57-83, 091-30-07-67, 098-73-34-81, 096-71-47-44, Հայկ Սերյոժայի Հովհաննիսյանի` 093-91-19-23, Սեյրան Ժորայի Գևորգյանի` 094-08-01-04 և Արսեն Եղիշի Լևոնյանի` 093-82-83-63, 098-78-14-29 հեռախոսահամարների մուտքային և ելքային հեռախոսազանգերի վերծանումներից արտատպված նյութերով այն մասին, որ Գագիկ Գենոդիկի Գալստյանն իր հեռախոսահամարներով ակտիվ հեռախոսակապի մեջ է գտնվել Հայկ Սերյոժայի Հովհաննիսյանի, Արսեն Եղիշի Լևոնյանի և Սեյրան Ժորայի Գևորգյանի հետ:
Դատարանն արժանահավատ չի համարում ամբաստանյալ Արսեն Եղիշի Լևոնյանի նախաքննական ու դատաքննական ցուցմունքներն այն մասին, որ ինքը Գագիկ Գալստյանին ընդհանրապես չի ճանաչում և թմրամիջոցը ձեռք է բերել ոչ թե Գագիկ Գալստյանից, այլ ոմն Արամից, և գտնում է, որ Ա.Լևոնյանի ցուցմունքները նպատակ են հետապնդում օգնելու Գագիկ Գենոդիկի Գալստյանին խուսափել քրեական պատասխանատվությունից ու պատժից և նրա ցուցմունքները ժխտվում են ինչպես Գագիկ Գենոդիկի Գալստյանի հեռախոսային խոսակցությունների գաղտնալսումներ պարունակող լազերային սկավառակները և գաղտնալսումների թղթային տարբերակները զննության ենթարկելու մասին արձանագրությամբ այն մասին, որ Գագիկ Գենոդիկի Գալստյանն իր կողմից գործածված 077-81-57-83, 091-30-07-67, 098-73-34-81 հեռախոսահամարներով հեռախոսակապի մեջ է գտնվել Արսեն Եղիշի Լևոնյանի հետ` նրա կողմից գործածված 098-78-14-29, 093-82-83-63 հեռախոսահամաներրով` նրա հետ պարբերաբար ունենալով հեռախոսազրույցներ, 2013 թվականի մայիսի 29-ին, 2013 թվականի հունիսի 01-ին, 2013 թվականի հունիսի 03-ին ՙՂ-Տելեկոմ՚ և ՙԱրմենՏել՚ ՓԲ ընկերություններից ստացված 077-81-57-83, 098-73-34-81, 091-30-07-67, 096-71-47-44, 093-82-83-63, 098-78-14-29, 094-08-01-04 հեռախոսահամարների մուտքային և ելքային հեռախոսազանգերի վերծանումները զննության ենթարկելու մասին արձանագրությամբ, համաձայն որի` Գագիկ Գենոդիկի Գալստյանն իր կողմից գործածված 077-81-57-83, 098-73-34-81, 091-30-07-67 հեռախոսահամարներով 2013 հունվարի 01-ից մինչև մարտի 31-ն ընկած ժամանակահատվածում պարբերաբար, գրեթե ամեն օր հեռախոսազրույցներ է ունեցել Արսեն Եղիշի Լևոնյանի հետ` նրա 093-82-83-63, 098-78-14-29 հեռախոսահամարներով, 2013 թվականի մարտի 31-ին ժամը 1913-ից մինչև ժամը 1926-ն ընկած ժամանակահատվածում Գագիկ Գենոդիկի Գալստյանն իր 096-71-47-44 հեռախոսահամարով հեռախոսակապ հաստատելով Արսեն Եղիշի Լևոնյանի հետ` նրա 098-78-14-29 հեռախոսահամարով, նրանց հեռախոսազանգերը սպասարկվել են Կոմիտաս 53, Մամիկոնյանց 48 հասցեներում տեղակայված ալեհավաքների կողմից և նույն ժամանակ հեռախոսակապ միայն ֆիքսվել է նշված հեռախոսահամարների միջև, 2013 թվականի ապրիլի 01-ին, 2013 թվականի ապրիլի 10-ին, 2013 թվականի հուլիսի 09-ն ՀՀ ոստիկանության ԿՀԴՊ գլխավոր վարչությունից ստացված թիվ 10/2-1166, 10/2-1300, 10/2-2489 գրություններով այն մասին, որ ձեռնարկված օպերատիվ հետախուզական միջոցառումների արդյունքում պարզվել է, որ Գագիկ Գենոդիկի Գալստյանը զբաղվել է թմրամիջոցների ապօրինի շրջանառությամբ և վերջինիցս ՙԱփիոն՚ տեսակի թմրամիջոց ապօրինի ձեռք են բերել Հայկ Հովհաննիսյանը, Արսեն Եղիշի Լևոնյանը` 2013 թվականի մարտի 31-ին, Սեյրան Ժորայի Գևորգյանը` ՙՏրամադոլ՚ տեսակի հոգեմետ նյութ պարունակող դեղահաբ: Բացի այդ, Գագիկ Գենոդիկի Գալստյանը գործածել է 077-81-57-83, 091-30-07-67, 098-73-34-81, 096-71-47-44 հեռախոսահամարները, քրեական գործով ապացույց ճանաչված` Գագիկ Գենոդիկի Գալստյանի կողմից գործածված հեռախոսահամարների գաղտնալսումները պարունակող թվով երկու լազերային սկավառակներով և գաղտնալսումների թղթային տարբերակներից պատճենահանված փաստաթղթերով այն մասին, որ Գագիկ Գենոդիկի Գալստյանն իր կողմից գործածված 077-81-57-83, 091-30-07-67, 098-73-34-81 հեռախոսահամարներով ակտիվ հեռախոսազրույցների մեջ է գտնվել Արսեն Եղիշի Լևոնյանի հետ` նրա 093-82-83-86 և 098-78-14-29 հեռախոսահամարներով, որոնք վերաբերվել են թմրամիջոցների ապօրինի շրջանառությանը:
Դատարանն արժանահավատ չի համարում նաև Սեյրան Ժորայի Գևորգյանի նախաքննական ու դատաքննական ցուցմունքներն այն մասին, որ քննիչն իրեն ասել է, որ գրի, թե ինքը Գագիկ Գալստյանից ՙՏրամադոլ՚-ի երկու հաբ է ձեռք բերել, ասելով, որ իր ասածով չգրելու դեպքում իր հետ հեռախոսակապի մեջ գտնվող բոլոր անձանց կհրավիրեն բաժին ու ինքը ստիպված քննիչի թելադրանքով գրել է իր նախաքննական ցուցմունքները, թե իբր ինքը Գագիկ Գալստյանից ՙՏրամադոլ՚ տեսակի դեղահաբեր է ձեռք բերել, և գտնում է, որ Ս.Գևորգյանի ցուցմունքները նպատակ են հետապնդում օգնելու Գագիկ Գենոդիկի Գալստյանին խուսափել քրեական պատասխանատվությունից ու պատժից և նրա ցուցմունքները ժխտվում են ինչպես իր իսկ կողմից նախաքննության ընթացքում` 2013 թվականի հունիսի 01-ին, հունիսի 05-ին որպես վկա տված ցուցմունքով այն մասին, որ 2013 թվականի փետրվար ամսին, կոնկրետ օրը չի հիշում, իր մոտ ցանկություն է առաջացել թմրամիջոց օգտագործել, և ԱՄՆ-ում բնակվելու ժամանակ տեղեկանալով, որ թմրամիջոցներից ամենաանվնասը ՙՏրամադոլ՚-ն է, որոշել է դրանից գործածել, որից հետո իր 094-08-01-04 հեռախոսահամարով զանգահարել է Գագոյին, նրան ասել, որ ցանկանում է երկու հատիկ ՙՏրամադոլ՚ ձեռք բերել, նա էլ ասել է, որ կարող է տալ, ապա ինքը խնդրել է որևէ մեկի միջոցով այն փոխանցել իրեն: Նույն օրը Գագոն ՙՏրամադոլ՚-ի երկու հաբը դնելով ՙՄալբորո՚ ծխախոտի սև գույնի տուփի մեջ` ծխախոի գլանակների հետ, երեք տուփ ծխախոտի հետ միասին տաքսու վարորդի` իր հորեղբոր թոռան` Գոռի միջոցով ուղարկել է իրեն` իր տուն, ինչը ստանալով` ինքը կրկին զանգահարել է Գագոյին, ասել, որ այն տեղ է հասել, հայտնել իր շնորհակալությունը: Նշված դեղահաբերը մեկ շաբաթվա ընթացքում կուլ տալու միջոցով գործածել է: Ինքը Գագիկին գումար չի վճարել, այնպես էլ դատատեսաձայնագրային փորձաքննության թիվ 13331306 եզրակացությամբ այն մասին, որ երկրորդ սկավառակի վրա առկա ֆայլերից` ՙ5-38-16_16-31-50_11.03.2013-77815783-in_095703246՚ անվանումով ֆայլը պարունակում է երկու տարբեր հեռախոսային խոսակցություններ: Երկրորդ խոսակցության մասնակից տղամարդկանցից մեկի բանավոր խոսքը /ձայնը/ պատկանում է միևնույն տղամարդուն, ով հանդես է գալիս 094-08-01-04 հեռախոսահամարի խոսակցություններում, տղամարդու բանավոր խոսքը /ձայնը/ պատկանում է Սեյրան Ժորայի Գևորգյանին, Գագիկ Գենոդիկի Գալստյանի հեռախոսային խոսակցությունների գաղտնալսումներ պարունակող լազերային սկավառակները և գաղտնալսումների թղթային տարբերակները զննության ենթարկելու մասին արձանագրությամբ այն մասին, որ Գագիկ Գենոդիկի Գալստյանն իր կողմից գործածված 077-81-57-83, 091-30-07-67, 098-73-34-81 հեռախոսահամարներով հեռախոսակապի մեջ է գտնվել Սեյրան Ժորայի Գևորգյանի հետ` նրա կողմից գործածված 094-08-01-04 հեռախոսահամարով` նրա հետ պարբերաբար ունենալով հեռախոսազրույցներ, մասնավորապես, Գագիկ Գենոդիկի Գալստյանն իր 077-81-57-83 հեռախոսահամարով 2013 թվականի փետրվարի 22-ին ժամը 1541-ին հեռախոսազրույց է ունեցել Սերյան Սերյոժայի Գևորգյանի հետ` նրա 094-08-01-04 հեռախոսահամարով, որի ընթացքում Սեյրան Գևորգյանը Գագիկ Գենոդիկի Գալստյանից խնդրել է երկու հատ ՙՏրամադոլ՚, իսկ վերջինս հայտնել է, որ այդ հարցով կօգնի նրան: Նույն օրը, ժամը 1831-ին Գագիկ Գենոդիկի Գալստյանի և Սեյրան Ժորայի Գևորգյանի միջև կայացած հեռախոսազանգի համաձայն, վերջինս տեղեկացրել է, որ վերցրել է այն և շնորհակալություն հայտնել` այդ հարցով իրեն օգնելու համար, 2013 թվականի մայիսի 29-ին, 2013 թվականի հունիսի 01-ին, 2013 թվականի հունիսի 03-ին ՙՂ-Տելեկոմ՚ և ՙԱրմենՏել՚ ՓԲ ընկերություններից ստացված 077-81-57-83, 098-73-34-81, 091-30-07-67, 096-71-47-44, 093-82-83-63, 098-78-14-29, 094-08-01-04 հեռախոսահամարների մուտքային և ելքային հեռախոսազանգերի վերծանումները զննության ենթարկելու մասին արձանագրությամբ, համաձայն որի` Գագիկ Գենոդիկի Գալստյանն իր կողմից գործածված 077-81-57-83, 098-73-34-81, 091-30-07-67 հեռախոսահամարներով 2013 հունվարի 01-ից մինչև մարտի 31-ն ընկած ժամանակահատվածում պարբերաբար, գրեթե ամեն օր հեռախոսազրույցներ է ունեցել Սեյրան Սերյոժայի Գևորգյանի հետ` նրա 094-08-01-04, բացի այդ, Սեյրան Ժորայի Գևորգյանը 2013 թվականի փետրվարի 22-ին ժամը 1541-ին իր 094-08-01-04 հեռախոսահամարով հեռախոսազրույց ունենալով Գագիկ Գենոդիկի Գալստյանի հետ` նրա 077-81-57-83 հեռախոսահամարով, նույն ժամանակ հեռախոսակապ է պահպանել Գոռ Քաջիկի Գևորգյանի հետ` նրա 077-02-80-20, 095-01-85-00 հեռախոսահամարներով, որից հետո վերջինս նույն հեռախոսահամարներով հեռախոսակապ է պահպանել Գագիկ Գենոդիկի Գալստյանի հետ` նրա 077-81-57-83 հեռախոսահամարով, քրեական գործով ապացույց ճանաչված` 2013 թվականի ապրիլի 01-ին, 2013 թվականի ապրիլի 10-ին, 2013 թվականի հուլիսի 09-ն ՀՀ ոստիկանության ԿՀԴՊ գլխավոր վարչությունից ստացված թիվ 10/2-1166, 10/2-1300, 10/2-2489 գրություններով այն մասին, որ ձեռնարկված օպերատիվ հետախուզական միջոցառումների արդյունքում պարզվել է, որ Գագիկ Գենոդիկի Գալստյանը զբաղվել է թմրամիջոցների ապօրինի շրջանառությամբ և վերջինիցս ՙԱփիոն՚ տեսակի թմրամիջոց ապօրինի ձեռք են բերել Հայկ Հովհաննիսյանը, Արսեն Եղիշի Լևոնյանը` 2013 թվականի մարտի 31-ին, Սեյրան Ժորայի Գևորգյանը` ՙՏրամադոլ՚ տեսակի հոգեմետ նյութ պարունակող դեղահաբ: Բացի այդ, Գագիկ Գենոդիկի Գալստյանը գործածել է 077-81-57-83, 091-30-07-67, 098-73-34-81, 096-71-47-44 հեռախոսահամարները:
Դատարանն արժանահավատ չի համարում նաև սույն քրեական գործով վկա և թիվ ԵԱՔԴ/0102/01/13 /69106513/ քրեական գործով դատապարտյալ Հայկ Սերյոժայի Հովհաննիսյանի դատաքննական ցուցմունքն այն մասին, որ իրականում ինքը մեկ անգամ է Գագիկ Գալստյանից թմրամիջոց ձեռք բերել, իսկ մնացած յոթ անգամ զանգահարել է Գագիկ Գալստյանին, պայմանավորվել են հանդիպել, սակայն հանդիպման ժամանակ Գագիկն իրեն մերժել է` ասելով, որ չունի, և գտնում է, որ Հ.Հովհաննիսյանի ցուցմունքը նպատակ է հետապնդում օգնելու Գագիկ Գենոդիկի Գալստյանին խուսափել քրեական պատասխանատվությունից ու պատժից և նրա ցուցմունքը ժխտվում է ինչպես իր իսկ կողմից նախաքննության և իր վերաբերյալ թիվ ԵԱՔԴ/0102/01/13 /69106513/ քրեական գործով դատաքննության ընթացքում տրված նույնաբովանդակ ցուցմունքներով այն մասին, որ ՀՀ քրեական օրենսգրքի 268 հոդվածի 1-ին մասի մեկ դրվագով և 268 հոդվածի 2-րդ մասի 2-րդ կետի յոթ դրվագով մեղավոր է ճանաչում իրեն, յոթ անգամ թմրամիջոց է ձեռք բերել Գագիկից, ազգանունը կոնկրետ չգիտի: Գագիկին ճանաչում է վաղուց` նույն դպրոցում են սովորել: Տեղեկանալով, որ Գագիկը թմրամիջոց է օգտագործում, 2013 թվականի հունվար ամսին պատահական հանդիպել է նրան, հարցրել է այդ մասին, Գագիկն էլ ասել է, որ հնարավորություն կա` ՙԱփիոն՚ տեսակի թմրամիջոց ձեռք կբերի ու կտա իրեն, ասել է, որ ուրիշից է ձեռք բերում: Այդ ժամանակ իրենք փոխանակվել են հեռախոսահամարներով` ինքը նրան է տվել իր 093 91-19-23 հեռախոսահամարը, սակայն Գագիկի հեռախոսահամարն այդ պահին չի հիշում, որքան հիշում է 091300767, 098 կամ 077 կոդով 733481 է, նախաքննության ընթացում ասել է: Պայմանավորվել են անուն չտալ կամ թմրամիջոցի մասին չխոսել, այլ զանգահարելիս ինքը պետք է ասեր. ՙհոգի, մեշոկ, հատ՚, այսինքն մի չափաբաժինը` 0,5 գրամից մի փոքր քիչը մի հոգի, կամ հատ, կամ մեշոկ է ասել: Թմարմիջոց ձեռք բերելու նպատակով շաբաթվա ընթացքում մեկ անգամ, կամ տասը օրվա ընթացքում մեկ անգամ ինքը զանգահարել է Գագիկին, նրան ասել, թե որքան է իրեն անհրաժեշտ ու նրանից թմրամիջոց է ձեռք բերել միայն իր անձնական օգտագործման համար, ինքը թմրամիջոց չի իրացրել: Թմրամիջոցը վերցրել է հիմնականում առձեռն, կամ էլ Գագիկը դրել է ինչ-որ տեղ և իրեն տեղյակ պահել, հիմնականում դրել է իրենց աստիճանների վրա, կամ մուտքում` Կոմիտասի 57 շենքի բակում, Մամիկոնյանց 43 շենքի բակում, որտեղ բնակվել է Գագիկը: Ամեն անգամ զանգահարելով Գագիկին` ինքը նրան ասել է, թե քանի հատ է իրեն անհրաժեշտ, հեռախոսով թմրամիջոց չի ասել, քանի որ Գագիկին արդեն ամեն ինչ պարզ է եղել, թե ինքն ինչ է ցանկացել: 2013 թվականի ապրիլի 01-ին ծնվել է իր երեխան և այդ օրվանից սկսած ինքը դադարել է թմրամիջոց օգտագործելը, հետևաբար այլևս ձեռք չի բերել: Ինքը Գագիկ Գալստյանից ձեռք է բերել միայն ՙԱփիոն՚ տեսակի թմրամիջոց, այլ տեսակի թմրամիջոց կամ հոգեմետ նյութեր նրանից ձեռք չի բերել, դրանց իրացմամբ Գագիկը զբաղվել է, թե ոչ, ինքը տեղյակ չէ, սակայն իր կարծիքով, եթե զբաղվեր, ապա իրեն կասեր այդ մասին: Մեկ չափաբաժին` 0,5 գրամ ՙԱփիոն՚ տեսակի թմրամիջոցը գնել է 20.000 ՀՀ դրամ գումարով: Ինքն աշխատել է և այդ գումարով է ձեռք բերել թմրամիջոցը: Պատահել է նաև, որ Գագիկն ասել է, որ էլ չի լինելու, ինքն էլ ստիպված իր գործընկերներից պարտքով գումար է վերցրել և ավելի շատ թմրամիջոց է ձեռք բերել: Թմրամիջոցն օգտագործել է ծխելու միջոցով, ներարկման միջոցով ընդհանրապես չի գործածել, անպես էլ 2013 թվականի մայիսի 29-ին, հունիսի 01-ին, հունիսի 03-ին ՙՂ-Տելեկոմ՚ և ՙԱրմենՏել՚ ՓԲ ընկերություններից ստացված 093-91-19-23, 077-81-57-83, 098-73-34-81 և 091-30-07-67 հեռախոսահամարների մուտքային և ելքային հեռախոսազանգերի վերծանումները զննության ենթարկելու մասին արձանագրությամբ այն մասին, որ Հայկ Հովհաննիսյանը 2013 թվականի հունվարի 06-ից մինչև 2013 թվականի ապրիլի 08-ն ընկած ժամանակահատվածում իր 093-91-19-23 հեռախոսահամարով պարբերաբար հեռախոսազրույցներ է ունեցել Գագիկ Գալստյանի հետ` նրա 077-81-57-83, 098-73-34-81 և 091-30-07-67 հեռախոսահամարներով, դատատեսաձայնագրային փորձաքննության թիվ 13331306 եզրակացությամբ այն մասին, որ լազերային երկու սկավառակների վրա առկա ձայնագրված հեռախոսային բոլոր խոսակցություններում, որոնց հեռախոսազանգերը կատարվել են 093-91-19-23 հեռախոսահամարից` 091-30-07-67 և 077-81-57-83 հեռախոսահամարներին (կամ ստացվել են այս հեռախոսահամարից), մի կողմից հանդես է եկել միևնույն տղամարդը, տղամարդու բանավոր խոսքը /ձայնը/ պատկանում է Հայկ Սերյոժայի Հովհաննիսյանին, Գագիկ Գենոդիկի Գալստյանի հեռախոսային խոսակցությունների գաղտնալսումներ պարունակող լազերային սկավառակները և գաղտնալսումների թղթային տարբերակները զննության ենթարկելու մասին արձանագրությամբ այն մասին, որ Գագիկ Գենոդիկի Գալստյանն իր կողմից գործածված 077-81-57-83, 091-30-07-67, 098-73-34-81 հեռախոսահամարներով հեռախոսակապի մեջ է գտնվել Հայկ Սերյոժայի Հովհաննիսյանի հետ, նրա կողմից գործածված 093-91-19-23 հեռախոսահամարով, մասնավորապես, Գագիկ Գենոդիկի Գալստյանը 2013 թվականի հունվարի 28-ին ժամը 1956-ից մինչև 2013 թվականի մարտի 31-ը ժամը 1657-ն ընկած ժամանակահատվածում պարբերաբար հեռախոսակապի մեջ է գտնվել Հայկ Սերյոժայի Հովհաննիսյանի հետ` նրա կողմից գործածված 093-91-19-23 հեռախոսահամարով, Գագիկ Գենոդիկի Գալստյանն իր կողմից գործածված 077-81-57-83, 091-30-07-67, 098-73-34-81 հեռախոսահամարներով 2013 թվականի հունվարի 28-ին ժամը 1956-ին, 2120-ին, 2013 թվականի հունվարի 30-ին ժամը 1850-ին, 1915-ին, 2013 թվականի մարտի 01-ին ժամը 1818-ին, 1824-ին, 2013 թվականի մարտի 04-ին ժամը 1545-ին, 1546-ին, 2114-ին, 2315-ին, 2322-ին, 2013 թվականի մարտի 18-ին ժամը 2037-ին, 2042-ին, 2013 թվականի մարտի 20-ին ժամը 2245-ին, 2303-ին, 2013 թվականի մարտի 27-ին ժամը 1938-ին, 2012-ին, 2013 թվականի մարտի 31-ին ժամը 1352-ին, 1632-ին, 1657-ին հեռախոսակապի մեջ է գտնվել Հայկ Սերյոժայի Հովհաննիսյանի հետ` նրա 093-91-19-23 հեռախոսահամարով, և նրանց հեռախոսազրույցները վերաբերել են վերջինիս կողմից ՙերկու հատ՚, ՙմեկ մեշոկ՚, ՙերկու մեշոկ՚, ՙերկու հոգի՚, ՙհինգ հոգի՚, ՙերեք մեշոկ՚, ՙյոթ հատ՚ զանգվածների ձեռքբերմանը /համաձայն քրեական գործով ձեռք բերված տվյալների` նշված հեռախոսազրույցները միայն վերաբերել են ՙԱփիոն՚ տեսակի թմրամիջոցին, խոսակցությունների ընթացքում նշած թվերը վերաբերել են ՙԱփիոն՚-ի չափաբաժնին և յուրաքանչյուր չափաբաժինը կազմել է 0,5 գրամ ՙԱփիոն՚ տեսակի թմրամիջոց/, 2013 թվականի ապրիլի 01-ին, 2013 թվականի ապրիլի 10-ին, 2013 թվականի հուլիսի 09-ն ՀՀ ոստիկանության ԿՀԴՊ գլխավոր վարչությունից ստացված թիվ 10/2-1166, 10/2-1300, 10/2-2489 գրություններով այն մասին, որ ձեռնարկված օպերատիվ հետախուզական միջոցառումների արդյունքում պարզվել է, որ Գագիկ Գենոդիկի Գալստյանը զբաղվել է թմրամիջոցների ապօրինի շրջանառությամբ և վերջինիցս ՙԱփիոն՚ տեսակի թմրամիջոց ապօրինի ձեռք են բերել Հայկ Հովհաննիսյանը, Արսեն Եղիշի Լևոնյանը` 2013 թվականի մարտի 31-ին, Սեյրան Ժորայի Գևորգյանը` ՙՏրամադոլ՚ տեսակի հոգեմետ նյութ պարունակող դեղահաբ: Բացի այդ, Գագիկ Գենոդիկի Գալստյանը գործածել է 077-81-57-83, 091-30-07-67, 098-73-34-81096-71-47-44 հեռախոսահամարները:

Դատաքննությամբ հիմնավորվեց, որ Գագիկ Գենոդիկի Գալստյանն իրացնելու նպատակով ութ անգամ ապօրինի ձեռք է բերել, պահել և ապօրինի իրացրել է խոշոր չափերով թմրամիջոցներ, իրացնելու նպատակով երկու անգամ ապօրինի ձեռք է բերել, պահել և ապօրինի իրացրել զգալի չափերով թմրամիջոցներ, հոգեմետ (հոգեներգործուն) նյութեր պատրաստելու նպատակով երկու անգամ ապօրինի ձեռք է բերել, պահել և ապօրինի իրացրել զգալի չափերով պրեկուրսորներ, ինչպես նաև առանց իրացնելու նպատակի երկու անգամ ապօրինի ձեռք է բերել և պահել զգալի չափերով թմրամիջոցներ ու հոգեմետ (հոգեներգործուն) նյութեր.
Դատաքննությամբ հիմնավորվեց, որ Արսեն Եղիշի Լևոնյանն առանց իրացնելու նպատակի ապօրինի ձեռք է բերել, ինչպես նաև իր մոտ պահել խոշոր չափերով թմրամիջոցներ ու հոգեմետ (հոգեներգործուն) նյութեր պատրաստելու նպատակով ապօրինի ձեռք է բերել և իր մոտ պահել զգալի չափերով պրեկուրսոր.

Երևան քաղաքի բնակիչ` ամբաստանյալ Գագիկ Գենոդիկի Գալստյանը 2013 թվականի հունվար ամսին, քննությամբ չպարզված օրը, տեղեկանալով իր ծանոթ` թիվ 69106513 քրեական գործով դատապարտյալ, սույն քրեական գործով վկա Հայկ Սերյոժայի Հովհաննիսյանի կողմից իրենից առանց իրացնելու նպատակի խոշոր չափեչով ՙԱփիոն՚ տեսակի թմրամիջոց ապօրինի ձեռք բերելու նրա ցանկության մասին, վերջինիս հայտնել է, որ նրա համար մեկ չափաբաժին` 0,5 գրամ քաշով ՙԱփիոն՚ տեսակի թմրամիջոցը կարող է ձեռք բերել 20.000 ՀՀ դրամ գումարով և ստանալով Հայկ Հովհաննիսյանի համաձայնությունը` Գագիկ Գենոդիկի Գալստյանը քննությամբ չպարզված օրը և հանգամանքներում, իրացնելու նպատակով քննությամբ չպարզված անձից ապօրինի ձեռք է բերել և պահել 0,5-ական գրամ պարունակությամբ երկու չափաբաժնով, ընդհանուր` խոշոր չափերով` 1 /մեկ/ գրամ քաշով ՙԱփիոն՚ տեսակի թմրամիջոց, ապա բջջային հեռախոսով ձեռք բերված պայմանավորվածության համաձայն, 2013 թվականի հունվարի 28-ին Երևան քաղաքի Կոմիտաս պողոտայի 57-րդ շենքի բակում հանդիպել է Հայկ Հովհաննիսյանին, և յուրաքանչյուր չափաբաժինը` 0,5 գրամ քաշով ՙԱփիոն՚ տեսակի թմրամիջոցը 20.000 ՀՀ դրամ գումարով, ընդհանուր` 40.000 ՀՀ դրամ գումարով վաճառելու եղանակով վերջինիս ապօրինի իրացրել է 1 /մեկ/ գրամ քաշով ՙԱփիոն՚ տեսակի թմրամիջոց:
Բացի այդ, Գագիկ Գենոդիկի Գալստյանը, քննությամբ չպարզված օրը, կրկին Հայկ Հովհաննիսյանից տեղեկանալով նրա կողմից այս անգամ զգալի չափերով ՙԱփիոն՚ տեսակի թմրամիջոց ապօրինի ձեռք բերելու նրա ցանկության մասին, քննությամբ չպարզված օրը և հանգամանքներում, իրացնելու նպատակով քննությամբ չպարզված անձից ապօրինի ձեռք է բերել մեկ չափաբաժին, այն է` զգալի չափերով` 0,5 գրամ քաշով ՙԱփիոն՚ տեսակի թմրամիջոց, ապա 2013 թվականի հունվարի 30-ին Երևան քաղաքի Կոմիտաս պողոտայի 57-րդ շենքի բակում հանդիպելով Հայկ Հովհաննիսյանին, 20.000 ՀՀ դրամ գումարով վերջինիս ապօրինի իրացրել է 0,5 գրամ քաշով ՙԱփիոն՚ տեսակի թմրամիջոց:
Բացի այդ, Գագիկ Գենոդիկի Գալստյանը բջջային հեռախոսակապի միջոցով տեղեկանալով իր ծանոթ` սույն գործով դատապարտյալ Սեյրան Ժորայի Գևորգյանի կողմից իրենից առանց իրացնելու նպատակի զգալի չափերով ՙՏրամադոլ՚ տեսակի հոգեմետ նյութ պարունակող դեղահաբեր ապօրինի ձեռք բերելու նրա մտադրության մասին, հայտնել է իր պատրաստակամությունն` անվճար կարգով նրան այդ հարցով օգնելու համար, որից հետո Սեյրան Գևորգյանին ապօրինի թմրամիջոց իրացնելու նպատակով Գագիկ Գենոդիկի Գալստյանը քննությամբ չպարզված օրը և հանգամանքներում, քննությամբ չպարզված անձից ապօրինի ձեռք է բերել և պահել զգալի չափերով` 0,1 գրամ քաշով ՙՏրամադոլ՚ տեսակի հոգեմետ նյութ պարունակող թվով երկու դեղահաբեր, ապա ապահով վերջինիս փոխանցելու համար դրանք տեղադրել է ՙՄալբորո՚ տեսակի ծխախոտի տուփի մեջ, որից հետո Սեյրան Գևորգյանի կողմից ուղարկված, վերջինիս հորեղբոր թոռ` գործով վկա Գոռ Քաջիկի Գևորգյանից թաքցնելով հոգեմետ նյութ պարունակող դեղահաբերը ծխախոտի տուփի մեջ թաքցված լինելու հանգամանքը, 2013 թվականի փետրվարի 22-ին այն վերջինիս փոխանցելու եղանակով Սեյրան Գևորգանին ապօրինի իրացրել է նշված` զգալի չափերով` 0,1 գրամ քաշով ՙՏրամադոլ՚ տեսակի հոգեմետ նյութ պարունակող թվով երկու դեղահաբեր:
Բացի այդ, հերթական անգամ Հայկ Հովհաննիսյանի գործածման համար նրան խոշոր չափերով ՙԱփիոն՚ տեսակի թմրամիջոց ապօրինի իրացնելու նպատակով Գագիկ Գենոդիկի Գալստյանը քննությամբ չպարզված օրը և հանգամանքներում, քննությամբ չպարզված անձից ապօրինի ձեռք է բերել և պահել 0,5-ական գրամ քաշով երկու չափաբաժին` ընդհանուր խոշոր չափերով` 1 /մեկ/ գրամ ՙԱփիոն՚ տեսակի թմրամիջոց, ապա պայմանավորվածության համաձայն, 2013 թվականի մարտի 01-ին Երևան քաղաքի Կոմիտաս պողոտայի 57-րդ շենքի բակում հանդիպել է Հայկ Հովհաննիսյանին և 0,5 գրամ քաշով ՙԱփիոն՚ տեսակի թմրամիջոցը 20.000 ՀՀ դրամ արժեքով, ընդհանուր` 40.000 ՀՀ դրամ գումարով վաճառելու եղանակով վերջինիս ապօրինի իրացրել է խոշոր չափերով` 1 /մեկ/ գրամ քաշով ՙԱփիոն՚ տեսակի թմրամիջոց:
Բացի այդ, Գագիկ Գենոդիկի Գալստյանը, շարունակելով իր հանցավոր գործունեությունը, կրկին Հայկ Հովհաննիսյանին իրացնելու նպատակով, քննությամբ չպարզված օրը և հանգամանքներում, քննությամբ չպարզված անձից ապօրինի ձեռք է բերել և պահել 2 /երկու/ չափաբաժին` խոշոր չափերով` 1 /մեկ/ գրամ քաշով ՙԱփիոն՚ տեսակի թմրամիջոց, ապա 2013 թվականի մարտի 04-ի Երևան քաղաքի Կոմիտաս պողոտայի 57-րդ շենքի բակում 40.000 ՀՀ դրամ գումարով վաճառելու եղանակով ապօրինի իրացրել է Հայկ Հովհաննիսյանին:
Բացի այդ, Գագիկ Գենոդիկի Գալստյանը Հայկ Հովհաննիսյանից տեղեկանալով խոշոր չափերով ՙԱփիոն՚ տեսակի թմրամիջոց ձեռք բերելու նրա մտադրության մասին, քննությամբ չպարզված օրը և հանգամանքներում, Հայկ Հովհաննիսյանին ապօրինի իրացնելու նպատակով քննությամբ չպարզված անձից ապօրինի ձեռք է բերել ու պահել 0,5-ական քաշով 5 /հինգ/ չափաբաժին, ընդհանուր խոշոր չափերով` 2,5 գրամ քաշով ՙԱփիոն՚ տեսակի թմրամիջոց, ապա 2013 թվականի մարտի 18-ին Երևան քաղաքի Մամիկոնյանց փողոցի թիվ 40/2 շենքի բակում հանդիպելով Հայկ Հովհաննիսյանին, նրանից ստացել է 100.000 ՀՀ դրամ գումար, որի դիմաց վերջինիս ապօրինի իրացրել է նշված` 2,5 գրամ քաշով ՙԱփիոն՚ տեսակի թմրամիջոցը:
Բացի այդ, Գագիկ Գենոդիկի Գալստյանը շարունակելով Հայկ Հովհաննիսյանի` նրա գործածման համար ՙԱփիոն՚ տեսակի թմրամիջոց ապօրինի ձեռք բերելը, վերջինիս ապօրինի իրացնելու նպատակով քննությամբ չպարզված օրը և հանգամանքներում, քննությամբ չպարզված անձից ապօրինի ձեռք է բերել և պահել 3 չափաբաժին` յուրաքնաչյուրը 0,5-ական գրամով, խոշոր չափերով` 1,5 գրամ քաշով ՙԱփիոն՚ տեսակի թմրամիջոց, ապա 2013 թվականի մարտի 20-ին Երևան քաղաքի Մամիկոնյանց փողոցի 40/2 շենքի բակում հանդիպել է Հայկ Հովհաննիսյանին և 60.000 ՀՀ դրամի դիմաց ապօրինի իրացրել է 1,5 գրամ քաշով ՙԱփիոն՚ տեսակի թմրամիջոց:
Բացի այդ, Գագիկ Գենոդիկի Գալստյանը Հայկ Հովհաննիսյանին իրացնելու նպատակով, քննությամբ չպարզված օրը և հանգամանքներում, քննությամբ չպարզված անձից ապօրինի ձեռք է բերել 3 չափաբաժին, ընդհանուր` 1,5 գրամ քաշով ՙԱփիոն՚ տեսակի թմրամիջոց, ապա 2013 թվականի մարտի 27-ին, Երևան քաղաքի Մամիկոնյանց փողոցի թիվ 40/2 շենքի բակում հանդիպել է Հայկ Հովհաննիսյանին և մեկ չափաբաժինը` 0,5 գրամ քաշով ՙԱփիոն՚ տեսակի թմրամիջոցը 20.000 ՀՀ դրամ արժեքով, ընդհանուր` 60.000 ՀՀ դրամ գումարով վաճառելու եղանակով ապօրինի Հայկ Հովհաննիսյանին է իրացրել խոշոր չափերով` 1,5 գրամ ՙԱփիոն՚ տեսակի թմրամիջոցը:
Բացի այդ, Հայկ Հովհաննիսյանին խոշոր չափերով ՙԱփիոն՚ տեսակի թմրամիջոց ապօրինի իրացնելու նպատակով, Գագիկ Գենոդիկի Գալստյանը, նախապես վերջինիցս բջջային հեռախոսակապի միջոցով տեղեկանալով նրա կողմից առանց իրացնելու նպատակի ձեռք բերվելիք ՙԱփիոն՚ տեսակի թմրամիջոցի չափաքանակի մասին, քննությամբ չպարզված օրը և հանգամանքներում, քննությամբ չպարզված անձից ապօրինի ձեռք է բերել և պահել 7 չափաբաժին, այն է` խոշոր չափերով` 3,5 գրամ քաշով ՙԱփիոն՚ տեսակի թմրամիջոց, ապա, պայմանավորվածության համաձայն, 2013 թվականի մարտի 31-ին Երևան քաղաքի Կոմիտաս Պողոտայի 57-րդ շենքի բակում հանդիպելով Հայկ Հովհաննիսյանին, մեկ չափաբաժինը` 0,5 գրամ քաշով ՙԱփիոն՚ տեսակի թմրամիջոցը 20.000 ՀՀ դրամ գումարով, ընդհանուր` 140.000 ՀՀ դրամ գումարի դիմաց Հայկ Հովհաննիսյանին ապօրինի իրացրել է 3,5 գրամ քաշով ՙԱփիոն՚ տեսակի թմրամիջոց:
Բացի այդ, Գագիկ Գենոդիկի Գալստյանը ամբաստանյալ Արսեն Եղիշի Լևոնյանին խոշոր չափերով ՙԱփիոն՚ տեսակի թմրամիջոց և պրեկուրսոր հանդիսացող ՙքացախաթթվի անհիդրիդ՚ ապօրինի իրացնելու նպատակով, քննությամբ չպարզված օրը և հանգամանքներում, քննությամբ չպարզված անձից ապօրինի ձեռք է բերել խոշոր չափերով` 2,75 գրամ քաշով ՙԱփիոն՚ տեսակի թմրամիջոց և 0,00361 կգ ՙքացախաթթվի անհիդրիդ՚, ապա, պայմանավորվածության համաձայն, 2013 թվականի մարտի 31-ին, ժամը 1900-ի սահմաններում Երևան քաղաքի Մամիկոնյանց փողոցում գտնվող նախկին ՙԱխթամար՚ խանութի մոտ հանդիպել է Արսեն Լևոնյանին և նրանից ստանալով 80.000 ՀՀ դրամ գումար, վերջինիս նույն ժամանակ ապօրինի իրացրել է 2,75 գրամ քաշով ՙԱփիոն՚ տեսակի թմրամիջոց և 0,00361 կգ պրեկուրսոր հանդիսացող ՙքացախաթթվի անհիդրիդ՚, որից հետո` նույն օրը ժամը 20:30-ին ՀՀ ոստիկանության ԿՀԴՊԳՎ ԹԱՇԴՊ վարչությունում ստացված օպերատիվ տվյալներն իրացնելիս ոստիկանության ԿՀԴՊԳՎ ԹԱՇԴՊ վարչության աշխատակիցները ոստիկանության Արաբկիրի բաժնի աշխատակիցների հետ համատեղ Երևան քաղաքի Արշակունյաց պողոտա 2 հասցեի մոտից թմրամիջոցներ ապօրինի պահելու կասկածանքով ոստիկանության Արաբկիրի բաժին բերման է ենթարկվել Երևան քաղաքի Ն.Շենգավիթ 13-րդ փողոցի 29-րդ տան բնակիչ Արսեն Եղիշի Լևոնյանը, որի անձնական խուզարկությամբ բաճկոնի ձախ գրպանից հայտնաբերվել է պոլիէթիլենային թաղանթով փաթեթավորված ՙԱփիոն՚ տեսակի թմրամիջոցի նմանվող թվով 5 հատ մուգ շագանակագույն գնդիկանման զանգվածներ, որի ընդհանուր քաշը կազմել է մոտ 3.1 գրամ և մեկ հատ 5 մլ տարողությամբ մեկանգամյա օգտագործման ներարկիչ` 4 մլ ծավալով անգույն և յուրահատուկ հոտով հեղուկի պարունակությամբ:
Բացի այդ, Գագիկ Գենոդիկի Գալստյանն առանց իրացնելու նպատակի, իր գործածման համար քննությամբ չպարզված հանգամանքներում, քննությամբ չպարզված անձից ապօրինի ձեռք է բերել և իր` Երևան քաղաքի Կոմիտաս պողոտայի 57-րդ շենքի թիվ 17 բնակարանում, ինչպես նաև իր կողմից օգտագործվող նույն շենքի 5-րդ մուտքում գտնվող նկուղում ապօրինի պահել է զգալի չափերով` 0,19 գրամ քաշով ՙմզվածքային ափիոն՚ և ընդհանուր 0,9 գրամ քաշով չորացված ՙմարիխուանա՚ տեսակների թմրամիջոցներ, ինչպես նաև թմրամիջոցներ պատրաստելու համար նախատեսված պրեկուրսոր հանդիսացող 0,00945 կգ ՙքացախաթթվի անհիդրիդ՚, որոնք 2013 թվականի ապրիլի 01-ին հայտնաբերվել են նշված բնակարանում և նկուղում կատարված խուզարկությամբ:

Այսպիսով, ընդհանուր կարգով սահմանված դատաքննությամբ հետազոտված ապացույցների հիման վրա դատարանն ապացուցված է համարում, որ ամբաստանյալ Գագիկ Գենոդիկի Գալստյանը կատարել է 8 դրվագ ՀՀ քրեական օրենսգրքի 266 հոդվածի 2-րդ մասի 2-րդ կետով, 2 դրվագ ՀՀ քրեական օրենսգրքի 266 հոդվածի 1-ին մասով, 2 դրվագ ՀՀ քրեական օրենսգրքի 268 հոդվածի 1-ին մասով, 2 դրվագ ՀՀ քրեական օրենսգրքի 266 հոդվածի 4-րդ մասով նախատեսված հանցագործություններ` որպիսի արարքների համար նա պետք է պատասխանատվության ենթարկվի:
Գագիկ Գենոդիկի Գալստյանը ենթակա է պատժի կատարած արարքների համար:
Այսպիսով, ընդհանուր կարգով սահմանված դատաքննությամբ հետազոտված ապացույցների հիման վրա դատարանն ապացուցված է համարում, որ ամբաստանյալ Արսեն Եղիշի Լևոնյանը կատարել է ՀՀ քրեական օրենսգրքի 268 հոդվածի 2-րդ մասի 2-րդ կետով և ՀՀ քրեական օրենսգրքի 266 հոդվածի 4-րդ մասով նախատեսված հանցագործություններ` որպիսի արարքների համար նա պետք է պատասխանատվության ենթարկվի:
Արսեն Եղիշի Լևոնյանը ենթակա է պատժի կատարած արարքների համար:

Դատարանի իրավական վերլուծությունները.

ՀՀ քրեական օրենսգրքի 10-րդ հոդվածի 1-ին մասը սահմանում է` ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 2-րդ մասը սահմանում է` ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածը սահմանում է` ՙ1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները: 2.Պատժի տեսակը և չափը որոշվում են հանցագործության՝ հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով: 3. Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները՚:

Ամբաստանյալ Գագիկ Գենոդիկի Գալստյանի խնամքին են գտնվում երկու անչափահաս երեխաները, 14.05.2005 թվականի որոշմամբ ՀՀ ոստիկանության Կենտրոնի բաժնի կողմից ՀՀ քրեական դատավարության օրենսգրքի 35-րդ հոդվածի 1-ին մասի 12-րդ կետի հիմքով` ՀՀ քրեական օրենսգրքի 121-րդ հոդվածի 1-ին մասով նախապատրաստված նյութերով քրեական գործի հարուցումը մերժվել է, նախկինում եղել է դատապարտված` Երևան քաղաքի Կենտրոն և Նորք-Մարաշ համայնքների ընդհանուր իրավասության դատարանի 08.10.2009 թվականի դատավճռով ՀՀ քրեական օրենսգրքի 268 հոդվածի 2-րդ մասի 1-ին և 2-րդ կետերով, 266 հոդվածի 4-րդ մասով, ՀՀ քրեական օրենսգրքի 66 հոդվածի կիրառմամբ դատապարտվել է ազատազրկման 6 /վեց/ ամիս ժամկետով և տուգանքի 150.000 /մեկ հարյուր հիսուն հազար/ ՀՀ դրամի չափով, 22.10.2009 թվականին ազատվել է պատիժը կրելուց` պատիժն ամբողջությամբ կրելու միջոցով, դատվածությունը մարված:
Որպես ամբաստանյալ Գագիկ Գենոդիկի Գալստյանի պատասխանատվությունը և պատիժը մեղմացնող հանգամանք դատարանը դիտում է վերջինիս խնամքին մինչև տասնչորս տարեկան երկու երեխաների` 27.03.2000 թվականին ծնված Էդգար Գագիկի Գալստյանի և 22.03.2004 թվականին ծնված Իռեն Գագիկի Գալստյանի առկայությունը:
Ամբաստանյալ Գագիկ Գենոդիկի Գալստյանի պատասխանատվությունը և պատիժը ծանրացնող հանգամանքներ չկան:
Սույն քրեական գործով ամբաստանյալ Գագիկ Գենոդիկի Գալստյանին մեղադրանքներ է առաջադրվել 8 դրվագ ՀՀ քրեական օրենսգրքի 266 հոդվածի 2-րդ մասի 2-րդ կետով, որի սանկցիան նախատեսում է հետևյալ պատժատեսակը` ազատազրկում՝ հինգից տասը տարի ժամկետով՝ գույքի բռնագրավմամբ կամ առանց դրա, 2 դրվագ ՀՀ քրեական օրենսգրքի 266 հոդվածի 1-ին մասով, որի սանկցիան նախատեսում է հետևյալ պատժատեսակը` ազատազրկում՝ երեքից յոթ տարի ժամկետով, 2 դրվագ ՀՀ քրեական օրենսգրքի 268 հոդվածի 1-ին մասով, որի սանկցիան նախատեսում է հետևյալ պատժատեսակը` ազատազրկում՝ առավելագույնը երեք տարի ժամկետով, 2 դրվագ ՀՀ քրեական օրենսգրքի 266 հոդվածի 4-րդ մասով, որի սանկցիան նախատեսում է հետևյալ պատժատեսակը` տուգանք` նվազագույն աշխատավարձի առավելագույնը չորսհարյուրապատիկի չափով, կամ կալանք` առավելագույնը երեք ամիս ժամկետով:
Հաշվի առնելով ամբաստանյալ Գագիկ Գենոդիկի Գալստյանի անձը բնութագրող, պատասխանատվություն և պատիժը մեղմացնող հանգամանքները և ղեկավարվելով օրինականության, արդարության, պատժի անհատականացման ու մարդասիրության սկզբունքներով, դատարանը հանգում է այն համոզման, որ Գագիկ Գենոդիկի Գալստյանի նկատմամբ ՀՀ քրեական օրենսգրքի 266 հոդվածի 2-րդ մասի 2-րդ կետի ութ դրվագներով, ՀՀ քրեական օրենսգրքի 266 հոդվածի 1-ին մասի երկու դրվագներով, ՀՀ քրեական օրենսգրքի 268 հոդվածի 1-ին մասի երկու դրվագներով պատիժ պետք է նշանակել ազատազրկման ձևով` որոշակի ժամկետով, որով հնարավոր կլինի հասնել ՀՀ քրեական օրենսգրքի 48-րդ հոդվածով սահմանված պատժի նպատակներին` սոցիալական արդարության վերականգնմանը, պատժի ենթարկված անձի ուղղմանը և հանցագործությունների կանխմանը:
Քննության առնելով Գագիկ Գենոդիկի Գալստյանի նկատմամբ ՀՀ քրեական օրենսգրքի 266-րդ հոդվածի 4-րդ մասի սանկցիայով նախատեսված ՙկալանք՚ պատժատեսակի նշանակման հարցը` դատարանը գտնում է, որ Գագիկ Գենոդիկի Գալստյանի նկատմամբ չի կարող նշանակել ՀՀ քրեական օրենսգրքի 266-րդ հոդվածի 4-րդ մասի սանկցիայով նախատեսված ՙկալանք՚ պատժատեսակը` հետևյալ պատճառաբանությամբ.
ՀՀ քրեական օրենսգրքի 57-րդ հոդվածի համաձայն` ՙ1. Կալանքը ուղղիչ հիմնարկում անազատության մեջ պահելու ձևով հասարակությունից խիստ մեկուսացման պայմաններում դատապարտյալին պահելն է: Կալանքը կարող է նշանակվել ոչ մեծ և միջին ծանրության հանցանքների համար սույն օրենսգրքի Հատուկ մասով նախատեսված դեպքերում` տասնհինգ օրից մինչև երեք ամիս ժամկետով և միայն այն դեպքում, երբ կալանավորումը որպես խափանման միջոց չի կիրառվել: 2. Կալանքը չի նշանակվում դատավճիռը կայացնելու պահին տասնվեց տարին չլրացած անձանց կամ հղի կանանց կամ խնամքին մինչև ութ տարեկաներեխա ունեցող անձանց նկատմամբ՚, մինչդեռ սույն քրեական գործով 2013 թվականի մայիսի 18-ի որոշմամբ Գագիկ Գենոդիկի Գալստյանի նկատմամբ որպես խափանման միջոց է ընտրվել կալանավորումը, հետևաբար Գագիկ Գենոդիկի Գալստյանի նկատմամբ ՀՀ քրեական օրենսգրքի 266-րդ հոդվածի 4-րդ մասով պատիժ պետք է նշանակել ՙտուգանք՚-ի ձևով:
ՀՀ քրեական օրենսգրքի 66 հոդվածի 1-ին մասը սահմանում է` ՙՀանցանքների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով՚, իսկ նույն հոդվածի 4-րդ մասի համաձայն` ՙԵթե հանցանքների համակցությունն ընդգրկում է ծանր կամ առանձնապես ծանր հանցանքներ, ապա վերջնական պատիժը նշանակվում է պատիժները լրիվ կամ մասնակիորեն գումարելու միջոցով: Ընդ որում, ազատազրկման ձևով վերջնական պատիժը չի կարող գերազանցել քսանհինգ տարին: Եթե համակցության մեջ մտնող հանցանքներից մեկի համար դատարանը նշանակում է ցմահ ազատազրկում, ապա վերջնական հիմնական պատիժը որոշվում է կլանելու միջոցով՚, ուստի նկատի ունենալով, որ ՀՀ քրեական օրենսգրքի 266-րդ հոդվածի 2-րդ մասը դասվում է ծանր հանցագործությունների շարքին, դատարանը գտնում է, որ Գագիկ Գենոդիկի Գալստյանի նկատմամբ պատիժ նշանակելիս պետք է կիրառել ՀՀ քրեական օրենսգրքի 66 հոդվածի 4-րդ մասը և յուրաքանչյուր հանցագործության համար առանձին պատիժ նշանակելով, վերջնական պատիժ պետք է նշանակել պատիժները մասնակիորեն գումարելու միջոցով:
ՀՀ քրեական օրենսգրքի 97 հոդվածի 1-ին մասի 4-րդ կետի համաձայն` բժշկական բնույթի հարկադրանքի միջոցներ դատարանը կարող է նշանակել այն անձի նկատմամբ, ով հանցանք է կատարել և ճանաչվել է ալկոհոլամոլությունից կամ թմրամոլությունից բուժման կարիք ունեցող:
Հիմք ընդունելով, որ դատանարկոլագիական հանձնաժողովային փորձաքննության թիվ 64-13 եզրակացության համաձայն Գագիկ Գենոդիկի Գալստյանը տառապում է ՙՀոգեկան և վարքային խանգարումներով ափիոնատիպ նյութերի գործածման հետևանքով: Կախվածության համախտանիշ՚ հիվանդությամբ և հարկադիր բուժման կարիք ունի, որի համար հակացուցումներ չկան, դատարանը գտնում է, որ անհրաժեշտ է ՀՀ քրեական օրենսգրքի 97 հոդվածի կիրառմամբ Գագիկ Գենոդիկի Գալստյանի նկատմամբ պատժի կրման ընթացքում նշանակել հարկադիր բուժում` ափիոնային թմրամոլության դեմ:

Ամբաստանյալ Արսեն Եղիշի Լևոնյանն անկեղծորեն խոստովանեց և զղջաց կատարած արարքի համար, նախկինում եղել է դատապարտված` Երևան քաղաքի Շենգավիթ վարչական շրջանի ընդհանուր իրավասության դատարանի 23.12.2009 թվականի դատավճռով ՀՀ քրեական օրենսգրքի 177 հոդվածի 2-րդ մասի 1-ին, 2-րդ և 3-րդ կետերով դատապարտվել է ազատազրկման 2 /երկու/ տարի ժամկետով, 03.10.2010 թվականին պայմանական վաղաժամկետ ազատվել է 10 /տասը/ ամիս 14 /տասնչորս/ օր պատիժը կրելուց, դատվածությունը չմարված:
Ամբաստանյալ Արսեն Եղիշի Լևոնյանի պատասխանատվությունը և պատիժը մեղմացնող հանգամանքներ չկան:
Որպես ամբաստանյալ Արսեն Եղիշի Լևոնյանի պատասխանատվությունը և պատիժը ծանրացնող հանգամանք դատարանը դիտում է հանցանքը կատարելու ռեցիդիվը:
ՀՀ քրեական օրենսգրքի 22-րդ հոդվածի 1-ին մասի համաձայն` ՙՀանցագործությունների ռեցիդիվ է համարվում դիտավորությամբ հանցանք կատարելն այն անձի կողմից, ով դատվածություն ունի նախկինում դիտավորությամբ կատարված հանցանքի համար՚:
ՀՀ քրեական օրենսգրքի 84-րդ հոդվածի 1-ին մասը սահմանում է` ՙԱնձը դատվածություն ունեցող է համարվում մեղադրական դատավճիռն օրինական ուժի մեջ մտնելու օրվանից մինչև դատվածությունը մարվելու կամ հանվելու պահը՚:
Նույն հոդվածի 2-րդ մասը սահմանում է` ՙԴատվածությունը, սույն օրենսգրքին համապատասխան, հաշվի է առնվում հանցագործության ռեցիդիվի դեպքում և պատիժ նշանակելիս՚:
Նույն հոդվածի 4-րդ մասի 3-րդ կետը սահմանում է` ՙԴատվածությունը մարվում է` ոչ մեծ կամ միջին ծանրության հանցագործության համար ազատազրկման դատապարտված անձանց նկատմամբ՝ պատիժը կրելուց երեք տարի անցնելուց հետո՚:
Նույն հոդվածի 5-րդ մասի համաձայն` ՙԵթե անձն օրենքով սահմանված կարգով պայմանական վաղաժամկետ ազատվել է պատիժը կրելուց, կամ պատժի չկրած մասը փոխարինվել է ավելի մեղմ պատժով, ապա դատվածությունը մարելու ժամկետը հաշվարկվում է հիմնական պատիժը և լրացուցիչ պատիժը կրելուց ազատելու պահից՚:
Նույն հոդվածի 7-րդ մասը սահմանում է` ՙԵթե անձը մինչև դատվածությունը մարվելը նոր հանցանք է կատարում, ապա դատվածության մարման ժամկետն ընդհատվում է: Առաջին հանցագործության համար դատվածությունը մարվելու ժամկետը հաշվարկվում է վերստին` վերջին հանցագործության համար պատիժը (հիմնական և լրացուցիչ) փաստորեն կրելուց հետո: Այդ դեպքում անձը երկու հանցագործությունների համար էլ դատված է համարվում մինչև դրանցից առավել ծանր հանցագործության համար դատվածությունը մարվելու ժամկետը լրանալը՚:
ՀՀ քրեական օրենսգրքի 67.1 հոդվածը սահմանում է`
1. Հանցագործությունների ռեցիդիվի, վտանգավոր և առանձնապես վտանգավոր ռեցիդիվի դեպքում պատիժ նշանակելիս հաշվի են առնվում կատարված հանցագործությունների քանակը, բնույթը և ծանրությունը, այն հանգամանքները, որոնց հետևանքով նախկին պատիժը բավարար չի եղել մեղավորի ուղղման համար, ինչպես նաև նոր հանցագործության բնույթը, ծանրությունը և հետևանքները:
2. Հանցագործությունների ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի կեսից:
Ամբաստանյալ Արսեն Եղիշի Լևոնյանը Երևան քաղաքի Շենգավիթ վարչական շրջանի ընդհանուր իրավասության դատարանի 2009 թվականի դեկտեմբերի 23-ի դատավճռով ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ և 3-րդ կետերով դատապարտվել է ազատազրկման 2 /երկու/ տարի ժամկետով։ 2010 թվականի դեկտեմբերի 03-ի որոշմամբ պայմանական վաղաժամկետ ազատվել է 10 /տասը/ ամիս 14 /տասնչորս/ օր պատիժը կրելուց, ուստի Արսեն Եղիշի Լևոնյանի դատվածությունը ՀՀ քրեական օրենսգրքի 84-րդ հոդվածի 4-րդ մասի 3-րդ կետի և նույն հոդվածի 5-րդ մասի ուժով պետք է մարվեր հիմնական պատիժը կրելուց ազատելու պահից երեք տարի անցնելուց հետո` թվականի դեկտեմբերի 03-ին, սակայն դեռևս դատվածությունը չմարված` 2013 թվականի մարտի 31-ին Արսեն Եղիշի Լևոնյանը կատարել է միջին ծանրության նոր հանցագործություն, որով էլ Արսեն Եղիշի Լևոնյանի դատվածության մարման ժամկետն ընդհատվել է, հետևաբար Արսեն Եղիշի Լևոնյանի նախկին դատվածությունը մարված չէ և ՀՀ քրեական օրենսգրքի 22-րդ հոդվածի 1-ին մասի ուժով, այն է` ՙՀանցագործությունների ռեցիդիվ է համարվում դիտավորությամբ հանցանք կատարելն այն անձի կողմից, ով դատվածություն ունի նախկինում դիտավորությամբ կատարված հանցանքի համար՚, Արսեն Եղիշի Լևոնյանը համարվում է ռեցիդիվիստ:
Սույն քրեական գործով ամբաստանյալ Արսեն Եղիշի Լևոնյանին մեղադրանք է առաջադրվել ՀՀ քրեական օրենսգրքի 268 հոդվածի 2-րդ մասի 2-րդ կետով, որի սանկցիան նախատեսում է հետևյալ պատժատեսակը` ազատազրկում` առավելագույնը երեք տարի ժամկետով և ՀՀ քրեական օրենսգրքի 266 հոդվածի 4-րդ մասով, որի սանկցիան նախատեսում է հետևյալ պատժատեսակը` տուգանք` նվազագույն աշխատավարձի առավելագույնը չորսհարյուրապատիկի չափով, կամ կալանք` առավելագույնը երեք ամիս ժամկետով:
Դատարանը հաշվի առնելով, որ ամբաստանյալ Արսեն Եղիշի Լևոնյանը նախկինում եղել է դատապարտված, սակայն դեռևս դատվածությունը չմարված կատարել է նոր` միջին ծանրության հանցագործություն, իսկ համաձայն ՀՀ քրեական օրենսգրքի 67.1 հոդվածի 2-րդ մասի 1-ին կետի` հանցագործությունների ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի կեսից, ուստի պետք է հաշվի առնել հանցագործության ռեցիդիվը և Արսեն Եղիշի Լևոնյանի նկատմամբ պատիժ պետք է նշանակել ՀՀ քրեական օրենսգրքի 268-րդ հոդվածի 2-րդ մասի 2-րդ կետի սանկցիայով նախատեսված առավելագույն պատժի կեսից ոչ պակաս, որով հնարավոր կլինի հասնել ՀՀ քրեական օրենսգրքի 48-րդ հոդվածով սահմանված պատժի նպատակներին` սոցիալական արդարության վերականգնմանը, պատժի ենթարկված անձի ուղղմանը և հանցագործությունների կանխմանը:
Քննության առնելով Արսեն Եղիշի Լևոնյանի նկատմամբ ՀՀ քրեական օրենսգրքի 266-րդ հոդվածի 4-րդ մասի սանկցիայով նախատեսված ՙկալանք՚ պատժատեսակի նշանակման հարցը` դատարանը գտնում է, որ Արսեն Եղիշի Լևոնյանի նկատմամբ չի կարող նշանակել ՀՀ քրեական օրենսգրքի 266-րդ հոդվածի 4-րդ մասի սանկցիայով նախատեսված ՙկալանք՚ պատժատեսակը, քանի որ սույն քրեական գործով 2013 թվականի ապրիլի 03-ի որոշմամբ Արսեն Եղիշի Լևոնյանի նկատմամբ որպես խափանման միջոց է ընտրվել կալանավորումը, հետևաբար Արսեն Եղիշի Լևոնյանի նկատմամբ ՀՀ քրեական օրենսգրքի 266-րդ հոդվածի 4-րդ մասով պատիժ պետք է նշանակել ՙտուգանք՚-ի ձևով:
ՀՀ քրեական օրենսգրքի 66 հոդվածի 3-րդ մասի համաձայն` ՙԵթե հանցանքների համակցությունն ընդգրկում է միայն միջին ծանրության կամ միջին ծանրության և ոչ մեծ ծանրության հանցանքներ, ապա վերջնական պատիժը նշանակվում է պատիժները լրիվ կամ մասնակիորեն գումարելու միջոցով: Ընդ որում, ազատազրկման ձևով վերջնական պատիժը չի կարող գերազանցել տասը տարին՚, ուստի նկատի ունենալով, որ ՀՀ քրեական օրենսգրքի 268-րդ հոդվածի 2-րդ մասը դասվում է միջին ծանրության հանցագործությունների շարքին, դատարանը գտնում է, որ Արսեն Եղիշի Լևոնյանի նկատմամբ պատիժ նշանակելիս պետք է կիրառել ՀՀ քրեական օրենսգրքի 66 հոդվածի 3-րդ մասը և յուրաքանչյուր հանցագործության համար առանձին պատիժ նշանակելով, վերջնական պատիժ պետք է նշանակել պատիժները մասնակիորեն գումարելու միջոցով:
ՙՀայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին՚ ՀՀ Ազգային ժողովի 2013 թվականի հոկտեմբերի 03-ի թիվ ԱԺՈ-080-Ն որոշման 1-ին կետի 3-րդ ենթակետի համաձայն` ՙՊատժից ազատել, բացառությամբ սույն որոշման 8-րդ կետի 4-6-րդ ենթակետերով և 9-րդ կետով նախատեսված դեպքերի` այն անձանց, որոնց նկատմամբ նշանակվել է առավելագույնը երեք տարի ժամկետով ազատությունից զրկելու հետ կապված պատիժ՚:
Նույն որոշման 6-րդ կետի համաձայն` սույն որոշման 5-րդ կետով նախատեսված կանոնները հանցագործությունների համակցության նկատմամբ կիրառվում են սույն որոշման 5-րդ կետի 1-ին ենթակետով նախատեսված դեպքերում, ինչպես նաև երբ մեղսագրվող արարքների համար նախատեսված առավելագույն պատիժների հանրագումարը սույն որոշման 5-րդ կետի 2-րդ ենթակետով նախատեսված դեպքերում չի գերազանցում երեք տարի ժամկետով ազատազրկումը, իսկ սույն որոշման 5-րդ կետի 3-րդ և 4-րդ ենթակետերով նախատեսված դեպքերում չի գերազանցում հինգ տարի ժամկետով ազատազրկումը:
Համաներման որոշման 9-րդ կետում սահմանված են այն դեպքերը, որոնց առկայության պայմաններում օրենսդիրը բացառել է Համաներման կիրառումը: Մասնավորապես` Համաներման որոշման 9-րդ կետի 7-րդ ենթակետում թվարկված են ՀՀ քրեական օրենսգրքի այն հոդվածները և հոդվածների մասերը, որոնցով նախատեսված արարքները կատարած անձանց նկատմամբ համաներումը կիրառելի չէ:
Նույն որոշման 13-րդ կետի 1-ին ենթակետի ՙա՚ կետի համաձայն` սույն որոշման կատարումը վերապահել` Հայաստանի Հանրապետության ընդհանուր իրավասության առաջին ատյանի և վերաքննիչ քրեական դատարաններին` այն անձանց նկատմամբ, որոնց վերաբերյալ գործերը Հայաստանի Հանրապետության ընդհանուր իրավասության առաջին ատյանի կամ վերաքննիչ քրեական դատարաններում են, սակայն մինչև սույն որոշումն ուժի մեջ մտնելը չեն քննվել, կամ այն անձանց նկատմամբ, որոնց վերաբերյալ գործերը քննվել են, բայց դատավճիռներն օրինական ուժի մեջ չեն մտել:
Նույն որոշման 15-րդ կետի համաձայն` սույն որոշումը կիրառվում է այն անձանց նկատմամբ, որոնք հանցագործություն են կատարել մինչև 2013 թվականի սեպտեմբերի 1-ը ներառյալ:
Նույն որոշման 17-րդ կետի համաձայն` համաներման կիրառման դեպքում դատվածության մարման հարցը լուծվում է օրենքով սահմանված կարգով:
Նույն որոշման 19-րդ կետի համաձայն` հանցագործությունների և դատավճիռների համակցության դեպքերում համաներումը կիրառվում է հիմք ընդունելով սույն որոշմամբ սահմանված համաներման առավել խիստ կանոնը:
Իսկ Համաներման որոշման 20-րդ կետի համաձայն` հանցագործությունների և դատավճիռների համակցության դեպքերում համաներումը կիրառվում է վերջնական պատժի նկատմամբ` հանցագործությունների կամ դատավճիռների համակցության կանոններով այն սահմանելուց հետո` սակայն հաշվի առնելով սույն որոշման 5-րդ և 6-րդ կետերով նախատեսված կանոնները:
Հարկ է նկատել, որ ՙՀայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին՚ ՀՀ Ազգային ժողովի 2013 թվականի հոկտեմբերի 03-ի թիվ ԱԺՈ-080-Ն որոշման 9-րդ կետի 7-րդ ենթակետում թվարկված հոդվածների և հոդվածների մասերի շարքից բացակայում են ՀՀ քրեական օրենսգրքի 268-րդ հոդվածի 2-րդ մասի 2-րդ կետը և 266-րդ հոդվածի 4-րդ մասը, այսինքն` նշված հոդվածներով նախատեսված արարքներ կատարած անձանց նկատմամբ Համաներման կիրառումը սահմանափակված չէ:
Նկատի ունենալով այն հանգամանքը, որ ամբաստանյալ Արսեն Եղիշի Լևոնյանը հանցանքը կատարել է մինչև 2013 թվականի սեպտեմբերի 1-ը, ինչպես նաև այն, որ սույն քրեական գործի նյութերում բացակայում են Համաներման որոշման 8-րդ կետի 4-6-րդ ենթակետերում, 9-րդ կետի մյուս ենթակետերում նշված այն սահմանափակումները, որոնք կարող են արգելք հանդիսանալ Արսեն Եղիշի Լևոնյանի նկատմամբ Համաներման որոշման 1-ին կետի 3-րդ ենթակետի կիրառման համար, ուստի դատարանը գտնում է, որ Արսեն Եղիշի Լևոնյանի նկատմամբ պատիժների համակցությամբ մինչև երեք տարի ժամկետով ազատազրկման ձևով պատիժ նշանակելու դեպքում կարող է կիրառել ՙՀայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին՚ ՀՀ Ազգային ժողովի 2013 թվականի հոկտեմբերի 03-ի թիվ ԱԺՈ-080-Ն որոշման 1-ին կետի 3-րդ ենթակետը և նրան ազատել պատժից:
Հիմք ընդունելով, որ դատանարկոլագիական հանձնաժողովային փորձաքննության թիվ 65-13 եզրակացության համաձայն Արսեն Եղիշի Լևոնյանը տառապում է ՙՀոգեկան և վարքային խանգարումներով ափիոնատիպ նյութերի գործածման հետևանքով: Կախվածության համախտանիշ՚ հիվանդությամբ և հարկադիր բուժման կարիք ունի, որի համար հակացուցումներ չկան, դատարանը գտնում է, որ անհրաժեշտ է ՀՀ քրեական օրենսգրքի 97 հոդվածի կիրառմամբ Արսեն Եղիշի Լևոնյանի նկատմամբ նշանակել հարկադիր բուժում` ափիոնային թմրամոլության դեմ:
Համաձայն ՀՀ քրեական դատավարության օրենսգրքի 173-րդ հոդվածի 3-րդ մասի` ձերբակալման տակ պահելու ժամկետը սկսվում է արգելանքի վերցնելու պահից, իսկ ՀՀ քրեական օրենսգրքի 69 հոդվածի 3-րդ մասի համաձայն` ՙՄինչև դատավճռի օրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման, կարգապահական գումարտակում պահելու ձևով նշանակված պատժին` մեկ օրը հաշվելով մեկ օրվա դիմաց, իսկ հանրային աշխատանքների դեպքում` մեկ օրը երեք ժամի դիմաց՚:
Դատարանը գտնում է, Արսեն Եղիշի Լևոնյանի նկատմամբ նշանակված պատժի մեջ պետք է հաշվակցել 2013 թվականի ապրիլի 01-ից մինչև դատավճռի կայացման օրը` 2014 թվականի հունվարի 15-ը նախնական կալանքի տակ գտնվելու 9 /ինը/ ամիս 14 /տասնչորս/ օրը:
Դատարանն անդրադառնալով 2013 թվականի հունիսի 12-ի որոշմամբ թիվ 14117913 քրեական գործով գույքի հնարավոր բռնագրավումը, քաղաքացիական հայցը և դատական ծախսերը ապահովելու նպատակով ամբաստանյալ Գագիկ Գենոդիկի Գալստյանին պատկանող գույքի վրա դրված կալանքի հարցին, որտեղ էլ որ այն գտնվի, գտնում է, որ դատավճիռն օրինական ուժի մեջ մտնելու պահից Գագիկ Գենոդիկի Գալստյանին պատկանող գույքերի վրա, որտեղ էլ որ դրանք գտնվեն, դրված կալանքը պետք է վերացնել:
Քննարկելով իրեղեն ապացույցների տնօրինման հարցը` դատարանը գտնում է, որ քրեական գործով իրեղեն ապացույց ճանաչված և քրեական գործին կցված Արսեն Լևոնյանի անձնական խուզարկությամբ հայտնաբերված 2,75 գրամ /փաստացի առկա 2,5 գրամ/ ՙԱփիոն՚ տեսակի թմրամիջոցը, 3,9 մլ ծավալով և 0,00361 կգ քաշով /փաստացի առկա 3 մլ/ ՙքացախաթթվի անհիդրիդը՚, Գագիկ Գենոդիկի Գալստյանի բնակարանից խուզարկությամբ հայտնաբերված 0,82 գրամ /փաստացի առկա 0,72 գրամ/ ՙչորացված մարիխուանա՚ տեսակի թմրամիջոցը, Գագիկ Գենոդիկի Գալստյանին պատկանող նկուղից խուզարկությամբ հայտնաբերված 0,19 գրամ /փաստացի առկա 0,9 գրամ/ ՙմզվածքային ափիոն՚ տեսակի թմրամիջոցը, 10,2 մլ ծավալով և 0,00945 կգ քաշով /փաստացի առկա 9,2 մլ ծավալով և 0,0085236 կգ քաշով/ ՙքացախաթթվի անհիդրիդը՚, կշեռքը` փաթեթավորված 4 ծրարներում և կնիքված ՙՀՀ ոստիկանության ՓՔՎ, փորձագետ 16՚ կնիքի դրոշմներով, քրեական գործով ապացույց ճանաչված Գագիկ Գալստյանի հեռախոսային խոսակցությունների գաղտնալսումներ պարունակող լազերային թվով 2 լազերային սկավառակները` փաթեթավորված թվով 3 ծրարների մեջ և կնիքված ՙՀՀ փորձագիտական կենտրոն ՊՈԱԿ, ծրարների համար կնիքով, Գագիկ Գալստյանի անձնական խուզարկությամբ հայտնաբերված բջջային հեռախոսը, նրա բնակարանի խուզարկությամբ հայտնաբերված թվով 3 բջջային հեռախոսները և թվով 5 հատ հեռախոսաքարտերը, Արսեն Լևոնյանի անձնական խուզարկությամբ հայտնաբերված բջջային հեռախոսը և հեռախոսաքարտը` փաթեթավորված 3 ծրարների մեջ և կնիքված ՙՀՀ ոստիկանության ՔԳՎ, ծրարների համար՚ կնիքի դրոշմներով, պետք է ուղարկել ՀՀ ոստիկանության ՔԳՎ ՀԿԳ քննության վարչություն` թիվ 69108613 քրեական գործի հետ հետագա ընթացքը լուծելու համար:
Քննության առնելով ամբաստանյալների նկատմամբ ընտրված խափանման միջոցների հարցը` դատարանը գտնում է, որ ամբաստանյալ Գագիկ Գենոդիկի Գալստյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը և Գ.Գալստյանի պատժի սկիզբը պետք է հաշվել 2013 թվականի մայիսի 18-ից: Արսեն Եղիշի Լևոնյանի նկատմամբ ընտրված խափանման միջոցը` կալանավորումը, պետք է վերացնել և նրան պետք է անհապաղ ազատ արձակել դատական նիստի դահլիճում:

Եզրափակիչ մաս.

Ղեկավարվելով ՀՀ քրեական օրենսգրքի 10-րդ, 22-րդ, 48-րդ, 61-րդ, 62-րդ, 67.1-ին, 69-րդ, 84-րդ, 97-րդ հոդվածներով, ՀՀ քրեական դատավարության օրենսգրքի 119-րդ հոդվածով, 173-րդ հոդվածի 3-րդ մասով, 357-360-րդ, 374-րդ հոդվածներով, ՙՀայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին՚ ՀՀ Ազգային ժողովի 2013 թվականի հոկտեմբերի 03-ի թիվ ԱԺՈ-080-Ն որոշմամբ` դատարանը

Վ Ճ Ռ Ե Ց`

Գագիկ Գենոդիկի Գալստյանին մեղավոր ճանաչել 8 դրվագ ՀՀ քրեական օրենսգրքի 266 հոդվածի 2-րդ մասի 2-րդ կետով, 2 դրվագ ՀՀ քրեական օրենսգրքի 266 հոդվածի 1-ին մասով, 2 դրվագ ՀՀ քրեական օրենսգրքի 268 հոդվածի 1-ին մասով, 2 դրվագ ՀՀ քրեական օրենսգրքի 266 հոդվածի 4-րդ մասով և նրան` ՀՀ քրեական օրենսգրքի 266 հոդվածի 2-րդ մասի 2-րդ կետի 1-ին դրվագով դատապարտել ազատազրկման 6 /վեց/ տարի ժամկետով` առանց գույքի բռնագրավման, ՀՀ քրեական օրենսգրքի 266 հոդվածի 2-րդ մասի 2-րդ կետի 2-րդ դրվագով` ազատազրկման 6 /վեց/ տարի ժամկետով` առանց գույքի բռնագրավման, ՀՀ քրեական օրենսգրքի 266 հոդվածի 2-րդ մասի 2-րդ կետի 3-րդ դրվագով` ազատազրկման 6 /վեց/ տարի ժամկետով` առանց գույքի բռնագրավման, ՀՀ քրեական օրենսգրքի 266 հոդվածի 2-րդ մասի 2-րդ կետի 4-րդ դրվագով` ազատազրկման 6 /վեց/ տարի ժամկետով` առանց գույքի բռնագրավման, ՀՀ քրեական օրենսգրքի 266 հոդվածի 2-րդ մասի 2-րդ կետի 5-րդ դրվագով` ազատազրկման 6 /վեց/ տարի ժամկետով` առանց գույքի բռնագրավման, ՀՀ քրեական օրենսգրքի 266 հոդվածի 2-րդ մասի 2-րդ կետի 6-րդ դրվագով` ազատազրկման 6 /վեց/ տարի ժամկետով` առանց գույքի բռնագրավման, ՀՀ քրեական օրենսգրքի 266 հոդվածի 2-րդ մասի 2-րդ կետի 7-րդ դրվագով` ազատազրկման 6 /վեց/ տարի ժամկետով` առանց գույքի բռնագրավման, ՀՀ քրեական օրենսգրքի 266 հոդվածի 2-րդ մասի 2-րդ կետի 8-րդ դրվագով` ազատազրկման 6 /վեց/ տարի ժամկետով` առանց գույքի բռնագրավման, ՀՀ քրեական օրենսգրքի 266 հոդվածի 1-ին մասի 1-ին դրվագով` ազատազրկման 3 /երեք/ տարի 6 /վեց/ ամիս ժամկետով, ՀՀ քրեական օրենսգրքի 266 հոդվածի 1-ին մասի 2-րդ դրվագով` ազատազրկման 3 /երեք/ տարի 6 /վեց/ ամիս ժամկետով, ՀՀ քրեական օրենսգրքի 268 հոդվածի 1-ին մասի 1-ին դրվագով` ազատազրկման 6 /վեց/ ամիս ժամկետով, ՀՀ քրեական օրենսգրքի 268 հոդվածի 1-ին մասի 2-րդ դրվագով` ազատազրկման 6 /վեց/ ամիս ժամկետով, ՀՀ քրեական օրենսգրքի 266 հոդվածի 4-րդ մասի 1-ին դրվագով` տուգանքի նվազագույն աշխատավարձի հիսնապատիկի` 50.000 /հիսուն հազար/ ՀՀ դրամ գումարի չափով, ՀՀ քրեական օրենսգրքի 266 հոդվածի 4-րդ մասի 2-րդ դրվագով` տուգանքի նվազագույն աշխատավարձի հիսնապատիկի` 50.000 /հիսուն հազար/ ՀՀ դրամ գումարի չափով: ՀՀ քրեական օրենսգրքի 66 հոդվածի 4-րդ մասի կիրառմամբ` պատիժները մասնակիորեն գումարելու միջոցով ՀՀ քրեական օրենսգրքի 266 հոդվածի 2-րդ մասի 2-րդ կետի 1-ին դրվագով 6 /վեց/ տարի ժամկետով ազատազրկմանը մասնակիորեն գումարել ՀՀ քրեական օրենսգրքի 266 հոդվածի 2-րդ մասի 2-րդ կետի 2-րդ դրվագով 6 /վեց/ տարի ժամկետով նշանակված ազատազրկումից 3 /երեք/ ամիս ժամկետով ազատազրկումը, ՀՀ քրեական օրենսգրքի 266 հոդվածի 2-րդ մասի 2-րդ կետի 3-րդ դրվագով 6 /վեց/ տարի ժամկետով նշանակված ազատազրկումից 3 /երեք/ ամիս ժամկետով ազատազրկումը, ՀՀ քրեական օրենսգրքի 266 հոդվածի 2-րդ մասի 2-րդ կետի 4-րդ դրվագով 6 /վեց/ տարի ժամկետով նշանակված ազատազրկումից 3 /երեք/ ամիս ժամկետով ազատազրկումը, ՀՀ քրեական օրենսգրքի 266 հոդվածի 2-րդ մասի 2-րդ կետի 5-րդ դրվագով 6 /վեց/ տարի ժամկետով նշանակված ազատազրկումից 3/երեք/ ամիս ժամկետով ազատազրկումը, ՀՀ քրեական օրենսգրքի 266 հոդվածի 2-րդ մասի 2-րդ կետի 6-րդ դրվագով 6 /վեց/ տարի ժամկետով նշանակված ազատազրկումից 3 /երեք/ ամիս ժամկետով ազատազրկումը, ՀՀ քրեական օրենսգրքի 266 հոդվածի 2-րդ մասի 2-րդ կետի 7-րդ դրվագով 6 /վեց/ տարի ժամկետով նշանակված ազատազրկումից 3 /երեք/ ամիս ժամկետով ազատազրկումը, ՀՀ քրեական օրենսգրքի 266 հոդվածի 2-րդ մասի 2-րդ կետի 8-րդ դրվագով 6 /վեց/ տարի ժամկետով նշանակված ազատազրկումից 3 /երեք/ ամիս ժամկետով ազատազրկումը, ՀՀ քրեական օրենսգրքի 266 հոդվածի 1-ին մասի 1-ին դրվագով 3 /երեք/ տարի 6 /վեց/ ամիս ժամկետով նշանակված ազատազրկումից 3 /երեք/ ամիս ժամկետով ազատազրկումը, ՀՀ քրեական օրենսգրքի 266 հոդվածի 1-ին մասի 2-րդ դրվագով 3 /երեք/ տարի 6 /վեց/ ամիս ժամկետով նշանակված ազատազրկումից 3 /երեք/ ամիս ժամկետով ազատազրկումը, ՀՀ քրեական օրենսգրքի 268 հոդվածի 1-ին մասի 1-ին դրվագով 6 /վեց/ ամիս ժամկետով նշանակված ազատազրկումից 3 /երեք/ ամիս ժամկետով ազատազրկումը, ՀՀ քրեական օրենսգրքի 268 հոդվածի 1-ին մասի 2-րդ դրվագով 6 /վեց/ ամիս ժամկետով նշանակված ազատազրկումից 3 /երեք/ ամիս ժամկետով ազատազրկումը, ՀՀ քրեական օրենսգրքի 266 հոդվածի 4-րդ մասի 1-ին դրվագով նշանակված 50.000 /հիսուն հազար/ ՀՀ դրամ գումարի չափով տուգանքը, ՀՀ քրեական օրենսգրքի 266 հոդվածի 4-րդ մասի 2-րդ դրվագով նշանակված 50.000 /հիսուն հազար/ ՀՀ դրամ գումարի չափով տուգանքը և Գագիկ Գենոդիկի Գալստյանի նկատմամբ վերջնական պատիժ նշանակել` ազատազրկում` 8 /ութ/ տարի 9 /ինը/ ամիս ժամկետով` առանց գույքի բռնագրավման և տուգանք` նվազագույն աշխատավարձի հարյուրապատիկի` 100.000 /մեկ հարյուր հազար/ ՀՀ դրամ գումարի չափով:
Գագիկ Գենոդիկի Գալստյանի պատժի սկիզբը հաշվել 2013 թվականի մայիսի 18-ից, ընտրված խափանման միջոցը` կալանավորումը, թողնել անփոփոխ:
ՀՀ քրեական օրենսգրքի 97 հոդվածի կիրառմամբ` Գագիկ Գենոդիկի Գալստյանի նկատմամբ պատժի կրման ընթացքում նշանակել հարկադիր բուժում` ափիոնային թմրամոլության դեմ:
Արսեն Եղիշի Լևոնյանին մեղավոր ճանաչել ՀՀ քրեական օրենսգրքի 268 հոդվածի 2-րդ մասի 2-րդ կետով և ՀՀ քրեական օրենսգրքի 266 հոդվածի 4-րդ մասով և նրան` ՀՀ քրեական օրենսգրքի 268 հոդվածի 2-րդ մասի 2-րդ կետով դատապարտել ազատազրկման` 2 /երկու/ տարի 6 /վեց/ ամիս ժամկետով, ՀՀ քրեական օրենսգրքի 266 հոդվածի 4-րդ մասով` տուգանքի նվազագույն աշխատավարձի երեքհարյուրապատիկի` 300.000 /երեք հարյուր հազար/ ՀՀ դրամ գումարի չափով: ՀՀ քրեական օրենսգրքի 66 հոդվածի 3-րդ մասի կիրառմամբ` պատիժները լրիվ գումարելու միջոցով ՀՀ քրեական օրենսգրքի 268 հոդվածի 2-րդ մասի 2-րդ կետով 2 /երկու/ տարի 6 /վեց/ ամիս ժամկետով նշանակված ազատազրկմանը գումարել ՀՀ քրեական օրենսգրքի 266 հոդվածի 4-րդ մասով նշանակված 300.000 /երեք հարյուր հազար/ ՀՀ դրամ գումարի չափով տուգանքը և Արսեն Եղիշի Լևոնյանի նկատմամբ նշանակել պատիժ` ազատազրկում` 2 /երկու/ տարի 6 /վեց/ ամիս ժամկետով և տուգանք` նվազագույն աշխատավարձի երեքհարյուրապատիկի` 300.000 /երեք հարյուր հազար/ ՀՀ դրամ գումարի չափով: Նշված պատժի մեջ հաշվակցել նախնական կալանքի տակ գտնվելու 9 /ինը/ ամիս 14 /տասնչորս/ օրը և Արսեն Եղիշի Լևոնյանի նկատմամբ վերջնական պատիժ նշանակել` ազատազրկում 1 /մեկ/ տարի 8 /ութ/ ամիս 16 /տասնվեց/ օր ժամկետում ու տուգանք` նվազագույն աշխատավարձի երեքհարյուրապատիկի` 300.000 /երեք հարյուր հազար/ ՀՀ դրամ գումարի չափով:
ՙՀայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին՚ ՀՀ Ազգային ժողովի 2013 թվականի հոկտեմբերի 03-ի թիվ ԱԺՈ-080-Ն որոշման 1-ին կետի 3-րդ ենթակետի կիրառմամբ` Արսեն Եղիշի Լևոնյանի ազատել պատժից:
Արսեն Եղիշի Լևոնյանի նկատմամբ ընտրված խափանման միջոցը` կալանավորումը, վերացնել և նրան անհապաղ ազատ արձակել դատական նիստի դահլիճում:
ՀՀ քրեական օրենսգրքի 97 հոդվածի կիրառմամբ` Արսեն Եղիշի Լևոնյանի նկատմամբ նշանակել հարկադիր բուժում` ափիոնային թմրամոլության դեմ:
2013 հունիսի 12-ի որոշմամբ Գագիկ Գենոդիկի Գալստյանին պատկանող գույքերի վրա, որտեղ էլ որ դրանք գտնվեն, դրված կալանքը վերացնել` դատավճիռն օրինական ուժի մեջ մտնելու պահից:
Դատավճիռն օրինական ուժի մեջ մտնելուց հետո քրեական գործով իրեղեն ապացույց ճանաչված և քրեական գործին կցված` Արսեն Լևոնյանի անձնական խուզարկությամբ հայտնաբերված 2,75 գրամ /փաստացի առկա 2,5 գրամ/ ՙԱփիոն՚ տեսակի թմրամիջոցը, 3,9 մլ ծավալով և 0,00361 կգ քաշով /փաստացի առկա 3 մլ/ ՙքացախաթթվի անհիդրիդը՚, Գագիկ Գենոդիկի Գալստյանի բնակարանից խուզարկությամբ հայտնաբերված 0,82 գրամ /փաստացի առկա 0,72 գրամ/ ՙչորացված մարիխուանա՚ տեսակի թմրամիջոցը, Գագիկ Գենոդիկի Գալստյանին պատկանող նկուղից խուզարկությամբ հայտնաբերված 0,19 գրամ /փաստացի առկա 0,9 գրամ/ ՙմզվածքային ափիոն՚ տեսակի թմրամիջոցը, 10,2 մլ ծավալով և 0,00945 կգ քաշով /փաստացի առկա 9,2 մլ ծավալով և 0,0085236 կգ քաշով/ ՙքացախաթթվի անհիդրիդը՚, կշեռքը` փաթեթավորված 4 ծրարներում և կնիքված ՙՀՀ ոստիկանության ՓՔՎ, փորձագետ 16՚ կնիքի դրոշմներով, քրեական գործով ապացույց ճանաչված Գագիկ Գալստյանի հեռախոսային խոսակցությունների գաղտնալսումներ պարունակող լազերային թվով 2 լազերային սկավառակները` փաթեթավորված թվով 3 ծրարների մեջ և կնիքված ՙՀՀ փորձագիտական կենտրոն ՊՈԱԿ, ծրարների համար կնիքով, Գագիկ Գալստյանի անձնական խուզարկությամբ հայտնաբերված բջջային հեռախոսը, նրա բնակարանի խուզարկությամբ հայտնաբերված թվով 3 բջջային հեռախոսները և թվով 5 հատ հեռախոսաքարտերը, Արսեն Լևոնյանի անձնական խուզարկությամբ հայտնաբերված բջջային հեռախոսը և հեռախոսաքարտը` փաթեթավորված 3 ծրարների մեջ և կնիքված ՙՀՀ ոստիկանության ՔԳՎ, ծրարների համար՚ կնիքի դրոշմներով, ուղարկել ՀՀ ոստիկանության ՔԳՎ ՀԿԳ քննության վարչություն` թիվ 69108613 քրեական գործի հետ հետագա ընթացքը լուծելու համար:
Քրեական գործով ապացույց ճանաչված և քրեական գործին կցված` Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի թիվ ԵԱՔԴ/0102/01/13 /69106513/ քրեական գործով կայացված դատավճիռը` պահել քրեական գործի հետ միասին` վերջինիս պահելու ողջ ժամանակամիջոցում:
Սույն դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում:


ԴԱՏԱՎՈՐ` Ա.ԲԵԿԹԱՇՅԱՆ

ԵԱՔԴ/0135/01/13




ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ՎՃՌԱԲԵԿ ԴԱՏԱՐԱՆ
Ո Ր Ո Շ ՈՒ Մ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀՀ վճռաբեկ դատարանի քրեական պալատը (այսուհետ` Վճռաբեկ դատարան),

նախագահությամբ՝ Լ.ԹԱԴԵՎՈՍՅԱՆԻ
մասնակցությամբ` դատավորներ Հ.ԱՍԱՏՐՅԱՆԻ
Ս.ԱՎԵՏԻՍՅԱՆԻ
Ե.ԴԱՆԻԵԼՅԱՆԻ
Ա.ՊՈՂՈՍՅԱՆԻ
Ս.ՕՀԱՆՅԱՆԻ

քարտուղարությամբ՝ Մ.ԱՎԱԳՅԱՆԻ

2019 թվականի ապրիլի 12-ին ք.Երևանում

դռնբաց դատական նիստում, քննության առնելով նոր հանգամանքի հիմքով դատապարտյալ Գագիկ Գենոդիկի Գալստյանի վճռաբեկ բողոքը,

Պ Ա Ր Զ Ե Ց

Գործի դատավարական նախապատմությունը.
1. Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի (այսուհետ՝ նաև Առաջին ատյանի դատարան)՝ 2014 թվականի հունվարի 15-ի դատավճռով Գագիկ Գալստյանը մեղավոր է ճանաչվել ութ դրվագով՝ ՀՀ քրեական օրենսգրքի 266-րդ հոդվածի 2-րդ մասի 2-րդ կետով, երկու դրվագով՝ ՀՀ քրեական օրենսգրքի 266-րդ հոդվածի 1-ին մասով, երկու դրվագով՝ ՀՀ քրեական օրենսգրքի 268-րդ հոդվածի 1-ին մասով, երկու դրվագով՝ ՀՀ քրեական օրենսգրքի 266-րդ հոդվածի 4-րդ մասով: Գ.Գալստյանը ՀՀ քրեական օրենսգրքի 266-րդ հոդվածի 2-րդ մասի 2-րդ կետով ութ դրվագներից յուրաքանչյուրով դատապարտվել է ազատազրկման՝ 6 (վեց) տարի ժամկետով՝ առանց գույքի բռնագրավման, ՀՀ քրեական օրենսգրքի 266-րդ հոդվածի 1-ին մասով երկու դրվագներից յուրաքանչյուրով՝ ազատազրկման՝ 3 (երեք) տարի 6 (վեց) ամիս ժամկետով, ՀՀ քրեական օրենսգրքի 268-րդ հոդվածի 1-ին մասով երկու դրվագներից յուրաքանչյուրով՝ ազատազրկման՝ 6 (վեց) ամիս ժամկետով, ՀՀ քրեական օրենսգրքի 266-րդ հոդվածի 4-րդ մասով 2 դրվագներից յուրաքանչյուրով՝ տուգանքի՝ 50.000 (հիսուն հազար) ՀՀ դրամ գումարի չափով: ՀՀ քրեական օրենսգրքի 66-րդ հոդվածի 4-րդ մասի կիրառմամբ՝ պատիժները մասնակիորեն գումարելու միջոցով ՀՀ քրեական օրենսգրքի 266-րդ հոդվածի 2-րդ մասի 2-րդ կետի 1-ին դրվագով նշանակված 6 (վեց) տարի ժամկետով ազատազրկմանը մասնակիորեն գումարվել է ՀՀ քրեական օրենսգրքի 266-րդ հոդվածի 2-րդ մասի 2-րդ կետով՝ 2-րդ, 3-րդ, 4-րդ, 5-րդ, 6-րդ, 7-րդ և 8-րդ, ՀՀ քրեական օրենսգրքի 266-րդ հոդվածի 1-ին մասի՝ 1-ին և 2-րդ, ՀՀ քրեական օրենսգրքի 268-րդ հոդվածի 1-ին մասի՝ 1-ին և 2-րդ դրվագներից յուրաքանչյուրով նշանակված պատիժներից 3 (երեք) ամիս ժամկետով ազատազրկումը, ՀՀ քրեական օրենսգրքի 266-րդ հոդվածի 4-րդ մասի՝ 1-ին և 2-րդ դրվագներից յուրաքանչյուրով նշանակված 50.000 (հիսուն հազար) ՀՀ դրամ գումարի չափով տուգանքը և Գ.Գալստյանի նկատմամբ վերջնական պատիժ է նշանակվել ազատազրկում՝ 8 (ութ) տարի 9 (ինը) ամիս ժամկետով՝ առանց գույքի բռնագրավման և տուգանք՝ 100.000 (հարյուր հազար) ՀՀ դրամ գումարի չափով: Պատժի սկիզբը հաշվվել է 2013 թվականի մայիսի 18-ից: ՀՀ քրեական օրենսգրքի 97-րդ հոդվածի կարգով Գ.Գալստյանի նկատմամբ նշանակվել է հարկադիր բուժում` ափիոնային թմրամոլության դեմ:
Նույն դատավճռով դատապարտվել է նաև Արսեն Եղիշի Լևոնյանը:
2. Ամբաստանյալ Գ.Գալստյանի պաշտպան Ռ.Մարտիրոսյանի վերաքննիչ բողոքի քննության արդյունքում ՀՀ վերաքննիչ քրեական դատարանը (այսուհետ՝ նաև Վերաքննիչ դատարան) 2014 թվականի հունիսի 2-ի որոշմամբ բողոքը մերժել է, Առաջին ատյանի դատարանի՝ 2014 թվականի հունվարի 15-ի դատավճիռը` թողել օրինական ուժի մեջ:
3. Վերոգրյալ որոշման դեմ ամբաստանյալ Գ.Գալստյանի պաշտպան Ռ.Մարտիրոսյանի վճռաբեկ բողոքը Վճռաբեկ դատարանի՝ 2014 թվականի հուլիսի 24-ի որոշմամբ վերադարձվել է:
4. Դատապարտյալ Գ.Գալստյանի կողմից նոր հանգամանքի հիմքով բերված բողոքի հիման վրա Վճռաբեկ դատարանը 2019 թվականի փետրվարի 13-ի որոշմամբ հարուցել է դատական ակտի վերանայման վարույթ և վճռաբեկ բողոքն ընդունել է վարույթ:
Դատավարության մասնակիցների կողմից վճռաբեկ բողոքի պատասխան չի ներկայացվել:

Վճռաբեկ բողոքի քննության համար էական նշանակություն ունեցող փաստական հանգամանքները.
5. Գ.Գալստյանը դատապարտվել է այն բանի համար, որ. «(…) [նա] (...) ապօրինի ձեռք է բերել և պահել (...) ընդհանուր` խոշոր չափերով` 1 (մեկ) գրամ քաշով «Ափիոն» տեսակի թմրամիջոց, ապա (...) Հայկ Հովհաննիսյանին (...) ապօրինի իրացրել է 1 (մեկ) գրամ քաշով «Ափիոն» տեսակի թմրամիջոց:
Բացի այդ, Գագիկ Գենոդիկի Գալստյանը, (...) իրացնելու նպատակով (...) ապօրինի ձեռք է բերել (...) զգալի չափերով` 0.5 գրամ քաշով «Ափիոն» տեսակի թմրամիջոց, ապա (...) Հայկ Հովհաննիսյանին (...) ապօրինի իրացրել է 0.5 գրամ քաշով «Ափիոն» տեսակի թմրամիջոց:
Բացի այդ, Գագիկ Գենոդիկի Գալստյանը (...) Սեյրան Գևորգյանին ապօրինի թմրամիջոց իրացնելու նպատակով (...) ապօրինի ձեռք է բերել և պահել զգալի չափերով` 0.1 գրամ քաշով «Տրամադոլ» տեսակի հոգեմետ նյութ պարունակող թվով երկու դեղահաբեր, ապա (...) Սեյրան Գևորգանին ապօրինի իրացրել է նշված` զգալի չափերով` 0.1 գրամ քաշով «Տրամադոլ» տեսակի հոգեմետ նյութ պարունակող թվով երկու դեղահաբեր:
(...) Հայկ Հովհաննիսյանի գործածման համար նրան խոշոր չափերով «Ափիոն» տեսակի թմրամիջոց ապօրինի իրացնելու նպատակով Գագիկ Գենոդիկի Գալստյանը (...) ապօրինի ձեռք է բերել և պահել (...) խոշոր չափերով` 1 (մեկ) գրամ «Ափիոն» տեսակի թմրամիջոց, ապա (...) Հայկ Հովհաննիսյանին (...) ապօրինի իրացրել է խոշոր չափերով` 1 (մեկ) գրամ քաշով «Ափիոն» տեսակի թմրամիջոց:
Բացի այդ, Գագիկ Գենոդիկի Գալստյանը (...) Հայկ Հովհաննիսյանին իրացնելու նպատակով (...) ապօրինի ձեռք է բերել և պահել (...) խոշոր չափերով` 1 (մեկ) գրամ քաշով «Ափիոն» տեսակի թմրամիջոց, ապա (...) ապօրինի իրացրել է Հայկ Հովհաննիսյանին:
Բացի այդ, Գագիկ Գենոդիկի Գալստյանը (...) Հայկ Հովհաննիսյանին ապօրինի իրացնելու նպատակով (...) ապօրինի ձեռք է բերել ու պահել (...) խոշոր չափերով` 2.5 գրամ քաշով «Ափիոն» տեսակի թմրամիջոց, ապա (...) Հայկ Հովհաննիսյանին (...) ապօրինի իրացրել է նշված` 2.5 գրամ քաշով «Ափիոն» տեսակի թմրամիջոցը:
Բացի այդ, Գագիկ Գենոդիկի Գալստյանը (...) ապօրինի իրացնելու նպատակով (...) ապօրինի ձեռք է բերել և պահել (...) խոշոր չափերով` 1.5 գրամ քաշով «Ափիոն» տեսակի թմրամիջոց, ապա (...) Հայկ Հովհաննիսյանին (...) ապօրինի իրացրել է 1.5 գրամ քաշով «Ափիոն» տեսակի թմրամիջոց:
Բացի այդ, Գագիկ Գենոդիկի Գալստյանը Հայկ Հովհաննիսյանին իրացնելու նպատակով, (...) ապօրինի ձեռք է բերել (...) ընդհանուր` 1.5 գրամ քաշով «Ափիոն» տեսակի թմրամիջոց, ապա (...) ապօրինի Հայկ Հովհաննիսյանին է իրացրել խոշոր չափերով` 1.5 գրամ «Ափիոն» տեսակի թմրամիջոցը:
Բացի այդ, Հայկ Հովհաննիսյանին խոշոր չափերով «Ափիոն» տեսակի թմրամիջոց ապօրինի իրացնելու նպատակով, Գագիկ Գենոդիկի Գալստյանը (...) ապօրինի ձեռք է բերել և պահել (...) խոշոր չափերով` 3.5 գրամ քաշով «Ափիոն» տեսակի թմրամիջոց, ապա (...) Հայկ Հովհաննիսյանին ապօրինի իրացրել է 3.5 գրամ քաշով «Ափիոն» տեսակի թմրամիջոց:
Բացի այդ, Գագիկ Գենոդիկի Գալստյանը ամբաստանյալ Արսեն Եղիշի Լևոնյանին խոշոր չափերով «Ափիոն» տեսակի թմրամիջոց և պրեկուրսոր հանդիսացող «քացախաթթվի անհիդրիդ» ապօրինի իրացնելու նպատակով (...) ապօրինի ձեռք է բերել խոշոր չափերով` 2.75 գրամ քաշով «Ափիոն» տեսակի թմրամիջոց և 0.00361 կգ «քացախաթթվի անհիդրիդ», ապա (...) Արսեն Լևոնյանին (...) ապօրինի իրացրել է 2.75 գրամ քաշով «Ափիոն» տեսակի թմրամիջոց և 0.00361 կգ պրեկուրսոր հանդիսացող «քացախաթթվի անհիդրիդ»:
Բացի այդ, Գագիկ Գենոդիկի Գալստյանն առանց իրացնելու նպատակի, իր գործածման համար (...) ապօրինի ձեռք է բերել և (...) ապօրինի պահել է զգալի չափերով` 0.19 գրամ քաշով «մզվածքային ափիոն» և ընդհանուր 0.9 գրամ քաշով չորացված «մարիխուանա» տեսակների թմրամիջոցներ, ինչպես նաև թմրամիջոցներ պատրաստելու համար նախատեսված պրեկուրսոր հանդիսացող 0.00945 կգ «քացախաթթվի անհիդրիդ»(…)» (1):

Վճռաբեկ բողոքի հիմքերը, հիմնավորումները և պահանջը.
Վճռաբեկ բողոքը քննվում է հետևյալ հիմքերի սահմաններում ներքոշարադրյալ հիմնավորումներով.
6. Բողոք բերած անձը, հղում կատարելով թմրամիջոցների և հոգեմետ (հոգեներգործուն) նյութերի չափերի վերաբերյալ օրենսդրական փոփոխություններին, ինչպես նաև վկայակոչելով ՀՀ Սահմանադրության 72-րդ հոդվածը և ՀՀ քրեական օրենսգրքի 13-րդ հոդվածի 1-ին մասը, փաստարկել է, որ նշված փոփոխություններով բարելավվել է իր վիճակը, հետևաբար դրանք ենթակա են կիրառման իր նկատմամբ:
7. Վերոգրյալի հիման վրա բողոք բերած անձը խնդրել է իր վերաբերյալ կայացված դատական ակտերով հաստատված արարքները համապատասխանեցնել «ՀՀ քրեական օրենսգրքում փոփոխություններ և լրացումներ կատարելու մասին» 2017 թվականի դեկտեմբերի 6-ի թիվ ՀՕ-241-Ն ՀՀ օրենքին, և փոփոխել իր նկատմամբ նշանակված վերջնական պատիժը կամ ազատել հետագա պատիժը կրելուց` արարքի ապաքրեականացման հիմքով:


Վճռաբեկ դատարանի պատճառաբանությունները և եզրահանգումը.
8. Սույն գործով Վճռաբեկ դատարանի առջև բարձրացված իրավական հարցը հետևյալն է. արդյո՞ք ՀՀ սահմանադրական դատարանի` 2017 թվականի փետրվարի 14-ի թիվ ՍԴՈ-1348 որոշման ուժով «ՀՀ քրեական օրենսգրքում փոփոխություններ և լրացումներ կատարելու մասին» 2017 թվականի դեկտեմբերի 6-ի թիվ ՀՕ-241-Ն ՀՀ օրենքը նոր հանգամանք է դատապարտյալ Գագիկ Գալստյանի վերաբերյալ Վճռաբեկ դատարանի՝ 2014 թվականի հուլիսի 24-ի որոշումը վերանայելու համար:
9. ՀՀ Սահմանադրության 72-րդ հոդվածի համաձայն` «(…) Արարքի պատժելիությունը վերացնող կամ պատիժը մեղմացնող օրենքն ունի հետադարձ ուժ»:
ՀՀ քրեական օրենսգրքի 13-րդ հոդվածի 1-ին մասի համաձայն` «Արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքը հետադարձ ուժ ունի, այսինքն՝ տարածվում է մինչև այդ օրենքն ուժի մեջ մտնելը համապատասխան արարք կատարած անձանց, այդ թվում՝ այն անձանց վրա, ովքեր կրում են պատիժը կամ կրել են դա, սակայն ունեն դատվածություն»:
10. Քրեական օրենքը հետադարձ ուժով կիրառելու նորմերի համակարգային վերլուծության արդյունքում Վճռաբեկ դատարանը մշտապես ընդգծել է, որ «չկա հանցագործություն և պատիժ, եթե այն սահմանված չէ օրենքով» (nullum crimen, nulla poena sine lege) կանոնը համընդհանուր ճանաչում ստացած հիմնարար սկզբունք է և իրավունքի գերակայության կարևորագույն տարր: Այն բացառիկ նշանակություն ունի մարդու իրավունքների պաշտպանության համակարգում, հետևաբար նշված սկզբունքից շեղումը բացարձակապես անթույլատրելի է: Դրա հետ մեկտեղ ժամանակի ընթացքում քրեական օրենքի գործողության ընդհանուր կանոնն ունի նաև բացառություն: Մասնավորապես, քրեական օրենքի հետադարձության կանոնը սկսում է գործել այն դեպքերում, երբ նոր օրենքը կա'մ վերացնում է արարքի հանցավորությունը (ապաքրեականացում), կա'մ մեղմացնում է պատիժը, կա'մ այլ կերպ բարելավում է հանցանք կատարած անձի վիճակը: Թվարկված պայմաններն ունեն իմպերատիվ բնույթ, և նոր օրենքն ուժի մեջ մտնելուց հետո դրանցից առնվազն մեկի առկայության պարագայում նոր օրենքի գործողությունը տարածվում է մինչև այն ուժի մեջ մտնելը համապատասխան արարք կատարած անձանց, այդ թվում՝ այն անձանց վրա, ովքեր կրում են պատիժը կամ կրել են այն, սակայն ունեն դատվածություն (2):
11. ՀՀ սահմանադրական դատարանը (այսուհետ` նաև Սահմանադրական դատարան), 2017 թվականի փետրվարի 14-ի թիվ ՍԴՈ-1348 որոշման շրջանակներում անդրադառնալով արարքի պատժելիությունը վերացնող օրենքը հետադարձությամբ կիրառելու կառուցակարգին, արձանագրել է. «(...) [Ե]լնելով ՀՀ Սահմանադրության 72-րդ հոդվածի անմիջական գործողությունից և վերջինիս` սույն որոշման մեջ բացահայտված բովանդակությամբ կիրառումն ապահովելու համար իրավակիրառ պրակտիկայի շրջանակներում արարքի պատժելիությունը վերացնող օրենքի հետադարձ կիրառումը պատիժ կրող անձանց նկատմամբ անհրաժեշտ է իրականացնել նոր հանգամանքի հիմքով դատական ակտի վերանայման վերաբերյալ իրավակարգավորումների շրջանակներում` արարքի պատժելիությունը վերացնող օրենքի ուժի մեջ մտնելը դիտարկելով որպես դատական ակտը վերանայելու համար նոր հանգամանք (…)» (3):
Արդյունքում Սահմանադրական դատարանն արձանագրել է. «(...) ՀՀ քրեական դատավարության օրենսգրքի 426.2-րդ հոդվածը և դրա հետ համակարգային առումով փոխկապակցվածության մեջ գտնվող` ՀՀ քրեական դատավարության օրենսգրքի 426.4-րդ հոդվածի 1-ին մասը համապատասխանում են ՀՀ Սահմանադրությանն այնպիսի սահմանադրաիրավական բովանդակությամբ, համաձայն որի` ելնելով ՀՀ Սահմանադրության 72-րդ հոդվածի անմիջական գործողությունից` արարքի պատժելիությունը վերացնող օրենքն ուժի մեջ մտնելն իրավակիրառ պրակտիկայի շրջանակներում պետք է ընկալվի որպես նոր հանգամանք, և օրինական ուժի մեջ մտած դատական ակտը նոր հանգամանքի հիմքով ենթակա է վերանայման ՀՀ քրեական դատավարության օրենսգրքով նախատեսված կարգով (...)» (4):
12. Նախորդ կետում մեջբերված Սահմանադրական դատարանի իրավական դիրքորոշումների հաշվառմամբ Վճռաբեկ դատարանն արձանագրում է, որ արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքի ընդունմամբ նախկինում կայացված և օրինական ուժի մեջ մտած դատական ակտերը ենթակա են վերանայման ՀՀ քրեական դատավարության օրենսգրքի 49.1-րդ գլխով սահմանված` նոր հանգամանքներով դատական ակտերի վերանայման կանոններով: Այլ կերպ` Վճռաբեկ դատարանն ընդգծում է, որ արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքը նոր հանգամանք է օրինական ուժի մեջ մտած դատական ակտերը վերանայելու համար։
13. ՀՀ քրեական օրենսգրքի 266-րդ հոդվածի համաձայն` «1.Իրացնելու նպատակով թմրամիջոցներ, հոգեմետ (հոգեներգործուն) նյութեր ապօրինի պատրաստելը, վերամշակելը, ձեռք բերելը, պահելը, փոխադրելը, առաքելը կամ դրանք ապօրինի իրացնելը՝
պատժվում է ազատազրկմամբ` երեքից յոթ տարի ժամկետով։
2. Նույն արարքները, որոնք կատարվել են`
(...)
2) խոշոր չափերով՝
(...)
պատժվում են ազատազրկմամբ՝ հինգից տասը տարի ժամկետով՝ գույքի բռնագրավմամբ կամ առանց դրա:
(...)
4. Թմրամիջոցներ կամ հոգեմետ (հոգեներգործուն) նյութեր պատրաստելու նպատակով պրեկուրսորներ ապօրինի պատրաստելը, վերամշակելը, ձեռք բերելը, պահելը, փոխադրելը, առաքելը կամ դրանք ապօրինի իրացնելը`
պատժվում են տուգանքով` նվազագույն աշխատավարձի առավելագույնը չորսհարյուրապատիկի չափով, կամ կալանքով` առավելագույնը երեք ամիս ժամկետով (...)»:
ՀՀ քրեական օրենսգրքի 268-րդ հոդվածի 1-ին մասի համաձայն` «Առանց իրացնելու նպատակի զգալի չափերով թմրամիջոցներ կամ հոգեմետ (հոգեներգործուն) նյութեր ապօրինի պատրաստելը, վերամշակելը, ձեռք բերելը, պահելը, փոխադրելը կամ առաքելը՝
պատժվում է կալանքով` առավելագույնը երկու ամիս ժամկետով, կամ ազատազրկմամբ` առավելագույնը մեկ տարի ժամկետով»։
Մինչև «ՀՀ քրեական օրենսգրքում փոփոխություններ և լրացումներ կատարելու մասին» 2017 թվականի դեկտեմբերի 6-ի թիվ ՀՕ-241-Ն ՀՀ օրենքն ուժի մեջ մտնելը թմրամիջոցների և հոգեմետ (հոգեներգործուն) նյութերի զգալի, խոշոր և առանձնապես խոշոր չափերը սահմանող ՀՀ քրեական օրենսգրքի 1-ին հավելվածում «ափիոն» տեսակի թմրամիջոցի համար որպես զգալի չափ է սահմանված եղել 0.1 գրամից մինչև 0.5 գրամը ներառյալ, իսկ որպես խոշոր չափ՝ 0.5 գրամից մինչև 10.0 գրամը ներառյալ: «Մզվածքային ափիոն» տեսակի թմրամիջոցի համար որպես զգալի չափ է սահմանված եղել 0.1 գրամից մինչև 0.5 գրամը ներառյալ: «Մարիխուանա» տեսակի թմրամիջոցի համար որպես զգալի չափ է սահմանված եղել 0.5 գրամից մինչև 5.0 գրամը ներառյալ: «Տրամադոլ» տեսակի հոգեմետ (հոգեներգործուն) նյութի համար որպես զգալի չափ է սահմանված եղել 0.05 գրամից մինչև 0.5 գրամը ներառյալ: Նույն օրենսգրքի թմրամիջոցների և հոգեմետ (հոգեներգործուն) նյութերի պրեկուրսորների խոշոր և առանձնապես խոշոր չափերը սահմանող 4-րդ հավելվածում «քացախաթթվի անհիդրիդ» տեսակի պրեկուրսորի համար որպես խոշոր չափ է սահմանվել 0.23-2.3 կիլոգրամը ներառյալ, իսկ որպես առանձնապես խոշոր չափ՝ ավելի քան 2.3 կիլոգրամը:
Վերոնշյալ օրենքի 4-րդ հոդվածով ՀՀ քրեական օրենսգրքի 1-5-րդ հավելվածներն ուժը կորցրած ճանաչելուց հետո ՀՀ կառավարության` 2018 թվականի հունիսի 27-ի թիվ 707-Ն որոշման 1-ին հավելվածով «ափիոն» տեսակի թմրամիջոցի համար որպես զգալի չափ է սահմանվել 0.5 գրամից մինչև 2.5 գրամը ներառյալ, իսկ խոշոր չափ` 2.5 գրամից մինչև 12.5 գրամը ներառյալ, «մզվածքային ափիոն» տեսակի թմրամիջոցի համար որպես մանր չափ է սահմանվել 0.1 գրամից մինչև 0.5 գրամը ներառյալ, իսկ զգալի չափ՝ 0.5 գրամից մինչև 2.5 գրամը ներառյալ, «մարիխուանա» տեսակի թմրամիջոցի համար որպես մանր չափ է սահմանվել 0.5 գրամից մինչև 2.5 գրամը ներառյալ, իսկ զգալի չափ՝ 2.5 գրամից մինչև 12.5 գրամը ներառյալ։ «Տրամադոլ» տեսակի հոգեմետ (հոգեներգործուն) նյութի համար որպես մանր չափ է սահմանվել 0.05 գրամից մինչև 0.25 գրամը ներառյալ, իսկ որպես զգալի չափ՝ 0.25 գրամից մինչև 1.25 գրամը ներառյալ: Նույն որոշման 3-րդ հավելվածով «քացախաթթվի անհիդրիդ» տեսակի պրեկուրսորի համար նախկինում սահմանված չափերը փոփոխության չեն ենթարկվել:
14. Սույն գործի նյութերի ուսումնասիրությունից երևում է, որ Գ.Գալստյանը դատապարտվել է`
- ՀՀ քրեական օրենսգրքի 266-րդ հոդվածի 1-ին մասով՝ զգալի չափի՝ 0.5 գրամ «ափիոն» տեսակի թմրամիջոց, զգալի չափի՝ 0.1 գրամ «տրամադոլ» տեսակի հոգեմետ (հոգեներգործուն) նյութ իրացնելու նպատակով ապօրինի ձեռք բերելու, պահելու և իրացնելու համար,
- ՀՀ քրեական օրենսգրքի 266-րդ հոդվածի 2-րդ մասի 2-րդ կետով` խոշոր չափի՝ 1 գրամ «ափիոն» տեսակի թմրամիջոց (3 դրվագ), խոշոր չափի՝ 2.5 գրամ «ափիոն» տեսակի թմրամիջոց, խոշոր չափի՝ 1.5 գրամ «ափիոն» տեսակի թմրամիջոց (երկու դրվագ), խոշոր չափի՝ 3.5 գրամ «ափիոն» տեսակի թմրամիջոց, խոշոր չափի՝ 2.75 գրամ «ափիոն» տեսակի թմրամիջոց իրացնելու նպատակով ապօրինի ձեռք բերելու, պահելու և իրացնելու համար,
- ՀՀ քրեական օրենսգրքի 266-րդ հոդվածի 4-րդ մասով` 0.00361 կգ և 0.00945 կգ թմրամիջոցների և հոգեմետ (հոգեներգործուն) նյութերի պրեկուրսոր հանդիսացող «քացախաթթվի անհիդրիդ» իրացնելու նպատակով ապօրինի ձեռք բերելու և իրացնելու համար,
- ՀՀ քրեական օրենսգրքի 268-րդ հոդվածի 1-ին մասով` զգալի չափի՝ 0.19 գրամ «մզվածքային ափիոն» տեսակի թմրամիջոց, զգալի չափի՝ 0.9 գրամ «մարիխուանա» տեսակի թմրամիջոց առանց իրացնելու նպատակի ապօրինի ձեռք բերելու և պահելու համար (5):
15. Նախորդ կետում մեջբերված փաստական հանգամանքները գնահատելով սույն որոշման 9-13-րդ կետերում վկայակոչված իրավադրույթների և արտահայտված իրավական դիրքորոշումների լույսի ներքո` Վճռաբեկ դատարանը փաստում է, որ թմրամիջոցների, հոգեմետ (հոգեներգործուն) նյութերի, դրանց պրեկուրսորների չափերի վերաբերյալ օրենսդրական փոփոխությունները հիմք չեն Գ.Գալստյանի վերաբերյալ կայացված և օրինական ուժի մեջ մտած դատական ակտերով հաստատված՝ ՀՀ քրեական օրենսգրքի 266-րդ հոդվածի 1-ին մասով՝ 1-ին և 2-րդ դրվագներով, 266-րդ հոդվածի 2-րդ մասի 2-րդ կետով` 7-րդ և 8-րդ դրվագներով, 266-րդ հոդվածի 4-րդ մասով՝ 1-ին և 2-րդ դրվագներով նախատեսված արարքների իրավական որակման փոփոխության:
Միևնույն ժամանակ, Վճռաբեկ դատարանը փաստում է, որ թմրամիջոցների չափերի վերաբերյալ օրենսդրական փոփոխությունները հիմք են Գ.Գալստյանի վերաբերյալ կայացված և օրինական ուժի մեջ մտած դատական ակտերով հաստատված՝ ՀՀ քրեական օրենսգրքի 266-րդ հոդվածի 2-րդ մասի 2-րդ կետով՝ 1-ին, 2-րդ, 3-րդ, 4-րդ, 5-րդ և 6-րդ դրվագներով նախատեսված արարքների իրավական որակման փոփոխության։
Մասնավորապես, «ափիոն» տեսակի թմրամիջոցի խոշոր չափի նվազագույն և առավելագույն սահմանների օրենսդրական փոփոխությունների համեմատական ուսումնասիրությունից երևում է, որ դրանց արդյունքում 1, 1.5 և 2.5 գրամ «ափիոն» տեսակի թմրամիջոցն այսուհետ ոչ թե խոշոր, այլ զգալի չափի է։ Ուստի` դատապարտյալ Գ.Գալստյանի արարքները ՀՀ քրեական օրենսգրքի 266-րդ հոդվածի 2-րդ մասի 2-րդ կետով՝ 1-ին, 2-րդ, 3-րդ, 4-րդ, 5-րդ և 6-րդ դրվագներով համապատասխանում են ՀՀ քրեական օրենսգրքի 266-րդ հոդվածի 1-ին մասին։
16. Վճռաբեկ դատարանը փաստում է նաև, որ թմրամիջոցների չափերի վերաբերյալ օրենսդրական փոփոխությունները վերացնում են Գ.Գալստյանի վերաբերյալ կայացված և օրինական ուժի մեջ մտած դատական ակտերով հաստատված ՀՀ քրեական օրենսգրքի 268-րդ հոդվածի 1-ին մասով՝ 1-ին և 2-րդ դրվագներով նախատեսված արարքների հանցավորությունը։
Մասնավորապես, «մզվածքային ափիոն» և «մարիխուանա» տեսակի թմրամիջոցների զգալի չափերի նվազագույն և առավելագույն սահմանների օրենսդրական փոփոխությունների համեմատական ուսումնասիրությունից երևում է, որ 0.19 գրամ «մզվածքային ափիոն» և 0.9 գրամ «մարիխուանա» տեսակի թմրամիջոցներն այսուհետ ոչ թե զգալի, այլ մանր չափերի են։ Այսինքն՝ ՀՀ քրեական օրենսգրքի 268-րդ հոդվածի 1-ին մասով` 1-ին և 2-րդ դրվագներով Գ.Գալստյանի նկատմամբ քրեական հետապնդումը ենթակա է դադարեցման ՀՀ քրեական դատավարության օրենսգրքի 35-րդ հոդվածի 1-ին մասի 2-րդ կետով, այն է՝ արարքի մեջ հանցակազմի բացակայության պատճառաբանությամբ:
17. Նման պայմաններում թմրամիջոցների չափերի վերաբերյալ օրենսդրական փոփոխություններին պետք է տալ հետադարձ ուժ և դրանց գործողությունը տարածել մինչև դրանց ուժի մեջ մտնելը Գ.Գալստյանի կողմից կատարված արարքների վրա, քանի որ դրանք բարելավում են վերջինիս վիճակը:
18. Վերոգրյալի հիման վրա Վճռաբեկ դատարանը գտնում է, որ Սահմանադրական դատարանի` 2017 թվականի փետրվարի 14-ի թիվ ՍԴՈ-1348 որոշման ուժով «ՀՀ քրեական օրենսգրքում փոփոխություններ և լրացումներ կատարելու մասին» 2017 թվականի դեկտեմբերի 6-ի թիվ ՀՕ-241-Ն ՀՀ օրենքը նոր հանգամանք է դատապարտյալ Գ.Գալստյանի վերաբերյալ Վճռաբեկ դատարանի՝ 2014 թվականի հուլիսի 24-ի որոշումը վերանայելու համար։
19. Վերանայման արդյունքում անհրաժեշտ է բեկանել և փոփոխել դատապարտյալ Գ.Գալստյանի վերաբերյալ Առաջին ատյանի դատարանի՝ 2014 թվականի հունվարի 15-ի դատավճիռը և այն օրինական ուժի մեջ թողնելու մասին Վերաքննիչ դատարանի՝ 2014 թվականի հունիսի 2-ի որոշումը. Գ.Գալստյանին երկու դրվագով՝ ՀՀ քրեական օրենսգրքի 268-րդ հոդվածի 1-ին մասով առաջադրված մեղադրանքում պետք է արդարացնել՝ հանցակազմի բացակայության պատճառաբանությամբ:
Գ.Գալստյանի՝ ՀՀ քրեական օրենսգրքի 266-րդ հոդվածի 2-րդ մասի 2-րդ կետով որակված արարքները՝ 1-ին, 2-րդ, 3-րդ, 4-րդ, 5-րդ և 6-րդ դրվագներով, պետք է վերաորակել ՀՀ քրեական օրենսգրքի 266-րդ հոդվածի 1-ին մասով, և յուրաքանչյուր դրվագով նրա նկատմամբ այդ հոդվածի սանկցիայի շրջանակներում պատիժ նշանակել ազատազրկում՝ 3 (երեք) տարի 6 (վեց) ամիս ժամկետով՝ հաշվի առնելով պատժի նշանակման ընդհանուր սկզբունքները, ինչպես նաև գործի նյութերում առկա` Գ.Գալստյանի անձը բնութագրող տվյալները, պատասխանատվությունը և պատիժը մեղմացնող ու ծանրացնող հանգամանքները: Երկու դրվագով՝ ՀՀ քրեական օրենսգրքի 266-րդ հոդվածի 2-րդ մասի 2-րդ կետով, երկու դրվագով՝ ՀՀ քրեական օրենսգրքի 266-րդ հոդվածի 1-ին մասով, երկու դրվագով՝ ՀՀ քրեական օրենսգրքի 266-րդ հոդվածի 4-րդ մասով նշանակված պատիժները պետք է թողնել անփոփոխ: ՀՀ քրեական օրենսգրքի 66-րդ հոդվածի 4-րդ մասի կիրառմամբ՝ պատիժները մասնակիորեն գումարելու միջոցով, ՀՀ քրեական օրենսգրքի 266-րդ հոդվածի 2-րդ մասի 2-րդ կետի 7-րդ դրվագով նշանակված 6 (վեց) տարի ժամկետով ազատազրկմանը պետք է մասնակիորեն գումարել ՀՀ քրեական օրենսգրքի 266-րդ հոդվածի 2-րդ մասի 2-րդ կետի 8-րդ դրվագով նշանակված 6 (վեց) տարի ժամկետով ազատազրկում պատժից 3 (երեք) ամիսը, վեց դրվագով՝ ՀՀ քրեական օրենսգրքի 266-րդ հոդվածի 1-ին մասով, երկու դրվագով՝ ՀՀ քրեական օրենսգրքի 266-րդ հոդվածի 1-ին մասով` յուրաքանչյուր դրվագով նշանակված 3 (երեք) տարի 6 (վեց) ամիս ժամկետով ազատազրկումից 3 (երեք) ամիս ժամկետով ազատազրկումը, երկու դրվագով՝ ՀՀ քրեական օրենսգրքի 266-րդ հոդվածի 4-րդ մասով նշանակված 50.000-ական ՀՀ դրամ գումարի չափով տուգանքը և Գ.Գալստյանի նկատմամբ վերջնական պատիժ նշանակել ազատազրկում՝ 8 (ութ) տարի 3 (երեք) ամիս ժամկետով՝ առանց գույքի բռնագրավման և տուգանք՝ 100.000 ՀՀ դրամ գումարի չափով՝ պատժի սկիզբը հաշվելով՝ 2013 թվականի մայիսի 18-ից:
Ելնելով վերոգրյալից և ղեկավարվելով Հայաստանի Հանրապետության Սահմանադրության 162-րդ, 163-րդ, 171-րդ հոդվածներով, «Հայաստանի Հանրապետության դատական օրենսգիրք» Հայաստանի Հանրապետության սահմանադրական օրենքի 11-րդ հոդվածով, Հայաստանի Հանրապետության քրեական դատավարության օրենսգրքի 16-րդ, 39-րդ, 43-րդ, 3611-րդ, 403-406-րդ, 419-րդ, 422-423-րդ, 426.1-426.2-րդ, 426.4-րդ, 426.7-րդ և 426.9-րդ հոդվածներով՝ Վճռաբեկ դատարանը


Ո Ր Ո Շ Ե Ց
1. Վճռաբեկ բողոքը բավարարել: Դատապարտյալ Գագիկ Գենոդիկի Գալստյանի վերաբերյալ ՀՀ վճռաբեկ դատարանի՝ 2014 թվականի հուլիսի 24-ի որոշումը նոր հանգամանքի հիմքով վերանայել:
2. Դատապարտյալ Գագիկ Գենոդիկի Գալստյանի վերաբերյալ Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի՝ 2014 թվականի հունվարի 15-ի դատավճիռը և այն օրինական ուժի մեջ թողնելու մասին ՀՀ վերաքննիչ քրեական դատարանի՝ 2014 թվականի հունիսի 2-ի որոշումը բեկանել և փոփոխել:
3. Գագիկ Գենոդիկի Գալստյանին երկու դրվագով՝ ՀՀ քրեական օրենսգրքի 268-րդ հոդվածի 1-ին մասով առաջադրված մեղադրանքում արդարացնել՝ հանցակազմի բացակայության պատճառաբանությամբ:
Գագիկ Գենոդիկի Գալստյանի՝ ՀՀ քրեական օրենսգրքի 266-րդ հոդվածի 2-րդ մասի 2-րդ կետով որակված արարքները՝ 1-ին, 2-րդ, 3-րդ, 4-րդ, 5-րդ և 6-րդ դրվագները, վերաորակել ՀՀ քրեական օրենսգրքի 266-րդ հոդվածի 1-ին մասով, և յուրաքանչյուր դրվագով նրա նկատմամբ պատիժ նշանակել ազատազրկում՝ 3 (երեք) տարի 6 (վեց) ամիս ժամկետով: Երկու դրվագով՝ ՀՀ քրեական օրենսգրքի 266-րդ հոդվածի 2-րդ մասի 2-րդ կետով, երկու դրվագով՝ ՀՀ քրեական օրենսգրքի 266-րդ հոդվածի 1-ին մասով, երկու դրվագով՝ ՀՀ քրեական օրենսգրքի 266-րդ հոդվածի 4-րդ մասով նշանակված պատիժները թողնել անփոփոխ: ՀՀ քրեական օրենսգրքի 66-րդ հոդվածի 4-րդ մասի կիրառմամբ՝ պատիժները մասնակիորեն գումարելու միջոցով, ՀՀ քրեական օրենսգրքի 266-րդ հոդվածի 2-րդ մասի 2-րդ կետի 7-րդ դրվագով նշանակված 6 (վեց) տարի ժամկետով ազատազրկմանը մասնակիորեն գումարել ՀՀ քրեական օրենսգրքի 266-րդ հոդվածի 2-րդ մասի 2-րդ կետի 8-րդ դրվագով նշանակված 6 (վեց) տարի ժամկետով ազատազրկում պատժից 3 (երեք) ամիսը, վեց դրվագով՝ ՀՀ քրեական օրենսգրքի 266-րդ հոդվածի 1-ին մասով, երկու դրվագով՝ ՀՀ քրեական օրենսգրքի 266-րդ հոդվածի 1-ին մասով` յուրաքանչյուր դրվագով նշանակված 3 (երեք) տարի 6 (վեց) ամիս ժամկետով ազատազրկումից 3 (երեք) ամիս ժամկետով ազատազրկումը, երկու դրվագով՝ ՀՀ քրեական օրենսգրքի 266-րդ հոդվածի 4-րդ մասով, նշանակված 50.000-ական ՀՀ դրամ գումարի չափով տուգանքը և Գագիկ Գենոդիկի Գալստյանի նկատմամբ վերջնական պատիժ նշանակել ազատազրկում՝ 8 (ութ) տարի 3 (երեք) ամիս ժամկետով՝ առանց գույքի բռնագրավման և տուգանք՝ 100.000 ՀՀ դրամ գումարի չափով: Պատժի սկիզբը հաշվել 2013 թվականի մայիսի 18-ից:
4. Ստորադաս դատարանների դատական ակտերը մնացած մասով թողնել անփոփոխ:
5. Որոշումն օրինական ուժի մեջ է մտնում դատական նիստերի դահլիճում հրապարակման պահից, վերջնական է և ենթակա չէ բողոքարկման:

Նախագահող` Լ.ԹԱԴԵՎՈՍՅԱՆ
Դատավորներ` Հ.ԱՍԱՏՐՅԱՆ
Ս.ԱՎԵՏԻՍՅԱՆ
Ե.ԴԱՆԻԵԼՅԱՆ
Ա.ՊՈՂՈՍՅԱՆ
Ս.ՕՀԱՆՅԱՆ

(1)Տե՛ս քրեական գործ հատոր 4, թերթ 40-43։

(2)Տե՛ս Վճռաբեկ դատարանի` Գասպար Պողոսյանի գործով 2011 թվականի հոկտեմբերի 20-ի թիվ ԳԴ1/0013/01/11 որոշման 16-17-րդ կետերը։
(3)Տե՛ս ՀՀ Սահմանադրական դատարանի` 2017 թվականի փետրվարի 14-ի թիվ ՍԴՈ-1348 որոշման 7-րդ կետը:
(4)Տե՛ս ՀՀ Սահմանադրական դատարանի` 2017 թվականի փետրվարի 14-ի թիվ ՍԴՈ-1348 որոշման եզրափակիչ մասը:
(5)Տե՛ս սույն որոշման 5-րդ կետը: