ԵԱՔԴ/0133/01/13

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
23.09.2013թ. ք. Երևան
Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանըª

նախագահությամբ դատավոր` Արմեն Խաչատրյանի,
քարտուղարությամբ` Մագդա Գրիգորյանի,
մասնակցությամբ մեղադրող` Կարեն Թորոսյանի,
պաշտպան` Արամ Հովհաննիսյանի,
տուժողի ներկայացուցիչ` Խորեն Քերոբյանի,

դատարանում, դռնբաց դատական նիստում, դատական քննության արագացված կարգով քննեց քրեական գործն ըստ մեղադրանքի

Արմեն Նապոլեոնի Մարկոսյանի` ծնված 19.01.1989թ.-ին, Մեծամոր քաղաքում, ազգությամբ հայ, ՀՀ քաղաքացի, ութամյա կրթությամբ, ամուսնացած, չի աշխատում, նախկինում չդատված, հաշվառված և բնակվում է Արմավիրի մարզ, ք. Մեծամոր, 1-ին թաղամաս, 24 շենք, 402 բնակարան հասցեում, մեղադրանք է առաջադրվել ՀՀ քրեական օրենսգրքի 325-րդ հոդվածի 2-րդ մասով նախատեսված հանցանք կատարելու համար, որպես խափանման միջոց է կիրառվել չհեռանալու մասին ստորագրությունը:
Դատարանը պարզեց հետևյալը.
2011 թվականի մայիսի 6-ին ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում ՀՀ քրեական օրենսգրքի 325-րդ հոդվածի 1-ին մասի հատկանիշներով հարուցվել է թիվ 14111711 քրեական գործը:
2013 թվականի օգոստոսի 14-ին Արմեն Նապոլեոնի Մարկոսյանը որպես մեղադրյալ է ներգրավվել ՀՀ քրեական օրենսգրքի 325-րդ հոդվածի 2-րդ մասով նախատեսված այն արարքի կատարման համար, որ ՙնա 2011թ. հունվար ամսին տաքսի ավտոմեքենայի սրահից գաղտնի վերցրել է իր ընկեր Էդուարդ Վալերի Ղարիբյանի աշխատանքի վայրից աշխատավարձի վերաբերյալ տեղեկանք, որը էլեկտրոնային կրիչի վրա պատճենահանելուց հետո իր կողմից վարձակալած Կոմիտաս պողոտայի 38 շենքի 27 բնակարանում իր համակարգչի միջոցով կեղծել է թվով 2 տեղեկանք` լրացնելով իր և իր ընկեր Հայկ Ռուբիկի Բաղդասարյանի տվյալները, համաձայն որի իբր ինքը աշխատում է ՙԱշխատանք՚ ՍՊ ընկերությունում որպես կահույքագործ-դիզայներ և ամսեկան ստանում է 170.000 ՀՀ դրամ աշխատավարձ, իսկ Հայկ Բաղդասարյանը իբր աշխատում է նույն ՙԱշխատանք՚ ՍՊ ընկերությունում որպես կահույքագործ և ամսեկան ստանում է 110.000 ՀՀ դրամ աշխատավարձ, այդ տեղեկանքները 2011թ. փետրվարի 20-ին ներկայացրել է ՙՆոր հորիզոն ունիվերսալ վարկային կազմակերպություն՚ ՍՊ ընկերություն` ակնհայտ կեղծ փաստաթղթերով վարկ ստանալու դիտավորությամբ:
Բացի այդ, Ա. Մարկոսյանը իր անվամբ կեղծել է նաև բնակության վայրից տեղեկանք` ՙՆոր հորիզոն ունիվերսալ վարկային կազմակերպություն՚ ՍՊ ընկերություն ներկայացնելու համար:
Այնուհետև 2011թ. մարտի 04-ին իր ընկեր Հայկ Բաղդասարյանի հետ միասին նախնական համաձայնությամբ ՙՆոր հորիզոն ունիվերսալ վարկային կազմակերպություն՚ ՍՊ ընկերությունից վարկ ստանալու դիտավորությամբ օգտագործել է իր կողմից նախապես կեղծված վերոնշյալ տեղեկանքները՚:
2013 թվականի օգոստոսի 22-ին ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում որոշում է կայացվել թիվ 14111711 քրեական գործից Հայկ Ռոբերտի Բաղդասարյանի մասը` ՀՀ քրեական օրենսգրքի 325-րդ հոդվածի 2-րդ մասի հատկանիշներով առանձնացնել առանձին վարույթում, որին շնորհվել է թիվ 14141413 համարը:
2013 թվականի օգոստոսի 26-ին թիվ 14111711 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան` ըստ էության քննելու համար:
Ամբաստանյալ Արմեն Մարկոսյանը, պահպանելով ՀՀ քրեական դատավարության օրենսգրքի 3751-րդ հոդվածով նախատեսված պայմանները, համաձայնվելով իրեն առաջադրված մեղադրանքի հետ, հայտնեց, որ առաջադրված մեղադրանքում իրեն մեղավոր է ճանաչում, միջնորդեց դատական քննությունն արագացված կարգով անցկացնել, նշելով, որ միջնորդությունը ներկայացնում է կամավոր, իր պաշտպանի հետ խորհրդակցելուց հետո և գիտակցում է իր կողմից ներկայացված միջնորդության բնույթն ու հետևանքները:
Տուժողի ներկայացուցիչ Խորեն Քերոբյանը չառարկեց դատական քննության արագացված կարգ կիրառելու դեմ, նշեց, որ ամբաստանյալն ամբողջությամբ հատուցել է հանցագործությամբ պատճառված վնասը, իսկ տույժերն ու տուգանքներն իրենք ներել են:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3753-րդ հոդվածներով նախատեսված պայմանները որոշում է կայացրել դատական քննության արագացված կարգ կիրառելու մասին:
Վերը նկարագրված հանցանքի կատարման մեջ Արմեն Մարկոսյանի մեղավորությունը հաստատվել է նախաքննության ընթացքում տված ինչպես ամբաստանյալի խոստովանական, այնպես էլ գործով տուժողի ներկայացուցիչ Խորեն Քերոբյանի, վկաներ Հայկ Բաղդասարյանի, Վանուշ Մինասյանի, Էդուարդ Ղարիբյանի, Ռոբերտ Բաղդասարյանի, Գայանե Տիգրանյանի ցուցմունքներով, փաստաթղթաբանական փորձաքննության փորձագետի թիվ Հմ` 33121101 եզրակացությամբ:
Հաշվի առնելով, որ ամբաստանյալ Արմեն Մարկոսյանն իրեն առաջադրված մեղադրանքի հետ համաձայնվել է, այն հաստատվել է գործով ձեռք բերված ապացույցներով, դատարանը գտնում է, որ ամբաստանյալ Ա. Մարկոսյանը ՀՀ քրեական օրենսգրքի 325-րդ հոդվածի 2-րդ մասի հատկանիշներին համապատասխան հանցավոր արարք կատարելու համար ենթակա է քրեական պատասխանատվության:
Ամբաստանյալի նկատմամբ պատիժ նշանակելիս դատարանը հաշվի է առնում ինչպես կատարած հանցագործության բնույթն ու հանրության համար վտանգավորության աստիճանը, այնպես էլ ամբաստանյալի անձը բնութագրող տվյալները` այն, որ ամբաստանյալը երիտասարդ է, նախկինում դատված ու արատավորված չի եղել:
Որպես ամբաստանյալի պատասխանատվությունը և պատիժը մեղմացնող հանգամանքներ դատարանը դիտում է այն, որ ամբաստանյալն առաջին անգամ հանգամանքների պատահական զուգորդմամբ է կատարել միջին ծանրության հանցանքը, ինչպես նաև այն, որ ամբաստանյալը նախաքննության ընթացքում ամբողջությամբ հատուցել է հանցագործությամբ տուժողին պատճառված վնասը:
Որպես ամբաստանյալի պատասխանատվությունը և պատիժը ծանրացնող հանգամանքներ դատարանը չի հայտնաբերել:
Դատարանը գտնում է, որ ամբաստանյալ Արմեն Մարկոսյանն իր կատարած հանցանքի համար ենթակա է պատժի, սակայն նրա նկատմամբ կիրառելի է ՀՀ Ազգային Ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ որոշումը:
Դատարանը գտնում է, որ ամբաստանյալ Արմեն Մարկոսյանի նկատմամբ որպես խափանման միջոց կիրառված չհեռանալու մասին ստորագրությունը պետք է թողնել անփոփոխ:
Քննարկելով իրեղեն ապացույցների հարցը` դատարանը գտնում է, որ դատավճիռն օրինական ուժի մեջ մտնելուց հետո իրեղեն ապացույց հանդիսացող Արմեն Մարկոսյանի կողմից բնակության վայրից` Երևանի Արաբկիր համայնքի ՙՇենքերի կառավարում՚ համատիրության 5-րդ մասնաճյուղից, իր անվամբ և աշխատանքի վայրից` ՙԱշխատանք՚ ՍՊԸ-ից, իր և Հայկ Ռոբերտի Բաղդասարյանի անվամբ կեղծված տեղեկանքները պետք է պահել քրեական գործի հետ միասին` վերջինիս պահելու ամբողջ ժամանակամիջոցում:
Ղեկավարվելով ՀՀ ազգային Ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011 թվականի մայիսի 26-ի որոշման 1-ին կետի 3-րդ ենթակետով, ՀՀ քրեական դատավարության օրենսգրքի 119-րդ, 357-360-րդ, 365-րդ, 369-373-րդ, 3753-րդ հոդվածներով` դատարանը

Վ Ճ Ռ Ե Ց

Ամբաստանյալ Արմեն Նապոլեոնի Մարկոսյանին մեղավոր ճանաչել ՀՀ քրեական օրենսգրքի 325-րդ հոդվածի 2-րդ մասով նախատեսված հանցանք կատարելու մեջ և նրան դատապարտել տուգանքի` նվազագույն աշխատավարձի վեցհարյուրապատիկի` 600.000 /վեց հարյուր հազար/ ՀՀ դրամի չափով:
Հայաստանի Հանրապետության ազգային Ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011թ.-ի մայիսի 26-ի որոշման 1-ին կետի 3-րդ ենթակետի համաձայն ամբաստանյալ Արմեն Մարկոսյանին ազատել պատիժը կրելուց:
Արմեն Մարկոսյանի նկատմամբ որպես խափանման միջոց կիրառված չհեռանալու մասին ստորագրությունը թողնել անփոփոխ:
Դատավճիռն օրինական ուժի մեջ մտնելուց հետո իրեղեն ապացույց հանդիսացող Արմեն Մարկոսյանի կողմից բնակության վայրից` Երևանի Արաբկիր համայնքի ՙՇենքերի կառավարում՚ համատիրության 5-րդ մասնաճյուղից, իր անվամբ և աշխատանքի վայրից` ՙԱշխատանք՚ ՍՊԸ-ից, իր և Հայկ Ռոբերտի Բաղդասարյանի անվամբ կեղծված տեղեկանքները` պահել քրեական գործի հետ միասին` վերջինիս պահելու ամբողջ ժամանակամիջոցում:
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո մեկամսյա ժամկետում, բացառությամբ ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքի:

դատավոր` ստորագրություն
Բնագրի հետ ճիշտ է`
դատավոր` Ա. Խաչատրյան