ԵԱՔԴ/0131/01/13

Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
18.10.2013թ. ք. Երևան
Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանըª

նախագահությամբ դատավոր` Արմեն Խաչատրյանի,
քարտուղարությամբ` Մագդա Գրիգորյանի,
մասնակցությամբ մեղադրող` Վարդգես Գևորգյանի,
պաշտպաններ` Արթուր Ղազարանի, Արա Մաթևոսյանի,

դատարանում, դռնբաց դատական նիստում, դատական քննության արագացված կարգով քննեց քրեական գործն ըստ մեղադրանքի


Օնիկ Դերենիկի Հունանյանի` ծնված 22.05.1956թ.-ին, Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին ոչ ոք, ներկայումս չի աշխատում, դատվածություն չունեցող, հաշվառված և բնակվում է ք. Երևան, Ավան, Դուրյան թաղամաս 38 շենք, բնակարան 30 հասցեում, մեղադրանք է առաջադրվել ՀՀ քրեական օրենսգրքի 193-րդ հոդվածով նախատեսված հանցանք կատարելու համար, խափանման միջոց է կիրառվել չհեռանալու մասին ստորագրությունը:

Դատարանը պարզեց հետևյալը.
2013 թվականի ապրիլի 19-ին ՀՀ կառավարությանն առընթեր պետական եկամուտների կոմիտեի քննչական վարչությունում ՀՀ քրեական օրենսգրքի 193-րդ հոդվածի հատկանիշներով հարուցվել է թիվ 83105213 քրեական գործը:
2013 թվականի օգոստոսի 13-ին Օնիկ Դերենիկի Հունանյանը որպես մեղադրյալ է ներգրավվել ՀՀ քրեական օրենսգրքի 193-րդ հոդվածով նախատեսված այն արարքի կատարման համար, որ ՙնա հանդիսանալով ՀՀ ԿԱ ՊԵԿ Արաբկիրի հարկային տեսչությունում հաշվառված ՙՌՕԱ-Գազ՚ ՍՊ ընկերության փաստացի տնօրեն, զբաղվել է ձեռնարկատիրական գործունեությամբ, այն է` իրականացրել է գազաֆիկացման աշխատանքներ, սակայն 2008-2010թթ. ծավալած գործունեության վերաբերյալ հարկային տեսչություն ներկայացրած հաշվարկներում և հաշվետվություններում արտացոլված հարկային պարտավորությունները սեփական շահերից ելնելով չի կատարել, թեև ունեցել է դրանք վճարելու հնարավորություն և կանխամտածված ստեղծելով անվճարունակության հատկանիշներ պարտատիրոջը` պետությանը, պատճառել է խոշոր չափի` 8.205.000 դրամի վնաս՚:
2013 թվականի օգոստոսի 22-ին թիվ 83105213 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան` ըստ էության քննելու համար:
Դատական քննության ժամանակ ամբաստանյալ Օնիկ Հունանյանը միջնորդություն ներկայացրեց դատարան դատական քննության արագացված կարգ կիրառելու վերաբերյալ: Միջնորդությամբ հայտնեց, որ գտնում է, որ սույն քրեական գործն անհրաժեշտ է քննել արագացված դատական քննության կարգով, քանի որ ինքը համաձայնվել է իրեն առաջադրված մեղադրանքի հետ, առաջադրված մեղադրանքում իրեն մեղավոր է ճանաչում, գիտակցում է իր կողմից կատարվող միջնորդության բնույթը և հետևանքները, որոնք պաշտպանի կողմից իրեն բացատրվել են: ՀՀ քրեական դատավարության օրենսգրքի 3751-րդ հոդվածի էությունն իրեն պարզաբանված է: Միջնորդությունը ներկայացնում է կամավոր, պաշտպանի հետ խորհրդակցելուց հետո: Դատարանին միջնորդեց իր նկատմամբ քրեական գործը քննել արագացված դատական քննության կարգով:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3753-րդ հոդվածներով նախատեսված պայմանները որոշում է կայացրել դատական քննության արագացված կարգ կիրառելու մասին:
Վերը նկարագրված հանցանքի կատարման մեջ Օնիկ Հունանյանի մեղավորությունը հաստատվել է նախաքննության ընթացքում տված ինչպես ամբաստանյալի խոստովանական, այնպես էլ գործով վկաներ Տալիտա Ալեքսանյանի, Արթուր Օհանյանի, Ժանետա Հունանյանի, նախաքննության ընթացքում տված ցուցմունքներով, դատահաշվապահական փորձաքննության փորձագետի թիվ Հմ` 11-2250 եզրակացությամբ, որպես ապացույց ճանաչված այլ փաստաթղթերով` ՙՌՕԱ-Գազ՚ ՍՊ ընկերության հարկային և սոցիալական ապահովադրի գործերով, ՙԵրՄՄԳՀԻ՚ ՓԲ ընկերության և ՙՌՕԱ-Գազ՚ ՍՊ ընկերության միջև կնքված գործարքները հաստատող փաստաթղթերի, մասնավորապես պայմանագրերի, վճարման հանձնարարագրերի, հաշիվ-ապրանքագրերի, հանձնման-ընդունման ակտերի, 2008-2009թթ.-ի կազմակերպության գործունեության վերաբերյալ հարկային մարմիններին ներկայացված հաշվարկների և հաշվետվությունների պատճեններով, ՙՌՕԱ-Գազ՚ ՍՊ ընկերության բանկային հաշվի քաղվածքի վերաբերյալ տեղեկանքով:
Հաշվի առնելով, որ ամբաստանյալ Օնիկ Հունանյանն իրեն առաջադրված մեղադրանքի հետ համաձայնվել է, այն հաստատվել է գործով ձեռք բերված ապացույցներով, դատարանը գտնում է, որ ամբաստանյալ Օ. Հունանյանը ՀՀ քրեական օրենսգրքի 193-րդ հոդվածի հատկանիշներին համապատասխան հանցավոր արարք կատարելու համար ենթակա է քրեական պատասխանատվության:
Ամբաստանյալի նկատմամբ պատիժ նշանակելիս դատարանը հաշվի է առնում ինչպես կատարած հանցագործությունների բնույթն ու հանրության համար վտանգավորության աստիճանը, այնպես էլ ամբաստանյալի անձը բնութագրող տվյալները` այն, որ հարևաների կողմից բնութագրվում է դրականորեն /բնութագիրը հաստատվել է ՙԱվան-1՚ համատիրության նախագահ Ա. Լևոնյանի կողմից/:
Որպես ամբաստանյալի պատիժը և պատասխանատվությունը մեղմացնող հանգամանք դատարանը դիտում է այն, որ նա մասնակիորեն` 2.500.000 /երկու միլիոն հինգ հարյուր հազար/ ՀՀ դրամի չափով վերականգնել է պետությանը պատճառված վնասը:
Որպես ամբաստանյալի պատասխանատվությունը և պատիժը ծանրացնող հանգամանք դատարանը չի հայտնաբերել:
Դատարանը գտնում է, որ ամբաստանյալ Օնիկ Հունանյանն իր կատարած հանցանքի համար ենթակա է պատժի, սակայն նրա նկատմամբ կիրառելի է ՀՀ ազգային ժողովի 2011 թվականի մայիսի 26-ի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ որոշումը:
Դատարանը գտնում է, որ ամբաստանյալ Օնիկ Հունանյանի նկատմամբ որպես խափանման միջոց կիրառված չհեռանալու մասին ստորագրությունը պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանն անդրադառնալով ՀՀ ԿԱ ՊԵԿ քննչական վարչության քննիչ Լ. Վարդանյանի 15.08.2013թ.-ի գույքի վրա կալանք դնելու մասին որոշմամբ Օնիկ Դերենիկի Հունանյանի, ինչպես նաև ՙՌՕԱ-Գազ՚ /ՀՎՀՀ 00080106/ ՍՊ ընկերությանը սեփականության իրավունքով պատկանող անշարժ գույքի և ավտոմեքենաների վրա դրված կալանքներին` գտնում է, որ դրանք դատավճիռն օրինական ուժի մեջ մտնելուց հետո պետք է վերացնել:
Ղեկավարվելով Հայաստանի Հանրապետության ազգային ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011 թվականի մայիսի 26-ի որոշման 1-ին կետի 1-ին ենթակետով, ՀՀ քրեական դատավարության օրենսգրքի 238-րդ, 357-360-րդ, 365-րդ, 369-373-րդ, 3753-րդ հոդվածներով` դատարանը

Վ Ճ Ռ Ե Ց

Ամբաստանյալ Օնիկ Դերենիկի Հունանյանին մեղավոր ճանաչել ՀՀ քրեական օրենսգրքի 193-րդ հոդվածով նախատեսված հանցանք կատարելու մեջ և նրան դատապարտել ազատազրկման` 3 /երեք/ տարի ժամկետով:
Հայաստանի Հանրապետության ազգային ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011թ.-ի մայիսի 26-ի որոշման 1-ին կետի 1-ին ենթակետի համաձայն ամբաստանյալ Օնիկ Հունանյանին ազատել պատիժը կրելուց:
Օնիկ Հունանյանի նկատմամբ որպես խափանման միջոց կիրառված չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը:
ՀՀ ԿԱ ՊԵԿ քննչական վարչության քննիչ Լ. Վարդանյանի 15.08.2013թ.-ի գույքի վրա կալանք դնելու մասին որոշմամբ Օնիկ Դերենիկի Հունանյանի, ինչպես նաև ՙՌՕԱ-Գազ՚ /ՀՎՀՀ 00080106/ ՍՊ ընկերությանը սեփականության իրավունքով պատկանող անշարժ գույքի և ավտոմեքենաների վրա դրված կալանքները` վերացնել:
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո մեկամսյա ժամկետում, բացառությամբ ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքի:

դատավոր` ստորագրություն
Բնագրի հետ ճիշտ է`
դատավոր` Ա. Խաչատրյան