ԵԱՔԴ/0130/01/13

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
30.09.2013թ. ք. Երևան

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանըª

նախագահությամբ դատավոր` Արմեն Խաչատրյանի,
քարտուղարությամբ` Մագդա Գրիգորյանի,
մասնակցությամբ մեղադրող` Էդգար Պետրոսյանի,
պաշտպան` Վարդան Մելքոնյանի,

դատարանում, դռնբաց դատական նիստում, դատական քննության արագացված կարգով քննեց քրեական գործն ըստ մեղադրանքի

Կարեն Հրաչիկի Ալավերդյանի` ծնված 1965թ. ապրիլի 9-ին, Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնալուծված, չի աշխատել, զբաղվել է առևտրով, նախկինում դատված`
1. Երևան քաղաքի Կենտրոն և Նորք-Մարաշ համայնքների առաջին ատյանի դատարանի 25.12.2002թ. դատավճռով, 1961թ.-ի ՀՀ քրեական օրենսգրքի 89-րդ հոդվածի 2-րդ մասով դատապարտվել է ազատազրկման 3 տարի ժամկետով, 20.05.2003թ.-ին պատժի պայամանական վաղաժամկետ ազատվել է,
2. Երևան քաղաքի Արաբկիր և Քանաքեռ-Զեյթուն համայնքների առաջին ատյանի դատարանի 24.02.2004թ. դատավճռով մեղավոր է ճանաչվել ՀՀ քրեական օրենսգրքի 178-րդ հոդվածի 2-րդ մասի 3-րդ և 4-րդ կետերով և ՀՀ քրեական օրենսգրքի 67-րդ հոդվածի կիրառմամբ դատապարտվել է ազատազրկման 2 տարի 6 ամիս ժամկետով,
3. Երևան քաղաքի Արաբկիր և Քանաքեռ-Զեյթուն համայնքների առաջին ատյանի դատարանի 25.03.2004թ. դատավճռով մեղավոր է ճանաչվել ՀՀ քրեական օրենսգրքի 178-րդ հոդվածի 2-րդ մասի 2-րդ, 3-րդ և 4-րդ կետերով և ՀՀ քրեական օրենսգրքի 66-րդ հոդվածի 6-րդ կետի կիրառմամբ դատապարտվել է ազատազրկման 3 տարի ժամկետով և տուգանքի 50.000 ՀՀ դրամի չափով,
4. Երևան քաղաքի Կենտրոն և Նորք-Մարաշ համայնքների առաջին ատյանի 18.05.2004թ. դատավճռով մեղավոր է ճանաչվել ՀՀ քրեական օրենսգրքի 178-րդ հոդվածի 2-րդ մասի 2-րդ և 3-րդ կետերով և ՀՀ քրեական օրենսգրքի 66-րդ հոդվածի 6-րդ մասի կիրառմամբ դատապարտվել է ազատազրկման 4 տարի ժամկետով և տուգանքի 50.000 ՀՀ դրամի չափով, 12.07.2006թ.-ին պատժից պայմանական վաղաժամկետ ազատվել է,
5. Երևան քաղաքի Արաբկիր և Քանաքեռ-Զեյթուն համայնքների առաջին ատյանի դատարանի 28.07.2004թ. դատավճռով մեղավոր է ճանաչվել ՀՀ քրեական օրենսգրքի 178-րդ հոդվածի 2-րդ մասի 3-րդ կետով և ՀՀ քրեական օրենսգրքի 66-րդ հոդվածի 6-րդ մասի կիրառմամբ դատապարտվել է ազատազրկման 4 տարի 3 ամիս ժամկետով և տուգանքի 50.000 ՀՀ դրամի չափով, ՀՀ վերաքննիչ քրեական դատարանի 16.09.2004թ. որոշմամբ նշանակված պատիժը նվազեցվել է և նշանակվել է ազատազրկում 4 տարի ժամկետով,
6. Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 19.02.2010թ. դատավճռով ՀՀ քրեական օրենսգրքի 178-րդ հոդվածի 3-րդ մասի 3-րդ կետով դատապարտվել է ազատազրկման 5 տարի ժամկետով, Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 22.06.2011թ.-ի որոշմամբ 19.02.2010թ. դատավճիռը վերանայվել է, արարքը վերաորակվել է ՀՀ քրեական օրենսգրքի 178-րդ հոդվածի 1-ին մասով և պատիժ է նշանակվել ազատազրկում 1 տարի 4 ամիս ժամկետով, 22.06.2011թ.-ին ազատվել է պատժի կրումից,
7. Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 28.06.2013թ. դատավճռով մեղավոր է ճանաչվել ՀՀ քրեական օրենսգրքի 178-րդ հոդվածի 1-ին մասով նախատեսված 3 դրվագով և ՀՀ քրեական օրենսգրքի 66-րդ հոդվածի 3-րդ մասի կիրառմամբ դատապարտվել է ազատազրկման 2 տարի 6 ամիս ժամկետով,
8. Երևան քաղաքի Շենգավիթ վարչական շրջանի ընդհանուր իրավասության դատարանի 03.07.2013թ. դատավճռով մեղավոր է ճանաչվել ՀՀ քրեական օրենսգրքի 178-րդ հոդվածի 1-ին մասով և ՀՀ քրեական օրենսգրքի 66-րդ հոդվածի 2-րդ մասի կիրառմամբ դատապարտվել ազատազրկման 3 տարի 6 ամիս ժամկետով, դատվածությունը չմարված, հաշվառված և բնակվել է ք. Երևան, Ավան, Դուրյան 50 շենք, 45 բնակարան հասցեում, մեղադրանք է առաջադրվել ՀՀ քրեական օրենսգրքի 178-րդ հոդվածի 1-ին մասով, ՀՀ քրեական օրենսգրքի 178-րդ հոդվածի 1-ին մասով և ՀՀ քրեական օրենսգրքի 176-րդ հոդվածի 1-ին մասով նախատեսված հանցանքներ կատարելու համար, կալանքի տակ է 2013 թվականի մայիսի 15-ից:
Դատարանը պարզեց հետևյալը.
2013 թվականի մայիսի 15-ին ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում ՀՀ քրեական օրենսգրքի 176-րդ հոդվածի 1-ին մասի և ՀՀ քրեական օրենսգրքի 178-րդ հոդվածի 1-ին մասի հատկանիշներով հարուցվել է թիվ 14126413 քրեական գործը:
2013 թվականի հուլիսի 2-ին ՀՀ ոստիկանության ՔԳՎ Երևան քաղաքի քննչական վարչության Նոր Նորքի քննչական բաժնում ՀՀ քրեական օրենսգրքի 178-րդ հոդվածի 1-ին մասի հատկանիշներով հարուցվել է թիվ 17134613 քրեական գործը:
2013 թվականի հուլիսի 3-ին ՀՀ ոստիկանության ՔԳՎ Երևան քաղաքի քննչական վարչության Նոր Նորքի քննչական բաժնում որոշում է կայացվել թիվ 17134613 քրեական գործն ըստ քննչական ենթակայության ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժին ուղարկելու մասին:
2013 թվականի հուլիսի 3-ին ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում թիվ 17134613 քրեական գործը միացվել է թիվ 14126413 քրեական գործին և գործի քննությունը շարունակվել է թիվ 14126413 համարով:
2013 թվականի օգոստոսի 12-ին Կարեն Հրաչիկի Ալավերդյանը որպես մեղադրյալ է ներգրավվել ՀՀ քրեական օրենսգրքի 178-րդ հոդվածի 1-ին մասով, ՀՀ քրեական օրենսգրքի 178-րդ հոդվածի 1-ին մասով և ՀՀ քրեական օրենսգրքի 176-րդ հոդվածի 1-ին մասով նախատեսված այն արարքների կատարման համար, որ ՙնա 2013 թվականի մարտ ամսին խարդախությամբ ուրիշի գույքի հափշտակություն կատարելու դիտավորությամբ, կահույք գնելու պատրվակով գնալով Սվետլաննա Վասիլիի Բարոնովային պատկանող Երևան քաղաքի Կիևյան 8-րդ շենքի 4-րդ բնակարան, խաբեության և Սվետլաննա Բարոնովայի վստահությունը չարաշահելու եղանակով, կրկնօրինակ պատրաստելու և մեկ շաբաթից վերադարձնելու պատրվակով խարդախությամբ հափշտակել է վերջինիս պատկանող ՙՊիոներ՚ տեսակի ֆարֆորե արձանիկը` Սվետլաննա Բորոնովային պատճառելով զգալի չափի` 200.000 ՀՀ դրամի գույքային վնաս:
Բացի այդ, Կարեն Ալավերդյանը 2013 թվականի մարտ ամսին կրկին կահույք գնելու պատրվակով գնալով Սվետլաննա Վասիլիի Բարոնովային պատկանող Երևան քաղաքի Կիևյան 8-րդ շենքի 4-րդ բնակարան, ուրիշի գույքի բացահայտ հափշտակություն կատարելու դիտավորությամբ Սվետլաննա Բորոնովայի ներկայությամբ բացահայտ հափշտակել է վերջինիս պատականող արծաթե բռնակով ճենապակյա վազը` Սվետլաննա Բորոնովային պատճառելով զգալի չափի` 200.000 ՀՀ դրամի գույքային վնաս:
Բացի այդ, Կարեն Ալավերդյանը 2013 թվականի ապրիլի 27-ին ժամը 17:00-ի սահմաններում խարդախությամբ ուրիշի գույքի հափշտակություն կատարելու դիտավորությամբ, կահույք գնելու պատրվակով գնալով Լաուրա Իսրայելի Սահրադյանին պատկանող Երևան քաղաքի Նոր Նորքի 2-րդ զանգված Ն. Ստեփանյան 5-րդ շենքի 13-րդ բնակարան, խաբեության Լաուրա Սահրադյանի վստահությունը չարաշահելու եղանակով, կրկնօրինակ պատրաստելու և մեկ շաբաթից վերադարձնելու պատրվակով խարդախությամբ հափշտակել է վերջինիս պատկանող 90 գրամ քաշով արծաթյա գդալը` Լաուրա Սահրադյանին պատճառելով զգալի չափի` 40.000 ՀՀ դրամի գույքային վնաս՚:
2013 թվականի օգոստոսի 16-ին թիվ 14126413 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան` ըստ էության քննելու համար:
Դատական քննության ընթացքում Կ. Ալավերդյանի վերաբերյալ ՀՀ քրեական օրենսգրքի 178-րդ հոդվածի 1-ին մասով 2 դրվագներով քրեական հետապնդումը դադարեցվել է` ամբաստանյալի հետ տուժողների հաշտվելու պատճառաբանությամբ:
Ամբաստանյալ Կարեն Ալավերդյանը, պահպանելով ՀՀ քրեական դատավարության օրենսգրքի 3751-րդ հոդվածով նախատեսված պայմանները, համաձայնվելով իրեն առաջադրված մեղադրանքի հետ, հայտնեց, որ առաջադրված մեղադրանքում իրեն մեղավոր է ճանաչում, միջնորդեց դատական քննությունն արագացված կարգով անցկացնել, նշելով, որ միջնորդությունը ներկայացնում է կամավոր, իր պաշտպանի հետ խորհրդակցելուց հետո և գիտակցում է իր կողմից ներկայացված միջնորդության բնույթն ու հետևանքները:
Մեղադրող Է. Պետրոսյանը դատարանի առաջարկությամբ փոխեց իր դիրքորոշումը և հայտնեց, որ չի առարկում դատական քննության արագացված կարգ կիրառելու դեմ:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3753-րդ հոդվածներով նախատեսված պայմանները որոշում է կայացրել դատական քննության արագացված կարգ կիրառելու մասին:
Վերը նկարագրված հանցանքի կատարման մեջ Կարեն Ալավերդյանի մեղավորությունը հաստատվել է նախաքննության ընթացքում տված ինչպես ամբաստանյալի խոստովանական, այնպես էլ գործով տուժողներ Սվետլաննա Բարոնովայի ցուցմունքով, անձին ճանաչման ներկայացնելու մասին 15.05.2013թ.-ի արձանագրությամբ:
Հաշվի առնելով, որ ամբաստանյալ Կարեն Ալավերդյանն իրեն առաջադրված մեղադրանքի հետ համաձայնվել է, այն հաստատվել է գործով ձեռք բերված ապացույցներով, դատարանը գտնում է, որ ամբաստանյալ Կ. Ալավերդյանը ՀՀ քրեական օրենսգրքի 176-րդ հոդվածի 1-ին մասի հատկանիշներին համապատասխան հանցավոր արարք կատարելու համար ենթակա է քրեական պատասխանատվության:
Ամբաստանյալի նկատմամբ պատիժ նշանակելիս դատարանը հաշվի է առնում ինչպես կատարած հանցագործության բնույթն ու հանրության համար վտանգավորության աստիճանը, այնպես էլ ամբաստանյալի անձը բնութագրող տվյալները:
Որպես ամբաստանյալ Կարեն Ալավերդյանի պատասխանատվությունը և պատիժը մեղմացնող հանգամանք դատարանը դիտում է, այն որ վերջինս ինքնակամ է ներկայացել ՀՀ ոստիկանության Արաբկիրի բաժին:
Որպես ամբաստանյալ Կարեն Ալավերդյանի պատասխանատվությունը և պատիժը ծանրացնող հանգամանքներ դատարանը դիտում է հանցանքները կատարելու առանձնապես վտանգավոր ռեցիդիվը:
Դատարանը գտնում է, որ ամբաստանյալ Կարեն Ալավերդյանի նկատմամբ պատիժը պետք է նշանակվի ՀՀ քրեական օրենսգրքի 671-րդ հոդվածի կանոններով: Միաժամանակ հաշվի առնելով այն, որ Կ. Ալավերդյանը ՀՀ քրեական օրեսնգրքի 176-րդ հոդվածի 1-ին մասով նախատեսված հանցանքը կատարել է նախքան Երևան քաղաքի Շենգավիթ վարչական շրջանի ընդհանուր իրավասության դատարանի թիվ ԵՇԴ/0039/01/13 քրեական գործով 03.07.2013թ. դատավճիռ կայացնելը, ուստի դատարանը գտնում է, որ ամբաստանյալ Կարեն Ալավերդյանի նկատմամբ վերջնական պատիժը պետք է նշանակվի ՀՀ քրեական օրենսգրքի 66-րդ հոդվածի կանոնների համաձայն: Կ. Ալավերդյանն իր նկատմամբ նշանակված պատիժը պետք է կրի ՀՀ ԱՆ համապատասխան քրեակատարողական հիմնարկում, իսկ նրա նկատմամբ որպես խափանման միջոց կիրառված կալանավորումը պետք է թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո Կարեն Ալավերդյանի անձնական խուզարկությամբ հայտնաբերված ՙՆոկիա՚ տեսակի բջջային հեռախոսը` 098-33-65-04 հեռախոսահամարով, և դրամապանակը պետք է վերադարձնել Կարեն Ալավերդյանին:
Ղեկավարվելով ՀՀ քրեական օրենսգրքի 66-րդ հոդվածով, ՀՀ քրեական դատավարության օրենսգրքի 357-360-րդ, 365-րդ, 367-րդ, 369-373-րդ, 3753-րդ հոդվածներով` դատարանը
Վ Ճ Ռ Ե Ց

Ամբաստանյալ Կարեն Հրաչիկի Ալավերդյանին մեղավոր ճանաչել ՀՀ քրեական օրենսգրքի 176-րդ հոդվածի 1-ին մասով նախատեսված հանցանք կատարելու մեջ և դատապարտել ազատազրկման 2 /երկու/ տարի 3 /երեք/ ամսի ժամկետով:
ՀՀ քրեական օրենսգրքի 66-րդ հոդվածի համաձայն նշանակված պատժին մասնակիորեն գումարել նախորդ` Երևան քաղաքի Շենգավիթ վարչական շրջանի ընդհանուր իրավասության դատարանի 03.07.2013թ.-ի դատավճռով նշանակված պատժի` 3 տարի 6 ամիս ժամկետով ազատազրկման չկրած մասից ազատազրկում 2 /երկու/ տարի 3 /երեք/ ամիս ժամկետով և ամբաստանյալ Կարեն Ալավերդյանի նկատմամբ վերջնական պատիժ նշանակել ազատազրկում 4 /չորս/ տարի 6 /վեց/ ամիս ժամկետով:
Կարեն Ալավերդյանի պատժի սկիզբը հաշվել 2013 թվականի մայիսի 15-ից, որը պետք է կրի ՀՀ ԱՆ համապատասխան քրեակատարողական հիմնարկում:
Կարեն Ալավերդյանի նկատմամբ որպես խափանման միջոց կիրառված կալանավորումը թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո Կարեն Ալավերդյանի անձնական խուզարկությամբ հայտնաբերված ՙՆոկիա՚ տեսակի բջջային հեռախոսը` 098-33-65-04 հեռախոսահամարով, և դրամապանակը վերադարձնել Կարեն Ալավերդյանին:
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո մեկամսյա ժամկետում, բացառությամբ ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքի:

դատավոր` ստորագրություն
Բնագրի հետ ճիշտ է`
դատավոր` Ա. Խաչատրյան