ԵԱՔԴ/0120/01/13

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր` Լ. Ավետիսյան
քարտուղարությամբ` Ե. Կարապետյանի
մասնակցությամբ
մեղադրող` Հ. Ենոքյանի
պաշտպան` Տ. Աբրահամյանի

2013 թվականի սեպտեմբերի 23-ին, Երևան քաղաքում, դռնբաց դատական նիստում, դատական քննության արագացված կարգով, քննեց քրեական գործն ըստ մեղադրանքի`
1. Գոռ Վաչիկի Թադևոսյանի, ծնված 1957 թվականի հունվարի 27-ին, Երևան քաղաքում, ազգությամբ հայ, ՀՀ քաղաքացի, միջնակարգ մասնագիտական կրթությամբ, ամուսնացած, խնամքին ոչ ոք, նախկինում չդատված, չի աշխատում, ֆիզիկապես վատառողջ, հաշվառված և բնակվում է Երևան քաղաքի Կ. Ուլնեցու փողոցի 72 շենքի թիվ 7 բնակարան հասցեում, մեղադրվում է ՀՀ քրեական օրենսգրքի 179 հոդվածի 2-րդ մասի 2-րդ կետով, որպես խափանման միջոց է ընտրվել չհեռանալու մասին ստորագրությունը,
2. Էդգար Սերգեյի Ալեքսանյանի ծնված 1984 թվականի մայիսի 07-ին, Թբիլիսի քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուրի, նախկինում չդատված, ֆիզիկապես վատառողջ, չի աշխատում, հաշվառված և բնակվում է Երևան քաղաքի, Նոր-Նորքի 9-րզ զանգվածի 23/48 շենքի թիվ 29 բնակարան հասցեում, մեղադրվում է ՀՀ քրեական օրենսգրքի 179 հոդվածի 2-րդ մասի 2-րդ կետով, որպես խափանման միջոց է ընտրվել չհեռանալու մասին ստորագրությունը,
3. Ստելա Բախշիի Սարհատյանի ծնված 1956 թվականի մայիսի 21-ին, Իջևանի շրջանի Վազաշեն գյուղում, ազգությամբ հայ, ՀՀ քաղաքացի, միջնակարգ մասնագիտական կրթությամբ, ամուսնացած, նախկինում չդատված, չի աշխատում, հաշվառված և բնակվում է Երևան քաղաքի, Ավանի Դուրյան թաղամասի 49 շենքի թիվ 17 բնակարան հասցեում, մեղադրվում է ՀՀ քրեական օրենսգրքի 179 հոդվածի 2-րդ մասի 2-րդ կետով, որպես խափանման միջոց է ընտրվել չհեռանալու մասին ստորագրությունը:

Պ Ա Ր Զ Ե Ց

1.Գործի դատավարական նախապատմությունը.
2011 թվականի մայիսի 16-ին ՀՀ գլխավոր դատախազության պետական շահերի պաշտպանության վարչությունում ՀՀ քրեական օրենսգրքի 179 հոդվածի 3-րդ մասի 1-ին կետով, 308 հոդվածի 2-րդ և 314 հոդվածի 1-ին մասերով նախատեսված հանցագործության հատկանիշներով հարուցվել է թիվ 61203311 քրեական գործը:
Նախաքննության մարմնի 2013 թվականի հունիսի 25-ի որոշմամբ Էդգար Սերգեյի Ալեքսանյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 179 հոդվածի 1-ին մասով, նրա նկատմամբ որպես խափանման միջոց է ընտրվել չհեռանալու մասին ստորագրությունը:
2013 թվականի հունիսի 25-ի որոշմամբ Էդգար Սերգեյի Ալեքսանյանի նկատմամբ առաջադրված մեղադրանքը փոփոխվել, լրացվել և նրան նոր մեղադրանք է առաջադրվել ՀՀ քրեական օրենսգրքի 179 հոդվածի 1-ին մասով, 325 հոդվածի 1-ին մասով, 179 հոդվածի 2-րդ մասի 2-րդ կետով, 325 հոդվածի 1-ին մասով:
Նախաքննության մարմնի 2013 թվականի հունիսի 25-ի որոշմամբ Ստելլա Բախշիի Սարհատյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 179 հոդվածի 2-րդ մասի 2-րդ կետով և 325 հոդվածի 1-ին մասով, նրա նկատմամբ որպես խափանման միջոց է ընտրվել չհեռանալու մասին ստորագրությունը:
Նախաքննության մարմնի 2013 թվականի հունիսի 25-ի որոշմամբ Գոռ Վաչիկի Թադևոսյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 179 հոդվածի 2-րդ մասի 2-րդ կետով, նրա նկատմամբ որպես խափանման միջոց է ընտրվել չհեռանալու մասին ստորագրությունը:
Նախաքննության մարմնի 2013 թվականի հունիսի 25-ի որոշմամբ Վոլոդյա Հովհաննեսի Գրիգորյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 179 հոդվածի 2-րդ մասի 2-րդ կետով, 325 հոդվածի 1-ին մասով, նրա նկատմամբ որպես խափանման միջոց է ընտրվել չհեռանալու մասին ստորագրությունը:
2013 թվականի հուլիսի 16-ի որոշմամբ թիվ 61203311 քրեական գործով Վոլոդյա Հովհաննեսի Գրիգորյանի նկատմամբ քրեական հետապնդում չի իրականացվել` համաներման ակտի ընդունման հիմքով:
2013 թվականի հուլիսի 17-ի որոշմամբ թիվ 61203311 քրեական գործից անջատվել է Գոռ Թադևոսյանի, Ստելա Սարհատյանի և Էդգար Ալեքսանյանի վերաբերյալ մասը, որին շնորհվել թիվ 69107013 քրեական գործի համարը:
2013 թվականի հունիսի 22-ին թիվ 69107013 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2.Գործի փաստական հանգամանքները.
Նախնական քննության մարմինն ամբաստանյալ Գոռ Վաչիկի Թադևոսյանին ՀՀ քրեական օրենսգրքի 179 հոդվածի 2-րդ մասի 2-րդ կետով մեղադրանք է առաջադրել այն արարքի կատարման համար, որ նա ՀՀ աշխատանքի և սոցիալական հարցերի նախարարության սոցիալական ապահովության պետական ծառայության աշխատակազմի վճարային ծառայության պետի 2008 թվականի հոկտեմբերի 1-ի թիվ 88 ԱԿ հրամանով մինչև 2010թ. դեկտեմբերը զբաղեցնելով նույն ծառայության աշխատակազմի վճարումների ծառայության Երևանի ՙԱրաբկիր-2՚ տարածքային բաժանմունքի պատասխանատուի պաշտոնը, հանդիսանալով նյութապես պատասխանատու անձ և օժտված լինելով բաժանմունքի տեսուչ-վճարողների միջոցով կենսաթոշակների վճարման գործընթացը կազմակերպելու և ղեկավարելու լիազորություններով, յուրացման եղանակով պետական միջոցներից զգալի չափերի հափշտակություն կատարելու դիտավորությամբ, նախնական համաձայնության գալով նույն բաժանմունքի տեսուչ-վճարողներ Էդգար Ալեքսանյանի, Ստելա Սարհատյանի և Վոլոդյա Գրիգորյանի հետ, 2009թ. մայիսից 2010թ. հունվարն ընկած ժամանակահատվածում յուրացման եղանակով կատարել է զգալի չափերի հափշտակություն, որն արտահայտվել է հետևյալում.
Գոռ Թադևոսյանի հանձնարարությամբ հիշյալ տեսուչ- վճարողները պարզել են տևական ժամանակով կենսաթոշակ չստացած և կենսաթոշակների վճարման ցուցակներում ընդգրկված, իրականում հանգուցյալ կենսաթոշակառուների տվյալները և օգտվելով այդ հանգամանքից, 2009թ. մայիսից 2010թ. հունվարն ընկած ժամանակահատվածում վճարային ցուցակներում կեղծելով այդ կենսաթոշակառուների ստորագրությունները, նրանց անվամբ անհիմն ելքագրել են իրենց վստահված կենսաթոշակի գումարները և Գոռ Թադևոսյանի հետ խմբով յուրացման եղանակով հափշտակել են զգալի չափերի` ընդհանուր 438.380 ՀՀ դրամ կենսաթոշակի գումարները:
Այսպես` Գոռ Թադևոսյանը Էդգար Ալեքսանյանի հետ խմբով, վերը նկարագրված եղանակով յուրացմամբ հափշտակել է կենսաթոշակառու, հանգուցյալ Անտոնինա Գալստյանի անվամբ 2009թ. մայիսին անհիմն ելքագրված 89.120 ՀՀ դրամ կենսաթոշակի գումարը:
Ստելա Սարհատյանի հետ խմբով, վերը նկարագրված եղանակով յուրացմամբ հափշտակել է կենսաթոշակառու, հանգուցյալ Շուշանիկ Ասլանյանի անվամբ 2009թ. հոկտեմբերին անհիմն ելքագրված 244.482 ՀՀ դրամ կենսաթոշակի գումարը:
Վոլոդյա Գրիգորյանի հետ խմբով, վերը նկարագրված եղանակով յուրացմամբ հափշտակել է կենսաթոշակառու, հանգուցյալ Շուշանիկ Ասլանյանի անվամբ 2010թ. հունվարին անհիմն ելքագրված 104.778 ՀՀ դրամ կենսաթոշակի գումարը:
Նախնական քննության մարմինն ամբաստանյալ Էդգար Սերգեյի Ալեքսանյանին ՀՀ քրեական օրենսգրքի 179 հոդվածի 1-ին մասով, 325 հոդվածի 1-ին մասով, 179 հոդվածի 2-րդ մասի 2-րդ կետով և 325 հոդվածի 1-ին մասով մեղադրանք է առաջադրել այն արարքների կատարման համար, որ նա ՀՀ աշխատանքի և սոցիալական հարցերի նախարարության սոցիալական պետական ծառայության աշխատակազմի վճարային ծառայության պետի 2005թ. հուլիսի 1-ի թիվ 92-կ հրամանով մինչև 2010թ. նոյեմբերն աշխատելով նույն ծառայության աշխատակազմի վճարումների ծառայության Երևանի Արաբկիր-2 տարածքային ստորաբաժանումում որպես վճարող- տեսուչ, հանդիսանալով նյութապես պատասխանատու անձ և օժտված լինելով կենսաթոշակների վճարման լիազորություններով, 2009թ. մայիսից նոյեմբերն ընկած ժամանակահատվածում պետությունից յուրացման եղանակով հափշտակել է կենսաթոշակի զգալի չափերով գումարներ, ինչպես նաև ստորաբաժանման պատասխանատու Գոռ Թադևոսյանի հետ նախնական համաձայնությամբ յուրացման եղանակով հափշտակել է կենսաթոշակի զգալի չափերով գումար, որն արտահայտվել է հետևյալում.
Էդգար Ալեքսանյանն իրեն վստահված կենսաթոշակների գումարներից յուրացման եղանակով զգալի չափերի հասնող գումարներ հափշտակելու դիտավորությամբ, օգտվելով կենսաթոշակների վճարման ցուցակներում ընդգրկված, իրականում հանգուցյալ կենսաթոշակառուների կենսաթոշակի գումարները վճարված չլինելու հանգամանքից 2009թ. օգոստոսին և նոյեմբերին կեղծելով պաշտոնական փաստաթուղթ հանդիսացող վճարային ցուցակներում ընդգրկված կենսաթոշակառուների ստորագրությունները, նրանց անվամբ անհիմն ելքագրել և յուրացման եղանակով հափշտակել է զգալի չափերի` 238.342 ՀՀ դրամ կենսաթոշակի գումարները:
Այսպես` Էդգար Ալեքսանյանը վերը նկարագրված եղանակով հափշտակել է կենսաթոշակառու, 2008թ. նոյեմբերի 25-ից հանգուցյալ, Անտոնինա Գալստյանի անվամբ 2009թ. օգոստոսին անհիմն ելքագրված 45.600 ՀՀ դրամ կենսաթոշակի գումարը, կենսաթոշակառու, 2008թ. դեկտեմբերի 17-ից հանգուցյալ, Ալմաստ Ավագյանի անվամբ 2009թ. նոյեմբերին անհիմն ելքագրված 192.742 ՀՀ դրամ կենսաթոշակի գումարը:
Բացի այդ, Էդգար Ալեքսանյանը Գոռ Թադևոսյանի հետ նախնական համաձայնությամբ, իրենց վստահված կենսաթոշակների գումարներից յուրացման եղանակով զգալի չափերի գումարներ հափշտակելու դիտավորությամբ, օգտվելով կենսաթոշակների վճարման ցուցակներում ընդգրկված կենսաթոշակառու Անտոնինա Գալստյանի կենսաթոշակի գումարները վճարված չլինելու հանգամանքից, 2009թ. մայիսին պաշտոնական փաստաթուղթ հանդիսացող վճարային ցուցակում կեղծելով վերջինիս ստորագրությունը , նրա անվամբ անհիմն ելքագրել և յուրացման եղանակով հափշտակել են զգալի չափերի 89.120 ՀՀ դրամ կենսաթոշակի գումար:
Նախնական քննության մարմինն ամբաստանյալ Ստելա Բախշիի Սարհատյանին ՀՀ քրեական օրենսգրքի 179 հոդվածի 2-րդ մասի 2-րդ կետով և 325 հոդվածի 1-ին մասով մեղադրանք է առաջադրել այն արարքների կատարման համար, որ նա ՀՀ աշխատանքի և սոցիալական հարցերի նախարարության սոցիալական ապահովության պետական ծառայության աշխատակազմի վճարային ծառայության պետի 2003թ. հուլիսի 7-ի թիվ 129-կ հրամանով մինչև 2010թ. դեկտեմբերն աշխատելով նույն ծառայության աշխատակազմի վճարումների ծառայության Երևանի Արաբկիր-2 տարածքային ստորաբաժանումում որպես վճարող-տեսուչ, հանդիսանալով նյութապես պատասխանատու անձ և օժտված լինելով կենսաթոշակների վճարման լիազորություններով, 2009թ. հոկտեմբերին նույն ստորաբաժանման պատասխանատու Գոռ Թադևոսյանի հետ նախնական համաձայնությամբ, յուրացման եղանակով պետությունից հափշտակել են կենսաթոշակի զգալի չափերով գումար, որն արտահայտվել է հետևյալում.
Ստելա Սարհատյանը Գոռ Թադևոսյանի հետ նախնական համաձայնությամբ, իրենց վստահված կենսաթոշակների գումարներից յուրացման եղանակով զգալի չափերի գումարներ հափշտակելու դիտավորությամբ, օգտվելով կենսաթոշակների վճարման ցուցակներում ընդգրկված, իրականում 2009թ. մարտի 24-ից հանգուցյալ կենսաթոշակառու Շուշանիկ Ասլանյանի կենսաթոշակի գումարնեը վճարված չլինելու հանգամանքից, 2009թ. հոկտեմբերին պաշտոնական փաստաթուղթ հանդիսացող վճարային ցուցակում կեղծելով վերջինիս ստորագրությունը, նրա անվամբ անհիմն ելքագրել և յուրացման եղանակով հափշտակել են զգալի չափերի 244.482 ՀՀ դրամ կենսաթոշակի գումար:
3. Արագացված դատական քննություն.
Մինչև դատաքննությունն սկսելն ամբաստանյալներ Գոռ Թադևոսյանը, Էդգար Ալեքսանյանը և Ստելա Սարհատյանը միջնորդեցին դատական քննությունն անցկացնել արագացված կարգով և հայտարարեցին, որ առաջադրված մեղադրանքն իրենց պարզ է, համաձայն են իրենց առաջադրված մեղադրանքին, գիտակցում են արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել են կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալների պաշտպան Տիգրան Աբրահամյանը:
Մեղադրող Հ. Ենոքյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
Նախքան դատական վիճաբանություններն սկսելն ամբաստանյալ Էդգար Ալեքսանյանն իր համաձայնությունը հայտնեց, որպեսզի ՀՀ քրեական օրենսգրքի 179 հոդվածի 1-ին և 325 հոդվածի 1-ին մասերով իր նկատմամբ քրեական հետապնդումը դադարեցվի` ՀՀ Ազգային Ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ որոշման հիման վրա:
Նման միջնորդությամբ հանդես եկավ նաև ամբաստանյալ Ստելա Սարհատյանը` ՀՀ քրեական օրենսգրքի 325 հոդվածի 1-ին մասով իր նկատմամբ քրեական հետապնդումը դադարեցնելու վերաբերյալ:
Դատարանի 23.09.2013թ. որոշմամբ ՀՀ Ազգային Ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011 թվականի մայիսի 26-ի որոշման 6-րդ կետի 2-րդ ենթակետի համաձայն ամբաստանյալ Էդգար Սերգեյի Ալեքսանյանի նկատմամբ ՀՀ քրեական օրենսգրքի 179 հոդվածի 1-ին մասով և ՀՀ քրեական օրենսգրքի 325 հոդվածի 1-ին մասով քրեական հետապնդումը դադարեցվել է:
Դատարանի 23.09.2013թ. որոշմամբ ՀՀ Ազգային Ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011 թվականի մայիսի 26-ի որոշման 6-րդ կետի 2-րդ ենթակետի համաձայն ամբաստանյալ Ստելա Բախշիի Սարհատյանի նկատմամբ ՀՀ քրեական օրենսգրքի 325 հոդվածի 1-ին մասով քրեական հետապնդումը դադարեցվել է:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Գոռ Թադևոսյանին առաջադրված մեղադրանքը ՀՀ քրեական օրենսգրքի 179 հոդվածի 2-րդ մասի 2-րդ կետով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 179 հոդվածի 2-րդ մասի 2-րդ կետին և արարքի որակումը ճիշտ է:
Ամբաստանյալ Էդգար Ալեքսանյանին առաջադրված մեղադրանքը ՀՀ քրեական օրենսգրքի 179 հոդվածի 2-րդ մասի 2-րդ կետով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 179 հոդվածի 2-րդ մասի 2-րդ կետին ն և արարքի որակումը ճիշտ է:
Ամբաստանյալ Ստելա Սարհատյանին առաջադրված մեղադրանքը ՀՀ քրեական օրենսգրքի 179 հոդվածի 2-րդ մասի 2-րդ կետով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 179 հոդվածի 2-րդ մասի 2-րդ կետին և արարքի որակումը ճիշտ է:
Կատարած արարքների համար ամբաստանյալ Գոռ Թադևոսյանը, Էդգար Ալեքսանյանը և Ստելա Սարհատյանը ենթակա են քրեական պատասխանատվության և պատժի:
Դատարանը նկատի ունենալով, որ ամբաստանյալները արարքները կատարել են 2009-2010թթ. ընթացքում, գտնում է, որ նրանց նկատմամբ պատիժ պետք է նշանակել ՀՀ քրեական օրենսգրքի /2005թ. հունվարի 18-ի խմբագրությամբ/ 179 հոդվածի 2-րդ մասի սանկցիային համապատասխան:
ՀՀ քրեական օրենսգրքի 12 հոդվածի համաձայն`
ՙ1. Արարքի հանցավորությունը և պատժելիությունը որոշվում են դա կատարելու ժամանակ գործող քրեական օրենքով:
2. Հանցանքը կատարելու ժամանակ է համարվում հանրության համար վտանգավոր գործողությունը (անգործությունը) իրականացնելու ժամանակը՝ անկախ հետևանքները վրա հասնելու պահից:՚
Նման պայմաններում ամբաստանյալներ Գոռ Թադևոսյանը, Էդգար Ալեքսանյանը և Ստելա Սարհատյանը ենթակա են քրեական պատասխանատվության և պատժի նախկին խմբագրությամբ օրենքով:
ՀՀ քրեական օրենսգրքի 48 հոդվածի համաձայն`
ՙ1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից ու ազատություններից օրենքով նախատեսված զրկմամբ կամ դրանց սահմանափակմամբ:
2. Պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61 հոդվածի համաձայն`
ՙ1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործության՝ հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով:
3. Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները՚:
Ամբաստանյալների նկատմամբ պատիժ նշանակելիս, դատարանը հաշվի է առնում նրանց կատարած արարքի հանրության համար վտանգավորության աստիճանը, ինչպես նաև հանցավորների անձը:
Որպես ամբաստանյալ Գոռ Թադևոսյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարած արարքի համար, նախկինում դատված չի եղել, բնութագրվում է դրական, 3-րդ խմբի հաշմանդամ է, հանցագործությամբ պատճառված վնասն ամբողջությամբ վերականգնել է:
Որպես ամբաստանյալ Էդգար Ալեքսանյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարած արարքի համար, 24.10.2002թ. ծառայողական պարտականությունները կատարելիս ստացել է վնասվածք, 3-րդ խմբի հաշմանդամ է, բնութագրվում է դրական, հանցագործությամբ պատճառված վնասն ամբողջությամբ վերականգնել է:
Որպես ամբաստանյալ Ստելա Սարհատյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարած արարքի համար, բնութագրվում է դրական, հանցագործությամբ պատճառված վնասն ամբողջությամբ վերականգնել է:
Ամբաստանյալներ Գոռ Թադևոսյանի, Էդգար Ալեքսանյանի և Ստելա Սարհատյանի պատասխանատվությունը և պատիժը ծանրացնող հանգամանքներ չկան:
Հաշվի առնելով Գոռ Թադևոսյանի, Էդգար Ալեքսանյանի և Ստելա Սարհատյանի կատարած արարքների հանրության համար վտանգավորության աստիճանը և բնույթը, նրանց անձը, ինչպես նաև այն, որ ՀՀ քրեական օրենսգրքի 179 հոդվածի 2-րդ մասի սանկցիայով նախատեսված է պատիժ նաև ազատազրկման ձևով, դատարանը գտնում է, որ ամբաստանյալներ Գոռ Թադևոսյանի, Էդգար Ալեքսանյանի և Ստելա Սարհատյանի նկատմամբ ՀՀ քրեական օրենսգրքի 179 հոդվածի 2-րդ մասի 2-րդ կետով նախատեսված արարք կատարելու համար պատիժ պետք է նշանակել ազատազրկման ձևով:
ՀՀ քրեական դատավարության օրենսգրքի 3753 հոդվածի 6-րդ մասի համաձայն, դատարանը արագացված կարգով դատական քննության արդյունքում մեղադրական դատավճիռ կայացնելիս նշանակում է պատիժ, որը չի կարող գերազանցել կատարված հանցագործության համար նախատեսված առավել խիստ պատժի երկու երրորդը, իսկ եթե առավել խիստ պատժի երկու երրորդը փոքր է տվյալ հանցագործության համար նախատեսված առավել մեղմ պատժից` ապա առավել մեղմ պատիժը:
ՀՀ քրեական օրենսգրքի 179 հոդվածի 2-րդ մասի սանկցիայով /2005թ. հունվարի 18-ի խմբագրությամբ/ նախատեսված առավել խիստ պատիժը չորս տարի ժամկետով ազատազրկումն է:
ՀՀ Ազգային ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011 թվականի մայիսի 26-ի որոշման 15-րդ կետի համաձայն, սույն որոշումը կիրառվում է այն անձանց նկատմամբ, ովքեր հանցագործություն են կատարել մինչև 2011 թվականի մայիսի 1-ը ներառյալ: Գոռ Թադևոսյանը, Էդգար Ալեքսանյանը և Ստելլա Սարհատյանը հանրորեն վտանգավոր արարքները կատարել են 2009-2010թթ. ընթացքում:
Սույն քրեական գործով բացակայում են համաներման մասին հիշյալ որոշման 9-րդ կետում նշված այն սահմանափակումները, որոնք կարող են արգելք հանդիսանալ ամբաստանյալների նկատմամբ համաներման ակտի կիրառման համար:
Համաներման որոշման 13-րդ կետի 1-ին ենթակետի ՙա՚ պարբերության համաձայն, որոշման կատարումը վերապահվել է դատարաններին` այն անձանց նկատմամբ, որոնց վերաբերյալ գործերը գտնվում են դատարաններում, սակայն մինչև սույն որոշումն ուժի մեջ մտնելը չեն քննվել, կամ այն անձանց նկատմամբ, որոնց վերաբերյալ գործերը քննվել են, բայց դատավճիռներն օրինական ուժի մեջ չեն մտել:
Հիմք ընդունելով վերը նշվածը, դատարանը գտնում է, որ ամբաստանյալներ Գոռ Թադևոսյանի, Էդգար Ալեքսանյանի և Ստելա Սարհատյանի նկատմամբ կիրառելի է ՀՀ Ազգային Ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011 թվականի մայիսի 26-ի որոշումը:
Դատարանը գտնում է, որ ամբաստանյալների նկատմամբ կիրառված խափանման միջոցները պետք է թողնել անփոփոխ, մինչև դատավճռի օրինական ուժի մեջ մտնելը:
Հաշվի առնելով, որ նախաքննության ընթացքում ամբաստանյալների կողմից հանցագործությամբ պատճառված վնասն ամբողջությամբ վերականգնվել է, դատարանը գտնում է, որ քաղաքացիական հայցի հարցը պետք է համարել լուծված:
Դատարանը գտնում է, որ դատավճիռն օրինական ուժի մեջ մտնելուց հետո, ՀՀ ոստիկանության ՔԳՎ ՀԿԳ քննության վարչության ավագ քննիչի 11.07.2013թ.-ի որոշմամբ իրեղեն ապացույց ճանաչված և քրեական գործին կցված, հանգուցյալ կենսաթոշակառուներ` Անտոնինա Գալստյանի տվյալները պարունակող` 2009թ. մայիսի, օգոստոսի, Ալմաստ Ավագյանի տվյալները պարունակող` 2009թ. նոյեմբերի, Շուշանիկ Ասլանյանի տվյալները պարունակող` 2009թ. հոկտեմբերի, 2010թ. հունվարի կենսաթոշակների վճարային ցուցակները, պետք է պահել քրեական գործի հետ միասին:
Քննիչի 11.07.2013թ. որոշմամբ ապացույց ճանաչված և քրեական գործին կցված, այլ փաստաթուղթ հանդիսացող ՀՀ ֆինանսական վերահսկողության տեսչության կողմից 2011թ. ապրիլի 11-ին կազմված թիվ 14Ա միջանկյալ ակտը և կից հավելվածները, պետք է պահել քրեական գործի հետ միասին:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Գոռ Վաչիկի Թադևոսյանին մեղավոր ճանաչել ՀՀ քրեական օրենսգրքի 179 հոդվածի 2-րդ մասի 2-րդ կետով /2005թ. հունվարի 18-ի խմբագրությամբ/ նախատեսված հանցանք կատարելու մեջ և նրան դատապարտել ազատազրկման երկու (2) տարի վեց (6) ամիս ժամկետով` նյութապես պատասխանատու գործառույթներ իրականացնող պաշտոններ զբաղեցնելու իրավունքից զրկելով երկու տարի ժամկետով:
Կիրառել ՀՀ Ազգային Ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011 թվականի մայիսի 26-ի որոշման 1-ին կետի 1-ին ենթակետը և Գոռ Վաչիկի Թադևոսյանին ազատել հիմնական պատժի կրումից:
Գոռ Թադևոսյանի նկատմամբ ընտրված խափանման միջոցը` չհեռանալու մասին ստորագրությունը թողնել անփոփոխ, մինչև դատավճռի օրինական ուժի մեջ մտնելը:
Էդգար Սերգեյի Ալեքսանյանին մեղավոր ճանաչել ՀՀ քրեական օրենսգրքի 179 հոդվածի 2-րդ մասի 2-րդ կետով /2005թ. հունվարի 18-ի խմբագրությամբ/ նախատեսված հանցանք կատարելու մեջ և նրան դատապարտել ազատազրկման երկու (2) տարի վեց (6) ամիս ժամկետով` նյութապես պատասխանատու գործառույթներ իրականացնող պաշտոններ զբաղեցնելու իրավունքից զրկելով երկու տարի ժամկետով:
Կիրառել ՀՀ Ազգային Ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011 թվականի մայիսի 26-ի որոշման 1-ին կետի 1-ին ենթակետը և Էդգար Սերգեյի Ալեքսանյանին ազատել հիմնական պատժի կրումից:
Էդգար Ալեքսանյանի նկատմամբ ընտրված խափանման միջոցը` չհեռանալու մասին ստորագրությունը թողնել անփոփոխ, մինչև դատավճռի օրինական ուժի մեջ մտնելը:
Ստելա Բախշիի Սարհատյանին մեղավոր ճանաչել լ ՀՀ քրեական օրենսգրքի 179 հոդվածի 2-րդ մասի 2-րդ կետով /2005թ. հունվարի 18-ի խմբագրությամբ/ նախատեսված հանցանք կատարելու մեջ և նրան դատապարտել ազատազրկման երկու (2) տարի ժամկետով` նյութապես պատասխանատու գործառույթներ իրականացնող պաշտոններ զբաղեցնելու իրավունքից զրկելով երկու տարի ժամկետով:
Կիրառել ՀՀ Ազգային Ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011 թվականի մայիսի 26-ի որոշման 1-ին կետի 1-ին ենթակետը և Ստելա Բախշիի Սարհատյանին ազատել հիմնական պատժի կրումից:
Ստելա Սարհատյանի նկատմամբ ընտրված խափանման միջոցը` չհեռանալու մասին ստորագրությունը թողնել անփոփոխ, մինչև դատավճռի օրինական ուժի մեջ մտնելը:
Քաղաքացիական հայցի հարցը համարել լուծված:
Դատավճիռն օրինական ուժի մեջ մտնելուց հետո, իրեղեն ապացույց հանդիսացող և քրեական գործին կցված, հանգուցյալ կենսաթոշակառուներ` Անտոնինա Գալստյանի, Ալմաստ Ավագյանի և Շուշանիկ Ասլանյանի տվյալները պարունակող կենսաթոշակների վճարային ցուցակները պահել քրեական գործի հետ միասին:
Ապացույց ճանաչված և քրեական գործին կցված, այլ փաստաթուղթ հանդիսացող ՀՀ ֆինանսական վերահսկողության տեսչության կողմից 2011թ. ապրիլի 11-ին կազմված թիվ 14Ա միջանկյալ ակտը և կից հավելվածները, պահել քրեական գործի հետ միասին:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

Դատավոր` ստորագրություն
Բնագրի հետ ճիշտ է
Դատավոր Լ. Ավետիսյան