Գործ No ԵԱՔԴ/0111/01/13

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

23 հուլիսի 2013թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի

մասնակցությամբ`
մեղադրող Ա.Բեգինյանի
պաշտպան Գ.Պապոյանի

Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի`
Արսեն Կարուշի Ափինյանի /ծնված` 01.09.1983թ. Գյումրի քաղաքում, հայ, ՀՀ քաղաքացի, չամուսնացած, միջնակարգ կրթությամբ, նախկինում չդատված, չի աշխատում, հաշվառված Շիրակի մարզ. ք. Գյումրի Արագածի 1շ. 8 բնակարանում/:
Մեղադրվում է ՀՀ քրեական օրենսգրքի 333-րդ հոդվածի 1-ին մասով:

Գործի դատավարական նախապատմությունը
11.11.2012թ. կատարվել է դեպքը:
05.04.2013թ հարուցվել է թիվ 13134813 քրեական գործը:
01.07.2013թ. Ա.Ափինյանի նկատմամբ խափանման միջոց է ընտրվել ստորագրություն չհեռնալու մասին:
2013թ. հուլիսի 1-ին թիվ 13134813 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Գործի փաստական հանգամանքները
Նախաքննության մարմինն ամբաստանյալ Արսեն Ափինյանին ՀՀ քրեական օրենսգրքի 333-րդ հոդվածի 1-ին մասով, մեղադրանք է առաջադրել այն արարքի համար, որ ՙնա կատարել է սուտ մատնություն:
Ա.Ափինյանն իր ծանոթ Ալբերտ Մանթաշյանի հետ 39 հասցեում գործող ՙԿրիստալ՚ գիշերային ակումբում, որտեղ Ա. Ափինյանի անվայել պահվածքի պատճառով վիճաբանություն է տեղի ունեցել վերջինիս և Ա.Մանթաշյանի միջև: Այնուհետև դուրս գալով ակումբից Ա.Ափինյանը և Ա.Մանթաշյանը վիճաբանությունը շարունակել են Կորյուն փողոցում, որտեղ Ա.Մանթաշյանը բռունցքներով հարվածել է Ա.Ափինյանի դեմքին և պատճառել մարմնական վնասվածք: Վիճաբանության ժամանակ Ա.Մանթաշյանը քաշել է Ա.Ափինյանի պարանոցից, որի արդյունքում վերջինիս ոսկյա շղթան պոկվել է և վնասել պարանոցը, որի կապակցությամբ Ա.Ափինյանը բուժօգնության է դիմել Միքայելյանի անվան հիվանդանոց:
Այնուհետև Արսեն Կարուշի Ափինյանը 2012թ. նոյեմբերի 11-ին, գիտակցելով իր կողմից կեղծ տեղեկատվություն տրամադրելու հանգամանքը, ՀՀ ոստիկանության Քանաքեռ-Զեյթուն բաժնում հաղորդում է տվել այն մասին, որ նույն օրը ժամը 01:00-ի սահմաններում Երևան քաղաքի Թբիլիսյան խճուղու սկզբնամասում գտնվող լճի մոտ երեք անծանոթ անձիք իրեն ծեծի են ենթարկել ավազակությամբ հափշտակել են ՙՍամսունգ՚ տեսակի բջջային հեռախոսը, պարանոցի ոսկյա շղթան, ՙՄաեստրո՚ տեսակի բանկային քարտը` պատճառելով 500.000 ՀՀ դրամի գույքային վնաս՚:


Արագացված դատական քննություն
Մինչև դատաքննությունն սկսելն ամբաստանյալներ Արսեն Ափինյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքը պարզ է, համաձայն են առաջադրված մեղադրանքին, գիտակցում են արագացված կարգով դատական քննություն անցկացնելու հետևանքները, միջնորդությունը ներկայացրել են կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Գ.Պապոյանը:
Մեղադրող Ա.Բեգինյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները
Դատարանը գործով ձեռք բերված յուրաքանչյուր ապացույց գնահատելով թույլատրելիության վերաբերելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, ղեկավարվելով օրենքով, ներքին համոզմամբ, գտնում է, որ ամբաստանյալ Արսեն Ափինյանի մեղավորությունը, ՀՀ քրեական օրենսգրքի 333-րդ հոդվածի 1-ին մասով, ապացուցված է:
Վերոհիշյալ հանցանքի կատարման համար ամբաստանյալը ենթակա է քրեական պատասխանատվության և պատժի, որը նա պետք է կրի:
ՀՀ քրեական օրենսգրքի 10-րդ հոդվածի համաձայնª ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացիª համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 2-րդ մասի համաձայնª ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածի 1-ին մասի համաձայն` ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները՚:
ՀՀ քրեական օրենսգրքի 61-րդ հոդվածի 2-րդ մասի համաձայնª ՙՊատժի տեսակը և չափը որոշվում է հանցագործությանª հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվումª պատասխանատվությունը և պատիժը մեղմացնող կամ ծանրացնող հանգամանքներով՚:
Ամբաստանյալ Արսեն Ափինյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա նախկինում դատված չէ, լիովին ընդունել է մեղքը, անկեղծորեն զղջացել է կատարած արարքի համար, առաջին անգամ կատարել է ոչ մեծ ծանրության հանցանք:
Ամբաստանյալի պատասխանատվությունն ու պատիժը ծանրացնող հանգամանքներ դատարանը չի արձանագրել:
ՀՀ Վճռաբեկ դատարանը 2012թ. նոյեմբերի 1-ին Սերոբ Սարգսյանի վերաբերյալ թիվ ՍԴ/0109/01/12 գործով արտահայտել է հետևյալ իրավական դիրքորոշումը. ՙ(…) պատիժ նշանակելու ընդհանուր սկզբունքները քրեական օրենքով նախատեսված այն հիմնադրույթներն են, որոնցով պետք է ղեկավարվի դատարանը պատիժ նշանակելիս: Այդ սկզբունքներն են`
ա) օրինականությունը,
բ) արդարությունը,
գ) պատժի անհատականացումը,
դ) մարդասիրությունը:
Պատիժ նշանակելու վերոնշյալ սկզբունքները սահմանում են այն հիմնական դրույթները, որոնցով ղեկավարվում է դատարանը յուրաքանչյուր քրեական գործով պատժի տեսակն ու չափն ընտրելիս:
(…) Պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության աստիճանի ու բնույթի, հանցավորի անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների հայեցողական և ոչ երբեք կամային գնահատման ժամանակ դատարանը պետք է ելնի ՀՀ քրեական օրենսգրքի 48-րդ հոդվածով նախատեսված՝ պատժի նպատակների իրացումն ապահովելու անհրաժեշտությունից (տես Նարեկ Գևորգի Սարգսյանի գործով Վճռաբեկ դատարանի 2011 թվականի դեկտեմբերի 22-ի թիվ ԵԿԴ/0042/01/11 որոշման 14-րդ, 22-23-րդ կետերը)՚:
ՀՀ քրեական դատավարության օրենսգրքի 3753-րդ հոդվածի 6-րդ կետի համաձայն` դատարանը արագացված կարգով դատական քննության արդյունքում մեղադրական դատավճիռ կայացնելիս նշանակում է պատիժ, որը չի կարող գերազանցել կատարված հանցագործության համար նախատեսված առավել խիստ պատժի երկու երրորդը (...):
Ղեկավարվելով ՀՀ քրեական դատավարության օրենսգրքի 119-րդ, 357-360-րդ, 369-373-րդ, 3751-րդ և 3752-րդ, 379-րդ, հոդվածներով, դատարանը`


ՎՃՌԵՑ

Արսեն Կարուշի Ափինյանին մեղավոր ճանաչել ՀՀ քրեական օրենսգրքի 333-րդ հոդվածի 1-ին մասով նրա նկատմամբ պատիժ նշանակել տուգանք նվազագույն աշխատավարձի երկուհարյուրհիսնապատիկի 250.000 ՀՀ դրամի չափով:
Արսեն Կարուշի Ափինյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ` մինչև դատավճռի օրինական ուժի մեջ մտնելը:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում:



ԴԱՏԱՎՈՐ Ա.ՄԿՐՏՉՅԱՆ