Գործ No ԵԱՔԴ/0107/01/13

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

18 հուլիսի 2013թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Ռ.Խաչատրյանի
պաշտպան Գ.Հովսեփյան

Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի`
Սևակ Արտուշի Գևորգյանի /ծնված 13.08.1989թ. Արմավիրի մարզ գ. Արևիկ, ազգությամբ հայ Հայաստանի Հանրապետության քաղաքացի, բարձրագույն կրթությամբ չամուսնացած, նախկինում չդատված, զբաղվում է հողագործությամբ, բնակվող Արմավիրի մարզ Արևիկ գյուղ. 1-ին փողոց, 2-րդ նրբանցք,11 տուն/:
Մեղադրվում է ՀՀ քրեական օրենսգրքի 176-րդ հոդվածի 1-ին մասով:

Գործի դատավարական նախապատմությունը
20.06.2013թ. հարուցվել է թիվ 14132013 քրեական գործը:
21.06.2013թ. Ս.Գևորգյանը ձերբակալվել է:
24.06.2013թ. Ս.Գևորգյանին մեղադրանք է առաջադրվել և խափանման միջոց է ընտրվել կալանք, դատարանի որոշմամբ կիրառվել է գրավ 500.000 ՀՀ դրամ գումարի չափով:
28.06.2013թ. թիվ 14132013 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Գործի փաստական հանգամանքները
Նախաքննության մարմինն ամբաստանյալ Սևակ Գևորգյանին ՀՀ քրեական օրենսգրքի 176-րդ հոդվածի 1-ին մասով մեղադրանք է առաջադրել այն արարքի համար, որ ՙնա 2013թ. հունիսի 20-ին այցելել է ՙxshop. am՚ ինտերնետային կայքը, և ընտրելով համապատասխան արհեստական առնանդամը` 11.000 ՀՀ դրամ արժողությամբ, բացահայտ հափշտակություն կատարելու դիտավորությամբ զանգահարել է կայքում նշված հեռախոսահամարով, և պայմանավորվածություն ձեռք բերելուց հետո` ժամը 17:00-ի սահմաններում գնացել է Երևան քաղաքի Ազատության 9 հասցեում գտնվող ՙԱրայ՚ խանութի մոտ, նստել է Տիգրան Համբարյանին պատկանող ՙՕպել Վեկտրա Ա՚ մակնիշի 19 LU 111 պետհամարանիշի ավտոմեքենան և խոսակցության ժամանակ ավտոմեքենայից բացահայտ հափշտակել է մեկ հատ արհեստական առնանդամ 10.000 ՀՀ դրամ արժողությամբ, և Տ.Հաբարյանին պատկանող դրամապանակը, որի մեջ եղել 80.000 ՀՀ դրամ գումար և դիմել է փախուստի՚:

Արագացված դատական քննություն
Մինչև դատաքննությունն սկսելն ամբաստանյալ Սևակ Գևորգյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքը պարզ է, համաձայն է առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Գ.Հովսեփյանը:
Մեղադրող Ռ.Խաչատրյանը դատական քննության արագացված կարգ կիրառելուն չի առարկել:
Տուժողի Տ.Համբարյանը պատշաճ կարգով ծանուցվել է, սակայն չի ներկայացել դատական նիստին, դատական քննության արագացված կարգ կիրառելուն չի առարկել, և նախաքննության փուլում ցուցմունք է տվել, որ ամբաստանյալից որևէ բողոք կամ պահանջ չունի իրեն պատճառված նյութական վնասը լիովին վերագանգնվել և խնդրել է ՍԳևորգյանին քրեական պատասխանատվության չենթարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Սևակ Գևորգյանի մեղավորությունը գույքի բացահայտ հափշտակություն կատարելու մեջ, որը նախատեսված է` ՀՀ քրեական օրենսգրքի 176-րդ հոդվածի 1- ին մասով, ապացուցված է:
Վերոհիշյալ հանցանքի կատարման համար ամբաստանյալը ենթակա է քրեական պատասխանատվության և պատժի, որը նա պետք է կրի:
ՀՀ քրեական օրենսգրքի 10-րդ հոդվածի համաձայնª ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացիª համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 2-րդ մասի համաձայնª ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածի 1-ին մասի համաձայն` ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները՚:
ՀՀ քրեական օրենսգրքի 61-րդ հոդվածի 2-րդ մասի համաձայնª ՙՊատժի տեսակը և չափը որոշվում է հանցագործությանª հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվումª պատասխանատվությունը և պատիժը մեղմացնող կամ ծանրացնող հանգամանքներով՚:
Ամբաստանյալ Սևակ Գևորգյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել կատարած արարքի համար, բնութագրվում է դրական, նախկինում դատված չի եղել, գյուղական համայնքում զբաղված է հանօգուտ աշխատանքով, առաջին անգամ կատարել է միջին ծանրության հանցանք, լիովին հատուցել է հանցագործության հետևանքով անմիջականորեն պատճառված գույքային վնասը, տուժողը որևէ բողոք կամ պահանջ չի ներկայացրել և խնդրել է մեղմ վերաբերվել:
Ամբաստանյալի պատասխանատվությունն ու պատիժը ծանրացնող հանգամանքներ դատարանը չի արձանագրել:
ՀՀ քրեական դատավարության օրենսգրքի 3753-րդ հոդվածի 6-րդ կետի համաձայն` դատարանը արագացված կարգով դատական քննության արդյունքում մեղադրական դատավճիռ կայացնելիս նշանակում է պատիժ, որը չի կարող գերազանցել կատարված հանցագործության համար նախատեսված առավել խիստ պատժի երկու երրորդը (...):
Ղեկավարվելով ՀՀ քրեական դատավարության օրենսգրքի 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը`


ՎՃՌԵՑ

Սևակ Արտուշի Գևորգյանին մեղավոր ճանաչել` ՀՀ քրեական օրենսգրքի 176-րդ հոդվածի 1-ին մասով նախատեսված հանցագործության կատարման մեջ և նրա նկատմամբ պատիժ նշանակել տուգանք նվազագույն աշխատավարձի երեքհարյուրապատիկի 300.000` ՀՀ դրամի չափով:
Սևակ Արտուշի Գևորգյանի նկատմամբ ընտրված խափանման միջոցը` գրավը թողնել անփոփոխ` մինչև դատավճռի օրինական ուժի մեջ մտնելը:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում:




ԴԱՏԱՎՈՐ Ա.ՄԿՐՏՉՅԱՆ