ԵԱՔԴ/0100/01/13

Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը`

նախագահող դատավոր` Լ. Ավետիսյան
քարտուղարությամբ` Ե. Կարապետյանի
Հ.Արտաշեսյանի
մասնակցությամբ`
մեղադրող Վ. Միլիտոնյանի
պաշտպան Ա. Ավետիսյանի

2013 թվականի օգոստոսի 20-ին, Երևան քաղաքում, դռնբաց դատական նիստում, դատական քննության արագացված կարգով, քննեց քրեական գործն ըստ մեղադրանքի Կարեն Խաչիկի Մխեյանի, ծնված 1975 թվականի հունիսի 19-ին, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ֆիզիկապես վատառողջ, ամուսնացած, խնամքին մեկ երեխա, նախկինում դատված` 1) 26.03.2007թ. Արաբկիր և Քանաքեռ-Զեյթուն համայնքների դատարանի կողմից ՀՀ քրեական օրենսգրքի 268 հոդվածի 2-րդ մասով և 271 հոդվածի 1-ին մասով, ՀՀ քրեական օրենսգրքի 66 հոդվածի 3-րդ մասի կիրառմամբ դատապարտվել է ազատազրկման մեկ տարի ժամկետով և տուգանքի` 50.000 դրամի չափով, պատժից ազատվել է 2007 թվականի հուլիսի 4-ին` 5 ամիս 24 օր պայմանական վաղաժամկետ: 2) 13.08.2008թ. Մալաթիա-Սեբաստիա դատարանի կողմից ՀՀ քրեական օրենսգրքի 268 հոդվածի 2-րդ մասով, 266 հոդվածի 1-ին մասով և 266 հոդվածի 4-րդ մասով, ՀՀ քրեական օրենսգրքի 66 հոդվածի կիրառմամբ դատապարտվել է ազատազրկման չորս տարի ժամկետով և տուգանքի` 100.000 դրամի չափով, պատժից ազատվել է 2012 թվականի մայիսի 10-ին, չի աշխատել, հաշվառված և բնակվել է Երևան քաղաքի Մամիկոնյանց փողոցի 40/2 շենքի 9 հասցեում, մեղադրվում է ՀՀ քրեական օրենսգրքի 268 հոդվածի 2-րդ մասի 2-րդ կետով, կալանքի տակ է 2013 թվականի ապրիլի 04-ից,

ՊԱՐԶԵՑ

1.Գործի դատավարական նախապատմությունը.
2013 թվականի ապրիլի 01-ին ՀՀ ոստիկանության Երևան քաղաքի քննչական վարչության Արաբկիրի քննչական բաժնում Արսեն Եղիշի Լևոնյանի կողմից առանց իրացնելու նպատակի 2,75 գրամ ՙափիոն՚ տեսակի թմրամիջոց ապօրինի ձեռք բերելու և պահելու, ինչպես նաև 2,9 մլ ծավալով ՙքացախաթթվի անհիդրիդ՚ տեսակի պրեկուրսոր ապօրինի ձեռք բերելու և պահելու փաստի առթիվ ՀՀ քրեական օրենսգրքի 268 հոդվածի 2-րդ մասի 2-րդ կետով և 266 հոդվածի 4-րդ մասով նախատեսված հանցագործության հատկանիշներով հարուցվել է թիվ 14117913 քրեական գործը:
2013 թվականի ապրիլի 04-ին ՀՀ ոստիկանության Երևան քաղաքի քննչական վարչության Արաբկիրի քննչական բաժնում թիվ 14117913 քրեական գործի նյութերով Կարեն Խաչիկի Մխեյանի կողմից առանց իրացնելու նպատակի խոշոր չափ համարվող 0.48345 գրամ ՙացետիլացված ափիոն՚ տեսակի թմրամիջոց ապօրինի պահելու փաստի առթիվ ՀՀ քրեական օրենսգրքի 268 հոդվածի 2-րդ մասի 2-րդ կետով նախատեսված հանցագործության հատկանիշներով հարուցվել է թիվ 14118613 քրեական գործը:
2013 թվականի ապրիլի 04-ին Կարեն Խաչիկի Մխեյանը ձերբակալվել է:
Նախաքննության մարմնի 2013 թվականի ապրիլի 06-ի որոշմամբ Կարեն Խաչիկի Մխեյանը ներգրավվել է որպես մեղադրյալ ՀՀ քրեական օրենսգրքի 268 հոդվածի 2-րդ մասի 2-րդ կետով: Դատարանի որոշմամբ նրա նկատմամբ որպես խափանման միջոց է կիրառվել կալանավորումը:
2013 թվականի ապրիլի 22-ի որոշմամբ թիվ 14118613 և 14118713 քրեական գործերը միացվել են թիվ 14117913 քրեական գործին:
2013 թվականի ապրիլի 26-ին թիվ 14117913 քրեական գործը ընդունվել է վարույթ և շարունակվել է նախաքննությունը:
2013 թվականի հունիսի 26-ին թիվ 14117913 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

2.Գործի փաստական հանգամանքները.
Նախնական քննության մարմինն ամբաստանյալ Կարեն Խաչիկի Մխեյանին ՀՀ քրեական օրենսգրքի 268 հոդվածի 2-րդ մասի 2-րդ կետով մեղադրանք է առաջադրել այն արարքի կատարման համար, որ նա, առանց իրացնելու նպատակի, անհայտ անձից ապօրինի ձեռք է բերել և պահել խոշոր չափ կազմող` 0.48345 գրամ հաստատուն քաշով ՙացետիլացված ափիոն՚ տեսակի թմրամիջոց, որը 01.04.2013թ. հայտնաբերվել է վերջինիս Երևան քաղաքի Մամիկոնյանց փողոցի 40/2 շենքի 9 բնակարանի խուզարկության ժամանակ խոհանոցում տեղադրված սառնարանի միջից:

3. Արագացված դատական քննություն.
Մինչև դատաքննությունն սկսելն ամբաստանյալ Կարեն Մխեյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալի պաշտպան Աշոտ Ավետիսյանը:
Մեղադրող Վ.Միլիտոնյանը մեղադրական եզրակացությունը հաստատելիս առարկել էր արագացված դատական քննություն կիրառելուն, սակայն դատարանում փոխեց իր դիրքորոշումը, հայտարարելով, որ արագացված քննություն կիրառելուն չի առարկում:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:

4.Դատարանի իրավական վերլուծությունները.
Վերլուծելով և գնահատելով դատական քննության ժամանակ հետազոտված ապացույցներն իրենց համակցության մեջ, դատարանը ձեռք բերված ապացույցները բավարար է գտնում և գործի փաստական հանգամանքներով հաստատված է համարում, որ ամբաստանյալ Կարեն Մխեյանը կատարել է հանցավոր արարք, որը համապատասխանում է ՀՀ քրեական օրենսգրքի 268 հոդվածի 2-րդ մասի 2-րդ կետի հատկանիշներին:
Կատարած արարքի համար ամբաստանյալ Կարեն Խաչիկի Մխեյանը ենթակա է քրեական պատասխանատվության և պատժի:
Ամբաստանյալ Կարեն Մխեյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը և բնույթը, ինչպես նաև հանցավորի անձը:
Որպես ամբաստանյալի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարած արարքի համար, նրա խնամքին է գտնվում մինչև տասնչորս տարեկան երեխան, տառապում է շաքարային դիաբետ հիվանդությամբ:
Որպես ամբաստանյալի պատասխանատվությունը և պատիժը ծանրացնող հանգամանք դատարանը դիտում է հանցանքը կատարելու վտանգավոր ռեցիդիվը, նկատի ունենալով, որ ամբաստանյալ Կարեն Մխեյանը նախկինում երկու անգամ դիտավորյալ հանցագործություն (1. ՀՀ քրեական օրենսգրքի 268 հոդվածի 2-րդ մասով, 271 հոդվածի 1-ին մասով, և 2. 268 հոդվածի 2-րդ մասով, 266 հոդվածի 1-ին մասով և 266 հոդվածի 4-րդ մասով) կատարելու համար ազատազրկման դատապարտված լինելով և դատվածություն ունենալով, կրկին կատարել է դիտավորյալ հանցագործություն:
ՀՀ քրեական օրենսգրքի 22 հոդվածը 2-րդ մասի 1-ին կետի համաձայն ՙՀանցագործությունների ռեցիդիվը վտանգավոր է համարվում դիտավորությամբ հանցանք կատարելու դեպքում, եթե անձը նախկինում երկու անգամից ոչ պակաս ազատազրկման է դատապարտվել դիտավորյալ հանցագործության համար՚:
Հաշվի առնելով Հովհաննես Այվազյանի կատարած արարքի հանրության համար վտանգավորության աստիճանը և բնույթը, նրա անձը, նրան բնութագրող տվյալները, պատասխանատվությունը և պատիժը մեղմացնող ու ծանրացնող հանգամանքները, ինչպես նաև այն, որ ՀՀ քրեական օրենսգրքի 268 հոդվածի 2-րդ մասի սանկցիայով նախատեսված է պատիժ միայն ազատազրկում` առավելագույնը երեք տարի ժամկետով, դատարանը գտնում է, որ պատժի նպատակներին հասնելու համար ամբաստանյալ Կարեն Խաչիկի Մխեյանի նկատմամբ ՀՀ քրեական օրենսգրքի 268 հոդվածի 2-րդ մասի 2-րդ կետով նախատեսված հանցանք կատարելու համար պատիժ պետք է նշանակել ազատազրկման ձևով, որը նա պետք է կրի:
Դատարանը գտնում է, որ ամբաստանյալ Կարեն Խաչիկի Մխեյանի նկատմամբ պատիժ նշանակելիս պետք է ղեկավարվել ՀՀ քրեական օրենսգրքի 67.1 հոդվածի 2-րդ մասով, համաձայն որի ՙ … Հանցագործությունների վտանգավոր ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի երկու երրորդից՚:
ՀՀ քրեական դատավարության 3753 հոդվածի 6-րդ մասի համաձայն` ՙդատարանը արագացված կարգով դատական քննությաքն արդյունքում նմեղադրական դատավճիռ կայացնելիս նշանակում է պատիժ, որը չի կարող գերազանցել կատարված հանցագործության համար նախատեսված առավել խիստ պատժի երկու երրորդը, իսկ եթե առավել խիստ պատժի երկու երրորդը փոքր է տվյալ հանցագործությաքն համար նախատեսված առավել մեղմ պատժից` ապա առավել մեղմ պատիժը՚:
Համաձայն 2013թ. հունիսի 4-ին ստացված դատանարկոլոգիական փորձաքննության թիվ 66-13 եզրակացության` Կարեն Խաչիկի Մխեյանը տառապում է ՙՀոգեկան և վարքային խանգարումներ ափիոնատիպ նյութերի գործածման հետևանքով, կախվածության համախտանիշ՚ ախտորոշմամբ, ունի հարկադիր բուժման կարիք, որի համար հակացուցումներ չկան:
Համաձայն ՀՀ ԱՆ ՙՆուբարաշեն՚ քրեակատարողական հիմնարկի ընդհանուր աշխատանքների խմբի կողմից 2013թ. օգոստոսի 20-ին տրված տեղեկանքի` ՙԿարեն Խաչիկի Մխեյանը 12.05.2013թ.-ից գտնվել է բուժման մեջ թմրամոլության դեմ բժշկական սպասարկման բաժնի պայմաններում: Ստացված բուժումներից հետո վիճակը բարելավվել Է: Ներկայումս կալանավոր Կ.Մխեյանի առողջական վիճակը բավարար է, գանգատներ չունի՚:
Նման պայմաններում դատարանը գտնում է, որ Կարեն Մխեյանի նկատմամբ հարկադիր բուժում նշանակելու անհրաժեշտություն չկա:
Դատարանը գտնում է, որ Կարեն Խաչիկի Մխեյանի նկատմամբ որպես խափանման միջոց կիրառված կալանավորումը պետք է թողնել անփոփոխ` մինչև դատավճռի օրինական ուժի մեջ մտնելը:
Անդրադառնալով իրեղեն ապացույցների տնօրինման հարցին, դատարանը գտնում է, որ դատավճիռն օրինական ուժի մեջ մտնելուց հետո, ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնի քննիչի 05.04.2013թ.-ի որոշմամբ իրեղեն ապացույց ճանաչված և քրեական գործին կցված, 12 մլ տարողությամբ ներակիչով 0,48354 գրամ հաստատուն քաշով ացետիլացված ափիոն տեսակի թմրամիջոցը, (փաթեթավորված և կնիքված փորձագետի թիվ 16 կնիքով), պետք է հանձնել ՀՀ ոստիկանության ՔԳՎ ՀԿԳ քննության վարչությանը` սույն քրեական գործից անջատված թիվ 14117913 գործին կցելու համար:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

ՎՃՌԵՑ

Կարեն Խաչիկի Մխեյանին մեղավոր ճանաչել ՀՀ քրեական օրենսգրքի 268 հոդվածի 2-րդ մասի 2-րդ կետով նախատեսված հանցանք կատարելու մեջ և նրան դատապարտել ազատազրկման երկու (2) տարի ժամկետով:
Պատժի սկիզբը հաշվել 2013 թվականի ապրիլի 04-ից: Պատիժը պետք է կրի ՀՀ ԱՆ համապատասխան քրեակատարողական հիմնարկում:
Կարեն Խաչիկի Մխեյանի նկատմամբ կիրառված խափանման միջոցը` կալանավորումը թողնել անփոփոխ, մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո 12 մլ տարողությամբ ներարկիչով 0,48354 գրամ հաստատուն քաշով ացետիլացված ափիոն տեսակի թմրամիջոցը, (փաթեթավորված և կնիքված փորձագետի թիվ 16 կնիքով) հանձնել ՀՀ ոստիկանության ՔԳՎ ՀԿԳ քննության վարչությանը` սույն քրեական գործից անջատված թիվ 14117913 գործի հետ համատեղ ընթացք տալու համար:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

Դատավոր` ստորագրություն
Բնագրի հետ ճիշտ է
ԴԱՏԱՎՈՐ Լ.ԱՎԵՏԻՍՅԱՆ