Գործ No ԵԱՔԴ/0098/01/13

ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

22 հուլիս 2013թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Ա.Թումանյանի
պաշտպան Ա.Ալիխանյանի

Դատարանում, դռնբաց դատական նիստում քննեց քրեական գործն ըստ մեղադրանքի`
Ֆլորա Ժորայի Հայրապետյանի ծնված 23.06.1975թ. Աբովյան քաղաքում, ազգությամբ հայ ՀՀ քաղաքացի, միջնակարգ կրթությամբ, ամուսնացած, չի աշխատում, նախկինում չդատված, բնակվում է Կոտայքի մարզի Աբովյան քաղաքի Պիոներական փողոցի 5 շենքի 12 բն./:
Մեղադրվում է ՀՀ քրեական օրենսգրքի 34-177-րդ հոդվածի 2-րդ մասի 1-ին կետով:
Քրիստինե Արմենի Մանուկյանի /ծնված 19.06.1996թ. Աբովյան քաղաքում, ազգությամբ հայ ՀՀ քաղաքացի, սովորում է ՙԳրիգոր Լուսավորչի՚ անվան բժշկական քոլեջի 2-րդ կուրսում, չամուսնացած, նախկինում չդատված, չի աշխատում հաշվառված է Աբովյանի 2-րդ փողոց 23ա տուն փաստացի բնակվում է Աբովյան քաղաքի Պիոներական 5 շենքի 12բն./:
Մեղադրվում է ՀՀ քրեական օրենսգրքի 34-177-րդ հոդվածի 2-րդ մասի 1-ին կետով:

Գործի դատավարական նախապատմությունը
02.04.2013թ. հարուցվել է քրեական գործը:
02.04.2013թ. Ֆ.Հայրապետյանի նկատմամբ խափանման միջոց է ընտրվել ստորագրություն չհեռանալու մասին:
02.04.2013թ. անչափահաս Ք.Մանուկյանի նկատմամբ խափանման միջոց է ընտրվել ծնողի հսկողությանը հանձնելը:
20.06.2013թ. թիվ 14118113 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:

Գործի փաստական հանգամանքները
Նախաքննության մարմինն ամբաստանյալ Ֆլորա Հայրապետյանին ՀՀ քրեական օրենսգրքի 34-177-րդ հոդվածի 2-րդ մասի 1-ին կետով մեղադրանք է առաջադրել այն արարքի համար, որ ՙնա, ուրիշի գույքին գաղտնի հափշտակություն կատարելու դիտավորությամբ իր անչափահաս դստեր` Քրիստինե Մանուկյանի հետ գալով նախնական համաձայնության 2013թ. ապրիլի 1-ին ժամը 09:40-ի սահմաններում Կոմիտասի պողոըայի 60/2 հասցեում գտնվող, ՙԱլեքս-Գրիկ՚ ՍՊԸ-ին պատկանող ՙԵրևան Սիթի՚ սուպերմարկետից փորձել է գաղտնի հափշտակել տնդհանուր 12.740 ՀՀ դրամի արժողության 2հետ ՙNivea՚ ֆիրմայի 150մլ. տարողությամբ տղամարդու, 1 հատ ՙNivea՚ ֆիրմայի 200մլ. տարողությամբ սափրվելու փրփուր, 1 հատ ՙNivea՚ ֆիրմայի 100մլ. տարողությամբ տղամարդու կալզամ, 1 հատ ՙNivea՚ ֆիրմայի 150մլ.տարողությամբ կանացի դեզադորանտ, 1հատ ՙNivea՚ ֆիրմայի արտադրության 750մլ. շամպույն, 1 հատ ՙWash & ga՚ ֆիրմայի արտադրության 750մլ. շամպույն, 1 հատ ՙBlend-a-med՚ ֆիրմայի արտադրության 100մլ տարողությամբ ատամի մածուկ, 1 հատ ՙSenl՚ ֆիրմայի մանկական ատամի խոզանակ և 1 հատ ՙPalmolive՚ ֆիրմայի 90գր. օճառ, սակայն հանցագործությունը իր կանքից անկախ հանգամանքներում չի կարողացել հասցնել ավարտին, քանի որ բացահայտվել է սուպերմարկետի անվտանգության աշխատակցի կողմից՚:

Նախաքննության մարմինն ամբաստանյալ Քրիստինե Մանուկյանին ՀՀ քրեական օրենսգրքի 34-177-րդ հոդվածի 2-րդ մասի 1-ին կետով մեղադրանք է առաջադրել այն արարքի համար, որ ՙնա, ուրիշի գույքին գաղտնի հափշտակություն կատարելու դիտավորությամբ իր անչափահաս դստեր` Քրիստինե Մանուկյանի հետ գալով նախնական համաձայնության 2013թ. ապրիլի 1-ին ժամը 09:40-ի սահմաններում Կոմիտասի պողոըայի 60/2 հասցեում գտնվող, ՙԱլեքս-Գրիկ՚ ՍՊԸ-ին պատկանող ՙԵրևան Սիթի՚ սուպերմարկետից փորձել է գաղտնի հափշտակել տնդհանուր 12.740 ՀՀ դրամի արժողության 2հետ ՙNivea՚ ֆիրմայի 150մլ. տարողությամբ տղամարդու, 1 հատ ՙNivea՚ ֆիրմայի 200մլ. տարողությամբ սափրվելու փրփուր, 1 հատ ՙNivea՚ ֆիրմայի 100մլ. տարողությամբ տղամարդու կալզամ, 1 հատ ՙNivea՚ ֆիրմայի 150մլ.տարողությամբ կանացի դեզադորանտ, 1հատ ՙNivea՚ ֆիրմայի արտադրության 750մլ. շամպույն, 1 հատ ՙWash & ga՚ ֆիրմայի արտադրության 750մլ. շամպույն, 1 հատ ՙBlend-a-med՚ ֆիրմայի արտադրության 100մլ տարողությամբ ատամի մածուկ, 1 հատ ՙSenl՚ ֆիրմայի մանկական ատամի խոզանակ և 1 հատ ՙPalmolive՚ ֆիրմայի 90գր. օճառ, սակայն հանցագործությունը իր կանքից անկախ հանգամանքներում չի կարողացել հասցնել ավարտին, քանի որ բացահայտվել է սուպերմարկետի անվտանգության աշխատակցի կողմից՚:

Ապացույցների հետազոտում
Դատաքննության փուլում առաջադրված մեղադրանքում ամբաստանյալ Ֆ.Հայրապետյանն իրեն լիովին մեղավոր է ճանաչել և ցուցմունք տվել այն մասին, որ 2013թ. ապրիլի 1-ին առավոտյան ժամը 9.00-ի սահմաններում իր դստեր, անչափահաս Քրիստինե Արմենի Մանուկյանի և մանկահասակ որդու Ստյոպա Արմենի Մանուկյանի հետ դուրս են եկել Աբովյան քաղաքի Պիոներական փողոցի 5շ.12 բնակարանից և միասին մեկնել Երևանª Նորքի 3-րդ զանգվածում բնակվող մորաքրոջը այցելելու նպատակով: Քանի որ թիվ 259 համարի երթուղային տաքսին անցնում է Կոմիտաս պողոտայով իսկ նա մորաքրոջ տուն այցելելու համար պետք է գնումներ կատարեր, որոշել է սկզբում գնալ Երևան քաղաքի Կոմիտաս 60/2 հասցեում գործող ՙԵրևան Սիթի՚ սուպերմարկետ և այնտեղից գնումներ կատարել: Ժամը 09:30-ի սահմաններում իրենք երեքով միասին մտել են ՙԵրևան Սիթի՚ սուպերմարկետի վաճառասրահ և սկսել շրջել վաճառասրահի տարածքով: Այդ պահին դստերª Ք.Մանուկյանի մոտ եղել է 5.000 ՀՀ դրամ գումար և ՙԵրևան Սիթի՚ սուպերմարկետների ցանցից օգտվելու կուտակային քարտ, որի վրա եղել է 2.000 ՀՀ դրամին համարժեք կուտակված միավոր: Երբ հասել են տնտեսական բաժինª ինքը որոշել է մի քանի ապրանքներ գողանալ, թաքցնել իր ձեռքի պայուսակի մեջ և դրամարկղի մոտ չվճարելով ապրանքների դիմացª դուրս հանել խանութի տարածքից: Մտածածի մասին վերջինս հայտնել է դստերը, որն էլ չմերժելովª գլխի շարժումով համաձայնություն է տվել: Դրանից հետո, ինքը դստեր հետ տնտեսական բաժնից վերցրել և իրենց սայլակի մեջ են դրել մեկ հատ ՙNivea՚ ֆիրմայի սափրվելու փրփուր, երկու հատ ՙNivea՚ ֆիրմայի տղամարդու դեզադորանտ, մեկ հատ ՙNivea՚ ֆիրմայի տղամարդու բալզամ, մեկ հատ ՙNivea՚ ֆիրմայի կանացի դեզադորանտ, մեկ հատ ՙWash & go՚ ֆիրմայի շամպույն, մեկ հատ ՙNivea՚ ֆիրմայի տղամարդու շամպույն, մեկ հատ ՙԲլենդամեդ՚ ֆիրմայի ատամի մածուկ, մեկ հատ ՙSenl՚ ֆիրմայի մանկական ատամի խոզանակ և մեկ հատ ՙPalmolive՚ ֆիրմայի օճառ: Այնուհետև վերը նշված ապրանքները տեղավորելով իր ձեռքի պայուսակի մեջª որոշել են վերցնել մեկ հատ 390 ՀՀ դրամ արժողությամբ ՙԱլպեն Գոլդ՚ տեսակի շոկոլադե սալիկ: Մինչ դուստրը մոտեցել է դրամարկղի մոտ, որպեսզի վճարի շոկոլադե սալիկի համար, ինքը պայուսակը ձեռքին անցել է դրամարկղի մյուս կողմըª չվճարելով պայուսակում եղած ապրանքի դիմաց: Դուստրը վճարելով շոկոլադե սալիկի գումարը մոտեցել է իրենª որպեսզի դուրս գան սուպերմարկետի տարածքից, սակայն նրանց է մոտեցել սուպերմարկետի անվտանգության աշխատակիցը և իրեն խնդրել որպեսզի բացի իր ձեռքի պայուսակը և ցույց տա միջի պարունակությունը: Ինքը բացել է պայուսակը և պայուսակի պարունակությունը դատարկել սայլակի մեջ, որից հետո ուղեկցել են դրամարկղի մոտ և սայլակի մեջ եղած ապրանքները դրամարկղի սկաների միջոցով պարզել են, որ 13.870 ՀՀ դրամի ընդհանուր արժողությամբ ապրանքի դիմաց վճարում չի կատարել, որից հետո պահանջել են վճարել վերը նշված գումարը: Սակայն իր մոտ այդքան գումար չի եղել ուստի խնդրել է անվտանգության աշխատակիցներին սպասել, որպեսզի զանգահարի և գումար խնդրի: Անվտանգության աշխատակիցը չի սպասել և զանգահարել է ոստիկանության Արաբկիրի բաժին: Քիչ անց ժամանել են ոստիկանության աշխատակիցները և իրենց բերման ենթարկել ոստիկանության Արաբկիրի բաժին:

Առաջադրված մեղադրանում ամբաստանյալ Ք.Մանուկյանն իրեն լիովին մեղավոր է ճանաչել և ցուցմունք տվել այն մասին, որ 2013թ. ապրիլի 1-ին առավոտյան ժամը 9.00-ի սահմաններում իր մոր Ֆ.Հայրապետյանի և մանկահասակ Ստյոպա Արմենի Մանուկյանի հետ դուրս են եկել Աբովյան քաղաքի Պիոներական փողոցի 5շ.12 բնակարանից և միասին մեկնել Երևանª Նորքի 3-րդ զանգվածում բնակվող մորաքրոջը այցելելու նպատակով: Քանի որ թիվ 259 համարի երթուղային տաքսին անցնում է Կոմիտաս պողոտայով իսկ նա մորաքրոջ տուն այցելելու համար պետք է գնումներ կատարեր, որոշել են գնալ Երևան քաղաքի Կոմիտաս 60/2 հասցեում գործող ՙԵրևան Սիթի՚ սուպերմարկետ և այնտեղից գնումներ կատարել: Ժամը 09:30-ի սահմաններում իրենք երեքով միասին մտել են ՙԵրևան Սիթի՚ սուպերմարկետի վաճառասրահ և սկսել շրջել վաճառասրահի տարածքով: Այդ պահին իր մոտ եղել է 5.000 ՀՀ դրամ գումար և ՙԵրևան Սիթի՚ սուպերմարկետների ցանցից օգտվելու կուտակային քարտ, որի վրա եղել է 2.000 ՀՀ դրամին համարժեք կուտակված միավոր: Երբ հասել են տնտեսական բաժինª որոշել են մի քանի ապրանքներ գողանալ, թաքցնել ձեռքի պայուսակի մեջ և դրամարկղի մոտ չվճարելով ապրանքների դիմացª դուրս հանել խանութի տարածքից: Դրանից հետո, ինքը մոր հետ տնտեսական բաժնից վերցրել և իրենց սայլակի մեջ են դրել մեկ հատ ՙNivea՚ ֆիրմայի սափրվելու փրփուր, երկու հատ ՙNivea՚ ֆիրմայի տղամարդու դեզադորանտ, մեկ հատ ՙNivea՚ ֆիրմայի տղամարդու բալզամ, մեկ հատ ՙNivea՚ ֆիրմայի կանացի դեզադորանտ, մեկ հատ ՙWash & go՚ ֆիրմայի շամպույն, մեկ հատ ՙNivea՚ ֆիրմայի տղամարդու շամպույն, մեկ հատ ՙԲլենդամեդ՚ ֆիրմայի ատամի մածուկ, մեկ հատ ՙSenl՚ ֆիրմայի մանկական ատամի խոզանակ և մեկ հատ ՙPalmolive՚ ֆիրմայի օճառ: Այնուհետև վերը նշված ապրանքները տեղավորելով իր ձեռքի պայուսակի մեջª որոշել են վերցնել մեկ հատ 390 ՀՀ դրամ արժողությամբ ՙԱլպեն Գոլդ՚ տեսակի շոկոլադե սալիկ: Մինչ ինքը մոտեցել է դրամարկղի մոտ, որպեսզի վճարի շոկոլադե սալիկի համար, մայրը պայուսակը ձեռքին անցել է դրամարկղի մյուս կողմըª չվճարելով պայուսակում եղած ապրանքի դիմաց: Ինքը վճարելով շոկոլադե սալիկի գումարը որպեսզի դուրս գան սուպերմարկետի տարածքից, սակայն նրանց է մոտեցել սուպերմարկետի անվտանգության աշխատակիցը և մորը խնդրել որպեսզի բացի իր ձեռքի պայուսակը և ցույց տա պարունակությունը: Ֆ.Հայրապետյանը բացել է պայուսակը և պայուսակի պարունակությունը դատարկել սայլակի մեջ, որից հետո դրամարկղի սկաների միջոցով պարզել են, որ 13.870 ՀՀ դրամի ընդհանուր արժողությամբ ապրանքի դիմաց վճարում չի կատարվել, որից հետո պահանջել են վճարել վերը նշված գումարը: Սակայն իրենց մոտ այդքան գումար չի եղել: Անվտանգության աշխատակիցը չի սպասել և զանգահարել է ոստիկանության Արաբկիրի բաժին: Քիչ անց ժամանել են ոստիկանության աշխատակիցները և իրենց բերման ենթարկել ոստիկանության Արաբկիրի բաժին:

Վկա - Արմեն Գագիկի Հակոբյանը նախաքննության փուլում ցուցմունք է տվել այն այն մասին, որ 2007թ-ից աշխատում է Երևան քաղաքի Կոմիտաս 60/2 հասցեում գործող ՙԱլեքս Գրիգ՚ ՍՊԸ-ին պատկանող ՙԵրևան Սիթի՚ սուպերմարկետում` որպես անվտանգության ծառայության պետ: 2013թ. ապրիլի 1-ին սովորականից մի փոքր շուտ հաճախել է աշխատանքի ժամը 09:30-ի սահմաններում: Վաճառասրահի տարածքով դեպի աշխատանքային սենյակ անցնելիս նկատել է մի կնոջ իր երեխաների հետ, որոնք վաճառասրահի տնտեսական բաժնից վերցրել են մի դեզադորանտ և դրել սայլակի մեջ, որնել այդ կինը վերցրել և դրել է սայլակում գտնվող իր պայուսակի վրա: Իր մոտ կասկած է առաջացել և շտապել է իր աշխատասենյակ և անձամբ սկսել հետևել նւանց: Նկատել է թե ինչպես են նրանք տնտեսական բաժնից սայլակի մեջ լցնում ապրանքներ, որոնք էլ տեղավորում են իրենց ձեռքի պայուսակի մեջ: Զգալով, որ այդ կինը գողություն է կատարում ինքը դուրս է եկել անվտանգության սենյակից և մոտեցել դրամարկղին որպեսզի ճշտի պայուսակի մեջ եղած ապրանքի դիմաց նրանք վճարում են թե ոչ: Երբ մոտեցել է դրամարկղին այդ կինը գտնվել է դրամարկղի մյուս կողմում իսկ դուստրը այդ պահին դրամարկղի մոտ վճարում է իր ձեռքում եղած թվով 1հատ ՚Ալպեն գոլդՙ տեսակի շոկոլադե սալիկի դիմաց: Սպասելով այնքան մինչ նրանք կփորձեն դուրս գալ վաճառասրահի տարածքից ինքը մոտենում է նրանց և կնոջը խնդրում, որպեսզի պայուսակի միջի պարունակությունը դատարկի սայլակի մեջ և մոտենան դրամարկղի մոտ: Մոտենալով դրամարկղի մոտ և պարզելով որ վերը նշված ապրանքները գողացված են պահանջել է վճարել դրանց դիմաց սակայն նրանց մոտ այդքան գումար չի եղել: Վերջինս զանգահարել է ոստիկանություն հայտնել կատարվածի մասին: Քիչ անց եկել են ոստիկանության աշխատակիցները և նրանց բերման ենթարկել ոստիկանության Արաբկիրի բաժին: Դրանից հետո իր աշխատասենյակում սկսել է ուսումնասիրել նախորդ օրերի տեսաձագրությունները և 30.03.2013թ. տեսաձագրության մեջ նկատել է, որ նրանք այդ օրը նույնպես գտնվել են վերը նշված խանութում և կրկին գողություն են անում սակայն պարզ չի երևում կոնկրետ որքան գումարի ապրանք են գողացել:
Գ.Թ. 4, 5, 72-73, 83
Վկա - Արմեն Սպարտակի Մանուկյանը նախաքննության փուլում ցուցմունք է տվել այն մասին, որ ՙԿոստանդյան եղբայրներ՚ ՍՊԸ-ում փորձաշրջան է անցնում երթուղայինի վարորդ աշխատելու նպատակով: Հանդիսանում է մեղադրյալներ Ֆլորա Հայրապետյանի ամուսինը իսկ Քրիստինե Մանուկյանի հայրը: Ընտանիքի միակ գումար վաստակողը ինքն է, և իր աշխատանքով են գոյատևում: 2013թ. ապրիլի 1-ին առավոտյան ժամը 6-ի սահմաններում գնացել է աշխատանքի և ինքը տեղյակ չի եղել, որ դուստրըª Ք.Մանուկյանը և կինըª Ֆ.Հայրապետյանը պետք է Երևան ժամանեին: Սույն թվականի ապրիլի 1-ին ժամը 10-ից մինչև ժամը 11-ն ընկած ժամանակահատվածում իրեն է զանգահարել Ֆ.Հայրապետյանը և կանչել Կոմիտաս պողոտայում գտնվող ՙԵրևան Սիթի՚ սուպերմարկետ: Ինքը մտածել է, որ երևի կինը իրեն լավ չի զգում այդ իսկ պատճառով իրեն կանչում է այնտեղ: Այդ պահին ինքը գտնվել է աշխատանքի վայրում և կնոջ զանգահարելուց 15-20 րոպե անց հասել է Կոմիտաս պողոտայում գտնվող ՙԵրևան Սիթի՚ սուպերմարկետ և տեղեկացել, որ կինը և դուստրը այնտեղից գողություն են արել, սակայն անվտանգության աշխատակցի կողմից բռնվել են:
Ամբաստանյալներ Ք.Մանուկյանին և Ֆ.Հայրապետյանին մեղսագրվող արարքը հիմնավորվել է նաև.
ՙԱլեքս-Գրիգ՚ ՍՊ ընկերության կողմից քննությանը ներկայացված ՙVISION, DVD-R 4.7 GB/120 MIN, 8X, DVD՚ գործարանային գրառումներով և ՙ01.04.2013թ. KOMITAS՚ ձեռագիր գրառումներով լազերային սկավառակի զննության արձանագրությամբ:
Իրեղեն ապացույց ճանաչված 2 հատ ՙNivea՚ ֆիրմայի 150մլ. տարողությամբ տղամարդու դեզադորանտով, 1հատ ՙNivea՚ ֆիրմայի 200մլ. տարողությամբ սափրվելու փրփուրով, 1 հատ ՙNiveaՙ ֆիրմայի 100մլ. տարողությամբ տղամարդու բալզամով, 1 հատ ՙNivea՚ ֆիրմայի 150մլ. տարողությամբ կանացի դեզադորանտով, 1 հատ ՙNivea՚ ֆիրմայի 400մլ. տարողությամբ տղամարդու շամպույնով, 1 հատ ՙWash & go՚ ֆիրմայի արտադրության 750մլ. շամպույնով, 1հատ ՚Blend-a-medՙ ֆիրմայի արտադրության 100մլ. տարողությամբ ատամի մածուկով, 1 հատ ՙSenl՚ ֆիրմայի մանկական ատամի խոզանակով և 1 հատ ՙPalmolive՚ ֆիրմայի 90գր. օճառով:

Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալներ Ֆլորա Հայրապետյանի և Քրիստինե Մանուկյանի մեղավորությունը`նախնական համաձայնությամբ ուրիշի գույքի գաղտնի հափշտակություն կատարելու մեջ, որը նախատեսված է` ՀՀ քրեական օրենսգրքի 34-177-րդ հոդվածի 2-րդ մասի 1- ին մասով, ապացուցված է:
Վերոհիշյալ հանցանքի կատարման համար ամբաստանյալները ենթակա են քրեական պատասխանատվության և պատժի, որը նրանք պետք է կրեն:
ՀՀ քրեական օրենսգրքի 10-րդ հոդվածի համաձայնª ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացիª համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 2-րդ մասի համաձայնª ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները՚:
ՀՀ քրեական օրենսգրքի 61-րդ հոդվածի 1-ին մասի համաձայն` ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները՚:
ՀՀ քրեական օրենսգրքի 61-րդ հոդվածի 2-րդ մասի համաձայնª ՙՊատժի տեսակը և չափը որոշվում է հանցագործությանª հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվումª պատասխանատվությունը և պատիժը մեղմացնող կամ ծանրացնող հանգամանքներով՚:
Ամբաստանյալ Ֆլորա Հայրապետյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա նախկինում դատված չէ, ընդունել է մեղքը և անկեղծորեն զղջացել կատարած արարքի համար, խնամքին է գտնվում 7 տարեկան որդին և 17 տարեկան դուստրը, առաջին անգամ կատարել է միջին ծանրության հանցանք:
Ամբաստանյալ Քրիստինե Մանուկյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա հանցանքը կատարել է անչափահաս տարիքում, բնութագրվում է դրական, ընդունել է մեղքը և անկեղծորեն զղջացել կատարած արարքի համար, առաջին անգամ կատարել է միջին ծանրության հանցանք:
Ամբաստանյալների պատասխանատվությունն ու պատիժը ծանրացնող հանգամանքներ դատարանը չի արձանագրել:
ՀՀ քրեական օրենսգրքի 70-րդ հոդվածի համաձայնª
ՙ1. Եթե դատարանը, կալանքի, ազատազրկման կամ կարգապահական գումարտակում պահելու ձևով պատիժ նշանակելով, հանգում է հետևության, որ դատապարտյալի ուղղվելը հնարավոր է առանց պատիժը կրելու, ապա կարող է որոշում կայացնել այդ պատիժը պայմանականորեն չկիրառելու մաuին:
2. Պատիժը պայմանականորեն չկիրառելիu դատարանը հաշվի է առնում հանցավորի անձը բնութագրող տվյալները, պատաuխանատվությունը և պատիժը մեղմացնող և ծանրացնող հանգամանքները: (...)՚:
Անձի նկատմամբ նշանակված ազատազրկման ձևով պատիժը պայմանականորեն չկիրառելու հետ կապված հարցերին Վճռաբեկ դատարանն անդրադարձել է ՎԲ-192/07, ՎԲ-50/07, ՎԲ-124/07, ԱՎԴ2/0059/01/08 և այլ որոշումներում, որոնցում հայտնել և վերահաստատել է իրավական դիրքորոշում այն մասին, որ չնայած պատիժը պայմանականորեն չկիրառելու հետ կապված ՀՀ քրեական օրենսգիրքն ինչպես հանցագործությունների, այնպես էլ անձանց շրջանակի որևէ սահմանափակում չի նախատեսել, այնուհանդերձ, դատարանը պարտավոր է, ղեկավարվելով ՀՀ քրեական օրենսգրքի 61-րդ հոդվածով նախատեսված պատիժ նշանակելու ընդհանուր սկզբունքներով, հաշվի առնել նաև հանցագործությանª հանրության համար վտանգավորության աստիճանն ու բնույթը: Դատարանի կողմից նշանակվող պատժի արդարացիության հիմնական պահանջն այն է, որ պատիժը պետք է համապատասխանի հանցագործության վտանգավորության աստիճանին ու բնույթին: Պատիժը պայմանականորեն չկիրառելու համար կարևոր նշանակություն ունեն հանցագործության կատարման հանգամանքները, եղանակը, գործիքներն ու միջոցները, մեղքի ձևը, հանցավորի կողմից այդ հանցագործության հանրորեն վտանգավոր հետևանքները նախատեսելու բնույթն ու աստիճանը:
Դատարանը, վերուծելով և գնահատելով գործի վերը նշված տվյալները, հաշվի առնելով Ֆլորա Հայրապետյանի և Քրիստինե Մանուկյանի կատարած հանցագործության հանրության համար վտանգավորության աստիճանը և բնույթը, նրանց անձը բնութագրող տվյալները այդ թվում պատասխանատվությունն ու պատիժը մեղմացնող հանգամանքները, ինչպես նաև պատասխանատվությունն ու պատիժը ծանրացնող հանգամանքների բացակայությունը, գտնում է, որ վերը թվարկված հանգամանքերն էականորեն նվազեցնում են հանցագործության հանրության համար վտանգավորության աստիճանն ու իրենց համակցությամբ հնարավորություն են տալիս հանգելու հետևության, որ վերջիններիս ուղվելը հնարավոր է առանց նշանակված պատիժը կրելու:
Դատարանը գտնում է, որ ամբաստանյալների նկատմամբ ազատազրկման ձևով նշանակված պատիժը պայմանականորեն չկիրառելու միջոցով տվյալ գործով հնարավոր է հասնել ՀՀ քրեական օրենսգրքի 48-րդ հոդվածով նախատեսված պատժի նպատակներին, սոցիալական արդարության վերականգմանը, պատժի ենթարկված անձի ուղղմանը և հանցագործությունների կանխմանը: Տվյալ դեպքում դրանով կապահովվեն նաև ՀՀ քրեական օրենսգրքի 10-րդ և 61-րդ հոդվածներով սահմանված` արդարության, պատասխանատվության անհատականացման և պատիժ նշանակելու ընդհանուր սկզբունքները:
Անդրադառնալով իրեղեն ապացույցների տնօրինման հարցին` դատարանը գտնում է, որ իրեղեն ապացույց ճանաչված 2 հատ ՙNivea՚ ֆիրմայի 150մլ. տարողությամբ տղամարդու դեզադորանտը, 1հատ ՙNivea՚ ֆիրմայի 200մլ. տարողությամբ սափրվելու փրփուրը, 1 հատ ՙNivea՚ ֆիրմայի 100մլ. տարողությամբ տղամարդու բալզամը, 1 հատ ՙNivea՚ ֆիրմայի 150մլ. տարողությամբ կանացի դեզադորանտը, 1 հատ ՙNivea՚ ֆիրմայի 400մլ. տարողությամբ տղամարդու շամպունը, 1 հատ ՙWash & go՚ ֆիրմայի արտադրության 750մլ. շամպունը, 1հատ ՚Blend-a-medՙ ֆիրմայի արտադրության 100մլ. տարողությամբ ատամի մածուկը, 1 հատ ՙSenl՚ ֆիրմայի մանկական ատամի խոզանակը և 1 հատ ՙPalmolive՚ ֆիրմայի 90գր. օճառը պետք է վերադարձնել տուժողի ներկայացուցչին, իսկ ՙVISION. DVD-R.4.7 GB/120 MIN, 8X DVD՚ լազերային սկավառակը` պահել քրեական գործում:
Ղեկավարվելով ՀՀ քրեական դատավարության օրենսգրքի 134-րդ, 357-360-րդ, 365-րդ, 369-373-րդ, 379-րդ հոդվածներով, դատարանը`

ՎՃՌԵՑ

Ֆլորա Ժորայի Հայրապետյանին մեղավոր ճանաչել ՀՀ քրեական օրենսգրքի 34-177-րդ հոդվածի 2-րդ մասի 1-ին կետով նախատեսված հանցագործության կատարման մեջ և նրա նկատմամբ պատիժ նշանակել ազատազրկում 2 /երկու/ տարի ժամկետով:
ՀՀ քրեական օրենսգրքի 70-րդ հոդվածի կիրառմամբ` պատիժը պայմանականորեն չկիրառել, սահմանել փորձաշրջան 2 /երկու/ տարի ժամկետով:
Ֆլորա Հայրապետյանի նկատմամբ ընտրված խափանման միջոցը` ստորագրություն` չհեռանալու մասին, թողնել անփոփոխ` մինչև դատավճռի օրինական ուժի մեջ մտնելը:

Քրստինե Արմենի Մանուկյանին մեղավոր ճանաչել ՀՀ քրեական օրենսգրքի 34-177-րդ հոդվածի 2-րդ մասի 1-ին կետով նախատեսված հանցագործության կատարման մեջ և նրա նկատմամբ պատիժ նշանակել ազատազրկում 1 /մեկ/ տարի ժամկետով:
ՀՀ քրեական օրենսգրքի 70-րդ հոդվածի կիրառմամբ պատիժը պայմանականորեն չկիրառել, սահմանել փորձաշրջան 1 /մեկ/ տարի ժամկետով:
Քրստինե Մանուկյանի նկատմամբ ընտրված խափանման միջոցը` ծնողի հսկողության հանձնելը թողնել անփոփոխ` մինչև դատավճռի օրինական ուժի մեջ մտնելը:
Իրեղեն ապացույց ճանաչված 2 հատ ՙNivea՚ ֆիրմայի 150 մլ. տարողությամբ տղամարդու դեզադորանտը, 1 հատ ՙNivea՚ ֆիրմայի 200 մլ. տարողությամբ սափրվելու փրփուրը, 1 հատ ՙNivea՚ ֆիրմայի 100 մլ. տարողությամբ տղամարդու բալզամը, 1 հատ ՙNivea՚ ֆիրմայի 150 մլ. տարողությամբ կանացի դեզադորանտը, 1 հատ ՙNivea՚ ֆիրմայի 400 մլ. տարողությամբ տղամարդու շամպունը, 1 հատ ՙWash & go՚ ֆիրմայի արտադրության 750 մլ. շամպունը, 1 հատ ՙBlend-a-med՚ ֆիրմայի արտադրության 100 մլ. տարողությամբ ատամի մածուկը, 1 հատ ՙSenl՚ ֆիրմայի մանկական ատամի խոզանակը և 1 հատ ՙPalmolive՚ ֆիրմայի 90 գր. օճառը հանձնել տուժողի ներկայացուցչի տնօրինմանը, իսկ ՙVISION. DVD-R.4.7 GB/120 MIN, 8X DVD՚ լազերային սկավառակը` պահել քրեական գործում:
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո` մեկամսյա ժամկետում:



ԴԱՏԱՎՈՐ Ա.ՄԿՐՏՉՅԱՆ