ԵԱՔԴ/0096/01/13


Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր Լ. Ավետիսյան
քարտուղարությամբ` Ե. Կարապետյանի
մասնակցությամբ
մեղադրող` Ա. Սեփոյանի
պաշտպան` Ա. Մարտիրոսյանի


2013 թվականի հուլիսի 22-ին, Երևան քաղաքում, դռնբաց դատական նիստում, դատական քննության արագացված կարգով, քննեց քրեական գործն ըստ մեղադրանքի` Արմեն Մարտինի Զիլֆուղարյանի, ծնված 1983 թվականի փետրվարի 16-ին, Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, գտնվում է փաստական ամուսնական հարաբերությունների մեջ, խնամքին մեկ երեխա, նախկինում չդատված, չի աշխատում, հաշվառված և բնակվում է Երևան քաղաքի Եր.Քոչարի փողոցի 13 շենքի թիվ 20 բնակարանում, մեղադրվում է ՀՀ քրեական օրենսգրքի 193 հոդվածով, որպես խափանման միջոց է ընտրվել չհեռանալու մասին ստորագրությունը,

Պ Ա Ր Զ Ե Ց

1.Գործի դատավարական նախապատմությունը.
2013 թվականի մայիսի 13-ին ՀՀ կառավարության առընթեր պետական եկամուտների կոմիտեի քննչական վարչությունում ՀՀ քրեական օրենսգրքի 193 հոդվածով նախատեսված հանցագործության հատկանիշներով հարուցվել է թիվ 83106013 քրեական գործը:
Նախաքննության մարմնի 2013 թվականի հունիսի 04-ի որոշմամբ Արմեն Մարտինի Զիլֆուղարյանը ներգրավվել է որպես մեղադրյալ, և նրան մեղադրանք է առաջադրվել ՀՀ քրեական օրենսգրքի 193 հոդվածով, նրա նկատմամբ որպես խափանման միջոց է կիրառվել չհեռանալու մասին ստորագրությունը:
2013 թվականի հունիսի 13-ին թիվ 83106013 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2.Գործի փաստական հանգամանքները.
Նախնական քննության մարմինն ամբաստանյալ Արմեն Մարտինի Զիլֆուղարյանին ՀՀ քրեական օրենսգրքի 193 հոդվածով մեղադրանք է առաջադրել այն արարքի կատարման համար, որ նա 2008 թվականի հոկտեմբերի 31-ից հանդիսանալով ՀՀ ԿԱ ՊԵԿ Նոր Նորքի /նախկինում Քանաքեռ-Զեյթուն/ հարկային տեսչությունում հաշվառված ՙԴարի՚ Ա/Կ-ի նախագահ, զբաղվել է ձեռնարկատիրական գործունեությամբ, սակայն 2009-2010թթ. ընթացքում իրականացրած գործունեության վերաբերյալ հարկային տեսչություն ներկայացրած հաշվարկներում և հաշվետվություններում արտացոլված հարկային պարտավորությունները սեփական շահերից ելնելով չի կատարել, թեև ունեցել է դրանք վճարելու հնարավորություն և կանխամտածված ստեղծելով անվճարունակության հատկանիշներ պարտատիրոջը` պետությանը, պատճառել է խոշոր չափի` 2.058.928 դրամի վնաս, որից ապառք` 1.191.228 դրամ, տույժ` 861.900 դրամ, տուգանք` 5.800 դրամ:
3.Արագացված դատական քննություն.
Մինչև դատաքննությունն սկսելն ամբաստանյալ Արմեն Զիլֆուղարյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալի պաշտպան Արմեն Մարտիրոսյանը:
Ամբաստանյալն ամբողջությամբ ընդունեց ՀՀ գլխավոր դատախազության կողմից ներկայացված քաղաքացիական հայցը:
Մեղադրող Ա.Սեփոյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արմեն Մարտինի Զիլֆուղարյանին առաջադրված մեղադրանքը ՀՀ քրեական օրենսգրքի 193 հոդվածով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 193 հոդվածի հատկանիշներին և արարքների որակումը ճիշտ է:
Ամբաստանյալ Արմեն Զիլֆուղարյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալ Արմեն Զիլֆուղարյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա նախկինում դատված չի եղել, հանցանքն ընդունել և զղջում է կատարածի համար, նրա խնամքին է գտնվում մինչև տասնչորս տարեկան երեխան (Նարինե Արմենի Զիլֆուղարյան` ծնված 26.02.2009թ.-ին):
Ամբաստանյալ Արմեն Զիլֆուղարյանի պատասխանատվությունը և պատիժը ծանրացնող հանգամանքներ չկան:
Կատարած արարքի համար ամբաստանյալ Արմեն Մարտինի Զիլֆուղարյանը ենթակա է քրեական պատասխանատվության և պատժի:
Հաշվի առնելով Արմեն Զիլֆուղարյանի կատարած արարքի հանրության համար վտանգավորության աստիճանը և բնույթը, նրա անձը, նրան բնութագրող տվյալները, պատասխանատվությունը և պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 193 հոդվածի սանկցիայով նախատեսված է պատիժ միայն ազատազրկման ձևով, դատարանը գտնում է, որ պատժի նպատակներին հասնելու համար ամբաստանյալ Արմեն Մարտինի Զիլֆուղարյանի նկատմամբ ՀՀ քրեական օրենսգրքի 193 հոդվածով կատարած հանցանքի համար պատիժ պետք է նշանակել ազատազրկման ձևով:
ՀՀ քրեական դատավարության օրենսգրքի 3753 հոդվածի 6-րդ մասի համաձայն դատարանը արագացված կարգով դատական քննության արդյունքում մեղադրական դատավճիռ կայացնելիս նշանակում է պատիժ, որը չի կարող գերազանցել կատարված հանցագործության համար նախատեսված առավել խիստ պատժի երկու երրորդը, իսկ եթե առավել խիստ պատժի երկու երրորդը փոքր է տվյալ հանցագործության համար նախատեսված առավել մեղմ պատժից, ապա` առավել մեղմ պատիժը:
ՀՀ Ազգային ժողովի 2011 թվականի մայիսի 26-ի ՙՀամաներում հայտարարելու մասին՚ որոշման 15-րդ կետի համաձայն, նշված որոշումը կիրառվում է այն անձանց նկատմամբ, ովքեր հանցագործություն են կատարել մինչև 2011 թվականի մայիսի 1-ը ներառյալ: Արմեն Զիլֆուղարյանը հանրորեն վտանգավոր արարքը կատարել է 2009-2010 թվականների ընթացքում:
Սույն քրեական գործով բացակայում են համաներման մասին հիշյալ որոշման 9-րդ կետում նշված այն սահմանափակումները, որոնք կարող են արգելք հանդիսանալ ամբաստանյալի նկատմամբ համաներման ակտի կիրառման համար:
Համաներում հայտարարելու մասին որոշման 13-րդ կետի 1-ին ենթակետի ՙա՚ պարբերության համաձայն, որոշման կատարումը վերապահված է դատարաններին այն անձանց նկատմամբ, որոնց վերաբերյալ գործերը գտնվում են դատարաններում, սակայն մինչև սույն որոշումն ուժի մեջ մտնելը չեն քննվել, կամ այն անձանց նկատմամբ, որոնց վերաբերյալ գործերը քննվել են, բայց դատավճիռներն օրինական ուժի մեջ չեն մտել:
ՀՀ Ազգային ժողովի 2011 թվականի մայիսի 26-ի ՙՀամաներում հայտարարելու մասին՚ որոշման 2-րդ կետի 4-րդ ենթակետի համաձայն, պատժից պետք է ազատել, բացառությամբ սույն որոշման 8-րդ կետի 4-րդ և 5-րդ ենթակետերով նախատեսված դեպքերի, առավելագույնը հինգ տարի ժամկետով ազատազրկման դատապարտված` սույն որոշումն ուժի մեջ մտնելու օրվա դրությամբ հղի կանանց կամ մինչև երեք տարեկան երեխա ունեցող անձանց:
Հիմք ընդունելով վերը նշվածը, դատարանը գտնում է, որ ամբաստանյալ Արմեն Զիլֆուղարյանի նկատմամբ կիրառելի է ՀՀ Ազգային Ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011 թվականի մայիսի 26-ի որոշումը:
Դատարանը գտնում է, որ ամբաստանյալ Արմեն Զիլֆուղարյանի նկատմամբ կիրառված խափանման միջոցը պետք է թողնել անփոփոխ` մինչև դատավճռի օրինական ուժի մեջ մտնելը
Անդրադառնալով ՀՀ գլխավոր դատախազության կողմից ներկայացված քաղաքացիական հայցին, դատարանը գտնում է, որ այն ենթակա է բավարարման հետևյալ պատճառաբանությամբ.
Համաձայն ՀՀ քրեական դատավարության օրենսգրքի 158 հոդվածի 2-րդ մասի, քաղաքացիական հայց հարուցվում է կասկածյալի, մեղադրյալի կամ նրա դեմ, ում վրա կարող է գույքային պատասխանատվություն դրվել մեղադրյալի գործողությունների համար:
Քրեական դատավարությունում քաղաքացիական հայցի առարկան է կազմում հանցագործությամբ անմիջականորեն պատճառված գույքային վնասը, որի հատուցման մասին պահանջը հայցվորը ներկայացնում է մեղադրյալին կամ նրա գործողությունների համար պատասխանատվություն կրող անձին: Քաղաքացիական հայցի առարկայի որոշման համար անհրաժեշտ է, որպեսզի վնասն անմիջականորեն հանցագործությամբ պատճառված լինի:
Ամբաստանյալի կողմից քաղաքացիական հայցը կամավոր ընդունելու պայմաններում, դատարանը գտնում է, որ որպես հանցագործությամբ անմիջականորեն պատճառված վնաս Արմեն Մարտինի Զիլֆուղարյանից հօգուտ ՀՀ պետական բյուջեի պետք է բռնագանձել երկու միլիոն հիսունութ հազար ինը հարյուր քսանութ (2.058.928) ՀՀ դրամ, նկատի ունենալով, որ այն չի հակասում օրենքին և չի վերաբերում այլ անձանց իրավունքներին:
Դատարանը գտնում է, որ դատավճիռն օրինական ուժի մեջ մտնելուց հետո, ՀՀ պետական եկամուտների կոմիտեի քննչական վարչության քննիչի 04.06.2013թ.-ի որոշմամբ ապացույց ճանաչված, ՙԴարի՚ Ա/Կ-ի կողմից հարկային մարմիններին ներկայացրած շահութահարկի, եկամտահարկի հաշվարկների, պարտադիր սոցիալական ապահովագրության վճարի հաշվետվությունների, անձնական հաշվի քարտերի, ինչպես նաև ՙԴարի՚ Ա/Կ-ի հարկային և սոցիալական ապահովադրի գործերի պատճենները պետք է պահել քրեական գործում:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը


Վ Ճ Ռ Ե Ց


Արմեն Մարտինի Զիլֆուղարյանին մեղավոր ճանաչել ՀՀ քրեական օրենսգրքի 193 հոդվածով նախատեսված հանցանք կատարելու մեջ և նրան դատապարտել ազատազրկման երկու (2) տարի ժամկետով:
Կիրառել ՀՀ Ազգային Ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011 թվականի մայիսի 26-ի որոշման 2-րդ կետի 4-րդ ենթակետը և Արմեն Մարտինի Զիլֆուղարյանին ազատել պատժի կրումից:
Արմեն Մարտինի Զիլֆուղարյանի նկատմամբ որպես խափանման միջոց կիրառված չհեռանալու մասին ստորագրությունը թողնել անփոփոխ, մինչև դատավճռի օրինական ուժի մեջ մտնելը:
ՀՀ գլխավոր դատախազության քաղաքացիական հայցը բավարարել.
Արմեն Մարտինի Զիլֆուղարյանից հօգուտ ՀՀ պետական բյուջեի բռնագանձել երկու միլիոն հիսունութ հազար ինը հարյուր քսանութ (2.058.928) ՀՀ դրամ:
ՀՀ պետական եկամուտների կոմիտեի քննչական վարչության քննիչի 04.06.2013թ.-ի որոշմամբ ապացույց ճանաչված, ՙԴարի՚ Ա/Կ-ի կողմից հարկային մարմիններին ներկայացրած շահութահարկի, եկամտահարկի հաշվարկների, պարտադիր սոցիալական ապահովագրության վճարի հաշվետվությունների, անձնական հաշվի քարտերի, ինչպես նաև ՙԴարի՚ Ա/Կ-ի հարկային և սոցիալական ապահովադրի գործերի պատճենները պահել քրեական գործում:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:


Դատավորª ստորագրություն
Բնագրի հետ ճիշտ է
Դատավոր Լ. Ավետիսյան