ԵԱՔԴ/0090/01/13

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
09.09.2013թ. ք. Երևան

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանըª

նախագահությամբ դատավոր` Արմեն Խաչատրյանի,
քարտուղարությամբ` Մագդա Գրիգորյանի,
մասնակցությամբ մեղադրող` Դավիթ Կարապետյանի,

դատարանում, դռնբաց դատական նիստում քննեց քրեական գործն ըստ մեղադրանքի

1.Արման Ազատի Աղջոյանի` ծնված 03.09.1971թ.-ին, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին երկու անչափահաս երեխաները, զբաղվում է բնակարանների վերանորոգման աշխատանքներով, նախկինում չդատված, հաշվառված և բնակվում է ք. Երևան, Զ. Քանաքեռցու փողոց, տուն 32/1 տուն հասցեում, մեղադրանք է առաջադրվել ՀՀ քրեական օրենսգրքի 275-րդ հոդվածի 1-ին մասով նախատեսված հանցանք կատարելու համար, որպես խափանման միջոց է ընտրվել չհեռանալու մասին ստորագրությունը,
2.Գագիկ Իվանի Գալստյանի` ծնված 17.04.1965թ.-ին, Երևան քաղաքում, ազգությամբ հայ, ՀՀ քաղաքացի, ութամյա կրթությամբ, ամուսնացած, խնամքին ոչ ոք, աշխատում է Երևան քաղաքի ՙԳում՚-ի շուկայում, որպես բեռնակիր բանվոր, նախկինում չդատված, հաշվառված և բնակվում է ք. Երևան, Գ. Նժդեհի փողոց, 9-րդ շենքի 8-րդ բնակարան հասցեում, մեղադրանք է առաջադրվել ՀՀ քրեական օրենսգրքի 38-275-րդ հոդվածի 2-րդ մասի 1-ին կետով նախատեսված հանցանք կատարելու համար, որպես խափանման միջոց է ընտրվել չհեռանալու մասին ստորագրությունը,
3.Հավհաննես Աղաբեկի Միդեյանի` ծնված 21.11.1976թ.-ին, Գավառ քաղաքում, ազգությամբ հայ, ՀՀ քաղաքացի, ութամյա կրթությամբ, ամուսնացած, խնամքին մինչև 14 տարեկան երկու երեխաները, հայրը և մայրը, զբաղվում է անասնապահությամբ, նախկինում չդատված, հաշվառված է
ք. Գավառ, Սարուխանյան փողոց, 52 շենք, 3-րդ բնակարան հասցեում, փաստացի բնակվում է ք. Գավառ, Զարգարյան 15Ա հասցեում, մեղադրանք է առաջադրվել ՀՀ քրեական օրենսգրքի 275-րդ հոդվածի 2-րդ մասի 1-ին կետով նախատեսված հանցանք կատարելու համար, որպես խափանման միջոց է ընտրվել չհեռանալու մասին ստորագրությունը,
4.Տիգրան Ռազմիկի Գզրարյանի` ծնված 04.06.1979թ.-ին, Գավառ քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին մինչև 14 տարեկան երեք երեխաները, աշխատում է ՙԳում՚-ի շուկայում որպես մսավաճառ, հանդիսանում է անհատ ձեռնարկատեր, նախկինում չդատված, հաշվառված և բնակվում է ք. Գավառ, Սայադյան փողոց 29 տուն հասցեում, մեղադրանք է առաջադրվել ՀՀ քրեական օրենսգրքի 275-րդ հոդվածի 2-րդ մասի 1-ին կետով նախատեսված հանցանք կատարելու համար, որպես խափանման միջոց է ընտրվել չհեռանալու մասին ստորագրությունը:

2013 թվականի մարտի 4-ին ՀՀ ոստիկանության ՔԳՎ Երևան քաղաքի քննչական վարչության Քանաքեռ-Զեյթունի քննչական բաժնում ՀՀ քրեական օրենսգրքի 275-րդ հոդվածի 2-րդ մասի 1-ին կետի հատկանիշներով հարուցվել է թիվ 09106113 քրեական գործը:
2013 թվականի մարտի 26-ին Արման Ազատի Աղջոյանը որպես մեղադրյալ է ներգրավվել ՀՀ քրեական օրենսգրքի 275-րդ հոդվածի 1-ին մասով նախատեսված այն արարքի կատարման համար, որ նա ՙքննությամբ չպարզված հանգամանքներում իրացնելու նպատակով ապօրինի ձեռք է բերել և պահել 2121,6 գրամ քաշով թունավոր նյութ հանդիսացող մետաղական սնդիկ և իր ծանոթ Գագիկ Իվանի Գալստյանի միջոցով, վերջինիս հետ ունեցած նախնական պայմանավորվածության համաձայն 2013թ. փետրվարի 7-ին, ժամը 19:00-ի սահմաններում Երևան քաղաքի Լեփսիուսի փողոցի շենքերից մեկի բակում հանդիպելով իրացման նպատակով թունավոր նյութ հանդիսացող մետաղական սնդիկ ապօրինի ձեռք բերելու շուրջ միմյանց միջև նախնական համաձայնության եկած Հովհաննես Աղաբեկի Միդեյանի և Տիգրան Ռազմիկի Գզրարյանի հետ, նստել է վերջինիս պատկանող ՙՄերսեդես՚ մակնիշի 81 OQ 100 պետհամարնիշի ավտոմեքենան և իր մոտ եղած, ռետինե տարրայի մեջ լցված 2121,6 գրամ քաշով թունավոր նյութ հանդիսացող մետաղական սնդիկը նրանց տալով` ապօրինի իրացրել է այն: Սակայն Հ.Միդեյանը և Տ.Գզրարյանը ստուգելով սնդիկի որակը չեն հավանել այն` ամբողջությամբ ձեռք բերելու համար և դրանից իրացնելու նպատակով ձեռք են բերել 13,6 գրամը, որը նույն օրը հայտնաբերվել է ոստիկանության աշխատակիցների կողմից` Տ.Գզրարյանին պատկանող ՙՄերսեդես՚ մակնիշի 81 OQ 100 պետհամարնիշի ավտոմեքենայի զննությամբ, իսկ մնացած 2108 քաշով թունավոր նյութ հանդիսացող մետաղական սնդիկը 2013թ. փետրվարի 7-ին ժամը 21:05-ին հայտնաբերվել է իր անձնական խուզարկությամբ` բաճկոնի աջ գրպանից՚:
2013 թվականի մարտի 26-ին Հովհաննես Աղաբեկի Միդեյանը որպես մեղադրյալ է ներգրավվել ՀՀ քրեական օրենսգրքի 275-րդ հոդվածի 2-րդ մասի 1-ին կետով նախատեսված այն արարքի կատարման համար, որ նա ՙԳագիկ Իվանի Գալստյանի օժանդակությամբ իրացնելու նպատակով թունավոր նյութ հանդիսացող մետաղական սնդիկ ապօրինի ձեռք բերելու շուրջ նախնական համաձայնության գալով Տիգրան Ռազմիկի Գզրարյանի հետ, 2013թ. փետրվարի 7-ին ժամը 19:00-ի սահմաններում Երևան քաղաքի Լեփսիուսի փողոցի շենքերից մեկի բակում Տ.Գզրարյանին պատկանող ՙՄերսեդես՚ մակնիշի 81 OQ 100 պետհամարնիշի ավտոմեքենայի մեջ հանդիպելով իրացնելու նպատակով թունավոր նյութ հանդիսացող մետաղական սնդիկ ապօրինի ձեռք բերած Արման Ազատի Աղջոյանի հետ, վերջինիցս իրացնելու նպատակով ձեռք է բերել 2121,6 գրամ քաշով մետաղական սնդիկ, սակայն չհավանելով թունավոր նյութ հանդիսացող մետաղական սնդիկի որակը, 2121,6 գրամից իրացնելու նպատակով ապօրինի ձեռք է բերել 13,6 գրամը, որը նույն օրը ոստիկանության աշխատակիցների կողմից հայտնաբերվել է Տ.Գզրարյանի ՙՄերսեդես՚ մակնիշի 81 OQ 100 պետհամարնիշի ավտոմեքենայի զննությամբ, իսկ մնացած 2108 գրամ քաշով թունավոր նյութ հանդիսացող մետաղական սնդիկը 2013թ. փետրվարի 7-ին ժամը 21:05-ին հայտնաբերվել է Արման Աղջոյանի անձնական խուզարկությամբ` բաճկոնի աջ գրպանից՚:
2013 թվականի մարտի 27-ին Տիգրան Ռազմիկի Գզրարյանը որպես մեղադրյալ է ներգրավվել ՀՀ քրեական օրենսգրքի 275-րդ հոդվածի 2-րդ մասի 1-ին կետով նախատեսված այն արարքի կատարման համար, որ նա ՙԳագիկ Իվանի Գալստյանի օժանդակությամբ իրացնելու նպատակով թունավոր նյութ հանդիսացող մետաղական սնդիկ ապօրինի ձեռք բերելու շուրջ նախնական համաձայնության գալով Հովհաննես Աղաբեկի Միդեյանի հետ, 2013թ. փետրվարի 7-ին ժամը 19:00-ի սահմաններում Երևան քաղաքի Լեփսիուսի փողոցի շենքերից մեկի բակում իրեն պատկանող ՙՄերսեդես՚ մակնիշի 81 OQ 100 պետհամարնիշի ավտոմեքենայի մեջ հանդիպելով իրացնելու նպատակով թունավոր նյութ հանդիսացող մետաղական սնդիկ ապօրինի ձեռք բերած Արման Ազատի Աղջոյանի հետ, վերջինիցս իրացնելու նպատակով ձեռք է բերել 2121,6 գրամ քաշով մետաղական սնդիկ, սակայն չհավանելով թունավոր նյութ հանդիսացող մետաղական սնդիկի որակը, 2121,6 գրամից իրացնելու նպատակով ապօրինի ձեռք է բերել 13,6 գրամը, որը նույն օրը ոստիկանության աշխատակիցների կողմից հայտնաբերվել է իր անձնական օգտագործման ՙՄերսեդես՚ մակնիշի 81 OQ 100 պետհամարնիշի ավտոմեքենայի զննությամբ, իսկ մնացած 2108 գրամ քաշով թունավոր նյութ հանդիսացող մետաղական սնդիկը 2013թ. փետրվարի 7-ին ժամը 21:05-ին հայտնաբերվել է Արման Աղջոյանի անձնական խուզարկությամբ` բաճկոնի աջ գրպանից՚:
2013 թվականի մայիսի 29-ին Գագիկ Իվանի Գալստյանը որպես մեղադրյալ է ներգրավվել ՀՀ քրեական օրենսգրքի 38-275-րդ հոդվածի 2-րդ մասի 1-ին կետով նախատեսված այն արարքի կատարման համար, որ նա ՙ2013թ. փետրվար ամսվա սկզբներին Երևան քաղաքի Գումի շուկայի մոտ Տիգրան Գզրարյանի հետ զրույցի ժամանակ տեղեկանալով, որ վերջինս իրացման նպատակով ցանկանում է ձեռք բերել թունավոր նյութ հանդիսացող մետաղական սնդիկ, նախապես խոստացել է սնդիկ վաճառողի վերաբերյալ տեղեկություններ հավաքելով օժանդակել նրան և այդ նպատակով մի քանի օր անց իր ծանոթ Արման Աղջոյանին հարցրել է` մետաղական սնդիկ իրացնող հնարավոր անձի մասին տեղեկություններ ձեռք բերելու վերաբերյալ:
Տեղեկանալով, որ Ա.Աղջոյանն ունի մոտ մեկ կիլոգրամ մետաղական սնդիկ, որը ցանկանում է վաճառել, Գ.Գալստյանը շարունակել է օժանդակել Տ.Գզրարյանին և նրա հետ խմբի կազմում իրացման նպատակով մետաղական սնդիկ ձեռք բերելու շուրջ նախնական համաձայնության եկած Հովհաննես Միդեյանին. այն է` 2013թ. փետրվարի 7-ին, նախապես տեղեկացնելով Ա.Աղջոյանին մետաղական սնդիկը իրացնելու նպատակով ձեռք բերելու համար Հ.Միդեյանի ու Տ.Գզրարյանի այցելության մասին, Երևան քաղաքի Գումի շուկայում հանդիպելով Հ.Միդեյանին և Տ.Գզրարյանին, վերջինիս վարած Մերսեդես մակնիշի 81 OQ 100 պետհամարանիշի ավտոմեքենայով, ուղեկցել է նրանց Երևան քաղաքի Քանաքեռ թաղամասում գտնվող Ա.Աղջոյանի տան մոտ, որտեղ իր կողմից արդեն իսկ նախնական պայմանավորվածության համաձայն սպասել է Ա.Աղջոյանը` իրացման նպատակով իր հետ բերված սնդիկով հանդերձ:
Հանդիպման ժամանակ Հ.Միդեյանն ու Տ.Գզրարյանը Ա.Աղջոյանից իրացման նպատակով ապօրինի ձեռք են բերել 13.6 գրամ քաշով թունավոր նյութ հանդիսացող մետաղական սնդիկը՚:
2013 թվականի հունիսի 4-ին թիվ 09106113 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան` ըստ էության քննելու համար:
Դատաքննությամբ և գործով ձեռք բերված ապացույցներով դատարանը պարզեց հետևյալը.
Գագիկ Գալստյանը 2013թ. փետրվար ամսվա սկզբներին Երևան քաղաքի ՙԳումի՚ շուկայի մոտ Տիգրան Գզրարյանի հետ զրույցի ժամանակ տեղեկացել է, որ վերջինս ցանկանում է ձեռք բերել թունավոր նյութ հանդիսացող մետաղական սնդիկ: Խոստացել է նրան սնդիկ վաճառողի վերաբերյալ տեղեկություններ հայտնել: Այդ նպատակով մի քանի օր անց իր ծանոթ Արման Աղջոյանին տեղեկություններ է հարցրել մետաղական սնդիկ իրացնող հնարավոր անձի մասին: Ա. Աղջոյանը, Գ. Գալստյանից տեղեկանալով, որ մետաղական սնդիկ գնել ցանկացող անձնավորություն կա` որոշել է վաճառել իր տան բակում գտնվող արհեստանոցում ապօրինի պահվող ռետինե տարրայում առկա 2121.6 գրամ քաշով մետաղական սնդիկը և այդ մասին հայտնել է Գ. Գալստյանին: Վերջինս այդ մասին հայտնել է Տ. Գզրարյանին, որն էլ իր հերթին հայտնել է ընկերոջը` Հովհաննես Միդեյանին: Դրանից հետո Տ. Գզրարյանը և Հ. Միդեյանը նախնական համաձայնության են եկել իրացնելու նպատակով Գ. Գալստյանի միջոցով մետաղական սնդիկը ապօրինի ձեռք բերելու հարցի շուրջ և այդ մասին հայտնել են նրան: Վերջինս 2013 թվականի փետրվարի 7-ին Արման Աղջոյանին նախապես տեղեկացրել է սնդիկը ձեռք բերելու համար իրեն այցելելու մասին, նույն օրը Երևան քաղաքի ՙԳումի՚ շուկայում հանդիպել է Հ. Միդեյանին և Տ. Գզրարյանին, վերջինիս վարած Մերսեդես մակնիշի 81 OQ 100 պետհամարանիշի ավտոմեքենայով նրանց ուղեկցել է Երևան քաղաքի Քանաքեռ թաղամասում գտնվող Արման Աղջոյանի տան մոտ, որտեղ ժամը 19:00-ի սահմաններում, պայմանավորվածության համաձայն իրենց է սպասել Ա. Աղջոյանը: Նա նստելով Տ. Գզրարյանի ավտոմեքենան` իր մոտ եղած, ռետինե տարրայի մեջ լցված 2121,6 գրամ քաշով թունավոր նյութ հանդիսացող մետաղական սնդիկը տվել է Հ. Միդեյանին, վերջինս այդ սնդիկից 13,6 գրամ լցրել է ներարկչի մեջ և Ա. Աղջոյանի համաձայնությամբ անվճար վերցրել է: Սնդիկի որակն ստուգելու և հետագայում հնարավոր գնորդ գտնելու նպատակով Հ. Միդեյանը և Տ. Գզրարյանը 2121,6 գրամ քաշով մետաղական սնդիկից ապօրինի ձեռք են բերել 13,6 գրամը, որը նույն օրը հայտնաբերվել է ոստիկանության աշխատակիցների կողմից` Տ. Գզրարյանին պատկանող ՙՄերսեդես՚ մակնիշի 81 OQ 100 պետհամարնիշի ավտոմեքենայի զննությամբ, իսկ մնացած` 2108 գրամ քաշով թունավոր նյութ հանդիսացող մետաղական սնդիկը Ա. Աղջոյանը պահել է իր մոտ, ինչը նույն օրը 21:05-ին ոստիկանության աշխատակիցների կողմից հայտնաբերվել է նրա անձնական խուզարկությամբ` բաճկոնի աջ գրպանից:
Այսպես.
Առաջադրված մեղադրանքում ամբաստանյալ Արման Աղջոյանն իրեն մեղավոր ճանաչեց և ցուցմունք տվեց այն մասին, որ ամբաստանյալ Գագիկ Գալստյանին ճանաչում է մոտ երկու տարի է: 2009թ. հունվարի 18-ին իր մահացած հայրը` Ազատ Աղջոյանն իրենց տան բակում ունեցել է արհեստանոց, որտեղ պահել է տարատեսակ կենցաղային իրեր, աշխատանքային գործիքներ: 2012թ. նոյեմբերի վերջերին հիշյալ արհեստանոցը մաքրելու, դասավորելու ընթացքում հայտնաբերել է ռետինե տարրա, որը մի փոքր շրջելով նկատել է, որ ՙգունդ է գալիս՚, տարրայի պարունակության ծանրությունից և հատկապես գույնից հասկացել է, որ դա սնդիկ է: Տարրան կրկին դրել է տեղը և շարունակել մաքրությունը: Դրանից որոշ ժամանակ անց` 2013թ. հունվար ամսվա վերջերին, Գագիկի հետ խոսակցության ընթացքում, վերջինս իրեն ասել է, որ եթե սնդիկ գտնի, կարող է ՙռեալիզացնել՚, քանի որ գնորդ կա: Ինքը ոչինչ չի պատասխանել: Դրանից մի քանի օր անց` 2013թ. փետրվար ամսվա սկզբներին, ՙԳումի՚ շուկայի տարածքում մոտեցել է Գագիկին ու ասել, որ արդեն հայթայթել է սնդիկը: Վերջինս հարցրել է, թե` որքան, ինչին ինքը պատասխանել է՝ 1 կիլոգրամ, իսկ Գագիկն ասել է, որ դրա համար 1.000 ԱՄՆ դոլար կտան: Խնդրել է իրեն պահել սնդիկը մինչև դրա համար գնորդ կգտնի: 2013թ. փետրվարի 7-ին, ժամը 16:00-ի սահմաններում Գագիկը զանգահարել է իրեն ու ասել, որ արդեն գնորդ է գտել, խնդրել է սպասել տանը մինչև իրենց գալը: Նույն օրը երեկոյան ժամը 18:00-ի սահմաններում Գագիկը զանգահարել է և ասել, որ իր տանից քիչ հեռու հիվանդանոցի մոտ ՙՄերսեդես՚ մակնիշի ավտոմեքենայով կանգնած իրեն են սպասում: Ինքը արհեստանոցից վերցրել է սնդիկով տարրան և դրել բաճկոնի գրպանում: Տանից դուրս գալով` նկատել է ՙՄերսեդես՚ մակնիշի ավտոմեքենայից իրեն դիմավորող Գագիկին և վերջինիս հետ միասին նստել են մեքենայի ետնամասում: Մեքենայի առջևի նստատեղերին նստած են եղել Տիգրան Գզրարյանը և Հովհաննես Միդեյանը: Ճշտելուց հետո, որ սնդիկն իր մոտ է, Տիգրանը մեքենան վարել է դեպի Լեփսիուս փողոց: Ինքը ռետինե տարրայի և ցելոֆանի մեջ դրված սնդիկը հանել է բաճկոնի գրպանից և տվել Հովհաննես Միդեյանին, ով ներարկիչով նմուշ է վերցրել և փոքր կշեռքի վրա ինչ-որ բան ստուգել: Ստուգելուց հետո Հովհաննեսն ասել է, որ սնդիկի որակը ցածր է, տոկոսը ցածր է և այն իրենց հարկավոր չէ: Ամբողջ տարրան վերադարձրել են իրեն, սակայն խնդրել են ներարկիչով սնդիկը պահել իրենց մոտ, կրկին ստուգելու նպատակով, ինչին ինքը չի առարկել: Միաժամանակ իրեն խնդրել են սնդիկը չգցել: Մինչ այդ ստուգումը մեքենայի մեջ իրենք գումարի մասին չեն խոսել: Դրանից հետո ինքը դուրս է իջել մեքենայից և գնացել տուն: Մոտ երկու ժամ անց զանգել է Գագիկը և ասել, որ սնդիկը վերցնի ու գա նույն տեղը, քանի որ այդ մարդիկ ցանկանում են գնել այն: Ինքը վերցրել է սնդիկով լի տարրան ու դուրս եկել տանից, և այդ ժամանակ ոստիկանության աշխատակիցներն իրեն բերման են ենթարկել ոստիկանություն:
Առաջադրված մեղադրանքում ամբաստանյալ Գագիկ Գալստյանն իրեն լիովին մեղավոր ճանաչեց և հրաժարվեց ցուցմունքներ տալուց: Նախաքննության ժամանակ առաջադրված մեղադրանքում իրեն նույնպես մեղավոր է ճանաչել և ցուցմունք տվել այն մասին, որ շուրջ 10 տարի ճանաչում է Տիգրան Գզրարյանին, վերջինիս հետ աշխատել են Երևան քաղաքի ՙԳումի՚ շուկայում: 2012թ. ամռանը ծանոթացել է Արման Աղջոյանի հետ, որի հետ գտնվել է մտերիմ հարաբերությունների մեջ: 2013թ. փետրվարի 2-ին կամ 3-ին, կոնկրետ օրը չի հիշում, երբ գտնվել է Երևան քաղաքի ՙԳումի՚ շուկայի Տիգրանի մսի վաճառակետի դիմաց, լսել է, թե ինչպես է վերջինս խոսում սնդիկի թեմայով: Դրանից քիչ անց մոտեցել է Տիգրանին և հարցրել` նրան սնդիկ հարկավոր է, թե` ոչ: Տիգրանը պատասխանել է, որ պետք է, եթե կարողանա սնդիկ գտնել, ապա կգնի այն: Տիգրանը չի ասել, թե կոնկրետ ինչի համար է սնդիկ հարկավոր, միայն ասել է, որ պետք է: Ինքն ասել է, որ հարցուփորձ կանի և սնդիկ վաճառող գտնելու դեպքում տեղյակ կպահի: Սկսել է ծանոթներից ու ընկերներից հետաքրքրվել` սնդիկ ունեցող և վաճառող կա, թե` ոչ և այդ ընթացքում ընկերոջից` Արմանից տեղեկացել է, որ նա սնդիկ ունի և ցանկանում է վաճառել: Դրանից 2 օր անց Տիգրանին ասել է, որ 1կգ-ի չափով սնդիկ վաճառող է գտել, իսկ վերջինս պատասխանել է, որ ամբողջությամբ կգնի, եթե սնդիկը բարձր տոկոս ունենա: Տիգրանի հետ ունեցած խոսակցության մասին տեղյակ է պահել Արմանին և ասել, որ սնդիկը պատրաստ պահի, քանի որ գալու են այն տեսնելու: 2013թ. փետրվարի 7-ին Տիգրանն իրեն ասել է, որ գնան սնդիկը տեսնելու և գնելու, որից հետո ՙԳումի՚ շուկայի մոտից Տիգրանի ՙՄերսեդես՚ մակնիշի ավտոմեքենայով ուղևորվել են Արմանի տուն: Ավտոմեքենայում եղել է նաև Հովհաննես Միդեյանը: Արմանի տուն գնալու ճանապարհին ավտոմեքենայի մեջ Հովհաննեսն ասել է, որ պետք է սնդիկը տեսնի և դրա տոկոսը ստուգի, որից հետո կասի` կգնի այդ սնդիկը, թե` ոչ: Տիգրանին ցույց է տվել Արմանի տան ճանապարհը, իսկ երբ արդեն հասել են Երևան քաղաքի Քանաքեռ թաղամասում գտնվող Արմանի տան մոտ, զանգահարել է վերջինիս և ասել, որ սնդիկը վերցնի ու գա: Քիչ անց եկել է Արմանը` հետը բերելով ռետինե տարրայի մեջ լցված սնդիկը: Դրանից հետո Տիգրանը վարել է ավտոմեքենան և ճանապարհին կանգնել է դեղատան մոտ, Հովհաննեսը դեղատնից ներարկիչ է գնել, որից հետո ավտոմեքենայով գնացել են Երևան քաղաքի Լեփսիուսի փողոցում գտնվող շենքերի կողմը: Տիգրանի ավտոմեքենայի մեջ Հովհաննեսը Արմանի մոտից վերցրել է սնդիկով լցված ռետինե տարրան, որից հետո բացելով այն, մոտը եղած ներարկչի մեջ լցրել է այդ սնդիկից, ապա ոսկու կշեռքով կշռել այն: Այնուհետև, Հովհաննեսն ասել է, որ ներարկիչով վերցրած սնդիկը բավական է, այդքանը պետք է տանեն, ստուգեն, որից հետո կասեն` ռետինե տարրայի մեջ մնացած սնդիկը ուզում են, թե` ոչ: Ռետինե տարրայով սնդիկը ետ է վերադարձրել Արմանին, իսկ սնդիկով լցված ներարկիչը դրել է ավտոմեքենայի առջևի նստատեղերի մեջտեղում առկա պահոցում: Գնացել են այդտեղից, Արմանին իջեցրել վերջինիս տան մոտ և շարունակել ճանապարհը: Որոշակի տարարծություն անցնելուց հետո Տիգրանի ավտոմեքենան կանգնեցրել են ոստիկանության աշխատակիցները և իրենց բերման ենթարկել ոստիկանություն: Նշել է, որ ավտոմեքենայում սնդիկի գնի վերաբերյալ խոսակցություն չի եղել: Ներարկիչով վերցված սնդիկի համար Արմանին Տիգրանը և Հովհաննեսը գումար չեն վճարել, միայն ասել են, որ սնդիկն ուրիշին չվաճառի մինչև տանեն դրա որակը ստուգեն և վերջնական պատասխան տան` սնդիկը գնելու են, թե` ոչ:
Առաջադրված մեղադրանքում ամբաստանյալ Հովհաննես Միդեյանն իրեն լիովին մեղավոր ճանաչեց և հրաժարվեց ցուցմունք տալուց: Նախաքննության ժամանակ առաջադրված մեղադրանքում իրեն նույնպես մեղավոր է ճանաչել և ցուցմունք տվել այն մասին, որ շուրջ 15 տարի ճանաչում է Տիգրան Գզրարյանին, ով ևս Գավառ քաղաքից է, վերջինիս հետ գտնվում է ընկերական հարաբերությունների մեջ: Տիգրանը Երևան քաղաքի ՙԳումի՚ շուկայում զբաղվում է մսի վաճառքով: Ճանաչում է նաև Գագիկ Գալստյանին, ով ՙԳումի՚ շուկայում աշխատում է որպես բանվոր: 2013թ. փետրվարի 7-ին, երբ գտնվել է ՙԳումի՚ շուկայի Տիգրանի վաճառակետում, վերջինս ասել է, որ Գագիկը սնդիկ վաճառող է գտել և պետք է գնան, տեսնեն այն: Ինքը համաձայնվել է, որից հետո ժամը 17:00-ից 18:00-ի սահմաններում ՙԳումի՚ շուկայից վերցրել են Գագիկին և Տիգրանի ՙՄերսեդես՚ մակնիշի ավտոմեքենայով գնացել են դեպի Երևան քաղաքի Քանաքեռ թաղամաս` սնդիկ վաճառողի տուն: Երբ հասել են Արման Աղջոյանի տան մոտ Գագիկը զանգահարել է նրան և ասել, որ սնդիկը վերցնի ու դուրս գա: Քիչ անց Արմանը եկել է, նստել Տիգրանի ավտոմեքենան, որից հետո Տիգրանը մեքենան վարել է դեպի շենքերի կողմը: Ճանապարհին Տիգրանը դեղատան մոտ կանգնել է, ինքը իջել է մեքենայից և դեղատնից գնել 2 հատ ներարկիչ: Ավտոմեքենայի մեջ Արմանի մոտից վերցրել է ռետինե տարրայով սնդիկը, այնուհետև դրանից լցրել ներարկչի մեջ և կշռել իր մոտ եղած ոսկու կշեռքով: Ներարկչի մեջ լցված սնդիկի քաշը կազմել է մոտավորապես 10 գրամ: Մնացած սնդիկը` ռետինե սրվակով ետ է վերադարձրել Արմանին, իսկ ներարկիչով վերցրած սնդիկը և կշեռքը դրել է Տիգրանի ավտոմեքենայի առջևի նստատեղերի մեջտեղում առկա պահոցում: Ինքն Արմանին ասել է, որ ներարկչով վերցրած սնդիկը մնա իրենց մոտ: Ասել է նաև, որ սնդիկ գնել ցանկացող լինելու դեպքում կհայտնեն իրեն, իսկ Արմանը սնդիկը վաճառելուց հետո վաճառքից իրենց գումար պետք է վճարի, սակայն ներարկիչով վերցրած սնդիկի դիմաց Արմանին գումար չեն վճարել, մնացած սնդիկը վաճառելու գնի վերաբերյալ նույնպես խոսակցություն չի եղել: Ներարկիչով սնդիկը վերցրել է, որպեսզի դրա և ռետինե տարրայում մնացած սնդիկի համար գնորդ գտնի: Դրանից հետո Արմանին տարել, իջեցրել են վերջինիս տան մոտ, իսկ իրենք շարունակել են ճանապարհը: Որոշակի ճանապարհ անցնելուց հետո Տիգրանի ավտոմեքենան կանգնեցրել են ոստիկանության աշխատակիցները և իրենց բերման ենթարկել ոստիկանություն:
Առաջադրված մեղադրանքում ամբաստանյալ Տիգրան Գզրարյանն իրեն մեղավոր ճանաչեց և ցուցմունք տվեց այն մասին, որ Գավառ քաղաքից շուրջ 15 տարի է ճանաչում է Հովհաննես Միդեյանին: Գագիկ Գալստյանին ճանաչում է շուրջ 10 տարի, վերջինս աշխատում է Երևան քաղաքի ՙԳումի՚ շուկայում որպես բեռնակիր բանվոր, որտեղ ինքն աշխատում է որպես մսավաճառ: 2013թ. փետրվար ամսվա սկզբներին Գագիկն իրեն ասել է, որ սնդիկ վաճառող կա, սակայն ինքն ասել է, որ դա իրեն չի հետաքրքրում: Որոշ ժամանակ անց 2013թ. փետրվարի 7-ին ՙԳումի՚ շուկայի իր վաճառակետ է եկել Հովհաննեսը, ում ինքը պատմել է Գագիկի ասածի մասին և առաջարկել գնալ ու տեսնել սնդիկը: Դրանից հետո Հովհաննեսը գնացել և ՙՏաշիր՚ առևտրի կենտրոնից ոսկու կշեռք է վերցրել: Այդպես, նույն օրը Գագիկի, Հովհաննեսի հետ իր ՙՄերսեդես՚ մակնիշի ավտոմեքենայով գնացել են դեպի Քանաքեռ թաղամաս` սնդիկ վաճառողի տան մոտ: Գագիկը զանգահարել է սնդիկ վաճառողին և ասել, որ սնդիկը վերցնի ու դուրս գա տանից: ՙՄիքայելյան՚ հիվանդանոցի մոտ Արման Աղջոյանը նստել է իր ավտոմեքենան, ինքը մեքենան վարել է դեպի Լեփսիուս փողոցի շենքերը: Ճանապարհին Հովհաննեսը իջել է մեքենայից և ներարկիչ գնել: Դրանից հետո Հովհաննեսը Արմանից վերցրել է սնդիկի տարրան: Ինքն այդ օրն առաջին անգամ է տեսել սնդիկ, դրանից ոչինչ չի հասկացել: Հովհաննեսը սնդիկից լցրել է ներարկչի մեջ, նայել է, իսկ ինքն այդ ժամանակ հեռախոսով խոսել է իր երեխայի հետ, որից հետո տեսել է, թե ինչպես է Հովհաննեսը ցելոֆանով սնդիկը վերադարձրել Արմանին, իսկ ներարկիչով սնդիկը դրել ավտոմեքենայի առջևի նստատեղերի մեջտեղում առկա պահոցում: Ինքը հարցրել է Հովհաննեսին, թե դա իրենց ինչի է հարկավոր, որին Հովհաննեսը պատասխանել է ՙթող մնա մոտներս՚: Դրանից հետո Արմանին իջեցրել են վերջինիս տան մոտ, իսկ որոշ ժամանակ անց ոստիկանության աշխատակիցների կողմից բերման են եթնարկվել ոստիկանութուն: Ոստիկանների կողմից իր մեքենայի առջևի նստատեղերի մեջտեղում առկա պահոցից հայտնաբերվել է ներարկիչով սնդիկը: Իրենց միջև սնդիկ գնելու խոսակցություն չի եղել, իրենք դրա համար գնորդ չեն ունեցել և գնացել են ընդամենը սնդիկ նայելու:
Ամբաստանյալ Արման Աղջոյանի կողմից ՀՀ քրեական օրենսգրքի 275-րդ հոդվածի 1-ին մասով նախատեսված հանցանքի կատարումը, ամբաստանյալ Գագիկ Գալստյանի կողմից ՀՀ քրեական օրենսգրքի 38-275-րդ հոդվածի 2-րդ մասի 1-ին կետով նախատեսված հանցանքների կատարումը, ամբաստանյալ Հովհաննես Միդեյանի կողմից ՀՀ քրեական օրենսգրքի 275-րդ հոդվածի 2-րդ մասի 1-ին կետով նախատեսված հանցանքի կատարումը և ամբաստանյալ Տիգրան Գզրարյանի կողմից ՀՀ քրեական օրենսգրքի 275-րդ հոդվածի 2-րդ մասի 1-ին կետով նախատեսված հանցանքի կատարումը բացի իրենց խոստովանական ցուցմունքներից հիմնավորվել է նաև հետևյալ ապացույցներով.
Վկա Հարություն Մանուկյանի ցուցմունքով այն մասին, որ 2013թ. փետրվարի 7-ին գտնվել է Երևան քաղաքի Ա. Ահարոնյան փողոցում, որտեղ ժամը 21:00-ի սահմաններում իրեն են մոտեցել ոստիկանության աշխատակիցները, հրավիրել ոստիկանության Քանաքեռ-Զեյթունի բաժին և բացատրել, որ պետք է անձնական խուզարկության ենթարկեն բերման ենթարկվածներ Գագիկ Գալստյանին, Հովհաննես Միդեյանին, Տիգրան Գզրարյանին և Արման Աղջոյանին, որին ինքը պետք է մասնակցի որպես ընթերակա: Ոստիկաններն անձնական խուզարկության են ենթարկել նշված անձանց և Ա. Աղջոյանի բաճկոնի աջ գրպանից հանել են ռետինե տարրա: Ա. Աղջոյանը հայտարարել է, որ այդ ռետինե տարրայի մեջ լցված է սնդիկ, դա պատկանում է իրեն, վերցրել է իր տանից վաճառելու նպատակով: Այնուհետև ոստիկանության աշխատակիցները զննության են ենթարկել ոստիկանության շենքի բակում կայանված, բերման ենթարկվածներից Տ. Գզրարյանին պատկանող ՙՄերսեդես-Բենց՚ մակնիշի 81 OQ 100 պետհամարանիշի ավտոմեքենան և այդ ավտոմեքենայի առջևի նստատեղերի մեջտեղի պահոցից հայտնաբերել են երկու հատ ներարկիչ, որոնցից մեկը լցված է եղել արծաթագույն հեղուկով, իսկ մյուսը դատարկ է եղել, ինչպես նաև մեկ հատ սև գույնի ոսկու կշեռք: Տ. Գզրարյանը հայտարարել է, որ ներարկիչի մեջ լցված է սնդիկ և դա պատկանում է իր մեքենայի ուղևորներից մեկին: Բերման ենթարկվածների անձնական խուզարկությունների և ՙՄերսեդես-Բենց՚ մակնիշի 81 OQ 100 պետհամարանիշի ավտոմեքենայի զննության վերաբերյալ ոստիկանության աշխատակիցների կողմից կազմվել են համապատասխան արձանագրություններ, կարդացել է դրանք, գրված են եղել ճիշտ, որի համար էլ այդ արձանագրությունների տակ ստորագրել է հրավիրված մյուս ընթերակայի հետ միասին:
Վկա Աշոտ Ավետիսյանի ցուցմունքով, այն մասին, որ 2013թ. փետրվարի 7-ին գտնվել է Երևան քաղաքի Կ. Ուլնեցի և Ա. Ահարոնյան փողոցների խաչմերուկում, որտեղ ժամը 21:00-ի սահմաններում իրեն են մոտեցել ոստիկանության աշխատակիցները, հրավիրել ոստիկանության Քանաքեռ-Զեյթունի բաժին և բացատրել, որ պետք է անձնական խուզարկության ենթարկեն բերման ենթարկվածներ Գագիկ Գալստյանին, Հովհաննես Միդեյանին, Տիգրան Գզրարյանին և Արման Աղջոյանին, որին ինքը պետք է մասնակցի որպես ընթերակա: Ոստիկաններն անձնական խուզարկության են ենթարկել նշված անձանց և Ա. Աղջոյանի բաճկոնի աջ գրպանից հանել են ռետինե տարրա: Ա. Աղջոյանը հայտարարել է, որ այդ ռետինե տարրայի մեջ լցված է սնդիկ, դա պատկանում է իրեն, վերցրել է իր տանից վաճառելու նպատակով: Այնուհետև ոստիկանության աշխատակիցները զննության են ենթարկել ոստիկանության Քանաքեռ-Զեյթունի բաժնի շենքի բակում կայանված, բերման ենթարկվածներից Տ. Գզրարյանին պատկանող ՙՄերսեդես-Բենց՚ մակնիշի 81 OQ 100 պետհամարանիշի ավտոմեքենան և այդ ավտոմեքենայի առջևի նստատեղերի մեջտեղի պահոցից հայտնաբերել են 2 հատ ներարկիչ, որոնցից մեկը լցված է եղել արծաթագույն հեղուկով, իսկ մյուսը դատարկ է եղել, ինչպես նաև մեկ հատ սև գույնի էլեկտրոնային ոսկու կշեռք: Տ. Գզրարյանը հայտարարել է, որ ներարկիչի մեջ լցված է սնդիկ և դա պատկանում է իր ուղևորներից մեկին: Բերման ենթարկվածների անձնական խուզարկությունների և ՙՄերսեդես-Բենց՚ մակնիշի 81 OQ 100 պետհամարանիշի ավտոմեքենայի զննության վերաբերյալ ոստիկանության աշխատակիցների կողմից կազմվել են համապատասխան արձանագրություններ, կարդացել է դրանք, գրված են եղել ճիշտ, ավել կամ պակաս տեղեկություններ դրանցում չեն նշվել, որի համար էլ այդ արձանագրությունների տակ ստորագրել է` հրավիրված մյուս ընթերակայի հետ միասին:
Նյութագիտական փորձաքննության փորձագետի թիվ 04461304 եզրակացությամբ, համաձայն որի` 1.-3. Փորձաքննությանը ներկայացված ռետինե սրվակում և պլաստմասսե ներարկիչում առկա արծաթագույն հեղուկները հանդիսանում են մետաղական սնդիկ և միմյանց հետ ունեն ընդհանուր սեռային պատկանելիություն: Ռետինե սրվակում առկա սնդիկի կշիռը կազմում է 2108գ, իսկ ներարկիչում առկա սնդիկի կշիռը` 13,6գ: ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՐԵԱԿԱՆ ՕՐԵՆՍԳՐՔՈՒՄ ՓՈՓՈԽՈՒԹՅՈՒՆՆԵՐ և ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ հմ. 839 ՀՀ ՕԵՐՆՔԻ համաձայն, որն ընդունվել է 2010 թվականի հունիսի 24-ին, մետաղական սնդիկը և դրա աղերը ընդգրկված են թունավոր նյութերի ցանկում:
Նյութագիտական փորձաքննության փորձագետի թիվ 11971304 եզրակացությամբ, համաձայն որի` 1.-3. Փորձաքննությանը ներկայացված ռետինե սրվակում առկա մետաղական սնդիկի մաքրությունը կազմում է 99,9 %: Համաձայն եզրակացության հետազոտական մասի` Փորձագետին ներկայացված թունավոր նյութ հանդիսացող մետաղական սնդիկը, ՙԳՈՍՏ 4658-73՚-ի համաձայն, պետք է պահվի պողպատյա կամ հաստապատ ապակյա` հերմետիկ տարրաներում: Այլ տարաներում, այդ թվում նաև ռետինե սնդիկի պահեստավորելն արգելվում է: Սահմանված կարգով պահեստավորելու դեպքում սնդիկի որակական փոփոխություն տեղի ունենալ չի կարող: Սնդիկի մաքրությունը և բաղադրությունը առանց հետազոտ ական մեթոդների կիրառման պազել հնարավոր չէ:
Իրեղեն ապացույց հանդիսացող Տ. Գզրարյանին պատկանող ՙՄերսեդես-Բենց՚ մակնիշի 81OQ100 պ/հ ավտոմեքենայում կատարված զննությամբ հայտնաբերված և առգրավված մեկ հատ 100 մգ չափի ներարկչի` լցված 13,6գ թունավոր նյութ հանդիսացող մետաղական սնդիկով, և Ա.Աղջոյանի բաճկոնի աջ գրպանից հայտնաբերված և առգրավված ռետինե սրվակի` լցված 2108գ թունավոր նյութ հանդիսացող մետաղական սնդիկով, առկայությամբ:
Արման Ազատի Աղջոյանին անձնական խուզարկության ենթարկելու մասին և Տիգրան Ռազմիկի Գզրարյանին պատկանող ՙՄերսեդես-Բենց՚ մակնիշի 81OQ100 պ/հ ավտոմեքենայի զննության մասին արձանագրություններով:
Վերլուծելով և գնահատելով դատական քննության ժամանակ հետազոտված ապացույցներն իրենց համակցության մեջ` դատարանը ձեռք բերված ապացույցները բավարար է գտնում և գործի փաստական հանգամանքներով հաստատված է համարում, որ ամբաստանյալ Արման Աղջոյանը կատարել է հանցավոր արարք, որը համապատասխանում է ՀՀ քրեական օրենսգրքի 275-րդ հոդվածի 1-ին մասի հատկանիշներին, ամբաստանյալ Գագիկ Գալստյանը կատարել է հանցավոր արարք, որը համապատասխանում է ՀՀ քրեական օրենսգրքի 38-275-րդ հոդվածի 2-րդ մասի 1-ին կետի հատկանիշներին, ամբաստանյալ Հովհաննես Միդեյանը կատարել է հանցավոր արարք, որը համապատասխանում է ՀՀ քրեական օրենսգրքի 275-րդ հոդվածի 2-րդ մասի 1-ին կետի հատկանիշներին, ամբաստանյալ Տիգրան Գզրարյանը կատարել է հանցավոր արարք, որը համապատասխանում է ՀՀ քրեական օրենսգրքի 275-րդ հոդվածի 2-րդ մասի 1-ին կետի հատկանիշներին, որոնցով էլ նրանք ենթակա են քրեական պատասխանատվության:
Նման եզրահանգման համար դատարանը հիմք է ընդունում ամբաստանյալների, վկաների ցուցմունքները, փորձագետների եզրակացությունները, Արման Աղջոյանին անձնական խուզարկության ենթարկելու և Տիգրան Գզրարյանին պատկանող ՙՄերսեդես-Բենց՚ մակնիշի 81OQ100 պ/հ ավտոմեքենայի զննության մասին արձանագրությունները, քանի որ դրանք հակասական չեն, մանրամասն են, հստակ, օբյեկտիվ ու ճշմարտացի են, համապատասխանում են դատարանի կողմից հաստատված գործի փաստական հանգամանքներին և հաստատվում են գործի մյուս ապացույցների հետ համակցության մեջ:
Ամբաստանյալների նկատմամբ պատիժ նշանակելիս դատարանը հաշվի է առնում ինչպես կատարած հանցագործությունների բնույթն ու հանրության համար վտանգավորության աստիճանը, այնպես էլ նրանց անձը բնութագրող տվյալները` այն որ
-ամբաստանյալ Արման Աղջոյանը նախկինում դատված և արատավորված չի եղել,
-ամբաստանյալ Գագիկ Գալստյանը նախկինում դատված և արատավորված չի եղել,
-ամբաստանյալ Հովհաննես Միդեյանը երիտասարդ է, նախկինում դատված և արատավորված չի եղել, Գեղարքունիքի մարզի Գավառ քաղաքի քաղաքապետի տեղակալ Գ. Բոշյանի կողմից բնութագրվում է դրականորեն,
-ամբաստանյալ Տիգրան Գզրարյանը երիտասարդ է, նախկինում դատված և արատավորված չի եղել, Գեղարքունիքի մարզի Գավառ քաղաքի քաղաքապետի տեղակալ Գ. Բոշյանի կողմից բնութագրվում է դրականորեն:
Որպես ամբաստանյալ Արման Աղջոյանի պատասխանատվությունը և պատիժը մեղմացնող հանգամանքներ, դատարանը դիտում է այն, որ միայնակ է խնամում իր երկու անչափահաս երեխաներին /ծնված 30.09.1995թ.-ին, 11.06.1998թ.-ին, կինը բուժման նպատակով տևական ժամանակով բացակայում է ՀՀ-ից/, ինչպես նաև այն, որ առաջին անգամ հանգամանքների պատահական զուգորդմամբ է կատարել միջին ծանրության հանցանքը:
Որպես ամբաստանյալ Արման Աղջոյանի պատասխանատվությունը և պատիժը ծանրացնող հանգամանք դատարանը չի հայտնաբերել:
Նման պայմաններում դատարանը գտնում է, որ ամբաստանյալ Արման Աղջոյանն իր կատարած հանցանքի համար ենթակա է պատժի և միաժամանակ հաշվի առնելով հանցավորի անձը բնութագրող տվյալները, պատասխանատվությունը և պատիժը մեղմացնող հանգամանքները, ինչպես նաև պատասխանատվությունը և պատիժը ծանրացնող հանգամանքների բացակայությունը, հանգում է այն հետևության, որ ամբաստանյալի ուղղվելը հնարավոր է պատիժը պայմանականորեն չկիրառելու, սակայն նրա վարքագծի նկատմամբ վերահսկողություն իրականացնելու պայմաններում, իսկ Արման Աղջոյանի նկատմամբ որպես խափանման միջոց կիրառված չհեռանալու մասին ստորագրությունը պետք է թողնել անփոփոխ` մինչև դատավճռի օրինական ուժի մեջ մտնելը:
Որպես ամբաստանյալ Գագիկ Գալստյանի պատասխանատվությունը և պատիժը մեղմացնող հանգամանք, դատարանը դիտում է այն, որ ամբաստանյալն առաջին անգամ հանգամանքների պատահական զուգորդմամբ է կատարել միջին ծանրության հանցանքը:
Որպես ամբաստանյալ Գագիկ Գալստյանի պատասխանատվությունը և պատիժը ծանրացնող հանգամանք դատարանը չի հայտնաբերել:
Նման պայմաններում դատարանը գտնում է, որ ամբաստանյալ Գագիկ Գալստյանն իր կատարած հանցանքի համար ենթակա է պատժի և միաժամանակ հաշվի առնելով հանցավորի անձը բնութագրող տվյալները, պատասխանատվությունը և պատիժը մեղմացնող հանգամանքը, ինչպես նաև պատասխանատվությունը և պատիժը ծանրացնող հանգամանքների բացակայությունը, հանգում է այն հետևության, որ ամբաստանյալի ուղղվելը հնարավոր է պատիժը պայմանականորեն չկիրառելու, սակայն նրա վարքագծի նկատմամբ վերահսկողություն իրականացնելու պայմաններում, իսկ Գագիկ Գալստյանի նկատմամբ որպես խափանման միջոց կիրառված չհեռանալու մասին ստորագրությունը պետք է թողնել անփոփոխ` մինչև դատավճռի օրինական ուժի մեջ մտնելը:
Որպես ամբաստանյալ Հովհաննես Միդեյանի պատասխանատվությունը և պատիժը մեղմացնող հանգամանքներ, դատարանը դիտում է այն, որ նրա խնամքի տակ են գտնվում երկու անչափահաս երեխաները /ծնված 08.10.1998թ.-ին և 11.03.2000թ.-ին/, վատառողջ կինը, մայրը և վատառողջ հայրը, ինչպես նաև այն, որ առաջին անգամ հանգամանքների պատահական զուգորդմամբ է կատարել միջին ծանրության հանցանքը:
Որպես ամբաստանյալ Հովհաննես Միդեյանի պատասխանատվությունը և պատիժը ծանրացնող հանգամանք դատարանը չի հայտնաբերել:
Նման պայմաններում դատարանը գտնում է, որ ամբաստանյալ Հովհաննես Միդեյանն իր կատարած հանցանքի համար ենթակա է պատժի և միաժամանակ հաշվի առնելով հանցավորի անձը բնութագրող տվյալները, պատասխանատվությունը և պատիժը մեղմացնող հանգամանքները, ինչպես նաև պատասխանատվությունը և պատիժը ծանրացնող հանգամանքների բացակայությունը, հանգում է այն հետևության, որ ամբաստանյալի ուղղվելը հնարավոր է պատիժը պայմանականորեն չկիրառելու, սակայն նրա վարքագծի նկատմամբ վերահսկողություն իրականացնելու պայմաններում, իսկ Հովհաննես Միդեյանի նկատմամբ որպես խափանման միջոց կիրառված չհեռանալու մասին ստորագրությունը պետք է թողնել անփոփոխ` մինչև դատավճռի օրինական ուժի մեջ մտնելը:
Որպես ամբաստանյալ Տիգրան Գզրարյանի պատասխանատվությունը և պատիժը մեղմացնող հանգամանքներ, դատարանը դիտում է այն, որ նրա խնամքի տակ են գտնվում մինչև 14 տարեկան երեք երեխաները /ծնված 24.03.2002թ.-ին, 08.02.2004թ.-ին, 11.04.2009թ.-ին/, կինը և երկրորդ խմբի հաշմանդամ մայրը, ինչպես նաև այն, որ առաջին անգամ հանգամանքների պատահական զուգորդմամբ է կատարել միջին ծանրության հանցանքը:
Որպես ամբաստանյալ Տիգրան Գզրարյանի պատասխանատվությունը և պատիժը ծանրացնող հանգամանք դատարանը չի հայտնաբերել:
Նման պայմաններում դատարանը գտնում է, որ ամբաստանյալ Տիգրան Գզրարյանն իր կատարած հանցանքի համար ենթակա է պատժի և միաժամանակ հաշվի առնելով հանցավորի անձը բնութագրող տվյալները, պատասխանատվությունը և պատիժը մեղմացնող հանգամանքները, ինչպես նաև պատասխանատվությունը և պատիժը ծանրացնող հանգամանքների բացակայությունը, հանգում է այն հետևության, որ ամբաստանյալի ուղղվելը հնարավոր է պատիժը պայմանականորեն չկիրառելու, սակայն նրա վարքագծի նկատմամբ վերահսկողություն իրականացնելու պայմաններում, իսկ Տիգրան Գզրարյանի նկատմամբ որպես խափանման միջոց կիրառված չհեռանալու մասին ստորագրությունը պետք է թողնել անփոփոխ` մինչև դատավճռի օրինական ուժի մեջ մտնելը:
Անդրադառնալով իրեղեն ապացույցի հարցին` դատարանը գտնում է, որ դատավճիռն օրինական ուժի մեջ մտնելուց հետո իրեղեն ապացույց հանդիսացող Տ. Գզրարյանին պատկանող ՙՄերսեդես-Բենց՚ մակնիշի 81OQ100 պ/հ ավտոմեքենայում կատարված զննությամբ հայտնաբերված և առգրավված մեկ հատ 100 մգ չափի ներարկիչը` լցված 13,6գ թունավոր նյութ հանդիսացող մետաղական սնդիկով և Ա.Աղջոյանի բաճկոնի աջ գրպանից հայտնաբերված և առգրավված ռետինե սրվակը` լցված 2108գ թունավոր նյութ հանդիսացող մետաղական սնդիկով պետք է բռնագանձել հօգուտ Հայաստանի Հանրապետության:
Ղեկավարվելով ՀՀ քրեական օրենսգրքի 70-րդ հոդվածով, ՀՀ քրեական դատավարության օրենսգրքի 119-րդ, 357-360-րդ, 365-րդ, 369-373-րդ հոդվածներով` դատարանը
Վ Ճ Ռ Ե Ց
Ամբաստանյալ Արման Ազատի Աղջոյանին մեղավոր ճանաչել ՀՀ քրեական օրենսգրքի 275-րդ հոդվածի 1-ին մասով նախատեսված հանցանք կատարելու մեջ և նրան դատապարտել ազատազրկման 2 /երկու/ տարի ժամկետով:
ՀՀ քրեական օրենսգրքի 70-րդ հոդվածի կարգով ազատազրկման ձևով նշանակված պատիժը պայմանականորեն չկիրառել` սահմանելով փորձաշրջան 3 /երեք/ տարի ժամկետով:
Արման Աղջոյանի վարքագծի նկատմամբ վերահսկողությունը հանձնարարել ՀՀ ԱՆ քրեակատարողական վարչության նրա բնակության վայրի այլընտրանքային պատիժների կատարման բաժնին, որի սկիզբը հաշվել քրեակատարողական վարչության այլընտրանքային պատիժների կատարման բաժնում նրան հաշվառման վերցնելու պահից:
Արման Աղջոյանի նկատմամբ որպես խափանման միջոց կիրառված չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը:
Ամբաստանյալ Գագիկ Իվանի Գալստյանին մեղավոր ճանաչել ՀՀ քրեական օրենսգրքի 38-275-րդ հոդվածի 2-րդ մասի 1-ին կետով նախատեսված հանցանք կատարելու մեջ և դատապարտել ազատազրկման 2 /երկու/ տարի ժամկետով:
ՀՀ քրեական օրենսգրքի 70-րդ հոդվածի կարգով ազատազրկման ձևով նշանակված պատիժը պայմանականորեն չկիրառել` սահմանելով փորձաշրջան 2 /երկու/ տարի ժամկետով:
Գագիկ Գալստյանի վարքագծի նկատմամբ վերահսկողությունը հանձնարարել ՀՀ ԱՆ քրեակատարողական վարչության նրա բնակության վայրի այլընտրանքային պատիժների կատարման բաժնին, որի սկիզբը հաշվել քրեակատարողական վարչության այլընտրանքային պատիժների կատարման բաժնում նրան հաշվառման վերցնելու պահից:
Գագիկ Գալստյանի նկատմամբ որպես խափանման միջոց կիրառված չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը:
Ամբաստանյալ Հովհաննես Աղաբեկի Միդեյանին մեղավոր ճանաչել ՀՀ քրեական օրենսգրքի 275-րդ հոդվածի 2-րդ մասի 1-ին կետով նախատեսված հանցանք կատարելու մեջ և դատապարտել ազատազրկման 2 /երկու/ տարի ժամկետով:
ՀՀ քրեական օրենսգրքի 70-րդ հոդվածի կարգով ազատազրկման ձևով նշանակված պատիժը պայմանականորեն չկիրառել` սահմանելով փորձաշրջան 3 /երեք/ տարի ժամկետով:
Հովհաննես Միդեյանի վարքագծի նկատմամբ վերահսկողությունը հանձնարարել ՀՀ ԱՆ քրեակատարողական վարչության նրա բնակության վայրի այլընտրանքային պատիժների կատարման բաժնին, որի սկիզբը հաշվել քրեակատարողական վարչության այլընտրանքային պատիժների կատարման բաժնում նրան հաշվառման վերցնելու պահից:
Հովհաննես Միդեյանի նկատմամբ որպես խափանման միջոց կիրառված չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը:
Ամբաստանյալ Տիգրան Ռազմիկի Գզրարյանին մեղավոր ճանաչել ՀՀ քրեական օրենսգրքի 275-րդ հոդվածի 2-րդ մասի 1-ին կետով նախատեսված հանցանք կատարելու մեջ և դատապարտել ազատազրկման 2 /երկու/ տարի ժամկետով:
ՀՀ քրեական օրենսգրքի 70-րդ հոդվածի կարգով ազատազրկման ձևով նշանակված պատիժը պայմանականորեն չկիրառել` սահմանելով փորձաշրջան 3 /երեք/ տարի ժամկետով:
Տիգրան Գզրարյանի վարքագծի նկատմամբ վերահսկողությունը հանձնարարել ՀՀ ԱՆ քրեակատարողական վարչության նրա բնակության վայրի այլընտրանքային պատիժների կատարման բաժնին, որի սկիզբը հաշվել քրեակատարողական վարչության այլընտրանքային պատիժների կատարման բաժնում նրան հաշվառման վերցնելու պահից:
Տիգրան Գզրարյանի նկատմամբ որպես խափանման միջոց կիրառված չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո իրեղեն ապացույց հանդիսացող Տ. Գզրարյանին պատկանող ՙՄերսեդես-Բենց՚ մակնիշի 81OQ100 պ/հ ավտոմեքենայում կատարված զննությամբ հայտնաբերված և առգրավված մեկ հատ 100 մգ չափի ներարիկչը` լցված 13,6գ թունավոր նյութ հանդիսացող մետաղական սնդիկով և Ա.Աղջոյանի բաճկոնի աջ գրպանից հայտնաբերված և առգրավված ռետինե սրվակը` լցված 2108գ թունավոր նյութ հանդիսացող մետաղական սնդիկով` բռնագանձել հօգուտ Հայաստանի Հանրապետության:
Դատավճիռը կարող է բողոքարկվել ՀՀ քրեական վերաքննիչ դատարան հրապարակվելու օրվանից հետո մեկամսյա ժամկետում:

դատավոր` ստորագրություն
Բնագրի հետ ճիշտ է`
դատավոր` Ա. Խաչատրյան