ԵԱՔԴ/0087/01/13


Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր` Լ. Ավետիսյան
քարտուղարությամբ` Ե. Կարապետյանի
մասնակցությամբ
մեղադրող` Ռ. Էլիզբարյանի
պաշտպաններ` Ա. Եսայանի, Ռ. Սաֆարյանի

2013 թվականի հուլիսի 16-ին, Երևան քաղաքում, դռնբաց դատական նիստում, դատական քննության արագացված կարգով քննեց քրեական գործն ըստ մեղադրանքի`
Արմեն Եղիշեի Կարճյանի, ծնված 1989 թվականի հոկտեմբերի 1-ին, Շիրակի մարզի Գյումրի քաղաքում, ազգությամբ հայ, ՀՀ քաղաքացի, բարձրագույն կրթությամբ, ֆիզիկապես առողջ, ամուրի, խնամքին ոչ ոք, նախկինում չդատված, ծառայել է ՀՀ ՊՆ 31549 զորամասում, որպես ջոկի հրամանատար, կոչումով սերժանտ, զինվորական ծառայության ժամկետը լրանալու կապակցությամբ 30.06.2013թ. զորացրվել է, հաշվառված և բնակվում է ք.Գյումրի, Չայկովսկու փողոց 234/324 տնակ հասցեում, մեղադրվում է ՀՀ քրեական օրենսգրքի 359 հոդվածի 1-ին մասով, որպես խափանման միջոց է ընտրվել հրամանատարության հսկողությանը հանձնելը,
Գրիգոր Սամվելի Գևորգյանի, ծնված 1990 թվականի հունիսի 30-ին, Շիրակի մարզի Գյումրի քաղաքում, ազգությամբ հայ, ՀՀ քաղաքացի, բարձրագույն կրթությամբ, ֆիզիկապես առողջ, ամուրի, խնամքին ոչ ոք, նախկինում չդատված, ծառայել է ՀՀ ՊՆ 31549 զորամասում, որպես երաժիշտ, կոչումով շարքային, զինվորական ծառայության ժամկետը լրանալու կապակցությամբ 30.06.2013թ. զորացրվել է, հաշվառված և բնակվում է ք.Գյումրի, Մուշ 2-րդ թաղամաս 4/25 շենք, թիվ 15 բնակարան հասցեում, մեղադրվում է ՀՀ քրեական օրենսգրքի 359 հոդվածի 1-ին մասով, որպես խափանման միջոց է ընտրվել հրամանատարության հսկողությանը հանձնելը,

Պ Ա Ր Զ Ե Ց

1.Գործի դատավարական նախապատմությունը.
2013 թվականի մարտի 20-ին ՀՀ ՊՆ 4-րդ կայազորային քննչական բաժնում ՀՀ քրեական օրենսգրքի 360 հոդվածի 2-րդ մասով նախատեսված հանցագործության հատկանիշներով հարուցվել է թիվ 90254313 քրեական գործը:
Նախաքննության մարմնի 2013 թվականի ապրիլի 30-ի որոշմամբ Գրիգոր Սամվելի Գևորգյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 359 հոդվածի 2-րդ մասի 4-րդ կետով, նրա նկատմամբ որպես խափանման միջոց է ընտրվել ՀՀ ՊՆ 31549 զորամասի հրամանատարության հսկողությանը հանձնելը:
Նախաքննության մարմնի 2013 թվականի ապրիլի 30-ի որոշմամբ Արմեն Եղիշեի Կարճյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 359 հոդվածի 1-ին մասով, նրա նկատմամբ որպես խափանման միջոց է ընտրվել ՀՀ ՊՆ 31549 զորամասի հրամանատարության հսկողության հանձնելը:
2013 թվականի մայիսի 21-ի որոշմամբ մեղադրյալ Գրիգոր Սամվելի Գևորգյանին 30.04.2013թ.-ին ՀՀ քրեական օրենսգրքի 359 հոդվածի 2-րդ մասի 4-րդ կետով առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 359 հոդվածի 1-ին մասով, նրա նկատմամբ կիրառված խափանման միջոցը թողնվել է անփոփոխ:
2013 թվականի մայիսի 31-ին թիվ 90254313 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2.Գործի փաստական հանգամանքները.
Նախնական քննության մարմինն ամբաստանյալ Արմեն Եղիշեյի Կարճյանին ՀՀ քրեական օրենսգրքի 359 հոդվածի 1-ին մասով մեղադրանք է առաջադրել այն արարքի կատարման համար, որ նա հանդիսանալով ՀՀ ՊՆ 31549 զորամասի երաժշտական դասակի ժամկետային զինծառայող, կոչումով սերժանտ, 2013 թվականի մարտի 10-ին ժամը 1620-ի սահմաններում, երաժշտական դասակի զորանոցում, խախտելով ՀՀ ԶՈՒ ներքին ծառայության կանոնագրքի 13-րդ հոդվածով սահմանված` զինվորական ընկերասիրությունը բարձր պահելու, ընկերոջ պատիվն ու արժանապատվությունը հարգելու, այլ զինծառայողների նկատմամբ կոպտություն թույլ չտալու, զինծառայողների փոխհարաբերությունների կանոնագրքային կանոնները, ստորադասության հարաբերությունների բացակայության դեպքում, վիճաբանել է համածառայակից, շարքային Գրիգոր Սամվելի Գևորգյանի հետ` ստորացնելով վերջինիս պատիվն ու արժանապատվությունը, հայհոյանքներ է տվել նրա հասցեին, բռնություն գործադրել նրա նկատմամբ` քաշքշել և Գ.Գևորգյանի առողջությանը պատճառել թեթև վնասի հատկանիշներ չպարունակող մարմնական վնասվածք:
Նախնական քննության մարմինն ամբաստանյալ Գրիգոր Սամվելի Գևորգյանին ՀՀ քրեական օրենսգրքի 359 հոդվածի 1-ին մասով մեղադրանք է առաջադրել այն արարքի կատարման համար, որ նա հանդիսանալով ՀՀ ՊՆ 31549 զորամասի երաժշտական դասակի ժամկետային զինծառայող, կոչումով շարքային, 2013 թվականի մարտի 10-ին, ժամը 1620-ի սահմաններում, երաժշտական դասակի զորանոցում, խախտելով ՀՀ ԶՈՒ ներքին ծառայության կանոնագրքի 13-րդ հոդվածով սահմանված` զինվորական ընկերասիրությունը բարձր պահելու, ընկերոջ պատիվն ու արժանապատվությունը հարգելու, այլ զինծառայողների նկատմամբ կոպտություն թույլ չտալու, զինծառայողների փոխհարաբերությունների կանոնագրքային կանոնները, ստորադասության հարաբերությունների բացակայության դեպքում, վիճաբանել է համածառայակից, սերժանտ Արմեն Կարճյանի հետ` ստորացնելով վերջինիս պատիվն ու արժանապատվությունը, հայհոյանքներ է տվել նրա հասցեին, բռնություն գործադրել նրա նկատմամբ` քաշքշել, հարվածներ է հասցրել և Ա.Կարճյանի առողջությանը պատճառել թեթև վնասի հատկանիշներ չպարունակող մարմնական վնասվածք:
3. Արագացված դատական քննություն.
Մինչև դատաքննությունն սկսելն ամբաստանյալներ Արմեն Կարճյանը և Գրիգոր Գևորգյանը միջնորդեցին դատական քննությունն անցկացնել արագացված կարգով և հայտարարեցին, որ առաջադրված մեղադրանքն իրենց պարզ է, համաձայն են իրենց առաջադրված մեղադրանքին, գիտակցում են արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել են կամավոր` պաշտպանների հետ խորհրդակցելուց հետո: Միջնորդությունը հաստատեցին նաև ամբաստանյալների պաշտպաններ Անահիտ Եսայանը և Ռաֆիկ Սաֆարյանը:
Մեղադրող Ռ.Էլիզբարյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել դատական քննության արագացված կարգ կիրառելու մասին:


4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալներ Արմեն Եղիշեի Կարճյանին և Գրիգոր Սամվելի Գևորգյանին առաջադրված մեղադրանքը ՀՀ քրեական օրենսգրքի 359 հոդվածի 1-ին մասով հիմնավորված է: Նրանց կողմից կատարված արարքները համապատասխանում են ՀՀ քրեական օրենսգրքի 359 հոդվածի 1-ին մասի հատկանիշներին և արարքների որակումը ճիշտ է:
ՀՀ Ազգային ժողովի կողմից 2013թ. ապրիլի 30-ին ընդունված (որը ՀՀ Նախագահի կողմից ստորագրվել է 2013թ. մայիսի 21-ին) օրենքով ՀՀ քրեական օրենսգրքի 359 հոդվածի 1-ին մասի սանկցիան փոփոխվել և պատիժը խստացվել է:

ՀՀ քրեական օրենսգրքի 12 հոդվածի համաձայն`
1. Արարքի հանցավորությունը և պատժելիությունը որոշվում են դա կատարելու ժամանակ գործող քրեական օրենքով:
2. Հանցանքը կատարելու ժամանակ է համարվում հանրության համար վտանգավոր գործողությունը (անգործությունը) իրականացնելու ժամանակը՝ անկախ հետևանքները վրա հասնելու պահից:
ՀՀ քրեական օրենսգրքի 13 հոդվածի 2-րդ և 3-րդ մասերի համաձայն`
2. Արարքի հանցավորությունը սահմանող, պատիժը խստացնող կամ հանցանք կատարած անձի վիճակն այլ կերպ վատթարացնող օրենքը հետադարձ ուժ չունի:
3. Պատասխանատվությունը մասնակիորեն մեղմացնող և միաժամանակ պատասխանատվությունը մասնակիորեն խստացնող օրենքը հետադարձ ուժ ունի միայն այն մասով, որը մեղմացնում է պատասխանատվությունը:
Նման պայմաններում ամբաստանյալներ Արմեն Կարճյանը և Գրիգոր Գևորգյանը ենթակա են քրեական պատասխանատվության և պատժի նախկին խմբագրությամբ օրենքով:
ՀՀ քրեական օրենսգրքի 48 հոդվածի համաձայն,
1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից ու ազատություններից օրենքով նախատեսված զրկմամբ կամ դրանց սահմանափակմամբ:
2. Պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները:
ՀՀ քրեական օրենսգրքի 61 հոդվածի համաձայն`
1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործության՝ հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով:
3. Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները:
Ամբաստանյալների նկատմամբ պատիժ նշանակելիս, դատարանը հաշվի է առնում նրանց կատարած արարքների հանրության համար վտանգավորության աստիճանը, ինչպես նաև հանցավորների անձը:
Որպես ամբաստանյալ Արմեն Կարճյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա երիտասարդ է, նախկինում դատված չի եղել, հրամանատարության կողմից բնութագրվում է դրական, առաջին անգամ հանգամանքների պատահական զուգորդմամբ է կատարել ոչ մեծ ծանրության հանցանքը և զղջում է կատարածի համար, ամբաստանյալ Գ.Գրիգորյանի հետ ժամանակին սովորել են Գյումրի քաղաքի նույն երաժշտական դպրոցում, մանկության ընկերներ են, հաշտվել են միմյանց հետ:
Ամբաստանյալի պատասխանատվությունը և պատիժը ծանրացնող հանգամանքներ առկա չեն:
Որպես ամբաստանյալ Գրիգոր Գևորգյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա երիտասարդ է, նախկինում դատված չի եղել, հրամանատարության կողմից բնութագրվում է դրական, բարեխիղճ ծառայության համար պարգևատրվել է ՀՀ պաշտպանության նախարարի կողմից տրված պատվոգրով, առաջին անգամ հանգամանքների պատահական զուգորդմամբ է կատարել ոչ մեծ ծանրության հանցանքը և զղջում է կատարածի համար, ամբաստանյալ Ա.Կարճյանի հետ ժամանակին սովորել են Գյումրի քաղաքի նույն երաժշտական դպրոցում, մանկության ընկերներ են, հաշտվել են միմյանց հետ:
Ամբաստանյալի պատասխանատվությունը և պատիժը ծանրացնող հանգամանքներ առկա չեն:
Հաշվի առնելով Արմեն Կարճյանի և Գրիգոր Գևորգյանի կատարած արարքների հանրության համար վտանգավորության աստիճանը և բնույթը, նրանց անձը, նրանց բնութագրող տվյալները, պատասխանատվությունը և պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 359 հոդվածի 1-ին մասի սանկցիայով նախատեսված է պատիժ նաև կալանքի ձևով, դատարանը գտնում է, որ ամբաստանյալներ Արմեն Կարճյանի և Գրիգոր Գևորգյանի նկատմամբ ՀՀ քրեական օրենսգրքի 359 հոդվածի 1-ին մասով նախատեսված հանցանք կատարելու համար պատիժ պետք է նշանակել կալանքի ձևով:
Դատարանը նկատի ունենալով, որ արդեն ավարտել է ամբաստանյալների զինվորական ծառայության ժամկետը և նրանք զորացրվել են, գտնում է, որ իրադրության փոփոխման հետևանքով ամբաստանյալների անձը և նրանց կատարած արարքները դադարել են հանրության համար վտանգավոր լինելուց:
Դատարանը հաշվի առնելով հանցավորների անձը բնութագրող տվյալները, պատասխանատվությունը և պատիժը մեղմացնող հանգամանքները, ինչպես նաև պատասխանատվությունն ու պատիժը ծանրացնող հանգամանքների բացակայությունը, հանգում է այն հետևության, որ ՀՀ քրեական օրենսգրքի 48 հոդվածի 2-րդ մասով նախատեսված սոցիալական արդարության վերականգնումը և ամբաստանյալների ուղղվելը հնարավոր է պատիժը պայմանականորեն չկիրառելու, սակայն` նրանց վարքագծի նկատմամբ վերահսկողություն իրականացնելու պայմաններում:
Դատարանը գտնում է, որ ամբաստանյալների նկատմամբ որպես խափանման միջոց կիրառված հրամանատարության հսկողությանը հանձնելը պետք է վերացնել հետևյալ պատճառաբանությամբ.
ամբաստանյալ Արմեն Կարճյանը պարտադիր զինվորական ծառայության է զորակոչվել 17.06.2011թ.-ին, իսկ ամբաստանյալ Գրիգոր Գևորգյանը` 15.06.2011թ.-ին, նկատի ունենալով, որ ՀՀ զինվորական ծառայության անցնելու մասին օրենքի 4-րդ հոդվածի 4-րդ մասի 1-ին կետի համաձայն` ՙՊարտադիր զինվորական ծառայության ժամկետը սահմանվում է՝ 1) շարքային կազմի համար՝ 24 ամիս. ...........՚, իսկ ՀՀ քրեական դատավարության օրենսգրքի 134-րդ հոդվածի 3-րդ մասի համաձայն` ՙ.......Հրամանատարության հսկողությանը հանձնելը կարող է կիրառվել միայն զինծառայողի կամ զինապարտի նկատմամբ` զորահավաքներ անցնելու ժամանակահատվածում՚: Նկատի ունենալով, որ 2013թ. հունիսի 30-ին ամբաստանյալներն արդեն զորացրվել են, նրանց նկատմամբ որպես խափանման միջոց կիրառված հրամանատարության հսկողությանը հանձնելը պետք է վերացնել:
Միաժամանակ դատարանը գտնում է, որ ամբաստանյալների նկատմամբ պետք է կիրառել նոր խափանման միջոց` չհեռանալու մասին ստորագրություն, մինչև դատավճռի օրինական ուժի մեջ մտնելը:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց


Արմեն Եղիշեի Կարճյանին մեղավոր ճանաչել ՀՀ քրեական օրենսգրքի 359 հոդվածի 1-ին մասով (նախկին խմբագրությամբ) նախատեսված հանցանք կատարելու մեջ և նրան դատապարտել կալանքի մեկ (1) ամիս ժամկետով:
Կիրառել ՀՀ քրեական օրենսգրքի 70 հոդվածը և Արմեն Եղիշեի Կարճյանի նկատմամբ կալանքի ձևով նշանակված պատիժը պայմանականորեն չկիրառել, սահմանելով փորձաշրջան մեկ (1) տարի ժամկետով:
Արմեն Եղիշեի Կարճյանի նկատմամբ կիրառված խափանման միջոցը` հրամանատարության հսկողությանը հանձնելը վերացնել: Նրա նկատմամբ որպես խափանման միջոց ընտրել չհեռանալու մասին ստորագրությունը, մինչև դատավճռի օրինական ուժի մեջ մտնելը:
Արմեն Կարճյանի վարքագծի նկատմամբ վերահսկողությունը հանձնարարել ՀՀ ԱՆ քրեակատարողական վարչության նրա բնակության վայրի այլընտրանքային պատիժների կատարման բաժնին: Փորձաշրջանի սկիզբը հաշվել քրեակատարողական վարչության այլընտրանքային պատիժների կատարման բաժնում Արմեն Կարճյանին հաշվառման վերցնելու օրվանից:
Գրիգոր Սամվելի Գևորգյանին մեղավոր ճանաչել ՀՀ քրեական օրենսգրքի 359 հոդվածի 1-ին մասով (նախկին խմբագրությամբ) նախատեսված հանցանք կատարելու մեջ և նրան դատապարտել կալանքի մեկ (1) ամիս ժամկետով:
Կիրառել ՀՀ քրեական օրենսգրքի 70 հոդվածը և Գրիգոր Սամվելի Գևորգյանի նկատմամբ կալանքի ձևով նշանակված պատիժը պայմանականորեն չկիրառել, սահմանելով փորձաշրջան մեկ (1) տարի ժամկետով:
Գրիգոր Սամվելի Գևորգյանի նկատմամբ կիրառված խափանման միջոցը` հրամանատարության հսկողությանը հանձնելը վերացնել: Նրա նկատմամբ որպես խափանման միջոց ընտրել չհեռանալու մասին ստորագրությունը, մինչև դատավճռի օրինական ուժի մեջ մտնելը:
Գրիգոր Գևորգյանի վարքագծի նկատմամբ վերահսկողությունը հանձնարարել ՀՀ ԱՆ քրեակատարողական վարչության նրա բնակության վայրի այլընտրանքային պատիժների կատարման բաժնին: Փորձաշրջանի սկիզբը հաշվել քրեակատարողական վարչության այլընտրանքային պատիժների կատարման բաժնում Գրիգոր Գևորգյանին հաշվառման վերցնելու օրվանից:
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

Դատավորª ստորագրություն
Բնագրի հետ ճիշտ է
Դատավոր Լ. Ավետիսյան