ԵԱՔԴ/0081/01/13

Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը


նախագահող դատավոր` Լ.Ավետիսյան
քարտուղարությամբ` Ե.Կարապետյանի
Հ.Արտաշեսյանի
մասնակցությամբ`
մեղադրող Ն. Մարգարյանի
պաշտպաններ Լ. Սահակյանի
Ե.Վարոսյանի
Կ.Քաջազնունու
տուժողի ներկայացուցիչ Մ.Թադևոսյանի


2013 թվականի օգոստոսի 14-ին, Երևան քաղաքում, դռնբաց դատական նիստում, դատական քննության արագացված կարգով, քննեց քրեական գործն ըստ մեղադրանքի`
Ռոբերտ Սեյրանի Հարությունյանի, ծնված 1966 թվականի հունվարի 17-ին, Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին չորս անձ, նախկինում չդատված, աշխատել է ՙԳրանդ Սան՚ ՍՊԸ-ում, որպես փոխնախագահ, հաշվառված և բնակվում է ք.Երևան, Մանուշյան փողոցի թիվ 63ա տուն հասցեում, մեղադրվում է ՀՀ քրեական օրենսգրքի 214 հոդվածի 2-րդ մասով, որպես խափանման միջոց է ընտրվել չհեռանալու մասին տորագրությունը,
Նելսոն Դեմիլի Ստեփանյանի, ծնված 1949 թվականի փետրվարի 23-ին, Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին ոչ ոք, նախկինում չդատված, թոշակառու, աշխատել է ՙԳրանդ Սան՚ ՍՊԸ-ում, որպես անվտանգության պետ, հաշվառված և բնակվում է ք.Երևան, Մաշտոցի պողոտայի 3 շենքի թիվ 37 բնակարան հասցեում, մեղադրվում է ՀՀ քրեական օրենսգրքի 214 հոդվածի 2-րդ մասով, որպես խափանման միջոց է ընտրվել չհեռանալու մասին տորագրությունը,
Ռուբիկ Խաչատուրի Ղուկասյանի, ծնված 1955 թվականի հունվարի 02-ին, Թալինի շրջանի Աշնակ գյուղում, ազգությամբ հայ, ՀՀ քաղաքացի, միջնակարգ մասնագիտական կրթությամբ, ամուրի, խնամքին ոչ ոք, նախկինում չդատված, աշխատել է ՙԳրանդ Սան՚ ՍՊԸ-ում, որպես պահեստապետ, հաշվառված և բնակվում է Արագածոտնի մարզի Փարպի գյուղի Գ. Ագարյան փողոցի թիվ 10 տուն հասցեում, մեղադրվում է ՀՀ քրեական օրենսգրքի 214 հոդվածի 2-րդ մասով, որպես խափանման միջոց է ընտրվել չհեռանալու մասին տորագրությունը,

ՊԱՐԶԵՑ

1.Գործի դատավարական նախապատմությունը.
2012 թվականի հուլիսի 4-ին ՀՀ ոստիկանության ՔԳՎ ՀԿԳ քննության վարչությունում ՀՀ քրեական օրենսգրքի 179 հոդվածի 3-րդ մասի 1-ին կետով նախատեսված հանցագործության հատկանիշներով հարուցվել է թիվ 69106012 քրեական գործը:
2012 թվականի հուլիսի 4-ին Ռոբերտ Սեյրանի Հարությունյանը, Ռուբիկ Խաչատուրի Ղուկասյանը, Նելսոն Դեմիլի Ստեփանյանը ձերբակալվել են:

Նախաքննության մարմնի 2012 թվականի հուլիսի 6-ի որոշմամբ Ռոբերտ Սեյրանի Հարությունյանը ներգրավվել է որպես մեղադրյալ ՀՀ քրեական օրենսգրքի 179 հոդվածի 3-րդ մասի 1-ին կետով: Դատարանի որոշմամբ նրա նկատմամբ որպես խափանման միջոց է կիրառվել կալանավորումը:
Նախաքննության մարմնի 2012 թվականի հուլիսի 6-ի որոշումներով Նելսոն Դեմիլի Ստեփանյանը, Ռուբիկ Խաչատուրի Ղուկասյանը ազատվել են արգելանքից:
Նախաքննության մարմնի 2012 թվականի հուլիսի 6-ի որոշմամբ Ռուբիկ Խաչատուրի Ղուկասյանը ներգրավվել է որպես մեղադրյալ ՀՀ քրեական օրենսգրքի 179 հոդվածի 3-րդ մասի 1-ին կետով, նրա նկատմամբ որպես խափանման միջոց է ընտրվել չհեռանալու մասին ստորագրությունը:
Նախաքննության մարմնի 2012 թվականի հուլիսի 6-ի որոշմամբ Նելսոն Դեմիլի Ստեփանյանը ներգրավվել է որպես մեղադրյալ ՀՀ քրեական օրենսգրքի 214 հոդվածի 2-րդ մասով, նրա նկատմամբ որպես խափանման միջոց է ընտրվել չհեռանալու մասին ստորագրությունը:
Նախաքննության մարմնի 2012 թվականի օգոստոսի 3-ի որոշմամբ Նելսոն Դեմիլի Ստեփանյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 179 հոդվածի 3-րդ մասի 1-ին կետով: Դատարանի որոշմամբ նրա նկատմամբ որպես խափանման միջոց է կիրառվել կալանավորումը:
2012 թվականի դեկտեմբերի 17-ի որոշմամբ Ռոբերտ Սեյրանի Հարությունյանին առաջադրված մեղադրանքի ծավալը փոփոխվել և նրան նոր մեղադրանք է առաջադրվել ՀՀ քրեական օրենսգրքի 179 հոդվածի 3-րդ մասի 1-ին կետով:
2012 թվականի դեկտեմբերի 20-ի որոշմամբ Նելսոն Դեմիլի Ստեփանյանին առաջադրված մեղադրանքի ծավալը փոփոխվել և նրան նոր մեղադրանք է առաջադրվել ՀՀ քրեական օրենսգրքի 179 հոդվածի 3-րդ մասի 1-ին կետով:
2012 թվականի դեկտեմբերի 21-ի որոշմամբ Ռուբիկ Խաչատուրի Ղուկասյանին առաջադրված մեղադրանքի ծավալը փոփոխվել և նրան նոր մեղադրանք է առաջադրվել ՀՀ քրեական օրենսգրքի 179 հոդվածի 3-րդ մասի 1-ին կետով:
2013 թվականի մայիսի 14-ի որոշմամբ Ռոբերտ Սեյրանի Հարությունյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 214 հոդվածի 2-րդ մասով:
2013 թվականի մայիսի 14-ի որոշմամբ Նելսոն Դեմիլի Ստեփանյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 214 հոդվածի 2-րդ մասով:
2013 թվականի մայիսի 14-ի որոշմամբ Ռուբիկ Խաչատուրի Ղուկասյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 214 հոդվածի 2-րդ մասով:
ՀՀ գլխավոր դատախազության սեփականության և տնտեսական գործունեության դեմ ուղղված հանցագործությունների գործերով վարչության ավագ դատախազ Ն.մարգարյանի 2013 թվականի մայիսի 14-ի որոշումներով վերացվել է Ռոբերտ Սեյրանի Հարությունյանի, Նելսոն Դեմիլի Ստեփանյանի նկատմամբ որպես խափանման միջոց կիրառված կալանավորումը: Նրանց նկատմամբ որպես խափանման միջոց է ընտրվել չհեռանալու մասին տորագրությունը:
2013թ. մայիսի 18-ին թիվ 69106012 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

2.Գործի փաստական հանգամանքները.
Նախնական քննության մարմինն ամբաստանյալ Ռոբերտ Սեյրանի Հարությունյանին ՀՀ քրեական օրենսգրքի 214 հոդվածի 2-րդ մասով մեղադրանք է առաջադրել այն արարքի կատարման համար, որ նա 2006թ. հուլիսի 1-ին ՙԳրանդ Սան՚ ՍՊ ընկերության նախագահի հետ կնքված աշխատանքային պայմանագրի համաձայն մինչ 2012թ. հունիսի 26-ը աշխատելով ՙԳրանդ Սան՚ ՍՊ ընկերությունում որպես ընկերության փոխնախագահ, ղեկավարելով ընկերությանը պատկանող Երևան քաղաքի Թբիլիսյան 1 հասցեում գործող գործարանի աշխատանքները, իր տնօրինչական լիազորություններն օգտագործել է ՙԳրանդ Սան՚ ՍՊ ընկերության շահերին հակառակ և իր օգտին, այն է` առանց ուրիշի գույքը հափշտակելու դիտավորության, ընկերության սեփականատիրոջ համաձայնության բացակայության պայմաններում, իր նախաձեռնությամբ, առանց համապատասխան փաստաթղթային ձևակերպումների, 2006-2010թթ. ընթացքում իրացրել է ՙԳրանդ Սան՚ ՍՊ ընկերությանը պատկանող 248.400.000 ՀՀ դրամ արժողության նյութական արժեքները և ստացված միջոցները ժամանակավորապես' հետագայում ընկերության հաշվապահություն մուտքագրելու պայմանով, ներդրել է իր անձնական գործում, ինչի արդյունքում առաջացել են ծանր հետևանքներ, այն է իրացվել են ՙԳրանդ Սան՚ ՍՊ ընկերությանը պականող 248.400.000 ՀՀ դրամ արժողության նյութական արժեքները և իրացումից ստացված միջոցները չեն մուտքագրվել ընկերությունում:
Նախնական քննության մարմինն ամբաստանյալ Նելսոն Դեմիլի Ստեփանյանին ՀՀ քրեական օրենսգրքի 214 հոդվածի 2-րդ մասով մեղադրանք է առաջադրել այն արարքի կատարման համար, որ նա 2006թ. հուլիսի 1-ին ՙԳրանդ Սան՚ ՍՊ ընկերության նախագահի հետ կնքված աշխատանքային պայմանագրի համաձայն աշխատելով ՙԳրանդ Սան՚ ՍՊ ընկերությունում որպես անվտանգության գծով նախագահի օգնական` լինելով առևտրային կազմակերպության ծառայող, աշխատանքային գործունեության ընթացքում իր լիազորությունները կազմակերպության շահերին հակառակ և ՙԳրանդ Սան՚ ՍՊ ընկերության փոխնախագահ Ռոբերտ Հարությունյանի օգտին օգտագործելով, առանց համապատասխան փաստաթղթերի ստուգման, 2006-2010թթ. ընթացքում թույլ է տվել ընկերությանը պատկանող նյութական միջոցների դուրսբերումն ընկերության տարածքից, ինչի արդյունքում առաջացել են ծանր հետևանքներ, այն է` իրացվել են ՙԳրանդ Սան՚ ՍՊ ընկերությանը պականող 248.400.000 ՀՀ դրամ արժողության նյութական արժեքները և իրացումից ստացված միջոցները չեն մուտքագրվել ընկերությունում:
Նախնական քննության մարմինն ամբաստանյալ Ռուբիկ Խաչատուրի Ղուկասյանին ՀՀ քրեական օրենսգրքի 214 հոդվածի 2-րդ մասով մեղադրանք է առաջադրել այն արարքի կատարման համար, որ նա 2001թ. հունվարի 4-ին ՙԳրանդ Սան՚ ՍՊ ընկերության նախագահի պաշտոնակատարի հետ կնքված աշխատանքային պայմանագրի և թիվ 19-K հրամանի համաձայն աշխատելով ՙԳրանդ Սան՚ ՍՊ րնկերությունում որպես պահեստապետ, լինելով նյութական պատասխանատու անձ, աշխատանքային գործունեության ընթացքում իր լիազորություններն օգտագործել է կազմակերպության շահերին հակառակ և ընկերության տնօրեն Ռոբերտ Սեյրանի Հարությունյանի օգտին, այն է` տնօրեն Ռոբերտ Հարությունյանի հանձնարարությամբ, 2006-2010թթ. ընթացքում առանց համապատասխան փաստաթղթային ձևակերպումների իրականացման, թույլ է տվել ընկերությանը պատկանող՝ իր նյութական պատասխանատվության տակ գտնվող պահեստներից նյութական միջոցների դուրսբերումն ընկերության տարածքից, ինչի արդյունքում առաջացել են ծանր հետևանքներ, այն է` իրացվել են ՙԳրանդ Սան՚ ՍՊ ընկերությանը պականող 248.400.000 ՀՀ դրամ արժողության նյութական արժեքները և իրացումից ստացված միջոցները չեն մուտքագրվել ընկերությունում:

3. Արագացված դատական քննություն.
Մինչև դատաքննությունն սկսելն ամբաստանյալներ Ռոբերտ Հարությունյանը, Նելսոն Ստեփանյանը և Ռուբիկ Ղուկասյանը միջնորդեցին դատական քննությունն անցկացնել արագացված կարգով և հայտարարեցին, որ առաջադրված մեղադրանքն իրենց պարզ է, համաձայն են իրենց առաջադրված մեղադրանքին, գիտակցում են արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել են կամավոր` պաշտպանի հետ խորհրդակցելուց հետո: Միջնորդությունը հաստատեցին նաև ամբաստանյալների պաշտպաններ Լուսինե Սահակյանը, Երվանդ Վարոսյանը, Կարինե Քաջազնունին:
Մեղադրող Ն.Մարգարյանը դատական քննության արագացված կարգ կիրառելուն չի առարկել:
Տուժողի ներկայացուցիչ Մանվել Թադևոսյանը նույնպես դատական քննության արագացված կարգ կիրառելուն չառարկեց:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել դատական քննության արագացված կարգ կիրառելու մասին:

4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալներ Ռոբերտ Հարությունյանին, Նելսոն Ստեփանյանին և Ռուբիկ Ղուկասյանին առաջադրված մեղադրանքը ՀՀ քրեական օրենսգրքի 214 հոդվածի 2-րդ մասով հիմնավորված է: Նրանց կողմից կատարված արարքները համապատասխանում են ՀՀ քրեական օրենսգրքի 214 հոդվածի 2-րդ մասին և արարքների որակումը ճիշտ է:
Կատարած արարքների համար ամբաստանյալներ Ռոբերտ Հարությունյանը, Նելսոն Ստեփանյանը և Ռուբիկ Ղուկասյանը ենթակա են քրեական պատասխանատվության և պատժի:
Ամբաստանյալների նկատմամբ պատիժ նշանակելիս, դատարանը հաշվի է առնում նրանց կատարած արարքների հանրության համար վտանգավորության աստիճանը, ինչպես նաև հանցավորների անձը:
Որպես ամբաստանյալ Ռոբերտ Հարությունյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարած արարքի համար, նախկինում դատված չի եղել, նրա խնամքին են գտնվում անչափահաս երեխաները (Ռուդոլֆ Ռոբերտի Հարությունյան` ծնված 20.10.2001թ., Էլեն Ռոբերտի Հարությունյան` ծնված 30.09.1997թ., Իռեն Ռոբերտի Հարությունյան` ծնված 30.07.1995թ.), 2-րդ խմբի հաշմանդամ մայրը, ամբողջությամբ հատուցել է հանցագործությամբ պատճառված նյութական վնասը:
Ամբաստանյալ Ռոբերտ Հարությունյանի պատասխանատվությունը և պատիժը ծանրացնող հանգամանքներ չկան:
Որպես ամբաստանյալ Նելսոն Ստեփանյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարած արարքի համար, նախկինում դատված չի եղել, 2-րդ խմբի հաշմանդամ է, թոշակառու, ամբողջությամբ հատուցել է հանցագործությամբ պատճառված նյութական վնասը:
Ամբաստանյալ Նելսոն Ստեփանյանի պատասխանատվությունը և պատիժը ծանրացնող հանգամանքներ չկան:
Որպես ամբաստանյալ Ռուբիկ Ղուկասյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարած արարքի համար, նախկինում դատված չի եղել, ամբողջությամբ հատուցել է հանցագործությամբ պատճառված նյութական վնասը:
Ամբաստանյալ Ռուբիկ Ղուկասյանի պատասխանատվությունը և պատիժը ծանրացնող հանգամանքներ չկան:
Հաշվի առնելով Ռոբերտ Հարությունյանի, Նելսոն Ստեփանյանի և Ռուբիկ Ղուկասյանի կատարած արարքների հանրության համար վտանգավորության աստիճանը և բնույթը, նրանց անձը, ինչպես նաև այն, որ ՀՀ քրեական օրենսգրքի 214 հոդվածի 2-րդ մասի սանկցիայով նախատեսված է պատիժ նաև ազատազրկման ձևով, դատարանը գտնում է, որ ամբաստանյալներ Ռոբերտ Հարությունյանի, Նելսոն Ստեփանյանի և Ռուբիկ Ղուկասյանի նկատմամբ ՀՀ քրեական օրենսգրքի 214 հոդվածի 2-րդ մասով նախատեսված արարք կատարելու համար պատիժ պետք է նշանակել ազատազրկման ձևով:
ՀՀ քրեական դատավարության օրենսգրքի 3753 հոդվածի 6-րդ մասի համաձայն, դատարանը արագացված կարգով դատական քննության արդյունքում մեղադրական դատավճիռ կայացնելիս նշանակում է պատիժ, որը չի կարող գերազանցել կատարված հանցագործության համար նախատեսված առավել խիստ պատժի երկու երրորդը, իսկ եթե առավել խիստ պատժի երկու երրորդը փոքր է տվյալ հանցագործության համար նախատեսված առավել մեղմ պատժից` ապա առավել մեղմ պատիժը:
ՀՀ քրեական օրենսգրքի 214 հոդվածի 2-րդ մասի սանկցիայով նախատեսված առավել խիստ պատիժը չորս տարի ժամկետով ազատազրկումն է:
ՀՀ Ազգային ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011 թվականի մայիսի 26-ի որոշման 15-րդ կետի համաձայն, սույն որոշումը կիրառվում է այն անձանց նկատմամբ, ովքեր հանցագործություն են կատարել մինչև 2011 թվականի մայիսի 1-ը ներառյալ: Ռոբերտ Հարությունյանը, Նելսոն Ստեփանյանը և Ռուբիկ Ղուկասյանը հանրորեն վտանգավոր արարքները կատարել են 2006-2010թթ. ընթացքում:
Սույն քրեական գործով բացակայում են համաներման մասին հիշյալ որոշման 9-րդ կետում նշված այն սահմանափակումները, որոնք կարող են արգելք հանդիսանալ ամբաստանյալների նկատմամբ համաներման ակտի կիրառման համար:
Համաներման որոշման 13-րդ կետի 1-ին ենթակետի ՙա՚ պարբերության համաձայն, որոշման կատարումը վերապահվել է դատարաններին` այն անձանց նկատմամբ, որոնց վերաբերյալ գործերը գտնվում են դատարաններում, սակայն մինչև սույն որոշումն ուժի մեջ մտնելը չեն քննվել, կամ այն անձանց նկատմամբ, որոնց վերաբերյալ գործերը քննվել են, բայց դատավճիռներն օրինական ուժի մեջ չեն մտել:
Հիմք ընդունելով վերը նշվածը, դատարանը գտնում է, որ ամբաստանյալներ Ռոբերտ Հարությունյանի, Նելսոն Ստեփանյանի և Ռուբիկ Ղուկասյանի նկատմամբ կիրառելի է ՀՀ Ազգային Ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011 թվականի մայիսի 26-ի որոշումը:
Դատարանը գտնում է, որ ամբաստանյալների նկատմամբ կիրառված խափանման միջոցները պետք է թողնել անփոփոխ, մինչև դատավճռի օրինական ուժի մեջ մտնելը:
Հաշվի առնելով, որ տուժողի ներկայացուցիչ Մ.Թադևոսյանը հայտնել է, որ հանցագործությամբ պատճառված վնասն ամբողջությամբ վերականգնվել է և տուժողի ներկայացուցիչն ամբաստանյալների նկատմամբ նյութական պահանջ չունի, դատարանը գտնում է, որ քաղաքացիական հայցի հարցը պետք է համարել լուծված:
Դատարանը գտնում է, որ ՀՀ ոստիկանության ՔԳՎ ՀԿԳ քննության վարչության ՀԿԳ ավագ քննիչի 16.05.2013թ.-ի որոշմամբ ապացույց ճանաչված և քրեական գործին կցված այլ փաստաթուղթ հանդիսացող` ՙԳրանդ Սան՚ ՍՊ ընկերությունում 2006 և 2012թթ. անցկացված գույքագրման վերաբերյալ ամփոփագրերը` գ.թ հատոր 1-ին-16-84, համապատասխան գույքագրումներր իրականացնելու վերաբերյալ րնկերության նախագահի և փոխնախագահի հրամանները` գ.թ հատոր 1-ին-54, գ.թ 3-րդ հատոր-80-81, ՙԳրանդ Սան՚ ՍՊ ընկերության կանոնադրությունը` գ.թ 2-րդ հատոր-89-100, Ռոբերտ Սեյրանի Հարությունյանի վերաբերալ աշխատանքային պայմանագիրը` գ.թ հատոր 1-ին-102, Նելսոն Դեմիլի Ստեփանյանի վերաբերյալ աշխատանքային պայմանագիրը` գ.թ հատոր 1-ին-104, Ռուբիկ Խաչատուրի Ղուկասյանի վերաբերյալ թիվ 19 K հրամանը` գ.թ հատոր 1-ին-99 և լրիվ անհատական նյութական պատասխանատվության մասին պայմանագիրը` գ.թ հատոր 1-ին-107, պետք է պահել քրեական գործի հետ միասին:
Դատարանը գտնում է, որ դատական ծախսերն ամբաստանյալներից ենթակա չեն բռնագանձման, նկատի ունենալով, որ ՀՀ քրեական դատավարության օրենսգրքի 168 հոդվածի 1-ին մասի 1-ին կետով նախատեսված դատական ծախս սույն քրեական գործով չկա, իսկ 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի, ամբաստանյալից բռնագանձման ենթակա չեն:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

ՎՃՌԵՑ

Ռոբերտ Սեյրանի Հարությունյանին մեղավոր ճանաչել ՀՀ քրեական օրենսգրքի 214 հոդվածի 2-րդ մասով նախատեսված հանցանք կատարելու մեջ և նրան դատապարտել ազատազրկման երկու (2) տարի վեց (6) ամիս ժամկետով:
Կիրառել ՀՀ Ազգային Ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011 թվականի մայիսի 26-ի որոշման 1-ին կետի 1-ին ենթակետը և Ռոբերտ Սեյրանի Հարությունյանին ազատել պատժի կրումից:
Ռոբերտ Հարությունյանի նկատմամբ կիրառված խափանման միջոցը` չհեռանալու մասին ստորագրությունը, թողնել անփոփոխ, մինչև դատավճռի օրինական ուժի մեջ մտնելը:
Նելսոն Դեմիլի Ստեփանյանին մեղավոր ճանաչել ՀՀ քրեական օրենսգրքի 214 հոդվածի 2-րդ մասով նախատեսված հանցանք կատարելու մեջ և նրան դատապարտել ազատազրկման երկու (2) տարի ժամկետով:
Կիրառել ՀՀ Ազգային Ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011 թվականի մայիսի 26-ի որոշման 1-ին կետի 1-ին ենթակետը և Նելսոն Դեմիլի Ստեփանյանին ազատել պատժի կրումից:
Նելսոն Ստեփանյանի նկատմամբ կիրառված խափանման միջոցը` չհեռանալու մասին ստորագրությունը, թողնել անփոփոխ, մինչև դատավճռի օրինական ուժի մեջ մտնելը:
Ռուբիկ Խաչատուրի Ղուկասյանին մեղավոր ճանաչել ՀՀ քրեական օրենսգրքի 214 հոդվածի 2-րդ մասով նախատեսված հանցանք կատարելու մեջ և նրան դատապարտել ազատազրկման երկու (2) տարի ժամկետով:
Կիրառել ՀՀ Ազգային Ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011 թվականի մայիսի 26-ի որոշման 1-ին կետի 1-ին ենթակետը և Ռուբիկ Խաչատուրի Ղուկասյանին ազատել պատժի կրումից:
Ռուբիկ Ղուկասյանի նկատմամբ կիրառված խափանման միջոցը` չհեռանալու մասին ստորագրությունը, թողնել անփոփոխ, մինչև դատավճռի օրինական ուժի մեջ մտնելը:
Քաղաքացիական հայցի հարցը համարել լուծված:
Ապացույց ճանաչված և քրեական գործին կցված ՙԳրանդ Սան՚ ՍՊ ընկերությունում 2006 և 2012թթ. անցկացված գույքագրման վերաբերյալ ամփոփագրերը, համապատասխան գույքագրումներր իրականացնելու վերաբերյալ րնկերության նախագահի և փոխնախագահի հրամանները, ՙԳրանդ Սան՚ ՍՊ ընկերության կանոնադրությունը, Ռոբերտ Սեյրանի Հարությունյանի վերաբերալ աշխատանքային պայմանագիրը, Նելսոն Դեմիլի Ստեփանյանի վերաբերյալ աշխատանքային պայմանագիրը, Ռուբիկ Խաչատուրի Ղուկասյանի վերաբերյալ թիվ 19 K հրամանը և լրիվ անհատական նյութական պատասխանատվության մասին պայմանագիրը, պահել քրեական գործի հետ միասին:
Դատական ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից հետո մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:


Դատավոր` ստորագրություն
Բնագրի հետ ճիշտ է
Դատավոր Լ. Ավետիսյան