ԵԱՔԴ/0078/01/13

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
20.06.2013թ. ք. Երևան
Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության դատարանըª

նախագահությամբ դատավոր` Արմեն Խաչատրյանի,
քարտուղարությամբ` Իրինա Մակյանի, Մագդա Գրիգորյանի,
մասնակցությամբ մեղադրող` Ռաֆայել Խաչատրյանի,
պաշտպան` Լուսինե Մարտիրոսյանի,
Արշակ Հարությունյանի,

դատարանում, դռնբաց դատական նիստում քննեց քրեական գործն ըստ մեղադրանքի

Լիլիթ Սամվելի Միրզոյանի` ծնված 18.06.1976թ.-ին, Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին մինչև 14 տարեկան 2 երեխաները, աշխատում է ՙՄիջազգային էներգետիկ կոորպորատիվ՚ ՓԲԸ-ում, որպես անձնակազմի կառավարման դեպարտամենտի պետ, նախկինում չդատված, հաշվառված ք. Երևան, Կոմիտասի 36բ շենք, 48 բնակարան հասցեում, փաստացի բնակվում է ք. Երևան, Բաշինջաղյան 2-րդ նրբ. 12 շենք, բնակարան 48 հասցեում, մեղադրանք է առաջադրվել ՀՀ քրեական օրենսգրքի 34-153-րդ հոդվածով, որպես խափանման միջոց է կիրառվել չհեռանալու մասին ստորագրությունը,
Անահիտ Գեղամի Հարությունյանի` ծնված 31.05.1954թ.-ին, Աբովյան քաղաքում, ազգությամբ հայ, ՀՀ քաղաքացի, բարձրագույն կրթությամբ, չի աշխատում, ամուսնացած, խնամքին ոչ ոք, նախկինում չդատված, հաշվառված և բնակվում է ք. Աբովյան 3-րդ միկրոշրջան 23 շենք, բնակարան 21 հասցեում, մեղադրանք է առաջադրվել ՀՀ քրեական օրենսգրքի 38-34-153-րդ հոդվածով, որպես խափանման միջոց է կիրառվել չհեռանալու մասին ստորագրությունը:
2013 թվականի մայիսի 5-ին ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում ՀՀ քրեական օրենսգրքի 34-153-րդ հոդվածի հատկանիշներով հարուցվել է թիվ 14124113 քրեական գործը:
2013 թվականի մայիսի 11-ին Լիլիթ Սամվելի Միրզոյանը որպես մեղադրյալ է ներգրավվել ՀՀ քրեական օրենսգրքի 34-153-րդ հոդվածով նախատեսված այն արարքի կատարման համար, որ ՙնա 2013 թվականի մայիսի 5-ին Երևան քաղաքի ավագանու ընտրությունների ժամանակ` ժամը 17:00-ի սահմաններում թիվ 4/23 ընտրական տեղամասում, նույն տեղամասի հանձնաժողովի անդամ Անահիտ Գեղամի Հարությունյանից ստացել է երկու քվեաթերթիկ և երկու ծրար, որից հետո քվեարկելով երկու քվեաթերթիկներում` փորձել է քվեաթերթիկները գցել քվեատուփի մեջ, սակայն քվեատուփի մոտ կանգնած հանձնաժողովի անդամը հայտնաբերել է կրկնակի քվեարկման հանգամանքը և Լիլիթ Միրզոյանը իր կամքից անկախ հանգամանքներով հանցագործությունը ավարտին չի հասցրել՚:
2013 թվականի մայիսի 14-ին Անահիտ Գեղամի Հարությունյանը որպես մեղադրյալ է ներգրավվել ՀՀ քրեական օրենսգրքի 38-34-153-րդ հոդվածով նախատեսված այն արարքի կատարման համար, որ ՙնա 2013 թվականի մայիսի 5-ին Երևան քաղաքի ավագանու ընտրությունների ժամանակ` հանդիսանալով թիվ 4/23 ընտրական տեղամասի հանձնաժողովի անդամ, նախապես կատարված վիճակահանության համաձայն ժամը 16:00-ից 18:00-ն ընկած ժամանակահատվածում ընտրությանը մասնակցող քաղաքացիներին սահմանված կարգի համաձայն տրամադրել է քվեաթերթիկներ: Ժամը 17:00-ի սահմաններում ընտրության մասնակից Երևան քաղաքի Կոմիտաս 36բ շենքի 48 բնակարանի բնակչուհի Լիլիթ Սամվելի Միրզոյանին տվել է երկու քվեաթերթիկ և երկու ծրար` Լ. Միրզոյանին օժանդակելով մեկից ավելի անգամ քվեարկելուն, սակայն քվեատուփի մոտ կանգնած հանձնաժողովի անդամը հայտնաբերել է կրկնակի քվեարկման հանգամանքը և Լիլիթ Միրզոյանը իր կամքից անկախ հանգամանքներով հանցագործությունը ավարտին չի հասցրել՚:
2013 թվականի մայիսի 17-ին թիվ 14124113 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան` ըստ էության քննելու համար:
Դատաքննությամբ և գործով ձեռք բերված ապացույցներով դատարանը պարզեց հետևյալը.
2013 թվականի մայիսի 5-ին Երևան քաղաքի ավագանու ընտրությունների ժամանակ` Անահիտ Հարությունյանը հանդիսանալով թիվ 4/23 ընտրական տեղամասի հանձնաժողովի անդամ, նախապես կատարված վիճակահանության համաձայն ժամը 16:00-ից 18:00-ն ընկած ժամանակահատվածում ընտրությանը մասնակցող քաղաքացիներին սահմանված կարգի համաձայն տրամադրել է քվեաթերթիկներ: Ժամը 17:00-ի սահմաններում ընտրության մասնակից Երևան քաղաքի Կոմիտաս 36բ շենքի 48 բնակարանի բնակչուհի Լիլիթ Սամվելի Միրզոյանին մեկից ավելի անգամ քվեարկելուն օժանդակելու նպատակով նրան է տվել երկու քվեաթերթիկ և երկու ծրար: Որից հետո Լ. Միզոյանը Ա. Հարությունյանից ստացած 2 քվեաթերթիկներում քվեարկելով Բարգավաճ Հայաստան կուսակցության օգտին, փորձել է քվեաթերթիկները գցել քվեատուփի մեջ, սակայն քվեատուփի մոտ կանգնած հանձնաժողովի անդամը հայտնաբերել է կրկնակի քվեարկման հանգամանքը և Լիլիթ Միրզոյանն իր կամքից անկախ հանգամանքներով չի կարողացել հանցագործությունն ավարտի հասցնել:
Այսպես.
Առաջադրված մեղադրանքում ամբաստանյալ Լիլիթ Միրզոյանն իրեն մեղավոր չճանաչեց և ցուցմունք տվեց այն մասին, որ հաշվառված է ք. Երևան Կոմիտաս 36բ շենք, 42 բնակարան հասցեում: 2013 թվականի մայիսի 5-ին իր երեխայի հետ գնացել է թիվ համար 129 դպրոցում տեղակայված թիվ 4/23 ընտրական տեղամաս Երևանի քաղաքապետի և ավագանու ընտրւթյուններին մասնակցելու: Երբ մտել է ընտրատարածք, առաջինը մոտեցել է հանձնաժողովի անդամներից մի տղամարդու, որին ներկայացրեցրել է անձնագիրը նա մատյանի մեջ նշում անելուց հետո իր անձնագիրը փոխանցել է հանձնաժողովի մեկ այլ անդամի, ինչպես հետո պարզվեց Անահիտ Հարությունյանին: Երբ մոտեցել է, արդեն իր անձնագրի մեջ ծրարներն ու թերթիկները դրված են եղել: Անահիտից վերցնելով անձնագիրը, միանգամից մոտեցել է քվեախուց, որտեղ տեսել է, որ անձնագրի մեջ կա 2 ծրար և 2 քվեաթերթիկ: Մտածելով, որ կարգն այդպես է և պետք է մի քվեաթերթիկում քվեարկի ավագանու, մյուսում` քաղաքապետի համար, այդպես երկու քվեաթերթիկում քվեարկել է ՙԲՀԿ՚-ի օգտին և ծրարները ամեն մի ձեռքում բացահայտ բռնած մոտեցել է քվեատուփի մոտ նստած հանձնաժողովի անդամին, ով ինչպես հետագայում պարզվել է Նաիրա Գևորգյանն է: Նրան է տվել մի ծրարը, որը վերջինս կնքել է, որից հետո հարցրել է, թե մյուս ծրարը, որ քվեատուփի մեջ պետք է գցի: Այդ ժամանակ Նաիրա Գևորգյանն հարցրել է, թե ինչու է իր մոտ երկու ծրար, ինչին ինքը պատասխանել է, որ երկու ծրարը և երկու քվեաթերթիկներն իրեն տվել է հանձնաժողովի անդամը` մատնացույց անելով Անահիտ Հարությունյանին: Այնուհետև իրեն է մոտեցել Նարեկ Գրիգորյանը ու վերցրել ծրարները և նորից հարցրել, թե ինչու է իր մոտ 2 ծրար, ինքը կրկին պատասխանել է, որ իրեն հանձնաժողովի անդամնն է տվել: Դրանից հետո իրեն է վերադարձրել ծրարները ու ասել, որպեսզի մոտենա հանձնաժողովի նախագահին` այդ ամենը պարզելու համար: Երբ մոտեցել են Անահիտ Հարությունյանին ու ինքն ասել է, որ նա է տվել իրեն 2 քվեաթերթիկներով ծրարնեը, վերջինս ժխտել է դա: Այդ ժամանակ աղմուկ է բարձրացել, որից շփոթված ինքը երեխայի հետ դուրս է եկել ընտրատեղամասից: Ա. Հարությունյանին նախկինում չի ճանաչել և անգամ տեղյակ չի եղել, որ վերջինս հանդիսանում է Բարգաված Հայաստան կուսակցության անդամ: Ինքը 2 քվեաթերթիկում Բարգավաճ Հայաստան կուսակցության օգտին է ընտրել, քանի որ մյուս կուսակցություններին չի ճանաչել: Չի կարողանում բացատրել թե ինչպես ամբողջությամբ նույնական քվեաթերթիկներով քվեաթերթիկներով պետք է քվեարկեր քաղաքապետի և ավագանու թեկնածուների օգտին, երբ ընտրությունները ավագանուն էին վերաբերվում:
Առաջադրված մեղադրանքում ամբաստանյալ Անահիտ Հարությունյանն իրեն մեղավոր չճանաչեց և ցուցմունք տվեց այն մասին, որ հանդիսանում է Բարգավաճ Հայաստան կուսակցության անդամ: 05.05.2013թ.-ին տեղի ունեցած Երևանի ավագանու ընտրությունների ժամանակ եղել է 4/23 ընտրատեղամասի հանձնաժողովի անդամ: Կատարված վիճակահանության համաձայն ժամը 16:00-ից 18:00-ն ինքը ընտրողներին տվել է քվեաթերթիկներ ու ծրարներ` ստուգելով անձնագրերը: Այդ ժամանակահատվածում քվեատութի մոտ հանկարծ աղմուկ է բարձրացել, քանի որ մի կին փորձել է քվեատուփի մեջ գցել երկու ծրար: Դրանից հետո հանձնաժողովի անդամներն այդ կնոջը` ով ինչպես հետագայում պարզվել է հանդիսանում է Լիլիթ Միրզոյանը, հարցրել են, թե ինչպես է նրա մոտ հայտնվել երկու ծրար: Լ. Միրզոյանը պատասխանել է, որ 2 ծրարը և 2 քցեաթերթիկը ինքն է տվել: Նախաքննության ընթացքում կտրականապես ժխտել է, որ քվեաթերթիկով այդ 2 ծրարները ինքն է տվել Լ. Միրզոյանին, քանի որ չէր կարողանալու հանձնաժողովի անդամներին և միուսներին բացատրել, որ դա դիտավորյալ չի արել: Դատարանում լսելով բոլորի ցուցմունքները հնարավոր է համարում, որ այդ ծրարները ինքը տված լինի, քանի որ այդ օրն իր աշխատանքը շատ ծանրաբեռնված է եղել ու հոգնածության և լարվածության պատճառով միգուցե ոչ դիտավորյալ Լ. Միրզոյանին տվել է 2-ական ծրար և քվեաթերթիկ:
Ամբաստանյալներ Լիլիթ Միրզոյանի և Անահիտ Հարությունյանի կողմից ըստ էության մեղքը չընդունելը նպատակ է հետապնդում խուսափելու պատասխանատվությունից: Լիլիթ Միրզոյանի կողմից ՀՀ քրեական օրենսգրքի 34-153-րդ հոդվածով, իսկ Անահիտ Հարությունյանի կողմից ՀՀ քրեական օրենսգրքի 38-34-153-րդ հոդվածով մեղսագրված հանցանքի կատարումը հիմնավորվել է հետևյալ ապացույցներով.
Վկա Աշոտ Պրազյանի ցուցմունքով այն մասին, որ 05.05.2013թ.-ին տեղի ունեցած Երևանի ավագանու ընտրությունների ժամանակ Հանրապետական կուսակցության ղեկավարության կողմից նշանակվել է Հ. Քոչար 29 հասցեում գտնվող 4/23 ընտրատեղամասի հանձնաժողովի նախագահ: Ընտրատեղամասը բացվել է առավոտյան ժամը 08:00-ին, որից հետո ամբողջ ընթաքցում գտնվել է տեղամասում և վերահսկել աշխատանքը: Ժամը 17:00-ի սահմանններում ինքը մի պահ բացակայել է քվեարկության սենյակից և այդ ընթացքում լսել է աղմուկ, անմիջապես վերադարձել է քվեարկության սեյակ և փորձել է պարզել, թե ինչ է կատարվել: Քվեատուփի մոտ գտնվող վստահված անձինք իրեն ասել են, որ ընտրողը, ով հետագայում պարզվել է, որ հանդիսանում է Երևան քաղաքի Կոմիտաս 36բ շենքի 42 բնակարանի բնակչուհի Լիլիթ Միրզոյանը, քվեաթերթիկով երկու ծրարը փորձել է գցել քվեատուփի մեջ, սակայն իրենք նկատել են այդ և թույլ չեն տվել: Ինքը հարցրել է Լիլիթ Միրզոյանին, թե իրեն ով է տվել քվեաթերթիկով այդ երկու ծրարները և վերջինս, մատնացույց անելով հանձնաժողովի անդամ Անահիտ Հարությունյանին, ասել է, որ նա է տվել իրեն քվեաթերթիկով այդ երկու ծրարները: Ինչը Անահիտ Հարությունյանը ժխտել է` ասելով, որ ինքը Լ. Միրզոյանին երկու ծրար և երկու քվեաթերթիկ չի տվել, այդ ամենը դիտավորյալ են կազմակերպել: Վիճաբանությունը սկսել է թեժանալ, որից հետո Լ. Միրզոյանը ծրարները շպրտել է սեղանին և հեռացել է ընտրատեղամասից: Այդ ժամանակ ինքը դիմել է տեղամասում գտնվող հերթապահ ոստիկանների օգնությանը, որից հետո ժամանել են ոստիկանության Արաբկիրի բաժնի աշխատակիցները և ինքը տվել է համապատասխան հաղորդում:
Վկա Նարինե Խանամիրյանի ցուցմունքով այն մասին, որ 05.05.2013թ.-ին տեղի ունեցած Երևանի ավագանու ընտրությունների ժամանակ ԸԸՀ-ի կողմից նշանակվել է Հ. Քոչար 29 հասցեում գտնվող 4/23 ընտրատեղամասի հանձնաժողովի անդամ: Ընտրատեղամասը բացվել է առավոտյան ժամը 08:00-ին և մինչև ժամը 17:00-ն ամեն ինչ նորմալ է ընթացել: Ժամը 16:00-ից մինչև 18:00-ը ըստ վիճակահանության իր ազատ ժամն է եղել և ինքը գտնվել է տեղամասում` ընտրասենյակում և հետևել աշխատանքին: Ժամը 17:00-ի սահմաններում քվեատուփի մոտից լսել է Հանրապետական կուսակցության վստահված անձ Նարեկ Գրիգորյանի և ՙԲարև Երևան՚ խմբակցության վստահված անձ Արթուր Ղազարյանի վիճաբանության ձայները: Մոտեցել է նրանց և տեսել, որ ընտրող մի կնոջ ձեռքում, որը հետագայում պարզվեց հանդիսանում է Երևան քաղաքի Կոմիտաս 36բ շենքի 48 բնակարանի բնակիչ Լիլիթ Միրզոյանը, կա երկու ծրար: Վստահված անձանցից Արթուր Ղազարյանն ասել է, որ այդ անձանավորությունը` Լ. Միրզոյանը փորձել է 2 ծրարները գցել քվեատուփի մեջ: Սկսվել է վիճաբանություն, ծրարները բացել են ու տեսել են, որ երկու ծրարում էլ առկա են քվեաթերթիկներ, որոնք երկուսն էլ ԲՀԿ-ի օգտին են քվեարկված եղել: Երկու քվեաթերթիկների վրա առկա են եղել իրենց տեղամասի հանձնաժողովի անդամների ստորագրությունները: Ծրարներից մեկը կնքված է եղել, իսկ մյուսը` ոչ: Լ. Միրզոյանը հայտնել է, որ իր իմանալով ինչպես նախագահական ընտրության դեպքում, այս դեպքում ևս ինքը երկու ծրարով պետք է քվեարկի: Երբ Լ. Միրզոյանին հարցրել է, թե ով է իրեն տվել այդ ծրարները, վերջինս մատնացույց է արել ԲՀԿ անդամ Անահիտ Հարությունյանին, ով հրաժարվել է ու հայտնել, որ ինքը Լ. Միրզոյանին չի տվել 2 ծրար: Վիճաբանության ընթացքում ներս է մտել հանձնաժողովի նախագահ Աշոտ Պրազյանը, ով այդ պահին դուրս էր եկել քվեարկության սրահից, կանչել են ոստիկանություն: Այդ ժամանակ Լ. Միրզոյանը ծրարները շպրտել է և արագ հեռացել տեղամասից: Ինքը դուրս է եկել նրա հետևից և փորձել է կանգնեցնել Լ. Միրզոյանին, այնուհետև նրանից պահանջել է անձնագիրը և ճշտել, որ վերջինս ք. Երևան, Կոմիտաս 36բ շենքի բնակիչ է, որից հետո Լ. Միրզոյանը հեռացել է:
Վկա Նարեկ Գրիգորյանի նախաքննության ընթացքում տված ցուցմունքով այն մասին, որ 05.05.2013թ.-ին տեղի ունեցած Երևանի ավագանու ընտրությունների ժամանակ Հ. Քոչար 29 հասցեում գտնվող 4/23 ընտրատեղամասում ՙՏնտեսական և սոցիալական իրավունքների՚ կենտրոնի կողմից հանդես է եկել որպես տեղական դիտորդ: Ժամը 17:00-ի սահմաններում գտնվել է քվեատուփի մոտ: Այդ ժամանակ նկատել է, որ ընտրության մասնակից մի կնոջ մոտ, որը հետագայում պարզվել է, որ հանդիսանում է Լիլիթ Միրզոյանը, կա երկու ծրար, որոնցից մեկը ներկայացրել է հանձնաժողովի անդամ Նաիրա Գևորգյանին, որը վերջինս կնքել է, իսկ երկրորդը գտնվում է ձեռքում: Ինքը անմիջապես մոտեցել է Լ. Միրզոյանին և վերջինս չի հասցրել երկրորդ ծրարը ներկայացնել կնիքման: Իր և Ն. Գևորգյանի հարցին, թե որտեղից երկու ծրար, Լ. Միրզոյանը մատնացույց է արել այդ պահին քվեաթերթիկ բաժանող հանձնաժողովի անդամ Անահիտ Հարությունյանին և հայտարարել, որ վերջինս է իրեն տվել երկու ծրար և երկու քվեաթերթիկ, որից հետո աղմուկ է բարձրացել:
Վկա Նաիրա Գևորգյանի ցուցմուքնով այն մասին, որ 05.05.2013թ. տեղի ունեցած Երևանի ավագանու ընտրությունների ժամանակ ՙԲՀԿ՚ կուսակցության ղեկավարության կողմից նշանակվել է Հ. Քոչար 29 հասցեում գտնվող 4/23 ընտրատեղամասի հանձնաժողովի անդամ: Առավոտյան կատարված վիճակահանության համաձայն ժամը 16:00-ից 18:00-ն ինքը գտնվել է քվեատուփի մոտ և ԿԸՀ կնիքով կնիքել է քվեարկությանը մասնակցող քաղաքացիների ներկայացրած ծրարները, որից հետո քաղաքացին ծրարը գցել է քվեատուփի մեջ: Ժամը 17:00-ի սահմաններում քվեատուփին է մոտեցել մի կին, ով հետագայում պարզվել է, որ հանդիսանում է Լիլիթ Միրզոյանը, ում ամեն մի ձեռքում եղել է մեկական ծրար: Ինքը մտածելով, որ երկու ընտրող են ու երկրորդ ծրարը պատկանում է մյուս ընտրողին, կնիքել է Լ. Միրզոյանի ներկայացրած մեկ ծրարը, որից հետո հարցրել է, թե ուր է մյուս ընտրողը և ինչու է նրա ձեռքին երկու ծրար, ինչին Լ. Միրզոյանը պատասխանել է, որ ինքը մենակ է և իրեն քվեարկության համար տվել են երկու ծրար: Հետագայում, երբ ինքն ասել է, որ պետք է միայն մեկ ծրար գցի քվեատուփի մեջ, վերջինս փորձել է երկրորդ ծրարն իր հետ տանել: Երբ հարցրել է, թե իրեն ով է տվել երկու ծրարները, Լ. Միրզոյանը պատասխանել է, որ հանձնաժողովի անդամը` մատնացույց անելով ՙԲՀԿ՚ կուսակցության ներկայացուցիչ Անահիտ Հարությունյանին, ով իրեն տվել է երկու ծրար և երկու քվեաթերթիկ: Այդ ամենը պարզելու համար Լ. Միրզոյանի ասել է, որպեսզի դիմի հանձնաժողովի նախագահին, որից հետո բարձր աղմուկ է բարձրացրել և այլևս ոչինչ չի լսել: Իրեն ներկայացրած քվեաթերթիկների վրա առկա երեք ստորագրություններից մեկը իր ստորագրությունն է և կատարվել է իր կողմից: Երկու քվեաթերթիկներն էլ տրամադրվել են թիվ 4/23 ընտրական տեղամասից:
Վկա Արմինե Պետրոսյանի ցուցմունքով այն մասին, որ 05.05.2013թ.-ին տեղի ունեցած Երևանի ավագանու ընտրությունների ժամանակ ՙՀԱԿ՚ կուսակցության ղեկավարության կողմից նշանակվել է Հ. Քոչար 29 հասցեում գտնվող 4/23 ընտրատեղամասի հանձնաժողովի անդամ: Ամբաստանյալ Անահիտ Հարությունյանին ճանաչում է որպես հանձնաժողովի անդամ: Այդ օրը ժամը 17:00-ի սահմաններում ինքը քվեարկության սրահում չի գտնվել, գտնվել է հանգստի սենյակում և լսել է աղմուկ, սակայն չի իմացել դրա պատճառը: Հետագայում Անահիտից իմացել է, որ մի կնոջ ձեռքին եղել է քվեարկած քվեաթերթրիկով 2 ծրար, որոնք վերջինս ցանկացել է գցել քվեատուփի մեջ: Անահիտը հայտնել է նաև, որ այդ քվեաթերթիկով ծրարները ինքն է տվել այդ կնոջը: Հետագայում ոստիկանությունում իրեն ցույց են տվել քվեաթերթիկները, որորնց վրա առկա երեք ստորագրություններից մեջտեղինը եղել է իրենը, քանի որ որպես անձնաժողովի անդամ ինքը ևս ստորագրել է քվեաթերթիկների վրա: Կրկնակի քվեարկություն կատարել ցանկացող այդ կնոջը ինքը չի տեսել և չի ճանաչում:
Վկա Սահակ Շիրոյանի նախաքննության ընթացքում տված ցուցմունքով այն մասին, որ 05.05.2013թ.-ին տեղի ունեցած Երևանի ավագանու ընտրությունների ժամանակ ՙԲարև Երևան՚ դաշինքի ղեկավարության կողմից նշանակվել է Հ. Քոչար 29 հասցեում գտնվող 4/23 ընտրատեղամասի հանձնաժողովի անդամ: Այդ օրը, ամբողջ ընթացքում գտնվել է տեղամասում և ժամը 17:00-ի սահմաններում, ըստ վիճակահանության արդյուքների, գտնվել է սեղանի մոտ և ընտրողներին է տվել քվեաթերթիկներ: Իր սեղանից բավականին հեռու գտնվել է ևս մեկ սեղան, որի մոտ նստած հանձնաժողովի անդամը ևս ընտրողներին տվել է քվեաթերթիկներ: Զբաղված լինելով իր աշխատաքով` որևէ աղմուկ, վիճաբանություն չի լսել կամ տեսել: Ինչ վերաբերում է Երևան քաղաքի Կոմիտաս 36բ շենքի 42 բնակարանի բնակչուհի Լիլիթ Միրզոյանից առգրավված երկու քվեաթերթիկների վրա առկա երեք ստորագրություններին, ապա դրանցից 3-րդը իր ստորագրությունն է, քանի որ մինչև ընտրությունները սկսելը ըստ վիճակահանության ըտրված հանձնաժողովի երեք անդամները, որոնցից մեկը հանդիսացել է ինքը, ստորագրել են բոլոր քվեաթերթիկների վրա:
Վկա Ջենո Պարսանյան Հաջի Աբադին դատաքննության ընթացքում ցուցմունքով այն մասին, որ 05.05.2013թ. տեղի ունեցած Երևանի ավագանու ընտրությունների ժամանակ ՙԴաշնակցություն՚ կուսակցության ղեկավարության կողմից նշանակվել է Հ. Քոչար 29 հասցեում գտնվող 4/23 ընտրատեղամասի հանձնաժողովի քարտուղար: Ամբաստանյալ Անահիտ Հարությունյանի հետ ծանոթացել է այդ օրը: Տվյալ օրը, ինքն զբաղված լինելով իր աշխատանքով` կոնկրետ ժամը չի հիշում, լսել է միայն, որ Անահիտ Հարությունյանն ասում է ՙես չեմ եղել, ես չեմ տվել՚: Ինքը հարցրել է Ա. Հարությունյանին, թե ինչի մասին է խոսքը և վերջինս պատասխանել է, որ ՙինքը չի տվել ծրարները, իր գլխին սարքում են՚: Դրանից հետո սկսել է հանգստացնել Անահիտ Հարությունյանին, որից հետո շարունակել է զբաղվել իր աշխատանքով: Դրանից ավելին ոչինչ չի տեսել ու չի իմացել: Տեսել է, որ քիչ անց ժամանել են ոստիկանության աշխատակիցները, սակայն չի իմացել, թե ինչն է պատճառը: Հետագայում իմացել է, որ Անահիտ Հարությունյանը 2 ծրար է տվել ընտրողին, իսկ թե ում` ինքը չի տեսել: Լիլիթ Միրզոյանին չի ճանաչում և նրան առաջին անգամ տեսել է ոստիկանությունում: Դատարանում տված ցուցմունքները ճշմարիտ են, ինքը լավ չի տիրապետում հայերեն գրավոր լեզվին ուստի ուշադիր չի եղել, թե ինչպես է քննիչն իր հայտնածը արձանագրել:
Վկա Ջենո Պարսանյան Հաջի Աբադին նախաքննության ընթացքում ցուցմունք է տվել այն մասին, որ 05.05.2013թ. տեղի ունեցած Երևանի ավագանու ընտրությունների ժամանակ ՙԴաշնակցություն՚ կուսակցության ղեկավարության կողմից նշանակվել է Հ. Քոչար 29 հասցեում գտնվող 4/23 ընտրատեղամասի հանձնաժողովի քարտուղար: Ժամը 17:00-ի սահմաններում հանկարծակի աղմուկ է բարձրացել, քանի որ մի կին, ով ինչպես հետագայում պարզվել է, հանդիսանում է Լիլիթ Միրզոյանը, փորձել է երկու ծրար գցել քվեատուփի մեջ: Լ. Միրզոյանը ասել է, որ երկու քվեաթերթիկ և երկու ծրար իրեն տվել է հանձնաժողովի անդամը` մատնացույց անելով ՙԲՀԿ՚ կուսակցության ներկայացուցիչ Անահիտ Հարությունյանին և մտածելով, որ մեկ քվեաթերթիկում պետք է ընտրի կուսակցությանը, իսկ մյուսում` քաղաքապետին, այդ պատճառով երկու քվեաթերթիկում էլ կատարել է նշում: Դրան ի պատասխան Ա. Հարությունյանը ասել է, որ ինքը բոլոր քաղաքացիներին տվել է մեկ ծրար և մեկ քվեաթերթիկ:
Նկատի ունենալով, որ վկան հաստատապես նշել է, թե իր դատաքննական ցուցմունքներն են ճշմարիտ, ուստի դատարանը հավաստի է համարում դրանք:
Վկա Արթուր Ղազարյանի ցուցմունքով այն մասին, որ ամբաստանյալներին տեսել է 05.05.2013թ.-ի Երևանի ավագանու ընտրությունների օրը: Այդ օրը` 05.05.2013թ.-ին տեղի ունեցած Երևանի ավագանու ընտրությունների ժամանակ Հ. Քոչար 29 հասցեում գտնվող 4/23 ընտրատեղամասում ինքը հանդես է եկել որպես վստահված անձ: Ժամը մոտ 07:30-ից մինչև քվեաթերթիկների հաշվարկի ավարտը գտնվել է այդ ընտրատեղամասում: Հանդիսանալով վստահված անձ` ունեցել է իրավունք կատարել նկարահանումներ և այդ օրվա ընթացքում իր անձնական հեռախոսով իրականացրել է վիդեո և ֆոտո նկարահանումներ: Ժամը 17:00-ի սահմաններում գտնվել է քվեատուփի մոտ, որտեղ իր հետ միասին նստած են եղել նաև հանձնաժողովի մեկ անդամ` Նառա կամ Նաիրա անունով և մեկ դիտորդ` ում անունը չի հիշում: Հերթով մոտեցել են ընտրողներ և քվեատուփի մեջ գցել ծրարը, մոտեցել է նաև Լիլիթ Միրզոյանը, ում ձեռքին եղել է 2 ծրար: Լ. Միրզոյանի ձեռքի 2 ծրարները սկզբում նկատել է դիտորդը, այնուհետև կանչել են հանձնաժողովի նախագահին: Ինքը վիդեո տարբերակով նկարահանել է հանձնաժողովի նախագահի մոտենալն ու Լիլիթ Միրզոյանի ընտրատեղամասից դուրս գալու պահը:
Թիվ 4/23 ընտրական տեղամասի տեղամասային ընտրական հանձնաժողովի գրանցամատյանը զննելու մասին արձանագրությամբ, համաձայն որի թիվ 4/23 ընտրական տեղամասում հանձնաժողովի անդամ Անահիտ Գեղամի Հարությունյանը կատարված վիճակահանության համաձայն ժամը 16:00-ից 18:00-ն ընկած ժամանակահատվածում ընտրող քաղաքացիներին տրամադրել է քվեաթերթիկներ:
Ոստիկանության Արաբկիրի բաժնից ստացված ձայնասկավառակի զննությամբ, համաձայն որի թիվ 4/23 ընտրական տեղամասի հանձնաժողովի անդամ Նարեկ Ռուբենի Գրիգորյանը հարցազրույցի ժամանակ հայտարարում է, որ նույն տեղամասի քվեատուփի մոտ 05.05.2013թ.-ի ժամը 17:00-ի սահմաններում մի կնոջ մոտ հայտնաբերել է 2 ծրար և 2 քվեաթերթիկ:
Ապացույց ճանաչված այլ փաստաթուղթ հանդիսացող Լ. Միրզոյանի մոտ հայտնաբերված և Ա. Պրազյանի կողմից ներկայացված երկու քվեաթերթիկներով, երկու ծրարներով և ոստիկանության Արաբկիրի բաժնից ստացված ձայնասկավառակով:
Վերլուծելով և գնահատելով դատական քննության ժամանակ հետազոտված ապացույցներն իրենց համակցության մեջ` դատարանը ձեռք բերված ապացույցները բավարար է գտնում և գործի փաստական հանգամանքներով հաստատված է համարում, որ ամբաստանյալ Լիլիթ Միրզոյանը կատարել է հանցավոր արարք, որը համապատասխանում է ՀՀ քրեական օրենսգրքի 34-153-րդ հոդվածի հատկանիշներին, իսկ ամբաստանյալ Անահիտ Հարությունյանը կատարել է հանցավոր արարք, որը համապատասխանում է ՀՀ քրեական օրենսգրքի 38-34-153-րդ հոդվածի հատկանիշներին որով էլ նա ենթակա է քրեական պատասխանատվության:
Ամբաստանյալների նկատմամբ պատիժ նշանակելիս դատարանը հաշվի է առնում ինչպես կատարած հանցագործության բնույթն ու հանրության համար վտանգավորության աստիճանը, այնպես էլ ամբաստանյալների անձը բնութագրող տվյալները` այն, որ ամբաստանյալները կանայք են, նախկինում դատաված և արատավորված չեն եղել, իսկ Լիլիթ Միրզոյանը հարևանների կողմից բնութագրվում է դրականոեն:
Որպես ամբաստանյալ Լիլիթ Միրզոյանի պատասխանատվությունը և պատիժը մեղմացնող հանգամանք դատարանը դիտում է այն, որ պատիժ նշանակելու պահին նրա խնամքի տակ են գտնվում մինչև 14 տարեկան 2 երեխանները /ծնված 31.05.2001թ.-ին և 15.11.2006թ.-ին/:
Որպես ամբաստանյալ Լիլիթ Միրզոյանի պատասխանատվությունը և պատիժը ծանրացնող հանգամանք դատարանը չի հայտնաբերել:
Որպես ամբաստանյալ Անահիտ Հարությունյանի պատասխանատվությունը և պատիժը մեղմացնող, ինչպես նաև ծանրացնող հանգամանքներ դատարանը չի հայտնաբերել:
Դատարանը գտնում է, որ ամբաստանյալներ Լիլիթ Միզոյանն ու Անահիտ Հարությունյանն իրենց կատարած հանցանքի համար ենթակա են պատժի, որը պետք է կրեն, իսկ նրանց նկատմամբ որպես խափանման միջոց կիրառված չհեռանալու մասին ստորագրությունը պետք է թողնել անփոփոխ` մինչև դատավճռի օրինական ուժի մեջ մտնելը:
Ղեկավարվելով ՀՀ քրեական օրենսգրքի 65-րդ հոդվածով, ՀՀ քրեական դատավարության օրենսգրքի 357-360-րդ, 365-րդ, 369-373-րդ հոդվածներով` դատարանը

Վ Ճ Ռ Ե Ց

Ամբաստանյալ Լիլիթ Սամվելի Միրզոյանին մեղավոր ճանաչել ՀՀ քրեական օրենսգրքի 34-153-րդ հոդվածով նախատեսված հանցանք կատարելու մեջ և նրան դատապարտել տուգանքի` նվազագույն աշխատավարձի հինգհարյուրապատիկի` 500.000 /հինգ հարյուր հազար/ ՀՀ դրամի չափով:
Լիլիթ Միրզոյանի նկատմամբ որպես խափանման միջոց կիրառված չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը:
Ամբաստանյալ Անահիտ Գեղամի Հարությունյանին մեղավոր ճանաչել ՀՀ քրեական օրենսգրքի 38-34-153-րդ հոդվածով նախատեսված հանցանք կատարելու մեջ և նրան դատապարտել տուգանքի` նվազագույն աշխատավարձի հինգհարյուրապատիկի` 500.000 /հինգ հարյուր հազար/ ՀՀ դրամի չափով:
Անահիտ Հարությունյանի նկատմամբ որպես խափանման միջոց կիրառված չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ քրեական վերաքննիչ դատարան հրապարակվելու օրվանից հետո մեկամսյա ժամկետում:

դատավոր` ստորագրություն
Բնագրի հետ ճիշտ է`
դատավոր` Ա. Խաչատրյան